འཇམ་དཔལ་ཁྲོ་ཆུ་དུག་གདོང་རྩ་བའི་སྲོག་སྒྲུབ་ཆེན་པོའི་བུ་ཡིག་རུ་པ་བྲི་ཐབས་གསལ་བར་བཀོད་པའི་ཨུ་པ་དེ་ཤ
འཇམ་དཔལ་ཁྲོ་ཆུ་དུག་གདོང་རྩ་བའི་སྲོག་སྒྲུབ་ཆེན་པོའི་བུ་ཡིག་རུ་པ་བྲི་ཐབས་གསལ་བར་བཀོད་པའི་ཨུ་པ་དེ་ཤ་བཞུགས་སོ།།
ཤམཀྑཀཱཧཾ༔ སྲོག་བདག་ལས་ཀྱི་གཤིན་རྗེ་དུག་གདོང་ནག་པོ་ལ་ཕྱག་འཚལ་ལོ། །འདི་ཡི་ལིངྒ་བྲི་ཐབས་ལོགས་སུ་གབ་པ་ནི། རས་སམ་གྲོ་ག །ཤོག་བུ་ཤིན་ཏུ་སྲབ་ཅིང་གཙང་བ་ལ། རབ་དགྲ་བགེགས་དེ་གང་ལ་བྱ་བའི་ཁྲག་དང་། དུག་ཁྲག །དེ་མ་རྙེད་ན་དུག་སྣ་གྲི་ཁྲག་དང་ཡོད་ན་དགྲ་དེའི་དྲི་མ་བསྲེས་པའི་སྣག་ཚས་བྲི། སྨྱུ་གུའི་ཕྱི་ནས་བྱ་རོག་གམ་འུག་པའི་སྒྲོ་རྩ་སྦྱར་བའམ། སྒྲོ་རྩ་ཉིད་ཀྱིས་བྲི། སྦྱིན་དང་སྣག་ཚ་ལ་རང་དང་བསྲུང་བྱའི་དྲི་མ་མ་སོང་བ་གལ་ཆེ་ཞིང་། ཁ་རས་ཀྱིས་བཀབ། ལག་པ་ལ་ཤུབས་བྱས་ཏེ་བྲིའོ། །རང་གི་དྲི་མ་སོང་ན་རང་ལ་
ལྡོག་ངེས་པས་གོ་བར་བྱའོ། །ལིང་ལྟོ་བ་ཆེ་བ་ཡན་ལག་ཕྲ་བ། རྐང་པ་ལྕགས་སུ་བཅུག་པ། ལག་པ་རྒྱབ་ཏུ་བཀྱིག་ཅིང་ལག་མགོ་གཉིས་ཀྱིས་ཁོ་རང་ལ་ཕུར་པ་དང་གྲི་བཙུགས་པ། ཁ་གདངས་བ་སྐྱ་གྱེན་དུ་ཤི་སྐྱ་ལངས་བ། མིག་ཤི་མིག་ཅན་བྲི། དེའི་སྙིང་གར་ཛཁ་སྤྱོད་ཀྱི་བར་དུ་ཁྲག་གིས་སྦལ་པ་ནིས་མཚན་པ་ཅིག་བྲི། ཀྲྀ་ཡིག་དེའི་སྟེང་ནས་སམ་འོག་ནས། དམིགས་བྱ་དེ་སྔགས་སྟོན་་་འདི་གཞན་ལ་དབང་བསྐུར་བའི་རྡོ་རྗེ་སློབ་དཔོན་གྱི་བྱ་བ་བྱེད་པ་ཞིག་དགྲར་ལངས་ན་ཡིན་གྱི་རང་གི་སློབ་དཔོན་ནི་ལྟ་ཞོག །རིག་གནས་ཅུང་ཟད་བསླབ་པ་ཙམ་ལའང་མི་རུང་མཁན། རྡོ་རྗེ་སློབ་དཔོན་ཡིན་ན་རྡོ་རྗེ་རྒྱ་གྲམ་གྱི་རྩེས་ནི་མིག་
རྦད་པ། རྒྱལ་པོ་ལ་རུས་སྦལ་ནག་པོས་ཟ་བ། སློབ་མ་དམ་ཉམས་ལ་ལྕགས་ཀྱི་སྡིག་པ་ནག་པོ་མགོ་དགུ། དམ་ཚིག་མི་གཅིག་པའི་གྲོགས་པོས་འཁུ་ན་བསེའི་སྦལ་པ་དམར་པོ། སྔགས་པ་ནག་པོ་ཡིན་ན་སྦལ་པ་དམར་པོ། བོན་དང་མུ་སྟེགས་ཡིན་ན་དུག་གི་ཕག་རྒོད། ཡ་དེ་རྣམས་ཀྱིས་ནི་ཡིག་ཟ་བ་བྲི། དེ་ལས་ལིངྒའི་པུས་མགོ་ གཡོན་ངོས་ལྟོ་བའི་མཐའ་ནས་༧བརྩམས་ཏེ། ཡིག་མགོ་ཕྱིར་བསྟན་ལ། དུ 
་ཏྲི་ཡ་མ་རཱ་ཙ༔ ཡ་མ་རཀྵ༔ ཀྲོ་ཏ་པ་ཙ་ལ་ཏི༔ དགྲ་བོ་ཆེ་གེ་མོའི་བླ་སྲོག་རྣམ་པར་ཤེས་པ་ཛཿཧཱུྃ་བཾ་ཧོཿ ཏྲཾ་ཛཿརིལ་བོ་རིལ་ཛཿ ནྲྀ་ཨ་ཀར་ཤ་ཡ་ཛཿ ཨཱ་བེ་ཤ་ཡ་ཛཿ གནྡྷ་ནཱི་མཱ་ར་ཡ་ཛ་ཛཿ དུ་ཏྲི་ཡ་མ་རཱ་ཙ༔ ཡ་མ་རཀྵ༔ ཀྲོ་ཏ་པ་ཙ་ལ་ཏི༔ དགྲ་བོ་ཆེ་གེ་མོའི་སྲོག་ལ་མཱ་ར་ཡ༔ མྱོག་ཡཾ་རྦད༔ ལ་ལི་ཐ་བ་ནི༔ ར་ཙ་ཕྲ་བ་ནི༔ དགྲ་བོ་བྱད་མ་ལྷ་སྲུང་དང་བཅས་པའི་སྲོག་རྩ་ལ་མཱ་ར་ཡ་མྱོག་མྱོག་ཡཾ་ཡཾ་རྦད་རྦད༔ དགྲ་བོ་བྱད་མ་ནི་མཱ་ར་ཡ་ཛ་ཛཿ ལིངྒའི་ཕྱི་རོལ་སྤྱི་བོའི་ངོས་ནས་བརྩམས་ཏེ་སྔགས་མགོ་ཕྱིར་བསྟན་དུ་ཁྲོ་ཆུའི་བསད་སྔགས་དང་ཐུན་སྔགས་ཀྱི་མཐར། ཤར་བ་ནག་པོ་ཤན་ཏི་ཀུ་མ་ཛ་ལས་ཀྱི་གཤིན་རྗེ་ནག་པོའི་དམག་ཚོགས། དྲེགས་པ་ལྷ་
སྲིན་སྡེ་བརྒྱད་འཁོར་དང་བཅས་པ་རྣམས་ལ། དགྲ་བོ་རྗེ་མོ་འདི་ཞེས་བྱ་བ་ཟ་སྐལ་དུ་གཏད་དོ། །འདི་ཡི་འཁོར་རིགས་རྒྱུད་དང་བཅས་པ་དགྲ་སྐལ་དུ་གཏད་དོ། །ཤ་ཟོ་ཁྲག་འཐུང་རུས་པ་མུར། སྲོག་ཆོད་དབུགས་ལོངས་གཟུགས་ཕུང་ཤིག །ནམ་མཁའ་སྟོང་པ་ལ་ཚད་མ་བཙུགས། ས་དོག་མོ་ལ་རྗེས་མ་བཀྲམ། ཚེ་ཕྱི་མ་ལ་དུས་མ་འདེབས། བསོད་ནམས་དང་ལས་ཀྱི་དབང་ཐང་ལ་ཐ་སྙད་མ་འདོགས་པར། ལོ་ཟླ་ཞག་དུས་སུ་མ་འགྱང་བར་ད་ལྟ་ཉིད་དུ་སོད་ཅིག །བཞེས་ཤིག །ཆོམ་ཅིག །ནོན་ཅིག །རྡུལ་དུ་རློགས་ཤིག །ཁ་ཕུང་དུ་ཐོངས་ཤིག །ལས་ཀྱི་གཤིན་རྗེ་ཁྲོ་ཆུ་དུག་གདོང་འཁོར་དང་བཅས་པ་ཁྱོད་ཀྱིས་དགྲ་བོ་བྱད་མ་ལྷ་སྲུང་དང་བཅས་པའི་སྲོག་ལ་ཟོ།། ཚེ་ལ་ཟོ། དབུགས་ལ་ཟོ། སྒོ་ནོར་ལ་ཟོ། སྲིད་པ་ཟོ། ཉེ་དུ་རྩ་ལག་ལ་ཟོ། མི་སྡེ་འཁོར་འབངས་ཐམས་ཅད་ལ་ཟོ། དེ་ཟད་ནས་རྩི་ཤིང་ནགས་ཚལ་ཐམས་ཅད་ལ་ཟོ། འབྱུང་བ་ས་ལ་ཟོ། ཆུ་ལ་ཟོ། མེ་ལ་ཟོ། རླུང་ལ་ཟོ། ནམ་མཁའ་སྟོང་པ་སྔོ་སང་ངེ་བ་འདི་ལ་ཟོ། དགྲ་བོ་སྐྱེའི་སྲོག་ལ་ཚྭ་མཱ་ར་ཡ་ཛཿཛཿ ཞེས་བྲི། གཞན་ཡང་སྤྱི་བོར་
ནན། ཡན་ལག་བཞི་ལ་ཛཧཱུྃ་བཾ་ཧོཿ རྐང་ཞབས་སུ་ཡཾ་ཡཾ་བྲི། ལྕེ་ལ་ནན། འདོམས་བར་དུ་བླ་དག །དཔྲལ་བར་རུས། རྐང་པར་ཞ་ཞ། དཔུང་པར་ཆག་ཆག །རྣ་ཐར་འོན་འོན། ཁ་ལ་བདུད་པོ་ང་ལོང་། ཞེས་བྲི། ཕྱི་རོལ་དུ། ཛཁྲམ་གྱིས་བསྐོར་རོ། །ལིངྒ་དེའི་རྒྱབ་ལོགས་སུ་ཁོའི་ཆོས་སྐྱོང་ལྷ་སྲུང་ཕ་མཚན་མི་ནོར་འཁོར་དང་བཅས་པའི་མིང་བྲི། དེ་ནས་ལིང་ཁྲུས་དགུག་གཞུག་ལྷ་དབྱེ་སོགས་བྱས་ལ། ཡུགས་སྐུའམ་རོ་སྐྱའམ་ཚོན་སྐུད་ཀྱིས་བཅིངས་ནས་ལིངྒའི་ནང་དུ་བཅུག། ༈ མཐིང་ཤོག་སྔོན་པོ་ལ་གསེར་གྱིས་ཡི་གེ་ན། གཅིག་བྲིས་པ་དང་ས་ཚེ་ཟད། ཆུ་ཚེ་ཟད། སྤང་ཚེ་ཟད། ཤིང་ཚེ་ཟད། རྡོ་ཚེ་ཟད། རྫས་ལྔ་པོ་དེ་ཤོག་ལིང་ནང་དུ་བཏུམ་མོ། །ཉམིཌ།སཕྱི༔ རྒྱ་རྒྱ་རྒྱ༔ ས་མ་ཡ་ཁ་ཐཾ༔ ལིངྒ་བྲི་ཐབས་འཁྲུགས་བསྡེབས་ནས་གསལ་བར་བཀོད་པ་ཡིན་ཀྱང་། ད་རུང་འདི་ལ་གལ་ཆེ་བའི་བྲི་ཐབས་མན་ངག་འགའ་ཞིག་བྲིས་ནས་མེད་པས། །སློབ་དཔོན་གྱི་ངག་ནས་ཤེས་པར་གྱིས་ཤིག །སློབ་དཔོན་མེད་པའི་འོལ་ཚོད་ཀྱིས་བྲིས་ན། རང་གིས་རང་བྲུབ་པར་འགྱུར་ཉན་ཆེའོ། །ཀྱེ་མ་བརྩེ་བྲལ་བསྟན་བཅོས་འདི་ལྟ་
བུས། །དམྱལ་བའི་སྡུག་བསྔལ་རིན་གྱིས་ཉོ་ལགས་ཏེ། །སྙིགས་མའི་དུས་འདིར་ཐུབ་བསྟན་དབུ་འཕང་དམའ། །ཆོས་བྱེད་སྐྱེས་བུ་རྣམས་ལ་ཁས་ཉན་འབེབས། །དཀོན་མཆོག་རྟེན་དང་དཀོར་ལ་ཧབ་ཤ་བྱེད། །སྒྲུབ་པ་བྱེད་པའི་དབེན་གནས་རྐུན་པོས་འཇོམས། །བཤད་སྒྲུབ་བྱེད་པའི་དགེ་འདུན་སྡེ་རྣམས་བཅོམ། །རྒྱལ་བའི་བསྟན་པ་འདི་ལ་མཁོ་བསམས་ནས། །བསྟན་པའི་ཁུར་གྱིས་ལྕི་བ་ཕལ་ཆེར་ཡང་། །བསྟན་པ་སྲུང་བའི་མཚོན་དང་བྲལ་བར་མཐོང་། །དེ་ཕྱིར་བསྟན་ལ་ཨེ་ཕན་བསམས་ནས་བཀོད། །འདི་ལ་སོགས་པའི་ནོར་འཁྲུལ་ཆ་མཆིས་ཀྱང་། །སྦ་འོས་གསལ་བར་བསྟན་པའི་ཉེས་པ་རྣམས། །ཕྱོགས་བཅུའི་རྒྱལ་བ་སྲས་དང་བཅས་ལ་བཤགས། །དགེ་བས་བསྟན་དགྲའི་མིང་ཡང་མེད་པར་ཤོག །སྤྱི༔ ཞེས་པ་སྔགས་ནག་ཨ་རཱ་གས་སྦྱར་བའོ།། ༈ །ལིངྒ་ཤིང་་་སྟེན་ཁ་ཡོད། སེ་བའི་སྐམ་ཁར་བཞག །ཆུ་གཙང་སྡེར་གང་དག་བྱེད་ཆུའི་ལྷ་མོ་དཀར་མོ་ཕྱག་ན་ཆུའི་བུམ་པ་བསྣམས་པར་བསྒོམ། ཨོཾ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་སྭཱ་ཧཱ། བརྒྱ་
རྩ་འདོན། ལིངྒ་ལ་མེ་ལོང་ངོས་ནས་ཁྲུས་བྱེད། ལིངྒ་མེ་ཁ་ལ་གཡུགས། ས་གཙང་གིས་བྲབ། ཕྱོགས་བཅུར་རླུང་ལ་གཡུགས། དེ་ནས་ལིངྒ་ལྕགས་སྣོད་དུ་བཞག །འགུགས་གཞུག་གསུམ་བྱེད། དགྲ་བགེགས་དངོས་སུ་བསམ། ཤ་གཙང་མ་ལོག་པ་ཙམ་ཞིག་ལིངྒ་ལ་དྲུ་བའི་ཚུལ་བྱེད། ཁོའི་ཚེ་བསོད་ནམས་ཁ་རྗེ་དབང་ཐང་ཐམས་ཅད་ཤོ་ལ་ཐིམ་པར་བསྒོམ། ཤ་དེ་རང་གིས་ཟ་ལིང་ཤ །དེ་ནས་ལིངྒ་ཤོག་བུ་ཕྲའུ་བྱ། ཤོག་བུ་དེས་བཅིབ། མཆིག་གི་ཡ་ཁོད་མིག་མཐུར་དུ་ལེན་ལ་འདྲེན། མཆིག་ལན་དགུ་བསྐོར། ད་དུང་གཡག་ཤི་ཁུང་། སྒོ་ཡི་མ་ཐེམ་འོག །ཁྱི་དགུ་ཡི་དབོ་ནས་འདྲེན། དེ་མ་རྙེད་ན་ཁྱི་གཅིག་ལ་ཕར་ལེན་དགུ་འདྲེན། ཟམ་པ་འོག་ནས༔ སས་ཞབས་ནས༔ དེ་ནས་ལྷ་དབྱེ་བྱེད་དེ་ནས་ལིངྒ་བལྟེབ། ཟམ་སྐས་མ་འཛོམས་ན་ཆུ་ཏིང་གང་ལ་ཟམ་པའི་ཚུལ་བྱེད། དེའི་སྟེང་ནས་ཕར་འགྲོ་ཚུར་འགྲོ་བྱེད། དེ་ཞབས་ནས་འདྲེན། ༼ཙ༽ ཡ་མ་ར་ཙ་ཙིཏྟ་རོལ་ནན་ནན། ཙིཏྟ་རོམ་ཤིན་ས་མ་ཡ། ནི་ཛ་རོ་ཙ་སྨུག །ཙིཏྟ་ར་ག་ཏ་ཆོད། ས་མ་ཡ་ཕཊ། ཙ་ལ་ཙ་ལ། དྷ་ཧ་དྷ་ཧ། མ་ཧཱ་པ་སྟི་པ་ར་ཀ་ཨ་དུ་ཀུ་ལེ་རྨི་ཡི། པ་
ར་པ་ར། ཀ་ཏ་ཀ་ཏ། ཛ་ལ་ཛ་ལ། ཛ་ལ། མ་རཾ་གྷ་ད་གྷ་དྷི་གྷིན། ཛྷར། མཱ་ར་ཡ་ཧཱུཾ། དགྲ་བོ་མཱ་ར་ཡཱ་ནཱཾ་ཛ་ཛ། སརྦ་མངྒ་ལཾ།། ༧ ཁམས་སྟོད་སྒོམ་སྡེ་ནང་ཆེན་འབང་སྒང་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།