གཉིས་པ་ཡན་ལག་དམིགས་པ་གཏུམ་མོ། །

གཉིས་པ་ཡན་ལག་དམིགས་པ་གཏུམ་མོ་ནི། །

མདོར་བསྡུས་རྩ་གསུམ་འཁོར་ལོ་དྲུག་གསལ་ནས། །གཙུག་ཏོར་དབུ་མའི་ཐིག་ལེ་དཀར་པོ་ནི། །ནུ་མ་ལྟ་བུ་རིང་ཐུང་སོར་བཞི་ཙམ། །ལྟེ་བར་གཏུམ་མོ་དབྱུག་པའི་གཟུགས་ཅན་ལ། །ཁ་དོག་དམར་པོ་སོར་བཞི་གསལ་བཏབ་ལ། །བུམ་ཅན་བཟུང་བས་གཏུམ་མོའི་མེ་འོད་རྒྱས། །རྩ་འཁོར་དྲུག་སོགས་ལུས་ནང་ཐམས་ཅད་ལ། །ཁ་དོག་དམར་ལམ་དྲོད་ཀྱིས་གང་བར་མོས། ། སྤྱི་བོའི་ཐིག་ལེ་ཞུ་བས་དབུ་མར་བབས། །དེ་ཡི་འོད་ཀྱིས་ལུས་ཀུན་དཀར་ལམ་པ། །བདེ་བས་གང་ནས་ཐིག་ལེ་གཏུམ་མོར་ཐིམ། །རྣམ་པར་མི་རྟོག་ཅུང་ཟད་ཉམས་པར་བཞག །དམིགས་བསྐོར་ཞེ་ལྔ་རྗེས་དྲན་འཁྲིད་རྫོགས་སོ། །