༨ ཁང་ཞིས་རྡོ་རིང་དང་ཆན་ལུང་རྡོ་རིང་།
ཁང་ཞིའི་རྡོ་རིང་ནི། ཞོལ་གྱི་གཞུང་སྒོའི་མདུན་ངོས་ཤར་ནུབ་གཉིས་སུ་ཡོད་ལ། ཁང་ཞི་ཁྲི་ལོ་དྲུག་ཅུ་བ་སྤྱི་ལོ ༡༧༢༡ ལོར་གོང་མ་རང་གིས་བྲིས་ཤིང་། ཡུང་ཀྲོང་ཁྲི་ལོ་གཉིས་པ་སྤྱི་ལོ ༡༧༢༤ ལོར་ཡི་གེ་རྡོ་རིང་ལ་བཀོད་དེ་བཙུགས་པ་ཞིག་ཡིན། རྡོ་རིང་དེ་གཉིས་སྔ་སོར་པོ་ཏ་ལའི་མདུན་ཞོལ་གཞུང་སྒོའི་ནང་དུ་སྦས་ཡོད། རྡོ་རིང་གི་སྤྱིའི་མཐོ་ཚད་སྤྱི་ཁྲེ .74 ཡོད་པ་དང་། མདུན་ངོས་ཀྱི་གཡས་ཕྱོགས་སུ་རྒྱ་ཡིག་ཕྲེང ༡༥ དང་། གཡོན་ཕྱོགས་སུ་བོད་ཡིག་ཕྲེང ༤༦ དང་། རྒྱབ་ངོས་གཡས་ཕྱོགས་སུ་སོག་ཡིག་ཕྲེང༡༥ དང་། གཡོན་ཕྱོགས་སུ་མན་ཇུའི་ཡིག་ཕྲེང༡༥ བཅས་ཡོད།
བརྗོད་སྙིང་བསྡུས་ན། གོང་མས་བོད་དུ་དམག་དཔུང་བཏང་སྟེ། རྒྱལ་མཆོག་བསྐལ་བཟང་རྒྱ་མཚོ་གསེར་ཁྲིར་མངའ་གསོལ་བ་དང་། སོག་པོ་ཇུན་གར་གྱི་འཁྲུག་ལོང་ཞོད་འཇགས་སུ་བཏང་བ་ཡིན་ཞེས་ཁྱབ་བསྒྲགས་བྱས་ཡོད།
ཆན་ལུང་རྡོ་རིང་ནི། གོང་མ་ཆན་ལུང་ཁྲི་ལོ་བདུན་པ་སྤྱི་ལོ ༡༧༩༢ ལོར་བཙུགས་ལ། མདུན་ངོས་གཡས་སུ་རྒྱ་ཡིག་ཕྲེང ༡༧ དང་། གཡོན་དུ་མན་ཇུའི་ཡིག་ཕྲེང ༡༧ དང་། རྒྱབ་ངོས་གཡས་སུ་བོད་ཡིག་ཕྲེང ༣༩ དང་། གཡོན་དུ་སོག་ཡིག་ཕྲེང ༡༧ བཅས་བཀོད་ཡོད།
བརྗོད་སྙིང་ནི། ཆན་ལུང་རང་གི་སྲིད་སྐྱོང་ལོ་ང་བདུན་རིང་དམག་གི་བྱས་རྗེས་ཆེན་པོ་བཅུ་དང་། ཐེངས་དེར་བོད་དུ་དམག་དཔུང་བཏང་ནས་གོར་ཥ་བཙན་འཛུལ་དམག་མཐར་སྐྲོད་བཏང་བ་སོགས་བཀོད་ཡོད།