བུད་ཤིང་གི་མཚན་ཉིད་བསྟན་པ།
― DTG028_Page_0460 ―
[མ་དཔེ་གཟིགས་ན་འདིར་གནོན།]
༄། །སྦྱིན་སྲེག་གི་ཤིང་སྲོག་ཆགས་མེད་པ་ཐབ་ཁུང་བས་ཅུང་ཟད་དམའ་བའམ། །བས་མཐའི་ལྕི་བ་ཉི་བ་ལའོ། །སྔོན་དུ་གསུངས་པའི་ཤིང་འབྲས་བུ་དང་བཅས་པ་རྒྱས་པ་ལའོ། །ནིམ་པའམ་ཤིང་རོ་སྐྱུར་བའམ། ཤིང་གཞན་མེ་ཏོག་དང་ལྡན་པ་རྣམས་དབང་ལའོ། །ཤིང་རོ་ཚེ་བ་དང༌། ཁ་བ་དང༌། ཚེར་མ་དང་ལྡན་པ་དང༌། དྲི་མི་ཞིམ་པ་དང༌། དྲི་མེད་པ་དང༌། དུར་ཁྲོད་ནས་བྱུང་བ་རྣམས་གང་རུང་ངམ། བོང་བུ་དང་རྔ་མོ་ལ་སོགས་པའི་སྤངས་སྐམ་པོ་རྣམས་མངོན་སྤྱོད་ལའོ། །འདི་ནི་བུད་ཤིང་གི་མཚན་ཉིད་བསྟན་པའོ། །