ཐུབ་པ་ཆེན་པོ་དྲང་སྲོང་གར་གས་ལྟས་ཀྱི་རྣམ་པ་བསྟན་པ་ཞེས་བྱ་བའི་གཙུག་ལག།

---

^{[མ་དཔེ་གཟིགས་ན་འདིར་གནོན།]}

ཐུབ་པ་ཆེན་པོ་དྲང་སྲོང་གར་གས་ལྟས་ཀྱི་རྣམ་པ་བསྟན་པ་བཞུགས། ཐུབ་པ་ཆེན་པོ་དྲང་སྲོང་གར་གས་ལྟས་ཀྱི་རྣམ་པ་བསྟན་པ་ཞེས་བྱ་བའི་གཙུག་ལག །ཐམས་ཅད་མཁྱེན་པ་ལ་ཕྱག་འཚལ་ལོ། །གཟའ་སྐར་རིག་པའི་ཕ་རོལ་ཕྱིན། །ཐུབ་པའི་ཚོགས་མཆོག་གར་ག་ལ། །བྷ་གུ་རིས་ནི་ཕྱག་འཚལ་ཏེ། །ཐལ་མོ་སྦྱར་ནས་ཡོངས་སུ་ཞུས། །ལྷ་ཡི་མིག་ལྡན་དཀའ་ཐུབ་ཆེ། །སྐལ་ལྡན་རྒྱ་མཚེ་ཆེ་ལྟ་བུ། །ཤེས་རབ་མཆོག་གི་རབ་རྟོགས་པའི། །རིགས་པ་དེ་ནི་ཐོབ་པར་འཚལ། །ཡུལ་གྱིས་དངོས་དང་དངོས་མེད་དང༌། །བསྟན་དང་འབྲས་བུ་གྲུབ་པ་དང༌། །མི་རྣམས་ཀྱི་ནི་ཕམ་རྒྱལ་དང༌། །སྤྲིན་གྱི་ཁ་དོག་གཟུགས་རྣམས་དང༌། །དེ་བཞིན་ཉི་མ་ཟླ་བ་དང༌། །ལྷ་ཡུལ་བར་སྣང་ས་བླ་ཡི། །ལྟས་སུ་བྱུང་བའི་མཚན་མ་དང༌། འཕྲལ་གྱི་ཆར་བའི་མཚན་མ་དང༌། །དུས་མཚན་ཆགས་དང་དགེ་མི་དགེ། །ཉི་ཟླ་དག་གི་ཉིན་འཁོར་ནས། །སྐམ་མདའ་ལྷུང་དང་གནམ་གྲུམ་དང༌། དྲི་ཟ་ཡི་ནི་གྲོང་ཁྱེར་དང༌། །ས་གཡོ་བ་ཡི་འབྲས་བུ་དང༌། །ཉི་མའི་གཟུགས་ནི་ཁྱིམ་པ་དང༌། །དེ་བཞིན་ཟླ་བ་ཁྱིམ་བརྗོད་པ། །དེ་དག་ཐམས་ཅད་མ་ལུས་པ། །དཀའ་ཐུབ་འགྲུབ་པས་གསུང་པར་འོས། །དེ་སྐད་དྲིས་ནས་གཟི་ཆེན་པོ། །གར་གཡིས་ནི་ཚིག་སྨྲས་པ། །བྷ་གུ་རིས་ནི་གང་དྲིས་པ། །དེ་ཉིད་ཉོན་ཅིག་སྐལ་བ་ཅན། །མར་མེ་ལྟ་བུའི་གཙུག་ལག་འདི། །དགོས་པ་ཐམས་ཅད་རིག་བྱེད་པ། །གྲགས་དང་གསལ་དང་རྣམས་གསལ་དང༌། བདེ་སྡུག་ངེས་པར་རྟོགས་བྱེད་པ། །བྲམ་ཟེ་གཙོ་དང་རྒྱལ་པོ་ལ། །དྲང་སྲོང་མཆོག་གིས་བསྟན་པར་བྱ། །ཉི་མ་དང་ཟླ་བའི་ལྟས་ལ་ལེགས་ལྡན་གང་གི་ཚེ་ཉི་མ་ཨུཏྤ་ལ་སྔོན་པོ་ལྟ་བུའི་འོད་ཅན། རེག་པ་ན་གཟི་བྱིན་དུ་རྣོ་བ་ཅན། ཟླ་བ་ལྟར་བསིལ་བ་ཅན་ནམ་མཁའི་དཀྱིལ་དུ་སོང་ལ་སྣང་བ་དེའི་ཚེ་ནི་རྒྱལ་པོ་འཆི་བར་འགྱུར་རོ། །གང་གི་ཚེ་ཉི་མ་འཆར་བ་དང་ནུབ་པ་ཁོ་ནའི་ཚེ་འཁོར་ལོ་བཞིན་དུ་འཁོར་བར་གྱུར་པ་དེའི་ཚེ་ནི་གདོན་མི་ཟ་བར་རྒྱལ་པོ་འཚེ་བར་འོང་ལ་ཕ་རོལ་གྱི་དམག་ཚོགས་རྣ་མས་ཀྱང་འོང་ཞིང༌། ཡུལ་རྣམས་ཀྱང་འཁྲུག་པར་འགྱུར་ཏེ། དེའི་ཚེ་ཡུལ་ནི་དགོན་བཞིན་རི་དགས་ཀྱིས་གང་བར་འགྱུར་རོ། །ཡང་ན་ཉི་མ་གཟས་ཟིན་པ་ཡང་མེད་པར་འོད་བར་འགྱུར་བ་དེ་ནི་དེའི་ཚེ་རྒྱལ་པོ་དེ་དག་གི་ཕྱི་ནང་ན་རྟག་ཏུ་འཚོ་བར་འགྱུར་རོ། །ཡང་དག་གི་ཚེ་ཉི་མ་

---

^{[མ་དཔེ་གཟིགས་ན་འདིར་གནོན།]}

གཟས་མ་ཟིན་པར། ནམ་མཁའ་ལ་ཕྱེད་དུ་སྣང་ངམ། ཉི་མ་ཉིད་ནམ་མཁའ་ལ་གཡོ་བར་གྱུར་ཏམ། ཁ་དོག་ངན་པའམ། སྐྱ་བོར་འགྱུར་ན་དེའི་ཚེ་རྒྱལ་པོ་འཚེ་ཞིང༌། སྐྱེ་བོ་འཚེ་བ་དང་ལོ་ཉེས་པ་དང༌། ཆོམ་རྐུན་རྣམས་ཀྱི་མཐུར་གྱུར་བའམ། ཡང་ན་དབང་པོས་ཆར་མི་འབེབ་བར་འགྱུར་རོ། །ཡང་དུས་མཚམས་མ་ཡིན་པར་ཉི་མ་དང་ཟླ་བ་གཟས་ཟིན་པར་གྱུར་ན། དེའི་ཚེ་མི་དག་མཚོན་གྱིས་འདེབས་ལ། དེ་བཞིན་དུ་ནང་དང་འཐབ་པ་དག་གིས་འཚེ་བར་ཡང་འགྱུར། རྒྱལ་བོ་ཡང་འཚེ་ཞིང༌། མུ་གེ་དང༌། མི་ངས་དག་གི་ཚོགས་ཆེན་པོར་འགྱུར་རོ། །མི་རྣམས་ཀྱང་ཉེ་དུ་ཕུ་ནུ་དག་དང་མི་མཐུན་ཞིང་འགལ་བར་འགྱུར་རོ། །མིའི་བུ་རྣམས་མངལ་དུ་ཡང་འཆི་བར་འགྱུར་རོ། །ཡང་ཉི་མ་འོད་ཟེར་དང་བྲལ་ཞིང་མི་ལོང་བུ་ལྟ་བུར་སྣང་ན། དེ་ཡང་ངེས་པར་རྒྱལ་པོ་འཇིགས་པར་རིག་པར་བྱའོ། །ཡང་ན་ཉི་མ་ནམ་མཁའ་ལ་ཁྲག་གི་འོད་ཅན་ལྟ་བུ་སྣང་བ་དེའི་ཚེ་རྒྱལ་པོ་རྣམས་དང༌། དེ་ལ་བརྟེན་པ་རྣམས་དང༌། ཡུལ་རྣམས་དང༌། དེ་བཞིན་དུ་དབང་པོ་རྣམས་དང༌། ཕན་ཚུན་དུ་གསོད་པར་འགྱུར་རོ། །དེའི་ཚེ་སྐྱེ་བོ་ཐམས་ཅད་ཆོས་དང་མི་མཐུན་པར་ཕྱིན་ཅི་ལོག་པར་སྤྱོད་པའི་ལྟས་ཡིན་ནོ། །གང་གི་ཚེ་ཉི་མ་འཆར་བ་ན། གཞུ་ལྟར་རབ་ཏུ་སྒུ་བར་སྣང་ཞིང༌། སྤྲིན་དམར་དག་གིས་ཁེབས་ན། དེའི་ཚེ་ཕ་རོལ་གྱི་དམག་ཚོགས་དག་འོང་བར་འགྱུར་རོ། །གང་གི་ཚེ་ཉི་མ་འཆར་བ་ན། གཟུགས་བརྙན་དག་སྣང་བ་དེའི་ཚེ་ན་འཇིགས་པ་ཆེན་པོ་འོང་བར་བསྟན་ཏོ། །དེ་དག་གི་ཚེ་ཉི་མ་འཆར་བ་དང༌། ནུབ་པ་ཁོ་ན་དེའི་ཚེ་ཉི་མ་མགོ་བཅད་པ་ལྟ་བུའི་སྤྲིན་གྱིས་ཁེབས་པ་དེའི་ཚེ་ན། ཡུལ་དུ་འཇིགས་པ་ཆེན་པོ་འབྱུང་བར་རིག་པར་བྱའོ། །ཡང་ཉི་མ་འཆར་བ་ནུབ་པ་ཁོ་ནའི་ཚེ་ཉི་མ་འཁྱམས་པ་དང༌། སྐན་མདའ་ལྟུང་བ་དང༌། ས་གཡོ་བར་གྱུར་པ་དེའི་ཚེ་རྒྱལ་པོ་གསོད་པར་འགྱུར་རོ། །ཡང་གལ་ཏེ་ཉི་མ་གཟུགས་བུ་གུ་ཅན་དང༌། བོང་བུ་དང༌། ཁྲག་ལྟ་བུའི་ཉི་མ་ཕྱེད་དུས་གསལ་བར་སྣང་ན། མིའི་བདག་པོ་མཐའ་དག་འཚེ་བ་དང༌། ནད་དང༌། མུ་གེ་དག་ལྡང་བས་སྐྱེ་བོ་བས་བའི་དུས་སུ་འགྱུར་རོ། །གང་གི་ཚེ་ཉི་མ་ཟླ་བ་དག་འཁྱམས་ཞིང་དུ་ཀྱིལ་འཁོར་ཐ་དད་དུ་ཆུད་ལ། རྩུབ་པར་གྱུར་པ་དེའི་ཚེ་ནི་ཐེ་ཚོམ་མེད་པར་དམག་འབྱུང་བར་འགྱུར་རོ། །གང་དུ་ཉི་མ་དང་ཟླ་བ་དག་

---

^{[མ་དཔེ་གཟིགས་ན་འདིར་གནོན།]}

འཁྱམས་པ་དང༌། དཀྱིལ་འཁོར་མཐའ་བདག་མ་ཡིན་པ་དང༌། རྩུབ་ཅིང་རྣམ་པར་གཞག་པ་དང༌། ཉམས་པར་གྱུར་པ་དེའི་ཚེ་འཆར་བ་མེད་པར་འགྱུར་ཞིང༌། མུ་གེ་དང་མི་ངས་དག་འབྱུང་བར་རིག་པར་བྱའོ། །གང་དུ་ཉི་མ་དང་ཟླ་བ་དག་རྨ་བྱའི་མགྲིན་པ་ལྟ་བུ་འཁྱམས་པར་གྱུར་པ་དེའི་ཚེ་ན་དེས་མུ་གེ་འབྱུང་བར་བསྟན་ཏོ། །གང་གི་ཚེ་ཉི་མ་སྤྲིན་གྱི་ཁ་དོག་ལྟ་བུ་དང༌། འཇའ་འདྲ་བ་དང༌། དཀྱིལ་འཁོར་ཆུང་བར་གྱུར་པ་དེའི་ཚེ་ན་འཕྲལ་འཕྲལ་དུ་ཆར་པ་འབབ་པར་འགྱུར་རོ། །གང་གི་ཚེ་ཉི་མ་དང༌། ཟླ་བ་དང༌། གཟའ་རྣམ་གསུམ་འགལ་བར་གྱུར་པ་ནི་ཞག་གསུམ་ཚུན་ཆད་ཆར་བ་འབབ་པ་དང༌། ཟླ་བ་གསུམ་ཚུན་ཆད་དུ་འཇིགས་པ་ཆེན་པོ་འབྱུང་བར་རིག་པར་བྱའོ། །གང་གི་ཚེ་ཟླ་བ་ཆུ་ལ་ཟླ་བརྙན་དག་སྣང་བར་འགྱུར་ན་ཡང་ཞག་གསུམ་ཚུན་ཆད་ཆར་པ་འབབ་པ་དང༌། ཟླ་བ་གཅིག་ལ་འཇིགས་པ་ཆེན་པོ་འབྱུང་བར་འགྱུར་རོ། །གང་གི་ཚེ་ཟླ་བ་འཁྱམས་ཤིང་ངན་དུ་ནུབ་པར་རབ་ཏུ་སྣང་ན། གཟའ་རྣམས་ཀྱི་ཡང་ཟིལ་གྱིས་ནོན་པར་འགྱུར་རོ། །དེ་བཞིན་དུ་སྣང་བ་ཆུང་པར་གྱུར་པ་དེའི་ཚེ་ན། དམག་དཔོན་རྣམས་འཆི་བར་འགྱུར་ལ། དེ་བཞིན་དུ་ཡུལ་དེ་ཡང་ལོ་ཉེས་དང༌། མུ་གེ་དང༌། མི་ངས་པ་དག་ཀྱང་འབྱུང༌། རྒྱལ་པོ་ཡང་འཚེ་བར་འགྱུར་བ་དང༌། ཆོམ་རྐུན་པ་དག་ཀྱང་བརྒྱལ་བར་འགྱུར་བའི་ལྟས་སུ་བསྟན་ཏོ། །ཡང་ཟླ་བའི་གཟུགས་འཁྱམས་པ་དང༌། གཟའ་རྣམས་ཕན་ཚུན་དུ་མཐོ་ཞིང་ཞུམ་པར་ཡང་གྱུར་པ་དེ་ནི། ལུས་ཅན་རྣམས་ཤིན་ཏུ་མནར་བར་འགྱུར་བར་བསྟན་ཏོ། །ཟླ་བའི་གཟུགས་འཁྱམས་པ་ན། གང་གི་ཚེ། ཟླ་བ་ཁྲག་གི་མདོག་ལྟ་བུའི་ཁ་དོག་ཏུ་གྱུར་པ་དེའི་ཚེ་ན་དམག་ཁྲག་གི་འདམ་རྫབ་ཅན་འབྱུང་བར་འགྱུར་རོ། །ཉི་ཟླའི་ལྟས་ཀྱི་ལེའུ་སྟེ་དང་པོའོ།། །།གཟའ་སྐར་གྱི་ལྟས་ལ་དྲང་སྲོང་ཆེན་པོ་གར་ག་ལ་ལེགས་ལྡན་ཕྱོགས་ཀྱི་སྐྱོང་བ་དག་ཇི་ལྟར་གནས་པ་དང༌། གཟའ་དང་རྒྱུ་སྐར་དག་གི་ཆེ་ཆུང་དང༌། ཇི་ལྟར་རྒྱུ་བ་དང༌། སྐར་མ་དག་གང་ནས་འབྱུང་ཞིང་ཇི་ལྟར་ལྟུང་བ་དང༌། རྣམ་པར་རྒྱུ་བ་དག་སྐྱེས་བུ་དམ་པ་ཚངས་པ་ལྟ་བུའི་གཟི་བརྗིད་ཅན་གྱིས་བདག་ལ་བསྟན་དུ་གསོལ་ཞེས་ཉོན་མོངས་པ་ཅན་མ་ཡིན་པའི་སློབ་མ་བྷ་གུ་རིས་ཀུན་དུ་དྲིས་པ་དང༌། རིག་པའི་གནས་ཐམས་ཅད་ཀྱི་ཕ་རོལ་ཏུ་ཕྱིན་པས་བཤད་པ། ཕྱོགས་སྐྱོང་དག་ནི་བཞི་སྟེ། རང་གི་ཕྱོགས་ལ་ཡང་དག་པར་བརྟེན་པ་དག་

---

^{[མ་དཔེ་གཟིགས་ན་འདིར་གནོན།]}

གོ །གཟའ་དང་རྒྱུ་སྐར་ཐམས་ཅད་ཀྱི་སྟེང་ན་སྨེ་བདུན་དག་གནས་ཤིང༌། དེ་དག་གི་འོག་ན་ནི་སྤེན་པ་དག་གནས་སོ། །ཉི་མའི་དཀྱིལ་འཁོར་ནི་དཔག་ཚད་བརྒྱ་སྟོང་དུ་བརྗོད་དོ། །ཟླ་བ་ནི་བཅུ་དྲུག་ཏུ་བརྗོད་དོ། །སྒྲ་གཅན་འཛིན་ནི་ཉིས་འགྱུར་རོ། །སྣར་མ་དང༌། གྲོ་བཞིན་དང༌། རྒྱལ་དང༌། མགོ་དང༌། བྱི་བཞིན་དང༌། ནག་པ་དང༌། ས་རི་དང༌། ས་ག་དང༌། ལག་དང༌། སྣྲོན་དང༌། སྣྲུབས་དང༌། ནབ་སོ་དག་སྟེ། རྒྱུ་སྐར་བཅུ་གཉིས་པ་དག་གི་དཀྱིལ་འཁོར་ནི་དཔག་ཚད་གཉིས་གཉིས་སོ། །དེ་བཞིན་དུ་སྐར་མ་ཕྲ་མོ་གཞན་དག་གི་ཚང་དུ་རྒྱང་གྲགས་ཙམ་མོ། །དེ་དག་གི་གྲངས་ནི་དུང་ཕྱུར་ཕྲག་གཉིས་དང༌། བྱེ་བ་ཕྲག་བརྒྱད་དང་ས་ཡ་ཕྲག་ལྡར་བཤད་དེ། རྒྱུ་སྐར་གྱི་དཀྱིལ་འཁོར་ལ་གནས་པ་དག་ཡིན་ནོ། །རྒྱུ་སྐར་མེ་བཞི་དང༌། ནག་པ་དང༌། ས་རི་དང༌། ས་ག་དང༌། ལག་དང༌། དེ་བཞིན་དུ་མགོ་དང༌། ནབ་སོ་དང༌། སྦོ་རྣམས་ནི་རླུང་གི་དཀྱིལ་འཁོར་ཡིན་ཏེ། དེ་དག་དབང་བའི་དུས་སུ་གལ་ཏེ་ས་ག་ཡོ་བ་དང་སེར་བ་འབབ་པ་དང༌། སྒྲ་གཅན་འཛིན་མཐོང་བར་འགྱུར་པ་དང༌། སྐར་མདའ་དང༌། སེར་བ་མི་བཟད་བ་འབབ་པར་འགྱུར་ན་དེའི་ཚེ་ན་རྡུལ་གྱི་ཆར་མི་ཟད་པ་འབྱུང་བ་དང༌། དེའི་ཚེ་རླུང་དམར་མ་རུངས་པ་ལྡང་ཞིང༌། ཁང་བཟངས་དང༌། རྟ་བབས་དང༌། བ་གམ་དང་སྐྱེད་ཤིང་དང༌། ཁང་པ་རྣམས་འགྱེལ་བར་བྱེད། མཚོ་ཆེན་པོ་དང༌། འབབ་ཆུ་དང༌། རྫིང་དང༌། ཁྲོན་པ་རྣམས་ཀྱི་ཆུ་ཡང་སྐེམ་པར་བྱེད་པ་སྟེ། དེ་ལྟར་སྔོན་གྱི་རིག་པས་རླུང་ལས་གྱུར་བའི་བྱེ་བྲག་ཏུ་བརྗོད་པ་ཡིན་ནོ། །གལ་ཏེ་དེ་དག་ཉེ་བར་ཞི་བའི་རྒྱུ་ཞག་བདུན་ཚུན་ཆད་ཆར་མ་བབ་བར་གྱུར་ན་རླུང་འཁྲུགས་པ་ལས་བྱུང་བའི་གནོད་པ་ལ་གཞན་དག་ཀྱང་འབྱུང་བར་འགྱུར་ཏེ། ཡུལ་མ་ཏུན་ད་དང༌། ཡུལ་བ་ལི་ཀ་དང༌། ཡུལ་ཀ་ཙ་ད་དང༌། ཡུལ་ཀམ་པོ་ཛ་དང༌། ཡུལ་བར་བར་དང༌། ཡུལ་སྤོས་འཛིན་དང་བཅས་པ་དག་ཏུ་ཡང་འཁྲུག་ཅིང་ཕན་ཚུན་མི་མཐུན་པ་དང༌། དེ་བཞིན་དུ་ནད་དག་གིས་ཟིན་པའི་སྒྲ་མི་སྙན་པ་དང༌། ལུས་འཕགས་དག་ཀྱང་ཉེན་པར་འགྱུར། མཚོན་གྱིས་ཐེབས་པ་དག་ཀྱང་འབྱུང༌། རྒྱལ་པོ་རྣམས་ལ་ཡང་དམག་འདྲེན་པར་འགྱུར་ཞིང༌། དེ་བཞིན་དུ་མའི་མངལ་ཡང་འགགས་པ་དང༌། ས་ཡང་འབྲས་བུ་མི་སྐྱེ་བ་དང༌། ཤིང་ཐོག་དང༌། འབྲས་བུའི་ཤིང་དག་ཀྱང་ངན་ཅིང་ཉུང་བ་དང༌། དབང་པོས་

---

^{[མ་དཔེ་གཟིགས་ན་འདིར་གནོན།]}

ཀྱང་ཆར་པ་ཆེན་པོ་མི་འབེབས་པ་དང༌། ཕྱོགས་ཐམས་ཅད་ཀྱི་སའི་མདངས་ཀྱང་སྔོ་གནག་ཏུ་འགྱུར་ཞིང་མི་གསལ་བ་དང༌། རྩུབ་པར་སྣང་བ་དང༌། བ་ལང་དང༌། ར་ལུག་དང༌། བྱ་དང༌། རི་དགས་དག་ཀྱང་འཇིགས་པ་མེད་པར་ཡང་སྐྲག་ཅིང་འདྲོག་པ་དང༌། ཕྱོགས་བསླད་ཅིང་ཕན་ཚུན་ཐོབ་པར་འགྱུར་རོ། །ཡང་རྒྱུ་སྐར་ས་ག་དང༌། སྨིན་དྲུག་དང༌། རྒྱལ་དང༌། ཁྲུམས་སྟོད་དང༌། བྷ་གའི་ལྷ་གང་ཡིན་པ་འདི་དང༌། མཆུ་དང༌། གཤིན་རྗེའི་ལྷ་གང་ཡིན་པ་འདི་དག་དབང་བའི་དུས་སུ་ས་གཡོས་པའམ། གནམ་གྲུབ་པ་འབྱུང་བར་གྱུར་ན་མེའི་ཕྱོགས་ཀྱི་དཀྱིལ་འཁོར་ལ་བབ་པའི་ཤུགས་ཀྱིས་གནོད་པ་འབྱུང་བར་རིག་པར་བྱ་སྟེ། མཁྲིས་པའི་རིགས་ལས་གྱུར་གནོད་པས་སྐྱེ་དགུ་ཤིན་ཏུ་གཟིར་བ་དང༌། བུད་མེད་རྣམས་ལ་ཁྲག་ནད་འབྱུང་བ་དང༌། བ་དང་མ་ཧེ་ཞོ་སྐམ་པ་དང༌། བསོད་ནམས་བྱ་བར་བརྩམས་ཤིང་བསམ་པ་ཐམས་ཅད་ཀྱང་འགྲུབ་པར་མི་འགྱུར་ལ། སེམས་ཅན་རྣམས་ལ་ཡམས་ནད་འབྱུང་བ་དང༌། དེ་བཞིན་དུ་ནད་དང༌། རྒྱལ་པོ་ལས་ཀྱང་གྱུར་བ་འབྱུང་བ་དང༌། སྐྱེ་དགུ་རྣམས་ཀྱང་ཕན་ཚུན་དགའ་བ་དག་བྱེད་ནས་མི་མཐུན་པར་ཡང་འགྱུར་ཞིང་ཉིན་མཚན་དུ་ཕྱོགས་རྣམས་སུ་གནས་མེ་ཞི་བར་ཡང་མི་འགྱུར། སྤྲིན་ཡང་ཆར་པ་འབེབས་པར་མི་འགྱུར། དེ་བཞིན་དུ་འདོད་འཇོ་དག་ཀྱང་འོ་མ་མེད་པར་འགྱུར་བ་དང༌། ཤིང་ལྗོན་པའི་རིགས་དང༌། ལྕུག་མ་དག་ཀྱང་མེ་ཏོག་དང༌། འབྲས་བུ་ཉུང་བ་དང༌། ཆུའི་གནས་ཁྲོན་པ་དང༌། རྫིང་དང༌། ལྟེང་ཀ་ལ་སོགས་པ་ཡང་སྐམ་པར་འགྱུར་ཞིང༌། མུ་གེ་དང་ནད་ཀྱིས་ཉེན་པ་འབྱུང་བ་དང༌། ཡུལ་འཁྲུག་པར་ཡང་འགྱུར། ཆོམ་རྐུན་གྱི་འཇིག་རྟེན་རྣམས་ཀྱི་མཐུ་དང། རི་དགས་རྣམས་ཀྱང་འདྲེན་པར་འགྱུར། ཤ་སྤྲང་དང༌། སྦྲང་བུ་མཆུ་རིངས་རྣམས་དང༌། དེ་བཞིན་དུ་རིགས་ངན་གྱི་རིགས་དག་ཀྱང་འཕེལ་བར་འགྱུར་ཏེ། དེ་ལྟར་མེའི་ཕྱོགས་ཀྱི་དཀྱིལ་འཁོར་དུ་ཆོས་ལུགས་དེ་རྣམས་འབྱུང་བར་ཤེས་པར་བྱའོ། །ཁྲུམས་སྨད་དང༌། ཆུ་ལྷ་དང༌། དེ་བཞིན་དུ་ནམ་གྲུ་དང༌། བདེན་བྲལ་གྱི་ལྷ་དང༌། སྐག་དང༌། དེ་བཞིན་ལག་ནི་ཆུའི་དཀྱིལ་འཁོར་ཡིན་ཏེ། དེ་ནི་བསྟན་བཅོས་རིག་པ་རྣམས་ཀྱིས་བརྗོད་པ་ཡིན་ནོ། །གལ་ཏེ་འདིར་ས་གཡོ་བ་དང༌། གནམ་གྲུམ་པ་བྱུང་བ་དང༌། ཉི་མ་དང༌། ཟླ་བ་ཡང་ཉེ་བའི་ཆགས་པ་དང་ལྡན་པ་དང༌། མཇུག་རིངས་དང༌། དེ་བཞིན་དུ་ལྟས་སུ་

---

^{[མ་དཔེ་གཟིགས་ན་འདིར་གནོན།]}

འབྱུང་བ་གཞན་མཐོང་བར་གྱུར་ན་ཆུ་ལྷའི་དེ་ནི་སྐྱེ་དགུ་རྣམས་ལ་དགེ་བའི་རྒྱུ་ཡིན་པར་ཤེས་པར་བྱ་སྟེ། དེར་ལོ་ལེགས་པ་དང༌། བ་འོ་མ་མང་བ་ཉིད་དུ་ཡང་ཤེས་པར་བྱའོ། །བུད་མེད་དག་ཀྱང་དུས་ཚང་ནས་ཚོར་བ་མེད་པར་བདེ་བར་བཙའ་བར་འགྱུར་རོ། །ས་བོན་ཇི་ལྟར་བཏབ་པ་བཞིན་དུ་གྲུབ་ནས་ས་ཡང་ལོ་ཏིག་གི་ཕྲེང་བ་ཅན་དུ་འགྱུར་ཞིང༌། རྒྱལ་པོ་རིག་པའི་རྗེས་སུ་འབྲང་བ་དག་ཀྱང་མི་དགེ་བ་མེད་པར་འགྱུར་རོ། །བྲམ་ཟེ་ལ་སོགས་པའི་རིགས་བཞི་པོ་ཡང་རང་གི་ལས་རྣམས་ལ་གནས་པར་འགྱུར། སྐྱད་ཀྱིས་འཚོ་བ་ཐམས་ཅད་ཀྱིས་ཀྱང་རྙེད་པའི་མཆོག་རྙེད་པར་འགྱུར་ཞིང༌། ས་ལས་སྐྱེ་བ་རྣམས་ཀྱང་འབྲས་བུ་དང༌། མེ་ཏོག་དང་འདབ་མ་དང་ལྡན་ཞིང་འཕེལ་བར་འགྱུར་བ་དང༌། བདེ་བ་དང༌། ལོ་ལེགས་པ་དང༌། ནད་མེད་པ་དང༌། སྐྱེ་དགུ་རྣམས་ལ་ཡང་དགེ་བར་འགྱུར་རོ། །མོན་གྲུ་དང༌། སྣར་མ་དང༌། སྣྲོན་དང༌། དེ་བཞིན་དུ་ལྷ་མཚམས་དང༌། བྱི་བཞིན་གྲོ་བཞིན་དང༌། དེ་བཞིན་དུ་གཞན་ཡང་ཆུ་སྨད་ནི་དབང་པོ་ཆེན་པོའི་ཕྱོགས་ཀྱི་དཀྱིལ་འཁོར་དུ་རིག་པར་བྱ་སྟེ། ཐམས་ཅད་ཤིན་ཏུ་ཕན་པའི་རྒྱུ་ཡིན་ཞིང་སྐྱེ་དགུ་རྣམས་ལ་བདེ་བ་དང༌། ནད་མེད་པ་དང༌། རྒྱལ་པོ་རྣམས་ལ་དགེ་བ་རབ་ཏུ་སྦྱིན་པར་བྱེད་པ་ཡིན་ནོ། །གལ་ཏེ་འདིར་ས་གཡོ་བ་དང༌། དེ་བཞིན་དུ་གནམ་གྲུམ་པ་ལ་སོགས་པ་འབྱུང་བ་དང༌། ཉི་མ་དང་ཟླ་བ་ཉེ་བའི་ཆགས་པ་ཅན་དུ་གྱུར་པ་དང༌། མཇུག་རིངས་མཐོང་བར་གྱུར་བ་དང༌། གཞན་ཡང་གློ་བུར་དུ་བྱུང་བ་གཞན་ཇི་ལྟར་འབྱུང་བ་ཡང་དེར་ནི་བསྟན་བཅོས་རིག་པའི་ཐུབ་པ་རྣམས་ཀྱིས་མི་དགེ་བ་མེད་པར་བསྟན་ཏེ། ལོ་ཏོག་ངག་ཤིན་ཏུ་ཕུན་སུམ་ཚོགས་པ་དང༌། ལོ་ལེགས་པ་དང༌། ཆོམ་རྐུན་མེད་པ་དང༌། བྲམ་ཟེ་རྣམས་ཀྱི་སྦྱིན་སྲེག་དང༌། མཆོད་སྦྱིན་གྱི་བྱ་བ་ཐམས་ཅད་འགྲུབ་པར་འགྱུར་ཞིང༌། རིག་པར་བྱེད་པའི་རྒྱལ་པོ་ཐམས་ཅད་ཀྱང་ས་སྲུང་བར་བྱེད་པར་འགྱུར་བ་དང༌། རིགས་ཀྱང་རང་གི་ཆོས་ལ་གཞོལ་ཞིང༌། སེམས་ཆོས་ལ་མངོན་པར་དགའ་བ་དང༌། དུས་ཇི་ལྟ་བ་བཞིན་དུ་ཆར་ཆུ་འབབ་པ་དང༌། ཤིང་རྣམས་མེ་ཏོག་དང༌། འབྲས་བུ་སྨིན་པར་བྱེད་པ་དང༌། སྐྱེ་བོ་མཐའ་དག་རབ་ཏུ་དགའ་བ་དང༌། ལྷགས་པ་རྣམས་ཕན་ཚུན་དགའ་བར་འགྱུར་ཞིང༌། སྤྲིན་རྣམས་དོན་མེད་པར་མ་ཡིན་ཏེ། ས་གཞིར་ཆར་པ་ལེགས་པར་འབབ་པར་འགྱུར་བ་དང༌། མི་རྣམས་ཀྱི་བྱ་

---

^{[མ་དཔེ་གཟིགས་ན་འདིར་གནོན།]}

བ་ཇི་ལྟར་བརྩམས་པ་རྣམས་ཀྱང་ཕལ་ཆེར་གྲུབ་པར་འགྱུར་ཞིང་ལུས་ཅན་རྣམས་ལ་ཡང་གནོད་པ་བྱེད་པ་རྣམས་དང༌། གྲོག་སྦུར་རྣམས་དང༌། སྦྲུལ་དང༌། བྱི་བ་ལ་སོགས་པ་དང༌། དེ་བཞིན་དུ་ཡམས་ཀྱི་ནད་རྣམས་དང༌། བ་ལ་སོགས་པ་རྣམས་ཀྱང་ཡང་དག་པར་འཇིག་པར་འགྱུར་རོ། །རྣམ་པ་གཞན་དུ་ན་དབང་པོ་ཆེན་པོའི་དཀྱིལ་འཁོར་དབང་བར་གྱུར་ན་ཆུ་དང༌། མེ་དང༌། རླུང་ལས་གྱུར་པ་བད་ཀན་དང༌། མཁྲིས་པ་ལས་གྱུར་པའི་ནང་རྣམས་དང༌། དེ་བཞིན་དུ་རླུང་ལས་གྱུར་པ་རྣམས་འབྱུང་སྟེ། དེ་དག་ནི་གཞན་དུ་མ་ཡིན་ནོ་ཞེས་པ་བསྟན་ཏོ། །གཟའ་རྣམས་ཀྱི་ལེའུ་སྟེ་གཉིས་པའོ།། །།སྐར་མདའི་ལྟས་ལ་སྐར་མདའ་འདི་དག་ནི་དེ་དག་ནི་མཚན་མ་བསྟན་པའོ། །འཇིག་རྟེན་དག་ན་རྟགས་སྟོན་པར་བྱེད་པ་སྟེ། དེ་ལ་གང་གི་ཚེ་དབང་པོ་རྣམས་དང་ཆུ་ལྷ་དང༌། རླུང་ལྷ་དང༌། མེའི་ཕྱོགས་ཀྱི་གཞན་དག་ནི་ཁ་དོག་སྣ་ཚོགས་ཤིང་གཟུགས་འཇིགས་པ་དང༌། མེ་སྟག་དང་བཅས་ཤིང་འོད་དང་བཅས་པ་དང༌། སོལ་བ་འབར་བ་ལྟར་སྣང་སྟེ། ནམ་མཁའི་ངོས་ལ་ཆར་དུ་འབྱུང་བར་འགྱུར་རོ། །གཤིན་རྗེའི་ཕྱོགས་ཀྱི་སྐར་མདའ་གནག་པ་དང༌། དམར་པོ་རེང་རེད་པོ་དང༌། རྩུབ་པ་ནི་འཇིགས་པར་བྱེད་པ་སྟེ་མིའི་རྒྱལ་པོ་རྣམས་དང༌། ཡུལ་རྣམས་ལ་འཇིགས་པ་ཆེན་པོ་འབྱུང་བར་བརྗོད་པ་ཡིན་ནོ། །དེ་བཞིན་དུ་བར་སྣང་ལ་འདུག་པ་དང༌། རི་དང་རྒྱ་མཚོ་ལ་འདུག་པ་ཡང་ཡིན་ནོ། །གང་དུ་ལྷ་ཡུལ་དང༌། ས་སྟེངས་སུ་ལྷུང་ཞིང་བཟློག་ཕྱོགས་སུ་འགྲོ་བར་འགྱུར་ན་ཡུལ་དེར་ཞི་བ་མ་ཡིན་པར་འགྱུར་རོ། །རྒྱབ་ཕྱོགས་སུ་ནི་རྟག་ཏུ་ཞི་བར་འགྱུར་རོ། །དེ་བཞིན་དུ་དེ་དག་ནི་འཇིག་རྟེན་ཐམས་ཅད་དུ་རྒྱུ་བ་དང༌། གཟུགས་འདོད་པ་འཛིན་པ་དག་ཡིན་ནོ། །གནོད་པར་གྱུར་པའི་ཡུལ་དག་ཏུ་དམག་འགྱེད་དུ་འཇུག་པ་ཡང་བྱེད་པར་འགྱུར་རོ། །དེའི་འོག་ཏུ་རང་བཞིན་གྱིས་དམག་ཁོ་ནས་འཇིག་རྟེན་རྣམས་འཆི་བར་བྱེད་པར་འགྱུར་རོ། །དེ་དག་ལྷུང་བ་དག་རྗེས་སུ་མཚན་ཉིད་ཡང་དག་པར་རབ་ཏུ་བརྗོད་པར་བྱ་སྟེ། དཀར་པོ་འགྲོ་ཞིང་མེ་སྟག་དང་བཅས་པ་ནི་བྲམ་ཟེ་རྣམས་ལ་འཇིགས་པ་འདྲེན་པ་ཡིན་ནོ། །དེ་བཞིན་དུ་དམར་པོ་རྣམས་ནི་རྒྱལ་རིགས་རྣམས་ལའོ། །སེར་པོ་ནི་རྗེའུ་རིགས་རྣམས་ལའོ། །ནག་པོ་དང་སྔོ་བསྐངས་ནི་དམངས་རིགས་རྣམས་ལ་སྟེ། ཤིན་ཏུ་འཇིགས་པ་འབྱུང་བར་བརྗོད་དོ། །དེ་བཞིན་དུ་སྐར་མདའ་སྔོ་

---

^{[མ་དཔེ་གཟིགས་ན་འདིར་གནོན།]}

བ་སངས་དང༌། རྩུབ་པ་དང༌། འགྲུམ་པ་དང༌། དཀར་པོ་དང༌། སེར་པོ་དང༌། ཁ་དོག་རྣམ་པ་སྣ་ཚོགས་དང༌། མེ་སྟག་དང་བཅས་པ་དང༌། དུ་བ་འཐུལ་བ་དག་ཏུ་ལྷུང་བ་དེར་ནི་རྒྱལ་པོ་ལ་གནོད་པར་འགྱུར་རོ། །གང་དུ་ལ་ལར་ཕག་དང༌། སྤྲེའུ་དང༌། ཝ་ལྟར་བཅོས་པ་དང། རིག་དགས་དང༌། བོང་བུའི་གཟུགས་ལྟ་བུའི་འོད་ཅན་གྱི་སྐར་མདའ་ལྷུང་བ་དེར་ནི་རྒྱལ་པོ་དང་ཡུལ་འཁོར་དུ་བཅས་ཏེ་འཆི་བར་འགྱུར་བ་ཐེ་ཚོམ་མེད་དོ། །གང་རྒྱུ་སྐར་དང་ཕྲད་ནས་གང་མིའི་མདུན་དུ་གྲུམ་ཞིང་སྐར་མདའ་གྲུགས་པ་དེར་ནི་དེ་ཉིད་དུ་འབྲས་བུར་འགྱུར་པར་རྣམ་པར་བཤད་པར་བྱའོ། །གཟའ་དང༌། རྒྱུ་སྐར་གང་གི་བ་ལང་གི་ལམ་དང༌། རྟ་བབས་དང༌། རྒྱལ་མཚན་ཁྱིམ་དུ་ལྷུང་བ་དེ་ལ་ནི་འཇིགས་པ་ཆེན་པོ་འབྱུང་བར་བརྗོད་པ་ཡིན་ནོ། །གང་དུ་སྐར་མདའ་ཉི་མ་ལ་མངོན་དུ་ཕྱོགས་ཏེ་ལྷུང་བ་ནི་ཤིན་ཏུ་འཇིགས་པར་བྱེད་པར་འགྱུར་རོ། །བ་བ་སངས་ལ་རེག་པར་བྱེད་པ་དེ་ནི་དེར་རྒྱལ་པོ་ལ་འཇིགས་པ་འབྱུང་བར་འགྱུར་རོ། །གང་དུ་ཟླ་བའི་དཀྱིལ་འཁོར་ལ་རེག་པ་མེ་ལྕེའི་འོད་དང་མཉམ་པའི་སྐར་མདའ་ལྷུང་བ་དེ་ནི་རྒྱལ་ཚབ་གསོད་པར་འགྱུར་རོ། །གལ་ཏེ་སྐར་མདའ་ལྷའི་བླ་མ་ཕུར་བུ་ལ་གདུད་བར་བྱེད་པ་དེར་ནི་མདུན་ན་འདོན་གསོད་པར་འགྱུར་ཞིང་བྲམ་ཟེའི་བདག་ཉིད་ལ་ཡང་གནོད་པར་འགྱུར་རོ། །གང་གི་ཚེ་སྐར་མདའ་ལག་ལ་གདུང་བར་བྱེད་པ་དང༌། ལྷ་ལྟ་བུ་འབྱུང་བ་དེར་གཞོན་ནུ་འཆི་བར་འགྱུར་ཞིང༌། དེའི་ཚེ་རྒྱལ་པོ་ལ་ཡང་གནོད་པར་འགྱུར་རོ། །གང་དུ་སྐར་མདའ་ལྷུང་ཞིང་གཟའ་མིག་དམར་ལ་གནོད་པ་བྱེད་པ་དེར་ནི་དམག་དཔོན་གསོད་པར་འགྱུར་ཞིང༌། མཚོན་དང་མེའི་འཇིགས་པ་ཡང་འབྱུང་བར་འགྱུར་རོ། །གལ་ཏེ་སྐར་མདའ་འབབ་པ་ཉི་མའི་བུ་སྤེན་པ་ལ་གནོད་པར་བྱེད་པ་དེར་ནི་སྣ་བོའི་གཙོ་བོ་དང༌། ཚོགས་ཅན་དག་འཆི་བར་འགྱུར་རོ། །གང་གི་སྐྱེ་བའི་རྒྱུ་སྐར་ལ་སྐར་མདའ་རྟུག་ལ་གལ་ཏེ་ཞི་བར་འགྱུར་བར་མི་བྱེད་ན་ཕོ་དེ་འཆི་བར་འགྱུར་རོ། །ཏྲི་ཤང་གུ་དང༌། བྷི་རི་ཤི་དང༌། ས་ག་དང༌། ས་རི་དང༌། སྐར་མ་ཁྱི་ཁྲིད་དང༌། སྨལ་བོ་དང༌། རི་བྱ་དང༌། དེ་བཞིན་དུ་བྲ་མྟ་ན་དྷི་ད་ཡ་དང༌། ཨ་རུ་ན་དང༌། ཤི་ཤུ་མ་ར་དང༌། སྨེའུ་བདུན་དང༌། དེ་བཞིན་དུ་གུང་ཚིགས་ཀྱིས་ཁེབས་ཤིང་སྐར་མདའ་ལྷུང་བ་དེ་ཤིན་ཏུ་འཇིགས་པ་ཆེན་པོ་འབྱུང་བར་འགྱུར་ཞིང༌། དམག་མང་

---

^{[མ་དཔེ་གཟིགས་ན་འདིར་གནོན།]}

པོས་འཁྲུག་པ་དང༌། མཚོན་གྱིས་འཚེ་བ་ཡང་རབ་ཏུ་ཟད་པར་བྱེད་པར་འགྱུར། དེའི་ཚེ་ཡུལ་འཇིགས་པར་བྱེད་པའི་ཆོམ་རྐུན་ལ་སོགས་པ་ཡང་འབྱུང་བར་འགྱུར་རོ། །གང་དུ་སྐར་མདའ་རབ་ཏུ་འབར་བ་ས་ལ་ཐུར་དུ་ཐད་ཀར་འཇུག་པ་དེའི་ཚེ་ནི་དགྲ་དག་གིས་རྒྱལ་པོ་གསོད་པར་འགྱུར་ཞིང་ཡུལ་འཇིགས་པར་ཡང་འགྱུར་རོ། །སྐར་མདའ་རྟའི་དབྱིབས་ལྟ་བུ་ནི་རྒྱལ་པོའི་དམག་ལ་གནོད་པར་འགྱུར་རོ། །རལ་གྲི་དང༌། རྩེ་གསུམ་དང༌། ཁ་ཊྭཱཾ་གའི་དབྱིབས་ལྟ་བུ་ནི་ཡུལ་དང་རྒྱལ་པོར་བཅས་པ་ལ་གནོད་པར་འགྱུར་རོ། །སྐར་མདའ་ཆེན་པོ་གདུགས་དང༌། རྒྱལ་མཚན་དང༌། ཤིང་རྟའི་རྣམ་པ་དག་ཏུ་ས་ལ་ལྟུང་བ་ནི་ཞག་བདུན་གྱི་དམག་དང་རྒྱལ་པོར་བཅས་པ་ལ་གནོད་པར་འགྱུར་རོ། །གང་གི་ཚེ་ས་ལ་སྐར་མདའི་ཆར་པ་དང༌། རྡོའི་ཆར་བ་ཆེན་པོ་དག་བབ་པ་དེའི་ཚེ་ནི་དམག་སྟོང་གི་ཁྲག་སས་འཐུང་བར་འགྱུར་རོ། །གང་གི་ཚེ་སྐར་མདའ་མེའི་ཁ་དོག་ལྟ་བུ་གནམ་གྲུམ་པ་དང་བཅས་ཏེ་ས་སྟེང་དུ་ལྷུང་བ་དེའི་ཚེ་ནི་དམག་མི་སྟོང་གི་ཁྲག་སས་འཐུང་བར་འགྱུར་རོ། །གང་དུ་གླང་པོ་ཆེ་དང༌། རྟ་དང༌། ཤིང་རྟའི་གཟུགས་ལྟ་བུའི་འོད་དང༌། རི་ལྟ་བུའི་རྣམ་པ་དག་ཐུར་དུ་ལྷུང་བ་ནི་ཡུལ་དང༌། རྒྱལ་པོ་དང་བཅས་པ་ལ་གནོད་པར་འགྱུར་རོ། །གང་གི་ཚེ་སྐར་མདའ་དུས་ཚིགས་སྔ་མ་ཀུན་དུ་ཕྲད་པ་དུ་བ་ལྟ་བུ་ས་ལ་ཐུར་དུ་ལྷུང་བ་དེའི་ཚེ་ནི་རྒྱལ་པོ་གསོད་པར་འགྱུར་རོ། །དུས་ཚིགས་ཀྱི་ཕྱི་མ་ལ་བརྟེན་པའི་སྐར་མདའ་མེ་ལྟ་བུ་ལྷུང་བ་ནི་མཆོད་སྦྱིན་བྱེད་པ་རྣམས་འཆི་ཞིང༌། དེ་བཞིན་དུ་མཆོད་སྦྱིན་གྱི་ལས་རྣམས་འཇིགས་པར་འགྱུར་རོ། །གང་གི་ཚེ་སྐར་མདའི་སྒྲ་ཆེན་པོས་རབ་ཏུ་རྒྱུག་ཅིང་ཡུལ་ཡུལ་དང༌། གྲོང་གྲོད་དུ་ལྷུང་བ་དེའི་ཚེ་ནི་རྟག་ཏུ་རྒྱལ་པོ་འཆི་བར་འགྱུར་རོ། །ཤར་གྱི་ཕྱོགས་ཆར་ཀུན་དུ་འབྱུང་ཞིང་ཉི་མའི་ལམ་ལ་བརྟེན་ཏེ་ནུབ་ཏུ་ཁ་བལྟས་ཤིང་སོང་ནས་ཡུལ་མ་ག་དྷཱར་ཕྱིན་ཏེ། གྲུམ་པ་ནི་ལོ་ཏོག་རྣམས་སྨིན་ན་ཡང་ལོ་ཉེས་དང༌། དེ་བཞིན་དུ་མི་ངས་འབྱུང་བར་ཡང་འགྱུར་ཞིང་འཇིག་རྟེན་རྣམས་ལ་རང་གི་མི་མཐུན་པ་ལས་འགྱུར་བའི་དམག་ཀྱང་འབྱུང་བར་བཤད་དོ། །རྒྱལ་པོ་རྣམས་དང་ཁྱིམ་ཁོལ་འབྱོར་བའི་མི་རྣམས་ཀྱང་འཆི་བར་འགྱུར་ཏེ། འཇིག་རྟེན་ལ་གནོད་པར་བྱེད་པ་ཉེས་པ་རྣམ་པ་མང་པོ་དེ་ལྟ་བུ་དག་འབྱུང་བར་འགྱུར་རོ། །གང་དུ་མེ་ཏོག་ཀུནད་དང་ཟླ་བ་དང༌། དངུལ་གྱི་འདོ་ལྟ་བུའི་སྐར་མདའ་ལྷུང་བ་

---

^{[མ་དཔེ་གཟིགས་ན་འདིར་གནོན།]}

དང། རྒྱལ་པོ་རྣམས་རྒྱལ་བ་དང༌། ལོ་ལེགས་པ་དང༌། བདེ་བར་བྱེད་པ་སྨྲ་བར་བྱེད་དོ། །སྐར་མདའ་ཆེན་པོ་ཁ་དོག་རབ་ཏུ་འབར་བ་ཤིན་ཏུ་སྣུམ་པ་དང་དངུལ་དང༌། ཤེལ་གྱི་འོད་འདྲ་བ་ནི་ཆར་པ་འབབ་པར་སྨྲ་བར་འགྱུར་ཏེ། འདི་ལ་ཐེ་ཚོམ་མེད་དོ། །གང་དུ་སྐར་མདའ་ཆེན་པོ་དུ་བ་དང་བཅས་པ་གཟུགས་འཛིན་པར་བྱེད་པ་མེ་སྟག་དང་བཅས་པ་སོལ་བའི་མདོག་ལྟ་བུ་བྱུང་བ་དེའི་ཚེ་ནི་རྒྱལ་པོ་ལ་འཇིགས་པ་ཆེན་པོ་འབྱུང་བར་འགྱུར་རོ། །དུ་བའི་མདོག་ལྟ་བུ་དང༌། ཆེ་བ་དང༌། སྐར་མ་ལྟར་དག་པ་དང༌། གཡས་ གཡོན་དུ ་སོ་སོར་འགྲོ་བར་འགྱུར་བ་དང༌། བཻ་ཌཱུ་ཪྻའི་མདོག་ལྟ་བུ་དང༌། ཤེལ་གྱི་འོད་ལྟ་བུ་དང༌། གསེར་གྱི་མདོག་ལྟ་བུ་དང༌། དངུལ་ལྟ་བུ་དང༌། ཟླ་བའི་འོད་ཟེར་ལྟར་དཀར་བ་དང༌། ཞོའི་འོད་དང་འདྲ་བའི་སྐར་མདའ་དེ་ནི་ལོ་ལེགས་པར་འགྱུར་རོ། །རྒྱལ་པོ་རྒྱལ་བར་འགྱུར་བ་ཐུབ་པ་སྔ་མ་རྣམས་ཀྱིས་རབ་ཏུ་བསྟན་ཏོ། །བཻ་ཌཱུ་ཪྻའི་མདོག་ལྟ་བུར་བསྟན་པ་ནི་ཆར་པ་འབབ་པར་བརྗོད་དོ། །ཤེལ་ལྟ་བུར་གྱུར་ན་ནི་ལོ་ལེགས་པར་འགྱུར་རོ། གསེར་གྱི་འོད་ལྟ་བུ་གྱུར་ན་ནི་མེས་འཁྲུག་པར་འགྱུར་རོ། །དམར་པོར་གྱུར་ན་ནི་དམག་འབྱུང་བར་བརྗོད་དོ། །འདི་སྐད་དུ་གང་བསྟན་པ་ནི་ཟླ་བ་གཉིས་མ་ལུས་པར་དེའི་རྣམ་པར་སྨིན་པར་འགྱུར་བརྗོད་དོ། །སྐར་མདའི་ལྟས་ཏེ་ལེའུ་གསུམ་པའོ།། །།སྤྲིན་དང༌། གློག་དང༌། འཇའ་འོད་ཀྱི་ལྟས་ལ་གང་གི་ཚེ་སྤྲིན་གྱི་གཟུགས་གཡུང་དྲུང་འཁྱིལ་པ་ལྟ་བུ་དང༌། གདུགས་དང༌། ལྟེང་ཀ་དང༌། ཤིང་རྟ་བསྲེག་པ་བཀྲ་ཤིས་པ་དང་ལྡན་པའི་དབྱིབས་དང༌། རི་ལྟ་བུ་དག་ནི་སྐྱེ་དགུ་བདེ་བར་བྱེད་པའོ། །དེ་བཞིན་དུ་དབང་པོའི་མཚོན་ཆའི་རྣམ་པ་ལྟ་བུ་དག་དང༌། དབྱིག་པ་ལྟ་བུ་དག་ནི་བདེ་བར་ཡང་མི་བྱེད་ལ། མུ་གེ་ཡང་སྟོན་པར་བྱེད་དོ། །གང་གི་ཚེ་དབྱར་གྱི་དུས་སུ་སྤྲིན་མདུང་ཐུང་དང༌། གསལ་ཤིང་དང་དཔའ་རླབས་ལྟ་བུ་དག་དང༌། རྒྱལ་མཚན་དང༌། བ་དན་ལྟ་བུ་དག་དང༌། མཚོན་ཆ་སྣ་ཚོགས་ལྟ་བུར་སྣང་བ་དེའི་ཚེ། དམག་ཁྲག་གི་འདམ་རྫ་བ་ཅན་མི་བཟད་པ་འབྱུང་ལ་ལོ་ཏོག་ཀྱང་ཆུད་ཟོས་བར་འགྱུར་ཞིང༌། ཆོམ་རྐུན་དག་ཀྱང་འཕེལ་བར་འགྱུར་རོ། །སྤྲིན་ཐ་དད་དུ་ཆད་པ་དང༌། ཤིང་སྐམ་ལྟ་བུ་དང༌། གཏུན་ཤིན་ལྟ་བུ་དང༌། མགོ་ཐོད་ལྟ་བུའི་དབྱིབས་གང་ཡིན་པ་དེ་དག་ནི་མོད་ལ་འཇིགས་པའི་

---

^{[མ་དཔེ་གཟིགས་ན་འདིར་གནོན།]}

དམག་འོང་པར་འགྱུར་རོ། །ཡང་སྤྲིན་བྱ་སྣ་ཚོགས་ལྟ་བུ་དང༌། རྔ་མོ་དང༌། བོང་བུའི་སྤྲིན་གྱི་ཚོགས་དག་ཉི་མ་ཤར་བ་དང་ནུབ་པ་ཁོ་ནའི་ཚེ་ཉི་མའི་ཟུར་ནས་འགྲོ་བར་གྱུར་ན་དེ་ནི་སྐྱེ་བོ་ཟད་པར་འགྱུར་བའི་ནད་དང༌། མཚོན་ལ་སོགས་པ་འབྱུང་བར་རིག་པར་བྱའོ། །ཡང་སྤྲིན་གྱི་གཟུགས་འགོག་པ་ཅན་ལྟ་བུར་གྱུར་ཅིག །རྡུལ་གྱི་ཚོགས་འདྲེན་པར་བྱེད་པའི་རླུང་དྲག་པོ་དང་བཅས་པ་འབྱུང་བ་ནི་རྒྱལ་པོ་དང་སྐྱེ་བོ་ཕལ་པ་དག་འཆི་བ་དང༌། ཡུལ་འཁོར་དང༌། དགོན་པ་ན་གནས་པ་དག་ལ་གནོད་པར་བསྟན་ཏོ། །ནམ་མཁའ་ལ་སྤྲིན་མེད་པར་འབྲུག་ཟེར་བ་དང༌། འབྲུག་ཟེར་ལ་ཆར་མེད་པའི་སྤྲིན་ནི་གནོད་པ་འབྱུང་བའི་སྤྲིན་ཡིན་ནོ། །འོད་གློག་དང་འཇའ་རླུང་གི་ལྟས་ལ་གང་གི་ཚེ་ཉི་མའི་དྲུང་ལྷོ་ཕྱོགས་ངོས་ནས་གློག་འབྱུང་བར་འགྱུར་ལ། དེའི་དུས་སུ་རྒྱལ་པོའི་ཕོ་བྲང་དང༌། རྟ་བབས་དང༌། གླང་པོ་ཆེ་དང༌། རྟའི་བྲེས་ཀྱི་ཁང་སྟེང་དང༌། རྒྱལ་པོའི་ལམ་དང༌། ཁྲོམ་ལམ་གྱི་བཞི་མདོ་དང༌། གྲོང་ཁྱེར་གྱི་སྒོ་དང། ཤིང་ཆེན་པོ་རྣམས་ལ་ཐོག་དང་སེར་བ་འབབ་པའམ། སྐར་མདའ་དག་ཀྱང་ལྷུང་བར་གྱུར་ན་དེར་ལོ་གཅིག་ཚུན་ཚད་དུ་འཇིག་རྟེན་ཀུན་དུ་ཟད་པར་འགྱུར་བར་རིག་པར་བྱ་ཞིང༌། ཡུལ་དེར་རྒྱལ་པོ་གཞན་འོང་བར་ཡང་ཐེ་ཚོམ་མེད་དོ། །ཉི་མ་ལ་འབྱུང་བའི་གློག་དེ་ཉིད་རྒྱལ་པོའི་རྟ་བབས་དང༌། ཕོ་བྲང་གི་སྒོར་བབ་ན་རྒྱལ་པོ་དང༌། དེ་ལ་བརྟེན་པ་དག་ཀྱང་འཆི་བར་འགྱུར། རྟ་བྲེས་དང་གླང་པོ་ཆེའི་བྲེས་སུ་བབ་ན་དེའི་སྲུང་མ་ངེས་པར་འཇིགས་པར་འགྱུར་རོ། །ར་བར་བབས་ན་དམག་མིའི་གཙོ་བོ་དག་འཆི་བར་འགྱུར་རོ། །གང་གི་ཚེ་མེའི་ཕྱོགས་ནས་གློག་འོད་མེ་ལྟ་བུ་འབྱུང་བ་ནི་ནད་རྣམས་ཀྱིས་འཁྲུག་པ་དང༌། རླུང་དྲག་པོས་གནོད་པ་འབྱུང་བའི་ལྟས་ཡིན་ནོ། །བདེན་བྲལ་གྱི་ཕྱོགས་ནས་གློག་འབྱུང་བར་བྱེད་པ་དེའི་ཚེ་ནི་རླུང་དལ་བ་འབྱུང་བར་བྱེད་ཅིང་ནད་ཀྱིས་འཇིག་རྟེན་ཟད་པར་ཡང་འགྱུར་རོ། །གང་གི་ཚེ་ནམ་མཁའ་སྤྲིན་མེད་པར་ཕྱོགས་དག་ཏུ་རྟག་པར་གློག་འབྱུང་བར་འགྱུར་བ་དེར་ནི་རྒྱལ་པོ་འཆི་བ་དང༌། ཡུལ་འཁོར་དང་བཅས་པ་འཇིགས་པར་བྱེད་པའོ། །གང་གི་ཚེ་གློག་མེ་ཏོག་གི་འབྲས་བུར་མཛེས་ཤིང་སྣུམ་པའི་འོད་ཅན་སྤྲིན་གྱི་དབུས་ན་འདུག་པ་ནི་བདེ་བ་དང་ལོ་ལེགས་པར་འགྱུར་བར་བསྟན་ནོ། །འཇའ་ལྟས་ལ་གང་གི་ཚེ་གཞན་དག་གིས་གྲོང་ཁྱེར་བསྐོར་བ་ན་འཇའ་འབྱུང་བར་

---

^{[མ་དཔེ་གཟིགས་ན་འདིར་གནོན།]}

གྱུར་ན་གྲོང་དེ་ཉིད་འཇིགས་ཅིང་འཇིག་པ་ཆེན་པོ་ཉེ་བར་གནས་པར་རིག་པར་བྱའོ། །ཡང་གང་དག་ཏུ་དམག་གིས་གྲོང་ཁྱེར་བསྐོར་བ་ན་ཉི་མའི་དཀྱིལ་འཁོར་འཇས་ཁེབས་པར་གྱུར་ན་དེ་ལས་སེར་བ་འཇིགས་པ་འབྱུང་བ་དང་དམག་ཚོགས་དེ་ལས་ཀྱང་གཙོ་བོ་འཆི་བར་གྱུར་པ་སྟོན་ཏོ། །གང་གི་ཚེ་དམག་གི་གཡུལ་ཤོམ་ཞིང་གོ་ཆ་གྱོན་པ་ན་འཇའ་ཉི་མའི་དཀྱིལ་འཁོར་དང་མཉམ་པར་གྱུར་པ་ནི། །དེ་ནི་ཕྱོགས་གཉི་ག་འཆི་བ་ཡིན་ནོ། །གང་དག་ཏུ་དམག་འགྱེད་པའི་གཡུལ་དུ་ཞུགས་པ་ན་མདུན་ནམ་གཡས་ནས་འཇའ་འབྱུང་བ་ནི་དེ་དག་གསོད་པར་སྟོན་པ་ཡིན་ནོ། །དབྱར་ཀ་འཇའ་འཁྱིལ་པ་མང་བ་དང༌། ས་གཡོ་བ་དང༌། ཟླ་བརྙན་དག་བྱུང་བ་དེའི་ཚེ་ཕ་རོལ་གཞན་གྱི་འཇིགས་པ་དག་འབྱུང་བར་བྱེད་པའོ། །གང་དག་ཏུ་མཚན་མོ་འཇའ་ནམ་མཁའ་ལ་མངོན་པར་བྱུང་ན་དེ་ནི་དགེ་བ་མ་ཡིན་ཏེ། ཕ་རོལ་གྱི་དམག་ཚོགས་འོང་བ་དང༌། ཡུལ་འཁྲུག་ཅིང་རྒྱལ་པོ་འཆི་བ་དང༌། ཡང་ན་རྒྱལ་པོ་སྨ་འབབ་པ་ལ་སོགས་པས་སྟོན་པས་ན་དབང་པོ་མཆོད་པ་བདེ་ལེགས་སུ་འགྱུར་བའི་ཆོ་ག་བྱས་ནས་ཡུལ་དེ་ནས་གཞན་དུ་འགྲོ་བར་བྱའོ། །གང་གི་ཚེ་མཚན་མོ་ནམ་མཁའ་ལ་འཇའ་ཁ་དོག་ངན་ཅིང་ཤིན་ཏུ་ཆེ་ལ་རི་མོ་གསུམ་འབྱུང་བ་དེའི་ཚེ་རྒྱལ་པོའི་དཀྱིལ་འཁོར་རྣམས་ལ་མྱུར་དུ་འཇིགས་པ་འབྱུང་ཞིང་གཞན་གྱི་དམག་ཚོགས་དག་གིས་ཀྱང་འཆི་བར་འགྱུར་བར་སྟོན་པའོ། །གང་གི་ཚེ་འཕྲལ་དུ་ཉེ་བར་སྤྲུལ་པའི་འཇའ་རྟགས་མཐོང་ན་དེའི་གྲོང་ཁྱེར་འཇིག་པ་དང༌། ཡུལ་འཁོར་འཇིག་པར་འགྱུར་བར་རིག་པར་བྱའོ། །འོད་ལྟས་ལ་གང་གི་ཚེ་ནམ་མཁའ་ལ་འོད་ཀྱི་རྣམ་པ་གདུགས་དང༌། རྒྱལ་མཚན་དང༌། ཤིང་རྟའི་རྣམ་པ་དག་དང་འཁོར་ལོ་དང༌། དུང་ལ་སོགས་པ་བཀྲ་ཤིས་ཀྱི་མཚན་མར་བྱ་བ་དག་དང༌། འོད་རལ་གྲི་དང༌། པདྨའི་དབྱིབས་ཀྱི་རྣམ་པ་དག་འབྱུང་བ་ནི་རྒྱལ་པོ་རྣམ་པར་རྒྱལ་བར་འགྱུར་བར་བསྟན་ཏོ། །ཡང་གང་དུ་འོད་ཀྱི་རྣམ་པ་མགོ་ཐོད་ལྟ་བུ་དང༌། དབྱིག་ཐོ་དང༌། གཏུན་ཤིང་དང༌། སྒྲོག་རུས་ལྟ་བུར་སྣང་བ་དག་གིས་ནི་རྒྱལ་པོ་དང་བཅས་པའི་ཡུལ་འཇིགས་པར་བསྟན་ཏོ། །ཡང་གང་དུ་འོད་ཀྱི་རྣམ་པ་མགོ་ཐོད་ལྟ་བུ་དང༌། དབྱིག་ཐོ་དང༌། ཉ་དང་རུས་སྦལ་འདྲ་བ་དང༌། དེ་བཞིན་དུ་སྦལ་པ་དང༌། ཉ་ཕྱིས་དང༌། ཆུ་སྲིན་ལྟ་བུ་དག་གིས་ཀྱང་འཇིགས་པ་ཆེན་པོ་འབྱུང་བར་སྟོན་ཏོ། །སྤྲིན་གློག་དང་འཇའ་འོད་ལ་

---

^{[མ་དཔེ་གཟིགས་ན་འདིར་གནོན།]}

སོགས་པའི་ལྟས་ཀྱི་ལེའུ་སྟེ་བཞི་པའོ།། །།ཕྱོགས་ཆ་བརྒྱད་པོ་དག་ནས་འབྲུག་གློག་ལ་སོགས་པ་འབྱུང་བའི་ལྟས་ལ་ཤར་ཕྱོགས་ལ་སོགས་པ་ཕྱོགས་ཆ་བརྒྱད་པོ་དག་ནས་འབྲུག་གློག་ལ་སོགས་པ་ཟེར་བ་ལས་དགེ་འདུན་གྱི་ལྟས་སུ་བལྟ་བ་ནི། སོས་དང་པོ་དབྱར་ཟླ་འབྲིང་པོ་ཉ་ལ་དབང་པོའི་ཕྱོགས་ཀྱི་གནས་སུ་འབྲུག་ཟེར་བ་ཐོས་ཤིང་དེ་ཉིད་དུ་རླུང་བྱུང་ན་དེའི་ཚེ་ནི་ཆུ་ཆེན་པོ་དང༌། ཆར་འབབ་པར་འགྱུར་ཞིང་ལོ་ལེགས་པ་དང༌། བདེ་བ་དང༌། སྐྱེ་དགུ་དག་དང༌། རྒྱལ་པོ་ལ་ནད་མེད་པར་འགྱུར་ཞིང་སྔོན་གྱི་བསྟན་བཅོས་རིག་པ་རྣམས་ཀྱིས་བརྗོད་པ་ཡིན་ནོ། །དེ་བཞིན་དུ་དབྱར་ཟླ་འབྲིང་པོ་ཞེས་ཀུན་ལ་ཡང་སྦྱར་ཏེ། མེའི་ཕྱོགས་ཆ་ནས་གལ་ཏེ་གློག་འབྱུང་ཞིང་རླུང་ཡང་འབྱུང་བར་འགྱུར་ན་དེའི་ཚེ་མེའི་འཇིགས་པ་འབྱུང་ཞིང་ལོ་ཉེས་པ་དང༌། མི་ངས་དང༌། དེ་བཞིན་དུ་ཆོམ་རྐུན་གྱི་གནོད་པ་དང༌། རྒྱལ་པོ་ལ་མི་དགེ་བ་དང༌། ནད་ཀྱིས་བསློངས་པ་ཉིད་དུ་འགྱུར་རོ། །གཤིན་རྗེའི་ཕྱོགས་སུ་གལ་ཏེ་གློག་དང༌། རླུང་དང་པོ་འབྱུང་བར་འགྱུར་ན་དེའི་ཚེ་ནི་རྒྱལ་པོ་དང་ཆོམ་རྐུན་གྱི་གནོད་པ་དང༌། མེ་དག་དང༌། ནད་དག་གི་འཇིགས་པ་དང༌། མུ་གེ་དང༌། མི་ངས་དང༌། མི་རྣམས་ཕན་ཚུན་གསོད་པ་དང༌། འཇིག་རྟེན་ལ་གནོད་པར་བྱེད་པ་སྤྱང་ཀི་དང༌། སྟག་ལས་གྱུར་པ་དག་ཀྱང་འབྱུང་བར་འགྱུར་རོ། །བདེན་བྲལ་གྱི་ཕྱོགས་སུ་གང་གི་ཚེ་གློག་དང༌། རླུང་འབྱུང་ཞིང་སྤྲིན་དག་ཀྱང་སྣང་ལ། འབྲུག་སྒྲ་ཡང་གྲག་ན་དབང་པོས་ཆར་ཆུང་དུ་འབེབས་པར་བྱེད་ཅིང༌། ལོ་ཏོག་དག་ཀྱང་འབྱུང་བར་མི་འགྱུར། །བྱི་བ་དང་བྱེ་བ་ལ་སོགས་པ་དག་ཀྱང་ཀུན་ནས་འབབ་པར་འགྱུར་རོ། །ཆུ་ལྷའི་ཕྱོགས་སུ་གང་གི་ཚེ་གློག་དང་རླུང་འབྱུང་ཞིང༌། །འབྲུག་སྒྲ་ཡང་གྲག་པ་དེའི་ཚེ་ནི་ཆར་པ་ཆེན་པོ་འབབ་པར་འགྱུར་ཞིང༌། །ལོ་ཏོག་ཐམས་ཅད་སྨིན་པ་དང༌། ལོ་ལེགས་པ་དང༌། བདེ་བ་དང༌། སྐྱེ་དགུ་རྣམས་ན་མེད་པ་ཉིད་དང༌། དེ་བཞིན་དུ་ཆོས་ཀྱི་འབྱུང་བར་ཡང་འགྱུར་རོ། །རླུང་གི་ཕྱོགས་སུ་གང་གི་ཚེ་གློག་དང་རླུང་བྱུང་ན་རླུང་ཆེན་པོས་ཉམས་པའི་ཆར་མི་འབབ་པ་དང༌། ལོ་ཏོག་སྐྱེ་བ་ཡང་མི་འགྱུར། རླུང་ནད་རྣམས་ཀྱང་འབྱུང་ཞིང་དེ་བཞིན་དུ་མི་ནད་རྣམས་ཀྱང་འབྱུང་བ་དང༌། འཇིག་རྟེན་ལ་གནོད་པར་བྱེད་པ་ཐམས་ཅད་འབྱུང་བར་འགྱུར་རོ་ཞེས་རྣམ་པར་བཤད་པར་འགྱུར་རོ། །ཀུ་བེ་རའི་ཕྱོགས་ནས་གང་

---

^{[མ་དཔེ་གཟིགས་ན་འདིར་གནོན།]}

གི་ཚེ་གློག་དང་རླུང་བྱུང་བ་དེའི་ཚེ་དབང་པོས་ཟླ་བ་བཞིན་དུ་རྟག་ཏུ་ཆར་འབེབས་ཤིང་འབྲུ་ལ་སོགས་པ་ལོ་ཏོག་ཕུན་སུམ་ཚོགས་པ་དང༌། མེ་ཏོག་དང༌། འབྲས་བུ་ལ་སོགས་པ་ཕུན་སུམ་ཚོགས་པ་དང༌། རྒྱལ་པོ་རང་གི་ཆོས་ཁོ་ནས་གནས་ཤིང་ཆོས་དང་ལྡན་པ་དང༌། སྐྱེ་དགུ་ཐམས་ཅད་ཆོས་ལ་དགའ་ཞིང་ཕན་ཚུན་ཕན་པར་འདོད་པ་ལ་དགའ་རངས་པ་དང༌། བ་དང་བཞོན་རྣམས་ཀྱང་འོ་མ་མང་བར་འགྱུར་རོ། །དབང་ལྡན་གྱི་ཕྱོགས་སུ་དབྱར་ཟླ་བ་འབྲིང་པོ་ཉ་བའི་ཚེ་གློག་དང༌། དེ་བཞིན་དུ་རླུང་འབྱུང་བར་གྱུར་ཅིང་སྤྲིན་སྒྲ་བྱུང་བར་ཡང་གྱུར་པ་དེའི་ཚེ་ནི་ཆུའི་ཆར་ཆེན་པོ་འབབ་པར་འགྱུར་བ་དང༌། བདེ་བ་དང༌། ནད་མེད་པ་དང༌། ལོ་ལེགས་པ་དང༌། ལོ་ཏོག་ཕུན་སུམ་ཚོགས་པ་དང༌། སྐྱེ་དགུ་རྣམས་ནད་མེད་ཅིང་ཕན་ཚུན་བྱམས་པས་རྣམ་པར་འབྲེལ་བ་ཅན་དུ་འགྱུར་བ་དང༌། རྒྱལ་པོ་རྣམ་པར་རྒྱལ་བ་དང༌། དེ་བཞིན་དུ་ཡམས་ཀྱི་ནད་ཐམས་ཅད་རབ་ཏུ་ཞི་བར་འགྱུར་ཞིང༌། ས་ལས་སྐྱེ་བ་ཐམས་ཅད་ཀྱི་མེ་ཏོག་དང༌། འབྲས་བུ་ལ་སོགས་པར་འབྱུང་བར་འགྱུར་རོ། །དབྱར་ཀ་འབྲུག་གི་སྒྲ་དྲག་ཏུ་ཡང་འབྱུང་ན་སྒྲ་བརྙན་གྱིས་ཉམས་པའི་སྒྲ་གནམ་ལྟ་བུ་དང་བཅས་པ་གྲག་པ་དེར་ནི་ལུས་ཅན་རྣམས་ལ་ཤིན་ཏུ་དམན་པར་འགྱུར་པར་བསྟན་པའོ། །སོ་གའི་དུས་སུ་ཕྱོགས་བརྒྱད་ནས་འབྲུག་གློག་དང་རླུང་ལ་སོགས་པ་ལྡང་བའི་ལྟས་ཀྱི་ལེའུ་སྟེ་ལྔ་པའོ།། །།བར་སྣང་ལས་འབྱུང་བའི་ལྟས་ལ་གང་གི་ཚེ་སྐར་མདའི་ཆར་པ་འབབ་པ་དང༌། ཁྲག་གི་ཆར་པ་དང༌། མར་དང༌། འབྲུ་མར་དང༌། ཞག་གི་ཆར་པ་བབ་ན་རྒྱལ་པོ་དང་བཅས་པའི་གྲོང་ཁྱེར་འཇིག་པར་འགྱུར་རོ། །ཡང་གྲོང་ཁྱེར་རམ། ཁྱིམ་དུ་སོལ་བའི་ཆར་པ་འབབ་ཅིང༌། ཕུབ་མ་དང༌། སྐྲ་དང་འདྲེས་པའི་རྡུལ་ལྷུང་བ་དང༌། བྱེ་མའི་ཆར་པ་འབབ་པ་དེ་མྱུར་དུ་འཇིག་པར་མངོན་པར་ཤེས་པ་དག་གིས་བརྗོད་དོ། །གང་དུ་འབྲུ་མར་གྱི་ཆག་ཆག་དང༌། མར་གྱི་ཐིགས་པ་ལྷུང་ཞིང༌། །བོང་བ་ལ་སོགས་པ་ཡི་དྭགས་ཀྱིས་ཕྱུང་བའི་ཉེས་པ་རྣམས་འབྱུང་བར་གྱུར་ན་ཡུལ་འཁོར་དང༌། གྲོང་ཁྱེར་དང༌། ཁང་པ་དང༌། དེ་བཞིན་དུ་བ་ལང་རྫིའི་གནས་དེར་རབ་ཏུ་འཇིག་པར་འགྱུར་རོ། །ཡང་མཆོད་རྟེན་དང༌། སྐྱེ་ཤིང་དང༌། སའི་ཕྱོགས་དག་ཏུ་ཁྲག་གི་ཆག་ཆག་དང༌། ཤ་དང་རུས་པའི་དུམ་བུ་མགོ་ཐོད་དང༌། སྐྲ་ཤད་ལ་སོགས་པས་མངོན་དུ་

---

^{[མ་དཔེ་གཟིགས་ན་འདིར་གནོན།]}

གང་བ་དེ་དག་ཏུ་ནི་ངེས་པར་ཉེ་འཁོར་གྱི་སྐྱེ་བོའི་སྐལ་བ་ཟད་པའི་ལྟས་སུ་བསྟན་པ་ཡིན་ནོ། །རྡོའི་ཆར་བ་ལ་གང་དུ་རྡོ་བིམ་པ་དང༌། ཨུ་དུམ་བཱ་ར་ལྟ་བུ་དང༌། ཀ་བེད་ཏའི་འབྲས་བུ་དག་བབ་པ་དེར་ན་འཇིགས་པ་ཆེན་པོར་འབྱུང་བར་སྟོན་ཏོ། །རྡོ་འབྲས་སཱ་ལུའི་ཚོགས་མ་འདྲ་བ་དང༌། འབྲ་གོའི་རུས་པ་ལྟ་བུ་དག་ནི་ལོ་ལེགས་པ་དང༌། བདེ་བར་འབྱུང་བར་སྟོན་ཏོ། །རྡོ་དཀར་པོ་རྒྱ་ཤུག་གི་འབྲས་བུ་ལྟ་བུ་དང༌། བ་རུ་རའི་ཚི་གུ་དག་བབ་པ་ནི་སྐྱེ་དགུ་རྣམས་བདེ་བའི་རྒྱུར་འགྱུར་རོ། །རྡོ་ཤེལ་དང༌། ཤེལ་རྡོ་ལྟ་བུ་དང༌། མེ་ཏོག་ཀུནད་དང༌། འོ་མ་ལྟར་སྣུམ་པ་དང༌། ཟླ་བའི་མདོག་ལྟར་གསལ་བ་དག་ནི་མི་རྣམས་བདེ་བར་བྱེད་པའོ། །གང་གི་ཚེ་སེར་བ་ཚུབ་མ་དང༌། ཁ་ཅོལ་དང་བཅས་པ་དང༌། མེ་ལྟ་བུ་དག་དང༌། རྡུལ་དང་བཅས་པ་དང༌། ས་གམ་པར་ཡང་གྱུར་པ་དེར་ནི་རྒྱལ་པོ་ཡུལ་འཁོར་དང་བཅས་ཏེ་འཇིག་པར་སྟོན་ཏོ། །ཡང་བར་སྣང་ལ་སེར་བ་བབས་ནས་རྡོ་དང་མཚོན་ཆ་ལྟ་བུ་མེའི་རྣམ་པ་དག་འབྱུང་བར་གྱུར་ན་དེ་ནི་སྐྱེ་བོ་ལ་རིང་པོར་མི་ཐོགས་པར་འཇིགས་པ་འབྱུང་བར་བསྟན་ཏོ། །གལ་ཏེ་སེར་བ་དྲག་ཏུ་ཆུའི་ནང་དུ་བབ་པ་ལས་ནི་བདེ་བ་དང༌། ལོ་ལེགས་པ་དང༌། རྒྱལ་པོ་རྣམས་རྣམ་པར་རྒྱལ་བར་འགྱུར་ཏེ། །འབྲས་བུ་ཟླ་བ་དྲུག་ན་སྟོན་པར་བརྗོད་དོ། །ཡང་གང་གི་ཚེ་དབྱར་ཀ་ཕྱོགས་རབ་ཏུ་ཚ་བར་འགྱུར་ལ་གནམ་གྲུམ་པར་གྱུར་ན་དེ་ནི་རྒྱལ་པོ་དང་བཅས་པའི་སྐྱེ་བོར་རབ་ཏུ་གསོད་པར་བྱེད་དོ། །ཉིན་པར་རྟག་ཏུ་གནམ་གྲུམ་པའི་སྒྲ་འབྱུང་བ་དེར་ཡང་ཡུལ་འཇིག་པའི་རྟགས་ཡིན་ཏེ། རྒྱལ་པོ་ཡང་འཆི་བར་སྟོན་པའོ། །གང་ལྷོ་ཕྱོགས་སུ་གནམ་གྲུམ། སྤྲིན་དང་སྒྲ་མཉམ་པར་འགྱུར་ཞིང༌། །རླུང་རྩུབ་པ་དག་ལངས་པར་གྱུར་བ་དེར་ནི་སྐྱེ་དགུ་རྣམས་པ་དེ་བར་མི་འགྱུར་བར་སྟོན་པའོ། །ཡང་ས་གཡོ་བ་གནམ་གྲུམ་པ་དང་བཅས་པར་འབྱུང་བ་དེའི་ཚེ་ནི་ངེས་པར་རྒྱལ་བ་འཆི་བར་འགྱུར་རོ། །ཡང་ས་གཡོ་བ་དང༌། གནམ་གྲུམ་པ་ལྷན་ཅིག་ཏུ་འབྱུང་བའམ། ཡང་སྐར་མདའ་ཆེན་པོ་ཕྱོགས་གང་དག་ཏུ་འགྲོ་བའི་ཕྱོགས་དེར་ནད་དང༌། མུ་གེ་ལས་གྱུར་པ་ཉམ་ཐག་པ་དང་བཅས་པའི་འཆི་བ་རྒྱུག་བ་སྟོན་པའོ། །གང་དུ་མེ་དང༌། ཁུག་རྣ་དང༌། སྤྲིན་གྱི་གནོད་པ་རྣམས་མེད་པར་རྡུལ་གྱི་ཁྲེམ་གཉེར་དག་གིས་ནམ་མཁའ་ཀུན་དུ་ཁེབས་ཤིང་ཉི་མའི་འོད་ཟེར་ཡང་ཟིལ་གྱིས་གནོན་པར་བྱེད་པ་དེའི་ཚེ་ན་རྒྱལ་པོ་རྣམས་ངེས་པར་འཆི་བར་འགྱུར་བ་ཡིན་ནོ། །

---

^{[མ་དཔེ་གཟིགས་ན་འདིར་གནོན།]}

གང་དུ་ཉིན་གཅིག་བཞིན་དུ་ཚུབ་མས་ཀུན་དུ་བསླང་བའི་རྡུལ་རེང་བུས་ནམ་མཁའ་དང༌། ཕྱོགས་ཐམས་ཅད་ཀུན་དུ་ཁེབས་པར་གྱུར་པས་ནི་རྒྱལ་པོ་འཆི་བར་འགྱུར་ཞིང་སྐྱེ་བོ་རྣམས་ཀྱང་འཆི་བར་འགྱུར་བ་ཡིན་ནོ། །བར་སྣང་ལས་སྒྲ་ཆེན་པོ་འབྱུང་ངམ། །ས་ཕྱོགས་ནས་འབྱུང་ཡང་རུང་སྟེ། །གང་དག་མི་སྙན་པ་དང༌། མི་མཐུན་པ་དག་གི་སྒྲ་བྱུང་བ་དེ་ནི་ཕན་ཚུན་གསོད་པ་དང༌། འཐབ་པ་དང༌། མི་མཐུན་པར་གྱུར་བ་དག་གི་རྒྱུར་བསྟན་ཏོ། །གང་གི་ཚེ་གཟུགས་མི་སྣང་བར་སྲོག་ཆགས་རྣམ་པ་ཐ་དད་པའི་སྒྲ་བྱུང་བ་ན་སྡུག་བསྔལ་བར་གྲགས་པ་དེའི་ཚེ་ནི་རང་གི་ཡུལ་འཁོར་དུ་བཅས་པའི་རྒྱལ་པོ་འཆི་བར་འགྱུར། །ནད་དང༌། མུ་གེ་དང༌། གནོད་པར་ཡང་འགྱུར་ཞིང༌། །འཇིག་རྟེན་ཡང་ཟད་པར་འགྱུར། རྒྱལ་སྲིད་ངན་པས་ཀྱང་བརླག་པ་དང༌། བུ་སྨད་དང་ཡང་འབྲལ་བར་འགྱུར་རོ། །བར་སྣང་ལས་བྱུང་བའི་ལྟས་ཀྱི་ལེའུ་སྟེ་དྲུག་པའོ།། །།ཕྱི་རོལ་ལས་འབྱུང་བ་ཆེན་པོའི་ལྟས་ལ་གང་གི་ཚེ་ཤིང་ལྗོན་པ་དང༌། གེལ་བ་དག་ལས་དུས་དང་མི་ལྡན་པར་འབྲས་བུ་འབྱུང་ན་རྒྱལ་པོའི་ཡུལ་ཕྱོགས་སུ་གཏོགས་པ་གསོད་པར་འགྱུར་རོ། །ཡང་གང་གི་ཚེ་མཆོད་སྦྱིན་གྱི་ཤིང་དང༌། ལྷ་རྟེན་བྱས་པ་དང༌། ཀ་བ་དང༌། གཟུགས་ལ་སོགས་པ་ཤིང་སྐམ་པོ་དག་ལས་ལོ་མ་སྐྱེས་བར་རྩོལ་བ་ནི་རྒྱལ་པོ་འཆི་བའི་ལྟས་དང༌། དེ་བཞིན་དུ་སྐྱེ་བོ་དག་འཁྲུག་པའི་ལྟས་སུ་བསྟན་ཏོ། །ཡང་ཡུལ་དང༌། གྲོང་དང༌། གྲོང་ཁྱེར་གང་དག་ཏུ་ཤིང་དང༌། ཤིང་ལྗོན་པ་དག་ལས་མེ་ཏོག་དང༌། འབྲས་བུ་ཕྱིན་ཅི་ལོག་ཏུ་སྐྱེ་བར་གྱུར་ན་དེ་ནི་བདག་པོ་འཆི་བའི་རྟགས་ཡིན་ནོ། །གང་གི་ཚེ་སྔ་དྲོའི་དུས་སུ་ཤིང་དང་མིའི་གྲིབ་མ་ཤར་ཕྱོགས་སུ་གནས་པར་གྱུར་པ་དང༌། ཕྱི་དྲོ་ཡང་མི་དང་ཤིང་གི་གྲིབ་མ་ནུབ་ཕྱོགས་སུ་གནས་པར་གྱུར་ན་རྒྱལ་པོ་འཆི་བར་འགྱུར་རོ། །ཆུ་ཟབ་མོ་དང༌། ཁྲོན་པ་དང༌། རྫིང་དང༌། མཚོ་ལ་སོགས་པ་སྲོག་ཆགས་ཆུ་ན་རྒྱུ་བ་རྣམས་གང་དུ་སྐམ་པ་དེར་ནི་རིང་པོར་མི་ཐོགས་པར་སྐྱེ་བར་འཇིགས་པར་འགྱུར་ཞེས་བསྟན་ཏོ། །རླུང་མེད་པར་གློ་བུར་དུ་ཁྲོན་པ་དང༌། རྫིང་རྣམས་ཀྱི་ཆུ་དག་ཀུན་འཁྲུག་པར་འགྱུར་བ་གང་ཡིན་པ་དེར་ནི་རྒྱལ་པོ་དང༌། ཡུལ་དང་ཡུལ་འཁོར་ལ་མི་དགེ་བར་བསྟན་ཏོ། །གང་དུ་རླུང་མེད་པར་གླུ་བུར་དུ་གྲོང་གི་ཉེ་འཁོར་དུ་འཇུག་པའི་ཤིང་ལྗོན་པ་ཨ་ཤྭད་ཐ་དད་པ་ཏ་ལ་སོགས་པ་རྩ་བ་

---

^{[མ་དཔེ་གཟིགས་ན་འདིར་གནོན།]}

ཟུགས་པ་རྩ་བ་འགྱེལ་བར་གྱུར་ན་གྲོང་ཁྱེར་དེ་འཇིགས་པར་འགྱུར་རོ། །ཡང་རླུང་མ་ལངས་པར་ཡང་ཐོག་ལྟུང་བ་དང༌། ལུས་མི་སྣང་བར་ཚིག་མི་སྙན་བ་ཟེར་བ་དང༌། ཤ་ཟ་མོའི་གླུ་སྒྲ་འབྱུང་བ་ནི་འཕྲལ་དུ་རྒྱལ་པོ་ལ་འཇིགས་པ་འོང་བར་བསྟན་ཏོ། །གལ་ཏེ་གློ་བུར་དུ་གདུགས་ཀྱི་ཤིང་དང༌། ཁྲི་དང༌། ཁྲིའུ་དང༌། ཁང་པའི་སྲོག་རྟེན་གྱི་ཤིང་དང༌། དེ་ལྟ་བུའི་རྣམ་པ་དག་གི་ཤིང་རྡོ་ཆག་གྲུམས་སུ་གྱུར་པས་ནི་དེ་དག་གི་བདག་པོ་འཆི་བར་སྟོན་ཏོ། །ཡང་རྒྱལ་པོ་ངེས་པར་འཆི་བར་འགྱུར་བའི་ཚེ་ནི་རླུང་དྲིང་བ་དང༌། ཟས་སུངས་པ་ལྟ་བུའི་དྲི་དང༌། ཁྱི་དང༌། བྱ་དང༌། བྱི་ལ་དང༌། བོང་བུ་ལ་སོགས་པའི་དྲི་དང༌། དེ་བཞིན་དུ་ཕྱེ་མ་ལྟ་བུའི་དྲི་འབྱུང་བར་འགྱུར་རོ། །ཡང་རྒྱལ་པོ་འཆི་བའི་ཚེ་ནི་རྒྱལ་མཚན་གྱི་རྩེ་མོ་དང༌། རྟ་བབས་དང༌། སྒོ་གང་དག་ཏུ་སེར་བ་འབབ་ཅིང་མེ་མེད་པར་ཡང་མེ་མདག་ལྟུང་བར་འགྱུར་རོ། །རྩེ་མོ་དང༌། རོལ་མོའི་སྒྲ་མི་སྙན་པ་དང༌། མཚོན་རྣམ་པ་སྣ་ཚོགས་མི་མཛེས་པར་གྱུར་བ་ནི་ཡུལ་འཁོར་དག་ཏུ་འཇིགས་པ་འབྱུང་བའི་ལྟས་ཡིན་ནོ། །གང་དུ་མཚོན་རྣམས་འགུལ་བ་དང༌། རལ་གྲི་ཤུབས་དང་བྲལ་བར་གྱུར་བ་དང༌། གཞུ་མ་བདུངས་པ་བདུངས་པར་གྱུར་ན་དེ་ནི་ངེས་པར་དམག་མི་བཟད་པ་འབྱུང་བར་སྟོན་ཏོ། །གང་གི་ཚེ་ཕྱོགས་ཐམས་ཅད་དུ་ནི་ཉིན་མོ་འམ། མཚན་མོ་ཡང་རུང་སྟེ། ནགས་ཀྱི་མེ་སྣང་བར་གྱུར་བ་དེ་ནི་ལོ་ཉེས་པ་དང༌། སྐྱེ་བོ་ངས་པར་འགྱུར་རོ། །ཉིན་མོའམ། ཡང་ན་མཚན་མོ་ཡང་རུང་སྟེ། ནམ་མཁའི་སྤྲིན་གྱིས་ཀུན་དུ་ཁེབས་པ་ན་ཕྱོགས་ཚ་བར་གྱུར་བ་དེའི་ཚེ་ནི་རྒྱལ་པོ་གསོད་པར་འགྱུར་རོ། །གལ་ཏེ་དགུན་ནི་དྲོ་བར་གྱུར་ལ་དཔྱིད་ནི་གྲང་བར་གྱུར་ན་ལུས་རྣམས་ཀྱིས་ཉེས་པ་དང་འཆི་བར་འགྱུར་རོ། །དབང་པོས་ཀྱང་ཆར་ཉུང་ངུ་དུ་འབེབས་པ་དང༌། དུས་འཆོལ་བར་ཡང་འགྱུར། འཇིགས་པ་བྱེད་པའི་ཆོམ་རྐུན་རྣམས་ཀྱིས་ཀྱང་ལོ་ཏོག་ཆུད་གསོན་པར་འགྱུར་རོ། །ཕྱི་རོལ་འབྱུང་བ་ཆེན་པོ་དག་གི་ལྟས་ཀྱི་ལེའུ་སྟེ་བདུན་པའོ།། །།སྲོག་ཆགས་ཀྱི་ཚིག་ཏུ་སྨྲ་བ་མེད་པ་ཀུན་གྱི་ལྟས་ལ་ཁྱི་རྣམས་འདུས་ཏེ་ཁ་གྱེན་དུ་བལྟས་ནས་ཡང་དང་ཡང་དུ་དུ་བར་བྱེད་པ་དེ་ནི་ཡུལ་འཕོ་བར་བྱེད་པར་འགྱུར་རོ། །ཡང་ཉི་མ་འཆར་བའམ་ནུབ་པ་ཁོ་ནའི་ཚེ་ཁྱི་དག་ཕྱི་རོལ་དུ་ཁ་གྱེན་དུ་བལྟས་ཏེ་དུ་བར་བྱེད་ན་ཡུལ་རྣམས་འཇིག་པའི་རྒྱུ་ཡིན་ནོ། །ཡང་ལྷ་ཁང་དང༌། ལམ་པོ་ཆེ་དང༌། རྒྱལ་པོའི་ལམ་

---

^{[མ་དཔེ་གཟིགས་ན་འདིར་གནོན།]}

དང། ལམ་གྱི་བཞི་མདོར་ཁྱི་ཁ་གྱེན་དུ་བལྟས་ཏེ་དུ་བར་བྱེད་ན་དེ་ནི་ཆོམ་རྐུན་དང༌། མེའི་འཇིགས་པ་འོད་བར་སྟོན་པ་ཡིན་ནོ། །ཡང་ཁྱི་དང༌། བྱ་རོག་རྒྱལ་པོའི་ལམ་དང༌། ལམ་གྱི་བཞི་མདོར་ཐང་ལ་གཅིག་ཏུ་འདུས་ནས་གལ་ཏེ་སྒྲ་ཆེན་པོ་འབྱིན་པར་བྱེད་པ་དང༌། ཅི་དགར་འགྲོ་བར་བྱེད་པ་དེ་ནི་ཕ་རོལ་གྱི་དམག་ཚོགས་འོང་བ་ཡིན་ནོ། །གང་གི་ཚེ་བྱ་རོག་དང༌། བུང་བ་དང༌། སྦྲང་བུ་རྣམས་ར་བ་དང༌། གྲོང་ཁྱེར་གྱི་སྒོ་དང༌། ཐང་དང༌། ལམ་གྱི་བཞི་མདོར་སྦྲང་རྩི་ཚང་དུ་བྱེད་པར་གྱུར་ན་གློ་བུར་གྱི་འཇིགས་པ་དང༌། རྒྱལ་པོའི་འཇིགས་པ་འབྱུང་བར་རིག་པར་བྱའོ། །དེ་བཞིན་དུར་བ་དང༌། ཁྱིམ་གྱི་མདུན་དག་ཏུ་ཡང་དེ་ལྟ་བུར་སྣང་ན། དེ་བཞིན་དུ་འཇིགས་པ་འབྱུང་བར་རིག་པ་བྱའོ། །དེ་ལ་གློ་བུར་གྱི་འཇིགས་པ་འོད་ཞེས་བྱ་བ་ནི་ཕ་རོལ་གྱི་དམག་ཚོགས་འོང་བ་དང༌། མེ་དང་ཆོམ་རྐུན་གྱི་འཇིགས་པ་དག་འབྱུང་བར་སྟོན་པ་ཡིན་ནོ། །ཡང་གང་དུ་སོག་ཆགས་ཕྲ་མོ་དག་ལ་ལ་ར་བ་དང༌། གྲོང་ཁྱེར་གྱི་སྒོ་དང༌། ཡང་ཐོག་དང༌། སྒོ་ཁང་ལ་འཕྱང་མོ་ཉུག་ཅིང་འཛེགས་པར་སྣང་བ་དེར་ནི་ཕ་རོལ་གྱི་དམག་ཚོགས་ཀྱི་རིང་པོ་མི་ཐོགས་པར་གྲོང་ཁྱེར་མྱུར་དུ་འཇིག་པར་འགྱུར་རོ། །གང་གི་ཚེ་ཁྱི་དང༌། ཝ་དང༌། བྱི་ལ་ལ་སོགས་པ་དང༌། བྱ་སྣ་ཚོགས་དག་དུས་མཚམས་མེད་པར་འཁྲིག་པ་དང་ལྡན་པའི་ཚེ་ནི་རྒྱལ་པོ་དང༌། ཡུལ་རྟག་ཏུ་འཇིག་པར་བསྟན་པ་ཡིན་ནོ། །དེ་བཞིན་དུ་མི་དང༌། རྟ་དང༌། རྔ་མོ་དང༌། བོང་བུའི་རིགས་དང༌། བ་ལང་མོ་དང༌། བྱ་དང༌། རི་དགས་རྣམས་དང༌། ཁྱི་དང༌། བྱི་བ་དང༌། སྦྲུལ་དག་དང༌། སྲོག་ཆགས་ཕྲ་མོ་གཞན་དག་གི་ཡང་མངལ་ཕྱིན་ཅི་ལོག་ཏུ་གྱུར་པ་དེར་ནི་ཡུལ་རྣམས་འཁྲུག་པ་དང༌། རྒྱལ་པོ་ཡང་འཆི་བར་འགྱུར་རོ། །ཡང་གང་དུ་བྱ་དང༌། །རི་དགས་ཀྱི་རིགས་རྣམས་དང༌། ཁུང་ན་ཉལ་བ་རྣམས་ལོག་པར་འཁྲིག་པ་དང་ལྡན་པར་སྨྲ་བ་དེ་ནི་རྒྱལ་པོ་འཆི་བར་འགྱུར་རོ། །བྱ་རོག་གི་གཤོག་པ་དཀར་པོ་མཐོང་ན་མི་དགེ་བ་ཡིན་ཏེ། །ཡུལ་དེ་ནས་འགྲོ་བར་བྱའོ། །དེ་བཞིན་དུ་བྱ་རྒོད་ལ་སོགས་པའི་གཤོག་པ་ལྷུང་བར་མཐོང་བ་དང༌། ཝང་ལ་མི་སོས་པར་བརྒྱལ་བར་འགྱུར་བ་དེར་ནི་ཡུལ་གྱི་བདག་པོ་དང༌། རྒྱལ་པོ་དག་འཆི་བའི་ལྟས་བུ་བསྟན་ཏོ། །ཡང་དག་གི་ཚེ་གྲོང་ཁྱེར་དུ་ཁྭའི་ཚོགས་འདུས་ནས་གྲོང་གི་ཕྱི་རོལ་དུ་འདོང་བ་དེ་ནི་ངེས་པར་

---

^{[མ་དཔེ་གཟིགས་ན་འདིར་གནོན།]}

གྲོང་གི་སྐྱེ་བ་མེད་པར་འགྱུར་རོ། །ཝ་ཤིང་གི་སྟེང་ན་འདུག་གམ། ར་བ་དང༌། སྒོ་ཁང་དང༌། ཁྱིམ་དུ་འདུག་སྟེ། སྒྲ་ཆེན་པོ་འབྱིན་ཞིང་ཤིན་ཏུ་འཇིགས་པར་སྦྲོན་པ་དང༌། ཝ་ཉི་མ་ལ་ཁ་བལྟས་ཏེ་རེངས་ཐབས་སུ་འདུག་ནས་སྐད་དྲག་ཏུ་འབྱིང་པ་དེར་ནི་དམག་འབྱུང་བར་བཤད་པར་བྱའོ། །ཤིང་མཐོན་པོའམ། ཁང་སྟེང་མཐོན་པོའམ། །མཛོད་མང་པོར་འདུག་སྟེ། ཁ་ཉི་མ་ལ་བལྟས་ནས་ཝ་སྐད་དྲག་ཏུ་འབྱིན་པ་ནི་མི་ལས་གྱུར་པ་དང༌། རྒྱལ་པོ་ལས་གྱུར་པའི་ཉེས་པ་འབྱུང་བར་བྱེད་དོ། །ཁྭ་འདུས་པས་ས་ལ་མཆུ་བཙུགས་ཏེ། ཅང་མི་སྨྲ་བར་སྐད་ཅིག་འདུག་ནས་འདུས་ཏེ་གང་གི་ཚེ་ནམ་མཁའ་ལ་འཕུར་བ་དེའི་ཚེ་དམག་གིས་འཚོ་བ་རྣམས་ལ་ཤིན་ཏུ་ཁྲག་འབྱུང་བར་འགྱུར་རོ། །ཁྭ་ཁ་འཐབས་ཤིང་སྐད་འབྱིན་པའི་ཚོགས་རྟག་ཏུ་འབྲེལ་བ་གང་ཡིན་པ་དེ་ནི་གལ་ཏེ་ཁྱིམ་མམ། གྲོང་ཁྱེར་རམ། ཡུལ་འཁོར་དང༌། ཡུལ་དང༌། བ་ལང་རྫིའི་གནས་འཇིགས་པར་འགྱུར་པར་བརྗོད་པར་བྱའོ། །ཁྭ་ས་ལ་མཆུའི་རྩེ་མོ་གཏད་དེ། སྐད་མི་བཟད་པ་མི་གསལ་བའང་འབྱིན་པ་དེར་ནི་དེའི་ཚེ་ཤིན་ཏུ་འཇིགས་པ་ཆེན་པོ་འབྱུང་བར་བསྟན་ཏོ། །ཤ་ཟ་བའི་བྱའི་མཆུའི་རྩེ་མོ་ལས་གང་དུ་ཤ་ལྷུང་བ་དེར་ནི་གློ་བུར་དང༌། རྒྱལ་པོ་ལས་གྱུར་པའི་འཇིགས་པ་ཆེན་པོ་འོང་བར་བསྟན་ཏོ། །གང་དུ་རི་དགས་ཁ་ཉི་མ་ལ་གྱེན་དུ་བལྟས་ཏེ། མི་དགའ་ཞིང་མཐོང་བར་བྱེད་ན་ཡུལ་གྱི་སྐྱེ་བོ་བསྒྲུངས་སུ་ཟིན་ཀྱང་སེམས་ཅན་གཞན་དག་གིས་འཇིགས་པར་གྱུར་བ་དེར་ནི་རྒྱལ་པོ་ལ་བརྙས་པར་མཐོང་བར་འགྱུར་རོ། །གང་དུ་ཝ་ཉིན་པར་ཉི་མ་ལ་ཁ་ལྟ་ཞིང་ཡང་དང་ཡང་སྐད་དྲག་པོ་འབྱིན་པ་དང༌། མཚན་མོ་གཟའ་རྣམས་ལ་ལྟ་བར་བྱེད་ཅིང་བརྒྱལ་བའི་ཚེ་ནི་ངེས་པར་རྒྱལ་པོ་འཆི་བར་འགྱུར་རོ། །བྱ་རྒོད་དང༌། བྱ་ལྷས་དང༌། ཆུ་ནས་སྐྱེས་པའི་བྱ་དང༌། ཁྭ་དང༌། ཐི་བ་དང༌། ཟས་སུ་ཤ་ཟ་བ་གཞན་དག་རྒྱལ་མཚན་གྱི་རྩེ་མོ་དག་དང༌། ཁང་སྟེང་དུ་འདུག་པ་ནི་དེའི་ཚེ་ཟད་པར་འགྱུར་བར་མངོན་པར་ཤེས་པ་བདག་གིས་རབ་ཏུ་བརྗོད་དོ། །གལ་ཏེ་ཉི་མ་ཕྱེད་པའི་ཚེ་གླང་པོ་ཆེ་དང༌། བ་ལང་གི་གནས་དང༌། རྟའི་བྲེས་སུ་འུག་པ་སྣང་ལ་ཕྱུགས་དག་ཀྱང་བཞོན་པར་འགྱུར་བ་ནི་ངེས་པར་རྒྱལ་པོ་འཇིགས་པ་འབྱུང་བར་བསྟན་ཏོ། །ཡང་གང་གི་ཚེ་གླང་པོ་ཆེའི་ལག་པའི་རྩེ་མོས་ཁྲག་སྐྱུག་པར་བྱེད་པ་དང༌། གླང་པོ་ཆེ་མཆོག་དག་མཆེ་བ་ཆག་པ་དང༌། རྟ་རྣམས་ཁ་ངལ་བར་གྱུར་པའི་རྒྱལ་པོ་ལ་

---

^{[མ་དཔེ་གཟིགས་ན་འདིར་གནོན།]}

འཇིགས་པ་འབྱུང་བའི་རྒྱུར་བསྟན་ཏོ། །གང་དུ་པདྨའི་འདབ་མ་བཏིང་བདག་ཏུ་བྱ་རོག་རྣམས་རྩེ་བར་བྱེད་ཅིང༌། །ཐང་ལ་ཡང་བྱ་ཀ་རཎྜ་པ་དང༌། ངང་པའི་ཚོགས་དག་རྩེ་བར་ཁྱིམ་མམ་གྲོང་ཁྱེར་དེ་འཇིག་པར་འགྱུར་རོ། །སྲོག་ཆགས་ཚིག་ཏུ་སྨྲ་བ་མེད་པ་རྣམས་ཀྱི་ལྟས་ཀྱི་ལེའུ་སྟེ་བརྒྱད་པའོ།། །།ཆར་ལྟས་ལ་སྤྲིན་གྱི་གཟུགས་རིའི་རྣམ་པ་ལྟ་བུ་ངག་དང༌། ཕག་དང་ཆུ་སྲིན་ལྟ་བུ་དག་དང༌། སྦལ་པ་དང་གླང་པོ་ཆེའི་གཟུགས་ལྟ་བུ་དག་དང༌། རིལ་པ་དང་བུམ་པ་ལྟ་བུ་དག་དང༌། སེང་གེ་དང༌། སྟག་དང༌། གླང་པོ་ཆེ་བཞིན་དུ་ལྷའི་སྤྲིན་དག་གིས་ཁེབས་པའི་ཉི་མའི་མོད་ལ་ཆར་བ་འབབ་པར་བརྗོད་པར་བྱའོ། །ལྡོང་རོས་ཀྱི་མདོག་ལྟ་བུ་དང༌། དེ་བཞིན་དུ་མཚལ་ལྟ་བུ་དང༌། ནེ་ཙོ་ལྟར་སྣང་བའི་མདོག་དང༌། ཉེ་བའི་སྤྲིན་དག་གིས་ཆར་པ་འབེབས་པར་ཡང་དག་པར་བསྟན་པར་བྱའོ། །པདྨའི་འདབ་མ་ལྟ་བུ་དང༌། དེ་བཞིན་དུ་རྡོ་སྤུངས་པ་ལྟ་བུའི་སྤྲིན་གྱིས་ཉི་མ་དང་ཟླ་བའི་གཟུགས་ཁེབས་པར་གྱུར་པ་དེ་ནི་དེའི་ཚེ་ཕྱོགས་སུ་འོད་ཆེན་པོ་འབྱུང་བར་འགྱུར་བའི་ཆར་པ་འབབ་པར་བསྟན་པར་བྱའོ། །གང་གི་ཚེ་ནམ་མཁའ་ལ་ཡན་ལག་ཐམས་ཅད་སྤྲིན་གྱིས་ཐིབས་པོར་ཁེབས་ནས་གདུགས་ལྟ་བུའི་གློག་འབྱུང་བར་བྱེད། འབྲུག་སྒྲ་རིང་དུ་འདོད་དགའ་འབྱུང་བ་དེའི་ཚེ་ནི་ས་ཆུས་ཤིན་ཏུ་གང་བར་འགྱུར་རོ། །ཡང་གང་གི་ཚེ་སྤྲིན་ཨི་ཤ་ནིའི་ཕྱོགས་དང༌། ཤར་དང༌། བྱང་གི་ཕྱོགས་ནས་བྱུང་སྟེ། རིང་ཞིང་བརྟན་པའི་སྒྲས་འབྲུག་ཟེར་བ་དེའི་ཚེ་ཡང་གཅིག་པ་ཆུ་དང་ལྡན་པར་འགྱུར་རོ། །ཡང་ཟླ་བ་ཡར་གྱི་དང་མར་གྱི་ངོ་ཡང་རུང་སྟེ། གཟའ་ཐམས་ཅད་འབྱུང་ཞིང་འདུ་བའི་སྤྲིན་དེ་དག་ནི་ཆར་པ་བབ་པར་བྱེད་དེ། །འདི་ནི་སྔོན་གྱི་ལུང་ཤེས་པ་དག་གིས་བསྟན་པ་ཡིན་ནོ། །གང་གི་ཚེ་དགུན་ཟླ་འབྲིང་པོར་གྱུར་པ་ན་སྤྲིན་འདུས་པར་སྣང་ཞིང༌། རླུང་སྣུན་པའི་སྤྲིན་རུམ་ནས་འབྱུང་བ་ལྡང་བ་དེའི་ཚེ་ནི་ཟླ་བ་དྲུག་པར་གྱུར་ནས་དབང་པོས་ཆར་བ་འབེབས་པར་འགྱུར་རོ། །དགུན་ཟླ་ཐ་ཆུངས་ལ་སྤྲིན་བརྩེགས་པའི་སྤྲིན་རུམ་འདུས་པ་གློག་དང་དང་བཅས་པ་ནི་དབྱར་ཟླ་འབྲིང་པོར་ཡང་དག་པར་གྱུར་ནས་ཆུ་མང་དུ་རྣམ་པར་གཏོང་བར་འགྱུར་རོ། །དཔྱིད་ཟླ་ར་བ་ལ་སྤྲིན་རུམ་དུ་གྱུར་པས་ནི་དབྱར་ཟླ་ཐ་ཆུངས་ལ་ཆར་འབབ་པར་བསྟན་པར་བྱའོ། །གང་གི་ཚེ་དགུན་ཟླ་ཐ་ཆུངས་དང་དཔྱིད་ཟླ་འབྲིང་པོ་རྣམས་ལ་སྤྲིན་རྣམས་

---

^{[མ་དཔེ་གཟིགས་ན་འདིར་གནོན།]}

འཛིངས་པར་བྱེད་པ་ནི་དེའི་ཚེ་ཟླ་བ་དྲུག་དྲུག་གི་ཕྱེད་དེའི་ཚེ་ཆར་པ་མི་འབབ་པར་བརྗོད་པར་བྱའོ། །གང་གི་ཚེ་དགུན་ཟླ་ཐ་ཆུངས་དང༌། དཔྱིད་ཟླ་འབྲིང་པོ་རྣམས་ལ་སྤྲིན་རླུང་རུམ་ཅན་དག་ཆུ་གཏོང་བར་མི་བྱེད་པ་ནི་དབྱར་ཀ་ཆར་པ་དེ་འབེབས་པར་འགྱུར་རོ། །གང་གི་ཚེ་བྱང་ཕྱོགས་དང༌། བྱང་ཤར་དང༌། དེ་བཞིན་དུ་ཤར་དང༌། ནུབ་དག་ནས་གློག་འབྱུང་བ་ནི་ཆར་པ་འབབ་པར་སྟོན་པའོ། །ཡང་ཕྱོགས་ཐམས་ཅད་ནས་གློག་ཀུན་དུ་འབྱུང་བར་གྱུར་པ་དེའི་ཚེ་ནི་ནམ་མཁའ་ཁེབས་པའི་ཆར་བ་འབབས་པར་སྟོན་པ་ཡིན་ནོ། །གང་གི་ཚེ་གློག་གི་འོད་དམར་ཞིང་མཐའ་སྔོན་བར་སྣང་བདེའི་ཚེ་ནི་མེའི་ཕྱོགས་ནས་ཆར་པ་ཆུང་ཟད་འབབ་པར་འགྱུར་རོ། །གང་གི་ཚེ་ནུབ་ཕྱོགས་ཀྱི་ཆར་སྤྲིན་གྱི་དབུས་འཇའ་སྣུམ་པ་ནོར་བུ་བཻཌཱུཪྻའི་འོད་ལྟ་བུ་བྱུང་བར་གྱུར་ཅིང་གློག་འགྱུར་པའི་ཡལ་ག་དང༌། རང་གི་ཕྱོགས་ནས་རླུང་གིས་བསྐྱོད་པར་འགྱུར་བ་དེའི་ཚེ་ནི་ཞིག་བདུན་བདུན་དུ་ཆར་བ་འབབ་པར་རིག་པར་བྱའོ། །གང་གི་ཚེ་ཤར་རམ་བྱང་ནས་ཁ་བ་འབབ་ཅིང་རླུང་འབྱུང་ལ་ཕྱོགས་དུད་ཀ་དང༌། སྔོ་བསངས་སུ་བྱེད་པ་དེའི་ཚེ་ནི་ཆུ་ཆེར་འབབ་པར་འགྱུར་རོ། །གང་གི་ཚེ་ཉི་མ་ཤར་བའམ། དུས་ཚིགས་ཀྱི་ཆགས་པ་འབྱུང་བར་ཆར་པའི་ཐིགས་པ་འབབ་པ་དེའི་ཚེ་ནི་ངེས་པར་ཆར་མོ་ཆེ་འབབ་པར་འགྱུར་རོ། །གལ་ཏེ་ཡང་ཉི་མ་ཤར་བའི་ཚེ་སྦལ་པས་སྐད་རན་ཅིང་སྙན་པ་འབྱུང་བ་དེའི་ཚེ་ཆར་མོ་ཆེ་འབབ་པར་འགྱུར་རོ། །མི་གཞན་ཞིག་ལག་ན་གདུགས་ཐོགས་ནས་ཆར་བའི་མཚན་མ་དྲིས་སམ་ཁྱིམ་འགེངས་བཞིན་དུ་དྲིས་ན་དེའི་ཚེ་རྟག་ཏུ་ཆར་པ་འབབ་པར་འགྱུར་རོ། །གོས་གཤེར་བས་ཀྱང་དྲིས་ན་ཆར་བའི་རྒྱུ་ཡིན་ཏེ། དེ་ལ་མོད་ཁོ་ནར་ཆར་དུ་འབབ་པར་འགྱུར་བ་ཐེ་ཚོམ་མེད་དོ། །ཆུའི་ཕྱོགས་སུ་འདུག་ནས་དྲིས་ཀྱང་རུང་སྟེ། ཆར་པ་འབབ་པར་བལྟ་བར་བྱའོ། །བྱི་ལ་དང༌། སྲེ་མོང་དང༌། སྤྲུལ་རྣམས་དང༌། གང་ཡང་གཞན་དག་ཏུ་གན་དུ་གནས་པ་དག་གལ་ཏེ་དྲོད་མི་མཐུན་པར་རྒྱུག་པར་བྱེད་ན་མོད་ལ་ཆར་འབབ་པར་སྟོན་པ་ཡིན་ནོ། །བྱིས་པ་འཇིམ་པས་བྱུག་པ་དང༌། མགོ་མེ་ཏོག་ཕྲེང་བ་དཀྲིས་པ་གང་ན་འདུག་པ་དར་ནི། འཕྲལ་དུ་ཆར་པ་མངོན་པར་འབབ་པར་བྱེད་དོ། །ལུས་རྡུལ་གྱིས་བྱུགས་པའི་བྱིས་པ་དག་རྡུལ་གྱིས་རྩེ་བར་བྱེད་པ་དང༌། ཡུར་བ་འགེངས་པར་བྱེད་ན་ཕྲལ་དུ་ཆར་པ་འབབ་པའི་རྒྱུ་ཡིན་ཏེ། ཆར་པ་

---

^{[མ་དཔེ་གཟིགས་ན་འདིར་གནོན།]}

འབབ་པའི་མཚན་ཉིད་ལ་མཁས་པ་རྣམས་ཀྱིས་དེ་ནི་འཕྲལ་དུ་ཆར་པ་འབབ་པར་བཤད་པ་ཡིན་ནོ། །གང་གི་ཚེ་སྤྲིན་ཀྱང་མེད། ཁ་བ་ཡང་མེད་པར་རླུང་ཤིན་ཏུ་བསིལ་བ་དག་འབྱུང་ཞིང༌། ལུས་ཅན་གྲང་བར་བྱེད་པ་ནི་དེར་འཕྲལ་དུ་ངེས་པར་ཆར་པ་འབབ་པར་བྱེད་པའོ། །ཆུ་ནས་སྐྱེས་པའི་བྱ་ཤིང་གི་ཡལ་ག་ལ་ཞོན་པ་དག་ཉི་མས་འདབ་མ་སྐེམས་པར་བྱེད་པ་ནི་ཤིན་ཏུ་ཆར་པ་འབབ་པར་ཡང་སྟོན་པ་ཡིན་ནོ། །གང་གི་ཚེ་ཤིང་ལ་གནས་པའི་བྱ་འདབ་མ་སྐེམས་པར་བྱེད་པ་དེ་ནི་ཆར་པ་འབབ་པར་བྱེད་པའི་རྒྱུ་ཡིན་པར་བསྟན་བཅོས་མཁས་པ་རྣམས་ཀྱིས་བསྟན་བཅོས་ལས་བརྗོད་པ་ཡིན་ནོ། །གྲོང་གི་བྱིའུ་ཁྲུས་བྱེད་ཅིང་འདབ་མ་སྦྲུག་པར་བྱེད་པ་གང་ཡིན་པ་དེ་ནི་ཆར་པ་འབབ་པའི་ཡང་དག་པའི་ཤེས་པ་རྣམས་ཀྱིས་ཆར་པའི་རྒྱུ་ཡིན་པར་བརྗོད་པ་ཡིན་ནོ། །ཆར་ལྟས་ཀྱི་ལེའུ་སྟེ་དགུ་པའོ།། །།དུས་ཚིགས་ཀྱི་འོད་ཆགས་པའི་ལྟས་ལ་བྲམ་ཟེ་རིག་པ་ཅན་གྱིས་དུས་ཚིགས་ཀྱི་འོད་ཆགས་པ་བསྒྲིམས་ཏེ་བརྟགས་ནས་དུས་བསྟན་པར་བྱ་སྟེ། གང་གི་ཚེ་ནང་ནུབ་ཏུ་དུས་ཚིགས་མདོག་སྣུམ་ཞིང༌། ལྡོང་རོས་ལྟ་བུའི་འོད་དམ་པ་བླའི་འོད་ལྟ་བུར་མཐོང་ན་ཞག་གསུམ་གྱི་བར་དུ་ཆར་པ་འབབ་པར་ལྟས་ཤེས་པ་དག་གིས་བརྗོད་པ་ཡིན་ནོ། །དུས་ཚིགས་ཀྱི་ཁ་དོག་དུང་དང༌། གུར་གུམ་དང༌། བ་ལང་གི་གཅིན་ལྟ་བུའི་འོད་འབྱུང་བ་དེ་དག་ནི་འཕྲལ་དུ་ཆར་བ་འབབ་པའི་རྒྱུ་ཡིན་ནོ། །དབྱར་ཀ་དུས་ཚིགས་གཉིས་ཀར་ཡང་ཁ་དོག་སྣུམ་པ་དང༌། གུར་གུམ་ལྟ་བུ་དང༌། གནག་པ་དང༌། རང་བཞིན་གྱིས་མཚལ་གྱི་འོད་ལྟ་བུ་འབྱུང་བ་དང༌། ཁ་དོག་ཁྲག་གི་རྒྱུན་དང་མཚུངས་པའི་འོད་དང༌། དེ་བཞིན་དུ་རྒྱ་སྐྱེགས་ཀྱི་ཁུ་བ་ལྟ་བུ་དང༌། དེ་བཞིན་དུ་ཟངས་ལྟར་དམར་བ་དག་གིས་ནི་དུས་ཚིགས་འཇིགས་པར་བྱེད་པར་འགྱུར་རོ། །དུས་ཚིགས་ཁ་དོག་རྩུབ་པ་དག་ཏུ་དམག་དང་མཚོན་གྱིས་འདེབས་པ་དང༌། ཁྲག་གི་ཆག་ཆག་བཏབ་པའི་ས་རྣམས་འབྱུང་བ་ནི་ཤིན་ཏུ་འཇིགས་པར་འགྱུར་རོ། །དུས་ཚིགས་ཀྱི་ཆགས་པ་ཤིན་ཏུ་དམར་བ་ནི་ཉིན་གསུམ་དུ་ཆར་པ་འབབ་པར་བསྟན་ཏོ། །ཡང་ན་མཚོན་གྱིས་འདེབས་པ་མཚོན་གྱིས་འཚོ་བའི་སྐྱེ་བོ་ཟད་པར་ཡང་འགྱུར་རོ། །གང་དུ་དུས་ཚིགས་གཉི་གར་ཕྱོགས་སུ་རྡོ་ཡི་ཆར་བ་འབབ་པ་དེར་ནི་མཁྲིས་པའི་ནད་ལ་སོགས་པས་ལུས་ཅན་འཆི་བར་འགྱུར་རོ། །

---

^{[མ་དཔེ་གཟིགས་ན་འདིར་གནོན།]}

གལ་ཏེ་དུས་ཚིགས་ཀྱི་ཆགས་པ་ཡང་དང་ཡང་དུ་བྱིས་པ་དག་དམག་འགྱེད་པ་ན་རྣམ་པར་སྐྲག་པར་འགྱུར་ཞིང་རབ་ཏུ་རྒྱུག་པར་བྱེད་པ་དེར་ནི་ཡུལ་འཁོར་འཇིག་པར་འགྱུར་རོ། །དུས་ཚིགས་ཀྱི་རང་བཞིན་དང་ལྡན་པའི་ཉི་ཟླ་གཉིས་དང་ལྷན་ཅིག་ཏུ་འབྱུང་ཞིང༌། ཁ་དོག་གི་འོད་དམར་བ་དང༌། རྩུབ་པ་མ་ཡིན་པ་ནི་ལོ་ལེགས་པ་དང་བདེ་བའི་རྒྱུ་ཡིན་ནོ། །དུས་ཚིགས་གཉི་གར་འོད་ཤིན་ཏུ་གང་ཅིང་མུན་པ་དང་འདྲ་བས་གང་ན་དེའི་དམག་དཔོན་རྣམས་འཁྲུག་པ་དང༌། གསོད་པར་ཡང་བསྟན་པར་བྱའོ། །གང་དུ་དུས་ཚིགས་ཀྱི་རང་བཞིན་གྲང་བ་དང༌། དྲོ་བ་དང༌། འཇམ་པ་དང༌། རྩུབ་པ་རྣམས་ཕྱིན་ཅི་ལོག་ཏུ་གྱུར་པ་དེར་ནི་ནད་དང༌། འཆི་བ་དང༌། རྒྱལ་པོ་ལ་འཇིགས་པ་འབྱུང་བའམ། ཡང་ན་ངེས་པར་བདག་པོ་འཆི་བར་བསྟན་པ་ཡིན་ནོ། །དེའི་ཉེ་འཁོར་དུ་ཆོམ་རྐུན་དང༌། སྦྲུལ་དང༌། སྲིན་པོ་རྣམས་ཀྱི་དབང་དུ་ཡང་འགྱུར་རོ། །དུས་ཚིགས་ཀྱི་འོད་ཆགས་པའི་ལེའུ་སྟེ་བཅུ་པའོ།། །།དྲི་ཟའི་གྲོང་ཁྱེར་གྱི་ལྟས་ལ། གལ་ཏེ་ཤར་ཕྱོགས་སུ་དྲི་ཟའི་གྲོང་ཁྱེར་བྱུང་བར་གྱུར་ན་ནུབ་ཕྱོགས་ན་འདུག་པའི་རྒྱལ་པོ་ལ་མཆོག་ཏུ་འཇིགས་པ་འབྱུང་བར་བསྟན་པ་ཡིན་ནོ། །གང་གི་ཚེ་ནུབ་ཕྱོགས་སུ་དྲི་ཟའི་གྲོང་ཁྱེར་སྣང་བར་གྱུར་ན། དེའི་ཚེ་ན་ཤར་ཕྱོགས་ན་གནས་པ་རྣམས་ལ་འཇིགས་པ་ཆེན་པོ་འབྱུང་བར་བརྗོད་པར་བྱའོ། །གང་གི་ཚེ་བྱང་ཕྱོགས་སུ་དྲི་ཟའི་གྲོང་ཁྱེར་སྣང་བར་གྱུར་ན་དེའི་ཚེ་ནི་ལྷོ་ཕྱོགས་ན་གནས་པའི་རྒྱལ་པོ་རྣམས་ལ་འཇིགས་པ་འབྱུང་ངོ༌། །གང་གི་ཚེ་ལྷོ་ཕྱོགས་སུ་དྲི་ཟའི་གྲོང་ཁྱེར་སྣང་བར་གྱུར་ན་དེའི་ཚེ་ནི་བྱང་ཕྱོགས་ན་གནས་པ་རྣམས་ལ་འཇིགས་པ་འབྱུང་བར་བརྗོད་པ་ཡིན་ནོ། །དྲི་ཟའི་གྲོང་ཁྱེར་ཆགས་པའི་ལེའུ་སྟེ་བཅུ་གཅིག་པའོ།། །།གལ་ཏེ་གང་དུ་འཇིག་རྟེན་པའི་ལྷའི་གཟུགས་གར་བྱེད་པ་དང༌། རབ་ཏུ་གཡོ་བར་གྱུར་པ་དང༌། སྨྲ་བར་གྱུར་པ་དང༌། མིག་མཆི་མས་གང་བ་དང༌། རྟུལ་བར་གྱུར་བ་དང༌། གས་པར་གྱུར་པ་དང༌། དུམ་བུར་གྱུར་པ་དང༌། ཐམས་ཅད་ཞིག་པ་ལ་སོགས་པས་ནི་འཇིགས་པ་རྣམ་པ་དུ་མ་འབྱུང་བར་རིག་པར་བྱའོ། །དེ་ལ་ཡང་གར་གྱིས་ནི་དམག་མང་པོ་འབྱུང་ངོ༌། །རབ་ཏུ་གཡོ་བས་ཟླ་བ་བཞིན་དམག་འབྱུང་བ་དང༌། ཟླ་བ་དྲུག་གིས་རྒྱལ་པོ་ཀུན་དུ་ཟད་པར་འགྱུར་བ་དང༌། རིང་པོ་མི་ཐོགས་པར་ཡུལ་འཇིག་པར་

---

^{[མ་དཔེ་གཟིགས་ན་འདིར་གནོན།]}

འགྱུར་རོ། །གོམ་པ་འདོར་བས་ནི་ཡུལ་བོར་ཏེ་འདོང་བར་འགྱུར་རོ། །གླུ་ལེན་པས་ནི་ཡུལ་འཇིགས་པར་འགྱུར་རོ། །དུམ་བུ་ལས་ལྟུང་ན་ལུས་ཅན་རྣམས་འཆི་བར་འགྱུར་རོ། །རླུང་ལ་སོགས་པས་ཕུལ་བ་དང༌། ལྟོས་པ་མེད་པར་ལྷའི་གཟུགས་ཀྱི་མགོ་དག་ལས་མེ་ཏོག་གི་ཕྲེང་བ་ལག་པར་གཞག་པ་ལྟུང་བར་གྱུར་བ་ནི་རྒྱལ་པོ་དང་ཡུལ་འཁོར་དང་བཅས་ཏེ་འཆི་བར་འགྱུར་རོ། །ཡང་གང་དུ་རྒྱལ་པོ་རྟག་ཏུ་ཕན་ཚུན་འཁྱམ་པར་བྱེད་པ་དང༌། འཇིགས་པ་མེད་པར་ཡང་འཇིགས་པས་སྐྲག་པ་དང༌། རྡེག་འཆོས་པ་དང༌། རབ་ཏུ་གྱུར་པ་དང༌། ཡིད་མི་དགའ་ཞིང་ངུ་བར་གྱུར་པ་དང། གཟུགས་མི་སྣང་བར་སྲོག་ཆགས་རྣམ་པ་ཐ་དད་པ་དག་གིས་སྒྲ་ཤིན་ཏུ་སྡུག་བསྔལ་བར་འགྱུར་པ་དག་ཐོས་པར་གྱུར་པ་དེའི་ཚེ་ནི་རང་གི་ཡུལ་འཁོར་དང་ཡུལ་དུ་བཅས་ཏེ་རྒྱལ་པོ་འཆི་བར་འགྱུར་ལ། ཡུལ་འཁོར་དེའི་སྐྱེ་བོ་ཡང་མུ་གེ་དང་གནོད་པ་དག་གིས་གཟིར་བ་དང༌། བུ་སྨད་དད་ཡང་བྲལ་བར་གྱུར་བ་སྟོན་པ་ཡིན་ནོ། །གང་དུ་བསྟན་པ་མེད་པར་བྱིས་པ་གླུ་དང་སྤེལ་ཏེ། ཚིག་གིས་གླུ་ལེན་པར་བྱེད་ཅིང༌། མི་མཐུན་པའི་དོན་བརྗོད་པ་དེར་ནི་རྒྱལ་པོ་འཆི་བར་རྗོད་པར་བྱེད་དོ། །ལྷ་རྟེན་དང་གཟུགས་འགྱུར་བའི་ལྟས་ཀྱི་ལེའུ་སྟེ་བཅུ་གཉིས་པའོ། །ལམ་དུ་འཇུག་པའི་ལྟས་ལ་གང་གི་ཚེ་རྒྱལ་པོ་དང༌། བློན་པོ་དང༌། བྲམ་ཟེ་དག་ལམ་དུ་འཇུག་ཅིང་འཕགས་པ་ན་གནམ་གྲུམ་པ་དང་བཅས་པའི་སྐར་མདའ་འབྱུང་བ་དང་སེར་པ་འབབ་པ་ནི་དེ་དག་མི་མཐུན་པར་བརྗོད་པ་ཡིན་ཏེ། དེ་དག་དགོས་པ་ཡང་དག་པར་མི་འགྲུབ་པ་ཙམ་ཟད་ཀྱི་ལུས་འཇིགས་པར་འགྱུར་རོ། །གང་གི་དུས་སུ་ཉི་མ་འཆར་བའི་ཆོས་ཕྱོགས་གང་དག་ཏུ་འགྲོ་བ་ན་བྱ་རོག་དང༌། ངང་པ་དང༌། བྱ་ཀ་རཎྜ་བ་དང༌། ཀྲུང་ཀྲུང་དག་སྣང་བ་དེར་ནི་དགེ་བར་བལྟའོ། །སྤྲིན་དང༌། འཇའ་དང༌། དེ་བཞིན་དུ་གློག་འགྱུ་བ་དང༌། ཆུ་སྦྱིན་པར་བྱེད་པའི་འབྲུག་མི་གསལ་བ་འབྱིན་པ་དག་ནི་འཇིགས་པ་བདེན་པར་རིག་པར་བྱེད་པ་ཡིན་ནོ། །ལམ་བུ་འཇུག་པའི་ལྟས་ཀྱི་ལེའུ་སྟེ་བཅུ་གསུམ་པའོ། །གང་དུ་ལྟས་སྣ་ཚོགས་བསྟན་པ་དེ་དག་གི་འབྲས་བུ་འབྱུང་བའི་དུས་ཀྱི་ཚད་བསྟན་པ་གཟའ་སྐར་དག་ལ་མིག་དམར་གྱི་ལྟས་འབྱུང་བ་ནི་ཞག་བདུན་ནས་འབྲས་བུ་འབྱུང་ངོ༌། །དེ་བཞིན་དུ་གཟའ་ལག་ནི་ཞག་བཅུ་ཚུན་ཆད་ཀྱིས་སོ། །ཕུར་

---

^{[མ་དཔེ་གཟིགས་ན་འདིར་གནོན།]}

བུ་ནི་ལོ་གཅིག་གིས་རྣམ་པར་སྨིན་པར་འགྱུར་རོ། །པ་བསངས་ནི་ཟླ་བ་དྲུག་ཚུན་ཆད་ཀྱིས་སྨིན་པར་འགྱུར་བར་བསྟན་པར་བྱའོ། །གནམ་གྲུམ་པ་དང༌། ས་གྱོ་བ་ནི་ཟླ་བ་བརྒྱད་དུ་བརྗོད་དོ། །གྲོང་ཁྱེར་དང༌། མཆོད་རྟེན་དང༌། ཤིང་དང་འབྲེལ་པ་ནི་ཟླ་བ་གཅིག་ནས་སྨིན་པར་འགྱུར་རོ། །རྡོ་གསེག་མའི་ཆར་པ་འབབ་པ་དང༌། དེ་བཞིན་དུ་སྤྲིན་སྒྲ་འབྱུང་བ་དང༌། གཟའུ་རྣམས་འཁྱམས་པ་ནི་ཞག་གསུམ་ཚུན་ཆད་ཀྱིས་སྨིན་པར་འགྱུར་རོ། །ཉི་ཟླའི་ཡང་འཕྲལ་དུ་འབྲས་བུར་འགྱུར་བར་བསྟན་པར་བྱའོ། །འཇའ་ཟུག་པ་ནི་ཟླ་བ་བཅུ་གཉིས་སུ་བརྟག་གོ །སེར་བ་འབབ་བ་ལས་ནི་ཟླ་བ་ཕྱེད་དང་གཉིས་ཀྱིས་འབྲས་བུར་འགྱུར་རོ། །མེ་མེད་པར་མེ་འབར་བ་ལྟ་བུར་སྣང་བ་ནི་འབྲས་བུ་འཕྲལ་དུ་འབྱུང་བར་མཁས་པ་དག་གིས་བཤད་དོ། །དེ་བཞིན་དུ་འབྱིག་འགྱུར་བ་དང༌། མངལ་དག་ཕྱིན་ཅི་ལོག་པ་དང༌། དུས་མ་ཡིན་པར་ལོ་ཏོག་འབྲས་བུ་ཆགས་པ་ཐམས་ཅད་ཀྱི་ཡང་ཟླ་བ་དྲུག་པར་བརྗོད་དོ། །སྤྲིན་མེད་པའི་སྒྲ་དག་ཟེར་བ་ནི་ཟླ་བ་གཅིག་གིས་སོ། །འཇའི་ལྟས་ལྟ་བུ་ནི་ཞག་གསུམ་ཚུན་ཆད་ཀྱིས་འབྱུང་ངོ༌། །ཟླ་བའི་དཀྱིལ་འཁོར་སྔོན་པོ་གྱུར་པ་ནི་ཞག་བདུན་ཚུན་ཆད་ཀྱིས་འབྲས་བུ་འབྱུང་ངོ༌། །གྲོང་དང༌། གྲོང་ཁྱེར་དག་དང༌། དེ་བཞིན་དུ་གླང་པོ་ཆེ་དང༌། རྟ་དང༌། བ་ལང་དང༌། གླང་པོ་ཆེ་ལ་སོགས་པའི་ལྟས་འབྱུང་བ་ནི་འབྲས་བུ་འཕྲལ་དུ་འབྱུང༌། དེ་བཞིན་དུ་སྔོན་མ་བྱུང་བ་ལས་གློ་བུར་དུ་འབྱུང་བ་རྣམས་དང༌། འཇིགས་སུ་རུང་བའི་སྒྲ་བྱུང་བ་རྣམས་ཀྱི་ཡང་འབྲས་བུ་འཕྲལ་དུ་འབྱུང་བར་བརྗོད་དོ། །གདུགས་དང༌། རྒྱལ་མཚན་འགྱེལ་བ་དང༌། གཞི་དང༌། རྟ་བབས་དང༌། ཁང་པ་རྡིབ་པ་དང༌། མཇུག་རིངས་འཆར་བ་ནི་ཟླ་བ་གཅིག་གིས་འབྲས་བུ་འབྱུང་ངོ༌། མི་རྒོད་པ་དང༌། སྐྱིན་གོར་དང༌། སྦྲང་རྩིའི་སྦྲང་བུ་རྣམས་ནི་ཞག་བཅུ་ཚུན་ཆད་ཀྱིས་སོ། །སྟག་དང༌། བྱི་ལ་དང༌། ཝ་དང༌། སྲེ་མོ་དང༌། བྱ་རྣམས་དང༌། བར་སྣང་ལས་སྒྲ་བྱུང་བ་རྣམས་ཀྱིས་ནི་འབྲས་བུ་འཕྲལ་དུ་འབྱུང་ངོ༌། །ཡང་བྱ་དང༌། གྲོག་སྤུར་དང༌། ཕྱེ་མ་ལེབ་རྣམས་ཀྱིས་ནི་ཞག་བཅུ་ཚུན་ཅད་ཀྱིས་སོ། །ཡང་བྱི་བ་དང༌། སྦྲུལ་དང༌། དེ་བཞིན་དུ་སྦྲང་བུ་མང་པོའི་ལྟས་བསྟན་པ་ལས་ནི་ཟླ་བ་གཅིག་ཏུ་ཤེས་པར་བྱའོ། །རི་དགས་ཀྱི་རིགས་རྣམས་དང༌། བྱ་དག་གི་སྐད་བྱུང་བ་ནི་ཟླ་བ་གསུམ་གྱིས་འབྲས་བུ་འབྱིན་ཏོ། །དུས་ཚིགས་ཀྱི་མཚན་

---

^{[མ་དཔེ་གཟིགས་ན་འདིར་གནོན།]}

མ་རྣམས་ནི་ཞག་བདུན་ཚུན་ཆད་ཀྱིས་སོ། །དྲི་ཟའི་གྲོང་ཁྱེར་ཆགས་པ་ནི་ཟླ་བ་གསུམ་གྱིས་འབྲས་བུ་འབྱུང་བར་བཤད་དོ། །ལྟས་སྣ་ཚོགས་བསྟན་པའི་འབྲས་བུ་འབྱུང་བའི་དུས་བསྟན་པའི་ལེའུ་སྟེ་བཅུ་བཞི་པའོ།། །།གནོད་པའི་ལྟས་ངན་རྣམས་ཀྱི་རྒྱུ་བསྟན་པ་དང། དེ་དག་གི་ངོ་ལོན་གྱི་ཆོ་ག་བསྟན་པ། ཡོང་གི་སྲིད་པ་མ་ཡིན་པ་ཕྱིན་ཅི་ལོག་ཏུ་སྣང་བ་གང་ཡིན་པ་དེ་དག་ནི་ཕལ་ཆེར་མི་དགའ་བའི་འབྲས་བུའི་དབུས་སུ་འབྱིན་པར་རིག་པར་བྱའོ། །དེ་ཅིའི་ཕྱིར་ཞེ་ན། དེ་དག་གི་རྒྱུ་ནི་འདི་ལྟར་ཉེས་པར་སྤྱོད་པ་མང་པོ་ལ་སོགས་ཤིང་བསགས་པ་ལས་བྱུང་བའི་ཕྱིར་ཏེ། དེ་དག་ཡང་ཁ་ཅིག་ལས་ངན་པའི་དབང་གིས་ཡུལ་ལོག་པར་སྣང་བར་གྲུབ་པ་ཡང་ཡོད། ཁ་ཅིག་མི་མ་ཡིན་པ་དག་གིས་སྦྲན་པའི་ཕྱིར་ཆེད་དུ་བསྟན་པ་དག་ཡོད་པས་ན་གང་དག་མི་སྟོན་པ་ལྟར་སྣང་བ་དེ་དག་ཀྱང་འདིར་ཐུབ་པ་ལྷའི་མིག་ཅན་དེ་དག་གིས་བསྟན་པ་བཞིན་ངེས་པ་ཅན་དུ་གཟུང་བར་བྱའོ། །གང་དག་ཁ་ཅིག་ཏུ་དངོས་པོ་མི་སྲིད་པ་ལྟ་བུ་ཞིག་ཏུ་བརྒྱ་ལ་སྣང་ན། དེར་ཡོན་ཏན་ཞིག་ན་དགེ་ཞིང་བཟང་བ་དང༌། ཕྱིན་ཅི་ལོག་ཅིག་ནའང་མི་དགེ་བའི་དོན་དུ་རིག་པར་བྱའོ། །དེ་ལྟར་མི་དགེ་བར་གྱུར་བའི་མཚན་མ་དེ་དག་ནི་གཉེན་པོ་སོ་སོར་བརྟེན་པ་དག་གིས་ཟློག་པར་འགྱུར་སྲིད་དེ། དེ་དག་ཀྱང་གང་ཞེ་ན། བསོད་ནམས་ལ་རབ་ཏུ་གནས་པའི་སེམས་དང་ལྡན་པ་རྣམས་དང༌། རྣམ་པར་དག་པ་ལ་རྟེན་བདག་དང༌། སྦྱིན་སྲེག་དང༌། བཟླས་བརྗོད་ལ་བརྩོན་པར་བྱ་བ་དང༌། སེར་སྣ་བཅོམ་པ་དང༌། ལྷ་དང་བྲམ་ཟེ་དག་ལ་མཆོད་པ་དང༌། ཞི་བ་དང་རྒྱས་པའི་བཟླས་བརྗོད་དང༌། སྦྱིན་སྲེག་གི་ཆོ་ག་བྱ་བ་དང༌། བསམ་པ་དྲི་མ་མེད་པས་ནོར་རབ་ཏུ་སྦྱིན་པ་དག་གི་མཚན་མ་ངན་བ་དག་གིས་མི་ཚུགས་ཤིང་རྣམ་པར་འཇིག་པར་བྱེད་དོ། །གལ་ཏེ་གཉེན་པོ་བྱེད་པའི་སྟོབས་དག་གིས་ཀུན་དུ་ཟློག་པར་གྱུར་ན་ཡང་རྒྱལ་པོ་འཆི་བ་ལས་རབ་ཏུ་བཅད་དེ་ཚེ་ནུར། གྲོང་དང༌། གྲོང་ཁྱེར་དང༌། ཡུལ་འཁོར་དེ་དག་རྒྱུག་ཅིང་རྣམ་པར་འཇིག་པ་ཡང་ཡུན་རིང་དུ་གནས་པ་ཙམ་དུ་འགྱུར་བར་བསྟན་ཏོ། །ཐུབ་པའི་ཚོགས་མཆོག་གར་ག་ལ། བྷ་ར་དྷྭ་ཛ་གཽ་ཏ་མས། །ལྷ་ཡུལ་བར་སྣང་ས་བླ་དང༌། །གཟའ་སྐར་སྲོག་ཆགས་རྣམས་ཀྱི་ལྟས། །ས་བདག་མི་ཡི་རྒྱལ་པོ་དང༌། །གྲོང་དང་ཡུལ་འཁོར་གནས་པ་ལ། །གནོད་པར་གྱུར་པའི་ལྟས་

---

^{[མ་དཔེ་གཟིགས་ན་འདིར་གནོན།]}

འབྱུང་ལ། །ཆོ་ག་གང་དང་གང་དག་གིས། །ཞུ་བར་འགྱུར་བ་ཞུས་པ་ལས། །ཐུབ་པ་གར་གས་ལུང་བསྟན་པ། །ཕན་པར་འགྱུར་བའི་ཆོ་ག་གང༌། །གཽ་ཏ་མས་ཉན་པར་གྱིས། །དང་པོར་སྦྱིན་པ་གཏང་བྱ་སྟེ། །ལྷ་དང་བྲམ་ཟེ་མངོན་མཆོད་ན། །སྦྱིན་སྲེག་བཟླས་བརྗོད་མཆོད་སྦྱིན་གྱིས། །གཏོང་བའི་ངོ་ལོན་བྱ་བར་བསྟན། །དེ་ལ་ཐོག་མར་བ་ལང་དང༌། །དབྱིག་དང་གོས་ལ་སོགས་པ་དག །བྲམ་ཟེ་རྣམས་ལ་སྦྱིན་བྱིན་ནས། །སོ་སོར་ཁྱིམ་དུ་རྒྱལ་པོ་ལ། །གཙོ་བོ་དག་ལ་ཅི་རིགས་པར། །དབང་སྒྱུར་བ་ནི་ལེགས་པར་བྱ། །མདུན་ན་འདོན་ཞིང་མཉམ་གཞག་པ། །ཞག་བདུན་སྨྱུང་བ་བྱས་གྱུར་པས། །ལྷ་ལ་གཏོར་མ་རབ་ཕུལ་ཏེ། །ཨུ་དུམ་བཱ་རའི་ཡམ་ཤིང་སྲེག །ཤིང་མར་བཏགས་པ་བརྒྱ་རྩ་བརྒྱད་ནང་པར་ལྡང་ཞིང་སྔགས་རིག་པས་སྦྱིན་སྲེག་བྱའོ། །ཡང་ན་བྲམ་ཟེ་གཙང་མ་ཟས་སུ་མར་ཟ་ཞིང་བཟའ་བ་དང་བཅའ་བ་སྤངས་ཏེ། ཞག་གསུམ་སྨྱུང་བ་བྱས་པའི་སྔགས་མཁན་གྱིས་རིག་སྔགས་ཏྲ་ཏ་རམ་ཞེས་བྱ་བ་འདིས་ཨ་པ་མརྒའི་ཡམ་ཤིང་བསྲེག་ཤིང་མར་ལ་བཏགས་པ་བརྒྱ་རྩ་བརྒྱད་སྦྱིན་སྲེག་བྱའོ། །ཡང་རྒྱལ་པོའི་ཕོ་བྲང་ངམ། གྲོང་ཁྱེར་རམ། ཡུལ་གྱི་ཕྱིར་རྒྱལ་པོའི་མདུན་ན་འདོན་གྱི་ལྷ་ལ་ཞག་བདུན་དུ་གཏོར་མ་ཕུལ་ལ། མར་བྲེ་དོའམ། ཡང་ན་བྲེ་གད་མར་ལ་བཏགས་པའི་ནས་བྲེའུ་ཆུང་གཉིས་ཁོ་ནས་སྦྱིན་སྲེག་བྱའོ། །དེ་ལྟར་སྦྱིན་སྲེག་གི་ཆོ་ག་ཟིན་ནས་བྲམ་ཟེ་རྣམས་བརྒྱའམ། དེ་ལས་ལྷག་པ་དག་ལ་འོ་ཐུག་བླུད་པའམ། ཡང་ན་ཞག་བདུན་དུ་ཆོས་སྟོན་བྱའོ། །དེའི་འོག་ཏུ་བྲམ་ཟེ་དག་ལ་ཡོན་སྦྱིན་པ་ནི་གསེར་དང༌། དངུལ་དང༌། རྟ་དང༌། གླང་དང༌། གོས་རྣམ་པ་སྣ་ཚོགས་དག་སྦྱིན་པར་བྱའོ། །ཡང་ན་བྲམ་ཟེ་རྣམས་ལ་གླང་གཅིག་དང་བཅུ་སྦྱིན་པ་སྟེ། ཆོ་ག་འདི་ལྟར་བྱས་ན་ལྟས་ལས་འབྱུང་བའི་གནོད་པ་ཐམས་ཅད་ཞི་ཞིང་བཟློག་པར་འགྱུར་རོ། །ལྟས་ལས་གནོད་པར་འགྱུར་བའི་ངོ་ལོན་གྱི་ཆོ་ག་བསྟན་པའི་ལེའུ་སྟེ་བཅོ་ལྔ་པའོ།། །།ཐུབ་པ་ཆེན་པོ་དྲང་སྲོང་སྐར་མའི་ལྟས་ཀྱི་གཙུག་ལག་རྨ་བྱའི་ལྟས་སྣ་ཚོགས་བསྟན་པ་ཞེས་བྱ་བའི་ལྟས་ཇི་སྙེད་པ་རྫོགས་སོ།། །།ཨཱ་ཪྻ་བྱཱ་ཀ་ར་ཎའི་ནང་ནས་འབྱུང་བ་གཟའ་དང་རྒྱུ་སྐར་གྱི་རང་བཞིན་བཤད་པ་རྒྱུ་སྐར་ཉི་ཤུ་རྩ་བརྒྱད་ནི་འདི་ལྟ་སྟེ། སྨིན་དྲུག་དང༌། སྣར་མ་དང༌། མགོ་དང༌། ལག་དང༌། ནབ་སོ་དང༌། རྒྱལ་

---

^{[མ་དཔེ་གཟིགས་ན་འདིར་གནོན།]}

དང། སྐག་དང༌། མཆུ་དང༌། གྲེ་དང༌། དབོ་དང༌། མེ་བཞི་དང༌། ནག་པ་དང༌། ས་རི་དང༌། ས་ག་དང༌། ལྷ་མཚམས་དང༌། སྣྲོན་དང༌། སྣྲུབས་དང༌། ཆུ་སྟོད་དང༌། ཆུ་སྨད་དང༌། བྱི་བཞིན་དང༌། གྲོ་བཞིན་དང༌། མོན་གྲེ་དང༌། མོན་གྲུ་དང༌། ཁྲུམས་སྟོད་དང༌། ཁྲུམས་སྨད་དང༌། ནམ་གྲུ་དང༌། ཐ་སྐར་དང༌། བྲ་ཉེ་དང༌། འདི་རྣམས་ནི་རྒྱུ་སྐར་ཉི་ཤུ་རྩ་བརྒྱད་དོ། །དེ་ལ་རྒྱུ་སྐར་ནི་དུ། དབྱིབས་ནི་ཇི་སྙེད་ཡོད། ཡུད་ཙམ་དང་ལྡན་པ་ཇི་སྙེད། ཟས་ནི་ཅི། རུས་ནི་ཅི། ལྷ་རྣམས་ནི་གང༌། ཀྱེ་བྲམ་ཟེ་པདྨའི་སྙིང་པོ་ཅན་སྨིན་དྲུག་ནི་སྐར་མ་དྲུག་སྟེ། དབྱིབས་ནི་སྤུ་གྲི་ལྟ་བུའོ། །ཡུད་ཙམ་སུམ་ཅུ་དང་ལྡན་པའི་ཆ་དྲུག་དང་བཅས་པའོ། །ཟས་ནི་ཞོའོ། །ལྷ་ནི་མེ་ལྷའོ། །རུས་ནི་རྗེའུ་རིགས་ཀྱི་རྒྱུད་དོ། །རྒྱུ་སྐར་སྣར་མ་ནི་སྐར་མ་ལྔ་སྟེ། དབྱིབས་ནི་ཤིང་རྟ་ལྟ་བུའོ། །ཡུད་ཙམ་ནི་བཞི་བཅུ་རྩ་ལྔ་དང་ལྡན་པའི་ཆ་བདུན་དང་བཅས་པའོ། །ཁ་ཟས་ནི་ཞོ་དང་སྦྲང་རྩིར་སྦྱར་བའོ། །ལྷ་ནི་སྐྱེ་དགུའི་བདག་པོའོ། །རུས་ནི་གཽ་ཏ་མའོ། །རྒྱུ་སྐར་མགོ་ནི་སྐར་མ་གསུམ་སྟེ། དབྱིབས་ནི་རི་དགས་ཀྱི་མགོ་ལྟ་བུའོ། །ཡུད་ཙམ་ནི་སུམ་ཅུ་དང་ལྡན་པའི་ཆ་དང་བཅས་པའོ། །ཟས་ནི་རི་དགས་ཀྱི་ཤའོ། །ལྷ་ནི་ཟླ་བའོ། །རུས་ནི་བྷ་ར་དྷྭ་ཛའོ། །རྒྱུ་སྐར་ལག་ནི་སྐར་མ་གཅིག་སྟེ། དབྱིབས་ནི་སོག་ལེ་ལྟ་བུའོ། །ཡུད་ཙམ་བཅོ་ལྔ་དང་ལྡན་པའི་ཆ་བདུན་དང་བཅས་པའོ། །ཁ་ཟས་ནི་ཁྲག་གོ །ལྷ་ནི་དྲག་ཤུལ་ཅན་ནོ། །རུས་ནི་དམར་པོའི་རྒྱུད་དོ། །རྒྱུ་སྐར་ནབ་སོ་ནི་སྐར་མ་གཉིས་ཏེ། དབྱིབས་ནི་ཁང་པའི་གདུང་ལྟ་བུའོ། །ཡུད་ཙམ་བཞི་བཅུ་རྩ་ལྔ་དང་ལྡན་ལྡན་པའི་ཆ་བདུན་དང་བཅས་པའོ། །ཁ་ཟས་ནི་མར་དང་ཁུར་བའོ། །ལྷ་ནི་ཉི་མའོ། །རུས་ནི་དབང་བྱེད་དོ། །རྒྱུ་སྐར་རྒྱལ་ནི་སྐར་མ་གསུམ་སྟེ། དབྱིབས་ནི་རིལ་བ་ལྟ་བུའོ། །ཡུད་ཙམ་སུམ་ཅུ་དང་ལྡན་ནོ། །ཁ་ཟས་ནི་སྦྲང་དང་སྤོས་སོ། །ལྷ་ནི་ཕུར་བུའོ། །རུས་ནི་རྩྭ་ཤུན་གྱོན་པའི་རྒྱུད་དོ། །རྒྱུ་སྐར་སྐག་ནི་སྐར་མ་དྲུག་སྟེ། དབྱིབས་ནི་སྦྲུལ་མགོའི་གདེངས་ཀ་ལྟ་བུའོ། །ཡུད་ཙམ་བཅོ་ལྔ་དང་ལྡན་པའི་ཆ་བདུན་དང་བཅས་པའོ། །ཁ་ཟས་ནི་སྦྲུལ་གྱི་ཤའོ། །ལྷ་མང་སྦྲུལ་ལོ། །རུས་ནི་དམའ་བའི་རྒྱུད་དོ། །པདྨའི་སྙིང་པོ་ཅན་རྒྱུ་སྐར་འདི་བདུན་ནི་ཤར་སྒོར་གཏོགས་སོ། །རྒྱུ་སྐར་མཆུ་ནི་སྐར་མ་དྲུག་སྟེ། དབྱིབས་ནི་ཆུ་བོ་ལྟ་བུའོ། །ཡུད་ཙམ་སུམ་ཅུ་དང་འབྲེལ་བའི་མཚན་ཡིན་

---

^{[མ་དཔེ་གཟིགས་ན་འདིར་གནོན།]}

ནོ། །ཟས་ནི་ཏིལ་དང་སྦྱར་བའི་ཐུག་པའོ། །ལྷ་ནི་སྤེན་པའོ། །རུས་ནི་སེར་སྐྱའི་རྒྱུད་དོ། །རྒྱུ་སྐར་གྲེ་ནི་སྐར་མ་གཉིས་ཏེ། དབྱིབས་ནི་རྩིག་པའོ། །ཡུད་ཙམ་ནི་སུམ་ཅུ་དང་ལྡན་པའི་ཆ་བདུན་དང་བཅས་པའོ། །ཁ་ཟས་ནི་ཞག་དྲུག་ཅུས་སྨིན་པའི་འབྲས་སམ་ཏིལ་གྱི་ཚིགས་མ་ཟའོ། །ལྷ་ནི་ཁྱབ་མཇུག་གོ །རུས་ནི་གཞོན་རྩི་མོའི་ཁྱིམ་ཐབ་ཀྱི་རྒྱུད་དོ། །རྒྱུ་སྐར་དབོ་ནི་སྐར་མ་གཉིས་ཏེ། དབྱིབས་ནི་ཁྲི་ལྟ་བུའོ། །ཡུད་ཙམ་བཞི་བཅུ་དང་ལྡན་པའི་ཆ་བདུན་དང་བཅས་པའོ། །ཁ་ཟས་ནི་ཁྲེའོ། །ལྷ་ནི་ཉི་མ་དང་གཤིན་རྗེའོ། །རུས་ནི་ཨེ་ཏིའི་རྒྱུད་དོ། །རྒྱུ་སྐར་མེ་བཞི་ནི་སྐར་མ་ལྔ་སྟེ། དབྱིབས་ནི་ལག་པ་ལྟ་བུའོ། །ལྷ་ནི་ར་སྐྱེས་ལ་ཞོན་པའོ། །ཡུད་ཙམ་སུམ་ཅུ་དང་ལྡན་པའི་ཆ་བདུན་དང་བཅས་པའོ། །ཟས་ནི་བྱ་སྣ་ཚོགས་དང་སྲེ་དའོ། །རུས་ནི་འོད་སྲུངས་ཀྱི་རྒྱུད་དོ། །རྒྱུ་སྐར་ནག་པ་ནི་སྐར་མ་གཅིག་སྟེ། དབྱིབས་ནི་པདྨའི་སྙིང་པོ་འདྲའོ། །ལྷ་ནི་ཉི་མའོ། །ཡུད་ཙམ་ནི་སུམ་ཅུ་དང་ལྡན་པའི་ཆ་དང་བཅས་པའོ། །ཁ་ཟས་ནི་ཤིང་ཏོག་སྣ་ཚོགས་ཟའོ། །རུས་ནི་སཱ་ལའི་ཤིང་དྲུང་པའི་རྒྱུད་དོ། །རྒྱུ་སྐར་ས་རི་ནི་སྐར་མ་གཅིག་སྟེ། དབྱིབས་ནི་ནོར་བུ་རིན་པོ་ཆེ་ལྟ་བུའོ། །ཡུད་ཙམ་བཅོ་ལྔ་དང་ལྡན་པའི་ཆ་བདུན་དང་བཅས་པའོ། །ཁ་ཟས་ནི་ཕྱེ་དང་ཏིལ་ཐུག་སྦྱར་བ་དང༌། བལ་སྲན་སྡེའུ་བཏགས་པ་ཟའོ། །ལྷ་ནི་རླུང་ལྷའོ། །རུས་ནི་ཡིད་ཆེན་གྱི་རྒྱུད་དོ། །རྒྱུ་སྐར་ས་ག་ནི་སྐར་མ་བཞི་སྟེ། དབྱིབས་ནི་རའི་རྟེན་མགོ་ལྟ་བུའོ། །ཡུད་ཙམ་བཞི་བཅུ་ལྔ་དང་ལྡན་པའི་ཆ་བདུན་དང་བཅས་པའོ། །ཁ་ཟས་ནི་ཏིལ་དང༌། མེ་ཏོག་དང༌། རྒྱུ་སྲན་སྨུག་པོ་ཟའོ། །ལྷ་ནི་དབང་པོ་དང་མེ་ལྷའོ། །རུས་ནི་མཚན་མོ་ཞེས་བྱ་བའི་རྒྱུད་དོ། །ཀྱེ་པདྨའི་སྙིང་པོ་ཅན་རྒྱུ་སྐར་བདུན་པོ་འདི་དག་ནི་ལྷོ་ཕྱོགས་ཀྱི་སྒོར་གཏོགས་སོ། །རྒྱུ་སྐར་ལྷ་མཚམས་ནི་སྐར་མ་བཞི་སྟེ། དབྱིབས་ནི་གླང་པོ་ཆེའི་མགོ་དང་སྣ་ལྟ་བུའོ། །ཡུད་ཙམ་ནི་སུམ་ཅུ་དང་ལྡན་པའི་ཆ་དང་བཅས་པའོ། །ཟས་ནི་ཆང་དང༌། སྲན་ཆུང་དང༌། སྦྲང་རྩིའོ། །ལྷ་ནི་ཉི་མའོ། །རུས་ནི་སྤེན་པ་དང་རྒྱུད་འགྲོའོ། །རྒྱུ་སྐར་སྣྲོན་ནི་སྐར་མ་གསུམ་མོ། །དབྱིབས་ནི་ཐེམ་སྐས་ལྟ་བུའོ། །ཡུད་ཙམ་བཅོ་ལྔ་དང་ལྡན་པའི་ཆ་དང་བཅས་པའོ། །ཁ་ཟས་ནི་འབྲས་སཱ་ལུ་དང༌། མར་དང༌། འབྲས་ཐུག་གོ །ལྷ་ནི་དབང་པོའོ། །རུས་ནི་ལེགས་བྱེད་ཀྱི་རྒྱུད་དོ། །རྒྱུ་སྐར་སྣྲུབས་ནི་སྐར་མ་

---

^{[མ་དཔེ་གཟིགས་ན་འདིར་གནོན།]}

དགུ་སྟེ། དབྱིབས་ནི་སྐར་མ་གསུམ་དང་ལྡན་པའི་རི་དགས་ཀྱི་རྒྱལ་པོ་རྨད་དུ་བྱུང་བའི་རལ་པ་ལྟ་བུའོ། །ཡུད་ཙམ་ནི་སུམ་ཅུ་དང་ལྡན་པའི་ཆ་བདུན་དང་བཅས་པའོ། །ཁ་ཟས་ནི་འོ་མ་དང༌། ནགས་ཀྱི་རྩ་བ་དང༌། སྡོང་བུ་དང༌། འབྲས་ཟའོ། །ལྷ་ནི་སྡོང་བུ་ཅན་ནོ། །རུས་ནི་ཀ་ཏ་ཡ་ནའི་རྒྱུད་དོ། །རྒྱུ་སྐར་ཆུ་སྟོད་ནི་སྐར་མ་བཞི་སྟེ། དབྱིབས་ནི་མཆོད་རྟེན་ལྟ་བུའོ། །ཡུད་ཙམ་སུམ་ཅུ་དང་ལྡན་པའི་ཆ་ཆ་བདུན་དང་བཅས་པ་ཅན་གྱི་རྒྱུད་དོ། །ཁ་ཟས་ནི་ནྱ་གྲོ་དྷ་ཟའོ། །ལྷ་ནི་ཆུ་ལྷའོ། །རུས་ནི་ཀ་ཏྱ་ཞེས་བྱ་བའི་རྒྱུད་དོ། །རྒྱུ་སྐར་ཆུ་སྨད་ནི་སྐར་མ་བཞི་སྟེ། དབྱིབས་ནི་གོམ་པ་གཡོན་པ་ལྟ་བུའོ། །ཡུད་ཙམ་ནི་བཞི་བཅུ་རྩ་ལྔ་དང་ལྡན་པའི་ཆ་བདུན་དང་བཅས་པའོ། །ཁ་ཟས་ནི་སྦྲང་དང་སྤོས་སོ། །ལྷ་ནི་ཐམས་ཅད་ཅེས་བྱའོ། །རུས་ནི་སྟག་དགུ་ཞེས་བྱ་བའི་རྒྱུད་དོ། །རྒྱུ་སྐར་བྱི་བཞིན་ནི་སྐར་མ་གསུམ་སྟེ། དབྱིབས་ནི་གླང་མགོ་ལྟ་བུའོ། །ཡུད་ཙམ་ནི་དྲུག་དང་ལྡན་པ་ལས་ཡུད་ཙམ་ཅིག་ལ་ཐོག་མར་ལས་བྱེད་དོ། །ཁ་ཟས་ནི་རླུང་ཟའོ། །ལྷ་ནི་ཚངས་པའོ། །རུས་ནི་གསོ་མ་ཅན་གྱི་རྒྱུད་དོ། །རྒྱུ་སྐར་གྲོ་བཞིན་ནི་སྐར་མ་གསུམ་སྟེ། དབྱིབས་ནི་རྔ་ལྟ་བུའོ། །ཡུད་ཙམ་ནི་སུམ་ཅུ་དང་ལྡན་པའི་ཆ་བདུན་དང་བཅས་པའོ། །ཁ་ཟས་ནི་མར་སར་བསྲུབས་མ་ཐག་པ་དང་བྱ་ཤ་ཟའོ། །ལྷ་ནི་ཁྱབ་འཇུག་གོ །རུས་ནི་མཽད་གལ་གྱི་བུའི་རྒྱུད་དོ། །ཀྱེ་པདྨའི་སྙིང་པོ་ཅན་རྒྱུ་སྐར་བདུན་པོ་འདི་དག་ནི་ནུབ་སྒོར་གཏོགས་སོ། །རྒྱུ་སྐར་མོན་གྲེ་ནི་སྐར་མ་བཞི་སྟེ། དབྱིབས་ནི་བྱ་ལྟ་བུའོ། །ཡུད་ཙམ་ནི་སུམ་ཅུ་དང་ལྡན་པའི་ཆ་བདུན་དང་བཅས་པའོ། །ཁ་ཟས་ནི་བྱི་ལའི་ཤ་ལ་རེག་པར་བྱེད་པ་དང༌། རྒྱ་སྲན་སྨུག་པོ་ཟའོ། །ལྷ་ནི་ནོར་ལྷའོ། །རུས་ནི་གནས་པ་ཞེས་བྱ་བའི་རྒྱུད་དོ། །རྒྱུ་སྐར་མོན་གྲུ་ནི་སྐར་མ་བརྒྱ་སྟེ། དབྱིབས་ནི་སྐར་མ་གཅིག་དང་འབྲེལ་བས་མེ་ཏོག་གི་ཕུང་པོ་འདྲའོ། །ཡུད་ཙམ་བཅོ་ལྔ་དང་ལྡན་པའི་ཆ་བདུན་དང་བཅས་པའོ། །ཁ་ཟས་ནིར་ཤ་ཟའོ། །ལྷ་ནི་ཆུ་ལྷའོ། །རུས་ནི་སྐར་མའི་དུའི་རྒྱུད་དོ། །རྒྱུ་སྐར་ཁྲུམས་སྟོད་ནི་སྨར་མ་གཉིས་ཏེ། དབྱིབས་ནི་ཤིང་རྟ་འདྲའོ། །ཡུད་ཙམ་ནི་སུམ་ཅུ་དང་ལྡན་པའི་ཆ་བདུན་དང་བཅས་པའོ། །ཁ་ཟས་ནི་ལུག་གི་ཤ་དང་ཁྲག་གོ །ལྷ་ནི་འབའ་ཞིག་འཚོ་ཞེས་བྱའོ། །རུས་ནི་སྐྱེ་བོའི་ལས་ཀྱི་རྒྱུད་དོ། །རྒྱུ་སྐར་ཁྲུམས་སྨད་ནི་སྐར་མ་གཉིས་ཏེ། དབྱིབས་ནི་ཤིང་རྟ་འདྲའོ། །ཡུད་ཙམ་བཞི་བཅུ་རྩ་ལྔ་

---

^{[མ་དཔེ་གཟིགས་ན་འདིར་གནོན།]}

དང་ལྡན་པའི་ཆ་བདུན་དང་བཅས་པའོ། །ཁ་ཟས་ནི་བལ་སྲན་ནོ། །ལྷ་ནི་སྤྲུལ་དང་ག་ཟའོ། །རུས་ནི་ནོར་རྒྱལ་གྱི་རྒྱུད་དོ། །རྒྱུ་སྐར་ནམ་གྲུ་ནི་སྐར་མ་སུམ་ཅུ་རྩ་གཉིས་ཏེ། དབྱིབས་ནི་སྐར་མ་གཅིག་དང་ལྡན་པས་གྲུ་ལྟ་བུའོ། །ཡུད་ཙམ་ནི་སུམ་ཅུ་དང་ལྡན་པའི་ཆ་བདུན་དང་བཅས་པའོ། །དེའི་ཟས་ནི་ཕྱེ་དང་ཤའོ། །ལྷ་ནི་ཉི་མའོ། །རུས་ནི་བསྐྱེད་པའི་བུ་ཞེས་བྱ་བའི་རྒྱུད་དོ། །རྒྱུ་སྐར་ཐ་སྐར་ནི་སྐར་མ་གསུམ་སྟེ། དབྱིབས་ནི་རྟ་མགོའི་མགུལ་པ་ལྟ་བུའོ། །ཡུད་ཙམ་ནི་སུམ་ཅུ་དང་ལྡན་པའི་ཆ་བདུན་དང་བཅས་པའོ། །ཁ་ཟས་ནི་སྦྲང་རྩི་དང་ཤ་ཟའོ། །ལྷ་ནི་དྲི་ཟའོ། །རུས་ནི་རྟ་འཇིག་གི་རྒྱུད་དོ། །རྒྱུ་སྐར་བྲ་ཉེ་ནི་སྐར་མ་གསུམ་སྟེ། དབྱིབས་ནི་མོ་མཚན་ལྟ་བུའོ། །ཡུད་ཙམ་ནི་སུམ་ཅུ་དང་ལྡན་ནོ། །ཁ་ཟས་ནི་ཏིལ་དང་འབྲས་སོ། །ལྷ་ནི་གཤིན་རྗེའོ། །རུས་ནི་བརྒའི་རྒྱུད་དོ། །པདྨའི་སྙིང་པོ་ཅན་རྒྱུ་སྐར་བདུན་པོ་འདི་རྣམས་བྱང་གི་སྒོར་གཏོགས་སོ། །ལེའུ་བཅུ་དྲུག་གོ། །ནམ་མཁའ་ལས་འབྱུང་བ་བརྟག་པའི་ལེའུ་ལས་འབྱུང་བ་གཤིན་རྗེ་དང༌། ཆུ་ལྷ་དང༌། དབང་པོ་དང༌། ལུས་ངན་ལས་དབྱུག་པ་ལྟ་བུ་ཤར་ཤར་པོ་མཚན་མོའམ་ནམ་ཕྱེད་ཀྱི་དུས་ན་ཡུད་ཙམ་མམ། །ཡུད་ཙམ་གསུམ་གྱི་བར་དུ་ནམ་མཁའ་ལས་ཕལ་ཆེར་རབ་ཏུ་སྣང་བ་ཡལ་ཀ་མང་པོ་རྒྱལ་ཆེན་དྲང་པོ་ཤིན་ཏུ་རིང་བ་རབ་ཏུ་འཕྲོས་པ་བྱུང་ན་ཟླ་བ་གཅིག་གིས་དེའི་ཡུལ་འཁོར་དུ་འཐབ་པ་དང༌། ལོ་ལ། མིའི་དབང་པོ་དང༌། ཆར་པ་ལ་གནོད་པར་བྱེད་དོ། །ལེའུ་སྟེ་བཅུ་བདུན་པའོ།། །།ལྗང་སྔོན་དང༌། རྩུབ་པོ་དང༌། བར་ཆད་ཆད་པ་དང༌། ལྗང་སེར་དང༌། འོད་འཚེར་བ་དང༌། དུད་པ་ལྟ་བུ་དང༌། སྦྲུལ་འདྲ་བ་དང༌། དབྱུག་པ་འདྲ་བ་བརྒྱད་སྣང་ན་ཆར་བ་མི་འབབ་པ་དང༌། ལོ་ཟས་དང༌། བཀྲེས་པ་དང༌། སྲོག་ཆགས་ལ་སོགས་པ་ལ་འཇིགས་པར་འགྱུར་རོ། །ཤིང་ཏ་ལ་ཕྱེད་ཙམ་སྣང་བའམ། ཤིང་ཏ་ལ་གཉིས་སམ། གསུམ་མམ་བཞིའམ། ལྔ་ཙམ་གྱི་དབྱིབས་ལྟར་སྣང་ན་འཕྲལ་དུ་སྨིན་ནོ། །ཡང་ན་ཟླ་བ་བཅུ་གཉིས་སམ་ཟླ་བ་བརྒྱད་བརྒྱད་ནི་ལོ་ཉེས་དང༌། མིའི་དབང་པོ་དང༌། ཆུ་སྐམ་པ་དང༌། འཆི་བ་དང༌། འཐབ་མོའི་གཡུལ་དང༌། ནོར་སྟོར་བའི་རྣམ་པར་སྨིན་པ་འབྱུང་བར་འགྱུར་རོ། །དེ་ཡང་མོད་ལ་ཆར་བབ་ན་གནོད་པར་མི་འགྱུར་རོ། །འབྲས་བུ་རྣམ་པར་སྨིན་པ་བསྟན་པ་ཇི་ལྟར་བཤད་པ་བཞིན་དུ་ཤར་ཕྱོགས་སམ།

---

^{[མ་དཔེ་གཟིགས་ན་འདིར་གནོན།]}

ནུབ་ཕྱོགས་སུ་དབྱུག་པ་ལྟ་བུར་སྣང་ན་རྒྱལ་པོ་གཞན་དང༌། བྲམ་ཟེ་འཆི་བར་བྱེད་དོ། །བྱང་ཕྱོགས་དང༌། ལྷོ་ཕྱོགས་ནས་དབྱུག་པ་ལྟ་བུར་སྣང་ན་དེའི་འཁོར་གྱི་མི་ལ་གནོད་པ་དང༌། མེའི་འཇིགས་པར་འགྱུར་རོ། །ཤིང་རིངས་ལྟར་ཐད་ཀར་བྱུང་བའམ། ཆུ་རླབས་མང་པོ་ལྟར་སྣང་བའམ། མིག་མངས་རིས་ལྟ་བུའི་དབྱུག་པར་འདུག་ནས་རྐུན་པོའི་དཔུང་སྐྱེ་བ་དང༌། ཡུལ་འཁོར་ངན་ཞིང་མི་རིགས་པ་འབྱུང་ངོ༌། །རྩུབ་པོ་དང༌། དུམ་བུ་དང༌། འཇམ་པོ་མ་ཡིན་པ་དང༌། གློག་དང་སྐར་མདའ་དང༌། གནམ་ལྕགས་དང་སྐར་མ་མཇུག་རིངས་དང༌། མེས་འགག་པ་ལྟར་སྣང་བ་ལ་ཐོག་གམ། སྐར་མདའ་འདྲེས་ན་མིའི་དབང་པོ་དང༌། ཡུལ་འཁོར་དུ་འཇིག་པར་བྱེད་དེ། ལེགས་པར་གྱུར་པའི་ཚེས་གྲངས་དང༌། བྱེད་པའི་ཡུད་ཙམ་ལ་འབྱུང་བའི་དབྱུག་པ་ལྟར་སྣང་བ་ནི་གནོད་པར་མི་བྱེད་དེ། རྒྱལ་པོའི་སྲིད་ཆེ་བ་དང་ཆར་འབབ་པ་དང༌། ཡུལ་ལ་ཕན་པར་འགྱུར་རོ། །ཤར་ཕྱོགས་དང༌། བྱང་ཕྱོགས་ན་དབྱུག་པ་ལྟར་སྣང་བ་དེའི་ཕྱོགས་ནས་དབྱུག་པ་ལ་གནོད་དོ། །ཕྱོགས་མཚམས་ནས་དབྱུག་པ་ལྟར་སྣང་ན་བུད་མེད་དང༌། བ་ལང་སྦྲུམ་མ་རྣམས་འཇིག་གོ །ཀྱོག་ཀྱོག་དང༌། མི་མཉམ་པ་ལ་སོགས་པ་རྒྱལ་མཚན་དཀར་པོ་ལྟར་གྱེན་དུ་བྱུང་ན་རྒྱལ་པོ་དང༌། ཡུལ་འཁོར་འཇིག་པ་དང༌། སྐྲན་ནད་དང༌། འཆི་བར་བྱེད་དོ། །ཉིན་མཚན་ཀུན་དུ་དབྱུག་པ་རྩེ་མོ་གྱེད་པ་ལྟར་སྣང་ན་ཡུལ་གྱི་རྒྱལ་པོ་འཆི་བར་འགྱུར་རོ། །དབྱུག་པ་ལྟ་བུའི་རྩེ་མོ་ཅན་དུ་སྣང་ན་ཡུལ་ཐམས་ཅད་ཀྱི་རྒྱལ་པོ་འཆི་བ་དང༌། དེའི་ཡུལ་འཇིག་པར་འགྱུར་རོ། །གལ་ཏེ་ཉིན་མཚན་རྒྱུན་མི་འཆད་པར་རྟག་ཏུ་དབྱུག་པ་ལྟ་བུ་སྣང་ན་ཡུལ་འཁོར་དེ་འཇིག་པ་དང༌། དེའི་ཡུལ་ཕྱོགས་སུ་ནད་དང༌། མེ་དང༌། ཆར་བ་འབབ་པོ། །ལེའུ་བཅོ་བརྒྱད་པའོ།། །།སྐར་མདའི་མཚན་མ་བཤད་པའི་ལེའུ་ལ་སྐར་མདའ་འཇའ་འདྲ་བ་དང༌། གདུགས་དང༌། ཤིང་གི་ཡལ་ག་འདྲ་བ་དང༌། རྩ་གྲུང་པོ་དང༌། དབྱིག་པ་འདྲ་བ་དང༌། དཀྱིལ་འཁོར་འདྲ་བ་དང༌། འཁོར་ལོ་ལྟ་བུའི་སྐར་མདའ་སྣང་ན། བྲམ་ཟེ་དང༌། རྒྱལ་རིགས་གཙོ་བོ་དམ་པ་དང༌། རྒྱལ་པོའི་བཙུན་མོ་དང༌། ནང་མི་དང༌། ཡུལ་འཁོར་གྱི་མི་དང༌། མིའི་དབང་པོ་དང༌། བླ་མར་བྱ་བ་དང༌། བློན་པོ་འཆི་བར་འགྱུར་རོ། །ནམ་མཁའ་ལ་སྐར་མ་སྣང་བ་ལས་གྱུར་ན་ཆར་མི་འབབ་པོ། །སྐར་

---

^{[མ་དཔེ་གཟིགས་ན་འདིར་གནོན།]}

མདའ་དུས་གཉིས་སུ་བྱུང་ངམ། སྐར་མདའ་ཕར་ཕྱིར་ལོག་ན་གནམ་གར་སོང་གནས་དེར་གནོད་པར་འགྱུར་རོ། །སྐར་མདའ་དཀར་ལ་དབྱིབས་ལེགས་པར་སྣང་བ་ནི་བསྔགས་པར་བྱ་བ་ཡིན་ནོ། །ཆུའི་ནང་གི་སྲོག་ཆགས་གྱ་གྱུར་འགྲོ་བ་དང༌། མཚོན་ཤ་ཀ་ཏི་དང༌། སྐར་མདེའུ་དང༌། རྟ་ལྟ་བུ་དང༌། བྱི་ལ་ལྟ་བུ་དང༌། སྒྲ་དང་བཅས་པ་ཕལ་ཆེར་སྣང་ན་ཉེས་པ་མང་པོ་འབྱུང་ངོ༌། །སྐར་མདའ་འབར་བ་བཞིན་དུ་སོང་བ་ལས་ཕྱིར་ལོག་པ་དང༌། སྐར་མདའ་གཞན་གྱིས་ཕོག་སྟེ་ཞིག་ན་ཡུལ་དེའི་རྒྱལ་པོ་ལ་གནོད་པའི་དགྲ་བསྐྱེད་དེ། ནང་པར་རམ། ནུབ་མོའམ། དེའི་ཚེ་མཚམས་སུ་སྐར་མདའ་རྩུབ་མོ་ཡོན་པོ་སྣང་ན་རབ་ཏུ་བསྔགས་པ་མ་ཡིན་ནོ། །སྐར་མདའ་གནམ་གྱི་དབུས་སུ་སོང་ལ་སྤྲིན་གྱི་ཆུ་འཐུང་བ་ལྟར་ཞུགས་ཤིང༌། སྐར་མདའི་སྒྲ་མེད་ན། སྐར་མདའི་དབུས་ཀྱི་མཚམས་ཡོད་པར་སྣང་བ། འཇམ་ཞིང་དྲང་ལ་ཤིན་ཏུ་ཡངས་ཤིང་དཀར་བ། ལོགས་གཡས་ གཡོན་དུ ་ཡང་ནམ་མཁའ་ལ་རྣམ་པར་རྒྱུ་བ་སྣང་ན་སྐར་མངའ་དེ་དག་ནི་དགེ་བ་སྟེ། འབྲས་བུ་དམ་པ་རབ་ཏུ་སྦྱིན་པར་བྱེད་དོ། །སྐར་མདའ་ཁ་ཡོད་པ་ཞིག་སྣང་ན་རྒྱལ་པོ་ལ་གནོད་པ་དང༌། བཙུན་མོ་ལ་གནོད་པར་འགྱུར་རོ། །སྐར་མདའ་རྒྱབ་ཀྱིས་སོང་ལ་དུད་པས་ཆོག་པ་ལྟ་བུ་སྒྲ་ཅན་དུ་བྱུང་ན་ཡུལ་དེའི་འཁོར་མ་རུང་བར་འགྱུར་རོ། །སྲོད་ལ་སྐར་མདའ་བྱུང་བ་ནི་བཀྲ་ཤིས་སོ། །སྐར་མདའ་རི་བོང་གི་ཁྲག་ལྟར་སྣང་བ་འབར་བ་ལྷུང་ན་རྒྱལ་པོ་དང་དམག་དཔོན་ལ་གནོད་དོ། །སྐར་མདའ་མཚན་མོ་ཟླ་བ་ལ་ཕོག་གམ་ཉིན་པར་ཉི་མ་ལ་ཕོག་ན་མིའི་བདག་པོ་ཟླ་བ་འམ་སྐར་མདའ་ལ་མོས་པར་བྱེད་པ་དེ་འཆིའོ། །སྐར་མདའ་རབ་ཏུ་འབར་བས་གཟའ་འམ་རྒྱུ་སྐར་ལ་མངོན་པར་ཕོག་ན་དེ་ལ་མོས་པ་རྣམས་ལ་མི་རུང་བར་འགྱུར་རོ། །ཉེ་བར་སྐར་མདའ་མེའི་འོད་ལྟ་བུར་ལྷུང་ན་ཡུལ་འཁོར་གྱི་དབང་པོ་དང་ཡུལ་དུ་བཅས་པ་རྣམ་པར་འཇིག་གོ །ཡུལ་གྱིས་གང་དུ་སྐར་མདའ་སྒྲ་གྲགས་པར་ལྷུང་ན་ཡུལ་དེར་རྒྱལ་པོ་དང༌། བླུན་པོ་དང༌། རྐུན་བོའི་དྲག་ཤུལ་སྣང་བར་འགྱུར་རོ། །སྐར་མདའི་ལེའུ་སྟེ་བཅུ་དགུ་པའོ།། །།ནམ་མཁའ་ལས་སྒྲ་བྱུང་བའི་ལྟས་ཀྱི་མཚན་མ་བསྟན་པ། རླུང་གཉིས་ཕན་ཚུན་ནས་ཕྲད་པ་ལས་གནམ་གྲུ་མ་པ་ལྟ་བུའི་སྒྲ་བྱུང་སྟེ། དེ་ཡང་ས་ལ་བབས་པ་དང༌། གྱེན་དུ་འབྱུང་བ་དང༌། ཐད་དུ་དང༌། རྒྱང་རིང་པོ་ཁོང་དུ་ཆུད་པར་བྱའོ། །ཉི་མ་རྩེ་ལ་སྒྲ་བྱུང་ན་རྒྱལ་རིགས་ལ་གནོད་དོ། །སྔ་

---

^{[མ་དཔེ་གཟིགས་ན་འདིར་གནོན།]}

དྲོ་སྒྲ་བྱུང་ན་དམངས་རིགས་ལ་གནོད་དོ། །ཉི་མ་ཕྱེད་པའི་ཚེ་སྒྲ་བྱུང་ན་བྲམ་ཟེའི་སྡེ་ལ་གནོད་དོ། །ཉི་མ་ནུབ་པའི་ཚེ་སྒྲ་བྱུང་ན་རྗེའུ་རིགས་ཀྱི་ཚོགས་ལ་གནོད་དོ། །ཉི་མ་ནུབ་ཀའི་དུས་སུ་སྒྲ་བྱུང་ན་རིགས་ངན་རྣམས་ལ་གནོད་དོ། །ནམ་གྱི་བཞི་ཐུན་གྱི་ཐོ་རངས་སྒྲ་བྱུང་ན་ལོ་ཐོག་ལ་གནོད་དོ། །མཚན་གྱི་གུང་ལ་སྒྲ་བྱུང་ན་སྲིན་པོ་མང་པོ་ཕུང་བར་བྱེད་པར་འགྱུར་རོ། །ནམ་མཁའ་ཕན་ཚུན་ན་སྒྲ་བྱུང་ན་གླང་པོ་ཆེ་དང༌། རྟ་མ་རུང་བར་བྱེད་དོ། །ནམ་ལངས་ནས་སྒྲ་བྱུང་ན་འགྲོན་པོ་མང་པོ་ལ་གནོད་དོ། །སྒྲ་བྱུང་བ་དལ་ལ་ཐུང་ན་གནོད་པ་ཆུང་དུར་འགྱུར་རོ། །སྒྲ་རིང་དུ་བྱུང་ན་འཇིགས་པ་འབྱུང་ངོ༌། །དུས་གསུམ་གང་ཡང་རུང་བའི་མཚམས་སུ་སྒྲ་ཆེན་པོ་བྱང་ཕྱོགས་སུ་ལྷུང་ན་བྲམ་ཟེ་དམ་པ་འཆི་བར་འགྱུར་རོ། །དེ་བཞིན་དུ་རྒྱུ་སྐར་གྱི་ཚོགས་གང་གི་ཉི་མ་ལ་སྒྲ་བྱུང་ན་དེ་ལ་བརྟེན་པའི་བྲམ་ཟེ་གང་ཡིན་པ་ལ་གནོད་དོ། །བདེན་བྲལ་གྱི་ཕྱོགས་ནས་སྒྲ་བྱུང་ན་དྲག་ཤུལ་གྱི་ལས་བྱེད་པ་ལ་གནོད་དོ། །རླུང་གི་ཕྱོགས་ནས་སྒྲ་བྱུང་ན་མཐའ་འཁོབ་ཀྱི་ལྷོ་བྲལ་ལ་གནོད་དོ། །མེའི་ཕྱོགས་ནས་སྒྲ་བྱུང་ན་མེས་འཚོ་བ་ལ་གནོད་དོ། །ཕྱོགས་རིང་དུ་སྒྲ་འབྱིན་པ་དེར་དཔའ་བོ་རྣམས་དང༌། སྦྲུལ་པོ་ཆེ་ལ་གནོད་དོ། །སྒྲ་ལྟས་ཀྱི་ལེའུ་སྟེ་ཉི་ཤུ་པའོ།། །།ཉི་མ་དང་ཟླ་བ་འཁྱིམས་པའི་ལྟས་ཀྱི་བྱེ་བྲག་བསྟན་པ། ཉི་མ་འམ། ཟླ་བའི་འོད་དང༌། རླུང་གཅིག་ཏུ་འདྲེས་པ་ལས་བྱུང་བ་ནི་འོད་འཁྱིམས་པ་ཞེས་བྱ་བའོ། །དེ་ལ་མར་དང༌། ཏིལ་མར་དང༌། ཆུ་དང༌། དངུལ་དང༌། འོ་མ་དང༌། ཐི་བ་ལྟ་བུའི་ཁ་དོག་ཏུ་འཁྱིམས་ན་ཆར་བ་འབབ་པོ། །བོང་བུ་དང༌། རྔ་མོ་དང༌། ཤིང་རྟ་ལྟ་བུའི་འོད་འཁྱིམས་པ་ལས་རབ་ཏུ་ཞིག་སྟེ། རྣམ་པར་གྱེས་ཤིང་ཁ་དོག་ངན་པར་སྣང་ན་མི་དགེ་བར་འགྱུར་རོ། །ཉི་མ་དང་ཟླ་བ་གཉིས་ཀའི་ཉིན་མཚན་དུ་འོད་འཁྱིམས་པར་རྟག་ཏུ་འགྲོ་ན་བཅིང་བ་དང༌། མཚོན་དང་ནད་འབྱུང་ངོ༌། །མེ་འབར་བཞིན་དུ་འཁྱིམས་ན་མཆུ་མངོན་པར་སྐྱེའོ། །འཇའ་འདྲ་བའི་དབྱིབས་སུ་འཁྱིམས་ན་མཚོན་མང་པོ་འབྱུང་ངོ༌། །རྡུལ་འདྲ་བར་འཁྱིམས་ན་མུ་གེ་འབྱུང་ངོ༌། །སུམ་རིམ་དུ་འཁྱིམས་ན་གྲོང་དང༌། རྒྱལ་པོ་ལ་མི་དགེའོ། །རྒྱ་སྐྱེགས་ཀྱི་ཁུ་བ་དང༌། ཞོའི་མདོག་འདྲ་བར་འཁྱིམས་ན་འཐབ་མོ་དང་གཡུལ་འབྱུང་ངོ༌། །སེར་པོར་འཁྱིམས་ན་ཡུལ་འཁོར་གསུམ་དུ་འཇིགས་པར་སྟོན། སྐྱ་བོ་དང༌། ལྗང་སྔོན་དུ་

---

^{[མ་དཔེ་གཟིགས་ན་འདིར་གནོན།]}

འཁྱིམས་ན་སྦྲུམ་མ་འཆིའོ། །ནོར་བུ་འདྲ་བའི་ཕྱེད་དང་སུམ་ཆའི་དུམ་བུ་གཅིག་འཁྱིམས་ན་ཆར་པ་འཕྲལ་དུ་འབབ་པོ། །མཚན་དུས་གསུམ་དུ་འཁྱིམས་ན་གྲོང་མི་དང༌། རྒྱལ་པོ་འཆི་བར་འགྱུར་རོ། །ཉི་མ་གསུམ་གྱི་བར་དུ་འཇམ་ཞིང་སྣུམ་པར་འཁྱིམས་ན་ཆར་བ་འབབ་པོ། །རྩུབ་པོར་འཁྱིམས་ན་ཆར་པ་འབབ་ན་ཟླ་བ་གཅིག་ན་འཇིགས་པ་འབྱུང་བར་སྟོན་ཏོ། །སྐར་མ་དང་གཟའི་ཐོག་ཏུ་འཁྱིམས་པས་ནོན་ན་རང་གི་མཐུ་ལས་བྱུང་བའི་འབྲས་བུར་བསྟན་པར་བྱའོ། །ཉི་ཟླ་འཁྱིམས་པའི་ལེའུ་སྟེ་ཉི་ཤུ་གཅིག་གོ། །འཇའ་ཟུག་པའི་ལྟས་ཀྱི་མཚན་མ་བསྟན་པ། རླུང་དང༌། སྤྲིན་དང༌། ཉི་མའི་འོད་ལས་བྱུང་བ་ནི་འཇའ་ཞེས་བྱའོ། །འཇའི་ཚོན་སྣ་ཚོགས་སུ་སྣང་ན་ཆར་པ་འབབ་པོ། །ཆུའི་ནང་དུ་ཟུག་ན་ཆར་རབ་ཏུ་ཆེའོ། །ཚོན་དཀར་པོ་ལ་སོགས་པ་ནི་བྲམ་ཟེ་ལ་སོགས་པ་ལ་གནོད་དོ། །སེར་སྐྱ་དང༌། མེའི་མདོག་དང༌། མེ་ཏོག་དམར་ཟང་ཟང་རྩ་བ་སེར་བ་ལྟ་བུའི་འཇའ་ཟུག་ན་ཡུལ་དུ་འཇིགས་པ་འབྱུར་རོ། །འཇའ་སྔོན་པོར་ཟུག་ན་ལོ་མ་རུང་བར་འགྱུར་རོ། །འཇའི་དབུས་ཉི་ཚེ་ཞིག་ན་ཆར་མི་ཟད་པར་འགྱུར་རོ། །མཚན་མོ་ཤར་ཕྱོགས་སུ་འཇའ་ཟུག་ན་རྒྱལ་པོ་ལ་གནོད་དོ། །ནུབ་ཕྱོགས་སུ་མཚན་མོ་འཇའ་ཟུག་ན་མིའི་གཙོ་བོ་ལ་གནོད་དོ། །ཆར་འབབ་པའི་ཚེ་འཇའ་ཟུག་ན་ཆར་འཆད་དོ། །ཆར་མི་འབབ་པའི་ཚེ་འཇའ་ཟུག་ན་ཆར་འབབ་པོ། །ཤར་ཕྱོགས་སུ་འཇའ་ཟུག་ན་ཆར་འབབ་བོ། །ལྷོ་ཕྱོགས་ལ་སོགས་པ་ཕྱོགས་གསུམ་དུ་འཇའ་ཟུག་ན་བྲམ་ཟེ་ལ་སོགས་པ་ལ་མཆོད་པ་མང་པོ་འོང་ངོ༌། །དེ་བཞིན་དུ་ལྷོ་ཕྱོགས་ནས་ནུབ་ཕྱོགས་སུ་འཇའ་ཟུག་ན་རྒྱལ་རིགས་དང༌། རྗེའུ་རིགས་དང༌། དམངས་རིགས་ལ་གནོད་དོ། །དུས་གསུམ་གྱི་མཚམས་སུ་འཇའ་ཟུག་ན་ཡུལ་འཇིག་པར་བྱེད་དོ། །ཉི་མའི་རྩེ་ལ་ལྷོ་ཕྱོགས་སུ་འཇའ་ཟུག་ན་མི་ལ་འཇིགས་པ་འོང་ངོ༌། །མཚམས་སུ་འཇའ་ཟུག་ན་བུད་མེད་མ་རུང་བར་འགྱུར་རོ། །ལན་གཉིས་སུ་འཇའ་ཟུག་ན་བདེ་བ་འཕེལ་བ་དང༌། ལོ་ལེགས་པར་འགྱུར་རོ། །ཚེས་གྲངས་བཟང་པོ་དང༌། རྒྱུ་སྐར་བཟང་པོ་དང༌། ཡུད་ཙམ་དང༌། བྱེད་པ་དང༌། གཟའ་བཟང་པོ་དང༌། ཁྱིམ་པ་དང༌། སྐབས་བཟང་པོའི་ཚེ་འཇའ་ཟུག་ན་དགེ་བ་སྟེ། རྒྱལ་པོའི་སྲིད་སྐྱེ་སྟེ། རྐུན་པོ་སྤ་གོང་བར་འོང་ངོ༌། །དེ་བཞིན་དུ་ཉ་འདྲ་བ་དང༌། དབྱུག་པ་འདྲ་བ་དང༌། དྲི་ཟའི་གྲོང་ཁྱེར་ལྟ་བུ་དང༌།

---

^{[མ་དཔེ་གཟིགས་ན་འདིར་གནོན།]}

ཕྱོགས་ཚིག་པ་དང་བཅས་པར་སྣང་བ་ཡང་ཚུལ་གོང་མ་དང་འདྲ་བར་ཚེས་གྲངས་དང༌། རྒྱུ་སྐར་དང༌། གཟའ་ལ་སོགས་པ་བཟང་ངན་གྱི་ཚུལ་གོང་མ་དང་འདྲ་བར་གདོན་མི་ཟ་བར་རྟོགས་པའི་མིས་ཤེས་པར་བྱའོ། །དེ་ལྟ་བུར་སྣང་བ་གྱུར་པའི་རྗེས་ལ་ཞག་བདུན་ཚུན་ཆད་དུ་ཆར་བབས་ན་ཞི་བ་ཡིན། ལེགས་པར་འགྱུར་རོ། །འཇའ་ལྟས་ཀྱི་ལེའུ་སྟེ་ཉི་ཤུ་གཉིས་པའོ།། །།ས་གཡོ་བའི་ལྟས་ཀྱི་མཚན་ཉིད་བསྟན་པ། དེ་ལ་ཆོས་མ་ཡིན་པའི་མཐུ་ལས་བྱུང་བའི་དུས་སུ་སྐར་མ་དྲག་ཤུལ་ཅན་དང༌། ཡུད་ཙམ་དང༌། ཐང་ཅིག་དང༌། ཚེས་གྲངས་མི་བཟད་པའི་ཚེ་ས་གཡོས་ན་སྐྱེ་བོ་ཐམས་ཅད་ཀྱི་ཕུན་སུམ་ཚོགས་པ་མ་ཡིན་པའི་འཇིགས་པ་འོང་བར་འགྱུར་རོ། །ཚེས་གྲངས་བཟང་པོའི་ཚེ་ས་གཡོས་ན་རབ་ཏུ་དགེ་བ་ཞེས་བྱའོ། །སྐར་མ་ཚེས་གྲངས་ལ་སོགས་པ་བཟང་ངན་འདྲེས་པའི་ཚེས་གཡོས་ན་ཕན་གནོད་ཀྱི་འབྲས་བུ་ཡང་འདྲེན་མར་འགྱུར་རོ། །ཚེས་གྲངས་བཟང་པོའི་ཚེས་གཡོས་ན་རྒྱལ་པོ་དང༌། སྐྱེ་བོས་ཆོས་ལེགས་པའི་འབྲས་བུ་ཐོབ་པར་འགྱུར་རོ། །ས་གཡོས་བཞིན་དུ་ཡུལ་གཞན་དུ་སོང་ན་ཡུལ་དེར་གནས་པར་འགྱུར་ཞེས་བྱ་སྟེ། དེ་ཡང་ཆོས་ཉམས་པའི་ཉེས་པ་མ་བྱས་ནས་གཡོས་ཀྱང་ལེགས་པར་གྱུར་ཏེ། དེ་དག་ཏུ་ཆར་འབབ་ཅིང་རབ་ཏུ་ཞི་བར་འགྱུར་རོ། །གནས་ལྕགས་རྣོན་པོ་ལྷུང་པའི་སྒྲ་དྲག་པོས་ས་རབ་ཏུ་གཡོས་ན་སྐྱེ་བོ་འཐབ་ཅིང་འཁོན་པ་དང༌། མུ་གེ་དང༌། མི་ངས་ཀྱིས་ཟད་པར་འགྱུར་རོ། །ས་གཡོ་བ་གཡས་ཕྱོགས་སུ་འགྲོ་ཞིང་འབྲུག་སྒྲ་ལྟར་མཉེན་ཞིང་ཟབ་པའི་སྒྲ་གྲགས་ལ། དུས་ཚིགས་དང་ཚེས་གྲངས་བཟང་བ་ལ་མ་འཁྲུལ་བའི་སྐབས་སུ་ས་གཡོས་ན་དགེ་བར་འགྱུར་རོ། །ནམ་གཟའ་སྐར་དྲག་པོའི་དུས་སུ་ས་གཡོས་པའི་དུས་ན་རི་དགས་དང་བྱ་རྣམས་མེ་འབར་བ་བཞིན་དུ་འགྱུར་ལ། གཞན་ཡང་མི་དགེ་བའི་མཚན་མའི་ལྟས་དག་སྣང་ན་འཇིག་རྟེན་དུ་རབ་ཏུ་གནོད་པ་དྲག་པོ་འབྱུང་བར་འགྱུར་རོ། །རྒྱུ་སྐར་དང༌། གཟའ་དགེ་བའི་དུས་སུ་ཡང་དེ་ལྟར་གྱུར་ན་དེའི་ཚེ་འབྲས་བུ་དགེ་བར་མི་འགྱུར་རོ། །དགེ་བའི་ལྟས་ཀྱི་མཚན་མ་བྱུང་ལ། བྱ་རྣམས་ཀྱང་ཁྲག་ཁྲིག་ལང་ལོང་མེད་ཅིང་རབ་ཏུ་ཞི་བ་དང༌། རླུང་ཡང་ཞི་བར་གྱུར་པ་ནི་དགེ་བས་ཀྱང་རབ་ཏུ་དགེ་བ་ཞེས་བྱ་སྟེ། མི་དགེ་བའི་ལྟས་ངན་དྲག་པོ་ཞི་བར་འགྱུར་རོ། །ས་གཡོས་པའི་འོག་ཏུ་གལ་ཏེ་ཆར་པ་འབབ་པ་ན་དེའི་ཚེ་བདེ་བ་

---

^{[མ་དཔེ་གཟིགས་ན་འདིར་གནོན།]}

དང། ལོ་ལེགས་པ་དང༌། ནད་མེད་པར་འགྱུར་རོ། །ས་གཡོས་པའི་རྗེས་ལ་སྐར་མདའ་ཆེན་པོ་ལྷུང་བར་གྱུར་ན་དེའི་ཚེ་སྐྱེ་བོ་ལྟོགས་པ་དང༌། མཚོན་དང༌། ནད་ཀྱིས་ཟད་པར་འགྱུར་རོ། །ནམ་ས་གཡོས་པའི་རྗེས་ལ་རླུང་དྲག་པོ་ལང་ས་པས་གསེག་མ་ཁྱེར་ཞིང་འགྲོ་བར་འགྱུར་བའི་ཚེ་ན་མུ་གེ་འབྱུང་བར་འགྱུར་རོ། །ས་གཡོས་ཤིང་འགྲོ་བ་དང༌། རླུང་ལྡང་བ་དང༌། ཉི་མ་དང༌། ཟླ་བའི་འོད་རྣམས་དང༌། འདི་རྣམས་མཐུན་པར་འགྲོན་བཀྲ་ཤིས་ཏེ་དགེའོ། །དེ་ལྟ་བུ་དང་མི་མཐུན་པར་འགྲོ་ཞིང་ས་གཡོས་ན་མི་དགེ་སྟེ་སྨད་པ་ཡིན་ནོ། །ཟླ་བ་ཕྱེད་ཕྱེད་ཅིང་ལན་གསུམ་གསུམ་གཡོས་པ་ཟླ་བ་གཅིག་ལ་སྤྱིར་ས་ལན་དྲུག་གཡོས་པར་གྱུར་ན་དགྲའི་ཚོགས་འོང་བར་སྟོན་ཏོ། །ཡུལ་གང་དུ་ས་གཡོ་བ་བསྟུད་པ་དེར་ཡང་དང་ཡང་ཞག་གཅིག་གམ། ཞག་བདུན་ནམ། ཞག་བཅུ་གཅིག་གམ། ཟླ་བ་ཕྱེད་དམ། ཟླ་བ་རེ་རེ་ཞིང་ས་གཡོ་འམ། ཟླ་བ་དྲུག་ཏུ་འམ། ཟླ་བ་བཅུའམ། ལོ་གཅིག་ཏུ་འམ། ལོ་བཅུའི་བར་དུའམ། དེ་བས་ཀྱང་ལྷག་པར་ལན་མང་དུ་གཡོས་སམ། དེ་ལས་ཉིས་འགྱུར་དུ་གཡོས་ན་ཡུལ་ཕུན་སུམ་ཚོགས་པ་དང་ལྡན་པའི་རྒྱལ་པོ་དང་དམག་དང་འཁོར་དུ་བཅས་པ་མ་རུང་བར་འགྱུར། །ཡུལ་དེ་རྒྱལ་པོ་གཞན་བྱེད་དེ། དེ་ཡང་ཡུལ་དེར་རབ་ཏུ་འཚེ་ཞིང་གནོད་པ་བྱེད་པས་ཡུལ་དེ་ཉིད་དགོན་བར་གྱུར་ནས་རི་དགས་གནས་པར་འགྱུར་རོ། །ཚུལ་གོང་མ་བཞིན་དུ་དཔྱིད་ཟླ་ཐ་ཆུང་ས་ལས་གཡོས་ན་གནོད་པའི་འབྲས་བུ་ཞག་བཅུ་ནས་འབྱུང་ངོ༌། །དབྱར་ཟླར་བ་ལ་ས་གཡོས་ན་རྣམ་པར་སྨིན་པའི་འབྲས་བུ་ཞག་བཅུ་གཉིས་ན་འབྱུང་ངོ༌། །དབྱར་ཟླ་འབྲིང་པོ་ལས་གཡོས་ན་རྣམ་པར་སྨིན་པའི་འབྲས་བུ་ཞག་ཉི་ཤུ་རྩ་ལྔ་ན་འབྱུང་ངོ༌། །དབྱར་ཟླ་ཐ་ཆུང་ས་ལས་གཡོས་ན་འབྲས་བུ་ཞག་བདུན་ཅུ་རྩ་ལྡན་འབྱུང་ངོ༌། །སྟོན་ཟླ་ར་བ་ལས་གཡོས་ན་རྣམ་པར་སྨིན་པའི་འབྲས་བུ་ཞག་བརྒྱད་ན་འབྱུང་ངོ༌། །སྟོན་ཟླ་འབྲིང་པོ་ལས་གཡོས་ན་འབྲས་བུ་ཟླ་བ་གཉིས་ན་འབྱུང་ངོ༌། །སྟོན་ཟླ་ཐ་ཆུང་ས་ལས་གཡོས་ན་འབྲས་བུ་ཟླ་བ་གསུམ་ན་འབྱུང་ངོ༌། །དགུན་ཟླར་བ་ལས་གཡོས་ན་འབྲས་བུ་ཟླ་བ་གཉིས་ན་འབྱུང་ངོ༌། །དགུན་ཟླ་འབྲིང་པོ་ལས་གཡོས་ན་འབྲས་བུ་ཞག་ལྡ་བཅུ་རྩ་ལྔ་ན་འབྱུང་ངོ༌། །དགུན་ཟླ་ཐ་ཆུང་ས་ལས་གཡོས་ན་འབྲས་བུ་ཞག་བརྒྱད་ན་འབྱུང་ངོ༌། །དཔྱིད་ཟླར་བ་ལས་གཡོས་ན་འབྲས་བུ་ནི་ཞག་ལྔ་བཅུ་ན་འབྱུང་ངོ༌། །དཔྱིད་ཟླ་འབྲིང་པོ་ལས་གཡོས་ན་

---

^{[མ་དཔེ་གཟིགས་ན་འདིར་གནོན།]}

ཞག་ལྔ་བཅུ་རྩ་གསུམ་ན་འབྲས་བུ་འབྱུང་བར་སྐར་མཁན་གྱིས་ཤེས་པར་བྱའོ། །དེ་ལྟར་ས་གཡོས་པའི་འབྲས་བུ་དེ་ལྟར་བསྟན་པ་ཡིན་ནོ། །དེ་ལྟར་ཟླ་བའི་ངོ་རེ་རེ་ཞིང་ས་གཡོ་བའི་དམིགས་ཀྱང་ཡར་གྱི་ཚེས་གཅིག་དང༌། མར་གྱི་ཚེས་བཅུ་དྲུག་དང༌། མར་གྱི་ཚེས་ཉི་ཤུ་གསུམ་དག་དང༌། ཡར་གྱི་ཚེ་ས་བཅུ་བཞི་དང༌། བཅོ་ལྔ་དང༌། ཉི་ཤུ་དགུ་དང༌། སུམ་ཅུ་སྟེ། དུས་ཚིགས་འདི་རྣམས་ལྟ་བུའི་དུས་སུ་ས་གཡོས་པའི་འབྲས་བུ་ནི་ཚུལ་དེ་ལྟར་བལྟའོ། །ས་གཡོས་པའི་ལྟས་ཀྱི་ལེའུ་སྟེ་ཉི་ཤུ་གསུམ་པའོ།། །།ནམ་ཟླ་བ་བཅུ་གཉིས་ཀྱི་ངོ་ཀུན་ལ་ས་རྟག་པར་གཡོས་ཏེ། ཤིང་ཡང་འགུལ། ཆུ་ཡང་གཡོས་ཏེ། མེར་མེར་བྱེད་ཅིང༌། དེ་ལྟར་དུས་ཚིགས་དང༌། དུས་ཚིགས་མ་ཡིན་པར་གཡོས་ཏེ། རླུང་ལངས་པས་ཤིང་ཡང་བཅག །གྲོང་དང༌། གྲོང་ཁྱེར་དང༌། གྲོང་འདབ་དང༌། གྲོང་དེ་ན་བརྟེན་པའི་སྐྱེ་བོ་རྣམས་མེད་པར་གྱུར་ཏེ། གཅན་གཟན་གྱི་ཟིལ་གྱིས་གནོན་ནས་ཡུལ་འབྲོག་ཏུ་གྱུར་ཏེ། དེ་ལྟར་ས་གཡོས་པ་ནི་གནོད་པའི་འབྲས་བུ་ལོ་བཅོ་ལྔ་ནས་ཡུལ་ཕྱོགས་དེར་ཡང་སུ་ཡང་མི་གནས་པར་འགྱུར་རོ། །རྒྱུ་སྐར་སྨིན་དྲུག་གི་ཉི་མ་ལས་གཡོས་ན་གྲོང་དང་གྲོང་ཁྱེར་ལ་མེ་བསྟུད་པར་ཤོར་ཏེ། ཤིང་རྩི་ཡང་ཚིག །གོས་ནག་པོ་གྱོན་པའི་སྡེ་དང༌། ནོར་བུ་མཁན་རྣམས་དང༌། མགར་བ་དང༌། བྲམ་ཟེ་མེ་འབྱིན་པའི་སྤྱོད་པ་བྱེད་པ་འདི་རྣམས་ལ་མི་དགེ །འབྱུང་ཁུངས་ནས་ནོར་བུ་བྱུང་བ་རྣམས་དང༌། འཕེལ་བ་རྣམས་ཀྱང་སུབས་པར་འགྱུར། ཡུལ་དེ་ལ་བརྟེན་པའི་པ་ལང་དང༌། ཤིང་རྟ་འདྲེན་པའི་མི་དང༌། བྲམ་ཟེ་དང༌། འདྲེག་མཁན་སྤུ་གྲིའི་ལས་བྱེད་པ་དང༌། ཡུལ་སིན་དུ་ཞེས་བྱ་བའི་ཡུལ་ཕྱེད་ཀྱི་མི་དང་ཡུལ་ཨམ་བསྟ་དང༌། ཡུལ་ཆུ་ཀླུང་ལྔ་ཞེས་བྱ་བ་ན་གནས་པའི་མི་དང༌། ཡུལ་ཤི་བཞེས་བྱ་བ་དང༌། ཡུལ་བ་སི་ཏི་ཞེས་བྱ་བ་དང༌། ཡུལ་ཏ་ཤེ་ར་ཀ་ཞེས་བྱ་བ་དང༌། ཡུལ་བརྟ་བ་དང༌། །ཡུལ་རྟ་ལ་དྷ་ན་ཞེས་བྱ་བ་དང༌། །ཡུལ་གངས་ཁྲོད་ན་གནས་པ་རྣམས་དང༌། ལྷོ་ཕྱོགས་ཀྱི་ལུང་པ་ན་གནས་པའི་སྐྱེ་བོ་རྣམས་ལ་གནོད་པ་འབྱུང་བར་འགྱུར། དེ་ལྟར་ས་གཡོས་པས་གཟི་བརྗིད་ཉམས་ཏེ་ནང་དྲག་པོས་འདེབས། ལྟོགས་པར་འགྱུར། །ཐན་ཆེན་དང༌། ཆོམ་རྐུན་

---

^{[མ་དཔེ་གཟིགས་ན་འདིར་གནོན།]}

དང། ཕ་རོལ་གྱི་དགྲ་རྣམས་ཀྱིས་གནོད་པ་དྲག་པོ་བྱེད་པར་འགྱུར་རོ། །རྒྱུ་སྐར་སྣར་མའི་ཉི་མ་ལ་ས་གཡོས་ན་ས་བོན་ཐམས་ཅད་ཆུད་ཟོས་པར་འགྱུར་རོ། །ས་ལ་འབྲུ་བཏབ་པ་ཡང་མི་སྐྱེ། དེ་དང་འདྲ་བར་རྩྭ་ཡང་དཀོན། །ནགས་ཁྲོད་ནས་ཅུང་ཟད་ཅི་འཁྲུངས་པ་ཡང་དཀོན་ནོ། །བུད་མེད་སྦྲུམ་མ་རྣམས་ཀྱི་རུམ་རབ་ཏུ་མི་བདེ། མུ་གེ་དང༌། མཚོན་དང༌། ནད་ཀྱིས་ཟད་དེ། སྐྱེ་བོ་སུམ་ཆ་གཅིག་གནས་པར་འགྱུར་རོ། །མིའི་དབང་པོ་ཆེ་བའི་བདག་ཉིད་ཅན་དང༌། དཔལ་དང་ལྡན་པའི་མི་མཆོག་རྣམས་དང༌། བྲམ་ཟེ་གཟི་བརྗིད་ཅན་མང་པོ་དང༌། བ་ལང་ཕྱུག་པོ་དང༌། དབང་དང་ལྡན་པ་དང༌། ཡུལ་ཕི་པ་ཤ་དང༌། ཡུལ་ཤ་ཏ་རུ་དང༌། ཡུལ་སིན་དྷུ་དང༌། ཡུལ་ཨན་ད་དང༌། ཆུ་བོ་བ་ནི་སྟིའི་འགྲམ་ན་གནས་པ་དང༌། ཆུ་བོ་ཨེ་ར་བ་ཏིའི་དྲུང་དུ་གནས་པ་དང༌། ཡུལ་ཀུ་དྷ་ན་གནས་པའི་མི་དང༌། ཆུ་བོ་ཙན་ཏྲ་བྷ་ག་ཞེས་བྱ་བའི་འཁོར་ན་གནས་པའི་མི་དང༌། ཆུ་བོ་སུ་ཏ་ན་ཞེས་བྱ་བ་དང༌། ཆུ་བོ་འདི་དག་གི་འགྲམ་ན་གནས་པའི་མི་དང༌། ཡུལ་ནགས་འབྲོག་ཆུ་དང་ལྡན་པ་དང༌། ཆུ་བོ་ཨ་གྲོ་ཏ་དང༌། སེ་ར་ས་ཏི་ཞེས་བྱ་བའི་འཁོར་དང༌། ཡུལ་ས་བརྟ་པྲ་རྟ་ཞེས་བྱ་བ་རྣམས་དང༌། ར་བདོག་པའི་གཙོ་བོ་དང༌། འདི་རྣམ་བཞིར་ས་གཡོས་ན་གནོད་པ་འབྱུང་བར་འགྱུར་རོ། །རྒྱུ་སྐར་མགོའི་ཉི་མ་ལ་ས་གཡོས་ན་སྨན་རྣམས་དང༌། ནད་དཔྱད་བྱེད་པའི་སྨན་པ་རྣམས་དང༌། རྩྭ་སོ་མ་ཞེས་བྱ་བ་ལ་སྐོམ་དུ་སྦྱར་ཏེ། འཐུང་བའི་ཆོས་བཞིན་བྱེད་པ་རྣམས་དང༌། རྩྭ་སོ་མ་ལ་སྐོམ་དུ་འཐུང་བ་རྣམས་དང༌། བྲམ་ཟེ་ནགས་ཁྲོད་ན་གནས་ཤིང་དཀའ་ཐུབ་བྱེད་པ་རྣམས་ལ་མི་རུང་བར་འགྱུར། ཡུལ་དབུས་མ་ག་དྷཱར་ཆར་ཆེར་འབེབས་ཏེ་ལོ་ལེགས། བདེ་བར་འགྱུར། །རྒྱལ་པོ་ནང་ཕན་ཚུན་མི་མཐུན་ཏེ་རྩོད་པར་འགྱུར། །ཡུལ་ཨ་བྷི་ཤ་ཧའི་མི་དང༌། ཡུལ་ཤུལ་ར་སེ་ན་དང༌། ཆུ་བོ་ཚར་མ་ནཱ་ཏི་ན་གནས་པ་དང༌། ཡུལ་ཀ་ཏ་ལའི་མི་དང༌། ཡུལ་བད་སའི་མི་དང༌། ཡུལ་པན་ཙ་ལའི་ལྷོ་ཕྱོགས་དང༌། ཡུལ་པན་ཙ་ལའི་བྱང་ཕྱོགས་དང༌། ཡུལ་མ་ག་དྷཱ་ན་གནས་པའི་མི་དང༌། མི་ལ་གནོད་པར་འགྱུར་རོ། །ཡུལ་སུ་ལའི་མི་དང༌། ཡུལ་བེ་ཤ་ལའི་མི་དང༌། ཡུལ་མ་ལ་ཞེས་བྱ་བའི་འཁོར་མི་དང༌། འདི་རྣམས་ལ་གནོད་པ་རྣམ་པ་དྲུག་འབྱུང་སྟེ། ཆོམ་རྐུན་དང༌། མེས་འཇིགས་པ་དང༌། མི་ངས་དང༌། ཐན་ཆེན་ལ་

---

^{[མ་དཔེ་གཟིགས་ན་འདིར་གནོན།]}

སོགས་པའི་ཁྱད་ཞུགས་པའི་གནོད་པ་རྣམས་ཀྱིས་སྐྱེ་བོ་ལ་ཟིལ་གྱིས་གནོན་པར་འགྱུར་རོ། །རྒྱུ་སྐར་ལག་ལ་ས་གཡོས་ན་ཤིང་འོམ་ཅན་རྣམས་དང༌། འོ་མ་མ་རུང་བར་འགྱུར་རོ། །ཟས་སྐོམ་ཕྱོགས་སུ་མ་རུང་བར་འགྱུར། །འགྲོན་པ་རྣམས་དང༌། གཅན་གཟན་དང༌། རྒྱ་མོ་ཐོགས་པའི་ཉ་འཆོར་བ་ལ་སོགས་པ་རྣམས་དང༌། འོབ་བརྐོ་ཞིང་ཁྲོན་པ་བརྐོ་བ་དང༌། སྡིག་པའི་ལས་ཅན་རྐུན་པོ་རྣམས་དང༌། གདོལ་བ་དང༌། རིགས་ངན་དང༌། ཡུལ་ཤར་ཕྱོགས་དང༌། ཡུལ་ཕུན་ད་བརྟ་དང༌། མུ་སྟེགས་གཅེར་བུ་དང༌། ཡུལ་ཨོཾ་ཏྲ་དང༌། ཡུལ་བུ་ལི་དའི་མི་དང༌། ཡུལ་ཤ་བ་རིའི་མི་རྣམས་དང༌། ནགས་འབྲོག་ཆུ་དང་ལྡན་པ་ཨ་ཏ་བྱ་སོ་ཏ་ཀ་ཞེས་བྱ་བ་དང༌། ཡུལ་གཞན་ཡང་དེ་དང་འདྲ་བ་ཆུ་དང་ལྡན་པའི་ནགས་འབྲོག་ཀྱང་གནོད་པ་དྲག་པོ་མི་བདེ་བ་སྣ་ཚོགས་པ་རྣམ་པ་དྲུག་གིས་གནོད་པ་འབྱུང་བར་འགྱུར་རོ། །རྒྱུ་སྐར་ནབ་སོའི་ཉི་མ་ལ་ས་གཡོས་ན་ཆང་འཚོང་དང༌། གསལ་ཤིང་དང༌། མཚོན་ཐོགས་པའི་མི་དང༌། ཁུར་བ་འཚོང་བའི་མི་དང༌། གདུགས་ཕྱེད་པའི་མི་དང༌། ཤིང་མཁན་རྣམས་དང༌། མི་གསོད་པའི་གཤེད་མ་རྣམས་དང༌། བཙས་དང༌། འགྲོ་བའི་ཚོང་བ་རྣམས་དང༌། འཁོར་ལོ་བྱེད་པ་རྣམས་དང༌། འཁོར་ལོ་སློབ་པ་རྣམས་དང༌། ལྷང་ཚོར་འཐག་ཅིང་སྦྱོར་བ་དང༌། ཤ་འཚོང་བ་དང། དུད་འཚོང་དང༌། གྲོང་ན་གནས་པའི་ཚོང་བ་དང༌། གང་དག་སྐྱེ་བོ་ཕལ་པོ་ཆེ་ལྷན་ཅིག་གནས་པས་འཚོང་བ་དང༌། ཚུལ་ཅན་རྣམས་དང༌། ཆར་ཆེར་འབབ་པས་ལོ་ལ་ཡང་གནོད་པར་འགྱུར་རོ། །རྒྱལ་པོ་དང༌། ལྷོ་ཀའི་གནས་ན་གནས་པའི་རྒྱལ་ཕྲན་རྣམས་དང༌། རྒྱལ་ཕྲན་དེ་དག་ལ་ཕྱོགས་པའི་ཡུལ་མི་རྣམས་དང༌། ཡུལ་གྱི་མཆོག་དང༌། ཏོ་ཀ་ཞེས་བྱ་བ་དང༌། མོན་ཡུལ་ཀན་ཏུ་ན་གནས་པའི་མི་རྣམས་དང༌། སྤྱང་ཀི་ཁྱི་མང་པོ་རྣམས་ལ་ས་གཡོས་ན་གནོད་པར་འགྱུར་རོ། །རྒྱུ་སྐར་རྒྱལ་གྱི་ཉི་མ་ལ་ས་གཡོས་ན་མི་དགེ་བ་བྱས་པ་དང༌། བྲམ་ཟེ་དམ་པ་དང༌། རྒྱལ་པོ་སྤྱི་བོ་ནས་དབང་བསྐྱུར་བ་རྣམས་དང། རྒྱལ་པོའི་བུ་གཞོན་ནུ་དང༌། དཔོན་སྣ་ཕྲ་མོ་དང༌། མི་མང་པོའི་ཚོགས་པ་དང༌། བློན་པོ་རྣམས་དང༌། དགེ་སློང་རྣམས་དང༌། སྦྲང་པོ་དང༌། བྲམ་ཟེ་དང༌། མཁས་པ་རྣམས་དང༌། ཆོས་ལ་རབ་ཏུ་བརྩོན་པ་རྣམས་དང༌། བསོད་ནམས་ཆེན་པོ་བྱེད་པའི་མི་རྣམས་ལ་གནོད་པར་འགྱུར་རོ། །དེ་ལྟར་ཤར་

---

^{[མ་དཔེ་གཟིགས་ན་འདིར་གནོན།]}

ཕྱོགས་དང༌། ཡུལ་ཏ་མ་ལི་བ་ཏའི་གྲོང་རྡལ་དང༌། ཤར་ཕྱོགས་ཀྱི་གླིང་དུ་མ་ཏ་ར་ཏི་བ་དང༌། མོན་ཡུལ་ཀ་མ་རུ་བ་དང༌། ཤར་ཕྱོགས་ཀྱི་རྒྱ་མཚོའི་གླིང་ན་གནས་པ་དང༌། གསེར་གྱི་གླིང་ན་གནས་པ་དང༌། ཆུ་བོ་གང་གཱའི་རྒྱ་མཚོའི་གཏིང་དུ་འབབ་པ་དང༌། འགྲམ་ན་གནས་པའི་སྐྱེ་བོ་རྣམས་ལ་གནོད་པར་འགྱུར་རོ། །རྒྱུ་སྐར་སྐག་གི་ཉི་མ་ལ་ས་གཡོས་ན་ཀླུ་རྣམས་དང༌། སྦྲུལ་རྣམས་དང༌། སྡིག་སྦྲུལ་རྣམས་དང༌། གྲོག་མ་རྣམས་དང༌། གྲོག་མ་མང་པོ་རྣམས་དང༌། སྲིན་བུ་སྣ་ཚོགས་དང༌། ཁྱི་དང༌། རྨིག་པ་གཅིག་པ་རྣམས་དང༌། དུག་རྣམས་དང༌། དུག་སྦྱོར་ཞིང་བྱེད་པའི་མི་རྣམས་དང༌། སེམས་ཅན་གང་དག་རི་ཁྲོད་ན་གནས་པ་རྣམས་དང༌། ཡུལ་མཐའ་འཁོབ་ན་རྐུ་འཕྲོག་བྱེད་ཅིང་འཇོམས་པའི་མི་རྣམས་དང༌། ཟོལ་བ་དང༌། རྐུ་ཐབས་ཀྱིས་འཐབ་མོ་འགྱེད་པའི་མི་རྣམས་དང༌། སྡིག་པའི་ལས་ལ་དགའ་བའི་མི་རྣམས་དང༌། མི་བླུན་པོ་རྣམས་དང༌། མི་ངན་པ་དང༌། ཚིག་ངན་པ་སྨྲ་བ་རྣམས་དང༌། ཡུལ་ཏོ་ས་ལ་དང༌། ཡུལ་ཀོ་ས་ལ་དང༌། གྲོང་ཁྱེར་ཀཉྩི་དང༌། ཡུལ་ལིང་ག་དང༌། ཡུལ་ཨན་དྲ་དང༌། ཡུལ་ཨན་དྲའི་བྱང་ཕྱོགས་དང༌། ཡུལ་ཡ་མའི་གྲོང་རྡལ་ཉམས་དགའ་དང༌། རི་བྷྱིན་དྷ་དང༌། རི་བྷྱིན་དྷ་བྱང་ཕྱོགས་ཀྱི་ངོས་དང༌། རི་དེའི་དྲུང་དང༌། རྩེ་མོ་དང༌། སྲངས་ས་ན་གསུམ་པའི་སྐྱེ་བོ་རྣམས་ལ་གནོད་པ་དྲག་པོ་ནད་དང༌། མེ་དང༌། མི་ངས་དང༌། ཐན་ཆེན་དང༌། སེར་བ་དང༌། ཡང་དང་ཡང་མཚོན་ཀར་འགྱེད་པས་ཡུལ་དེ་ཕྱོགས་ན་མྱ་ངན་བྱེད་ཅིང་འགྲོ་སྟེ། ས་གཡོ་བས་གཟི་བརྗིད་ཉམས་ནས་གནོད་པ་དེ་ལྟ་བུ་འབྱུང་བར་འགྱུར་རོ། །རྒྱུ་སྐར་མཆུའི་ཉི་མ་ལ་ས་གཡོས་ན་རྒྱལ་པོ་ཆེན་པོ་མྱ་ངན་བྱེད་པར་འགྱུར་རོ། །མཆོད་སྦྱིན་བྱེད་པ་དང༌། དད་པ་རྣམས་ལྡོག་པར་འགྱུར། མི་མང་པོ་འདུ་བ་དང༌། དགའ་སྟོན་བྱེད་པ་དང༌། ལྷའི་གཙོ་བོ་ལ་མཆོད་སྦྱིན་བྱེད་པ་རྣམས་དང༌། སྔགས་ཐམས་ཅད་ནི་ལྡོག་པར་འགྱུར་རོ། །གང་དག་བཙས་པ་དང༌། ཆེར་སྐྱེས་པ་དང༌། གཞན་ཡང་མཁས་པའི་མཆོག་དང། རོལ་མོ་མཁན་མཁས་པ་དང་གླུ་སྙན་པ་དང༌། རིགས་ཆེན་པོ་བློ་དང་ལྡན་པའི་མི་རྣམས་དང༌། འབྲུ་ནག་པོ་ཏིལ་དང༌། ཟར་མ་སྲན་མ་ལ་སོགས་པ་ལ་གནོད་པ་ཡུལ་ཀ་ལིང་ཀའི་ཕྱེད་དང༌། ཀ་ལིང་ཀའི་ནུབ་ཕྱོགས་དང༌། ཡུལ་ཨན་ཏིའི་རི་ལ་བརྟེན་པའི་མི་རྣམས་དང༌། རི་བྱིན་དྷའི་ངོས་

---

^{[མ་དཔེ་གཟིགས་ན་འདིར་གནོན།]}

ཕྱེད་ལ་བརྟེན་པའི་མི་རྣམས་ལ་ས་གཡོ་བ་དང༌། ས་རྣམ་པར་གཡོས་ན་དེ་དག་ལ་ཡང་གནོད་པ་འབྱུང་བར་འགྱུར་རོ། །རྒྱུ་སྐར་གྲེའི་ཉི་མ་ལས་གཡོས་ན་དུས་ཚིགས་ལོག་པར་འགྱུར་ཏེ། དེའི་རླུང་དྲག་པོ་ལྡང་བར་འགྱུར། བརྟེན་པ་བྱས་པ་མ་རུང་བར་འགྱུར། ཡོད་པའི་མ་རུང་བར་འགྱུར། སྨད་འཚོང་མ་དང༌། ཆོས་ལ་དགའ་བ་དང༌། གཡོས་མཁན་དང༌། ཤོ་གམ་གྱིས་འཚོ་བ་དང༌། བཙོན་འཚོ་བ་དང༌། སྣམ་བུ་འཐག་པ་དང༌། ཁྱད་པར་ཆུ་བོ་སིན་དྷུའི་ལྷོ་ཕྱོགས་ཀྱི་ཕྱེད་དང༌། ཤར་ཕྱོགས་ཀྱི་ཕྱེད་དང༌། ཡུལ་མ་ཧཱ་ཀ་རི་རི་ཁྲོད་ཀྱི་སྡོང་བུ་དང༌། ཡུལ་དང༌། ལུང་པའི་ནང་ན་གནས་པའི་སྐྱེ་བོ་དང༌། རི་ཀིས་ཀིན་དའི་གྲོང་ཁྱེར་དང༌། གྲོང་རྡལ་དང༌། དེ་བཞིན་དུ་ཡུལ་ཤུར་པར་ཀ་དང༌། ཡུལ་ཚ་སེར་ཆེ་བ་ནགས་རི་ཆུ་མང་བ་ན་གནས་པའི་བ་ལང་ལ་སོགས་པ་དང༌། སྐྱེ་བོ་མི་སྲུན་པ་མང་པོས་བསྐོར་ཞིང༌། མེ་ཏོག་རྒྱས་པ་ལྟར་ལྡང་ཞིང་གནས་པ་ལས་གཡོས་ཏེ་མདངས་ཉམས་ན་གནོད་པ་འབྱུང་བར་འགྱུར་རོ། །རྒྱུ་སྐར་དབོའི་ཉི་མ་ལ་ས་གཡོས་ན་ཚོང་པ་རྣམས་དང༌། གླིང་ཕྲན་ན་གནས་པའི་མི་དང༌། འགྲོན་པོ་ལམ་དུ་ཞུགས་པ་དང༌། མཆོད་སྦྱིན་གྱི་སྣོད་དང༌། ཡོ་བྱད་རྣམས་དང༌། སྦྲུལ་གྱི་གདོང་གིས་འཚོ་བའི་མི་རྣམས་དང༌། བག་མ་ལམ་བཅའ་བ་ལ་སོགས་པ་དང༌། བཀྲ་ཤིས་བྱེད་པ་དང༌། ཡུལ་མ་ཧེ་སེ་ནའི་གྲོང་རྡལ་དང༌། གྲོང་ཁྱེར་ཉམས་དགའ་བ་བ་ལང་གི་ཁྱུ་མང་པོ་དང་ལྡན་པ་དང༌། ཆུ་བོ་ག་ད་བ་རའི་འགྲམ་གྱི་ཡུལ་དང༌། ཡུལ་མ་ཧཱ་བེ་ན་ན་དང༌། ཆུ་བོ་མ་ས་རི་ཏའི་འགྲམ་ན་གནས་པའི་གྲོང་རྡལ་དང༌། གྲོང་འདབ་ཀྱི་མི་དང༌། ཡུལ་དབུས་ཨ་ག་དང༌། མོན་ཡུལ་བདག་དང༌། ཡུལ་ཀ་ལིང་ཀའི་ཕྱེད་དང༌། ཡུལ་ནི་ཀྲི་ཏི་དང༌། ཡུལ་ཁ་ཤའི་མི་རྣམས་དང༌། སླས་བུད་མེད་མང་པོ་བསྲེལ་བ་དང༌། སྙིང་ལས་སེམས་པའི་མི་རྣམས་དང༌། གྲོང་དང་གྲོང་དམ་པ་རྣམས་དང༌། རྒྱལ་པོ་ལ་བརྟེན་པས་འཚོ་བའི་མི་དེ་ལྟ་བུ་ལ་ས་གཡོས་ན་གནོད་པར་འགྱུར་རོ། །རྒྱུ་སྐར་མེ་བཞི་ལས་གཡོས་ན་རྫ་མཁན་དང༌། སྨན་པ་རྣམས་དང༌། ཚོགས་ཀྱི་གཙོ་བོ་དང༌། བློན་པོ་དང༌། བློན་པོ་ཆེན་པོ་དང༌། དམག་དཔོན་རྣམས་དང༌། གླང་པོ་འདུལ་སྦྱོང་བྱེད་པའི་མི་དང༌། ཆོམ་རྐུན་བྱེད་པ་མང་པོ་དང༌། ཆོམ་རྐུན་བྱེད་པའི་གཙོ་བོ་རི་གདོང་ས་བཙན་ལ་བརྟེན་པའི་མི་རྣམས་དང༌། བྲམ་ཟེ་སྲད་བུ་སེ་

---

^{[མ་དཔེ་གཟིགས་ན་འདིར་གནོན།]}

རལ་དུ་ཐོགས་པས་འཚོ་བ་རྣམས་དང༌། ལྷ་དོན་དུ་གཉེར་བ་རྣམས་ལ་མི་སྨོད་པའི་མི་རྣམས་དང༌། བྲམ་ཟེའི་ལག་ལ་རྡ་ཁ་དོན་འདོན་པ་དང༌། མཆོད་སྦྱིན་གྱི་ཡོ་བྱད་ཀྱི་ཚོགས་སྦྱར་བ་དང༌། ཡུལ་ཧ་སེ་ནའི་གྲོང་རྡལ་ཉམས་དགའ་བ་དང༌། རི་རྨ་བྱ་ཞེས་བྱ་བའི་དྲུང་ན་གནས་པ་དང༌། རི་པ་རི་ཡ་ཏྲའི་དྲུང་ན་གནས་པ་དང༌། སྡིངས་དང༌། ལུང་པ་དང༌། ལུང་པ་ཕྲན་མང་པོ་སྣ་ཚོགས་ན་གནས་པའི་མི་རྣམས་དང༌། ཡུལ་སྤང་ཀུར་དང༌། ཡུལ་ས་སྲ་དང༌། ཡུལ་ཨ་མུ་ཏྲ་དང༌། འདི་རྣམས་ལ་ས་གཡོས་ན་གནོད་པར་འགྱུར་རོ། །རྒྱུ་སྐར་ནག་པ་ལས་གཡོས་ན་རི་མོ་འབྲི་བའི་ལས་རྣམས་མ་རུང་བར་འགྱུར། རི་མོ་འབྲི་བ་རྣམས་དང༌། ཤིང་མཁན་རྣམས་དང༌། བཟོ་བོ་དང༌། གསེར་མགར་དང༌། རྡོ་རྗེ་གསོར་བའི་ལས་བྱེད་པ་དང༌། བཟང་ཀན་དང༌། ནོར་བུ་འབྲུག་ཅིང་ནོར་བུ་མདོག་པ་དང༌། རྒྱན་ལ་དགའ་བ་དང༌། ཚོང་བ་དང༌། མིག་སྨན་སྦྱོར་ཤེས་པའི་མི་དང༌། རྒྱན་བྱེད་པའི་མི་དང༌། ཡུལ་པྲ་བ་ཀ་ཤ་དང༌། ཡུལ་ཨ་ནི་ལའི་གྲོང་རྡལ་དང༌། ཡུལ་མ་གྱི་སྨ་དང༌། ཡུལ་ཨ་པན་ཏི་དང༌། རི་ས་དྷྱའི་དྲུང་དང༌། རི་བྱིན་མདའི་འཁོར་ན་གནས་པའི་སྐྱེ་བོ་རྣམས་དང༌། མི་དྲ་མ་རྣམས་ལ་དེ་ལྟར་ས་གཡོས་ན་གནོད་པར་འགྱུར་རོ། །རྒྱུ་སྐར་ས་རི་ལ་ས་གཡོས་ན་ཆོམ་རྐུན་བྱེད་པའི་མི་རྣམས་དང༌། མགར་མཁན་རྣམས་དང༌། འཚེ་ཞིང་གནོད་པའི་མི་རྣམས་དང༌། ལ་འཕྲད་འཇོམས་པའི་མི་རྣམས་དང༌། ཡུལ་གངས་རིའི་བྱང་ཕྱོགས་ཀྱི་ཤོད་ན་གནས་པའི་མི་རྣམས་དང༌། རོལ་མོ་མཁན་དང༌། བཞད་གད་མཁན་དང༌། དཀའ་ཐུབ་ཅན་ཟས་སུ་རླུང་ཟ་བ་དང༌། ཚུལ་མ་ཡིན་པའི་དཀའ་ཐུབ་གྲུབ་པའི་མི་རྣམས་དང། མི་དགེ་བ་དམ་པའི་མི་རྣམས་དང༌། ང་རྒྱལ་ཅན་རྣམས་དང༌། ཡུལ་ས་ཧ་ཏའི་མི་དང༌། ཡུལ་ཨན་དར་སྟིའི་མི་དང༌། ཡུལ་བི་པུ་ལ་དང༌། ཡུལ་ཀ་ཙའི་སྐྱེ་བོ་མང་པོ་ཕལ་པོ་ཆེ་དང༌། ཡུལ་བ་ཡ་པ་དང༌། ཡུལ་བ་ཤུད་ཀྲང་ཀ་དང༌། ཡུལ་ད་ར་ག་ཞེས་བྱ་བའི་གྲོང་དང༌། ཕལ་པོ་ཆེའི་མི་དང༌། གླིང་སྣ་ཚོགས་ན་བུད་མེད་དམ་པ་གནས་པ་དང༌། རྐང་འགྲོས་ཀྱིས་གང་བར་རྒྱས་ཤིང་གྲོང་ཁྱེར་ཀྲུ་བེར་ཞེས་བྱ་བ་ལ་འབྱོར་ཞིང་རྒྱས་པར་གནས་པ་དང༌། རི་དམ་པ་བྲད་ཛ་ཡ་ཧོ་ཞེས་བྱ་བའི་དྲུང་ན་གནས་པའི་མི་དང༌། རྒྱ་མཚོའི་འགྲམ་ན་གནས་པའི་མི་དང༌། ཡུལ་བྲི་སྣི་དང༌། ཡུལ་ཨན་དྲ་ག་དང༌། མ་

---

^{[མ་དཔེ་གཟིགས་ན་འདིར་གནོན།]}

དུ་ཞེས་བྱ་བའི་མི་དང༌། ས་ཏྭ་ཏ་ཞེས་བྱ་བའི་མི་དང༌། འདི་དག་གི་གནས་རྣམས་དང༌། མིའི་སྡེ་དྷ་ཤ་ན་ཞེས་བྱ་བ་རྒྱ་མཚོ་ཆུའི་འགྲམ་གྲོང་ཁྱེར་རྣམ་པ་བརྒྱ་དང༌། གྲོང་ཁྱེར་རྣམ་པ་སྟོང་སྙེད་དུ་གནས་པ་དེ་དག་ལ་ས་གཡོས་ན་རབ་ཏུ་གནོད་པར་འགྱུར་རོ། །རྒྱུ་སྐར་ས་ག་ལ་ས་གཡོས་ན་མི་ལས་སུ་བྱ་བ་རྣམས་མ་རུང་བར་འགྱུར་རོ། །བྲམ་ཟེ་དམ་པ་མེ་ལ་རྗེད་པ་རྣམས་དང༌། གསལ་བ་མ་འཁྲུལ་པ་སྨྲ་བ་རྣམས་དང༌། ཏིལ་དང༌། བལ་གྱི་ས་བོན་དང༌། མོན་སྲན་སྡེའུ་དང༌། བུ་རམ་ཤིང་གི་ཁུ་བ་དང༌། འབྲུ་རྣམས་དང༌། མི་རྒན་པ་རྣམས་དང༌། མི་ཕལ་པོ་ཆེར་གནས་པ་རྣམས་དང༌། འབྲས་སོ་བ་དང༌། ས་བོན་བཏབ་པ་སྨན་ལས་སྲན་ཆུང་དང༌། སྲན་མ་དང༌། སྲན་ཙ་ན་ཤ་ཀ་དང༌། རྒྱ་སྲན་ནག་པོ་དང༌། ཡུངས་ཀར་དང༌། ཡུལ་དུ་རའི་མི་དང༌། ཡུལ་མ་ཀུ་རའི་མི་དང༌། ཡུལ་བ་ཡ་ན་དང༌། དེ་བཞིན་དུ་ཡུལ་རི་མ་ཀའི་མི་དང༌། ཡུལ་བ་པར་ན་མི་མང་པོས་གང་བ་དང། ཡུལ་ཀ་མར་ཨ་དི་སྟ་ཏ་ཞེས་བྱ་བ་ན་གནས་པའི་མི་དེ་དག་ལ་ས་གཡོས་གནོད་པ་འབྱུང་བར་འགྱུར་རོ། །རྒྱུ་སྐར་ལྷ་མཚམས་ལ་ས་གཡོས་ན་མཛའ་བོ་བྱམས་ཤིང་སྡུག་པ་འབྱེ་བར་འགྱུར་རོ། །ཆུང་མ་དང་ནོར་གྱི་བྱ་བ་ལ་སོགས་པ་རྣམ་པ་བཅུ་གཅིག་ཏུ་བཤད་པ། གཉེན་བྱས་ཤིང༌། བག་མ་བླང་བ་ལ་སོགས་པ་དང༌། ཡོ་བྱད་བསགས་ཤིང་སྤེལ་བ་དང༌། བག་མ་བླང་བ་རྣམས་དང༌། མཆོད་སྦྱིན་བྱ་བ་རྣམས་དེ་དག་གི་ལས་བྱ་བ་དང༌། བཀྲ་ཤིས་བར་བྱ་བ་རྣམས་དང༌། ལྟས་སུ་བལྟ་བ་རྣམས་དང༌། བྲམ་ཟེ་ཞི་བ་དང་ལྡན་པ་རྣམས་དང༌། དཀའ་ཐུབ་ཅན་རྣམས་དང༌། ཐུབ་པ་དང་ལྡན་པ་རྣམས་དང༌། དཀའ་ཐུབ་དང་ལྡན་པ་རྣམས་དང༌། བརྟུལ་ཞུགས་དང་ལྡན་པ་རྣམས་དང༌། ཡུལ་ཀ་ཤ་ཞེས་བྱ་བ་ན་རྒྱལ་སྲིད་ཆེན་པོ་རྣམ་པ་བརྒྱད་དང་ལྡན་པའི་ཡུལ་དང༌། རྒྱལ་པོའི་མཐའ་འཁོར་ཡུག་ན་གནས་པ་འབྲ་གོ་ཚལ་ཉམས་དགའ་བའི་གནས་ན་འབྲ་གོས་སྲོག་འཚོ་བ་རྣམས་དང༌། སྐད་རྣམ་པ་སྣ་ཚོགས་ཤེས་པའི་འཇིག་རྟེན་པ་རྣམས་དང༌། གཟི་བརྗིད་མི་མངོན་པར་བྱེད། གཟུགས་དང༌། གོས་དང༌། རྒྱན་དང༌། སྤྱོད་པ་དང༌། བྱེད་པ་དང༌། འགྲོ་བ་དང༌། ཆ་བྱད་རྣམ་པ་སྣ་ཚོགས་དང་ལྡན་པ་ཟས་སུ་ཉ་ཤ་ཟ་ཞིང་ལུས་ཉམས་བདེ་བ་སྐྱིད་པ་དེ་ལྟ་བུའི་མི་རྣམས་ལ་ས་གཡོས་ན་རབ་ཏུ་གནོད་པར་

---

^{[མ་དཔེ་གཟིགས་ན་འདིར་གནོན།]}

འགྱུར་རོ། །རྒྱུ་སྐར་སྣྲོན་ལས་གཡོས་ན་རི་ཆེན་པོ་བསྙིལ་བར་འགྱུར། །འཇིག་པའི་རླུང་རབ་ཏུ་ལྡང༌། ཡུལ་ཨ་མྲ་ཀ་ཞེས་བྱ་བའི་ཡུལ་དུ་ཡུལ་ཀ་ཤའི་མི་དང༌། རྐུན་པོ་དང༌། མི་ངས་དང༌། ཐན་ཆེན་དང༌། སེར་བ་དང༌། ཡང་དང་ཡང་མཚོན་ཀར་འགྱེད་པ་ཡུལ་དེ་ཕྱོགས་ན་མྱ་ངན་བྱེད་ཅིང་འགྲོ་སྟེ། ས་གཡོས་པས་གཟི་བརྗིད་ཉམས་ནས་གནོད་པ་དེ་ལྟ་བུ་འབྱུང་བར་འགྱུར་རོ། །ཚུལ་མ་ཡིན་པ་དག་གིས་ཕན་ཚུན་ དུ་གནོད་པ་བྱེད་པར་འགྱུར་རོ། །མི་གཡོན ་ཅན་དང༌། རྒྱལ་པོ་དང༌། རྒྱའི་མི་དང༌། དེ་བཞིན་དུ་སྒོ་ལྕགས་འབྱེད་ཅིང་རྐུ་བའི་མི་རྣམས་དང༌། ཡུལ་ཨན་དྲའི་མི་རྣམས་དང༌། ཡུལ་པུ་ལིནད་ན་གནས་པའི་མི་རྣམས་འཇིག་པར་གནས་པར་འགྱུར། མཛའ་བའི་དཔུང་དང་ལྡན་པ་རྣམས་དང་ཡང་ཕྱེད་པར་འགྱུར། རྒྱལ་པོ་ཆེན་པོ་དང༌། སྙོམ་ལས་དང་ལྡན་པ་རྣམས་ཀྱང་ཚར་གཅོད་པ་དང༌། བྱ་རོག་དང༌། རི་དགས་པྲི་ཤ་དང༌། གཅན་གཟན་དང༌། གཅན་གཟན་དྲག་ཤུལ་ཅན་ཆེན་པོ་རྣམས་དང༌། ཡུལ་ཀ་ར་དང༌། ཡུལ་པ་ར་དང༌། ཡུལ་ཤུད་དྷ་སེ་ནན་གནས་པའི་མི་དང༌། ཡུལ་མ་ལ་ཡའི་མི་རྣམས་དང༌། ཐོ་གར་གྱི་ཡུལ་བག་ལེ་དང༌། བར་སིག་གི་ཡུལ་དང༌། ཟ་ཧོར་གྱི་ཡུལ་དང༌། ཀ་པུ་ཤའི་ཡུལ་གྱི་རི་བ་རི་ཤེ་ནའི་འཁོར་ན་གནས་པའི་མི་དང༌། འདི་རྣམས་ལ་ས་གཡོས་ན་དགྲ་དྲག་པོ་མྱུར་དུ་འབྱུང་ཞིང་གནོད་པར་འགྱུར་རོ། །རྒྱུ་སྐར་སྣྲུབས་ལ་ས་གཡོས་ན་རྐང་བཞི་པ་དང༌། རྐང་པ་གཉིས་པ་དང༌། དེ་བཞིན་དུ་ཕུག་ན་གནས་པ་རྣམས་དང༌། ཡི་དྭགས་ཤ་ཟ་རྣམས་དང༌། སེམས་ཅན་གང་དག་རི་ལ་གནས་པ་རྣམས་དང༌། མུ་གེ་མྱུར་དུ་འབྱུང༌། ས་ལ་ཆུ་ཡང་མྱུར་དུ་སྐམས་པར་འགྱུར་རོ། །དགྲ་རྣམས་རི་དྲུང་དུ་སོང་ནས་དེ་ནས་དགའ་བར་གནས་པ་དང༌། ཆོས་ཀྱི་ཡོ་བྱད་རྣམས་དང༌། གང་ན་ནགས་ཚལ་ཕུན་སུམ་ཚོགས་པ་དང༌། རྒུན་ར་དང༌། བུ་རམ་ཤིང་གི་ཁུ་བ་དང༌། འབྲས་བུ་མངར་པོ་ཅུང་ཟད་ཡོད་པ་རྣམས་དང༌། ཤིང་དུ་ཀའི་ཚལ་དང༌། མེ་ཏོག་སྣ་ཚོགས་རྣམས་དང༌། འབྲུ་དང་ས་བོན་རྣམས་དང༌། འབྲས་ལ་སོགས་པ་རྣམ་པ་ཐ་དད་པ་སྣ་ཚོགས་དང༌། ཁྱིམ་གྱི་ལས་ཀུན་བརྩམ་པ་དང༌། བརྟན་པར་བྱ་བའི་རྣམ་པ་དང༌། ཙ་བ་བསྐྱེད་ཅིང་བསྐྲུན་པའི་ལས་སྣ་ཚོགས་དང༌། རོ་ལངས་བྱེད་པའི་ལས་རྣམས་དང༌། ཡུལ་སུན་དང༌། གོག་ཡུལ་དང༌། ཡུལ་ཀ་ཏ་ཡའི་མི་དང༌། བ་ལང་རྫི་ལ་སོགས་པའི་རིའི་རྩེ་མོ་

---

^{[མ་དཔེ་གཟིགས་ན་འདིར་གནོན།]}

དང། ཕུག་དང༌། རྫིང་བུ་ན་གནས་པའི་མི་རྣམས་དང༌། རྐང་བཞི་པ་སྣ་ཚོགས་དང༌། དཀའ་ཐུབ་ཅན་ཤིང་ཐོག་དང་རྩ་བ་ཟ་བ་རྣམས་དང༌། ཡུལ་ཀ་ཤའི་བྱང་ཕྱོགས་ཀྱི་གནས་ཡུལ་ས་བཙན་པོ་ལ་བརྟེན་པའི་མི་དེ་རྣམས་ལ་ས་གཡོས་ན་གནོད་པ་འབྱུང་བར་འགྱུར་རོ། །རྒྱུ་སྐར་ཆུ་སྟོད་ལ་ས་གཡོས་ན་མི་ལས་སྐྱེས་པ་དང༌། འགྲོན་པོ་ལམ་ན་གནས་པ་དང༌། ཚོང་པ་དང༌། རྒྱ་མཚོ་ལ་རྒྱུ་ཞིང་འགྲོ་བ་དང༌། ཁ་ཟས་ཉས་འཚོ་བ་དང༌། ཆུ་སྲིན་བྱིས་པ་གསོད་པ་དང༌། འུག་པ་དང༌། ཆུ་སྲིན་ན་ཀྲ་དང༌། ཆུ་སྲིན་མ་ཀ་ར་དང༌། རུས་སྦལ་དང༌། རུས་དང༌། རིགས་དང༌། བཙུན་པ་དང༌། ཕྱུག་པོ་དང༌། མཁས་པ་རྣམས་དང༌། བཞོན་པའི་མཆོག་བདོག་པ་དང་དེ་དག་ལ་འཇིགས་པ་ཆེན་པོ་རབ་ཏུ་འབྱུང་བར་འགྱུར་བ་དང༌། ཆུའི་ལས་སུ་བྱ་བ་རྫིང་སྐྱིལ་བ་དང༌། རྫིང་བུ་བརྐོ་བ་དང༌། ཚལ་བུ་དང༌། སྐྱེད་མོས་ཚལ་སྣ་ཚོགས་དང༌། ནོར་དང༌། འབྲུ་དང༌། ཆང་གི་ཡོ་བྱད་སྦྱོར་བས་འཚོ་བའི་མི་རྣམས་དང༌། ཡོལ་ཏ་རུ་ན་དང། ཡུལ་རུ་ག་ཀ་ཏི་ས་རའི་མི་རྣམས་དང༌། ཡུལ་ཀམ་པོ་ཛ་ནས་སྐྱེས་པའི་མི་རྣམས་དང༌། ཐོ་གར་གྱི་ཡུལ་དང༌། ཡུལ་ཧུ་ན་ནས་སྐྱེས་པའི་མི་རྣམས་དང༌། ཡུལ་ཤ་ཟའི་མི་དང་ཕྱུགས་རྫི་རྣམས་དང༌། ཡུལ་ཀ་ན་ནས་སྐྱེས་པའི་མི་རྣམས་དང༌། རི་དགས་ཉམས་པའི་མི་དང༌། སྐྱེ་གནས་ངན་པ་ནས་སྐྱེས་པའི་མི་དང༌། བྱ་གག་དང༌། བུད་མེད་དང༌། ཆུ་ཆེན་པོ་པཀྵའི་འགྲམ་ན་གནས་པའི་མི་རྣམས་དང༌། གངས་རིའི་རི་ལོགས་ཀྱི་ངོས་གཉི་ག་ན་གནས་པའི་མི་རྣམས་དང༌། རི་རྐེ་དང༌། རི་དྲུང་ན་གནས་པའི་མི་རྣམས་དང༌། རི་རྒྱུད་ཆད་པ་ན་གནས་པ་དང༌། ལུང་པ་ན་གནས་པ་རྣམས་ལས་གཡོས་ན་གནོད་པར་འགྱུར་རོ། །རྒྱུ་སྐར་ཆུ་སྨད་ལ་ས་གཡོས་ན་བཟོ་བོ་རྣམས་ལ་གནོད་པར་འགྱུར་ཏེ། ལྕགས་མགར་དང༌། ཕྱ་མཁན་དང༌། ཚོན་མོ་སྟེང་མཁན་དང༌། ཤིང་མཁན་རྣམས་དང༌། འདྲེག་མཁན་དང༌། ཕྱུག་པོ་རྣམས་དང༌། རྐུན་པོ་རྣམས་དང༌། བཟོ་བོ་རྣམས་དང༌། སྣ་ཚོགས་རྣམས་དང༌། ཐོས་ཟློས་འདོན་པའི་གཅམ་བུ་རྣམས་ལ་གནོད་པར་འགྱུར། ཡུལ་ག་ན་རའི་མི་རྣམས་དང༌། ཡུལ་ཀེ་ཀ་ཡ་དང༌། ཡུལ་ཁ་ཤ་བ་རྣམས་དང༌། གུ་ཟན་ཡུལ་དང༌། ཡུལ་བ་གུར་ན་གནས་པ་རི་བྲགས་པ་གཏུམ་པོ་རྣམ་པ་སྟོང་སྙེད་དང༌། བྲུ་ཤ་ཡུལ་ལ་སོགས་པ་དང༌། ཡུལ་ས་གར་དེའི་

---

^{[མ་དཔེ་གཟིགས་ན་འདིར་གནོན།]}

སྐྱེ་བོ་རྣམས་ལ་གནོད་པར་འགྱུར་རོ། །རྒྱུ་སྐར་གྲོ་བཞིན་ལ་ས་གཡོས་ན་རྒྱལ་པོས་བཀུར་བའི་མི་རྣམས་དང༌། བྲམ་ཟེ་རིག་བྱེད་སློབ་པའི་མི་རྣམས་དང༌། བསྟན་བཅོས་ལ་མཁས་པའི་མི་རྣམས་དང༌། སྙན་དངགས་ཤེས་པའི་མི་རྣམས་དང༌། ཡུལ་གན་ད་ར་ནས་ཡུལ་ཀཽ་ཤཱམྦཱའི་བར་དང༌། ཡུལ་མེ་ཏ་ར་སྟ་ན་གནས་པ་རྣམས་དང༌། སི་ནིས་ཀྱི་ཡུལ་གཉིས་དང་ཡུལ་དུ་སྤྲས་ཧ་དང༌། ཡུལ་དུ་མེ་ལ་རྗེད་པའི་མི་དང༌། ཡུལ་ས་གེ་ཀའི་མི་དང༌། ཡུལ་ལམ་བ་ཀའི་མི་དང༌། ཡུལ་ན་ག་ཧ་ར་དང༌། ཡུལ་ཙ་ཏ་བི་ཤ་ཡ་དང༌། ཡུལ་ག་ཙི་ཀ་ན་གནས་པ་མ་རུང་བ་དུ་མ་དང༌། ཡུལ་ལ་བ་ཞེས་བྱ་བའི་རི་ལ་གནས་པ་དང། མཐའི་རྒྱལ་པོ་ཆེན་པོ་རྣམས་དང༌། ཡུལ་ཀི་སད་ཏ་དང༌། ཡུལ་ས་བ་ཏིར་དང༌། ཡུལ་བ་རི་ར་ཟ་དང༌། ཡུལ་བ་རྣ་པུ་རིའི་གྲོང་རྡལ་དང༌། ཀླུའི་གནས་རྣམས་དང༌། འདི་དག་ལ་ས་གཡོས་ན་གནོད་པ་འབྱུང་བར་འགྱུར་རོ། །རྒྱུ་སྐར་མོན་གྲེལ་ས་གཡོས་ན་མི་ཕྱུག་པོ་དང༌། ར་ལུག་དང༌། བོང་བུ་དང༌། རྔ་མོ་དང༌། དྲེའུ་དང༌། ཝ་དང༌། རི་དགས་ཀྱི་རྣམ་གྲངས་ཐ་དད་པ་དང༌། མ་ཧེ་དང༌། འཕོང་དང༌། རྩལ་ཆེ་བ་དང༌། འདུན་ཁང་སྣ་ཚོགས་དང༌། གྲོང་ཁྱེར་གྱི་ཚོང་དཔོན་རྣམས་དང༌། ཡུལ་ཁ་ག་དང༌། ཡུལ་སྭ་ཏི་མན་ཏ་དང༌། ཡུལ་ཁི་ལ་དང༌། ཡུལ་མུ་ན་དང༌། ཡུལ་བ་ཏྭ་ཀ་ར་དང༌། ཡུལ་གོན་ཐ་མའི་རྣམས་དང། ཡུལ་བོ་ཟ་དང༌། ཡུལ་སཱ་ལའི་གྲོང་ཁྱེར་བྲུ་ཤ་ཡུལ་དང༌། གུ་ཟན་དང༌། ཡུལ་ཙིད་དྲ་དང༌། ཆང་ཞིམ་པོ་སྣ་ཚོགས་དག་ལ་དགའ་བ་རྣམས་དང༌། རི་ཤ་ཤའི་རི་ལོགས་ན་གནས་པའི་མི་སྣ་ཚོགས་ལ་ས་གཡོས་ན་གནོད་པར་འགྱུར་རོ། །རྒྱུ་སྐར་མོན་གྲུ་ལ་ས་གཡོས་ན་སའི་འོག་ཏུ་གནས་པ་རྣམས་དང༌། རྒྱ་མཚོའི་འོག་ན་གནས་པ་དང༌། རྒྱ་མཚོའི་ནང་ན་གནས་པའི་སེམས་ཅན་རྣམས་དང༌། སེམས་ཅན་གཞན་ཡང་ཆུ་ལ་བརྟེན་པ་དང༌། དེ་བཞིན་དུ་རྟ་དང༌། གླང་པོ་ཆེ་དང༌། ཁྱི་རྣམས་དང༌། བོང་བུ་དང༌། རྔ་མོ་དང༌། བྱ་རྣམས་དང༌། དེ་བཞིན་དུ་དམག་མི་དཔའ་བོ་དམ་པ་དང༌། མཚོན་ཤག་ཏི་དང༌། རལ་གྲི་ཀྱོག་པོ་དང༌། རལ་གྲི་ཐོགས་པའི་མི་རྣམས་དང༌། ཡུལ་པྲལ་ལྷའི་མི་དང༌། ཡུལ་ལྷོ་ཕྱོགས་ཀྱི་རྒྱུད་ཀྱི་རོང་ལ་བརྟེན་པ་དང༌། ལྷོ་ཕྱོགས་ཀྱི་རི་རྒྱུད་ལ་དྲང་སྲོང་ཐུབ་པ་གནས་པ་རྣམས་དང༌། ཡུལ་འཁོར་ལོ་གཅིག་པ་ཞེས་བྱ་བའི་མི་དང༌། བུད་མེད་ནུ་མ་ཡ་གཅིག་པ་རྣམས་དང༌།

---

^{[མ་དཔེ་གཟིགས་ན་འདིར་གནོན།]}

དམག་དཔོན་དུ་བསྐོས་པ་འདི་དག་ལ་ས་གཡོས་ན་གནོད་པར་འགྱུར་རོ། །རྒྱུ་སྐར་ཁྲུམས་སྟོད་ལ་ས་གཡོས་ན་ཆུ་དང་མེས་འཚོས་པའི་མི་རྣམས་དང༌། དེ་བཞིན་དུ་བ་ལང་གསོད་ཅིང་མ་ཧེ་ལ་དགའ་བ་དང༌། ནོར་བུ་དེ་སོགས་ལ་ཚོང་བྱེད་པ་དང༌། ཡུལ་སུ་བིར་འབྱོར་བ་དང་ལྡན་པ་དང༌། ལུག་གསོད་ཅིང་འཚོ་བའི་མི་དང༌། ནགས་ཀྱིས་འཚོ་བའི་རྗེའུ་རིགས་དང༌། དམངས་རིགས་དང༌། རོལ་མོ་མཁན་དང༌། མི་དམ་པ་དང༌། རྟ་རྣམས་དང༌། ཡུལ་མལ་ལ་དང༌། ཡུལ་མ་ལ་ལ་བ་དང༌། སྒོ་འབྱེད་ཅིང་རྐུ་བའི་མི་ངན་པ་རྣམས་དང༌། འདི་དག་ལ་ས་གཡོས་ན་གནོད་པར་འགྱུར་རོ། །རྒྱུ་སྐར་ཁྲུམས་སྨད་ལ་ས་གཡོས་ན་ཚོང་པ་དང༌། ཆུ་ལ་བརྟེན་པ་རྣམས་དང༌། འགྲོན་ལམ་དུ་ཞུགས་པ་རྣམས་དང༌། ཚོང་པ་རྒྱ་མཚོ་ལ་གྲུ་བོ་ཆེས་འགྲོ་བར་ཆས་པ་དང༌། སངས་རྒྱས་ཀྱི་ཆོས་ལ་དགའ་བ་རྣམས་དང༌། རང་གི་རིགས་རྣམས་དང༌། ཆང་འཚོང་གི་ལས་བྱེད་པ་དང༌། ཡུལ་ཤི་བའི་མི་དང༌། ཡུལ་པའི་ཡོ་ཏའི་མི་རྣམས་དང༌། རྒྱལ་རིགས་ཨ་ཛུ་ན་ཡ་ནའི་རྒྱུད་དང༌། ཡུལ་སིན་དྷུ་དང༌། ཡུལ་ཧ་ནུ་སྨ་དང༌། ཁ་ཆེ་ཡུལ་གྱི་མི་དང༌། རི་ཁྲོད་ཟབ་མོ་ན་གནས་པའི་མི་དང༌། རྩེ་རྒོད་ན་གནས་པའི་ཡུལ་དང༌། ཡུལ་རྣམ་པ་དུ་མ་དང༌། ཡུལ་ཏ་ག་ལ་དང༌། བར་ནང་ག་ལའི་མི་དང༌། ལྷའི་བུ་གང་གི་གནས་མེ་ཏོག་སྣ་ཚོགས་བྱེ་བས་བརྒྱན་པ་ཡུལ་རི་ཅན་བརྒྱད་ཅེས་པ་ན་སྐྱེ་བོ་དུ་མས་གང་བར། གོས་དང་རྒྱན་རྣམ་པ་སྣ་ཚོགས་དང༌། མཚོན་ཆ་སྣ་ཚོགས་དང་ལྡན་པར་གནས་པ་ལས་གཡོས་ན་གནོད་པ་འབྱུང་བར་འགྱུར་རོ། །རྒྱུ་སྐར་ནམ་གྲུ་ལ་ས་གཡོས་ན་འཐབ་མོའི་གཡུལ་དྲག་ཤུལ་ཆེར་འབྱུང། གྲོང་ཕུན་སུམ་ཚོགས་པ་དང་ལྡན་པ་དང༌། གྲོང་མི་རྣམས་དང༌། རི་ཁྲོད་ན་གནས་པ་རྣམས་དང༌། འདུན་ཁང་རྣམས་དང༌། ཡུལ་དེ་ཏ་ལའི་མི་དང༌། ཡུལ་ཨ་ནུ་ཤ་དང༌། ཙ་ཀ་དང༌། ཡུལ་ཛི་བ་ར་དང༌། ཡུལ་མ་ཐ་དང༌། ཡུལ་ཀ་ཤ་དང༌། ཡུལ་བན་ཀ་ན་ཞེས་བྱ་བ་ན་དཔུང་གིས་སྙེམས་པའི་ང་རྒྱལ་མཆོག་དང་ལྡན་པ་ན་རློམ་པར་གནས་བ་གར་བྱེད་ཅིང་གླུ་ལེན་པ་དང༌། སྨད་འཚོང་མས་འཚོ་བ་དང༌། ཡུལ་ཤ་ན་ཀ་དང༌། ཡུལ་ཨ་པིར་ར་དང༌། ཡུལ་ན་ན་ཏི་དང༌། ཡུལ་ཙར་མ་ནན་ཏི་ན་གནས་པའི་མི་དང༌། དམག་མི་དང༌། དམག་དཔོན་དང༌། ཡུལ་མི་ཏི་ལའི་གྲོང་རྡལ་གྱི་མི་

---

^{[མ་དཔེ་གཟིགས་ན་འདིར་གནོན།]}

དང། བལ་ཡུལ་ནས་ཤར་ཕྱོགས་དང༌། བྱང་ཕྱོགས་ཀྱི་གཟེར་མཚམས་ཀྱི་ཡུལ་འདི་དག་ལ་ས་གཡོས་ན་གནོད་པ་འབྱུང་བར་འགྱུར་རོ། །རྒྱུ་སྐར་ཐ་སྐར་ལ་ས་གསོས་ན་རྟ་རྣམས་ལ་ནད་འབྱུང་བར་འགྱུར། གྲོང་དུ་མི་གསོད་པ་འབྱུང་བ་དང༌། མི་སྤུན་ནད་གསོད་པ་འབྱུང༌། ཐ་སྐར་གྱི་དོ་ལ་རུམ་དུ་བུ་ཆ་གས་པ་ལ་མི་དགེའོ། །ཐ་སྐར་གྱི་དུས་སུ་བཙས་པ་ལ་མི་དགེ་སྟེ། དེ་ཕན་ཆད་ལོ་གསུམ་ན་མི་བདེ་བ་འབྱུང་ངམ། དེ་ནས་ལོ་བཅུ་ན་འཆི་བར་འགྱུར། ཡུལ་ལ་རི་ད་དང༌། ཡུལ་ཏི་གར་ཏ་དང༌། ཡུལ་པ་ན་ཙ་ལའི་སྐྱེ་བོ་རྣམས་དང༌། ཡུལ་ཨརྫུ་ནའི་མི་རྣམས་དང༌། ཡུལ་ད་རུ་དང༌། ཡུལ་ད་ན་བྱ་དང༌། ཡུལ་ས་ཏི་ནའི་མི་རྣམས་ལ་གནོད་པར་འགྱུར་རོ། །རྒྱུ་སྐར་བྲ་ཉེ་ལ་ས་གཡོས་ན་རྐུན་པོ་རྣམས་ལ་གནོད་པ་ཆེར་འགྱུར། རྒྱན་པོ་བྱེད་པ་དང༌། མདུད་པ་དང༌། སྒོ་ལྕགས་འབྱེད་ཅིང་རྐུ་བ་དང༌། མེ་ལོང་འཚོང་བ་དང༌། དབྱིག་དུག་སྦྱོར་ཞིང་སྡུད་པའི་མི་དང༌། འཁོར་ལོ་བྱེད་པ་དང། བཙོན་སྲུང་དང༌། གཏུམ་པོ་སྡིག་ཅན་རྣམས་དང༌། རྐུན་པོ་རྣམས་དང༌། གཡོ་བྱེད་པ་རྣམས་དང༌། མི་སྲུན་པ་དང༌། ཕྲ་མ་བྱེད་པ་དང༌། གདོལ་པ་དང༌། རིགས་ངན་ལ་སོགས་པའི་ཡུལ་གྱི་མཐའ་ན་གནས་པ་རྣམས་དང༌། རྒྱ་ཡུལ་ན་རྒྱ་རྣམས་དང༌། རྒྱ་དམ་པ་རྣམས་དང༌། ཡུལ་དགའ་བ་བཟང་པོ་ཞེས་བྱ་བ་རྣམས་དང༌། ཡུལ་སྱ་བ་ན་གནས་པའི་མི་རྣམས་དང༌། ཆུ་བོ་ཆེན་པོ་སི་ཏ་ཞེས་བྱ་བའི་འགྲམ་ན་གནས་པའི་སྐྱེ་བོ་རྣམས་དང༌། མཚོ་མ་དྲོས་པ་ཡིད་བཞིན་ཞེས་བྱ་བའི་འཇིག་རྟེན་རྣམས་ལ་གྲགས་པ་དེ་ལ་འདོད་ཆགས་དང་བྲལ་བ་རྣམས་དང༌། རིག་སྔགས་གྲུབ་པ་དང༌། རིག་འཛིན་གྱི་ཚོགས་རྣམས་དང༌། དྲང་སྲོང་ཐུབ་པ་རྣམས་ཀྱིས་ཀྱང་བསྙེན་པར་བྱ་བ་ཤིང་འྫམྦུའི་སྐྱེ་བོ་མང་པོ་གནས་པ་དང༌། ཀེ་ལ་སེ་ཏི་སའི་གངས་དང༌། གངས་མངས་ཏེ་ནོར་བུ་ཅན་གྱི་རི་དང༌། སྤོས་ངད་ལྡང་བ་གངས་ལྟར་གོ་དང༌། དེ་བཞིན་དུ་སུ་རི་པ་ཤ་ཞེས་བྱ་བ་ངོས་བཟད་བ་དང༌། རི་དང་རི་ས་བར་ནི་ཞེས་བྱ་བ་དང༌། བྱང་ཕྱོགས་ངོས་དང༌། གླིང་རྣམ་པ་སྣ་ཚོགས་མང་པོ་དང༌། རི་རད་རོད་དག་ན་གནས་པའི་གནོད་སྦྱིན་དང༌། འབྱུང་པོ་དང༌། ཤ་ཟ་དང༌། དྲི་ཟ་དང༌། སྲིན་པོའི་ཚོགས་མང་པོ་དག་དང༌། གྲུབ་པ་དང༌། རིག་འཛིན་དང༌། ཀླུ་རྣམས་དང༌། དེ་བཞིན་དུ་སྨན་རྣམ་པ་སྟོང་སྙེད་ལ་

---

^{[མ་དཔེ་གཟིགས་ན་འདིར་གནོན།]}

གནོད་པ་འབྱུང་བར་འགྱུར། །དེ་ལྟར་ས་གཡོས་པའི་རྗེས་ལ་ཞག་བདུན་ཚུན་ཆད་དུ་ས་ལ་ཕན་པའི་སྤྲིན་སྔོ་གནག་འཇམ་པོ་མིག་བསྐུ་བའི་སྨན་གྱི་མདོག་རི་ཆེན་པོ་འདྲ་བ་ལས་འབྲུག་སྒྲ་ཟབ་མོར་སྒྲོག་ཅིང་ཉེ་བར་འབྲུག་སྒྲ་དྲག་ལ་གློག་རྣམ་པ་སྣ་ཚོགས་འགྱུ་ཞིང༌། ནམ་མཁའ་ལ་སྔོན་པོ་ཤུར་ཤུར་པོ་ལྟ་བུ་སྣང་བའམ། སྒྲ་འབྱུང་བའམ། སྐར་མདའ་ལྟ་བུ་མེད་ལ་རླུང་མེ་དྲག་པ་ལྡང་ཞིང་ཚུབ་མ་ལྟ་བུ་མི་སྡུག་པ་ནི་མེད། སྤྲིན་གྱི་གཟུགས་བཀྲ་ཤིས་ཀྱི་རི་མོ་སྣ་ཚོགས་དང༌། དཔང་པོ་རྡོ་རྗེ་ལྟ་བུ་སྣང་བ་དང༌། ནང་པར་ཉི་མ་འཆར་བ་དང༌། ཉི་མ་ནུབ་ནས་ཟླ་བ་འཆར་བའི་ཚེ་སྤྲིན་གྱིས་མཆོག་པར་ཆར་པ་དང༌། ནམ་མཁའ་སྤྲིན་དལ་ལ་སྙོམས་པ་འཇམ་པོའི་གཟུགས་རྒྱང་རིང་པོར་སོང་བ་གློག་ཕན་ཚུན་དུ་འཕྲོ་བའི་སྤྲིན་དེ་ལྟ་བུ་ནི་དགེ་བའི་མཚན་མ་ཡིན་ནོ། །སྤྲིན་འཇམ་ལ་དལ་སྙོམས་ཏེ། བར་ཆད་མེད་ཅིང་སྤྲིན་གྱི་གཟུགས་ལག་པ་མི་སྣང་བ་དེ་ལྟ་བུར་སྣང་ན་སྤྲིན་མཚན་མ་དེ་ལྟ་བུ་དང་ལྡན་པ་ནི་ལྷའི་དབང་པོའི་ས་གཡོས་བར་བསྟན་པ་ཡིན་ནོ། །དེ་ལྟར་གང་དང་གང་དུ་ས་གཡོས་པའི་ཕན་གནོད་ཀྱི་འབྲས་བུའི་དམིགས་ནི་འཇིགས་ཤིང་དངངས་པ་མེད་པར་ཡིད་རྟོན་ལ་ས་བོན་ཐམས་ཅད་ཐོབ་ཤིག །ལས་དང་འཚོ་ནམ་རྣམས་ཀྱང་གྱིས་ཤིག །རྣམ་པར་རྒྱལ་བར་འགྱུར་བར་ཡད་བསྟན་ཏོ། །ཚོང་པ་ཡང་དེའི་ཚེ་ཀུན་དུ་སོང་ཡང་འཇིགས་པ་མེད་དོ། །ཡང་ས་གཡོས་པའི་རྗེས་ལ་ཞག་བདུན་ཚུན་ཆད་དུ་ནམ་མཁའ་ལ་སྤྲིན་གྱིས་ཁེབས་ཏེ། ཐར་ཆགས་སུ་སྤྲིན་བལ་ལྟར་དལ་སྙོམས་སོང་ལ། ནུབ་ཕྱོགས་སུ་ནམ་མཁའ་ལ་ཆུ་སྲིན་གྱིས་པ་གསོད་པ་དང༌། སྦལ་བ་རྣམས་དང༌། ཉ་དང༌། ཆུ་སྲིན་འདྲ་བའི་སྤྲིན་གྱི་གཟུགས་སྣང་ལ་ནང་ནུབ་ཏུ་ཉི་མ་དང་ཟླ་བ་འཆར་བའི་ཚེ་སྤྲིན་གྱིས་བསྒྲིབས་པ་མེད་པ་དེ་ལྟར་སྣང་བའི་མཚན་མ་ནི་ཆུའི་དཀྱིལ་འཁོར་གྱི་ས་གཡོས་པ་ཞེས་བྱ་སྟེ། དེ་ལྟར་ས་གཡོས་པའི་ཕན་གནོད་ཀྱི་འབྲས་བུ་ཡང་དྲང་སྲོང་ཆེན་པོས་ཇི་ལྟར་མཐོང་བ་བཞིན་དུ་བསྟན་པར་བྱ་སྟེ། ཐང་བུ་དང༌། རི་ངོས་དང༌། ཞིང་དང༌། མཚོ་འགྲམ་དང༌། དེ་དག་ཏུ་ས་བོན་ཐོབ་ཤིག་དང༌། ས་དམའ་བ་དང༌། ཧ་ཅང་ཆུ་ཆེ་བའི་ས་དང༌། འདམ་རྫབ་ཅན་དུ་བཏབ་ན་ནི་མ་རུང་བར་འགྱུར་རོ། །ཚུལ་དེ་ལྟ་བུར་ས་གཡོས་པ་ནི་བཀྲ་ཤིས་ཏེ་ཆུའི་ས་གཡོས་པ་ཞེས་བྱའོ། །ཡང་ས་གཡོས་པའི་རྗེས་ལ་ཞག་བདུན་

---

^{[མ་དཔེ་གཟིགས་ན་འདིར་གནོན།]}

ཚུན་ཆད་དུ་རླུང་དྲག་པོ་ལངས་ལ། ནང་པར་དང་ནུབ་ཀར་ཉི་མ་དང་ཟླ་བ་དམར་སེར་དུ་སྣང་བ་དེ་ལྟ་བུའི་མཚན་མ་སྣང་བར་མཐོང་ན་དེ་ནི་རླུང་གི་ས་གཡོས་པ་ཞེས་བྱ་སྟེ། དེའི་ཕན་གནོད་ཀྱི་འབྲས་བུ་བསྟན་པ་ཉོན་ཅིག །དེའི་ཚེ་ཤེས་རབ་ཅན་བདག་གར་ཡང་མི་འགྲོ་བར་གོ་སྟེ། འདུག་ལ་མཚོན་ཆ་བསྐྱབ་པའི་གཅན་རྩིག་པ་དང༌། འོབས་བརྐོ་བ་གྱིས་ཤིག །རྒྱལ་པོ་ཕ་རོལ་པོ་དང༌། མཚམས་གཅིག་ཏུ་འདུག་པ་དང་རྩོད་པར་འགྱུར་ཏེ། སྐྱེ་བོ་ལ་འཇིགས་པ་འབྱུང་བར་འགྱུར་རོ། །དེ་ལྟར་ས་གཡོས་པ་ཐམས་ཅད་ནི་ལྷག་པར་མི་རྣམས་ལ་གནོད་པ་འབྱུང་བར་བསྒྲགས་ཏེ། དེ་ལྟ་བུ་ནི་རླུང་གི་ས་གཡོས་པ་ཞེས་བྱ་བའོ། །ཡང་ས་གཡོས་པའི་རྗེས་ལ་ཞག་བདུན་ཚུན་ཆད་དུ་དེའི་ཚེ་སྐར་མདའ་ཤིན་ཏུ་དྲག་པོ་ལྟུང་བ་དང༌། ནང་ནུབ་ཀྱི་ཚེ་དམར་པོ་གྱུར་ལ། ཉི་མ་དང་ཟླ་བ་ཡང་དམར་པོར་སྣང་སྟེ། ཚུལ་དེ་ལྟར་མཐོང་ན་དེ་ནི་མེའི་ས་གཡོས་པ་ཞེས་བྱ་སྟེ། ཁྱིམ་རྣམས་བསྲུངས་ཀྱང་མེས་ཚིགས་པར་འགྱུར་རོ། །དུ་བ་དང༌། མེ་དང༌། མཚོན་རབ་ཏུ་འབྱུང་བར་འགྱུར། ཟླ་བ་དགུར་ཆར་མི་འབབ་སྟེ། ཞིང་ཐ་བར་ལུས་པར་འགྱུར། དེ་ལྟར་ས་གཡོས་པ་ནི་ངན་ཅིང་མི་དགེ་སྟེ། མེའི་ས་གཡོས་པ་ཞེས་བྱའོ། །དེ་ལ་སྔ་དྲོ་ས་གཡོས་ན་རྒྱལ་པོ་དང༌། དམག་གི་དཔུང་དང་ལྡན་པ། རྟ་དང༌། གླང་པོ་ཆེ་དང༌། དམག་དཔོན་དང༌། བློན་པོར་བཅས་པ་ལ་མི་དགེའོ། །ཉི་མ་གུང་ལ་ས་གཡོས་ན་ནད་ཀྱིས་འདེབས་སོ། །ཕྱི་མ་རེད་ས་གཡོས་ན་བ་ལང་དང༌། ཕྱུགས་དང༌། དམངས་རིགས་དང༌། དེ་བཞིན་དུ་རྗེའུ་རིགས་རྣམས་ལ་གནོད་པར་འགྱུར་རོ། །ནང་པར་དང༌། ཉི་མ་ནུབ་པ་དང༌། ནམ་གྱི་གུང་དུས་མཚམས་སུ་ས་གཡོས་ན་རྐུན་པོ་དང༌། གོས་དམར་པོ་གྱོན་པའི་མི་རྣམས་ལ་མི་དགེའོ། །མཚན་མོ་སྲོད་ལ་ས་གཡོས་ན་གནོད་པ་བྱེད་པ་དང༌། མཐའ་འཁོབ་ན་གནས་པའི་རྐུན་པོ་རྣམས་དང༌། མ་ནིང་རྣམས་དང༌། མཚན་གྱུར་པ་རྣམས་དང༌། ཕྱུག་པོ་རྣམས་དང༌། ཚོང་སྤོགས་བྱེད་པའི་ཚོང་པ་དང༌། ཞིང་རྨེད་པ་ལ་མི་དགེའོ། །ཟླ་བ་མར་གྱི་ངོའི་ནམ་གུང་ལ་ས་གཡོས་ན་གཏུམ་པོ་དྲག་ཤུལ་ཅན་ངན་བྱེད་པ་རྣམས་ལ་མི་དགེའོ། །ཟླ་བ་ཡར་གྱི་ངོའི་ནམ་ཆུང་ལ་ས་གཡོས་ན་མཆོད་སྦྱིན་བྱེད་པའི་ཡོ་བྱད་དང༌། བྲམ་ཟེ་མཆོད་སྦྱིན་བྱེད་པ་རྣམས་ལ་གནོད་པར་འགྱུར་རོ། །ས་གཡོས་ཀྱི་ལེའུ་སྟེ་ཉི་ཤུ་བཞི་པའོ།། །།ཉི་མ་

---

^{[མ་དཔེ་གཟིགས་ན་འདིར་གནོན།]}

དང་ཟླ་བའི་འོད་དང༌། གཟུགས་བརྙན་གྱི་མཚན་མ་བསྟན་པ། ཡུལ་གང་དུ་ཉི་མ་ཤར་བའི་ཚེ་ཉི་མ་དང་འདྲ་བར་ནམ་མཁའ་ལ་སྣང་ན་དེའི་ལྷོ་བྱང་གི་ཕྱོགས་ཀུན་དུ་ཉི་མའི་དཀྱིལ་འཁོར་གྱི་གཟུགས་རབ་ཏུ་གསལ་བ་ཡང་མ་ཡིན། །འོད་ཟེར་ཡང་མི་གསལ་ལ། སྤྲིན་གྱིས་ཀྱང་ནམ་ཀུན་ཆོད་ན་དེ་ནི་ཆར་པ་འབབ་པ་ཡིན་ཏེ། དབྱར་གྱི་ཚེ་ནི་ཉི་མ་འདྲ་བ་རྟག་པར་ཡང་འབྱུང་ངོ༌། །དུས་འདི་མ་ཡིན་པ་དུས་གཞན་གྱི་ཚེ་ཉི་མ་འདྲ་བ་སྣང་ན་འཇིགས་པ་འབྱུང་བར་འགྱུར་རོ། །ཡུལ་གང་དུ་ཉི་མ་འདྲ་བ་དཀར་པོ་ཤར་ན་ཡུལ་དང་བྲམ་ཟེ་རྣམས་ལ་མི་རུང་ངོ༌། །ཉི་མ་འདྲ་བའི་ཁ་དོག་དམར་པོ་ཤར་ན་རྒྱལ་རིགས་རྣམས་དང༌། མཚོན་ཆ་ཐོགས་པས་འཚོ་བ་ལ་གནོད་པར་ཤེས་པར་བྱའོ། །ཉི་མ་འདྲ་བ་ཁ་དོག་སེར་པོའམ་ཁ་དོག་སྔོན་པོར་འགྱུར་ན་རྗེའུ་རིགས་རྣམས་དང༌། བ་ལང་དང༌། ཕྱུགས་ཀྱིས་འཚོ་བའི་མི་རྣམས་ལ་གནོད་པར་ཤེས་པར་བྱའོ། །གལ་ཏེ་ཡུལ་གང་དང་གང་དུ་ཉི་མ་འདྲ་བ་ཁ་དོག་ནག་པོར་ཤར་ན་དམངས་རིགས་རྣམས་ལ་གནོད་པ་དང༌། ཆར་པ་ཆེར་འགྱུར་རོ། །གལ་ཏེ་ཉི་མའི་གཡས་རོལ་དུ་ཉི་མ་འདྲ་བ་བྱུང་ན་ལྷོ་ཕྱོགས་སུ་འཇིགས་པ་ཆེར་འབྱུང༌། །ཞག་བདུན་ཚུན་ཆད་ཆར་འབབ་པར་བཤད་དོ། །ཉི་མའི་བྱང་ཕྱོགས་ནི་ཉི་མ་འདྲ་བར་ཁ་དོག་དཀར་པོར་སྣང་བ་བྱུང་ན་དེ་ནི་བྱང་ཕྱོགས་ཀྱི་རྒྱལ་པོ་ལ་འཇིགས་པ་ཆེར་འབྱུང༌། །ཆར་མི་འབབ། མུ་གེ་འབྱུང༌། ཕན་ཚུན་དུ་འཐབ་པར་འགྱུར། གལ་ཏེ་ཡུལ་གང་དུ་ཉི་མའི་དཀྱིལ་འཁོར་དམར་བར་སྣང་ན་བཙོད་ཀྱི་ཁ་དོག་ལྟར་དམར་ལ། གལ་ཏེ་སྔོན་པོ་ཡང་སྣང་ན་ཟླ་བ་ལྔ་ན་རྒྱལ་པོ་འཆི་བར་འགྱུར་རོ། །དེ་ལྟ་བུ་བྱུང་ན་དེའི་རྗེས་ལ་ལྟས་ངན་དྲག་པོ་འབྱུང་སྟེ། རྒྱལ་པོ་འཐབ་ཅིང་གསོད་པ་དང༌། ཁྲག་དང་མཁྲིས་པའི་ནད་རྣམས་ཀྱང་འབྱུང་བར་འགྱུར་རོ། །ནམ་ཉི་མའི་དཀྱིལ་འཁོར་གྱི་ནང་ན་མེ་སྐྱེས་པའི་གཟུགས་འདྲ་བ་གོ་དང་བཅས་པ་གསལ་བར་སྣང་ན་ཟླ་བ་བཞི་ཚུན་ཆད་དུ་རྒྱལ་པོ་འཆི་བར་འགྱུར་རོ། །ཡུལ་དེར་རྒྱལ་པོ་སྡེ་དང་བཅས་ཏེ་མ་རུང་བར་འགྱུར་རོ། །ཉི་མའི་དཀྱིལ་འཁོར་གྱི་ནང་ན་ཞགས་པ་སྔོན་པོ་དང༌། སེར་པོ་དང་དམར་པོ་ཤར་བ་ནམ་སྣང་བའི་ཚེ་ཟླ་བ་བཞིན་མིའི་དབང་པོ་མ་རུང་བར་འགྱུར་བ་དང༌། ཡུལ་དུ་མི་ནད་ཀྱང་འབྱུང་སྟེ། འཇིགས་པ་ཆེན་པོ་ཤེས་པར་བྱའོ། །ནམ་ཉི་མའི་དཀྱིལ་འཁོར་ལ་རལ་གྲི་གྱེན་དུ་འགྲེང་

---

^{[མ་དཔེ་གཟིགས་ན་འདིར་གནོན།]}

པ། ཨུཏྤལ་སྔོན་པོའི་འདབ་མ་དང་འདྲ་བ་ཆད་ཟུང་དང་བཅས་པ་གསལ་བར་སྣང་བ་དང༌། གང་དུ་ཞགས་པར་སྣང་བ་དེ་ཉིད་ཀྱི་འབྲས་བུ་ཡང་འདིར་བསྟན་ཏེ། ཁྱད་པར་དུ་མི་མང་པོ་མཚོན་གྱིས་འཆི་བར་འགྱུར་རོ། །ཉི་མའི་དཀྱིལ་འཁོར་གྱི་ནང་ན་རིལ་བ་སྤྱི་བླུགས་ལྟ་བུའམ། རེང་རེང་པོའམ། བུབ་ལྟ་བུ་སྣང་ན་ཟླ་བ་གསུམ་ཚུན་ཆད་དུ་བྲམ་ཟེ་རྣམས་དང༌། རྒྱལ་པོ་ལ་ཡང་གནོད་པ་འབྱུང་བར་སྟོན་ཏོ། །དེའི་ཚེ་ལོ་མ་རུང་བར་འགྱུར་བའི་ཆར་མོ་ཆེ་འབབ་པ་དང༌། མུ་གེ་འབྱུང་བར་འགྱུར་རོ། །ཉི་མའི་དཀྱིལ་འཁོར་གྱི་ནད་ན། བསིལ་ཡབ་འདྲ་བ་དང༌། ཡང་ན་སྦྲུལ་འདྲ་བ་སྣང་ན་ཟླ་བ་གསུམ་ན་ཡུལ་དུ་འཇིགས་པ་དྲག་པོ་འབྱུང་བར་སྟོན། །མི་སྦྲུལ་གྱིས་ཟིན་པ་རྣམས་ཀྱང་སྤྲུལ་གྱི་དུག་གིས་ཕོག་པས་མི་འཚོ་བར་འགྱུར་རོ། །ཉི་མའི་དཀྱིལ་འཁོར་གྱི་ནང་ན། གལ་ཏེ་བྱ་རོག་ལྟ་བུ་སྣང་ངམ་འོན་ཏེ་བྱ་སྣང་ན་བྲམ་ཟེ་རྣམས་དང༌། རྒྱལ་པོ་ལ་གནོད་པ་ཟླ་བ་ཕྱེད་དང་གསུམ་ན་འབྱུང་བར་འགྱུར་རོ། །ཡང་ཉི་མའི་དཀྱིལ་འཁོར་གྱི་ནང་ན་བྱ་རྒོད་ཀྱི་གཟུགས་དང༌། གཅན་གཟན་སྨྲི་གང་མ་ཏི་ཀའི་གཟུགས་ལྟ་བུ་སྣང་ན་ཟླ་བ་ཕྱེད་དང་གཉིས་ན་གནོད་པ་འབྱུང་ངོ༌། །ཝའི་གཟུགས་ལྟ་བུ་སྣང་ན་ཟླ་བ་གཅིག་ན་གནོད་པ་འབྱུང་ངོ༌། །ལུང་བོང་གི་གཟུགས་ལྟ་བུ་སྣང་ན་ཞག་བཅུ་ན་གནོད་པ་འབྱུང་ངོ༌། །ཡང་ཉི་མའི་དཀྱིལ་འཁོར་གྱི་ནང་ན་དབྱིག་པ་ལྟ་བུའམ། གཏན་བ་སྦོམ་པོ་ལྟ་བུ་ཉི་མའི་ནང་ན་སྣང་ན་རྒྱལ་པོ་ཕན་ཚུན་གཅིག་པས་གཅིག་སྲིད་ཆེ་བས་བསྙེམས་པ་དང༌། རྒྱ་མཚོ་བཞི་ལ་དབང་བའི་མིའི་དབང་པོ་དེ་ལྟ་བུ་ལ་མི་དགེ་སྟེ། །འཇིགས་པ་མངོན་དུ་འབྱུང་བར་འགྱུར་རོ། །དེ་ལྟར་ལྟས་ངན་གྱི་འབྲས་བུ་འབྱུང་བའི་དུས་ངེས་པ་བསྟན་པ་ལས་དུས་དེར་གནོད་པ་མ་བྱུང་སྟེ་མི་སྣང་ན་དེ་ནི་ལོ་གཅིག་ན་འབྲས་བུ་སུམ་འགྱུར་དུ་སྐྱེ་སྟེ། གནོད་པ་འབྱུང་བར་སྟོན་ཏོ། །ཟླ་བ་དུམ་བུར་ལྷགས་སམ། མདོག་གྱུར་ཏམ། གས་པ་དང༌། ཟླ་བའི་གཟུགས་ཆེན་པོར་གྱུར་ཏམ། འཕྲོ་བ་དང༌། རབ་ཏུ་གཡོ་བ་དང༌། ཟླ་བ་ཚེས་པའི་རྭ་མི་གསལ་བ་འདི་རྣམས་ལྟར་སྣང་ན་སྐྱེ་བོ་ལ་འཇིགས་པ་བྱུང་བའམ་སྐྱེ་བོ་ལ་འཇིགས་པ་འབྱུང་བར་འགྱུར་རོ། །ཟླ་བ་དེ་ལ་གཟའ་སྤྱང་ཀིས་ཐམས་ཅད་ཟིན་ན་ཡང་སྐྱེ་བོ་ལ་འཇིགས་པ་འབྱུང་བར་བཤད་དོ། །ཚུལ་འདི་དང་འདྲ་བར་ཉི་མ་ལ་གཟའ་ཞུགས་ཏེ། ཉི་མ་ཤི་ན་ཡང་ཟླ་བ་དང་འདྲ་བར་

---

^{[མ་དཔེ་གཟིགས་ན་འདིར་གནོན།]}

བལྟ་ཞིང་བག་ཡོད་པར་ཡིད་ལ་བཟུང་ཞིང་ཤེས་པར་བྱའོ། །ཡང་ཟླ་བའི་མདོག་ཐལ་བ་འདྲ་བ་དང༌། སྔོ་རེང་འདྲ་བ་དང༌། ཟངས་འདྲ་བའི་མདོག་དང༌། མདོག་སེར་པོ་དང༌། སྐྱ་བོ་དང༌། བྱི་རུའི་མདོག་ཏུ་སྣང་བ་དང༌། ཟླ་བའི་མདོག་མི་གསལ་བ་སྣང་ན་མིག་ནད་ཀྱི་འཇིགས་པ་འགྱུར་བ་དང༌། མཚོན་གྱིས་འགྱེད་པ་དང༌། ནད་ཀྱི་འཇིགས་པ་འབྱུང་བ་དང༌། གཞན་ཡང་གནོད་པ་འབྱུང་བར་འགྱུར་རོ། །ཡང་ཟླ་བའི་མདོག་དཀར་ལ་སྣུམ་ཞིང་གསལ་བར་སྣང་ན་ཕྱོགས་སུ་བདེ་བ་དང་ཆར་ཆེ་བ་དང་ཞི་བར་འགྱུར་རོ། །དེ་ལྟར་ཟླ་བ་འགྲོ་བ་དང༌། བྱ་བ་དང༌། གནས་པ་དང༌། ཟླ་བའི་ཚད་དང༌། མདོག་གྱུར་པ་དང༌། ཚུལ་དང༌། ཟ་བ་རྒྱུ་བ་ཡང་སེམས་ཅན་གྱི་བསོད་ནམས་མ་ཡིན་པ་བྱས་པའི་འབྲས་བུ་མུ་གེ་དང༌། མཚོན་དཀར་འགྱེད་པ་དང༌། འཆི་བ་དང༌། ཚེགས་འབྱུང་བའི་གནོད་པ་འབྱུང་བར་སྟོན་ཏོ། །མཚན་མོ་ཟླ་བ་ཚེས་པ་ནས་གཟའ་རྣམས་ཀྱིས་ཟླ་བའི་སྟེང་ན་ཕར་ཐལ་ཏེ་སོང་ན་དེ་རྣམས་ཀྱི་གནོད་པའི་དམིགས་པ་སོ་སོར་བསྟན་ཏེ། སྤྱིར་ནི་རྒྱལ་པོ་དང༌། མི་དམ་པ་མ་རུང་བར་འགྱུར། །ཆར་པ་ཧ་ཅང་ཆེ་བ་དང༌། བླ་མ་མ་རུང་བར་འགྱུར་བ་དང༌། རྒྱལ་སྲིད་མ་རུང་བར་སྤྱིར་སྟོན་ཏོ། །ཟླ་བའི་སྟེང་ན་པ་སངས་ཀྱིས་མནན་ཏེ་སོང་ན་རྒྱལ་པོ་ངན་པ་མ་རུང་བར་འགྱུར་རོ། །ཟླ་བའི་ཐོག་ནས་མིག་དམར་དང་སྤེན་པས་ནོན་ཏེ་སོང་ན་བཀྲེས་པས་འཇིགས་པ་དང༌། ཁོ་ན་དྲག་ཤུལ་ཅན་དུ་འབྱུང་བ་དང༌། རབ་ཏུ་འཇིགས་པ་འབྱུང་བར་འགྱུར་རོ། །ཟླ་བ་ལ་ཕོད་མཇུག་རིངས་ཀྱིས་ནོན་ཏེ་སོང་ན་མུ་གེ་དང༌། མཚོན་གྱིས་འགྱེད་པར་སྟོན་ཏེ། །ཟླ་བ་ལ་གཟའ་ལག་གིས་ནོན་ཏེ་སོང་ན་ལོ་ལེགས་པ་དང༌། བདེ་བར་འགྱུར་རོ། །དེ་ལྟར་ཟླ་བའི་སྟེང་ན་ཕར་གཟའ་རྣམས་ཀྱིས་ནོན་ཅིང་ཕུག་སྟེ་སོང་བའི་འབྲས་བུ་དེ་ལྟར་བསྟན་པ་ཡིན་ནོ། །གཟའ་རྣམས་ཀྱིས་ཟླ་བ་ཕུག་སྟེ་སོང་བ་དེའི་འབྲས་བུ་ནི་ཟླ་བ་གཟས་ཕུག་པ་ལས་ཟླ་བའི་གཟུགས་ཆེར་སྐྱེས་ལ་འོད་ལྷག་པར་ཆེན་དེ་ནི་རྒྱལ་བ་ཞེས་བྱའོ། །གལ་ཏེ་ཕམ་པར་གྱུར་ཏེ། མཐུ་རྩལ་བྲི་བ་ན་ཟླ་བ་འདར་ཞིང་གཡོན་ཕམ་པ་ཞེས་བྱའོ། །དེ་ལ་པ་བསངས་ཀྱིས་ཕུག་སྟེ་སོང་ན་ཡུལ་མན་ཏྲ་དང༌། ཡུལ་བན་ཏྲ་ཙམ་དང༌། ཡུལ་ག་ག་དྷཱ་དང༌། ཡུལ་ད་མོ་ཏྲ་དང༌། ཡུལ་ཀུ་བ་ར་དང༌། མར་གྱི་ཡུལ་དང༌། ཡུལ་ས་ར་ག་ར་དང༌། ཡུལ་ཁ་ཤ་དང༌། ཡུལ་བུ་ལིན་ཏྲ་དང༌། ཡུལ་ཀེ་ཀེ་ལ་

---

^{[མ་དཔེ་གཟིགས་ན་འདིར་གནོན།]}

དང། ཁ་ཆེའི་ཡུལ་དང༌། པར་སིག་གི་ཡུལ་དང༌། རི་ཁྲོད་ན་གནས་པ་རྣམས་དང༌། བུད་མེད་རྒྱལ་མོ་བྱེད་པའི་ཡུལ་དང༌། ཡུལ་ཨུ་པ་ཏྲི་ཏྲ་དང༌། ཡུལ་ཨང་ག་དང༌། ཡུལ་ཨུ་ཏུ་ཀུར་ཙ་དང༌། ཡུལ་སུ་ཙ་དང༌། ཡུལ་སུ་ཤི་ན་ར་དང༌། ཡུལ་པུ་རུ་ཤ་དང༌། ཡུལ་བུ་ལིན་ཧ་དང༌། བལ་ཡུལ་དང༌། བ་ལང་རྫི་ལ་སོགས་པ་རྣམས་དང༌། ཡུལ་པྲ་ཏ་ན་དང༌། ཡུལ་སྟ་ལ་ད་ན་དང༌། བཅུ་ལ་གནས་པའི་མི་རྣམས་དང༌། གངས་རིའི་ལྷོ་ཕྱོགས་ཀྱི་ངོས་ལ་གནས་པའི་མི་རྣམས་ལ་ཟླ་བ་བདུན་ཚུན་ཆད་ཀྱི་གཉེན་དང་བཅས་པ་རྣམས་མ་རུང་བར་འགྱུར་བ་འབྱུང་བར་འགྱུར་རོ། །ནམ་ཟླ་བ་འོད་གསལ་བ་ལ་ཕུར་བུས་ཕུག་སྟེ་སོང་ན་ཡུལ་པ་ས་ཏ་དང༌། ཡུལ་སིན་དྷ་དང༌། ཡུལ་གན་དྷཱ་ར་དང༌། རི་ཁྲོད་ན་གནས་པའི་མི་རྣམས་དང༌། བག་ལེའི་ཡུལ་དང༌། སོག་ལེའུ་ཡུལ་གྱི་ལུང་པའི་ལྗོན་ནས་རི་ཁྲོད་པ་བརྒྱ་སྟོང་སྙེད་དང༌། ཁ་ཆེ་ཡུལ་གྱི་མི་ལ་ཟླ་བ་བཅུ་ཚུན་ཆད་ཀྱིས་གནོད་པར་ཐེ་ཚོམ་མེད་པར་འགྱུར་རོ། །ནམ་ཟླ་བའི་འོད་གསལ་བ་མིག་དམར་གྱིས་ཕུག་ན་རྒྱལ་པོ་ཡུལ་གཞན་དུ་འགྲོ་བའམ། རྒྱལ་སྲིད་བྱ་བར་བརྩོན་པའམ། རྒྱལ་སྲིད་བྱེད་པར་ཞུགས་པ་ལ་མ་རུང་བར་འགྱུར་རོ། །བཞོན་པའི་རྟ་རྣམས་ཟད་པར་འགྱུར། །ཕན་ཚུན་དུ་དབྱེ་ཞིང་གནོད་པ་དང༌། དུག་དང་མཚོན་མང་པོས་མ་རུང་བར་འགྱུར། ཡུལ་ཨ་ཡོ་དང༌། ཡུལ་པུ་ལིན་དང༌། ཡུལ་ཀ་ལིང་ཀའི་རྒྱལ་པོ་རྣམས་དང༌། ཡུལ་པུ་རི་དང༌། ཡུལ་ཤ་ཀ་ཏི་མི་ཏའི་སྐྱེ་བོ་རྣམས་མ་རུང་བར་འགྱུར་རོ། །ཡུལ་ཏེ་གར་ཏ་དང༌། ཡུལ་མ་ལ་ཡ་བ་དང༌། ཡུལ་ཀུ་ར་དང༌། ཡུལ་པ་ཏད་ཙ་ར་དང༌། ཡུལ་ཤི་བ་ཡའི་མི་རྣམས་དང༌། དམག་དཔོན་རྣམས་དང༌། མིའི་ཚོགས་རྣམས་དང༌། དམག་གི་ཚོགས་རྣམས་དང༌། དཔུང་དང་ལྡན་པའི་དུས་དང༌། དང་ཚུལ་ལ་སོགས་པ་དང་ལྡན་པའི་མི་རྣམས་དང༌། ཡུལ་ལྷོ་ཕྱོགས་ན་གནས་ཤིང་རྟེན་པའི་མི་རྣམས་ལ་ཟླ་བ་དྲུག་གིས་འཇིགས་པ་འབྱུང་བར་སྟོན་ཏོ། །ནམ་ཟླ་བ་གཟའ་སྤེན་པས་ཕུག་སྟེ་སོང་ན་བྲམ་ཟེ་གཙོ་བོ་དང༌། རྒྱལ་པོ་གདུགས་ཐོགས་པ་འཐབ་མོའི་གཡུལ་དུ་འཇུག །འཐབ་པར་བྱེད། བློན་པོ་དང་བཅས། །སྡེའི་གཙོ་བོ་དཔོན་ཚན་རྣམས་འཐབ་པར་འགྱུར། །གྲོང་རྡལ་དང༌། ཚོང་བ་ལམ་དུ་ཞུགས་པ་དང༌། ཡུལ་ཨ་ཙུ་ཏའི་མི་དང༌། ཡུལ་གོའུ་སའི་མི་དང༌། ཡུལ་

---

^{[མ་དཔེ་གཟིགས་ན་འདིར་གནོན།]}

ཨ་བི་ཤ་ཧའི་མི་དང༌། ཡུལ་ག་ཤུད་ཏྲའི་མི་དང༌། ཡུལ་མ་ལ་བ་དང༌། ཡུལ་ཨ་པི་ར་དང༌། མྱ་ངན་རྣམས་དང༌། ཡུལ་མང་བ་རྣམས་དང༌། བ་ལང་དང༌། བོང་བུ་དང༌། རྔ་མོ་དང༌། འདི་རྣམས་རྒྱལ་མཚན་དུ་བྱེད་པའི་ཡུལ་རྣམས་མ་རུང་བ་དང༌། ཡུལ་རུས་པ་ཅན་དུ་འགྱུར་རོ། །ཡུལ་དེ་རྣམས་ཀྱི་མི་ལ་ཟླ་བ་བཅུ་བཞི་ན་སྡིག་པ་ཞི་བ་དང་ལྡན་པ་ཡིན་ནོ། །ནམ་གཟའ་ལག་གིས་ཟླ་བ་ཕུག་ན་ལོ་ལེགས། ནད་མེད་ཆར་པ་ལེགས་པར་འབབ། སྐྱེ་བོ་ལ་གནོད་པ་མེད་ཅིང་བདེ་བ་དང༌། ཞི་བར་འགྱུར་རོ། །ཟླ་བ་ཕོད་མཇུག་རིངས་ཀྱིས་ཕུག་སྟེ་སོང་ལ། གལ་ཏེ་སྐར་ཐོད་ལས་དུད་པ་འཐུལ་ན་མི་དཔའ་བོ་དང༌། མཚོན་གྱིས་འཚོ་བ་རྣམས་དང༌། ཆོམ་རྐུན་བྱེད་པའི་མི་རྣམས་གཞན་གྱི་མཐུ་རྩལ་དང༌། གནོད་པ་དང༌། དྲག་ཤུལ་གྱིས་འཆི་བར་འགྱུར་རོ། །ཡང་གལ་ཏེ་ཟླ་བ་དེ་ལ་གཟའ་གཞན་གྱིས་འབུགས་ཤིང་ཟླ་བའི་ངོས་ལ་འདུད་ཅིང་རེག་པར་སོང་ན་མཚོན་གྱི་གནོད་པ་སྣ་ཚོགས་མང་པོ་འབྱུང་ངོ༌། །ལ་ཏེ་ཟླ་བའི་ནང་དུ་གཟའ་རྣམས་སོང་སྟེ་ནུབ་ན་རྒྱལ་པོ་འཆི་བ་དང༌། ལུས་དང་ནོར་ཡང་མ་རུང་བར་འགྱུར་རོ། །ཡང་བཙས་པའི་བླ་སྐར་གྱི་ནང་དུ་གཟའ་སྤྱང་ཀི་ཞུགས་པ་འམ། །ཟླ་བ་ལ་གཟའ་སྤྱང་ཀི་ཞུགས་ལ་སྐར་མདའ་ཟླ་བ་ལ་ཕོག་ན་རྒྱལ་པོ་འཆིའོ། །ཟླ་བ་དང་གཟའ་གཉིས་ཀྱི་འོད་ཟེར་ཕྲད་པ་དང༌། གཟའ་ཟླ་བའི་ཐོག་ན་ཕར་ནོན་ཏེ་རེག་པར་སོང་ན་གསར་དུ་ཞུགས་པས་སྔ་ན་གནས་པ་རྣམས་ཕམ་པར་བྱེད་པ་དང༌། རྒྱལ་པོས་སྐྱེ་བོ་རྣམས་འཇོམས་ཤིང་ཟ་བར་འགྱུར་རོ། །ཟླ་བ་མེ་ཏོག་པདྨ་དང་མེ་ཏོག་ཀུ་མུ་ད་དང་འདྲ། །ཚེས་གྲངས་བཞིན་དུ་ཟླ་བ་སྐྱེ་ཞིང་ཤས་ཆེར་སྣང་ན། དཀྱིལ་འཁོར་འོད་ཟེར་ལྡན་ཏེ་ཉམས་པ་མེད་པར་འགྲོ་བ་ཡིན། དེ་ལྟར་འོད་ཟེར་བསིལ་ལྡན་མི་རྣམས་རྒྱལ་བར་འགྱུར། །ཟླ་བ་འཆར་ཞིང་འགྲོ་བར་བཤད་པའོ།། །།རྒྱུ་སྐར་དང༌། རྒྱུ་སྐར་གྱི་ཁྱིམ་གྱི་ནང་དུ་གཟའ་མིག་དམར་ཞུགས་པའི་མཚན་མ་བསྟན་པ། རྒྱུ་སྐར་རྒྱུ་སྐར་གྱི་ཁྱིམ་གང་ཡང་རུང་བའི་ནང་དུ་གཟའ་མིག་དམར་འོད་ཀྱི་མདོག་འཇམ་པ་དང་ལྡན་ཞིང་ཆེན་པོར་འགྱུར་ཏེ། ཟླ་བ་བརྒྱད་དམ། ཟླ་བ་བདུན་གྱི་བར་དུ་ཞུགས་ཤིང་འདུག་པ་ལས་འོད་ཀྱི་ཁ་དོག་དང༌། བོངས་ཆེ་བ་ཉམས་ན་དེ་ནི་མི་དགེ་བ་ཡིན་ཏེ། རྒྱུ་སྐར་གང་དང་གང་གི་ནང་དུ་གཟའ་མིག་

---

^{[མ་དཔེ་གཟིགས་ན་འདིར་གནོན།]}

དམར་ཞུགས་པ་དེ་ཉིད་ལ་གནོད་པར་འགྱུར་རོ། །གཟའ་མིག་དམར་ཚུལ་དེ་ལྟ་བུར་ཞུགས་པ་ནི་སྐྱེ་བོ་རྣམས་ལ་གནོད་པར་འགྱུར་རོ། །ཡང་གཟའ་མིག་དམར་ཡོན་པར་འགྲོ་ཞིང་འཇུག་པ་དང༌། ཕྱིར་ཡང་འཁོར་ཞིང་ཞུགས་པ་དང༌། མིག་དམར་གྱི་འོད་དང་མདོག་ཉམས་པ་དང༌། གཟའ་མིག་དམར་རྒྱུ་སྐར་དང་ཉེ་ཞིང་འོད་འདྲེས་པ་དང༌། མིག་དམར་ལས་དུད་པ་འཐུལ་བ་དང༌། འབར་བ་དང༌། མིག་དམར་གྱི་རྩེ་མོ་ལུས་འོད་ཟེར་དང་ལྡན་པར་འགྱུར་བ་དང༌། ཕན་ཚུན་དུ་འཕོ་ཞིང་འགྲོ་བའམ། ལམ་གཅིག་ཏུ་འདུག་ལ་འོད་དམར་པོ་འམ། ཡང་ན་དུད་པ་མི་སྡུག་པ་ཆེར་འཐུལ་ན་གནོད་པ་བྱེད་པ་འདོད་པ་དེ་ནི་རྒྱལ་པོ་འཆི་བར་འགྱུར་རོ། །ཡང་ན་གཟའ་མིག་དམར་འོད་དམར་པོ་འབར་ན་འབྱུང་པོ་ཐམས་ཅད་ལ་མི་རུང་བར་འགྱུར་རོ། །ཡང་ན་གཟའ་མིག་དམར་ནམ་མཁའ་ལ་རྒྱུ་ཞིང་ཤར་ནུབ་ལྟས་མི་སྣང་བར་འགྲོ་ན། མི་རིགས་བཞི་རྣམས་འཇིགས་པར་འགྱུར། །གང་དང་གང་གི་རྒྱུ་སྐར་ནང་དུ་ཞུགས་སོ། །དེ་ལྟར་མི་སྣང་ན་མི་དེ་དག་ལ་གནོད་པར་འགྱུར་རོ། །ནམ་གཟའ་མིག་དམར་རྒྱུ་སྐར་དང། སྐར་མ་ཀུན་གྱི་ནང་དུ་འོད་ཀྱི་མདོག་བཟང་པོར་སྣང་ན། མི་རིགས་བཞི་ཐམས་ཅད་ལ་ཕན་པར་འགྱུར་རོ། །མིག་དམར་གྱི་མདོག་དང༌། འོད་ཉམས་ན་མི་དགེ་སྟེ་ངན་པར་བལྟའོ། །ཡང་གཟའ་མིག་དམར་ཡོན་པོར་འགྲོ་ཞིང་འཇུག་པ་ཚ་བ་ཞེས་པ་བྱ་བ་དང༌། གདོང་མཆི་མ་ཅན་ཞེས་བྱ་བ་དང༌། སྦྲུལ་ཞེས་བྱ་བ་དང༌། གདོང་དམར་པོ་ཞེས་བྱ་བ་དང༌། མིག་དམར་ཡོན་པོར་འགྲོ་བར་དྲག་ཤུལ་ཅན་ཞེས་བྱ་བ་དང༌། དེ་བཞིན་དུ་གཏུན་བུ་ཞེས་བྱ་བ་དང༌། མིག་དམར་ཤར་བ་རྒྱུ་སྐར་བདུན་གྱི་ནང་དུ་ཞུགས་པ་དང༌། ཡང་ན་རྒྱུ་སྐར་དགུའམ་ཡང་ན་རྒྱུ་སྐར་བརྒྱད་ཀྱི་ནང་དུ་ཞུགས་པ་ལས་ཕྱིར་ལོག་ན་དེ་ནི་ཡོན་པོ་ཚང་བ་ཞེས་བྱའོ། །མིག་དམར་དེ་ལྟར་ཞུགས་པ་ལ་དེའི་ཚེ་ཁང་ཐོག་གི་ཐད་ཀའམ་ནགས་ཚལ་གྱི་ཏོར་ཏོའི་ཀ་ནས་མིག་དམར་རྟག་ཏུ་རྒྱལ་བ་བཞིན་དུ་འདུག་ལ། ནག་གུ་རེང་རེང་པོ་ཞིག་ཏུ་གྱུར་ན་རིམས་ནད་ཀྱང་འབྱུང༌། །རབ་ཏུ་དགའ་བ་མེད་པར་བྱེད། །གང་དག་མེའི་ལས་ཀྱིས་འཚོ་ཞིང་བཙོ་བ་དང༌། སྲེག་པར་བྱེད་པ་དེ་དག་ཀྱང་མེ་ཤོར་ཤིང་ཐར་པས་སྐྱེ་བཟད་པར་འགྱུར་རོ། །རྒྱུ་སྐར་བཅུ་གཅིག་གམ་ཡང་ན་རྒྱུ་སྐར་བཅུ་འམ་ཡང་ན་བཅུ་གཉིས་ཀྱི་ནང་དུ་ཞུགས་ཏེ་འདུག་ན་དེ་ནི་གཟའ་འདྲ་པོ་ཡོན་པོར་ཞུགས་པ་གདོང་འཆི་མ་ཞེས་བྱ་སྟེ། གཟའ་དེ་ལྟར་ཞུགས་པ་ན་སྤྲིན་དུ་ཆར་པ་འབབ་སྟེ། ཆར་ལེགས་པར་འབབ་ཀྱང་གཞན་གྱིས་གནོད་པ་བྱས་བས་ཕམ་པར་མི་འགྱུར། །མིའི་ལུས་ཀྱི་སྲོག་གཟུང་ལྔ་ཡང་ནད་ཅན་དུ་འགྱུར་བ་དེའི་ཕྱིར་ན་ནད་མང་པོ་འབྱུང་བས་མི་ཀུན་རིད་ཅིང་སྐེམས་པ་དང༌། འཇིག་

---

^{[མ་དཔེ་གཟིགས་ན་འདིར་གནོན།]}

རྟེན་དུ་མི་རྣམས་ལ་ནད་མང་པོ་འབྱུང་བར་འགྱུར་རོ། །རྒྱུ་སྐར་བཅུ་གསུམ་མམ་ཡང་ན་རྒྱུ་སྐར་བཅུ་བཞིའི་ནང་དུ་གཟའ་མིག་དམར་ཞུགས་པ་ལས་སླར་ལོག་ན་དེ་ནི་ཡོན་པོ་སྦྲུལ་ཞེས་བྱ་སྟེ། གླང་པོ་ཆེ་རྣམས་དང༌། སྤྲུལ་པོ་ཆེ་དང་སྦྲུལ་རྣམས་ཀྱིས་གནོད་པ་བྱེད་པར་འགྱུར། མཚོན་གྱིས་སྨྲས་པ་རྣམས་མི་འཚོ། །སྨན་དང་འབྲས་བུ་རྣམས་དང། ལྡུམ་བུ་རྣམས་ལེགས་པར་སྨིན་ཅིང་འཁྲུངས་པར་འགྱུར། ཆར་སྙོམས་པར་འབགས་བོན་ཐམས་ཅད་རབ་ཏུ་འཁྲུང་ངོ༌། །ཡང་རྒྱུ་སྐར་བཅོ་ལྔའམ། བཅུ་དྲུག་གི་ནང་དུ་གཟའ་ཞུགས་ན། གང་འདྲ་གཤུལ་ཅན་དེ་གདོང་དམར་པོ་ཞེས་བྱ་སྟེ། རྒྱལ་པོ་ཕན་ཚུན་འཐབ་ཅིང་གཡུལ་བཀྱེ་སྟེ། མཚོན་གྱིས་སྨས་པས་དེའི་ཚེ་ཤ་ཁྲག་གི་འདམ་དུ་འགྱུར་རོ། །ཡང་གཟའ་མིག་དམར་རྒྱུ་སྐར་བཅུ་བདུན་གྱི་ནང་དུ་ཞུགས་ཏེ། ཕྱིར་ལོག་ན་དེ་ནི་དྲག་ཤུལ་ཅན་དང༌། གཏུན་བུ་དྲག་པོ་ཞེས་བྱ་སྟེ། དེའི་ཚེ་ན་སྐྱེ་བོ་མང་པོ་རྣམས་སྙིང་རྗེ་མེད། །སྙིང་བརྩེ་བ་མེད། །བཀའ་ཁྲིམས་དང༌། ཆོས་ལུགས་མེད་དེ། །དེའི་དུས་ནི་སྐྱེ་བོ་རྣམས་གཅིག་ལ་གཅིག་རལ་གྲི་དང༌། མདུང་བུས་འདེབས་ཤིང་འཕེལ་བར་འགྱུར་རོ། །གཞན་ཡང་གཟའ་མིག་དམར་གཟའ་དྲུག་ཏུ་འཕོ་ཞིང་འགྲོ་བ་ཚངས་པ་སྐྱེ་དགུའི་བདག་པོ་ལྟར་རབ་ཏུ་སྟོན། །དེ་ལྟ་བུ་ལ་མིག་དམར་དེ་སོང་ངམ། །འདུག་གམ། ཡོད་དམ། མེད་དམ་བྱར་ཡང་མི་རུང་སྟེ། དེ་ལ་ནམ་ཟླ་བ་གསུམ་གྱི་བར་དུ་གཟའ་མིག་དམར་རབ་ཏུ་སང་ན་དེའི་ཚེ་སྐྱེ་བོར་མིས་ནད་ཀྱིས་མ་རུང་བ་དང༌། སའི་བཅུད་ཟད་པར་འགྱུར་རོ། །གཟའ་མིག་དམར་བོང་ས་ཆུང་དུ་འགྱུར། །རྣམ་པར་གཟེར་བར་འགྱུར། །རྣམ་པར་གནོད་པར་འགྱུར། །དཀྱིལ་འཁོར་ཆུང་དུར་གྱུར་པར་ཡུལ་ཕྱོགས་གང་ན་སྣང་བ་དེའི་ཚེ་མིག་དམར་ཕན་པ་ཞེས་བྱ་སྟེ། དེ་ནི་ཡུལ་ཕྱོགས་སུ་གནོད་པར་འགྱུར་རོ། །གཟའ་མིག་དམར་དེ་ལྟར་གྱུར་ན་མེའི་ལས་དང༌། མེ་ལ་རྗེད་པའི་ལས་བྱེད་པའི་མི་དང༌། ཡུལ་མ་ལེ་བྱའི་མི་དང༌། ཡུལ་ཀུ་ཤའི་མི་དང༌། ཡུལ་ཉ་ཤའི་མི་དང༌། ཡུལ་བི་ཏིའི་མི་དང༌། ཡུལ་ས་ལ་ད་མིའི་མི་རྣམས་དང༌། ཡུལ་ལ་བའི་མི་དང༌། ཡུལ་མོག་ཏུའི་མི་དང༌། ཡུལ་ལྟའི་རྗེད་པའི་མི་རྣམས་དང༌། ཡུལ་མོ་གུ་ར་དང༌། ཡུལ་མེའི་དབང་པོ་ཞེས་བྱ་བ་དང༌། ཡུལ་སྦ་ར་ཞེས་པ་འདི་རྣམས་ལ་གཟའ་གཞན་གྱིས་གཟའ་མིག་དམར་ཕམ་པར་བྱས་ནས་ཡུལ་དེ་རྣམས་ཀྱི་མི་ལ་གནོད་པར་འགྱུར་རོ། །གཟའ་མིག་དམར་འཇུག་པ་བསྟན་པའོ། །ཨཱཪྻ་ཤ་རུ་ལ་ཀརྞཱི་ནང་ནས་གཟའ་སྐར་གྱི་ལྟས་འབྱུང་བ་བཏུས་པ། ལྟས་དང་མཚན་མ་དགེ་བར་གྱུར་ཅིག །རྫོགས་སོ།། །།