[༤] རྒྱ་སྟོན་བློ་གྲོས་བྱང་ཆུབ་ནི།
གཅེན་ཡེ་ཤེས་རྒྱ་མཚོ་ལ་སྒྱུ་འཕྲུལ་དང་སེམས་ཕྱོགས་ཀྱི་བཀའ་བབ་པ་ཉང་ཤེས་རབ་མཆོག་དང་། མདོའི་བཀའ་བབ་པ་བྱང་ཆུབ་རྣམ་གསུམ་དུ་གྲགས་པའི་ཡ་གྱལ་སྟེ། ཁུ་ལུང་མཁར་གདོང་དུ་ཆུ་བོ་བཞི་རྫོགས་ཀྱི་དབང་བསྐུར་བས་ཡོན་དུ་གཡུ་དམར་གྱིས་སྣ་དྲངས་པའི་ནོར་མང་པོ་ཕུལ། གསང་མཚན་རྡོ་རྗེ་ལས་གྲུབ་རྩལ་དུ་བཏགས། བསྐྱེད་རྫོགས་ལ་བརྟན་པ་ཐོབ་ཅིང་གཞན་དོན་ཕྲིན་ལས་ཀྱི་སྒོ་ནས་གདུལ་བྱ་དཔག་མེད་སྨིན་གྲོལ་ལ་བཀོད། བསྟན་པ་མཐར་རྒྱས་སུ་བསྐྱངས་པའི་བཤད་སྒྲུབ་ཀྱི་འཕྲིན་ལས་འགྲན་ཟླ་བྲལ་པའི་ངང་སྐུ་གཤེགས་སོ། །