Nitartha Digital Library
Tibetan
གསུང་འབུམ་པོད་གཉིས་པ། དབུ་མ།


  expand section
  collapse section
   
   
   
   
   
   
ཚོགས་སྦྱོར་གཉིས་ལམ་བདེན་ཡིན་མིན་དཔྱད་སྒོ།
   
   
   
   
   
   
   
   
   
   
   
   
   
   
   
   


 
previousཚོགས་སྦྱོར་གཉིས་ལམ་བདེན་ཡིན་མིན་དཔྱད་སྒོ།next

ཚོགས་སྦྱོར་གཉིས་ལམ་བདེན་ཡིན་མིན་དཔྱད་སྒོ།

ཚོགས་སྦྱོར་གཉིས་ལམ་བདེན་ཡིན་མིན་དཔྱད་སྒོ་ནི།

ཉ་ཊཱིཀ་ཡིད་ཀྱི་མུན་སེལ་ལས། ལམ་བདེན་གྱི་མཚན་ཉིད། ཟག་མེད་འདུས་བྱས་གང་ཞིག འགོག་བདེན་གྱི་བྲལ་རྒྱུ་ཡིན་པའོ། །ཞེས་གསུངས་པ་ལ། ཚོགས་ལམ་ཆོས་ཅན། ལམ་བདེན་ཡིན་པར་ཐལ། ཟག་མེད་འདུས་བྱས་གང་ཞིག འགོག་བདེན་གྱི་བྲལ་རྒྱུ་ཡིན་པའི་ཕྱིར། འདོད་ན། ཚོགས་ལམ་ཆོས་ཅན། ལམ་བདེན་མ་ཡིན་པར་ཐལ། ལམ་བདེན་རྗེས་མཐུན་པ་ཡིན་པའི་ཕྱིར།མ་གྲུབ་ན། དེ་ཡིན་པར་ཐལ། དེ་ལྟར་ཡིན་པ་ཐམས་ཅད་མཁྱེན་པ་ཏཱ་ར་ནཱ་ཐའི་དགོངས་པ་ཡིན་པའི་ཕྱིར། མ་གྲུབ་ན། དེ་ཡིན་པར་ཐལ། དེ་ཉིད་ཀྱིས་མཛད་པའི་སྔོན་མེད་ལེགས་བཤད་ལས། རྗེས་མཐུན་པ་ནི་སོ་སོ་སྐྱེ་བོའི་ལམ་རྣམས་ཀྱང་སྟེ། ཞེས་གསུངས་པའི་ཕྱིར། འདོད་ན། ཐེག་མཆོག་དབུ་མའི་ཟིན་བྲིས་ལས། ཚོགས་སྦྱོར་ཡང་ལམ་བདེན་རྗེས་མཐུན་པར་འཇོག་གོ །ཞེས་གསུངས་སོ། །ཚོགས་ལམ་ཆོས་ཅན། ལམ་བདེན་མ་ཡིན་པར་ཐལ།འདོད་པའི་ཕྱིར། འདོད་ན། ཚོགས་ལམ་ཆོས་ཅན། ལམ་བདེན་ཡིན་པར་ཐལ། དེ་ལྟར་ཡིན་པ་རྗེ་བཙུན་འཇམ་དབྱངས་མི་ཡི་རྣམ་པར་རོལ་བ་ཉ་དབོན་ཀུན་དགའ་དཔལ་གྱི་དགོངས་པ་ཡིན་པའི་ཕྱིར། མ་གྲུབ་ན། དེའི་དགོངས་པ་ཡིན་པར་ཐལ། དེ་ཉིད་ཀྱིས་མཛད་པའི་བསྟན་པ་སྤྱི་འགྲེལ་གྱི་རྣམ་བཤད་ལས། ཚོགས་ལམ་ཡང་ལམ་བདེན་དུ་འཐད་པར་མངོན་ནོ། །ཞེས་གསུངས་པའི་ཕྱིར། འདོད་ན། ཚོགས་ལམ་ཆོས་ཅན། ལམ་བདེན་ཡིན་པར་ཐལ།འདོད་པའི་ཕྱིར། འདོད་ན། དེ་ལྟར་དཔྱད་པར་བྱའོ། །


previousཚོགས་སྦྱོར་གཉིས་ལམ་བདེན་ཡིན་མིན་དཔྱད་སྒོ།next