Nitartha Digital Library
Tibetan
བོད་རིག་པའི་ཆ་ལག་ཏུ་ཉེ་བར་མཁོ་བ་རྒྱུན་ཤེས་དཔྱད་མཛོད་ཆེན་མོ་ཞེས་བྱ་བཞུགས་སོ།

3 occurrences of ཆོས་རྒྱལ་ཕུག་
[Clear Hits]


  
 expand section
 expand section
 expand section
 expand section
 expand section
expand section
 collapse section
  
  
  
  
  
  
  
ཇག་པའི་རྒྱུགས་མོ།
  
  
  
  
  
  
 expand section
  
  
 expand section
 expand section
 expand section
 expand section
 expand section
 expand section
 expand section
 expand section
 expand section
 expand section
 expand section
 expand section
expand section
 expand section
 expand section
 expand section
 expand section
 expand section
 expand section


3 occurrences of ཆོས་རྒྱལ་ཕུག་
[Clear Hits]

 
previousཇག་པའི་རྒྱུགས་མོ། next

ཇག་པའི་རྒྱུགས་མོ།

ཇག་པའི་རྒྱུགས་མོ་འདི་ཡང་ཇུ་ཐིག་གི་མོ་འདེབས་ཚུལ་ལས་དར་བར་མངོན་ལ། འདི་སྔོན་ཆད་ཇག་ལས་བྱེད་པའམ། ར་མདར་ཆས་སྐབས་བྲེལ་སྟབས་ཀྱིས་བརྒྱག་པའི་དམངས་སྲོལ་གྱི་མོ་ཞིག་ཡིན། དེ་ཡང་གང་ལ་དད་འདུན་ཆེ་བའི་ལྷ་སྲུང་ངམ་གཞི་བདག་གང་རུང་ལ་གསོལ་བ་བཏབ་སྟེ། སྲབ་མདའ་དང་ལྷམ་སྒྲོག་ལ་མདུད་པ་བརྒྱབ་ནས་ལེགས་ཉེས་འབྱེད་པའི་མོ་ཞིག་ཡིན་ལ། མོ་འདི་ལ་མདུད་པ་མི་འདྲ་བ་བཞི་མདུད་ཚུལ་ཡོད། མཛོ་མོ་གསེར་སྣ་ཞེས་ཐ་གུ་གཅིག་ནང་གཅིག་བརྒྱུས་ནས་ཡོད་ན་བརྟག་བྱའི་དོན་དེ། ལེགས་རབ་ཏུ་བརྩི་བ་དང་། ཐི་གུ་གཉིས་གཤིབ་ཞེས་ཐི་གུ་གཉིས་གཤིབ་ཡོད་ན། འབྲིང་ཤིས། ཤྭ་བོ་སྐེ་གཅུས་ཞེས་མོ་ཐིག་ཟུང་བསྣོལ་མར་ཡོད་ན་འབྲིང་། ད་ལེན་མགོ་རྡུམ་ཞེས་ཐ་གུ་རང་སར་ཡོད་ན་ཐ་མར་བཤད་དོ། །

ཡང་གླིང་སྒྲུང་རྟ་རྒྱུགས་རྒྱལ་འཇོག་ལས། གླིང་མི་རྣམས་རྟ་རྩལ་འགྲན་བཞིན་པའི་སྐབས་དེར། གེ་སར་གྱིས་གསེར་གྱི་པ་ཊ་དང་དར་བཅས། ཀུན་ཤེས་ལ་མོ་ཡོན་དུ་ཕུལ་ནས། མོ་ཞིག་འདེབས་དགོས་ཚུལ་གསུངས་པས། མོ་མས་དེ་རིང་རྟ་རྒྱུགས་འདི་ལ་སྲབ་མདའ་གང་གི་སྔ་ཕྱི། རྣ་མཆོག་གང་གི་མཐོ་དམན་ཡོད་པའི་དུས་དེ་ཙམ་ལ། མོ་བཏབ་ནས་གཞི་བཀོད། རྨུ་གབ་ཕྱེ། མོ་ལྷ་བདར་བ་སོགས་ཁོམ་ལོང་མེད་མོད། འོན་ཀྱང་། ཇོ་རུ་འདིའི་བསམ་པ་རྫོགས་ཆེད་མགྱོགས་མོ་ཞིག་མ་བཏབ་ན་མི་འོས་སྙམ་སྟེ། རུམ་ནས་ཇུ་ཐིག་བླངས་ཏེ་མོ་བདར་བ་ཞེས་སྟབས་བདེའི་མོ་འདེབས་ཚུལ་འདི་ཡང་ཇག་པའི་རྒྱུགས་མོའི་ཁོངས་སུ་གཏོགས་སོ། །


previousཇག་པའི་རྒྱུགས་མོ། next