དྲི་ཟ།
དྲི་ཟའི་སྐད་དོད་ལ་གྷནྡྷ་རྦ་ཟེར་ལ། འདུལ་ཊྭཱྃཀ་ཉི་མའི་འོད་ཟེར་ལས། དྲི་ཟ་ནི་ལྷའི་བྱེ་བྲག་ཏུ་གསུངས་ལ། ཟས་སུ་དྲི་ཟ་བའི་ཆ་ནས་དྲི་ཟ་ཟེར། གནས་ནི་འཇིག་རྟེན་འདི་ཉིད་ཀྱི་ཤར་ཕྱོགས་དྲི་ཟའི་གླིང་ན་ཡོད་ཅིང་། དེ་རྣམས་ལུས་ཀྱི་མཛེས་སྡུག་མི་ལས་ལྷག་ཅིང་། ལྷ་ལས་དམན་པ་ཡིན་ལ། གླུ་གར་རྩེད་འཇོ་ལ་ཧ་ཅང་མཁས་པས། ཅོ་ནེ་གྲགས་པ་བཤད་སྒྲུབ་ཀྱིས་ཀྱང་། དྲི་ཟ་ནི་རྒྱལ་བོ་ཡུལ་འཁོར་སྲུང་གི་འཁོར་ན་ཡོད་ཅིང་ལྷའི་པི་ཝང་མཁན། ཟས་སུ་དྲི་ཟ་བ་ཞིག་གོ །གསུངས། ཡོངས་གྲགས་སུ་དྲི་ཟའི་རྒྱལ་བོ་ཏམྦུ་ར་དང་། ལྗོན་པ་རྟ་མགོ དེའི་སྲས་མོ་ཡིད་འཕྲོག་མ་སོགས་དང་། བོན་གྱི་སྒྲ་འགྲེལ་ལས། དྲི་ཟ་ཕོ་མོ་དྲུག་ཀྱང་གསུངས་ཏེ། རྩིབས་ཀྱི་འཕྲེད་ལ་འཕྱོ་ཞིང་དྲི་ཟ་ཕོ་མོ་གཉིས། དྲི་ལ་ཉེ་བར་འཁོར་གྱིན་དྲི་ཟ་ཕོ་མོ་གཉིས། མཁའ་ལ་ལྡིང་ཞིང་དྲི་ཟ་ཕོ་མོ་གཉིས། ཞེས་བཤད་དོ། །