དེ་ནས་ལྷོ་སྒོའི་གཡོན་གྱི་འདོད་མ་སྤྲོ་བ།
དེ་ནས་ལྷོ་སྒོའི་གཡོན་གྱི་འདོད་མ་སྤྲོ་བ་ནི།
༢༥རྒྱུག་པར་འདོད་མ་སྐུ་མདོག་ལྗང་གུ། ཞལ་གཅིག་ཕྱག་བཞི་གཡས་གཉིས་ཀྱིས་དགྲ་སྟྭ་དང་རྩེ་གསུམ། གཡོན་གཉིས་ཀྱིས་སྦྲུལ་ཞགས་དང་ཁ་ཊྭཱཾ་ག་འཛིན་པ་དང༌། ༢༦སྐེམ་པར་འདོད་མ་ཞལ་གསུམ་ཕྱག་དྲུག རྩ་ཞལ་དང་སྐུ་མདོག་དམར་མོ། གཡས་དཀར་གཡོན་ནག་པ། གཡས་གསུམ་མེའི་མདའ་རྡོ་རྗེ་ལྕགས་ཀྱུ་ཊ་མ་རུ། གཡོན་གསུམ་གཞུ་དང་ཞགས་པ་རིན་པོ་ཆེ་འཛིན་པ་དང༌། ༢༧ལུས་ཀྱི་དྲི་མ་འདོད་མ་སྐུ་མདོག་དམར་མོ། ཞལ་གཅིག་ཕྱག་བཞི་གཡས་གཉིས་ཀྱིས། དབྱུག་པ་དང་རལ་གྲི་གཡོན་གཉིས་ཀྱིས་ལྕགས་སྒྲོག་དང་ཕུབ་འཛིན་པ་དང༌། ༢༨བཤང་གཅི་ཟག་པར་འདོད་མ་དམར་མོ་ཞལ་གཅིག་ཕྱག་གཉིས་གྲི་ཐོད་འཛིན་པ་རྣམས་ལྷོའི་གཡོན་ལ་གཡོན་བསྐོར་གྱིས་རིམ་པས་འབྲིའོ། །