Nitartha Digital Library
Tibetan
གསུང་འབུམ་པོད་བརྒྱད་པ། གྲུབ་མཐའ་དང་ས་ལམ་སོགས།


  collapse section
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
  collapse section
   
   
   
   
   
   
   
   
   
   
   
   
   
  collapse section
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
  collapse section
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
  collapse section
   
   
   
  collapse section
   
   
   
   
   
   
   
   
   
   
  collapse section
   
   
   
   
   
   
   
   
   
   
   
   
   
  collapse section
   
གཉིས་པ་སྐྱེས་བུ་འབྲིང་གི་ལམ་གྱི་རྩ་བ།
   
   
   
   
   


 
previousགཉིས་པ་སྐྱེས་བུ་འབྲིང་གི་ལམ་གྱི་རྩ་བ།next

གཉིས་པ་སྐྱེས་བུ་འབྲིང་གི་ལམ་གྱི་རྩ་བ།

གཉིས་པ་སྐྱེས་བུ་འབྲིང་གི་ལམ་གྱི་རྩ་བ་ནི།

རྩ་བར། ངེས་འབྱུང་རྣམ་དག་སྐྱེས་བུ་འབྲིང་གི་ལམ། །ཞེས་གསུངས་ལ། དེའི་དོན་ནི། ཡང་ཐར་བའི་འཇུག་སྒོ་ནི་ངེས་འབྱུང་གི་བསམ་པ་རྣམ་པར་དག་པ་ཡིན་པས་དེ་ཙམ་རྒྱུད་ལ་སྐྱེས་པ་ནས་སྐྱེས་བུ་འབྲིང་གི་ལམ་རྒྱུད་ལ་སྐྱེས་པ་ཞེས་བྱའོ། །དེ་ཡང་འཁོར་བའི་ཕུན་ཚོགས་མཐའ་དག་ལ་མེ་འབར་བའི་འོབས་ལྟར་མཐོང་ནས་དེ་ལས་ཐར་འདོད་ཀྱི་བློ་བཅོས་མ་མ་ཡིན་པའི་བསམ་པ་ནི། ངེས་འབྱུང་གི་བསམ་པ་རྣམ་དག་ཡིན་ལ། དེ་འདྲའི་ངེས་འབྱུང་གི་བསམ་པ་མེད་ན་དགེ་བ་ཇི་ལྟར་བསྒྲུབས་ཀྱང་ཞི་བ་ཐར་བ་ཐོབ་པའི་ཐབས་སུ་མི་འགྱུར་ཏེ། དབུ་མ་བཞི་བརྒྱ་བ་ལས། གང་ལ་འདི་སྐྱོ་ཡོད་མིན་པ། །དེ་ལ་ཞི་གུས་ག་ལ་ཡོད། །ཅེས་གསུངས་སོ། །དེས་ན་ཐར་བའི་རྒྱུ་བསྒྲུབ་པ་ལ་ཐོག་མར་ངེས་འབྱུང་གི་བསམ་པ་གལ་ཆེ་བའོ། །སྲིད་པ་འཁོར་བའི་བདེ་བ་ལ་ཞེན་པ་ལོག་སྟེ་སྡིག་པའི་ལས་ལ་འཛེམ་ཞིང་རང་ཁོ་ནའི་དོན་དུ་ཐར་བ་དོན་དུ་གཉེར་བའི་སྐྱེས་བུ་ནི་སྐྱེས་བུ་འབྲིང་ཞེས་བྱ་སྟེ། ལམ་སྒྲོན་ལས། སྲིད་པའི་བདེ་ལ་རྒྱབ་ཕྱོགས་ཤིང༌། །སྡིག་པའི་ལས་ལས་ལྡོག་བདག་ཉིད། །གང་ཞིག་རང་ཞི་ཙམ་དོན་གཉེར། །སྐྱེས་བུ་དེ་ནི་འབྲིང་ཞེས་བྱ། །ཞེས་གསུངས་སོ། །ཐེག་པ་ཆེན་པོའི་ཆོས་ལ་བློ་སྦྱོང་པ་ལ་སྐྱེས་བུ་ཆུང་འབྲིང་དང་ཐུན་མོང་གི་ལམ་ལ་བློ་སྦྱོང་དགོས་ཀྱང་ཆུང་འབྲིང་གི་ལམ་དངོས་ལ་ཞུགས་མི་རུང་ངོ༌། །


previousགཉིས་པ་སྐྱེས་བུ་འབྲིང་གི་ལམ་གྱི་རྩ་བ།next