༡ གཎྜི།
༡ གཎྜི་ཐོག་མར་བྱུང་བའི་ཁུངས་ནི། སྟོན་པ་ལ་རྒྱལ་བོ་གསལ་རྒྱལ་གྱིས་རྩོད་དུས་སུ་ཉོན་མོངས་པ་དང་ལས་ངན་སྣ་ཚོགས། འཐབ་རྩོད་རྣམས་ཞི་བ་ལ། ཕན་པ་འབྱུང་བའི་ཐབས་ཞིག་བསྟན་ཏུ་གསོལ་ཞེས་ཞུས་པས། སངས་རྒྱས་སྒྲ་སྒྲོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་བཞུགས་ནས། ངན་སོང་གསུམ་གྱི་སྡུག་བསྔལ་ཆད་པར་བྱས་ཤིང་། ཡུམ་ཆེན་མོ་གཎྜི་གཟུགས་ཀྱི་རྣམ་པའི་སེམས་ཅན་ཐམས་ཅད་ཀྱི་ཉོན་མོངས་དང་འཐབ་རྩོད་ཞི་བ་དང་། ཚེ་བསོད་ཡོན་ཏན་འཕེལ་བ། སྒྲ་ཐོས་པའི་སྤྲོ་བ་བསྐྱེད་པ། ཡུམ་ཤེས་རབ་གྱི་ཕ་རོལ་ཏུ་ཕྱིན་པ་གཎྜིའི་གཟུགས་ཀྱིས་བཞུགས་སོ། །ཞེས་གཎྜིའི་མདོའི་ལྒིང་གཞི་ལས་གསུངས་པ་ལྟར་རོ། །
གཎྜི་ནི་ཆོས་སྡེ་རྣམས་སུ། དགེ་འདུན་ལ་ཚོགས་བརྡ་གཏོང་བྱེད་དེ། རིང་ཐུང་འདོམ་གང་ལྷག་ཙམ། དབྱིབས་ཟུར་བརྒྱད་པ། རྡུང་བྱེད་མགོ་མཇུག་སྦོམ་ཞིང་། དཀྱིལ་ཕྲ་བ། ཤིང་རིགས་སྣ་བཅུ་དྲུག་ལས་བཟོས་པ་ཞིག་གོ།