[༡༥] གླན་ཆོས་ཀྱི་སེང་གེ་ནི།
མདོ་སྔགས་ཀྱི་ཟབ་ཆོས་སྤྱི་དང་ཁྱད་པར་ནང་རྒྱུད་སྡེ་གསུམ་ལ་མཁས་པར་སྦྱངས། བསྐྱེད་རྫོགས་ཀྱི་དོན་བསྒོམས་པས་རྟོགས་པ་གདེང་ཏུ་གྱུར་ཅིང་ཏིང་ངེ་འཛིན་ལ་དྲོད་ཐོབ། དུས་དེའི་དགེ་བཤེས་སུ་གྲགས་པ་ཀུན་ཀྱིས་བཏུད་ཅིང་བཀུར་བ་སོགས་ཕྲིན་ལས་མཐར་རྒྱས་བྱུང་། ལྷ་རྗེ་ལྷ་འབུམ་པ་ལས་འདུས་མདོའི་ཆུ་བོ་བཞི་རྫོགས་ཀྱི་དབང་བསྐུར་གདམས་ངག་དང་བཅས་པ་གསན། ཉེ་བརྒྱུད་ལ་གླན་བསོད་རྒྱལ་ལས་ཀྱང་སྨིན་ཁྲིད་མཐའ་ཡས་པ་གསན་པར་གྲགས་སོ། །