ཤ་ཟ།
ཤ་ཟའི་སྐད་དོད་དུ་ལེགས་སྦྱར་དུ་པི་ཤ་ཙཿཟེར་ལ། ལྒིང་འབུམ་རྣམ་བཤད་ལས། ཤ་ཟ་ནི་ཡི་དྭགས་ཀྱི་བྱེ་བྲག་སྟེ། ཤ་ཁྲག་ཟ་བ་ནག་པོ་ལ་སོགས་པ་དང་། ཤེས་རབ་བྱེད་པ་ལས། ཤ་ཟ་ནི་མི་ལ་ཀྱལ་ཀ་བྱེད་པ་དེན་པོ་འམ་ཐེའུ་རང་ལྟ་བུའོ། །ཞེས་དང་།
དབྱིབས་ནི་ཡི་དྭགས་བཞིན་ལུས་ཕྲ་བ་ཞིག་ཡིན་པར་བཤད་དེ། ཅོ་ནེ་གྲགས་པ་བཤད་སྒྲུབ་ཀྱི་གདུགས་དཀར་འགྲེལ་བ་ལས། ཤ་ཟ་ནི་ལུས་ཤིན་ཏུ་ཕྲ་ཞིང་མི་ཤ་ཟ་བ་ལ་དགའ་བའོ། །གསུངས་ལ། རྡུལ་ཁྲོད་ཀྱི་ཤ་ཟ་ནི། ཕྱགས་དར་ཁྲོད་ཀྱི་འདྲེ་འམ་ཚུབ་མའི་འདྲེའོ། །ཞེས་རྣམ་འབྱེད་འགྲེལ་བ་ལས་གསུངས་སོ། །
ཁ་ཟས་ནི། གཏོར་མ་ཆ་གསུམ་ལས། གང་ཞིག་མཚན་མོ་རྒྱུ་བ་ཡི། །འབྱུང་བོ་རྣམས་དང་ཤ་ཟ་དང་། །སྲིན་པོ་ཤ་རྗེན་ཟ་བ་དང་། །སེམས་ཅན་རྣམ་པ་སྣ་ཚོགས་དང་། །ལྗོན་ཤིང་གེལ་བ་སོགས་གནས་པ། །དེ་དང་དེ་ལ་གཏོར་མ་ནི། །བཟའ་བ་ཤ་ཆང་ལ་ཕུག་བཅས། །འབྲས་ཆན་འབྲས་བུ་མང་བོ་དང་། །མཆོད་པ་འདི་ཡིས་མགུ་བྱོས་ལ། །ཞེས་གསུངས་སོ། །