བཀའ་སྲུང་ལ་གཉེར་དུ་བཅོལ་བ།

གསུམ་པ་བཀའ་སྲུང་རྣམས་ལ་གཉེར་དུ་བཅོལ་བ་ནི། ཟབ་གསང་རྫོགས་པ་ཆེན་པོའི་བཀའ་ཡི་བསྲུང་མ་ཡེ་ཤེས་དབྱིངས་ཀྱི་མགོན་པོ་ཕྱག་བཞི་པ་དང་། སྔགས་ཀྱི་བདག་མོ་ནམ་མཁའི་རལ་གཅིག་མ། དྲང་སྲོང་ཁྱབ་འཇུག་ཆེན་པོ། དམ་ཅན་རྡོ་རྗེ་ལེགས་པ་རྣམས་རང་རང་སོ་སོའི་འཁོར་ཚོགས་དང་བཅས་པ་ཐམས་ཅད་ཀྱིས་མྱུར་ལམ་དགོངས་མཛོད་སྙིང་པོའི་མན་ངག་རྒྱུད་ཀྱི་བསྟན་པ་སྲིད་མཐའི་བར་དུ་མི་ཉམས་པར་བསྲུང་བ་དང་། རབ་འབྲིང་ཐ་མའི་གདུལ་བྱ་ཡོངས་ལ་སྤེལ་བ་དང་། ཉམས་སུ་ལེན་པའི་ཕྲིན་ལས་རླབས་པོ་ཆེ་དུས་ལས་མི་ཡོལ་བར་མཛོད་ཅིག ཅེས་བཀའ་སྲུང་རྣམས་ལ་མན་ངག་ཟབ་མོ་གཉེར་དུ་བཅོལ་ཞིང་གཏད་རྒྱས་བཏབ་པ་སྟེ། དེ་ཉིད་ལས། འདི་ཉིད་རང་གིས་ཉམས་སུ་ལོ ན་པ་དང་། །ཌཀྐི་ཉིད་ལ་གཏད་དེ་གཏེར་དུ་སྦོས། །ལས་ཅན་ཅིག་གི་དོན་དུ་སྨོན་ལམ་ཐོབ། །ཅེས་གསུངས་པ་དང་ཕྱོགས་མཐུན་ནོ། །