༥ དབོན་ཞང་རྡོ་རིང་།
རྡོ་རིང་འདི་ནི། མངའ་བདག་ཁྲི་རལ་དང་ཐང་རྒྱལ་མུའི་ཙུང་རྣམ་གཉིས་ཀྱི་དུས﹙སྤྱི་ལོ༨༣༢﹚སུ། བོད་རྒྱ་ཆིངས་འགྲིག་གི་ནང་དོན་རྡོ་རིང་ལ་བཀོད་པ་ཞིག་ཡིན། འདི་ནི་ལྷ་སའི་གཙུག་ལག་ཁང་གི་མདུན་དུ་མཆིས་ཤིང་། མཐོ་ཚད་ལ་སྤྱི་ཁྲེ.78 དང་། ཞེང་ཚད་ལ་སྤྱི་ཁྲེ .50 ཡོད། རྡོ་རིང་གི་རྩེ་མོར་ཆར་ཁེབས་དང་ཏོག ཞབས་སྟེགས་ནི་རུས་སྦལ་གྱི་རྣམ་པར་བཀོད་ཡོད། རྡོ་རིང་གི་ཤར་ངོས་སུ་བོད་ཡིག་གི་ཕྲེང་བཅུ་བདུན་དང་། ནུབ་ངོས་ཀྱི་གཡོན་དུ་བོད་ཡིག་གི་ཕྲེང་དོན་བདུན། གཡས་སུ་རྒྱ་ཡིག་གི་ཕྲེང་དྲུག བྱང་ངོས་སུ་ཆིངས་འགྲིག་ལ་ཞུགས་མཁན་བོད་ཀྱི་དཔོན་རིགས་བཅུ་བདུན་གྱི་མིང་རྒྱ་བོད་ཤན་སྦྱར་དང་། ལྷོ་ངོས་སུ་ཆིངས་འགྲིག་ལ་ཞུགས་མཁན་རྒྱའི་དཔོན་རིགས་བཅོ་བརྒྱད་ཀྱི་མིང་རྒྱ་བོད་ཤན་སྦྱར་བཅས་བཀོད་ཡོད།