Nitartha Digital Library
Tibetan
གསུང་འབུམ་པོད་གཉིས་པ། དབུ་མ།


  collapse section
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
  collapse section
   
   
  collapse section
   
   
  collapse section
   
   
   
  collapse section
   
  collapse section
   
   
   
   
   
   
   
   
   
   
  collapse section
   
  collapse section
   
   
   
  collapse section
   
   
   
   
   
   
   
   
  collapse section
   
   
   
   
   
   
   
   
   
   
   
   
   
   
   
   
   
   
  collapse section
   
   
   
   
   
   
   
   
   
   
   
   
   
   
   
   
   
   
  collapse section
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
  collapse section
   
   
  collapse section
   
   
   
   
   
   
   
   
   
   
   
གསུང་རབ་ཡན་ལག་བཅུ་གཉིས་ཀྱི་ངོས་འཛིན་ལ་དཔྱད་སྒོ།
   
   
   
   
   
   
   
   
   
   
   


 
previousགསུང་རབ་ཡན་ལག་བཅུ་གཉིས་ཀྱི་ངོས་འཛིན་ལ་དཔྱད་སྒོ།next

གསུང་རབ་ཡན་ལག་བཅུ་གཉིས་ཀྱི་ངོས་འཛིན་ལ་དཔྱད་སྒོ།

གསུང་རབ་ཡན་ལག་བཅུ་གཉིས་ཀྱི་ངོས་འཛིན་ལ་དཔྱད་སྒོ་ནི།

གསུང་རབ་ཡན་ལག་བཅུ་གཉིས་ལས་ཆེད་དུ་བརྗོད་པའི་སྡེ་ནི་དཔེ་ཞིག་གཟིགས་ནས་དེ་དང་དོན་སྦྱར་ཏེ་སྟོན་པའི་མདོ་ཡིན་པར་ཐལ། དེ་ལྟར་ཡིན་པའི་ཕྱིར། འདོད་ན། ཆེད་དུ་བརྗོད་པའི་སྡེ་ཆོས་ཅན། དཔེ་ཞིག་གཟིགས་ནས་དེ་དང་དོན་སྦྱར་ཏེ་སྟོན་པ་མ་ཡིན་པར་ཐལ། གང་ཡི་རང་ནས་བརྗོད་པ་དེ་ཡིན་པའི་ཕྱིར། རྟགས་མ་གྲུབ་ན། དེ་ལྟར་ཡིན་པར་ཐལ། དེ་ལྟར་ཡིན་པ་དེ་ཡང་ས་བཟང་མ་ཏི་པཎ་ཆེན་གྱི་དགོངས་པ་ཡིན་པའི་ཕྱིར། མ་གྲུབ་ན། དེའི་དགོངས་པ་ཡིན་པར་ཐལ། དེ་ཉིད་ཀྱིས་མཛད་པའི་མངོན་པ་ཀུན་བཏུས་འགྲེལ་བ་ལས། ཆེད་དུ་བརྗོད་པའི་སྡེ་གང་ཞེན་ན། གང་ཡི་རང་ནས་བརྗོད་པའོ། །ཞེས་གསུངས་པའི་ཕྱིར། འདོད་ན།ཆེད་བརྗོད་ཆོས་ཅན། གང་ཡི་རང་ནས་བརྗོད་པ་ཡིན་པར་ཐལ། འདོད་པའི་ཕྱིར། འདོད་ན། གང་ཡི་རང་ནས་བརྗོད་པ་མ་ཡིན་པར་ཐལ། དཔེ་ཞིག་གཟིགས་ནས་དེ་དང་དོན་སྦྱར་ཏེ་སྟོན་པ་དེ་ཡིན་པའི་ཕྱིར། མ་གྲུབ་ན། དེ་ལྟར་ཡིན་པར་ཐལ། དེ་ལྟར་ཡིན་པ་དེ་ཡང་ཐམས་ཅད་མཁྱེན་པ་ཏཱ་ར་ནཱ་ཐའི་དགོངས་པ་ཡིན་པའི་ཕྱིར། མ་གྲུབ་ན། དེ་ཡིན་པར་ཐལ།དེ་ཉིད་ཀྱིས་མཛད་པའི་ཐེག་མཆོག་དབུ་མ་ལས། ཆེད་བརྗོད་ནི་དཔེ་ཞིག་གཟིགས་ནས་དེ་དང་དོན་སྦྱར་ཏེ་སྟོན་པའོ། །ཞེས་གསུངས་པའི་ཕྱིར། འདོད་ན། ཆེད་བརྗོད་ཆོས་ཅན།དཔེ་ཞིག་གཟིགས་ནས་དེ་དང་དོན་སྦྱར་ཏེ་སྟོན་པ་ཡིན་པར་ཐལ། འདོད་པའི་ཕྱིར། འདོད་ན། དཔེ་ཞིག་གཟིགས་ནས་དེ་དང་དོན་སྦྱར་ཏེ་སྟོན་པ་ནི་ཆེད་བརྗོད་མ་ཡིན་པར་ཐལ།དེ་རྟོགས་པ་བརྗོད་པའི་སྡེ་ཡིན་པའི་ཕྱིར། མ་གྲུབ་ན། དེ་རྟོགས་པ་བརྗོད་པའི་སྡེ་ཡིན་པར་ཐལ། དེ་ལྟར་ཡིན་པ་དེ་ཡང་ས་བཟང་མ་ཏི་པཎ་ཆེན་གྱི་དགོངས་པ་ཡིན་པའི་ཕྱིར། མ་གྲུབ་ན། དེའི་དགོངས་པ་ཡིན་པར་ཐལ། དེ་ཉིད་ཀྱིས་མཛད་པའི་མངོན་པ་ཀུན་བཏུས་འགྲེལ་བ་ལས། རྟོགས་པ་བརྗོད་པའི་སྡེ་གང་ཞེ་ན། དཔེ་དང་བཅས་པར་གསུངས་པའོ། །ཞེས་གསུངས་པའི་ཕྱིར། འདོད་ན། རྟོགས་པ་བརྗོད་པའི་སྡེ་ཆོས་ཅན། དཔེ་དང་བཅས་པར་གསུངས་པ་ཡིན་པར་ཐལ། འདོད་པའི་ཕྱིར། འདོད་ན། དེ་མ་ཡིན་པར་ཐལ། རྟོགས་པ་བརྗོད་པའི་སྡེ་ནི་ལོ་རྒྱུས་ཀྱི་ཚུལ་དུ་སྟོན་པ་ཡིན་པའི་ཕྱིར། མ་གྲུབ་ན། དེ་ཡིན་པར་ཐལ།དེ་ལྟར་ཡིན་པ་དེ་ཡང་ཐམས་ཅད་མཁྱེན་པ་ཏཱ་ར་ནཱ་ཐའི་དགོངས་པ་ཡིན་པའི་ཕྱིར། མ་གྲུབ་ན། དེ་ལྟར་ཡིན་པར་ཐལ། དེ་ཉིད་ཀྱིས་མཛད་པའི་ཐེག་མཆོག་དབུ་མ་ལས། རྟོགས་བརྗོད་ནི། སྔོན་འདི་བྱས་པས་ད་ལྟ་འདི་ལྟ་བུ་བྱུང་ངོ༌། །ཞེས་ལོ་རྒྱུས་ཀྱི་ཚུལ་གྱིས་བསྟན་པའོ། །ཞེས་གསུངས་པའི་ཕྱིར། འདོད་ན། རྟོགས་བརྗོད་ལོ་རྒྱུས་ཀྱི་ཚུལ་གྱིས་བསྟན་པ་དེ་ཡིན་པར་ཐལ། འདོད་པའི་ཕྱིར། འདོད་ན། དེ་མ་ཡིན་པར་ཐལ། ལོ་རྒྱུས་ཀྱི་ཚུལ་གྱིས་བསྟན་པ་དེ་དེ་ལྟ་བུ་བྱུང་གི་སྡེ་ཡིན་པའི་ཕྱིར། མ་གྲུབ་ན། ཡིན་པར་ཐལ། དེ་ལྟར་ཡིན་པ་དེ་ཡང་ས་བཟང་མ་ཏི་པཎ་ཆེན་གྱི་དགོངས་པ་ཡིན་པའི་ཕྱིར། མ་གྲུབ་ན། དེའི་དགོངས་པ་ཡིན་པར་ཐལ། དེ་ཉིད་ཀྱིས་མཛད་པའི་མངོན་པ་ཀུན་བཏུས་འགྲེལ་བ་ལས། དེ་ལྟ་བུ་བྱུང་གི་སྡེ་གང་ཞེ་ན། གང་སྔོན་གྱི་སྦྱོར་བ་དང་ལྡན་པའོ། །ཞེས་གསུངས་པའི་ཕྱིར། འདོད་ན།དེ་མ་ཡིན་པར་ཐལ། དེ་ལྟ་བུ་བྱུང་གི་སྡེ་ནི་ཉན་ཐོས་ཀྱི་སྐྱེས་རབས་མདོ་སྡེ་རྣམས་ཡིན་པའི་ཕྱིར། མ་གྲུབ་ན། དེ་ཡིན་པར་ཐལ། དེ་ལྟར་ཡིན་པ་དེ་ཡང་ཐམས་ཅད་མཁྱེན་པ་ཏཱ་ར་ནཱ་ཐའི་དགོངས་པ་ཡིན་པའི་ཕྱིར། མ་གྲུབ་ན། དེ་ལྟར་ཡིན་པར་ཐལ། དེ་ཉིད་ཀྱིས་མཛད་པའི་ཐེག་མཆོག་དབུ་མ་ལས། དེ་ལྟ་བུ་བྱུང་བའི་སྡེ་ནི་ཤཱ་རིའི་བུ་སོགས་ཉན་ཐོས་ཀྱི་སྐྱེས་རབས་རྣམས་སོ། །ཞེས་གསུངས་པའི་ཕྱིར། དེ་ལྟར་དཔྱད་པར་བྱའོ། །


previousགསུང་རབ་ཡན་ལག་བཅུ་གཉིས་ཀྱི་ངོས་འཛིན་ལ་དཔྱད་སྒོ།next