Nitartha Digital Library
Tibetan
བོད་རིག་པའི་ཆ་ལག་ཏུ་ཉེ་བར་མཁོ་བ་རྒྱུན་ཤེས་དཔྱད་མཛོད་ཆེན་མོ་ཞེས་བྱ་བཞུགས་སོ།


   
  expand section
  expand section
  expand section
  expand section
  expand section
  expand section
  expand section
  expand section
  expand section
  expand section
  collapse section
   
   
   
   
   
   
   
   
   
   
   
   
   
   
   
   
   
   
   
   
ལྡེབས་ཞལ།
   
  expand section
  expand section
  expand section
  expand section
  expand section
  expand section
  expand section
  expand section
  expand section
  expand section
  expand section
  expand section
  expand section
  expand section
  expand section


 
previousལྡེབས་ཞལ།next

ལྡེབས་ཞལ།

བོད་ཀྱི་ཞལ་བའི་ལག་རྩལ་འདི་ཡང་། སྤྱི་ལོ་སྔོན་གྱི་ལོ་ཉིས་བརྒྱའི་སྔོན་ནས་ཚད་མཐོན་པོར་སོན་ཡོད་པར་མངོན་ཏེ། རིག་གསར་གོད་ཆག་མ་བྱུང་བའི་སྔོན་ལ། ཕོ་བྲང་ཡུམ་བུ་བླ་སྒང་གི་ལྡེབས་བྲིས་རི་མོ། ཕྱི་རྒྱལ་གྱི་མིས་པར་བཤུས་ཡོད་པར་གོ་ཐོས་སུ་ཡོད་པ་ལས་གསལ་ལ། དེ་ལོ་ཉིས་སྟོང་ལྷག་ལ་མ་འཇིག་པར་གསལ་བའི་ཁྱད་ཆོས་ལྡན། ཡང་། སྲོང་བཙན་སྐབས་སུ་བཞེངས་པའི་ར་མོ་ཆེ་དང་། དགོན་སྡེ་ཁག་གི་ལྡེབས་རིས་པགས་བཤུས་བྱས་ཚེ། རིམ་པ་གསུམ་མཐོང་རྒྱུ་སྣང་སྟེ། རྩིག་སྟེང་དུ་བྱེ་མ་ཚགས་མ་བརྒྱབ་པའི་བྱེ་ཧྲོབ་དང་ས་དཀྱུས་བསྲེས་ནས་རྩུབ་ལས་བྱས་པ་དང་། དེའི་ཐོག་ཚགས་བརྒྱབ་པའི་ཕྱེ་ཞིབ་དང་ས་དཀར་བསྲེས་ནས་བར་ཞལ་ཏེ། རིམ་པ་གཉིས་པ་བཏང་། དེའི་རྗེས་ས་དཀར་དམར་བསྲེས་པའི་རིམ་པ་གསུམ་པ་བྱས་ཐོག་རྡོ་དཀར་གོང་ངོས་སྙོམས་པོར་དབུར་བརྡར་བྱས་ཏེ་འཇམ་ཤ་དོད་པའི་སྤུས་ཚད་ཧ་ཅང་མཐོ། པོ་ཏ་ལའི་ཕོ་བྲང་དམར་བོ་དང་། དཀར་བོ་ལྡེབས་ཞལ་རྒྱག་དུས། ཞལ་བ་རྒྱག་མཁན་རིམ་པ་གསུམ་ཕྱེས་འདུག རིམ་པ་དང་བོ་དབུ་མཛད་མཁན་རྒྱ་རི་ཙན་དན། བྱིངས་གྲས་ཟ་དམ་བསམ་འགྲུབ་སོགས་མི་དགུ། དཀྱུས་མའི་གྲས་མི་བཅུ་གཉིས་ཡོད། རིམ་པ་དང་བོས་ལྷ་ཁང་དང་གཟིམ་ཆུང་ཁག་གི་ཞལ་རིམ་པ་གསུམ་རྒྱག་པ་དང་། གཞལ་མེད་ཁང་བྱིངས་ལ་བཀོད་འདོམས་བྱེད་དགོས། རིམ་པ་གཉིས་པས་བར་ཞལ་རྒྱག་རྒྱུ་དང་། དབུ་མཛད་ལ་ལས་རོགས་བྱེད་རྒྱུ། རིམ་པ་གསུམ་པས་རྩིག་ཐོག་ལ་རྩུབ་ཞལ་དང་། འདམ་ཆུ་བཟོ་རྒྱུ་སོགས་སྡེ་སྲིད་སངས་རྒྱམ་ཀྱིས་བཀོད་ཡོད་དོ། །


previousལྡེབས་ཞལ།next