གཉིས་པ་དེའི་དམིགས་བསལ།
གཉིས་པ་དེའི་དམིགས་བསལ་ནི།
ན་བས་བླ་མའི་བྱ་བ་ལ། །བཏུད་དེ་རྗེས་མ་གནང་བར་ཡང༌། །བཀག་པ་རྣམས་ནི་སྤྱད་བྱས་ཀྱང༌། །དགེ་སེམས་ལྡན་ལ་སྡིག་མི་འགྱུར། །ཞེས་རང་ན༷་བ༷ས་བླ༷་མ༷འི་བྱ༷་བ༷་རྣམས་ལ༷་བཏུ༷ད་དེ༷་ཕྱག་འཚལ་བ་སྔོན་དུ་འགྲོ་དགོས་པ་ལས་མ་བྱས་པ་དང།རྗེ༷ས་སུ་གནང་བ་ནི་བདག་ན་བས་འདི་ལྟར་སྒྲུབ་མ༷་ནུས་སོ་ཞེས་གན༷ང་བ་ཞུས་ནས་བླ་མས་ཅི་བདེ་བ༷ར་བགྱིས་ཆོག་པའི་བཀའ་གནང་བའམ།དངོས་སུ་བཀའ་མ་གནང་བར་ཡང༌། སྔར་བཀ༷ག་པ༷་རྣ༷མས་ལས་ནི༷།ཐུགས་དཀྲུགས་པ་མ་གཏོགས་གཞན་རྣམས་རང་གིས་སྒྲུབ་མ་ནུས་ན་ཅི་བདེ་བར་སྤྱ༷ད་ནས་སྤངས་པར་བྱ༷ས་ཀྱ༷ང་མ་གུས་པའི་བློ་མེད་པར་རང་གིས་ནུས་ན་སྒྲུབ་པར་འདོད་པའི་དགེ༷་སེ༷མས་ཅན་ལ༷་བག་མེད་ལས་བྱུང་བའི་སྡི༷ག་པར་མི༷་འགྱུ༷ར་ཏེ། འདུལ་བ་ལས་ཀྱང༌།ནད་པ་ནི་བཅས་པ་མཐའ་དག་གིས་བསྐྱང་བར་བྱའོ། །ཞེས་པ་དང་འདྲ་བ་ཡིན་ནོ།།