ཤེས་རབ་ཀྱི་ཕ་རོལ་ཏུ་ཕྱིན་མ་དཀར་མོའི་སྒྲུབ་ཐབས།
རྒྱ་གར་སྐད་དུ། ཤུ་ཀླཱ་པྲཛྙཱ་པཱ་ར་མི་ཏཱ་སཱ་དྷ་ནི། བོད་སྐད་དུ། ཤེས་རབ་ཀྱི་ཕ་རོལ་ཏུ་ཕྱིན་མ་དཀར་མོའི་སྒྲུབ་ཐབས། འཕགས་མ་ཤེས་རབ་ཀྱི་ཕ་རོལ་ཏུ་ཕྱིན་མ་ལ་ཕྱག་འཚལ་ལོ། །གང་ཞིག་བསྒོམས་པ་ཙམ་གྱིས་ནི། ། ཤེས་རབ་ཕ་རོལ་ཕྱིན་འབྱུང་ཞིང༌། །ཀུན་གྱི་བྱང་ཆུབ་རྣམ ་འཛིན་པ། །དེ་ནས་ཡང་དག་བཤད་པར་བྱ། །ཞལ་གཅིག་ཕྱག་ནི་གཉིས་པ་སྟེ། །སྐུ་མདོག་དཀར་མོ་ཡིད་འོང་མ། །དབུ་སྐྲ་ཕྱེད་ཕྱེད་འཁྱིལ་པ་ཅན། །ཆུ་སྐྱེས་དཀར་ལ་ཡང་དག་གནས། །ཕྱག་གཡས་ན་ནི་པདྨ་དང༌། །གཡོན་ན་ཤེས་རབ་ཕ་རོལ་ཕྱིན། །མདོག་དཀར་རྣམ་པར་བསྒོམ་པར་བྱ། །རྡོ་རྗེ་སྐྱིལ་ཀྲུང་གིས་བཞུགས་པའི། །རྒྱན་རྣམས་ཐམས་ཅད་ཡོངས་སུ་རྫོགས། །ལྟེ་བའི་དཀྱིལ་འཁོར་ལ་བསྒོམ་བྱ། །ཨོཾ་ཡིག་ཡེ་ཤེས་ལས་བྱུང་བ། །མཆོག་ཏུ་དགའ་བར་བྱེད་པ་མོ། །དམ་ཚིག་སེམས་དཔའ་རྫོགས་བྱས་ལ། །ཡེ་ཤེས་སེམས་དཔའ་བསྒོམ་པར་བྱ། །རྣལ་འབྱོར་ཟླ་དྲུག་གོམས་པ་ཡིས། །ཤེས་རབ་ཕ་རོལ་ཕྱིན་མར་འགྱུར། །མཚན་མོ་བདུན་གྱི་རྣལ་འབྱོར་གྱིས། །བསྟན་བཅོས་ཀུན་ལ་འཇིགས་པ་མེད། །བཟླས་པ་འབུམ་དུ་སྦྱོར་བ་ཡིས། །ཉིན་རེ་ཉིན་རེ་ཚིགས་བཅད་བརྒྱ། །འབད་པ་མེད་པར་རབ་ཏུ་རྩོམ། །གཞུང་ཡང་རྒ་ནི་འཛིན་པར་བྱེད། །འདི་རྣམས་སངས་ཀྱི་ཚིག་ཏུ་འགྱུར། །ཨོཾ་པི་ཙུ་པི་ཙུ་པྲཛྙཱ་ཝརྡྷ་ནི་ཛྭ་ལ་ཛྭ་ལ་མེ་དྷ་ཝརྡྷ་ནི་དྷི་རི་དྷི་རི་བུ་དྷི་ཝརྡྷ་ནི་སྭཱ་ཧཱ། བྱ་རོག་གི་སྒྲ་མི་གྲགས་པར་སངས་འདིས་ལན་བདུན་རང་སྒྱུར་ལ་མངོན་པར་བསངས་ནས་ཇི་སྲིད་ཟླ་བ་དྲུག་གི་བར་དུ་འཐུངས་ན་ཤེས་རབ་ཆེན་པོར་འགྱུར་རོ། །ཨོཾ་པྲཾ་སྭཱ་ཧཱ། སྔགས་འདིས་ཀྱང་ངོ༌། །འདི་ལ་མི་བསྐྱོད་པའི་རྒྱས་གདབ་པོ་ཞེས་སོ། །ཤེས་རབ་ཀྱི་ཕ་རོལ་ཏུ་ཕྱིན་མ་དཀར་མོའི་སྒྲུབ་ཐབས་རྫོགས་སོ།།