ཞོ་སྟོན།
ཞོ་སྟོན་དུས་ཆེན་འདི་ཇི་ལྟར་བྱུང་ཞེ་ན། སྔོན་འཕགས་ཡུལ་དུ་དབྱར་གནས་སྐབས། དབྱར་བཞུགས་པ་རྣམས་ལ། འོ་མ་དང་ཞོའི་སྟོན་མོ་ཐེངས་འགར་དྲངས་སྲོལ་ཡོད་པ་ལྟར། བོད་ལ་ཡང་དགོན་སྡེ་ཁག་ནས་རིམ་བཞིན་བརྒྱུད་དེ། རྒྱལ་དབང་བདུན་པ་སྐལ་བཟང་རྒྱ་མཚོའི་དུས། ནོར་གླིང་དུ་སྐལ་བཟང་ཕོ་བྲང་གསར་བཞེངས་ལེགས་གྲུབ་བྱུང་བས། ལས་བཟོ་བ་དང་གླ་དཔོན། འབངས་མི་སེར་རྣམས་ཀྱིས་ཞོ་སྟོན་བཏང་བ་ནས་བཟུང་། དུས་ཆེན་འདི་དབུ་ཚུགས་པར་བཤད། དེ་ཡང་། བོད་ཟླ་དྲུག་པའི་གནམ་གང་ལ། འབྲས་སྤུངས་ནུབ་རིའི་ལྡེབས་སུ། སྟོན་པའི་གོས་སྐུ་ཞལ་འབྱེད་སྐབས། ལུང་པ་སོ་སོ་ནས་དེར་ཕེབས་ནས་ལྷ་མོ་འཁྲབ་སྲོལ་ཡོད་ལ། ཞོ་སྟོན་གྱི་དངོས་གཞི་བོད་ཟླ་བདུན་པའི་ཚེས་གཅིག་གཉིས་ནས་ཡིན། ཕྱོགས་ཡས་མས་ནས་ཐོན་པའི་ཞོ་སྟོན་གྱི་གཟིགས་མོ་བ་རྣམས་གླིང་ག་གཏོང་ཞིང། རིག་རྩལ་ཚོགས་པ་གཞན་རྣམས་ཀྱང་སྐབས་དེར། འཁྲབ་སྟོན་སྣ་ཚོགས་བྱ་རྒྱུ་ཡོད་ལ། དེ་དང་སྒོ་བསྟུན་ཏེ་ཁེ་ལས་པ་རྣམས་ཀྱིས་ཚོང་རྫས་མང་དུ་བཤམས་པས། ཚོང་འདུས་ཀྱི་ཁྲོམ་ཚོགས་ཀྱང་ཆེ། གཞན་རྒྱལ་ཁབ་ཕྱི་ནང་གི་ལྗོངས་རྒྱུ་བ་རྣམས་ཀྱང་བོད་ལ་ཕེབས་ཏེ། དགའ་སྐྱིད་ཀྱི་དཔལ་ལ་རོལ་ཏོ། །