༧ རྒྱལ་ལྷ་ཁང་རྡོ་རིང་།
རྡོ་རིང་འདི་ནི། ཞང་སྣ་ནམ་རྡོ་རྗེ་དབང་ཕྱུག་གིས་སྤྱི་ལོ ༡༠༡༢ ལོར་རྒྱལ་ལྷ་ཁང་བཞེངས་དུས་སྒོ་འགྲམ་དུ་བཙུགས་ལ། རྡོ་རིང་གི་ཤར་ངོས་སུ་ཡིག་ཕྲེང་བཅུ་བཞི་དང་། དོན་ཚན་བཅུ་ཡོད། བརྗོད་སྙིང་ནི། མཆོག་གསུམ་ལ་སྐྱབས་སུ་སོང་བའི་སྐྱེ་འགྲོ་ཀུན་གྱིས་སྤང་བླང་བྱ་ཚུལ་དང་། ལོ་ལྟར་སངས་རྒྱས་གཟུང་། གྲོས་ཕུག་ཆོས་ལ་གཏད། གཙོར་ལྟ་བ་སྦྱར། ཚིག་སྤྱོད་རྣལ་དུ་དབབ། འཚོ་བ་གཙང་མར་སྒྲུབ། བྱེད་དགུ་ཆོས་དང་སྦྱར། སྤྱི་གྲོས་གཅིག་ཏུ་བཟླུམས། སྒོ་གཉེར་སོ་སོར་བླང་། ངན་གྲོས་དགོག་ཏུ་དབྱུང་། བདེན་གཏམ་དང་དུ་བླང་། དེ་ལྟར་བྱས་ན་འདི་ཕྱི་གཉིས་ཀར་དགེ་བར་འགྱུར་ཞེས་འཁོད་ཡོད།