Nitartha Digital Library
Tibetan
བོད་རིག་པའི་ཆ་ལག་ཏུ་ཉེ་བར་མཁོ་བ་རྒྱུན་ཤེས་དཔྱད་མཛོད་ཆེན་མོ་ཞེས་བྱ་བཞུགས་སོ།

18 occurrences of འབེན་
[Clear Hits]


  
 collapse section
 collapse section
  
  
  
  
  
  
  
 collapse section
  
  
  
 collapse section
  
  
  
  
  
 collapse section
  
  
  
  
  
  
  
  
  
 collapse section
  
  
  
  
  
  
  
  
  
  
  
  
  
  
  
 collapse section
  
  
  
  
  
  
  
  
  
  
 collapse section
  
 collapse section
  
  
  
 collapse section
  
  
 collapse section
  
  
  
 collapse section
  
  
  
  
  
  
  
  
  
 collapse section
  
  
  
  
  
 collapse section
  
  
  
  
  
  
  
  
  
  
  
  
  
  
  
 collapse section
 collapse section
  
  
  
  
  
  
  
  
  
  
  
  
  
  
  
  
  
  
  
  
  
 collapse section
  
  
  
  
  
  
  
  
  
  
 collapse section
  
  
  
  
  
  
 collapse section
 collapse section
  
  
  
  
  
 collapse section
  
  
  
  
  
  
  
  
དགེ་ལུགས་པ།
 collapse section
  
  
  
  
  
 collapse section
  
  
  
  
  
 collapse section
  
 collapse section
  
  
  
  
  
  
  
  
  
  
  
 collapse section
  
  
  
  
  
  
 collapse section
  
  
  
  
  
  
  
  
  
  
  
 collapse section
  
  
  
  
  
  
  
  
  
  
  
  
  
 collapse section
  
དང་བོ། མངའ་རིའི་སོག་མོ། ༡ མངའ་རིའི་སོག་མོ་རྒྱག་སྟངས་ནི། སོག་པའི་ཡུ་བ་ལ་ལུག་བལ་དཀར་ནག་གཉིས་ཀྱིས་དཀྲིས་ཤིང་། སོག་རྩེ་ལ་མར་གྱི་ཕྲ་རྒྱན་བཏང་སྟེ། དུ་བ་མེད་པའི་མེ་སྒོང་གི་དཀྱིལ་དུ་བཞག་ནས། གང་འཚམ་ཞིག་སོང་རྗེས། ཚག་སྒྲ་གྲག་སྟེ་སྐྱ་ཐིང་ངེར་སོང་དུས། ཕྱིར་བཏོན་ནས། འཁྱག་ཏུ་འཇུག་པ་དང་། དེ་ནས་ཚིག་རོ་ལ་ལག་པས་གཡབ་མོ་ལན་གསུམ་ཙམ་བྱས་རྗེས། མོ་བའི་ངག་ལས། མོ་ཐུག་མོ་ཐུག་ལྷ་སོག་དཀར་མོའི་མོ་ཐིག ཇུས་རྒྱུགས་ཇུས་རྒྱུགས་བཙན་སོག་དམར་མོའི་ཇུས་རྒྱུགས། བཟང་ངོ་བཟང་ངོ་ཀླུ་སོག་སྔོན་མོའི་བསྐལ་བ་བཟང་། ཞེས་བརྗོད་དེ་ལེགས་ཉེས་བརྟག་པ་ཡིན། ཡང་སོག་མོ་བརྟག་ཚུལ་ལ། ཁ་ཅིག ཉིན་མཚན་སྔ་ཕྱི་གང་ཡིན་ལ་སྲེག་ནས་བརྟག་པ་དང་། ས་རུབ་ལ་བསྲེགས་ཏེ་མཚན་གང་བོར་བཞག་ནས། ཞོགས་པ་སྔ་མོ་ནས་བརྟག་པའང་ཡོད་དོ། །
  
  
  
collapse section
  
  
  
  
 
 collapse section
  
  
  
 collapse section
  
  
  
  
  
  
  
  
  
  
  
  
  
 collapse section
  
  
  
  
  
  
  
  
  
  
  
  
  
  
  
  
  
  
  
  
  
 collapse section
  
  
  
  
  
  
  
  
  
  
  
  
  
  
  
  
  
 collapse section
  
  
  
  
  
 collapse section
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
 collapse section
  
  
  
  
 collapse section
 collapse section
  
  
  
  
  
  
 collapse section
  
  
  
  
  
  
  
 collapse section
 collapse section
  
  
  
  
  
  
  
 collapse section
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
 collapse section
  
  
  
  
 collapse section
 collapse section
  
  
  
  
  
  
  
  
  
  
 collapse section
  
  
 collapse section
  
  
  
  
  
 collapse section
  
  
  
 collapse section
 collapse section
  
  
  
  
  
  
  
  
  
 collapse section
  
  
  
  
 collapse section
  
  
collapse section
 
  
  
12  collapse section
  
  
 
  
  
  
  
  
  
  
  
11   
  
  
  
  
  
  
 collapse section
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  


18 occurrences of འབེན་
[Clear Hits]

 
previousདགེ་ལུགས་པ། next

དགེ་ལུགས་པ།

༡ དགེ་ལུགས་པའི་ཆོས་རྒྱུན་བྱུང་ཚུལ། དགེ་ལུགས་པ་ནི། འཇམ་མགོན་བླ་མ་ཙོང་ཁ་པས﹙༡༣༥༧ -༡༤༩༡﹚སྤྱི་ལོ༡༤༠༩ བོད་རབ་བྱུང་བདུན་པའི་ས་གླང་ལོར་དགའ་ལྡན་དགོན་པ་བཏབ་སྟེ། སྐུ་ཚེ་སྨད་དེར་བཞུགས་པས། རྗེའི་རང་ལུགས་པ་ཚོས་གདན་སའི་མཚན་གྱི་ཆ་ལས་རི་བོ་དགའ་ལྡན་པ་ཞེས་འབོད་པ་བྱུང་། ད་ལྟ་དགའ་ལྡན་པ་ཞེས་པ་བརྗོད་བདེའི་དབང་གིས་དགེ་ལྡན་པ་ཞེས་རྒྱུན་ཆགས་སུ་གྱུར་རོ། །ཡང་བླ་ཆེན་དགོངས་པ་རབ་གསལ་དང་ཀླུ་མེས་སོགས་སྔོན་གྱི་འདུལ་འཛིན་པ་རྣམས་ཀྱིས་ཞྭ་སེར་མནབས་པར་བརྟེན། རྗེ་བླ་མས་ཀྱང་འདུལ་བསྟན་ཉམས་པ་གསོ་བའི་རྟེན་འབྲེལ་དུ་དགོངས་ནས་ཞྭ་སེར་འདི་མནབས་པས། གྲུབ་མཐའ་འདི་ལ་ཞྭ་སེར་བའང་ཟེར། རྗེ་ཉིད་བཞུགས་ཐོག་དེར་རྒྱལ་ཚབ་རྗེ་དང་མཁས་གྲུབ་རྗེ་གཙོར་བྱས། འཁོར་དག་པ་རྣམ་བརྒྱད་སོགས་དངོས་སློབ་གྲགས་ཆེ་བའང་བརྒྱ་དང་ཞེ་བདུན་བྱུང་བ་དང་། དགོན་སྡེའི་དབང་དུ་བཏང་ནའང་སེར་འབྲས་དགེ་གསུམ་སོགས་མར་མེ་གཅིག་ལས་གཉིས་མཆེད་ཀྱི་ཚུལ་དུ་ཇི་སྙེད་ཅིག་བྱུང་བ་དང་། ཁྱད་པར་དུ་རྗེ་བློ་སྒོ་གསུམ་སོགས་གྱི་ཡིག་ཆ་བརྩམས་ཏེ་ཞྭ་སེར་གྱི་བསྟན་པ་རིན་པོ་ཆེ་ཉི་མ་ལྟར་ཤར་བ་འདི་ཉིད་བྱུང་ངོ་། །

༢ ལྟ་སྒོམ་སྤྱོད་གསུམ་གྱི་རྣམ་བཞག དགེ་ལུགས་པའི་ལྟ་བ་ནི། གཟུགས་ནས་རྣམ་མཁྱེན་བར་ཆོས་ཐམས་ཅད་ཀྱི་སྟེང་དུ་དགག་བྱ་རང་བཞིན་གྱིས་གྲུབ་པ་རྡུལ་ཙམ་ཡང་མེད་པར། རང་གི་གདགས་གཞི་ལ་བརྟེན་ནས་རྟོག་པས་བཏགས་པ་ཙམ་དེ་རྟེན་འབྱུང་གི་དོན་ཡིན་ལ། སྟོང་བས་ཡོད་མཐའ་སེལ་ཞིང་སྣང་བས་མེད་མཐའ་སེལ་ཚུལ་ནི། ཆོས་གང་དང་གང་དེ་ལྟ་བུའི་རྟེན་འབྱུང་དུ་བློ་ལ་ནམ་ཤར་བའི་ཚེ། ཆོས་དེ་དང་དེ་རང་བཞིན་གྱིས་སྟོང་བར་ངེས་ཤེས་འདྲེན་པ་ནི་སྣང་བས་ཡོད་མཐའ་སེལ་ཚུལ་དང་། གཅིག་ཏུ་བྲལ་ལྟ་བུས་རིགས་པས་དཔྱད་དེ། ཆོས་གང་དང་གང་རང་བཞིན་མེད་པའི་ཚུལ་བློ་ལ་ནམ་ཤར་བའི་ཚེ། ཆོས་དེ་དང་དེ་རྟོག་པས་བཏགས་ཙམ་གྱི་རྟེན་འབྱུང་ཡིན་པར་འབད་མེད་དུ་འཆར་བ་ནི། སྟོང་བས་མེད་མཐའ་སེལ་ཚུལ་ལོ། །

སྒོམ་པ་ནི། དཔྱད་སྒོམ་དགོས་པ་རྣམས་ལ་དཔྱད་སྒོམ། འཇོམ་སྒོམ་དགོས་པ་རྣམས་ལ་འཇོག་སྒོམ། དཔྱད་འཇོག་སྤེལ་མ་དགོས་ལ་སྤེལ་མ་དང་། ཏིང་འཛིན་ཡང་དག་སྒྲུབ་ཚུལ་གྱི་མན་ངག་མདོའི་དོན། བྱམས་ཆོས་དང་། ས་སྡེ། དབུ་མ་སྒོམ་རིམ་སོགས་ལས་བཀྲལ་བ་བཞིན། ཞི་ལྷག་སོ་སོའི་ཚོགས་བརྟེན་ཚུལ། དམིགས་རྟེན་གྱི་ཁྱད་པར། སེམས་གནས་པའི་ཐབས་དགུ་དང་སྤོང་བའི་འདུ་བྱེད་བརྒྱད་དང་ལྡན་པར་བྱས་ཏེ་སྒོམ་པའོ། །

སྤྱོད་པ་ནི། རྗེ་བདག་ཉིད་ཆེན་པོས་བསྟན་པའི་གཞི་མ་ལྷག་པ་ཚུལ་ཁྲིམས་ཀྱི་བསླབ་པ་ལགས་པར་དགོངས་ནས། བྱིན་ལེན་རུང་ཆུ་སོགས་འདུལ་བའི་བཅས་ཁྲིམས་ཕྲ་མོ་རྣམས་ཀྱང་མ་ཚང་བ་མེད་པའི་སྒོ་ནས། འདུལ་བའི་ཀུན་སྤྱོད་ལ་གནས་བཞིན་པའི་ངང་ནས་རིམ་གཉིས་ཀྱི་རྣལ་འབྱོར་ཉམས་སུ་ལེན་པ་སོགས་ཀུན་སྤྱོད་དག་པ་དང་། དེའི་སྟེང་དུ་བྱང་སེམས་དང་སྔགས་ཀྱི་འདུལ་བ་ནས་གསུངས་པའི་བཅས་མཚམས་རྣམས་ཀྱང་མིག་འབྲས་བཞིན་སྲུང་བས་སྤྱོད་པ་རྣམ་པར་དག་པའོ། །མདོར་ན། གུང་ཐང་བསྟན་པའི་སྒྲོན་མེས། ལྟ་བ་རྣམ་དག་རྟག་ཆད་མཐའ་ལས་གྲོལ། །སྒོམ་པ་རྣམ་དག་བྱིང་རྨུགས་མུན་པ་སངས། །སྤྱོད་པ་རྣམ་དག་རྒྱལ་བའི་བཀའ་བཞིན་བསྒྲུབས། །བློ་བཟང་རྒྱལ་བའི་བསྟན་པ། ཞེས་གསུངས་སོ། །

གཞན་དུ་ནང་བསྟན་གྱི་གྲུབ་མཐའ་བཅུ་གཉིས་ཞེས་ཀྱང་བརྩི་སྲོལ་ཡོད་དེ། དེ་དག་ནི། རྙིང་མ་བ། ས་སྐྱ་བ། དགེ་ལུགས་པ། ཇོ་ནང་བ། ཤངས་པ། འབྲི་གུང་བ། ཀརྨ་བ། བུ་ལུགས། བཀའ་གདམས་པ། རྫོགས་ཆེན་པ། ཕྱག་ཆེན་པ། ཞི་བྱེད་པ་བཅས་སོ། །


previousདགེ་ལུགས་པ། next