དྲུག་པ་དུས་ནམ་གྱི་ཚེ་ཞུ་བ།

དྲུག་པ་དུས་ནམ་གྱི་ཚེ་ཞུ་བ་ནི།

བྱ་བ་ནར་མ་རྣམས་ཞུ་བ་དང༌། བྱ་བ་གློ་བུར་བ་ཞུ་བའོ། །དང་པོ་ནི་གནས་དང་གནས་པ་གཉིས་ཀ་རང་བཞིན་གྱི་མཚམས་གཅིག་ན་ཉིན་རེ་ལན་གསུམ་ཞུ། རྒྱང་གྲགས་ཙམ་ན་ཉིན་རེ་ལན་རེ་རྒྱང་གྲགས་ལྔའམ་དྲུག་ཡོད་ན་ཞག་ལྔའམ་དྲུག་གི་མཚམས་ནས་ཞུ། །མཚམས་པོ་ཆེ་གཅིག་གིས་བསྡུས་ཤིང་དཔག་ཚད་ཕྱེད་དང་གསུམ་དག་ན་གསོ་སྦྱོང་གི་ཚེ་ན་འཕྲལ་གྱི་བྱ་བ་ནར་མ་རྣམས་དུས་གཅིག་ཏུ་ཞུ་བ་ཡིན་ནོ། །དེ་ལྟར་ཡང་གཙུག་ལག་ཁང་དེ་ན་འདུག་ན་གནས་པས་ཉིན་པར་ལན་གསུམ་འགྲོ་བར་བྱའོ་ཞེས་པ་ལ་སོགས་པ་གསུངས་སོ། །བྱ་བ་གློ་བུར་བ་ནི་བྱ་བ་དེ་བྱེད་དགོས་ནམ་བྱུང་ན་ཞུ་བའོ། །