༡༣ ཚེ་རིང་སྐྱིན་ཁེབས།
དབུ་ཞྭ་ཚེ་རིང་སྐྱིན་ཁེབས་ལ་ཞྭ་གདན་ཡང་ཟེར་ལ། ལྕེ་བཞི་ཅན་གྱི་དགུན་ཞྭ་ཞིག་ཡིན། རྒྱུའི་གཙོ་བོ་ཕྱིང་བ་ལས་གྲུབ་ལ། སྐྱིན་ཁེབས་ཞེས་པ་གོས་ཆེན་གྱི་རིགས་ཤིག་དང་། གསེར་སྐུད་ལྷས་མ་བཅས་ལས་གྲུབ་ཡོད། དམངས་གཞས་ལས། དབུ་ཞྭ་ཚེ་རིང་སྐྱིན་ཁེབས། །ཞྭ་ལ་ཡར་སྟོད་གསེར་རེད། །ཞྭ་ལ་མར་སྟོད་དངུལ་རེད། །ཅེས་ལེན་སྲོལ་ཡོད། ཚེ་རིང་སྐྱིན་ཁེབས་ཞེས་ཐོགས་དོན་ཡང་། ཚེ་སྲོག་ཡུན་རིང་དུ་གནས་པའི་རྟེན་འབྲེལ་གྱིས་ཚེ་རིང་དང་། རྒྱུ་ཆ་གོས་ཆེན་སྐྱིན་ཁེབས་ཡིན་པས། རྒྱུ་མིང་འབྲས་ལ་ཐོགས་པ་ཡིན།