Nitartha Digital Library
Tibetan
བོད་རིག་པའི་ཆ་ལག་ཏུ་ཉེ་བར་མཁོ་བ་རྒྱུན་ཤེས་དཔྱད་མཛོད་ཆེན་མོ་ཞེས་བྱ་བཞུགས་སོ།

18 occurrences of འབེན་
[Clear Hits]


  
 expand section
 expand section
 expand section
 expand section
 expand section
 expand section
 expand section
expand section
 expand section
 expand section
 expand section
 collapse section
  
  
  
  
རིན་ཆེན་སྣ་བདུན། །
  
  
  
  
  
  
  
  
  
  
  
  
  
 expand section
 expand section
 expand section
 expand section
 expand section
 expand section
 expand section
 expand section
 expand section
 expand section
 expand section
expand section
12  expand section
 expand section


18 occurrences of འབེན་
[Clear Hits]

 
previousརིན་ཆེན་སྣ་བདུན། །next

རིན་ཆེན་སྣ་བདུན། །

རིན་ཆེན་སྣ་བདུན་ནི། མངོན་བྱུང་གི་མདོ་ལས། འོད་ཟེར་གྱིས་སྔོ་རལ་གྲི་པགས་པ་འཇམ། །དགའ་བའི་ནགས་ཚལ་གོས་ནི་ཡིད་རྗེས་འགྲོ། །མཐུ་ལྡན་མཆིལ་ལྷམ་ཁང་ཁྱིམ་གཞལ་དུ་མེད། །རེག་འཇམ་གཟིམས་ཆས་ལ་གོས་རྣམ་པ་བདུན། །ཞེས་པ་ལྟར།

དང་བོ་རལ་གྲི་རིན་ཆེན་ནི། ཡུ་བ་གསེར་གྱི་པ་ཏྲ་ལ་རིན་ཆེན་ཕྲ་ཚོམ་གྱིས་མཛེས་ཤིང་། འོད་སྔོན་པོ་འཕྲོ་བ། འཁོར་བསྒྱུར་གྱིས་ཕ་རོལ་གྱི་རྒོལ་བ་བྱུང་ཚེ། རལ་གྲི་དེ་འཕྱར་བ་ན། བཏབ་པ་མེད་ཀྱང་ཐམས་ཅད་དབང་དུ་འདུ་བར་བཤད་པ་དང་།

གཉིས་པ་པགས་པ་རིན་ཆེན་ནི། རྒྱ་མཚོ་ན་གནས་པའི་ཀླུ་ཆེན་པོ་ཞིག་གི་པགས་པ་སྟེ། ཡངས་ཤིང་འཇམ་ལ་གསེར་གྱི་སྤུ་རིས་ཅན། ཞེང་དུ་དཔག་ཚད་ལྔ། སྲིད་དུ་བཅུ་ཡོད་པ།  ཆར་གྱིས་མི་རློན་པ། རླུང་གིས་མི་བསྐྱོད། མེས་མི་ཚིགགྲང་དུས་དྲོ་ཞིང་ཚ་དུས་བསིལ་བ། གྱོན་པས་ལུས་ལ་བདེ་ཞིང་འོད་འཕྲོ་བ། འཁོར་སྒྱུར་གང་ལ་གཤེགས་པ་དེར་བློན་པོ་རིན་ཆེན་གྱིས་འཁྱེར་བ་ཞིག་གོ །

གསུམ་པ་མལ་ཆ་རིན་ཆེན་ནི། མནན་ན་ནེམ་ཞིང་བཏེགས་ན་འཕར་བ། འཇམ་ཞིང་མཛེས་པ། གཟིམས་ཁྲིའི་སྟེང་དུ་དར་འབོལ་ལྔས་བཟང་བོ་དང་། ཉལ་གཟན། དེར་བཞུགས་པས་བསམ་གཏན་དང་ཤེས་རབ་འཐོབ་པ། ཉོན་མོངས་པ་ཞི་བར་བྱེད་པ་ཞིག་གོ །

བཞི་བ་ཚལ་རིན་ཆེན་ནི། སྐྱེད་མོས་ཚལ་འབྲས་ལྡན་ལྗོན་པ་དང་མེ་ཏོག་སྣ་ཚོགས་ཀྱིས་སྤུད་པ། བྱ་དང་རི་དྭགས་རྩེན་པ། ལུ་མ་དང་ཁྲུས་ཀྱི་རྫིང་བུ། ལྟེང་ཀ་སོགས་གང་ལ་གང་འཚམ་གྱིས་འཁྱིལ་བ། ལྷའི་བུ་མོ་རྩེད་འཇོར་རོལ་བས་རྒྱལ་བོ་མགུ་བར་འགྱུར་བ། སྒྲ་སྙན་སོགས་བར་མེད་འཇོ་བ། དེར་གནས་པས་དགེ་བའི་ལས་འཕེལ་བ་ཞིག་གོ །

ལྔ་བ་ཁྱིམ་རིན་ཆེན་ནི། འཁོར་སྒྱུར་གནས་པའི་ཁྱིམ་སྟེ། རིན་པོ་ཆེ་བཀོད་ལེགས་རྟ་བབས། སྣམ་བུ་སོགས་ཀྱིས་བརྒྱན་ཅིང་། ཕྱི་གསལ་ནང་གསལ་དུ་ཡོད་པ། དགུན་དྲོ་ལ་དབྱར་བསིལ་བ་ལྡང་བ། དེར་དགའ་བདེ་ངང་གིས་འཕེལ་བ་ཞིག་གོ །

དྲུག་པ་གཟིམ་ཆ་རིན་ཆེན་ནི། རེག་ན་བདེ་བ་ལྡན་པ་སོགས་ཀྱི་ཡོན་ཏན་ལྡན་པ་ཞིག་གོ །

བདུན་པ་ལྷམ་རིན་ཆེན་ནི། འཁོར་སྒྱུར་གྱི་ལྷམ་ཁྱད་པར་བ་ཞིག་སྟེ། གོས་སྐུད་དང་པ་ཏྲ་ཕྲ་ཚོམ་གྱིས་སྤྲས་པ། ཆུར་མི་བྱིང་ལ། མྱུར་དུ་བགྲོད་ནུས་ཤིང་། མི་ངལ་བ་ཞིག་གོ །རྒྱས་པར་ཤེས་འདོད་ན་ག་ཡ་འོད་སྲུངས་སེལ་དང་གླག་ཆོས་འགྲུབ་ཀྱིས་མཛད་པའི་བདེ་སྨོན་འགྲེལ་བ། ཀེའུ་ཚང་འཇམ་དབྱངས་སྨོན་ལམ་གྱིས་མཛད་པའི་སྦྱོར་ཆོས་ཟིན་བྲིས་སོགས་ན་གསལ་ལོ། །


previousརིན་ཆེན་སྣ་བདུན། །next