མཚན་ཡང་དག་པར་བརྗོད་པའི་མི་རྟག་པ་བསྒོམ་པ།
འཇམ་དཔལ་བཤེས་གཉེན།

---

^{[མ་དཔེ་གཟིགས་ན་འདིར་གནོན།]}

འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །མཚན་ཡང་དག་པར་བརྗོད་པའི་རྣལ་འབྱོར་པས་མི་རྟག་པ་ལ་སོགས་པ་བསྒོམ་པ་སྟེ། ཀྱེ་མ་འདི་ལྟར་སྣང་བའི་ཕྱི་སྣོད་ཀྱི་སྣོད་ཀྱི་འཇིག་རྟེན་འབྱུང་བ་ཆེན་པོ་བཞིས་འདུས་བྱས་པ་འདི་རྡུལ་ཕྲ་མོ་འདུས་པ་ལས་གྲུབ་པས། རྡུལ་ཕྲ་མོ་དེ་ཡང་རང་བཞིན་མི་རྟག་པ། ཐེར་ཟུག་པ་དང༌། གློ་བུར་དང༌། ཡིད་བརྟན་དུ་མི་རུང་བ་དང༌། ཡང་དག་པའི་དོན་བྱེད་མི་ནུས་པས་བརྟགས་ན་དབེན་པ་སླུ་བའི་ཆོས་ཅན། འགྱུར་བའི་རྣམ་པའོ། །ངེས་པ་མེད་པ་བདག་གི་མེད་པ། འཇིག་པའི་ཆོས་ཅན། སྒྱུ་མ་ལྟ་བུ། སྨིག་རྒྱུ་ལྟ་བུ། སྤྲུལ་པ་ལྟ་བུ། དྲི་ཟའི་གྲོང་ཁྱེར་ལྟ་བུ། ཆུ་ཟླ་ལྟ་བུ། གཟུགས་བརྙན་ལྟ་བུ། ན་བུན་ལྟ་བུ། འཇའ་ཚོན་ལྟ་བུ་སྡུག་བསྔལ་བ་བདག་མེད་པ། སྟོང་པའོ། དེ་ལྟར་ན་ཕྱི་གཟུང་བའི་ཡུལ་ལ་བདག་མེད་པའོ། །མཚན་ཡང་དག་པར་བརྗོད་པའི་མི་རྟག་པ་བསྒོམ་པ། སློབ་དཔོན་འཇམ་དཔལ་བཤེས་གཉེན་གྱིས། མཛད་པ་རྫོགས་སོ།།