འཕགས་པ་འཇམ་དཔལ་གཤིན་རྗེ་གཤེད་ནག་པོ་ཆེན་པོ་གསང་བའི་རྒྱུད།
རྒྱ་གར་སྐད་དུ། ཨཱརྱ་མཉྫུ་ཤྲཱི་ཡ་མཱནྟ་ཀ་མ་ཧཱ་ཀཱ་ལ་གྷུ་ཧྱ་ཏནྟྲ། བོད་སྐད་དུ། འཕགས་པ་འཇམ་དཔལ་གཤིན་རྗེ་གཤེད་ནག་པོ་ཆེན་པོ་གསང་བའི་རྒྱུད། འཕགས་པ་འཇམ་དཔལ་གཤིན་རྗེ་འཇོམས་བྱེད་དྲག་པོ་ལ་ཕྱག་འཚལ་ལོ། །དེ་ནས་དེ་བཞིན་གཤེགས་པ་ཐམས་ཅད་དགྱེས་པ་ཆེན་པོའི་ཕུལ་དུ་བྱོན་ནས། ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་འཚོགས་པས། འཇམ་དཔལ་ཡ་མཱནྟ་ཀར་དབང་བསྐུར་བས། ང་རྒྱལ་དང་དྲེགས་པ་ཅན་ཐམས་ཅད་འདུལ་བའི་ཕྱིར། གནས་གཅིག་ཏུ་ཚོགས་ནས། གཤིན་རྗེ་ནག་པོའི་རྒྱུད་འདི་བཀའ་སྩལ་པའི་ལེའུ་སྟེ་དང་པོའོ།། །།དེ་ནས་འཇམ་དཔལ་གཤིན་རྗེའི་གཤེད་ཀྱིས། སྐྱེ་འགག་དང་བྲལ་བའི་དོན་འདི་བསྟན་ཏོ། །ཡེ་ནས་མ་སྐྱེས་གཤིན་རྗེ་ནག་པོའི་ཚོགས། །གཉིས་མེད་འདུས་པའི་སྲས་མཆོག་གཤིན་རྗེའི་གཤེད། །ཀུན་གྱི་ཡེ་ཤེས་དམ་པ་སྟེ། །ཐུགས་མཆོག་ཆེན་པོས་འགྲོ་བའི་དོན་མཛད་པའི། །འཁོར་བའི་ཉེས་སྐྱོན་ཐམས་ཅད་ཚར་གཅོད་ཕྱིར། །འདོད་ཆགས་འདུལ་བའི་དཔལ་ལྡན་གར་གྱི་བདག །བྱེ་བ་ཕྲག་བརྒྱ་དཔག་ཏུ་མེད་པ་ཡང་། །སྤྲུལ་པའི་སྐུ་དག་ཚད་མེད་དཔག་ཏུ་མེད། །ཐུན་མོང་མ་ཡིན་འཇམ་དཔལ་གཤིན་རྗེའི་གཤེད། །སྐུ་གསུང་ཐུགས་ཀྱི་ཕྲིན་ལས་རྨད་དུ་བྱུང་། །ཟུག་རྔུ་མི་མངའ་ཆོས་ཉིད་རྨད་པོ་ཆེ། །མི་དགེ་བཅུ་དང་མཚམས་མེད་ཚར་གཅོད་པ། །ཆོས་ཀྱི་སྐུ་དང་ལོངས་སྤྱོད་
རྫོགས་པའི་སྐུ། །སྤྲུལ་པའི་སྐུ་དང་གསུམ་ནི་དོན་དམ་དབྱིངས་སུ་སྦྱོར། །སྔགས་སོར་བཞག་འགྲོ་བའི་དོན་མཛད་ཟུག་རྔུ་མི་མངའ་བའི། །ཕྱོགས་བཅུའི་བདེ་བར་གཤེགས་པ་ཀུན་གྱི་དཔལ། །ཡང་དག་ཡེ་ཤེས་རང་བཞིན་འཇམ་དཔལ་ཡིན། །སྙིང་པོ་གཉིས་མེད་བྱང་ཆུབ་སྙིང་པོའི་དོན། །དེ་བཞིན་གཤེགས་པའི་སྙིང་པོ་འདི་བཤད་དོ། །་སརྦ་ཏ་ཐཱ་ག་ཏ་ཨེ་ཏ་པྲ་བ་གཉའ་ན་སྭཱ་ཧཱ། བཛྲ་བཛྲ་ཏ་ཐཱ་ག་ཏ། རཏྣ་རཏྣ་ཏ་ཐཱ་ག་ཏ། པདྨ་པདྨ་ཏ་ཐཱ་ག་ཏ། ཀརྨ་ཀརྨ་ཏ་ཐཱ་ག་ཏཱ་ནཱཾ་ཧཱུྃ་ཞེས་གསུངས་པ་ནི་ལེའུ་གཉིས་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱི་ཡུམ་གྱི་ཚོགས་ཐམས་ཅད་གཅིག་ཏུ་འདུས་ཏེ། སྦྱོར་བའི་ཆེད་དུ་སྙན་པའི་ཚིག་འདི་སྐད་ཅེས་གསུངས་སོ། །་ན་མཿསརྦ་ཏ་ཐཱ་ག་ཏ་ཨེ་ཧྱེ་ཧི་བྷ་ག་ཝཱན། ཏ་ཐཱ་ག་ཏ་པྲ་བ། བྷ་བཱི་བོ་དྷི་སྭཱ་ཧཱ། དྷརྨ་དྷཱ་ཏུ་ཨེ་ཧྱེ་ཧི་ཛཿཧཱུྃ་བཾ་ཧོཿ། ཧ་ཧི་ཧེ་ཧི་ཧེ་ཧི་ཧཱུྃ་ཧཱུྃ་ཧཱུྃ་སྭཱ་ཧཱ། ཞེས་ཡུམ་གྱི་ཚོགས་ཐམས་ཅད་ཀྱིས། ཕྱོགས་བཅུ་དུས་གསུམ་གྱི་བདེ་བར་གཤེགས་པ་ཐམས་ཅད་ལ་དགྱེས་པ་ཆེན་པོའི་བརྡས་བསྐུལ་ཏེ་འདི་སྐད་དོ། །ཨེ་མ་ཧོ། ཕྱོགས་བཅུ་དུས་གསུམ་རྫོགས་པ་ཡི། །ཡེ་ཤེས་འདུས་པ་ཕྲིན་ལས་མཆོག །ཡེ་ཤེས་ཕྲིན་ལས་རྨད་པོ་ཆེ། །སྦྱོར་བ་མཆོག་གི་མཆོད་པ་བཞེས། །ཞེས་གསུངས་པས། དབང་ཕྱུག་གི་འཁོར་མྱ་ངན་ལས་འདས་པ་ཐམས་ཅད་དང་བཅས་ནས། སྐུ་ཆེ་བའི་ཡོན་ཏན་གྱིས་བརྒྱན་ཏེ། སོ་སོའི་བཙུན་མོ་ལ་དགྱེས་པ་ཆེན་པོའི་སྐུ་ཉམས་སུ་མྱོང་བར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་བཙུན་མོའི་བྷ་ག་ལས་བཞེངས་ཏེ་འདི་སྐད་ཅེས་གསུངས་སོ། །དེ་བཞིན་གཤེགས་པ་ཐམས་ཅད་མཆོད་པའི་ཕྱིར། ཡུམ་གྱི་གསང་བ་བདེ་མཉམ་ལ། །མི་འགྱུར་དོན་གྱི་མཆོད་པ་བཞེས། །སྐུ་གསུང་ཐུགས་ཀྱི་དབྱིག་གྱུར་ཏོ། །ཨ་ལ་ལ་ཧོ། ན་མཿསརྦ་ཏ་ཐཱ་ག་ཏ་བྷི་རོ་ཡ་བོ་དྷི་ཙིཏྟ་རཱ་ག་
ཡཱ་མི། ཞེས་དགྱེས་པ་ཆེན་པོའི་ཕུལ་དུ་བྱོན་ཏོ། །དེ་ནས་དེ་བཞིན་གཤེགས་པ་ཐམས་ཅད། ཆོས་ཐམས་ཅད་དོན་དམ་པའི་ཁྲོ་བོར་བསྟན་ཏེ་འདི་སྐད་དོ། །ཁྱད་པར་རིམ་པར་བསྟན་པའི་ཁྲོ་གཉེར་ནི། །ཡེ་ཤེས་དབྱིངས་སུ་རྟོག་པ་ཆེ་བའི་ངང་། །ཁྲོ་བོ་བརྒྱད་དང་དགུ་དང་སྟོང་རྩ་གཅིག །སྟོན་པ་མཆོད་ཕྱིར་ཁྲོ་བོ་གློག་ལྟར་འགྱུ། །ཁྲ་དང་སྤྱང་ཀི་སྲིན་པོ་མུ་སྟེགས་རྣམས། །བདུད་དང་ལོག་འདྲེན་ཐམས་ཅད་ཚར་གཅད་ཕྱིར། །ཕྱོགས་བཅུ་ཀུན་ནས་འདུས་པའི་ཁྲོ་བོ་ཆེན་པོ་བཅུ། །ཚད་མེད་བཞི་ཡི་ཡེ་ཤེས་ཁྱད་པར་ལས། །སྙིང་རྗེ་ཆེན་པོས་འགྲོ་བའི་དོན་མཛད་ཕྱིར། །ཆོས་ཉིད་སྒྱུ་མ་ལྟ་བུའི་ཕྲིན་ལས་མཛད། །ཁྲོ་བོའི་ཐུགས་རྗེས་ཆོས་ཉིད་རྣམ་པར་རོལ། །ཆོས་རྣམས་ཐམས་ཅད་བྱང་ཆུབ་སེམས་ཀྱི་ངང་། །ཆེ་བའི་ཡོན་ཏན་འབྱུང་བ་འདི་ཡིན་ནོ། །་ཝཱ་གཱི་ཤྭ་རི་མུཾ་དང་དྲུག་གོ། །ཡང་ན་རིགས་ལྔ་འཇམ་དཔལ་དང་དྲུག་གོ། །སྤྲུལ་པའི་གཤིན་རྗེ་བཞི་དང་བཅུའོ། །ཡེ་ཤེས་དྲུག་ཟུང་དུ་བརྩིས་པའི་གསུམ་སྟེ་དགུའོ། །མི་མཉམ་ཆོས་རྣམས་སྐྱེ་བའི་ཆོས་ཅན་ཡང་། །འབྱུང་གནས་ཡེ་ཤེས་དཀྱིལ་འཁོར་དག་དང་སྦྱོར། །ཨ་ཨཱ། ཨི་ཨཱིཾ། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཿ། འཁོར་དང་ལྡན་པའི་དཀྱིལ་འཁོར་འདིར། །དེ་བཞིན་གཤེགས་པ་འབྱུང་བའི་གནས། །སོ་སོའི་གཞུང་ནས་ཇི་བཞིན་དུ། །འཁོར་ལོ་བཅུ་དྲུག་རྩིབས་སྟེང་ལ། །ཡིག་འབྲུའི་ཚུལ་དུ་དགོད་པར་བྱ། །མི་དགེ་བཅུ་དང་ལྡན་པའི་རྣམ་པར་དྲན་པ་དེར་བྱའོ། །སྔགས་དང་ཕྱག་རྒྱ་རྫས་རྣམས་དང་། །གའུའི་ཁ་སྦྱར་རེ་མན་དང་། །ཁམ་སའི་རྫ་དང་འཇིམ་པ་ཡིས། །རཀྟ་གསུམ་དང་གི་ཝང་ངོ་། །ཚོན་སྐུད་དོག་པ་དམར་པོ་ཡིས། །ཁམ་སའི་རྫའི་གའུ་བཅིངས། །ཕྲིན་ལས་རྣམ་པ་བཞི་བྱའོ། །བྱང་ཆུབ་སེམས་ཀྱི་ཐིག་ཆེན་སྦྱར་བར་བྱ། །ཕྲིན་ལས་རྣམ་པ་བཞི་དག་ནི། །འོག་ནས་འབྱུང་བའི་དོན་དུ་བསྟན་པར་བྱ། །འཕགས་པ་གཤིན་རྗེ་གཤེད་འབྱུང་
བའི་ལེའུ་སྟེ་གཉིས་པའོ།། །།དེ་ནས་དེ་བཞིན་གཤེགས་པ་ཐམས་ཅད། སྐུ་དང་གསུང་དང་ཐུགས་བཙུན་མོའི་བདག་ཉིད་དུ་གྱུར་ཏེ། སཾ་ཀྲི་ཏ་པ་ན། ཨ་བུད་པ་ཧཾ། སརྦ་དྷརྨཱ་ཙ་ཙརྱ། ཨ་ཏི་བ་ཧང་ཧཱུྃ། ་ཨ་ལ་ཡང་ཡཱང་། ཨ་བོ་དེ། ཏ་ཐཱ་ག་ཏ་ཀྲོ་ཏཱི་ཤྭ་རཱི། ཨ་བི་ཏ་ཧཱུྃ། བཛྲ་ཀྲོ་ཏཱི་ཤྭ་རཱི། ཏྲཱཾ་རཏྣ་ཀྲོ་ཏཱི་ཤྭ་རཱི། ་པདྨ་ཀྲོ་ཏཱི་ཤྭ་རཱི། ཧ་ཀརྨ་ཀྲོ་ཏཱི་ཤྭ་རཱི། ཧེ་ཧ་ཧཾ་ཞེས་དབྱུང་སྟེ། དེ་ནས་དེ་བཞིན་གཤེགས་པ་ཐམས་ཅད་ཀྱིས། བཙུན་མོ་འབྱུང་བའི་གནས་འབྱུང་བྱེད་ཡེ་ཤེས་ཀྱི་དཀྱིལ་འཁོར་བསྟན་ཏེ། བསྐྱེད་དང་རྫོགས་དང་ཆ་ལུགས་ནི། །ཡབ་ཀྱི་སྐུ་བཞིན་དེ་བཞིན་བསྐྱེད་བྱས་ཏེ། །འཁོར་ལོ་བཅུ་དྲུག་མུ་ཁྱུད་རྡོ་རྗེ་ར་བ་དང་། །གྲུ་ཆད་བར་ཁྱམས་གསུམ་དང་དེ་བཞིན་དུ། །སྤྱོད་མཐུན་གྲོལ་བའི་སྙིང་རྗེ་ཡུམ་བསྐྱེད་དང་། །རིགས་ཀྱི་ཡབ་དང་རིགས་ཀྱི་བཙུན་མོ་ནི། །རྟག་པ་མཐར་ཕྱིན་དེ་བཞིན་གཤེགས་པར་བྱ། །རྫས་དང་ཕྱག་རྒྱ་སྔགས་དང་བཅས་རྣམས་ནི། །གཟུགས་དང་གོང་མའི་འབྲས་བུ་འདོད་པ་དག་དང་སྦྱར། །ཁ་དོག་ཆེ་ཞིང་ལུས་བོངས་ཆེ་བ་དང་། །རྒྱ་དག་ཡོངས་སུ་མ་ཆད་ནམ་མཁར་བསྒོམ། །གསལ་བའི་ཤེས་རབ་ཐམས་ཅད་ནམ་མཁའ་འདྲ། །ཡ་ཧི་ཨ་ཧི་བིདྱཱ་མཐར་ཕྱིན་པ། །ལུང་དང་མན་ངག་གཉིས་ལ་མཁས་པར་བྱ། །གཉིས་མེད་སྦྱོར་བའི་ཐམས་ཅད་དུ། །དགྱེས་པ་བསྐངས་ཤིང་དབང་དུ་སྡུད་པ་ནི། །མི་དམིགས་གཙོ་བོའི་སྔགས་དང་ཕྱག་རྒྱ་འདི། །གནས་པ་འདི་ཡང་ཀུན་ཏུ་འགུགས་པ་དང་། །སྒྲོལ་དང་མཐར་ཕྱིན་ཕྲིན་ལས་གནས་སུ་བསྟན། །ཞེས་འབྱུང་སྟེ། འབྱུང་མེད་ཡེ་ཤེས་ཀྱི་དཀྱིལ་འཁོར་ཞེས་བྱ་སྟེ་ལེའུ་གསུམ་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་འབྱུང་བའི་གནས་བསྟན་ཏེ། གཞན་གྱི་ཕྱིར་ནི་རིག་པ་དང་། གདོད་མ་ནས་རིག་པ་རྣམ་པར་དག་པ་དང་། ཇི་སྲིད་འཚོ་བའི་བར་དུ་ཡེ་ཤེས་རྣམ་པར་དག་པ་དང་། གནད་ངེས་པའི་ཤེས་པ་རྣམ་པར་
དག་པ་དང་། བདུན་ལས་མ་བྱུང་རྒོལ་བ་ངན་པ་ཚར་གཅོད་པའི་ཤེས་རབ་དང་། མུ་སྟེགས་བྱཱ་ཀ་ར་ཎའི་སྒྲ་ལ་མཁས་པ་ཚར་གཅོད་པའི་ཤེས་རབ་རྣམ་པར་དག་པ་དང་། མི་མཐུན་པའི་ཕྱོགས་ཐམས་ཅད་ཟིལ་གྱིས་གནོན་པའི་ཤེས་རབ་རྣམ་པར་དག་པ་དང་དགུའོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་བཙུན་མོའི་བདག་ཉིད་ཡེ་ཤེས་སུ་གྱུར་པ། ཡེ་ཤེས་ལས་ཀྱི་ཏིང་ངེ་འཛིན་གྱི་བདག་ཉིད་དུ་གྱུར་ཏེ། འདི་སྐད་དོ། །ཁྲོ་བོར་དེ་བཞིན་གཤེགས་པའི་ཏིང་ངེ་འཛིན་དང་། སྒྱུ་མ་ལ་དབང་བསྒྱུར་བའི་ཏིང་ངེ་འཛིན་དང་། ཆོས་ཉིད་སྒྱུ་མ་ལ་དབང་བསྒྱུར་བའི་ཏིང་ངེ་འཛིན་དང་། གོ་འཕང་ཆེན་པོ་ལ་སྦྱོར་བ་ཐབས་ཀྱི་ཏིང་ངེ་འཛིན་དང་། བྱང་ཆུབ་སེམས་གཉིས་སུ་མེད་པའི་ཏིང་ངེ་འཛིན་དང་། བྱམས་པ་ཆེན་པོའི་ཏིང་ངེ་འཛིན་དང་། སྙིང་རྗེ་ཆེན་པོའི་ཏིང་ངེ་འཛིན་དང་། རྫུ་འཕྲུལ་དང་ལྡན་པའི་ཏིང་ངེ་འཛིན་དང་། རྗེས་སུ་བསྟན་པའི་ཆོ་འཕྲུལ་དང་ལྡན་པའི་ཏིང་ངེ་འཛིན་དང་། ཐུགས་རྗེས་ཞེ་སྡང་སྒྲོལ་བའི་ཏིང་ངེ་འཛིན་དང་། ཤེས་རབ་ཀྱིས་འདོད་ཆགས་སྒྲོལ་བའི་ཏིང་ངེ་འཛིན་དང་། ཡེ་ཤེས་ཀྱིས་གཏི་མུག་སྒྲོལ་བའི་ཏིང་ངེ་འཛིན་དང་། ཡོན་ཏན་གྱིས་ང་རྒྱལ་སྒྲོལ་བའི་ཏིང་ངེ་འཛིན་དང་། འབད་པ་མེད་པའི་བརྩོན་འགྲུས་ཀྱིས་ཕྲག་དོག་འཇོམས་པའི་ཏིང་ངེ་འཛིན་དང་། ཐུབ་པས་བདུད་རྣམས་འཇོམས་པའི་ཏིང་ངེ་འཛིན་རྣམས་སོ། །པྲཛྙཱ་ཀུ་ལ། ཛྙཱ་ན་ཀུ་ལ། འདའ་ཏ་ཀུ་ལ། གུ་ཎ་ཀུ་ལ། བཱིརྱ་ཀུ་ལ། བུཌྜྷ་ཀུ་ལ། བཛྲ་ཀུ་ལ། རཏྣ་ཀུ་ལ། པདྨ་ཀུ་ལ། ཀརྨ་ཀུ་ལ། སརྦ་སརྦ་བུཌྜྷ་ཧཱུྃ་ཀུ་ལ་ཧོ། དེ་ནས་ཁྲོ་བོ་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཏིང་ངེ་འཛིན་ཏེ། དེ་ལྟར་བསྟན་ནས་དེ་བཞིན་སྨོས་སོ། །དཔེར་ན་མེ་དང་འོད་བཞིན་དུ། །འོད་ལ་སྦྲང་མ་འདུ་ན་ཡང་། །མེ་ལྕེའི་དྲོད་ནི་འོད་ལ་ཡོད། །འོད་ཀྱིས་སྦྲང་ཚིག་དེ་བཞིན་དུ། །སྐྱོན་གྱི་དྲི་མ་ཐམས་ཅད་དང་། །
བདུད་དང་མུ་སྟེགས་ལོག་འདྲེན་དང་། །མི་མཐུན་པ་ཡི་དགྲ་བོ་རྣམས། །ཤེས་རབ་ཐབས་ཀྱིས་གཟིར་བ་ཡིས། །མེ་ལྕེ་དང་ནི་སྦྲང་མའི་འོད། །ཐ་དད་པ་ཡིས་མི་མཐུན་པའོ། །འཕགས་པ་འཇམ་དཔལ་གཤིན་རྗེ་གཤེད། །འཁྲུགས་པ་མེད་ཅིང་སྒྲོལ་བར་བྱེད། །མི་སྐྱེ་ཡེ་ཤེས་རལ་གྲི་ཡིས། །ཉོན་མོངས་སྡུག་བསྔལ་དྲལ་བས་ན། །གནས་དང་གནས་ནི་མ་ཡིན་པས། །རྒྱུ་དང་རྒྱུ་ནི་མ་ཡིན་པ། །ཉོན་མོངས་སེམས་ཅན་མཐོ་རིས་གནས། །བསྒྲལ་བའི་ཞིང་བཅུ་སྨོས་པ་དེ། །དེ་ལ་དེ་བཞིན་དྲག་ཏུ་བྱ། །རིགས་དང་ལོ་ཟླ་མི་མཐུན་པ། །དེ་བཞིན་དག་ཏུ་བྱར་མི་རུང་། །སྐྱོན་གྱི་རྣམ་པ་ཡོད་པ་དེ། །དེ་བཞིན་དུ་ནི་ཤེས་པར་བྱ། །ལས་དང་བྱ་བ་རྩོལ་བ་རྣམས། །ཉམས་ཀྱི་ཕྱག་རྒྱ་རང་དོན་སད། །དེ་བརྟགས་དགའ་བར་མི་འགྱུར་ཏེ། །མི་ལྤགས་སམ་ནི་རོ་གོས་ལ། །གི་ཝང་དག་གིས་བྲིས་བྱས་ཏེ། །ལྷ་དག་ཡབ་ཡུམ་གཟུགས་ཀྱང་བྲི། །ཁྱད་པར་རཀྟའི་ཁ་ཆུས་བྲན། །གདུག་པ་དྲུག་གི་སྙིང་པོ་བྲིའོ། །དེ་ནས་སྔགས་ནི་འདི་ཡང་བརྗོད། །་ཧྲཱྀཿཤྟྲཱིཿཀྲོ་ཏ་བི་ཀྲོ་ཏི་ཏ། ཧྲཱྀཿཤྟྲཱིཿཀྲོ་ཏི་མ་ར་ཏང་། པྲ་སང་ཧེ་ཏ་ད་བ་མུ་ཀ་ཧེ་ཧང་ཀཱ་ལ་རཱུ་པ་ཧཱུྃ་ཕཊ་ཨཱཿ། དེ་སྐད་ཅེས་གསུངས་ཏེ། དགྲ་དང་བགེགས་དང་མུ་སྟེགས་དང་། །བདུད་དང་སྲིན་པོ་ལོག་འདྲེན་མ་རུངས་པ་རྣམས་གཟིར་ཅིང་མནན་པ་དེ་བཞིན་དུ་བྱའོ། །དེ་ནས་འཕགས་པ་འཇམ་དཔལ་གཤིན་རྗེ་གཤེད་ནག་པོས་ཐུགས་མཉམ་པའི་དཀྱིལ་ནས། བདུད་དང་མུ་སྟེགས་དང་། སྲིན་པོ་དང་ལོག་འདྲེན་ཐམས་ཅད་རང་བཞིན་གྱིས་བསྒྲལ་བའི་སྙིང་པོ་འདི་གསུངས་སོ། །་པྲ་མར་ན་མོ་པྲ་སང་བཛྲ། བཛྲ་ཀི་མོ་ན་དོ་ཨ་ཧང་པྲ་ཀུ་ལ། འབྲ་ཏ་མ་བྷ་ཀུ་ལ། མ་ཏྲ་མུ་ཏྲི། སྙིང་པོ་དེ་སྐད་གསུངས་མ་ཐག་ཏུ། རང་བཞིན་གྱིས་དབང་དུ་འདུས་པར་གྱུར་ཏེ། བདུད་
རྣམས་དག་ནི་ཁྲོ་ཞིང་གཏུམ། །སྲིན་པོ་དག་ནི་འཇིགས་ཤིང་རྔམ། །མུ་སྟེགས་ལོག་འདྲེན་རྒོལ་བར་བྱེད། །དེ་དུས་ཕྲིན་ལས་འདི་གསུངས་སོ། །དཀྱིལ་འཁོར་པདྨ་འདབ་བརྒྱད་ལ། །གྲུ་ཆད་མུ་ཁྱུད་སུམ་བརྩེག་བྱ། །དེ་ཡི་དབུས་ཀྱི་ལྟེ་བ་ལ། །བདུད་འདུལ་སྙིང་པོ་འདི་བཀོད་དོ། ་ཐ་ག་བྷན་མཱ་ར་ན་ཎ། ཤར་གྱི་པདྨ་ལ། སྲིན་པོ་དབང་དུ་སྡུད་པའི་སྙིང་པོ། ་རཀྵ་ཁྲག་ན་ཎ། ལྷོ་རུ་མུ་སྟེགས་དབང་དུ་བསྡུ་བའི་སྙིང་པོ། ་ཏི་རྠི་ཀ་ཏ་ན་ཎ། ནུབ་ཏུ་བགེགས་དབང་དུ་བསྡུ་བའི་སྙིང་པོ། ་བ་མ་ར་ན་ཎ། བྱང་དུ་ལོག་འདྲེན་དབང་དུ་བསྡུ་བའི་སྙིང་པོ་བྲི། ་ཀྲང་ཀ་རིན་ཎ། མཚམས་ཀྱི་པདྨ་བཞི་ལ། ཧཱུྃ་དྷ། ཧཱུྃ་སཱ། ཧཱུྃ་མཱ། ཧཱུྃ་པ། རྣམས་བྲིའོ། །གྲུ་ཆད་བཞི་ལ་ཐོད་པ་ལྕང་ལོ་ཅན་བཞི་བྲིའོ། །མུ་ཁྱུད་ཟླུམ་པོ་ལ། ཐོད་པའི་ཕྲེང་བ་གཏང་། དེའི་ཕྱི་རིམ་ལ་སྦྲུལ་བྲི། དེ་ལྟར་དཀྱིལ་འཁོར་བཅས་ནས་ནི། །རྣམ་པར་གཙེ་བའི་གཟུགས་རྣམས་ཀུན། །ཁམ་ས་དག་གི་ག་བུ་ལ། །ལྷ་དག་གི་ནི་གཟུགས་བྲིས་ལ། །རྣམ་པར་གཙེ་བའི་གཟུགས་ཀྱང་བྲི། །དོག་པ་དམར་པོས་བཅིངས་ནས་ནི། །དཀྱིལ་འཁོར་དབུས་སུ་དགོད་བྱས་ཏེ། །རྩེ་གཅིག་ཕྱག་རྒྱ་བཅས་ནས་ནི། །སྔགས་ནི་མང་དུ་བརྗོད་པར་བྱ། །ན་མ་ཧྲི་ཁི་ཁན། ད་མ་ར་པྲ་པ་ཐ་བྱིང་ཨུ་མི་ན་ཎ་སརྦ་ཛ། ཕྱག་རྒྱ་དེ་ཡིས་བརྡེག་པར་བྱ། །ཞག་གསུམ་གཟིར་གནན་བྱས་ན་ནི། །བགེགས་དང་ལོག་འདྲེན་དབང་བསྡུ་སྟེ། །ཁྲོ་བོ་དེ་བཞིན་བཞུགས་པ་རྣམས། །དཀར་དང་དམར་དང་སེར་བ་དང་། །སྨུག་དང་ལྗང་ནག་ཁམ་པ་དང་། །སོ་སོའི་ཆ་ལུགས་རྔམ་པའི་གཟུགས། །མགོན་པོ་གཤིན་རྗེ་ནག་པོ་ཡིས། །དེ་དག་ཚོགས་སུ་སྤྲུལ་ནས་ནི། །བགེགས་དང་ལོག་འདྲེན་གཟིར་ཞིང་མནན། །རྔམ་པའི་ཞལ་དུ་འདི་བཏབ་པོ། །་ཆེ་གེ་མོ་ཁ་རཾ། ཧཱུྃ་ཧྲཱྀཿཤྟྲཱིཿཆེ་གེ་མོ་ཁ་རཾ། ཀཱ་ལ་རཱུ་པ་ན་ཆེ་གེ་མོ་ཁ་རཾ་
ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ་ན་ཨ། ཉིན་ཞག་གཅིག་ལ་སྟོང་རྩ་གཅིག་བཟླས་སོ། །ཉིན་ཞག་གཉིས་ལ་ཁྲི་རྩ་གཅིག་བཟླས་སོ། །ཉིན་ཞག་གསུམ་ལ་འབུམ་རྩ་གཅིག་བཟླས་སོ། །དེ་ནས་རྩ་བའི་ཕྱག་རྒྱ་གསུམ་བཅས་ཏེ། ཡང་ནས་ཡང་དུ་མནན་ཅིང་གཟིར་བར་བྱ། །བེ་ཅོན་ཕྱག་རྒྱ་བཅས་ནས་ནི། །སྔགས་འདིས་ཀྱང་ནི་གདབ་པར་བྱའོ། །་ཧྲཱྀཿཤྟྲཱིཿབཛྲ་ཡ་ཡ་ན། སརྦ་པུ་པུད་ཏ་ཧཱུྃ་ཧཱུྃ་ཕཊ་ཕཊ་ཏ་ཨ། ཞེས་སྟོང་རྩ་གཅིག་བཟླས་སོ། །ལས་རྣམས་རྫས་དང་སྔགས་དང་ཕྱག་རྒྱ་དང་། །བརྩོན་འགྲུས་མ་ཡེངས་པར་ཡང་ནན་ཏན་བྱ། །ཞེས་འབྱུང་སྟེ། ཏིང་ངེ་འཛིན་གྱི་དཀྱིལ་འཁོར་བྲི་ཞིང་མནན་པའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་འཕགས་པ་འཇམ་དཔལ་གཤིན་རྗེ་གཤེད་ཡེ་ཤེས་ལྷུན་གྱིས་གྲུབ་པའི་དགྱེས་པ་ཆེན་པོའི་ངང་ལ་ལོངས་སྤྱོད་པར་སྟོན་ཏེ། འཕགས་པའི་རང་བཞིན་གནས་པས་ཀུན་ཏུ་ཤེས་རབ་སྟེ། །དེ་བཞིན་རྣམ་པར་མི་རྟོག་ཡིན་པས་ན། །འདི་གཉིས་ཆོས་ཀྱི་སྐུ་ཞེས་རབ་ཏུ་བཤད། །ཆོས་ཀྱི་ལོངས་སྤྱོད་ཆེན་པོ་མཛད་པ་དང་། །མཉམ་པ་ཉིད་ཀྱི་ཡེ་ཤེས་དབྱིངས་ནས་བཞེངས། །ཐུགས་རྗེ་ཆེན་པོས་འགྲོ་བའི་དོན་ལ་ཆགས། །ཤིན་ཏུ་ཁྲོ་བོར་གྱུར་ནས་གསུངས་པ་ནི། །ང་ནི་དུས་གསུམ་སྔོན་དུ་བྱུང་། །སངས་རྒྱས་ཀུན་གྱི་སྔོན་དུ་བྱུང་། །ང་ནི་དུས་གསུམ་ཕྱིས་ཀྱང་འབྱུང་། །ང་ནི་དུས་གསུམ་ད་ལྟར་གནས། །དུས་གསུམ་འདི་ནི་ང་ཡི་དབང་། །ང་ནི་ལྔ་བརྒྱ་ཐ་མའི་ཚེ། །ང་ཡི་བསྟན་པ་འབྱུང་བར་བཤད། །བསྟན་པ་ཐམས་ཅད་ནུབ་པའི་ཚེ། །ང་ཡི་བསྟན་པ་དར་བར་བྱེད། །ལས་ངན་མཚམས་མེད་བྱེད་པའི་ཚེ། །དེ་ཚེ་ང་ཡི་བསྟན་པ་འབྱུང་། །ཟས་ངན་ལྕི་བ་ཟ་བའི་ཚེ། །དེ་ཚེ་ང་ཡི་བསྟན་པ་འབྱུང་། །གོས་ངན་དུག་ཧྲུལ་གོན་པའི་ཚེ། །དེ་ཚེ་ང་ཡི་བསྟན་པ་འབྱུང་། །བསྟན་པ་ཐམས་ཅད་ནུབ་པའི་ཚེ། །དེ་ཚེ་ང་ཡི་བསྟན་པ་འབྱུང་། །ཇི་ལྟ་བུ་ནི་ཞི་གྱུར་ཀྱང་། །ཞི་བ་ཐམས་ཅད་ང་
ཡི་སྐུ། །ཇི་ལྟ་བུ་ནི་ཁྲོས་གྱུར་ཀྱང་། །ཁྲོ་བོ་ཐམས་ཅད་ང་ཡི་སྐུ། །ཐམས་ཅད་ང་ཡི་རང་བཞིན་ཡིན། །འགྲོ་བ་རིགས་དྲུག་ལ་སོགས་རྣམ་པར་རྒྱལ་བར་མཛད་པ་དང་། །བདུད་དང་སྲིན་པོ་མུ་སྟེགས་འདུལ་བའི་ཕྱིར། །མཚན་དང་དཔེ་བྱད་གཟུགས་སུ་སྤྲུལ་ནས་ནི། །མ་ལུས་ཚར་གཅོད་ཕྱིར་ནི་འདི་གསུངས་སོ། །འཁོར་ལོ་རྩིབས་བརྒྱད་མུ་ཁྱུད་ཟླུམ་པོར་བཅས། །སྦྲུལ་གྱི་རྒྱ་གྲམ་དག་གིས་མཐའ་བསྐོར་ཏེ། །ལྟེ་བར་རྡོ་རྗེ་རྒྱ་གྲམ་བྲི་བར་བྱ། །འཁོར་ལོ་བརྒྱད་ལ་རྡོ་རྗེ་རྒྱ་གྲམ་བྲི། །དེ་ཡི་སྟེང་དུ་བྷནྡྷའི་ག་བུ་གཉིས་ལ། གཅིག་ལ་གཤིན་རྗེ་དབུ་དྲུག་པའི་གཟུགས་བྲི། གཅིག་ལ་ཡུམ་ཁྲོ་གཉེར་གདོང་དྲུག་མའི་གཟུགས་བྲི། དེའི་ནང་དུ་དམིགས་པའི་རྐང་རྗེས་ཀྱི་ས་དང་། བྲིས་དང་ཁྲག་སྣ་གསུམ་དང་། ཐལ་ཆེན་ས་དང་། རྒྱ་ཤུག་བཀུས་པའི་ཁུ་བ་དང་། དེ་རྣམས་བརྫིས་པ་ལ་དགྲ་བོའི་གཟུགས་བྱས་ལ། ག་བུའི་ནང་དུ་བཅུག་ལ་ཁ་སྦྱར་ལ། དོག་པ་དམར་པོས་བཅིངས་ཏེ། དཀྱིལ་འཁོར་གྱི་ཐོག་ཏུ་བཞག །དེ་ནས་ལྷའི་སྐུ་ཕྱག་རྒྱ་ཆེན་པོར་བསྐྱེད་པ་ནི། ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་ཕཊ་ཅེས་བརྗོད་པས། འཕགས་པ་འཇམ་དཔལ་གཤིན་རྗེའི་གཤེད། ཞལ་དྲུག་ཕྱག་བཅུ་གཉིས་པ་སྐུ་མདོག་སྟང་ཟིལ་བཅག་འཕྲོ་འདྲ་བ། ཤིན་ཏུ་རྔམ་པའི་དབུ་དྲུག་ལ། དབུས་མ་རྔམ་ཞིང་གདངས་པ། གཡས་ལྗགས་འདྲིལ་བ། གཡོན་གད་རྒྱངས་ཆེན་པོ། གཡོན་པ་གཅིག་ཚེམས་གཙིགས་པ། གཡས་པ་གཅིག་འཛུམ་པའི་ཚུལ་ཅན། ཞལ་གཅིག་འཛུམ་གཉེར་ཁྲོ་ཞིང་བཞུགས་པ། ཞབས་དྲུག་བརྐྱང་བསྐུམ་གཟིར་གནོན་དུ་བཞུགས་པ། ཕྱག་གཡས་ཀྱི་དང་པོ་ཏྲི་ཤཱུལ། གཉིས་པས་རལ་གྲི། གསུམ་པས་མི་མགོའི་དབྱུག་ཐོ། བཞི་པས་དགྲ་སྟྭ། ལྔ་པས་མཆོག་སྦྱིན། དྲུག་པས་ལྕགས་ཀྱུ། གཡོན་དང་པོ་ཐོད་པ་ཆེན་པོ། གཉིས་པས་སྡིགས་མཛུབ། གསུམ་པས་ཞགས་པ། བཞི་
པས་རིན་པོ་ཆེའི་དབྱུག་ཐོ། ལྔ་པས་མདའ་བོ་ཆེ། དྲུག་པས་མདུང་། སྐུའི་ཡན་ལག་ཐམས་ཅད་རྡོ་རྗེའི་བ་སྤུར་འབར་བ། ཀླུ་རིགས་བཞིས་སྐུ་ལ་བརྒྱན་པ། ཡི་དྭགས་ཀྱི་ཕྲེང་བ་ཆེན་པོས་སེ་རལ་ཁར་བརྒྱན་པ། ཐོད་པ་སྐམ་རློན་གྱི་དབུ་རྒྱན། སྦྲུལ་གྱི་གདེངས་ཀ །དུར་ཁྲོད་ཀྱི་རྒྱན་སྣ་ཚོགས་པས་བརྒྱན་པ་གཅིག་བསྒོམ་མོ། །དེའི་གཡོན་དུ་ཡུམ་བེ་ཏཱ་ལཱི་ཞལ་གཅིག་ཕྱག་གཉིས་པ། གཡས་ཏྲི་ཤཱུལ་རྩེ་གསུམ། གཡོན་བྷནྡྷ་དམར་གྱིས་བཀང་བ་བསྣམས་པ་གཅིག་བསྐྱེད་ལ། དེ་གསལ་བ་དང་འདི་སྐད་ཅེས་བརྗོད་དོ། །ཧཱུྃ། རྔམ་པའི་རྒྱལ་པོ་ཁྲག་འཐུང་གཤིན་རྗེ་གཤེད། །ཁམས་གསུམ་དབང་དུ་སྡུད་པའི་ཞལ་དྲུག་པ། །དབྱིངས་ལས་སྤྲུལ་པའི་ཁྲག་འཐུང་ལྷུན་གྱིས་གྲུབ། །ལས་ངན་འཁྲུལ་པའི་སེམས་ཅན་གདུལ་དཀའ་རྣམས། །གདུག་པ་འདུལ་ཕྱིར་མ་ལུས་གཤེགས་སུ་གསོལ། །་ན་མོ་བྷུཌྜྷ་དྷརྨ་སང་གྷེ་བྷྱཿ། ཀྲོ་ཏ་ས་པཱ་རི་བཱ་ར་ས་མ་ཡ། ཨཱ་གཙྪ་ཡ་ཨཱ་གཙྪ་ཡ། ་ཨཱཿཧཱུྃ་ཨི་དཾ་པྲེ་ཏ་ཨཱ་ས་ནཱ་ནཱཾ། ཨ་མྲྀ་ཏོད་ཀ་ན་རཀ་རཀྵ་ནི་སྭཱ་ཧཱ། དེ་ནས་དམ་ཚིག་གི་ཕྱག་རྒྱ་བཅིངས་ལ། ཛཿཧཱུྃ་བཾ་ཧོཿ། ཡ་མཱནྟ་ཀ་པདྨ་ས་མ་ཡ་སྟྭཾ། ཞེས་ལན་གསུམ་བརྗོད་དེ། བརྟན་པར་བཞུགས་སུ་གསོལ། དེ་ནས་ཁྲག་ཆེན་དང་། རྒོད་ཁྲག་དང་། ཤ་ཆེན་དང་། ཚིལ་ཆེན་ལ་སོགས་པའི་གཏོར་མ་ཆ་གཅིག་བཤམས་ལ། དཀྱིལ་འཁོར་གྱི་སྟེང་དུ་བཞག་སྟེ། བདག་ཉིད་ཏིང་ངེ་འཛིན་པས་རལ། སྔགས་འདི་འབུམ་ཚོ་གཅིག་བཟླས་སོ། །་བཛྲ་ཧ་ཏང་འབའ་བ་ཧེ་ཧ་འདའ་ན། ཧྲཱྀཿཤྟྲཱིཿཆེ་གེ་མོ་མཱ་ར་ཡ་ཧཱུྃ་ཧཱུྃ་ཕཊ་ཕཊ། ཧ་སྟབ་པ་པྲི་ཏི་ནིར་ཏི་ས་ཧཱུྃ་མཱ་ར་ཡ་ཧཱུྃ་ཕཊ། ཞེས་ཞག་གསུམ་དུ་བགྲངས་ལ། འཛབ་གྲངས་ཚང་བ་དང་། གཏོར་མའི་ལས་བརྩམ་པར་བྱ་སྟེ། བསྐྱེད་དང་བསྐུལ་དང་རྫོགས་པ་དང་། །ཕྱོགས་བཅུའི་ཁྲོ་བོ་སྤྱན་དྲངས་ལ། །མ་ལུས་རྫོགས་པའི་ཕྲིན་ལས་བྱ། །དེ་ནས་
གཏོར་མའི་ནང་དུ་དགྲ་བོའི་གཟུགས་བཅུག་ལ་གོང་མའི་སྔགས་ཀྱིས་བརྗོད་ནས་སུ། གཟིར་ཞིང་མནན་པ་དེ་བཞིན་ཏེ། །ལས་རྣམས་མ་གྲུབ་བར་དུ་ནི། །གཏོར་མ་ཡལ་བར་མི་གཏོང་ངོ་། །བེ་ཅོན་ཕྱག་རྒྱ་བཅས་ནས་ནི། །དམིགས་པ་དག་ལ་བརྡེག་པར་བྱ། །རིག་པ་འཛིན་པས་ལག་པ་གཡས་པ་བརྐྱང་། །རྡོ་རྗེ་ཁུ་ཚུར་ནང་དུ་ནི། །མཐེ་བོང་བཅུག་པ་བེ་ཅོན་རྒྱ། །སྔགས་འདི་ཡང་ནི་བརྗོད་པར་བྱ། །ན་མོ་བྷུཌྜྷ་དྷརྨཱ་སང་གྷེ་བྷེཿཨཱ། སརྦ་ཏ་ཐཱ་ག་ཏ་ཀྲོ་དྷ་བི་ཛ་ཡ། ཨག་ནིར་ཛྭ་ལི་ཏ་ཛ། པྲ་ཏ་ལི་ཡང་ཧཱུྃ་ཕཊ། དེས་ནི་གང་ལ་དམིགས་པ་འགྲུབ། །གཤིན་རྗེ་ནག་པོའི་ཏན་ཏྲ་ལས། རང་བཞིན་རྫོགས་པ་ཆེན་པོ་ལྷུན་གྱིས་གྲུབ་པའི་ཕྲིན་ལས་ཀྱི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་དཔལ་མགོན་པོ་གཤིན་རྗེའི་གཤེད་ཀྱིས། སྒྱུ་འཕྲུལ་ཆེ་སྡུད་ཀྱི་ལེའུ་འདི་གསུངས་སོ། །ཡེ་ཤེས་འཁྱིལ་པའི་འཁོར་ལོ་བརྒྱད་སྟེང་ལ། །ཡེ་ཤེས་ཉི་འོད་གསལ་བའི་ཐིག་དྲན་གདབ། །མུ་ཁྱུད་ཟླུམ་པོ་སྦྲུལ་གྱི་ཞགས་པ་བྲི། །སྟེགས་བུ་ཕྱོགས་མཚམས་ཕུར་བུ་བཞིས་ཀྱང་གདབ། །དེ་ཡི་དབུས་སུ་སྙིང་པོ་འདི་འགོད་དོ། །དབུས་ཀྱི་ལྟེ་བ་ལ་། ཤར་དུ་ཧྲི། ལྷོར་ཏྲཾ། ནུབ་ཏུ་བྃ། བྱང་དུ་ཧཱུྃ། བྱང་ཤར་ཛ། ཤར་ལྷོར་ཧྲི། ལྷོ་ནུབ་ཏུ་མེ། ནུབ་བྱང་དུ་ཡཾ། དེ་རྣམས་བཀོད་ནས། ཨ་མྲྀ་ཏ་སྐུ་མདོག་སྨུག་ནག་དབུ་གསུམ་ཕྱག་དྲུག །སྐུ་ལ་ཐོད་ཚལ་གྱི་ཕྲེང་བས་བརྒྱན་པ། ཞལ་གཡས་མཐིང་ནག །གཡོན་ལྗང་ནག །དབུས་སྐུ་དང་མཐུན་ཏེ་སྨུག་ནག །ཞབས་བཞི་བརྐྱང་བསྐུམ་དུ་བཞུགས་པ། ཡུམ་ཡང་ཡབ་ཀྱི་སྐུ་ཇི་བཞིན་དུ་བཞུགས་ཏེ། གཡོན་ཕྱོགས་སུ་བསྐྱེད་པར་བྱ། ་ཨ་མྲྀ་ཏ་ཏ་ཐཱ་ག་ཏ་སརྦ་ཨ་མྲྀ་ཏ་ཧཱུྃ་ཕཊ། བཛྲ་ཨ་མྲྀ་ཏ་ཧཱུྃ་ཕཊ། དེ་ལྟར་བསྐྱེད་ནས། དམིགས་པའི་གཟུགས་དྲིས་དང་། རྐང་རྗེས་ལ་བཅས་ལ། ཁམ་སའི་ག་བུ་དག་ལ་ནི། །ལྷ་ཡི་གཟུགས་ནི་བྲི་བར་བྱ། །ནང་དུ་དགྲ་ཡི་
གཟུགས་བཅུག་ལ། །ནན་ཏན་དུ་ནི་བསྒྲུབ་པར་བྱ། །དེ་ནས་ཁྲོ་བོ་ཆེན་པོ་བདུད་རྩི་འཁྱིལ་པའི་ཞལ་ནས་འདི་སྐད་ཅེས་གསུངས་སོ། །ཨཱོཾ་ང་ནི་ཕྱོགས་བཅུ་དུས་གསུམ་གྱི། །བདེ་གཤེགས་ཐུགས་ཀྱི་སྲས་ཡིན་པས། །བདུད་དང་སྲིན་པོ་ལོག་འདྲེན་རྣམས། །མ་ལུས་ཚར་གཅོད་བྱིན་བརླབས་ཏེ། །མགོན་པོ་གཤིན་རྗེའི་གཤེད་ཀྱི་སྲས། །དོན་རྣམས་ཐམས་ཅད་མ་ལུས་པར། །དེང་འདི་ཉིད་དུ་གྲུབ་པར་བྱ། །དགྲ་རྣམས་ཐམས་ཅད་གདུལ་བའི་ཕྱིར། །དུག་དང་གི་ཝང་ལ་སོགས་ཀྱིས། །དགྲ་བོའི་གཟུགས་ལ་བྲབ་ཅིང་བསྔགས། །ཕུར་པའི་ཕྱག་རྒྱ་བཅས་ནས་ནི། །སྔགས་འདི་ཡང་ནི་བརྗོད་པར་བྱ། །ཨཱོཾ་བཛྲ་སརྦ་ཨ་མྲྀ་ཏེ་སྟ་པ་སྟེ་ཧ་ཧཱུཾ་ཧཱུཾ་ཕཊ་ཕཊ་ཨ། མེ་ཏོག་ས་མྱག་ཏ། ནམ་ཧི་པྲ་མ་ར་ཏ། ་ལ་ལ། ཧཱུཾ་ཧཱུཾ་ཕཊ་ཕཊ་ཨ། ཉིན་མཚན་ཐུན་དྲུག་བཅད་ནས་ནི། །སྟོང་ནི་རྩ་གཅིག་དག་ཏུ་བཟླས། །དེ་ལྟར་ཉིན་ཞག་གསུམ་བར་དུ། །འཛབ་བཟླས་དགྲ་ཡི་གཟུགས་ལ་བརྡེག །ཕྲིན་ལས་མཆོག་ཏུ་བྱ་བ་ནི། །ཟླ་བ་ཉ་གསུམ་དག་ལའོ། །དེ་ནས་བརྣག་པའི་ལས་འདི་བྱའོ། །རྡོ་རྗེ་རྩེ་གཅིག་རྒྱ་བཅས་ལ། །ཉི་མ་དང་པོ་ལ་སྔགས་འདི་བཟླས། ཨཱོཾ་མ་ར་ཁན་དྷ་ཥྚིཾ་ཡུ་བ་ཏ་ན་ཡ། ཨཱོཾ་ཏྲི་ཀན་ཏ་པ་ར་ན་ལ་ཧཱུཾ་མཱ་ར་ཡ་ཕཊ། དེ་ནས་གཉིས་པ་ལ། བཛྲ་ཧཱུཾ་ཁཾ་སྥ་ར་ཎ་ཕཊ། ཧཱུཾ་ཨཱ་བེ་ཤ་ཨ་ཨ་ཧཱུཾ་ཧཱུཾ་ཕཊ་ཕཊ། དེ་ནས་ཉིན་གསུམ་པ་ལ། ཨཱོཾ་ཀྲོ་ཏ་ནཱི་ལ་དཎྜ་ཧཱུཾ་ཧཱུཾ་ཧྲཱྀཿཤྟྲཱིཿབི་ཀྲྀ་ཏ་ན་ན། ཧྲཱྀཿཤྟྲཱིཿཧཱུཾ་ཧཱུཾ་ཏྲི་ཏྲི་ཕཊ་ཕཊ། དེ་ནས་ཉི་མ་བཞི་པ་ལ། །ཨཱོཾ་བཛྲ་ཙནྡྷ་ཧྲཱྀཿཤྟྲཱིཿབཛྲ་ཏི་ར་བཾ་ཁཱ་ཧི་ཁཱ་ཧི། ཆེ་གེ་མོ་དབང་དུ་སྡུས་ཤིག །ཧཱུཾ་ཧཱུཾ་ལ་ལ་ཕཊ་ཕཊ། རྒྱ་གྲམ་ཕྱག་རྒྱ་བཅས་ལ་བརྡེག །དེ་ནས་ཉི་མ་ལྔ་པ་ལ། ཨཱོཾ་བཛྲ་ཀང་ཀང་མ་ཀ་ཡཾ་ནི་ཧཱུཾ་ཕཊ་ཨ། རྩེ་ལྔའི་ཕྱག་རྒྱ་བཅས་ལ་བརྡེག །དེ་ནས་ཉི་མ་དྲུག་པ་ལ། ཨཱོཾ་བཛྲ་ཨཾ་ཀུ་ཤ་ཏྲེ་འབར་སྡི་ར་བཾ་མཱ་ར་ཡ་ཛཿཧཱུཾ། རྡོ་རྗེ་གདེངས་པའི་ཕྱག་རྒྱ་བརྡེག །དེ་ནས་ཉིན་ཞག་བདུན་པ་ལ། །ཨཱོཾ་ཧཱུཾ་ཧཱུཾ་ཕཊ་ཕཊ་དུས་དུས་
རང་རང་ཡཾ་ཡཾ་རཾ་རཾ་ང་དྷིང་དུན་བྷྱོ་ཧཱུཾ་ཕཊ། ཁ་ཊྭཱཾ་ག་ཡི་ཕྱག་རྒྱས་བརྡེག །དེ་ལྟར་གཟིར་མནན་དྲག་ཏུ་ནི། །བྱས་ན་དགྲ་བོ་དབང་དུ་འགྱུར། །གཤིན་རྗེ་ནག་པོའི་ཏནྟྲ་ལས། དགྲ་བོ་ཚེ་སྡུད་ཀྱི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་འཕགས་པ་འཇམ་དཔལ་གཤིན་རྗེ་གཤེད་ཀྱིས། ཕྱོགས་བཅུ་དུས་གསུམ་གྱི་བདེ་བར་གཤེགས་པ་ཐམས་ཅད་ཀྱི་ཡེ་ཤེས་མཆོག་གི་མཆོད་པའི་ལེའུ་བསྟན་ཏེ། འཁོར་ལོ་བཅུ་དྲུག་རྩིབས་སྟེང་ལ། །མུ་ཁྱུད་ཟླུམ་པོ་རྡོ་རྗེའི་ར་བ་སྟེ། །གྲུ་ཆད་བར་ཁྱམས་བཞི་དང་ལྡན་པར་བྲི། །སྒོ་ཁྱུད་རྣམས་ཀྱང་དེ་བཞིན་བྱའོ། །བ་ཡི་རྣམ་ལྔས་ཆག་ཆག་གདབ་པར་བྱ། །ཁྲག་ཆེན་དག་གིས་ཐིག་ཀྱང་གདབ། །ལྕགས་རི་ནག་པོ་རེ་ག་དམར་པོ་གཏང་། །བཅོམ་ལྡན་གཤིན་རྗེ་ལ་སོགས་པ་རྣམས་ཀྱང་། །རིམ་པ་བཞིན་དུ་སོ་སོར་དགོད་པར་བྱ། །དབུས་ཀྱི་ལྟེ་བར་ཀ་པཱ་ལ་མཚན་དང་ལྡན་པ་ཞིག་གི་ནང་ན་ཁྲག་སྣ་དགུ་དང་། ཤ་ཚིལ་ཆེན་པོ་དང་། དྲེད་ཀྱི་ཤ་ཚིལ་ལ་སོགས་པ་རྣམས་ཀྱི་དམར་གྱི་གཏོར་མ་ཆ་གཅིག་བཤམས་ལ་གཞག །ཤར་གྱི་བྷནྡྷ་དག་ཀྱང་ཁྲག་སྣ་དགུ་དང་། ཤ་ཚིལ་ཆེན་པོ་སྟག་དང་ཟེར་མང་གི་སྙིང་ཁྲག་དང་སྦྱར་ལ་གཞག །ལྷོའི་བྷནྡྷ་རུ་མ་ཧེ་ཤ་དང་རྫས་གོང་མར་སྦྱར་ཏེ་གཞག །ནུབ་ཀྱི་བྷནྡྷར་སྦྲུལ་གྱི་ཤ་དང་རྫས་གོང་མར་སྦྱར་ལ་གཞག །བྱང་དུ་རྒོད་ཀྱི་ཤ་ཁྲག་དང་རྫས་གོང་མར་སྦྱར་ཏེ་གཞག །མཚམས་བཞིར་ཐོད་རློན་རེ་རེ་གཞག །གཏོར་མ་དག་གི་མདུན་དག་ཏུ། །རིན་ཆེན་མཛེས་པའི་སྣོད་བཤམས་ཏེ། །དམར་གྱི་རཀྟ་ཨརྒྷ་སྦྱར་ལ་གཞག །ཕྱོགས་བཞི་དག་ཏུའང་དགོད་པར་བྱ། །དབུས་ཀྱི་གཙོ་བོའི་སྙིང་པོ་ནི། །ཨཱོཾ་བཛྲ་མཉྫུ་ཤྲཱི། ཧེ་ཧེ་ཧེ་ཧཱུཾ་ཧཱུཾ་ཧཱུཾ་ཛ་ཛ་ཛ། མ་ར་ན་ཁ་མ་ར་ན་ཁ། ཧེ་ཧཱུཾ་སྭཱ་ཧཱ། ཞེས་བརྗོད་པར་བྱའོ། །དབུས་ཀྱི་གཏོར་མ་ནི་དགྱེས་པ་སྐོང་བའི་གཏོར་མའོ། །ཕྱོགས་བཞི་དག་ཏུའང་དེ་བཞིན་ཏེ། །བསྐྱེད་པ་དང་
ནི་བསྐུལ་པ་དང་། །ཕྱག་འཚལ་བ་དང་མཆོད་པ་དང་། །སེམས་ཀྱིས་རིམ་པ་བཞིན་དུ་བྱའོ། །བསྙེན་བསྒྲུབ་ལ་སོགས་གཞུང་བཞིན་བྱའོ། །བཅུ་བཞི་དང་ནི་བཅོ་ལྔ་དང་། །ཁྱད་པར་དུའང་ཚེས་བརྒྱད་ལའོ། །ནན་ཏན་དུ་ནི་བསྒྲུབ་པར་བྱའོ། །རིགས་དང་མཐར་ཕྱིན་གཙོར་བཟུང་ཞིང་། །ཐབས་དང་ཤེས་རབ་ལྡན་པ་སྟེ། །དཔེར་ན་རྡོ་རྗེ་རྣོན་པོ་ཡིས། །ཉོན་མོངས་དྲ་བ་གཅོད་པའི་ཚུལ། །ཡེ་ཤེས་རལ་གྲི་རྣོན་པོ་ཡིས། །མ་རིག་མུན་ནག་སེལ་བ་ལྟར། །བདུད་དང་མུ་སྟེགས་ཐམས་ཅད་ཀུན། །བྱིན་རླབས་ཆེན་པོས་བཏུལ་ནས་ནི། །བདུད་དང་སྲིན་པོ་གདན་དུ་བཏིང་། །གཤིན་རྗེའི་ཕོ་ཉ་ལ་སོགས་རྣམས། །སྒྲོལ་བའི་གིང་དུ་བྱིན་གྱིས་རློབས། །སྲིན་པོའི་བུ་མོ་ཆུང་མ་རྣམས། །དབང་དུ་བསྡུས་ཏེ་བཀའ་ཉན་ཚོགས། །ཐམས་ཅད་མ་ལུས་དབང་དུ་བསྡུས། །འཇིག་རྟེན་ལྷ་ཚོགས་ཐམས་ཅད་ཀྱང་། །བརྐྱང་བསྐུམ་གདན་དུ་བཀོད་ནས་ནི། །ཐམས་ཅད་མ་ལུས་ཟིལ་གྱིས་མནན། །སྐྱེས་བུ་རྣལ་འབྱོར་སྒྲུབ་པ་པོས། །ཉམས་སུ་བླངས་ལ་བསྒྲུབ་པར་བྱ། །ཇི་བཞིན་པ་ཡི་སེམས་དང་ནི། །རྫས་དང་ལག་ཆ་ཚོགས་པ་དང་། །ནམ་ཞིག་བསྒྲུབ་པར་འདོད་ན་ནི། །བསྒྲལ་བའི་ཞིང་བཅུ་དེར་བསྒྲལ་ལོ། །ཕྲིན་ལས་རྣམ་པ་བཞི་རུ་བསྒྲུབ། །དོན་རྣམས་ཐམས་ཅད་ཤེས་པར་བྱ། །གཤིན་རྗེ་ནག་པོའི་ཏནྟྲ་ལས། ཡེ་ཤེས་མཆོག་གི་མཆོད་པའི་ལེའུ་སྟེ་བདུན་པའོ།། །།དེ་ནས་ཁྲོ་བོ་ཆེན་པོ་གཤིན་རྗེ་གཤེད་ཀྱིས་ཡེ་ཤེས་དགྱེས་པ་ཆེན་པོའི་ཕྲིན་ལས་འདི་གསུངས་སོ། །ཨེ་མ་ཧོ། ཕྱོགས་བཅུ་ཀུན་ནས་བསྡུས་པ་ཡི། །ཡེ་ཤེས་རྒྱལ་པོ་ཐེག་ཆེན་འདི། །གསང་ཆེན་རྨད་དུ་བྱུང་བ་སྟེ། །རྒྱུ་དྲུག་འཁོར་བའི་སེམས་ཅན་རྣམས། །ཡེ་ནས་ལྷུན་གྱིས་གྲུབ་པ་ཡི། །མ་སྐྱེས་གདོད་ནས་རྣམ་པར་དག །ཡེ་ནས་ལྷུན་གྱིས་གྲུབ་པའི་བཅུད། །ཐམས་ཅད་མ་ལུས་ཆོས་སོ་ཅོག །ཆོས་ཀྱི་སྐུ་འམ་ཆོས་ཀྱི་དབྱིངས། །དོན་དང་ཚིག་དང་མངོན་
སུམ་པ། །དངོས་པོ་མཚན་མ་ཐམས་ཅད་ལ། །ཁྱད་པར་མི་མངའ་ཐུགས་རྗེ་ཆེ། །ཕྲ་བ་སེམས་ཀྱི་རང་བཞིན་ཏེ། །གཏི་མུག་མུན་པ་སེལ་བ་ཡིས། །ཉོན་མོངས་དྲི་མ་ཀུན་བྲལ་བ། །ཤིན་ཏུ་སད་པས་མྱ་ངན་འདས། །སད་པའི་བདག་ཉིད་གཤིན་རྗེ་གཤེད། །ཅེས་གསུངས་པས། ཕྱོགས་བཅུ་དུས་གསུམ་གྱི་བདེ་བར་གཤེགས་པ་ཐམས་ཅད། ཤིན་ཏུ་རྔམ་པའི་ཞལ་ནས་འདི་སྐད་ཅེས་གསུངས་སོ། །ཨེ་མ་ཧོ། ཕྱོགས་བཅུའི་འཇིག་རྟེན་ཡེ་ནས་དབེན། །བདེ་གཤེགས་རྒྱལ་བ་ཐམས་ཅད་ཡེ་ནས་ལྷུན་གྱིས་གྲུབ། །མཐའ་གཉིས་སྤངས་པའི་ཡེ་ནས་ལྷུན་གྱིས་རྫོགས། །ཕྱོགས་བཅུ་སྟོང་ཁམས་འཇིག་རྟེན་རྒྱན་དུ་བཅས། །ཐབས་དང་ཤེས་རབ་ཀྱིས་ནི་དབང་བསྐུར་བས། །བདུད་དང་སྲིན་པོ་ལོག་འདྲེན་ཐམས་ཅད་ཀྱང་། །དབང་མཆོག་སྣང་བ་དེས་ཀྱང་བྱིན་བསྐྱེད་དོ། །ཤར་ཕྱོགས་དྲི་ཟའི་ལོག་འདྲེན་ཞི་གྱུར་ཅིག །་བཛྲ་ཀུ་ལ་ཨེ་ཤྭ་ར་ན་ཧ་ཧ་ཧོ་ཧོ་ཧཱུྃ་ཧཱུྃ་ཞེས། རྡོ་རྗེ་རིགས་ཀྱི་བདེ་གཤེགས་ཐམས་ཅད་ཀྱིས། །མགོན་པོ་གཤིན་རྗེ་གཤེད་ལ་ཕྱག་འཚལ་དབང་བསྐུར་ཏོ། །ཨེ་མ་ཧོ་རིན་ཆེན་འབྱུང་བ་ཀུན་གྱི་བདག །གཙོ་མཆོག་ཁྱད་པར་བྱེད་པར་དབང་བསྐུར་ཏེ། །མི་འགྱུར་ཡོན་ཏན་རིགས་ཀྱི་དབང་ཐོབ་ནས། །ལྷོ་ཕྱོགས་གཤིན་རྗེའི་བགེགས་རྣམས་ཞི་གྱུར་ཅིག །་རཏྣ་ཀུ་ལ་ཧེ་ཧེ་ཧོ་ཧོ་ཧཱུྃ་ཧཱུྃ། རིན་ཆེན་རིགས་ཀྱི་དབང་བསྐུར་བས། །རིན་ཆེན་དགྱེས་པའི་དབང་ཐོབ་ནས། །ཁྱད་པར་བྱིན་བརླབས་ཐོབ་གྱུར་ཅིག །ཨེ་མ་ཧོ་ཁྲོ་གཏུམ་རྔམ་པའི་ཚོགས། །པདྨ་རིགས་ཀྱི་དབང་ཕྱུག་ཆེ། །སྣང་བ་མེད་ལས་ལྷུན་གྱིས་གྲུབ། །རྡོ་རྗེ་འཆང་བའི་དབང་བསྐུར་བས། །ནུབ་ཕྱོགས་ཀླུ་རྣམས་འདུལ་བའི་དབང་ཐོབ་ཤོག །་པདྨ་ཀུ་ལ་ཧེ་ཧེ་ཧོ་ཧོ་ཧཱུྃ་ཧཱུྃ། ལྷུན་གྱིས་གྲུབ་པའི་དབང་བསྐུར་བས། །པདྨ་དགྱེས་པའི་དབང་ཐོབ་ནས། །ཐོགས་པ་མེད་པའི་དབང་ཐོབ་ཤོག །ཨེ་མ་ཧོ་རང་བཞིན་མཚན་མ་མེད་པ་ཡི། །ཡེ་ཤེས་ལྔ་དང་ལྡན་པའི་ཕྲིན་ལས་གཙོ། །གཉིས་སུ་མེད་པ་ལས་ཀྱི་རིགས། །
ལས་རྣམས་ཐམས་ཅད་དབང་བསྐུར་བས། །བྱང་ཕྱོགས་གནོན་སྦྱིན་འདུལ་བའི་དབང་ཐོབ་ཤོག །་ཀརྨ་ཀུ་ལ་ཧེ་ཧེ་ཧོ་ཧོ་ཧཱུྃ་ཧཱུྃ། ཚད་མེད་བཞི་ཡི་ཐུགས་རྗེས་ཀྱང་། །ཉོན་མོངས་དགྲ་རྣམས་ཞི་གྱུར་ཅིག །ཅེས་ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་ཀྱིས། བཅོམ་ལྡན་འདས་མགོན་པོ་གཤིན་རྗེ་གཤེད་ལ་དབང་བསྐུར་རོ། །དེ་ནས་མགོན་པོ་གཤིན་རྗེ་གཤེད། །ངོ་མཚར་ཆེན་པོ་རྨད་བྱུང་ནས། །དགྱེས་པའི་ཕྲིན་ལས་འདི་བརྩམས་སོ། །དཀྱིལ་འཁོར་མཐིང་ནག་གྲུ་གསུམ་ལ། །མཐའ་མ་མུ་ཁྱུད་ཟླུམ་པོས་བསྐོར། །རྡོ་རྗེ་རྒྱ་གྲམ་བསྐོར་བར་བྱ། །ཁ་དོག་སྣ་ལྔའི་ཚོན་རྣམས་དགྱེ། །དབུས་ཀྱི་ལྟེ་བ་ཟླུམ་པོ་ལ། །གྲུ་གསུམ་མཐིང་ནག་བྲི་བར་བྱ། །ཤར་ལྷོ་མཚམས་ཀྱི་ཟླ་གམ་ལ། །ཡི་གེ་ནི་བྲི་བར་བྱ། །ལྷོ་ནུབ་མཚམས་ལ་ཧཱུྃ་བྲིའོ། །ནུབ་བྱང་མཚམས་ལ་ཛ་བྲི་སྟེ། །བྱང་ཤར་མཚམས་ལ་ཧེ་བྲིའོ། །དབུས་ཀྱི་ཨེ་ལ་ཧྲི་བྲིའོ། །གྲུ་གསུམ་མུ་ཁྱུད་ཀུན་ལ་ནི། །ཛཿཧཱུྃ་གཉིས་ནི་སྤེལ་བར་བྱའོ། །དེ་ནས་མགོན་པོ་གཤིན་རྗེ་གཤེད། །གཟི་བརྗིད་ཆེ་བར་བསྒོམས་ནས་ནི། །སྔགས་འདི་འབུམ་ཚོ་གཅིག་བཟླས། ་བཛྲ་ཀྲོ་ཏ་བིགྷྣཱཾ་ཏ་ཧྲཱྀཿཤྟྲཱིཿཔྲ་མ། ་བཛྲ་ཀྲོ་ཏཱི་བིགྷྣཱཾ་ཧཱུྃ་ཧཱུྃ་ཧྲཱྀཿཤྟྲཱིཿཕཊ་ཅེས་བཟླས་སོ། །དེ་ནས་དགྲ་བགེགས་གང་ལ་བྱ་བའི་གཟུགས་བྱས་ལ། ཁྲག་སྣ་དགུ་དང་། ཤ་ཚིལ་ཆེན་པོ་དང་། ཤ་ཁྲག་སྣ་ཚོགས་པའི་གཏོར་མ་ཆ་གཅིག་བཤམས་ལ། བྷནྡྷ་གཅིག་ཏུ་བླུགས་ཏེ། ཨེའི་ཚོགས་སུ་གཞག་གོ། །གཏོར་མའི་ནང་དུ་གཟུགས་དང་མིང་ བྱང་གཞུག་གོ། །དེ་ནས་མགོན་པོ 
་གཤིན་རྗེ་གཤེད་ཀྱིས། འདི་སྐད་ཅེས་གསུངས་སོ། །ཨེ་མ་ཧོ་ཡང་དག་ཤེས་རབ་ཆེན་པོ་ཡིས། །ཆོས་རྣམས་ཐམས་ཅད་ལྷུན་གྱིས་གྲུབ། །གནོད་སྦྱིན་སྲིན་པོ་ཏི་ར་བཾ། །ཕྱོགས་བཅུའི་ཁྲོ་རྒྱལ་རྔམ་ཞལ་དུ། །ཏི་ར་བཾ་གྱི་མཆོད་པ་འབུལ། །ཧཱུྃ་ཁཱ་ཧི་རཾ་ཡཾ་ཁཾ་ཏྲག་ཁཾ་མཾ་ཁཾ། འདའ་རུ་ལ་འབའ་ཧི་རུ་ལ་ཧཱུྃ་ཧཱུྃ་ཕཊ་ཕཊ། ཆེ་
གེ་མོ་ཁནྡ་རོ་ཧ་རོ་ཤི་ཧི་ཁ་རཾ་ཧཱུྃ་ཕཊ་ཛྭ་ལ་རཾ། ཞེས་ཉི་ཤུ་རྩ་གཅིག་བཟླས་ཤིང་། བདེ་བར་གཤེགས་པ་ཁྲོ་བོ་རྔམས་པའི་ཞལ་དུ་དགྲ་བོའི་གཟུགས་བསྟབ་བོ། །དཔལ་ལྡན་ཁྲག་འཐུང་རྣམས་ཀྱི་ཞལ་དུ་བསྟབ་པ་ནི། བཛྲ་མ་ལ་སྟེན་མ་ཁའི། ་བཛྲ་མ་ལུས་ལམ་པ་ཏེ་ཁཱ་ཧི། ་བཛྲ་ཀར་ནི་དེ་ལ་ཁཱ་ཧི། ་བཛྲ་ཤྲ་ཏི་ཏེ་ལ་ཁཱ་ཧི། ་བཛྲ་མ་ལུ་ཏེ་ལ་ཁཱ་ཧི། ་བཛྲ་མ་ཏི་ཙེ་ཏེ་ལང་ཁཱ་ཧི། ཨཱོཾ་ཀུ་མ་རི་ཧ་ཧེ་ལཾ་ཁཱ་ཧི། ཨོཾ་སྲི་ལ་མུ་ཁ་ཏེ་ལཾ་ཁཱ་ཧི། ་བ་མུ་ཁ་ཏེ་ལཾ་ནཾ་ཁཱ་ཧི། ཨོཾ་བཛྲ་སརྦ་ཏེ་ལཾ་ན་མ་ཁཱ་ཧི། ཏི་ཙ་མ་ལ་བྷྱོ། ཆེ་གེ་མོ་ཁ་རཾ་ཁཱ་ཧི་ཞེས་བརྗོད་ཅིང་བསྟབ་བོ། །དེ་ལྟར་ཉིན་ཞག་བདུན་གྱི་བར་དུ་བསྟབ་བོ། །དེ་ནས་ཡང་ཐོད་ཕྲེང་གི་རྒྱ་བཅས་ལ། སྔགས་འདི་ཉིན་ཞག་ནུས་ཚད་ཀྱིས་བཟླས་སོ། །་བ་ཨུ་པྲ་ཏེ་གི་ར་ས་ར་པ་ཙི་ཁེའུ་སིང་ཆེ་གེ་མོ་མཱ་ར་ཡ་ཏི་ཧཱུྃ་ཕཊ། ཐབ་གྲུ་གསུམ་གྱི་ནང་དུ་རྫེའུ་བཙུག་ལ། ཁ་བུད་མེད་ཀྱི་དོར་རྟས་བཅད་ལ་སྔགས་འདི་བཟླས། ་བཛྲ་ར་སེང་པུ་ཏྲ་ན་ན་སད་ཏྲ་ནན་ཨེ་ཏྲ་ཀ་རྣ་ལཾ་བ་རུ་པ་ཏ་ཐུཾ་མཱ་ར་ཡ་ཕཊ། དེ་ནས་གུ་གུལ་ནག་པོ་དང་རྡོ་སོལ་གྱི་མེ་བཏང་ནས་བསྐོལ་ན་དགྲ་བོའི་སྙིང་ཚད་ནད་ཀྱིས་བཏབ་ནས་དབང་དུ་འགྱུར་རོ། །དེ་ནས་ཕྲིན་ལས་བརྣན་པ་ནི། ར་རུ་གཙང་མའི་ནང་དུ་དགྲའི་གཟུགས་དང་མིང་རུས་བཅུག་ལ། སྔགས་འདི་ཅི་མང་དུ་གདབ་བོ། །་བཛྲ་ཀ་ལ་པྲ་ཁྲིད་ཏེ་ལཾ་ཏཾ་ཧྲིང་དུན་བྷྱོ། ས་མནྟ་ཧྲི་ཧི་ཆེ་གེ་མོ་མཱ་ར་ཡ་ཕཊ། དེ་ནས་ཡང་མནན་པའི་ལས་བསྟན་པ་ནི། བུད་མེད་ཀྱི་དོར་རྟར་དགྲ་བོའི་གཟུགས་བཅུག་ལ་སྔོ་དམར་གྱིས་གྲིལ་ཏེ་ལམ་སྲང་བཞི་མདོར་མནན་ནོ། །ཨོཾ་བཛྲ་ཀཱ་ལ་རཱུ་པ་ཆེ་གེ་མོ་སྟྭཾ་བྷ་ཡ་ཧ་ཧཱུྃ་ཕཊ་ནན་ཞེས་བཟླས་པས་ལས་འགྲུབ་པར་འགྱུར་རོ། །གཤིན་རྗེ་ནག་པོའི་རྒྱུད་ལས། དགྱེས་པ་ཆེན་པོ་ཕྲིན་ལས་ཀྱི་ལེའུ་སྟེ་བརྒྱད་པའོ།། །།དེ་ནས་འཇམ་དཔལ་གཤིན་རྗེའི་གཤེད་པོས་གསང་བའི་ལས་ཀྱི་མན་ངག་འདི་བསྟན་ཏོ། །གསང་ཆེན་འདུས་པའི་ཕྲིན་ལས་རྨད་པོ་ཆེ། །ཡེ་ཤེས་མཆོག་གི་ཐེག་པ་འདུས་པའི་མཆོག །
རྩ་བའི་ལས་སྔགས་ཕྱག་རྒྱ་ཕྲིན་ལས་འདི། །རྫས་དང་ལག་ཆ་དྲི་དང་ཀུནྡྷ་རྣམས། །རྣལ་འབྱོར་རྩལ་ལྡན་དང་བས་བསྒྲུབ་པར་བྱ། །དང་པོ་ཉིད་གནས་དང་གནས་མིན་བརྟག་པར་བྱ། དེ་ནས་ཏིང་ངེ་འཛིན་གཞུང་བསྐྱང་ནས། སྔགས་ཀྱི་ཡི་གེ་འབྲུ་གཅིག་འདི་བསྒྲུབ་བོ། །ཨཱོཾ་ཨཾ་ཀཱ་ལ་རཱུ་པ་ཧཱུྃ་ཕཊ་ཨ། ་ནི་ཡེ་ཤེས་ལྔ་དང་ལྡན། །ཨཱཾ་ནི་རླུང་གི་ཆོ་ག་སྟེ། །ཀཱ་ནི་ཕྲིན་ལས་གྲུབ་པའོ། །ལ་ནི་ལོངས་སྤྱོད་པ་ཡིན་ཏེ། །རཱུ་ནི་ཆགས་པའི་རང་བཞིན་ནོ། །པ་ནི་གང་དུའང་མི་གཏང་བའོ། །ཧཱུྃ་ནི་སེམས་ཀྱི་རང་བཞིན་ནོ། །ཕ་ནི་དོན་དམ་འདྲེན་པ་བསྟན། །ཊ་ནི་དམིགས་པ་སྒྲོལ་བ་སྟེ། །ཨ་ནི་དགྲ་བོ་ནན་ཏན་སྡུད། །ཨཱོཾ་ཞེས་བྱ་བ་ཀུན་གྱི་མཆོག །ཨཱཾ་མ་བྱུང་ཀཱ་ཞེས་བྱ་བ་ཕྲིན་ལས་མཆོག །ལ་ཞེས་བྱ་བ་ལས་རྣམས་མཆོག །རཱུ་ཞེས་བྱ་བ་ཞེ་སྡང་མཆོག །པ་ནི་ཆགས་ཤིང་ཞེན་པའོ། །ཕ་ནི་ཐམས་ཅད་ཚར་གཅོད་པའོ། །ཊ་ནི་དགྲ་རྣམས་སྙིང་ནས་འདྲེན་པར་བྱེད། །ཨ་ནི་ལས་རྣམས་བྱེ་བྲག་འབྱེད། །ཅེས་བསྟན་པས་ནི་ལས་ཀྱི་ཁོག་དོན་ནོ། །དེ་ནས་ལས་རྣམས་བརྩམ་པར་བྱ། །ལས་རྣམས་མཆོག་སེམས་བསྐྱེད་པར་བྱ། །དེ་ནས་སྡང་བར་སེམས་པའི་དགྲ་བོ་ལ། །མིང་དང་རུས་དང་དྲི་མ་རྐང་རྗེས་རྣམས། །ཧོམ་མཆོག་ནང་དུ་ཡམ་གྱིས་བླུག་པར་བྱ། །རཀྟ་འགུ་ཡ་འབྲས་བུ་གསུམ། །ནིམ་པའི་ཁུ་བ་དང་། །ཙ་ན་ཀ་ཡི་འབྲས་བུ་ཡིས། །དེ་ལ་དགྲ་ཡི་གཟུགས་བྱས་ལ། །ལས་རྣམས་བརྩོན་འགྲུས་བསྐྱེད་ལ་བསྒྲུབ། །བསད་ཅིང་གནན་པར་བྱ་བའི་ཐབས། །གྲོ་ག་རས་སམ་ཤོག་ཤོག་ལ། །དམིགས་པའི་གཟུགས་ནི་བཅས་ནས་སུ། །དེ་ཡི་སྙིང་གར་སྙིང་པོ་ནི། །་ཧྲིཾ་ཕཊ་ཅེས་བྱ་བར་བྲི། །ཁར་ནི་བྷནྡྷ་ཚལ་པ་གཅིག །ནང་དུ་ཉུང་དཀར་བླུག་ནས་ནི། །སྔགས་ནི་འདི་འབུམ་རྩ་བརྒྱད་བཟླས་སོ། །་བྷྲི་ཀྲི་ཏ་ཏི་སྟོང་ཀ་ཆེ་གེ་མོ་མཱ་ར་ཡ་ཧཱུྃ་ཕཊ། གྲངས་ཚང་བ་དང་། བ་ཡུ་ཏའི་ཁུ་བས་
གཟུགས་ལ་དྲན་ཞིང་གཏོར་རོ། །དེ་ནས་ཐོད་རློན་གྱི་ཕྱག་རྒྱ་བཅས་ལ། སྔགས་ནི་སྟོང་རྩ་གཅིག་བཟླས་སོ། །་བཛྲ་ཀཱ་ལ་རཱུ་པ་མ་ཁྲན་ཀང་ཏ་ར་སྟྭཾ་བྷ་ཡ་ཧཱུཾ་ཕཊ། དེ་ནས་ཏྲི་ཤུ་ལའི་ཕྱག་རྒྱ་བཅས་ལ། ཀ་ནའི་ཀའི་ཁུ་བས་བྲན་ཞིང་སྔགས་འདི་བཟླས་སོ། །་ཀཱ་ལ་རཱུ་པ་ཏེ། བྱི་ཀྲི་ཏ་ཏ་དར་ན་མར་ནི་ན་ཧཱུྃ་ཕཊ། ཞེས་བཟླས་སོ། །དེ་ནས་ཐོད་ཕྲེང་གི་ཕྱག་རྒྱ་བཅས་ལ། འབྲི་རྟའི་ཁུ་བ་དང་། པྲ་མར་ཏའི་ཁུ་བས་གཟུགས་ལ་བྲན་ཞིང་སྔགས་འདི་བཟླས་སོ། །ཨོཾ་ཀཱ་ལ་རཱུ་པ་ཏ་བི་ར་སི་ནི་ཧཱུྃ་ཕཊ། དེ་ནས་པྲོ་ཛ་ཨན་ཛ་ནའི་ཞགས་པས་དགྲ་བོའི་གཟུགས་བཅིངས་ལ། སྔགས་འདི་སྟོང་རྩ་གཅིག་བཟླས་སོ། །་ཀཱ་ལ་རཱུ་པ་བྷི་ཀྲི་ཏ་ཏ་ས་མ་འདའ་རེ་ཧཱུྃ་ཕཊ། དེ་ནས་ཡང་བྷནྡྷ་ཁ་སྦྱར་གྱི་ནང་དུ་དགྲ་བོའི་གཟུགས་བཅུག་ལ། བྷནྡྷ་གཉིས་ལ་ཡི་གེ་འདི་བྲིའོ། །་ཀཱ་ལ་རཱུ་པ་ཏ་བི་ར་སི་ཁད་ཁན་ལཾ་ཕཊ་ཕཊ། དེ་ལ་རྡོ་རྗེ་རྩེ་གཅིག་པའི་ཕྱག་རྒྱ་བཅས་ཏེ། སྤྱི་བོ་ལ་ལན་གསུམ་བསྐོར་ཏེ་གཟུགས་ལ་བརྡེག་གོ། །་ཀཱ་ལ་རཱུ་པ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་མཱ་ར་ཡ་ཧཱུྃ་ཕཊ། དེ་ནས་ཆུ་མིག་ཀླུ་ཡོད་ངེས་པར་སོང་ལ་རྫས་ཐམས་ཅད་དེར་སྦས་ཏེ་གཉེར་གཏད་བྱའོ། །་བཛྲ་ཧྲཱྀཿཤྟྲཱིཿབཛྲ་ཀཱ་ལ་རཱུ་པ་སརྦ་སྭ་ཏ་སུ་ཀི་བུད་ཏུ་གད་ཛ་དད་ལ་བ་ཏེ་ཀུ་རུ་ཕཊ། དེ་ལྟར་བྱས་ཏེ་ཆུ་མིག་ལ་གཡོན་ཕྱོགས་ནས་བསྐོར་བ་ལན་དགུ་བྱའོ། །རང་ཉིད་དེར་འདུག་ན། སྐྱོན་རྣམ་པ་གསུམ་ཞིག་ཡོད་དེ་གུ་ཧྱ། གཤིན་རྗེ་ནག་པོའི་རྒྱུད་ལས། ལས་གསང་བའི་མན་ངག་བསྟན་པའི་ལེའུ་སྟེ་དགུ་པའོ།། །།ད་ནི་ཀཱ་ལ་རཱུ་པ་གསང་བའི་ལས་གཉིས་པ་སྟེ། ཀ་པཱ་ལའི་ག་བུར་གོང་དུ་སྨོས་པའི་རྫས་རྣམས་བཅུག་ལ། ཁ་སྦྱར་ཏེ་དོག་པ་ནག་པོས་བཅིངས་ལ་ཕྱག་རྒྱ་རྣམ་པ་གསུམ་བཅིངས་ཏེ། སྔགས་འདི་ཁྲི་བཟླས་སོ། །་ས་བ་ན་ད་ནན་ཏ་ཨ་རྫ་ན་ཧ་ཧ་ལེ་ལེ་ཀཱ་ལ་རཱུ་པ་ཧྲིཾ་པཾ་ཧཱུྃ་ཕཊ། དེ་བཟླས་པ་རྫོགས་པ་དང་། དོག་སྐུད་ནག་པོ་
བཀྲོལ་ལ། ག་བུ་ཁ་ཕྱེ་ལ། མཚན་དང་ལྡན་པ་གཅིག་ལ། གཤིན་རྗེ་ནག་པོའི་གཟུགས་བྲིའོ། །གཅིག་ལ་དགྲ་བོའི་གཟུགས་བྲི། དགྲ་བོའི་སྙིང་གར་ཐུར་བུ་འགྲེང་བའི་གཟུགས་བྲི། གཤིན་རྗེའི་ཐུགས་ཀར་ཀཱ་ལ་རཱུ་པའི་ཡང་སྙིང་བྲི། དེ་ནས་ག་བུ་ཁ་སྦྱར་ལ་དོག་པ་དམར་པོས་བཅིངས། སྔགས་འདི་ལན་གསུམ་དུ་བཟླས་སོ། །དབང་པོ་སྡུས་ཤིག་ཕཊ་ཕཊ། ཀཱ་ལ་རཱུ་པ་ཧཱུྃ་ཕཊ། དེ་ནས་ཐབས་ལ་མཁས་པའི་རང་བཞིན་གྱི། ཕྱག་རྒྱ་རྣམ་པ་ལ་བཅས་པའི་སྔགས་འདི་བརྗོད་དོ། །་དྷི་ཏེ་ཏི་ནཾ་བ་རུ་པང་དུད་ཀཱ་ལ་རཱུ་པ་ཧཱུྃ་ཕཊ། དབང་དུ་བསྡུ་བའི་ཧཱུྃ་བརྒྱ་རྩ་གཅིག་ཏུ་བརྗོད་དོ། །དེ་ནས་གུ་གུལ་ནག་པོའི་ཁུ་བ་དང་། དྷ་ཏུ་ར་གཉིས་བཀུས་པའི་ཁུ་བས་བྲིས་པའི་སྔགས་འདི་སྟོང་རྩ་གཅིག་ཏུ་བཟླས་སོ། །་ཀཱ་ལ་རཱུ་པ་པརྔྷ་དུ་པ་ཏང་ཤྟྲཱིཿན་མ་ཡ་ཧཱུྃ་ཕཊ་ཡ་ཁྲ་ན་ཏ་ཕཊ། དེ་ནས་ག་བུ་གཉིས་ཀྱི་ཕྱག་གི་རྒྱབ་ལ་ཀཱ་ལ་རཱུ་པ་རྩ་བའི་སྔགས་བྲིས་ལ། ཕྱག་རྒྱ་ལག་པ་གཡས་གཡོན་མཐེབ་མཛུབ་རྩེ་སྤྲད་ལ། སོར་མོ་ལྷག་མ་རྣམས་བསྒྲེང་ལ། རང་གི་གོང་གི་སྔགས་བཟླས་ལ། རང་གི་དགྲ་བོ་གར་གནས་པའི་སར་སྦའོ། །དེའི་སྟེང་དུ་གྲོག་ཚང་གིས་ས་མནན་ལ། རྒྱ་གྲམ་གྱིས་མནན་ནོ། །ཀཱ་ལ་རཱུ་པའི་ལེའུ་གཉིས་འབྱུང་བ་གསང་བའི་ལེའུ་སྟེ་བཅུ་པའོ།། །།ད་ནི་གསང་བའི་མན་ངག་ལེའུ་སྟེ། དང་པོར་བདག་ཉིད་དེ་བཞིན་ཉིད་ཀྱི་ཏིང་ངེ་འཛིན་བསྒོམས་ཏེ། སྟོང་པའི་རང་བཞིན་ལས། ཀུན་ཏུ་སྣང་གི་ཏིང་ངེ་འཛིན་སྙིང་རྗེའི་དེ་ཁོ་ན་ཉིད་གསལ་བར་བསྒོམ། དེ་ནས་རྒྱུའི་ཏིང་ངེ་འཛིན་བདག་ཉིད་ཀྱི་བྱང་ཆུབ་ཀྱི་སེམས་ཧཱུྃ་དུ་གྱུར་པ་ལས། དཔལ་གཤིན་རྗེ་གཤེད་ཀྱི་སྐུར་གསལ་བར་བསྐྱེད་དེ། སྐུ་མདོག་མཐིང་ནག་ཞལ་གསུམ་ཕྱག་དྲུག་པ། གཡས་དཀར་གཡོན་དམར་བ་དབུས་སྐུ་དང་མཐུན་ཏེ་མཐིང་ནག །ཕྱག་གཡས་དང་པོ་ཐོད་དབྱུག །བར་མ་དགྲ་སྟྭ། ཐ་མ་ཡེ་ཤེས་ཀྱི་རལ་གྲི། གཡོན་དང་པོ་
སྡིགས་མཛུབ། བར་མ་མདུང་ཐུང་། ཐ་མ་དུང་ཆེན་དམར་གྱིས་བཀང་བ། སྐུ་ལ་དུར་ཁྲོད་ཀྱི་རྒྱན་གྱི་རྣམ་པ་སྣ་ཚོགས་པས་བརྒྱན་པ་གཅིག་བསྐྱེད་པ་དང་། དེ་ནས་སྔ་ར་ཎ་ཛཿཞེས་བརྗོད་པ་དང་། འཇིག་རྟེན་གྱི་ཁམས་ཀུན་གཤིན་རྗེ་གཤེད་ཀྱི་སྐུ་ཕྲ་མོས་གང་བར་བསམ། ཧཱུྃ་ཞེས་བརྗོད་པས། ཐམས་ཅད་སྐུ་ལ་སླར་འདུས་པས། སྐུ་འཇིག་རྟེན་གྱི་གཏོས་དང་མཉམ་པ་ཤིན་ཏུ་བརྗིད་ཆེ་བར་བསྒོམ་ཞིང་། བསྙེན་པ་འདི་རྒྱུན་དུ་བགྲད་དོ། །་ས་མ་ཡ་མཉྫུ་ཤྲཱི་མུ་ཏྲ་ཡ་མཱན་ཏ་ཀ་ཧ་ན་མ་ཐ་བྷཉྫ་ཧཱུྃ་ཕཊ། དེ་ནས་དུར་ཁྲོད་ཀྱི་རས་ལ། ཨརྫུ་ནའི་ཁུ་བ་དང་། ཤིང་ནིམ་པའི་ཁུ་བ་དང་། ཁྲག་སྣ་གསུམ་གྱིས་དགྲ་བོའི་གཟུགས་བྲིས་ལ། བྷནྡྷ་མཚན་ངན་ནང་དུ་བཅུག་ལ། བུད་མེད་ཞབས་མས་ཁ་བཅད་དེ། ཤིང་སྐྱེར་པ་རྩ་བ་ནག་པོ། དར་པ་སྐྱ་བོ། རྩེ་མོ་སེར་བའི་ཤིང་གཅིག་འགྲེང་དུ་སྐྱེས་པ། ཐན་ཀོར་ན་ཤིང་གཞན་མེད་པ་ལ། ཕུར་བུ་སོར་ཉི་ཤུ་རྩ་བཞི་པ་གཅིག་བྱས་ལ། ་བཛྲ་ཀཱ་ལ་རཱུ་པ་སིདྡྷི་སྟེང་ཧཱུྃ་ཕཊ་ཏ་ཨ། ཞེས་བྱ་བ་བྲིས་ལ་རྩང་གཟུག་གོ། །དེ་ནས་བདག་གོང་མའི་ཏིང་ངེ་འཛིན་དུ་ཞུགས་ལ། བདག་ལས་འོད་འཕྲོས་པས། དམིགས་པའི་གཟུགས་ལ་ཕོག་པས་ཐུལ་གྱིས་ཚིག་པར་བསམ། སླར་འདུས་པས་བདག་གི་དབང་དུ་འདུས་པར་བསམ་ཞིང་། སྙིང་པོ་འདི་ལན་གྲངས་ཁྲི་རྩ་གཅིག་བཟླས་སོ། །་ཀཱ་ལ་རཱུ་པ་ཏ་ཧ་སྟབྷ་བཱ་པྲ་ཏིང་ཕཊ་ཕཊ་ཡ་ཡ་ན་ན་ནཎ། བསྙེན་པ་མ་རྫོགས་བར་དུ་གཞན་གྱི་གཏམ་མི་སྨྲའོ། །གཤིན་རྗེ་ནག་པོའི་ཏནྟྲ་ལས། གསང་བའི་ལས་གཉིས་དང་ཏིང་ངེ་འཛིན་གྱི་ལེའུ་སྟེ་བཅུ་གཅིག་པའོ།། །།དེ་ནས་འཕགས་པ་འཇམ་དཔལ་གཤིན་རྗེའི་གཤེད་ཀྱིས། ཐུགས་ཀྱི་མན་ངག་གསང་བའི་མན་ངག་ལས་དགུ་པ་འདི་གསུངས་སོ། །དེ་ཡང་གང་ཞེ་ན། འདི་ལྟ་སྟེ། ཞི་བའི་ལས་དང་། རྒྱས་པའི་ལས་དང་། དབང་གི་ལས་དང་། དགུག་པའི་ལས་དང་།
མནན་པའི་ལས་དང་། མྱོས་པར་བྱ་བའི་ལས་དང་། བསད་པའི་ལས་དང་། དབྱེ་བའི་ལས་དང་། བསྐྲད་པར་བྱ་བའི་ལས་སོ། །དེ་ལ་ཞི་བར་བྱ་བའི་ལས་ནི། བུད་མེད་ཞི་བར་བསྲུང་བར་བྱ་ན། དར་དཀར་རམ། གྲོ་གའམ། རས་དཀར་པོ་གཙང་མ་ལ། གི་ཝང་གིས་འཁོར་ལོ་རྩིབས་བཅུ་གཉིས་པ་ཞིག་བྲིས་ལ། རྩིབས་ལ་ཡི་གེ་བཅུ་གཉིས་བྲིས། རྩིབས་ཀྱི་བར་དུ་བསྲུང་བར་བྱ་བའི་མིང་བྲིས་ནས། འཁོར་ལོ་ཁམ་སའི་གབ་ཙེ་ཁ་སྦྱར་གྱི་ནང་དུ་བཅུག་ནས། མར་དང་སྦྲང་རྩི་བསྲེས་པ་ཡང་བླུགས་ལ། གཟུངས་ཐག་དཀར་པོས་བཏགས་ལ་རས་དཀར་པོས་གཡོགས་ཏེ། མདུན་གྱི་སྟེགས་བུའི་སྟེང་དུ་གཞག་གོ། །བདག་ཉིད་ནུབ་ཏུ་འདུག་སྟེ། ཁ་ཤར་ཕྱོགས་སུ་བལྟས་ལ། དཔལ་ཡ་མཱནྟ་ཀ་སྐུ་མདོག་དཀར་པོ་ཞི་བའི་ཆ་ལུགས་བསྒོམས་ལ། མེ་ཏོག་དཀར་པོས་དུས་གསུམ་དུ་མཆོད་ཅིང་། ཕྱག་ན་ཟླ་བའི་དཀྱིལ་འཁོར་གྱི་སྟེང་ན། བུམ་པ་དཀར་པོ་བདུད་རྩིའི་ཆུས་བཀང་བ་བསྣམས་པས། བསྲུང་བར་བྱ་བ་ལ་དབང་བསྐུར་ཞིང་འཛབ་བྱའོ། །སྙིང་པོ་ནི། ་ཧྲཱྀཿཤྟྲཱིཿབི་ཀྲྀ་ཏཱ་ན་ན་ཧཱུྃ་ཧཱུྃ་ཕཊ་ཕཊ། ནཱ་མ་ཆེ་གེ་མོ་ཞིག་ཤཱནྟིཾ་ཀུ་རུ་ནཱ་མ་སྭཱ་ཧཱ། བུད་མེད་ཞི་བས་བསྲུང་བར་བྱ་བའི་ལས་སོ། །སྐྱེས་པ་བསྲུང་ན། ཞི་བ་དང་རྒྱས་པའི་འཁོར་ལོ་གཉིས་ཀ་འདྲ་བར་གུར་གུམ་གྱིས་བྲིས་ལ། གང་ལ་བྱ་བའི་མིང་རུས་སྭཱ་ཧཱ། ཞེས་བྱ་བའི་བར་དུ་བྲིའོ། །གབ་ཙེ་ཁ་སྦྱར་བའི་ནང་དུ་མར་དང་སྦྲང་རྩི་བསྲེས་པ་ཡང་བླུགས་ལ། འཁོར་ལོ་མིང་དང་བཅས་པ་ཡང་དེར་བཙུག་སྟེ། གཟུངས་ཐག་སེར་པོས་དཀྲིས་ཏེ། སྟེགས་བུའི་སྟེང་དུ་བཞག་ལ། རས་སེར་པོས་གཡོགས་སོ། །མེ་ཏོག་སེར་པོས་དུས་གསུམ་དུ་མཆོད་དོ། །བདག་ཉིད་ཁ་བྱང་ཕྱོགས་སུ་བལྟས་ལ། ལྷ་ཡ་མཱནྟ་ཀ་སྐུ་མདོག་སེར་པོ་རྒྱས་པའི་ཆ་ལུགས་སུ་བསྒོམ་ཞིང་། བདག་དང་བསྲུང་བར་བྱ་བའི་རྒྱུ་གཉིས་ཀ །ཟླ་བའི་དཀྱིལ་འཁོར་གསེར་ཞུན་མ་ལྟ་བུའི་སྟེང་ན་
གནས་ཤིང་། ཕྱག་ན་གསེར་གྱི་བུམ་པ་བདུད་རྩི་ཆུ་རྒྱུན་སེར་པོས་གང་བ་བསམ་པས་དབང་བསྐུར་ཞིང་བཟླས་བརྗོད་བྱའོ། །སྙིང་པོ་ནི། ་ཧྲཱྀཿཤྟྲཱིཿབི་ཀྲྀ་ཏཱ་ན་ན་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཆེ་གེ་མོ་ཞིག་ཤཱནྟིཾ་ཀུ་རུ་སྭཱ་ཧཱ། ཞི་བའི་ལས་སོ། །་ཧྲཱྀཿཤྟྲཱིཿབི་ཀྲྀ་ཏཱ་ན་ན་ཧཱུྃ་ཧཱུྃ་ཕཊ་ཕཊ་བཾ་ཆེ་གེ་མོ་ཞིག་པུཥྚིཾ་ཀུ་རུ་སྭཱ་ཧཱ། ཞེས་པ་རྒྱས་པའི་ལས་སོ། །དེ་ལ་དབང་གི་ལས་ནི། གྲོ་གའམ་རས་ལ། རྒྱ་སྐྱེགས་ཀྱི་ཁུ་བ་དང་། ཙནྡན་དམར་པོ་དང་། སྲིན་ལག་གི་ཁྲག་རྣམས་བསྲེས་ནས། འཁོར་ལོ་གཉིས་བྲིས་ཏེ། སྣག་ཚ་དཀར་པོས་དབྱངས་ཀྱི་ཡི་གེ་བཅུ་དྲུག་མཐའ་བསྐོར་དུ་བྲིས་ལ། ཀ་ཁ་ལ་སོགས་པའི་ཡི་གེ་ཀུན་སྣག་ཚ་དམར་པོས་བྲི། ཧོ་གཉིས་ཀྱི་བར་དུ་གང་ལ་བྱ་བའི་མིང་རུས་རྫོགས་པར་བྲིས། ཡང་གབ་ཙེ་ཁ་སྦྱར་གྱི་ནང་དུ་བཅུག་ལ། མར་དང་སྦྲང་རྩི་བླུགས་ནས། གཟུངས་ཐག་དམར་པོས་བཅིངས་ཤིང་། སྟེགས་བུའི་སྟེང་དུ་བཞག་ལ། རས་དམར་པོས་གཡོགས་ནས། མེ་ཏོག་དམར་པོས་དུས་གསུམ་དུ་མཆོད་དོ། །བདག་ཉིད་ནུབ་ཕྱོགས་སུ་བལྟས་ནས། ལྷ་ཡ་མཱནྟ་ཀ་སྐུ་མདོག་དམར་པོ་དབང་གི་ཚུལ་དུ་བསྒོམ་ཞིང་། ཟླ་བའི་དཀྱིལ་འཁོར་ཡང་དམར་པོ་བསྒོམ་ཞིང་། དབང་དུ་བྱ་བའི་གཟུགས་ཀྱང་དམར་པོར་བསྒོམས། ཟླ་བའི་སྟེང་དུ་མངོན་དུ་འདུག་སྟེ། དབང་དུ་ཁུགས་པར་དམིགས་ནས་བདག་ཉིད་ཀྱི་ཐུགས་ཀ་ནས་འོད་ཟེར་དམར་པོ་འཕྲོས་ཏེ། གང་ལ་བྱ་བའི་ལུས་སེམས་འོད་ཟེར་དམར་པོས་བཀང་ནས། དེ་ཉམས་ཤིང་མྱོས་པར་གྱུར་ཏེ། འོད་སླར་འདུས་པས་དྲངས་ནས། བདག་གི་རྐང་པའི་དྲུང་དུ་འོང་ནས། དབང་དུ་འདུས་པར་བསམ་མོ། །ཇི་ཙམ་ན་དབང་དུ་མ་གྱུར་ཞིང་མ་ཁུགས་ན། མར་སྣོད་དང་བཅས་པ་དེ་དུད་པ་མེད་པའི་མེ་འདག་བཟང་པོ་ལ་བསྲེགས་ཤིང་འཛབ་བཟླས་ན། ཇི་ཙམ་དྲོས་པར་གྱུར་པ་ན་ཁུགས་ཤིང་དབང་དུ་འགྱུར་རོ། །བཟླས་པའི་སྙིང་པོ་ནི། ཨཱོཾ་ཧྲཱྀཿཤྟྲཱིཿ
བི་ཀྲྀ་ཏཱ་ན་ན་ཧཱུྃ་ཧཱུྃ་ཕཊ་ཕཊ་ཧོ་ཆེ་གེ་མོ་དབང་དུ་གྱུར་ཅིག་སྭཱ་ཧཱ། ་ཧྲཱྀཿཤྟྲཱིཿབི་ཀྲྀ་ཏཱ་ན་ན་ཧཱུྃ་ཧཱུྃ་ཕཊ་ཕཊ་བཾ་ཆེ་གེ་མོ་ཁུག་པར་གྱུར་ཅིག་བཾ་སྭཱ་ཧཱ། ཞེས་པ་ནི་དབང་གི་ལས་སོ། །དེ་ལ་དགུག་པར་བྱ་བའི་ལས་ནི། དུར་ཁྲོད་ཀྱི་རས་སམ། བུད་མེད་ཀྱི་སྨད་དཀྲིས་བྱས་པའི་རས་ལ། རྒྱ་སྐྱེགས་ཀྱི་ཁུ་བས་འཁོར་ལོ་བྲིས་ཏེ། གཅིག་ལ་ཡི་གེ་ཛཿགཉིས་ཀྱི་བར་དུ་གང་ལ་བྱ་བའི་མིང་བྲི། གཅིག་ལ་དྷི་གཉིས་ཀྱི་བར་དུ་མིང་བྲིས་ནས། བུད་མེད་ཀྱི་བྷནྡྷ་ཁ་སྦྱར་གྱི་ནང་དུ་བཅུག་ལ། སྐུད་པ་དམར་པོས་དཀྲིས་ནས་སྟེགས་བུའི་སྟེང་དུ་གཞག་གོ། །མེ་ཏོག་དམར་པོས་དུས་གསུམ་དུ་མཆོད་དོ། །བདག་ཉིད་ཡ་མཱནྟ་ཀ་སྐུ་མདོག་ནུབ་ཀའི་དམར་ཐག་འདྲ་བར་བསྒོམས་ལ། ཕྱག་གཡས་ན་ལྕགས་ཀྱུ། གཡོན་ན་ཞགས་པ་དམར་པོ་ཐོགས་པ། གང་དགུག་པར་བྱ་བའི་སྙིང་ནས་བཟུང་སྟེ་དྲངས་པར་བསྒོམ་ཞིང་འཛབ་བཟླས་སོ། །ཇི་ཙམ་མ་ཁུགས་པར་གྱུར་ན། ཤིང་ཀ་ཧ་ར་བཞར་བའི་ཕྱེ་མ་ལ་མེ་བུས་པ། དེ་ལ་རྫས་བསྲོ་ཞིང་འཛབ་བྱས་ན། དེ་ཚ་བར་གྱུར་ཙམ་ན་ཁུགས་པར་འགྱུར་རོ། །སྙིང་པོ་ནི། ་ཧྲཱྀཿཤྟྲཱིཿབི་ཀྲྀ་ཏཱ་ན་ན་ཧཱུྃ་ཧཱུྃ་ཕཊ་ཕཊ། དྷི་ཆེ་གེ་མོ་ཨཱ་ཀཪྵ་ཡ་དྷི་སྭཱ་ཧཱ། ་ཧྲཱྀཿཤྟྲཱིཿབི་ཀྲྀ་ཏཱ་ན་ན་ཧཱུྃ་ཧཱུྃ་ཕཊ་ཕཊ། བཛྲ་ཆེ་གེ་མོ་ཨཱ་ཀཪྵ་ཡ་ཛ་སྭཱ་ཧཱ། ཞེས་བྱ་བ་ནི་དགུག་པའི་ལས་སོ། །དེ་ལ་གནན་པར་བྱ་བའི་ལས་ནི་གཉིས་ཏེ། ལུས་གནན་པ་དང་ངག་གནན་པའོ། །དེ་ལ་ལུས་གནན་པར་བྱ་བའི་ལས་ནི་འདི་སྟེ། དུར་ཁྲོད་ཀྱི་རས་བླངས་ལ། ལྡོང་རོས་དང་ཡུང་བས་སྣག་ཚ་བྱས་ནས། འཁོར་ལོ་གཉིས་བྲིས་ལ། དེ་ལ་ཡི་གེ་གཉིས་ཀྱི་བར་དུ་གང་ལ་བྱ་བའི་མིང་བྲིས་ཏེ། ཁམ་སའི་གབ་ཚེ་ཚོན་སེར་པོས་བསྐུས་པ་ཁ་སྦྱོར་དུ་བཅུག་ལ། གབ་ཚེ་སྟེང་མའི་རྒྱབ་ལ། དཀྱིལ་འཁོར་གྲུ་བཞི་པ་རེ་ག་བདུན་རིམ་གྱིས་བསྐོར་བ་བྲིས་ལ། དེའི་དཀྱིལ་དུ་རི་རབ་གཅིག་ཡིན་པ་ལ། རི་རབ་ཀྱི་སྟེང་ནས་རྭ་བརྒྱད་བྱུང་བ་ནི། རི་གྲུ་བཞི་པ་བརྒྱད་བྲིས་ལ། རི་རབ་དང་རི་བརྒྱད་
ཀྱི་ནང་དུ་ཧཱུྃ་བཾ་བརྒྱད་བྲིས་ལ། དེའི་སྟེང་དུ་དཀྱིལ་འཁོར་གྲུ་བཞི་པ་རྡོ་རྗེ་རྒྱ་གྲམ་གྱིས་བསྐོར་བའི་དབུས་སུ། ལཾ་སེར་པོ་གཅིག་བྲིས་ལ། དོན་ཡོད་གྲུབ་པ་བཞུགས་པར་བསྒོམས་ལ། ཚོན་སྐུད་སེར་པོས་དཀྲིས་མནན་ནོ། །བདག་ཉིད་ཁ་ལྷོ་ཕྱོགས་སུ་བལྟས་ལ། ལྷ་ཡ་མཱནྟ་ཀ་སྐུ་མདོག་སེར་པོ་དཀྱིལ་འཁོར་གྲུ་བཞི་པ་སེར་པོའི་ནང་ན་བཞུགས་པར་བསྒོམས་ལ། ཏིང་ངེ་འཛིན་གྱིས་ཀྱང་ལཾ་སེར་པོ་ལས། འོད་ཟེར་ན་བུན་སྤྲིན་ཕུང་སྟུག་པོར་བྱུང་བས། གང་ལ་བྱ་བའི་དངོས་པོ་དེ་གཡོགས་ཤིང་། དེས་ཅི་ཡང་མི་ཤེས་པ་དང་མི་མཐོང་བ་དང་། རི་རབ་རྡོ་རྗེ་རྒྱ་གྲམ་དང་བཅས་པས་ཀྱང་། ཡང་དང་ཡང་དུ་ལན་བརྒྱད་ཀྱི་བར་དུ་གནན་པར་བསྒོམ་ཞིང་བཟླས་བརྗོད་བྱའོ། །སྙིང་པོ་འདིའོ། །་ཧྲཱྀཿཤྟྲཱིཿབི་ཀྲྀ་ཏཱ་ན་ན་ཧཱུྃ་ཧཱུྃ་ཕཊ་ཕཊ་ལཾ་ཆེ་གེ་མོའི་ལུས་སྟྭཾ་བྷ་ཡ་ནན་ལཾ། ཞེས་བྱ་བ་ནི་ལུས་མནན་པའི་ལས་སོ། །དེ་ལ་ངག་གནན་པའི་ལས་བྱ་དགོས་ན། གོང་དུ་བསྟན་པ་བཞིན་དུ། འཁོར་ལོ་གཉིས་བྲིས་ལ། གང་ལ་བྱ་བའི་མིང་དང་། སྨྲ་བའི་དོན་ཀུན་ལཾ་གྱི་བར་དུ་རྫོགས་པར་བྲིས་ལ། བཟླས་བརྗོད་བྱ་ཞིང་གནན་པ་ནི། ངག་མནན་པའི་ལས་སོ། །དེ་ལ་མྱོས་པར་བྱ་བའི་ལས་ནི། དུར་ཁྲོད་ཀྱི་རས་ལ་འོག་ནས་འབྱུང་བའི་སྣག་ཚས་འཁོར་ལོ་བྲིས་ཏེ། འཁོར་ལོའི་ས་སྟོང་པར་ཡོད་པར། བཾ་གཉིས་ཀྱི་བར་དུ། བཟླས་བརྗོད་བྱ་ཞིང་གང་ལ་མིང་དང་། མུ་ཁ་བན་ད་ན་བན་ད་མུ་ཀ་ཀང་ཀུ་རུ་བཾ་ཞེས་མིང་རུས་དང་སྔགས་བསྲེས་པ་བྲིའོ། །བདག་ཉིད་ཡ་མཱནྟ་ཀའི་རྣལ་འབྱོར་དུ་བསྒོམས་ལ། འཁོར་ལོ་ལུག་གི་ཁོག་པར་བཅུག་སྟེ། དགྲ་བོའི་སྙིང་སེམས་དེ་ལ་དབབ་བོ། །འཁོར་ལོའི་རེག་བཞི་རིམ་དུ་བསྐོར་བ་ལ། ཚོན་སྣ་ལྔས་བསྐོར། འཁོར་ལོ་གཉིས་ལ་གཅིག་ཕྱིན་ཕྱོགས་སུ་བྲིས་ནས་ཁ་སྦྱར་བ་དང་། ཡི་གེ་དང་སྔགས་ཀུན་མཉམ་པོར་འགྱུར་རོ། །པྲ་ཡོ་གས་མནན་པ་དང་།
བྲི་བ་དང་། བསྒོམ་པ་དང་། འཛབ་བྱས་ན། མྱོས་ནས་ལུས་དང་སེམས་བཅིངས་པར་འགྱུར་ཏེ། གླེན་པའམ་ར་རོ་བས་མྱོས་པ་བཞིན་དུ་ཅི་ཡང་མི་ཤེས་པར་འགྱུར་རོ། །་ཧྲཱྀཿཤྟྲཱིཿབི་ཀྲྀ་ཏཱ་ན་ན་ཧཱུྃ་ཧཱུྃ་ཕཊ་ཕཊ་བཾ་ཆེ་གེ་མོ་བཾ། ཞེས་སྔགས་གོང་མ་བཞིན་དུ་བཟླས་པར་བྱ་བ་ནི་མྱོས་པར་བྱ་བའི་ལས་སོ། །དེ་ལ་གསད་པར་བྱ་བའི་ལས་ནི། འདི་བརྩམ་པའི་ཚེ། མི་སྨྲ་བར་དུར་ཁྲོད་ཀྱི་རས་བླངས་ནས། སྐེ་ཚེ་དང་ལན་ཚྭ་དང་། ཉུང་ནག་གི་མར་དང་། དུག་དང་ཤིང་ནིམྦའི་ལའི་ལོ་མ་དང་། ཀ་ན་ཀའི་ཁུ་བ་དང་། མི་རོ་བསྲེགས་པའི་སོལ་བ་དང་། མཛུབ་མོའི་ཁྲག་རྣམས་བསྲེས་ལ་སྣག་ཚ་བྱས་ཏེ། བྱ་རོག་གི་སྒྲོ་རྩ་ལ་རྨྱུ་གུ་བྱ་སྟེ། འཁོར་ལོ་གཉིས་ཀ་ལ་ཧཱུྃ་གཉིས་ཀྱི་བར་དུ་མིང་བྲིའོ། །བདག་ཉིད་ཁ་ལྷོ་ཕྱོགས་སུ་བལྟས་ཏེ། ཡ་མཱནྟ་ཀའི་སྐུར་བསྒོམས་ལ། གང་ལ་བྱ་བའི་གཟུགས་དེ་ནི་ཤིན་ཏུ་ངན་པ་རིད་པ་རྟུལ་བ་ཅིག་མངོན་དུ་འདུག་པར་དམིགས། དེའི་ལུས་དང་སྤྱི་བོ་དང་སྐྲ་མཚམས་དང་། གནས་རྣམས་སུ་རིག་སྔགས་གཞན་གྱིས་བསྲུངས་པ་བཤིགས་ལ། བདག་གི་དྲུང་ན་འདུག་པར་དམིགས་ལ། ཁྲོ་བོ་དེ་ཡི་འཁོར་ཡང་སྦྲུལ་པ་ཁྲོ་བོ་དང་ཕྲ་མེན་གྱི་ཚོགས་མང་པོས་དེའི་རྣམ་པར་ཤེས་པ་དང་། དབུགས་དང་། དྭངས་མ་དང་། སྲོག་མེད་པར་བྱས་ཤིང་ཕྲལ་བ་ནི། དཔེར་ན་ཁང་པ་སྟོང་པ་དང་འདྲ་བར་ལུས་དང་ཤེས་པ་ཕྲལ་ཏེ། སྤྲུལ་པའི་ཁྲོ་བོ་མཚོན་ཆ་སྣ་ཚོགས་པ་བསྣམས་པས། ལུས་དུམ་བུ་བརྒྱར་གཏུབས་ཏེ། དེའི་ཤ་དང་། ཁྲག་དང་། རྐང་དང་། ལྤགས་ཤུན་དང་། ཚིལ་དང་། ཞག་དང་། མཁྲིས་པ་དང་། གློ་སྙིང་དང་ནང་ཁྲོལ་རྣམས་རྡུལ་དུ་བརླག །ཉོན་མོངས་པ་དུག་གསུམ་ཞལ་དུ་བསྟབ་པ་དང་། ཁོང་དུ་གསོལ་ཏེ་མིད་པར་བསམ་མོ། །དེ་ནས་ཡང་བརྣན་ན། གཤིན་རྗེ་གཤེད་པོ་སྤྲིན་ནག་པོའི་མདོག་དང་འདྲ་བ། ཆུ་
ནག་པོའི་རླབས་བཞིན་དུ་འོད་ནག་པོ་འབར་ཞིང་འཁྲུགས་པ། མ་ཧེ་ལ་ཞོན་པ། ལག་ན་གཤིན་རྗེའི་དབྱུག་པ་དང་། ཞགས་པ་ཐོགས་པ། གསུས་པ་ཆེ་ལ་མཆེ་བ་གཙིགས་པ། ལུས་སྦྲུལ་ནག་པོས་བརྒྱན་པ་དང་འདྲ་བ་གཅིག་འོང་ནས། ཡང་དམིགས་པ་དེ་ལ་བེ་ཅོན་གྱིས་བརྒྱབ་ནས་བསད་དེ། སྙིང་ལ་སོགས་པ་ཀུན་ཟོས་པར་བསམ་ཞིང་བཟླས་པ་འདི་བྱའོ། །་ཧྲཱྀཿཤྟྲཱིཿབི་ཀྲྀ་ཏཱ་ན་ན་ཧཱུྃ་ཧཱུྃ་ཕཊ་ཕཊ། ཧཱུྃ་ཆེ་གེ་མོ་མཱ་ར་ཡ་ཧཱུྃ་ཕཊ། ་ཧྲཱྀཿཤྟྲཱིཿབི་ཀྲྀ་ཏཱ་ན་ན་ཧཱུྃ་ཧཱུྃ་ཕཊ་ཕཊ། ཆེ་གེ་མོ་མཱ་ར་ཡ་ཧཱུྃ་ཕཊ། ཞེས་པ་ནི་བསད་པའི་ལས་སོ། །ཡང་གསད་པའི་ལས་ལ། གོང་ནས་འབྱུང་བ་བཞིན་དུ་ཡོ་བྱད་བསགས་ལ་འཁོར་ལོ་རྩིབས་མཆན་གཉིས་ལ། ཧཱུྃ་གཉིས་ཀྱི་བར་དུ་མིང་བྲི། བདག་ཉིད་ཀྱང་གོང་ནས་འབྱུང་བ་བཞིན་དུ་བསྒོམས་ལ། དགྲ་བོ་གང་ལ་བྱ་བའི་གཟུགས་དེ་ཁ་དོག་དང་དབྱིབས་ཀྱང་མི་རོ་འདྲ་བ་ཞིག །མེ་ནག་པོ་འབར་བའི་དཀྱིལ་ན་འདུག་པར་དམིགས་ལ། དེ་ནས་ཁྲོ་བོ་མང་པོ་ཕྱག་ན་རལ་གྲི་དང་། བེར་ག་དང་། གཏུན་ཤིང་དང་། དགྲ་སྟྭ་དང་སྟེའུ་ཀ་དང་། གཞུ་དང་མདའ་དང་། འཁོར་ལོ་དང་། ཏྲི་ཤཱུལ་དང་། དབྱུག་པ་དང་། མདུང་དང་རྒྱ་གྲམ་ཕྱེད་མ་ལ་སོགས་པའི་ཕྱག་ཆ་མང་པོ་བསྣམས་པས། དེ་ལ་བརྒྱབ་སྟེ་དུམ་བུར་གཏུབས་པ་ལ། བྱ་རོག་དང་། འུག་པ་དང་། བྱ་རྒོད་དང་། ཝ་དང་། ཤ་ཟ་སྲིན་པོ་དང་། མ་མོ་མཁའ་འགྲོ་མང་པོ་སྟོད་ཅིང་ཟ་ཞིང་འཐོགས་པར་བསམ་མོ། །དེ་ལྟ་བུར་བསྒོམ་ལ་བཟླས་བརྗོད་འདི་བྱའོ། །ཨཱོཾ་ཧྲཱྀཿཤྟྲཱིཿབི་ཀྲྀ་ཏཱ་ན་ན་ཧཱུྃ་ཧཱུྃ་ཕཊ་ཕཊ། ཆེ་གེ་མོ་མཱ་ར་ཡ་ཧཱུྃ་ཕཊ། ་ཧྲཱྀཿཤྟྲཱིཿབི་ཀྲྀ་ཏཱ་ན་ན་ཧཱུྃ་ཧཱུྃ་ཕཊ་ཕཊ་ཆེ་གེ་མོ་མཱ་ར་ཡ་ཧཱུྃ་ཕཊ། ཞེས་པ་ནི་བསད་པའི་ལས་སོ། །དེ་ལ་དབྱེ་བའི་ལས་ནི། གོང་ནས་དྲག་པོའི་ལས་འབྱུང་བ་བཞིན་དུ། འཁོར་ལོ་གཉིས་ལ། ཕཊ་གཉིས་ཀྱི་བར་དུ་གང་ལ་བྱ་བའི་མིང་བྲིས་ཏེ། བྷནྡྷ་ཁ་སྦྱར་གྱི་ནང་དུ་བཅུག་ནས། ཚོན་ཐག་སྔོན་པོས་དཀྲིས་ཏེ། ཉི་མ་
ཕྱེད་ཙམ་ན་དུར་ཁྲོད་དུ་སོང་ལ། ས་བརྐོས་པའི་འོག་ཏུ་བྷནྡྷ་བཅུག་སྟེ། བདག་ཉིད་ཡ་མཱནྟ་ཀའི་རྣལ་འབྱོར་དུ་བྱས་ནས་འདུག་སྟེ། མདུན་དུ་རྟ་དང་མ་ཧེ་གཉིས་ལ་གང་ལ་བྱ་བའི་མིང་ཅན་གཉིས་ཞོན་པར་བསམས་ལ། དེ་གཉིས་ཀྱི་ལག་པ་ན་རལ་གྲི་རེ་རེ་ཕྱར་ནས་ཐོགས་པས། གཅིག་ལ་གཅིག་ཁྲོས་ཤིང་འཐབ་པས་གཅིག་གིས་གཅིག་བསད་པའི་རོ་ལ། རྡོ་རྗེ་ཁྲོ་བོ་མང་པོས་སྟོད་དེ་འཐབ་ཅིང་ཟ་བར་བསྒོམ་ནས། བཟླས་བརྗོད་འདི་བྱའོ། །ཨཱོཾ་ཧཱུཾ་ཧྲཱྀཿཤྟྲཱིཿབི་ཀྲྀ་ཏཱ་ན་ན་ཧཱུྃ་ཧཱུྃ་ཕཊ་ཕཊ། ཆེ་གེ་མོ་དང་ཆེ་གེ་མོ་འཐབ་པར་གྱུར་ཅིག །ཕཊ་ཅེས་བཟླ་བ་ནི་དབྱེ་བའི་ལས་སོ། །དེ་ལ་བསྐྲད་པའི་ལས་ནི། གོང་ནས་སྨོས་བཞིན་འཁོར་ལོ་གཉིས་བྲིས་ལ། ཧཱུཾ་ཆེ་གེ་མོ་མཱ་ར་ཡ་ཕཊ་ཅེས་བྲིས་ལ། བྷནྡ་ཁ་སྦྱོར་དུ་བཅུག་ལ། སྐུད་པ་ནག་པོས་དཀྲིས་ཏེ། ཉི་མ་ཕྱེད་ན་དུར་ཁྲོད་དུ་སོང་ལ། ས་བརྐོས་པར་བཅུག་ལ། བདག་ཉིད་ཡ་མཱནྟ་ཀའི་རྣལ་འབྱོར་དུ་བྱས་ལ། མདུན་དུ་རླུང་གི་དཀྱིལ་འཁོར་ཟླ་གམ་སྔོན་པོ་ཕྱོགས་ཀུན་ནས་རླུང་གི་དཀྱིལ་འཁོར་གྱིས་བཏེགས་པའི་དབུས་སུ་ཡཾ་སྔོན་པོ་གཅིག་བསྒོམ་སྟེ། དེ་ལས་རྔ་མོ་སྔོན་པོ་གཅིག་ཏུ་གྱུར་པ་ལས། གང་ལ་བྱ་བའི་མི་དེ་བསྐྱོན་ནས། ཁ་ལྷོ་ཕྱོགས་སུ་བསྟན་ཏེ། འོག་ནས་རླུང་གི་དཀྱིལ་འཁོར་གྱིས་བཏེགས། རྒྱབ་ནས་རྡོ་རྗེ་ཁྲོ་བོས་ཕུལ། མདུན་ནས་རྡོ་རྗེ་ཁྲོ་བོས་ཁྲིད་ནས། མྱུར་བར་མཚམས་འདས་ཏེ་སོང་བར་བསྒོམས་ལ། བཟླས་བརྗོད་འདི་བྱའོ། །ཨཱོཾ་ཧྲཱྀཿཤྟྲཱིཿབི་ཀྲྀ་ཏཱ་ན་ན་ཧཱུཾ་ཧཱུཾ་ཕཊ་ཕཊ། ཆེ་གེ་མོ་སྐྲོད་པར་གྱུར་ཅིག །ཕཊ་ཅེས་བྱ་བ་ནི་བསྐྲད་པའི་ལས་སོ། །དེ་ནས་ཁྲོ་བོ་ཡ་མཱནྟ་ཀ་སྒོམ་པའི་མིས་རང་གི་ཁྲག་དང་། ཐལ་ཆེན་དང་། དུག་དང་། ལན་ཚྭ་དང་། སྐེ་ཚེ་དང་། ཉུང་ནག་གི་མར་དང་། ཀ་ན་ཀའི་ལོ་མ་དང་། རྡོ་རྗེ་དྲི་ཆུ་རྣམས་སྦྱར་ཏེ། དུར་ཁྲོད་ཀྱི་རས་ལ་འཁོར་ལོ་གཉིས། མཁས་པས་དལ་བུས་ལེགས་པར་གཤིན་རྗེའི་ལུས་བྲིས་
ནས། གཟུགས་ཀྱི་ཁོང་པར་སྦས་ན་གདོན་མི་ཟ་བར་འཆིའོ། །བསད་པའི་ལས་ནི། གཤིན་རྗེའི་སྙིང་གར་རོ། །དབྱེ་བའི་ལས་ནི། མ་ཧེ་དང་རྟའི་རྒྱབ་ཏུ་བྱའོ། །བསྐྲད་པའི་ལས་ནི། རྔ་མོའི་རྒྱབ་ཏུ་བྱའོ། །ཞི་བའི་ལས་ནི། ཟླ་བའི་དཀྱིལ་འཁོར་ལའོ། །དབང་གི་ལས་ནི། བུད་མེད་ཀྱི་སྙིང་གར་རོ། །རྒྱས་པའི་ལས་ནི། གླང་པོ་ཆེའི་རྒྱབ་ཏུ་བྱའོ། །ཡིད་མནན་པ་ནི། ལུག་གི་ཁོང་པའམ་སྙིང་གར་རོ། །མནན་པའི་ལས་ནི། རི་རབ་ཀྱི་ནང་དུའོ། །འགུགས་པའི་ལས་ནི། རི་དྭགས་ཤ་བ་དང་སེང་གེའི་རྒྱབ་ཏུ་བྱའོ། །དེ་ལ་སོགས་པ་ལས་གང་བྱེད་ཀྱང་། མ་ནོར་བར་སོ་སོ་རེ་རེ་བྲིའོ། །དེ་ནས་གི་ཝང་ངམ་གུར་གུམ་གྱིས་གྲོ་གའམ་རས་དཀར་ལ་བྲིས་ལ། ཁམ་སའི་གབ་ཚེར། ཞི་བ་དང་རྒྱས་པ་ལ་སོགས་པ་བྱས་ན་དེར་གཞུག་གོ། །བྱ་རོག་གི་སྒྲོ་རྩ་ལ་ལས་གང་ལ་བྱ་བའི་རྨྱུག་གུ་བྱའོ། །དེ་བཞིན་དུ་དྲག་པོ་ལ་སོགས་པ་ནི་ཉི་མ་ཕྱེད་ན་བྲི་ཞིང་ལས་བྱའོ། །སྣོད་ཀྱང་བྷནྡྷ་ཁ་སྦྱོར་དུ་བྱའོ། །དེ་བཞིན་དུ་ལས་ཀུན་ལ་སོ་སོར་སྦྱར་རོ། །དེ་ནས་བདག་གི་སེམས་རྣམ་པར་དག་པར་བྱས་ལ། གཤིན་རྗེ་སྣ་ཚོགས་པའི་རྣལ་འབྱོར་དུ་བྱ་བ་ནི། བདག་དང་མི་གཉིས་པར་བྱས་ལ། གནས་དབེན་སར་འདུག་སྟེ། རང་གི་པཉྩ་ཨ་མྲྀ་ཏས་མཆོད་དོ། །ཞི་བ་དང་རྒྱས་པའི་ལས་ནི་ཛའི་བར་དུ་མིང་བྲིའོ། །དབྱེ་བ་དང་དྲག་པོའི་ལས་ཡའི་མིང་དུ་བྲིའོ། །ལས་གང་བྱེད་པའི་ཁ་དོག་མ་ནོར་བར་བྱའོ། །བཟླས་བརྗོད་ཀྱི་བསྙེན་པ་རྫོགས་ཤིང་གྲངས་ཚང་བར་བྱས་ན། མི་འགྲུབ་མི་སྲིད་དོ། །བཟླས་པ་གྲངས་མ་ཚང་ཞིང་ལས་ནོར་ན་སླར་ལྡོག་ཅིང་མི་འགྲུབ་བོ། །དྲག་པོ་དང་དབྱེ་བ་དང་བསྐྲད་པ་ལ་སོགས་པའི་རི་མོ་བྲིས་པ་དང་། སྣོད་ཁ་སྦྱར་ལ་སོགས་པའི་ལས་དེ་མི་བྱེད་ན། ས་གཞན་དུ་སྦ། བར་དེར་རང་གི་ཁྱིམ་དུ་བཞག་ན། ཉིན་གཅིག་བཞིན་དུ་འཐབ་པ་དང་གནོད་པ་འབྱུང་བས་བཞག་ཏུ་མི་རུང་ངོ་། །སྣ་ལ་བསྙེན་པ་བྱས་ནས། དེ་
ནས་གདོད་ལས་བྱའོ། །བསྙེན་པའི་ཚེ་མི་ཚིག་གིས་བར་གཅད་དུ་མི་རུང་ངོ་། །བསྙེན་པའི་གྲངས་ནི་འབུམ་ཕྲག་གཅིག་ཡན་ཆད་དོ། །དཀྱིལ་འཁོར་བྲི་ན། ཐིག་སྐོར་རིམ་པ་གསུམ་པ་ལ། དབུས་སུ་ཐིག་བཞི་བཏབ་པས་རེའུ་ཆ་དགུ་བྱའོ། །བར་པའི་རིམ་པ་ལ་རེའུ་ཆ་ཆེ་བ་བཅུ་གཉིས་སུ་བྱ། ཐ་མའི་རིམ་པ་ལ་རེའུ་ཆ་བཅུ་དྲུག་ཏུ་བྱའོ། །རེའུ་ཆ་ཀུན་ལ་སྔགས་བྲི་བ་ནི་འདིའོ། །ཡ་མ་རཱ་ཛ་ས་དོ་མེ་ཡ། ཡ་མེ་དོ་རུ་ཎ་ཡོ་ད་ཡ། ཡ་ད་ཡོ་ནི་ར་ཡ་ཀྵེ་ཡ། ཡ་ཀྵེ་ཡཙྪ་ནི་རཱ་མ་ཡ། དབུས་སུ་ཡ་བྲིས་ལ། འཁོར་ལོའི་དབུས་སུ་ཡ་དང་ཡའི་བར་དུའམ། ཛ་དང་ཛའི་བར་དུ་མིང་བྲི། ཕྱི་རིམ་དུ་ཧཱུྃ་དང་བྱང་གི་བར་དུ་སྙིང་པོ་སྔགས་འབྲུ་རེ་རེ་བྲིའོ། །བར་དུ་སྙིང་པོ་རེ་རེ་བྲི་བ་ནི། ཡི་གེའི་རྒྱལ་པོ་ཡིན་པས་རབ་ཏུ་བྲིའོ། །ཡི་གེ་ཀུན་རེག་ལ་རེག་ཏུ་མི་རུང་ངོ་། །ཀ་ཁ་དང་ཡི་གེ་བྲི་བ་ཀུན་གཡས་སུ་བསྐོར་ཞིང་བྲིའོ། །ཐིག་སྐོར་གྱིས་བར་ཆོད་པར་བྱའོ། །རིམ་པ་བར་བ་ལ་ཡང་ཐ་མ་བཞིན་སྙིང་པོ་ཀུན་བྲིའོ། །་ཧྲཱྀཿཤྟྲཱིཿབི་ཀྲྀ་ཏཱ་ན་ན་ཧཱུྃ་ཧཱུྃ་ཕཊ་ཕཊ་སྭཱ་ཧཱ། འཇམ་དཔལ་གཤིན་རྗེ་ནག་པོའི་ཏནྟྲ་ལས། མན་ངག་གསང་བ་ལས་དགུ་པའི་ལེའུ་སྟེ་བཅུ་གཉིས་པའོ།། །།དེ་ནས་ལས་བྱ་དགོས་ན། བསྐྲད་པ་དང་། བསད་པ་དང་། དབང་དང་དབྱེ་བ་དང་། ཞི་བ་དང་རྒྱས་པ་དང་། གང་བྱེད་པའི་ལས་མིང་དང་གཟུགས་ལྡན་པར་བྲི་ཞིང་། རི་མོ་ཟིན་པ་དང་། སྣ་ལ་ལྷ་ཕྱག་ལན་བདུན་ཙམ་མགོས་གཏུགས་ཏེ་བཙལ་ལ་དེ་ལ་མཆོད་པ་དང་། གཏོར་མ་ལ་སོགས་པ་ཕུལ་ནས། གཤིན་རྗེ་ལས་བདེན་པ་འདི་གྲུབ་པར་གྱུར་ཅིག་སྭཱ་ཧཱ། བྱས་ལ། དེ་ནས་མ་བྲིས་པའི་ས་སྟོང་ཡོད་སར། ཧཱུྃ་ཕཊ་ཧཱུྃ་ཕཊ་ཅེས་བྱ་བ་ཕྱིས་བྲིའོ། །ཧཱུྃ་དང་ཕཊ་ནི་ཐུགས་ཀྱི་སྔགས་ཡིན་པས་ཀུན་ལ་བྲིའོ། །ལྷ་ཡ་མཱནྟ་ཀ་སྣ་ལ་བསྙེན་པ་བྱ་བའི་བསྒོམ་པ་ནི། མ་ཧེ་ལ་སོགས་པ་ཉི་མའི་དཀྱིལ་འཁོར་གྱི་སྟེང་ན་བརྐྱང་བསྐུམ་དུ་བཞུགས་པ།
ཞལ་གསུམ་ཕྱག་དྲུག་པ། གསུས་པ་ཆེ་ལ་སྐྲ་ཁམ་པ་གྱེན་དུ་འབར་བ། ཡན་ལག་ཀུན་སྦྲུལ་འབར་བས་བརྒྱན་པ། གཡས་གསུམ་ནི་འཁོར་ལོ་དང་རལ་གྲི་དབྱུག་པ་འཛིན་པ། གཡོན་གསུམ་ནི་ལས་གང་བྱེད་པ་འཛིན་པས་ཅི་ཡང་མི་བསྣམས་སོ། །ཡུམ་ལྷ་མོ་བེ་ཏཱ་ལཱི་དང་། ལྷ་མོ་རོ་ལངས་མ་གཉིས་གཡས་གཡོན་ན་བཞུགས་པ། གཡས་ན་བཞུགས་པའི་ཕྱག་གཡས་ན་དགྲ་སྟྭ་བསྣམས་པ། ཕྱག་གཡོན་ཡབ་ཀྱི་སྐུ་ལ་འཁྱུད་པ། གཡོན་ན་བཞུགས་པའི་ཕྱག་གཡོན་ན་ཞགས་པ་བསྣམས་པ། ཕྱག་གཡས་ཀྱིས་ཡབ་ཀྱི་སྐུ་ལ་འཁྱུད་པ། ཡུམ་གཉིས་ནི་སྐུ་མདོག་དང་ཕྱག་མཚན་རྒྱན་དང་ཆ་ལུགས་གཙོ་བོ་དང་མཐུན་པར་གནས་པ། ཡབ་ལས་དབུ་འཕང་དམའ་བར་མཚུངས་ཤིང་སྤྱན་རྩ་དམར་བ་གཙོ་བོ་ལ་འདུད་པ། ཡབ་ཡུམ་གཉིས་སུ་མེད་པའི་གསང་བའི་རོལ་པ་ལས། ཁྲོ་ཆུང་མང་པོས་ཕྱོགས་མཚམས་ཟིལ་གྱིས་མནན་ནས། ཞལ་ནས་རང་རང་གི་སྔགས་སྒྲ་སྒྲོགས་པ། ཕྱག་ན་གདུག་པའི་མཚོན་ཆ་སྣ་ཚོགས་པ་བསྣམས་པ། གང་ལ་བྱ་བ་རྡུལ་དུ་རློག་པ། དེ་ལྟ་བུར་རང་ཉམས་སུ་ལོན་ནས། གཟོད་བསྒྲུབ་པ་ལ་འཇུག་པར་བྱ་བ་སྟེ། གཟུགས་བརྙན་གྱི་མདུན་དུ་གསོལ་བ་བཏབ་ལ། གདོད་ལས་བྱའོ། །དེ་ཡང་ལས་ཐམས་ཅད་གྲུབ་པར་འདོད་ན། ཇི་ལྟར་འདོད་པའི་རྫས་རྣམས་ཀྱིས་སྦྱིན་བསྲེག་བྱས་ན་ཇི་ལྟ་བ་བཞིན་དུ་ལས་གྲུབ་པའོ། །མཆོག་ཏུ་ཡང་ཉེ་བ་དབྱེ་བའི་ཐབས་ལ། བྱ་རོག་དང་འུག་པའི་དོང་རུལ་བྱ་སྟེ། བཟླས་བརྗོད་བྱ་བ་ནི། ཨོཾ་ཀླུ་ལིངས་སངས། ཀུ་ནན་ཤ་ར་ཤྲི་ཏི་ཛ། ཞེས་བསྐུལ་བར་བྱའོ། །དེ་ནས་དོང་ཆག་གང་བ་ཅིག་མལ་འོག་ཏུ་བྱས་ལ། ནང་རྒྱ་སོལ་གྱིས་བཀང་སྟེ། གྲོ་ག་ལ་ཁྲག་སྣ་གསུམ་གྱིས་ཆེ་གེ་མོའི་གཟུགས་བྱས་ལ། དོང་དུ་གཞུག །འཛབ་སྟོང་དུ་ཕྱིན་ནས། ཉི་མ་ཕྱེད་པ་དང་། ནུབ་པ་དང་། ནམ་ཕྱེད་དང་། གུང་ཡོལ་ལ། ཉུངས་ཀར་གྱི་རྒྱལ་
པོ་མངག་སྟེ། ལན་གསུམ་དུ་བསྐུལ་ཏེ། ཁུགས་པ་དང་། གཟུགས་དང་རྣམ་པར་ཤེས་པ་གཉིས་སུ་མེད་པར་བྱ་སྟེ། སྟ་ཙ་སྟ་གྷྲི་ནི་མ་ཞེས་བརྗོད་པས། དམིགས་པའི་གཟུགས་ལ་བརྡེག་པར་བྱའོ། །འདི་ཡང་བསད་ཅིང་དབྱེ་བའི་ལས་སོ། །ལས་གྲུབ་པའི་རྟགས་འདོད་ན། དཔལ་བྱེད་ཀྱི་ཕྱེ་མ་ལ། རོའི་ཁུ་བས་སྦྲུས་ལ། ཇི་ལྟར་འདོད་པ་བཞིན་བྱས་ཏེ། མཆོག་བྱེད་ནག་མོ་ཞིག་དང་བསྒྲོགས་ལ་སྐུད་པ་སྣ་བཞིས་སྟོད་སྨད་ཕྱེད་མར་བཅིངས་ལ། ཆུ་མིག་ལུ་མ་ཅན་དུ་སོང་སྟེ། ཡ་མཱནྟ་ཀ་དཔལ་མཆོག་གི་ཏིང་ངེ་འཛིན་དུ་ཞུགས་ལ། བརྗོད་པར་བྱའོ། །ཨཱོཾ་པྲེ་ཏེ་ཡེ་ཞེས་བཟླས་པ་དང་། ཨུད་ཀང་ཏེ་ཨུད་ཀང་ཏེ་ཞེས་ཀྱང་བཟླས་སོ། །དེ་ནས་རིགས་ཀྱི་བུ་འདོད་པ་སྒྲུབས་ཤིག་བྱས་ལ་དམོད་བཅོལ་བྱའོ། །སྐྱབས་སུ་གསོལ་ན་ལས་ནི་འགྲུབ་པོ། །དྲག་ཀླུ་སྣད་པ་སྲིད་པས་སྨན་གྱིས་གསོའོ། །གནོད་པ་འགྲོལ་ན། ཀླུ་རིགས་བཞི་ལས་ནག་པོ་དགྲོལ་བར་བྱའོ། །དེའི་སྔགས་ལ། ་བཛྲ་ཀུ་ན་ཀུ་ལན་ཁ་ར་སྡི་ཤིག་ཤིག་བྱད་སྟེམ་ཁྲོལ། ཞེས་བརྗོད་པར་བྱའོ། །དེ་ནས་ཡང་བདག་ལ་གནོད་པར་བྱེད་པ་ཞིག་འོངས་ནས། དེ་ལ་མགུ་བར་བྱས་ལ། གཏམ་འཇམ་པོར་སྨྲ་ཞིང་འཛབ་བཟླས་སོ། །ཨཱོཾ་ཀ་ཏ་ཀ་ཏ་ཀུ་ས་ར་ཡ་བི་ཤོ་མ་ར་ན་སུ་ཁ་ར་མ་ལི་ཧཱུྃ་ཞེས་བཟླས་ན། སྡང་བའི་སེམས་ཡོད་པ་དེ་ཞི་བར་འགྱུར་ཏེ། དེ་རང་གི་གནས་སུ་ཕྱིན་ནས་ཀྱང་། ཡིད་མི་གསལ་ཏེ་མྱོས་པར་འགྱུར་རོ། །ཡང་ལས་རྣམས་གཅིག་ལ། རཀྟ་ཆེན་པོ་དང་། ཚུབ་མའི་ལོ་མ་དང་། རས་རྙིང་པ་དང་། གྲོག་མཁར་གྱི་ས་དང་། སྡོང་པོ་ཚིག་པའི་སོལ་བ་རྣམས་ལ། དྲི་ཆུ་ནག་པོས་སྦྲུས་ཏེ། དམིགས་པའི་གཟུགས་བཅས་ལ། མིང་རུས་བྲིས་ནས་ཨེར་བཞག་སྟེ། ལས་བཅོལ་ཞིང་འཛབ་འདི་བཟླས་སོ། །ཏྲི་ལིང་ཤི་རོ་ལོ་ལངས། ཁ་ཚུན་དྲི་ཟ་རཀྴ་ཐུན།
ཞེས་བརྗོད་ནས། ཏིང་ངེ་འཛིན་གྱིས་ཁུགས་པ་དང་། ཁྱི་ནག་པོའི་ཐོད་པར་བཅུག་ལ། ཟླ་བ་ཉའམ་ཤི་ཁ་ལ། ལམ་རྒྱ་གྲམ་ཆེན་པོའམ་མཁར་ཆེན་པོའི་སྒོ་ཁར་མནན་ནོ། །་ཧྲཱྀཿཤྟྲཱིཿབི་ཀྲྀ་ཏཱ་ན་ན་ཆེ་གེ་མོ་མཱ་ར་ཡ་ཛ་ཛ། ཏ་ཀི་ཏ་སོད་ཏ་ཧཱུྃ་ཧཱུྃ་སྟྭཾ་བྷ་ཆེ་གེ་མོ་ནན། ཞེས་དྲག་པོ་ལས་ཀྱི་ཏིང་ངེ་འཛིན་བྱའོ། །་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་ཀཱ་ལ་རཱུ་པ་ཧཱུྃ་ཕཊ། གང་བསྒྲུབ་ཀྱང་སྐུ་རྒྱན་གཅིག་པ། བསྒོམ་ཞིང་མི་བརྗེད་པའི་གཟུངས་དྲན་པར་བྱའོ། །འཇམ་དཔལ་གཤིན་རྗེ་ནག་པོའི་ཏནྟྲ་ལས། སྤྱིར་གཏང་བའི་མན་ངག་བསྟན་པའི་ལེའུ་སྟེ་བཅུ་གཉིས་པའོ།། །།དེ་ནས་མགོན་པོ་གཤིན་རྗེའི་གཤེད། །ཤིན་ཏུ་དྲེགས་པར་ཁྲོས་ནས་ཀྱང་། །ཡང་དག་གསང་བའི་ངེས་དོན་ལས། །སྡིག་ཆེན་གང་ཞིག་འདའ་བྱེད་པ། །དེ་དག་ཆད་པས་གཅད་པའི་ཕྱིར། །དྲག་པོའི་སྔགས་ཟོར་ལས་འདི་གསུངས། །དམ་ཚིག་ཉམས་པའི་དགྲ་བོ་ལ། །ཐུན་དང་ཟོར་གྱིས་བསྒྲལ་བའི་ཕྱིར། །དབེན་པའི་དུར་ཁྲོད་གནས་སོང་ལ། །ལུས་ངག་ཡིད་གསུམ་གུས་པ་ཡིས། །གཤིན་རྗེའི་གཤེད་ལ་ཕྱག་བཙལ་ནས། །གཤིན་རྗེའི་དགྲ་ནི་སྤྱན་དྲངས་ཏེ། །ཡ་མ་རཱ་ཙ་གདུལ་བར་བྱའོ། །ཡ་མ་རཱ་ཙ་སྤྱན་དྲངས་ཏེ། །གང་ལ་བྱ་བ་གདུལ་བར་བྱ། །དེ་ཡི་ལས་སུ་བསྟན་པ་ཡང་། །དཀྱིལ་འཁོར་འདོམ་གང་གྲུ་བཞི་ལ། །དམ་རྫས་ལྔ་ཡིས་ཆག་ཆག་གདབ། །དཀྱིལ་འཁོར་མཐིང་ནག་གྲུ་གསུམ་བྲི། །མགོ་བོ་རང་གི་ཕྱོགས་སུ་བསྟན། །ཡ་མཱནྟ་ཀ་ཡབ་ཡུམ་དང་། །ཡ་མ་རཱ་ཙ་སྟངས་དཔྱལ་དང་། །ལྕགས་ཀྱི་སྤྱང་མོ་མང་པོ་དགོད། །བདག་ཉིད་དྲག་པོ་ཡབ་ཡུམ་བསྒོམ། །གཤེད་མ་ཡ་མ་རཱ་ཙར་བསྒོམ། །ཕོ་ཉ་འཇོམས་པའི་ལས་བྱེད་མ། །ལྕགས་ཀྱི་སྤྱང་མོ་རལ་གཅིག་བསྒོམ། །དམ་རྫས་ཡོ་བྱད་ཚང་བར་བསག །རྣམ་ཤེས་དབང་པོ་དགུག་པའི་ཕྱིར། །དགྲ་བོ་འགུགས་པའི་ཕོ་ཉ་གཏང་། །དཔལ་གྱི་ཕྱག་བརྙན་ཕོ་ཉ་
ནི། །ཏིང་ངེ་འཛིན་ནི་གསལ་བསྒོམ་ལ། །སྤྲུལ་པའི་ཕོ་ཉ་འདི་གཏང་ངོ་། །ཧཱུྃ། དཔལ་གྱི་ཕྱག་བརྙན་ཁྲག་གི་དྲི་སྣོམ་མ། །ཁྲག་མདོག་དམར་མོ་གསེར་གྱི་ལན་བུ་ཅན། །སྤྱན་མིག་ཉི་མའི་ཟེར་དང་འདྲ་ཞིང་རྣོ། །སོར་མོ་ལྕགས་ཀྱུའི་རྩེ་ལ་བསྐལ་པའི་མེ་ཆེན་འབར། །དགྲ་བོ་ཉམས་པའི་སྙིང་འབྱིན་ཆག་པར་བཅངས་ནས་གསོལ། །ཁྲོས་པའི་ཁྲག་མདོག་དམར་པོ་ཁྲག་གི་མཆི་མ་འཛག །རྒྱུག་པའི་སྟབས་ནི་ལྕགས་ཀྱི་སྤྱང་མོ་འདྲ། །སྐད་ནི་ནམ་མཁའ་སྟོང་པའི་འབྲུག་པས་ཆེ། །བང་ནི་བར་སྣང་གློག་པས་ཤིན་ཏུ་མགྱོགས། །ཟངས་སྡེར་དམར་པོ་དབང་གི་ལག་པ་ན། །དམིགས་པ་བྱེའུ་ཕྲུག་ཤ་རྗེན་བཅུམ་པ་ལྟར། །འགལ་བྱེད་འབྱུང་པོའི་དོན་སྙིང་སྤར་གྱིས་འདེབས། །ཕུང་པོ་རྡུལ་ཕྲན་བཞིན་དུ་འདུལ། །གཟུགས་ཀྱི་ཕུང་པོ་མ་ཡིན་པར། །རྣམ་པར་ཤེས་པ་ཁྱེར་ལ་ཤོག །དེ་ལྟར་ཡང་དང་ཡང་བཀུག་ནས། །གཟུགས་ལ་ཕབ་སྟེ་གུ་གུལ་གྱིས་བདུག །དྲག་པོ་ཐུན་གྱི་སྔགས་ཀྱིས་གདབ། །ཁུག་ཅིག་ཕོ་ཉ་མི་བཟད་མ། །ལྕགས་ཀྱི་སྤྱང་མོ་རལ་གཅིག་མ། །མིག་ནས་ཁྲག་གི་ཚ་ཚ་འཕྲོ། །ཁ་ནས་སྐད་འདོན་ཙེ་རེ་རེ། །རལ་པ་སྤྲུགས་པའི་སྐྲ་གསེབ་ནས། །ཁྲོ་ཆུ་ཁོལ་མའི་སྐྱིན་འདང་འབེབས། །རྐང་ལག་ལྕགས་ཀྱི་སྡེར་མོ་ལ། །གནམ་ས་མེད་པར་སྤར་གྱིས་འདེབས། །རི་ལུང་མེད་པར་རྗེས་ཀྱིས་འགེངས། །ཟས་སུ་སེམས་ཅན་གསོན་པོར་ཟ། །མངགས་པའི་གནས་སུ་ཡུད་ཀྱིས་ཕྱིན། །གང་ལ་བྱ་བའི་དགྲ་བོ་དེ། །མ་ཐོགས་མྱུར་དུ་ཁྲིད་ལ་ཤོག །དང་པོར་ཞེ་སྡང་ཕ་ཡི་སྐེད། །བར་དུ་འདོད་ཆགས་མ་ཡི་མངལ། །དེ་ནས་དྲི་ཟ་ཉེ་བར་འཁོར། །ཐ་མ་ཉོན་མོངས་ལྔ་ཡི་གཟུགས། །ལྔ་ཕུང་རྩད་ནས་གཅད་པའི་ཕྱིར། །གཤིན་རྗེ་མ་མོ་ཕོ་ཉ་རྣམས། །ཐོགས་མེད་འཇིགས་པའི་སྐུ་སྤྲུལ་ལ། །མགོ་བོའི་དཀྱིལ་དུ་ཁྲག་ཟོར་ཡ། །ཉན་པའི་རྣ་ལ་ཁྲ་གཟོར་
ཡ། །སྣོམ་པའི་སྣ་ལ་ཁྲག་ཟོར་ཡ། །སྨྲ་བའི་ལྕེ་ལ་ཁྲག་ཟོར་ཡ། །དྲན་པའི་སྙིང་ལ་ཁྲག་ཟོར་ཡ། །འགྲོ་བའི་རྐང་ལ་ཁྲག་ཟོར་ཡ། །ཡུལ་འཁོར་ཁྱིམ་ལ་ཁྲག་ཟོར་ཡ། །ནོར་གྱི་དབྱིག་ལ་ཁྲག་ཟོར་ཡ། །འོག་གི་རྟ་ལ་ཁྲག་ཟོར་ཡ། །མཆན་གྱི་བུ་ལ་ཁྲག་ཟོར་ཡ། །འཁོར་བཅས་མ་ལུས་རྡུལ་དུ་རློགས། །ཁྲག་ཟོར་འཕང་བའི་སྔགས་ལ། །ཐོད་ཁྲག་སྤྱོས་ཤིག་ཙིཏྟ་ཀུ་ལུ་ནན། །སྙིང་ཁྲག་སྤྱོས་ཤིག་ཙཀྲ་རམ། །རྣམ་ཤེས་སྤྲོས་ཤིག་ཤག་ཤག་རམ། །ངག་རྣམས་སྤྱོས་ཤིག་སོ་ཏི་ཁཱ་ཧི་རཾ། །གཟུགས་ཕུང་ཆོམས་ཤིག་སུ་ནྲྀ་ཏྲི། ཡན་ལག་ཆིངས་ཤིག་ཛ་ཏྲི་ཏྲ་ཛ། ཞེས་བརྗོད་ལ། སེང་ལྡེང་གི་ཕུར་བུ་སོར་བརྒྱད་པ་ཟོར་དང་བཅས་ལ་འཕང་ངོ་། །དེ་ནས་དམ་ཉམས་དགྲ་བོ་དེ། །འཆོར་བ་མེད་པར་བྱ་བའི་ཕྱིར། །བདུད་མོ་མི་ཟན་ཉིད་ལ་གཏད། །མ་བདུད་དཔོན་གཡོག་གསུམ་ལ་གཏད། །ཡ་མ་རཱ་ཙ་ཉིད་ལ་གཏད། །གཏད་པའི་སྔགས་ལ། ཨི་ཨུ་ཨ་ས་མ་ཡ། ཐིབས་ཐིབས། ལ་ཤེར་ཡ་དེ་སོད། ཨོཾ་ས་མ་ཡ་ཏིཥྛ་བཾ། མ་མཱ་མུ་རུ་ཐིབས་ཐིབས། ཐབས་པྲ་ཕུར་ཀ་ཤ་བཾ། རྦད་ཐུཾ་རི་ལི་ལི། ཐིག་ནིག་གཅིག་མེད་གཉིས་དྲག་བརྒྱད་བཅད། ནམ་མཐོངས་ཕྱེ། ལྕགས་སྒྲོག་ཁྲོལ། མི་རེང་སོད། བཛྲ་ན་ནེ་ཕཊ། བཛྲར་ར་ཏེ་ཕཊ། བཛྲ་ཛ་ཏ་ཏེ་ཕཊ། བཛྲ་ད་ཏེ་ཕཊ། བཛྲ་ཨི་ཏིང་ནཱ་ག་ལེ། ནཱ་ག་ལེ། སུམ་པ་ལེ། ཙིན་ཡང་ཙིན་ཡང་། ལེན་ཡང་ལེན་ཡང་། དགྲ་བོ་ཆེ་གེ་མོ་མཱ་ར་ཡ་ཛཿ། དྲག་ཏུ་ཀུན་འཇོམས་ངན་སྔགས་འདི། །བཏབ་ན་ལྷ་ཡང་བརླག་པར་འགྱུར། །དགྲ་བགེགས་གཞན་ལྟ་ཅི་སྨོས་དགོས། །གཤིན་རྗེ་ནག་པོའི་རྒྱུད་ལས། དྲག་པོ་སྔགས་ཟོར་འཕང་བའི་ལེའུ་སྟེ་བཅུ་གསུམ་པའོ།། །།དེ་ནས་གཤིན་རྗེ་གཤེད་པོ་ཡིས། །འཆི་མེད་ལེའུ་འདི་བཀའ་སྩལ་ཏོ། །སྐྱེས་པའི་ཆོས་རྣམས་འཇིག་པར་རབ་ཏུ་
བསྟན། །མཐའ་དང་དབུས་མེད་ནམ་མཁའ་མཉམ་པར་བསྟན། །གནོད་ཅིང་གདུག་པའི་ཕྱོགས་རྣམས་མ་ལུས་སྒྲོལ་མཛད་པ། །མགོན་པོ་གཤིན་རྗེའི་ཚོགས་ལ་ཕྱག་འཚལ་ལོ། །འཇམ་དཔལ་གྱི་ལེའུ་ཁྲི་དྲུག་སྟོང་གི་ནང་ནས། འཇམ་དཔལ་རིགས་ལྔར་བསྟན་ཏེ། རིགས་ལྔ་འཇམ་དཔལ་དང་དྲུག་གོ། །ཡེ་ཤེས་སྤྲུལ་པའི་ཁྲོ་བོ་བཞི་དང་བཅུའོ། །ལས་རྣམ་པར་འབྱེད་པའི་ལེའུ་ཞེས་བྱའོ། །འཕགས་པ་ཀུན་གྱིས་ཅི་བདེར་གསུངས་པ་ཡིས། །ཐམས་ཅད་ཀུན་ལ་ཁྱབ་པར་གནས་བྱའོ། །རྣམ་པར་འཕྲུལ་པའི་དཔལ་བྱང་མ་ལུས་ཀུན། །རིག་པ་ཁྱད་པར་ཀུན་ལས་འཕགས་པ་ཡིས། །ལས་རྣམས་དཀྱིལ་འཁོར་ཆེན་པོ་འདི་བརྩམ་མོ། །དཀྱིལ་འཁོར་རྩིབས་སྟེང་བཅུ་གཉིས་གོ་རིམ་ལ། །མུ་ཁྱུད་ཟླུམ་པོ་རྡོ་རྗེའི་རྭ་བ་བཏང་། །སྣམ་བུ་གཉིས་དང་གསུམ་པར་བྱ་བ་ནི། །ལས་དང་བྱ་བ་ལ་སོགས་རྣམ་པར་བསྒྲུབ། །དེ་ནས་ཁྱད་པར་ཕྲིན་ལས་འདི་བྱའོ། །རྫས་དང་ཉུངས་ཀར་གུ་གུལ་ནག་པོ་དང་། །རྩ་བའི་སྔགས་འདིས་བརྡེག་ཅིང་གསད་པར་བྱའོ། །རྡོ་རྗེ་རྩེ་གཅིག་ཕྱག་རྒྱ་བཅས་ནས་བརྡེག །ཨཱོཾ་བཛྲ་ཡ་མ་རཱ་ཙ་ཧཱུྃ་ཧཱུྃ་ཕཊ་ཕཊ་ཨ་ཞེས་བཟླས་སོ། །དེ་ནས་གནན་པའི་ལས་བྱ་སྟེ། །ཡ་མ་ར་ཙའི་ཕྲིན་ལས་བརྩམ། །དེ་ནས་ལས་རྣམས་བཅོལ་བ་ནི། །ཨཱོཾ། ཕྲིན་ལས་འཇིགས་བྱེད་འཇིགས་པར་བྱེད་པ་ནི། །ཐམས་ཅད་དབང་དུ་སྡུད་པའི་གཤིན་རྗེ་གཤེད། །དབུ་དགུ་ཕྱག་ཀྱང་བཅྭ་བརྒྱད་དེ། །སྐུ་མདོག་སྔོན་པོ་འཇིགས་པའི་གཟུགས། །ཞབས་བཞི་བརྐྱང་བསྐུམ་ཚུལ་དུ་བཞུགས་པ་ནི། །ཞབས་གཉིས་གྱད་ཀྱི་འདོར་ཐབས་ཀླུ་རྒྱལ་ཟིལ་གྱིས་གནོན། །ཞབས་གཉིས་གྱད་ཀྱི་བརྐྱང་བསྐུམ་བགེགས་རྣམས་རྡུལ་དུ་རློག །སྐུ་ལ་སྦྲུལ་ནག་སྟོང་གིས་བརྒྱན་པ་ནི། །བགེགས་རྣམས་འདུལ་ཞིང་རྟག་ཏུ་འཆིང་བར་མཛད། །ཕྱག་དགུ་གཡས་ཀྱི་དང་པོ་ན། །རྡོ་རྗེ་
དབྱུག་པ་བེ་ཅོན་དང་། །སྦྲུལ་དང་ཐོད་རློན་དགྲ་སྟྭ་བསྣམས་པ་དང་། །གསེར་གྱི་ཟོར་བ་ཁྲམ་བམ་རྣམས། །ལྕགས་ཀྱི་ཕུར་པ་ཟུར་གསུམ་འཕྲོ། །ཕྱག་དགུ་གཡོན་གྱི་དང་པོ་ན། །བྷནྡྷ་ཚལ་པ་རཀྟས་གཏམས། །བ་སུ་ཏ་ཡི་ཞགས་པ་དང་། །བུས་པའི་ཞིང་ཆུང་ཞལ་དུ་རྔུབས། །ཐོད་ཕྲེང་འཁོར་ལོ་དྲིལ་བུ་དང་། །ཏྲི་ཤཱུལ་རལ་གྲི་ཕུར་པ་ཡིས། །ཆེ་གེ་མོ་ཞིག་མཱ་ར་ཡ། ་བཛྲ་ཀཱ་ལ་རཱུ་པ་ཡ་མ་རཱ་ཙ་ཧཱུྃ་ཕཊ་ཏ་ཨ། མ་ཧཱ་ན་མ་ཡ་ནན། ཞེས་བརྡེག་གོ། །དེ་ནས་ཕྱག་བརྙན་སྤྲུལ་པ་མོ་བཞི་མངག་ཅིང་ལས་བཅོལ་བ་འདི་སྐད་དོ། །ཧཱུྃ། དཔལ་གྱི་བཀའ་ཉན་ཁྲག་གི་དྲི་སྣོམ་མ། །དབང་བྱེད་ཆེན་མོ་ཀུན་གྱི་གཙོ་མོ་སྟེ། །ཁྲག་གི་དྲི་ཚོར་དཔག་ཚད་བརྒྱད་ཁྲི་བཞི་སྟོང་རྒྱུག །བུད་མེད་ལུས་ལ་འཇིགས་བྱེད་སྤྱང་མོའི་གདོང་། །ཁ་ནས་མེ་འབར་རྒྱ་མཚོ་གཏིང་ནས་སྐེམས། །མིག་ནས་ཁྲག་འཛག་རི་རབ་ཐལ་བར་རློག །སྐད་ཅིག་ཙམ་ལ་སྟོང་ཁམས་དབང་དུ་སྡུད། །འཇིག་རྟེན་ལྷ་ཆེན་བརྒྱད་ཀྱང་འདར་ཡེད་ཡེད། །ཆེ་གེ་མོ་གང་ཡིན་དབང་དུ་སྡུས། །བུད་མེད་གཟུགས་ཅན་དུས་ལ་བབ། །སྤྱང་གདོང་ཆེན་མོའི་དུས་ལ་བབ། །ཆེ་གེ་མོ་ཧྲཱྀཿཤྟྲཱིཿམ་ར་ཙ་ར་ནན། ད་ནི་ལྕགས་ཀྱི་སྤྱང་མོ་དབུ་དགུ་མ་བསྐུལ་ཞིང་ལས་བཅོལ་ཏེ་འདི་སྐད་དོ། །ཧཱུྃ། ལྕགས་ཀྱི་སྤྱང་མོ་དབུ་དགུ་མ། །ལག་བརྒྱད་རྐང་བརྒྱད་འཇིགས་པའི་གཟུགས། །ཆིབས་སུ་བདུད་བྱ་ནག་མོ་བཅིབས། །འཁོར་དུ་ཁ་འབར་སྟོང་གིས་བསྐོར། །རོལ་དུ་ཟ་བྱེད་མ་མོ་ཁྲིད། །ལག་ན་གཤིན་རྗེའི་ཁྲམ་བམ་ཐོགས། །རྐང་པ་བརྒྱད་ལ་འཁོར་ལོའི་མཚོན་ཆ་ཐོགས། །ལྕགས་སྤྱང་མགོ་དགུ་མ་ཡི་དུས་ལ་བབ། །ཡ་མ་རཱ་ཙ་ཀཱ་ལ་རཱུ་པ་ཧྲཱྀཿཤྟྲཱིཿ། གུང་གུང་ཏྲཾ་ཏྲཾ་དྷི་ལ་ཆེ་གེ་མོ་མཱ་ར་ཡ་ཧཱུྃ་ཕཊ་ཞེས་བརྡེག་གོ། །དེ་ནས་དཔལ་ལྡན་མ་བསྐུལ་བ་འདི་སྐད་དོ། །ཧཱུྃ། ཡེ་ཤེས་མཁའ་ལྡིང་མ་མོའི་དཔལ། །གཟི་བརྗིད་འབར་བའི་བྱིན་རླབས་ཅན། །བར་སྣང་ཁམས་ལ་གནས་
བཅས་ཤིང་། །ཁམས་གསུམ་ཐམས་ཅད་དབང་དུ་སྡུད། །ལྕགས་ཀྱི་བྱ་ཁྲ་ཆེན་མོ་ནི། །མ་མོ་རྣམས་ཀྱི་མཆོག་ཀྱང་ཡིན། །ཁ་འབར་རྣམས་ཀྱི་གཙོ་མོ་སྟེ། །འཇིག་རྟེན་རྣམས་ཀྱི་དབང་བྱེད་མ། །འཇིག་རྟེན་དབང་དུ་སྡུད་པ་མོ། །གཟིགས་པའི་གོ་འཕང་ནམ་མཁའ་འདྲ། །གཤེགས་ཤིང་བཞུགས་པ་གློག་ལྟར་མགྱོགས། །གཡས་ཀྱི་གཤོག་པ་བརྡབ་པ་ཡིས། །བདུད་དང་སྲིན་པོ་རྡུལ་དུ་རློག །གཡོན་གྱི་གཤོག་པ་བརྡབ་པ་ཡིས། །ཆེ་གེ་མོ་ཞིག་དབང་དུ་བསྡུ། །དམ་ཚིག་ཆེན་པོའི་དུས་ལ་བབ། །་བཛྲ་ཀཱ་ལ་རཱུ་པ་ཡ་མ་རཱ་ཙ་ཧཱུྃ་ཧཱུྃ་ཕཊ་ཕཊ། དུན་དུན་ཙིཏྟ་མ་ལ་བྷྱོ་བྷྱོ་ཁཱ་ཧཱི། དེ་ནས་དབང་བྱེད་གཤིན་རྗེ་ཁ་འབར་མ་བསྐུལ་ཞིང་ལས་བཅོལ་བ་འདི་སྐད་དོ། །གཤིན་རྗེའི་སྲིང་གཅིག་ཁ་འབར་མ། །དབུ་གསུམ་ཕྱག་དྲུག་མཆེ་གཤོག་ཅན། །གཡས་ཀྱི་གཤོག་པ་བཅུ་དྲུག་ལ། །ཡེ་ཤེས་བཅུ་དྲུག་རོལ་པ་སྟོན། །གཡོན་གྱི་གཤོག་པ་བཅུ་དྲུག་ལ། །མ་མོ་ལས་མཁན་བརྒྱད་ཅུ་གཅིག །དེ་ཡི་རྦོད་གཏོང་ཕྱག་བརྙན་ནི། །ལ་ལའི་ལག་ན་རྒྱུ་ཞགས་འཛིན། །ལ་ལའི་ལག་ན་ཐོད་ཕྲེང་འཛིན། །ལ་ལ་ཞིང་བཅུ་གནས་སུ་འདྲེན། །ལ་ལ་མེ་ཁྱེར་རྒྱ་མཚོ་སྐེམས། །ལ་ལ་འགུགས་བྱེད་ཉམས་པ་འཛིན། །ལ་ལ་སྦྲུལ་ནག་ཞགས་པ་འཛིན། །ལ་ལ་ཕོ་ཉ་འགུགས་ཤིང་འཛིན། །སྔགས་པས་བོས་ཤིང་གདུང་བའི་ཚེ། །དམ་ཚིག་དུས་ལ་བབ་པོ་ད་ཚུར་བྱོན། །སྡང་བྱེད་སྙིང་ནས་ད་དྲོངས་ཤིག །ད་ནི་བརྩེ་བའི་དུས་ལ་བབ། །དྷི་ནི་དྷི་ནི་མཱ་ར་ཡ་ཙ། ཀཱ་ལ་རཱུ་པ་ཆེ་གེ་མོ་མཱ་ར་ཡ་ཧཱུྃ་ཕཊ་ཅེས་བརྡེག་གོ། །དེ་ནས་ཕྱག་རྒྱ་རྣམས་ཀྱིས་གནན་པ་ནི། །རྡོ་རྗེ་འཁོར་ལོ་རྣམས་ཀྱིས་གནན་པ་ནི། །གཟུགས་དང་སྒྲ་དང་དྲི་དང་རོ། །མིང་དང་རུས་པ་བརྗོད་བྱས་ལ། །དགུག་ཅིང་གནན་པ་ཚུལ་བཞིན་བྱ། །དེ་ནས་གནན་ཅིང་གཟིར་བ་ནི། །རྐང་རྗེས་ས་དང་དེ་བཞིན་དུ། །གཟུགས་དང་རྣམ་པ་གོ་རིམ་བྱ། །
དེ་ནས་ལས་རྣམས་མ་ལུས་བྱ། །ཕྲིན་ལས་ཅི་བྱེད་ཀྱི་ལེའུ་སྟེ་བཅུ་བཞི་པའོ།། །།དེ་ནས་གསང་བ་གཏེར་འབྱེད་ཀྱི་ལེའུ་འདི་གསུངས་སོ། །དཀྱིལ་འཁོར་འབྱུང་བའི་གནས་བསྟན་ཏེ། །ཤེས་རབ་གནས་དང་ཏིང་འཛིན་བསྒྲུབ་པར་བྱ། །དགྲ་བོའི་གཟུགས་ལ་བརྡེག་པའི་ཆོ་ག་འདི། །མན་ངག་གཏེར་སྦས་གང་དག་འདི་སྐད་དོ། །གང་དང་གང་དག་དེ་ལ་གཟུགས་བཅས་ཤིང་། །ཉུངས་ཀར་ཁྲག་ཆེན་དག་ལ་བསྒྲུབས་བྱས་ཏེ། །སྔགས་དང་ཕྱག་རྒྱ་འདི་དང་འདི་བརྗོད་དོ། །རྡོ་རྗེ་ཕུར་བུའི་ཕྱག་རྒྱ་འདི་ནི་བཅས་ལ། །སྔགས་ནི་འདི་ཡང་མ་ནོར་བར་ནི་བརྗོད་པར་བྱའོ། །ཧཱུྃ་ཧཱུྃ་ཕཊ་ཕཊ་ཨ་མ་བྲི་མ་ཏ་ཧྲིཾ་ཧྲིཾ་ཧཱུྃ་ཧཱུྃ་ཕཊ། ཆེ་གེ་མོ་དྲོངས་ཤིག་ཁུག་ཅིག་ཛ་ཛ་ཞེས་བརྒྱ་རྩ་གཅིག་བཟླས་སོ། །དེ་ནས་ཟླ་བ་ཉ་ཁ་དམའ་ལ་གནན་པར་བྱ་བའི་ཆོ་ག་རིམ་བཞིན་དུ་བྱ། ལས་རྣམས་ཀུན་ལ་བརྩོན་འགྲུས་བསྐྱེད་ལ་བགྱི། གསང་བའི་གནས་དང་ཆོ་ག་རྣམས། །སྦས་པའི་སྔགས་དང་ཕྱག་རྒྱ་ཡང་དང་ཡང་། །རིགས་ཀྱི་ཕྱག་རྒྱ་དེ་བཞིན་བཅས་ནས་ནི། །ནིམ་པ་ནི་ཡི་ཁུ་བ་ཡིས། །གཟུགས་ལ་བྱུགས་ལ་བསྔགས་ལ་བརྡེག །སོལ་ནག་རྫས་དང་དོག་པ་དམར་པོ་ཡིས། །ཡན་ལག་ལྔ་པོ་བཅིངས་ཤིང་ཕོ་ཉའི་ཚོགས་རྣམས་དགྱེ། །ལས་ཚར་གསུམ་གྱིས་ཕོ་ཉར་གཞུང་བཞིན་མངགས་ལ་དབང་དུ་བསྡུའོ། །གཤིན་རྗེ་ནག་པོའི་ཏནྟྲ་ལས། གསང་བ་གཏེར་འབྱེད་ཀྱི་ལེའུ་སྟེ་བཅྭ་ལྔ་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱིས། སྐུ་དང་གསུང་དང་ཐུགས། འཇམ་དཔལ་གཤིན་རྗེ་གཤེད་ཀྱི་ཐུགས་ཡེ་ཤེས་སུ་གྱུར་ཏེ། ཐུགས་རྗེ་ཕྲིན་ལས་ཀྱི་ལེའུ་འདི་གསུངས་སོ། །དེ་ནས་འཇམ་དཔལ་གཤིན་རྗེ་གཤེད། །སྐུ་གསུང་ཐུགས་ཀྱི་བདག་ཉིད་ཁྲོ་བོ་སྟེ། །ལས་ཀྱི་གསང་བའི་མན་ངག་འདི་བཤད་དོ། །ཐུགས་རྗེ་ལས་ཀྱི་ཕྲིན་ལས་འདི་ཡིན་ནོ། །དེ་ཡང་དང་པོར་བསྒྲུབ་པའི་གནས་
བཙལ་ནས། །དམིགས་པའི་རྟེན་དུ་སྐུ་གཟུགས་བྲིས་ནས་སུ། །མཆོད་པའི་དམ་རྫས་ཚོགས་པར་བཀྲམ་པ་ནི། །ལྷ་ཡི་རྣལ་འབྱོར་ཆེན་པོ་བསྒོམས་ནས་ནི། །སྔོན་དུ་བྱ་བའི་བསྙེན་པ་རྫོགས་པར་བྱའོ། །ཨཱོཾ་ཤྲཱི་མཉྫུ་ཡ་མཱནྟ་ཀ་ཀཱ་ལ་རཱུ་པ་ཧཱུཾ་ཕཊ། དེ་ནས་དགྲ་བོའི་རང་བཞིན་གྱི་གནས་སུ་སྦ་བར་བྱ་སྟེ། དགྲ་བོའི་ལིངྒ་བཅས་ལ། པདྨ་རཀྟ་དང་། ཤིང་ཨཾ་བྱི་ཤའི་མེ་ཏོག་ཁ་འབུས་པ་བཀུས་ལ། པདྨ་རཀྟ་དང་གཉིས་བསྲེས་ལ། ཡི་གེ་འདི་བྲིའོ། །ཨཱོཾ་པ་ཧྲི་དྷི་རག་མོ་ཡ་མ་རཱ་ཙ་ཕཊ། དེ་ནས་བེ་ཅོན་གྱི་ཕྱག་རྒྱ་བཅས་ལ། སྔགས་འདི་བཟླས་སོ། །ཨཱོཾ་བཛྲ་རཱུ་པ་ཏ་ཏྲཾ་ཏྲཾ་ཧེ་ཧེ་ཧ་ཧ་ཨ་ཨ། དེ་ནས་གསང་བའི་ཡང་སྙིང་འདི། ཉི་མ་གཅིག་ཏུ་བཟླས་སོ། །ཨཱོཾ་བཛྲ་ཀཱ་ལ་རཱུ་པ། ཀ་ཏི་ཁ་ཏ་མན་དྷ་ར། མི་ཏ་པ་ན་ཧི་ཛ་བ་ཡ་ར་ཙ་ན་ཧཱུཾ་ཕཊ། ཆེ་གེ་མོ་ཞིག་དྷིད་དྷིད་མཱ་ར་ན་ཛ་ཞེས་བརྡེག་གོ། །དེ་ནས་ནམ་གྱི་གུང་ལ། ཕྱག་རྒྱ་ལག་པ་གཡས་པའི་མཐེའུ་ཆུང་དང་། གཡོན་པའི་མཐེ་བོ་གཉིས་སྦྱར་ལ། སོར་མོ་གཞན་བསྒྲེངས་ཏེ། སྔགས་འདིས་བརྡེག་གོ། །ཨཱོཾ་བཛྲ་གི་ར་ཏི་ནི་བཛྲ་ཀཱ་ལ་རཱུ་པ་ཧཱུཾ། མཱ་ར་ཡ་ཕཊ། ཅེས་དགུག་ལ་བཅིངས་ཤིང་མནན་ནོ། །དེ་ནས་ཡང་ཏིང་ངེ་འཛིན་བསར་ལ། ཕྱག་རྒྱ་འོག་ནས་འབྱུང་བ་བཅས་ཏེ། རྩ་བའི་སྙིང་པོ་འདི་བརྗོད་དོ། །ཨཱོཾ་བཛྲ་ཀཱ་ལ་རཱུ་པ་ཡ་མ་རཱ་ཙ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ། ལག་པ་གཉིས་གུང་མོ་རྩེ་སྤྲད་ལ། སོར་མོ་གཞན་ཕྱིར་དགྱེ་བར་བྱས་ལ་བརྡེག་གོ། །དེ་ནས་ལག་པ་གཉིས་ཀྱི་སོར་མོ་གཉིས་ནང་དུ་སྦྱར་ལ། ཨཱོཾ་བཛྲ་ཀཱ་ལ་རཱུ་པ་བ་ལིངྟ་བྷ་མ་རུ་ཧཱུཾ་ཧཱུཾ་ཕཊ་ཅེས་ཀྱང་བརྡེག་གོ། །དེ་ནས་ཡང་སྔགས་འདི་སྟོང་རྩ་གཅིག་བཟླས་སོ། །ཨཱོཾ་བ་ཧུ་དྷ་ཧཱུཾ་ཀ་ཧཱུཾ་ཕཊ་ཕཊ་ཕཊ། ཁ་ཁ་ཁ་ཁཱ་ཧི་ཁཱ་ཧི་ཁཱི་ཧི། ཁ་རཾ་ཁཱ་ཧི། ཨ་ལ་ལ་ཧོ། ཁ་རཾ་ཁཱ་ཧི། ཞེས་རྡོ་རྗེ་ཉི་མའི་ཕྱག་རྒྱ་བཅས་ལ་བརྡེག་ཅིང་བསྟབ་བོ། །དེ་བཞིན་གཤེགས་པ་ཞེ་སྡང་གི་སྐུ་མཐར་ཕྱིན་པར་གྱུར་ཏོ། །གཤིན་རྗེ་ནག་
པོའི་ཏནྟྲ་ལས། ཐུགས་རྗེ་ཕྲིན་ལས་ཀྱི་གསང་བ་གཏེར་འབྱེད་ཀྱི་ལེའུ་སྟེ་བཅུ་དྲུག་པའོ།། །།དེ་ནས་དགྱེས་པ་ཆེན་པོའི་ལོངས་སྤྱོད་ལས། ལོངས་སྤྱོད་ལས་ཀྱི་དངོས་གྲུབ་ཚེ། །ཕྲིན་ལས་མངོན་དུ་འདི་བསྟན་ནོ། །མི་ཤིགས་རྡོ་རྗེ་གར་གྱི་བདག །རྡོ་རྗེ་གསང་བའི་གཤིན་རྗེའི་གཤེད། །རྒྱལ་པོ་གྲུབ་པའི་ཕྲིན་ལས་ལ། །ཡང་དག་ངེས་པ་འདི་བསྟན་ནོ། །དགྲ་དང་བགེགས་དང་བདུད་དང་ནི། །སྲིན་པོ་ཁྲག་དང་ཆུ་སེར་དང་། །གཟུགས་དང་རྣམ་པར་ཤེས་པ་རྣམས། །ཀླུ་རྒྱལ་ནག་པོ་དག་ལ་གཏད། །ལས་ཀྱི་རྣམ་པ་འདི་དག་ནི། །མགོན་པོ་གཤིན་རྗེའི་གཤེད་ཀྱིས་གསུངས། །སྔོན་དུ་བསྙེན་པ་རྫོགས་པར་བྱའོ། །དང་པོར་རྟ་ཡི་སོག་པ་གཅིག་ལ། །གུ་གུལ་ནག་པོ་དང་། ཡུང་བ་དང་། བྲོ་ཛ་ཨ་ན་ཛ་ནའི་ཁྲག་དང་། གི་ཝང་དང་། རྒྱ་སྐྱེགས་ཀྱི་ཁུ་བ་རྣམས་སྦྱར་ལ། སོག་པ་ལ་དགྲ་བོའི་མིང་དང་རུས་བྲིས་ལ། དེའི་སྟེང་དུ་ཤོག་ཤོག་གཙང་མའམ། གྲོ་གའམ་རས་སམ་ཤིང་ཤུན་ལ། མགོན་པོ་གཤིན་རྗེ་ནག་པོའམ། ཀླུ་བདུད་ནག་པོའི་གཟུགས་བྲིས་ལ། དང་པོར་བཟླ་བྱའི་སྔགས་འདི་འབུམ་བཟླས་སོ། །ཨཱོཾ་ན་མོ་དཾཥྚྲོཊྐ་ཊ་བྷཻ་ར་བཱ་ཡ་ཧཱུཾ། ཆེ་གེ་མོ་དབང་དུ་སྡུས་ཤིག །ཧཱུཾ་ཧཱུཾ་ཕཊ་ཕཊ་ཨ་ཨ་ཛ་ཛ། ཞེས་བཟླས་སོ། །དེ་ནས་བཟླས་པ་དང་། རྩ་བའི་ཕྱག་རྒྱ་གསུམ་བཅས་ལ་བསྒྲུབ་པར་བྱའོ། །བདག་གིས་གྲངས་དེ་རྫོགས་པ་དང་། ཆུ་མིག་ཀླུ་ཡོད་ངེས་པའི་ནང་དུ་བཅུག་ལ། སྔགས་འདི་བཟླས་སོ། །ཨཱོཾ་མ་ཧཱ་དཾཥྚྲོཊྐ་ཊ་བྷཻ་ར་བཱ་ཡ། ཨ་ར་ནེ་ཛ་ན་ག་ཏ་ཁཱ་ཧི། ཆེ་གེ་མོ་དུས་དུས་ཞེས་བཟླས་སོ། །རྡོ་རྗེ་གཟིར་གནོན་ཕྱག་རྒྱ་བཅས་ལ། འཛབ་གྲངས་མ་ནོར་བར་བྱས་ལ་ལས་བཅོལ་ལོ། །དེ་ནས་ཡང་རིགས་ལྔ་སྤྱིའི་ཕྱག་རྒྱ་བཅས་ལ། ཨཱོཾ་ཡ་མ་རཱ་ཙ་པཉྩ་ཏ་ཧཱུཾ། ཨཱོཾ་ཏྲིང་ཏྲིང་ཨ་ལཾ་ལཾ་བཾ་སྟྭཾ་བྷ་ཡ་ཧཱུཾ་ཕཊ། དེ་ནས་ཉི་མ་གསུམ་པ་ལ། རྡོ་རྗེ་དབྱུག་ཏོའི་ཕྱག་རྒྱ་བཅས་ལ་བརྡེག་གོ། །ཨཱོཾ་ཡ་མ་རཱ་ཙ་ཧྲཱྀཿཤྟྲཱིཿདུན་དུན་ཁ་ཁ་ནུ་
ཏ་ར་ཁྲན་ཏ་ར་རོ་ཧ་ཧཱུྃ་ཕཊ། དེ་ནས་ཉིན་ཞག་བཞི་པ་དང་ལྔ་པ་ལ་སྔགས་འདི་བཟླས་སོ། །་ཡ་མ་རཱ་ཙ་སྨྲེ་ཏེ་གུང་གུང་ཏྲཾ་ཏྲཾ་ཕཊ་ས་རི་རེ་ན་ཧཱུྃ་ཕཊ། ཅེས་ཐལ་མོ་སྦྱར་ལ་སྟོང་རྩ་གཅིག་བཟླས་ཤིང་བསྐོར་བར་བྱའོ། །དེ་ཡི་ལྷ་ནི་འདི་བསྐྱེད་དོ། །གཉེན་པོ་སྟོབས་ཀྱིས་བསྒོམ་པར་བྱ། །ཞེས་བྱ་སྟེ། ་ཨཱཿཧཱུྃ་ཞེས་བརྗོད་པས་ནི། །་ནི་དཔྲལ་བའི་སྟེང་དུ་དམིགས། །ཨཱཿནི་ལྕེ་ཡི་སྟེང་དུའོ། །ཧཱུྃ་ནི་ཐུགས་ཀ་ཉིད་དུ་བསྒོམ། །འོད་ཟེར་དག་ནི་རྣམ་འཕྲོས་ཏེ། །བདག་ལུས་ནམ་མཁའ་འདྲ་བར་འགྱུར། །ཕཊ་ཅེས་དེ་བཞིན་བརྗོད་པ་ནི། །འཇིག་རྟེན་ཁམས་ནི་འོད་ཀྱིས་ཁེངས། །འཇིག་རྟེན་བསྲེག་པ་མ་ཡིན་ཏེ། །འོད་ཀྱི་ཡེ་ཤེས་མེ་ལྟར་འབར། །གཅིག་གི་སྟོང་ཉིད་གང་ཡིན་པ། །ཀུན་གྱི་སྟོང་ཉིད་དེ་ཡིན་ནོ། །ཇི་ལྟར་མཁའ་ལ་འཇའ་ཚོན་སྣང་བ་ཡང་། །ནམ་མཁའི་ངང་དུ་རོ་གཅིག་མཉམ། །ཆུ་ཟླའི་དཀྱིལ་འཁོར་ཇི་བཞིན་དུ། །སྒྱུ་མ་ཇི་བཞིན་སེམས་ཉིད་དེ་དང་འདྲ། །དངོས་དང་དངོས་པོ་མཚན་མ་མི་དམིགས་པ། །ཆོས་ཉིད་ངང་དུ་དབྱེར་མེད་མཉམ། །ཡོད་དེ་ཡོད་པ་མ་ཡིན་ཏེ། །གཟུགས་དང་ཁ་དོག་ཡུལ་ལས་འདས། །མེད་དེ་མེད་པ་མ་ཡིན་ཏེ། །སྟོང་པ་ཉིད་ལས་ཆོ་འཕྲུལ་འབྱུང་། །རྟོག་མེད་དཔྱོད་དང་བྲལ་བས་སྟོང་ཉིད་དབྱིངས། །དམིགས་མེད་མཁའ་དང་མཉམ་པས་བྱང་ཆུབ་སེམས། །དེ་ལྟར་སེམས་ཉིད་གཏན་ལ་ཕབ། །ཆོས་ཀྱི་དབྱིངས་དང་གཉིས་མེད་བསྒོམ། །དེ་བཞིན་ཉིད་དང་ཀུན་ཏུ་སྣང་། །རྒྱུ་ཉིད་ཧཱུྃ་དུ་གྱུར་པ་ལས། །སྤྲོ་བསྡུ་ཚུལ་བཞིན་བྱས་ནས་ནི། །ཨོཾ་ཨ་མྲྀ་ཏ་ཧ་ཀ་ཞེས་བརྗོད་པས། ཉོན་མོངས་མཐར་བྱེད་གཤིན་རྗེ་གཤེད། །སྐུ་ནི་ལྷག་གིས་བསྐྱེད་ལ་བསྒོམ། །དབུ་གསུམ་ཕྱག་དྲུག་མདོག་དམར་ནག །རིན་པོ་ཆེ་ཡི་དྲ་བས་བརྒྱན། །དབུ་སྐྲ་ཁམ་ནག་གྱེན་དུ་འཁྱིལ། །ཞལ་གཡས་མཐིང་ནག་གཡོན་ལྗང་ནག །དབུས་ནི་སྐུ་དང་མཐུན་ཏེ་དམར་ནག་གོ། །
དེ་ལ་ཕྱག་གཡས་ཀྱི་དང་པོ་ན། པྲོ་ད་ཨཉྫ་ན་ཡི་ཞགས་པ་བསྣམས་པ། བར་མ་ན་འཁོར་ལོ། ཐ་མ་ན་ཞིང་གི་དབྱུག་པ། གཡོན་བྷནྡྷ་ལྕང་ལོ་ཅན་རཀྟས་བཀང་བ། བར་མ་ན་ཞིང་གི་སྙིང་ཟ་བ། ཐ་མ་རྡོ་རྗེ་ཁ་ཊྭཱཾ་ག་བསྣམས་པ། ཞབས་བརྐྱང་བསྐུམ་དུ་བཞུགས་པ། ཡུམ་ཡང་གཡོན་དུ་བསྐྱེད་དོ། །དེ་ལྟར་བསྒོམ་པའི་རིམ་པ་བསྟན་ནས། དཀྱིལ་འཁོར་ཡང་རིན་པོ་ཆེའི་དྲ་བ་ལྟ་བུར་བྱའོ། །དྲ་བའི་མིག་བདུན་ནས། རིན་པོ་ཆེའི་མིག་བདུན་དུ་བལྟས་བར་བྲི། མཐའ་མ་ལ་སྦྲུལ་གྱི་ཞགས་པས་བསྐོར། དཀྱིལ་འཁོར་གྱི་དབུས་སུ་མུ་ཁྱུད་ཟླུམ་པོ་བྲི། དེའི་སྟེང་དུ་རྫས་དང་ག་བུ་བཞག་ལ། ཕྲིན་ལས་གཞུང་བཞིན་དུ་བསྒྲུབ་ན། དམིགས་པ་ཞག་ཉི་ཤུ་རྩ་ལྔ་ན་དབང་དུ་འགྱུར་རོ། །དེ་ནས་བདུད་རྩི་འཁྱིལ་པ་དྲ་བའི་ལེའུ་བསྟན་པའོ། །དེ་ནས་ཀླུའི་ཕྲིན་ལས་བསྟན་ཏེ། དཀྱིལ་འཁོར་ཟླུམ་པོ་གཅིག་བྱས་ཏེ། སྒོ་ལྷོ་ནུབ་ཏུ་བསྟན་པ་དེའི་སྟེང་དུ། མུ་མུ་ཧེ་ཧེ་ཡི་གེ་བཅུ་བདུན་བྲིའོ། །དེའི་དབུས་སུ་སྦྲུལ་ཁ་གདངས་པ་འཁྱུག་པར་བྲི། སྦྲུལ་གྱི་ཁར་དགྲའི་གཟུགས་བྲིས་ལ། བདག་ཉིད་ཀླུ་ནག་པོར་བསྒོམ། ཀླུའི་ཕྱག་རྒྱ་བཅས་ལ། སྔགས་འདི་བཟླས་སོ། །་བཛྲ་ནཱ་ག་ཏ་ཏྲཾ་ཏྲཾ། ་བཛྲ་ནཱ་ག་ཏ་ཡཾ་ཡཾ། ནཱ་ག་གི་ཏེ་པྲ་མ་ར་སྟ་ན་ཆེ་གེ་མོ་གླེ་ཁ་ཧཱུྃ་ཕཊ། ཞེས་ཕྱག་རྒྱ་གཟུགས་ལ་བརྡེག་གོ། །དེ་ནས་ཉིན་ཞག་ཉི་ཤུ་རྩ་ལྔར་བསྒྲུབས་ཏེ། ཕྱག་རྒྱ་མཐུན། སྔགས་ལ། ཨཱོཾ་བཛྲ་ནཱ་ག་ཏ་ཏྲཾ་ཏྲཾ། ཨཱོཾ་བཛྲ་ནཱ་ག་ཏ་ཡཾ་ཡཾ། ་བཛྲ་ནཱ་ག་ཏ་རིང་རིང་། ཨཱོཾ་བཛྲ་ནཱ་ག་ཏ་ཧཱུྃ་ཧཱུྃ། བདུན་ཚོ་བར་པ་ལ་འདི་བཟླས་སོ། །་བཛྲ་ནཱ་ག་ཏ་ལཾ་ལཾ། ་བཛྲ་ནཱ་ག་ཏ་ཀྲཾ་ཀྲཾ། ་བཛྲ་ནཱ་ག་ཏ་ཕཊ་ཕཊ། ཨོཾ་བཛྲ་ནཱ་ག་ཏ་སྭཱ་ཧཱ། དེ་ནས་བདུན་ཚོ་ཐ་མ་ལ་འདི་བཟླས་སོ། །ཨཱོཾ་བཛྲ་ཀཱ་མ་ཡ་ད་དུ་ནཱ་ག་ཏ། ཁ་བླང་པྲ་མ་རྡ་ནཱ་ག་ཀ་ལེ་ལེ། ཁ་ལེ་ལེ། མཱ་ར་ཡ་ཕཊ། དེ་ལྟར་འཛབ་གྲངས་ཚང་ནས། དམ་རྫས་ཆུ་མིག་ཏུ་སྦས་ཏེ་ཀླུ་ལ་གཏད་ན། སྙིང་ཚབ་འབར་བའི་ནད་ཀྱིས་ཐེབས་ཏེ། བདག་གི་དབང་དུ་གྱུར་ཏོ། །
མན་ངག་ལྟ་བ་ཕྲིན་ལས་གཉིས་ཀྱི་ལེའུ་སྟེ་བཅུ་བདུན་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱིས་འགྲོ་བ་མ་ལུས་པའི་དོན་དུ། ཕྲིན་ལས་ཀྱི་རྣམ་པ་བསམ་གྱིས་མི་ཁྱབ་པ་ཅིག་བཀའ་སྩལ་ན་ཡང་། སྟོན་པ་ཀུན་ཏུ་བཟང་པོ་དང་། སངས་རྒྱས་བཅོམ་ལྡན་འདས་རྣམས་ཀྱི་ཐུགས་དཔལ་གྱི་བེའུ་ནས་དགོངས་ཏེ། ཕྲིན་ལས་ཉིང་ཁུ་འདི་གསུངས་སོ། །ཐེག་པ་གསུམ་གྱི་ངེས་འབྱུང་ལ། །ཐེག་པ་གཅིག་གི་འབྲས་བུར་གནས། །ཇི་སྙེད་སངས་རྒྱས་ཐམས་ཅད་ཀྱི། །ཕྲིན་ལས་རྨད་ཆེན་ཅི་གསུངས་པ། །གཅིག་ཏུ་གསུངས་པའི་དོན་འདིར་འདུས། །ཡང་དག་ཕྲིན་ལས་དོན་ཆེན་འདི། །རྫོགས་པ་ཆེན་པོའི་དོན་དུ་བཀའ་སྩལ་ཏོ། །དཀྱིལ་འཁོར་པདྨ་འདབ་བརྒྱད་ལ། །མུ་ཁྱུད་ཟླུམ་པོ་གཅིག་བྱས་ལ། །ཐོད་རློན་ཕྲེང་བ་དགོད་པར་བྱ། །དེ་ཡི་ཕྱི་རིམ་མུ་ཁྱུད་ལ། །རིན་ཆེན་ཕྲེང་བ་དགོད་པར་བྱ། །དེ་ཡི་ཕྱི་རིམ་མུ་ཁྱུད་ལ། །ཕུར་པ་ལྔ་བཅུ་རྩ་བརྒྱད་ཀྱིས། །དཀྱིལ་འཁོར་དེ་ལ་བསྐོར་བར་བྱ། །དར་གྱི་ཅོད་པན་རེ་རེས་བརྒྱན། །དཀྱིལ་འཁོར་དབུས་ཀྱི་ལྟེ་བ་ལ། །ཨེ་ནི་གྲུ་གསུམ་བརྩེག་པར་བྱ། །ཞེས་གསུངས་ཏེ། དེའི་སྟེང་དུ་དགྲ་བོའི་རྐང་རྗེས་ཀྱི་ས་དང་། ཁྲག་ཆེན་དང་། གུ་གུལ་ནག་པོ་བཀུས་པའི་ཁུ་བས་བརྫིས་པ་ལ། དགྲ་བོའི་གཟུགས་བྱས་ལ། བྷནྡྷ་གཅིག་གི་ཕྱི་རོལ་ཏུ། གི་ཝང་གིས་འཁོར་ལོ་རྩིབས་བརྒྱད་པ་གཅིག་བྲིས། བྷནྡྷ་གཅིག་གི་ཕྱི་རོལ་དུ་པདྨའི་རཀྟས་པདྨ་འདབ་མ་བརྒྱད་པ་བྲིས་ལ། དེར་བཅུག་ལ་ཁ་སྦྱར་ནས། དོག་པ་དམར་པོས་རྒྱ་གྲམ་དུ་བཅིང་ངོ་། །ཕྱི་རོལ་གྱི་པདྨ་འདབ་མ་བརྒྱད་ལ་ཕྱོགས་བཞིར་ཧཱུྃ་དམར་པོ་བཞི་དགོད། མཚམས་བཞིར་ཕཊ་བཞི་དགོད། སྒོ་བཞིར་ཕུར་པ་དམར་པོ་བཞི་དགོད། །དེ་ནས་ཏིང་འཛིན་རིམ་གྱིས་ནི། །གནོད་སྦྱིན་མཐར་བྱེད་བསྒོམ་ནས་ནི། །བསྐྱེད་པའི་སྔགས་ནི་འདི་བརྗོད་དོ། །ཨོཾ་བཛྲ་ཡཀྴ་ཡ་མ་རཱ་ཛ་ཡ་ན་ཧཱུྃ། དེ་ནས་དཀྱིལ་འཁོར་བྱིན་གྱིས་བརླབ་པའི་
སྙིང་པོ་འདི་ལན་ཉི་ཤུ་རྩ་གཅིག་ཏུ་བཟླས་སོ། །་ཧཱུྃ་ཡཾ་ཡཾ་ཁཾ་མེ་ཏྲ་ཧ་མུ་ཁ་ཧྲཱྀཿཤྟྲཱིཿཡ་མ་རཱ་ཙ་ཕཊ། དེ་ནས་ཟིལ་གྱིས་གནོན་པའི་ཕྱག་རྒྱས། ལན་ཉི་ཤུ་རྩ་གཅིག་གི་བར་དུ་དཀྱིལ་འཁོར་བསྐོར་ཞིང་། ཕྱག་རྒྱས་བྱིན་གྱིས་བརླབ་བོ། །དེ་ནས་ནུབ་ཕྱོགས་སུ་ཁ་བལྟས་ཏེ། གནོད་སྦྱིན་མཐར་བྱེད་ཀྱི་སྐུར་བསྒོམ་ནས། ཧོམ་ཐབ་ཨེ་གྲུ་གསུམ་གྱི་ནང་དུ། ཤུག་དུད་ཀྱི་མེ་སྦར་ཞིང་། གུ་གུལ་ནག་པོས་བདུག །དེའི་སྟེང་དུ་ཀ་པཱ་ལ་འཁོར་ལོ་བྲིས་པ་བཞག་ལ། སྔགས་འདི་ཉི་ཤུ་རྩ་གཅིག་བཟླས་ཤིང་ཕྱག་རྒྱས་བརྡེག་གོ། །་བཛྲ་མི་དྲུཾ་ཧྲཱྀཿཤྟྲཱིཿབཛྲ་ནན། དེ་ནས་བསྲེག་པའི་ཐལ་བ་རླུང་ལ་འཕྱར། དམིགས་པ་ཁྲག་ནད་ཀྱིས་བཏབ་ནས་མཐའ་མ་བརླག་པར་འགྱུར་རོ། །གཤིན་རྗེ་ནག་པོའི་ཏནྟྲ་ལས། གནོད་སྦྱིན་མཐར་བྱེད་ཀྱི་ཐུགས་ཡེ་ཤེས་ཕྲིན་ལས་སུ་བསྟན་པའི་ལེའུ་སྟེ་བཅྭ་བརྒྱད་པའོ།། །།དེ་ནས་སྲིན་པོ་མཐར་བྱེད་ཀྱི་ཕྲིན་ལས་བསྟན་ཏེ། དཀྱིལ་འཁོར་གྲུ་བཞི་གློ་འབུར་ཅན་དུ་བྲིས་ལ། དབུས་སུ་ཧཱུྃ། ཤར་དུ་ཡ། ལྷོ་སྒོར་ཧ། ནུབ་སྒོར་དྷི། བྱང་སྒོར་མེ། གློ་འབུར་བཞི་ལ་སྦྲུལ་བཞི་བྲི། མཐའ་མ་མུ་ཁྱུད་ཟླུམ་པོ་ལ། སྦྲུལ་གྱི་རྒྱ་བདུན་གྱིས་བསྐོར་བར་བྲི། དཀྱིལ་འཁོར་དབུས་སུ་དམིགས་པའི་ལིངྒ་བཞག་ལ། ཁྲག་ཆེན་གྱིས་བྱུག །རྐང་ལག་བཞིར་ཙནྡན་དམར་པོའི་ཕུར་པ་བཏབ་ལ། འཁོར་ལོའི་ཕྱག་རྒྱ་བཅིངས་ལ། སྙིང་པོ་འདི་ཉིན་ཞག་གསུམ་དུ་བཟླས་ཤིང་བརྡེག་གོ། །ཨཱོཾ་བཛྲ་ཙཀྲ་ཧྲཱྀཿཤྟྲཱིཿམུ་ཏྲ་མུ་ཏྲ་ཁ་ཏ་ཁ་ཏ་ཀྱི་མ་རུ་ཏ། ཏྲུ་གང་ཕྲ་བ་ཁ་ཏ་ཡ་མ་རཱ་ཙ་ཆེ་གེ་མོ་མཱ་ར་ཡ་ཁ་ན་ཁ་ཏ། ཉིན་ཞག་གསུམ་རྫོགས་པ་དང་། བྱ་ཁྱུང་གི་ཏིང་ངེ་འཛིན་དུ་ཞུགས་ལ། སྔགས་འདི་ཡང་བརྗོད་དོ། །་ག་རུ་ཊ་བཛྲ་ཡ་མ་རཱ་ཙ། པར་པ་ཏ་ཀ་ར་ཛ་ན་ཛྭ་ལ་རཾ་ཁཱ་ཧི་ཧཱུྃ་ཁཱ་ཧི་ཧཱུྃ་ཕཊ། དེ་ནས་དགྲའི་གཟུགས་རྡུལ་ཚོན་གྱིས་དང་བཅས་ནས། ཀླུ་ཡོད་ངེས་པའི་ཆུ་མིག་གམ། ལམ་སྲང་བཞི་མདོའམ། དམངས་རིགས་ཀྱི་དུར་ཁྲོད་དམ། ལྷ་འདྲེ་གཉན་
པོ་ཡོད་ངེས་པའི་གནས་ཁང་གང་རུང་བ་གཅིག་ཏུ་མནན་ནོ། །བདེན་པ་བརྡར་ནས་ལས་བཅོལ་ན་དགྲ་བོ་རབས་ཆད་པར་འགྱུར་རོ། །གཤིན་རྗེ་ནག་པོའི་རྒྱུད་ལས། སྲིན་པོ་མཐར་བྱེད་ཀྱི་ཕྲིན་ལས་བསྟན་པའི་ལེའུ་སྟེ་བཅུ་དགུ་པའོ།། །།འདི་ནས་མར་སྲིན་མོ་བདུན་གྱི་ཕྲིན་ལས་བསྟན་ཏེ། དཀྱིལ་འཁོར་འཁོར་ལོ་བདུན་པ་གཅིག་བྲིས་ལ། དེའི་སྟེང་དུ་བྷནྡྷ་ལྕང་ལོ་ཅན་གཅིག་དགོད། བྷནྡྷའི་ནང་དུ་སྲིན་མོ་བདུན་གྱི་གཟུགས་ཁྲག་སྣ་གསུམ་གྱིས་བྲིས་ལ། དེའི་ནང་དུ་དགྲ་བོའི་གཟུགས་བྲིས་པ་གཞུག །དེ་ནས་བདག་ཉིད་ཡ་མ་རཱ་ཛ། ཞལ་གཅིག་ཕྱག་གཉིས་པ། གཡོན་སྡིགས་མཛུབ། སྐུ་མདོག་སྟང་ཟིལ་ལྟར་གནག་པ་མ་ཧེ་ལ་ཞོན་པར་བསྒོམས་ལ། སྲིན་མོ་བདུན་ནི་མདོག་དམར་ལ་ཡན་ལག་རགས་པ། ཁ་དམར་བ། མཆེ་བ་དམར་བ། རལ་པ་ཁམ་ནག་སྐེད་སོར་སླེབ་པ། གཡས་ཐམས་ཅད་ན་རྒྱུ་ཞགས་རཀྟས་བཀང་བ་བསྣམས་པ། གཡོན་བྷནྡྷ་རཀྟ་དམར་གྱིས་བཀང་ནས་འཐུང་བ། རྐང་ལག་བཞི་ལ་རུས་ཆེན་གྱི་ཕྲེང་བས་བརྒྱན་པ། ལུས་ལ་གླང་པོ་ཆེའི་ཀོ་རློན་གོན་པ། ཤིན་ཏུ་རྔམ་རྔམ་འདྲ་བར་བསམས་ལ། དེ་ནས་ཁྲག་ཆེན་དང་། ཐལ་ཆེན་དང་། གུ་གུལ་བཀུས་པའི་ཁུ་བ་སྦྱར་བ་བསྐམ་བཏགས་པའི་ཕྱེ་མ་ལ་བསྔགས་ཤིང་ཞག་བདུན་དུ་བསྒྲུབ་བོ། །་བཛྲ་ར་ཁྲ་སི་རི་ནན་ཆེ་གེ་མོ་ཁཱ་ཧི། ་བཛྲ་ཡ་ཏྲ་སི་རི་ནན་ཆེ་གེ་མོ་ཁཱ་ཧི། ་བཛྲ་མ་ཏང་སི་རི་ནན་ཆེ་གེ་མོ་ཁཱ་ཧི། ཨཱོཾ་བཛྲ་ཁ་ཐང་སི་རི་ནན་ཆེ་གེ་མོ་ཁཱ་ཧི། ་བཛྲ་ཨ་ཀ་ར་སི་རི་ནན་ཆེ་གེ་མོ་ཁཱ་ཧི། ཨཱོཾ་བཛྲ་མུ་ཏིང་སི་རི་ནན་ཆེ་གེ་མོ་ཁཱ་ཧི། ཨཱོཾ་བཛྲ་མུ་ཏང་སི་རི་ནན་ཆེ་གེ་མོ་ཁཱ་ཧི་ཞེས་ཉིན་ཞག་བདུན་གྱི་བར་དུ་སྟོང་རྩ་གཅིག་བཟླས་ཤིང་ཕྲིན་ལས་བྱའོ། །དེ་ནས་བདག་གི་མགོ་བོ་ལ། བྷནྡྷ་ལྕང་ལོ་ཅན་གྱིས་བརྒྱན་ཏེ། སྐྲ་དང་། ཁ་སྤུ་དང་། རྐང་ལག་གི་མཁྲིག་མ་ཐམས་ཅད་ཁྲག་ཆེན་གྱིས་བསྐུས་ལ། ཤར་ནས་ནུབ་ཏུ་བལྟས་ལ། སྔགས་འདི་ཞག་གསུམ་གྱི་
བར་དུ་མ་ཡེངས་པར་གདབ་བོ། །་ཁཾ་ཁཾ་པྲ་ཀུ། མུ་ནེ་བོ་པྲ་བོ་ཐ། ཨེ་ཁྲི་མུ་ཧ་པྲ་མ་མན། ཨི་ཁི་སྭཱ་ཧཱ། དེ་ནས་དགྲ་བོའི་གཟུགས་བྷནྡྷ་ནས་ཕྱུང་ལ། སྔོ་དམར་གཅིག་གིས་གྲིལ་ཏེ། དམར་གྱི་གཏོར་མ་བྱས་ལ། སྲིན་མོ་བདུན་བསྐུལ་ཏེ་ལས་བཅོལ་བ་འདི་སྐད་དོ། །་བཛྲས་མུ་ར། བཱར་ཐ་ག་ས་ཕྲ་བྷ་ཏེ། ཏྲཾ་ཁཾ་ཏྲ་མ་ཨེ་ས་ར་ཨཱིཾ་ཨཱིཾ་བ་དྷ་མ་ཧཱུྃ་ཆེ་གེ་མོ་མཱ་ར་ཡ་ཕཊ། ཅེས་བརྒྱ་རྩ་གཅིག་ཏུ་བཟླས་ན་དགྲ་དབང་དུ་འདུ་ངེས་སོ། །གཤིན་རྗེ་ནག་པོའི་རྒྱུད་ལས། སྲིན་མོ་བདུན་གྱི་ཕྲིན་ལས་བསྟན་པའི་ལེའུ་སྟེ་ཉི་ཤུ་པའོ།། །།དེ་ནས་ཁྲོ་བོ་གཤིན་རྗེའི་གཤེད་ཀྱི་རྩ་བའི་ཕྲིན་ལས་ཀྱི་དཀྱིལ་འཁོར་བསྡུས་ནས་བསྟན་ཏེ། དཀྱིལ་འཁོར་གྱི་གོ་རིམ་རྩ་བའི་དཀྱིལ་འཁོར་དང་མཐུན། ཐུབ་པ་དྲུག་གི་སྒོ་གཅོད་པ་དང་། བགེགས་མཐར་བྱེད་ཀྱི་དཀྱིལ་འཁོར་གྱི་ཕྲིན་ལས་བསྟན་པ་དང་། ལོག་འདྲེན་མཐར་བྱེད་ཀྱི་དཀྱིལ་འཁོར་གྱི་ཕྲིན་ལས་བསྟན་པ་དང་། དམྱལ་བ་མཐར་བྱེད་ཀྱི་དཀྱིལ་འཁོར་གྱི་ཕྲིན་ལས་བསྟན་པ་དང་། ཡི་དྭགས་མཐར་བྱེད་ཀྱི་དཀྱིལ་འཁོར་གྱི་ཕྲིན་ལས་བསྟན་པ་དང་། བྱོལ་སོང་མཐར་བྱེད་ཀྱི་དཀྱིལ་འཁོར་གྱི་ཕྲིན་ལས་བསྟན་པ་དང་། ཀླུ་མཐར་བྱེད་ཀྱི་དཀྱིལ་འཁོར་གྱི་ཕྲིན་ལས་བསྟན་པ་དང་། གནོད་སྦྱིན་མཐར་བྱེད་ཀྱི་དཀྱིལ་འཁོར་གྱི་ཕྲིན་ལས་བསྟན་པ་དང་། སྲིན་པོ་མཐར་བྱེད་ཀྱི་དཀྱིལ་འཁོར་གྱི་ཕྲིན་ལས་བསྟན་པ་དང་། དམ་སྲི་མཐར་བྱེད་ཀྱི་དཀྱིལ་འཁོར་གྱི་ཕྲིན་ལས་བསྟན་པ་དང་དགུའོ། །གཤིན་རྗེ་ནག་པོའི་རྒྱུད་ལས། མཐར་བྱེད་ཀྱི་དཀྱིལ་འཁོར་གྱི་ཕྲིན་ལས་བསྡུས་པའི་ལེའུ་སྟེ་ཉི་ཤུ་རྩ་གཅིག་པའོ།། །།འདི་ནས་མར་བྱོལ་སོང་མཐར་བྱེད་ཀྱི་ཐབས་བཅོ་བརྒྱད་ཀྱི་ཕྲིན་ལས་བསྟན་ཏེ། གླང་པོ་དག་གི་རྒྱབ་ཏུ་ནི། །དགྲ་བོ་དག་གི་གཟུགས་བཀལ་ནས། །གན་རྐྱལ་ཕྱི་རྒན་བཞག་པར་བྱ། །དེའི་སྟེང་དུ་གཤིན་རྗེ་དགོད། །ཞག་བདུན་བར་དུ་བཟླས་པ་འདིའོ། །ཨཱོཾ་བཛྲ་ན་མ་བྷནྡྷ་ས་ཧེ་དང་པྲ་བ་ད་རི་ཧཱུྃ་ཧཱུྃ་ཕཊ་ཕཊ།
ཡ་མཱནྟ་ཀ་བཛྲ་ཡ་མ་རཱ་ཙ། ཆེ་གེ་མོ་ཙི་ཏ་མང་བྷྱོ་དུན་བྷྱོ། མགོ་རུ་མ་ལ་དུན་བྷྱོ། མེ་ས་མ་ལ་དུན་བྷྱོ། ཞེས་བཟླས་ཏེ། ཕྲིན་ལས་ལ་བརྩོན་པར་བྱའོ། །དེ་ནས་རྫུ་འཕྲུལ་རྟའི་ཐོག་ཏུ་བྱ་བ་ནི། བཀལ་བ་སྔ་མ་དེ་བཞིན་ཏེ། དེའི་སྟེང་དུ་དགོད་པ་ནི། །ཡུམ་ནི་ཀྲོ་ཏ་མགྲིན་སྔོན་ནོ། །ཞག་བདུན་བར་དུ་བཟླས་པ་འདིའོ། །ཨཱོཾ་ཡ་མཱནྟ་ཀ་ཀྲོ་ཏི་བ་ར་ག་པུ་ཡ་ཏཾ་ཧེ། ཆེ་གེ་མོ་བེ་ཏཱ་ལཱི་དུན་བྷྱོ། ཧཱུྃ་གྷོ་ར་ཏ་བྷྱོ། མ་མ་མ་ཏིང་མ་བྷྱོ། ཞེས་ཡེངས་པ་མེད་པར་བྱའོ། །ལྐུགས་པར་ལུག་རྒྱབ་ཏུ་བྱ་བ་ནི། །ལོག་འདྲེན་མཐར་བྱེད་ཡབ་ཡུམ་གཉིས། །ཞག་བདུན་པར་དུ་བྱ་བ་མཐུན། །སྔགས་འདི་ཡེངས་པ་མེད་པར་བཟླས། །་བཛྲ་བྷུ་ཧུ་ཏ་མང་ག་ལ་འབུ་ཧུ་ཏ་ཕྱེ་སི་པར་ན་ཏ་དུན་བྷྱོ། སྲིན་མོ་བྱི་ལའི་རྒྱབ་ཏུ་བྱ་བ་ནི། །དམྱལ་བ་མཐར་བྱེད་ཡབ་ཡུམ་གཉིས། །གཟུགས་དང་བཟླས་པ་སྔ་མ་བཞིན། །ཨཱོཾ་བཛྲ་ནཱ་ར་ག་ཡ་ཡུམ་མ་བྷྱོ། མ་ཏི་ས་ཛ་ཙ་ཏུ་བྷྱོ། རྔ་མོ་མ་ཧེའི་ཐོག་ཏུ་བྱ་བ་ནི། །བྱོལ་སོང་མཐར་བྱེད་གཤིན་རྗེ་ཡབ་ཡུམ་གཉིས། །གཟུགས་དང་བཟླས་པ་སྔ་མ་བཞིན། །་བཛྲ་པྲ་ཏ་སྭ་ཏྭ་ན་ཀརྨ་ཏ་ཊ་པ་ཆེ་གེ་མོ་བྷྱོ། ཁྲ་དང་འུག་པའི་རྒྱབ་ཏུ་བྱ་བ་ནི། །ཀླུ་རྣམས་མཐར་བྱེད་གཤིན་རྗེ་ཡབ་ཡུམ་གཉིས། །གཟུགས་དང་བཟླས་པ་གོང་མ་བཞིན། །ཨཱོཾ་བཛྲ་ནཱ་ག་ཏ་དྷི་ཡཾ་ཐ་ར་ར་དུཀ་བྷྱོ་ཆེ་གེ་མོ་ལ་བྷྱོ། གཡག་དང་སྤྱང་ཀུའི་རྒྱབ་ཏུ་བྱ་བ་ནི། །དམ་སྲི་མཐར་བྱེད་གཤིན་རྗེ་ཡབ་ཡུམ་གཉིས། །གཟུགས་དང་བཟླས་པ་སྔ་མ་བཞིན། །་བཛྲ་ཡ་ཁྲ་མནྟ་ས་ཁྲ་ཛ་བ་ཆེ་གེ་མོ་ལ་བྷྱོ། རི་བོང་བྱན་ལག་རྒྱབ་ཏུ་བྱ་བ་ནི། །སྲིན་པོ་མཐར་བྱེད་གཤིན་རྗེ་ཡབ་ཡུམ་གཉིས། །གཟུགས་དང་བཟླས་པ་སྔ་མ་བཞིན། །ཨཱོཾ་བཛྲ་མ་ཧཱ་ར་ཁ་ཧཱུྃ་ཧཱུྃ་ཛ་ཛ་ཨ་ཏྲི་ས་ཛ་ཧཱུྃ་ཆེ་གེ་མོ་ལ་བྷྱོ། སྦྲུལ་དང་བྱི་འུའི་རྒྱབ་ཏུ་བྱ་བ་ནི། །དམ་སྲི་མཐར་བྱེད་གཤིན་རྗེ་ཡབ་ཡུམ་གཉིས། །གཟུགས་དང་བཟླས་པ་སྔ་མ་བཞིན། །ཞག་བདུན་བར་དུ་བསྒྲུབ་པར་བྱའོ། །ཨཱོཾ་བཛྲ་ཨ་ནྲྀ་པ་ཏྲ་གྱི་མི་རུ་ཏྲ་ཧཱུྃ་ཧཱུྃ་ཛ་ཛ་བྷྱོ་ཆེ་གེ་མོ་བྷྱོ།
ནན་ཏན་དུ་ནི་དེ་བཞིན་བྱའོ། །འཇམ་དཔལ་གཤིན་རྗེ་ནག་པོའི་རྒྱུད་ལས། རྩ་བའི་དཀྱིལ་འཁོར་བྱེ་བྲག་ཏུ་དབྱེ་བའི་ལེའུ་སྟེ་ཉི་ཤུ་རྩ་གཉིས་པའོ།། །།དེ་ནས་མགོན་པོ་གཤིན་རྗེ་གཤེད་ཀྱིས། ཕྲིན་ལས་ཡ་མ་རཱ་ཙའི་ཁ་ཐུན་ནག་པོ་འདི་གསུངས་སོ། །དང་པོར་སྔགས་པ་བདག་ཉིད་ཁྲོ་བོ་གཤིན་རྗེའི་གཤེད་ཀྱི་ཆ་ལུགས་སུ་ཞུགས་ལ། ་ཡ་མཱནྟ་ཀ་ཛ། ཡ་མ་རཱ་ཙ་ཧཱུྃ་ཞེས་བརྗོད་པས། ཁྲོ་བོ་གཤིན་རྗེའི་གཤེད་ཀྱི་སྐུར་གསལ་བའི་ཐུགས་ཀ་ནས། འཇིགས་བྱེད་ཡ་མ་རཱ་ཙ་ཛར་གྱིས་ཕྱུང་སྟེ། མདུན་ན་སྐུ་ཆེ་བ་ལ་ཡན་ལག་རགས་པ། སྐུ་མདོག་སྨུག་ནག་བསམ་གྱིས་མི་ཁྱབ་པ་ཞིག་འཇིག་རྟེན་གྱི་ཁམས་སུ་འཕྲོས་པས། ཐམས་ཅད་ཡ་མ་རཱ་ཙས་གང་བར་བསྒོམ་མོ། །དེས་གང་ལ་བྱ་བ་དབང་དུ་འདུས་ནས། སླར་ཡ་མཱནྟ་ཀའི་མདུན་ན། འཇོམས་བྱེད་ཆེན་པོ་བཀའ་ཅི་སྩལ། གང་བསྒོ་བ་བསྒྲུབ་པར་བགྱིའོ་ཞེས་འཁོད་པ་ལ། ལས་སུ་བྱ་བའི་གཉེར་བསྒོའོ། །དེ་ནས་རྨད་དུ་བྱུང་བའི་གཏོར་མ་ཆ་གཅིག་གི་ནང་དུ། བྱི་ལའི་གཅིན། བྱི་ལའི་ཚང་། སྨུག་ཆེན། སྨུག་ཆུང་། མིང་རུས་གཏོར་མར་བཅུག་ལ། དུག་དང་མར་བསྲེས་ལ་ལིངྒའི་ཐོག་ཏུ་སྦྲེང་ཞིང་ལས་ཀྱི་གཉེར་གཏད་དོ། །དེ་ཡང་ཟླ་བ་མར་ངོ་གཟའ་སྐར་ངན་པ་ལ་བྱའོ། །དང་པོར་སྐུ་རྒྱན་གཅིག་པར་གསལ་བར་བསྐྱེད་པ་འདི་སྐད་ཅེས་བསྐུལ་ལོ། །ཧཱུཾ་གཏུམ་ཆེན་དྲེགས་པ་ཆེན་པོ་ཐམས་ཅད་འཇོམས་པའི་ལྷ། །དབང་ཆེན་བདུད་འདུལ་དུར་ཁྲོད་ཆས་ཀྱིས་བརྒྱན། །ཁྲོ་རྔམ་གདུག་པས་སྲིད་གསུམ་ཐལ་བར་རློག །སྒྲོལ་བྱེད་སྐུ་མཆོག་མ་མོ་འབངས་སུ་འཁོལ། །སྲིད་པ་གསུམ་ན་ཁྱོད་འདྲ་གཞན་ན་མེད། །ཁམས་གསུམ་སྒྲོལ་བྱེད་ཕྲིན་ལས་དུས་ལ་བབ། །རབ་བརྗིད་གཤིན་རྗེའི་གཤེད་ལ་ཕྱག་འཚལ་ལོ། །ཧཱུྃ་ཡ་མཱནྟ་ཀ་ཛ་ཧཱུྃ་ཛཿ། གཏུམ་ཆེན་རབ་བརྗིད་གཤིན་རྗེ་འཇོམས་མཛད་ལྷ། །ཉི་མ་འབུམ་པས་ལྷག་པའི་འོད་སྟོང་ཕྱོགས་བཅུར་འགྱེད། །གཏུམ་ཆེན་མཚོན་ཆ་མང་པོ་
བསྐལ་པའི་མེ་ལྟར་འབར། །རབ་བརྗིད་གཤིན་རྗེའི་གཤེད་ལ་ཕྱག་འཚལ་ལོ། །་གྷུ་ཧ་ཛྙཱ་ན་མུཾ་ཧཱུཾ། རྡོ་རྗེའི་སྐུ་ལ་ཀླུ་དབང་རབ་བརྒྱན་ཅིང་། །གཅན་གཟན་གདུག་པའི་པགས་རློན་ན་བཟའ་གསོལ། །ཡི་དྭགས་མགོ་བཅད་སྐམ་རློན་ཕྲེང་བས་རྒྱན་དང་ཐོད་དུ་བཅིངས། །ཁྲོ་བོའི་རྒྱལ་པོ་གདོང་དྲུག་ཕྱག་དྲུག་ཧཱུྃ་སྒྲ་ཅན། །ཕཊ་ཀྱིས་ཁམས་གསུམ་དབང་སྡུད་ཞབས་དྲུག་གཤིན་རྗེ་གནོན། །ཨཱོཾ་བྱིན་དུ་ཡ་མན་ཛ་ཡ་ནཾ། བརྐྱང་བསྐུམ་བརྗིད་པས་གཤིན་རྗེ་ཡ་བ་ཏིའི་སྙིང་ག་མནན། །ལྗགས་འདྲིལ་ཚེམས་ཀྱི་གསེབ་ནས་རྡོ་རྗེའི་ཐོག་ཕབ་པས། །འཁོར་གྱི་མ་མོ་རྣམས་ཀྱང་གཅེར་བུར་ཕྱུང་ཞིང་སྔམ་པ་འདོན། །རབ་ཏུ་འདར་ཞིང་དྲེད་ནས་བྲན་དུ་འཁོལ། །ཚམས་རྔམ་ཁྲོ་བོའི་བརྡ་སྐད་སྒྲ་བསྒྲགས་པས། །འཁོར་གྱི་མ་མོ་རྣམས་ཀྱང་འདར་ཅུག་ཅུག །་མུ་ཁ་ལེ་ཁ་དུན་ནན། ཚངས་པ་འཁོར་བཅས་རྔུལ་གྱི་ཐིག་འཛག་ཅིང་། །ལྷ་ཆེན་ཁྱབ་འཇུག་མ་ཧཱ་དེ་བ་གནོན། །ཕྱག་ན་བྷནྡྷ་རློན་པ་རབ་བསྣམས་ཤིང་། །སྙིང་ཁྲག་དཀྲུགས་ཤིང་ཀླད་ཁྲག་ཞལ་དུ་གསོལ། །ཁྱུང་དང་འུག་པ་ལྟ་བུའི་ཁྲ་བསྣམས་ཤིང་། །དམ་ལས་འདས་པ་རྣམས་ལ་གཏོང་བར་མཛད། །་མ་མ་ཁ་དུན་ར་ཙ་ཧཱུྃ་ནན། རྣལ་འབྱོར་བདག་ལ་གདུག་ཅིང་འགལ་བྱེད་པའི། །དགྲ་རྣམས་རབ་ཏུ་འཆིང་ཞིང་ཕུང་བར་མཛད་དུ་གསོལ། །གཤིན་རྗེ་ནག་པོ་ཡ་མ་རཱ་ཙ་གཤིན་རྗེ་ཀུན་གྱི་རྗེ། །གཏན་གྱི་ལྷ་ཡང་ཁྱོད་ལ་གསོལ་འདེབས་ན། །དམིགས་པའི་མགོ་ནས་ཆེམས་ཆེམས་འདེབས་སུ་གསོལ། །ཁྱོད་ཀྱི་སྐུ་དང་ཆ་བྱད་ཅི་འདྲ་མཐོང་བའི་ཚེ། །ནད་གཏོང་སྲིན་པོའི་ཚོགས་རྣམས་འདར་ཞིང་འབྲོས། །ཁྱུང་ཆེན་སྔོན་པོ་མཁའ་ལ་ལྡིང་བ་བཞིན། །ཅི་ལ་བྱ་བ་ཐོགས་པ་མེད་མཁྱེན་པས། །བདག་ལ་གནོད་ཅིང་གདུག་པའི་དགྲ་དང་བགེགས། །ཡུད་ཙམ་གྱིས་ནི་ཐལ་བར་བརླག་ཏུ་གསོལ། །འཇིགས་བྱེད་དེ་ཡི་ཐུགས་དམ་དགྱེས་བསྐུལ་མ། །ཨེ་ཀ་ཙ་ཏི་གུ་ཧྱ་རལ་གཅིག་མ། །མི་ཕམ་ཁྲོ་གཉེར་གཡུ་ཡི་རལ་གཅིག་མ། །རལ་པ་སྤྲུག་
པའི་སྐྲ་གསེབ་རེ་རེ་ནས། །ཁྲོ་ཆུང་ཞལ་གསུམ་ཕྱག་དྲུག་སྟོང་ཁམས་ཁྱབ་པར་འགེངས། །ཀུན་ཀྱང་མི་བཟད་འཇིགས་བྱེད་ལྕགས་ཀྱུ་ཅན། །ལྕགས་ཀྱུ་གཏམས་པས་དམིགས་པའི་སྲོག་རྩ་ལེན། །གང་ལ་བྱ་བ་མ་ཐོགས་ཐལ་བར་རློག །ཕུང་པོ་ཤ་ཁྲག་རུས་པ་ཞལ་དུ་བཞེས། །་ཤྲཱི་ཨ་ཀྲོ་ཏེ་བྱིད་རཱ་ཛ་ཧཱུྃ་ཛཿ། ཧ་ཧེ་དེ་བག་ཛཿཧཱུྃ་བཾ་ཧོཿཕཊ། ་ཡ་མ་རཱ་ཙ་ས་ཏོ་མེ་བྷྱོ་རུ་ལུ་ཆེ་གེ་མོ་ཧཱུྃ་ཕཊ། བཾ་རིལ་རྦད་ནན། ་དུབ་ནུར་དུབ་ནུར་ཆེ་གེ་མོ་ནན། ཚལ་པ་ནན། ་སྙིང་ཤོག་མེ་ཁ་ལ་མུ་ལོ་ཙ་ཐུན་ནན། ཨཱོཾ་སྭ་སྡི་རུ་རུ་གོང་བཀྲ་རཱ་ཙ་ནན། ཆེ་གེ་མོ་མཱ་ར་ཡ་ནན། ཞེས་བསྐུལ་ཞིང་བརྡེག་གོ། །དེ་ནས་སྤྱན་དྲང་བ་ནི། དབུས་ཕྱོགས་མཐིང་ནག་གྲུ་གསུམ་འབར་བའི་དཀྱིལ་འཁོར་ནས། །མཐིང་ནག་ཁམ་ནག་རལ་པ་འཁྱིལ་པའི་ལྷ། །རལ་པ་ཁམ་ནག་གྱེན་དུ་འཁྱིལ་པ་ཡིས། །སུམ་ཅུ་རྩ་གསུམ་ཀུན་ཀྱང་འདར་ཅུག་ཅུག །སྤྱན་མིག་སྡང་དགུ་གྱེན་དུ་བཟློག་པ་ཡིས། །ཕྱོགས་བཅུའི་ཁྲོ་བོ་ཀུན་ཀྱང་གན་བུབ་བསྲེ། །སྨིན་མ་གློག་སྟོང་འོད་དུ་འབར་བ་ཡིས། །སྤྲུལ་པའི་ཕོ་ཉ་མང་པོས་སྲིད་གསུམ་འགེངས། །ཤངས་ནས་རླུང་བྱུང་རྡོ་རྗེའི་འཚུབས་ནག་དྲག་པོ་ཡིས། །ས་གཞི་གཡོ་ཞིང་བར་སྣང་འཁྲུགས་པར་བྱེད། །མཆེ་བ་ཟླ་ཚེས་དཀར་པོ་གཙིགས་པ་ཡིས། །དགྲ་བགེགས་སྲོག་རྩ་དམར་པོ་གཅོད་པར་མཛད། །ཞལ་ནས་ཁྲོ་བོའི་བརྡ་སྐད་ཕྱུང་བ་ཡིས། །ཁམས་གསུམ་སྲིད་གསུམ་འགུལ་ཞིང་ལྡེག་པར་བྱེད། །སྨ་ར་སེར་པོ་འཇིགས་པའི་མེ་སྟག་འཕྲོ། །སྟོང་ཁམས་འོད་ཀྱིས་འགེངས་ཤིང་དགྲ་བོ་བསྲེག །ཕྱག་དྲུག་མཚོན་ཆ་གདུག་པ་མང་པོས་ནི། །གནོད་པའི་དགྲ་བགེགས་མ་ལུས་ཐལ་བར་བརླག །ཐུགས་དམ་བསྐུལ་ལོ་གནས་འདིར་གཤེགས་སུ་གསོལ། །འཇིགས་བྱེད་དེ་ཡི་ཐུགས་དམ་རྒྱུད་བསྐུལ་མ། །ཨེ་ཀ་ཙ་ཏི་འཇིགས་བྱེད་དཔལ་གྱི་ཡུམ། །རྣལ་འབྱོར་བདག་གི་དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་མ་གཅིག་ལྷ་མོ་རྡོ་རྗེ་དམ་ཚིག་
མ། །སྐུ་སྟོད་གཡུ་ཡི་དྲིལ་བུ་འབུམ་གྱིས་བརྒྱན། །སྐུ་སྨད་སྟག་པགས་རློན་པའི་ཤམ་ཐབས་ཅན། །གཡུ་ཡི་རལ་པས་དུར་ཁྲོད་ཁམས་ཀུན་ཁྱབ། །འཇིགས་བྱེད་ཐུགས་དམ་བསྐང་ཕྱིར་གཤེགས་སུ་གསོལ། །དམིགས་པའི་རྩ་བ་དྲུངས་ནས་དབྱུང་དུ་གསོལ། །བཞེངས་ཤིག་ཆོས་ཀྱི་དབྱིངས་ནས་གཤེགས་སུ་གསོལ། །ཐུགས་དམ་བསྐུལ་ལོ་སེམས་ཅན་དོན་ལ་བསྐུལ། །དམིགས་པ་བཅོལ་གྱི་ཡུད་ཙམ་ཕྲིན་ལས་མཛོད། །་ཡ་མཱནྟ་ཀ་ཡ་མ་རཱ་ཙ་ཨཱ་ཀཪྵ་ཡ་ནཾ། ཛཿཧཱུྃ་བཾ་ཧོཿ། གྷུ་ཧྱ་ཨ་ཀྲི་ཛ། དེ་ནས་ཕྱག་བཙལ་བ། གདུག་པ་འདུལ་མཛད་གཤིན་རྗེའི་གཤེད་ཀྱི་ལྷ། །སྦྲུལ་དང་ཐོད་རློན་མང་པོས་སྐུ་ཡི་རྒྱན་དུ་སྤྲས། །རྔམ་པའི་ང་རོས་ཐམས་ཅད་ཟིལ་གྱིས་གནོན། །གཏུམ་ཆེན་གཤིན་རྗེ་འཇོམས་ལ་ཕྱག་འཚལ་ལོ། །ཐུགས་རྗེས་བདུད་འདུལ་སྲིད་པ་གསུམ་གྱི་ལྷ། །དྲག་ཤུལ་མཐུ་བརྙེས་གནོད་པའི་དགྲ་རྣམས་འཇོམས། །མི་བཟད་དྲག་པོ་གཏུམ་ཁྲོ་ཐུགས་རྗེ་ཅན། །སྤྲུལ་པ་ཡ་མ་རཱ་ཙའི་སྐུ་ལ་ཕྱག་འཚལ་ལོ། །འཇིགས་བྱེད་སྐུ་ལ་མཉེས་མཆོག་འབུལ་མཛད་མ། །སྒེག་མོ་རལ་གཅིག་གཤིན་རྗེའི་གཤེད་ཀྱི་ཡུམ། །སྐུ་ལ་རས་ཀྱི་དཱུ་ཀུལ་ན་བཟའ་གསོལ། །མ་གཅིག་ཨེ་ཀ་ཛ་ཏིའི་སྐུ་ལ་ཕྱག་འཚལ་ལོ། །དེ་ནས་མཆོད་པ་རིམ་གྱིས་ཕུལ་ནས་ནི། །སྙིང་པོ་མ་ནོར་རྟག་ཏུ་བསྙེན་པ་བྱ། །དེ་ནས་ཨེ་གྲུ་གསུམ་གྱི་ནང་དུ། རི་བོང་གི་མགོ་ཡང་རུང་། མཁར་གང་སྲིན་ཁྱེར་བཏགས་པ་དང་། ས་འཇམ་ས་ལ་དམིགས་པའི་ལིངྒ་བྱས་ལ། ཨེར་བཞག །གཟུགས་ཀྱི་སྐེད་པ་ནས་སྐུད་པ་སྔོན་དམར་གྱིས་བཏགས་ལ་གཏོར་མར་སྩལ་སྣེ་གཅིག་སྐུ་ལ་གདགས། གཅིག་སྔགས་པའི་ལག་པར་བསྐུར། མིང་བྱང་བཞི་བྲིས་ལ། གཅིག་སྐུའི་ཞལ་དུ་འབུལ། གཅིག་གཏོར་མར་སྩལ། གཅིག་སྣང་སྲིད་ཀྱི་ལྷ་འདྲེ་ལ་དམ་བདར། གཅིག་ལིངྒའི་སྙིང་གར་གླན། ལིངྒའི་སྙིང་གར་དུག་དང་ཁྲག་བསྲེས་ལ་སྦྲེང་། ཉུང་
ནག་ལ་སྔགས་ཅིང་གདབ། གཤིན་རྗེ་ནག་པོའི་རྒྱུད་ལས། གསལ་བ་ཐུགས་ཀྱི་ཁ་ཐུན་ནག་པོའི་ལེའུ་སྟེ་ཉི་ཤུ་རྩ་གསུམ་པའོ།། །།དེ་ནས་ཡང་མགོན་པོ་གཤིན་རྗེའི་གཤེད་ཀྱིས། ཕྲིན་ལས་ཡ་མ་རཱ་ཙའི་མདའ་ཐུན་འདི་གསུངས་སོ། །དང་པོར་དབེན་པའི་གནས་སུ་ནི། །རྫས་དང་ཡོ་བྱད་ཚོགས་པར་བཤམ། །དམིགས་པའི་བྲིས་གཟུགས་བཀྲམ་ནས་ནི། །བསྙེན་བསྒྲུབ་མཆོད་པ་གཞུང་བཞིན་བྱ། །དེ་ནས་རྨྱུག་མ་ཚིགས་དགུ་ལ། །ཁྲ་དང་བྱ་རོག་འུག་པས་བསྒྲོན། །སྐྱེར་མདེའུ་ཟུར་གསུམ་བཙུག་ནས་ནི། །སྒྲོ་རྨྱུག་བར་དུ་མིང་རུས་བྲི། །མདའ་ཉིད་ནག་པོར་བྱུགས་ནས་སུ། །ཐུན་གྱི་བསྙེན་པ་ཞག་བདུན་གཟུགས། །དམིགས་པའི་ལིངྒ་ལ་ཡང་བརྡེག །ཐོད་པ་དགྲ་ཡི་ཕྱོགས་སུ་འཕང་། །དེ་ལ་དང་པོར་ལྷ་ཡི་རྣལ་འབྱོར་དུ་བྱ་བ་ནི། དང་པོར་བདག་ཉིད་སྤྱི་གཙུག་ཏུ། །ཡི་གེ་ཧཱུྃ་གཅིག་གསལ་བ་ལས། །ཨཱོཾ་ཨ་ཀྲོ་མཉྫུ་ཤྲཱི་མ་དྷ་ལ་ཧཱུྃ། ཞེས་བརྗོད་པས། འཇམ་དཔལ་གཤིན་རྗེའི་གཤེད་སྐུ་མདོག་མཐིང་ནག །ཞལ་གསུམ་ཕྱག་དྲུག །གཡས་དཀར་གཡོན་དམར་དབུས་མཐིང་ནག །ཞལ་བགྲད་མཆེ་བ་གཙིགས་པ། ཕྱག་གཡས་ཀྱི་དང་པོ་ཞིང་གི་དབྱུག་པ། བར་མ་དགྲ་སྟྭ། ཐ་མ་རལ་གྲི། གཡོན་དང་པོ་སྡིགས་མཛུབ། བར་མ་མདུང་ཐུང་། ཐ་མ་ཐོད་རློན་དམར་གྱིས་བཀང་བ། ཞབས་གཉིས་ཤ་ཟ་སྲིན་པོ་གནོན་པ། ཞབས་གཉིས་མ་མོ་ཁྲག་འཐུང་གནོན་པ། བཞི་ཀ་ཡང་གྱད་ཀྱི་འདོར་ཐབས་སུ་བཞུགས་པ། བདུད་དང་སྲིན་པོ་མ་མོ་ཁྲག་འཐུང་བྲན་བཞིན་དུ་འཁོར་བར་བསྒོམ་མོ། །དེའི་ཐུགས་ཀ་ནས་ཡི་གེ་ཛཿལས་འཕགས་པ་ཡ་མ་རཱ་ཙ་ཉུང་འབྲུ་ཙམ་སྐུ་མདོག་སྨུག་ནག་ཞལ་གཅིག་ཕྱག་གཉིས་པས་བ་སྤུའི་བུ་ག་ཡན་ཆད་གཏམ་པར་བསྒོམ། ཐུགས་ཀྱི་སེར་མདའ་ཉིད་ཀྱང་། དཔག་ཆེན་གྱི་མདའ་གཡག་ལ་བརྒྱབ་པ་ལྟར། ཡ་མ་རཱ་ཙའི་ཐུགས་མདའ་དགྲ་བོའི་སྙིང་དཀྱིལ་དུ་
བརྒྱབ་པས། སླར་མི་ལྡོག་པར་བསྒོམ་མོ། །ཐུགས་མདའ་འདི་ཉིད་སྐར་མདའ་ལམ་དུ་ཞུགས་པའམ། མེ་སྟག་ཕུས་བཏབ་པ་བཞིན། ལས་དང་ཉོན་མོངས་པ་ནི་སྦྱངས་བསྲེག་ནས། དགྲ་བོའི་སྙིང་གི་དཀྱིལ་དུ་གཟེར་ཆེན་བཏབ་པ་བཞིན་བསྒོམ་མོ། །གཞུ་ལག་པ་གཡོན་གྱིས་ཐོགས་པ་ནི། གཞུ་མཆོག་ཡར་གཏད་པ་ནི་ཡ་མཱནྟ་ཀ །མར་གཏད་པ་ནི་ཡུམ་ཨེ་ཀ་ཙཱ་ཏི་ཞེས་ཀྱང་བྱ། སྲིན་མོ་མགོ་འཕྱངས་མ་ཞེས་ཀྱང་བྱ་སྟེ། མིག་ཕྱེད་སྐར་དུ་འཚེར་བ། རལ་པ་དམར་པོའི་རྩེ་ལ་བསྐལ་པའི་མེ་འབར་བ་བསྒོམ། ལག་པ་གཡས་ན་ཐུགས་མདའ་ཐོགས་པ་ནི། འཇིགས་བྱེད་ཡ་མ་རཱ་ཙ་ཉིད་དུ་གསལ་བར་བསྒོམ། དེ་ལྟར་ཡབ་ཡུམ་གཉིས་སུ་མེད་པ་བྱང་ཆུབ་སེམས་ཀྱི་གཟེར་འདེབས་དེ་དགྲ་བགེགས་སུ་ལ་བརྒྱབ་ཀྱང་སླར་མི་ལྡོག་པར་བསྒོམ། ་ཡ་མ་རཱ་ཙ་ས་དུ་དུ་ད་རོད་མེ། ཨེ་ཀ་ཛ་ཏི་མུ་ཀ་ཡ་ཀ་ཤོ་མེ། ཨཱོཾ་བེ་ཏཱ་ལཱི་རཀྴ་མན་ཆེ་གེ་མོ་མཱ་ར་ཡ་ཛ་ཛ་ཧཱུཾ་ཕཊ། ཅེས་བརྗོད་པས། དགྲ་བོའི་ཙིཏྟའི་དཀྱིལ་དུ་ཐུགས་མདའ་སེར་ཆེན་བབས་པ་བཞིན་དུ་བསྒོམ་མོ། །དེ་ནས་འདི་སྐད་ཅེས་བསྐུལ་ལོ། །ང་ནི་སྐྱེས་མཆོག་གཤིན་རྗེའི་རྒྱལ་པོ་སྟེ། །ལག་ན་གསོད་པའི་མདའ་གཞུ་ཐོགས་པ་ནི། །བསྒྲལ་བའི་ཞིང་བཅུ་མ་ལུས་གཞོམ་པ་ལས། །གཏི་མུག་ཞེ་སྡང་རྫས་སུ་འཆང་བ་མེད། །གཞུ་མཆོག་ཡར་གཏད་གཤིན་རྗེ་གཤེད་པོ་ཡིན། །གཞུ་མཆོག་མར་གཏད་ཡུམ་ཆེན་བེ་ཏཱ་ནག་མོ་ཡིན། །རྒྱ་མདུད་བྱང་ཆུབ་སེམས་ཀྱི་ངོ་བོར་བསྟན། །ཆང་གཟུང་བྱང་ཆུབ་སེམས་ཀྱི་ངོ་བོ་ལུང་བདུད་རྩིའི་སྣོད་གཞུ་རྒྱུད་རུ་ཏྲ་ནག་པོའི་རྒྱུ་མ་གཟེངས་པ་ཡིན། བཤམ་ནི་སྐྱེས་མཆོག་དོན་ལ་ཞུགས་པའི་མཁས་པས་བཤམས། །བསྙེན་ནི་དགྲ་དང་བགེགས་ཆེན་རྣམས་ཀྱི་བསྙེན། །ཡབ་ཡུམ་གཉིས་མེད་རོལ་པའི་མཁའ་དཀྱིལ་ནས། །སྤྲུལ་པ་ཡ་མ་རཱ་ཙའི་མདའ་ཟོར་འཕེན། །མདའ་ནི་མཚོན་གྱི་རྒྱལ་པོ་སྟེ། །དགྲ་བགེགས་བསྒྲལ་བའི་ལག་ཆ་ཡིན། །ལྟོང་ནི་ཐབས་དང་ཤེས་རབ་སྟེ། །
གཉིས་མེད་སྦྱོར་བའི་ཕྱག་རྒྱ་ཡིན། །མདེའུ་ནི་ཁ་ཆུང་གཏིང་ཟབ་སྟེ། །ཙིཏྟའི་དཀྱིལ་དུ་བརྡེག་པ་ཡིན། །ཡ་མ་རཱ་ཙའི་སྐྱེར་མདའ་ལ། །མ་མོའི་ཚོགས་ཀྱི་སྒྲོ་ཅིག་བསྐྱོན། །སྲིན་པོའི་ཚོགས་ཀྱི་རྒྱུས་ཀྱིས་དཀྲིས། །བྱང་ཆུབ་སེམས་ཀྱི་མདེའུ་ཞིག་བཙུག །སྲིད་པ་གསུམ་གྱི་སྤྱིན་ཆུས་བྱུགས། །འཕེན་ནོ་གཟས་པའི་དགྲ་ལ་འཕེན། །གཤིན་རྗེའི་རྒྱལ་པོའི་ཐུགས་མདའ་ཡ། །བེ་ཏཱ་ནག་མོའི་ཐུན་མདའ་ཡ། །གཉིས་མེད་སྐུ་ལས་སྤྲུལ་པ་ནི། །ཡ་མ་རཱ་ཙའི་ཐུན་མདའ་ཡ། །རྒྱོབ་ཅིག་དགྲ་བོའི་སྙིང་གི་དཀྱིལ་དུ་རྒྱོབ། །ཨཱོཾ་བཛྲ་དུན་ཏིང་ཧེད། མ་ཡཾ་ཏིང་ནན། ཏིང་བཾ་ནན། རཱ་ཙ་ས་དུ་མ་ཡ་ཀྲོ་ཏི་ནི་ནན། ཧཱུྃ། ནག་མོ་མིག་རྣོན་བལྟས་བཏོན་མ། །ཁྱིམ་ཕྱིར་འཁོར་ཞིང་ཤ་ལ་དགའ། །ནག་མོ་ཆེན་མོ་མིག་འབྲུ་མ། །ཚེ་གསུམ་དྲན་བྱེད་རྒྱུ་མ་འཇིབ་ཅིང་འདྲེན། །དགྲ་བོའི་མིག་འབྲུ་བྱ་རོག་མཆུ། །འབྲས་བུ་ཕྱུངས་ཤིག་ཁ་ཁ་མ། །་ཁ་ཁ་ཀྲ་གི་མ་བ་ཡ་ཧཱུཾ་ཕཊ། རི་བོང་དམིགས་ལ་བརྡེག་གོ། །ཧཱུྃ། ཕྲ་མེན་ཁྲ་ཡི་མགོ་ཅན་མ། །ཐོགས་མེད་མཐུ་ལྡན་འཇོམས་པ་མོ། །གསོད་བྱེད་ཆེན་མོ་ཧོར་བ་མོ། །ཧོར་མོ་ཆེན་མོ་འཇིགས་བྱེད་མ། །ཆུམས་ཤིག་དམ་ཉམས་དགྲ་ལ་ཆུམ། །དུས་ལ་བབ་པོ་ཧོར་མོ་གསོད་བྱེད་མ། །ཉམས་པའི་སྲོག་ལ་མདའ་ཟོར་ཡ། །་ཧོར་པ་ཙིཏྟ་ཙིཏྟ་རྦད། ཧཱུྃ། ཕྲ་མེན་འུག་པའི་མགོ་ཅན་མ། །ལྟས་ངན་རྒྱལ་མོའི་དུས་ལ་བབ། །ནུབ་མཐོང་འུག་པའི་དུས་ལ་བབ། །རྣོ་བྱེད་སྤྱན་གྱིས་སྲིད་གསུམ་གཟིགས། །འཇིགས་བྱེད་ཐུགས་ཀྱིས་སྟོང་ཁམས་ཁྱབ། །འཇིགས་བྱེད་རྐན་སྒྲ་ཕྱོགས་བཅུར་བརྡེབ། །འཇིགས་པའི་འུག་སྒྲ་དི་རི་རི། །སྤྲུལ་པའི་གཤོག་སྒྲ་ཤ་ར་ར། །འཇང་ལོ་རྒྱོབ་ཅིག་བུ་གུ་མཆུ། །ཉམས་པའི་སྲོག་ལ་མུ་ར་ཡ། །ཨཱོཾ་ཨཱུ་ལུ་མུ་ཁ་ཧབ་ཧབ། ཧུ་བ་ཧུ་བ་ཕཊ། ཧཱུཾ། བདེ་གཤེགས་ཐུགས་ལས་སྤྲུལ་པའི་མདའ་མཆོག་དམ་པ་འདི། །དགྲ་བོ་འབྲོང་ལྟར་འགྱིང་བའི་སྙིང་
གི་དཀྱིལ་དུ་རྒྱོབ། །རཱ་ཙས་དུ་ནན། གཅིག་སྟེ་བདེ་བ་ཐུགས་ཀྱི་མདའ། །སྙིང་ལ་རྒྱོབ་ཅིག་དུས་ལ་བབ། །ཟླ་གམ་གདེངས་པའི་མདའ་མཆོག་འདི། །དམ་ཉམས་གསང་བའི་མཚན་ལ་རྒྱོབ། །སོག་ཀ་གདེངས་པའི་མདའ་མཆོག་དམ་པ་འདི། །དམ་ཉམས་སོག་གྲིབ་གཡས་ལ་རྒྱོབ། །སྐུ་ཡི་ཕྱག་རྒྱ་རྒྱ་མདུད་ལ། །གཡུ་ཡི་མདའ་སྒྲ་ཤ་ར་ར། །ལྕགས་ཀྱི་གཞུ་སྒྲ་འུ་རུ་རུ། །སྐུ་ནི་དུད་ཀ་ཆེན་པོ་ལས། །འབྱུང་པོ་ཀུན་གྱི་གཤེད་མ་འབྱུང་། །གཤེད་བདག་ཡ་མ་རཱ་ཙའི་ཐུགས་དམ་དུས་ལ་བབ། །དབང་པོ་ལྔ་ལ་ཐུན་མདའ་ཡ། །མིག་གིས་བལྟས་པས་ཞེ་སྡང་སྐྱེས། །ཞེ་སྡང་རྩད་ནས་གཅོད་པའི་ཕྱིར། །མིག་གི་དཀྱིལ་དུ་མདའ་ཐུན་ཡ། །གྲུ་གསུམ་གདེངས་པའི་དཀྱིལ་འཁོར་ནས། །འཇིགས་བྱེད་འབར་བའི་སྐུ་སྣང་བས། །སྣོམ་པར་བྱེད་པ་སྣ་ཡིན་པས། །འདོད་ཆགས་རྩད་ནས་གཅད་པའི་ཕྱིར། །སྣ་ཡི་དཀྱིལ་དུ་མདའ་ཐུན་ཡ། །ཡེ་ཤེས་འབར་བའི་མདའ་མཆོག་དམ་པ་འདི། །ཉན་པར་བྱེད་པ་རྣ་བ་ཡིན། །རྣ་བའི་དཀྱིལ་དུ་མདའ་ཐུན་ཡ། །གྲུ་གསུམ་གདེངས་པའི་དཀྱིལ་འཁོར་ནས། །སྐུ་ཡི་རྔམ་བརྗིད་ཆེན་པོ་ནས། །ཐུགས་ཀྱི་སྤྲུལ་མཆོག་དམ་པ་འདི། །སྨྲ་བར་བྱེད་པ་ཁ་ཡིན་ཏེ། །ཁ་ཡིས་སྨྲས་པས་གཏི་མུག་བྱུང་། །གཏི་མུག་རྩ་བ་གཅད་པའི་ཕྱིར། །ཁ་ཡཾ་དཀྱིལ་དུ་མདའ་ཐུན་ཡ། །ལུས་ཀྱི་བྱུགས་པས་ཕྲག་དོག་སྐྱེས། །ཕྲག་དོག་རྩད་ནས་གཅད་པའི་ཕྱིར། །སྤྱི་བོའི་གཙུག་ཏུ་མདའ་ཐུན་ཡ། །ཧཱུྃ། མདའ་ནི་ཕྲིན་ལས་ངང་ཉིད་དབྱིངས་སུ་འབིགས། །སྤྱིན་ནི་བྱང་ཆུབ་སེམས་ཀྱིས་འཛིན་པའི་དོན། །སྒྲོ་ནི་སྐུ་གསུང་ཐུགས་ཀྱི་ངང་། །མདེའུ་གཉིས་མེད་དབྱིངས་སུ་འབིགས། །གཞུ་ནི་ཤེས་རབ་ཐབས་སུ་ལྡན། །རྒྱུད་ནི་ཡེ་ཤེས་འོད་དུ་བསྒྲིམས། །གསང་བ་ཐུགས་ཀྱི་མདའ་མཆོག་དམ་པ་འདི། །རྒྱོབ་ཅིག་དགྲ་བོའི་སྙིང་གི་དཀྱིལ་དུ་རྒྱོབ། །འཕོངས་ཤིག་ཡ་བདུད་བཙན་འགོང་གཉིས་
ལ་འཕོངས། །རྒྱོབ་ཅིག་དམ་ཉམས་དགྲ་ལ་རྒྱོབ། །དང་པོ་སྲིད་པ་ལྟེ་བར་ཆགས། །སྲིད་པ་ཆགས་པ་བཤིག་པའི་ཕྱིར། །ལྟེ་བའི་དཀྱིལ་དུ་མདའ་ཐུན་ཡ། །ཚེ་ཡི་ཕུང་པོ་གཞོམ་པའི་ཕྱིར། །དཔྲལ་བའི་དཀྱིལ་དུ་མདའ་ཐུན་ཡ། །འདོད་ཆགས་དྲུང་ནས་དབྱུང་བའི་ཕྱིར། །གསང་བའི་དཀྱིལ་དུ་མདའ་ཐུན་ཡ། །ཨཱོཾ་ཁ་ལ་མུ་ལ་དན་ཏི་དུ་ན་རྦད། །ཨཱོཾ་སྤྲུ་ན་ཁ་ཤ་ཁ་ལོ་ཨུ་ལོ་ལྡིབས། ་མ་བཾ་རུ་ན་མ་བཾ་རུ་ན་མུ་ར་ཙི་ཡ་རྦད། ་པ་ཙ་རུ་རུ་ཚལ་པ་ཁ་རྦད། ཨཱོཾ་སང་དུ་དད་ཉ་རུ་པ་ནན། སྲད་དེ་མ་མྱག་དོན་ཁྲམ། རག་ར་ཙ་ར་ཕཊ། དེ་ལྟར་བྱ་བའི་ཐབས་མ་ནོར་ན། རྟགས་མྱུར་དུ་འོང་བ་ལ་ཐེ་ཚོམ་མེད་དོ། །གཤིན་རྗེ་ནག་པོའི་ཏནྟྲ་ལས། ཡ་མ་རཱ་ཙ་གསང་བ་ཐུགས་ཀྱི་མདའ་ཐུན་གྱི་ལེའུ་སྟེ་ཉི་ཤུ་རྩ་བཞི་པའོ།། །།དེ་ནས་དཔའ་བོ་གཤིན་རྗེའི་གཤེད་ཀྱིས། མན་ངག་གསང་བའི་ཕུར་ཐུན་འདི་གསུངས་སོ། །དུར་ཁྲོད་དབེན་པའི་གནས་སུ་ནི། །དཀྱིལ་འཁོར་མཐིང་ནག་གྲུ་གསུམ་བརྩིག །དམིགས་པའི་ལིངྒ་བཅས་ནས་ནི། །དམ་རྫས་ཡོ་བྱད་ཚང་བར་དགྲམ། །ལྕགས་ཀྱི་ཕུར་པ་སོར་བརྒྱད་པ། །བྱིན་གྱིས་བརླབས་ཏེ་ཚུལ་བཞིན་དགོད། །ཕྲིན་ལས་ཆོ་ག་འདི་བསྐུལ་ལོ། །དབུས་ཕྱོགས་ཁམ་ནག་གྲུ་གསུམ་འབར་བའི་དཀྱིལ་འཁོར་ནས། །འཇིགས་བྱེད་ཡ་མ་རཱ་ཙ་གཤེགས་སུ་གསོལ། །ཡུམ་མཆོག་སྲིན་མོ་མགོ་འཕྱངས་དབྱིངས་ནས་བཞེངས། །ཡབ་ཡུམ་གཉིས་མེད་རོལ་པའི་མཁའ་དབྱིངས་ནས། །ཐུགས་ཀྱི་སྤྲུལ་པ་ཁྲོ་བོ་མི་གཡོ་མགོན། །དབྱུག་ཏོ་འབར་བའི་ལྷ་མཆོག་སྲིད་པ་གསུམ་གྱི་བདག །གཤིན་རྗེ་འཆི་བདག་མང་པོ་ཀུན་འདུལ་བ། །ཁ་དོག་ནག་པོ་བདུད་འདུལ་རལ་གྲི་ཅན། །སྲིན་མོ་མ་མོ་སྟག་གཟིག་ཞོན་ནས་སུ། །རལ་གྲིས་སྲིད་པ་གསུམ་པོ་ཐལ་བར་རློག །སྲིད་གསུམ་འཇོམས་པའི་ལྷ་ལ་ཕྱག་འཚལ་ལོ། །ཧཱུྃ། སྐུ་མདོག་སྔོ་ནག་གཤིན་རྗེ་གཤེད་ཀྱི་ལྷ། །ཅི་བགྱིའི་
བཀའ་ཉན་མ་མོའི་འཁོར་གྱིས་བསྐོར། །མ་མོའི་རྦོད་གཏོང་སྡང་བའི་དགྲ་ལ་གཏོང་། །སྡིགས་མཛུབ་འབར་བས་དགྲ་བོའི་སྲོག་རྩ་ཆོད། །སྡང་མིག་བགྲད་པས་གཤིན་རྗེའི་ཚོགས་རྣམས་འདུལ། །སྐན་སྒྲ་བརྡེབ་པས་སྲིན་པོ་བྲན་དུ་འཁོལ། །སྲིན་པོ་ཁྲོས་པས་ཁྲག་མཚོ་ཁོང་དུ་གསོལ། །སྤྱུག་གླུ་བླང་བས་མ་མོ་དགྲ་ལ་གཏོང་། །དུག་གསུམ་ཞལ་དུ་རྔུབས་ལ་ཕྱག་འཚལ་ལོ། །ཞབས་འོག་གཤིན་རྗེ་སྲིན་པོ་མ་མོ་ཀུན། །དུན་དུན་གུམ་གུམ་སྡང་བའི་དགྲ་ལ་གཏོང་། །གཤིན་རྗེ་ཁྲོས་ཏེ་ཤིན་ཏུ་རྔམ་པ་ཡིས། །སྲིན་པོ་ཕོ་མོའི་དོན་སྙིང་སྤར་གྱིས་འདེབས། །སྲིན་པོ་ཁྲོས་ཏེ་ཤིན་ཏུ་རྒྱུག་པ་ཡིས། །མ་མོ་སྟོང་གི་དོན་སྙིང་སྤར་གྱིས་འདེབས། །མ་མོ་ཁྲོས་ཏེ་ཤིན་ཏུ་འཁྲུགས་པ་ཡིས། །སྡང་བའི་དགྲ་བོའི་དོན་སྙིང་སྤར་གྱིས་འདེབས། །དམིགས་པའི་ཆེ་གེ་མོ་འདི་ལ་ཕུར་ཐུན་ཡ། ་ཡ་མཱནྟ་ཀ་ཤམ། ཨ་དྱཱ་ཨ་ཙ་ལ་ཤམ། ་མ་མ་དུག་རྩ་ཚལ་པ་ཚལ་པ་རྦད། མ་དུག་ཤམ། ཡ་མི་ཤམ། ཆེ་གེ་མོ་སྲོག་རྩ་རྨུག་ཏི་རྦད། རྩ་ཙ་ར་ཙ་རྦད། མ་མོ་ཁྲག་ལ་དུན་ཏིང་རྨུགས། སྲིན་པོས་རུས་པ་ཆོམ་ཆོམ་ཚལ། །གཤིན་རྗེས་ཁྲམ་ལ་ལྷན་ལྷན་ཐོབ། །ཆེ་གེ་མོ་ཁྲམ་ལ་རི་ལི་ལི་རྦད་ཕཊ། ཕུར་པ་ནག་པོ་གཅིག་སྐུ་སྟོད་མི་གཡོ་མགོན་པོར་བསྒོམ་ལ། སྔགས་པ་བདག་ཉིད་ཀྱིས་དུས་གསུམ་དུ་གདབ། ཆུ་སྲིན་གྱི་ཁ་མན་ཆད་བདུད་ཀྱི་བུ་མོ་ཁྲམ་གྱི་བདག་མོར་བསྒོམ། དེ་ནས་བསྐུལ་ཚིག་འདི་བརྗོད་ལ་ཡུམ་གྱིས་གདབ། ཧཱུྃ། སྐུ་མདོག་དམར་མོ་ཟངས་ཀྱི་དྲིལ་ཞགས་ཅན། །ཟངས་ཀྱི་རལ་པ་སྤྲུགས་པའི་སྐྲ་གསེབ་ནས། །མ་མོ་ནག་མོ་ལྔ་བཅུ་རྩ་བཞི་དགྲ་ལ་གཏོང་། །ལྕགས་ཀྱི་ཕྱག་སོར་འབར་བ་བརྡབས་པ་ཡིས། །གཤིན་རྗེ་ནག་པོ་དུན་དུན་འབངས་སུ་འཁོར། །ཁྲོ་མོའི་སྡིགས་མཛུབ་ཕྱར་ཏེ་བསྡམས་པ་ཡིས། །མ་མོ་ནག་མོ་དུན་དུན་འབངས་སུ་འཁོར། །སྲིན་མོ་འབུམ་ཁྲི་
འབུམ་སྟོང་ཐལ་བར་རློག །དགྱེས་ཏེ་གད་མོ་དྲག་ཏུ་བཞད་པ་ཡིས། །དགྲ་བོ་དམ་ཉམས་གཏན་དུ་བརླག་པར་མཛོད། །མགོ་འཕྱངས་མ་ཛ་ཛཿབླ་རྩ་ལ་ཛ་ཛཿ། རྩ་བོ་ཆལ་དུན་དུན་མུགས། ནང་ཁྲོལ་སྨད་ལྔ་ལ་རྩ་བཾ། ཐུན་བཾ་ཐུན་རི་ལི་ལི། བཛྲ་ཀཱི་ལ་ཡ་ཆེ་གེ་མཱ་ར་ཡ་ཕཊ། ཕྲིན་ལས་འདི་བསྒྲུབ་པའི་དུས་སུ། རྨི་ལྟས་སུ་མོན་པ་ནག་པོའམ། བུད་མེད་ནག་མོ་དང་འཕྲད་ནས་བདག་ལ་བཀུར་སྡི་བྱེད་ན་ལས་གྲུབ་པ་ཡིན་ནོ། །གཤིན་རྗེ་ནག་པོའི་ཏནྟྲ་ལས། ཡ་མ་ར་ཙ་གསང་བ་ཐུགས་ཀྱི་ཕུར་ཐུན་གྱི་ལེའུ་སྟེ་ཉི་ཤུ་རྩ་ལྔ་པའོ།། །།དེ་ནས་ཡང་མགོན་པོ་གཤིན་རྗེའི་གཤེད་ཀྱིས། གཤིན་རྗེའི་ལས་མཁན་བཅུ་མངག་པའི་ཕྲིན་ལས་ཟོར་ཐུན་འདི་གསུངས་སོ། །དང་པོར་གནས་དབེན་པར་བསྙེན་པ་གཞུང་བཙུགས་ཏེ། དམིགས་པའི་ལིངྒ་བཅས་ནས། མདའ་འུག་པ་མ་གཅིག་སྒྲོ་རྩར་ཕུག་ལ། མིང་བྱང་དང་རྣེལ་གྲི་མོའི་མངལ་ཁྲག་དང་། ར་དུག་སྤྱང་དུག་བོང་ང་ནག་པོ་བླུགས་ལ། དམིགས་པ་བཀུག་སྟེ་ལིངྒ་ལ་བརྡེག་གོ། །དབུས་ཕྱོགས་ཁམ་ནག་གྲུ་གསུམ་འབར་བའི་དཀྱིལ་འཁོར་ནས། །འཇིགས་བྱེད་ཡ་མ་རཱ་ཙ་གཤེགས་སུ་གསོལ། །ཡུམ་མཆོག་བེ་ཏཱ་ནག་མོ་དབྱིངས་ནས་བཞེངས། །འཇིགས་བྱེད་སྐུ་ལས་སྤྲུལ་པའི་བཀའ་ཉན་ཕོ་ཉའི་ཚོགས། །བཀའ་སྡོད་ལས་མཁན་བཅུ་ཡི་དུས་ལ་བབ། །སྟེང་གི་ཕྱོགས་ནས་ལས་མཛད་པ། །གཤིན་རྗེའི་རྒྱལ་པོ་ཐམས་ཅད་འཇོམས་པའི་རྗེ། །སྐུ་མདོག་མཐིང་ནག་འཇིགས་པའི་གཟུགས། །ཆིབས་སུ་ཉི་ཟླ་གཟའ་ཆེན་བཅིབས། །རྒྱུ་སྐར་ཉི་ཤུ་རྩ་བརྒྱད་སྤྲུལ་པར་འགྱེད། །རལ་པ་ཁམ་ནག་གྱེན་དུ་འབར། །ཕྱག་ན་གཅོད་པའི་སྟྭ་རེ་བསྣམས། །སྟེང་ནས་དགྲ་བོ་ཁུག་ལ་ཤོག །ཨཱོཾ་ཤག་ཚལ་པ་རྦད་དུ་ནན། །ཤར་གྱི་ཕྱོགས་ནས་འགུགས་མཛད་པ། །གཤིན་རྗེའི་རྒྱལ་པོ་འཆི་བདག་ཀུན་
གྱི་བདུད། །སྐུ་མདོག་དམར་ནག་འཇིགས་པའི་གཟུགས། །ཕྱག་ན་རྩིས་ཀྱི་བྱང་བུ་བསྣམས། །རལ་པ་དམར་པོ་གྱེན་དུ་འབར། །སྲོག་ཆགས་ཐམས་ཅད་གྲངས་སུ་བགྲངས། །དབུགས་ཐོག་ཐམས་ཅད་རྩིས་སུ་བརྩི། །ཤར་ནས་དགྲ་བོ་ཁུག་ལ་ཤོག །་ཙ་དུན་རྦད་པུ་ནན། ཤར་ལྷོ་མཚམས་ནས་འགུགས་མཛད་པ། །གཤིན་རྗེ་རྒྱལ་པོ་རྨིགས་པ་མགོ། །སྐུ་མདོག་དུད་ཀ་འཇིགས་པའི་གཟུགས། །ཕྱག་ན་མི་མགོ་རློན་པའི་ཕྲེང་བ་བསྣམས། །ཤར་ལྷོའི་དགྲ་བགེགས་ཁུག་ལ་ཤོག །་ཁྲམ་སྡི་ཚལ་པ་རྦད་པུ་ནན། ལྷོ་ཡི་ཕྱོགས་ནས་འགུགས་མཛད་པ། །གཤིན་རྗེའི་རྒྱལ་པོ་རྐོང་རྗེ་བྲག་གྱོན་རྗེ། །ལུས་ལ་བྲག་ནག་ཟུར་མང་མནབས། །ཕྱག་ན་བྲག་སྲིན་འདུལ་མཛད་སྟྭ་ནག་འཕྱར། །ལྷོ་ནས་དགྲ་བགེགས་ཁུག་ལ་ཤོག །ཚལ་པ་སྟ་ན་ཡ་ནན། མ་རུ་ཁྲག་གི་སྟ་ནན། རྦད་པུ་ནན། ལྷོ་ནུབ་མཚམས་ནས་འགུགས་མཛད་པ། །གཤིན་རྗེ་ཨ་ཝ་གླང་མགོ་ཅན། །སྐུ་མདོག་མཐིང་ནག་འཇིགས་པའི་གཟུགས། །ཕྱག་ན་ཏྲི་ཤཱུལ་རྩེ་གསུམ་བསྣམས། །ལྷོ་ནུབ་མཚམས་ནས་དགྲ་བོ་ཁུག་ལ་ཤོག །་ཤོ་མ་ཤག་ཏི་ནན་རྦད་པུ་ནན། །ནུབ་ཀྱི་ཕྱོགས་ནས་འགུགས་མཛད་པ། །གཤིན་རྗེའི་རྒྱལ་པོ་གསོད་བྱེད་ཡ་བ་ཏི། །སྐུ་མདོག་དམར་ནག་འཇིགས་པའི་གཟུགས། །གཡས་ན་ཞིང་གི་དབྱུག་ཏོ་འཕྱར། །གཡོན་ན་འཛིན་པའི་ལྕགས་ཀྱུ་བསྣམས། །ནུབ་ནས་དགྲ་བགེགས་ཁུག་ལ་ཤོག །་ཁྲམ་ཁྲམ་སོ་བཾ་རྦད་པུ་ནན། ནུབ་བྱང་མཚམས་ནས་འགུགས་མཛད་པ། །གཤིན་རྗེའི་རྒྱལ་པོ་ལྕོགས་པ་མགོ་དགུ་རྗེ། །སྐུ་མདོག་དམར་ནག་འཇིགས་པའི་གཟུགས། །གཡས་ན་ཞིང་གི་དབྱུག་ཏོ་འཕྱར། །གཡོན་ན་འཛིན་པའི་ལྕགས་ཀྱུ་བསྣམས། །ཕྱག་ན་གསོད་བྱེད་སྤུ་གྲི་བསྣམས། །ནུབ་བྱང་དགྲ་བོ་ཁུག་ལ་ཤོག །ཨོཾ་ཤྲཱི་པོ་ལ་ཁ་རྒམ་རྦད་པུ་ནན། བྱང་གི་
ཕྱོགས་ནས་འགུགས་མཛད་པ། །གཤིན་རྗེའི་རྒྱལ་པོ་གསོད་བྱེད་རྔམ་པ་སྟེ། །སྐུ་མདོག་ལྗང་ནག་འཇིགས་པའི་གཟུགས། །ཕྱག་ན་གཤོག་པའི་སྟྭ་རེ་བསྣམས། །བྱང་གི་དགྲ་བོ་ཁུག་ལ་ཤོག །་བྷྲཱུཾ་སྡི་ཚལ་པ་རྦད་པུ་ནན། བྱང་ཤར་མཚམས་ནས་འགུགས་མཛད་པ། །གཤིན་རྗེའི་རྒྱལ་པོ་ཆོས་ཀྱི་གཅོད་སྤྱོད་རྗེ། །སྐུ་མདོག་ལྗང་སེར་འཇིགས་པའི་གཟུགས། །ཕྱག་ན་ཉེས་ལེགས་ཁྲམ་ཤིང་བསྣམས། །བྱང་ཤར་དགྲ་བོ་ཁུག་ལ་ཤོག །ཨཱོཾ་ཀྲོ་མ་ཙ་ལ་བྷྲཱུཾ་སྡི་རྦད་པུ་ནན། འོག་གི་ཕྱོགས་ནས་དགྲ་བོ་འགུགས་མཛད་པ། །གཤིན་རྗེའི་རྒྱལ་པོ་བདུད་མཁར་འཇོམས་པ་སྟེ། །སྐུ་མདོག་སྨུག་ནག་འཇིགས་པའི་གཟུགས། །ཕྱག་ན་རྡུང་བྱེད་ཐོ་བ་བསྣམས། །འོག་ནས་དགྲ་བོ་ཁུག་ལ་ཤོག །ཨཱོཾ་ཁ་འདར་རུ་ཏྲ་རྡུལ་ཕྲན་རྦད་པུ་ནན། ཞེས་ཕྱོགས་མཚམས་ཀུན་ནས་བཀུག་ལ་བརྡེག་གོ། །ཐ་མར་དགྲའི་ཡུལ་ཕྱོགས་སུ་འཕང་ངོ་། །གཤིན་རྗེ་ནག་པོའི་ཏནྟྲ་ལས། ཡ་མ་རཱ་ཙ་གསང་བའི་ཐུགས་ཀྱི་ཟོར་ཐུན་གྱི་ལེའུ་སྟེ་ཉི་ཤུ་རྩ་དྲུག་པའོ།། །།དེ་ནས་ཡང་ཁྲོ་བོ་ཆེན་པོ་འཇོམས་པ་ཡིས། ཕྲིན་ལས་ཁྲག་ཐུན་འདི་གསུངས་སོ། །སྔོན་དུ་བསྒྲུབ་པའི་ཆོ་ག་ནི། །གཞུང་ནས་འབྱུང་བ་བཞིན་བཤམས་ལ། །འབྲོང་ཆེན་དར་མའི་གཡག་རུ་རུ། །རཀྟ་ཕུད་དང་མཚེ་ཉུང་བླུགས། །དམིགས་པའི་ལིངྒ་གཏོར་མར་བླུག །གཡག་རུ་ལག་ཏུ་ཐོགས་ནས་ནི། །ཐུན་སྔགས་གདབ་ཅིང་བསྐུལ་ཚིག་བརྗོད། །ཧཱུྃ། དམར་ནག་གྲུ་གསུམ་འབར་བའི་དཀྱིལ་འཁོར་ནས། །གསོད་བྱེད་ཡ་མ་རཱ་ཙ་གཤེགས་སུ་གསོལ། །དམར་ནག་བརྗིད་པ་མ་མོ་ཀུན་གྱི་རྗེ། །ཁྲོ་གཏུམ་བཙན་དྲག་སྲིད་པ་གསུམ་གྱི་ལྷ། །ཆེ་བཙན་དྲེགས་པས་མ་མོ་འབངས་སུ་འཁོལ། །གསོད་བྱེད་དེ་ཡི་ཐུགས་དམ་དགྱེས་བསྐུལ་མ། །མ་གཅིག་སྲིན་མོ་མགོ་འཕྱངས་མ། །དགྲ་ལ་ཁྲག་ཐུན་འབེབས་ཤིང་མ་ཐོགས་ད་ཚུར་བྱོན། །དགྲ་
བོ་དུར་ཁྱིམ་ཁྲག་དུན་མུགས། །འཇིགས་བྱེད་དེ་ཡི་ཞབས་ཀྱི་ཆགས་འོག་ནས། །སྲིད་གསུམ་ཤ་ཁྲག་མངའ་བདག་མ་མོ་རྣམས། །དམར་ལམ་བསྟན་གྱིས་མ་ཐོགས་ད་ཚུར་སྤྱོན། །ཁྲག་ཐུན་འབེབས་ཤིང་མ་ཐོགས་ད་ཚུར་སྤྱོན། །སྲིད་པ་གསུམ་གྱི་ཁྲག་གི་མངའ་བདག་མོ། །དམར་མོ་མཆུ་འཇིབ་རྩ་སྲོག་མངའ་མཛད་མ། །གཡས་ན་ལྕགས་ཀྱུ་དགུ་ཁྲི་དགུ་སྟོང་བསྣམས། །གཡོན་གྱིས་བདུད་ཀྱི་ཁྲམ་བམ་བསྣམས། །འཁོར་གྱི་མ་མོ་སྟོང་ནི་རྩ་བརྒྱད་ཀུན། །ཐུན་ཟོར་འཕང་གིས་མ་ཐོགས་ད་ཚུར་སྤྱོན། །བརྒྱད་ཁྲི་བཞི་སྟོང་ཁྲག་གི་དྲི་སྣོམ་མ། །ཤ་ཁྲག་གསུར་ལ་རོལ་ཏེ་ཁྲག་ཐུན་ཡ། །་མུཾ་ཡ་མུགས་ཏི་སུབས། །ཆེ་གེ་མོ་ལ་ཆོ་ཆོ། བལ་ཧུབ་བལ་ཧུབ་བལ་ཡུལ། སྙིང་པོ་གོང་རྩ་ཐུན་ནན། མཐུན་ནན། ལབ་ཐུན་ནན། ཁྲག་ཐུན་ཁྲོ་ཁྲག་ཆེ་གེ་མོའི་ཁོང་ཁྲག་ལ་ཡ་ཞེས་ལིངྒའི་སྙིང་གར་གཏིག །ཐ་མར་ཁྱིམ་ལ་གཏོར་རོ། །གཤིན་རྗེ་ནག་པོའི་ཏནྟྲ་ལས། ཡ་མ་ར་ཙ་གསང་བའི་ཐུགས་ཀྱི་ཁྲག་ཐུན་གྱི་ལེའུ་སྟེ་ཉི་ཤུ་རྩ་བདུན་པའོ།། །།དེ་ནས་མགོན་པོ་གཤིན་རྗེའི་གཤེད། །སྐུ་ཁྲོས་རབ་ཏུ་གཙིགས་ནས་ཀྱང་། །དམ་ལས་འདས་པ་བསྒྲལ་བའི་ཕྱིར། །ཕྲིན་ལས་དུག་ཐུན་འདི་གསུངས་སོ། །དེ་ནས་ཡང་གནས་དབེན་པར་བསྒྲུབ་པ་གཞུང་བཙུགས་ལ། ཤ་ཁྲག་དང་སོལ་བ་བསྲེས་པའི་གཏོར་མ་ལ་སྤྱན་དྲངས། སྦྱར་དུག་ཆང་གིས་བརླན་པའི་ནང་དུ་དགྲ་བོའི་མཚན་བྱང་བཅུག་ལ། ཕོ་ཉས་བཀུག་སྟེ། ཉུང་ནག་དང་སྐེ་ཚེས་བྲབ་བོ། །ཧཱུྃ། སྨུག་ནག་གྲུ་གསུམ་འབར་བའི་དཀྱིལ་འཁོར་ནས། །འཇིགས་བྱེད་ཡ་མ་རཱ་ཙ་གཤེགས་སུ་གསོལ། །དབང་ཆེན་དྲེགས་པས་ཕྲིན་ལས་སྐུ་ལ་རྫོགས། །སྨུག་ནག་འཁྱིལ་པ་བདུད་དཔུང་ཐལ་བར་རློག །འཇིགས་བྱེད་དེ་ཡི་ཐུགས་དམ་རྒྱུད་བསྐུལ་མ། །བདུད་ཀྱི་གཙོ་མོ་གཤིན་རྗེའི་ཡུམ་གཅིག་མ། །ཐུགས་དམ་དུས་ལ་བབས་ཀྱིས་
གཤེགས་སུ་གསོལ། །ཡབ་ཡུམ་གཉིས་མེད་རོལ་པའི་མཁའ་དཀྱིལ་ནས། །བཀའ་ཉན་ཕོ་ཉ་ཕྱག་བརྙན་གཟུངས་མའི་འཁོར། །ཟ་བྱེད་བདུད་བཅུའི་དུས་ལ་བབ། །སྟེང་གི་ཕྱོགས་ནས་འགུགས་མཛད་པ། །བདུད་ཀྱི་རྒྱལ་པོ་བསྐོས་རྗེ་དྲང་དཀར་རྗེ། །གཡས་ན་བདུད་ཀྱི་སྦར་ཤད་འབར་བ་བསྣམས། །གཡོན་ན་བདུད་ཀྱི་ཞགས་པ་ནག་པོ་བསྡོགས། །སྟེང་གི་ཕྱོགས་ནས་དགྲ་བོ་ཁུག་ལ་ཤོག །ཤར་གྱི་ཕྱོགས་ནས་དགྲ་བོ་འགུགས་མཛད་པ། །བདུད་ཀྱི་རྒྱལ་པོ་མ་ཏང་ཁྲོ་བདག་རྗེ། །ཕྱག་ན་བདུད་ཀྱི་ཞགས་པ་ནག་པོ་བསྡོགས། །འདོམ་ནི་དགུ་བརྒྱ་དགུ་བཅུ་བགྲངས་པ་བསྣམས། །ཤར་གྱི་ཕྱོགས་ནས་དགྲ་བོ་ཁུག་ལ་ཤོག །ཤར་ལྷོ་མཚམས་ནས་དགྲ་བོ་འགུགས་མཛད་པ། །བདུད་ཀྱི་རྒྱལ་པོ་ཏོ་ཡོ་ཏོ་ནག་རྗེ། །ཕྱག་གཡས་གསོད་བྱེད་བདུད་ཀྱི་སྤུ་གྲི་རྣོན་པོ་བསྣམས། །ཕྱག་གཡོན་བདུད་ཀྱི་ཤོ་དྷིའུ་དཀར་ནག་འགྲེམས་ཤིང་འཐོར། །ཤར་ལྷོའི་མཚམས་ནས་དགྲ་བོ་ཁུག་ལ་ཤོག །ལྷོ་ཡི་ཕྱོགས་ནས་དགྲ་བོ་འགུགས་མཛད་པ། །བདུད་ཀྱི་རྒྱལ་པོ་ཐོད་བདག་ཐོད་པ་རྗེ། །ཕྱག་ན་བདུད་ཀྱི་ཁྲམ་བམ་སྟག་མགོ་ཅན། །སྤྲུལ་པ་སྟག་ཕྲུག་མང་པོ་ཕོ་ཉར་འགྱེད། །ལྷོ་ཡི་ཕྱོགས་ནས་དགྲ་བོ་ཁུག་ལ་ཤོག །ལྷོ་ནུབ་མཚམས་ནས་དགྲ་བོ་འགུགས་མཛད་པ། །བདུད་ཀྱི་རྒྱལ་པོ་རྐོས་བདུད་བྲང་དཀར་རྗེ། །སྤྲུལ་པའི་ཁལ་དུ་བོང་བུ་གྭ་པ་ལ། །མཛེས་པའི་གཡུ་མཐུར་སྔོན་པོ་ཅན་ཞིག་བཀལ། །ཕྱག་ན་ཤོ་དྷི་མི་ཡི་མགོ་ཅན་བསྣམས། །ལྷོ་ནུབ་མཚམས་ནས་དགྲ་བོ་ཁུག་ལ་ཤོག །ནུབ་ཀྱི་ཕྱོགས་ནས་དགྲ་བོ་འགུགས་མཛད་པ། །བདུད་ཀྱི་བུ་མོ་རྒྱལ་པོ་མཚམས་མེད་བདུད་ཀྱི་ཁྲོ་བོ་སྟེ། །ཕྱག་ན་ལྕགས་ཀྱི་དྲིལ་ཞགས་འཆིངས་བྱེད་བསྣམས། །ནུབ་ཀྱི་ཕྱོགས་ནས་དགྲ་བོ་ཁུག་ལ་ཤོག །ནུབ་
བྱང་མཚམས་ནས་འགུགས་མཛད་པ། །བདུད་ཀྱི་རྒྱལ་པོ་
སྟོང་རིལ་མགོན ་ནག་རྗེ། །ཕྱག་ན་བདུད་ཀྱི་ཤ་ནག་པོའི་ཐོད་པ་བསྣམས། །ནུབ་བྱང་དགྲ་བོ་ཁུག་ལ་ཤོག །བྱང་གི་ཕྱོགས་ནས་འགུགས་མཛད་པ། །བདུད་ཀྱི་རྒྱལ་པོ་ཁྲ་དེ་རཱུ་ཏྲ་རྗེ། །ཕྱག་གཡས་བདུད་ཀྱི་སྟ་ནག་འབྱམས་པ་བསྣམས། །གཡོན་ན་མི་མགོ་རློན་པ་འཕྱར་ཞིང་བརྡེབས། །བྱང་གི་དགྲ་བོ་ཁུག་ལ་ཤོག །བྱང་ཤར་མཚམས་ནས་འགུགས་མཛད་པ། །བདུད་ཀྱི་རྒྱལ་པོ་སྤྱི་བདུད་ཡ་མ་རྗེ། །ཕྱག་ན་བདུད་ཀྱི་ཏྲི་ཤུལ་རྩེ་གསུམ་བསྣམས། །ཕྱག་གཡོན་ལྕགས་ཀྱི་གཟེ་མ་རྣོན་པོ་བསྣམས། །བྱང་ཤར་དགྲ་བོ་ཁུག་ལ་ཤོག །འོག་གི་ཕྱོགས་ནས་འགུགས་མཛད་པ། །བདུད་ཀྱི་རྒྱལ་པོ་ས་ཏོམ་ནག་པོ་རྗེ། །ཕྱག་གཡས་ཆུ་སྲིན་རྒྱལ་མཚན་ལ། །ཡུ་བ་གཏི་མུག་ཕག་གི་མགོ་ཅན་བསྣམས། །གཡོན་ན་བདུད་ཀྱི་ཞགས་པ་ནག་པོ་བསྣམས། །སྐྱེ་འགྲོ་སེམས་ཅན་སྲེག་པར་མཛད། །འོག་གི་དགྲ་བོ་ཁུག་ལ་ཤོག །ཆེ་གེ་མོ་ཨཾ་ཀུ་ཤ་ཛ་ཛ་ཧཱུྃ། ཟ་བྱེད་བདུད་པོ་ཁྱེད་རྣམས་ཀྱིས། །དམིགས་པའི་དམ་ཉམས་དགྲ་བོ་འདི། །འཇིག་རྟེན་ཕྱི་མར་དུས་མ་འདེབས། །སེམས་ཅན་རང་བཞིན་སྐྱེ་འཆི་འབྱུང་། །ནམ་མཁའ་སྟོང་པར་ཁུངས་མ་དབྱུང་། །ནམ་མཁའ་སྟོང་པར་ཁུངས་ཕྱུང་ན། །བསྒྲུབ་པའི་འབྲས་བུ་མེད་དམ་ཅི། །སེམས་ཅན་སྐལ་བ་ཆུང་བར་བསྙད་མ་འདོགས། །སེམས་ཅན་སྐལ་བ་ཆུང་བར་སྙད་གདགས་ན། །ཁྱེད་ལ་ཐུགས་རྗེ་མི་མངའོ། །མ་ཐོགས་བདུད་དང་གཤིན་རྗེ་རྣམས། །དམ་ཉམས་སྲོག་རྩ་ད་དྲོངས་ཤིག །སྲོག་ཆོད་ཁྲག་འཐུང་རུས་འཆོ་ཞིག །དབུགས་ཆོད་མདངས་ལོང་ཡིད་ཕྲོག་ཅིག །སྔགས་པ་ཁྲོས་པ་ལས་ཀྱི་གཤིན་རྗེ་ལྷ། །འཇིག་རྟེན་ཁམས་ཀྱི་གཤིན་རྗེ་མི་བཟད་ཀུན། །ཉམས་པའི་རོ་ལ་རོལ་ཅིང་མནབས་སུ་གསོལ། །སྔགས་པ་ཁྲོས་པ་ལས་ཀྱི་བདུད་པོ་འདྲ། །འཇིག་རྟེན་ཁམས་ཀྱི་
བདུད་པོ་མ་ལུས་ཀུན། །ཉམས་པའི་སྲོག་ལ་རོལ་ཏེ་བདུན་ཕོབ་ཅིག །སྔགས་པ་ཁྲོས་པ་ལས་ཀྱི་སྲིན་པོ་འདྲ། །འཇིག་རྟེན་ཁམས་ཀྱི་སྲིན་པོ་མི་ཟན་ཀུན། །དམ་ཉམས་ཤ་ཁྲག་སྲོག་དབུགས་ཞལ་དུ་རྔུབས། །དམ་ཚིག་དུས་ལ་བབ་པོ་ས་མ་ཡ། །་ཁྲི་ཏང་བྱི་ཤི་རཀྟ་ག་ར་ལ་མན། ཧ་ས་རན་བྱ་པྲ་བེ་པྲ་བན་དུ། ཙི་ཏ་པྲ་དུ་ཆེ་གེ་མོ་མཱ་ར་ཡན། འཕགས་པ་འཇམ་དཔལ་གཤིན་རྗེའི་གཤེད་པོའི་ཏནྟྲ་ལས། ཡ་མ་རཱ་ཙ་གསང་བ་ཐུགས་ཀྱི་དུག་ཐུན་གྱི་ལེའུ་སྟེ་ཉི་ཤུ་རྩ་བརྒྱད་པའོ།། །།དེ་ནས་ཡང་མགོན་པོ་གཤིན་རྗེའི་གཤེད་ཀྱིས། ཁྲོ་བོ་གཤིན་རྗེའི་གཤེད་རྣམ་པར་རྒྱལ་བའི་མན་ངག་སྒྲུབ་ཐབས་འདི་གསུངས་སོ། །དུར་ཁྲོད་དབེན་པའི་གནས་སུ་ནི། །སྟེགས་བུ་འདོམ་གང་བརྩིགས་ནས་སུ། །དྲི་ཆེན་གྱིས་ནི་ཞལ་ཞལ་བྱ། །དྲི་ཆུ་ཡིས་ནི་ཆག་ཆག་གདབ། །མཱཾ་ས་ཡི་ནི་གོ་མ་ཡེ། །ཐིག་ཆེན་དག་ནི་བཏབ་ནས་སུ། །དབུས་སུ་དཀྱིལ་འཁོར་གྲུ་གསུམ་ལ། །མུ་ཁྱུད་ཐོད་པའི་ཕྲེང་བས་བསྐོར། །ཕྱི་རིམ་འཁོར་ལོ་རྩིབས་བརྒྱད་ལ། །གྲུ་ཆད་གློ་འབུར་སྒོ་རྣམས་བཅས། །གཞུང་བཞིན་རྫོགས་པར་བྲིས་ནས་ནི། །ཡི་དྭགས་ཀྱི་ནི་གོས་ལ་ཡང་། །ཁྲོ་བོའི་གཟུགས་ནི་བྲིས་ནས་སུ། །སྤྱན་དབྱེ་མཆོད་དང་བྱིན་བརླབས་ནས། །ལྷ་ཕྱག་ལན་བདུན་མགོ་གཏུགས་ལ། །གང་འདོད་པ་ཡི་གསོལ་བ་གདབ། །གྲུ་གསུམ་དབུས་སུ་བཞུགས་སུ་གསོལ། །ཤ་ཆེན་གཏོར་མ་ཆ་གསུམ་བཤམ། །ཚིལ་ཆེན་མེ་མར་ཁ་བརྒྱད་གཏང་། །དམ་རྫས་གཞན་ཡང་ཚོགས་པར་དགྲམ། །ཏིང་འཛིན་དཀྱིལ་འཁོར་བསྐྱེད་པ་དང་། །ཐུགས་དམ་སྐུལ་བ་འདི་སྐད་དོ། །ཏིང་འཛིན་རྣམ་གསུམ་འཕྲོ་འདུ་ལས། །གྲུབ་ནས་ཡི་གེ་ཧཱུཾ་དུ་གྱུར། །ཧཱུྃ་ཆེན་མཐིང་ནག་བྱིན་རླབས་ལས། །འོད་དུ་གསལ་ནས་རྡོ་རྗེ་རྩེ་ལྔར་གྱུར། །རྡོ་རྗེ་རྩེ་ལྔའི་འོད་ཟེར་ལས། །ཡི་གེ་ཡ་ཡི་སྐུ་རུ་གྱུར། །ཡི་གེ་ཡ་
ལས་སྐུ་བསྐྱེད་པ། །ཁྲོ་བོ་ཆེན་པོ་རྣམ་པར་རྒྱལ། །ཡ་མཱནྟ་ཀ་གཤིན་རྗེའི་གཤེད། །དབུ་གསུམ་པ་ལ་ཕྱག་དྲུག་སྟེ། །གཡས་ནི་དཀར་ལ་གཡོན་ནི་དམར། །དབུས་ནི་སྐུ་དང་མཐུན་པའི་ཞལ། །སྐུ་མདོག་སྟང་ཟིལ་བཅག་འཕྲོ་འདྲ། །ཞལ་བགྲད་རྡོ་རྗེའི་མཆེ་བ་གཙིགས། །སྤྱན་དམར་གློག་སྟོང་འགྱུ་བ་བཞིན། །དབུ་སྐྲ་ཁམ་ནག་གྱེན་དུ་འཁྱིལ། །ཕྱག་དྲུག་གཡས་ཀྱི་དང་པོ་ན། །གསེར་གྱི་རྡོ་རྗེ་རྒྱ་གྲམ་བསྣམས། །བདེ་གཤེགས་རྒྱལ་བའི་ཐུགས་ཀྱི་མཆོག །ཕྱག་དྲུག་གཡས་ཀྱི་བར་མ་ན། །ཁ་ཊྭཱཾ་ག་ཡིས་རྔེའུ་འཁྲོལ། །མ་མོ་མཁའ་འགྲོ་དབང་དུ་སྡུད། །ཕྱག་དྲུག་གཡས་ཀྱི་ཐ་མ་ན། །རྡོ་རྗེ་ལྕགས་ཀྱུ་སྔོན་པོ་བསྣམས། །ཉོན་མོངས་གནས་ནས་འདྲེན་པར་མཛད། །ཕྱག་དྲུག་གཡོན་གྱི་དང་པོ་ན། །དུང་ཆེན་དམར་གྱིས་བཀང་བ་བསྣམས། །ཐུགས་རྗེ་ཆགས་པས་དབང་དུ་སྡུད། །ཕྱག་དྲུག་གཡོན་གྱི་བར་མ་ན། །བ་སུ་ཏ་ཡི་ཞགས་པ་བསྣམས། །དམ་ལས་འདས་པ་འཆིང་བར་མཛོད། །ཕྱག་དྲུག་གཡོན་གྱི་ཐ་མ་ན། །ཞིང་ཆུང་དབྱུག་ཏོ་སྨུག་པོ་བསྣམས། །བདུད་དང་དགྲ་བགེགས་ཟིལ་གྱིས་གནོན། །སྐུ་ཡང་ཆེ་ལ་སྦོམ་ལྡིར་རབ། །གླང་ཆེན་ཀོ་རློན་ན་བཟའ་གསོལ། །སྟག་ལྤགས་བརྗིད་པའི་ཤམ་ཐབས་ཅན། །ཞིང་ཆེན་གཡང་གཞི་ཡ་བ་ཀོར། །ཐོད་པ་སྐམ་རློན་སེ་རལ་ཁ། །སྦྲུལ་ནག་སྟོང་གིས་ལྷུ་ཚིགས་བརྒྱན། །ཞིང་ཆེན་བསྒྲལ་བའི་གདན་སྟེངས་ན། །བརྐྱང་བསྐུམ་ཚུལ་དུ་བརྗིད་པར་བཞུགས། །གཡོན་ན་ཁྲོ་མོ་ཉེར་གནས་མ། །ཟ་བྱེད་ཆེན་མོ་བེ་ཏཱ་ལཱི། །མིག་གསུམ་གདོང་ནི་ཁྲོ་གཉེར་ཅན། །ལུས་ཆེན་མེ་ཆེན་འབར་བ་ལ། །གཟི་ཆེན་རབ་ཏུ་མདངས་ཀྱིས་བལྟ། །གཏུམ་མོ་དུག་ཧྲུལ་གོས་གོན་མ། །གྱེན་དུ་སྐྲ་བརྫེས་གསུས་མོ་ཆེ། །དེ་བཞིན་
ལག་ན་རྩེ་གསུམ་ཐོགས། །གཟི་ཆེན་རབ་ཏུ་སྡིགས་པར་མཛད། །བདེ་གཤེགས་སྲས་ཀྱི་བཀའ་ནོད་མ། །ཞིང་ཆེན་བསྒྲལ་བའི་གདན་སྟེངས་ན། །བརྐྱང་བསྐུམ་ཚུལ་གྱིས་སྦྱོར་མཛད་མ། །གཡས་ན་སྤྲུལ་པའི་སྐྱེས་བུ་ནི། །སྐུ་མདོག་སྔོ་ནག་འཇིགས་པའི་གཟུགས། །རྔམ་པའི་ཞལ་གདངས་དབུ་སྐྲ་མཛེས། །ཞལ་བགྲད་སྤྱན་ཡང་ཁྲོས་པའི་ཚུལ། །གཡས་ན་བེ་ཅོན་མཚོན་ཆར་འབེབས། །གཡོན་ན་སྡིགས་མཛུབ་མེ་ཆེན་འབར། །དེ་བཞིན་མ་ཧེའི་གདན་ལ་བཞུགས། །གཞན་ཡང་དུར་ཁྲོད་ཆེན་པོ་ཡི། །མེ་དཔུང་འབར་བའི་དཀྱིལ་འཁོར་ནས། །འཁོར་ནི་ཐོགས་མེད་བཙན་ཐབས་ཅན། །ཁྲོ་མོ་ཀཽ་རི་བརྒྱད་ཀྱིས་བསྐོར། །ཕྱི་རིམ་མུ་ཁ་བརྒྱད་ཀྱིས་བསྐོར། །ཐལ་བྱེད་ཆེན་མོ་བཞི་ཡིས་བསྐོར། །དབང་ཕྱུག་མ་ཡི་ཚོགས་ཀྱིས་བསྐོར། །ཡི་དྭགས་ཕལ་ཆེན་དཀྱིལ་འཁོར་འདིར། །གཤེགས་ཤིང་བྱོན་པའི་གནས་ངན་ཡང་། །བསྙེན་བསྒྲུབ་པ་ཡི་ལྷ་ལགས་ཀྱིས། །ཡལ་གམ་ཅན་ལ་བརྩེར་དགོངས་ནས། །གདུག་པ་འདུལ་ཕྱིར་གཤེགས་སུ་གསོལ། །དེ་ནས་མཆོད་ཅིང་བསྙེན་པ་བགྲང་། །མཉམ་པར་བཞག་སྟེ་མི་སྨྲ་བར། །རི་མོ་གཅིག་པོ་ལ་བལྟ་ཞིང་། །མགོ་ནི་རྨ་བྱ་བཞིན་དགུག་སྟེ། །རྩེ་གཅིག་སེམས་ཀྱིས་བཟླས་པ་བྱ། །རུ་རག་ཤ་ཡི་ཕྲེང་བ་བགྲང་། །ཕྱག་མི་བཙལ་ཞིང་ལམ་མི་བཟུར། །མི་སྨྲ་བ་དང་དབང་པོ་བསྡམ། །སེང་ལྡེང་མཁར་བ་རྟག་ཏུ་ཐོགས། །བགྲོད་དཀའི་གནས་སུ་འགྲོ་བར་བྱ། །དེ་ལྟར་བརྟུལ་ཞུགས་ལ་གནས་ནས། །མི་མཐུན་ཕྱོགས་རྣམས་བསྒྲལ་བའི་ཕྱིར། །ཡི་དྭགས་གོས་ནི་སོར་བརྒྱད་ལ། །ར་ཁྱི་ཕག་གི་ཁྲག་དང་ནི། །དུག་དང་ལན་ཚ་སྐེ་ཚེ་དང་། །དྲི་ས་རྗེས་སས་ལིངྒ་བཅས། །སྟེགས་བུ་ལྷོ་ནུབ་ཨེར་བཞག་ལ། །དྲག་པོའི་ལས་རྣམས་བརྩམ་པར་བྱ། །
དེ་ནས་ཡབ་ཡུམ་གྱི་ཡང་སྙིང་རྒྱུན་གྲངས་པའི་བསྙེན་པ་འདི་གསུངས་སོ། །ཨཱོཾ་ཤྲཱི་མཉྫུ་ཡ་མཱནྟ་ཀ་ཨ་ཀྲོ་ཏེ་ཀ་ཏྲཻ་ལོཀྱ་བི་ཛ་ཡ། ཡ་མ་རཱ་ཛ་དེ་བྱི་ཀྲོ་ཏཱི་ཤྭ་རཱི་ཡཀྴ་ཛ་ཛཿ། ཨ་ཀྲ་ཙཀྲ་ས་མ་ཡ་སྟྭཾ། ཨེ་ཀ་ལོ་མོ་ཏི་དྷིང་དྷིང་ཧཱུཾ་ཧཱུཾ་ཕཊ་ཕཊ། དེ་ནས་དྲག་པོ་སྤྲུལ་པ་ལས་ཀྱི་ཐུན་སྔགས་འདི་གསུངས་སོ། །ཨཱོཾ་ཡ་མ་རཱ་ཙ་ས་ཏོ་ཡཾ། ཡ་མ་རཱ་ཙ་མུ་ཏོ་ཡཾ། ཡ་མ་རཱ་ཙ་ཁ་ཏོ་ཁཾ། ཡ་མ་རཱ་ཙ་སྙིང་ཏོ་ཡཾ། ཡ་མ་རཱ་ཙ་དུས་སྡུས། ཡ་མ་རཱ་ཙ་ཆུབ་བྱོ། ཡ་མ་ཏ་ཀ་ཀལ་དུན་བྷྱོ། ཀྲིང་ཀྲིང་རཱ་ཙ་སན། སྙིང་ཤད་ཤད་ནི་ཛ་ཛ། ཀྲིང་ཀྲིང་ཤད་ཤད་ནི་ཛཿ། ནི་མཱ་ར་ཡ། མ་ར་དུ། ཡ་མ་སྙིང་། ཡ་མ་ཁྲག །ཚལ་པ་གམ་རིལ་དམ་པ་དུམ་བུ་ཧཱུཾ་ཕཊ། དེ་ནས་གཤིན་རྗེ་ཕོ་མོ་འཁོར་བཅས་རྦད་པའི་ཟོར་སྔགས་འདི་གསུངས་སོ། །ཨཱོཾ་ས་མ་ཡ་མཉྫུ་ཤྲཱི་མུ་ཏྲ་ཡ་མཱནྟ་ཀ་ཡ་མ་རཱ་ཙ་མ་མ་ཨེ་ཀ་ཛ་ཏཾ་ཛ་ཛ། ཏྲག་རཀྴ་མུ་ཏྲ་སྙིང་ཁ་རག་མོ་བྷྱོ། རག་མོ་ཧེ་ཀ་མི་ཛ་ཛ་ཁལ་མ་ཏཾ་བྷྱོ། ཡ་ཡ་ལོ་ན་རྩིན་དམ་མ་བྷྱོ། སྙིང་ཁ་རག་སྲོག་རྩ་ཁ་བྷྱོ། དེ་ནས་འཇམ་དཔལ་ཚེ་སྒྲུབ་ཀྱི་སྙིང་པོ་འདི་གསུངས་སོ། །ཨཱོཾ་ཨ་ཀྲོ་ཏེ་ཀ་ཨཱ་ཡུཿས་ལ་ཡ་མཱནྟ་ཀ་ཨཱ་ཡུརྒ་ཎ་སིདྡྷི་བྷྲཱུཾ་ཨ། གཤིན་རྗེ་ནག་པོའི་ཏནྟྲ་ལས། ཁྲོ་བོ་རྣམ་པར་རྒྱལ་བའི་སྒྲུབ་པ་སྙིང་པོ་སྔགས་ཀྱི་ལེའུ་སྟེ་ཉི་ཤུ་རྩ་དགུ་པའོ།། །།དེ་ནས་ཡང་མགོན་པོ་གཤིན་རྗེའི་གཤེད་ཀྱིས། དམིགས་པའི་རྟེན་རི་མོའི་མཚན་ཉིད་འདི་གསུངས་སོ། །ལྷ་ཡི་དངོས་གྲུབ་འདོད་པ་ལ། །སྒྲུབ་པའི་རྟེན་དུ་བྱ་བ་ནི། །རིན་ཆེན་ཤིང་ལས་བཞེངས་གསོལ་ལམ། །དོན་ཀུན་སྒྲུབ་པའི་ཀ་པཱ་ལ། །རས་ལ་རི་མོ་བྲི་བའི་མཚན་ཉིད་རྣམས་ངེས་པར་གསུངས་པ་ནི། གསེར་དང་དངུལ་དང་འཁར་བ་ཟངས། །ར་གན་ཨིནྡྲ་ནཱི་ལ་དང་། །མཐིང་བུ་ཤེལ་དང་རིན་ཆེན་ནོར། །རྒྱལ་སྲིད་འདོད་པས་གསེར་ལས་བྱ། །ལོངས་སྤྱོད་འདོད་པས་དངུལ་ལས་བྱ། །ནད་རྣམས་བཤིག་ཕྱིར་འཁར་བར་བྱ། །ཟངས་ནི་ཐམས་ཅད་དབང་དུ་སྡུད། །འདོད་པ་དག་ཀྱང་རབ་ཏུ་སྟེར། །དགྲ་རྣམས་བཤིག་ཕྱིར་ར་གན་ཏེ། །མཆོག་དང་འདོད་པ་སྟེར་བ་ལ། །ཨིནྡྲ་ནཱི་ལ་དག་ལ་བྱ། །ནོར་སྟེར་མཐིང་བུ་ལ་ཡང་བསྒྲག །དྲི་མེད་ཤེལ་ལས་བྱས་པ་ནི། །ཞི་དང་རྒྱས་པའི་མཆོག་རྣམས་སྟེར། །རིན་ཆེན་ས་འོག་དངོས་གྲུབ་སྟེར། །དེ་ཡི་ཚད་རྣམས་བསྟན་པ་ནི། །གསེར་ལ་སོར་ནི་བརྒྱད་པ་སྟེ། །
དེ་བཞིན་དངུལ་ལ་སོར་བཅུ་ཚད། །འཁར་བ་སོར་ནི་བཅུ་དྲུག་པའོ། །ཟངས་དང་ར་གན་ཉི་ཤུའོ། །བཅུ་དྲུག་པ་ནི་ཨིནྡྲ་ནཱི་ལའོ། །མཐིང་བུ་སོར་ནི་བརྒྱད་པ་སྟེ། །ཤེལ་ལ་སོར་ནི་བཅུ་གཉིས་སོ། །རིན་ཆེན་སོར་ནི་བརྒྱད་པ་སྟེ། །མཆོད་ན་འདོད་པ་ཀུན་སྟེར་རོ། །ཡང་ན་ཤིང་ལས་བྱས་པ་སྟེ། །རིག་འཛིན་ཀུན་གྱི་མཆོག་འདོད་ན། །ཙནྡན་ཤིང་ལས་བྱས་པ་སྟེ། །སོར་ནི་ཉི་ཤུའི་ཚད་དུ་བྱ། །ཙམ་པ་ཀ་ཡི་རྩ་བ་ལ། །སོར་ནི་བཅུ་བཞིའི་ཚད་དུ་བྱ། །བདེ་བ་ཕུན་སུམ་ཚོགས་པ་འགྲུབ། །ཨ་ཤོ་ཀ་ཡི་སྙིང་པོ་ལ། །སོར་ལྔ་ཚད་དུ་བྱས་པ་ནི། །ཐམས་ཅད་ཀུན་ལ་དབང་བྱེད་པས། །དེ་བཞིན་ཨ་ཤྭཏྠ་ཡི་ཤིང་དག་ལས། །སོར་དྲུག་ཚད་དུ་བྱས་པ་ནི། །ལྷ་མིན་ཀུན་ཡང་འགུགས་པར་བྱེད། །ནཱ་ག་གེ་སར་དག་ལས་ནི། །སོར་བདུན་ཚད་དུ་བྱས་པ་ནི། །ནད་འཇིག་དགྲ་རྣམས་རྨོངས་པར་བྱེད། །མི་ཡི་ཐོད་པ་དག་ལ་ནི། །སོར་ནི་བཅུ་གཉིས་ཚད་བྱས་ན། །རིང་བོར་མི་ཐོགས་ཅི་འདོད་སྟེར། །མི་ཐོད་དག་ལས་བྱས་ནས་ནི། །སྔགས་བསྙེན་གུད་དུ་མ་བྱས་ཏེ། །མཆོད་པ་འབའ་ཞིག་བྱས་གྱུར་ཀྱང་། །དགོས་པའི་དོན་རྣམས་འགྲུབ་པར་བྱེད། །ཡང་ན་དང་པོར་རི་མོ་མཆོག །དངོས་གྲུབ་འདོད་པས་བྲི་བ་ཡང་། །མི་རོས་བགོས་པའི་རས་དག་ནི། །མཁས་པས་ཁྲུ་གང་ཚད་དགའ་ལ། །མི་ཡི་རོ་སྐྲ་ཉིད་དག་གི། །པིར་གྱིས་ལེགས་པར་བྲི་བར་བྱ། །ཚོན་གྱི་ཁ་དོག་ཀུན་མེད་པར། །རི་བོང་ཁྲག་གིས་བྲི་ཡང་རུང་། །དབུ་དགུ་ཕྱག་ནི་བཅོ་བརྒྱད་དམ། །དབུ་དྲུག་ཕྱག་ནི་བཅུ་གཉིས་དང་། །དབུ་གསུམ་ཕྱག་ནི་དྲུག་པ་སྟེ། །དེ་བཞིན་ཞལ་གཅིག་ཕྱག་གཉིས་སམ། །རང་ཉིད་གང་འདོད་གཞུང་བཞིན་བྲི། །བྲིས་ནས་མེ་ཏོག་དམར་པོ་དང་། །མཆོད་པ་དག་གིས་ཆེར་མཆོད་ལ། །སྒྲུབ་པའི་རྟེན་དུ་དགྲམ་པར་བྱ། །གཞན་གྱིས་མཐོང་ན་དངོས་གྲུབ་ཡལ། །འཇམ་དཔལ་གཤིན་རྗེ་ནག་པོའི་ཏནྟྲ་ལས། རི་མོའི་མཚན་ཉིད་བསྟན་པའི་ལེའུ་སྟེ་སུམ་ཅུ་ཐམ་པའོ།། །།དེ་ནས་མགོན་པོ་གཤིན་རྗེའི་གཤེད་པོ་ལ། ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་ཀྱིས། དུས་གསུམ་གྱི་སངས་རྒྱས་ཀྱི་ཐུགས་ཡེ་ཤེས་ཀྱི་ངོ་བོའི་སྐུའི་བདག་ཉིད་ཡིན་ཏེ་སངས་རྒྱས་ཀྱི་བསྟན་པ་ལ་གནོད་པའི་བདུད་དང་མུ་སྟེགས་དང་སྲིན་པོ་དང་གཤིན་རྗེ་དང་ཡི་དྭགས་དང་ཤ་ཟ་དང་མ་མོ་
དང་དགྲ་དང་བགེགས་ལ་སོགས་པ་ཐམས་ཅད་འདུལ་ཞིང་ཚར་གཅོད་པའི་གཤིན་རྗེའི་གཤེད་པོར་རྡོ་རྗེའི་མིང་གིས་དབང་བསྐུར་གནང་བ་སྩལ། བསྔགས་པ་མཛད་ནས། ལྔ་བརྒྱ་དུས་ཀྱི་སྙིགས་མ་ལ་བསྟན་པ་གཉན་པོ་སྲུང་བར་བསྐོས། དེ་ནས་གཤིན་རྗེ་དང་མ་མོའི་འཁོར་ཚོགས་ཐམས་ཅད་ཀྱིས་མགྲིན་གཅིག་ཏུ་བསྟོད་ཅིང་ཕྱག་འཚལ་ཏེ་འདི་སྐད་ཅེས་ཟེར་ཏོ། །མི་གནས་མི་དམིགས་ཆོས་སྐུར་དག་པ་ལས། །བདུད་འདུལ་ཁྲོ་བོ་མཆོག་ཏུ་སྐུར་སྤྲུལ་ཏེ། །ཐུགས་རྗེའི་གཟི་ལྡན་གདུག་པ་ཐབས་ཀྱིས་འདུལ། །ཁྲོ་རྒྱལ་གཤིན་རྗེའི་གཤེད་ལ་ཕྱག་འཚལ་ལོ། །མཉམ་མེད་སྐུ་མངའ་གཏུམ་ཆེན་འབར་བའི་སྐུ། །དུག་གསུམ་ཟ་བྱེད་བསྐལ་པའི་མེ་ལྟར་འབར། །མ་ལུས་འཇོམས་མཛད་ཁྲོ་བོ་བགེགས་ཀྱི་གཙོ། །མཐར་བྱེད་གཞོན་ནུ་ཁྱོད་ལ་ཕྱག་འཚལ་ལོ། །ལྷག་པའི་ཡེ་ཤེས་སྤྱན་གསུམ་རྣམ་པར་དག །ཐུགས་རྗེའི་སྤྱན་ལྡན་ཁྲོ་བས་རབ་བསྡིགས་མཛད། །མ་རུངས་འཇོམས་མཛད་ཁྲོ་བོ་དུས་དགྲའི་གཤེད། །མཉམ་ཉིད་ཡེ་ཤེས་སྤྱན་ལ་ཕྱག་འཚལ་བསྟོད། །ཁྲོ་མཆོག་ཡེ་ཤེས་ཐབས་ཀྱི་སྐུ་མངའ་བས། །དཔག་བསམ་ཤིང་ལྟར་རེ་བ་སྐོང་མཛད་པ། །མཆོད་པས་སྡིག་བྱང་མཐོང་ན་བདེ་འཐོབ་པ། །འདོད་པ་མ་ལུས་སྩོལ་ལ་ཕྱག་འཚལ་ལོ། །ཁྲོ་གཏུམ་མི་བཟད་རྩུབ་པའི་སྒྲ་ལྡན་པ། །ཁྱོད་ཀྱི་མཚན་ཐོས་ཙམ་གྱིས་བགེགས་རྣམས་ཕུང་། །འབར་བའི་སྐུ་མཐོང་གསུང་སྒྲ་ཐོས་པ་ཡིས། །དགྲ་བགེགས་མིང་བརླག་མཛད་ལ་ཕྱག་འཚལ་ལོ། །ཁྲོ་བོའི་རྒྱལ་པོ་ཁྲོ་ཆེན་གཤིན་རྗེ་གཤེད། །བརྗིད་པའི་སྐུ་ལ་སྟག་ལྤགས་ན་བཟའ་གསོལ། །མཐུ་མཆོག་བསྟན་པའི་སྦྲུལ་ནག་སྐུ་ལ་བཅིངས། །འཇིགས་བྱེད་མཐའ་ཡས་སྒྲོལ་ལ་ཕྱག་འཚལ་ལོ། །འོད་ཕུང་སྟུག་པོ་བསྐལ་པའི་མེ་དཔུང་འབར། །ཡེ་ཤེས་འོད་འཕྲོ་གཏི་མུག་འཇོམས་པའི་སྐུ། །སྟོང་ཁམས་དབང་དུ་སྡུད་ལ་ཕྱག་འཚལ་ལོ། །བྱང་ཆུབ་ཕྱོགས་ཀྱི་ཆོས་རབ་རིན་ཆེན་དག །ཁྲོ་བོའི་དབུ་རྒྱན་ཐོད་ཕྲེང་ཅོད་པན་མཛེས། །འདོད་ཁམས་དབང་དུ་སྡུད་ལ་ཕྱག་འཚལ་ལོ། །ཡེ་ཤེས་མཁའ་འགྲོ་སྔོན་པོའི་མདོག་ཏུ་གྱུར། །སྐུ་མདོག་སྔོ་ནག་དབྱར་གྱི་སྤྲིན་ལྟ་བུ། །དུག་གསུམ་མུན་ཁང་འཇོམས་པར་དམ་བཅས་པ། །དྲི་མེད་ཡེ་ཤེས་མཆེ་བ་དཀར་པོ་གཙིགས། །མ་རུངས་སྡིགས་པའི་མཛུབ་མོ་བསྒྲེངས་བྱས་ཤིང་། །ཐབས་ཀྱི་ཞགས་
པས་འགྲོ་བ་མ་ལུས་འདྲེན། །མཚུངས་མེད་ཐུགས་རྗེ་ཆེ་ལ་ཕྱག་འཚལ་ལོ། །འདི་དང་ཕ་རོལ་གཉིས་ཀར་བདེ་འཚལ་ན། །ལྷ་མཆོག་ཁྱོད་ལྟ་རྟེན་ནི་གཞན་མི་བཞུགས། །ཡུན་གྱི་ལྷར་ཀྱང་ཁྱོད་ལ་གསོལ་འདེབས་ན། །རི་རབ་གསེར་གྱི་ངོས་ལ་བྱ་གནས་པ། །བྱ་ཡི་རང་བཞིན་བོར་ནས་གསེར་དུ་སྣང་། །ཐམས་ཅད་ཁྱོད་ཀྱི་སྐུར་ནི་མོས་བསྐྱེད་པས། །སོ་སོའི་རང་བཞིན་བོར་ནས་ཁྲོ་བོར་གསལ། །མི་ཕྱེད་དད་པ་མཆོག་གིས་ཕྱག་འཚལ་ལོ། །ཡིད་བཞིན་རིན་ཆེན་མཆོག་ཏུ་འབར་འདྲ་བ། །ཁྱོད་ཀྱི་སྐུ་མཐོང་རིམ་གྲོ་བགྱིད་འཚལ་ནི། །བདག་ཅག་འཁོར་དང་འབངས་སུ་གཏོགས་པ་རྣམས། །སྨན་པའི་དོན་རྣམས་ཕུན་སུམ་ཚོགས་པར་སྩོལ། །ཁྲོ་བོའི་རྒྱལ་པོ་དྲི་མེད་ཡེ་ཤེས་སྐུ། །རབ་ཏུ་མི་བཟད་ཁྲོ་བོའི་གཟིར་སྣང་བ། །ཆོས་ཉིད་མཉམ་པའི་ངང་ལས་མི་གཡོ་བར། །ཐུགས་རྗེའི་ཚུལ་གྱིས་ཁྲོ་ལ་ཕྱག་འཚལ་ལོ། །ནང་གི་ཆོས་ཉིད་དག་པའི་ཚུལ་སྦྱངས་ཤིང་། །ཕྱི་རོལ་དམ་རྫས་གཅེས་པར་མ་བགྱིས་ཏེ། །རྡོས་པོའི་དངོས་འདི་འཕགས་ལ་མི་གཅེས་ཀྱང་། །བདག་ཅག་ལུས་རྣམས་འཕགས་ལ་ཡོན་ཕུལ་ན། །གཉིས་མེད་དོན་གྱི་མཆོད་པར་བཞེས་སུ་གསོལ། །བདག་ཅག་རིགས་རྒྱུད་འཁོར་དུ་རྟོགས་རྣམས་ཀྱིས། །ལུས་ངག་ཡིད་གསུམ་དད་པས་ཕྱག་འཚལ་ལོ། །དད་པ་རབ་ཀྱིས་འཕགས་མགོན་མི་གཏོང་ན། །འགྲོ་ལ་ཕན་ཕྱིར་ཁྲོ་རྒྱལ་ཁྱོད་བསྒོམ་ན། །མི་མཐུན་ཕྱོགས་རྣམས་རྡུལ་དུ་བརླག་ཏུ་གསོལ། །ཞེས་ཀུན་གྱིས་བསྟོད་ཅིང་ཕྱག་འཚལ་ལོ། །གཤིན་རྗེ་ནག་པོའི་ཏནྟྲ་ལས། འཁོར་གྱིས་བསྟོད་པའི་ལེའུ་སྟེ་སུམ་ཅུ་རྩ་གཅིག་པའོ།། །།དེ་ནས་གཤིན་རྗེ་དང་མ་མོ་དང་མཁའ་འགྲོ་ཐམས་ཅད་ཀྱིས་མགྲིན་གཅིག་ཏུ་སྨྲས་པ། བདག་རྣམས་དུས་རྣམས་ཐམས་ཅད་དུ། མགོན་པོ་གཤིན་རྗེའི་གཤེད་ཀྱི་བཀའ་དང་དམ་ལས་མི་འདའ་ཞིང་། བཀའ་ཅི་སྩལ་པ་བགྱིད་དོ། །གལ་ཏེ་དམ་བཅས་པ་ལྟར་མ་བགྱིས་ན། མགོན་པོ་ཉིད་ཀྱིས་བདག་ཅག་རྣམས་མངོན་དུ་བསྒྲལ་ཏེ། སྙིང་འགས་པར་གྱུར་ཅིག་པར་དམ་བཅས་སོ། །དེ་ནས་འཁོར་ཐམས་ཅད་ཀྱིས་ཀྱང་དེ་བཞིན་དུ་དམ་བཅས་ནས་སོ་སོ་རང་རང་གི་གནས་སུ་དོང་ངོ་། །འཇམ་དཔལ་གཤིན་རྗེ་ནག་པོའི་རྒྱུད་ལས། ཞབས་ཀྱི་དོན་བསྡུས་པ་དམ་བཅས་པའི་ལེའུ་སྟེ་སུམ་ཅུ་རྩ་གཉིས་པའོ།། །།གཤིན་རྗེ་ནག་པོའི་རྒྱུད་ལས་སློབ་དཔོན་ཆེན་པོ་མ་ཧཱ་ནེ་པི་ཀུ་ཏ་པ་ཏས་བསྒྱུར་བ་རྫོགས་སོ།། །།