རིག་པ་འཛིན་པའི་སྡེ་སྣོད་ལས་འབྱུང་བ་འཇམ་དཔལ་གྱི་སྒྲུབ་ཐབས།

རིག་པ་འཛིན་པའི་སྡེ་སྣོད་ལས་འབྱུང་བ་འཇམ་དཔལ་གྱི་སྒྲུབ་ཐབས་གཉིས་ལ་རྗེས་གནང་གཅིག་ནི། པད་ཟླའི་སྟེང་དུ་དྷཱིཿཡིག་ཞུ་བ་ལས་ཐིག་ལེ་

དཀར་པོ། དེ་ལས་རང་ཉིད་རྗེ་བཙུན་འཇམ་པའི་དབྱངས་སྐུ་མདོག་དཀར་པོ་ཞལ་གཅིག་ཕྱག་གཉིས་གཡས་རལ་གྲི་འཕྱར་ཞིང༌། གཡོན་ཨུཏྤལ་ལ་གནས་པའི་པོ་ཏི་འཛིན་པ། ཞབས་གཡས་བརྐྱང་པའི་རོལ་པས་བཞུགས་པ། རིགས་བདག་རྣམ་སྣང༌། སྔགས་ནི། ཨོཾ་དྷཱིཿསྭཱཧཱ། རྒྱ་གཞུང་གི་གླེགས་བམ་ལས་བར་སྐབས་འདིར་འབར་འཛག་གི་སྒོ་ནས་ཤེས་རབ་བསྐྱེད་པའི་གཞུང་ཅིག་ཡོད་དེ། རྗེས་གནང་མི་དགོས་སོ།། །།