༡ ཁྲི་ལྡེ་སྲོང་བཙན་གྱི་བང་སོའི་རྡོ་རིང་།
རྡོ་རིང་འདི་ནི། ལྷོ་ཁའི་འཕྱོངས་རྒྱས་མུ་ར་རིའི་བཙན་པོ་ཁྲི་ལྡེ་སྲོང་བཙན་གྱི་བང་སོའི་མདུན་དུ་ཡོད། རྡོ་རིང་དེར་ཡིག་ཕྲེང་༤༧ ཡོད་ལ། རྡོ་རིང་གི་སྨད་ཀྱི་ཡི་གེ་མང་བོ་ཞིག་གསལ་བོ་མི་འདུག བརྗོད་སྙིང་ནི། རྒྱལ་བོ་གཉའ་ཁྲི་བཙན་པོའི་མངའ་ཐང་དང་མཛད་རྗེས་ལྟར། ལྷ་སྲས་ཁྲི་ལྡེ་སྲོང་བཙན་གྱིས་ལུགས་གཉིས་ཀྱིས་བོད་ཁམས་བསྐྱངས་ཏེ་སྐྱེ་འགྲོ་བདེ་ལ་བཀོད་པ་ཐམས་ཅད་ཀྱིས་ཤེས་པའི་ཆེད་དུ། ཁོང་གི་མཛད་རྗེས་གནད་བསྡུས་ཤིག་བྲིས་པ་དང་། ཁྱད་པར་དུ། ཁྲི་ལྡེ་སྲོང་བཙན་ནི་ཐུགས་དགོངས་ཟབ་ལ་བློ་ཁོག་ཆེ་བས། བཙན་པོའི་བུ་རྒྱུད་རྣམས་ཆབ་སྲིད་ཐད་ལ་བློ་སྤོབས་ལྡན་ཞིང་། ཟིང་འཁྲུག་མེད་ཅིང་ཆབ་འབངས་རྣམས་བདེ་སྐྱིད་ལྡན་པར་འཁོད་ཡོད།