༢ ཕྱོགས་སྐྱོང་བཅུ་འམ་བཅོ་ལྔ་ནི།
དབང་བོ། གཤིན་རྗེ། ཆུ་ལྷ། གནོད་སྦྱིན། མེ་ལྷ། སྲིན་པོ། རླུང་ལྷ། འབྱུང་བོ། ཚངས་པ། སའི་ལྷ་མོ་བསྟན་མ་བཅས་བཅུ་དང་། དེའི་སྟེང་ཉེ་དབང་། ཚོགས་བདག ཉི་མ། ཟླ་བ། ཐགས་བཟང་རིས་བསྣན་པའི་བཅོ་ལྔར་བཞེད་དོ། །དེ་དག་གི་ཆ་བྱད་ནི། ༡ དབང་བོ་སེར་བོ། གཡས་རྡོ་རྗེ་དང་གཡོན་དཀུར་བརྟེན་པ། མཆེ་བ་དྲུག་ལྡན་གྱི་གླང་ཆེན་ལ་རོལ་སྟབས་ཀྱིས་བཞུགས་པ། ཆུང་མ་ཤ་ཙི་དང་ཨུ་པ་ལི་གཉིས་དང་བཅས་པའི་འཁོར་གྱིས་བསྐོར་བ། བརྒྱ་བྱིན་ལ་སུམ་རྩེན་གྱི་བདག་པོ་དང་། ཤེར་མདོའི་ལྒིང་གཞིའི་དེ་དང་། སངས་རྒྱས་ཀྱི་སྐབས་སྨིན་གྲོལ་དུ་བཀོད་པའི་བརྒྱ་བྱིན་སོགས་ཡོད་ཀྱང་། འདིར་བསྟན་ཚངས་པ་ནི་སུམ་ཅུ་རྩ་གསུམ་དབང་བསྒྱུར་བའི་བརྒྱ་བྱིན་ནོ། །༢ གཤིན་རྗེ་སྔོན་པོ་མ་ཧེ་ལ་ཞོན་པ། གཡས་བེ་ཅོན་དང་གཡོན་དཀུར་བརྟེན་པ། ནག་མོ་དང་འཆི་བདག་མའི་ཆུང་མ་དང་བཅས་པ། ༣ འཆི་བདག་དཀར་དམར་སྦྲུལ་གྱི་གདེངས་ཀ་ཅན། ཆུ་སྲིན་དམར་བོའི་གདན་ལ་བཞུགས་པ། གཡས་ཞགས་པ་དང་། གཡོན་རིན་པོ་ཆེ་འཛིན་པ། ཆུང་མ་དང་བཅས་པའི་འཁོར་གྱིས་བསྐོར་བ། ༤ གནོད་སྦྱིན་རྒྱལ་བོ་སེར་བོ་རྟ་དཀར་ལ་ཞོན་པ། གཡས་རིན་པོ་ཆེའི་སྙེ་མ་དང་། གཡོན་ནེའུ་ལེ་འཛིན་པ་ཡུམ་དང་བཅས་པའོ། །༥ མེ་ལྷ་དམར་བོ་ལོ་བརྒྱ་ལོན་པའི་ན་ཚོད་ཅན། ར་སྐྱེས་དམར་བོ་ལ་ཞོན་པ། གཡས་རིལ་བ་སྤྱི་བླུགས་དང་། གཡོན་དབྱུག་པ་འཛིན་པ། ཡུམ་དང་འཁོར་དུ་མས་བསྐོར་བ། ༦ སྲིན་པོ་དམར་ནག་ཡུམ་དང་བཅས་པ་ཡི་དྭགས་ལ་ཞོན་པ། གཡས་རལ་གྲི་དང་། གཡོན་དཀུར་བརྟེན་པ། ༧ རླུང་ལྷ་སྔོན་པོ་ཡུམ་དང་བཅས་པ་ཤ་བ་ལ་ཞོན་པ། གཡས་བ་དན་དང་གཡོན་རྒྱལ་མཚན་འཛིན་པ། ༨ འབྱུང་བོ་ཐལ་སྐྱ་ཕྱག་བཞི་བ་ཡུམ་དང་བཅས་པ་ཁྱུ་མཆོག་ལ་ཞོན་པ། གཡས་པ་གཉིས་ན་རྩེ་གསུམ་དང་ཨ་སྨྲ། གཡོན་པ་གཉིས་ན་རིལ་བ་སྤྱི་བླུགས་དང་རཀྵའི་ཕྲེང་བ་འཛིན་པ། ༩ སའི་ལྷ་མོ་སེར་མོ་པདྨ་ལ་བཞུགས་པ། ཕྱག་གཉིས་ཀྱིས་པདྨ་བཟུང་ནས་འདུད་ཚུལ་བསྟན་ཏེ་འཁོར་དུ་མས་བསྐོར་བ། ༡༠ ལྷ་མ་ཡིན་དམར་ནག་གོ་ཆ་གྱོན་ཏེ་འབོལ་སྟན་དུ་བཞུགས་པ། ཕྱག་གཡས་སུ་རལ་གྲི་འཛིན་པ། ༡༡ ཀླུ་དཀར་བོ་སྦྲུལ་གྱི་གདེངས་ཀ་ཅན། ལག་གཉིས་གྱིས་རིན་པོ་ཆེའི་སྣོད་ཐོགས་པ། བསྟན་མ་དང་། ལྷ་མ་ཡིན་དམར་ནག ཀླུ་གསུམ་ནི་ཕྱོགས་སྐྱོང་བཅུར་འབྱེད་སྐབས་འོག་ཕྱོགས་སྐྱོང་བའི་སྡེ་ཚན་ཞེས་གཅིག་ཏུ་འདྲེན་ནོ། །
༡༢ ཚངས་པ་སེར་བོ་ཕྱག་བཞི་བ་དུར་བའི་གདན་ལ་བཞུགས་པ། གཡས་གཉིས་ལྒིགས་བམ་དང་ཕྲེང་བ། གཡོན་གཉིས་མཆོག་སྦྱིན་དང་རིལ་བ་སྤྱི་བླུགས་འཛིན་པ། མང་ཐོས་ཀླུ་སྒྲུབ་རྒྱ་མཚོས་ཚངས་པ་ལ། གནས་ཀྱི་སྒོ་ནས་གསུམ་དང་། རིགས་ཀྱི་སྒོ་ནས་གསུམ་སོགས་ཕྱེས་ཡོད་ཀྱང་། འདི་ནི་
གཙང 
་རིས་ཀྱི་ཚངས་པའོ། །༡༣ ཉི་མ་དམར་བོ་ཕྱག་གཡས་རྡོ་རྗེ་དང་གཡོན་པདྨའི་སྟེང་ན་ཉི་མའི་དཀྱིལ་འཁོར་འཛིན་པ། རྟ་བདུན་གྱི་དྲངས་པའི་ཤིང་རྟ་ལ་སྡོད་པའོ། །༡༤ ཟླ་བ་དཀར་བོ་ལག་གཉིས་པདྨ་ལ་ཟླ་བའི་དཀྱིལ་འཁོར་བཟུང་སྟེ་ངང་བ་ལ་ཞོན་པའོ། །ཚངས་པ་དང་། ཉི་མ། ཟླ་བ་གསུམ་ཡང་སྟེང་ཕྱོགས་སྐྱོང་བའི་སྡེ་ཚན་ཞེས་གཅིག་ཏུ་འདྲེན་ནོ། །འདིར་ཕྱོགས་སྐྱོང་དང་ལྷ་ཆེན་འགའ་ཞིག་བཟླས་པ་ལྟར་སྣང་བ་ནི། སྨྲི་ཏིའི་ཀུན་རིག་སྒྲུབ་ཐབས་ལས། དཀྱིལ་འཁོར་སོ་སོར་གནས་པས་མི་འགལ་བར་གསུངས་སོ། །