གཉིས་པ་བསྟེན་ཚུལ་བཤད་པའི་དུས།
གཉིས་པ་བསྟེན་ཚུལ་བཤད་པའི་དུས་ནི།
བསམ་པ་དག་པའི་སློབ་མ་ནི། །དཀོན་མཆོག་གསུམ་ལ་སྐྱབས་སོང་ལ། །བླ་མའི་རྗེས་སུ་འཇུག་པ་ནི། །ཁ་ཏོན་བྱ་བར་སྦྱིན་པར་བྱ། །ཞེས་གནས་སྐབས་དང་མཐར་ཐུག་གི་རང་གཞན་གྱི་དོན་ཚུལ་བཞིན་དུ་སྒྲུབ་པའི་བས༷མ་པ༷་ད༷ག་པ༷འི་སློ༷བ་མ༷་ནི༷། སྔར་ཁྱིམ་པ་ལྟ་བུ་ཡིན་ན། དཀོ༷ན་མཆོ༷ག་གསུ༷མ་ལ༷་སྐྱ༷བས་སུ་སོ༷ང་ལ། དེ་ནས་སོ་ཐར་གྱི་སྡོམ་པ་གཞན་རྣམས་ཇི་ལྟར་རིགས་པ་དང༌། གཞན་ཡང་ཕ་རོལ་ཏུ་ཕྱིན་པའི་ལམ་མན་ཆད་ཀྱི་དོན་རྒྱས་བསྡུས་ཅི་རིགས་གོ་བར་བྱས་པའོ། །དེ་ནས་སྔགས་ལམ་སྟོན་པའི་བླ༷་མ༷འི་རྗེ༷ས་སུ༷་འཇུ༷ག་པ༷་ཤེས་པའི་གཞུང་ཤོ་ལོ་ཀ་ལྔ་བཅུ་པ་འདི་ཉན་ཞིང་ཁ༷་ཏོ༷ན་དུ་བྱ༷་བ༷་སྦྱི༷ན་པ༷ར་བྱ༷་ཞེས་སོ།།