གསུམ་པ་རྣལ་འབྱོར་རྒྱུད།

གསུམ་པ་རྣལ་འབྱོར་རྒྱུད་ལ།

སྒྲ་བཤད། དབྱེ་བ། ཉམས་ལེན་ལམ་གྱི་རིམ་པ། གྲུབ་པ་འབྲས་བུའི་གནས་སྐབས་དང་བཞི། དང་པོ་ནི། སྤྱོད་རྒྱུད་ལས་གང་ཟག་བློ་རྣོ་བ་ནང་ཏིང་ངེ་འཛིན་ཁོ་ན་ལ་གཙོ་བོར་སྟོན་པའི་རྒྱུད་ཡིན་པས་ན་རྣལ་འབྱོར་གྱི་རྒྱུད་ཅེས་བྱ་སྟེ། དུས་འཁོར་རྒྱུད་འགྲེལ་བཤད་པ་ལ་འཇུག་པ་ལས། དེ་ཉིད་སྣང་བ་ལས། རྒྱུད་འདི་ནི་བསྒོམ་པ་གཙོ་བོར་གྱུར་པ་ཡིན་པས། ཞེས་གསུངས་པས་ནང་ཏིང་ངེ་འཛིན་གྱི་རྣམ་པ་གཙོ་བོར་སྟོན་པས་ན་རྣལ་འབྱོར་གྱི་རྒྱུད། ཅེས་གསུངས་པས་སོ། །