Nitartha Digital Library
Tibetan
གསུང་འབུམ་པོད་བཞི་པ། ཕར་ཕྱིན་སྟོད་ཆ།


  expand section
  expand section
  collapse section
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
གཉིས་པ་མཐའ་རགས་ཙམ་དཔྱད་པ།
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   


 
previousགཉིས་པ་མཐའ་རགས་ཙམ་དཔྱད་པ།next

གཉིས་པ་མཐའ་རགས་ཙམ་དཔྱད་པ།

གཉིས་པ་མཐའ་རགས་ཙམ་དཔྱད་པ་ལ།

ཉ་ཊཱིཀ་ལས། འདིར་སྨོས་འཇུག་སྒྲུབ་ཀྱི་མཚན་ཉིད། འཇུག་ཡུལ་ཐེག་ཆེན་དགུ་ཆར་རམ་གང་རུང་ལ་འཇུག་ཅིང་འཛེག་པའི་སྒྲུབ་པའོ། །ཞེས་དང༌། དབྱེ་ན་དུ་ཞེ་ན། བསམ་གཏན་གཟུགས་མེད་ནས། རྣམ་ཀུན་མཁྱེན་པའི་ཚུལ་ལ་འཇུག་པའི་སྒྲུབ་པ་ཞེས་དགུའོ། །ཞེས་འཇུག་ཡུལ་དགུ་ཡོད་ན་མདོ་ལུགས་མ་ལས། རྣམ་ཀུན་མཁྱེན་པའི་ཚུལ་ལ་ནི། །འཇུག་པའི་བསྒྲུབ་པ་ཞེས་པས་ཡུལ་གང་ལ་འཇུག་པ་སྟོན་ནོ། །ཞེས་འཇུག་ཡུལ་རྣམ་ཀུན་མཁྱེན་པའི་ཚུལ་ལས་གཞན་མ་གསུངས་པའི་རྒྱུ་མཚན་གང་ཡིན་བརྟག་པར་བྱའོ། །ཡང་ཉ་ཊཱིཀ་ལས། ཆེན་པོ་བདུན་དང་ལྡན་པས་འདི་ཐེག་ཆེན་ནོ། །མཚན་གཞི་ནི། དེ་བདུན་ཡང་དེ་ཡིན་ཞིང༌། ཞེས་པ་ནས། ཐེག་ཆེན་གྱི་ས་བཅུ་ལམ་ལྔ་སོགས་མཐའ་ཡས་སོ། །ཞེས་ཆེན་པོ་བདུན་དང་ལམ་ལྔ་ཐེག་ཆེན་ཡིན་པར་གསུངས་པ་ལ་མདོ་ལུགས་མ་ལས། རིགས་པས་དཔྱད་ན་ཅིར་ཡང་མ་གྲུབ་ཙམ་གྱི་སྟོང་ཉིད་ནི་སྙིང་པོ་མེད་པའི་ཕྱིར། ཡེ་ཤེས་དང་ཐེག་ཆེན་མ་ཡིན་ཏེ། ཞེས་དང༌། དེས་ན་སྐབས་འདིའི་སྟོང་ཉིད་ཀྱི་ངོ་བོ་ནི་ཐེག་ཆེན་དང༌། ཡེ་ཤེས་ཡིན་པའི་ཕྱིར་གཞན་སྟོང་ཟབ་མོ་ཡིན་གྱི། དཔྱད་ན་མ་གྲུབ་ཙམ་གྱི་རང་སྟོང་ནི་མ་ཡིན་ཏེ། ཞེས་གསུངས་པས་ཅུང་ཟད་དཔྱད་རྒྱུ་སྣང༌། ཡང་བྱང་སེམས་ཚོགས་ལམ་འཇུག་སྒྲུབ་ཡིན་པར་ཐལ། དེ་བྱང་སེམས་ཀྱི་སྒྲུབ་པ་གང་ཞིག སྦྱོར་བའི་བྱ་བ་ཡིན་པའི་ཕྱིར། ཁྱབ་སྟེ། ཉ་ཊཱིཀ་ལས། འཇུག་པའི་སྒྲུབ་པ་ནི།བྱང་སེའི་སྒྲུབ་པ་གང་ཞིག སྦྱོར་བའི་བྱ་བ། དབྱེ་ན་དགུའོ། །ཞེས་གསུངས་པས་སོ་ཞེ་ན།ཚོགས་ལམ་ལ་འཇུག་སྒྲུབ་ཡོད་པ་མི་འཐད་དེ། ཚོགས་ལམ་ན་དེ་ཡོད་པར་གཞུང་ཚད་ཐུབ་གང་ལས་མ་བཤད་པས་སོ། །


previousགཉིས་པ་མཐའ་རགས་ཙམ་དཔྱད་པ།next