Nitartha Digital Library
Tibetan
སྔ་འགྱུར་གྲུབ་དབང་རྒྱལ་བ་རྫོགས་ཆེན་པའི་གདན་རབས་ཆོས་བརྒྱུད་དང་བཅས་པའི་བྱུང་བ་བརྗོད་པའི་གཏམ་ཡིད་བཞིན་དབང་གི་རྒྱལ་པོའི་ཕྲེང་བ།

1 occurrence of འབེན་
[Clear Hits]


  
  
  
 expand section
 expand section
collapse section
  
 expand section
collapse section
 expand section
 expand section
 expand section
collapse section
 expand section
 expand section
  
  
  
[༡༥] ཀཿཐོག་རྒྱལ་སྲས་བསོད་ནམས་ལྡེའུ་བཙན།
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
 
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
  
 expand section
 expand section
 expand section
  


1 occurrence of འབེན་
[Clear Hits]

 
previous[༡༥] ཀཿཐོག་རྒྱལ་སྲས་བསོད་ནམས་ལྡེའུ་བཙན། next

[༡༥] ཀཿཐོག་རྒྱལ་སྲས་བསོད་ནམས་ལྡེའུ་བཙན།

གྲུབ་དབང་པདྨ་རིག་འཛིན་གྱི་ཞལ་སློབ་ཀཿཐོག་རྒྱལ་སྲས་རིན་པོ་ཆེ་བསོད་ནམས་ལྡེའུ་བཙན་ནི། ཡབ་སྤྲུལ་པའི་གཏེར་ཆེན་རིག་འཛིན་ཀློང་གསལ་སྙིང་པོ་དང་། ཡུམ་གཏེར་ལུང་ལས་གསལ་བའི་རིག་ལྡན་ཌཱཀྐིའི་དབང་མོ་ལྷ་སྐྱིད་ཅེས་པའི་སྲས་སུ་སྤྱི་ལོ་༡༦༧༥པ་རབ་བྱུང་བཅུ་གཅིག་པའི་ཤིང་ཡོས་ལོར་སྐུ་བལྟམས། འཁྲུངས་མ་ཐག་ནས་དབྱངས་གསལ་ཞལ་འདོན་མཛད་པ་སོགས་ངོ་མཚར་བའི་ལྟས་དུ་མ་བྱུང་། སྤྲུལ་པའི་གཏེར་ཆེན་རིག་འཛིན་བདུད་འདུལ་རྡོ་རྗེའི་སྐུ་སྐྱེ་དེ་མ་ཐག་པ་ཡིན་པ་ཚད་མའི་ལུང་དང་དམ་པ་མང་པོས་བསྔགས། ཡབ་རྗེ་གཏེར་ཆེན་བླ་མ་ལས་བཀའ་ཆོས་མང་དུ་གསན་པ་དང་། ཁྱད་པར་ཡབ་རྗེ་ཉིད་ཞིང་དུ་གཟིགས་སྐབས་ཀྱི་ཞལ་ཆེམས་ལྟར་གྲུབ་དབང་པདྨ་རིག་འཛིན་ཐུན་མིན་རིགས་བདག་ཏུ་བསྟེན་པའི་ཞལ་སྔ་ནས་རྫོགས་ཆེན་གྱི་སྨིན་ཁྲིད་ཟབ་རྒྱས་གསན་པས་གནས་ལུགས་ཀྱི་རྟོགས་པ་མངོན་དུ་གྱུར། གཞན་ཡང་སྨིན་གླིང་གཏེར་ཆེན་དང་། གཏེར་ཆེན་སྟག་ཤམ་རྡོ་རྗེ། ཞྭ་དམར་པ་བརྒྱད་པ་སོགས་མཁས་གྲུབ་ཀྱི་བླ་མ་མང་པོར་བསྟེན་ཏེ་གསན་སྦྱང་མཐར་ཕྱིན་མཛད། གྲུབ་པའི་རྟགས་མཚན་དུ་རྡོ་ལ་ཕྱག་ཞབས་ཀྱི་རྗེས་བྱོན་པ་དང་དཀར་ཡོལ་རྒྱང་རིང་དུ་བསྐྱུར་ཀྱང་ཆག་གྲུག་མེད་པ། མངོན་ཤེས་ཆགས་ཐོགས་མེད་ཅིང་ཡི་དམ་གྱི་ལྷས་ཞལ་གཟིགས་གྲངས་ཀྱིས་མི་ཆོད། ཁྱད་པར་ཡབ་གཏེར་ཆེན་རྟ་ཁོག་ཕ་ཝང་བོང་མོར་ཕེབས་སྐབས་རྒྱལ་སྲས་འདི་དགུང་ལོ་བརྒྱད་བཞེས་པ་ཞབས་ཕྱིར་བྱོན་ཚེ་འབྲོང་དེའུ་ཞེས་པའི་ས་ཆར་ཞབས་རྗེས་ཤིན་ཏུ་གསལ་བར་བྱོན་པས་ས་དེར་ཞབས་རྗེས་ལུང་པར་གྲགས། རྟེན་སྔགས་འཆང་དུ་བཞུགས་ཀྱང་གདན་ས་འཛིན་པའི་སྲས་རྒྱུད་མ་བྱོན་པར་གྲགས། རྗེ་ཉིད་ཀྱིས་རྒྱལ་བ་ཀཿཐོག་པའི་གདན་སར་འདུས་པ་ཡུན་དུ་བསྐྱངས་པའི་མཐར་དགུང་ལོ་ཞེ་དགུ་བཞེས་པ་རབ་བྱུང་བཅུ་གཉིས་པའི་ཆུ་ཡོས་ལོར་དགོངས་པ་ཆོས་ཀྱི་དབྱིངས་སུ་གཤེགས་སོ། །


previous[༡༥] ཀཿཐོག་རྒྱལ་སྲས་བསོད་ནམས་ལྡེའུ་བཙན། next