རི་ཁྲོད་ལོ་མ་ཅན་གྱི་སྒྲུབ་ཐབས།
རྒྱ་གར་སྐད་དུ། པརྞ་ཤ་བ་རི་སཱ་དྷ་ནཾ། བོད་སྐད་དུ། རི་ཁྲོད་ལོ་མ་ཅན་གྱི་སྒྲུབ་ཐབས། འཕགས་མ་རི་ཁྲོད་མ་ལོ་མ་ཅན་ལ་ཕྱག་འཚལ་ལོ། །སྔོན་དུ་གསུངས་པའི་ཆོ་གས་སྟོང་པ་ཉིད་བསྒོམས་པའི་རྗེས་ལ་སྣ་ཚོགས་པདྨ་དང་ཟླ་བ་ལ་གནས་པའི་པཾ་ཡིག་ལྗང་གུ་ལ་སྐྱེས་པའི་རི་ཁྲོད་མ་ལོ་མ་ཅན་སྐུ་མདོག་ལྗང་གུ་ཞལ་གསུམ་པ། སྤྱན་གསུམ་པ། །ཕྱག་དྲུག་པ། ནག་པོ་དང༌། དཀར་པོ་དག་གཡས་དང་གཡོན་གྱི་ཞལ་ལོ། །ཕྱག་གཡས་པ་གསུམ་ན་རྡོ་རྗེ་དང༌། དགྲ་སྟ་དང༌། མདའ་བསྣམ་ས་པ། ཕྱག་གཡོན་པ་གསུམ་ན་གཞུ་བཀང་བ་དང༌། ཡལ་ག་དང༌། སྡིགས་མཛུབ་དང་བཅས་པའི་ཞགས་པ་བསྣམས་པ། ཞལ་ཁྲོ་བ་དང་བཅས་ཤིང་བཞད་པ། ལང་ཚོ་གཞོན་པ། ཕྲེང་བ་བཅིངས་ཤིང་སྟག་གི་པགས་པའི་ཤམ་ཐབས་ཅན་ཅུང་ཟད་ལྟོ་བ་འཕྱང་བ།
སྐྲ་སྟེང་དུ་བརྫེས་པ། འོག་ཏུ་མ་ལུས་པའི་ནད་དང༌། བདུད་ཞབས་ཀྱིས་མནན་པ། དོན་ཡོད་གྲུབ་པས་དབུ་བརྒྱན་པའི་བདག་ཉིད་དུ་སྐད་ཅིག་གིས་བསྐྱེད་ནས་སྔགས་བཟླས་པར་བྱའོ། །ཨོཾ་པི་ཤཱ་ཙི་པརྞ་ཤ་བ་རི་སརྦ་མཱ་རི་པྲ་ཤ་མ་ཎི་ཧཱུཾ་ཕཊ། རི་ཁྲོད་ལོ་མ་ཅན་གྱི་སྒྲུབ་ཐབས་རྫོགས་སོ།།