༣ བླ་གོས།
བླ་གོས་དང་རྣམ་སྦྱར་ནི། སྐུ་སྟོད་དུ་བཞེས་ནས་ཁྱིམ་པ་དང་མུ་སྟེགས་སོགས་ལས་ཁྱད་པར་དུ་འཕགས་པ་དང་། དགེ་སྦྱོང་གི་དྲན་པ་གསོ་བས་གོས་རྒྱུ་དང་ཁ་དོག་དབྱིབས་སོགས་ཚད་དང་ལྡན་པ་འདིས། གནས་སྐབས་འབུ་དང་ཚ་གྲང་ལས་སྐྱོབ་པའི་གོས་འདི་འཆང་ནས། སྔོན་གྱི་དེ་བཞིན་གཤེགས་པ་རྣམས་ཀྱི་དོན་དམ་པའི་དགེ་བ་ཐར་བ་མྱང་འདས་ཀྱི་སར་གཤེགས་པ་ལྟར། བདག་ཀྱང་ཚུལ་ཁྲིམས་ཀྱི་བསླབ་པའི་མི་མཐུན་ཕྱོགས་ལས་སྡོམ་པ་ཆུ་ལོན་ལྟ་བུ་སོ་ཐར་སྤོང་བདུན་འཁོར་བཅས་ཀྱི་ཚུལ་ཁྲིམས་རྣམ་པར་དག་པ་སྲུང་ནས་ཐར་བ་མྱ་ངན་ལས་འདས་པ་འཇུག་པར་བྱའོ་སྙམ་དུའོ། །ཚད་ནི། སྣམ་ཕྲན་བདུན་པ། ལྒིགས་བུ་ཕྱེད་དང་གསུམ་པ། ཚད་སྣམ་སྦྱར་ལྟར་རོ། །འདི་ལ་ལྒིགས་བུ་ཕྱེད་དང་གསུམ་རེ་ཡོད་པས། བྱང་ཆུབ་ཡན་ལག་བདུན་དང་། དེའི་ངོ་བོར་གྱུར་བའི་མཉམ་བཞག་སོགས་ཀྱི་དྲན་གསོའི་རྟེན་ནོ། །