Nitartha Digital Library
Tibetan
གཡུ་ཁོག་རྒྱ་སྤྲུལ་ལུང་རིག་གླིང་པའི་གསུང་འབུམ།


   
   
  expand section
  expand section
  expand section
  collapse section
  collapse section
  expand section
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
སློབ་བུ་རིག་འཛིན་རྡོ་རྗེར་གདམས་པའི་ཀ་ཕྲེང་།
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   


 
previousསློབ་བུ་རིག་འཛིན་རྡོ་རྗེར་གདམས་པའི་ཀ་ཕྲེང་།next

སློབ་བུ་རིག་འཛིན་རྡོ་རྗེར་གདམས་པའི་ཀ་ཕྲེང་།

༈ སློབ་བུ་རིག་འཛིན་རྡོ་རྗེར་གདམས་པའི་ཀ་ཕྲེང་བཞུགས།

ཀ་ཡེ་གསོན་དང་བཙུན་ཆུང་། །ཁ་དོག་མཛེས་པའི་ལང་ཚོ། །ག་ནས་བལྟས་ཀྱང་མི་རྟག །ང་རྒྱལ་སྤོངས་ལ་ཉོན་ཅིག །ཅ་རེ་མིག་གིས་ལྟོས་ལ། །ཆ་ཙམ་བླང་དོར་བྱེད་དགོས། །ཇ་ཆང་འཁོར་བའི་བསླུ་བྲིད། །ཉ་དང་ལྕགས་ཀྱུ་འདྲའོ། །ཏ་ཐཱ་ག་ཏའི་རྗེས་འཇུག །ཐ་མལ་མིག་ལྟོས་སྤོངས་ལ། །ད་ལྟ་ཤི་ཡང་འགྱོད་མེད། །ན་དཱའི་དབྱིངས་ལ་ཞོག་ཅིག །པ་རེ་པུ་རེ་མ་མང་། །ཕར་འགྲོ་ཚུར་འགྲོ་མ་བྱེད། །བ་ར་འཚོ་སྐྱོང་སྐྱུར་ལ། །མ་བཅོས་སེམས་ལ་ལྟོས་ཤིག །ཙ་ར་སྲོག་ཆགས་རྣམས་ལ། །ཚ་གྲང་བརྡེག་བཙོག་མ་བྱེད། །ཛ་ཧུའི་རྒྱུན་བཞིན་དགེ་སྦྱོར། །ཝ་ཆུ་ཆད་མེད་མཛད་འཚལ། །ཞྭ་ལྟར་དཀོན་མཆོག་མཆོད་ལ། །ཟ་ལྟར་རང་རྒྱུད་མ་རྩུབ། །འ་འུར་སྟངས་སྟབས་མ་ཆེ། །ཡ་མ་ཟུང་གི་སྤྱོད་པ། །རྭ་ལྟར་རང་རྒྱུད་གྱོང་པོ། །ལ་ལུང་ཉུལ་ཀྱང་ཐུལ་དཀའ། །ཤ་ཁྲག་སྡིག་ཟས་བཟའ་དུས། །ས་ཐོབ་བསྔོ་སྨོན་རྒྱས་ཐོབ། །ཧ་ལ་དུག་ལྔའི་མེ་ཏོག །ཨ་ཙ་མ་ཡི་རྒྱུར་ངེས། །ཨ་ཧོ་བླ་མ་དགོངས་འདུས། །ཨ་མཚར་ཙམ་དུ་མ་བྱེད། །སྐྱོན་གསུམ་སྤོངས་ལ་དད་གུས། །རྩེ་གཅིག་ངང་ནས་ཉོན་ཅིག །ཤིན་དུ་བརྩེ་བའི་བུ་གཅེས། །རིག་འཛིན་རྡོ་རྗེར་ཕུལ་ལོ།།


previousསློབ་བུ་རིག་འཛིན་རྡོ་རྗེར་གདམས་པའི་ཀ་ཕྲེང་།next