གཉིས་པ་ལམ་མ་ཉམས་པ་ཡིན་པ་ནི་རྩ་བ།
གཉིས་པ་ལམ་མ་ཉམས་པ་ཡིན་པ་ནི་རྩ་བར།
མ་ཉམས་པར་རོ། །ཞེས་སོ། །སེལ་བ་ལམ་གསུམ་སྲོག་ཆགས་ཀྱིས་ཟོས་པ་ལ་སོགས་པས་ཉམས་པར་རྩོལ་ན་ནི། ན་སྨད་དུ་འགྱུར་ཏེ། ཉམས་པ་དག་ལ་ནི་སྦོམ་པོར་རོ། །ཞེས་སོ། ། གསུམ་པ་དང་པོའི་མཐའ་ཕན་ཆད་ཡིན་པ་ནི། ཁའི་དང་པོ་ནི་སོ་ཕན་ཆད་དོ་ཞེས་པ་ལ་སོགས་པ་གསུངས་སོ། །སེལ་བ་སོ་ཚུན་ཆད་ལ་སོགས་པ་མཚམས་ལས་མ་འདས་པར་རྩོལ་ན་ནི། ན་སྨད་དུ་འགྱུར་ཏེ། ཕྱི་རོལ་གྱི་མཚམས་ལ་ཐུག་པར་རོ། །ཞེས་སོ། །བཞི་པ་བསྟེན་དུ་རུང་བ་ལ་གསུམ་ལས། དང་པོ་ཆེ་ཆུང་སྤྲད་པར་བཟོད་པར་ནི། ཡན་ལག་ཐམས་ཅད་དང་དུ་བླང་དུ་རུང་བ་ཉིད་ནི་བསྟེན་པའི་ཕྱིར་མཐུ་དང་ལྡན། ཞེས་སོ། །སེལ་བ་ཆེ་ཆུང་སྤྲད་པར་མི་བཟོད་པ་ལ་རྩོལ་ན་ནི་ན་སྨད་དུ་འགྱུར་ཏེ། མི་རུང་བ་ཉིད་ལ་ནི་ན་སྨད་དོ། །ཞེས་སོ། །