སྟག་ལུང་ཐང་པ།
༈ ཕག་གྲུའི་སློབ་མ་སྟག་ལུང་ཐང་པ་ནི། གཡང་ཤོད་བོང་ར་སྟེང་དུ་ཆུ་ཕོ་ཁྱི་ལ་འཁྲུངས། བཅོ་བརྒྱད་ལ་རབ་ཏུ་བྱུང་ནས་འགྲོ་མགོན་ལོ་དྲུག་ཏུ་བསྟེན། དེ་ནས་སྔར་པོ་ཏོ་བའི་བཞུགས་གནས་ཀྱི་ས་དེར་ལྕགས་བྱི་ལ་སྟག་ལུང་དགོན་གནས་བཏབ། ལོ་ངོ་སུམ་ཅུ་ཙམ་གྱི་བར་འགྲོ་དོན་མཛད། ཆོས་དང་ཟང་ཟིང་གི་འབྱོར་པ་མངའ་བས་ཕག་གྲུའི་གདན་སར་དཀོན་མཆོག་གི་སྲི་ཞུ་བསྐྲུན་པའི་དགེ་སྟོབས་བླ་ན་མེད་པ་མཛད། ཁམས་ཕྱོགས་སུའང་རི་བོ་ཆེ་ལ་སོགས་པའི་དགོན་སྡེ་རྒྱས་པར་སྤེལ། མཐར་དགུང་ལོ་དྲུག་ཅུ་རྩ་དགུ་ས་རྟའི་ལོ་ལ་ཞི་བར་གཤེགས་སོ། །