དྲི་བ་གསུམ་པའི་དྲིས་ལན།
དྲི་བ་གསུམ་པའི་དྲིས་ལན།དྲི་བ་གསུམ་པ་ནི། རིགས་ལྡན་དུག་དང་ཀླུ་ཡི་དུག །དགོས་འདོད་སྒྲུབ་པ་སྤང་བྱར་གསུངས་པའི་ཕྱིར། །འཆར་ལུགས་བཞེད་ཚུལ་ཤིན་ཏུ་མང་བས་ན། །དེང་སང་ཉིན་མཚན་མཉམ་པའི་དུས་འདི་ན། །རེས་གཟའ་ཉི་མ་དབང་པའི་དུས་ཉིན་ཚེ། །ཐུན་འཚམས་གང་འཆར་ཡུན་དུ་ཆུ་ཚོད་ཅི། །ཞེས་པ་དབྱངས་འཆར་དུ་ཀླུ་རིགས་ལྡན་ཞེས་གཅིག་ཏུ་བཤད་པས། རིགས་ལྡན་གྱི་དུག་དག་ཀླུའི་དུག་ཅེས་སོ་སོར་འདྲི་བ་ནི། སྔོན་ཡར་རྒྱབ་ཞབས་དྲུང་ཀུན་དགའ་དར་རྒྱས་ཀྱིས་ར་བ་སྟོད་པའི་སློབ་དཔོན་ལ། ཁྱེད་ཚོ་ཚད་མ་བྱེད་དམ་རྣམ་འགྲེལ་བྱེད་ཀྱི་ཡོད། ཅེས་པའི་དྲི་བ་དང་མཚུངས་པའི་ནང་ཟོང་ཕྱིར་བཏོན་ཡིན་འདུག་པས། ལན་བྱེད་ཡུལ་དུ་མི་སྣང་ཡང་། བློ་ལྡན་གཞན་ལ་ཕན་སྲིད་པས། ཉིན་མཚན་མཉམ་པའི་དུས། ཉིན་ཚད་བརྒྱད་ཀྱིས་ཕྱེ་བའི་ནོར་ཆུ་ཚོད་གསུམ་ཆུ་སྲང་ཞེ་ལྔ་འབྱུང་བ་མཁའ་རོས་བསྒྱུར། སྲང་བཅུག །རི་བོས་བསྒྱུར། མཁའ་རོས་ཐོབ་ནོར་ཆུ་ཚོད་ཉེར་དྲུག་ཆུ་སྲང་བཅོ་ལྔ་རྫོགས་ནས། ཉི་མའི་སྤེན་པའི་ལོངས་སྤྱོད་ཆུ་ཚོད་གཅིག་དང་ཆུ་སྲང་ཕྱེད་བཅས་ང་གསུམ་རྫོགས་འཚམས་ནས་རིགས་ལྡན་ཆུ་སྲང་བཅུ་དྲུག་གི་ཡུན་འཆར་བ་སོགས་རེས་གཟའ་གཞན་ལའང་སོ་སོའི་སྒྱུར་བྱེད་དང་བཅས་པས་འབྱུང་བ་ནི་རང་དུས་ལ་འཆར་བ་ཡིན་ཞིང་། དུས་སྦྱོར་ཕྱེད་པ་ལ་ཉིན་དྲུག་སྐོར་དང་མཚན་ལྔ་སྐོར་དུ་བྱས་པའི་བདག་པོའི་གཟའི་སྐབས། བདག་པོའི་གཟའ་ཉི་མ་ཡིན་ཚེ་ཆུ་སྲང་བཅུ་དྲུག་ཡུན་ཚད་སོགས་གཞན་དུས་ལ་འཆར་བ་ཡིན་པས་དེའི་དུས་སུ་འཛེམ་དགོས་ཏེ། རིགས་ལྡན་ཐུན་འཚམས་མི་ཤེས་པར། །ཟས་ཞིམ་ཟོས་ཀྱང་དུག་འགྱུར་ཞིང་། །ནད་པས་སྨན་འཐུངས་དུག་ཏུ་འགྱུར། །སྦྲུལ་སོས་(༥༠བ)
བཏབ་པ་ཁྱུང་གིས་མིན། །དེ་ཕྱིར་རིགས་ལྡན་སྦྱོར་བ་སྤང་། །ཞེས་སོ། །