Nitartha Digital Library
Tibetan
ཏཱ་ར་ནཱ་ཐའི་གསུང་འབུམ།

10 occurrences of མགོན་པོ་བེང་
[Clear Hits]


expand section
 expand section
 expand section
 expand section
 expand section
 expand section
 expand section
 expand section
 expand section
 expand section
 expand section
 expand section
 expand section
 expand section
 expand section
 expand section
 expand section
 collapse section
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
ཚོགས་བདག་ཇོ་བོ་ལུགས་བསྡུས་པའི་སྒྲུབ་ཐབས།
  
  
  
  
 expand section
expand section
 expand section
 expand section
 expand section
 expand section
 expand section


10 occurrences of མགོན་པོ་བེང་
[Clear Hits]

 
previousཚོགས་བདག་ཇོ་བོ་ལུགས་བསྡུས་པའི་སྒྲུབ་ཐབས།next

ཚོགས་བདག་ཇོ་བོ་ལུགས་བསྡུས་པའི་སྒྲུབ་ཐབས།


TNT15_Page_0735
[མ་དཔེ་གཟིགས་ན་འདིར་གནོན།]

ཨོཾ་སྭཱ་སྟི། འཇིག་རྟེན་དབང་ལ་གུས་བཏུད་ནས། །ཚོགས་བདག་དཀར་པོ་སྒྲུབ་པའི་ཐབས། །ཇོ་བོ་རྗེ་ཡི་མན་ངག་བཞིན། །མདོ་ཙམ་བདག་གིས་བྲི་བར་བྱ། །བག་ཕྱེ་ལ་མར་དང་སྤོས་དང་སྦྲང་རྩི་བཏབ་པ་ལ། ལ་དུའི་ཚུལ་གྱི་རིལ་བུ་མང་དུ་བཤམ། སྣོད་གཙང་མ་


TNT15_Page_0736
[མ་དཔེ་གཟིགས་ན་འདིར་གནོན།]

གཞན་ཞིག་ཆུ་གཙང་གི་གསུམ་གཉིས་ཙམ་བཀང༌། མེ་ཏོག་ལ་སོགས་པ་མཆོད་པ་སྤྱི་མཐུན་དུ་བཤམ་ཞིང༌། རྟེན་ཡོད་ན་བགྲམ། ཡི་དམ་ཀྱི་མངོན་རྟོགས་སྔོན་དུ་སོང་བས། རང་གི་མདུན་དུ་པད་ཟླའི་གདན་ལ་ཚོགས་བདག་དཀར་པོ་གླང་པོ་ཆེའི་གདོང་པ་ཅན། ཕྱག་གཡས་གཉིས་ན་ལ་ཕུག་དང་འཕྲེང་བ་ཅན། གཡོན་གཉིས་ན་ནེའུ་ལེ་དང་དགྲ་སྟ་འཛིན་པ། གསུས་པ་འཕྱང་བ་རིན་པོ་ཆེའི་རྒྱན་དང༌། སྟག་ལྤགས་ཀྱི་སྟོད་གཡོགས་སྨད་གཡོགས་གསོལ་བ། རལ་པའི་ཐོར་ཚུགས་ཅན། སྣ་ཤལ་དམར་བ་གཡས་བརྐྱང་གི་རོལ་པས་བཞུགས་པ། བྱི་བ་ལ་གནས་པའམ། རྒྱབ་བརྟེན་པའོ། །རིལ་བུ་རྣམས་འབྲུ་གསུམ་གྱིས་བྱིན་གྱིས་བརླབས། ཨོཾ་ཨཱཿཧཱུཾ། ཞེས་མཐེབ་སྲིན་གཡས་པས་རིལ་བུ་རྣམས་རིམ་པས་ཆུ་ནང་དུ་བསྐྱུར་བས་རྣ་ཤལ་གྱིས་བླངས་ཤིང་གསོལ་བར་བསམས་ལ། ཉེར་གཅིག་སོགས་གང་ནུས་སུ་ཕུལ། དེ་ནས་བཟླས་པ་ནི། ཨོཾ་བྷྲཱུཾ་ག་ཎ་པ་ཏི་སྭཱཧཱ། ཞེས་དང༌། ཨོཾ་བྷ་ར་ཀ་ཏ་ཡེ་སྭཱཧཱ། ཞེས་པ་དང༌། ཨོཾ་ཝ་ཀ་ཏེ་དཾཥྟཾ་བྷིན་ད་ཧཱུཾ་ཕཊ། ཞེས་པ་རྣམས་གང་རུང་ཅི་ནུས་བཟླས་པའི་མཐར། ཨོཾ་བྷྲུཾ་ག་ཎ་པ་ཏི་རཏྣ་སིདྡྷི་སྭཱཧཱ། ཞེས་པའང་ཅུང་ཟད་བཟླའོ། །མཐར་ཨརྒྷཾ་ནས། ཤཔྟའི་བར་གྱིས་མཆོད། ལྷ་ཡི་རྒྱལ་པོ་ལྷ་མིན་འཇོམས། །མཐའ་དག་བགེགས་ལ་དབང་བསྒྱུར་བ། །གངས་རིའི་མདོག་ལྟར་རབ་ཏུ་དཀར། །ཚོགས་རྗེ་གཟི་བརྗིད་འབར་ལ་བསྟོད། །


TNT15_Page_0737
[མ་དཔེ་གཟིགས་ན་འདིར་གནོན།]

བདག་གི་མཐུན་རྐྱེན་སྒྲུབ་པའི་ཡོན་བདག་མཛོད་ཅིག །ཅེས་དྲག་ཏུ་གསོལ་བ་བཏབ། རྟེན་ཡོད་ན་བརྟན་བཞུགས་དང༌། མེད་ན་མི་དམིགས་པར་སྦྱངས། ལུང་འབོགས་ཚུལ་ནི། རྗེས་གནང་སྤྱི་དང་འདྲ་བར་བྱེད་པའང་ཡོད་ལ། ཡང་སློབ་མའི་མཆོད་པའི་ཡོ་བྱད་རྣམས་བཤམས། གསོལ་བཏབ་ཡན་ཆད་ཚར་བའི་རྗེས་ལ། སློབ་མ་ལ་བསྒོམ་ལུང་ཕོག་ནས། སྔགས་ལ་རྗེས་ཟློས་བྱེད་པ་ཉིད་ཡིན་ནོ། ཁྱུང་པོ་རྣལ་འབྱོར་གྱི་ཞལ་ནས། མི་ཡི་ཡོན་བདག་ངོ་བསྲུང་དཀའ། །ལྷ་ཡི་ཡོན་བདག་བསྒྲུབ་པར་བྱའོ། །ཞེས་དགེ་བཤེས་དཀོན་མཆོག་མཁར་ལ་གནང༌། དེ་ནས་ཕག་གྲུ་ལས་བརྒྱུད་པའི་གསུང་བསྒྲོས་ལས་འབྱུང་ངོ༌། །དཀའ་ཚེགས་ཆུང་ཞིང་ཀུན༵་ནས་ཟབ། །གོང་མའི་ཕྱག་ལན་བརྒྱུད་བཅས་འདི། །དག༵འ་བར་མཐོང་ནས་འབད་དེ་ཞུས། །སྙིང༵་པོ༵་ཙམ་ཞིག་ཡི་གེ་བྱས། །ཚོགས་བདག་ཇོ་བོ་ལུགས་བསྡུས་པའི་སྒྲུབ་ཐབས་ཀྱི་ལེ་ཚན་ནོ།། །།


previousཚོགས་བདག་ཇོ་བོ་ལུགས་བསྡུས་པའི་སྒྲུབ་ཐབས།next