ནོར་བུ་ཆ་བདུན།
ནོར་བུ་ཆ་བདུན་ནི། རྒྱལ་བའི་རྣ་ཆ། བཙུན་མོའི་རྣ་ཆ། བསེ་རུའི་རྣ་ཆ། བྱུ་རུའི་སྡོང་བོ། གླང་ཆེན་མཆེ་བ། བློན་པོའི་རྣ་ཆ། ནོར་བུ་མིག་གསུམ་པ་དང་བདུན་ནོ། །དེ་ཡང་། གོང་དུ་ལྷའི་ནོར་བུ་འབར་བ། གཡས་སུ་མིའི་ནོར་བུ་མིག་གསུམ། གཡོན་དུ་ཀླུའི་ནོར་བུ་མིག་གཅིག་གསུམ་དགའ་འཁྱིལ་ལམ་བརྩེགས་མར་མཛེས་ཆོས་སུ་བཀོད་པའོ། །ཁ་དོག་གི་ཆ་ལ་ནོར་བུ་ཀུན་གྱི་མཆོག ལྷའི་ནོར་བུ་བཻཌཱུརྱའི་མདོག་ཏུ་བཤད་ཀྱང་། མཛེས་ཆོས་ཀྱིས་ཚོན་སྡེབ་སྣ་ཚོགས་འབྱུང་ངོ་། །དེ་དག་རིན་ཆེན་ཡིན་པས་ཆ་ནས། རྒྱུ་དང་ཁ་དོག་ཕུན་སུམ་ཚོགས་པས། ཕན་ནུས་ཆེན་པོ་འབྱུང་ལ། རི་མོ་ལ་ཡང་འབྲིའོ། །
ཕན་ནུས་ནི། རི་མོ་འདི་བྲིས་པ་ལ་བརྟེན་ནས། ཅི་བསམ་ཡིད་བཞིན་དུ་འགྲུབ་པའི་རྟེན་འབྲེལ་དང་། ཁྱད་པར་དུ་དཔལ་འབྱོར་གྱི་འཕེལ་ཁ་དར་བའི་ཕན་ཡོན་ཡོད་དོ། །