ལྔ་བ་ཟད་མི་ཟད་ཀྱི་དཔེ་རྣམས་ནས་ནམ་མཁའ་ཉིད་མཆོག་དུ་བསྟན་པ།
ལྔ་བ་ཟད་མི་ཟད་ཀྱི་དཔེ་རྣམས་ནས་ནམ་མཁའ་ཉིད་མཆོག་དུ་བསྟན་པ་ནི།
དཔེ་དེ་དག་ལས་ཀྱང་ནམ་མཁའི་དཔེ་ནི་སྐད་ཅིག་ལས་འདས་པ་དང་ཆ་མེད་ཀུན་འགྲོ་ཀུན་ཁྱབ་ལ་སོགས་པས་ཁྱད་པར་དུ་འཕགས་ཏེ། རྔ་བོ་ཆེའི་མདོར། ནམ་མཁའ་ལ་བརྟེན་པའི་ཁང་བའམ་རི་གང་དང་གང་ཡིན་པ་ཞིག་ཀྱང་ནམ་མཁའ་ནི་མི་འཇིག་པ་ལྟར་མྱ་ངན་ལས་འདས་པའི་དབྱིངས་ཀྱིས་འགྲོ་བ་ཐམས་ཅད་ལ་ཁྱབ་པ་ཡང་དེ་དང་འདྲའོ། །ཞེས་དང༌། སྔར་དྲངས་པ། ཇི་ལྟར་བུམ་པ་ཞིག་གྱུར་ཀྱང༌། ། ཞེས་པ་ལ་སོགས་པ་ནམ་མཁའི་དཔེས་བསྟན་པ་ཐམས་ཅད་འདིར་ཡང་དྲན་པར་བྱའོ། །