Nitartha Digital Library
Tibetan
བོད་རིག་པའི་ཆ་ལག་ཏུ་ཉེ་བར་མཁོ་བ་རྒྱུན་ཤེས་དཔྱད་མཛོད་ཆེན་མོ་ཞེས་བྱ་བཞུགས་སོ།

18 occurrences of འབེན་
[Clear Hits]


  
 expand section
 expand section
 expand section
 expand section
 expand section
 expand section
 expand section
expand section
 expand section
 collapse section
  
  
  
  
  
  
  
དགའ་ལྡན་ལྔ་མཆོད།
  
  
  
  
  
  
 expand section
 expand section
 expand section
 expand section
 expand section
 expand section
 expand section
 expand section
 expand section
 expand section
 expand section
 expand section
 expand section
expand section
12  expand section
 expand section


18 occurrences of འབེན་
[Clear Hits]

 
previousདགའ་ལྡན་ལྔ་མཆོད། next

དགའ་ལྡན་ལྔ་མཆོད།

འབྲོག་རི་བོ་དགའ་ལྡན་དགོན་པ་ནས་རྗེ་ཐམས་ཅད་མཁྱེན་པས། སྐུ་བེར་དང་དབུ་ཞྭ་སྲས་ཀྱི་ཐུ་བོ་དར་མ་རིན་ཆེན་ལ་གནང་སྟེ། རྒྱལ་ཚབ་ལ་བསྐོ་བཞག་མཛད་ནས། ཟླ་བཅུ་བའི་ཚེས་ཉེར་ལྔ་ཉིན་གཟིམ་ཁང་འོད་གསལ་སྦུག་ཏུ་སྐུ་གཤེགས་པའི་ཉིན་མོ་ལ་དགའ་ལྡན་ལྔ་མཆོད་ཟེར། རྗེ་སྐུ་གཤེགས་པའི་ཕྱི་ལོ་དགའ་ལྡན་དུ་དགེ་འདུན་པ་མང་བོས་བདེ་གསང་འཇིགས་གསུམ་དང་། ཀྱེ་རྡོར། དུས་འཁོར། ཚེ་དཔག་མེད། ཀུན་རིག་སོགས་ཀྱི་དཀྱིལ་འཁོར་ལ་བསྟེན་ནས་དགོངས་རྫོགས་ལ་སྒྲུབ་མཆོད་མཛད་པ་དང་། ར་ཁ་བྲག་ཏུ་ཆོས་རྗེ་ཡེ་ཤེས་དབུ་མཛད་དེ། དགེ་འདུན་པ་མང་བོས་སྒྲུབ་མཆོད་རྒྱ་ཆེར་གནང་བ་ནས་བཟུང་། ད་ལྟའི་བར་དགེ་ལྡན་ལྔ་མཆོད་ཆེན་མོ་ཞེས། བོད་རྒྱ་ཆེའི་མི་དམངས་ཀྱི་སེམས་ཁོང་གི་ཉི་མ་ལྟ་བུ་འཇམ་མགོན་བློ་བཟང་གྲགས་པ་ཞི་བར་གཤེགས་པའི་རྗེས་དྲན་དུ་རྣམ་དཀར་གྱི་ལས་ལ་བརྩོན་ཅིང་། ཁྱད་པར་དགོན་སྡེ་ཁག་དང་དུད་ཁྱིམ་ཡོངས་རྫོགས་ཀྱིས་ཁང་བའི་ཡང་སྟེང་དུ་མཆོད་མེ་བསྟར་ཕྲེང་བསྒྲིགས་པའི་གླིང་མེའི་མཆོད་པ་རྒྱ་ཆེར་འབུལ་སྲོལ་ཚུགས་ཤིང་། ཡུལ་ལུང་མང་ཆེ་བར་མར་མེ། གཞིས་ཀའི་སྟེང་འོག་དང་ཁོར་ཡུག་ཀུན་དུ་འཁྱེར་ཏེ། དམིགས་བརྩེ་མ་གདངས་དབྱངས་སྙན་མོས་གྱེར་ཏེ། རྗེ་ཐམས་ཅད་མཁྱེན་པའི་དགོངས་རྫོགས་སྒྲུབ་སྲོལ་ཡོད་པ་འདིར་ས་ཁྱབ་རྡོ་ཁྱབ་ཏུ་སོང་བ་ཡིན་ལ། ཐ་ན་དམངས་གཞས་ཚུན་ནའང་ལེན་སྲོལ་ཡོད་དེ། བོད་ཁ་བ་ཅན་ན་དུས་ཆེན་གསུམ། །གཅིག་དེ་བཅུ་བའི་ལྔ་མཆོད་རེད། །མར་མེའི་འོད་ཀྱིས་མུན་པ་སེལ། །སེམས་དྲན་པ་གསལ་བའི་བཀྲ་ཤིས་ཤོག །ཅེས་སོ། །


previousདགའ་ལྡན་ལྔ་མཆོད། next