གསུམ་པ་བླ་མའི་སྤྱན་སྔར་གཞན་གྱི་བསྙེན་བཀུར་བདག་ཏུ་མི་བྱ་བ།
གསུམ་པ་བླ་མའི་སྤྱན་སྔར་གཞན་གྱི་བསྙེན་བཀུར་བདག་ཏུ་མི་བྱ་བ་ནི།
བླ་མའི་སློབ་མ་སློབ་མར་མིན། །སློབ་མའང་བླ་མའི་མདུན་དུ་མིན། །བསྙེན་བཀུར་དག་དང་ལྡང་བ་དང༌། །ཕྱག་སོགས་བྱེད་པ་བཟློག་པར་བྱ། །ཞེས་བླ༷་མ༷ས་སློ༷བ་མ༷་བཀའ་མ་གནང་བར་རང་གི་སློ༷བ་མ༷ར་བྱ་བ་མི༷ན་ཞིང་རང་གི་སློབ་མ་ལའང་བླ་མའི་མདུན་དུ་ཆོས་སྟོན་པ་སོགས་མིན་ཞིང༌། སློབ་མ་རྣམས་ཀྱིས་རང་གི་སློབ་དཔོན་ལ་བླ་མའི་མདུན་དུ་གདན་སྟོབས་སོགས་བསྙེ༷ན་བཀུ༷ར་བའི་རིགས་ད༷ག་བྱ་བ་ད༷ང༌། ལྡ༷ང་བ༷་བྱེད་པ་ད༷ང༌། ཕྱ༷ག་ལ་སོ༷གས་པ་བྱེ༷ད་པ༷་ལ། སློབ་དཔོན་དུ་གྱུར་པ་དེས་མ་བྱེད་ཅིག་ཅེས་བཟློ༷ག་པ༷ར་བྱ༷་ཞིང༌། སློབ་མ་ཁོ་རང་གི་ངོས་ནས་ནི་བྱེད་དགོས་ཤིང༌། བཟློག་ནས་མ་བྱས་པ་ནི་མཛེས་ཤིང་ཉེས་པ་མེད་དོ།།