ཞབས་བརྟན།
― JKT001_Page_0593 ―
[མ་དཔེ་གཟིགས་ན་འདིར་གནོན།]
ཨོཾ་སྭསྟི་ཤྲཱི་བི་ཛ་ཡནྟ། ཁྱབ་བདག་རྡོ་རྗེ་འཆང་དངོས་ཡེ་ཤེས་སྐུ། །རིན་ཆེན་གསུམ་གྱི་ངོ་བོ་གཅིག་བསྡུས་གང་། །བློ་གསལ་གདུལ་བྱ་རྒྱ་མཚོའི་ཚོགས་རྣམས་དང་། །ཐུབ་བསྟན་ཡུན་རིང་སྐྱོང་ཕྱིར་ཞབས་བརྟན་གསོལ། །ཚུལ་གནས་གསན་བསམ་སྒོམ་པའི་མཐར་སོན་ཅིང་། །མཁས་བཙུན་གྲུབ་པའི་ཡོན་ཏན་མཚུངས་ཟླ་མེད། །བསམ་ཡས་ཕྲིན་ལས་བཟང་པོའི་དཔལ་མངའ་བའི། །གསང་གསུམ་འཆི་མེད་གྲུབ་པ་ཉིད་གྱུར་ཅིག །མདོར་ན་ཡོངས་རྫོགས་བསྟན་འགྲོའི་སྐྱབས་གཅིག་པུ། །བསྐལ་བརྒྱར་ཞབས་བརྟན་ཕྲིན་ལས་རྒྱས་པ་དང་། །བདག་ཅག་བྱང་ཆུབ་བར་དུ་རྗེས་བཟུང་ནས། །དོན་གཉིས་ལྷུན་གྱིས་གྲུབ་པའི་བཀྲ་ཤིས་སྩོལ། །ཅེས་པའང་མཁྱེན་བརྩེའི་དབང་པོས་སོ།། །།