ནུབ་ཀྱི་པད་མའི་ལྟེ་བར།
ནུབ་ཀྱི་པད་མའི་ལྟེ་བར།
དབང་མོ་སེར་མོ་གླང་བོ་ཆེ་དཀར་པོ་ལ་གནས་པ་ལ། བདེན་བྲལ་སྟེ་སྲིན་པོ་ནག་པོ། གཡས་གཉིས་ཀྱིས་རལ་གྲི་དང་གྲི་གུག གཡོན་གཉིས་ཀྱིས་ཕུབ་དང་ཐོད་པ་འཛིན་པས་འཁྱུད་པ། མདུན་དང་རྒྱབ་ཀྱི་འདབ་མ་ནས་གཡས་སྐོར་གྱི་རིམ་པས་རྡོ་རྗེ་འོད་མ་དང༌། བཀྲ་བའི་རི་མོ་མ་དང༌། རྡོ་རྗེའི་ལུས་མ་དང༌། གསེར་ལྡན་མ་དང༌། རིག་འཛིན་མ་དང༌། ཆུ་ཤིང་མ་དང༌། ཟུག་རྔུ་སེལ་མ་དང༌། ཤིན་ཏུ་སྒྲོལ་མ་རྣམས་ནི་སེར་མོ་སྟེ། དགུ་ཆར་གྱི་ཕྱག་གཡས་གཉིས་ཀྱིས་རྡོ་རྗེ་དང༌། མདའ། གཡོན་གཉིས་ཀྱིས་སྒྲ་དང་བཅས་པའི་རྡོ་རྗེ་དྲིལ་བུ། གཞུ་རྣམས་འཛིན་པའོ། །