(༡)ཨོཾ་སྭ་སྟི། ཀུན་མཁྱེན་རིག་འཛིན་འཇིགས་མེད་གླིང་བའི་དགོངས་གཏེར་ནམ་མཁའ་མཛོད་ཀྱི་ཆོས་སྡེ་རྫོགས་པ་ཆེན་པོ་ཀློང་ཆེན་སྙིང་གི་ཐིག་ལེ། སྔ་འགྱུར་དབང་ཆུ་བཞི་ལྡན་གྱི་རྒྱུད་སྡེ་རྒྱ་མཚོའི་མན་ངག་གཅིག་ཏུ་དྲིལ་བའི་བཀའ་གཏེར་ཟུང་འཇུག་གི་གདམས་པ། ཟབ་ཆོས་ཁྱད་འཕགས་འཇིག་རྟེན་ན་འབྱུང་བར་དཀའ་བའི་ཡིད་བཞིན་གྱི་ནོར་བུ་རིན་པོ་ཆེ་ལྟ་བུའི་ཆོས་ཀྱི་གྲངས་དང་སྐུ་གསུམ་མཚོན་བྱེད་པུ་སྟི་ཀ་གསུམ་གྱི་དང་པོ། ཨོཾ་ཅན་གྱི་ཚན་ལ། ཀ། པ་ཌཱཀྐིའི་གསང་གཏམ་ཆེན་མོ། ཁ བ་གསང་བ་ཉམས་སྣང་གི་རྟོགས་བརྗོད་ཆུ་ཟླའི་གར་མཁན། ག པ་གནད་བྱང་ཐུགས་ཀྱི་སྒྲོམ་བུ། ང་ པ་རིག་འཛིན་རྩ་རྒྱུད་ཐོད་པའི་དུམ་བུ། ཅ བ་རྩ་དབང་རྒྱལ་ཐབས་སྤྱི་བླུགས། ཆ བ་དབང་གི་སྤྱི་དོན་སྙིང་པོ། ཇ་ པ་ཕྱི་སྒྲུབ་བླ་མའི་རྣལ་འབྱོར་ཉ པ་བླ་མ་མཆོད་མཆོག་དངོས་གྲུབ་རྒྱ་མཚོ། ཏ པ་དཔལ་རིའི་སྨོན་ལམ་དུས་མཐར་གདབ་སྨོན་བཅས། ཐ པ་བརྒྱུད་འདེབས། ད པ་ནང་སྒྲུབ་རིག་འཛིན་འདུས་པ། ན པ་གབ་བྱང་གནད་ཀྱི་མིག་ཚག པ བསྙེན་ཡིག ཕ པ་ཚེ་སྒྲུབ་བདུད་རྩི་བུམ་བཅུད། བ པ་དེའི་དམིགས་གནད་གལ་མདོ། མ ཚེ་སྒྲུབ་དབང་བཤད་ལྷན་ཐབས། ཙ བ་ཡུམ་ཀའི་ལོ་རྒྱུས། ཚ པ་ཡུམ་ཀའི་དབང་ཆོག། ཛ པ་རྩ་སྒྲུབ་

(༢)བདེ་ཆེན་དཔལ་ཕྲེང་། ཝ པ་དེའི་རྩ་བའི་བསྙེན་ཡིག ཞ པ་དེའི་དོགས་སེལ་ལུས་དཀྱིལ། ཟ པ་ཡུམ་ཀའི་བདག་འཇུག་དབང་དོན་རབ་གསལ། འ པ་མེ་མཆོད་ལས་བཞིའི་བང་མཛོད། ཡ པ་སྐུ་གསུམ་བདུད་རྩིའི་བཅུད་ལེན། ར པ་ནང་སྒྲུབས་བདེ་ཆེན་གཏེར་བུམ། ལ བ་སྒྲོམ་མ་མཎྜལ་བཞི་ཆོག་གླུ་དབང་དགོངས་རྒྱན། ཤ པ་མཁའ་འགྲོའི་བསུན་བཟློག་ངོ་མཚར་སྣང་བ། ས པ་དེའི་གྲངས་གསོག་ཉེར་བསྡུ་དང་། སྐོང་བཤགས་ཀྱི་འཛུད། ཧ པ་དཔའ་བོ་དཔའ་མོའི་བསུན་བཟློག ཨ པ་ཚེ་དབང་གི་མཚམས་སྦྱོར། ཀི པ་གཡང་ཆོག་གཏེར་བུམ་སྒྲུབ་པའི་ལྷན་ཐབས་དང་། བསེ་རགས་རྫོང་ཐབས། ཀུ པ་རིགས་བདག་གི་སྒྲུབ་ཐབས་བདེ་བ་ཅན་གྱི་ཆོ་ག་གཞན་ཕན་གྱི་ཕྲིན་ལས་དང་བཅས་པ། ཀེ པ་བདེ་བ་ཅན་གྱི་བཀོད་སྨོན། ཀོ པ་སྒྲིབ་སྦྱོང་གནས་ལུང་གི་ཆོ་ག་དག་བྱེད་གཏེར་བུམ། ཁི བ་དུག་དབྱུང་བྱབས་བཀྲུས་ལྷན་ཐབས། ཁུ པ་བླ་བསླུ་སྲོག་འཚོའི་ལྗོན་པ། ཁེ པ་སེང་གདོང་དབང་ཆོག་བྱིན་བརླབས་ཆུན་པོ། ཁོ བ་གསོལ་འདེབས་བྱིན་རླབས་ཆར་འབེབས། གི པ་གསང་སྒྲུབ་སེང་གདོང་མའི་སྒྲུབ་ཐབས་ལས་བྱང་། གུ པ་དེའི་བསྙེན་ཡིག །གེ པ་

(༣)འུྃ སྲུང་བཟློག་བྱད་མ་སྟོབས་འཇོམས། གོ བ་བྱད་འགྲོལ་གནམ་ལྕགས་འཁོར་ལོ། །ངི་ བ་གཏོར་བཟློག་བྱད་གདོན་གཡུལ་འཇོམས། ངུ་ བ་བཅའ་གཞི་གནད་ཀྱི་ཡིག་ཆུང་། ངེ་ བ་ཕྲིན་ལས་གཞན་ཕན་འཁོར་ལོ། །ངོ་ བ་སྤྱི་ཆིང་དཔལ་ཆེན་ཞལ་ལུང་། ཅི པ་དཔལ་ཆེན་བརྒྱུད་པའི་གསོལ་འདེབས། ཅུ བ་ཐུགས་སྒྲུབ་དྲག་པོ་དཔལ་ཆེན་འདུས་པ། ཅེ བ་དེའི་བསྙེན་ཡིག ཅོ་ བ་གཤིན་རྗེ་འཆི་བདག་ཟིལ་གནོན། ཆི བ་རྟ་མགྲིན་ཁམས་གསུམ་རོལ་པ། ཆུ པ་ཡང་དག་སངས་རྒྱས་མཉམ་སྦྱོར། ཆེ བ་ཕུར་པ་བདུད་དཔུང་ཟིལ་གནོན། ཆོ པ་དཔལ་ཆེན་ཕྱག་རྒྱ་རྒྱས་པ་བཅས་ཆོས་སྡེ་ལྔ་བཅུ་ང་བཞི་ལ་འབོར་ལྡེབ་གྲངས། བཞུགས་པ་དགེ་ལེགས་འཕེལ།། ༈ །།སྔ་འགྱུར་བསྟན་པའི་རྒྱལ་མཚན་འཁོར་ལོས་སྒྱུར། །འགྲོ་ལ་ཐེག་ཆེན་སྒྲ་སྒྲོགས་རྫོགས་ཆེན་པ། །དོན་ཀུན་གྲུབ་པ་འཇིགས་མེད་གླིང་པ་ཡི། །བསྟན་པ་འཕེལ་རྒྱས་ཡུན་རིང་གནས་གྱུར་ཅིག །ཀུན་མཁྱེན་བཀའ་འབུམ་ལས་སོ།། །།

(༤)

(༥)ཀློང་ཆེན་སྙིང་གི་ཐིག་ལེའི་རྟོགས་པ་བརྗོད་པ་ཌཱཀྐིའི་གསང་གཏམ་ཆེན་མོ་བཞུགས། །

(༦)ཆོས་སྐུ་ཡེ་ཤེས་ཀྱི་མཁའ་འགྲོ་མ་ལ་ཕྱག་འཚལ་ལོ། །འོད་གསལ་རྡོ་རྗེ་སྙིང་པོ་ཀློང་ཆེན་སྙིང་གི་ཐིག་ལེ། །ཟབ་དོན་མན་ངག་གི་སྐོར་རྣམས་བྱུང་བའི་ལོ་རྒྱུས་ཅུང་ཟད་སྨྲ་ན། ལུང་བསྟན་བཀའ་རྒྱ་མར། །ལྷོ་ཕྱོགས་འོད་ཟེར་མིང་ཅན་སྤྲུལ་པའི་སྐུ ཟབ་དོན་སྙིང་ཐིག་ཆོས་ཀྱིས་འགྲོ་བ་འདྲེན འབྲེལ་ཚད་རིག་འཛིན་ཞིང་དུ་འཕེན་པ་འབྱུང་ ཞེས་པ་ལྟར། དཔལ་ཨོ་རྒྱན་ཆོས་ཀྱི་རྒྱལ་པོ་ཡབ་ཡུམ་གྱི་ཐུགས་རྗེའི་ཕྲིན་ལས་རླབས་པོ་ཆེས། ཚེ་རབས་སུ་བསྐྱངས་པའི་རྟེན་ཅིང་འབྲེལ་བར་འབྱུང་བའི་སྨོན་ལམ་དུས་སུ་སྨིན་པ་ལས། འཁོར་བ་སྡུག་བསྔལ་གྱི་རང་

(༧)བཞིན་ལ་བཟོད་དུ་མེད་པའི་སྐྱོ་ཤས་དང་ངེས་འབྱུང་དྲག་པོས་རྒྱུད་བསྐུལ་ནས་ཤྲཱི་བརྤ་ཏའི་གླིང་དུ་ལོ་གསུམ་སྙིང་པོའི་སྒྲུབ་པ་ལ་རྩེ་གཅིག་ཏུ་གནས་པའི་ཚེ་གཏེར་ཁ་གོང་འོག་བཀའི་ཆུ་བོ་གཅིག་ཏུ་འདྲེས་པའི་གསང་བདག་དཔའ་བོ་དྲང་སྲོང་དྲི་མེད་ཞི་ཁྲོའི་བསྙེན་སྒྲུབ་ལ་གཞོལ་བའི་དུས་ཀྱི་ཐོ་རེངས་ཤིག་གི་ཆར། སྐྱོ་ཤས་དང་ངེས་འབྱུང་དྲག་པོས་རྐྱེན་བྱས་ཏེ། མདུན་གྱི་ནམ་མཁར་ཨོ་རྒྱན་ཆོས་ཀྱི་རྒྱལ་པོ། རིག་འཛིན་འཇམ་དཔལ་བཤེས་གཉེན་སོགས་འོད་གསལ་གྱི་ངང་དུ་མཇལ་ཏེ་བརྡ་དོན་སྤྲོས་པ་མེད་པའི་དབང་མང་པོ་བསྐུར་བའི་མཐར་རང་ཉིད་ལ་ཐིམ་པ་ཞིག་བྱུང་

(༨)བས་རང་བྱུང་གི་རྟོགས་པ་བྱུང་རྒྱལ་དུ་སྐྱེས། ཉམས་ཀྱི་འཛིན་སྟངས་བུད། ལས་རླུང་དབང་དུ་འདུས། སྣང་བའི་རྫུན་ཕུག་རྡིབ། ཤེས་པ་ལ་བརྟུལ་ཞུགས་ཀྱི་ངར་ཐོགས་ནས་ཚེ་འདིའི་སྣང་བ་ཕལ་ཆེར་བརྗེད་ནས་སྐྱེ་བ་འཕོས་པ་ལྟ་བུ་ལ་མངའ་རིས་པཎ་ཆེན་གྱི་བག་ཆགས་འལ་འོལ་ཆད་ཆོད་དུ་གསལ་བ་ཁོ་ནའི་ངང་དུ་འབྱམ་ཀླས། དེའི་ཚེ་རྨི་ལམ་ཞིག་ན། གནས་ངོ་མི་འཚལ་བ་ཞིག་ཏུ་བསམ་པ་ལྷུན་གྲུབ་མའི་ཞིང་བཀོད་ཡིན་ཟེར་བ་ཞིག་མཐོང་བའི་ཁྲོད་ན་འབྲུག་ལ་ཆིབས་པའི་རྡོ་རྗེ་གྲོ་ལོད་རོལ་པའི་སྟབས་ཀྱིས་དཔའ་བ་རྡོས་བཅས་ལས་འདས་པ་འཇའ་ཚོན་གྱི་རྣམ་པར་འཆར་བ་ཞིག་གཡོ་འགུལ་བྱེད་ཅིང་འདུག་པས་དམ་ཅན་པ་ཡིན་སྙམ་པའི་མི་བན་མ་ཧོར་ཞིག་ན་རེ། འདི་ནི། ཨོ་རྒྱན་ཡི་དམ་ལྷ་དང་དབྱེར་མེད་པསཕ་ནོར་བུ་ཡིས་ལོན་པར་ཐེ་ཚོམ་མེད ཟེར་བའི་ལྷ་དེ་ཡིན་པར་འདུག་ཟེར་བའི་མོད་ལ་ཡལ་སོང་། དེ་ནས་ཞག་ཤས་འདས་པའི་མེ་མོ་གླང་གི་ལོ་ཟླ་བ་བཅུ་པའི་མར་ངོའི་ཚེས་བཅུའི་ནུབ། སློབ་དཔོན་ཆེན་པོ་ལ་མོས་གུས་མཆི་མ་འཁྲུགས་པ་ཙམ་དུ་འབར། སྔོན་གྱི་བག་ཆགས་ར་རི་དྲན་པ་འདྲས་

(༩)རྐྱེན་བྱས། སྣང་བ་སྐྱོ་ཆད་དེ་བ་ཞིག་ལ་རང་རེ་གདོང་དམར་བོད་ཀྱི་ཡུལ་མི་རྣམས་གདོལ་བར་སྤྱོད་པ། བསྟན་པ་གཟུགས་བརྙན་དང་ཆགས་སྡང་གིས་འཚོ་བའི་ཡུལ་དུ་དྭ་ཕྲུག་ས་མཐར་ལུས་པ་བཞིན་དུ་འཁྱར། སངས་རྒྱས་ཀུན་ལས་ལྷག་པའི་མགོན་པོ་ཐུགས་རྗེ་ཅན་དེ་ཟངས་མདོག་དཔལ་གྱི་རི་བོར་གཤེགས། ད་དུས་ནམ་གྱི་ཚེ་མཇལ་བའི་སྐལ་བ་ཐོབ་བམ་སྙམ་ནས་སེམས་སྡུག་ཚད་མེད་པ་ཞིག་ལངས། མཆི་མ་རྒྱུན་ཆད་མེད་པར་ཤོར་བའི་ངང་དུ་མནལ་བ་ན། རྟོགས་བརྗོད་ཆུ་ཟླའི་གར་མཁན་དུ་གསལ་བ་ལྟར་འོད་གསལ་གྱི་སྣང་བ་ཁྱབ་གདལ་དུ་འབྱམ་ཀླས་པའི་མུར་སེང་གེ་དཀར་མོ་ཡིད་དུ་འོང་བ་ཞིག་ལ་ཞོན་ནས་ནམ་མཁའི་དབྱིངས་ཕ་མཐའ་མི་འཚལ་བར་ཁྱེར་བ་ལས། ཅི་ཞིག་ན་ཡུལ་གྱི་སྣང་བ་བཀོད་དེ་བལ་ཡུལ་གྱི་མཆོད་རྟེན་བྱ་རུང་ཁ་ཤོར་ཡིན་སྙམ་པ་ཞིག་གི་བསྐོར་ལམ་དུ་སླེབས། དེའི་ཤར་ཕྱོགས་ཀྱི་ཁྱམས་དེར་འགྲོ་བའི་མོད་ལ་ཆོས་སྐུ་ཡེ་ཤེས་ཀྱི་མཁའ་འགྲོ་མའི་ཞལ་མངོན་སུམ་དུ་མཇལ། ལྗོན་ཤིང་ལས་གྲུབ་པའི་ཟ་མ་ཏོག་ལེབ་ཆགས་གའུའི་རྣམ་པའི་མཚམས་ལ་རྩིས་བགགས་པ་ཞིག་ངེད་ལ་གཏད་

(༡༠)ནས། དག་པའི་འཁོར་གྱི་སྣང་བ་ལ། །ཁྱོད་ནི་ཁྲི་སྲོང་ལྡེའུ་བཙན། །མ་དག་གདུལ་བྱའི་སྣང་ངོ་རུ། །ཁྱོད་ནི་སེང་གེ་རས་པ་ཡིན། །ཀུན་ཏུ་བཟང་པོའི་ཐུགས་ཀྱི་གཏེར། །རིག་འཛིན་པདྨའི་ཀློང་ཆེན་བརྡ། །མཁའ་འགྲོའི་གསང་མཛོད་ཆེན་མོ་ཡིན། །དྷ་ཐིམ། ཞེས་གསུངས་པའི་མོད་ལ་དངོས་མེད་དུ་ཡལ་སོང་བས་སྣང་བ་ཟི་བུན་བུན་པ་ཞིག་བྱུང་། དེར་སྤྲོ་བ་ཆེན་པོ་བརྟས་ཏེ་སྒྲོམ་བུ་དེ་ཞལ་ཕྱེ་བར་ནང་ནས། ཤོག་སེར་ཧྲིལ་མོ་ལྔ་དང་། །ཤེལ་དཀར་སྲན་འཕོས་ཙམ་པ་བདུན་བཅས་ཁྲོལ་གྱིས་དོན་བྱུང་། དེ་ཉིད་དུ་རེངས་སྟབས་ཀྱིས་ཤོག་དྲིལ་ཆེ་བ་དེ་ཞལ་ཕྱེས་པས། ག་པུར་ལ་སོགས་པའི་སྨན་བཟང་པོའི་དྲི་ངད་དཔག་ཏུ་མེད་པར་འཐུལ་བ་དང་། མགོ་ལུས་ཐམས་ཅད་སྦྲིད་ཆི་ལེ་བ་ཞིག་བྱུང་བར་གློ་བུར་གྱི་རྟོག་པ་སྐད་ཅིག་མར། འདིའི་གཏེར་བདག་དེ་གཟའ་ཡིན་པར་འདུག །བཀའ་ཤིན་ཏུ་གཉན་སྙམ་ནས་ཡིད་འཕྲིགས་སི་འབྱུང་། དེ་རིམ་པས་ཁ་ཕྱེ་བས། ཕྱི་མཆོད་རྟེན་གྱི་དབྱིབས་སུ་ཡོད་པ་ལ་ནང་བློས་དཔྱད་དུ་མི་བཟོད་པའི་མཁའ་འགྲོ་གསང་བའི་བརྡ་ཡིག་གིས་ཐེ་རྩེར་ནེ་རྩེར་ཁེངས་པ་ཞིག་འདུག །དེ་ཀློག་པར་མ་ནུས་པས་སྒྲིལ་བར་བརྩམས་པ་ན། མིག་འཕྲུལ་ལྟར་

(༡༡)སྐད་ཅིག་དེ་ཉིད་ལ་མཆོད་རྟེན་གྱི་རི་མོའང་ཡལ། ནང་གི་བརྡ་རིས་རྣམས་བོད་ཡིག་ཉག་གཅིག་ཏུ་སོང་བས་ཐུགས་རྗེ་ཆེན་པོའི་སྒྲུབ་སྐོར་དུ་འདུག །བྱིངས་ཀློག་འཕྲོ་བཞག །འདིའི་བཀའ་བབས་སུ་ཡིན། གཏད་རྒྱ་གང་ལ་མཛད། རང་གི་སྐྱེ་མཐའི་ལུང་བསྟན་གང་འདྲ་ཞིག་བསམས་ནས་གཤམ་དུ་བརྟགས་པས། ཆོས་རྒྱལ་ཡབ་སྲས་ཆོས་ཀྱི་སྐལ་བར་གདམས ཞེས་ཤིན་ཏུ་གསལ་བར་མཐོང་། འཕྲོ་རྣམས་ཀྱང་བཀླགས་པས། ཚིག་དོན་ཡོངས་སུ་རྫོགས་པ་མེ་ལོང་ལ་གཟུགས་བརྙན་ཤར་བ་བཞིན་བློ་ངོར་སྟབས་གཅིག་ཏུ་གསལ་བ་ལ། མཐར་ཆགས་སུ་ཀློག་མི་ཤེས་པ་ལྟ་བུའི་བརྗོད་དཀའ་བ་ཞིག་བྱུང་། དེར་དགའ་སྤྲོ་ཚད་མེད་པ་དང་བཅས། ཤེལ་འགའ་ཞིག་ཁ་ནང་དུ་བཅུག །ཤོག་སེར་རྣམས་ཁྱེར་ནས་གནས་སུ་ལྡོག་པར་སྙམ་པ་ན། བན་དྷེ་བརྫུ་བག་ཅན་ཞིག་གློ་བུར་དུ་ཟླ་བོར་བྱུང་ནས་དེ་ན་རེ། ང་ཁྱེད་ལ་འདི་འདྲ་ཡོང་བསམ་པ་སྔ་མོ་རང་ནས་ཡོད་ཟེར་ཞིང་དག་སྣང་དཔེ་མེད་བྱེད་ཀྱིན་འདུག་པ་བཀའ་སྲུང་དྲང་སྲོང་ཆེན་པོར་ངེས་པ་རྙེད། དེ་ཁའི་མོད་ལ་བསྐོར་ལམ་བྱང་གི་ཁྱམས་སུ་སླེབས། སླར་ཡང་ཤོག་དྲིལ་གཅིག་ཁ་ཕྱེ་བས། གནད་བྱང་

(༡༢)ཐུགས་ཀྱི་སྒྲོམ་བུ་དང་ཐུག །ཡིད་ལ་ལྷག་པར་གསལ་བས་བདེ་བ་ཆེན་པོའི་ཉམས་བཟོད་མེད་དུ་འབར། བསམ་པར་འདི་ནི་མཐོང་གྲོལ་ཁོ་ནར་འདུག །ངེད་རང་གི་མ་དེ་ལ་སྟོན་དགོས་སྙམ་ཙ་ན། ནམ་མཁའི་མཐོངས་ནས་མར་ཨ་མ་ཡིན་སྙམ་པའི་བུད་མེད་རྒྱན་ཆ་ཅན་སླད་དུ་བསམ་ཡས་མཆིམས་ཕུར་བརྡའ་འགྲོལ་བྱེད་མཁན་དེ་བཙན་ཐབས་སུ་བྱུང་། མཐོང་གྲོལ་ལ་གཟིགས་ཤིག་བྱས་ནས་བསྟན་པས། དེ་ན་རེ། གསང་དགོས་རྒྱུ་དེ་སྟོན་པར་དགའ་དྲག་པའི་སྐྱོན་རང་འདུག །མཐོང་གྲོལ་མི་དགོས་མྱོང་གྲོལ་ཀྱང་ཡིན་པས་ཁྱོད་རང་ཟོ་ཞིག་ཟེར། ཤེལ་དང་ཤོག་སེར་ཐམས་ཅད་བཟར་བཅུག་བྱུང་བ་ཁྱུར་མིད་བྱས་པས། ཚིག་དོན་ཐམས་ཅད་བློ་ལ་པ་གྱིས་འདེབས་པའི་ངོ་མཚར་ཚད་ལས་འདས་པ་འདུག །དེ་ཁའི་མོད་ལ་ཉམས་སྣང་དེ་སད་ནས། དྲན་རིག་བདེ་སྟོང་ཆེན་པོར་འབྱམས་ཀླས་ཤིང་། དུས་དེའི་ཚེ་གཉིད་འོད་གསལ་གྱི་འཁོར་ལོར་འབྱམས་ཀླས་པ་སོགས་དག་པའི་སྣང་བ་རྒྱ་ཆེར་མཐོང་ཚུལ་དང་། སྐྱེ་བརྒྱུད་ཀྱི་ལུང་བྱང་ཇི་ལྟར་གསལ་བ་སོགས་ཆུ་ཟླའི་གར་མཁན་ན་གསལ། ལོ་

(༡༣)རྒྱུས་འདི་རྗེ་བླ་མར་སྙན་དུ་སྒྲོན་པས་རང་རིགས་གྲུབ་ཐོབ་བརྒྱུད་པའི་བཀའ་བབས་དངོས་གཏེར་ཟམ་མ་ཆད་པའམ། ཡང་ན་དག་སྣང་དགོངས་གཏེར་གྱི་ཚུལ་དུ་ཆོས་ཀྱི་སྒོ་མོ་གྲངས་མེད་པར་འབྱུང་བར་སོམ་ཉི་བྲལ་ལ། འོན་ཀྱང་རེ་ཞིག་གཞན་ལ་ཤིན་ཏུ་གསང་བ་གལ་ཆེ་ཚུལ་སོགས་ཀྱི་ཕྱག་བྲིས་ལེ་ཚན་གྱི་ཁོངས་སུ་སྐྱེ་བརྒྱུད་ལུང་བསྟན་ཀྱང་ཕྱོགས་མཐུན་དུ་གསལ་བ་ལྟར་ཡིན་ཀྱང་། རང་བློར་ཡང་དེང་སང་དུས་སྙིགས་གཏེར་དང་དག་སྣང་ལ་བཞེད་པ་དྲག་ཞན་ལ་མ་ལྟོས་པར་མང་དྲག་པས་མི་ཐམས་ཅད་ཐེ་ཚོམ་གྱི་དྲྭ་བར་ཚུད། ལར་མཁའ་འགྲོའི་གསང་མཛོད་ཆེན་མོ་ལ་རང་དབང་སྒྱུར་ནུས་པའི་བརྡའ་རྟགས་ལག་པའི་མཐིལ་དུ་མ་ཟིན་ན། རྩ་ཁམས་དངས་པའི་རང་རྩལ་ལ་ཚིགས་བཅད་ཐར་ཐོར་དུ་ཤར་བ་ལ་དག་སྣང་དུ་ངོས་འཛིན་པ་སོགས་ལས་རླབས་པོ་ཆེའི་རྒྱུར་འདུག་སྟེ་དེ་འདྲའི་རིགས་ཀྱང་མཐོང་ཐོས་མང་། །ད་དུང་དཔའ་བོ་མཁའ་འགྲོའི་བསྐུལ་བྱང་འདྲ་བྱུང་ན་ནི། ཚེ་དང་ཕྲིན་ལས་ཀྱི་རྟེན་འབྲེལ་ལ་གནོད་པས་མི་བྱེད་དབང་མེད་ཡོང་། །གཞན་སྙིང་ལས་ཆུང་ངུའི་ངང་ནས་དྲན་པ་ལ་དམར་ཐག་བཅད་པ་རང་ས་བཟོད་སྙམ་ནས་ལོ་བདུན་གྱི་བར་དུ་རླུང་

(༡༤)ཕྱོགས་ཙམ་དུའང་མ་བསྒྲགས་པར་རྟོག་མེད་ཁོ་ནར་བཞག་གོ །དེ་ལྟ་ནའང་ས་མོ་ཡོས་ཀྱི་ལོར་འོག་མིན་དཔལ་གྱི་མཆིམས་ཕུའི་བྲེ་གུ་དགེའུ་འོག །ཉང་ཕུག་གོང་འོག་ཏུ་གྲགས་པའི་ལྷུན་གྲུབ་རང་བྱུང་གི་ཕུག་པར་ལོ་གསུམ་སྙིང་པོའི་སྒྲུབ་པ་ལ་རྩེ་གཅིག་ཏུ་གནས་པའི་ཚེ། ཇི་སྐད་དུ་སྒྲོན་མ་རྣམ་པར་བཀོད་པ་ལས། དགོངས་པ་བརྡའ་དང་སྙན་བརྒྱུད་ནས། །གསང་སྔགས་དོན་གྱི་ཚད་མ་འབྱུང་། །དཔེ་ལ་བརྟེན་ནས་དོན་ངོ་ཤེས། །རྟགས་ལ་བརྟེན་ནས་ཡིད་ཆེས་འགྱུར། །ཅེས་གསུངས་པ་ལྟར། པན་ཆེན་བི་མ་ལའི་གསང་བ་གསུམ་གྱི་སྒྱུ་འཕྲུལ་དྲི་མེད་འོད་ཟེར་གྱི་རྫུ་ལ་ཆགས་པ་ཀུན་མཁྱེན་ངག་གི་དབང་པོ་དེ་འོད་གསལ་གྱི་ངང་དུ་ཞལ་ལན་གསུམ་མཇལ་ནས་དགོངས་པའི་གསང་མཛོད་ཆེན་མོ་གཏན་ལ་དབབ་པར་བསྐུལ་ཞིང་རིགས་ལྔ་ཌཱཀྐིའི་གཙོ་མོས་བརྡ་འགྲོལ་གྱི་སྐབས་དབྱེ་ནས་རིམ་པར་སྐྱར་ཤོག་དཀར་པོའི་ངོས་སུ་སྣང་བར་བྱས་པ་ཡིན་ལ། དེ་ཡང་གནད་བྱང་ཐུགས་ཀྱི་སྒྲོམ་བུར། རིག་འཛིན་དཔའ་བོ་མཁའ་འགྲོ་ཡིསབསྐུལ་མ་ཐེངས་གསུམ་དག་ཏུ་འོང་དེ་ཚེ་མི་བརྗེད་དྲན་པའི་གཟུངསགཟེར་དྲུག་གནད་ཀྱི་ལྡེ་མིག་གིསཀློང་གསལ་དགོངས་པའི་

(༡༥)གཏེར་ཁ་འབྱེད ཅེས་དང་། སྤྲེལ་ལོ་སྤྲེལ་ཟླའི་ཚེས་བཅུ་ལ པདྨ་ང་དང་དངོས་ཞལ་མཇལ བར་ཆད་སེལ་ཞིང་བྱིན་གྱིས་རློབས ཅེས་སོགས་ནས། དེ་ཚེ་གདམས་པ་གསང་ཞིང་སྤེལ ཞེས་སྤྲེལ་ལོར་གསང་རྒྱ་འགྲོལ་བའི་དུས་ཚོད་ཡིན་པ་བཞིན། །སྤྲེལ་ལོ་སྤྲེལ་ཟླ་བའི་ཚེས་བཅུའི་ཉིན་པདྨ་འོད་གླིང་སིནྡྷུ་རྒྱ་མཚོའི་ཞིང་ཁམས་བཀོད་པར་ཕྱི་ནང་གི་མཆོད་པ་གཟབས་རྒྱས་དང་བཅས་བདག་ཅག་འདུས་པར་བཅས་པས་མན་ངག་བཅུ་གསུམ་སྤྱི་དྲིལ་གསོལ་འདེབས་བསམ་པ་ལྷུན་གྲུབ་མའི་སྒོ་ནས་ཚེས་བཅུའི་ཆོ་ག་བསྟར་བ་ལས། སྤྱན་འདྲེན་གྱི་ཚེ་མོས་གུས་བླ་ན་མེད་པས་རྐྱེན་བྱས་དཔལ་ཨོ་རྒྱན་ཆོས་ཀྱི་རྒྱལ་པོ་མཚན་དཔེའི་ལང་ཚོ་བལྟ་བས་ཆོག་མི་ཤེས་པ་དཔའ་བོ་མཁའ་འགྲོ་ཏིལ་གྱི་གོང་བུ་ལྟར་འཁྲིགས་པའི་ཀློང་ནས་རྡོ་རྗེའི་གར་སྟབས་སྲིད་གསུམ་ཟིལ་གྱིས་གནོན་པའི་རང་བཞིན་དུ་སྒྱུར་ཞིང་། མནྡ་ར་བའི་མེ་ཏོག་གི་སིལ་མ་ཀུན་ཏུ་འཐོར་བའི་ངང་ཚུལ་ཅན་ཆུ་བུར་མིག་གིས་སྤྱོད་ཡུལ་དུ་གྱུར་པས་མོས་གུས་ཀྱིས་བརྒྱལ་བ་ཙམ་གྱི་ངང་ནས་སྐལ་པ་བཟང་པོའི་དགེ་མཚན་ཅི་ཡང་ཐོབ་བོ། །དེའི་ཚེ་ལྷོ་རྒྱུད་སྤྲུལ་པའི་

(༡༦)སྐུ་མཆོག་རྣམ་པ་གསུམ་གྱིས་ཀྱང་མ་འདྲིས་བཞིན་དུ་ཐུགས་གཏེར་ཆེན་མོ་གཏན་ལ་དབབ་པ་ལེགས་སོའི་དབུགས་འབྱིན་དང་། ལྷ་རྫས་སྲིད་དུ་རིང་བའི་སྐྱེས་ཀྱི་གནང་ཆ་དང་བཅས། དངས་པ་སྟོན་པར་མཛད་པ་ནི་རྒྱལ་དབང་པདྨའི་ཐུགས་བསྐྱེད་ཀྱི་མཐུས་བསྐུལ་བར་གདོན་མི་ཟ་མོད། དེ་བཞིན་དུ་ཀོང་སྨྱོན་སྦས་པའི་རྣལ་འབྱོར་ལའང་ཟབ་དོན་འདིའི་སྐོར་གསང་རྒྱའི་སྟོབས་ཀྱིས་དོགས་པ་ཙམ་ཡང་མ་མཆིས་པའི་གནས་སུ་ཡོད་ཀྱང་། ལྐོག་གྱུར་མངོན་དུ་རིག་པ་ལྟར་ཚ་མ་ཚོམ་མེད་པའི་ངེས་ཤེས་ཀྱིས་ད་ལམ་ཅིས་ཀྱང་ཐུགས་གཏེར་གཏན་ལ་ཕེབས་པ་དགོས་ཞེས་གསུངས་པ་སྔོན་གྱི་སྨོན་ལམ་དུས་སུ་སྨིན་ཅིང་རྟེན་འབྲེལ་དུས་ལ་བབས་པར་གོ་ནས་དེར་འདུས་པ་དང་པོའི་འཁོར་ཟླ་བ་ཉ་བའི་གྲངས་ལ་སྨིན་གྲོལ་གྱི་སྒོ་འཕར་དབྱེ་བ་ནས་བཟུང་རིམ་པར་སྤེལ་བ་ལས། ལོ་དེར་ཕྱི་ནང་གསང་བ་ཡང་གསང་དང་བཅས་པའི་བསྙེན་སྒྲུབ་མཐར་ཆགས་སུ་གཏོང་བ་རྣམས་མི་ཐེ་བའི་ཕྱི་སྒྲུབ་ཡིད་བཞིན་ནོར་བུ་ལ་བརྟེན་ནས་བཛྲ་གུ་རུ་འབྲུ་འབུམ་གཏོང་བ་པོ་ཉི་ཤུ་རྩ་གྲངས་སྐོར་བྱུང་བས་གང་འབྲེལ་དོན་དང་ལྡན་པའི་རྟེན་འབྲེལ་མངོན་དུ་གྱུར་བ་ཡིན་ལ། འོན་ཀྱང་དེ་ཉིད་ལས། བདག་

(༡༧)ཉིད་ཆེན་པོ་པདྨ་སོགས སྤྲུལ་པའི་ལོ་པཎ་སྐྱེས་མཆོག་དང་ ཟབ་མོའི་རྟེན་འབྲེལ་མང་འཕྱུགས་པས ཕྱི་དུས་འགྲོ་དོན་དུས་བབ་ཚེ འགལ་རྐྱེན་རྣམ་པ་སྣ་ཚོགས་དང་༔ ཁྱད་པར་བདུད་བློན་དམ་སྲིའི་རིགས རྗེས་འབྲེངས་རྣམ་འགྱུར་ཅིར་ཡང་རྫུ བཀའ་དྲིན་དམ་ཚིག་ཁྱད་དུ་གསོད ཅེས་གསུངས་པ་ལྟར་ལྷོངས་དང་རྡུར་གྱི་རྣམ་པའང་དཔག་ཏུ་མེད་པ་བྱུང་སྟེ་ལས་བདག་གིར་ཤེས་ཤིང་རྐྱེན་ལ་བསྙེངས་མ་ཤོར་བའི་སྣང་བ་ཧུར་པོ་འདིས་སྒྱུ་མ་མཁན་སྒྱུ་མའི་རོལ་རྩེད་ལ་རྟོགས་པ་བཞིན་དུ་ལོག་སྒྲུབ་དང་སྐྱོ་ངལ་མཐའ་དག་བཟོད་པར་བྱས་ཏེ་དོན་གཉིས་བསྒྲུབ་པ་ལ་གཡེལ་བ་མེད་པའི་དམ་བཅའ་བརྟན་པོ་འདི་ཇི་སྲིད་སྲོག་དབང་འགག་པ་ལ་ཉེ་བ་དེ་སྲིད་དུ་མི་གཏོང་བ་ཡིན་ལ། དེ་ལྟ་ནའང་ཟབ་དོན་གྱི་མན་ངག་འདིའི་སྐོར་གྱི་ཡི་གེ་ན་གཅིག་ཀྱང་སྣོད་མིན་ལ་བཤད་པར་མ་བྱེད། སྟོན་པར་མ་བྱེད། ཚིག་ཙམ་རླུང་གི་ཕྱོགས་སུའང་བསྒྲག་པར་མ་བྱེད་པར་ཡིད་བཞིན་གྱི་ནོར་བུ་ལྟ་བུར་ཟུང་ལ་སྒྲུབ་པ་སྙིང་པོར་གྱིས་ཤིག། །།

(༡༨)

(༡༩)གསང་བ་ཆེན་པོ་ཉམས་སྣང་གི་རྟོགས་བརྗོད་ཆུ་ཟླའི་གར་མཁན་ཞེས་བྱ་བ་བཞུགས།

(༢༠)དཔལ་གདོད་མའི་མགོན་པོ་ལ་ཕྱག་འཚལ་ལོ། །མ་སྐྱེས་མི་འགག་རང་བཞིན་སྤྲོས་དང་བྲལ། །དམིགས་མེད་རང་གྲོལ་འོད་གསལ་འདུས་མ་བྱས། །ཤིན་ཏུ་རྣམ་དག་ཐ་མལ་རིག་པ་ལ། །དུས་གསུམ་འཕོ་མེད་དགོངས་པས་ཕྱག་བགྱིའོ། །ཀུན་བཟང་དགེ་བ་རྡུལ་ཙམ་མ་བརྟེན་ཀྱང་། །ཟག་མེད་རང་ངོ་ཤེས་པའི་དགེ་ཚོགས་ཀྱིས། །མངོན་པར་བྱང་ཆུབ་ཁམས་གསུམ་ཡིད་ཅན་རྣམས། །སྡིག་པའི་ས་བོན་མེད་བཞིན་འཁོར་བར་འཁྱམས། །དེ་ཕྱིར་རིག་དང་མ་རིག་ཆོ་འཕྲུལ་གྱིས། །འཁོར་འདས་སོ་སོར་ཕྱེ་བའི་མཚང་རིག་

(༢༡)ཀྱང་། །འདི་ན་ལྷན་སྐྱེས་བག་ཆགས་གཡོ་འཕྲུལ་པོས། །ད་དུང་བློ་བྲིད་བྱེད་པ་སེམས་པ་སྐྱོ། །གཞི་དབྱིངས་ཁྱད་ཆོས་དྲུག་ལྡན་མ་ལགས་པ། །ཐམས་ཅད་རྫུན་པའི་རྣམ་འགྱུར་ཆེན་པོ་རུ། །གོ་ཡང་དད་ལྡན་གདུལ་བྱ་དྲང་བའི་སླད། །ཉམས་སྣང་ཆུ་ཟླའི་གར་མཁན་འདིར་གསལ་བྱ། །དེ་ཡང་མདོ་ལས། རབ་འབྱོར་ཆོས་ཐམས་ཅད་རྨི་ལམ་ལྟ་བུ། མྱ་ངན་ལས་འདས་པའི་ཆོས་ལས་ལྷག་པའི་ཆོས་ཤིག་ཡོད་ན་དེ་ཡང་རྨི་ལམ་ལྟ་བུ་སྒྱུ་མ་ལྟ་བུ་ཞེས་ངས་བསྟན་ཏོ། །རབ་འབྱོར་ཆོས་ཐམས་ཅད་ཡང་དག་པ་མ་ཡིན་པ་ཀུན་ཏུ་བརྟགས་

(༢༢)པ་མེད་བཞིན་དུ་སྣང་བ་རྨི་ལམ་ལྟ་བུ་སྒྱུ་མ་ལྟ་བུའོ། །ཞེས་དང་། བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། །སྟག་དང་སེང་གེ་གླང་ཆེན་དྲེད། །སྦྲུལ་དང་དགྲ་རྣམས་ཐམས་ཅད་དང་། །སེམས་ཅན་དམྱལ་བའི་སྲུང་མ་དང་། །བྱད་མ་དེ་བཞིན་སྲིན་པོ་རྣམས། །སེམས་འདི་གཅིག་པུ་བརྟགས་པ་ཡིས། །དེ་དག་ཐམས་ཅད་བརྟགས་པར་འགྱུར། །ཞེས་འཁོར་འདས་ལམ་གསུམ་ཐམས་ཅད་རང་སྣང་ཁོ་ནའི་ལྡོག་ཆས་ཕྱེ་བ་ཉིད་ལས་དོན་དམ་པར་བདེན་པར་གྲུབ་པ་སྤུ་ཙམ་མ་མཆིས་ན། དེ་ལས་ཀྱང་ཉིང་འཁྲུལ་དུ་གྱུར་པའི་རྨི་ལམ་བག་ཆགས་ཀྱི་སྣང་ཆ་ནི་ཤིན་ཏུ་ཡ་མ་བརླ་སྟེ་ཤཱནྟ་དེ་ཝས། འགྲོ་བ་རྨི་ལམ་ལྟ་བུ་སྟེ། །རྣམ་པར་དཔྱད་ན་ཆུ་ཤིང་འདྲ། །ཞེས་སོ། །དེ་ལྟ་ནའང་ཆོས་ཐམས་ཅད་རྨི་ལམ་དང་འདྲ་བའི་རྟེན་དེ་ལ་དགེ་མི་དགེའི་འཇུག་ལྡོག་བྱེད་པའི་མཁན་པོ་ནི་ལས་དང་དེའི་རྣམ་པར་སྨིན་པ་ཁོ་ན་ལས་བྱེད་པ་གཞན་མེད་པ་ནི་ཨོ་རྒྱན་ཆེན་པོས། གནོད་པའི་དམྱལ་དཔོན་ཆེན་པོ་དེ། །གལ་ཏེ་སེམས་ཅན་ཡིན་གྱུར་ན། །དེ་ཡི་སྡིག་པ་གང་དུ་འགྲོ། །ཞེས་སོ། །རྒྱུ་མཚན་དེས་

(༢༣)ན་སོ་སོ་སྐྱེ་བོ་རྨོངས་པའི་རབ་རིབ་ཀྱིས་ལྡོངས་པ་དག་གིས་ཕྱིན་ཅི་ལོག་གི་ལས་ཐབས་སྒྲིབ་པའི་ཕུང་པོ་ཅན་ལའང་གཏན་ཚིགས་དང་ཤོག་ཁྲར་བྱས་ཏེ་ངོ་མཚར་གྱི་གླེང་གཞིར་བྱེད་ན། འདིར་བླ་ན་མེད་པའི་བྱང་ཆུབ་ཀྱི་སྤྱོད་པ་ལ་བསླབས་ཤིང་། མྱུར་ལམ་རྡོ་རྗེ་ཐེག་པའི་རྣལ་འབྱོར་གྱི་སྒོ་ནས་རང་རྒྱུད་ལ་གདོད་་ནས་བཞུགས་པའི་རྡོ་རྗེ་བཞིའི་གནས་ལུགས་མངོན་སུམ་སད་པའི་རྟེན་འབྲེལ་དང་། སངས་རྒྱས་རྣམས་ཀྱི་ཐུགས་རྗེ་དང་བྱིན་རླབས་རང་གི་ཀུན་རྟོག་དང་འདྲེས་ནས་འཇུག་པའི་ཆོ་འཕྲུལ་ཆེན་པོ་ལ་སྣང་ཆའི་གཟུགས་བརྙན་ཅི་ཡང་སྲིད་པའི་ཕྱིར། དེ་ཉིད་ལ་དག་པ་ཡེ་ཤེས་ཀྱི་འཁོར་ལོའི་བརྡར་བཏགས་པ་སྟེ། དེའང་ནང་དགོངས་པའི་བརྟུལ་ཞུགས་ཀྱི་ན་འཕར་ཞིང་འཁོར་འདས་མཉམ་པ་ཉིད་དུ་རྩལ་རྫོགས་པའི་ཕྲིན་ལས་ཀྱི་རོལ་པ་ཚད་མེད་པས་མ་ཡིན་པར། ཐ་མལ་གྱི་རྟོག་པ་ལ་བྲལ་ཐོབ་མེད་བཞིན་དུ་ལྷ་འདྲེས་བྱིན་གྱིས་བརླབས་པའི་དག་སྣང་དང་མངོན་ཤེས་རྫུ་འཕྲུལ་ལ་མཆོག་ཏུ་རློམ་པ་དག་ལ་གནས་སྐབས་སུ་སོ་སོ་སྐྱེ་བོ་དགའ་བའི་ནུས་པ་དང་། མཐོན་པོའི་གོ་ས་ལ་སྙེགས་པའི་རང་སྟོབས་ཡོད་ཀྱང་མཐར་ཐུག་

(༢༤)གྲོལ་བ་འགྲུབ་པའི་རྟེན་འབྲེལ་མེད་པས་ཚུལ་དེ་དག་དང་བདག་ཅག་གྲུབ་ཐོབ་བརྒྱུད་པའི་བུ་སྦས་པའི་རྣལ་འབྱོར་སྤྱོད་ཡུལ་མཉམ་པར་ནི་བལྟ་བར་མི་བྱའོ། །ཨེ་མ་སྤྲང་འཇིགས་མེད་ནམ་མཁའི་རྣལ་འབྱོར་གྱིས། །ཆོས་འདི་བྱའི་གཟའ་གཏད་མ་མཐོང་བར། །བློ་གང་ཤར་རང་གྲོལ་ཆེན་པོའི་ཀློང་། །ཉམས་རྟོགས་པའི་བག་ཆགས་ཁོང་ནས་སད། །ཕ་རྒྱལ་སྲས་པདྨའི་རང་ཞལ་མཇལ། །དོན་གདམས་པ་ཟབ་དགུའི་སྙིང་ཁུ་ཐོབ། །དེ་ཐོབ་ཙམ་མ་ལགས་རྒྱུད་ལ་ཤར། །ཚིག་ཁ་ཁྱེར་མ་ཡིན་གནད་ལ་ཕེབས། །ཚེ་ངེས་མེད་སྙིང་ལ་བརྣགས་པ་ཡིས། །ལས་འཁོར་བར་ཡི་ཆད་དྲག་པོ་ཤར། །དོན་སྙིང་པོའི་སྒྲུབ་པ་ལྷུར་བླངས་ཚེ། །ཡིད་ཤེས་ཀྱི་ཆུ་མཚོར་འདི་ལྟར་མངོན། །ཕ་བཀའ་དྲིན་འཁོར་མེད་མཚོ་སྐྱེས་རྗེས། །མི་ལས་ཅན་གྱི་ཕ་ཕོགས་སུ་བྱིན་པ་ཡི། །ཆོས་པདྨ་སྙིང་ཐིག་ཧཱུྃ་སྒྲུབ་དེས། །སྣང་སྲིད་ཧཱུྃ་གླུར་བླངས་པའི་ཚེ། །ཤར་ཉིན་བྱེད་དབང་པོའི་འོད་ཟེར་དེ། །སྒྲུབ་ཁང་གི་ཐོད་ལ་འཆིང་བའི་སྐབས། །ཉམས་སྣང་ཤེས་ཟང་ཐལ་གྱི་འཆར་སྒོ་ལ། །ལྷོ་མོན་ཁའི་བྲག་གི་སྐུ་རྗེས་མཐོང་། །བྲག་དབྱིབས་ནི་མཆིམས་

(༢༥)ཕུའི་ཇག་ཧུག་འདྲ། །བྲག་ཁ་དོག་གནག་སྣུམ་བག་ཆགས་ངོས། །ཁྱོན་ཞགས་ཚད་ཙམ་བེར་གྱི་སུལ་དང་བཅས། །ཤིན་ཏུ་གསལ་བའི་ངང་ཚུལ་མཇལ། །དེར་མོས་གུས་བཟོད་བླག་མེད་པའི་ངང་། །མིག་མཆི་མའི་དབའ་རླབས་ཅིར་ཡང་གཡོ། །ཕ་ཨུ་རྒྱན་དྲན་ནས་ཚུགས་ཐབས་མེད། །གནས་དེ་རུ་ད་ལྟ་སླེབས་ན་སྙམ། །ཉམས་བདེ་སྟོང་གི་རྣམ་རོལ་ཅིར་ཡང་རྩེ། །ཡང་དེ་ནས་མི་རིང་ཞག་འགའ་ན། །བྲག་ལྗང་ནག་མེ་ལོང་ལྟ་བུའི་ངོར། །སུ་ཝརྞས་བྱུགས་འདྲའི་ཞབས་རྗེས་གཉིས། །འོད་གསལ་གཉུག་མའི་ངང་ནས་མཐོང་། །འདི་ཆེ་ཆུང་བློ་ཡིས་དཔྱད་མ་བཟོད། །སྤྱིར་མཐོང་སྣང་རིག་པའི་རྩལ་ཡིན་པར་མ་ཟད་ལྷོ་མོན་ཕྱོགས་ལ་བྲག་ལ་ཕྲང་སོགས་སྐུ་རྗེས་བརྒྱ་ཙམ་ཡོད་པར་བཤད་པས་གང་ཡིན་ངོ་མ་འཚལ། ཞབས་རྗེས་ནི་ཕྱོགས་བཞིའི་བྲག་ལ་ཆེ་བ་བཞི་དང་། གཞན་ནི་ཤིན་ཏུ་མང་ངོ་། ༈ དུས་དེའི་ཚེ་འཁྲུལ་པའི་རྨི་ལམ་ལ། །རང་བེམ་རིག་བྲལ་དུ་ཉེ་བ་ལ། །ཉེ་འབྲེལ་གྱིས་བསྐོར་ནས་གདུང་བར་བྱེད། །དེར་འཆི་བྲོད་ཀྱི་གདེང་ཆེན་རྙེད་སྙམ་པས། ཁོང་དེ་དག་

(༢༦)ལ་ཐིམ་རིམ་གཤོད་པའི་དང་། །ཆོས་ཉིད་ཀྱི་ངང་དུ་དྲན་པ་སྟོར། །སྐབས་ཤིག་ཏུ་དྲན་པ་རྙེད་ཙ་ན། །རང་སྲིད་པ་བར་དོར་སླེབས་ནས་གདའ། །ཕུང་པོ་ཞུགས་ལ་སྦར་བ་མཐོང་། །ཀྱཻ་ཕ་དེས་མྱ་ངན་ཆེན་པོ་བྱེད། །རང་བག་ཆགས་ཤ་གཟུགས་ཀྱི་ཡིད་ངོ་ལ། །སེམས་དངོས་མེད་ལ་སྐྱེ་འཆིའི་མིང་འདོགས་བྲལ། །ངས་བདེན་པ་མཐོང་བས་བདེ་སྡུག་རྫུན། །ཕ་ཁོ་རང་སྙིང་རྗེ་བསམས་ཙ་ན། །གཉིད་སད་ནས་བདེ་གསལ་ངང་ལ་འབྱམས། །རྗེ་པདྨས་འགྲོ་བ་རིགས་དྲུག་གི། །ས་བོན་བསྲེགས་པར་ལུང་བསྟན་མཛད། །དུས་འདི་ནས་ལུས་ཀྱི་ཤིག་སྲོ་རྣམས། །གར་སོང་ཆ་མེད་དུ་དག་པར་གྱུར། །སྤྱིར་བར་དོ་ལ་རྣམ་གྲངས་བཞིར་འཆད་པ་དང་། །ལ་ལར་དྲུག་ཏུ་དབྱེ་བ་སོགས་སྣང་ཞིང་། ཁྱད་པར་ཆོས་ཉིད་དང་སྲིད་པའི་བར་དོ་འདིར་གསང་སྔགས་གསར་རྙིང་བཞེད་པ་ཅུང་ཟད་མ་མཐུན་ཞིང་། །དེའི་དབང་གིས་རང་ལུགས་འཐད་ལྡན་དུ་སྒྲུབ་པ་དང་། །གཞན་ཕྱོགས་ཚུལ་མིན་དུ་དགག་པ་སོགས་ཇི་སྙེད་ཅིག་འཆད་སྣང་སྟེ། སྐབས་འདིར་ཡང་དགོན་པའི་བར་དོ་འཕྲང་སྒྲོལ་དུ་གྲགས་པར། རོ་བསྲེག་པ་ལ་སོགས་བྱེད་ན་མྱུར་དུ་

(༢༧)ཚིག་ན་དགའ། མ་ཚིག་ན་མི་དགའ། མྱུར་དུ་མི་སྣང་བར་སོང་ན་དགའ། ཡུན་རིང་དུ་ལུས་ན་ཡང་ཁ་སྣར་འཚངས། རུལ་བ་དང་དྲི་སྣོམ་ན་སྡུག་བསྔལ་ཆེན་པོ་བྱེད། རང་ལ་གདུང་བ་མེད་པ་ཀུན་ལ་ཞེ་སྡང་ཆེན་པོ་བྱེད་ཅིང་མི་དགའ་བའི་སྣང་བ་འོང་བར་འདུག །སྔར་གྱི་ཁྱིམ་དང་མལ་ལ་སོགས་པར་འཁོར་ཞིང་ཉེ་བ་ཉེ་འབྲེལ་རྣམས་ཁོ་རང་ཟས་ཟ་ཞིང་བདག་ལ་མི་སྟེར་བ་དང་། མིང་ནས་བཏོན་ཅིང་ངུ་བ་དང་། ཤི་བའི་གཏམ་བརྗོད་པ་ལ་སོགས་པས་ཤིན་ཏུ་མི་དགའ་བར་གྱུར་ཏེ། གར་འགྲོ་གཏད་མེད་དུ་འགྲོ་བར་འདུག། ཅེས་སྲིད་པ་བར་དོའི་རང་བཞིན་རྒྱས་པར་དབྱེ་བ་ལྟར་ད་ལྟའི་རྨི་ལམ་དང་ཕྱིན་ཆད་ཀྱི་བར་དོ་གནད་གཅིག་པས་འཆད་ཚུལ་སྣ་ཚོགས་ལ་ཀླན་ཀ་མི་དགོས་པར་རྟོགས་སོ། །ཨ་ཧོ། །དུས་དེ་ཡི་གནས་སྐབས་ཐམས་ཅད་དུ། །ཕྱི་བཟུང་ཡུལ་རགས་པའི་རྣམ་རྟོག་འགགས། །ནང་འཛིན་བྱེད་ཤེས་པ་གཏད་མེད་གྲོལ། །སེམས་བདེ་སྟོང་གི་ནམ་མཁའ་དངས་པའི་ཀློང་། །ལམ་མངོན་སུམ་རིག་མདངས་ལྷག་མཐོང་གིས། །དཔལ་མ་ཧཱ་གུ་རུའི་ཞལ་སྐྱིན་མཇལ། །ཉམས་རྟོགས་འབུལ་

(༢༨)ཞིབ་རྒྱས་ཞུས་པ་ན། །སྒོམ་ཡལ་གྲབས་ཡིན་འདུག་གསུངས་པ་ཐོས། །སྒོམ་བྱས་ཚད་ཉམས་ཞེན་རྣམ་རྟོག་ཡིན། །དེ་ཡལ་ན་ཉམས་ཡལ་རྟོགས་པ་ཤར། །དོན་སྤྲོས་བྲལ་བདེན་པ་མཐོང་བའི་བརྡའ། །ཆོས་ཡང་གསང་ཐུགས་ཀྱི་སྒྲུབ་པ་ཡི། །བསྙེན་སྒྲུབ་ལས་སྦྱོར་ཕ་མཐར་ཕྱིན། །མཚན་མ་རྫས་ཀྱི་སྐུ་རྟེན་དེ། །དངོས་གྲུབ་ལེན་པར་འགུལ་བ་སྙམ། །ནང་རིག་པ་དབྱིངས་ཀྱི་ཧེ་རུ་ཀ །གསལ་བརྟན་གྱི་ཡུལ་གསུམ་གྱད་དུ་གྱུར། །སེམས་ཡི་དམ་གྱི་ཕྱག་རྒྱར་རྩལ་རྫོགས་པས། །རྣམ་སྨིན་རིགས་འཛིན་གྱི་ལྡང་ཚད་ཤེས། །དེ་ནང་ལྟར་སྒྲུབ་པ་རྟ་གདོང་ཞལ། །ཕྱག་རྒྱར་བསྒྱུར་ནས་བསྒྲུབས་པའི་ཚེ། །གཉིད་མི་རྟོག་ཀུན་གཞིའི་མུན་པ་ནས། །ཡིད་གཅིག་པུར་ལངས་པའི་གསལ་སྣང་ལ། །གནས་འོག་མིན་དཔལ་གྱི་མཆིམས་ཕུ་ཡི། །བྲག་དམར་གྱི་ཀེའུ་ཚང་དུ་སླེབས། །དབྱིབས་རྣམ་འགྱུར་ཇི་བཞིན་མ་ཡིན་པའི། །རང་བྱུང་གིས་བྲག་སྐྱིབས་ཆེན་པོའི་ནང་། །ཕ་མཚོ་སྐྱེས་རྡོ་རྗེའི་སྣང་བརྙན་ལ། །འཁོར་རྒྱལ་བ་རིགས་ལྔས་མཛེས་པ་དེའི། །སྐུ་ཆེ་ཆུང་མི་ཚད་ཉིས་འགྱུར་ཙམ། །རིགས་

(༢༩)གཙོ་དང་ཨོ་རྒྱན་གཉིས་ཀའི་ཕྱག །རཏྣའི་སྲོག་ཞུས་མཚན་པར་སྣང་། །དེར་རིག་འཛིན་ཧཱུྃ་ཆེན་འགྲོ་འདུལ་དང་། །མིག་འཕྲུལ་ལྟ་བུར་མཇལ་བ་ན། །བྲག་འདི་ལ་གུ་རུའི་ཞབས་རྗེས་ཡོད། །བདག་ཅག་གཉིས་འཚོལ་ལོ་གསུངས་པ་ལ། །གཉིས་ཀས་འཚོལ་བའི་འདུ་ཤེས་དང་། །གནས་དེའི་དཀོན་གཉེར་ཡིན་སྙམ་པའི། །བན་རྒན་སོང་ཞིག་ཁྱམས་དེར་འདུག་པ་དེས། །མཇུབ་རིས་དང་བཅས་བསྟན་བྱུང་བར། །དེ་ན་ཞབས་རྗེས་ཁྲུ་ངོ་ཙམ། །འདམ་ལ་རྒྱབ་ལྟར་ཤིན་ཏུ་གསལ། །དེར་རང་ཉམས་འུར་ཏེ་ཏིང་འཛིན་གྱིས། །དབང་བཞི་བླངས་པའི་ནུས་པ་དེ། །ཐ་མལ་གྱི་བློ་ཡིས་དཔག་པར་དཀའ། །སེམས་གྱ་གྱུའི་ཀུན་རྟོག་འཆིང་བ་ཅན། །བཙན་ཐབས་སུ་གཏད་མེད་ཆེན་པོར་གྲོལ། །གཉིད་རྨི་ལམ་གྱི་འཆར་སྒོ་རྫུན་པ་དེ། །ནང་དབྱིངས་སུ་ནུབ་པའི་ཟླ་བ་ལྟར། །མི་རྟོག་དབུ་མའི་གཤིས་ལ་ཐིམ། །དེ་ལུང་མ་བསྟན་དུ་མ་འབྱམས་པར། །རྩ་ཤེལ་སྦུག་ཅན་དུ་ཞུགས་པ་ལས། །གཉིད་གཏི་མུག་གི་འཆིང་བ་ལས་བརྒལ་ཏེ། །བུམ་ནང་དུ་མར་མེ་སྦར་བ་བཞིན། །འོད་གསལ་

(༣༠)གྱི་གོ་ཡང་མ་འགགས་ལ། །འཁོར་འདས་སོ་སོའི་མཚང་རིག་ཅིང་། །བློ་དེར་འཛིན་གྱི་ཀུན་རྟོག་དང་བྲལ་བའི། །དབྱིངས་གཞོན་ནུ་བུམ་སྐུའི་ཞིང་ཁམས་མཐོང་། །ངས་སྔོན་ཆད་མ་མཐོང་དགུ་མཐོང་ཡང་། །འོད་གསལ་ལྷུན་གྲུབ་ཀྱི་ཞིང་མ་མཐོང་། །ཕ་པདྨའི་ཐུགས་རྗེ་བསམ་མི་ཁྱབ། །དོན་རང་རིག་རྩལ་གྱི་དབང་ཆེན་ཐོབ། །དེ་སླར་ཡང་ནམ་མཁར་འདྲེས་པ་ལྟར། །ལྷག་མཐོང་གི་རིག་པ་སད་པ་ལས། །སྟོང་པའི་གསལ་མདངས་ཆེར་འབར་ནས། །སྣང་སྲིད་ཀུན་རྟོག་མེད་འོད་གསལ་ངང་། །མེ་ལོང་ནང་གི་གཟུགས་བརྙན་ནམ། །རྒྱ་མཚོར་གཟའ་སྐར་བཀྲམ་པ་བཞིན། །དེར་འཛིན་མེད་པའི་བལྟད་མོ་མཐོང་། །དེ་ཕྱིར་གསལ་ཕྲ་མོའི་ཀུན་རྟོག་ལས། །གཉིས་སྣང་གི་ཞེན་པ་ཤར་བ་ན། །ཡུལ་དཔལ་གྱི་གྲུ་འཛིན་པོ་ཏ་ལ། །སྒོ་སྐར་ཁུང་བསམ་ལས་འདས་པ་དང་། །དེའི་སྟེང་གི་ནམ་མཁར་འཕགས་མའི་སྐུ། །བཻ་ཌཱུར་གྱི་མདངས་ཅན་འོད་ཀྱི་སྐུ། །ཧ་ཅང་གསལ་འཚེར་མིན་པ་ཞིག །སྣང་བས་དེ་ལ་དེར་འཛིན་གྱི། །གཉིས་སྣང་དུ་ཞེན་པས་རྐྱེན་བྱས་ཏེ། །འོད་གསལ་གྱི་སྣང་བ་རང་སར་འགགས། །

(༣༡)གཉིད་སད་རྒྱུ་མེད་ལ་སད་འདྲའི་ངང་། །ད་ལྟའི་ཤེས་པ་རྗེན་པར་འདུག །ཨེ་མ། རྗེ་རང་བྱུང་པདྨའི་བྱིན་རླབས་མཐུས། །ངས་རྫོགས་པ་ཆེན་པོའི་གཞི་དབྱིངས་དོན། །ཉམས་མྱོང་དུ་རྡོ་རུས་ཐུག་པར་མཇལ། །འོད་གསལ་རྫོགས་པ་ཆེན་པོ་ཡི། །རྒྱུད་སྡེ་དང་ཞུས་དག་ཕེར་བར་ཤེས། །འདིར་བརྗོད་བྱའི་གནས་ཚུལ་མ་ལགས་ཏེ། །དུས་མ་འོངས་རིག་འཛིན་སྤྲུལ་པའི་གར། །དགོངས་བརྒྱུད་ཀྱི་འཕོ་བ་ཐོབ་ངེས་པ། །འགའ་སྲིད་ན་དེ་དག་ངོ་མཚར་ཞིང་། །ངེས་ཤེས་ཀྱི་དང་བ་འདྲེན་པའི་ཕྱིར། །འདིར་རྟོགས་པའི་འདྲ་འབག་ཡི་གེར་བཞག །སྤྱིར་འོད་གསལ་ལ་འཆད་ཚུལ་མང་ན་ཡང་། །ཀུན་གཞིའི་དྲི་མ་དག་ཅིང་གཞིའི་གནས་ལུགས་ལུང་མ་བསྟན་ལས་ཁྱད་ཆོས་དྲུག་གིས་འཕགས་པའི་གདོད་མའི་ནང་དབྱིངས་གཞོན་ནུ་བུམ་པའི་སྐུར་གྲགས་པ་འདི་ངེས་གསང་རྫོགས་པ་ཆེན་པོ་སྙིང་ཐིག་ཐུན་མོང་མ་ཡིན་པའི་དགོངས་པ་ཡིན་ལ། དེ་ལྟ་ནའང་ཀུན་ཏུ་བཟང་པོ་དང་ཞལ་མི་གཉིས་པ་ཀུན་མཁྱེན་ཀློང་ཆེན་པས་དགོངས་པའི་རྩལ་གྱིས་ཉམས་སུ་མྱོང་། བཤད་པའི་ལམ་ནས་གཏན་ལ་ཕབ་པས་འདི་དག་གི་བཤད་ཚུལ་གོལ་འཕྱུགས་

(༣༢)མེད་པ་གང་གི་དགོངས་གཏེར་བསྟན་བཅོས་ཆེན་པོ་རྣམས་སུ་སྣང་བ་ནི། སུམ་ཅུ་རྩ་གསུམ་དུ་བགྲོད་མ་མྱོང་བའི་གང་ཟག་ཆེ་གེ་མོ་ཞིག་ལ་དེའི་དངོས་གནས་ཞིབ་པར་བཤད་ཀྱང་དེ་འདྲ་ཞིག་གོ་སྙམ་པའི་འོལ་སྤྱི་ཙམ་ལས་ངེས་ཤེས་མི་སྐྱེ་ཞིང་ཡིན་ཚུལ་ཇི་བཞིན་པ་བློ་ཡུལ་དུ་སྣང་དཀའ་བ་ཙམ་དུའང་མ་ཟད། ཕྱི་རབས་ཀྱི་གང་ཟག་རྣམས་ཚིག་ཙམ་དང་གྲགས་པའི་རྗེས་སུ་འབྲང་བས་གསང་བ་ཆེན་པོ་འདི་ལྟ་བུ་བཤད་པ་ལས་ལྷ་མཐོང་འདྲེ་མཐོང་ཅུང་ཞིག་སྨྲས་ན་མགུ་བར་བྱེད་མོད། རྒྱུ་མཚན་དེས་ད་ལྟ་གངས་ཅན་འདིར་རྟོགས་པ་མཐོན་པོར་རློམ་ཞིང་སྒོམ་ཉིན་མཚན་འདྲེས་པའི་ཁས་ལེན་སྤྱི་བརྟོལ་དུ་བྱེད་པ་སྣང་ནའང་། ནང་དབྱིངས་གྲོལ་ས་ཆེན་པོ་འདིའི་གནད་རྟོགས་ཤིང་མྱོང་བ་ལྟ་ཅི། གོ་བས་གཏན་ལ་ཕེབས་པའང་དཀོན་པར་སྣང་ངོ་། །དེ་ཡང་མཁའ་འགྲོ་ཡང་ཏིག་གི་མཐོང་སྣང་རིན་པོ་ཆེ་འོད་ཀྱི་དྲྭ་བར། སང་ཉིན་ཐོ་རེངས་བླ་མ་གཟིམས་དུས་ཐུགས་འོད་གསལ་ལ་འབྱམས་ཏེ། ཡར་ཀ་དག་གི་སྣང་བ། བར་ལོངས་སྐུའི་ཚོམ་བུ། མར་འགྲོ་དྲུག་གི་འཆར་ཚུལ། སྒྲ་སྐད་སྣ་ཚོགས་པ་ཐོས་པ་ལ་ཐུགས་ཀྱིས་རིག་ཅིང་རགས་པར་མེད་

(༣༣)པར་སྣང་བ་དང་། དེའི་སྐད་ཅིག་མ་སྔ་མ་ན་དྲན་བསམ་རྒྱུན་ཆད་ནས། སྣང་བ་དམར་ལ་མཐིང་བ་ཙམ་གྱི་ངང་ལ་བརྒྱལ་བ་བཞིན་འབྱམས་སོ། །དལ་གཅིག་ན་རྣལ་འབྱོར་མ་དེས་འོངས་ནས། སྔ་མའི་དེ་ནི་གདོད་མའི་ཀ་དག་ཏུ་ནང་གསལ་ཐིམ་ལ་མ་རྨུགས་པར་བཞུགས་པའི་ངོ་སྤྲོད་ཡིན་ནོ། །བརྒྱལ་བ་ཞེས་བྱ་སྟེ་ཆོས་ཉིད་ཀྱི་ངང་དུ་བརྒྱལ་བས་སློང་དགོས་པ་ཡིན་ནོ། །ཕྱི་མ་ནི་ཕྱིར་གསལ་དུ་སྤྲུལ་སྐུ་འགྱེད་ཚུལ་དང་། འཁྲུལ་པ་རིམ་གྱིས་སྣང་ཚུལ་རང་སར་ཤར་བའི་ངོ་སྤྲོད་ཡིན་ནོ་གསུངས་སོ། །ཞེས་བཤད་པ་དང་དོན་གཉིས་སུ་མེད་པར་འབྱོར་བས་རང་གིས་མྱོང་བ་ལ་ངེས་ཤེས་འདྲོངས་ཤིང་ཀུན་མཁྱེན་ཆེན་པོ་ལ་མོས་པའི་སྲོག་མཁར་གཞིག་ཏུ་མེད་པ་ཚུགས་པར་གྱུར་ཏོ། ༈ །ལྷ་དེ་ཡི་ལས་སྦྱོར་ལ་བབས་ཚེ། །ཉམས་རྨི་ལམ་དངས་པའི་མེ་ལོང་ངོར། །ཁོ་གནོད་སྦྱིན་བྲག་བཙན་དམར་པོ་དེ། །མི་གཞན་གྱིས་བདག་ལ་རྦད་པ་མཐོང་། །ངས་སྟོང་ཉིད་སྙིང་རྗེར་ཁྲོས་པའི་ངང་། །ཁོ་སྲིད་པ་རུ་ལོག་སྙིང་ཁ་རུ། །གནད་རང་གཤེད་དབབ་པའི་མཚོན་ཆས་གཟིར། །ཞག་གཉིས་ནས་སྒྲུབ་གཡོག་ས་མནྟས། །རྡོ་ཕ་

(༣༤)ཝོང་ལོད་བུ་སྟར་རློན་ཙམ། །མངོན་སུམ་དུ་བྱིན་པ་བླ་རྡོར་བསྔགས། །གཅུན་པ་དང་ཤི་ས་བསྟན་པའི་ཕྱིར། །མལ་ཞབས་སུ་ཟིལ་གནོན་དགོངས་པས་གཟིར། །བཀའ་ནན་ཆད་མདོ་ལ་གནས་པའི། །སྲུང་མའང་ངོ་སྲུང་ཟས་ཕྱིར་འཕྲེང་། །འདི་དག་ལ་གཏོར་མ་བྱིན་པ་ལས། །གནམ་ལྕགས་སྤུ་གྲིའི་གནད་དབབ་ཟབ། །འདྲེ་གནོད་སྦྱིན་གྱི་ཀུན་སྦྱོང་ཉམས་རེ་དགའ། །དུས་དེ་ཚེ་སྨིན་དྲུག་ཟླ་བའི་ནུབ། །དམྱལ་བ་ཡིན་ནོ་སྐད་པ་ཡི། །ཟབས་རིང་པོར་ལྷུང་བའི་སྣང་བ་ལ། །ཚེ་འདིར་ནེ་ལས་ངན་བསགས་པ་མེད། །བཅས་པ་དང་རང་བཞིན་ལས་འདས་པའི། །ཕྲ་མོའི་སྡིག་པ་དག་ལ་ཡང་། །སྟོབས་བཞི་དང་བཅས་པས་བཤགས་མོད་དེ། །ཚེ་ཐོག་མེད་ནས་བསགས་པའི་རྣམ་སྨིན་ཞིག །དུས་ད་རེས་སྐབས་སུ་བབ་པ་ལ། །ཁོང་སངས་རྒྱས་བྱོན་ཀྱང་རང་གིས་ནོངས། །དེ་འོན་ཏེ་དམྱལ་བའང་སེམས་ཀྱིས་བཟོས། །ནང་དྲན་རིག་གི་ངོ་བོར་ལྟ་སྙམ་ཚེ། །འདིས་དམྱལ་བའི་སྐལ་བ་ཐེངས་པ་ཡིན། །ཁྱོད་ད་ལམ་སོང་ཟེར་སྒྲ་ཞིག་ཐོས། །གཉིད་སང་དེ་སྐྱོ་ཤས་ངང་ལ་འབྱམས། །རྐྱེན་དེ་ཡིས་ནངས་པར་སྔོན་འགྲོ་ཡི། །

(༣༥)ལམ་ཟབ་མོ་བླ་མའི་རྣལ་འབྱོར་ཚེ། །ལས་དེ་འདྲ་མྱོང་བའི་སེམས་ཅན་ལ། །བཟོད་བླག་དང་བྲལ་བའི་སྙིང་རྗེ་སྐྱེས། །དབང་མེད་དུ་མཆི་མའི་ཆར་པ་བབས། །སྐྱོ་ཤས་ཀྱི་སྣང་བ་སངས་པའི་ཚེ། །བརྗོད་མེད་ཀྱི་ཉམས་རྟོགས་གསར་དུ་འཁྲུངས། །ཕ་བླ་མ་དྲན་པའི་མགུར་ཡང་བླངས། །སྡུག་བསྔལ་ཀུན་སྒྲིབ་པའི་བུད་ཤིང་དུ། །གསུངས་པས་དེ་ངོ་མཚར་ཅན་དུ་གདའ། །དཔེ་རྨི་ལམ་ཙམ་གྱི་དུཁས་ཀྱང་། །ཉམས་རྟོགས་འགུགས་པའི་ཕོ་ཉར་བྱུང་། །དེ་ཕྱིན་ཆད་སྡུག་བསྔལ་དང་གཏམ་ངན་ལ། །དངོས་གྲུབ་ཆེན་པོར་ལྟ་བ་ཡིན། །དེར་སླར་ཡང་ཅུང་ཟད་མནལ་བ་ན། །ཐུགས་རྒྱུད་རྟོགས་པའི་བྱིན་རླབས་མཐུས། །ཀུན་གཞིའི་རྣམ་རྟོག་ཆོས་སྐུར་སངས། །གསལ་བ་ལ་རྟོག་པ་མེད་པ་ཡི། །སྟོང་པའི་འོད་གསལ་གྱི་ལྟད་མོར་འབྱམས། །དེར་མཆེད་པ་ཕྱིར་གསལ་དུ་གཡོས་པ་ལས། །སྣང་བའི་འོད་གསལ་གྱི་རིག་གདང་སུ། །བྲག་ཉི་མ་ཤར་བའི་ལྡེབས་ཤིག་ལ། །རང་བྱོན་གྱི་བཀོད་པ་འགའ་ཞིག་མཐོང་། །རྐྱེན་དེ་ཉིད་ཀྱི་ཡིད་ཤེས་ལངས་པ་ལས། །གཉིད་ཡིན་མིན་རྟོག་དཔྱོད་ཕྲ་མོ་

(༣༦)ཤར། །དེས་སྒོ་ལྔའི་རྩ་ནང་རླུང་ཞུགས་པས། །གཉིད་སད་རྒྱུར་སྣང་ཡང་འཁྲུལ་འབྱམས་མེད། །གཤིས་མི་རྟོག་རྗེན་པའི་ངང་ལ་གནས། །ཕྱིས་འོད་གསལ་ལ་སློབ་པའི་རྗེས་འཇུག་རྣམས། །དྲན་པ་རྒྱ་འབྱམས་ཀྱི་ཀུན་རྟོག་དང་། །མུན་པ་ལྟ་བུའི་གཏི་མུག་ལ། །འོད་གསལ་གྱི་མིང་འདོགས་མ་བྱེད་པར། །གནད་འདི་དག་ཁོང་དུ་ཆུད་པར་གྱིས། །འདི་དགོངས་བརྒྱུད་འཕོ་བ་ཐོབ་པའི་མཐུ། །དུས་གཏན་དུ་ཟིན་པ་དཀའ་བ་སྟེ། །རླུང་དབུ་མར་ཞུགས་གནས་ཐིམ་གསུམ་གྱི། །རྩལ་ཡོངས་སུ་རྫོགས་ལས་གཞན་དུ་མིན། །དེའི་ཐོ་རེངས་ལྡངས་པའི་རྣལ་འབྱོར་ཚེ། །གཞི་སྣང་བའི་འོད་གསལ་དངས་པའི་ངོར། །རང་གནས་པའི་སྨིན་མཚམས་ནམ་མཁའི་ཐད། །འཇའ་ཚོན་སྣ་ལྔ་པའི་གུར་ཁྱིམ་ནང་། །སྐྱབས་ཀུན་འདུས་མཚོ་སྐྱེས་རྡོ་རྗེ་མཇལ། །དེ་བལྟ་བྱ་དང་ལྟ་མཁན་དབྱེར་མེད་པས། །རེ་དོགས་ཀྱི་འཆིང་བ་གང་ཡང་མེད། །དེའི་ངང་ལ་དེ་ཉིད་གནས་འགྱུར་ཏེ། །ཡུལ་སིང་ག་ལ་ཡི་ཨཱ་ཙརྱ། །འཇམ་དཔལ་བཤེས་གཉེན་དུ་ལམ་གྱིས་སོང་། །སྐུ་དམར་སྨུག་མཆོང་ལྟར་དངས་པ་ཡི། །ཕྱག་གཡས་ན་བེ་ཅོན་ཁྱད་འཕགས་

(༣༧)བསྣམས། །གཡོན་བདག་གི་སྙིང་ཁར་སྡིགས་མཛུབ་ཀྱི། །ཕྱག་རྒྱས་བརྡ་ཐབས་སྟོན་པའི་མོད། །ཕྱག་མཚན་གྱི་བེ་ཅོན་བདག་ཉིད་ལ། །བྱིན་ཏེ་རང་ལ་དབྱེར་མེད་ཐིམ། །སྐུ་སྒྱུ་མ་ལྟ་བུའི་གསལ་སྣང་དེ། །ཀ་དག་གི་དབྱིངས་སུ་གཏད་མེད་ཡལ། །དུས་འདི་ནས་དགོངས་པའི་གསང་མཛོད་རྡོལ། །གསུང་རབ་ཀུན་གྱི་དགོངས་པ་ཁྲོལ། །ཀློང་ཆེན་རིག་པའི་རྩལ་ཆེན་རྫོགས། །སྣང་ཡུལ་བརྡ་དང་དཔེ་ཆར་ཤར། །མཆོག་གི་དངོས་གྲུབ་རྒྱུད་ལ་བཞག །གང་ཚེ་ལོངས་སྐུའི་ཆས་གྱོན་ཞིང་། །ལུས་རྣམ་སྣང་ཆོས་བདུན་དྲང་པོའི་ངང་། །ནམ་མཁར་བྱ་ལྟར་ལྡིང་བ་དང་། །གཅེར་བུར་རྒོད་ལྟར་འཕུར་བ་སོགས། །རྒྱ་གར་ཡིན་རྒྱུ་རི་སྨན་ལྗོངས་ཤིན་ཏུ་ཁུལ་ཡངས་པ་ཞིག་ཏུ་སླེབས་པ་ན། བན་དེ་གཙོ་བོར་གྱུར་པའི་ཁྲོམ་དམར་ནག་འཁྱིལ་བ་མདུན་ངོས་ནས་ཡོང་བར་སྣང་བ་ལ་གྲྭ་བ་རྟོག་གེ་བའི་རིགས་གསང་སྔགས་ཟབ་མོ་ལ་ལྷག་པར་སྡང་སེམས་དང་ལྡན་ཞིང་གྲུབ་པའི་ཆ་ལུགས་ཙམ་ལའང་ལོག་རྟོག་མི་བཟད་པ་ཡོད་འདུག་པས་ད་ལམ་སྣང་བ་སྤྲུལ་བསྒྱུར་ཞིག་བྱེད་དགོས་བསམ་ནས། འདི་སྐད་དུ། ང་རྣལ་འབྱོར་དབང་ཕྱུག་བི་རུ་པ། །ནམ་མཁར་འཕུར་ན་འདི་ལྟར་འཕུར། ཞེས་ནམ་མཁར་གཞུ་འདོམ་

(༣༨)ལྔ་བརྒྱ་ཙམ་ཤུགས་ཀྱིས་འཕར་ཞིང་། ས་ལ་འཛུལ་ན་འདི་ལྟར་འཛུལ། ས་ལ་འཛུལ་དགོས་སྙམ་པ་ན་གཉིད་སད། རྨི་ལམ་གྱི་རང་གཟུགས་ཅིར་ཡང་རྩེ། །འདི་ནམ་མཁའི་རླུང་ཟིན་ལྟས་སུ་ངེས། །ས་ནོན་ཅེས་བཤད་པའི་གཞུང་ཡང་ཡོད། །དེ་ཡན་ཆད་རང་ལོ་ཉེར་བརྒྱད་པའི། །འཁྲུལ་སྣང་སྒྱུ་མའི་མེ་ལོང་ངོ་། །ཞིང་བཀོད་ལ་ཌཱཀྐིའི་གསང་གཏམ་ཆེན་མོ་འདིར་འགོད། །མེ་གོས་སུ་བཀླུབས་པའི་གླང་གི་ལོའི། །དུས་ཆོ་འཕྲུལ་ཟླ་བའི་ཚེས་བཅུའི་ཉིན། །ཕ་རྗེ་བཙུན་ཨོ་རྒྱན་སྙིང་ནས་དྲན། །མིག་འཆི་མའི་དབའ་རླབས་གཡོ་བཞིན་དུ། །ངག་གདུང་བའི་འོ་དོད་ལྷང་ལྷང་སྙིལ། །ཕ་སངས་རྒྱས་གཉིས་པ་དེ་ཉིད་ཀྱི། །རྣམ་ཐར་དང་བཀའ་དྲིན་དྲན་པའི་མོད། །ཚེས་བཅུའི་དུས་དྲན་གསོལ་འདེབས་བརྩམས། །དེས་ཐུན་མཚམས་ཀུན་ཏུ་གསོལ་བཏབ་པས། །ཞག་གསུམ་འདས་པའི་ཐོ་རེངས་ཁར། །སྒོ་ལྔའི་གསལ་སྣང་ནུབ་པ་ཡིས། །ཀུན་གཞིའི་རྣམ་ཤེས་ཀྱི་མེ་ལོང་ངོར། །ལྗོངས་འདི་ཡིན་ངོ་མི་འཚལ་བའི་སར། །མདུན་ངོས་ནས་ལྷག་པར་ལྟར་སྣང་བའི། །གདུགས་རྒྱལ་མཚན་བ་དན་འཕན་ཕུར་སོགས། །བློས་དཔག་ཏུ་མེད་པས་སྔོན་བསུས་ཏེ། །

(༣༩)སྤྲུལ་པའི་གུ་རུ་མཚན་བརྒྱད་རྣམས། །སྐུ་ཆེ་ཆུང་མི་ཚད་ཉིས་འགྱུར་ཙམ། །ལྷམ་མེ་ལྷན་ནེར་འབྱོན་པ་མཇལ། །དེར་མིག་འཕྲུལ་ལྟ་བུའི་གསལ་སྣང་ལ། །འཇའ་འོད་ཟླུམ་འཁྱིལ་དངས་པའི་ནང་། །སྐས་གདང་བུ་ལྔ་ལྡན་བཙན་ཐབས་སུ། །ནམ་མཁའི་ངོས་སུ་བཙུགས་པ་མཐོང་། །དེར་རྟོག་མེད་དུ་འཛེགས་ཏེ་འགྲོ་བའི་དང་། །ཕ་ཨོ་རྒྱན་དང་མཇལ་ལོ་སྙམ་ཙ་ན། །བུ་མ་ཆགས་པདྨའི་ས་ལ་ཤོག །ཅེས་གསུང་པ་རྣ་བར་ལྷང་གྱིས་གོ །དེའི་མོད་ལ་རང་སྣང་རྔ་ཡབ་གླིང་། །དཔལ་གཡོ་རུའི་ཁྲ་འབྲུག་ཡིན་སྙམ་པའི། །ངོ་མཚར་གྱི་གཞལ་མེད་ཁང་དུ་སླེབས། །དབུས་འཇའ་ཚོན་གྱི་ལྡིང་གུར་བཀྲ་བའི་ཀློང་། །ཡབ་རིག་འཛིན་པདྨ་འབྱུང་གནས་དེ། །སྐུ་གསུམ་རིགས་འདུས་ཀྱི་རྣམ་རོལ་ཅན། །རྟེན་མེད་དུ་བར་སྣང་དབྱིངས་ལ་བཞུགས། །གཡས་གཡོན་ན་བི་མ་པ་གོར་ཞབས། །འཁོར་དཔའ་བོ་ཌཱཀྐིའི་ཚོམ་བུས་མཛེས། །དབུས་རྡོ་ཡི་བཞུགས་ཁྲི་ཆེན་པོའི་སྟེང་། །རྟོག་མེད་ལ་རང་ཉིད་སླེབས་པའི་མོད། །མོས་གུས་ཀྱིས་དྲན་པ་དབང་མེད་སྟོར། །རིག་པ་སྐར་མདའ་འཕངས་

(༤༠)པ་བཞིན། །རྗེ་བཙུན་གུ་རུའི་ཐུགས་ཀར་ཐིམ། །དེར་རིག་པ་རྩལ་གྱི་དབང་ཆེན་ཐོབ། །ལམ་རྫོགས་པ་ཆེན་པོའི་གནད་ཤེས་ཤིང་། །དབྱིངས་གཞོན་ནུ་བུམ་སྐུའི་ཞི་ཁམས་དེ། །རྒྱ་ཆད་དང་ཕྱོགས་ལྷུང་མེད་པར་མཐོང་། །ཞག་གཅིག་འདས་པའི་ཉམས་སྣང་བྱུང་། །དེ་སད་པའི་ཤེས་པ་སྐད་ཅིག་མར། །གསང་མཆོག་བདེ་བ་ཆེན་པོ་ནི། །ཡུམ་ཡེ་ཤེས་ཌཱཀྐི་འཚོ་རྒྱལ་མ། །བུ་མོ་མཛེས་མའི་ཆ་བྱད་ཅན། །དེས་མཚན་ལྡན་གྱི་བྷན་དྷ་སྲུབས་མེད་ཅིག །བདག་ཉིད་ཀྱི་ལག་ཏུ་སྤྲོད་པ་དང་། །འདི་ཆོས་རྒྱལ་ཁྲི་སྲོང་ལྡེ་བཙན་གྱི། །དབུ་ཐོད་ངོ་མ་ཡིན་ནོ་གསུངས། །ཡང་ཅུང་ཞིག་དགོངས་ནས་ཐོད་པ་དེ། །རེ་ཞིག་ཕར་ལ་བླངས་པའི་མོད། །མིག་འཕྲུལ་ལྟ་བུའི་སྣང་ཆ་ལ། །སྔ་མ་དང་དབྱེ་བར་མི་བཟོད་པའི། །ཐོད་པ་ཞིག་དེ་ཡི་ཟླ་ལ་སྦྱར། །གཉིས་ཀ་ལྷན་ཅིག་སྩོལ་བ་དང་། །ད་འདི་གཉིས་དབྱེ་བ་ཨི་ཕྱེད་གསུངས། །དེ་དཔྱད་དུ་མ་བཟོད་ནེམ་ནུར་དང་། །གསལ་སྣང་དེ་ནམ་མཁའི་འཇའ་ལྟར་ཡལ། །རྗེ་ཡབ་ཡུམ་དེ་སྙིང་ལ་དྲན་དྲགས་ནས། །སྐྱོ་ཤས་ཀྱིས་གདུང་བ་བཟོད་ཐབས་བྲལ། །རིག་པ་འདུན་པའི་

(༤༡)ཏནྟྲ་ལས། །བརྡ་དང་བརྡ་མཚོན་གོ་བ་ནི། །དབང་གི་ནང་ནས་དབང་ཀའོ། །ཞེས་པའི་དོན་ལ་ངེས་ཤེས་རྙེད། །ལོ་དེ་ཡི་ས་ག་ཉ་བའི་ཟླར། །ལྷ་དཔལ་ཆེན་རྡོ་རྗེ་གཞོན་ནུ་ཡི། །ཡན་ལག་བཞི་ལྡན་གྱི་སྒྲུབ་ཆེན་བཙུགས། །སྲོད་ཐུན་དང་པོའི་བྱིན་འབེབས་ཚེ། །ཉམས་གཏད་མེད་ངང་ནས་ཤེས་པ་འུར། །དཀྱིལ་འཁོར་གསུམ་ལྡན་གྱི་ཏིང་འཛིན་དང་། །ཆོས་ཉིད་ཀྱི་ངང་དུ་དྲན་པ་མྱོས། །དེར་སྤྲོས་བྲལ་ནམ་མཁའི་རྣལ་འབྱོར་པ། །རྗེ་ལྷ་བཙུན་མཁའ་འགྲོའི་དབང་ཕྱུག་དེ། །སྐུ་ཧ་ཅང་མི་བགྲེས་དར་ཡོལ་ཙམ། །མིག་འཕྲུལ་ལྟ་བུའི་ངང་དུ་མཐོང་། །ཉམས་རྟོགས་ཀྱི་འགྲོ་བས་མཉེས་པར་བྱས། །དུས་དེ་ཚེ་བཀོད་མཛེས་ཀྱི་ཁང་པའི་ནང་། །བཻ་རོའི་རྣམ་འཕྲུལ་གཏེར་བདག་གླིང་། །མཇལ་ཏེ་གསུང་ལས་འདི་ལྟར་ཐོས། །འགྲོ་བའི་དོན་དུ་སྲིད་མས་རྡ།། །།བསྐུལ་མཁན་བྱུང་ན་སྐད་སྙན་ཡོད། །ཅེས་གསུང་པ་གང་གི་རྟེན་འབྲེལ་ལས། །རིག་འཛིན་དེ་ཡི་མགུར་ཕུར་དུ། །གྲགས་པའི་ཕུར་པ་ངོ་མཚར་ཅན། །འདི་ཀོ་དངོས་གྲུབ་ཀྱི་རྫས་སུ་འབྱོར། །དེའང་སྙིགས་མའི་དུས་ན་རྩོད་པ་དང་། །

(༤༢)བྲལ་བའི་གཏེར་སྟོན་ཆོས་རྗེ་གླིང་པས་ཁ་རེག་མགོ་དགུ་བདུད་མཚོའི་ཀློང་ནས་ཁྲོམ་གཏེར་དུ་སྤྱན་དྲངས་པའི་ལུང་བསྟན་ལས། །དབུས་གཡོར་གཞུང་དུ་བྱང་སེམས་པདྨའི་མིང་༔ སྤྱིར་བསོད་ནམས་དང་དབང་ཐང་གིས་བརྒྱན་ལ་གོ་ས་ཆེ་བ་ཞིག་ལ་ངོས་འཛིན་པས། བདག་འདྲ་བ་མ་ཡིན་ཀྱང་། །པདྨའི་མིང་ཙམ་ལ་མིང་འདྲ་དང་རུས་འདྲའི་ཐེ་ཚོམ་བཅད་པའི་དབང་པོ་ནི། བླ་མ་དགོངས་འདུས་ཀྱི་ལུང་བསྟན་བཀའ་བརྒྱ་མ་ནས། མ་འོངས་པའི་ཚེ་ལུང་ཟིན་ཐམས་ཅད་ལ་མི་འགྱུར་བའི་བརྡ་རྟགས་གསུམ་གྱིས་གཟེར་ཡོད་པ་དེ་ཉིད་ལས། གང་ཡང་མི་འགྱུར་བརྡ་རྟགས་གསུམ་དང་ལྡནཿ ལུས་ལ་ལྟེ་སྨེ་སྙིང་ཁར་ཤ་མཚན་ཏེཿ ངག་གིས་སྙན་མགུར་སྔགས་ཚིག་རྩོལ་བ་ཅནཿ །པདྨ་ལས་བྱུང་པདྨའི་མིང་ཅན་གཉིསཿཡིད་ནི་རྩེ་གཅིག་གདུང་ཤུགས་ང་ཉིད་དྲནཿཕུར་ཚུགས་འདི་མིན་ཡིད་ལ་མི་བྱེད་གསུམཿདེ་གསུམ་འཛོམ་ན་མཆོག་ཡིན་གཉིས་འཛོམ་འབྲིང་ཿ གཅིག་འཛོམ་ཐ་མ་གང་ཡང་ལས་ཅན་ཏེཿ ཞེས་པས་བསྟན་པ་ལྟར་ཁོ་བོའི་སྙིང་ཁར་ཕྱི་རྡོ་རྗེའི་དབྱིབས་སུ་མཚན་པའི་སྨེ་བ་དམར་པོའི་ཐིག་ལེ་བཅུ་ཕྲག་གསུམ་དང་། ལྟེ་བར་དྲིལ་བུའི་དབྱིབས་ཀྱིས་མཚན་པའི་སྨེ་བ་དམར་པོ་སུམ་ཅུ་ཙམ་ཡོད་པས་འདྲ་ཚོད་འོས་ཚོད་ཀྱི་ཞེ་འདོད་བསྒྲུབ་ན་དེ་ཙམ་མོ། །བཀའ་རྙིང་བསྟན་སྐྱོང་ཐབས་མཁས་འགྲོ་བ་

(༤༣)བ་འདུལཿ ཞེས་བཀའ་རྙིང་མའི་བསྟན་པ་བཤད་སྒྲུབ་ཀྱིས་འཛིན་པར་ལུང་གིས་བསྔགས་པ་ལྟར་ཚེ་འདི་ཉིད་ལ་དགེ་བའི་བཤེས་གཉེན་བསྟེན་ནས་ཐ་སྙད་དང་གཞུང་ལུགས་ལ་བཅད་བརྡར་གྱིས་ངལ་དུབ་སོགས་ཅི་ཡང་མ་དགོས་པར་སྔོན་སྦྱངས་ཀྱི་རང་སྟོབས་སྟོན་པའི་རྩལ་རྫོགས་པས་རིག་པ་ཕྱོགས་ཡན་དུ་གྲོལ་བས་རེ་དོགས་ཀྱི་འཕྲང་ལས་གྲོལ། །གང་བྱུང་དེས་ཆོག་ཏུ་ལ་བཟླ་བས་ཞེ་འདོད་ཀྱི་མཚང་བརྡོལ་ནས་སུའི་ཁ་ལའང་མི་ཉན་ཞིང་གུ་ཡངས་བྱུང་རྒྱལ་ཆེན་པོར་སྤྱོད་ལ་སྣང་བ་དཔེ་ཆར་ཤར་བས་བྱས་ཚད་མན་ངག་ཏུ་གོ་བ་དེས་བླ་མ་དགོངས་འདུས་ཀྱི་ཆོ་གའི་རྣམ་བཤད་མཁྱེན་བརྩེའི་མེ་ལོང་རྩོམ་པའི་སྒང་ཡོལ་ལ་ཐུག་པའི་ཚེ། ཐོ་རེངས་ཀྱི་ཆ་ཞིག་ན་གཉིད་སད་དེ་ཤེས་རིག་སྤྲོས་བྲལ་གྱི་ངང་དུ་ལ་བཟློ་བའི་ཚེ། སྨིན་མཚམས་ཀྱི་ནམ་མཁའ་ནས་རྟ་སྐད་མངོན་སུམ་དུ་འཚེར་བ་ཐོས་པས་སྐད་ཅིག་མ་དང་པོ་ལ་ཤེས་པ་དགའ་ཡལ་ཡལ་བ་དང་འཇིགས་ཆུམ་ཆུམ་པ་གཉིས་ཀ་བྱུང་ངོ་། །ཨེ་མ། འདིའི་བསྟན་པ་འཛིན་པར་ལུང་བསྟན་པའི། །ཁོང་པདྨའི་ལྗགས་ལྡན་མཆེད་དྲུག་ལས། །རྗེ་མ་ཧཱ་གུ་

(༤༤)རུས་མིང་གི་དབང་། །པདྨ་དབང་ཆེན་དུ་བྱིན་གྱིས་བརླབས། །དབྱིངས་ལྷན་ཅིག་སྐྱེས་པའི་ཌཱཀྐི་མས། །ལྷ་དབང་ཆེན་པདྨའི་སྲོག་གི་སྙིང་། །མངོན་སུམ་དུ་ལག་པའི་རི་མོ་མཐེ་བོང་གཡས་ལ་ཧྱ་དང་ཧྲཱི་སོགས་མཐོང་ཕྱོགས་ཐ་དད་པའི་རི་མོ་གསལ་བར་འདུག། ལ། །རྩོད་པ་མེད་པར་བཞུགས་ཞེས་བཤད། །སྐབས་དེ་ཚེ་དགོངས་འདུས་སྲུང་བའི་མ། །མི་བསྲུན་ཤ་ཟ་ཧོར་མོ་ཆེ། །གསུང་མཆིམས་ཕུའི་གནས་ནས་ལྷགས་སོ་སྙམ། །སྨན་བཙུན་གཡུ་ཡི་ལན་ཚར་ཅན། །དཔག་ཏུ་མེད་པའི་འཁོར་དང་བཅས། །མི་ཁོ་བོའི་མདུན་དུ་ཁྲོང་གིས་བྱུང་། །ངག་ཅི་ཡང་མི་སྨྲ་འཛུམ་པའི་ངང་། །དུང་དཀར་པོ་ཡིད་དུ་འོང་བ་ཞིག །ངེད་ལ་སྤྲོད་པར་ཙོམ་པ་ན། །དེ་འགྱེལ་སྟབས་སུ་ཅུང་ཟད་སོང་བ་ལས། །དུང་ཆག་གིས་དོགས་ནས་སློང་སློང་ཚེ། །དེས་ཧར་གྱིས་ལངས་ནས་སླར་ལ་སྤྲད། ཁོ་བོས་དཔལ་གྱི་རི་བོ་ཡི། །གཙུག་ལག་གི་སྟེང་ནས་འབུད་སྙམ་ཚེ། །གཉིད་སད་པས་རྟེན་འབྲེལ་དེ་ཙམ་མོ། །དུས་རེ་ཞིག་བསྙེན་བསྒྲུབ་དམ་པོའི་ཚེ། །རང་གཉུག་མའི་བསྟི་གནས་ཡིན་སྙམ་པའི། ཁང་པ་བཀོད་མཛེས་ཞིག་གི་ནང་། །རྗེ་རིག་འཛིན་

(༤༥)ཧཱུྃ་ཆེན་ཀཱ་ར་དེ། །ཞལ་ཁྱིམ་ཟླ་བ་ལྟ་བུ་ལ། །སྐུ་ཤ་ཡང་རྒྱགས་པ་ལྟར་སྣང་བའི། །གཟི་བྱིན་མཚུངས་པ་མེད་པ་ཞིག །སྒྱུ་མ་ལྟ་བུའི་སྣང་ཆར་མཇལ། །ཉམས་རྟོགས་ཀྱི་གླེང་མོ་མང་ཞུས་མཐར། །ད་ངེད་ཀྱི་སྒྲུབ་ཁང་འདི་ཉིད་དུ། །བློས་བླང་གི་དཀྱིལ་འཁོར་ཞིག་བཞེངས་ཞུས་པས། །ད་བློས་བླང་གསར་དུ་བཞེངས་པ་ལས། །ཆུང་ངུ་ཞིག་གསོ་དགོས་པ་ཞིག །གནས་གཞན་དུ་འདུག་པ་ངས་བླངས་ཏེ། །བུ་ཁྱོད་ལ་སྤྲད་ཀྱི་ཞིག་གསོ་གྱིས། །ཞེས་གསུངས་ཏེ་མི་སྣང་གཞན་དུ་ཐལ། །ཡང་མཚོ་སྣ་ཕྱོགས་ནས་ཡིན་སྙམ་པའི། །བུད་མེད་མོན་མོའི་ཆ་བྱད་ཅན། །སྐྲ་ཐམས་ཅད་སྤོས་ཤེལ་གྱི་ལན་ཚར་ཅན། །ངོ་ཤེས་ཤེས་འདྲ་བ་གཅིག་ན་རེ། །གཏམ་སྙན་པའི་ངག་གིས་སྔོན་བསུས་ནས། །དཔེ་བམ་པོ་ཞིག་ལག་ཏུ་སྤྲད་བྱུང་བ། ཁ་ཕྱེ་བས་གསོལ་འདེབས་ལེའུ་བདུན་མ། ཁ་གསར་བ་ཆེ་ཆུང་གསུམ་དུ་སྣང་། །སྔར་འདས་པའི་སྲིད་པ་མང་པོ་ལ། །ཆོས་འདི་ཡི་བདག་པོར་གྱུར་པ་དང་། །ཀློང་ཆེན་གྱི་རིག་རྩལ་རྫོགས་པའི་བརྡར། །མ་མཁའ་འགྲོས་

(༤༦)གནང་བ་བྱིན་ནམ་སྙམ། །ཀྱེ་ཧོཿ། ལོ་དེ་ཡི་ཆུ་སྟོད་ཟླ་བའི་ཉིན། །རྗེ་མཆོག་སྤྲུལ་མངའ་རིས་པ་ཆེན་གྱིས། །གཏེར་གནས་གསུམ་ནས་སྤྱན་དྲངས་པའི། །བཙན་གནོད་སྦྱིན་ཡ་བ་སྐྱ་བདུན་གྱི། །སྲོག་གཏད་དང་རྒྱུད་ལུང་ནོད་པའི་ནུབ། །ནམ་ཐོ་རེངས་ཐུན་གྱི་སྨད་ཆ་ནས། །གཉིད་ཡིན་མིན་དཔྱད་དུ་མ་བཟོད་པའི། །ཉམས་འཁྲུལ་པའི་སྣང་བ་རྫུན་པོ་ཆེར། ཁོང་གནོད་སྦྱིན་ཆེན་པོ་བན་དྷེའི་གཟུགས། །ན་ཆེར་ཡོལ་གྱོན་པ་སྣུམ་བག་ཅན། །འཁོར་དང་བཅས་པ་བདག་དྲུང་ལྷགས། །ཕྱག་ཕུ་དུད་ཆེན་པོས་འཚལ་བ་ལ། །བདག་ཀུན་རྟོག་རང་ཁའི་བག་ཆགས་བློང་། །རང་ན་ཚོད་ཆུང་ངུའི་ཕན་གཞོན་ལ། ཁོང་ཆེ་བགྲེས་ཀྱི་གུས་ཕྱག་མི་འཐད་སྙམ། ཁྱེད་དེ་ལྟར་བགྱི་བར་མི་འོས་ཞེས། །ནན་ཆེན་པོས་ལྡོག་ཀྱང་བཙལ་བ་ན། །དེའི་རྐེ་ནས་འུབ་ཀྱིས་བསྡམས་པ་ལས། །ཡིད་གུས་པའི་ཚུལ་གྱིས་འདི་སྐད་ཟེར། ཁྱེད་ལ་གཏེར་སྟོན་རིན་པོ་ཆེས། མངའ་རིས་པ་ཆེན། །གཅུང་དགའ་བོའི་སྐྱེ་བ་ཡིན་གསུངས་པས། ཤཱཀྱ་ཐུབ་པའི་མཆེད་དུ་སྒྱུ་འཕྲུལ་མའི་བུ། །ལོ་རྒྱུས་དཀོན་བརྩེགས་ལས་དགའ་བོ་མངལ་

(༤༧)འཇུག་གི་མདོ་དང་། །དགའ་བོ་མངལ་ན་གནས་པའི་སྟན་པ་སོགས་ལས་གསལ། དེས་གུས་པས་ལྷ་ཕྱག་འཚལ་བ་ཡིན། སྔར་བྱང་པ་རིག་འཛིན་སྤྲུལ་པའི་སྐུས་ཁྱེད་དབུ་བླར་བཞེས་ཤིང་གུས་འདུད་དང་། །བདག་རྐྱེན་དེ་འདྲ་མཛད་མོད་ཟེར། །དེར་ད་ལྟའི་རྣམ་རྟོག་རང་སར་ཡལ། །བག་ཆགས་འགའ་ཞིག་བློ་ལ་སྣང་། །ཤེས་པ་གཏད་མེད་དུ་ཡོད་ཙ་ན། །ཡང་ཁོ་ཡིས་ངག་ནས་འདི་སྐད་ཟེར། ཁྱེད་ལ་གཏེར་སྟོན་རིན་པོ་ཆེས། །ལོ་བཅོ་ལྔ་ཚེ་ཚད་ཡིན་ནོ་གསུངས། །ཞེས་སྨྲས་ཏེ་བདག་ལ་ཆེ་རེ་ལྟ། །ཕྱིས་རྩེ་ཆེན་བྲག་གི་བཀོད་པའང་བསྟན། །སྐྱབས་རིག་འཛིན་པདྨ་འབྱུང་གནས་དང་། །རྗེ་ཁྲི་སྲོང་ཡང་སྤྲུལ་མངའ་རིས་པ། ཁོང་རིག་འཛིན་བརྒྱུད་པའི་ཐ་ཚིག་ལ། །ལྷ་འདི་ཡིས་མི་འདར་ཆད་ཐོ་བཙན། །ཚུལ་དེ་ལ་བརྟེན་ནས་འདི་ཉིད་ཀྱི། །གསོལ་ཀ་དུས་ཀྱི་ཕོ་ཉའང་བརྩམས། །ཚེ་མི་རྟག་ལུང་བསྟན་གློག་དང་འདྲ། །གཤིས་གདོད་ནས་དག་པའི་དག་པ་ལ། །དགྲ་སྐྱེ་འཆིའི་བག་ཆགས་མི་མངའ་ཡང་། །འདུ་བྱེད་ཀྱི་རྟ་བདུན་ཆུ་ལྷར་ཕྱོགས། །འདི་ཟབ་ལམ་རྡོ་རྗེའི་རྣལ་འབྱོར་དང་། །རྟེན་འབྲེལ་གྱི་བདེན་

(༤༨)པས་མ་ཟིན་ན། །མཁའ་དབྱིངས་ལ་ཤར་བའི་རྒན་ཐིག་འདྲ། །ལོ་དེ་ཡི་སྨིན་དྲུག་ཟླ་བའི་ནང་། །དུས་ཡར་ངོའི་ཚེས་བཅུའི་ཐོ་རེངས་ཁར། །དབྱིངས་འོད་གསལ་གྱི་ནམ་མཁའ་དངས་པ་ལ། །བོད་གངས་ཆེན་གྱི་ལྷ་གཅིག་སྙིང་རྗེའི་གཏེར། །ལྷ་འཕགས་མཆོག་ཕྱག་ན་པདྨའི་སྐུ། །སྡུག་བསྔལ་རང་གྲོལ། །ཤར་ནམ་མཁས་གར་ཁྱབ་སྐུས་ཁྱབ་པའི། །མཚན་དཔེའི་སྣང་བརྙན་བཞེངས་སྟབས་ཅན། །དེ་མཐོང་བས་མོས་གུས་ཀྱི་མཆི་མ་འཁྲུགས། །གསོལ་འདེབས་ཀྱི་ཚིགས་བཅད་གསར་དུ་བརྩམས། །དུས་དེ་ནས་རང་ལོ་སུམ་ཅུ་པ། །མགོ་ཟླ་བའི་ཡར་ངོའི་ཚེས་བཅུའི་ནུབ། །བདག་གཅུང་གཞོན་དང་བསྡེབས་ནས་ཕྱིན་པའི་མོད། ཁང་པ་ཡིན་ནོ་སྙམ་པ་ཡི། །སྒོ་སྤུས་འབྱེད་ཞིག་ཕྱེ་ནས་སོང་ཙ་ན། །དཔལ་མཆིམས་ཕུའི་ལུང་པ་སྐྱིད་ཉམས་ཅན། །ལྗོངས་རྩི་ཤིང་ནགས་ཚལ་སྨན་དྲིས་ཁེངས། །དབྱར་གུང་ཆེན་ལྟ་བུར་སྣང་ཉམས་སྤྲོ། །དབུས་དགེའུ་འོག་གི་ས་འཛིན་དེ། །དབྱིབས་ཕུར་པ་བཙུགས་པ་ལྟ་བུ་ལ། །གཅོང་རོང་ཟབས་པའི་རྣམ་པར་སྣང་། །བྲག་དེའི་ཤར་སྒོའི་སྐེད་པ་ན། །མ་

(༤༩)འཚོ་རྒྱལ་གཟིམས་ཕུག་ཡིན་སྙམས་པའི། །སྒྲུབ་ཕུག་གི་སྒོ་ཁུང་ཧ་རེ་མཐོང་། །དེར་འགྲོ་བའི་ལམ་པོ་ཡིན་རྒྱུ་བའི། །རྡོ་རིང་ལྟ་བུའི་ཐེམ་སྐས་ལ། །མི་དཀྱུས་མས་ཐར་ས་མེད་པར་མངོན། །དེར་ཤེས་པ་གཏད་མེད་དེ་ཁའི་ངང་། །རྡོ་སྐས་ལ་འཛེགས་ཏེ་འགྲོ་སྙམ་ཚེ། །ཐར་བའི་རེ་བ་མ་བྱུང་བས། །ཡིད་སྐྱོ་ཤས་ཀྱི་སྣང་བར་འདི་ལྟར་སེམས། །སྔར་ཡིན་ན་འདི་འདྲར་འགྲོ་བཞིན་ལ། །ད་ཐར་པའི་རེ་བ་ཟད་པ་འདི། །ལས་ཉོན་མོངས་ཀྱི་སྒྲིབ་པས་ཡིན་ནོ་སྙམ། །སེམས་མ་དགའ་ཉིད་དེ་ཡོད་པའི་ངང་། །རིག་པ་ཕུག་པའི་ནང་དུ་གཏད། །འོད་གསལ་གྱི་དགོངས་པས་བལྟས་ཙ་ན། །རྗེ་ལྷ་གཅིག་ཚངས་པ་ལྷའི་མེ་ཏོག །སྐུ་རྡོས་བཅས་མ་ཡིན་འོད་ཀྱི་ལུས། །ཕྱག་གཉིས་མཉམ་བཞག་གི་ཕྱག་རྒྱ་ཅན། །གཟི་བྱིན་མཚུངས་པ་མེད་པ་ཞིག །རང་སྣང་འོད་གསལ་གྱི་ངང་དུ་མཇལ། །འདི་མངའ་བདག་གིས་མྱང་བན་ཏིང་འཛིན་ལ། །ཆོས་རྫོགས་ཆེན་ཞུས་ནས་བསྒོམས་པའི་ཕུག །ཡིན་སྙམ་པའི་བག་ཆགས་ཝ་ལེར་དྲན། །ཕྱིས་བྲག་སྒོ་སེ་བས་འགགས་པ་ཡིས། །མི་ཀུན་གྱི་སྣང་ངོར་མ་གྱུར་ཞིང་། །

(༥༠)མདུན་ངོས་ཀྱི་བྲག་ལ་བྱང་སེམས་ཀྱི། །སྐུ་དོང་བརྐོས་འདུག་པ་སས་ནོན་ནས། །དབུ་རིབ་རིབ་ཙམ་ཡང་མི་འདུག་མོད། །ཉེ་འདབས་ན་རྡོ་ཡི་གཏུན་ཁུང་དང་། །ནང་ངོས་ལ་དུ་བའི་དྲེག་པ་སོགས། །སྔར་སྒྲུབ་ཕུག་ཡུན་རིང་བྱས་པའི་ཤུལ། །འདི་གསང་ཆེན་ཕུག་པར་འདུག་པའི་ཕྱིར། །ས་མོ་ཡོས་ལ་གནས་སྒོ་ཕྱེ། །སྟག་ཚང་ཕུར་པའི་ལུང་བསྟན་ལསཿ བི་མའི་སྤྲུལ་པ་པདྨའི་མིང་འཛིན་ལཿ ཡེ་ཤེས་རྩལ་རྡོལ་དག་སྣང་གནས་སྒོ་འབྱེདཿ ཅེས་སོ། །མིང་ཡང་མེ་ཏོག་ཕུག་པར་བཏགས། །ལོ་གསུམ་སྒྲུབ་པའི་རྒྱལ་མཚན་བཙུགས་མི་ཁོ་བོས་འོད་གསལ་བསྒོམས་པའི་མཐུས། །ཕྱིས་སུ་བསྡད་མི་ལ་ཏིང་འཛིན་འཆར། །བཀྲ་ཤིས་བྱིན་ཆགས་ཀྱི་སྒྲུབ་ཕུག་ཡིན། །དེ་འོན་ཀྱང་ཡུལ་དེར་རང་ཕྱོགས་པ། །སྔར་འདྲིས་ཀྱི་མཉམ་འགྲོགས་ཚོད་ཡོད་དང་། །འགའ་འགའི་སྡང་ཞེན་མཐུས་ཆེ་བས། །ཕྱུགས་རྫིས་ཆར་ཡིབས་རྙེད་པ་བཞིན། །སྟབས་ལེགས་ཙམ་དུ་འཛིན་པ་ལས། །མེད་ཕྱིར་བདེན་དང་རྫུན་པ་ཡི། །དག་སངས་ནི་ཅི་ཡང་བྱ་དོན་མེད། །དུས་དེ་ཚེ་འཁྲུལ་པའི་སྣང་ཆ་ལ། །དཔལ་མཆིམས་ཕུའི་ནང་ནས་འོངས་སྐད་

(༥༡)པའི། །སྐྱེ་མཆེད་དངས་པའི་གཞོན་ནུ་ཞིག །ཤིན་ཏུ་འཛུམ་པའི་མདངས་དང་བཅས། །ཤོག་དྲིལ་ཞིག་ལག་པར་སྤྲོད་དུ་བྱུང་། ཁ་ཕྱེ་ནས་དེ་ཉིད་བཀླགས་པ་ན། །ཡི་གེ་ལེ་ཚན་གཉིས་སྣང་བའི། །ཡིག་ཕྲེང་གཅིག་འབྱར་གྱི་སྐེད་པ་ན། ཁྱོད་སྤྲུལ་པའི་དགེ་སློང་ཨ་ཀར་མའི། །ཆོས་རྒྱལ་སྲོང་བཙན་སྒམ་པོའི་སྨིན་མཚམས་ལས་སྤྲུལ་ཏེ་ཙན་དན་གོར་ཤི་ཤ་ལེན་དུ་རྒྱ་གར་འཕགས་པའི་ཡུལ་ལ་བགྲོད། །རྒྱལ་སྲས་ལྷ་རྗེ་དང་ཐུགས་རྒྱུད་གཅིག་པ་ཡིན་པར་གོ །སྐྱེ་བ་ཡིན་ནོ་ཞེས་པ་དང་། །གཞན་ལུང་བསྟན་གྱི་རྣམ་པ་འགའ་ཞིག་སྣང་། །དེ་ནས་རང་ལོ་སོ་གཅིག་པ། །ས་མོ་ཡོས་ཀྱི་བགྲང་བྱ་ལ། །ལོ་གསུམ་གྱི་སྒྲུབ་པ་མཐའ་རུ་ཕྱིན། །དཔལ་གྱི་བསམ་ཡས་མཆིམས་ཕུ་རུ། །སྒྲུབ་པའི་རྒྱལ་མཚན་འཛུགས་སུ་ཕྱིན། །མཚུངས་མེད་རིག་འཛིན་བླ་མའི་དྲུང་། །སྨིན་གྲོལ་ཟབ་མོའི་བཅུད་འཐུངས་ཤིང་། །རིགས་བསྡུས་པདྨ་གུ་རུ་ཡི། །བྱིན་རླབས་ཉེ་བརྒྱུད་ཐོབ་པ་ལ། །རྟེན་འབྲེལ་ཟབ་མོའི་ཕྲིན་ལས་སྒོ། །དཔལ་མགོན་རིག་འཛིན་བླ་མས་ཕྱེ། །དེ་ཚེ་བླ་མའི་གཟིགས་ཁང་གི། །ཡང་ཐོག་ཉིད་དུ་མནལ་བ་ལ། །གཉན་

(༥༢)ཟུར་ཕུང་ལྔ་པ་ཡིན་སྙམ་པའི། ཁྱེའུ་དར་གྱི་གོ་ཟུ་ཅན། །ཡིད་དུ་འོང་བ་གཅིག་ན་རེ། ཁྱེད་ཆོས་རྒྱལ་ཕུན་ཚོགས་ཡིན་ཨཱ་ཟེར། །ངས་བཀྲ་ཤིས་སྟོབས་རྒྱལ་ཨེ་ཡིན་བྱས། །དེས་འོ་འོ་ཆོས་རྒྱལ་ཕུན་ཚོགས་ཟེར། །གཏམ་དེ་ཀོ་གཉིས་ཀས་ལན་གསུམ་བསྐྱར། །དམ་ཆོས་གྲོལ་བའི་ཐིག་ལེ་ཡི། །བཀའ་ཡི་སྲུང་མ་ཡིན་པར་རྟོགས། །རྗེ་བཙུན་པདྨའི་བཀའ་ལུང་བཞིན། །ཆོས་འདི་ནམ་མཁའི་ཕ་མཐའ་རུ། །བརྡལ་བའི་རྟེན་འབྲེལ་བསྒྲིགས་ན་ཡང་། །སྨོན་ལམ་མི་བསྲུན་སྐྱེ་བོ་འགས། །འདུན་པ་གཞན་དུ་བསྒྱུར་བ་ལས། །རེ་ཞིག་ཕྲིན་ལས་དེ་ཙམ་མོ། །དེ་ནས་དཔལ་གྱི་མཆིམས་ཕུ་ཡི། །འོག་མིན་རྡོ་རྗེའི་ཀེའུ་ཚང་དུ། །ལོ་གསུམ་སྒྲུབ་པའི་དམ་བཅའ་བཟུང་། །མུ་ཏོའི་བརྟུལ་ཞུགས་ལ་གནས་ཚེ། །རྨི་ལམ་སྒྱུ་མའི་བཀོད་པ་ལ། །ནེ་ཚོ་འདྲ་བའི་འདབ་ཆགས་ཀྱིས། །དཀྱིལ་འཁོར་ཡིད་འོང་བཞེངས་པ་མཐོང་། །དཀྱིལ་འཁོར་གྲུབ་མ་ཐག་པ་ལ། །ཆོ་ག་བཏང་བའི་སེམས་བསྐྱེད་དེར། །སངས་རྒྱས་མེད་ལ་སེམས་ཅན་མེད། །ཡིན་པ་མེད་ལ་མིན་པ་མེད། །སོ་མ་རང་གདངས་ལྷུག་པའི་ངང་། །རང་གྲོལ་

(༥༣)ཆེན་པོར་སེམས་བསྐྱེད་དོ། །ཟེར་མུར་རྨི་ལམ་ཉམས་དེ་སད། །ཡང་གསང་བླ་མའི་སྒྲུབ་བ་དེ། །སྙིང་གི་དབུས་ན་ལྷམ་མེར་གསལ། །ཡང་གཅིག་ཤ་ཟ་ཌཱཀྐི་མ། །བུ་མོ་གཞོན་ནུའི་རྣམ་འགྱུར་ཅན། །ལག་ཏུ་ཟབ་ལམ་ཕོ་ཉའི་སྐོར། །དཔེ་ཆ་ཤོག་ལྡེབས་གཅིག་ཁྱེར་ནས། །འདི་ཡི་བདེ་སྟོང་ཆེན་པོའི་ཉམས། །གང་ཡིན་རྒྱུད་ལ་མ་འཚལ་བས། །ཚིག་གིས་མ་ཡིན་རྒྱུད་ཐོག་ཏུ། །ངོ་སྤྲོད་གནད་སྨིན་ཞུ་ཟེར་བར། །དོན་དམ་ཤེས་རབ་ཡེ་ཤེས་ཀྱི། །དབང་བསྐུར་བྱས་པའི་རྗེས་ཐོག་ཏུ། །ཟབ་མོའི་སྙན་བརྒྱུད་གདམས་པ་འདི། །ཀློང་ཆེན་ཉམས་ཀྱི་ཚུལ་དུ་གདམས། །ཀྱེ་ཧོཿ བརྗོད་མེད་བློ་འདས་ཀྱི་ཁང་མཛེས་ན། །དབྱིངས་ཆེན་རྣམ་དག་གི་ལུས་ཕྲ་མོ། །མཐའ་བརྒྱད་སྤྲོས་བྲལ་གྱི་བཞིན་རས་མཛེས། །ཡེ་གྲོལ་མཉམ་ཉིད་ཀྱི་རྒྱན་ཆ་བཏགས། །མ་བཅོས་རང་བྱུང་གི་སྤྱོད་ལམ་དལ། །སྨན་དེ་ལ་བདག་གིར་སུ་ཡིས་བྱེད། །སྤྱིར་གྲུབ་ཐོབ་ཡོངས་ཀྱི་མཛའ་ན་མོ། །སྒོས་རིག་པའི་དཔའ་བོ་གཞོན་ནུ་ངས། །སྦྱོར་ཚེ་ཟུང་འཇུག་ཡངས་པར་སྦྱོར། །སྒྲོལ་ཚེ་དུག་ལྔའི་རྣམ་རྟོག་སྒྲོལ། །ཏ་ནག་ནའི་

(༥༤)གསང་སྤྱོད་འདི། །མཛད་མཁན་ཤིན་ཏུ་མང་ལགས་ཏེ། །མཁྱེན་མཁན་མེ་ལོང་རྡོ་རྗེ་ཙམ། །ང་མེ་ལོང་རྡོ་རྗེའི་བརྒྱུད་པ་འཛིན། །དབྱངས་དེ་ལ་བསྐྱར་བཟློས་བྱེད་སྙིང་འདོད། །ཙིཏྟིརང་བྱུང་གི་གུར་ཁང་ནང་། །བུ་རིག་པའི་རྒྱལ་པོ་དཔའ་བརྟུལ་ཆེ། །རྩ་ཡོ་འཁྱོག་མེད་པ་དབུ་མའི་ནང་། །འབངས་སྲོག་རྩོལ་གཉིས་པོ་རང་བརྩོན་འཛིན། །ནོར་ཉི་ཟླ་སོ་སོས་བདག་གིར་བྱེད། །རླུང་ནུས་པ་ཅན་གཉིས་མ་འཆམས་པས། །ནད་འདུ་བ་རྣམས་བཞིའི་ཁ་རླངས་གཏོང་། །དུས་མ་ཡིན་པར་སྲོག་ལ་ཧུར་ཐུམ་བྱེད། །རླུང་ཕྲ་མོའི་ཚོགས་རྣམས་ཡན་དྲག་པས། །འོད་གསལ་འཇའ་སྤྲིན་གྱི་ཁང་མཛེས་བཤིག །འགྱུ་དྲན་མཐའ་མེད་ཀྱི་རྡུལ་ཕྲན་གཡོ། །རྣམ་མཁྱེན་བྱང་ཆུབ་ཀྱི་ཞལ་རས་བསྒྲིབས། །དུས་དེ་ཚེ་རིག་པའི་རྒྱལ་པོ་ངས། །སྙན་བརྒྱུད་མན་ངག་གི་ཕོ་ཉ་བཏང་། །རྩ་ཨ་ཝ་དྷུ་ཏིའི་ཁྲི་མུན་དུ། །རླུང་ནུས་པ་ཅན་གཉིས་བཙོན་ལ་བཅུག ཁོང་རྒྱལ་པོའི་དཔའ་ཟིལ་མ་བཟོད་ནས། །གཟུང་འཛིན་གཉིས་ཟླ་སྒྲིལ་བྱེད་པར་འཆམས། །དེར་མི་དབང་གིས་བློན་པོ་རོ་རྐྱང་གཉིས། ཁྲི་མུན་དུ་ཞལ་ལྕེ་གཅོད་ལ་མངགས།

(༥༥)།བཙོན་པ་གཉིས་གཅིག་ཏུ་ཁ་འདྲིལ་བས། །རྩ་ཕྲན་གྱི་རླུང་རྣམས་དབང་མེད་འདུས། ཁོང་ཐམས་ཅད་འདོད་པ་གཅིག་ཏུ་དྲིལ། །རྩོལ་བས་གཏུམ་མོའི་མེ་སྦར་ཞིང་། །སྲོག་གི་བདུད་རྩིའི་ཐིགས་པ་གཏིགས། །དེ་ལུགས་འབྱུང་བཞི་ཡི་ཕོ་ཉས་ཕབ། །ཆོས་དབྱིངས་ཡེ་ཤེས་ཀྱི་རྫིང་དུ་བསྐྱིལ། །ལུགས་ལྡོག་བཞི་ཡི་གནས་སུ་སྐྱོལ། །འགྲམ་པར་སོར་རྟོགས་ཡེ་ཤེས་སླེབས། །དེས་ཟག་བཅས་ཀྱི་སྡོམ་པ་རྣམ་པ་གསུམ། །རྡོ་རྗེ་གསུམ་དུ་རྣམ་པར་དག །འཁོར་འདས་ཡེ་གྲོལ་གྱི་མནའ་གན་ཕུལ། །སྣང་སེམས་རོ་གཅིག་གི་རྟེན་འབྲེལ་བསྒྲིགས། །དུས་མིན་གྱི་འཆི་བ་ཕ་མཐར་བསྐྲད། །ལམ་རྟགས་ཀྱི་ཡོན་ཏན་མཐའ་ནས་རྒྱས། །དཔའ་བོ་དང་མཁའ་འགྲོ་ཚོགས་ཀྱིས་མཉེས། །སྒོམ་གསལ་འགྲིབ་མེད་པའི་མར་མེ་སྦར། །སྣང་སེམས་དབྱེར་མེད་ཀྱི་སྲོག་མཁར་ཚུགས། །དེ་སེང་གེའི་འོ་མ་མངར་པོ་ཡིན། །མྱོང་མཁན་ཨུ་དུམ་ཝ་ར་ཙམ། །དབང་རིམ་པ་གསུམ་པའི་གསོབ་གྱོན་ཏེ། །ཉོན་མོངས་བྱུང་རྒྱལ་དུ་སྤྱོད་པ་དང་། །ཐུར་མའི་ཕྱག་རྒྱ་རྡོམ་པ་རྣམས། །འབྱུང་འཇུག་

(༥༦)རླུང་གི་རྟེན་འབྲེལ་གྱིས། །ཀུནྡ་བཙན་ཐབས་སུ་འཆིངས་ན་ཡང་། །འབྲས་བུ་དབྱུང་བའི་ཤུགས་འགྲོ་དང་། །དབྱེ་བ་མེད་པར་རྒྱུད་ལས་བཤད། །ཀྱེ་མ་དུས་མཐར་དེ་འདྲ་མང་། །ཤལ་མ་རི་ཡིས་འཇིགས་པ་ཆེ། །མི་བདག་ལ་འདྲི་བའི་དོན་གཉེར་མ། །དབྱིངས་ཀུན་ཏུ་བཟང་མོའི་མཁའ་ཀློང་དུ། །རིག་པ་བརྗོད་བྲལ་གྱི་དཔའ་བོས་སྦྱོར། །བདེ་སྟོང་བློ་འདས་ཀྱི་ངང་ལ་ཞོགས། །འཇིག་རྟེན་པའི་སྙིང་སྡུག་ལ་རེ་མ་དགོས། ཁྱིམ་ཐབས་དང་ཟང་ཟིང་མེད་པ་ལ། །སྐལ་པ་དང་མན་ངག་མེད་དོ་སྙམ། །དེ་མནོ་མཁན་འདུ་ཤེས་འཁྲུལ་ཚབས་ཆེ། །མྱུར་ལམ་རྡོ་རྗེའི་ཐེག་པ་ལ། །འཇུག་སྒོའི་དབང་ནི་རྣམ་བཞི་ཡོད། །དེ་ཀུན་ལ་གསང་ལམ་ཁྱད་འཕགས་རེ། །ཉམས་ལེན་ལྷོད་མེད་ཀྱི་གནམ་རུ་འགུགས། །དམ་ཚིག་ཟོལ་མེད་ཀྱི་གཞུ་རྒྱུད་སྒྲོན། །རྟེན་འབྲེལ་སྨོན་ལམ་གྱི་མཐེབ་ལྟོང་སྤྲོད། །མདའ་འཕེན་པ་རྒྱལ་ཁམས་ཀུན་ལ་འཕེན། །འཕོག་པ་ལས་འབྲེལ་ཅན་ལ་འཕོག །འཚེངས་པ་གཏན་འདུན་འཚེངས་པ་ཡིས། །འགྲུབ་པ་ཚེ་གཅིག་སངས་རྒྱས་འགྲུབ། །ཀུན་གྱིས་སྤྱོད་ཡུལ་མ་ལགས་པས། །

(༥༧)རྐུན་ནོར་བཞིན་དུ་ཨ་ཐམ་རྒྱ། །ཞེས་སྨྲས་པས་མོ་ཡི་སེམས་དགའ་ནས། །སྐྱེས་རབ་འབྲེལ་བའི་ཞབས་བརྟན་བརྩམས། །དགའ་བའི་རྣམ་འགྱུར་སྟོན་བཞིན་དུ། །རང་སྣང་སྟོང་པའི་ངང་ལ་ཡལ། །དེ་ཚེ་རླངས་ཆེན་དཔལ་སེང་གི། །ཡང་སྲིད་པདྨ་ཚེ་དབང་རྩལ། །འདི་རླངས་དཔལ་སེང་དངོས་ཀྱི་ཕུར་པ་རྒྱུད་ལུགས་ཀྱི་དོན་དབང་བསྐུར་བ་ཡིན་ཀྱང་། །དེ་དུས་བཀའ་རྒྱ་མ་གྲོལ་ཞིང་གཞན་སྣང་དང་བསྟུན་པའི་གསང་རྒྱའི་རྫུ་འཕྲུལ་གྱི་ངག་ཡིན་ནོ། །མཇལ་ཏེ་རང་གཏེར་སྟག་ཚང་གི། །རྡོ་རྗེ་ཕུར་པའི་དབང་བསྐུར་རྨིས། །ཨེ་དབྱིངས་ཉི་གཞོན་འཆར་ཀའི་ཕོ་བྲང་ཆེར། །ཝཾ་ཡིག་ཟླ་ཞུན་འཁྱིལ་པ་རྡོ་རྗེའི་ཁམས། །ཟུང་འཇུག་དཔལ་ལྡན་དང་པོའི་སངས་རྒྱས་སུ། །བསྒྲུབ་པའི་རྟེན་འབྲེལ་སྨོན་ལམ་འཛོམས་པའི་ཚེ། །རྡོ་རྗེ་ཕུང་པོའི་གྲོང་ཁྱེར་འཛམ་གླིང་དབུས། །སྒྲ་གཅན་ས་ཡི་ཐིག་ལེར་བྱང་ཆུབ་སེམས། །བདེ་སྟོང་གཉིས་མེད་ཆེན་པོར་སངས་རྒྱས་པ། །གཏི་མུག་ཆོས་དབྱིངས་ཡེ་ཤེས་ངོ་བོར་གྲུབ། །དེ་ཚེ་ཐ་མལ་རང་ཁའི་ཀུན་རྟོག་ཀུན། །མཐའ་བྲལ་གཉུག་མའི་རྒྱལ་སར་འཇོགས་པ་ལ། །འགྱུར་དྲན་སྣང་བའི་འཆར་སྒོས་ཕྱག་

(༥༨)བྱས་ཤིང་། །ལྔ་བཅུར་འཚོ་བའི་རྟེན་འབྲེལ་སྲོག་ཤིང་ཚུགས། །གདོད་མའི་གསང་ལམ་སྟོན་པའི་ཆོ་ག་མཁན། །དམ་ཚིག་སེམས་དཔའ་གཡུང་དྲུང་འཁྱིལ་བ་ལ། །དབྱིངས་ཕྱུག་ཨེ་ཀ་ཛ་ཏིའི་སྲོག་འདྲེས་ནས། །སློབ་བརྒྱུད་ཟླ་བ་ཉ་བའི་ཚོམ་བུ་བཀོད། །ལོ་དམར་སེར་ཅན་གྱི་དབྱུག་གུའི་ཟླའི། །དུས་ཡར་ངོའི་ཚེས་བཅུའི་ནུབ་མོ་དེ། །ཡིད་ཀུན་རྟོག་གི་མེ་ལོང་དངས་པའི་ངོས། །དཔལ་ཨཽ་ཌཱི་ཡ་ནའི་སངས་རྒྱས་ཆེ། །སྐུ་གཞོན་མཛེས་གཡས་ན་ཧཱུཾ་ཀཱ་ར། །གཡོན་ཕྱོགས་ན་རང་ཉིད་འདུག་པའི་མོད། །དེས་ཕྱག་རྒྱའི་བརྡ་ཐབས་ནམ་མཁར་གདེངས། །མ་དབྱིངས་ཕྱུག་བདེ་ཆེན་འཚོ་རྒྱལ་དང་། །རྒྱ་གར་གྱི་རིག་འཛིན་ཧཱུཾ་ཀཱ་ར། །ཐུགས་ཡེ་ཤེས་ཆེན་པོར་གཉིས་སུ་མེད། །ཧཱུྃ་ཀཱ་ར་གསང་འཛིན་རྡོ་རྗེ་འཆང་། །བདག་ཉིད་ནི་འཕགས་མཆོག་སྙིང་རྗེའི་གཏེར། །ངེད་རྣམ་གསུམ་རིགས་གསུམ་སྤྲུལ་པའི་གར། །ཞེས་གསུང་པའི་མོད་ལ་གཏད་མེད་ཡལ། །ཡང་ཁྱུ་མཆོག་དབྱུག་གུའི་ཟླ་བ་ལ། །འོག་མིན་གྱི་ལྗོན་པའི་བསིལ་གྲིབ་འོག། ལ་ཝའི་ལྡིང་གུར་ལ་བརྟེན་ནས། །དགོངས་འདུས་ཀྱི་དཀྱིལ་

(༥༩)འཁོར་ཆེན་པོ་རུ། །བདུད་རྩིའི་སྒྲུབ་ཆེན་བཙུགས་པའི་ཚེ། །ཤིན་ཏུ་གྲང་བའི་ནམ་ཟླ་ལ། །མེ་ཏོག་པད་སྡོང་ཁ་བྱེ་ཞིང་། །ཐོ་རེངས་འོད་གསལ་གྱི་སྣང་ཆ་ལ། །རི་དོ་ཆད་ཅིག་གི་རྩེ་མོ་རུ། །རྒྱ་གར་གྱི་ཛོ་ཀི་གཉིས་དང་ཕྲད། །དེ་ལ་བདག་གིས་འདི་སྐད་དུ། །རི་འདི་ལ་བསྐོར་བ་བྱས་པ་ན། །གྲུབ་ཐོབ་བརྒྱད་ཅུ་མཇལ་ཡོང་སྨྲས། །ཛོ་ཀི་དེས་ཅུང་ཞིག་བསམས་ནས་སུ། །རི་འདི་འདྲའི་རྒྱུས་ལ་ང་རང་ཞིབ། །གྲུབ་ཐོབ་བརྒྱད་ཅུ་དང་ལོས་ཀྱང་མཇལ། ཁྱེད་གཡས་ཀྱི་ཕྱག་ན་ནེའུ་ལེ་འཛིན། །མཚན་ན་མཚན་ལྡན་གཟུངས་མ་བརྟེན། །གཡོན་གྱིས་བགྲམ་པ་གཟེངས་བསྟོད་ནས། །མགུར་ཡིད་ཁ་འཕྲོག་པར་ལེན་པ་མཐོང་། དུས་ད་རེས་ཇི་བཞིན་ངོ་སྤྲོད་ཀྱང་། །མི་གཞན་གྱི་བློ་ལ་མ་ཤོང་དོགས། ཁ་རོག་འདུག་པ་ལགས་སོ་ཟེར། །དེར་ངེད་ཀྱིས་ལན་དུ་གྲུབ་ཐོབ་དེའི། །མཚན་ཅི་འདྲ་བྱ་བ་ལགས་དྲིས་པས། །བྲག་ཁུང་པ་ཞེས་པར་གྲགས་སོ་ལོ། །ཤ་བ་ཁྱི་ཁྲིད་ཀྱི་གདམས་པའི་གནད། །དེར་ངེད་ལ་ཞུ་བོ་ཟེར་བ་ན། །ངས་དེ་འདྲའི་དཔེ་ཆ་མེད་ཀྱང་མེད། །སྤྱིར་རྣལ་འབྱོར་གྱི་རི་ཁྲོད་འགྲིམ་

(༦༠)པ་ལ། །མཐུ་ངན་སྔགས་ཀྱི་བསམ་པ་མི་རིག་བྱས། །དེར་རྣལ་འབྱོར་ཟླའོ་ཞིག་བྱུང་ནས། །དེས་བསྟན་ལ་ཕན་ན་དགོས་སོ་ཟེར། །དེའི་མོད་ལ་ཉམས་སྣང་དེ་སད་དོ། །གང་ཚེ་རྡོ་རྗེ་གཡུ་ཡིས་སྒྲོན་མ་དེས། །སྣམ་དཀར་ཡིད་དུ་འོང་བ་རྣམ་པ་གཉིས། །ཤིན་ཏུ་བརྩེ་བའི་འཛུམ་གྱིས་སྔོན་བསུས་ནས། །བདག་ལ་བྱིན་ནས་རིག་འཛིན་བུ་ཁྱོད་ཀྱི། །གྱོན་པའི་བསྣོན་མ་གྱིས་ཞེས་ཟེར་བ་དང་། །བརྩེ་དུང་མོས་པར་ལྡན་པའི་གླུ་འདི་བླངས། །རྒྱལ་སྲས་ལྷ་རྗེའི་སྤྲུལ་པ་བརྒྱ་རྩ་བརྒྱད། །ཡ་གྱལ་གཅིག་ནི་ཡར་རྗེ་ཨོ་རྒྱན་གླིང་། །འོད་གསལ་བླ་མ་ཨོ་རྒྱན་བསམ་གཏན་གླིང་། །ཞལ་མཇལ་འབྲེལ་པ་ཐོགས་པ་ཀུན་ལ་མཛོད། །ཅེས་པའི་མོད་ལ་གཏད་མེད་ཆོས་སྐུར་འཁྱིལ། །རེ་ཞིག་གི་ཚེ་ཐོར་ཐུན་གྱི་སྒང་ལ་གཉིད་དུ་ཅུང་ཟད་ཤོར་བའི་སྣང་བ་ལ། །གནས་བསྐོར་དུ་འོངས་པ་ཡིན་སྙམ་པའི་བུད་མེད་ལྔ་དང་སྦྲགས་ནས་ཕྱིན་པ་ལས། །དེའི་ཁྲོད་ནས་རང་གི་མ་ཡིན་སྙམ་པའི་བུད་མེད་རྒན་སོང་ཞིག་གི་ངོ་ཚ་དང་ཚུལ་འཆོས་བཤིག་ནས་ངེད་ལ་ཤིན་ཏུ་བརྩེ་བའི་རྣམ་འགྱུར་མའི་བུ་ཆུང་ལ་བྱེད་པ་ལྟར་བཞིན་

(༦༡)གཏུགས་པ་དང་། ཁ་སྦྱར་བ་མང་པོ་བྱེད་པའི་ངང་ནས་བྲག་ཕུག་ཡིད་དུ་འོང་བ་ཨོ་རྒྱན་ཆེན་པོའི་དབུ་རྗེས་ཡོད་པ་ཞིག་ཏུ་ཁྲིད། །དེར་གནས་བཤད་ཀྱི་ཚུལ་དུ་འདི་འཚོ་རྒྱལ་གྱིས་ཕུར་པ་བསྒྲུབས་པའི་གཟིམས་ཕུག་ཡིན་ཟེར། ཁོང་རང་རྣམས་ཀྱིས་སྐད་སྒྲ་སྙན་པོས་མཎྜལ་དང་། །གསོལ་འདེབས་ཡིད་འཕྲོག་པ་ཞིག་བྱས་སོང་། །དེའི་མོད་ལ་བུད་མེད་ཅུང་གཟུགས་མི་སྡུག་པ་ཞིག་འདུག་པ་དེས་བསྐུལ་ནས་ངེད་རང་ལ་ཁ་གཏད་ནས། བླ་མ་སྐུ་ཁམས་བཟང་བར་གསོལ་བ་འདེབས། །ཞེས་པའི་ཤོ་ལོ་ཀ་ཚར་གསུམ་རྒྱ་གླིང་ལས་སྙན་པའི་དབྱངས་རྟ་ལ་དྲངས་ནས་ཟེར་བྱུང་བས་སྣང་བ་ཟི་བུན་པ་ཞིག་བྱུང་། །དེའི་ཚེ་ལྷན་སྐྱེས་ཀྱི་ཤེས་པ་སྐད་ཅིག་མར། །ད་ཁོང་རྣམས་ཡར་ཀླུང་རྟེན་གསུམ་མཇལ་དུ་འགྲོ་ཡོང་བས་སྨོན་ལམ་འདེབས་ལུགས་ཤིག་བསླབ་དགོས་བསམས་པ་དང་། །སྐད་ཅིག་ལ་རང་གི་ཕུ་པོ་ཡིན་སྙམ་པ་ཞིག་ཁྲོང་ངེ་བྱུང་ནས་དེས་བྱང་དྲངས་ཏེ། ཆོས་རྔ་ཆེན་པོའི་སྒྲ་ཡིས་ནི། །ཞེས་སོགས་ཤོ་ལོ་ཀ་བརྗོད་མཐར་ནམ་མཁའ་ལ་བྱ་ཁྱུ་འགྲོགས་པ་བཞི་ཅོ་དིར་གྱིས་གྱེས་སོང་། །དེར་སྦུན་ཡིན་སྙམ་

(༦༢)པའི་བུད་མེད་གཅིག་ད་རུང་བསྡད་ནས་བསླབ་དོན་ཞུ་རྒྱུ་འདྲ་ཡོད་དེ་འགོལ་འགོལ་ཞིག་གཏན་ནས་མ་བྱུང་ཟེར་ཞིང་། ངེད་ཀྱི་རྣ་བ་གཡོན་པ་ལ་ཁ་སྦྱར་ནས་གཏམ་ཤབ་ཤུབ་ཐོས་རྒྱུ་རང་མེད་པ་མང་ཞིག་ཟེར་བའི་ཐོས་པ་ཞིག་ལ་མི་ཆེན་ཚོ་ལའང་ངོ་འཛིན་རང་ཆེར་གནང་ཞན་འདྲ་ཟེར་བ་དང་། ཡང་ཤབ་བི་ཤུབ་བི་ཁོ་ན་ཟེར་བའི་སྒྲ་མ་གོ །ཡང་ཐོས་པ་ཞིག་ལ། ཉིད་རང་ལུས་དབེན་པར་བཞུགས་དང་། སྟོན་དཔྱིད་ལ་སོགས་པའི་འཚོ་ཆས་ནི་འབད་མེད་དུ་ཡོང་། །ངག་དབེན་བར་བཞུགས་དང་ཟེར་བའི་མོད་ལ་སྐད་ཤུགས་ཆུང་དུ་རང་བཏང་བྱུང་བས། །དེ་དག་མ་གོ །དེ་ལས་སྒྲ་དག་པར་གྱིས་དང་བྱས་པས་ད་དུང་སྐད་ཤུགས་དེ་བས་ཀྱང་ཇེ་ཆུང་དུ་སོང་བས་ཁོ་བོས་རྨི་ལམ་ཡིན་པར་ཤེས་ཏེ་དགོངས་པ་དབྱིངས་ལ་གཏད་པས་གཉིད་ལས་སད་དེ། །དྲན་པ་བདེ་སྟོང་ཆེན་པོའི་ངང་དུ་རིང་ཞིག་འདས། །ལུང་བསྟན་དེ་ལ་བརྟེན་ནས་མི་ཆེན་སྡིག་ཏོ་ཅན་རྣམས་ཀྱིས་ངོ་སྲུང་མ་བགྱིས་སོ། །དེའི་ཚེ་ཟླ་བ་བརྒྱད་པའི་ཚེས་བཅུ་དྲུག་གི་ཉིན་སྒྲུབ་གནས་ཆེན་པོ་ཉིད་ལ་གནས་བསྟོད་ཅིག་བརྩམས་ཏེ་འོད་གསལ་འགྲོ་འོང་མེད་པའི་ངང་དུ་མནལ་བ་

(༦༣)ན། །དབང་པོ་ཡུལ་ལྔའི་ཐ་མལ་གྱི་འཛིན་པ་དངས། །གཟུང་ཡུལ་རགས་པ་ཡིད་ཤེས་ཀྱི་ཆུ་མཚོར་ཐིམ། །ཀུན་གཞི་མི་རྟོག་པའི་ངང་དུ་སྣང་ཆའི་རྟེན་འབྲེལ་ནུབ་པ་དང་། །ལྷག་མཐོང་གསལ་བའི་ཡེ་ཤེས་ཀྱི་སྣང་བའི་འོད་གསལ་གྱི་མེ་ལོང་ཕྱིས་པའི་ངོས་ཤིན་ཏུ་དངས་པར་མ་བྱོན་བདེ་གཤེགས་སྙིང་པོ་རི་རབ་མར་མེའི་རྒྱལ་མཚན་སྣང་བའི་གྲོང་ཁྱེར་དུ་ཁམས་དྲུག་ལྡན་གྱི་མིའི་ཟོལ་ལ་བརྟེན་པ། །དཔལ་བསམ་ཡས་པ་ཀུན་མཁྱེན་ངག་གི་དབང་པོ་སྐུ་གཟུགས་བཟང་ལ་ན་བཟའ་ཆོས་གོས་རྣམ་གསུམ་གྱིས་མཛེས་ཤིང་། སྐུ་ན་ཅུང་ཟད་སྨིན་པ། དེ་བཞིན་གཤེགས་པ་ལྟར་མཐོང་ན་མི་མཐུན་པ་མེད་པ་ཞིག་དང་མིག་འཕྲུལ་ལྟ་བུར་མཇལ་ཏེ། བརྗོད་བྱ་དོན་གྱི་ཐུགས་རྒྱུད་འཕོ་བར་གྱུར་ཅིག །འཕོ་བར་གྱུར་ཅིག །རྗོད་བྱེད་ཚིག་གི་བརྒྱུད་པ་རྫོགས་པར་གྱུར་ཅིག །རྫོགས་པར་གྱུར་ཅིག །ཅེས་གསུང་སྒྲ་ལྷང་ལྷང་ཞལ་འདོན་མཛད་པ་ཐོས། །དེར་དྲན་པ་འཐོར་འགྲོ་བ་ལྟ་བུའི་དད་པ་དང་མོས་གུས་བཟོད་བླག་མེད་པ་ཞིག་སྐྱེས། །ཕྱག་འཚལ་ལོང་མེད་པར་ཀུན་མཁྱེན་བླ་མའི་ཕྱག་གཉིས་ནས་འུབ་ཀྱིས་འཇུས། སྤྱི་བོ་བདེ་ཆེན་

(༦༤)གྱི་འཁོར་ལོའི་ཅོད་པན་དུ་བཏགས་ནས། ཀུན་མཁྱེན་ཆོས་ཀྱི་རྒྱལ་པོ་མཁྱེན། །ཀུན་མཁྱེན་ཆོས་ཀྱི་རྒྱལ་པོ་མཁྱེན། །ཀུན་མཁྱེན་ཆོས་ཀྱི་རྒྱལ་པོ་མཁྱེན། །ཞེས་མོས་གུས་ཀྱིས་བརྒྱལ་བ་ཙམ་དུ་གསོལ་བ་བཏབ། ཁོ་བོ་ལ་དུས་ཕྱིས་དེ་སྐད་ཟེར་མཁན་ཡོང་ཕེབས། །དེར་སྣང་བ་ལ། ཁམས་འདུས་མེ་ཏོག་ཕྲེང་ལྡན་ལ་སོགས་པར་གསུངས་པ་ལྟར་སེམས་ཅན་བསོད་ནམས་དམན་པས་སྐུ་དངོས་སུ་བཞུགས་དུས་དད་མོས་མེད་ཅིང་ལོག་སྒྲུབ་ཆེ་བའི་ཤུགས་ཀྱིས་ཐུགས་མུག་པར་བྱུང་འདུག་པའི་གསུང་ཅོང་ཡིན་པར་གོ་སྟེ། ངོས་ནས་ཁྱོད་ཀྱི་མཛོད་བདུན་དང་། སྙིང་ཐིག་རྣམས་ཀྱི་དགོངས་གཏེར་གཅིག་པུའི་སྒོ་ནས་བསྟན་པ་དང་སེམས་ཅན་ལ་ཕན་བཏགས་པའི་བཀའ་དྲིན་དྲན་ཅིང་། ཆེ་བའི་ཡོན་ཏན་སངས་རྒྱས་དངོས་དང་མཚུངས་པའི་མོས་གུས་རྒྱུན་གཏན་ཕྱེད་བཞིན་པར་ལགས་མོད་ཞུས་པས། །ང་ལ་སྤྱན་ཧུར་གྱིས་གཟིགས་ནས། རིགས་ཀྱི་བུ་ཁྱོད་ལ་ད་ཅི་སྨོན་ལམ་གཏད་རྒྱའི་སྒོ་ནས་དོན་རྒྱུད་ཀྱི་དགོངས་པ་འཕོས་པ་ཡིན་པསསྒྲུབ་པའི་སྲོག་མཁར་ཚུགས་ལ་སྐལ་ལྡན་ལ་རྒྱ་ཆེར་སྟོན་ཅིག ཁྱོད་རང་གི་མགུར་མ་ཡང་ཤིན་ཏུ་ལེགས་པ་བྱུང་འདུག

(༦༥)།གསུང་བའི་མོད་ལ་བསླབ་སྟོན་འདྲ་ཞུ་སྙམ་པ་དང་། སྐུ་གསུམ་གྱི་སྣང་ཆ་མིག་འཕྲུལ་ལྟ་བུར་དབྱིངས་སུ་ནུབ་སྟེ། ཀུན་མཁྱེན་བླ་མ་དྲན་པ་ལ་ཚུགས་ཐབས་མེད་པ་ཞིག་བྱུང་ངོ་། །བྲག་ཕུག་འགྲིམ་པའི་སྤྲང་བཙུན་བྷུ་སུ་ཀུ། །དབེན་པར་གནས་ནས་ན་ཚོད་མ་རྒས་པས། །རྟོགས་པ་སྐྱེ་བ་ཤེས་བྱར་མི་སྲིད་སྙམ། །དྲེགས་རློམ་ཅན་གྱིས་ག་ཞ་བྱེད་ན་ཡང་། །རྒྱལ་སྲས་པདྨ་དགེ་བའི་བཤེས་གཉེན་གྱི། །རྫུ་ལ་ཞུགས་པ་ཀློང་གསལ་དྲི་མེད་ཀྱི། །ཞལ་མཐོང་ཙམ་གྱིས་བག་ཆགས་སྡིག་སྒྲིབ་ཟད། །གསུང་ཐོས་ཙམ་གྱིས་རྟོགས་པའི་ཀློང་ཆེན་རྡོལ། །ཐ་སྙད་ཆོས་ལ་བསླབ་གཉེར་མ་བགྱིས་ཀྱང་། །དཔེ་མཐོང་ཙམ་གྱིས་གདམས་པའི་གནད་མཚང་རིག །ཉིན་ཞག་གཅིག་ལ་སེམས་ཅན་སངས་རྒྱས་སུ། །བསྒྱུར་བའི་བཀའ་དྲིན་བསམ་ཀྱིན་བླ་མ་དྲན། །ཕྱི་ལྟར་ཧཱུྃ་ཆེན་འགྲོ་འདུལ་དྲི་མེད་རྗེ། །ནང་ལྟར་སིངྒའི་སློབ་དཔོན་མཉྫུ་ཤྲཱི། །གསང་བ་ཡེ་ཤེས་སྐུ་ཅན་ཀློང་ཆེན་པས། །བརྡ་ཐབས་རྟེན་འབྲེལ་དུ་མས་དོན་རྒྱུད་བྱིན། །མཐོང་སྣང་ཟ་ཟི་ནམ་མཁའི་ཀློག་དང་འདྲ། །རྡོ་ལ་ཞབས་རྗེས་མུ་སྟེགས་ནག་པོས་འཇོག །

(༦༦)ཉམས་རྟོགས་དབང་པོའི་ཡུལ་དུ་མི་སྣང་བས། །གཞན་ལ་རྟག་བརྟེན་ཐེར་ཟུག་སྨྲ་དོན་ཅི། །སྐུ་ཡི་བྱིན་གྱིས་བརླབས་པ་སྟེ་དང་པོའོ། །འདི་གནས་ཡིག་རྙིང་པར་ཉང་ཕུག་གོང་མར་གྲགས་པའི་དོན་ལ་ཉང་ཏིང་འཛིན་བཟང་པོའི་སྒྲུབ་ཕུག་བྱ་གཡབས་ཕུག་པ་ལྟ་བུའི་སྒོ་ལོགས་གཡས་ཟུར་ན་ད་ལྟ་བྲག་གསེང་དུ་ཤིང་སྒྲོ་དཀར་སྐྱེས་ཤིང་། བྲག་ལོགས་ལ་མཆོད་རྟེན་གྱི་རི་མོ་གསུམ་ཡོད་པའི་བྲག་ཞོལ་འདེབས་དེར་འཇག་མའི་ལྷགས་སྐྱོབས་ཙམ་ལ་བརྟེན་ནས་འདུག་པའི་སྐབས་ཡིན་ནོ། །དེ་ནས་ཉང་ཕུག་འོག་མའི་ཐ་སྙད་གྲགས་པ་ལ་བརྟེན་ནས་སྔ་རབས་པ་དག་གིས་ལྷོ་ཕྱོགས་ཀྱི་ཕྱིས་བྱུང་གི་བྲག་ཕུག་དེ་ལ་ཉང་ཕུག་གི་ཁ་བྱང་བྲིས་འདུག་ཀྱང་། སྔར་བཤད་པ་ལྟར་གསལ་སྣང་གི་བདེན་པས་ངེས་ཤེས་རྙེད་པའི་སྔོན་ཆོས་རྒྱལ་ཚངས་པ་ལྷའི་མེ་ཏོག་དང་། །དེ་རྗེས་མངའ་བདག་ཉང་གི་ མངའ་བདག་ཉང་གི་སྐྱེ་བ་བཅུ་གསུམ་དྲན། །སྒྲུབ་ཕུག་ཡིན་པས་ཉང་ཕུག་འོག་མར་གྲགས་པ་ངེད་རང་གིས། །ངོས་བཟུང་ཞིང་མེ་ཏོག་ཕུག་ཏུ་བཏགས་པའི་གནས་སུ་བཅད་མཚམས་ཤིན་ཏུ་དམ་ཞིང་ངེས་འབྱུང་གིས་རྒྱུད་བརླན་པ་ཞིག་གི་ཚེ། །ཨ་

(༦༧)འཐས་གཟུང་ཡུལ་གྱི་འཛིན་ཆ་ཞིག་པའི་སྣང་ངོར་ཡང་གཅིག་ཀུན་མཁྱེན་སངས་རྒྱས་གཉིས་པ་དང་མཇལ་བ་ན། །དཔེ་ཆ་བམ་པོ་ཞིག་གནང་ནས་འདིས་ཤིང་རྟ་ཆེན་མོ་ན་གབ་པའི་ཚུལ་དུ་ཡོད་པ་མཐའ་དག་གསལ་བ་ཡོད། །ཅེས་དང་། གསང་མཛོད་ཆེན་མོའི་བརྡ་འགྲོལ་གྱི་སྐོར་སྐབས་འདིར་གསུངས་པ་ཡིན། །ཡང་འདི་ཁྱོད་རང་གི་སྐྱེ་བརྒྱུད་ལུང་བྱང་ཡིན་ནོ་ཞེས་ཤོག་དྲིལ་ཞིག་གནང་བྱུང་བ་ཁ་ཕྱེ་བས། ཡི་གེ་གོང་འོག་རིམ་པ་གཉིས་ཀྱི་རྣམ་པར་འདུག་པའི་གོང་མར། སྐྱེ་བ་སྔོན་མ་ནི་ཀུན་མཁྱེན་ཆོས་རྗེའོ། །ཞེས་འདུག །ཕྱི་མ་རྣམས་ཀློག་པར་རྩོམ་པ་ན། །གསལ་སྣང་དེ་ནམ་མཁའ་ལ་སྤྲིན་དེངས་པ་བཞིན་སོང་ལ། །འདིའི་ཚེ་སྐུའི་བྱད་དབྱིབས་སོགས་འདི་ལྟར་འདུག་སྙམ་པའི་འཛིན་ཤེས་རགས་པ་གང་ཡང་མ་བྱུང་ངོ། །གསུང་གི་བྱིན་གྱིས་བརླབས་ནས་བསྟན་བཅོས་བརྩམ་པར་རྗེས་སུ་གནང་བ་སྟེ་ཞལ་མཐོང་གཉིས་པའོ། །དེ་ནས་ཟླ་ཤས་སོང་ཙ་ན། ཀུན་མཁྱེན་བླ་མ་ཉིད་པཎྜི་ཏའི་ཆ་བྱད་སྣུམ་བག་དང་ལྡན་ཞིང་། ཤིན་ཏུ་གཞོན་ཤ་ཆགས་པ་དགུང་ལོ་ཉི་ཤུ་རྩ་གྲངས་པའི་སྐུ་ན་ཅན། །དབུ་ལ་

(༦༨)པཎ་ཞྭ་རྣ་རིང་བཞེས་པ་ཞིག་དང་མཇལ་ཏེ། རྡོ་རྗེ་ཕུང་པོའི་དཀྱིལ་འཁོར་ ལུས་དཀྱིལ་ རྨད་དུ་བྱུང་བའི་རྟ་བབས་གོང་མ་གཉིས་ཀྱི་འཕྱང་འཕྲུལ་ལ་བརྟེན། ལྷུན་གྲུབ་རིགས་ལྔ་ཡབ་ཡུམ་ཟུང་དུ་འཇུག་པའི་བརྡས། འོད་གསལ་དག་པ་རབ་འབྱམས་ཀྱི་དབང་བསྐུར་ནས། །ཅི་ཡང་མི་གསུང་བར་ཤིན་ཏུ་དགྱེས་པ་ཆེན་པོའི་ཞལ་འཛུམ་མུ་ལེ་བའི་ངང་ལ། །དག་ཆེན་ཡེ་ཤེས་ཀྱི་སྣང་ཆ་དབྱིངས་སུ་ཐིམ་པར་གྱུར་པ་ནི་ཐུགས་ཀྱི་བྱིན་གྱིས་བརླབས་ནས་དོན་རྒྱུད་རྟོགས་པའི་བདག་པོར་རྗེས་སུ་གནང་བ་སྟེ་ཞལ་མཐོང་གསུམ་པའོ། །དེའི་ཚེ་ཕྱི་ཡུལ་གྱི་སྣང་བ་གཏད་མེད་དུ་གྲོལ་ཏེ་མཉམ་གཞག་གི་དགོངས་པ་ལ་ཕྱོགས་ལྷུང་གི་རིས་མེད། །ནང་འཛིན་པའི་འདུ་ཤེས་པ་ལ་རྩིས་གདབ་ཀྱི་རིས་མེད་པས་རང་གྲོལ་ཕྱོགས་ཡན་དུ་སངས། །རྗེས་ཐོབ་ཤེས་རབ་ཀྱི་སྣང་ཆར་དགའ་བ་དང་སྐྱོ་བའི་ཡིད་ཀྱིས་དུས་འདས་ཏེ། དད་པ་དང་གདུང་ཤུགས་དྲག་པོའི་རྐྱེན་གྱིས་བསྟོད་པ་དཔྱིད་ཀྱི་རྒྱལ་མོའི་རྒྱང་གླུ་ཞེས་བྱ་བ་དེ་ཡང་བརྩམས། །ཤིང་རྟ་གསུམ་དང་མཛོད་ཆེན་བདུན་གྱི་བརྗོད་བྱའི་དོན་སྙིང་ལ་ཤར་བས་ཀུན་མཁྱེན་ཞལ་ལུང་། །པདྨ་དཀར་པོ། གོལ་

(༦༩)ཤོར་ཚར་གཅོད་སོགས་མན་ངག་གི་གནད་ལྟ་སྒོམ་གྱི་བཅུད། ཉམས་ལེན་གྱི་མཚང་ལྟ་བུའི་གནད་ལག་བཅངས་མ་ཚིག་ཉུང་དོན་གསལ་མང་པོ་ཡང་བྲིས། །དེ་ཡང་སྒོམ་ཆེན་པ་ནི་བཤད་རལ་དང་རྟོག་དཔྱོད་ལ་གཙོར་འདོན་མི་བྱེད་ཅིང་། ཁྱད་པར་དུ་ཐོས་བསམ་ཙམ་ལ་བརྟེན་པའི་ཐ་སྙད་དང་གནས་ལུགས་བརྗོད་བྲལ་གྱི་དོན་གོ་བའི་ཕོ་ཚོད་ཙམ་གྱིས་གཏན་ལ་ཕབ་པའི་བསྟན་བཅོས་དང་མི་འདྲ་བར་འཁོར་འདས་ཀྱི་ཆོས་ཐམས་ཅད་ལ་རྫོགས་པའི་སངས་རྒྱས་དང་། ཨོ་རྒྱན་ཆོས་རྗེ། བི་མ་ལ། མགོན་པོ་ཀླུ་སྒྲུབ་ལྟར་དབང་སྒྱུར་ནུས་པའི་བརྟུལ་ཞུགས་ཀྱིས་བསྟན་པའི་སྲོག་ཤིང་དུ་བསྒྲུབས་པ་ཀུན་མཁྱེན་ཆེན་པོའི་བསྟན་བཅོས་ཉི་ཟླའི་སྣང་བ་ལྟ་བུ་རྩོད་པ་དང་རྒོལ་ངན་གྱིས་གླགས་ལྟ་བར་མི་བཟོད་པ་འདི་དག་ཡོད་བཞིན་དུ། །རང་ཅག་གི་སྲིན་བུའི་མེ་འོད་ལྟ་བུའི་གླེགས་བམ་ཆེན་པོ་བཅོས་པ་ལ་དགོས་པ་མེད་སྙམ་ནས་ལྷོད་དེ་སྡོད་པ་ལ་འདུན་ནོ། །འོན་ཀྱང་དགོངས་གཏེར་ཆེན་པོ་དེ་དག་གི་དོན་ལ་ཐོས་པ་དང་། །བསམ་པ་དང་། སྒོམ་པ་དང་། བཀུར་སྟི་དང་། །རི་མོར་བྱ་བ་དང་། བཤད་པ་དང་། །སྒྲུབ་པའི་སྒོ་ནས་རང་རྒྱུད་སྨིན་

(༧༠)གྲོལ་དུ་བསྒྲུབ་ཅིང་གཞན་དག་ལའང་བསྔགས་པར་བརྗོད་པ་དང་། རྒྱ་ཆེར་འདོམས་པའི་སྤྱོད་པ་ལ་བསླབ་པར་དམ་བཅས་ཤིང་། །དེ་ཡང་གཞོན་ནུ་ནོར་བཟང་གིས་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་སྨོན་ལམ་དུ་བཏབ་པར། ལན་གཅིག་ཙམ་ཡང་དད་པ་སྐྱེས་པ་ནི། །བསོད་ནམས་དམ་པའི་མཆོག་ཏུ་འདི་འགྱུར་རོ། །ཞེས་བཤད་པ་ལྟར། གདུལ་བར་བྱ་བ་གང་ཟག་གི་དད་པའི་མྱུ་གུ་གསར་དུ་བསྐྱེད་པ་དང་། བྱིན་རླབས་དོན་གྱི་ཉེ་བརྒྱུད་ལག་པའི་མཐིལ་དུ་ཟིན་པའི་རྟེན་འབྲེལ་གྱི་བདེན་པ་མི་འགོག་པའི་ཕྱིར་དུ། །ཆོས་ཀྱི་རྣམ་གྲངས་དེ་དག་གི་དོན་ཟབ་པ་དང་རྒྱ་ཆེ་བ་ཇི་སྙེད་ཅིག་དགོངས་པའི་ཀློང་ནས་རང་ཤར་བའི་ཚུལ་དུ་བཀོད་པ་མན་ངག་གི་བསྟན་བཅོས་རིན་པོ་ཆེ་ལུང་གི་གཏེར་མཛོད་ལ་སོགས་པའང་བགྱིས་ནས་རྡོ་རྗེའི་གནས་ཆེན་པོ་རྣམས་གསལ་བར་བགྱིས་པ་ཡིན་ནོ།། །།

(༧༡)འུྃ ཀློང་ཆེན་སྙིང་གི་ཐིག་ལེ་ལས གནད་བྱང་ཐུགས་ཀྱི་སྒྲོམ་བུ་བཞུགས

(༧༢)།།། །ཀུན་བཟང་ཡངས་པའི་ཀློང་ལ་འདུད འོག་མིན་སྤྲུལ་པའི་གནྡྷོ་ལ བར་ཁང་གཡུ་ཞལ་འབར་བ་རུ ཐུགས་སྲས་རྗེ་འབངས་གྲོགས་གསུམ་ལ ཟབ་དོན་སྙིང་གི་ཐིག་ལེའི་སྐོར དམར་ཁྲིད་ལྐོག་བྱང་གནད་ཡིག་སྒྲོམ སྐུ་གསུམ་རང་བྱུང་མཁའ་འགྲོའི་བརྡས བསྟན་ཚེ་གསེར་གཡུའི་མཎྜལ་དང་ ཁྱད་པར་སྒོ་གསུམ་ལྟོས་མེད་ཕུལ དུས་གསུམ་མཁྱེན་པའི་གུ་རུ་རྗེ ད་ལྟ་དུས་བཟང་སྐལ་པ་ལྡན མ་འོངས་ལྔ་བརྒྱའི་ཐ་མ་དེར སེམས་ཅན་སྡུག་བསྔལ་དཔའ་ལ་གཡེང་

(༧༣)དེ་ཚེ་བདག་ཅག་རྗེ་འབངས་གྲོགས རྗེ་བཙུན་ཁྱེད་ཀྱི་ཐུགས་རྗེ་ཡིས གྲོོལ་བ་ཐོབ་ཀྱང་གདུལ་བྱའི་དོན སྲིད་པར་ཉིང་མཚམས་ཡང་ནས་ཡང་ སྦྱོར་ཞིང་དག་པའི་གདུལ་བྱ་ཡི ཁ་ལོ་གྱེན་ལ་བསྒྱུར་འཚལ་ན དེ་དུས་ད་ལྟའི་འདུས་པ་རྣམས ས་ཕྱོགས་གང་དང་གང་དུ་འབྱུང་ ས་རྟགས་བསྟན་པའི་གནས་ཚུལ་སོགས ཀུན་མཁྱེན་གུ་རུས་གསུངས་དུ་གསོལ ཞེས་ཞུས་མོས་གུས་གདུངས་པ་ལས༔ ཕྱག་གཡས་བཻ་རོ་ཙཱ་ན་དང་༔ གཡོན་པ་ཇོ་མོའི་སྤྱི་བོར་བཞག ཆོས་རྒྱལ་ཉིད་ལ་དབུ་གཏུགས་ནས ཉོན་

(༧༤)ཅིག་ལས་ཅན་རྗེ་འབངས་གྲོགས མ་འོངས་ལྔ་བརྒྱའི་མཐའ་མ་དེར སེམས་ཅན་བསོད་ནམས་ཉམས་པའི་རྒྱུར རྟེན་གསུམ་འཇིག་ཅིང་རབ་གནས་ཡལ ཆོས་བྱེད་དམོད་ཅིང་སྡིག་བྱེད་བསྟོད ཁྱད་པར་འདྲེ་རྒོད་སྤུན་དགུ་ཡི ལས་མཐའ་སྙིང་ཞུགས་ཆེ་ཚུལ་འགས བླ་མར་བརྫུས་ནས་སློབ་བུ་བསླུ རྗེ་པོར་ཏ། ཤ་ནས་བདེ་སྐྱིད་འཕྲོག བན་དེར་བརྫུས་ནས་ཆོས་བྱེད་བཅོམ དེ་ཚེ་གནམ་ཐིལ་སྤྲུལ་པ་ཞིག ཤར་ནས་འབྱུང་སྟེ་ནུབ་ཏུ་འགྲོ དབུས་གཙང་གཞུང་ལ་ཆོས་སྡེ་དར བསོད་ནམས་དམན་པའི་སྐྱེ་འགྲོ་ཀུན དེ་ལ་འདུན་ཅིང་ཡིད་སྨོན་བྱེད སྤྲེའུས་མེ་ཁྱེར་སྲིས་ལ་རྐུ བྱ་ཡི་མགོ་སྤུ་གནམ་ལ་བསྲེག ཁྱི་ཡིས་མ་མོའི་ནད་རྐྱལ་ཁུར ཕག་གིས་ས་རྐོ་རྡོ་སློག་བརྩོན བྱི་བས་བློ་གཏད་སྙིང་ལ་རྐུ གླང་གི་རྭ་རྩེ་རྡོ་ལ་བརྡར སྟག་གི་ལོ་ལ་དུག་མཚོ་ཁོལ གཟིག་སློག་གྱོན་པའི་ ག། གསུམ་གྱིས ཊཨྭ་མོ་སློང་ཞིང་ཊཙཉ་རྩ་བ་འགྱེད དེ་ཚེ་ང་སྤྲུལ་སྐྱེས་བུ་ལ ཐུགས་རྗེར་ཕྱོགས་རིས་མ་མཆིས་པས ཀློག་ཡིག་གསང་བ་ལུང་བྱང་བཞིན བསྟན་འགྲོའི་བདེ་ཐབས་ལྷུར་ལེན་

(༧༥)གཅེས དེ་དུས་ད་ལྟའི་རྗེ་འབངས་གྲོགས བི་མ་རྒྱལ་སྲས་ལྷ་རྗེ་རྣམས སྨོན་ལམ་ཐུགས་རྗེས་སྤྲུལ་པའི་སྲས རང་བྱུང་རྡོ་རྗེ་པདྨ་དབང་ གསང་མཚན་གར་དབང་འཇིགས་མེད་གླིང་ རྟོགས་གྲོལ་དུས་མཉམ་ཐུགས་གཏེར་བདག འཕགས་པས་རྗེས་སུ་བཟུང་བའི་རྟགས ལག་གཡས་མཐིལ་ན་པདྨའི་སྤྱན དབང་ཆེན་གསུང་གི་རིག་འཛིན་ཕྱིར མཐེ་བོང་ཐུགས་སྲོག་ཧྱ་ཡིས་མཚན རྟོགས་པ་ཀློང་དུ་གྱུར་པའི་རྟགས ཚེམས་ལ་སྐྱེ་མེད་ཡི་གེ་ཨ སྙིང་རྗེ་ཆེ་ལ་རིག་པ་ཧུར ཤེས་རབ་ཆེ་ཞིང་འཛིན་ཆགས་ཆུང་ ཐུགས་སྒམ་ཚིག་བཙན་བློ་གྲོས་ཟབ ངེས་མེད་སྤྱོད་པ་ཅིར་ཡང་སྟོན འཇིགས་པ་མེད་པའི་བརྟུལ་ཞུགས་ཅན ཞུམ་མེད་སྣང་བ་ཟིལ་གྱིས་གནོན དེ་ལ་ཐུགས་རྒྱུད་དངོས་གཏེར་རམ ཡང་ན་དགོངས་གཏེར་ཚུལ་དུ་འབེབས དངོས་ཉམས་རྨི་ལམ་མ་ངེས་པར ང་དང་ཞལ་མཇལ་དོན་དབང་བསྐུར ཐུགས་རྒྱུད་དགོངས་པའི་བྱིན་རླབས་འཕོ པད་འབྱུང་ང་དང་རིག་འཛིན་ཉིད དགོངས་པ་གཅིག་དང་དབྱངས་གཅིག་འགྱུར ཐེག་ཀུན་དགོངས་

(༧༦)པའི་ཀློང་ལ་ཤར རིག་འཛིན་དཔའ་བོ་མཁའ་འགྲོ་ཡིས བསྐུལ་མ་ཐེངས་གསུམ་དག་ཏུ་འོང་ དེ་ཚེ་མི་བརྗེད་དྲན་པའི་གཟུངས གཟེར་དྲུག་གནད་ཀྱི་ལྡེ་མིག་གིས ཀློང་གསལ་དགོངས་པའི་གཏེར་ཁ་འབྱེད བརྡའ་རྟགས་སྙིང་མཛོད་སྒྲོམ་བུར་བསྐྱིལ པདྨ་ང་ཉིད་སྤྱི་བོར་སྒོམ འཛད་མེད་ནམ་མཁའ་མཛོད་ཀྱི་བརྡ ཌཱཀྐི་གསང་བའི་བརྡ་འགྲོལ་བཞིན བཅས་བཅོས་ཕྲི་བསྣན་མེད་པར་བསྒྱུར ལོ་བདུན་སྤིར་གྱི་ཁ་བཞིན་སྡོམས སྤྲེལ་ལོ་སྤྲེལ་ཟླའི་ཚེས་བཅུ་ལ པདྨ་ང་དང་དངོས་ཞལ་མཇལ བར་ཆད་སེལ་ཞིང་བྱིན་གྱིས་རློབས དེ་ཚེ་ལས་ཅན་དག་པའི་འཁོར ད་ལྟའི་འདུས་པར་བཅས་པ་རྣམས རྒྱ་བོད་དབུས་གཙང་མ་ངེས་པར ལ་ལ་ཆེ་ཚུལ་བླ་དཔོན་གཟུགས ལ་ལ་འཁྲུལ་ཞིག་བྱ་བྲལ་དང་ ཁ་གཅིག་དམངས་དང་ཐ་ཤལ་ཚུལ མ་འགགས་སྤྱོད་པ་ཅིར་ཡང་སྟོན ཀུན་ཀྱང་ལྟེ་སྨེ་སྙིང་མཚན་སྤྲས ལས་ཀྱི་དབང་གིས་འདུད་པ་འབྱུང་ ཁྱད་པར་ད་ལྟའི་སྨོན་ལམ་མཐུས ནམ་སྙིང་ཉང་བན་མཆོག་དབྱངས་དང་ ལྷ་སྲས་སྤྲུལ་པས་ཆོས་སྒོ་འབྱེད དེ་ཚེ་གདམས་

(༧༧)པ་གསང་ཞིང་སྤེལ འོན་ཀྱང་ང་དུས་ཡབ་སྲས་རྣམས ཐུགས་རྒྱུད་མཁའ་ལྟར་དག་ན་ཡང་ བཙུན་མོའི་བསླུ་བྲིད་གཡོ་སྒྱུ་ཆེ སྡིག་བློན་སྣང་བ་འབྲིད་མཁས་པས བདག་ཉིད་ཆེན་པོ་པདྨ་སོགས སྤྲུལ་པའི་ལོ་པན་སྐྱེས་མཆོག་དང་ ཟབ་མོའི་རྟེན་འབྲེལ་མང་འཕྱུགས་པས ཕྱི་དུས་འགྲོ་དོན་དུས་བབ་ཚེ འགལ་རྐྱེན་རྣམ་པ་སྣ་ཚོགས་དང་ ཁྱད་པར་བདུད་བློན་དམ་སྲིའི་རིགས རྗེས་འབྲེང་རྣམ་འགྱུར་ཅིར་ཡང་རྫུ བཀའ་དྲིན་དམ་ཚིག་ཁྱད་དུ་གསོད ཕྲ་མེན་དམར་རྒྱན་སྤྲེལ་གདོང་མས དང་པོར་གྲོགས་སུ་རེ་ནས་འདུད བར་དུ་དམ་ཚིག་ཆུ་ལ་འཕོ ཐ་མར་གྱོད་དང་མི་ཁ་གཡོ སྔགས་ཀྱི་སྲུང་མས་མ་སྐྱོབ་ན ལོ་བརྒྱའི་ཚེ་ཡང་ཞག་པོར་བསྟུང་ ད་ལྟའི་ལས་ཅན་རྣམ་ལྔ་དང་ ངང་ཚུལ་ཕོ་གྱོང་རྒྱལ་མོ་བཙུན དབྱིངས་ཕྱུག་མཁའ་འགྲོ་ཨེ་ཀ་ཛས ཆོས་སྲིད་རྟེན་འབྲེལ་ལེགས་ཚོགས་སྤེལ བཛྲ་རཏྣ་དྷརྨ་དབང་ ཤྲཱི་ཨཱ་ཡུར་ཛྙཱ་ནའི་མིང་ དད་གུས་སྙིང་རྗེ་གཏོང་ཕོད་ཆེ རིགས་ལྔའི་གནས་སུ་སྨེ་བ་ཅན དབུས་གཙང་ལྷོ་བྱང་སྟོད་སྨད་ནས ཕོ་མོར་

(༧༨)མ་ངེས་རིམ་བཞིན་འབྱུང་ ཆོས་འདི་ཉམས་ལོངས་བརྒྱུད་པ་འཛིན སོ་བདུན་ཀེག་ལ་གློ་བུར་འཚུབས བཞི་བཅུ་ལོངས་པའི་ལྔ་གསུམ་མཚམས ཕལ་ཆེར་དག་པའི་ཞིང་དུ་འགྲོ གཙུག་ལག་གསུམ་ལ་མཆོད་འབུལ་དང་ སྒྲུབ་གནས་རྣམས་སུ་མེ་ཚོགས་སྐོང་ རིགས་ལྔ་ཡེ་ཤེས་ཌཱཀྐི་ནིའི བདེ་སྟོང་བཅུད་ལེན་དག་ལ་འབད དམ་འཁོན་གྲིབ་ལ་ཤིན་ཏུ་གཟབས དེ་ཚེ་བཟང་ངན་ཅི་བྱུང་ཡང་ སུ་དང་ལྟ་སྤྱོད་མ་བསྟུན་པར བློ་གཏད་པདྨ་ང་ལ་གྱིས ཆོས་ཀུན་རྨི་ལམ་སྒྱུ་མར་སྦྱོངས འོད་གསལ་དགོངས་པའི་བརྟུལ་ཞུགས་བསྐྱེད སྙེམས་འཕྲིགས་སེམས་ལ་ཐོག་བརྫིས་ཐོངས གཉན་ས་འགྲིམ་ཞིང་མེ་ཚོགས་དང་ བསྐང་བཤགས་ཐུགས་དམ་གནད་ལ་གཟིར བར་ཆད་བཟློག་འགྱུར་ཐ་ཚིག་ཡོད རྟེན་འབྲེལ་དམ་ཚིག་མཐུན་གྱུར་ན ལྔ་བཅུའི་བར་དུ་འཚོ་ཡང་སྲིད དེ་བས་རིང་མིན་གདུལ་བྱ་ཡི ཁ་རྗེ་བསོད་ནམས་དག་ལ་རག དམ་ཉམས་ལོག་ལྟ་ཆེ་ན་ཡང་ སྙན་པས་རྒྱལ་ཁམས་ཡོང་ལ་ཁྱབ ཉི་ཤར་སྦར་མོས་མི་ཁེབས་བཞིན དུས་མཐར་རང་འོད་ལྷག་པར་གསལ བསྟན་

(༧༩)པ་མཐའ་ནས་རྒྱས་པ་འབྱུང་ གལ་ཏེ་ལུང་བསྟན་སྐྱེས་བུ་ཡང་ མ་དག་བདུད་ཀྱིས་བློ་བསྒྱུར་ནས ཟས་ནོར་ཆེད་དུ་དམ་ཚིག་གཏོང་ མདུན་ནས་བཅོས་མའི་མོས་གུས་འབར རྒྱབ་ནས་ལོག་ལྟའི་རྔ་བརྡུང་ན གྱོ་མོའི་ཁྲོད་ན་ནོར་བུ་བཞིན མ་ཚོགས་མཁའ་འགྲོའི་ཡིད་ཕམ་ནས འཇའ་ཚོན་དར་གྱི་ལམ་པོ་ལ ཁྱོད་ཉིད་དྲངས་ཏེ་བཞག་ཐབས་མེད སྐྱེ་འཆི་རྨི་ལམ་སྒྱུ་མ་ཙམ ཐེ་ཚོམ་ཡིད་གཉིས་མེད་པ་རུ རྔ་ཡབ་དཔལ་གྱི་རི་བོར་ཤོག ཕ་བུ་འཕྲད་པའི་དགའ་སྟོན་སྐྱོང་ ས་མ་ཡ ཞེས་གསུངས་ཡེ་ཤེས་མཚོ་རྒྱལ་མས ཆོས་སྐུ་བྱང་ཆུབ་སེམས་ཀྱི་རྟེན རང་བྱུང་ཤོག་སེར་ལྔ་ལྡན་ནང་ མི་བརྗེད་གཟུངས་ཀྱི་བརྡ་རིས་བཀོད འོད་གསལ་སྙིང་མཛོད་སྒྲོམ་དུ་སྩལ སྨོན་ལམ་དབང་བསྐུར་རྒྱ་ཡིས་བཏབ ནམ་ཞིག་སྨོན་ལམ་དུས་བབ་ཚེ ཡེ་ཤེས་དབྱིངས་ཀྱི་མཁའ་འགྲོ་མས བག་ཆགས་སད་པའི་ཆ་རྐྱེན་དུ ཀློང་བྱང་བརྡ་རིས་ལག་ཏུ་སྤྲོད རྒྱུ་རྐྱེན་རྟེན་འབྲེལ་མ་འཛོམ་པར གཏན་ལ་ཕབ་ཀྱང་བར་ཆད་རྒྱུ བརྡ་འགྲོལ་ལུང་གིས་བསྐུལ་

(༨༠)བའི་ཚེ མཁའ་འགྲོ་ཚོགས་ཀྱིས་མཉེས་བྱས་ནས གཞོམ་མེད་རྡོ་རྗེའི་དབྱངས་སུ་བསྒྱུར ས་མ་ཡ རྒྱ་རྒྱ་རྒྱ གསང་རྒྱ གར་དབང་འཇིགས་མེད་གླིང་པས་མཁའ་འགྲོ་གསང་བའི་བརྡ་རིས་ནས་ཞལ་བཤུས་པ་བསྟན་དུ་མེད་པའི་སྙིང་བྱང་ཡིད་བཞིན་ནོར་བུའོ།། །།

(༨༡)འུྃ ཀློང་ཆེན་སྙིང་གི་ཐིག་ལེ་ལས རིག་འཛིན་རྩ་རྒྱུད་ཐོད་པའི་དུམ་བུ་བཞུགས

(༨༢)འུྃ ཨོཾ་ཨཱཧཱུྃ་མ་ཧཱ་གུ་རུ་སརྦ་ཧེ་རུ་ཀ རིག་འཛིན་གྱི་རྩ་རྒྱུད་ཐོད་པའི་དུམ་བུ་ཞེས་བྱ་བ དཔལ་ཧེ་རུ་ཀ་ལ་ཕྱག་འཚལ་ལོ རྒྱུད་ཅེས་བྱ་བ་རྒྱུན་ཆགས་ཏེ རྒྱུ་ཡིས་མ་བསྐྱེད་རྐྱེན་ལས་གྲོལ རིག་པ་བདེ་གཤེགས་སྙིང་པོའི་རྒྱུད སྤྲོས་པ་རྣམ་དག་ངོ་བོ་ཉིད མ་བཅོས་མ་བསླད་དེ་བཞིན་གཤེགས དེ་ཉིད་མངོན་དུ་བྱ་བའི་ཐབས ལམ་གྱི་རྒྱུད་ནི་མཐའ་ཡས་ཀྱང་ ཐབས་ལ་བརྟེན་པ་ཕ་ཡི་རྒྱུད ཤེས་རབ་གཙོར་སྟོན་མ་ཡི་རྒྱུད ཆ་མཉམ་གཉིས་མེད་ཟུང་འཇུག་རྒྱུད རྟག་ཆད་ལས་གྲོལ་ལྟ་བ་དང་ ཡུལ་དུས་འབྲེལ་བའི་སྤྱོད་པ་དང་ དཀྱིལ་

(༨༣)འུྃ འཁོར་ཕྱག་རྒྱ་གསལ་རྫོགས་དང་ ཕྲིན་ལས་བཞི་ཡི་མཐའ་སྒྱུར་དང་ འཇུག་སྒོ་དབང་གི་བྱེ་བྲག་དང་ དེ་ཡི་སྲོག་འཛིན་དམ་ཚིག་དང་ ལྷ་ཡི་སྙིང་པོ་གསང་སྔགས་དང་ བདེན་པའི་མཐུ་ཅན་ཕྱག་རྒྱ་དང་ ལྷ་དང་སྙིང་ཉེར་བསྙན་པ་དང་ ཚོམ་བུ་ཚོགས་ཀྱི་སྒྲུབ་པ་དང་ བསོད་ནམས་ཚོགས་སྤེལ་མཆོད་པ་སྟེ རྒྱུད་ཀྱི་དངོས་པོ་བཅུ་གཅིག་ནི མདོ་ཆིངས་ཡིན་པར་མཁས་པས་བཟུང་ དེ་ཡང་རྒྱུད་ལུང་མན་ངག་གི ཁྱད་པར་འདི་ནི་ཤེས་བྱ་སྟེ སྟོན་པས་བཀའ་སྩལ་རྒྱུད་ཡིན་ལ ཞུ་བ་པོ་ཡིས་བསྡུས་པ་ལུང་ དེ་ལ་གཅུས་

(༨༤)དང་དཀྲུགས་དང་གབ ཇི་བཞིན་གསལ་བ་མན་ངག་སྟེ དབྱེ་ན་ངོ་བོ་ངེས་ཚིག་དང་ རྣམ་གྲངས་གསུམ་གྱིས་སྟོན་པ་ཡི ངོ་བོ་ཆོས་ཉིད་མ་འཁྲུལ་པ ངེས་ཚིག་ཐེ་ཚོམ་བྲལ་བ་སྟེ རྣམ་གྲངས་ཤེས་དང་ཉམས་སུ་བླང་ འཁྲུགས་པ་སྡེབ་པ་རྣམ་གསུམ་མོ དེ་ཡང་དྲང་དོན་བསྐྱེད་རིམ་དང་ ངེས་དོན་རྫོགས་རིམ་དགོངས་པ་ཅན བརྗོད་བྱས་ལྡོག་པའི་དོན་སྟོན་ཅིང་ དགོངས་མིན་དེ་ལས་ལྡོག་པའོ དེ་བཞིན་གབ་དང་མ་གབ་པ སྒྲ་ཇི་བཞིན་དང་མ་ཡིན་ཏེ མཐའ་དྲུག་གནད་ཀྱི་མན་ངག་གོ ཁྱད་པར་ཡིག་དོན་སྤྱི་དོན་གཉིས སྦས་པའི་དོན་དང་མཐར་ཐུག་སྟེ ཚུལ་བཞིའི་མན་ངག་ལ་བརྟེན་ནས རྒྱུད་རྒྱལ་ཟབ་མོའི་དོན་ལ་སྤྱོད འབྲས་བུའི་རྒྱུད་ནི་ངོ་བོའི་ཆོས སྣ་ཚོགས་དག་བྱའི་སྒྲིབ་པ་གང་ ལམ་གྱི་བདེན་པ་ཚོགས་གཉིས་མཐུས མངོན་དུ་གསལ་ནས་སྐུ་གསུང་ཐུགས ཡེ་ཤེས་རྡོ་རྗེའི་རང་བཞིན་དུ མངོན་པར་བྱང་ཆུབ་ངོ་བོ་ཉིད ཚིག་དང་དཔེ་ལས་འདས་པའོ དེ་དག་གསལ་བར་བྱེད་པ་ནི རང་སྣང་ཉིད་ལས་རང་གིས་སྤྱོད སྟོན་བྱེད་གཙོ་དང་སྡུད་བྱེད་འཁོར བསྒྲུབ་བྱའི་ཆོས་དང་

(༨༥)སྒྲུབ་བྱེད་ཀུན རང་ལས་ལོགས་སུ་མ་ཡིན་ཏེ ཡེ་ཤེས་ལྟར་དུ་ཀློང་དགུའི་རྩལ ཡི་དམ་ལྟར་དུ་སྒྲུབ་སྡེ་བརྒྱད བྱང་སེམས་ལྟར་དུ་ཉེ་བའི་སྲས རིག་འཛིན་ལྟར་དུ་འདི་ལྟ་སྟེ ཨོ་རྒྱན་རང་བྱུང་མཁའ་འགྲོའི་གླིང་ རོ་གླིང་བསིལ་བའི་ཚལ་ཆེན་དུ གདན་འཛོམ་གདུལ་བྱ་དུས་བབས་ཚེ འོག་མིན་གནས་སུ་ཧེ་རུ་ཀས ལེགས་གསུངས་བདེ་གཤེགས་ཡོངས་རྫོགས་རྒྱུད མཆོད་རྟེན་བདེ་བྱེད་བརྩེགས་པ་རུ སྩལ་བ་ལས་ཀྱི་དབང་མོ་ཆེས ཕྱུངས་ཏེ་རིག་འཛིན་བརྒྱད་ལ་གཏད ཟ་ཧོར་ཡུལ་དུ་སྐུ་འཁྲུངས་པའི དྲི་མེད་ཆོས་ཀྱི་བཤེས་གཉེན་ལ ཆེ་མཆོག་བདུད་རྩིའི་སྒྲོམ་བུ་གཏད མ་ལ་ཡར་འཁྲུངས་བྲམ་ཟེའི་བུ མི་ཏྲ་མཉྫུ་ཤྲཱི་ལ སྐུ་མཆོག་འཇམ་དཔལ་སྒྲོམ་བུ་གཏད བཻ་ཏའི་ཡུལ་འཁྲུངས་བྲམ་ཟེའི་རིགས བློ་ཆེན་ནཱ་ག་རྫུ་ན་ལ གསུང་མཆོག་པདྨའི་སྒྲོམ་བུ་གཏད སིང་ག་ལ་ཡི་ནགས་གླིང་དུ འཁྲུངས་པའི་ཧཱུྃ་ཆེན་ཀཱ་ར་ལ ཐུགས་མཆོག་ཡང་དག་སྒྲོམ་བུ་གཏད ཨུ་རྒྱན་ཐོར་ཅོག་ཅན་གྱི་ཡུལ འཁྲུངས་པའི་པྲ་བྷ་ཧསྟི་ལ ཕྲིན་ལས་ཕུར་བའི་སྒྲོམ་བུ་གཏད

(༨༦)ཐོ་གར་ཡུལ་དུ་སྐུ་འཁྲུངས་པའི ངྒ་ན་སཾ་སྐྲྀ་ཞེས་བྱ་བར ཁྲག་འཐུང་མངོན་རྫོགས་སྒྲོམ་བུ་གཏད མཁའ་འགྲོའི་གླིང་དུ་སྐུ་འཁྲུངས་པའི ལྷ་ཡི་ཟླ་བ་ཞེས་བྱ་ལ༔ མཆོད་བསྟོད་དྲེགས་པའི་སྒྲོམ་བུ་གཏད༔ མཚོ་གླིང་ཚལ་དུ་སྐུ་འཁྲུངས་པའི༔ ཞི་བའི་སྙིང་པོ་ཞེས་བྱ་བར༔ དྲག་སྔགས་དམོད་པའི་སྒྲོམ་བུ་གཏད༔ ཀུན་ཀྱང་རང་རྒྱུད་མ་ཡིན་ཏེ༔ ལྷ་དང་བཀའ་བབས་ལྟར་བསྟན་ཡང་༔ བསྒྲུབ་བྱ་སྒྲུབ་བྱེད་རོ་གཅིག་སྟེ༔ གདུལ་བྱའི་ངོ་རུ་སྣང་བ་ཙམ༔ དེ་བཞིན་ཡོངས་རྫོགས་རིན་ཆེན་སྒྲོམ༔ དྷ་ན་ཀོ་ཤའི་མཚོ་གླིང་དུ རྫུས་ཏེ་བྱོན་པའི་རིག་འཛིན་ལ ལས་ཀྱི་དབང་མོ་ཆེ་ཡིས་གཏད འདི་ནི་རིག་འཛིན་རྡོ་རྗེ་ཆོས སྟོན་པ་རང་ཉིད་སྡུད་བྱེད་ཀྱི ཚུལ་བཟུང་ཟབ་མོའི་གསང་བ་འཛིན གཙོ་དང་འཁོར་གྱི་ཚོམ་བུའི་ཚུལ ལྟར་དུ་བསྟན་པའི་མན་ངག་བཅུད གསང་སྔགས་ཀུན་གྱི་འབྲས་བུ་སྟེ མངའ་བདག་རྒྱལ་པོའི་ཆོས་སྐལ་ཡིན ཁྱོད་ཉིད་དག་དང་མ་དག་གི སྲིད་པའི་རྣམ་རོལ་བཅུ་གསུམ་གྱི སྐྱེ་བའི་མཐའ་བཅད་ཐུགས་རྗེའི་སྤྲུལ ཉི་ཤུ་རྩ་གཅིག་ལ་སོགས་པ

(༨༧)འུྃ གྲངས་ཅན་གྲངས་མེད་འགྱེད་པའི་དུས རང་རྒྱུད་སྦས་ཚུལ་ལྟར་བཞུགས་པའི གསུང་སྤྲུལ་བདུན་གྱི་གཅིག་ཤོས་ལ སྨོན་ལམ་གཏད་རྒྱའི་དབང་བསྐུར་བས ནམ་ཞིག་འགྲོ་དོན་དུས་བབ་ཚེ རིག་འཛིན་ཁྱོད་ཀྱིས་བལྟར་ཡོད་ལ ཕལ་གྱིས་བཟུང་དུ་མེད་པ་ཡི མཁའ་འགྲོའི་ཡི་གེ་རྫུ་འཕྲུལ་ཅན སྐུ་གདུང་འབར་བའི་བརྡ་རིས་འདི དབྱིངས་ཀྱི་མཁའ་འགྲོས་སྤྲད་པའི་མོད སོ་སོ་ཡང་དག་རིག་པ་བཞི དག་པ་ཆེན་པོའི་བརྟུལ་ཞུགས་ལ དབང་སྒྱུར་ཆོས་ཀྱི་གཏེར་ལ་དབང་ འདི་མེད་བློ་ཡིས་བྱས་པའི་ཆོས ཟབ་མོའི་གཏེར་དུ་ཁུངས་འབྱིན་ཅིང་ རྫས་།།།གྱི་རི་མོ་ཡི པདྨའི་ཆོས་ལ་ཡ་ག་འབོད དེ་ཚེ་རྨོངས་པས་བརྟགས་དཀའ་ཡང་ མཁས་པས་རང་བཞིན་ཤེས་པ་ཡི གར་གྱི་དབང་ཕྱུག་འཇིགས་མེད་གླིང་ འབྲེལ་ཚད་དོན་དང་ལྡན་པར་ཤོག ས་མ་ཡ རྒྱ་རྒྱ་རྒྱ གུ་ཧྱ དྷ་ཐིམ

(༨༨)

(༨༩)འུྃ ཀློང་ཆེན་སྙིང་གི་ཐིག་ལེ་ལས རྩ་དབང་རྒྱལ་ཐབས་སྤྱི་བླུགས་བཞུགས ནང་ནུས་པ་འཇུག་པའི་དབང་ངོ་

(༩༠)འུྃ རང་རིག་དོན་གྱི་ལྷ་ལ་འདུད གསང་ཆེན་རྡོ་རྗེ་ཐེག་པ་ནི འཇུག་སྒོ་དབང་ལ་དམ་ཚིག་སྲོག རང་བཞིན་གནས་ལུགས་བརྗོད་བྲལ་ཏེ དེ་ཕྱིར་སྐལ་པ་མཆོག་ལྡན་གྱི སློབ་མ་རྗེས་སུ་བཟུང་བའི་ཕྱིར རྩ་དབང་རྒྱལ་ཐབས་སྤྱི་བླུགས་བསྟན ས་མ་ཡ དབེན་ཞིང་ཉམས་དགའི་གནས་མཆོག་ཏུ དཀྱིལ་འཁོར་བཅའ་གཞི་ལེགས་པར་བསྒྲིགས དབུས་སུ་རཏྣའི་བུམ་པ་ལ ཁ་རྒྱན་མགུལ་ཆིངས་བཅུད་ཀྱིས་གཏམས གཡས་སུ་རང་གཞུང་པོ་ཏི་དང་ གཡོན་དུ་གསང་རྫས་བྷཉྫ་འགོད སྟེང་དུ་མེ་ལོང་སིནྡྷུར་བཅས རྡོ་རྗེ་སེམས་དཔའི་མེ་ལོང་དང་ རིག་ཙཀ་རྣམས་ལ་ལྡིང་གུར་ཕུབ བགེགས་

(༩༡)འུྃ བསྐྲད་རིག་འཛིན་འདུས་པ་ཡི ལས་གཞུང་བསྲང་ཞིང་ནུས་ལྡན་སབ ཏིང་ངེ་འཛིན་གྱིས་བདག་འཇུག་བླང་ དེ་ནས་སློབ་མ་གྲལ་ལ་འཁོད ལས་བུམ་ཆུས་བཀྲུས་བགེགས་གནས་དབྱུང་ སྲུང་འཁོར་བསྒོམ་ཞིང་ལོ་རྒྱུས་བཤད མཎྜལ་འབུལ་ཞིང་གསོལ་བ་གདབ ཧོ བདག་ནི་སྐལ་ལྡན་རིགས་ཀྱི་བུ ཐུགས་རྗེ་ཆེན་པོས་རྗེས་བཟུང་ལ དམ་ཚིག་ཆེན་པོའི་དཀྱིལ་འཁོར་དུ འཇུག་ཅིང་སྨིན་པར་མཛད་དུ་གསོལ ཚར་གསུམ་ཞུ་ཞིང་ལན་སྦྱིན་པ ཧོ གསང་བ་མཆོག་གི་དཀྱིལ་འཁོར་འདིར འཇུག་པར་དཀའ་ལ་ཁེ་ཉེན་ཆེ དམ་ཚིག་

(༩༢)ཉམས་ན་བརླག་འགྱུར་པས དམ་བསྲུང་དབང་བསྐུར་སྦྱིན་པར་བྱ ཞེས་བསྒྲག་སྐྱབས་སེམས་སྡོམ་པ་འབོག ཡན་ལག་བདུན་པས་ཚོགས་བསགས་བྱ དེས་ནི་དབང་གི་གཞི་རྟེན་འགྱུར དེ་རྗེས་སློབ་བུ་ལྷར་བསྐྱེད་ནས ཡེ་ཤེས་དབབ་ལ་ནན་ཏན་བྱ ཏིཥྛ་བཛྲས་རྒྱས་བཏབ་ལ བུམ་པ་སྤྱི་བོའི་གཙུག་ཏུ་བསྐུར ཧཱུྃ་བཀྲ་ཤིས་བུམ་པ་ལྷའི་གཞལ་ཡས ལྷ་དང་གཉིས་མེད་བདུད་རྩིའི་ཆུས སྐལ་ལྡན་བུ་ལ་དབང་བསྐུར་བས སྣང་ཞེན་ལྷ་སྐུའི་ཕྱག་རྒྱར་རྫོགས རྣམ་སྨིན་རིགས་འཛིན་ཉེར་ཐོབ་ཅིང་ ཀུན་ཏུ་འོད་ཀྱི་ས་ནོན་ཤོག རྩ་སྔགས་དང་ཀཱ་ཡ་ཨ་བྷི་ཥིཉྩ་ཨོཾ གསང་རྫས་བདེ་སྐྱོང་མགྲིན་པར་བཞག ཧཱུྃ ཡབ་ཡུམ་སྦྱོར་བའི་བྱང་ཆུབ་སེམས དཀར་དམར་བྷན་དྷའི་ནང་དུ་བསྐྱིལ སྐལ་ལྡན་བུ་ལ་དབང་བསྐུར་བས རྩ་ཁམས་ཡི་གེའི་རྣམ་པར་སྨིན ཚེ་ལ་དབང་བའི་རིག་འཛིན་ཐོབ པདྨ་ཅན་གྱི་ས་ནོན་ཤོག རྩ་སྔགས་དང་ཝཱཀྐ་ཨ་བྷི་ཥིཉྩ་ཨཱ མཚན་ལྡན་གཟུངས་མ་ལག་ཏུ་གཏད ཧཱུྃ ཆོས་རྣམས་ཀུན་གྱི་འབྱུང་གནས་ཏེ བདེ་བ་ཆེན་པོ་གསང་བའི་ཡུམ རིགས་ཀྱི་བུ་ལ་སྦྱིན་པ་ཡིས དགའ་བཞིའི་ཡེ་ཤེས་

(༩༣)འུྃ མངོན་དུ་གྱུར ཕྱག་རྒྱ་ཆེན་པོའི་རིགས་འཛིན་ཐོབ འཁོར་ལོ་ཚོགས་ཆེན་ས་ནོན་ཤོག རྩ་སྔགས་དང་ཙིཏྟ་ཨ་བྷི་ཥིཉྩ་ཧཱུྃ འཁོར་བའི་མེ་ལོང་ཟླུམ་པོའི་སྟེང་ རྡོ་རྗེ་སེམས་དཔའི་མེ་ལོང་བསྟན ཧོ ཀ་དག་མེ་ལོང་གཙང་མའི་ངོགས ལྷུན་གྲུབ་དྭངས་ཤེལ་དྲི་མེད་གསལ བརྡ་རྟགས་རྫོགས་པའི་དབང་བསྐུར་བས དྲི་མེད་རིག་པའི་གནས་ལུགས་རྟོགས ལྷུན་གྲུབ་རིག་འཛིན་ཉེར་ཐོབ་ནས བདེ་བ་ཆེན་པོའི་ས་ནོན་ཤོག རྩ་སྔགས་དང་དྷརྨཱ་དྷཱ་ཏུ་ཨ་བྷི་ཥིཉྩ་ཧཱུྃ གནས་ལུགས་དོན་གྱི་ངོ་སྤྲོད་གདབ མཐའ་བྲལ་ངང་དུ་མཉམ་པར་གཞག ཕཊཅེས་བརྗོད་ལ་སེམས་རིག་དབྱེ ཨཱ ཞེས་བརྗོད་ལ་དོན་ངོ་སྤྲད དེ་ནས་གླེགས་བམ་བཀའ་གཏད་བྱ ཧོ ཆོས་སྐུ་ཀུན་ཏུ་བཟང་པོ ལོངས་སྐུ་རྒྱལ་བ་རིགས་ལྔ སྤྲུལ་སྐུ་དགའ་རབ་རྡོ་རྗེ སློབ་དཔོན་འཇམ་དཔལ་བཤེས་གཉེན རིག་འཛིན་ཤྲཱི་སིངྷ པཎ་ཆེན་བི་མ་ལ་མི་ཏྲ ཨོ་རྒྱན་པདྨ་ཐོད་ཕྲེང་ མཁའ་འགྲོ་ཡེ་ཤེས་འཚོ་རྒྱལ མངའ་བདག་ཁྲི་སྲོང་ལྡེའུ་བཙན རྒྱལ་སྲས་དྲི་མེད་འོད་ཟེར ཀློང་ཆེན་ནམ་མཁའི་རྣལ་འབྱོར་ལ་སོགས་རང་

(༩༤)བཞིན་རྫོགས་པ་ཆེན་པོའི་རྩ་བ་དང་བརྒྱུད་པར་བཅས་པའི་དཔལ་མགོན་རིག་འཛིན་བླ་མ ཡི་དམ་མཁའ་འགྲོ་རྒྱ་མཚོ ཆོས་སྐྱོང་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱིས དེང་འདིར་རྡོ་རྗེའི་སློབ་མ་རྣམས་ལ་དབང་བསྐུར་དུ་གསོལ བྱིན་གྱིས་བརླབ་ཏུ་གསོལ རྟོགས་པ་སྦར་དུ་གསོལ བརྟུལ་ཞུགས་བསྐྱེད་དུ་གསོལ བྱ་རྩོལ་བློ་འདས་རྫོགས་པ་ཆེན་པོའི་ཀློང་དུ་དགོངས་པའི་བཙན་ས་ཟིན་ཏེ་ཚེ་གཅིག་ལུས་གཅིག་ལ་འཇའ་ལུས་འཕོ་བ་ཆེན་པོའི་སྐུ་མཆོག་བརྙེས་ནས་དཔལ་ཀུན་ཏུ་བཟང་པོའི་གོ་འཕང་ལ་འགོད་པར་མཛད་དུ་གསོལལན་གསུམ་བརྗོད་ཅིང་དོན་རྒྱུད་འཕོ ཤེས་པ་གཏད་མེད་ངང་ལ་གཞག དེ་ནས་དམ་ཚིག་བསྒོ་བ་ནི རྣམ་དབྱེ་བཤད་ལ་རྗེས་ཟློས་བྱ རྩ་བ་སྐུ་གསུང་ཐུགས་མཆོག་དང་ ཡན་ལག་དམ་ཚིག་ཉི་ཤུ་ལྔ མེད་དང་གཅིག་པུ་ཕྱལ་བ་སོགས ཆོ་ག་བཞིན་དུ་བསྲུང་བར་བགྱི ཞེས་བརྗོད་གཏང་རག་མཎྜལ་ཕུལ སླར་ཡང་བྲན་དུ་ཁས་བླང་ཕྱིར གཙོ་བོས་ཇི་ལྟར་བཀའ་སྩལ་པ དེ་དག་ཐམས་ཅད་བདག་གིས་བགྱི ལན་གསུམ་བརྗོད་ཅིང་དགེ་བ་བསྔོ རྗེས་ཀྱི་བྱ་བ་སྤྱི་དང་མཐུན ས་མ་ཡ འདི་ཁོ་ནའོ

(༩༥)ཀློང་ཆེན་སྙིང་གི་ཐིག་ལེ་ལས། དབང་གི་སྤྱི་དོན་སྙིང་པོ་དོན་གསལ་བཞུགས།། །།

(༩༦)དབང་གི་སྤྱི་དོན་སྙིང་པོ་དོན་གསལ་ཞེས་བྱ་བ། དྲི་མེད་སངས་རྒྱས་ཀུན་གྱི་ཡེ་ཤེས་ནི། །ཀུན་འབྱུང་ཁམས་ལས་གྲོལ་བའི་འོད་ཟེར་ཅན། །གྲགས་ཆེན་ཞིང་ཁམས་རྒྱ་མཚོའི་སྟོན་པ་རུ། །མངའ་དབང་རྫོགས་པ་བཅུ་གཉིས་སྤྱི་བོས་བསྙེན། །སློབ་མ་རྗེས་སུ་འཛིན་པའི་ཆོ་ག་འདིས་དབང་ཐམས་ཅད་ཀྱི་ཁོག་དབུབ་པར་བྱ་སྟེ། དེ་ལ་སྔོན་འགྲོ། དངོས་གཞི་རྗེས་སོ། །དང་པོ་ལ་བཞི། ས་ཆོག །ཐིག་ལས། སྟ་གོན། རེ་ཁཱ་འབྱེད་པའོ། །དང་པོ་ས་ཆོག་ནི། གཞི་དེར་མཎྜལ་ཟླུམ་པོ་ཁྲུ་གང་བ། བ་བྱུང་དང་དྲིས་བྱུགས་པར་མེ་ཏོག་གི་ཚོམ་བུ་བཀོད། དེའི་མདུན་དུ་

(༩༧)ཆུ་གཅིག་སྔོན་དུ་འགྲོ་བའི་མཆོད་པ་ལྔ། སའི་ལྷ་མོ་དང་། གཉུག་མར་གནས་པ་སོ་སོ་ལ་གཏོར་མ་རེ་བཤམ། བདག་གི་རྣལ་འབྱོར་དང་ལྡན་པས་བསང་སྦྱངས། འབྲུ་གསུམ་གྱི་བྱིན་གྱིས་བརླབ། སེ་གོལ་གཏོགས་པ་དང་བཅས། པྲི་ཐཱི་དྷི་ཝཱི་ས་མཱ་ཛཞེས་བརྗོད་པས་སའི་ལྷ་མོ་སེར་མོ་བུམ་པ་འཛིན་པ་དོ་ཤལ་དང་རྐང་གདུབ་ཀྱི་སྒྲ་སྒྲོགས་པས་བདག་ཀླུ་གཉན་གྱི་འཁོར་དང་བཅས་པ་སྤྱན་དྲངས། ཨོཾ་པྲི་ཐཱི་དྷི་ཝཱི་ཨརྒྷཾ། པུཥྤེ་སོགས་ཀྱིས་མཆོད། སྐྱོབ་པ་སངས་རྒྱས་ཐམས་ཅད་ཀྱིས། །སྤྱོད་པའི་ཚུལ་དང་ཁྱད་པར་དང་། །ས་དང་ཕ་རོལ་ཕྱིན་རྣམས་ལ། །ལྷ་མོ་ཁྱོད་ནི་དཔང་

(༩༨)དུ་གྱུར། ཤཱཀྱ་སེང་གེ་སྐྱོབ་པ་ཡིས། །ཇི་ལྟར་བདུད་ཀྱི་སྡེ་བཅོམ་པ། །དེ་བཞིན་བདག་གིས་བདུད་སྡེ་ལས། །རྒྱལ་བར་བྱས་ཏེ་དཀྱིལ་འཁོར་བྲི། །བདག་རྡོ་རྗེ་འཛིན་པས་སེམས་ཅན་ཐམས་ཅད་ཀྱི་དོན་དུ་ས་ཕྱོགས་འདིར་དཀྱིལ་འཁོར་ཆེན་པོ་བཞེང་གིས། སའི་ཕྱོགས་འདི་བདག་ལ་གནང་བར་མཛོད་ཅིག །ཅེས་བརྗོད་པས། དེས་ཀྱང་རིག་པ་འཛིན་པ་ཁྱོད་ཅི་དགའ་བར་བྱོས་ཤིག །ཅེས་གནང་བ་བྱིན་པར་བསམ། གཉུག་མར་གནས་པ་ལ་ཨ་ཀཱ་རོ་མུ་སོགས་ལན་གསུམ་གྱིས་བསྔོས་ལ། གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོ་གཞན་དག་ལ། །ས་འདི་བདག་གིས་བསླང་བར་བགྱི། །དཀྱིལ་འཁོར་དོན་དུ་སྩལ་དུ་གསོལ། །ཅེས་དང་སྤྲོ་ན། མཆོད་སྦྱིན་གཏོར་མ་འདི་བཞེས་ལ། །སོགས་ཀྱང་བརྗོད། བཛྲ་མུས་མགྲོན་རྣམས་རང་གནས་སུ་གཏང་། གཞི་དེའམ་སྟེགས་བུའི་སྟེང་དང་ཁོར་ཡུག་ཏུ་ལག་མཐིལ་གཡས་ཀྱི་སོར་མོ་རྣམས་ཕྲལ་བསྐོར་ཞིང་། ཨོཾ་ཧ་ན་ཧ་ན་ཧཱུྃ་ཕཊཅེས་བརྗོད་པས་དེ་ལས་འོད་ཟེར་བྱུང་སྟེ་མ་དག་པ་ཐམས་ཅད་སྦྱངས་པར་བསམ། ཨོཾ་བྷཱུ་ཁཾ་གྱིས་ས་ཕྱོགས་ཐམས་ཅད་ནམ་མཁའི་རང་བཞིན་དུ་བསམ། ཨོཾ་མེ་དི་ནི་བཛྲ་བྷནྡྷ་བྷནྡྷ་ཧཱུྃ་ཕཊ་ཀྱིས་རྡོ་རྗེའི་གཞིར་

(༩༩)གྱུར། ཨོཾ་བཛྲ་རཀྵ་རཀྵ་ཧཱུྃ་ཕཊ་ཀྱིས་བསྲུང་བར་བྱའོ། །དེའང་རས་བྲིས་ལ་བརྟེན་ཚེ་དཀྱིལ་ཁད་རྙིང་པར། ས་གཞི་རྡོ་རྗེར་བརླབས་ནས་བཟུང་བ་དང་། བཛྲ་རཀྵས་བསྲུང་བ་ཙམ་གྱིས་ཀྱང་ཆོག་གོ། །གཉིས་པ་ཐིག་ལས་ནི། སློབ་དཔོན་ཡབ་ཡུམ་གཙོ་བོའི་ང་རྒྱལ་ལ་གནས་པས་ཡབ་ཤར་ཡུམ་ནུབ་ཏུ་བལྟས་ཏེ། །ཨོཾ་ཧཱུྃ་ཏྲཱྃ་ཧྲཱིཨབརྗོད་པས་ཐིག་སྐུད་རིགས་ལྔའི་ངོ་བོར་གྱུར་པ་བཟུང་སྟེ། བྷཱུྃ་ཛྙཱ་ན་མ་ད་ལ་ཧཱུྃ་ཞེས་ལན་གསུམ་བརྗོད་ཅིང་ནམ་མཁའི་དབྱིངས་ལ་ཡེ་ཤེས་ཀྱི་ཐིག་བརྒྱད་དམ། ཚངས་ཐིག་གཉིས་ཙམ་གདབ་པའི་སྒྲས་སངས་རྒྱས་ཐམས་ཅད་སད་དེ་ཐིག་སྐུད་ལ་ཐིམ། དེ་ལས་ཐིག་སྐུད་གཉིས་པ་ཞིག་ཆད་པར་བསམ་ལ། ཐིག་གི་མེས་པོ་ཚངས་པའི་ཐིག །དེ་ལ་བྱ་རྗེས་ཀྱིས་ཐོན་པའི། །ཐིག་ཆེན་བརྒྱད་པོ་ལག་ཁྲིད་བཞིན། །བཏབ་ནས་ཆ་ཆེན་བཅུ་དྲུག་བགོ། །ཚངས་ཐིག་གཉིས་པོའི་གཡས་གཡོན་ནས། །དང་པོར་ཕྱེད་གདབ་ཕྱི་མའང་གདབ། །གཉིས་པ་ཆ་ཕྲན་བཞི་རུ་བགོ། །གསུམ་བཞི་མི་གདབ་ལྔ་དབུས་དོར། །དྲུག་པ་ཕྱེད་གདབ་ཕྱི་མ་གདབ། །བདུན་པ་བཞི་བགོ་བརྒྱད་དབུས་དོར། །ཕྱི་རིམ་སྣ་ཚོགས་པདྨ་ནི། །མཚན་བཟང་གྲངས་

(༡༠༠)ལ་ཆ་ཆེན་ཕྱེད། །འོད་ལྔའི་མུ་ཁྱུད་ཆ་ཕྲན་གཅིག །དུར་ཁྲོད་ཆ་ཆེན་རྡོ་ར་ཕྱེད། །མེ་རི་ཆ་ཆེན་གཅིག་རྣམས་བསྒོར། །གསུམ་པ་སྟ་གོན་ལ་ཡང་གསུམ། །དང་པོ་ལྷ་ཡི་སྟ་གོན་ནི། །ལྷ་གནས་རྣམས་སུ་དྲིའི་ཐིག་ལེར། །ཚོམ་བུ་བཀོད་ལ་མཆོད་པ་བཤམ། །བདག་བསྐྱེད་ལྡན་པས་ལྷ་ཚོགས་རྣམས། །ཆོ་གས་བསྒྲུབ་ཅིང་མ་ནུས་ན། །སྔགས་ཀྱིས་བསྐྱེད་ལ་མཆོད་བསྟོད་འབུལ། །བཟླས་པ་ཅི་རིགས་བགྱིས་པའི་རྗེས། །ཧཱུྃ་ལས་ལྕེ་ནི་རྡོ་རྗེར་བསྒོམ། །རྒྱལ་བ་སྲས་བཅས་དགོངས་སུ་གསོལ། །ཁྱེད་རྣམས་མཆོད་དང་སེམས་ཅན་དོན། །ནངས་པར་དཀྱིལ་འཁོར་བྲི་འཚལ་བས། །ཐུགས་ཀྱི་དགོངས་ཏེ་གནང་བར་མཛོད། །ཅེས་གསོལ་གནང་བ་སྩལ་བར་བསམ། །སེམས་མ་རྡོ་རྗེ་མ་ཡི་རྒྱས། །ཡེ་ཤེས་དཀྱིལ་འཁོར་ནམ་མཁར་བཏེགས། །བཛྲོད་ཏིཥྛ་ལྷན་ཞེས་བརྗོད། །དམ་ཚིག་བསྡུས་ཏེ་ཡིག་བརྒྱ་བརྗོད། །ཚོམ་བུ་མཆོད་བཅས་རེ་ཞིག་བསྡུ། །གཉིས་པ་བུམ་པ་བཅུད་ལྡན་ལ། །ཆོ་ག་སྔ་མ་ཇི་བཞིན་ལས། །བུམ་ལྷ་འོད་དུ་ཞུ་བ་ཙམ། །བུམ་པའི་སྟ་གོན་ཁྱད་པར་རོ། །གསུམ་པ་སློབ་མ་སྟ་གོན་ནི། །ཁྲུས་བྱ་བགེགས་བསྐྲད་མཎྜལ་དབུལ། །སློབ་བུའི་བློ་ནི་

(༡༠༡)འདི་ལྟར་བཅོས། །གསང་སྔགས་དངོས་གྲུབ་དོན་གཉེར་ན། །འཇིག་རྟེན་ཚེ་འདིའི་ཞེན་པ་དོར། །ཕ་རོལ་ལ་ནི་འདུན་པ་བསྐྱེད། །འདི་འབྲས་གཉེར་ན་ཕྱི་མ་འཇིག །ཕྱི་མ་གཉེར་ན་འདི་འབྲས་འགྲུབ། །དེ་བས་རང་གཞན་དོན་བྱའི་ཕྱིར། །བསམ་པ་བཟང་པོ་མཆོག་ལ་སྦྱོར། །ཅེས་དང་སླར་ཡང་བཀྲོལ་ལ་བཤད། །སློབ་མས་སྙིམ་པ་མེ་ཏོག་བཅས། །ཨེ་མ་དུས་གསུམ་རྒྱལ་བ་ཀུན་ཏུ་བཟང་། །རིགས་ལྔའི་སངས་རྒྱས་དགོངས་སུ་གསོལ། །དཀོན་མཆོག་གསུམ་ལ་སྐྱབས་འགྲོ་དང་། །སོ་ཐར་བྱང་སེམས་སྔགས་སྡོམ་རྣམས། །མགོན་པོས་བདག་ལ་གནང་དུ་གསོལ། །ལན་གསུམ་ཞུ་ཞིང་དེའི་ལན་དུ། །ཨེ་མ་སྣོད་དང་ལྡནཔའི་བུ། །གསང་སྔགས་ཆོ་ག་ཁྱོད་ལ་བསྟན། །འདས་དང་མ་བྱོན་ད་ལྟར་གྱི། །སངས་རྒྱས་མ་ལུས་ཐམས་ཅད་ཀྱང་། །གསང་སྔགས་ཆོ་ག་འདི་མཁྱེན་ནས། །རྫོགས་པའི་བྱང་ཆུབ་བརྙེས་པ་ཡིན། །བདུད་ཀྱི་དཔུང་ཡང་འདི་ཡིས་བཅོམ། །དེ་ལྟར་ཁྱེད་ཀྱང་རྗེས་སུ་ཞུགས། །ཞེས་བརྗོད་སྡོམ་པ་བྱིན་པ་ནི། །སྐྱེས་བུ་གསུམ་གྱི་བློ་རྩལ་རྣམས། །གོང་ནས་གོང་དུ་སྦར་བའི་བློས། །ཀུན་བཟང་རིགས་ལྔའི་ལྷ་ཚོགས་ལ། །

(༡༠༢)འདིར་བཟུང་བླ་མེད་བྱང་ཆུབ་བར། །གུས་པ་ཡིས་ནི་སྐྱབས་སུ་མཆི། །བླ་མ་ཀུན་བཟང་སྤྱན་སྔ་རུ། །ལུས་ངག་ཡིད་ཀྱིས་གཞན་རྣམས་ལ། །གནོད་པ་ལས་བཟློག་དགེ་བ་བསྒྲུབ། །དགེ་ཚུལ་དགེ་སློང་བྱང་ཆུབ་སེམས། །སོ་སོ་ཐར་པའི་སྡོམ་པ་ལ། །བདག་ནི་རྒྱུན་དུ་གནས་ཤིང་བསྲུང་། །ཞེས་པ་གསུམ་གྱིས་ཐུན་མོང་གི་སྡོམ་པ་དང་། །ཁྱད་པར་ཐེག་ཆེན་གྱི་རིགས་ལ་ནུས་པ་སད་པ་དང་། །སྨོན་སེམས་བརྟན་ཅིང་སྤྱོད་པ་ལ་སློབ་པའི་འདུན་པ་དྲག་པོས། །ཧོབླ་མ་ཀུན་བཟང་དགོངས་སུ་གསོལ། །འདི་བཟུང་བྱང་ཆུབ་མ་ཐོབ་བར། །འགྲོ་དྲུག་སེམས་ཅན་ཐམས་ཅད་ལ། །མ་དང་བུ་ཡི་འདུ་ཤེས་ཀྱིས། །མ་བསྒྲལ་བ་རྣམས་བསྒྲལ་བ་དང་། །མ་གྲོལ་དགྲོལ་དང་དབུགས་དབྱུང་ཕྱིར། །སྨོན་པའི་བྱང་ཆུབ་སེམས་བསྐྱེད་དོ། །སྔོན་གྱི་རྒྱལ་བ་ཐམས་ཅད་ཀྱང་། །སྡོམ་པ་ལ་ནི་གནས་པ་ལྟར། །འདི་བཟུང་འཁོར་བ་མ་སྟོངས་བར། །བླ་མེད་འཇུག་པའི་བྱང་ཆུབ་སེམས། །ཕ་རོལ་ཕྱིན་དྲུག་སློབ་ཅིང་བསྒྲུབ། །ཀུན་དོན་ཚུལ་ཁྲིམས་གསུམ་གྱི་དངོས། །ཐ་མལ་སྣང་ཞེན་ཉེས་སྤྱོད་སྡོམ། །བསྐྱེད་རྫོགས་ཟབ་མོས་དགེ་ཆོས་སྡུད། །རྣམ་བཞིའི་ཕྲིན་ལས་གཞན་ཕན་

(༡༠༣)སྤྱོད། །སྔགས་ཀྱི་ཆོ་གས་བསྡོམ་པར་བགྱི། །ཞེས་ལན་གསུམ། དེ་ནས་སློབ་མ་རྡོ་རྗེ་སེམས་དཔར་གསལ་བ་ལ་ལས་ཆུས་འཐོར་ཞིང་། །གནས་གསུམ་དུ་དྲིའི་ཐིག་ལེ་བྱ་བ་དང་ལྷན་ཅིག །ཨོཾ་ཨཱཧཱུྃ་ཞེས་དང་མས་ནས་རིམ་བཞིན། ཧཱུྃ་ཨཱཨོཾ་ཞེས་བྱིན་གྱིས་རློབ། དེ་བཞིན་དུ་དྲིའི་ཐིག་ལེ་གདབ་ཅིང་། རྣ་བར་ཏྲཱྃ ལྕེ་ལ་ཧྲཱི སྙིང་ལ་ཧཱུྃ། ཡན་ལག་བཞིར་ཧྲཱི སྙིང་གར་ཧཱ ཞེས་བརྗོད་ནས་སྐྱེ་མཆེད་རྣམས་རིགས་ལྔར་བྱིན་གྱིས་རློབ། དེ་ནས་སོ་ཤིང་བྱིན་ལ། པདྨ་འདབ་བརྒྱད་རེ་ཁྭ་ཅན་ནམ་མཎྜལ་དྲི་དང་བ་བྱུང་གིས་སྦགས་པའི་ཚོམ་བུར་ཤར་མཚན་བཀོད་པ་ལ། དངོས་གྲུབ་ཀྱི་ལྟས་བརྟགས་པའི་འདུན་པས། བཛྲ་ཧ་ས་ཧ། ཞེས་མིག་བཙུམ་ལ་དོར། ཕྱོགས་བཞི་དབུས་དང་ལྔར་བབས་ན། །རིགས་ལྔ་གང་ཡིན་དངོས་གྲུབ་ཐོབ། །སོགས་པའི་མཚན་མ་བཤད། དེ་ནས་དུང་ཞལ་དུ་གནས་པའི་ཁྱོར་ཆུ་འབྲུ་གསུམ་གྱིས་བྱིན་གྱིས་བརླབས་ལ་བྱིན་ཅིང་། །ཆོས་ཐམས་ཅད་རྣམ་པར་དག་པ་ཡིན་པས། ཕུང་པོ་འདིའི་སྡིག་པ་ཐམས་ཅད་རྣམ་པར་སྦྱོངས་ཤིག །རྣམ་པར་རྟོག་པ་ཐམས་ཅད་བསལ་བར་མཛོད། ཨོཾ་ཧྲཱིབི་ཤུདྡྷ་སརྦ་དྷརྨཱ་

(༡༠༤)པཱ་པཾ་བི་ཤུདྡྷ་ནི་ཙ་སྱ་བི་ཤྭ་དྷ་ཡ་སརྦ་བི་ཀལྦནྡ་ཨན་ཡ་ཧཱུྃ། ཞེས་ལག་པ་གཡས་སུ་ལན་གསུམ་བྱིན་ནས་བཏུང་བའི་ལྷག་མ་དཔུང་པ་གཡོན་རྒྱབ་ཏུ་དོར་བས་སྡིག་སྒྲིབ་དག་པར་བསམ། དེ་ནས་ཧཱུྃ་ལས་བྱུང་བའི་སྲུང་སྐུད་མདུད་པ་གསུམ་པ་ལས་ཆུས་བསངས་ནས་སྐྱེས་པའི་དཔུང་པ་གཡོན། བུད་མེད་ཀྱི་གཡས་སུ་བཅིངས་ཤིང་། ཨོཾ་སརྦ་བུདྡྷ་མཻ་ཏི་རཀྵ་རཀྵ་སརྦ་སྭཱ། ཧཱ། ཞེས་བཟླ། རྡོ་རྗེ་དང་བཅས་པའི་དྲི་ཆུས་རྒྱ་གྲམ་དུ་རེག་ནས། བཛྲ་རཀྵ་རཀྵ་སྭཱ་ཧཱ། ཞེས་བརྗོད། ཀུ་ཤ་ལས་ཆུས་བསང་། སྟོང་པའི་ངང་ལས་ཧཱུྃ་དང་། དྷི་ལས་བྱུང་བའི་ཀུ་ཤ་ཆེ་ཆུང་སློབ་མ་ལ་བྱིན་ནས། ཨོཾ་བཛྲ་ཏིཀྵྣ་དྷི ཨོཾ་བཛྲ་རཀྵ་ཧཾཞེས་བདུན་བཟླ། འོ་དོ་ནུབ་རྨི་ལམ་མི་འཁྲུགས་པའི་ནུས་པ་ཅན་གྱི་ཀུ་ཤ་ཆེ་བ་སྟན་དང་། ཆུང་བ་སྔས་སུ་གྱིས་ལ་བླ་མ་དང་དཀྱིལ་འཁོར་གྱི་ལྷ་ཚོགས་ལ་མོས་པ་རྩེ་གཅིག་པས་གློ་གཡས་སར་ཕོབ་ལ་ཉོལ། ནངས་པར་དགེ་མི་དགེའི་རྨི་ལམ་ང་ལ་སྨྲོས་ཤིག །ཅེས་དང་། སྤྲོ་བ་བསྐྱེད་པ་ནི། འཇིག་རྟེན་ན་རྙེད་པར་དཀའ་བ་མེ་ཏོག་ཨུ་དུམ་ཝཱ་ར། དེ་བས་ཀྱང་སངས་རྒྱས་རྙེད་པར་དཀའ། དེ་བས་ཀྱང་གསང་སྔགས་ཀྱི་ཆོས་རྙེད་པར་དཀའ་སྟེ། རྒྱུའི་ཐེག་པར་བསྐལ་པ་

(༡༠༥)གྲངས་མེད་གསུམ་དུ་ངལ་དུབ་ཀྱི་མཐའ་དང་། རྨོངས་པའི་སྒྲིབ་པ་ཕྱོགས་གཅིག་པ་ཉིད། གསང་སྔགས་སུ་ཐབས་མང་བ་དང་། །དཀའ་བ་མེད་པ་དང་། བྱིན་རླབས་མྱུར་བ་དང་། དབང་པོ་རྣོན་པོའི་ཡེ་ཤེས་ལ་སྤྱོད་པས་ཚེ་གཅིག་ལ་སོགས་པར་མིག་འཕྲུལ་ལྟར་གྲོལ་བའི་ལམ་ཡིན་ཏེ། །འདི་ལྟར་དཀྱིལ་འཁོར་གྱི་ཚོན་རྩི་མཐོང་བས་ཀྱང་སྡིག་པའི་ལས་ཇི་སྙེད་པ་ཟད་པར་འགྱུར་ན། སང་ནངས་པར་དཀྱིལ་འཁོར་ཆེན་པོར་ཞུགས་ནས་སྨིན་ཅིང་གྲོལ་བའི་ནུས་པ་རྒྱུད་ལ་འཇོག་པ་འོག་མིན་དུ་ཐར་ལམ་ལ་ཞུགས་པ་དང་། སྐལ་པ་མཉམ་པ་ཡིན་པས་སྤྲོ་བ་ཁྱད་པར་ཅན་བསྐྱེད་ཅིག །ཅེས་བརྗོད་ནས་དགེ་བ་བསྔོ། །བཞི་པ་རེ་ཁཱ་འབྱེད་པ་ནི། ཚོན་རྣམས་དཔའ་བོ་འབྲུ་ལྔ་ལས། །རིགས་ལྔར་བསྐྱེད་ལ་མཆོད་བསྟོད་རྗེས། །ལྷ་རྣམས་འོད་ཞུའི་ངོ་བོར་བསམ། །དེ་ནས་ཚོན་གྱི་རེ་ཁཱ་དབྱེ། །དབུས་སུ་འདབ་བརྒྱད་མུ་ཁྱུད་གསུམ། །དབུས་མཐིང་ཕྱོགས་བཞི་ཕྱོགས་ཀྱི་མདོག །མཚམས་བཞི་ཤར་ལྷོ་ནས་བརྩམས་ཏེ། །དམར་ལྗང་དཀར་སེར་མུ་ཁྱུད་གསུམ། །མཐིང་དམར་དཀར་ལ་གྲྭ་ཕྱོགས་མདོག །རྩིག་པ་ལྔ་ནི་ནང་རིམ་བཞིན། །མཐིང་ཀ་ལྗང་

(༡༠༦)དང་དམར་སེར་དཀར། །འདོད་སྣམ་དམར་ལ་ཕ་གུ་སེར། །དྲ་ཕྱེད་སྔོ་ལ་མདའ་ཡབ་དམར། །པུ་ཤུ་མཛེས་ཚོན་ཞིང་ཁམས་ལྗང་། །རྒྱུ་འབྲས་རྟ་བབས་མཛེས་ཚོན་ལ། །ཆུ་སྲིན་དམར་པོ་རྡོ་ར་དང་། །དུར་ཁྲོད་བརྒྱད་སོགས་ཕྱོགས་ཀྱི་མདོག །པདྨ་སྣ་ཚོགས་འོད་ཕྲེང་དང་། །རྡོ་རྗེ་མཐིང་ལ་མེ་འོད་ལྔ། །སྲབ་འཐུག་མེད་ཅིང་སྙོམ་པར་བྲི། །དཀྱིལ་འཁོར་སོ་སོའི་སྒོས་ཆོས་ནི། །ལྷ་ཡི་གནས་དང་རྟ་བབས་ཁྱད། །བླ་མའི་ཞལ་ལས་ཤེས་པར་བྱ། །སྟོ་གོན་གྱི་ནི་ཡེ་ཤེས་པ། །སྔགས་རྒྱ་བཞི་ཡིས་དལ་ལ་བསྟིམ། །ཐིག་ཚོན་ལྷག་མའི་ཡེ་ཤེས་གཤེགས། །དཀྱིལ་འཁོར་རྒྱན་དགོད་མཆོད་གཏོར་དང་། །བུམ་པ་གཉིས་སོགས་དབང་རྫས་རྣམས། །མ་ཚང་མེད་པར་འདུ་བྱའོ། །གཉིས་པ་དངོས་གཞི་ལ་གསུམ་དཀྱིལ་འཁོར་སྒྲུབ་མཆོད། །བདག་ཉིད་འཇུག་པ། སློབ་མ་རྗེས་སུ་འཛིན་པའོ། །དང་པོ་ནི། དཔལ་ཆེན་འདུས་པའི་སྒོས་དབང་གི་ཚེའང་དབང་བྱང་འདི་ཉིད་ལ་བརྟེན་ནས་སྐབས་འདིར་དཀྱིལ་འཁོར་སྒྲུབ་མཆོད་རང་གཞུང་ལྟར་བྱ་ཞིང་། ཞི་ཁྲོའི་སྒོས་ཆོས་རྣམས་ངོར། །འདིར་དང་པོའི་སྨིན་བྱེད་གདན་གསུམ་ཚང་པའི་དཀྱིལ་འཁོར་ཞི་ཁྲོ་ལ་

(༡༠༧)བརྟེན་པ་ཡིན་པས། །བགེགས་ལ་གཏོར་མ་བྱིན་ནས། ཧཱུྃ་ཉོན་ཅིག་བགེགས་དང་ལོག་འདྲེན་ཚོགས། །ལུས་ངག་ཡིད་ལ་གནོད་པའི་བགེགས། །བར་ཆད་འབྱུང་པོ་ཐམས་ཅད་ཀུན། །འདི་རུ་མ་འདུག་གཞན་དུ་དེངས། །ང་ནི་དཔལ་ཆེན་རྟ་མགྲིན་རྒྱལ། །རྡོ་རྗེ་འཛིན་བྱེད་འབར་བའི་སྐུ། །ང་ཡི་བཀའ་ལས་འདས་གྱུར་ན། །ཐལ་བའི་རྡུལ་བཞིན་བརླག་པར་འགྱུར། ཨོཾ་ཤྲཱི་བཛྲ་ཧྱ་གྷྲི་ཝ་ར་ཙ་ཧྲཱི་ཡ་ཧ་རི་ནི་ས་རཀྵ་ཨུ་ཙ་ཏ་ཡ་ཕཊ བགེགས་ཐམས་ཅད་རྒྱ་མཚོའི་ཕ་མཐར་བྱེར་ནས་ཡེ་ཤེས་ཀྱི་མེ་དཔུང་གཅིག་ཏུ་འབར་བར་གྱུར། །དེ་ནས་མཆོད་རྫས་རྣམས་ལ་བསང་ཆུ་འཐོར་ཞིང་། ཨོཾ་བཛྲ་ཀྲོ་དྷ་ཧྱ་གྷྲི་ཝ་ཧུ་ལུ་ཧུ་ལུ་ཧཱུྃ་ཕཊ། ཨརྒྷཾ་པཱ་དྱཾ། པུཥྤེ། དྷཱུ་པེ། ཨཱ་ལོ་ཀེ། གནྡྷེ། ནཻ་ཝིདྱཱ། ཤབྡ། ཨོཾ་ཨཱཧཱུྃ། ཡོངས་སུ་གྱུར་པ་ལས། ཕྱི་ནང་གི་མཆོད་པ་རྣམས་དངས་ཤིང་ཐོགས་པ་མེད་པ་ས་དང་བར་སྣང་ཀུན་ཏུ་བཟང་པོའི་མཆོད་སྦྱིན་གྱིས་གང་བར་གྱུར། སྨན་གཏོར་རཀྟའི་སྔགས་ཀྱང་བརྗོད། ཕ་མས་ཐོག་དྲངས་པའི་སེམས་ཅན་ཐམས་ཅད་བླ་མ་ལ་སྐྱབས་སུ་མཆིའོ། །སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་

(༡༠༨)སྐྱབས་སུ་མཆིའོ། །བཅོམ་ལྡན་འདས་རྒྱལ་བ་ཞི་ཁྲོ་རབ་འབྱམས་ཀྱི་ལྷ་ཚོགས་འཁོར་དང་བཅས་པ་རྣམས་ལ་སྐྱབས་སུ་མཆིའོ། །ཆོས་ཐམས་ཅད་སྟོང་ཞིང་བདག་མེད་པ་ཡིན་པ་ལ། དེ་ལྟར་མ་རྟོགས་པའི་སེམས་ཅན་ཐམས་ཅད་སྙིང་རེ་རྗེ། དེ་ཐམས་ཅད་རྫོགས་པའི་སངས་རྒྱས་ཀྱི་ས་ལ་འགོད་པར་བྱ། དེའི་ཆེད་དུ་བཅོམ་ལྡན་འདས་ཞི་ཁྲོ་རབ་འབྱམས་ཀྱི་དཀྱིལ་འཁོར་ཆེན་པོ་སྒོམ། །ལན་གསུམ། སེམས་ཅན་ཐམས་ཅད་བདེ་བ་དང་བདེ་བའི་རྒྱུད་འཕྲད་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །དགའ་བ་ཆེན་པོ་དེ་དང་དུས་རྟག་ཏུ་མི་འབྲལ་བར་གྱུར་ཅིག །བདེ་སྡུག་གི་རྒྱུ་ཉེ་རིང་ཆགས་སྡང་དང་བྲལ་བའི་བཏང་སྙོམས་ཆེན་པོ་ལ་གནས་པར་གྱུར་ཅིག །ལན་གསུམ། དེ་ནས་བདག་མདུན་བུམ་གསུམ་འཇུག་པ་གཅིག་པས་ཞི་ཁྲོའི་དཀྱིལ་འཁོར་ཆེན་པོར་སྒོམ་པ་ནི། ཨོཾ་མ་ཧཱ་ཤུ་ནྱ་ཏ་སོགས་ངན་སོང་སྦྱོང་བ་བཞིན་ལ། བཟླས་པའི་ཚེ་ཞི་ཁྲོ་སོ་སོའི་སྙིང་པོ་ཅི་ནུས་དང་། བུམ་པ་ལ་དམིགས་ནས། བདག་གི་སྙིང་ག་ནས་འོད་ཟེར་གཟུངས་ཐག་ལ་འཁྲིལ་ཏེ་སོང་བས་རྣམ་པར་རྒྱལ་བའི་ལྷ་རྣམས་ལ་ཕོག །བདེ་བའི་སྒྲས་བསྐུལ་སྙོམས་པར་

(༡༠༩)ཞུགས་པའི་སྦྱོར་མཚམས་ནས་བདུད་རྩིའི་རྒྱུན་བབས་པར་བསམ་ལ། ཨོཾ་ཧཱུྃ་ཏྲཱྃ་ཧྲཱིཨས་མགོ་དྲངས་པའི་དབྱངས་གསལ་ཅི་ནུས་བཟླ། དེ་བཞིན་དུ་ལས་བུམ་དུ་རྟ་མགྲིན་དམར་པོ་གཡས་དབྱུག་ཏོ་དང་། གཡོན་མེའི་ཞགས་པ་ཐོགས་པ་གསལ་ལ། ཨོཾ་བཛྲ་ཀྲོ་ཏ་ཧྱ་གྷྲི་ཝ་ཧུ་ལུ་ཧུ་ལུ་ཧཱུྃ་ཕཊ ཁྱུས་སྔགས། ཨ་བྷི་ཥེ་ཀ་འདི་བཟླའོ། །ཐུན་མཐར་དཀྱིལ་འཁོར་བ་དང་བུམ་པའི་ལྷ་གཉིས་ཆར་ལ་དམིགས་ཏེ་མཆོད་བསྟོད་དང་། ཨོཾ་ཨཱཧཱུྃ་གིས་དུང་ཆོས་ཀྱི་ཆུ་མཆོད་ཡོན་དུ་ཕུལ་ལ། །བུམ་པའི་ལྷ་བདེ་སྟོང་ཆེན་པོའི་ངོ་བོར་འོད་དུ་ཞུ་བ་བུམ་ཆུ་དང་རོ་གཅིག་པར་གྱུར། ཅེས་བརྗོད། གཉིས་པ་བདག་འཇུག་ནི། སློབ་མ་ལ་ཇི་ལྟར་བྱ་བ་བཞིན་དུ་བླང་ངོ། །གལ་ཏེ་བསྐྱེད་རྫོགས་ལ་གོམས་པ་བརྟན་པོར་སོན་པས་རིག་པའི་མེ་ཏོག་དོར་བས་འཇུག་ན། །ཨོཾ་བཛྲ་ས་མ་ཡ་ཨོཾ། ཨབཛྲ་ས་མ་ཡ་ཨཱ། ཧཱུྃ་བཛྲ་ས་མ་ཡ་ཧཱུྃ། སྭཱ་བཛྲ་ས་མ་ཡ་སྭཱ། ཧཱ་བཛྲ་ས་མ་ཡ་ཧཱ ཨོཾ་ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་ཕྲིན་ལས་རྨད་པོ་ཆེ། །དེ་ཉིད་དུ་ནི་མཉམ་སྦྱོར་བའི། །ཕྱག་རྒྱ་ཆེན་པོར་བདག་སྦྱོར་ཅིག །ཨོཾ་

(༡༡༠)བཛྲ་ས་མ་ཡ་ཧཱུྃ། ཨོཾ་བཛྲ་ས་མ་ཡ་སྟྭཾ། ཨོཾ་བཛྲ་ས་མ་ཡ་ཧོཞེས་ཏིང་ངེ་འཛིན་གྱིས་འཇུག་གོ །གསུམ་པ་སློབ་མ་རྗེས་སུ་འཛིན་པའི་ཆོ་ག་ལ། དཀྱིལ་འཁོར་དུ་འཇུག་པ་དང་། དབང་གིས་སྨིན་པར་བྱ་བ་གཉིས་ལས། །དང་པོ་ནི། ལས་བུམ་གྱི་ཆུས་བཀྲུ་ཞིང་། བདུད་རྩི་འཁྱིལ་བའི་སྔགས་བཟླ། ཙཀྵུ་བྷནྡྷ་ཝ་ར་མ་ན་ཡེ་སྭཱ་ཧཱ། ཞེས་མིག་དར་འཆིང་། ཨ་ཁཾ་ཝཱི་ར་ཧཱུྃགིས་རིགས་ལྔའི་ས་བོན་སོ་སོ་ལས་སྐྱེས་པའི་མེ་ཏོག་གཏད། གསོལ་བ་གདབ་པ་ནི། ཀྱཻ་ཁྲོ་བོ་མི་བཟད་འཇིགས་པའི་སྐུ། །མཚོན་ཆ་སྣ་ཚོགས་ཕྱག་ན་བསྣམས། །བདག་ཅག་འཁོར་བ་ལས་བསྒྲལ་ཕྱིར། །ཁྱེད་ཀྱིས་གནང་སྟེ་གཏང་དུ་གསོལ། །ཅེས་པའི་ལན། ཁྱེད་རྣམས་སུ་ཡིན་ཅི་ལ་དགའ། །ལས་དང་སྐལ་བར་ལྡན་ནམ་ཅི། །སློབ་མས། བླ་མ་རྡོ་རྗེ་འཛིན་པ་དང་། །དཀྱིལ་འཁོར་ལྷ་ཚོགས་སྤངས་ནས་ནི། །སྐྱོབ་པ་གཞན་ན་མ་མཆིས་པས། །སྒོ་ཕྱེ་ཐར་པའི་གྲོང་བསྟན་འཚལ། །ལན་གསུམ། ཁྱེད་ནི་སྣོད་མཆོག་དམ་པ་སྟེ། །ཁྱོད་འདོད་པ་ནི་བདག་གིས་སྦྱིན། །སྤྲོ་བ་བསྐྱེད་ལ་ནང་དུ་ཤོག །ཅེས་བརྗོད་ལ་ཕྱིར་འབྲང་གི་བགེགས་བསྐྲད། །སྲུང་བའི་འཁོར་ལོ་སྒོམ། །ནམ་

(༡༡༡)མཁའ་དང་མཉམས་པའི་སེམས་ཅན་ཐམས་ཅད་ཀྱི་དོན་དུ་སེམས་བསྐྱེད་དེ་གསན་འཚལ། །དེ་ལ་རང་ཅག་རྣམས་ཀྱིས་མི་ལུས་ཁྱད་པར་ཅན་འདི་སླན་ཆད་རྙེད་པར་དཀའ་ཞིང་། ཆོས་བསྒྲུབ་པའི་རྟེན་དལ་འབྱོར་ཚང་བ་འབའ་ཞིག་ལ་ལྟོས་དགོས་པའང་། འཕྲལ་བྱུང་གི་རྐྱེན་བརྒྱད་དང་། རིས་ཆད་ཀྱི་བློ་བརྒྱད་ཀྱིས་ཡུད་ཙམ་ལ་མི་ཁོམ་པར་འགྱུར་ཞིང་། ལས་མཐའ་ལོག་པའི་རིགས་ལ་ལྟོས་ན་འབྱོར་བ་བཅུ་ཡང་འདུ་འབྲལ་དང་བཅས་པས་ཡོན་ཏན་ཐམས་ཅད་ཚོགས་པའི་མི་ལུས་རིན་པོ་ཆེ་ཡིན་པར་དཀའ་ཞིང་། སྤྱི་མཐུན་དུ་སྐྱེས་པའི་ནངས་པར་ནས་གཤིན་རྗེའི་ཕོ་ཉ་དང་འགྲོགས་པ། འབྱོར་རྒུད་དང་བདེ་སྡུག་སྣ་ཚོགས་པའི་རྟེན་འབྲེལ་ཚོགས་པ་ལས་ཀྱི་གཞན་དབང་ཅན་འགྱུར་བ་དང་། ཁྱབ་པ་འདུ་བྱེད་ཀྱི་སྡུག་བསྔལ་བ་ལྟར་མི་མངོན་པ་དང་འགྲོགས་པས་མཐོ་རིས་ཀྱི་བདེ་འབྲས་ནི་རྩྭ་རྩེའི་ཟིལ་བ་ལྟ་བུ་ཤིན་ཏུ་ཡིད་བརྟན་མི་རུང་བ་ཡིན་པས། ངེས་འབྱུང་གི་བློ་ཁྱད་པར་ཅན་བསྐུལ་ཏེ་ཐར་པ་དང་ཐམས་ཅད་མཁྱེན་པ་བསྒྲུབ་པའི་ཐབས་ལ་འབད་དགོས། དེ་ལ་སངས་རྒྱས་རྣམས་ནི་ཐུགས་རྗེ་ཚད་མེད་པས་སེམས་ཅན་ཡལ་བར་མི་འདོར་ཞིང་། ཕྲིན་

(༡༡༢)ལས་ཚད་མེད་པས་གདུལ་བྱའི་ཁམས་དང་། དབང་པོ་དང་བསམ་པ་ལ་འཚམས་པའི་ཆོས་སྒོ་ཇི་སྙེད་པ་གསུངས་པ་རྣམས་ཀྱི་ནང་ནས་མཆོག་ཏུ་གྱུར་པ་ནི་འབྲས་བུའི་ཐེག་པ་ཡིན་ཏེ། དེའི་ཆོས་འཁོར་གྱི་གྲངས་ངེས་དང་རྣམ་དབྱེ་བསམ་པར་མི་ནུས་ཀྱང་། །གངས་ཅན་པ་རྣམས་ཀྱིས་འགྱུར་གྱི་བྱེ་བྲག་ལས་གསར་རྙིང་དུ་སྒྲོ་བཏགས་པའི་རྡོ་རྗེ་ཐེག་པ་སྔ་འགྱུར་ལ་མདོ་སྒྱུ་སེམས་གསུམ་གྱི་གྲུབ་པའི་མཐའ་ཆེན་པོ་གསུམ་འཆའ་བ་ལས། འདི་ནི་སེམས་ཕྱོགས་ཀྱི་གྲུབ་མཐའི་སྙིང་པོ་གཙོ་བོར་འདོན་པས་རྫོགས་པ་ཆེན་པོ་ཀློང་ཆེན་སྙིང་ཐིག་ཞེས་གྲགས་ལ། ནང་གསེས་ཀྱི་དབང་དུ་ན། སྔགས་འོག་མ་ལྟར་ཁམས་ཀྱི་དྲི་མ་གླང་དོར་དང་བཅས་པའི་དལ་དུབ་ཀྱིས་སྦྱོང་བ་མ་ཡིན་ཀྱང་། སྣང་གྲགས་རིག་པའི་ཆོ་འཕྲུལ་དུ་མངོན་བྱང་ཆུབ་པ་དཔལ་ལྡན་སྒྱུ་འཕྲུལ་དྲ་བའི་སྙིང་པོ་དཔལ་ཆེན་ཞལ་ལུང་དང་ཧེ་རུ་ཀ་འདུས་པའི་བསྐྱེད་རིམ། །དག་པའི་སྣོད་བཅུད་ཀྱང་འཕོ་མེད་བདེ་བ་ཆེན་པོའི་ཡེ་ཤེས་གཞན་དུ་མི་འགྱུར་བ་ཨ་ནུའི་མདོ་ལུང་གི་སྙིང་པོ་རིགས་བརྒྱ་དང་རིག་འཛིན་གྱི་བསྐྱེད་རྫོགས་རྒྱུད་ལུང་གབ་བྱང་དང་བཅས། རྒྱུ་རྐྱེན་དང་རྩོལ་སྒྲུབ་ལ་མ་ལྟོས་པ་ཕྱི་སེམས་

(༡༡༣)སྡེ། སྐུ་གསུམ་རང་ཆས་ཀྱི་དབྱིངས་ལ་མི་འགྱུར་བ་ནང་ཀློང་སྡེ། མངོན་སུམ་རང་གནས་སུ་སྟོན་པ་གསང་བ་མན་ངག་གི་སྡེ། གནད་ལས་གནད་དུ་བསྡུས་པས་ཡིད་དཔྱོད་དང་འབྲས་བུ་ཕྱི་དུས་ལ་ལྟོས་མི་འཆའ་བ་ཡང་གསང་བླ་ན་མེད་པའི་སྡེ་སྟེ་སེམས་ཕྱོགས་རྒྱ་མཚོའི་སྙིང་པོ་ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལ་སོགས་པས་མན་ངག་གི་ཐུས་ཀ་ཚང་ལ་མ་ནོར་བ་སྟོན་ལ། དེ་ཉིད་ཀྱང་བདེ་བར་གཤེགས་པའི་བཀའ་ཚད་མ། །རྒྱུད་དོན་དང་འབྲེལ་བས། རྡོ་རྗེ་འཛིན་པའི་བརྒྱུད་ལྡན་ལས་ཐོས་མན་ངག་ཚད་མ། རྣལ་འབྱོར་དབང་ཕྱུག་གི་ཉམས་མྱོང་ཚད་མ། རྟེན་ཅིང་འབྲེལ་འབྱུང་གི་ལོ་རྒྱུས་ཚད་མ་དང་། དབང་གི་ཆུ་བོ་མ་ནུབ་པ། བཀའ་མ་དང་འབྲེལ་བྱིན་རླབས་ཀྱི་བརྒྱུད་པ་མ་ཉམས་པ། མན་ངག་གི་སྣ་ཁ་མ་ལོག་པ་དག་ལ་མ་བརྟེན་ན། ཟབ་མོར་བཏགས་པ་ཙམ་ཡང་དག་དང་ལྟར་སྣང་གང་ཡིན་མ་འཚལ་བའི་རྨོངས་པ་ལམ་ནོར་བས་ངལ་བ་འབྲས་མེད་དུ་བྱས་ལ། དེའི་ཕྱིར་གཏེར་ལུང་ལས། རྒྱལ་བས་དགོངས་པ་ཉིད་ཀྱི་ཚུལ། །དགོངས་པ་བབས་པ་དབང་གི་མཆོག །ཅེས་གདོད་མའི་མགོན་པོ་སྲས་དང་བཅས་པས་ཆོས་ཀྱི་བདག་པོ་ལ་དགོངས་པས་གནས་ལུགས་

(༡༡༤)ཆོས་སྐུར་རྟོགས་པའི་དབང་ཐོབ། བརྡ་དང་བརྡ་མཚོན་གོ་བ་ནི། །དབང་གི་ནང་ནས་དབང་བཀའ་འོ། །ཞེས་པ་ལྟར་ཡེ་ཤེས་ཀྱི་མཁའ་འགྲོ་མས་བརྡ་བསྒྱུར་གྱི་ཤོག་སེར་དབྱིབས་དང་རྣམ་པ་ཐམས་ཅད་པ་བྱིན། རྫོགས་པའི་སངས་རྒྱས་དྲི་མེད་འོད་ཟེར་དང་དངོས་ཞལ་མཇལ་ཏེ། །སྙན་བརྒྱུད་ཀྱི་ཕ་ཕོགས་སྩལ་བའི་བརྒྱུད་པ་གསུམ་ལྡན་གྱི་སྟེང་། གོང་འོག་གི་བདག་པོ་རྣམ་གཉིས་ལ་སོགས་ཏེ། སྔོན་གྱི་དུས་ན་བྱོན་པའི་ལམ་སྟོན་ཆེན་པོ་རྣམས་ཀྱིས་བཞེད་པ་བཞིན་རྒྱུད་སྡེ་བཀའ་མ་དང་། སྒྲུབ་སྡེ་བཀའ་བརྒྱད་ལ་སོགས་པའི་དབང་གི་ཆུ་བོ་མ་ནུབ་པའང་ཉན་ཅིང་འདྲེས་པར་བྱས་ནས། ཇི་སྐད་དུ་སྡུད་པ་ལས། རྒྱལ་བའི་ཉན་ཐོས་པ་དག་ཆོས་སྟོན་དང་། འཆད་དང་རིགས་པ་དག་དང་ལྡན་པར་བརྗོད་པ་དང་། །མཆོག་འཕགས་བདེ་བ་བྱེད་དང་དེ་ཡི་འབྲས་ཐོབ་པ། །དེ་དག་ཀུན་ཀྱང་དེ་བཞིན་གཤེགས་པའི་སྐྱེས་བུའི་མཐུ། །ཞེས་པ་ལ་སོགས་པ་དང་། གཞན་དུ། བྱང་ཆུབ་སེམས་དཔའ་བསམ་པ་རྣམ་པར་དག་པ་ལ་ནི་རང་གི་ཡིད་ཀྱིས་སྤྱོད་པ་ཉིད་ལས། མན་ངག་དང་རྗེས་སུ་བསྟན་པ་ཐམས་ཅད་འབྱུང་ངོ། །ཞེས་པ་ལྟར་རྒྱལ་བའི་ཡེ་ཤེས་རྣམ་པ་ཐམས་ཅད་པས་དགོངས་ཤིང་

(༡༡༥)མཁའ་འགྲོའི་གསང་མཛོད་ལ་མངའ་སྒྱུར་བ་བྱིན་གྱིས་བརླབས་པ་དང་རྗེས་སུ་གནང་བའི་བཀར་རྩོད་པ་མེད་ཅིང་། སངས་རྒྱས་གཉིས་པ་སློབ་དཔོན་ཆེན་པོས་ཞལ་ནས་གསུངས་པའི་བཀར་བསྙོན་མེད་དུ་གྲུབ་པ་ལ་ཟབ་མོ་གཏེར་གྱི་རང་ལུགས་མ་ནོར་བ་ཞེས་བྱ་སྟེ། མཆོག་གཟིགས་ཀྱི་བརྒྱུད་པས་མ་ཆད་པ་དང་། ཉམས་པ་དང་འདྲེས་ཁྱེར་གྱི་བར་མ་ཆོད་པ་དང་། ཚིག་ལ་གྲིམས་པའི་སློབ་པ་སོ་སོ་སྐྱེ་བོས་བསླད་པ་མ་སོང་བས་བྱིན་རླབས་ཆེ་ཞིང་། སྒྲུབ་ཐག་ཉེ་བ་ཡིན་ནོ། །དེ་ལྟ་བུའི་སྔགས་ཀྱི་ཉེ་ལམ་དམ་པ་ལ་དབང་། བསྐྱེད་རིམ། རྫོགས་རིམ། བཤད་པ་སྟེ་སྔ་འགྱུར་བཀའ་བབས་ཀྱི་ཆུ་བོ་བཞིའི་ཞལ་ལུང་དང་ལྡན་པ་ལས། དེང་རིམ་པར་དབང་གི་ཆོ་ག་ལས་ཞི་ཁྲོའི་དཀྱིལ་འཁོར་ཆེན་པོར་སྨིན་པར་བྱ་བའི་སྐབས་སུ་བབས་པས་སྙིམ་པ་མེ་ཏོག་དང་བཅས་འདིའི་རྗེས་ཟློས། ཨེ་མ་དུས་གསུམ་རྒྱལ་བ་ཀུན་ཏུ་བཟང་། །རིགས་ལྔའི་སངས་རྒྱས་དགོངས་སུ་གསོལ། །ཅེས་པ་ནས། ཐུན་མོང་དང་ཁྱད་པར་གྱི་སྡོམ་པ་བྱིན་པ། སྔགས་ཀྱི་ཆོ་གས་བསྡམ་པར་བགྱི། །ཞེས་པའི་བར་སྟ་གོན་བཞིན་ལ། ཐམས་ཅད་རྣལ་འབྱོར་དུ་སེམས་བསྐྱེད་པའི་ཕྱིར། །སློབ་མའི་སྙིང་གར་རྡོ་རྗེ་བཞག་ལ། སེམས་

(༡༡༦)ཅན་ཐམས་ཅད་ཀྱི་དོན་དུ་སངས་རྒྱས་བསྒྲུབ་པའི་བློ་བཅོས་མིན་དེ་ཉིད། སྙིང་གར་ཀུན་རྫོབ་བྱང་སེམས་ཀྱི་ངོ་བོ་ཟླ་བ་ཉ་གང་བའི་སྟེང་། དོན་དམ་བྱང་སེམས་ཀྱི་རང་བཞིན་རྡོ་རྗེ་རྩེ་ལྔ་པ་འོད་དང་འོད་ཟེར་དུ་འབར་བར་གྱུར་པར་བསམ་ལ་འདིའི་རྗེས་ཟློས། ཨོཾ་སརྦ་ཡོ་ག་ཙིཏྟ་ཨུ་པ་ཏ་ཡ་མི། ལན་གསུམ། དམ་གཞག་ནི། ནང་མཆོད་བྱིན་ལ། འདི་ནི་ཁྱོད་ཀྱི་དམ་ཚིག་ཆུ། །དམ་ཚིག་ཉམས་ན་བསྲེག་པར་བྱེད། །བསྲུང་ན་དངོས་གྲུབ་ཐམས་ཅད་ཐོབ། །དམ་ཚིག་བདུད་རྩིའི་ཆུ་འདི་འཐུངས། །ས་མ་ཡ་ཨི་ད་ནན་རཀྐན རིགས་ལྔའི་སྡོམ་བཟུང་ཁྱད་པར་བ་ལ་དམིགས་ནས་འདིའི་རྗེས་ཟློས། སངས་རྒྱས་རིགས་ཀྱི་དམ་ཚིག་ཏུ། །རྒྱལ་སྲས་སངས་རྒྱས་ཐམས་ཅད་དང་། །དཔའ་བོ་རྣལ་འབྱོར་མ་རྣམས་བསྙེན། །རྡོ་རྗེ་རིགས་ཀྱི་དམ་ཚིག་ཏུ། །རྡོ་རྗེ་དྲིལ་བུའི་ཕྱག་རྒྱ་དང་། །བྱང་ཆུབ་སེམས་ནི་སྤང་མི་བྱ། །རིན་ཆེན་རིགས་ཀྱི་དམ་ཚིག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །པདྨ་རིགས་ཀྱི་དམ་ཚིག་ཏུ། །ཐེག་པ་གསུམ་དང་ཆོས་རྣམས་བཤད། །ལས་ཀྱི་རིགས་ཀྱི་དམ་ཚིག་ཏུ། །འགྲོ་བའི་དོན་ལ་བརྩོན་པར་བྱ། །ལྷ་ཡི་ཕྱག་རྒྱ་བླ་མའི་སྟན། །བཞོན་པ་ལ་སོགས་མི་སྨད་

(༡༡༧)ཅིང་། །བསྟན་པ་སྐྱོང་རྣམས་བརྙས་མི་བྱ། །བླ་མ་སངས་རྒྱས་དྲན་བྱེད་ཅིང་། །བརྟན་གཡོ་ལྷ་དང་མཉམ་པར་སྦྱོར། །མདོར་ན་རྒྱལ་བས་གང་བསྒྲགས་པ། །དེ་དག་ཐམས་ཅད་བདག་གིས་བཟུང་། །ལན་གསུམ། དེ་ནས་ལྷ་དང་སྐལ་བ་མཉམ་པའི་ཕྱིར་དཀྱིལ་འཁོར་དུ་འཇུག་པ་ཡིན་པས་འདིའི་རྗེས་ཟློས། ཀྱེ་རིགས་ལྔ་བདེ་བར་གཤེགས་པ་དང་། །བླ་མ་ཡི་དམ་མཁའ་འགྲོ་དགོངས། །སྒོ་བ་ཆེན་པོ་ཁྱེད་རྣམས་ཀྱིས། །སྒོ་ཕྱེ་ཐར་པའི་གྲོད་བསྟན་འཚལ། །ལན་གསུམ་གྱི་རྗེས་ལ། །བླ་མས་ཨཱ་ཁཾ་ཝཱི་ར་ཧཱུྃ བརྗོད་ལ་བཅུག་པར་བསམ། སློབ་མས་གནས་གསུམ་དུ་ཐལ་མོ་སྦྱར་བའི་སྐུ་གསུང་ཐུགས་ཕྱག་བྱེད་བཞིན་པར། ཨོཾ་ན་མ་ཏེ་ཧཱུྃ། ཨོཾ་ན་མ་མེ་ཧཱུྃ། ཨོཾ་ན་མ་ན་མ་ཧཱུྃ། བརྗོད་ནས་ཕྱི་འཇུག་བྱ། ནང་ལྟར་འཇུག་པ་སློབ་དཔོན་དང་དཀྱིལ་འཁོར་གྱི་བདག་པོ་གཉིས་སུ་མེད་པའི་སྲས་སུ་བྱ་བའི་ཕྱིར་དམིགས་པ་འདི་བཞིན་དུ་མཛོད། །གཙོ་བོའི་མདུན་ཐད་ཤར་སྒོའི་དབང་སྟེགས་ལ་འཁོད་པས། དཀྱིལ་འཁོར་གྱི་བདག་པོའི་ཐུགས་ཀ་ནས་འོད་ཟེར་བྱུང་། སློབ་མའི་རྣམ་སྨིན་གྱི་ཕུང་པོ་སྦྱངས། །རྣམ་པར་ཤེས་པ་ཧཱུྃ་དུ་གྱུར་པ་ཡབ་ཀྱི་ཞལ་

(༡༡༨)ནས་དྲངས། རྗེས་སུ་ཆགས་པའི་ཡེ་ཤེས་ཀྱིས་བསྐུལ་ཏེ་ཡུམ་གྱི་པདྨོར་ལྷུང་། སྲས་ཀྱི་ཚུལ་དུ་གཙོ་བོའི་རྣམ་པ་གཉིས་པ་ཞིག་བྱུང་བ་སྔར་གྱི་དབང་སྟེགས་ལ་འཁོད་པའི་གནས་གསུམ་དུ་ཕྱག་མཚན་གསུམ་དང་། །ཡི་གེ་གསུམ་གྱིས་མཚན་པ་ལས་འོད་ཟེར་འཕྲོས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དཀྱིལ་འཁོར་གྱི་ལྷའི་རྣམ་པས་སྙིང་ནང་དུ་ཐིམ་པར་བསམ་ལ། རོལ་མོའི་སྒྲ་དང་བཅས་བབས་དྲུག་གིས་བྱིན་འབེབས་སམ། ཨོཾ་བཛྲ་པྲ་ཝེ་ཤ་ཡ་པྲ་ཝེ་ཤ་ཡ་ཧཱུྃ་ཧཱུྃ། མང་དུ་བརྗོད་ལ་ནན་ཏན་བྱ། །ལུས་ངག་ཡིད་ལ་ཕེབས་པའི་རྟགས། །འདར་ཞིང་འཕར་གཡོ་སཾ་སྐྲྀ་ཏའི། །བརྡའ་སྐད་གླུ་ལེན་ངུ་བ་དང་། །བདེ་གསལ་མི་རྟོག་ལྷག་པའི་ལྷས། །སྤོག་ན་རྡོ་རྗེའི་འདུག་སྟངས་ཀྱི། །སྙིང་གར་གཡུང་དྲུང་འཁོར་བར་སྒོམ། །ཧཱུྃ་དང་ཨ་ར་ལི་ཕཻཾ་གྱི། །གླུ་ཡིས་བསྐུལ་ཞིང་ལྟ་བས་གཅུན། །ཏིཥྛཱ་བཛྲས་བརྟན་པར་བྱ། །དེ་ནས་མེ་ཏོག་དོར་བ་ནི། །ཀྱཻ་བདེ་གཤེགས་རིགས་ལྔའི་ཕོ་བྲང་དུ། །འབྲེལ་བའི་མེ་ཏོག་འདི་དོར་བས། །ལས་འཕྲོ་གང་ཡོད་ལྷ་དང་མཇལ་བར་ཤོག །ཨོཾ་པུཥྤེ་སིདྡྷི་སྟྭཾ། ལྷུང་ན་བསྐྱར་ཞིང་སྤྱི་བོར་བཅིང་། །པྲ་ཏི་གྷྲྀ་ཧ་ན་ཨི་མཾ་ས་ཏྭ

(༡༡༩)མ་ཧཱ་བྷ་ལ། ལྷག་ལྷ་སྤྱི་བོར་ཐིམ་པར་བསམ། །གདོང་གཡོགས་ཕྱེ་ཞིང་དཀྱིལ་འཁོར་བསྟན། །སྟོན་པ་རིགས་ལྔའི་སངས་རྒྱས་ཀྱིས། །ཁྱོད་ཀྱི་མ་རིག་འཁོར་བའི་མིག། ཡེ་ཤེས་སྤྱན་དུ་དབྱེ་བ་ལྟར། །དེ་བཞིན་ཁྱེད་ཀྱིས་འགྲོ་བ་རྣམས། །ཡེ་ཤེས་སྤྱན་དུ་འབྱེད་པར་ཤོག། ཙཀྵུ་པྲ་ཝེ་ཤ་ཡ་ཕཊ། ཨེ་མ་སྐལ་ལྡན་རིགས་ཀྱི་བུ། །ཁྱེད་ནི་སྡིག་པ་ཀུན་ལས་གྲོལ། །དཀྱིལ་འཁོར་ཆེན་པོ་འདི་ལ་ལྟོས། །ལུས་ངག་ཡིད་ཀྱིས་དད་པ་བསྐྱེད། །དངོས་གྲུབ་ཐམས་ཅད་ཁྱེད་ཀྱིས་ཐོབ། །དམ་ཚིག་སྔགས་ལ་བརྩོན་པར་གྱིས། །ཀྱཻ་རིགས་ཀྱི་བུ་བྱང་ཆུབ་ཕྱོགས་ཀྱི་ཆོས་སུམ་ཅུ་རྩ་བདུན་ལ་སོགས་པའི་སངས་རྒྱས་ཀྱི་སྐུ་དང་ཡེ་ཤེས་བརྡ་དོན་རྟགས་ཀྱིས་མཚོན་པའི་རྡུལ་ཚོན་གྱི་དཀྱིལ་འཁོར་འདི་ནི་རྟེན་གཞལ་ཡས་ཁང་སྟེ། ནང་ལྟར་ཕུང་པོ་ཁམས་དང་སྐྱེ་མཆེད་མཚོན་ལ། དེ་ན་བཞུགས་པའི་བརྟེན་པ་ཡེ་ཤེས་ཀྱི་ལྷ་ནི་རང་གི་སེམས་རྣམས་ཤེས་ཚོགས་བརྒྱད་སེམས་བྱུང་དང་བཅས་པ་དམ་པ་རིགས་བརྒྱའི་ལྷ་ཚོགས་སུ་བཞུགས་པ་དེ་དྲན་པར་གྱིས་ཤིག །འཇུག་པའི་ཆོ་གའོ། །གཉིས་པ་དབང་བསྐུར་བ་ནི། ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་གདན་གསུམ་ཚང་བའི་

(༡༢༠)དཀྱིལ་འཁོར་གྱི་འཁོར་ལོའི་རྣམ་པར་སྤྱན་དྲངས། མཆོད་ཅིང་བསྟོད། རྡོ་རྗེ་ཅན་གྱི་སངས་རྒྱས་ལ། །འགྲོ་བ་སྐྱོབ་པའི་ཆེད་དུ་དབང་། །ཡོན་ཏན་འབྱུང་གནས་ཇི་ལྟར་སྩལ། །དེ་ལྟར་འདི་ལའང་སྩལ་དུ་གསོལ། །ཅེས་གསོལ་བ་བཏབ་པས། གཤེགས་པ་རྣམས་ཀྱིས་དགོངས་པ་མཛད། །གཤེགས་མ་རྣམས་ཀྱིས་དབང་བསྐུར། སེམས་དཔའ་རྣམས་ཀྱིས་ཤིས་པ་བརྗོད། །སེམས་མ་རྣམས་ཀྱིས་གླུ་གར་སྒྱུར། །ཁྲོ་བོ་རྣམས་ཀྱིས་བགེགས་བསྐྲད་དེ། །ཀུན་ཀྱང་དབང་གི་བྱ་བ་ལ་དགྱེས་པར་གྱུར། སློབ་མ་མི་བསྐྱོད་པར་གསལ་ལ། བུམ་པ་བཏེག་ནས། ཧཱུྃ་རྣམ་ཤེས་ཕུང་པོ་རྣམ་དག་ཅིང་། །ཉོན་མོངས་ཞེ་སྡང་སྦྱོང་བྱེད་པའི། །ཆོས་ཀྱི་དབྱིངས་ཀྱི་ཡེ་ཤེས་ཀྱི། །དཔལ་ལྡན་ཐུགས་ཀྱི་དབང་བསྐུར་རོ། །ཨོཾ་བཛྲ་ཨ་བྷི་ཥིཉྩ་ཧཱུྃ རིགས་ཀྱི་བུ་ཁྱོད་ལ་མི་བསྐྱོད་པ་ཆུ་ཡིས་དབང་བསྐུར་བས་ཡིད་ཀྱི་སྒྲིབ་པ་ཐམས་ཅད་དག །སངས་རྒྱས་ཐམས་ཅད་ཀྱི་ཐུགས་ཀྱི་དབང་ཐོབ། རྣམ་པར་ཤེས་པ་རྡོ་རྗེ་མི་བསྐྱོད་པ་དང་ཆུའི་ཁམས་མཱ་མ་ཀཱིར་སངས་རྒྱས། ཞེ་སྡང་ཆོས་དབྱིངས་ཡེ་ཤེས་སུ་གྲོལ་ཏེ། །སངས་རྒྱས་རྡོ་རྗེའི་རིགས་ཀྱི་ཐུགས་འཁྲུལ་བ་མེད་པས་འགྲོ་བའི་དོན་བྱེད་པར་འགྱུར་རོ། །སློབ་མ་རིན་འབྱུང་དུ་

(༡༢༡)གསལ་ལ། དབུ་རྒྱན་ཐོགས་ནས། ཧཱུྃ་ཚོར་བའི་ཕུང་པོ་རྣམ་དག་ཅིང་། །ཉོན་མོངས་ང་རྒྱལ་སྦྱོང་བྱེད་པའི། །མཉམ་པ་ཉིད་ཀྱི་ཡེ་ཤེས་ཀྱི། །དཔལ་ལྡན་ཡོན་ཏན་དབང་བསྐུར་རོ། །ཨོཾ་རཏྣ་ཨ་བྷི་ཥིཉྩ་ཏྲཱཱྃ། རིགས་ཀྱི་བུ་ཁྱོད་ལ་རིན་འབྱུང་གི་ངོ་བོ་དབུ་རྒྱན་འདི་བསྐོན་པ་ཙམ་གྱིས་ཤེས་བྱའི་སྒྲིབ་པ་སྦྱངས། སངས་རྒྱས་ཐམས་ཅད་ཀྱི་ཡོན་ཏན་གྱི་དབང་ཐོབ། ཚོར་བའི་ཕུང་པོ་རིན་ཆེན་འབྱུང་ལྡན་དང་སའི་ཁམས་སངས་རྒྱས་སྤྱན་དུ་དག །ང་རྒྱལ་མཉམ་པ་ཉིད་ཀྱི་ཡེ་ཤེས་སུ་གྲོལ་ཏེ། སངས་རྒྱས་རིན་ཆེན་རིགས་ཀྱི་ཡོན་ཏན་ཐམས་ཅད་མཁྱེན་ནས་འགྲོ་བའི་དོན་བྱེད་པར་འགྱུར་རོ། །སློབ་མ་སྣང་བ་མཐའ་ཡས་སུ་གསལ་ལ། རྡོ་རྗེས་དབང་བསྐུར་ཞིང་། །ཧཱུྃ་འདུ་ཤེས་ཕུང་པོ་རྣམ་དག་ཅིང་། །ཉོན་མོངས་འདོད་ཆགས་སྦྱོང་བྱེད་པའི། །སོར་སོར་རྟོགས་པའི་ཡེ་ཤེས་ཀྱི། །དཔལ་ལྡན་གསུང་གི་དབང་བསྐུར་རོ། །ཨོཾ་པདྨ་ཨ་བྷི་ཥིཉྩ་ཧྲཱི རིགས་ཀྱི་བུ་ཁྱོད་ལ་རྡོ་རྗེ་དབང་བསྐུར་བས་ངག་གི་སྒྲིབ་པ་ཐམས་ཅད་དག །སངས་རྒྱས་ཐམས་ཅད་ཀྱི་གསུང་གི་དབང་ཐོབ། །འདུ་ཤེས་ཀྱི་ཕུང་པོ་སྣང་བ་མཐའ་ཡས་དང་མེའི་ཁམས་གོས་དཀར་མོར་སངས་རྒྱས། །

(༡༢༢)འདོད་ཆགས་སོ་སོར་རྟོགས་པའི་ཡེ་ཤེས་སུ་གྲོལ་ཏེ་སངས་རྒྱས་པདྨའི་རིགས་ཀྱི་གསུང་འགག་པ་མེད་པའི་ཆོས་ཀྱི་སྒྲ་དབྱངས་ཀྱིས་འགྲོ་བའི་དོན་བྱེད་པར་འགྱུར་རོ། །སློབ་མ་དོན་གྲུབ་ཏུ་གསལ། དྲིལ་བུ་འཛིན་པས། ཧཱུྃ་འདུ་བྱེད་ཕུང་པོ་རྣམ་དག་ཅིང་། །ཉོན་མོངས་ཕྲག་དོག་སྦྱོང་བྱེད་པའི། །བྱ་བ་གྲུབ་པའི་ཡེ་ཤེས་ཀྱི། །དཔལ་ལྡན་ཕྲིན་ལས་དབང་བསྐུར་རོ། །ཨོཾ་ཀརྨ་ཨ་བྷི་ཥིཉྩ་ཨཱརིགས་ཀྱི་བུ་ཁྱོད་ལ་དྲིལ་བུ་འདི་གཏད་པ་ཙམ་གྱིས་ཀུན་གཞིའི་སྒྲིབ་པ་དག །སངས་རྒྱས་ཐམས་ཅད་ཀྱི་ཕྲིན་ལས་ཀྱི་དབང་ཐོབ། འདུ་བྱེད་ཀྱི་ཕུང་པོ་དོན་ཡོད་གྲུབ་པ་དང་རླུང་གི་ཁམས་དམ་ཚིག་སྒྲོལ་མར་སངས་རྒྱས། ཕྲག་དོག་བྱ་བ་གྲུབ་པའི་ཡེ་ཤེས་སུ་གྲོལ་ཏེ་ལས་ཀྱི་རིགས་ཀྱི་ཕྲིན་ལས་ཐོགས་པ་མེད་པར་གྲུབ་ནས་འགྲོ་བའི་དོན་བྱེད་པར་འགྱུར་རོ། །སློབ་མ་རྣམ་སྣང་དུ་གསལ་ལ། མིང་དབང་བྱིན་པར་མོས་ཏེ། ཧཱུྃ་གཟུགས་ཀྱི་ཕུང་པོ་རྣམ་དག་ཅིང་། །ཉོན་མོངས་གཏི་མུག་སྦྱོང་བྱེད་པའི། །མེ་ལོང་ལྟ་བུའི་ཡེ་ཤེས་ཀྱི། །དཔལ་ལྡན་སྐུ་ཡི་དབང་བསྐུར་རོ། །ཨོཾ་བྷུདྡྷ་ཆེ་གེ་མོ་ཨ་བྷི་ཥིཉྩ་ཧཱུྃ། རིགས་ཀྱི་བུ་ཁྱོད་ལ་རྣམ་པར་སྣང་མཛད་མིང་གི་དབང་བསྐུར་བས་ལུས་ཀྱི་སྒྲིབ་པ་དག་ནས། སངས་རྒྱས་ཐམས་ཅད་ཀྱི་

(༡༢༣)སྐུའི་དབང་ཐོབ། །གཟུགས་ཀྱི་ཕུང་པོ་རྣམ་པར་སྣང་མཛད་དང་ནམ་མཁའི་ཁམས་དབྱིངས་ཕྱུག་མར་སངས་རྒྱས། གཏི་མུག་མེ་ལོང་ཡེ་ཤེས་སུ་གྲོལ་ཏེ། དེ་བཞིན་གཤེགས་པའི་རིགས་ཀྱི་སྐུ་འགྱུར་བ་མེད་པ་ཐོབ་ནས་འགྲོ་བའི་དོན་བྱེད་པར་འགྱུར་རོ། །ཞེས་རིགས་དབང་ལྔས་གསང་སྔགས་ཕྱི་བའི་དབང་ཡང་ཞར་བྱུང་དུ་རྫོགས་པའོ། །རྡོ་རྗེ་སློབ་དཔོན་གྱི་དབང་ནི། ཐུགས་ཀྱི་དམ་ཚིག་རྡོ་རྗེ་གསོར་བ་དང་། །གསུང་གི་དམ་ཚིག་དྲིལ་བུ་འཁྲོལ་བ་དང་། །སྐུ་ཡི་དམ་ཚིག་འཁྱུད་རྒྱ་བྱེད་པ་སྟེ། །དམ་ཚིག་གསུམ་བྱིན་ལ། ཨོཾ་ཨཱཧཱུྃ་ཐབས་དང་ཤེས་རབ་གཉིས་མེད་ཅིང་། །སྣང་སྟོང་དབྱེར་མེད་འདི་བཟུང་ལ། །སྟོང་ཉིད་སྙིང་རྗེའི་སྙིང་པོ་ཡི། །ཀུན་བཟང་རྡོ་རྗེ་འཛིན་ཁྱོད་ཀྱིས། །འགྲོ་ཀུན་རྗེས་སུ་བཟུང་བར་མཛོད། །རིགས་ཀྱི་བུ་ཁྱོད་ལ་གསང་བ་སྔགས་ཀྱི་ཕྱག་རྒྱའི་དམ་ཚིག་གི་ནང་ན་མཆོག་ཏུ་གྱུར་པ། རྡོ་རྗེ་དང་དྲིལ་བུ་དཀྱིལ་འཁོར་ཐམས་ཅད་པའི་བདག་ཉིད་འདི་ལག་ཏུ་གཏད་པ་ཙམ་གྱིས། །རྣམ་པ་ཐམས་ཅད་མཁྱེན་པའི་ས་བོན་ཐེབས། །སངས་རྒྱས་ཐམས་ཅད་ཀྱི་མེས་པོ་གདོད་མའི་མགོན་པོ་ཀུན་ཏུ་བཟང་པོ་དང་གཉིས་སུ་མེད་པར་སངས་རྒྱས་ཏེ་སེམས་ཅན་གྱི་དོན་དཔག་ཏུ་མེད་

(༡༢༤)པ་མཛད་ནུས་པར་གྱུར་ཅིག །ཅེས་བརྗོད། རྒྱལ་ཚབ་ཏུ་འོས་པའི་སློབ་བུ་ཡིན་ན། །པོ་ཏི། དུང་དཀར། ཕྱག་ཤིང་། །འཁོར་ལོ་ལ་སོགས་པ་སྤྲད་ཅིང་ཁྲི་ལ་མངའ་གསོལ་བ་གཞན་དང་མཐུན། །སླར་ཡང་རྣམ་རྒྱལ་བུམ་པ་བཟུང་ལ། ཧཱུྃ་བཀྲ་ཤིས་བུམ་པ་ལྷའི་གཞལ་ཡས། ལྷ་དང་གཉིས་མེད་བདུད་རྩིའི་ཆུས། །སྐལ་ལྡན་བུ་ལ་དབང་བསྐུར་བས། །སྣང་ཞེན་ལྷ་སྐུའི་ཕྱག་རྒྱར་རྫོགས། །རྣམ་སྨིན་རིག་འཛིན་ཉེར་ཐོབ་ཅིང་། །ཀུན་ཏུ་འོད་ཀྱི་ས་ནོན་ཤོག །རྩ་སྔགས་དང་། ཀཱ་ཡ་ཨ་བྷི་ཥིཉྩ་ཨོཾ། རིགས་ཀྱི་བུ་ཁྱོད་ལ་དབང་ཐམས་ཅད་བརྟན་པར་བྱེད་པ་རྣམ་རྒྱལ་གྱི་བུམ་པས་དབང་བསྐུར་བས། སྣོད་བཅུད་ལྷ་དང་གཞལ་ཡས། ཕུང་པོ་ཁམས་དང་སྐྱེ་མཆེད་ཀྱང་ལྷ་དང་ལྷ་མོར་གནས་དག་པ་ཡིན་པས། ཕྱི་ནང་ཐམས་ཅད་ལ་བརྙས་པར་བྱས་ན་ལྟུང་བར་གྱུར་པ་ཡིན་པས། དག་སྣང་དང་མོས་པ་གྱིས་ཤིག །སྐབས་འདིར་རིགས་བརྒྱའི་ལྷ་དབང་བསྐུར་ན། སོ་སོའི་ཙཀླི་གཏུགས་ལ། ཆོས་རྣམས་རྣམ་དག་ཡེ་ནས་ལྷུན་གྲུབ་ཅིང་། །བྱ་བ་བྱེད་དང་ཡིད་ཆོས་རྣམ་པར་དག །ཀུན་བཟང་ཡབ་ཡུམ་གཉིས་ཀྱི་དབང་བསྐུར་རོ། །ཨོཾ་ཨཱཧཱུྃ་ཨ་བྷི་ཥིཉྩ་ཧཱུྃ། ཞེས་ཀུན་ལ་འགྲེས་སྦྱར་ཞི་ཁྲོའི་

(༡༢༥)ཕྱག་གི་བཀོལ་བྱང་བཞིན་ནོ། །དཔལ་ཆེན་འདུས་པའི་ཚེ། སྤྱི་བོར། ཆེ་མཆོག་ལྷ་ཚོགས་དབང་བསྐུར་བས། །ཆོས་དབྱིངས་ཡེ་ཤེས་རྟོགས་པར་ཤོག །ཨོཾ་གུ་རུ་ཤྲཱི་བཛྲ་ཡཀྴ་ཀྲོ་ཏ་ཙིཏྟ་ཨ་བྷི་ཥིཉྩ་ཧཱུྃ། དཔྲལ་བར། འཇམ་དཔལ་སྐུ་ཡི་དབང་བསྐུར་བས། །མཉམ་ཉིད་ཡེ་ཤེས་རྟོགས་པར་ཤོག །ཨོཾ་ཧྲཱིཥྚི་ཝི་ཀྲི་ཏཱ་ན་ན་ཨ་བྷི་ཥིཉྩ་ཧཱུྃ། མགྲིན་པར། པདྨ་གསུང་གི་དབང་བསྐུར་བས། སོར་རྟོགས་ཡེ་ཤེས་རྟོགས་པར་ཤོག །ཨོཾ་པདྨ་ཏ་ཀྲི་ཏ་ཧྱ་གྷྲི་ཝ་ཨ་བྷི་ཥིཉྩ་ཧཱུྃ། སྙིང་གར། ཡང་དག་ཐུགས་ཀྱིས་དབང་བསྐུར་བས། །མེ་ལོང་ཡེ་ཤེས་རྟོགས་པར་ཤོག །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཨ་བྷི་ཥིཉྩ་ཧཱུྃ། ལྟེ་བར། ཕུར་པ་ཕྲིན་ལས་དབང་བསྐུར་བས། །བྱ་གྲུབ་ཡེ་ཤེས་རྟོགས་པར་ཤོག །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནན་བྃ་ཧཱུྃ་ཕཊ་ཨ་བྷི་ཥིཉྩ་ཧཱུྃ། གསང་གནས། མ་མོ་རྦོད་གཏོང་དབང་བསྐུར་བས། །དབྱིངས་གྲོལ་ཡེ་ཤེས་རྟོགས་པར་ཤོག །ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་སརྦ་ས་མ་ཡ་ཨ་བྷི་ཥིཉྩ་ཧཱུྃ། བརླ་གཡས། འཇིག་རྟེན་མཆོད་བསྟོད་དབང་བསྐུར་བས། །ཀློང་གྱུར་ཡེ་ཤེས་རྟོགས་པར་ཤོག །ཨོཾ་བཛྲ་ཙཎྜ་སརྦ་དུཥྚཾ་ཨ་བྷི་ཥིཉྩ་ཧཱུྃ། བརླ་གཡོན། དམོད་པ་དྲག་

(༡༢༦)སྔགས་དབང་བསྐུར་བས། །ལྷུན་གྲུབ་ཡེ་ཤེས་རྟོགས་པར་ཤོག །ཨོཾ་བཛྲ་སརྦ་དུཥྚཾ་ཨ་བྷི་ཥིཉྩ་ཧཱུྃ། སྤྱི་བོར། རིག་འཛིན་སློབ་དཔོན་དབང་བསྐུར་བས། །འདའ་ཀ་ཡེ་ཤེས་རྟོགས་པར་ཤོག །ཨོཾ་བཛྲ་མ་ཧཱ་གུ་རུ་ཨ་བྷི་ཥིཉྩ་ཧཱུྃ། དཔུང་པ་གཉིས། ཚོགས་བརྒྱད་གདུག་པ་ཀླུ་ཡི་གདོན། །ཟ་བྱེད་ཁྱུང་གི་དབང་བསྐུར་རོ། །ཁྲོཾ་ག་རུ་ཌ་ཨ་བྷི་ཥིཉྩ་ཧཱུྃ། དེ་ལྟར་བུམ་པའི་དབང་གིས་ལུས་དང་རྩའི་སྒྲིབ་པ་དག །བསྐྱེད་རིམ་བསྒོམ་པ་ལ་དབང་། །ཕུང་ཁམས་སྐྱེ་མཆེད་ཚོགས་བརྒྱད་དབང་ཡུལ་དང་བཅས་པ་སྐུ་དང་ཡེ་ཤེས་སུ་འགྱུར་བའི་ས་བོན་ཐེབས། སྤྲུལ་པའི་སྐུ་འགྲུབ་པའི་སྐལ་བ་རྒྱུད་ལ་བཞག་གོ །གསང་རྫས་མགྲིན་པར་བཞག་ཏེ། ཧཱུྃ་ཡབ་ཡུམ་སྦྱོར་བའི་བྱང་ཆུབ་སེམས། །དཀར་དམར་བྷནྡྷའི་ནང་དུ་བསྐྱིལ། །སྐལ་ལྡན་བུ་ལ་དབང་བསྐུར་བས། །རྩ་ཁམས་ཡི་གེའི་རྣམ་པར་སྨིན། །ཚེ་ལ་དབང་བའི་རིག་འཛིན་ཐོབ། །པདྨ་ཅན་གྱི་ས་ནོན་ཤོག །རྩ་སྔགས་དང་། ཝཱཀྐ་ཨ་བྷི་ཥིཉྩ་ཨཱརྗེས་འབྲེལ་དུ་བཟླས་ལུང་སྦྱིན་པ་ནི། །སློབ་དཔོན་གྱི་ཐུགས་ཀ་ནས་རྩ་བའི་སྔགས་ཕྲེང་ལུ་གུ་རྒྱུད་དུ་བྱུང་། །སློབ་མའི་མགྲིན་པ་ནས་ཞུགས་སྙིང་གར་འཁོར་བས་འགྱུ་བའི་

(༡༢༧)རླུང་ཁམས་མཐའ་དག་གྲགས་སྟོང་སྔགས་ཀྱི་འཁོར་ལོར་རྫོགས་པར་བསམ་ལ། རྩ་སྔགས་ཀྱི་རྗེས་ཟློས་ལན་གསུམ། དེས་ངག་དང་རླུང་གི་སྒྲིབ་པ་དག །བླ་མེད་ཀྱི་དམ་རྫས་ཁྱད་པར་ཅན་སྤྱོད་ཅིང་བཟླས་བརྗོད་དང་གཏུམ་མོའི་རྣལ་འབྱོར་ལ་དབང་། རླུང་བཅུ་ལས་སུ་རུང་བའི་ཡོན་ཏན་ཐམས་ཅད་ཐོབ། ལོངས་སྤྱོད་རྫོགས་པའི་སྐུ་འགྲུབ་པའི་སྐལ་བ་རྒྱུད་ལ་བཞག །རིག་ཙག་གཏད་ལ། ཧོ་ཆོས་རྣམས་ཀུན་གྱི་འབྱུང་གནས་ཏེ། བདེ་བ་ཆེན་པོ་གསང་བའི་ཡུམ། །རིགས་ཀྱི་བུ་ལ་བྱིན་པ་ཡིས། །དགའ་བཞིའི་ཡེ་ཤེས་མངོན་དུ་གྱུར། །ཕྱག་རྒྱ་ཆེན་པོའི་རིགས་འཛིན་ཐོབ། །འཁོར་ལོ་ཚོགས་ཆེན་ས་ནོན་ཤོག །རྩ་སྔགས་དང་། ཙིཏྟ་ཨ་བྷི་ཥིཉྩ་ཧཱུྃ། །ཞེས་གཏད་པས། རིག་མ་དེས་པདྨ་བྷཉྫ་མོ་ཀྵ་ཧོ ཞེས་པའི་སྒྲས་ཐར་པ་བསྟན་པ་ལ་བསྐུལ། རྗེས་སུ་ཆགས་པའི་རོལ་མོས་དགའ་བ་བཞིའི་ཡེ་ཤེས་ཉམས་སུ་མྱོང་། ཡིད་དང་ཐིག་ལེའི་སྒྲིབ་པ་དག །རང་བཞིན་བརྒྱད་ཅུའི་རྟོགས་ཚོགས་འགགས། ཆོས་སྐུའི་གོ་འཕང་ཐོབ་པའི་སྐལ་པ་རྒྱུད་ལ་བཞག །དབང་བཞི་བ་ལ་མེ་ལོང་དང་ཤེལ་རྡོ་ནི་མཚོན་དཔེའི་བརྡ་སྟེ། དཔེ་དོན་འབྲེལ་བའི་ཡེ་ཤེས་

(༡༢༨)ཉམས་སུ་མྱོང་བར་བསམ་ལ། ཧོཀ་དག་མེ་ལོང་གཙང་མའི་ངོགས། ལྷུན་གྲུབ་དྭངས་ཤེལ་དྲི་མེད་གསལ། །བརྡ་རྟགས་རྫོགས་པས་དབང་བསྐུར་བས། །དྲི་མེད་རིག་པའི་གནས་ལུགས་རྟོགས། །ལྷུན་གྲུབ་རིག་འཛིན་ཉེར་ཐོབ་ནས། །བདེ་བ་ཆེན་པོའི་ས་ནོན་ཤོག །རྩ་སྔགས་དང་། དྷརྨཱ་དྷཱ་ཏུ་ཨ་བྷི་ཥིཉྩ་ཨཱ། ཞེས་པའི་རྗེས་ལ། སློབ་མ་ལུས་གནད་དང་ལྡན་པས་མཉམ་པར་འཇོག་ཏུ་བཅུག །དེའི་ངང་ལ་ཕཊ་དྲག་པོ་ཞིག་བརྗོད་ལ། སེམས་གང་ཡིན་ཅེས་ཏབ་ཏབ་ཏུ་དྲིས་པས་སྣང་བ་ཧད་དེ། ཕྱད་དེ། ཅི་ཟེར་ཆ་མི་དོད་པ་བྱུང་ཚོར་གྱི་སྤྲོས་པ་འགགས་པ་དེ་ཉིད་རིག་པ་རང་གནས་ཀྱི་ཡེ་ཤེས་སུ་ངོ་སྤྲོད། དེའང་ལྟ་བུ་ལུང་རིག་དང་འབྲེལ་བ་ཞེས་བྱ་བ་ཡིན་པས། སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །མ་སྐྱེས་མི་འགགས་ནམ་མཁའི་ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །དུས་གསུམ་རྒྱལ་བའི་ཡུམ་གྱུར་རྫོགས་པ་ཆེ། །ཞེས་པའི་ལུང་གིས་སྐྱོར། སློབ་དཔོན་ལྟ་དགོངས་ཅན་ཡིན་ན། ཐུགས་ཀར་ཨ་གཅིག་བསམ་པ་ལ་སློབ་མས་རིག་པ་གཏད་དེ་གཉིས་ཀས་མཉམ་པར་གཞག །སྒོམ་པ་ཉམས་མྱོང་དང་འབྲེལ་བའི་གཤིས་ནས། །ཨ་ཉི་ཤུ་རྩ་གཅིག་བརྩེགས་

(༡༢༩)མར་བརྗོད། དེས་ཀུན་གཞི་དང་ཤེས་བྱའི་སྒྲིབ་པ་དག །རྫོགས་པ་ཆེན་པོ་བསམ་གྱིས་མི་ཁྱབ་པའི་ཡེ་ཤེས་བསྒོམ་པ་ལ་དབང་། ངོ་བོ་ཉིད་སྐུ་ཐོབ་པའི་སྐལ་བ་རྒྱུད་ལ་བཞག །དེ་ནས་བཀའ་རྫོགས་ལུང་རྫོགས་ཕྱིར། །གླེགས་བམ་སྤྱི་བོར་བཞག་བྱས་ལ། །ཧོཆོས་སྐུ་ཀུན་ཏུ་བཟང་པོ། ལོངས་སྐུ་རྒྱལ་བ་རིགས་ལྔ། སྤྲུལ་སྐུ་དགའ་རབ་རྡོ་རྗེ། སློབ་དཔོན་འཇམ་དཔལ་བཤེས་གཉེན། རིག་འཛིན་ཤྲཱི་སེངྒ། པཎ་ཆེན་བི་མ་ལ་མི་ཏྲ། ཨོ་རྒྱན་པདྨ་ཐོད་ཕྲེང་། མཁའ་འགྲོ་ཡེ་ཤེས་འཚོ་རྒྱལ། མངའ་བདག་ཁྲི་སྲོང་ལྡེའུ་བཙན། རྒྱལ་སྲས་དྲི་མེད་འོད་ཟེར། ཀློང་ཆེན་ནམ་མཁའི་རྣལ་འབྱོར་ལ་སོགས། རང་བཞིན་རྫོགས་པ་ཆེན་པོའི་རྩ་བ་དང་བརྒྱུད་པར་བཅས་པའི་དཔལ་མགོན་རིག་འཛིན་བླ་མ། ཡི་དམ་མཁའ་འགྲོ་རྒྱ་མཚོ། ཆོས་སྲུང་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱིས་དེང་འདིར་རྡོ་རྗེའི་སློབ་མ་རྣམས་ལ་དབང་བསྐུར་དུ་གསོལ། བྱིན་གྱིས་བརླབ་ཏུ་གསོལ། རྟོགས་པ་སྦར་དུ་གསོལ། བརྟུལ་ཞུགས་བསྐྱེད་དུ་གསོལ། བྱ་སྩོལ་བློ་འདས་རྫོགས་པ་ཆེན་པོའི་ཀློང་དུ་དགོངས་པའི་བཙན་ས་ཟིན་ཏེ། ཚེ་གཅིག་ལུས་གཅིག་ལ་འཇའ་ལུས་

(༡༣༠)འཕོ་བ་ཆེན་པོའི་སྐུ་མཆོག་བརྙེས་ནས་དཔལ་ཀུན་ཏུ་བཟང་པོའི་གོ་འཕང་ལ་འགོད་པར་མཛད་དུ་གསོལ། །ཅེས་ལན་གསུམ་དང་། བཤད་སྒྲུབ་ཀྱི་བརྒྱུད་པ་འཛིན་པ་དག་ལ་ཐོད་རྒལ་རིག་པའི་རྩལ་དབང་བསྐུར་བ་ཡེ་ཤེས་བླ་མ་ལས་ཤེས་སོ། །དེ་ནས་དམ་ཚིག་བསྒྲགས་པ་ནི། །གྲངས་དང་རིམ་པའི་རྣམ་དབྱེ་བཤད་ལ། །རྩ་བ་སྐུ་གསུང་ཐུགས་མཆོག་དང་། །ཡན་ལག་དམ་ཚིག་ཉི་ཤུ་ལྔ། །མེད་དང་གཅིག་པུ་ཕྱལ་བ་སོགས། །ཆོ་ག་བཞིན་དུ་བསྲུང་བར་བགྱི། །ལན་གསུམ། གཏང་རག་གི་མཎྜལ་ཕུལ། སླར་ཡང་ལུས་དང་ལོངས་སྤྱོད་བླ་མའི་ཕྱོགས་སུ་བསྔོ་བ་ནི། །དམ་ཚིག་གི་ཐ་ཚིག་ཡིན་པས་འདིའི་རྗེས་ཟློས། གཙོ་བོས་ཇི་ལྟར་བཀའ་སྩལ་པ། །དེ་དག་ཐམས་ཅད་བདག་གིས་བགྱི། །ཁྱོད་ལ་བདག་ཀྱང་ཡོངས་སུ་འབུལ། །སློབ་མར་བཟུང་ནས་སྤྱད་དུ་གསོལ། །གསུམ་གྱི་རྗེས་ལ་དགེ་བ་བསྔོ། །གསུམ་པ་རྗེས་ཀྱི་ལས་ཁྲིགས་ནི། །ཚོགས་འཁོར་བསྐོར། །རྡོ་རྗེའི་གླུ་གར་བྱ། །གཏང་རག་དང་དངོས་གྲུབ་བླང་། རྡུལ་ཚོན་ཡིན་ན་ཨ་ཀཱ་རོས་བསྡུ་ཞིང་ཆུ་ཀླུང་ལ་གཤེགས། །རས་བྲིས་ལ་བརྟན་བཞུགས་བྱ། །བསྔོ་སྨོན་དང་། ཤིས་བརྗོད་ཀྱིས་མཐའ་བརྟེན་པ་སོགས་སྤྱི་ལྟར་བྱའོ། །དེའང་

(༡༣༡)རང་བཞིན་བརྒྱད་ལྡན་གྱི་རྡོ་རྗེ་སློབ་དཔོན་དག་ལ་ནི་ཡི་གེ་འདི་ཙམ་གྱིས་མཚོན་ལ། གཞན་དུ་ལྷོངས་སུ་མ་གྱུར་པའི་གང་ཟག་རྣམས་ལ་ནི་མདོ་སྔགས་ཀྱི་ལམ་སྤྱི་དང་བྱེ་བྲག་པ་དབང་གི་སྒྲོམ་ནས་ཁོང་དུ་ཆུད་པའི་སྐལ་བ་ཅན་ཉུང་བས་རང་དང་སློབ་མའི་དངོས་གྲུབ་ཀྱི་གེགས་སུ་འགྱུར་ཕྱིར་མདོ་སྒྱུ་སེམས་གསུམ་གྱི་རྒྱུ་སྡེའི་གནད་ལ་ངེས་པ་རྙེད་པར་མ་ནུས་ཀྱང་། ཁོ་བོས་བྱས་པའི་གྲོལ་ཏིག་གི་དབང་ཆོག་མཁྱེན་བརྩེའི་དགོངས་རྒྱན་ལས་སྤྱི་དོན་ཤེས་པར་བྱ་བ་ཁོ་ནའོ། །འདི་ལྟར་ཞི་ཁྲོ་དང་། དཔལ་ཆེན་ཅི་རིགས་པའི་དཀྱིལ་འཁོར་ཆེན་པོ་གཅིག་ཏུ་འཇུག་སྨིན་གྱི་ཆོ་ག་རྫོགས་པ་དག་ལ། རིག་འཛིན་དང་། ཐུགས་རྗེ་ཆེན་པོ་ལ་སོགས་པའི་སྒོས་དབང་ནི། སོ་སོའི་ལས་གཞུང་གི་བདག་མདུན་བུམ་གསུམ་སྒྲུབ་ཅིང་། །རྩ་དབང་རྒྱལ་ཐབས་སྤྱི་བླུགས་ལྟར་ནང་ནུས་པ་འཇུག་པའི་དབང་གིས་ཆོག་པ་ཡིན་ནོ། །ཞེས་རྫོགས་ཆེན་པ་རང་བྱུང་རྡོ་རྗེས་སོ།། །།

(༡༣༢)

(༡༣༣)འུྃ ཀློང་ཆེན་སྙིང་གི་ཐིག་ལེ་ལས ཕྱི་སྒྲུབ་བླ་མའི་རྣལ་འབྱོར་ཡིད་བཞིན་ནོར་བུ་བཞུགས༔ ༔

(༡༣༤)འུྃ རིག་པ་དབྱིངས་ཀྱི་ལྷ་ལ་འདུད བླ་མ་ཕྱི་ལྟར་སྒྲུབ་པ་ནི མ་ངེས་གནས་སྐབས་ཐམས་ཅད་དུ ལུས་ནི་རྣམ་སྣང་ཆོས་བདུན་དང་ མོས་གུས་དྲག་པོའི་ཀུན་སློང་གིས ཤེས་པ་གཞན་དུ་མ་ཡེངས་པར གཞི་རྫོགས་རྟེན་བསྐྱེད་འདི་ལྟར་གསལ ཨེ་མ་ཧོ རང་སྣང་ལྷུན་གྲུབ་དག་པ་རབ་འབྱམས་ཞིང་ བཀོད་པ་རབ་རྫོགས་ཟངས་མདོག་དཔལ་རིའི་དབུས རང་ཉིད་རྗེ་བཙུན་རྡོ་རྗེ་རྣལ་འབྱོར་མ ཞལ་གཅིག་ཕྱག་གཉིས་དམར་གསལ་གྲི་ཐོད་འཛིན ངོ་བོ་མཚོ་རྒྱལ་ལ་རྣམ་པ་རྣལ་འབྱོར་མར་གསལ་བ་རྗེས་སུ་འཛིན་པའི་རྟེན་འབྲེལ་གྱི་མན་ངག །ཞབས་གཉིས་

(༡༣༥)འུྃ དོར་སྟབས་སྤྱན་གསུམ་ནམ་མཁར་གཟིགས སྤྱི་བོར་པདྨ་འབུམ་བརྡལ་ཉི་ཟླའི་སྟེང་ སྐྱབས་གནས་ཀུན་འདུས་རྩ་བའི་བླ་མ་དང་ དབྱེར་མེད་མཚོ་སྐྱེས་རྡོ་རྗེ་སྤྲུལ་པའི་སྐུ དཀར་དམར་མདངས་ལྡན་གཞོན་ནུའི་ཤ་ཚུགས་ཅན ཕོད་ཁ་ཆོས་གོས་ཟབ་བེར་འདུང་མ་གསོལ ཞལ་གཅིག་ཕྱག་གཉིས་རྒྱལ་པོ་རོལ་པའི་སྟབས ཕྱག་གཡས་རྡོ་རྗེ་གཡོན་པས་ཐོད་བུམ་བསྣམས དབུ་ལ་འདབ་ལྡན་པདྨའི་མཉེན་ཞུ་གསོལ མཆན་ཁུང་གཡོན་ན་བདེ་སྟོང་ཡུམ་མཆོག་མ སྦས་པའི་

(༡༣༦)ཚུལ་གྱིས་ཁ་ཊཱཾ་རྩེ་གསུམ་བསྣམས འཇའ་ཟེར་ཐིག་ལེ་འོད་ཕུང་ཀློང་ན་བཞུགས ཕྱི་འཁོར་འོད་ལྔའི་དྲྭ་བས་མཛེས་པའི་ཀློང་ སྤྲུལ་པའི་རྗེ་འབངས་ཉི་ཤུ་རྩ་ལྔ་དང་ རྒྱ་བོན་པན་གྲུབ་རིག་འཛིན་ཡི་དམ་ལྷ མཁའ་འགྲོ་ཆོས་སྐྱོང་དམ་ཅན་སྤྲིན་ལྟར་གཏིབས གསལ་སྟོང་མཉམ་གནས་ཆེན་པོའི་ངང་དུ་གསལ ཧཱུྃ ཨོ་རྒྱན་ཡུལ་གྱི་ནུབ་བྱང་མཚམས པདྨ་གེ་སར་སྡོང་པོ་ལ ཡ་མཚན་མཆོག་གི་དངོས་གྲུབ་བརྙེས པདྨ་འབྱུང་གནས་ཞེས་སུ་གྲགས འཁོར་དུ་མཁའ་འགྲོ་མང་པོས་བསྐོར ཁྱེད་ཀྱི་རྗེས་སུ་བདག་བསྒྲུབ་ཀྱིས བྱིན་གྱིས་བརླབ་ཕྱིར་གཤེགས་སུ་གསོལ གུ་རུ་པདྨ་སིདྡྷི་ཧཱུྃ ཧྲཱི བདག་ལུས་ཞིང་གི་རྡུལ་སྙེད་དུ རྣམ་པར་འཕྲུལ་པས་ཕྱག་འཚལ་ལོ དངོས་བཤམས་ཡིད་སྤྲུལ་ཏིང་འཛིན་མཐུས སྣང་སྲིད་མཆོད་པའི་ཕྱག་རྒྱར་འབུལ སྒོ་གསུམ་མི་དགེའི་ལས་རྣམས་ཀུན འོད་གསལ་ཆོས་སྐུའི་ངང་དུ་བཤགས བདེན་པ་གཉིས་ཀྱིས་བསྡུས་པ་ཡི དགེ་ཚོགས་ཀུན་ལ་རྗེས་ཡི་རང་ ཐེག་གསུམ་ཆོས་འཁོར་བསྐོར་བར་བསྐུལ ཇི་སྲིད་འཁོར་བ་མ་སྟོངས་པར མྱ་

(༡༣༧)འུྃ ངན་མི་འདའ་བཞུགས་གསོལ་འདེབས དུས་གསུམ་བསགས་པའི་དགེ་རྩ་ཀུན བྱང་ཆུབ་ཆེན་པོའི་རྒྱུ་རུ་བསྔོ རྗེ་བཙུན་གུ་རུ་རིན་པོ་ཆེ ཁྱེད་ནི་སངས་རྒྱས་ཐམས་ཅད་ཀྱི ཐུགས་རྗེ་བྱིན་རླབས་འདུས་པའི་དཔལ སེམས་ཅན་ཡོངས་ཀྱི་མགོན་གཅིག་པུ ལུས་དང་ལོངས་སྤྱོད་བློ་སྙིང་བྲང་ ལྟོས་པ་མེད་པར་ཁྱེད་ལ་འབུལ འདི་ནས་བྱང་ཆུབ་མ་ཐོབ་པར སྐྱིད་སྡུག་ལེགས་ཉེས་མཐོ་དམན་ཀུན རྗེ་བཙུན་ཆེན་པོ་པད་འབྱུང་མཁྱེན བདག་ལ་རེ་ས་གཞན་ན་མེད ད་ལྟའི་དུས་ངན་སྙིགས་མའི་འགྲོ མི་བཟོད་སྡུག་བསྔལ་འདམ་དུ་བྱིང་ འདི་ལས་སྐྱོབས་ཤིག་མ་ཧཱ་གུ་རུ དབང་བཞི་བསྐུར་ཅིག་བྱིན་རླབས་ཅན རྟོགས་པ་སྤོར་ཅིག་ཐུགས་རྗེ་ཅན སྒྲིབ་གཉིས་སྦྱོངས་ཤིག་ནུས་མཐུ་ཅན ནམ་ཞིག་ཚེ་ཡི་དུས་བྱས་ཚེ རང་སྣང་རྔ་ཡབ་དཔལ་རིའི་ཞིང་ ཟུང་འཇུག་སྤྲུལ་པའི་ཞིང་ཁམས་སུ གཞི་ལུས་རྡོ་རྗེ་རྣལ་འབྱོར་མ གསལ་འཚེར་འོད་ཀྱི་གོང་བུ་རུ གྱུར་ནས་རྗེ་བཙུན་པད་འབྱུང་དང་ དབྱེར་མེད་ཆེན་པོར་སངས་རྒྱས་ཏེ བདེ་དང་སྟོང་པའི་ཆོ་འཕྲུལ་གྱི ཡེ་ཤེས་ཆེན་པོའི་རོལ་པ་ལས ཁམས་གསུམ་

(༡༣༨)སེམས་ཅན་མ་ལུས་པ འདྲེན་པའི་དེད་དཔོན་དམ་པ་རུ རྗེ་བཙུན་པདྨས་དབུགས་དབྱུང་གསོལ གསོལ་བ་སྙིང་གི་དཀྱིལ་ནས་འདེབས ཁ་ཙམ་ཚིག་ཙམ་མ་ཡིན་ནོ བྱིན་རླབས་ཐུགས་ཀྱི་ཀློང་ནས་སྩོལ བསམ་དོན་འགྲུབ་པར་མཛད་དུ་གསོལ ཨོཾ་ཨཱཧཱུྃ་བཛྲ་གུ་རུ་པདྨ་སིདྡྷི་ཧཱུྃ ཞེས་ཁ་ཞེ་ངོས་ལྐོག་མེད་པར་བློས་ལིངས་བསྐྱུར་གྱིས་བཟླས་པ་ཆུ་བོའི་རྒྱུན་བཞིན་བཟླ་བ་དང་མཉམ་དུ་དབང་བཞི་ལེན་པའི་དམིགས་པ་བྱ དམིགས་པ་མི་གསལ་བ་དང་ཁམས་འདུས་པ་སོགས་བྱུང་ན སྣང་སྲིད་སྣོད་བཅུད་ཐམས་ཅད་ཨོ་རྒྱན་ཆེན་པོའི་སྐུ་གསུང་ཐུགས་ཀྱི་རོལ་པར་དག་སྣང་སྦྱངས་ཏེ་གསོལ་བ་ཕུར་ཚུགས་སུ་བཏབ ཉམས་སྤྲོ་བ་དང་རིག་པ་དངས་པའི་ཚེ་སྣང་བ་གཏད་མེད་དུ་བསྐྱུར་ནས་ད་ལྟའི་ཤེས་པ་སྐད་ཅིག་མ་ཡེ་རེ་བསྐྱང་ སྡུག་བསྔལ་གཏམ་ངན་ན་ཚ་སོགས་བྱུང་ན་བདག་གི་ལས་ངན་འཛད་པའི་ཐབས་སུ་བླ་མས་གནང་བ་ཡིན་པས་ང་རེ་དགའ་སྙམ་དུ་ཡིད་དངས་སྤྲོ་སེང་ངེ་བ་གྱིས་ལ་རླུང་རོ་འབུད་ཅིང་གསོལ་འདེབས་ལ་འབད གདོན་བགེགས་ཀྱི་འཚེ་བ་བྱུང་ན་དེ་ལ་སྙིང་རྗེ་དུང་དུང་བ་བསྐྱེད་ལ་ཁོའི་སེམས རང་གི་རིག་པ་གུ་རུའི་ཐུགས་གསུམ་དབྱེར་མེད་དུ་བསྲེས་ལ་གནོད་བྱེད་ཀྱི་རྣམ་རྟོག་རྩ་གདར་གཅད་དེ་བཛྲ་གུ་རུ་ལ་འབད རྟག་པར་གང་དུ་འདུག་པའི་གནས་ཟངས་མདོག་དཔལ་རི་དངོས་ཡིན་སྙམ་པ་ལས་ཐ་མལ་དུ་

(༡༣༩)མི་བལྟ དེས་ཞིང་ཁམས་འབྱོངས་པ་ཡིན་ནོ འགྲོ་བའི་ཚེ་སངས་རྒྱས་ཀྱི་ཞིང་ཁམས་རྡུལ་ཕྲ་རབ་ལ་བསྐོར་བ་བྱེད་པར་བསམ ཅི་ཟ་ཅི་འཐུང་གི་ཕུད་བདུད་རྩིའི་རང་བཞིན་དུ་བསམས་ཏེ་སྤྱི་བོའི་བླ་མ་ལ་འབུལ ཉལ་བའི་ཚེ་སྤྱི་བོ་ཚངས་པའི་བུ་ག་ནས་མར་ལ་ཡེར་གྱིས་བྱོན་ནས རང་གི་སྙིང་པདྨ་འདབ་བཞིའི་རྣམ་པར་གནས་པའི་ནང་དུ་བྱོན དེའི་འོད་ཟེར་གྱིས་རང་ལུས་སྣོད་བཅུད་དང་བཅས་པ་འོད་གསལ་དུ་སྦྱངས་པའི་སྣང་བ་ནང་གསལ་ཐིམ་ལམ་རྨུགས་པའི་ངང་དུ་ཁམས་གསོ གལ་ཏེ་སད་པ་ན་འཕྲོ་རྒོད་རྒྱ་འབྱམས་དང་རྨི་ལམ་སོགས་ལ་བསམ་གཞིག་གི་འཕྲོ་བཅད་དེ་འོད་གསལ་གྱི་ངང་མདངས་ཁྱབ་གདལ་དུ་བསྐྱང་ ནངས་པར་ལྡངས་པའི་ཚེ་ཆུ་ལས་ཉ་འཕར་བ་བཞིན གཞི་ལུས་ཞིང་ཁམས་ཀྱི་བཀོད་པ་དང་བཅས་པ་གསལ་བཞིན་པའི་ངང་ལས་སྙིང་གའི་བླ་མ་དབུ་མའི་ལམ་བརྒྱུད་སྤྱི་བོའི་སྟེང་གི་བར་སྣང་ལ་ཡེ་རེ་ཁྱིལ་ལེར་དགྱེས་བཞིན་དུ་བཞུགས་པར་བསམ མདོར་ན་དུས་དང་རྣམ་པ་ཐམས་ཅད་དུ་ཕྱི་སྣོད་ཀྱི་འཇིག་རྟེན་ཟངས་མདོག་དཔལ་རིའི་ཕོ་བྲང་ ནང་བཅུད་ཀྱི་སེམས་ཅན་དཔའ་བོ་མཁའ་འགྲོའི་ཚོམ་བུ གསང་བ་སེམས་ཀྱི་འཕྲོ་འདུ་རང་གྲོལ་བྱ་ལམ་རྗེས་མེད་དུ་ཤེས་པའི་ངང་ནས་སྙིང་པོ་བཛྲ་གུ་རུ་ཁོ་ན་ལ་འབད་ཅིང་ ཐུན་མཚམས་སུ་ཟངས་མདོག་དཔལ་རིའི་སྨོན་ལམ་འདོན་ཞིང་བསྔོ་

(༡༤༠)བས་རྒྱས་འདེབས དུས་དང་དུས་མ་ཡིན་པ་སོགས་མདོར་ན་ནམ་འཆི་བ་ལ་བབས་པའི་ཚེ་གཞི་ལུས་རྡོ་རྗེ་རྣལ་འབྱོར་མའི་རྣམ་པ་འོད་ཀྱི་གོང་བུར་གྱུར་ནས་སྤྱི་བོའི་བླ་མ་ལ་བསྟིམས བླ་མ་རང་སེམས་གཉིས་སུ་མེད་པའི་ངང་ལ་ཤེས་པ་སྤྲོ་བསྡུ་དང་བྲལ་བར་བཞག་པ་ནི་འཕོ་བ་ཐམས་ཅད་ཀྱི་རྒྱལ་པོ་ཡིན་ལ འདི་ལྟ་བུའི་མན་ངག་ནི་བསྐྱེད་རིམ་གྱི་གནད རྫོགས་རིམ་གྱི་བཅུད གནས་ལུགས་ཀྱི་མཚང་ མན་ངག་གི་མདུད་ཡིན་པས་ཆོས་སྒོ་བརྒྱད་ཁྲི་བཞི་སྟོང་ཞལ་བསྡུར་ཀྱང་གནད་འདི་ལས་ཟབ་པ་འབྱུང་མི་སྲིད་པའི་ཟབ་རྒྱ་ཡིན་པས་སྐལ་ལྡན་རྣམས་ཀྱི་སྙིང་ལ་གཅེས་པར་ཟུངས་ཞིག ཨེ་མ་ཀློང་ཆེན་སྙིང་གི་ཐིག་ལེ་ལས ཕྱི་སྒྲུབ་བླ་མའི་རྣལ་འབྱོར་སྐོར ཟབ་གཉན་བྱིན་རླབས་ཚན་ཁ་ཆེ འོད་གསལ་དབུ་མའི་ཕོ་བྲང་དུ ཤེས་རིག་པདྨ་ཐོད་ཕྲེང་གིས བྱིན་རླབས་བརྡ་བརྒྱུད་ཚུལ་དུ་གདམས འགྲོ་དོན་དུས་ལ་བབ་པའི་ཚེ ཐུགས་གཏེར་ནམ་མཁའ་མཛོད་ཀྱི་སྒོ རྟེན་འབྲེལ་ཟབ་མོའི་རྐྱེན་གྱིས་ཕྱེད ཤིན་ཏུ་ཟབ་པའི་མཐར་ཐུག་གོ ས་མ་ཡ རྒྱ་རྒྱ་རྒྱ ༈ དབང་བཞི་ལེན་པའི་དམིགས་པ་ནི བླ་མ་ལ་གདུང་བ་དྲག་པོའི་རྐྱེན་གྱིས་བདག་ཉིད་ལ་བརྩེ་བས་རྗེས་སུ་དགོངས་ཏེ། གུ་རུའི་སྨིན་མཚམས་ན་ཨོཾ་ཡིག་ཆུ་ཤེལ་ལྟ་བུར་འཚེར་བ་ལས་འོད་ཟེར་འཕྲོས། རང་གི་སྤྱི་བོ་ནས་ཞུགས། ལུས་

(༡༤༡)ཀྱི་ལས་དང་རྩའི་སྒྲིབ་པ་དག །སྐུ་རྡོ་རྗེའི་བྱིན་རླབས་ཞུགས། བུམ་པའི་དབང་ཐོབ། བསྐྱེད་རིམ་གྱི་སྣོད་དུ་གྱུར། རྣམ་སྨིན་རིགས་འཛིན་གྱི་ས་བོན་ཐེབས། སྤྲུལ་སྐུའི་གོ་འཕང་ཐོབ་པའི་སྐལ་པ་རྒྱུད་ལ་བཞག། མགྲིན་པ་ན་ཨཱཡིག་པདྨ་རཱ་ག་ལྟར་འབར་བ་ལས་འོད་ཟེར་འཕྲོས། རང་གི་མགྲིན་པ་ནས་ཞུགས། ངག་གི་ལས་དང་རླུང་གི་སྒྲིབ་པ་དག །གསུང་རྡོ་རྗེའི་བྱིན་རླབས་ཞུགས། །གསང་བའི་དབང་ཐོབ། བཟླས་བརྗོད་ཀྱི་སྣོད་དུ་གྱུར། ཚེ་དབང་རིགས་འཛིན་གྱི་ས་བོན་ཐེབས། ལོངས་སྤྱོད་རྫོགས་པའི་གོ་འཕང་གི་སྐལ་བ་རྒྱུད་ལ་བཞག །ཐུགས་ཀའི་ཧཱུྃ་ཡིག་ནམ་མཁའི་མདོག་ཅན་ལས་འོད་ཟེར་འཕྲོས། རང་གི་སྙིང་ག་ནས་ཞུགས། ཡིད་ཀྱི་ལས་དང་ཐིག་ལེའི་སྒྲིབ་པ་དག །ཐུགས་རྡོ་རྗེའི་བྱིན་རླབས་ཞུགས། ཤེས་རབ་ཡེ་ཤེས་ཀྱི་དབང་ཐོབ། བདེ་སྟོང་ཙཎྜ་ལཱིའི་སྣོད་དུ་གྱུར། ཕྱག་རྒྱའི་རིགས་འཛིན་གྱི་ས་བོན་ཐེབས། ཆོས་སྐུའི་གོ་འཕང་གི་སྐལ་བ་རྒྱུད་ལ་བཞག །སླར་ཡང་ཐུགས་ཀའི་ཧཱུྃ་ལས་ཧཱུྃ་ཡིག་གཉིས་པ་ཞིག་སྐར་མདའ་འཕངས་པ་བཞིན་དུ་ཆད། རང་སེམས་དང་ཐ་དད་མེད་པར་འདྲེས། ཀུན་གཞིའི་ལས་དང་ཤེས་བྱའི་སྒྲིབ་པ་སྦྱངས། །

(༡༤༢)ཡེ་ཤེས་རྡོ་རྗེའི་བྱིན་རླབས་ཞུགས། ཚིག་གིས་མཚོན་པ་དོན་དམ་གྱི་དབང་ཐོབ། ཀ་དག་རྫོགས་པ་ཆེན་པོའི་སྣོད་དུ་གྱུར། ལྷུན་གྲུབ་རིགས་འཛིན་གྱི་ས་བོན་ཐེབས། མཐར་ཐུག་གི་འབྲས་བུ་ངོ་བོ་ཉིད་སྐུའི་སྐལ་བ་རྒྱུད་ལ་བཞག་གོ །དེ་རྗེས་གུ་རུའི་སྐུ་གསུང་ཐུགས་དང་རང་གི་སྒོ་གསུམ་དུ་མ་རོ་གཅིག་ཏུ་བསྲེས་པའི་ངང་ལ་ལྟ་བའི་ངང་མདངས་བསྐྱང་ཞིང་གསོལ་འདེབས་བསྙེན་པ་ལ་འབད། འདི་ནི་བླ་མ་ཆོས་སྐུའི་ཞལ་ལྟ་བ་ཞེས་བྱའོ

(༡༤༣)དཀྱིལ་འཁོར་ཐམས་ཅད་ཀྱི་ངོ་བོ་བླ་མ་མཆོད་པའི་ཆོ་ག་དངོས་གྲུབ་རྒྱ་མཚོ་ཞེས་བྱ་བ་བཞུགས།། །།

(༡༤༤)གང་ཞིག་བསམ་གྱིས་མི་ཁྱབ་པའི། །ཡེ་ཤེས་ལྷན་ཅིག་སྐྱེས་པ་ནི། །བླ་མའི་བྱིན་གྱིས་ཐོབ་པའི་ཕྱིར། །དེ་ཉིད་མཆོད་པའི་ཆོ་ག་བཤད། །དེ་ལ་དུས་གསུམ་གྱི་སངས་རྒྱས་ཐམས་ཅད་ཀྱང་བླ་མའི་ཐུགས་རྗེ་དང་བྱིན་རླབས་ལ་བརྟེན་ནས་གྲོལ་ཞིང་དགྲོལ་བར་འགྱུར་བ་འབའ་ཞིག་ལས་སྟེས་དབང་དང་རང་བཟོས་གྲོལ་བ་མ་ཡིན་པའི་ཚུལ་ཡེ་ཤེས་གྲུབ་པ་ལས། སྐྱ་བ་འཛིན་པ་མེད་པར་ནི། །གྲུས་ཀྱང་ཕ་རོལ་ཕྱིན་མི་འགྱུར། །ཡོན་ཏན་ཐམས་ཅད་ཀུན་རྫོགས་ཀྱང་། །བླ་མ་མེད་ན་སྲིད་མཐའ་མིན། །ཞེས་སོ། །དེ་བས་ན་སྒོམ་པ་ཐམས་ཅད་ཀྱི་ནང་ནས་བླ་མ་སྒོམ་པ་དང་། མཆོད་པ་ཐམས་ཅད་ཀྱི་ནང་ནས་བླ་མ་མཆོད་པ་ལས་ལྷག་པའི་བསོད་ནམས་མེད་པའི་ཚུལ་ནམ་

(༡༤༥)མཁའ་ཀློང་ཡངས་ལས། ལྷ་སྐུ་འབུམ་ཕྲག་སྟོང་བསྒོམས་པས། །བླ་མའི་མོས་པ་ཁྱད་པར་འཕགས། །ཞེས་དང་། དེའི་ཚུལ་ཡང་བསྐྱེད་རྫོགས་གཞན་དག་བསྙེན་སྒྲུབ་ལས་སྦྱོར་དང་བོགས་འདོན་གྱི་གྲོགས་རྐྱེན་ལ་ལྟོས་པ་ལས་རང་ངོ་དེས་མི་གྲོལ་ལ། འདིར་ནི་བླ་མའི་སྣང་བ་མ་བྲལ་ན། །སངས་རྒྱས་རྣམས་དང་འབྲལ་མེད་གནས། །ཞེས་དང་། རྒྱུད་སྡེ་ལྔ་བཅུ་པ་ལས། གཡོ་མེད་མོས་གུས་ཟླ་དྲུག་གིས། །རྡོ་རྗེ་འཆང་གི་ས་ཐོབ་འགྱུར། །ཞེས་པ་ལ་དགོངས་ནས། །སྡོམ་འབྱུང་ལས། མཆོད་པ་ཐམས་ཅད་ཡོངས་སྤངས་ཏེ། །བླ་མ་མཆོད་པ་ཡང་དག་བརྩམ། །འདི་མཉེས་པས་ནི་ཀུན་མཁྱེན་གྱི། །ཡེ་ཤེས་མཆོག་ནི་ཐོབ་པར་འགྱུར། །

(༡༤༦)ཞེས་པས་འདིར་དེའི་ཚུལ་ལག་ཏུ་བླང་བའི་ཆོ་ག་ལ་སྦྱོར་དངོས་རྗེས་གསུམ་ལས། དང་པོ་ནི། དབང་དང་འབྲེལ་ན་ཚོན་དཀྱིལ་གཉིས་གང་རུང་གི་དཀྱིལ་འཁོར་སྒོ་རྫོགས་ཅན་སྤྱི་དང་མཐུན་པ་ལ་དབུས་ནས་རིམ་པར་རིན་ཆེན་ཟུར་བརྒྱད། རིག་འཛིན་སྣམ་བུ། པད་འདབ་བཅུ་བཞི། ཉེར་བཞི། ཞེ་ལྔ་པ་རྣམས་ལ་ལྷ་གནས་ཀྱི་དྲིའི་ཐིག་ལེ་བཀོད་པའི་ཤར་སྒོའི་གཡས་གཡོན་དུ་དབང་རྫས་ཀྱང་བཤམ། ཚོགས་གསོག་སྤྱིར་བཏང་ཙམ་ལ་དཀྱིལ་འཁོར་མ་གྲུབ་ན་བྲིས་སྐུ་ལ་སོགས་པའི་རྟེན་དང་སྤྱན་གཟིགས་དགྲམ། མཆོད་གཏོར་དང་ཚོགས་ཀྱི་འཁོར་ལོའི་ལོངས་སྤྱོད་རྒྱ་ཆེན་པོ་འདུ་བྱ་བ་ནི་ཅི་ནས་ཀྱང་གལ་ཆེའོ། །གཉིས་པ་དངོས་གཞི་ལ་རྣམ་གྲངས་ཉེར་གཅིག་ལས། དང་པོ་སྐྱབས་སེམས་ནི། སངས་རྒྱས་ཆོས་དང་ཚོགས་སོགས་ལན་གསུམ། །གཉིས་པ་བླ་མའི་མོས་གུས་ལ་བརྟེན་ནས་རྒྱུད་སྦྱོང་བ་ནི། མོས་གུས་དྲག་པོས། སྙིང་དབུས་དད་པའི་གེ་སར་བཞད་པ་ནས། །སྐྱབས་གཅིག་དྲིན་ཅན་བླ་མ་ཡར་ལ་བཞེངས། །ལས་དང་ཉོན་མོངས་དྲག་པོས་གཟིར་བ་ཡི། །སྐལ་པ་ངན་པ་བདག་ལ་སྐྱོབ་པའི་ཕྱིར། །སྤྱི་བོ་བདེ་ཆེན་འཁོར་ལོའི་རྒྱན་དུ་བཞུགས། །དྲན་དང་ཤེས་བཞིན་ཀུན་ཀྱང་བཞེངས་སུ་གསོལ། །ད་རེས་དམྱལ་བ་ཡི་དྭགས་དུད་འགྲོ་དང་། །ཚེ་རིང་ལྷ་དང་

(༡༤༧)ཀླ་ཀློ་ལོག་ལྟ་ཅན། །སངས་རྒྱས་མ་བྱོན་ཞིང་དང་ལྐུགས་པ་སྟེ། །མི་ཁོམ་བརྒྱད་ལས་ཐར་པའི་དལ་བ་ཐོབ། །མིར་གྱུར་དབང་པོ་ཚང་དང་ཡུལ་དབུས་སྐྱེས། །ལས་མཐའ་མ་ལོག་བསྟན་ལ་དད་པ་སྟེ། །རང་ཉིད་འབྱོར་པ་ལྔ་ཚང་སངས་རྒྱས་བྱོན། །ཆོས་གསུངས་བསྟན་པ་གནས་དང་དེ་ལ་ཞུགས། །བཤེས་གཉེན་དམ་པས་ཟིན་དང་གཞན་འབྱོར་ལྔ། །ཐམས་ཅད་རང་ལ་ཚང་བའི་གནས་ཐོབ་ཀྱང་། །རྐྱེན་མང་ངེས་པ་མེད་པའི་ཚེས་སྤངས་ནས། །འཇིག་རྟེན་ཕ་རོལ་ཉིད་དུ་སོན་པར་འགྱུར། །བློ་སྣ་ཆོས་ལ་བསྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །ད་རེས་དལ་རྟེན་དོན་ཡོད་མ་བྱས་ན། །ཕྱི་ནས་ཐར་པ་བསྒྲུབ་པའི་རྟེན་མི་རྙེད། །བདེ་འགྲོའི་རྟེན་ལ་བསོད་ནམས་ཟད་གྱུར་ནས། །ཤི་བའི་འོག་ཏུ་ངན་སོང་ངན་འགྲོར་འཁྱམ། །དགེ་སྡིག་མི་ཤེས་ཆོས་ཀྱི་སྒྲ་མི་ཐོས། །དགེ་བའི་བཤེས་དང་མི་མཇལ་མཚང་རེ་ཆེ། །སེམས་ཅན་ཙམ་གྱི་གྲངས་དང་རིམ་པ་ལ། །བསམས་ན་མི་ལུས་ཐོབ་པ་སྲིད་མཐའ་ཙམ། །མི་ཡང་ཆོས་མེད་སྡིག་ལ་སྤྱོད་མཐོང་ན། །ཆོས་བཞིན་སྤྱོད་པ་ཉིན་མོའི་སྐར་མ་ཙམ། །བློ་སྣ་

(༡༤༨)ཆོས་ལ་བསྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །གལ་ཏེ་མི་ལུས་རིན་ཆེན་གླིང་ཕྱིན་ཡང་། །ལུས་རྟེན་བཟང་ལ་བྱུར་པོ་ཆེ་ཡི་སེམས། །ཐར་པ་བསྒྲུབ་པའི་རྟེན་དུ་མི་རུང་ཞིང་། ཁྱད་པར་བདུད་ཀྱིས་ཟིན་དང་དུག་ལྔ་འཁྲུགས། །ལས་ངན་ཐོག་ཏུ་བབས་དང་ལེ་ལོས་གཡེང་། །གཞན་ཁོལ་བྲན་གཡོག་འཇིགས་སྐྱོབ་ཆོས་ལྟར་བཅོས། །རྨོངས་སོགས་འཕྲལ་བྱུང་རྐྱེན་གྱི་མི་ཁོམ་བརྒྱད། །བདག་ལ་ཆོས་ཀྱི་འགལ་ཟླར་ལྷགས་པའི་ཚེ། །བློ་སྣ་ཆོས་ལ་བསྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །སྐྱོ་ཤས་ཆུང་ཞིང་དད་པའི་ནོར་དང་བྲལ། །འདོད་སྲེད་ཞགས་པས་བཅིངས་དང་ཀུན་སྤྱོད་རྩུབ། །མི་དགེ་སྡིག་ལ་མི་འཛེམ་ལས་མཐའ་ལོག །སྡོམ་པ་ཉམས་ཤིང་དམ་ཚིག་རལ་བ་སྟེ། །རིས་ཆད་བློ་ཡི་མི་ཁོམ་རྣམ་པ་བརྒྱད། །བདག་ལ་ཆོས་ཀྱི་འགལ་ཟླར་ལྷགས་པའི་ཚེ། །བློ་སྣ་ཆོས་ལ་བསྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །

(༡༤༩)ད་ལྟ་ནད་དང་སྡུག་བསྔལ་གྱིས་མ་གཟིར། །བྲན་ཁོལ་ལ་སོགས་གཞན་དབང་མ་གྱུར་བས། །རང་དབང་ཐོབ་པའི་རྟེན་འབྲེལ་འགྲིག་དུས་འདིར། །སྙོམས་ལས་ངང་དུ་དལ་འབྱོར་ཆུད་གསོན་ན། །འཁོར་དང་ལོངས་སྤྱོད་ཉེ་དུ་འབྲེལ་བ་ལྟ། །ལྟ་ཅིག་ཅེས་པར་བཟུང་བའི་ལུས་འདི་ཡང་། །མལ་གྱི་ནང་ནས་ས་ཕྱོགས་སྟོང་པར་བསྐྱལ། །ཝ་དང་བྱ་རྒོད་ཁྱི་ཡིས་འདྲད་པའི་དུས། །བར་དོའི་ཡུལ་ན་འཇིག་པ་ཤིན་ཏུ་ཆེ། །བློ་སྣ་ཆོས་ལ་བསྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །དགེ་སྡིག་ལས་ཀྱི་རྣམ་སྨིན་ཕྱི་བཞིན་འབྲང་། ཁྱད་པར་དམྱལ་བའི་འཇིག་རྟེན་ཉིད་སོན་ན། །ལྕགས་བསྲེགས་ས་གཞིར་མཚོན་གྱིས་མགོ་ལུས་འབྲལ། །སོག་ལེས་གཤོག་དང་ཐོ་ལུམ་འབར་བས་འཚིར། །སྒོ་མེད་ལྕགས་ཁྱིམ་འཐུམས་པར་འོ་དོད་འབོད། །འབར་བའི་གསལ་ཤིང་གིས་འབུགས་ཁྲོ་ཆུར་འཚོད། །ཀུན་ནས་ཚ་བའི་མེར་བསྲེགས་བརྒྱད་ཚན་གཅིག །གངས་རི་སྟུག་པོའི་འདབས་དང་ཆུ་འཁྱགས་ཀྱི། །གཅོང་རོང་ཡ་ངའི་གནས་སུ་བུ་ཡུགས་སྦྲེབས། །གྲང་

(༡༥༠)རེག་རླུང་གིས་བཏབ་པའི་ལང་ཚོ་ནི། །ཆུ་བུར་ཅན་དང་ལྷག་པར་བརྡོལ་བ་ཅན། །སྨྲེ་སྔགས་རྒྱུན་མི་ཆད་པར་འདོན་པ་ཡང་། །ཚོར་བའི་སྡུག་བསྔལ་བརྣག་པར་དཀའ་བ་ཡི། །ཟུངས་ཀྱིས་རབ་བཏང་འཆི་ཁའི་ནད་པ་བཞིན། །ཤུགས་རིང་འདོན་ཞིང་སོ་ཐམ་པགས་པ་འགས། །ཤའུ་ཐོན་ནས་ལྷག་པར་འགས་ཏེ་བརྒྱད། །དེ་བཞིན་སྤུ་གྲིའི་ཐང་ལ་རྐང་པ་གཤོགས། །རལ་གྲིའི་ཚལ་དུ་ལུས་ལ་བཅད་གཏུབས་བྱེད། །རོ་མྱགས་འདམ་ཚུད་ཐལ་ཚན་རབས་མེད་ཀློང་། །མནར་བའི་ཉེ་འཁོར་བ་དང་འགྱུར་བ་ཅན། །སྒོ་དང་ཀ་བ་ཐབ་དང་ཐག་པ་སོགས། །རྟག་ཏུ་བཀོལ་ཞིང་སྤྱོད་པའི་ཉི་ཚེ་བ། །རྣམ་གྲངས་བཅོ་བརྒྱད་གང་ལས་འབྱུང་བའི་རྒྱུ། །ཞེ་སྡང་དྲག་པོའི་ཀུན་སློང་སྐྱེས་པའི་ཚེ། །བློ་སྣ་ཆོས་ལ་བསྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཆེན་བླ་མ་མཁྱེན། །དེ་བཞིན་ཕོངས་ལ་ཉམས་མི་དགའ་བའི་ཡུལ། །བཟའ་བཏུང་ལོངས་སྤྱོད་མིང་ཡང་མི་གྲག་པར། །ཟས་སྐོམ་ལོ་ཟླར་མི་རྙེད་ཡི་དྭགས་ལུས། །རིད་ཅིང་ལྡེང་བའི་སྟོབས་ཉམས་རྣམ་པ་གསུམ། །གང་ལས་འབྱུང་

(༡༥༡)བའི་རྒྱུ་ནི་སེར་སྣ་ཡིན། །གཅིག་ལ་གཅིག་བཟའ་གསོད་པའི་འཇིགས་པ་ཆེ། །བཀོལ་ཞིང་སྤྱོད་པས་ཉམ་ཐག་བླང་དོར་རྨོངས། །ཕ་མཐའ་མེད་པའི་སྡུག་བསྔལ་གྱིས་གཟིར་བའི། །ས་བོན་གཏི་མུག་མུན་པར་འཁྱམས་པ་བདག །བློ་སྣ་ཆོས་ལ་བསྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །ཆོས་ལམ་ཞུགས་ཀྱང་ཉེས་སྤྱོད་མི་སྡོམ་ཞིང་། །ཐེག་ཆེན་སྒོར་ཞུགས་གཞན་ཕན་སེམས་དང་བྲལ། །དབང་བཞི་ཐོབ་ཀྱང་བསྐྱེད་རྫོགས་མི་སྒོམ་པའི། །ལམ་གོལ་འདི་ལས་བླ་མས་བསྒྲལ་དུ་གསོལ། །ལྟ་བ་མ་རྟོགས་ཐོ་ཅོའི་སྤྱོད་པ་ཅན། །སྒོམ་པ་ཡེངས་ཀྱང་གོ་ཡུལ་འུད་གོག་འཐག །སྤྱོད་པ་ནོར་ཀྱང་རང་སྐྱོན་མི་སེམས་པའི། །ཆོས་དྲེད་འདི་ལས་བླ་མས་བསྒྲལ་དུ་གསོལ། །ནངས་པར་འཆི་ཡང་གནས་གོས་ནོར་ལ་སྲེད། །ན་ཚོད་ཡོལ་ཡང་ངེས་འབྱུང་སྐྱོ་ཤས་བྲལ། །ཐོས་པ་ཆུང་ཡང་ཡོན་ཏན་ཅན་དུ་རློམ། །མ་རིག་འདི་ལས་བླ་མས་བསྒྲལ་དུ་གསོལ། །རྐྱེན་ཁར་འཆོར་ཡང་འདུ་འཛི་གནས་སྐོར་སེམས། །དབེན་པ་བརྟེན་ཀྱང་རང་རྒྱུད་ཤིང་ལྟར་རེངས། །དུལ་བར་སྨྲ་ཡང་ཆགས་

(༡༥༢)སྡང་མ་ཞིག་པའི། །ཆོས་བརྒྱད་འདི་ལས་བླ་མས་བསྒྲལ་དུ་གསོལ། །གཉིད་འཐུག་འདི་ལས་མྱུར་དུ་སད་དུ་གསོལ། ཁྲི་མུན་འདི་ལས་མྱུར་དུ་དབྱུང་དུ་གསོལ། །ཞེས་འབོད་པ་དྲག་པོས་ཐུགས་རྗེ་ལྷོངས་པར་བྱའོ། །གསུམ་པ་ཐེག་པ་ཆེན་པོའི་ལམ་གྱི་རྩ་བ་བྱང་སྡོམ་བླང་བའི་ཐོག་མར་ཚོགས་གསོག་ནི། །གང་ཞིག་ལུས་པ་མེད་པའི་སེམས་ཅན་གྱི། །མགོན་དང་དཔུང་གཉེན་གྱུར་ཀྱང་བདུད་སྡེའི་དགྲ། །ཇི་ལྟ་ཇི་སྙེད་མཁྱེན་ཅིང་གཟིགས་པ་ཡི། །བཅོམ་ལྡན་བདག་གི་སྡུམ་པར་མཆིས་སུ་གསོལ། །ལས་ཀྱིས་སྤྲུལ་པ་མ་ཡིན་འབྱོན་པའི་ཤུལ། ཁྲུས་ཀྱི་ཁང་བུ་བརྩེགས་པ་དྲི་བསུང་ཅན། །ཤེལ་དང་ནོར་བུའི་ས་གཞི་ཀ་བར་ལྡན། །གཡུ་དམར་མུ་ཏིག་བླ་བྲེ་དཔྱངས་པ་དེར། །བདེ་གཤེགས་རིགས་ཀྱི་བུ་མཆོག་བཅས་པ་ལ། །སྤོས་ཆུས་གང་བའི་ནོར་བུའི་བུམ་པ་ནས། ཁྲུས་ཀྱི་རིམ་གྲོ་བགྱིད་པའི་སྨིན་ལེགས་མ། །གླུ་གར་རོལ་མོའི་འགྱུར་བ་འགྲན་ལ་བརྩོན། །ཉེ་རེག་ཆོ་ག་མཁས་པའི་རི་དྭགས་མིག །དྲིལ་ཕྱིས་བསྐུ་མཉེའི་སྲི་ཞུས་གཡེང་བ་ཡང་། ཁ་དོག་གཅིག་ཏུ་མི་གནས་དབང་པོའི་ཚོན། །ཐགས་སུ་བཏགས་པ་མེད་པའི་ལྷ་རྫས་ཉོ། །དཔག་བསམ་ལྗོན་པས་བཙོད་པའི་པཉྩ་ལི། །ལྗིད་ཀྱི་ནོན་

(༡༥༣)སྤངས་སྲབ་འཇམ་ཡངས་པའི་གོས། །དྲི་དང་སྤོས་ཆུས་བགོས་ཤིང་བྱུགས་པ་དང་། །རིན་ཐང་བརྗོད་ལ་ཁྲེལ་བའི་རིན་ཆེན་རྒྱན། །གདུ་བུ་དཔུང་རྒྱན་སྙན་ཆ་ཅོད་པན་སོགས། །འདོད་པའི་ཡོན་ཏན་སྤངས་པའི་ ཐུབ་དབང་ཀྱང་། །བཀྲེན་ལྡན་བསོད་ནམས་སླད་དུ་བདག་གིར་བཞེས། །འཇིག་རྟེན་དབང་ཕྱུག་ལ་སོགས་ཉེ་བའི་སྲས། །ངན་སོང་ཀུན་འདྲེན་ལ་སོགས་བསྐལ་བཟང་གི། །སེམས་དཔའ་བཅུ་དྲུག་དང་ནི་ཁྱིམ་པའི་ཚུལ། །ཆོས་འཕགས་རྟག་ཏུ་དུ་དང་ལི་ཙ་བྱི། །དྲི་མ་མེད་པར་གྲགས་ལའང་དབུལ་བར་བགྱི། །སྟོང་གསུམ་ཅིག་ཆར་ཁྱབ་པའི་དྲིའི་བཞོན་པར། །འཁྱུད་པའི་ཙན་དན་སྤོས་ཀྱི་བསུང་ཞིམ་དྲིས། །བསོད་ནམས་བྱེ་བའི་འབྱུང་གནས་མཚན་དཔེའི་བྱད། །གསེར་སྦྱངས་བརྟན་པ་འཕྲོག་ལ་བྱུག་བར་བགྱི། །བཏང་སྙོམས་ཡངས་པའི་ཤེལ་གྱི་ས་གཞི་ལ། །བྱམས་པའི་པདྨོ་གེ་སར་སྟོང་བརྡལ་བར། །སྙིང་རྗེའི་ཉི་ཟླ་བཀྲག་ཏུ་འཚེར་བ་བསྟར། །དགའ་ཆེན་བཅོམ་ལྡན་སྲས་བཅས་བཞུགས་སུ་གསོལ། །བབས་ཅོལ་གོམས་པ་མིན་པའི་ལུས་བཏུད་ཀྱིས། །སྙིང་ཁར་གུས་བཅས་མངོན་རྟོགས་ངོམས་པ་ལ། །མེ་ཏོག་དོག་པས་རབ་བཟུང་སྙིམ་པའི་

(༡༥༤)སྣོད། །ག་བུ་ཆུང་གི་བརྟུལ་ཞུགས་འཛིན་པ་ཡིན། །རིག་དང་ཞབས་སུ་ལྡན་སོགས་བདེ་གཤེགས་ཀྱི། །ཡོན་ཏན་མཐའ་དག་གནས་ཀྱི་བསྐལ་པ་བཞིན། །དད་པའི་སྐྱེད་མོས་ཚལ་དུ་འོངས་པའི་མོད། །སྐྱོ་བ་མིན་པའི་བ་སྤུ་གཅིག་ཏུ་ཟིང་། །ཟླ་གཞོན་ཁྲུས་ལ་འཇུག་པའི་རྫིང་བུའི་ནང་། །རྨ་བྱའི་བུ་མོ་འཇོ་སྒེག་རོལ་པ་ལྟའི། །ལང་ཚོའི་གྲངས་སྙེད་རྡུལ་གྱི་རྣམ་གྲངས་དང་། །ཤིན་ཏུ་འཕྲུལ་བ་སྐྱེད་བྱེད་ཕྱག་གིས་བྲེལ། །གཏོང་བའི་ཡན་ལག་རྫོགས་པའི་དངོས་འབྱོར་དང་། །དེས་ཀྱང་མཚོན་པ་དཔེ་མེད་ཡིད་ཀྱིས་སྤྲུལ། །བླ་ན་མཆིས་པ་མ་ཡིན་མཆོད་པའི་སྤྲིན། །ཀུན་ཏུ་བཟང་པོའི་ཡན་ལ་ཕྲག་དོག་བགྱིད། །མུ་ཅོར་སྨྲ་བའི་ལས་དང་བག་ཆགས་སྡིག །དགེ་ལ་འཇིགས་ནས་གཞན་དུ་བྲོས་པའི་གཟུགས། །སྲིད་པའི་མུན་ནག་སྟུག་པོར་འཆབ་པ་ཀུན། །སྟོབས་བཞིའི་ཉིན་བྱེད་འབར་བས་སྦྱངས་ཤིང་བཤགས། །སྦྱོར་བ་གང་གིས་བདག་ཉིད་མ་འཁྲུགས་བཞིན། །བསམ་པའི་ཁྱད་པར་གཅིག་གིས་གཞན་དག་གི། །རྣམ་དཀར་ཡུད་ལ་འཕྲོག་པའི་ཆོམ་རྐུན་གྱི། །བརྟུལ་ཞུགས་རྗེས་སུ་ཡི་རང་ཁོ་ནས་བྱས། །ཐར་མེད་འཁོར་བའི་སྤྱོད་པ་མ་དུལ་ཞིང་། །རྣམ་

(༡༥༥)པར་སྲ་མཁྲེགས་ཐ་བ་གང་གིས་ཀྱང་། །གདུལ་ཐབས་བརྟན་པ་བྲལ་ལ་ཆོས་འཁོར་གྱི། །རྩིབས་རྣོན་མུ་ཁྱུད་འཛིན་དེ་བསྐོར་བར་བསྐུལ། །རྒྱལ་དང་དེ་སྲས་རྣམས་ཀྱིས་སྤངས་གྱུར་པའི། །འགྲོ་འདིས་སྡུག་བསྔལ་གནས་སྐབས་རྟེན་མཐོང་ནས། །མྱ་ངན་འདའ་བ་མེད་པའི་གདན་ཁྲི་ལ། །དངོས་པོ་ཀུན་གྱི་རིན་ཐང་གཅིག་ཏུ་སྤུངས། །བདག་ཏུ་ལྟ་བས་འདར་བའི་རྣམ་དཀར་ཡང་། །སྲིད་པར་ལན་གཅིག་མཐོ་བའི་ཆོ་ངེ་སྟེ། །བྱང་ཆུབ་བསྔོ་བའི་གསེར་འགྱུར་རྩིས་ཐེབས་པ། །འདི་ནི་སྟོན་པ་གཞན་གྱི་ལུགས་ལ་མེད། །ཆོག་ཤེས་བདུད་རྩིའི་བཏུང་བས་མ་ངོམས་ན། །སྐྱེས་བུའི་ཡིད་ལ་མ་བཟུང་མཆོད་སྤྲིན་ཡང་། །ཚིག་གི་ཕ་མཐར་འཁྱམ་ལ་སྐྲག་གྱུར་ནས། །བདག་ལུས་གཏན་དུ་དབུལ་ལའང་དོ་གལ་བགྱིད། །དཀོན་མཆོག་གསུམ་གྱི་འབངས་སུ་དམ་བཅས་པའི། །གྲིབ་བསིལ་སོ་ཀའི་མེ་ཏོག་འཇོ་སྒེག་ཅན། །རྣམ་ཀུན་འཁྲུགས་པའི་གཤིན་རྗེའི་མདུན་སར་ཡང་། །ཁྲོ་གཉེར་འཇིག་པའི་རིན་ཐང་ཟད་མི་ཤེས། །དེས་ནི་གཏི་མུག་མཐུས་ནོན་སྡིག་ལྡན་བདག །བྱི་དོར་ཤིན་ཏུ་བརྟེན་པའི་དངས་ཤེལ་ལྟར། །བསོད་ནམས་རྙོག་པ་དྭངས་པའི་སེམས་

(༡༥༦)ཀྱི་ནང་། །སེམས་བསྐྱེད་ཆོ་གས་ཐོབ་པའི་གཟུགས་བརྙན་རྔོམ། །ཉེས་པ་བརྒྱ་ཕྲག་གཡང་སར་ལྷུང་བ་ཡི། །རིམས་ཀྱིས་ཤིན་ཏུ་བཏབ་པའི་ནད་པ་རྣམས། །གསོ་དཔྱད་ཕལ་པའི་མདུན་སར་དབུགས་མི་ཕྱིན། །སྨན་པ་མཆོག་ལ་སྐྱབས་སུ་ལྷག་པར་དོང་། །མོས་པ་གང་གི་སླད་དུ་འདིར་གཤེགས་ནས། །སེམས་ཅན་ཁམས་ལ་དགོངས་པའི་དཀོན་མཆོག་ནི། །ཐེག་པ་ཆེན་པོའི་སྐྱེས་བུ་འབའ་ཞིག་པའི། །ཚོགས་ཀྱི་དབུས་ན་ལྷམ་མེར་མཛེས་པ་ལ། །སྐྱབས་སུ་འགྲོ་བ་གསུམ་གྱི་གཞི་བཅས་ལ། །དགོངས་སུ་གསོལ་བ་གསུམ་གྱིས་སད་བྱས་ནས། །རྒྱལ་བ་སྲས་དང་བཅས་པའི་ཐུགས་བསྐྱེད་དང་། །བསླབ་པའི་བརྟུལ་ཞུགས་མཐའ་དག་བླང་བ་ཡིན། །ཉོན་སྒྲིབ་ཟུག་རྔུའི་དུམ་བུ་བཅད་གྱུར་ཀྱང་། །ཤེས་སྒྲིབ་ཡུལ་གྱི་རོ་ལ་བཅགས་པ་ཡི། །ཉན་རང་དགྲ་བཅོམ་མ་བསྒྲལ་བ་ལས་བསྒྲལ། །གཉིས་ཀའི་འཆིང་བས་ཀུན་ནས་དཀྲིགས་པ་ཡི། །ཚངས་པ་ལ་སོགས་སོ་སོའི་སྐྱ་བོ་ནས། །སློབ་པ་འཕགས་པའི་བར་ལ་གནས་པ་ཡི། །སེམས་ཅན་མ་གྲོལ་བ་རྣམས་དགྲོལ་བ་དང་། །ཤིན་ཏུ་སྡུག་བསྔལ་དྲག་པོའི་ཤུགས་རིང་ལས། །དབུགས་འབྱིན་ཐོབ་

(༡༥༧)བ་མེད་པའི་ངན་སོང་གསུམ། །དབུགས་འབྱིན་ཆེན་པོའི་གནས་ལ་སྦྱར་བ་དང་། །མདོར་ན་རྟེན་ཅིང་འབྲེལ་འབྱུང་བཅུ་གཉིས་ཀྱི། །འཁོར་ལོའི་རྒྱར་ཆུད་སེམས་ཅན་ཡོད་དོ་ཅོག །མི་གནས་ཡེ་ཤེས་མྱ་ངན་འདས་པའི་གྲོང་། །འགོད་བྱེད་ཆོ་གས་བཟུང་བའི་བརྗོད་པ་ནི། །སྔོན་བྱོན་དྲང་སྲོང་རྣམས་ཀྱི་ལུགས་ལ་བརྟེན། །བཞི་པ་ཆོད་མེད་བཞི་བསྒོམ་པ་ནི། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་སོགས་ལན་གསུམ། ལྔ་པ་སྨོན་འཇུག་སྟབས་གཅིག་ཏུ་བླང་པ་ནི། བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། །ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང་། །བྱང་ཆུབ་སེམས་དཔའི་བསླབ་པ་ལ། །དེ་དག་རིམ་བཞིན་གནས་པ་ལྟར། །བདག་ཀྱང་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང་། །དེ་བཞིན་དུ་ནི་བསླབ་པ་ལ། །རིམ་པ་བཞིན་དུ་བསླབ་པར་བགྱི། །ལན་གསུམ། དྲུག་པ་སེམས་གཟེངས་བསྟོད་པ་ནི། །སྔོན་ཆད་གཞན་གྱི་དོན་ལ་ལྟ་ཅི་སྨོས། །རང་དོན་ཉིད་དུ་རྨི་བའང་མ་མྱོང་

(༡༥༨)བའི། །རིན་ཆེན་སེམས་ཀྱི་ཁྱད་པར་དམ་པ་འདིས། །བདག་གི་སྲིད་པ་རིན་ཐང་མེད་པ་བྱས། །རིགས་ལས་ཉམས་པ་གང་ཞིག་ཆོ་རིགས་ཀྱིས། །ལྷག་པར་བཙུན་པའི་གནས་ཐོབ་ཇི་བཞིན་དུ། །རྒྱལ་བ་ཀུན་གྱི་སྲས་སུ་དེང་གྱུར་པས། །བྱང་ཆུབ་སེམས་དཔའི་མིང་གི་ཅོད་པན་འཐོབ། །སྲིད་གསུམ་བདག་པོ་བྱས་དང་དེ་ཉིད་ཀྱིས། །རྨོངས་པའི་བླ་དྭགས་དབྱངས་ལའང་དགའ་བྱེད་ན། །བྱང་ཆུབ་སེམས་དཔའི་གནས་ཐོབ་དེ་རིང་ཙམ། །དགའ་བའི་འཁྲི་ཤིང་སློང་ལ་ལྷ་ཡང་ཕྱོགས། །འཆི་བདག་འཇོམས་པའི་བདུད་རྩི་མི་ཟད་གཏེར། །དབུལ་བ་སེལ་བའི་ནོར་དང་ནད་ཞིའི་སྨན། །སྲིད་ལམ་དུབ་པའི་མགྲོན་པོའི་ངལ་སྟེགས་ཕྱིར། །བདག་ནི་དེང་ནས་འགྲོ་བའི་ཉེར་འཚོར་གྱུར། །བདུན་པ་བགེགས་ལ་བཀའ་བསྒོ་བ་ནི། །ཨེ་མ་ང་ནི་རང་བྱུང་བ། ཁྲོ་རྒྱལ་དཔལ་ཆེན་ཉིད་ཀྱི་སྐུ། །དངོས་གྲུབ་བར་ཆད་བྱེད་པའི་བགེགས། །འདི་རུ་མ་འདུག་གཞན་དུ་སོང་། །ཅི་སྟེ་འགྲོ་བར་མི་བྱེད་ན། །མགོ་བོ་ཚལ་པ་བརྒྱར་འགས་ཤིང་། །ལུས་ནི་དུམ་བུ་སྟོང་དུ་གཏུབས། །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ། བརྒྱད་པ་མཚམས་གཅོད་ནི། ཧཱུྃ། སྟེང་འོག་ཕྱོགས་མཚམས་ཡེ་ཤེས་མེ་དཔུང་འབར། །རྡོ་རྗེའི་ར་

(༡༥༩)བ་དྲྭ་བ་གུར་དང་ནི། །བླ་རེ་མཚོན་ཆའི་འཁོར་ལོས་ནམ་མཁའ་ཁྱབ། ཁྲོ་བོ་ཁྲོ་མོ་དཔལ་ཆེན་རྔམས་པའི་ཚོགས། །སྤྲིན་ཕུང་འཁྲིགས་ཤིང་ཧཱུྃ་སྒྲ་དི་རི་རི། ཧཱུྃ་ཧཱུྃ་ཧཱུྃ། དགུ་པ་མཆོད་རྫས་བྱིན་གྱིས་རློབ་པ་ནི། །ཨ་མྲྀ་ཏས་བསང་སྦྱངས། སྟོང་པའི་ངང་ལས་ལྷ་རྫས་དང་ཏིང་ངེ་འཛིན་ལས་གྲུབ་པའི་ཕྱི་ནང་གསང་བའི་མཆོད་སྤྲིན་ངོ་བོ་ཡེ་ཤེས་ཀྱི་བདུད་རྩི་ལ་རྣམ་པ་འདོད་ཡོན་གྱི་སྤྲིན་ཕུང་ཟད་མི་ཤེས་པ་ཀུན་ཏུ་བཟང་པོའི་མཆོད་པའི་རྣམ་རོལ་དུ་རྒྱས་པར་གྱུར་ཅིག །ན་མསརྦ་ཏ་ཐཱ་ག་ཏ་སོགས་དང་། །སྨན་གཏོར་རཀྟའི་སྔགས་ཀྱིས་བརླབ། བཅུ་པ་ཚོགས་ཞིང་བསྒྲུབ་པ་ནི། །བདག་མདུན་བླ་འོག་ལྟར་གསལ་ཀྱང་སྤྱི་བོ་ཆེར་སོན་པ་དང་། །ཚོགས་ཞིང་ཆུང་ངུར་སོན་པའི་ཀུན་རྟོག་རང་རྒྱུད་པ་སྤངས་ཏེ་ཏིང་ངེ་འཛིན་གྱི་རྣམ་འཕྲུལ་བསམ་གྱིས་མི་ཁྱབ་པ་ཉམས་འོག་ཏུ་ཆུད་པས། ཨོཾ་སྭ་བྷཱ་ཝས་སྟོང་པར་སྦྱངས། རང་སྣང་ལྷུན་གྲུབ་དག་པ་རབ་འབྱམས་ཞིང་། །བཀོད་པ་རབ་རྫོགས་ཟངས་མདོག་དཔལ་རིའི་དབུས། །རང་ཉིད་རྗེ་བཙུན་རྡོ་རྗེ་རྣལ་འབྱོར་མ། །ཞལ་གཅིག་ཕྱག་གཉིས་དམར་གསལ་གྲི་ཐོད་འཛིན། །ཞབས་གཉིས་དོར་སྟབས་སྤྱན་གསུམ་ནམ་མཁར་གཟིགས། །སྤྱི་བོར་པདྨ་འབུམ་བརྡལ་

(༡༦༠)ཉི་ཟླའི་སྟེང་། །སྐྱབས་གནས་ཀུན་འདུས་རྩ་བའི་བླ་མ་དང་། །དབྱེར་མེད་མཚོ་སྐྱེས་རྡོ་རྗེ་སྤྲུལ་པའི་སྐུ། །དཀར་དམར་མདངས་ལྡན་གཞོན་ནུའི་ཤ་ཚུགས་ཅན། །ཕོད་ཁ་ཆོས་གོས་ཟབ་བེར་འདུང་མ་གསོལ། །ཞལ་གཅིག་ཕྱག་གཉིས་རྒྱལ་པོ་རོལ་པའི་སྟབས། །ཕྱག་གཡས་རྡོ་རྗེ་གཡོན་པ་ཐོད་བུམ་བསྣམས། །དབུ་ལ་འདབ་ལྡན་པདྨའི་མཉེན་ཞུ་གསོལ། །མཚན་ཁུང་གཡོན་ན་བདེ་སྟོང་ཡུམ་མཆོག་མ། །སྦས་པའི་ཚུལ་གྱིས་ཁ་ཊྭཱཾ་རྩེ་གསུམ་བསྣམས། །འཇའ་ཟེར་ཐིག་ལེ་འོད་ཕུང་ཀློང་ན་བཞུགས། །ཕྱི་འཁོར་འོད་ལྔའི་དྲྭ་བས་མཛེས་པའི་ཀློང་། །སྤྲུལ་པའི་རྗེ་འབངས་ཉི་ཤུ་རྩ་ལྔ་དང་། །རྒྱ་བོད་པཎ་གྲུབ་རིག་འཛིན་ཡི་དམ་ལྷ། །མཁའ་འགྲོ་ཆོས་སྐྱོང་དམ་ཅན་སྤྲིན་ལྟར་གཏིབས། །གསལ་སྟོང་མཉམ་གནས་ཆེན་པོའི་ངང་དུ་གསལ། །ཞེས་མོས་པས་བསྐྱེད་ནས། རྣམ་པ་བྱེ་བྲག་ཏུ་གསལ་གདབ་པ་ནི། །ཧཱུྃ། སངས་རྒྱས་ཀུན་གྱི་ངོ་བོ་བླ་མ་རྗེའི། །ཐུགས་ཀ་ཆོས་ཀྱི་འཁོར་ལོའི་ལྟེ་བ་ལ། །མི་འཇིགས་སེང་གེ་བརྒྱད་ཀྱིས་བཏེགས་པའི་ཁྲིར། །དང་པོའི་སངས་རྒྱས་ཀུན་བཟང་ཡབ་ཡུམ་བཞུགས། །པད་འདབ་བཞི་ལ་མདུན་ནས་རིམ་པ་བཞིན། །བདེ་གཤེགས་རི་

(༡༦༡)རབ་མར་མེ་རྒྱལ་མཚན་ནི། །དྲུག་པ་རྡོ་རྗེ་འཆང་གི་རྣམ་པ་དང་། ཧེ་རུ་ཀའི་ཆས་ །དགའ་རབ་ཤྲཱི་སེང་ཛྙཱ་ན་སཱུ་ཏྲས་བསྐོར། །རྒྱལ་རིག་གང་ཟག་ལས་སྐྱེས་འགོག་ལམ་གྱི། །བདེན་གཉིས་ལུང་གི་ཆོས་ཚུལ་མ་ལུས་པ། །བདེན་པ་དབྱེར་མེད་རྟོགས་པའི་ངོ་བོར་རྫོགས། །དཀོན་མཆོག་གསུམ་གྱི་བདག་ཉིད་ཨེ་མ་ཧོ ༈ རང་ཉིད་རྡོ་རྗེ་རྣལ་འབྱོར་མའི། །སྤྱི་བོར་པདྨ་འབུམ་བརྡལ་ནི། །ཟང་ཐལ་སྒྲིབ་གཡོགས་བྲལ་བའི་གཞིའི། །ནང་རིམ་རིན་ཆེན་ཟུར་བརྒྱད་ཀྱི། །ཤར་དུ་ཧཱུྃ་དཀར་རྡོ་རྗེ་གདེངས། །ལྷོ་རུ་བཤེས་གཉེན་རིན་ཆེན་འཛིན། །ནུབ་ཏུ་ཀླུ་སྒྲུབ་པདྨ་བསྣམས། །བྱང་དུ་པྲ་ཆེན་རྒྱ་གྲམ་གདེངས། །ཤར་ལྷོ་ནས་བརྩམས་མཚམས་བཞི་རུ། །དྷ་ན་སཾ་སྐྲྀ་ཐོད་རྔ་འཁྲོལ། །བི་མ་མི་ཏྲ་ཚེ་བུམ་འཛིན། །གུ་ཧྱ་ཙནྟྲ་མཆོད་སྡོང་བསྣམས། །ཤཱནྟིང་གརྦྷ་འཁོར་ལོ་གདེངས། །ཀུན་ཀྱང་གཡོན་པ་དྲིལ་བུ་འཛིན། །འཁོར་ལོས་སྒྱུར་བའི་ཆས་ཀྱིས་རོལ། །དེའི་ཕྱིར་རིག་འཛིན་སྣམ་བུ་ལ། །རྒྱལ་གསུང་ལམ་བདེན་སེང་གེའི་སྒྲ། །རྡོ་རྗེའི་ཐེག་པ་རིམ་པ་དགུས། །འདྲེན་པའི་ཤིང་རྟ་ཆེན་པོ་ནི། །དཔལ་ཆེན་གྲུབ་པ་དགུ་ལ་སོགས། །སྤྲུལ་

(༡༦༢)པའི་རྗེ་འབངས་ཉི་ཤུ་ལྔ། །ཕྱོགས་ལས་རྣམ་རྒྱལ་བརྟུལ་ཞུགས་སྤྱོད། །བར་མཚམས་ཏིང་འཛིན་བཟང་པོ་ནས། །དྲིན་ཅན་བླ་མ་ཡན་ཆོད་ཀྱི། །རྫོགས་ཆེན་བརྒྱུད་པ་སྤྲིན་ལྟར་གཏིབས། ༈ །དེའི་ཕྱི་པད་འདབ་བཅུ་བཞི་ལ། སྤྱིར་བརྒྱད་ཅུ་རྩ་ལྔ་ལས་སློབ་དཔོན་པདྨ་དང་ཀླུ་སྒྲུབ་སྙིང་པོ་གོང་དུ་ཡོད་པ་རིག་པར་བྱའོ། །གྲུབ་བརྒྱའི་སྤྱི་མེས་ས་ར་ཧ། །མུ་སྟེགས་ཚར་གཅོད་འཕགས་པ་ལྷ། །ཉ་ལྟོ་ཟ་བ་ལཱུ་ཡི་པ། །ཡི་དམ་ཞལ་གཟིགས་ཡེ་ཤེས་ཞབས། །རིག་མཁྱིར་སྤྲུལ་ཀུ་ཀུ་རི། །ཆུ་བོ་གྱེན་ལྡོག་བི་རཱུ་པ། །རྩོད་པའི་ཁྱུ་མཆོག་ཆོས་ཀྱི་གྲགས། །མཚོ་སྐྱེས་རྡོ་རྗེ་པདྨར་རོལ། །ནམ་མཁར་སྤྱོད་པ་ན་ལནྟྲ། །དགའ་ལྡན་གནས་གཤེགས་ཐོགས་མེད་ཞབས། །རྡོ་རྗེ་དྲིལ་བུ་བུ་སྨད་ཅན། །སྟག་ཞོན་གང་བརྒལ་ཌོཾ་བྷི་པ། །རྩོམ་མཁས་མཁར་གཤེགས་ཞི་བའི་ལྷ། །པདྨ་བཛྲ་ཁྱིམ་པའི་ཚུལ། །དེའི་ཕྱི་པད་འདབ་ཉེར་བཞི་ལ། །འཕགས་པས་ཞལ་བསྟན་བྷ་ཡ་ནི། །དབུ་མའི་དོན་གཟིགས་ཟླ་བ་གྲགས། །ནག་པོ་རྡོ་རྗེ་དཀའ་ཐུབ་ཅན། །རམས་མཁན་ཚངས་སྤྱོད་ནི་ལ་པ། །ཨིནྟྲ་བྷུ་ཏི་འདོད་ཡོན་སྤྱོད། །བྱིའུ་གསོད་པ་གྷུཎྜ་རི། །མཁའ་འགྲོས་བྱིན་རླབས་ས་ར་སུ། །རྒྱ་མཚོར་དཀའ་

(༡༦༣)སྤྱད་སེང་གེ་པ། །རྒྱལ་བཏུལ་མཁར་གཤེགས་ཀ་ལ་ཀ །དགྱེས་རྡོར་ཞལ་གཟིགས་གླིང་བུ་པ། །ཀ་ལ་ལམ་པ་གཤེད་དམར་གྲུབ། །མ་གར་རྒྱལ་བཏུལ་མེ་ཏོག་པ། །སྡོམ་པའི་ཞལ་གཟིགས་ཀུ་བུ་ཙ། །རྣལ་འབྱོར་རྒྱུད་འགྲེལ་ཀུན་དགའ་སྙིང་། །ཐབས་ལམ་དབང་ཐོབ་ཙརྱ་པ། །བྱ་ལམ་རྒྱུ་བ་ཙ་བ་རི།། །དབང་རྫོགས་མཁར་གཤེགས་ད་སི་རི། །མཉན་པའི་ཚུལ་འཛིན་ཀ་རུ་ཀ །རིགས་ངན་སེང་ཞོན་སིངྷ་པ། །གནས་ལུགས་དོན་གཟིགས་སྒྲ་མཁན་ཞབས། །སྒྲོལ་མས་རྗེས་གཟུང་ཙནྡྲ་གོ །གཏི་མུག་ལམ་ལོངས་ལ་ཝ་པ། །ཉི་ཟེར་ལ་ཞོན་ངག་གི་དབང་། །བྷཾ་ག་ལ་པ་སྦྱངས་ཡོན་ཅན། །དེའི་ཕྱི་པད་འདབ་ཞེ་ལྔ་ལ། །གདོལ་པའི་རྣམ་འགྱུར་ཐ་ག་པ། །སྡེ་སྣོད་མཁྱེན་པ་གསེར་གླིང་ཞབས། །བྱང་ཆུབ་སེམས་འབྱོངས་མར་མེ་མཛད། །ཐུགས་དམ་ཞལ་གཟིགས་ས་ར་ཀ །དཔལ་གྱི་རི་བསྐོར་ན་ད་པ། །དུར་ཁྲོད་ཉུལ་བའི་ཀོན་ཏཾ་ལི། །མཛེ་མོ་ཆུར་སྒྲོལ་ཚེམ་བུ་པ། །ཨ་ཝ་དྷཱུ་ཏི་འཇིགས་བརྒྱད་ཐར། །རྩོད་པ་ལས་རྒྱལ་ཛི་ཏ་རི། །བྷ་ལིང་མཁར་དཀྲོལ་བཟང་པོ་པ། །དུར་ཁྲོད་ཉུལ་བའི་སྨད་དཀྲིས་ཅན། །མགར་བའི་སྤྱོད་ཅན་ཏམ་

(༡༦༤)བ་ཀ །མདའ་འཚོང་བདག་པོ་ད་ཀི་པ། །སུ་ཏ་ལོ་ཀི་སྨད་འཚོང་ཁོལ། །ནམ་མཁའི་ལྷར་བགྲོ་སྤྲིན་ཤུགས་ཅན། །ཐགས་ཀྱིས་འཚོ་བ་ཏནྟྲ་པ། །རྫོགས་པའི་ཚུལ་འཛིན་ཟླ་བ་བཟང་། །ཤཱཀྱ་བཤེས་གཉེན་ཤིང་ཐུན་ལུས། །ཉ་བའི་རིགས་ཙན་ཙཎྜ་ལཱི། །ནམ་མཁར་གཤེགས་པ་གླུ་དབྱངས་ཅན། །གདོལ་པ་ཏིལ་བརྡུང་བྷ་ཝ་པ། །ཉ་དོལ་འདྲུད་པ་མི་ན་ར། །བརྟུལ་ཞུགས་སྤྱོད་པ་ཨ་ནན་ཏ། །རིགས་ངན་མར་སྤྱོད་ཀརྞ་པ། །འཚོ་བ་སྟན་གཅིག་ཧི་ལ་པ། །འབྲས་སོ་ཟ་བ་ཀནྟྲ་པ། །རྔོན་པའི་ཚུལ་འཛིན་ཤ་ཝ་རི། །དྲི་མ་འཁྲུད་པའི་སེང་གེ་པ། །ཛ་ལན་དྷ་རི་གསད་གསོ་ནུས། །བར་དོར་གྲོལ་བ་ནག་པོ་སྤྱོད། །སྐྱོང་བྱེད་ཚུལ་འཛིན་ཕག་ཚོང་པ། །ཡུམ་བཅས་འབུད་དཀྲོལ་བི་ན་ས། །སྤྱོད་པ་མཐར་ཕྱིན་ཤཱནྟི་པ། །སྣ་ཚོགས་ལུས་ཅན་མར་མེ་ལྷ། །ཏིལ་བརྡུང་གྱིས་འཚོ་ཏེ་ལོ་པ། །ནཱ་རོ་རང་གི་སྲིང་མོ་བསྟེན། ཁྱོ་ཤུགས་མཁར་གཤེགས་ཀཾ་ཀ་ན། །དཱ་རི་ཀ་པ་སྨད་འཚོང་སྤྱོད། །མཆིལ་ལྷྭམ་མཁན་པོ་ཀུ་མཱ་ར། །ཞིང་པའི་ལུས་ཅན་ཏོག་ཙེ་པ། །ནཱ་ག་བྷོ་དྷི་བ་ལང་སྐྱོང་། །ལྐུགས་པའི་སྤྱོད་ཅན་པ་ཀ་པ། །ཤ་ཆེན་ཟ་བ་སི་ལ་ལི། །སྒྲོལ་མའི་ཞལ་གཟིགས་ཉི་མ་སྦས། །ཚེ་ལ་དབང་ཐོབ་ཀ་མ་ལ། །མདོར་ན་

(༡༦༥)སྔགས་ཀྱི་བརྟུལ་ཞུགས་ཀྱིས། །རྣམ་གྲོལ་ཐོབ་པོ་འཚལ་རྣམས་ཀུན། །གདན་གསུམ་ཚང་བའི་དཀྱིལ་འཁོར་གྱི། །བདག་ཉིད་སངས་རྒྱས་ཀུན་གྱི་དངོས། །མོས་པའི་ཡིད་ཀྱི་སྤྱན་དྲངས་ནས། །ཚོམ་བུ་གཅིག་ཏུ་གསལ་བ་ཡི། །གསེར་ཁྱམས་དཔའ་བོ་མཁའ་འགྲོ་དང་། ཁྲག་འཁྱམས་དཔལ་མགོན་བདུན་ཅུ་ལ། །སྒོ་བཞིར་འཇིག་རྟེན་སྐྱོང་བ་བཞི། །འདོད་སྣམ་མཆོད་པའི་ལྷ་མོས་གཏིབས། །བརྟན་གཡོ་སྣོད་བཅུད་མ་ལུས་པ། །བླ་མའི་དཀྱིལ་འཁོར་གཅིག་ཏུ་རྫོགས། །བཅུ་གཅིག་པ་བྱིན་གྱིས་རློབ་པ་ནི། དེ་ལྟར་དུ་གསལ་བའི་གཙོ་འཁོར་ཐམས་ཅད་ཀྱི་དཔྲལ་བར་ཨོཾ་ལས་འཁོར་ལོ་དཀར་པོ་ཨོཾ་གྱིས་མཚན་པ། མགྲིན་པར་ཨཱལས་པདྨ་དམར་པོ་ཨཱས་མཚན་པ། ཐུགས་ཀར་ཧཱུྃ་ལས་རྡོ་རྗེ་སྔོན་པོ་ཧཱུྃ་གིས་མཚན་པར་གྱུར། སྤྱི་བོ་ནས་རིམ་པར་རྡོ་རྗེའི་ཕྱག་རྒྱ་གནས་གསུམ་དུ་བཞག་ཅིང་། །ཨོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། དེ་བཞིན་ལས་མགྲིན་པར་ཝཱཀྐ་སྙིང་གར་ཙིཏྟ། ཞེས་སྦྱོར། བཅུ་གཉིས་པ་དབང་བསྐུར་བ་ནི། གཙོ་བོའི་ཐུགས་ཀར་ཡེ་ཤེས་སེམས་དཔའ་ཀུན་བཟང་ཡབ་ཡུམ་གསལ་བའི་ཐུགས་ཀའི་འོད་ཀྱིས་ཕྱོགས་བཅུའི་དེ་

(༡༦༦)བཞིན་གཤེགས་པ་ཐམས་ཅད་ཀྱི་ཐུགས་རྒྱུད་བསྐུལ། །དེ་རྣམས་ཀྱི་ཐུགས་ཀ་ནས་གདན་གསུམ་ཚང་བའི་དཀྱིལ་འཁོར་དུ་སྤྲུལ་པ་མདུན་གྱི་ནམ་མཁའ་ལ་བྱོན། །ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་བསྐུལ་བས་ལྷ་ཚོགས་རྣམས་བདེ་སྟོང་གི་རོས་ཚིམ། རྗེས་ཆགས་ཞུ་བདེའི་ཆུ་རྒྱུན་གྱིས་མགོ་བོའི་གནས་ལྔར་དབང་བསྐུར། ཉོན་མོངས་པ་ལྔ་སྦྱངས། ཕུང་པོ་ལྔ་རིགས་ལྔའི་སངས་རྒྱས་དང་། ཁམས་དང་སྐྱེ་མཆེད་ལྷའི་རང་བཞིན་དུ་རྣམ་པར་དག། ཆུའི་ལྷག་མ་གྱེན་དུ་བརྟན་པ་ཡོངས་སུ་གྱུར་པ་ལས་གཙོ་བོ་ལ་འོད་དཔག་མེད་དང་། གཞན་རྣམས་ལ་སོ་སོའི་རིགས་ཀྱི་བདག་པོས་དབུ་བརྒྱན་པར་གྱུར། །བཅུ་གསུམ་པ་སྤྱན་དྲང་བ་ནི། །དེ་ལྟར་དུ་གསལ་བའི་ལྷ་ཚོགས་རྣམས་ཀྱི་ཐུགས་ཀའི་ཧཱུྃ་ཡིག་ལས་འོད་ཟེར་འཕྲོས་པས་རང་བཞིན་གྱི་གནས་དང་། རྔ་ཡབ་དཔལ་རི་སྤྲུལ་པའི་ཞིང་ནས་རིག་འཛིན་བླ་མའི་དཀྱིལ་འཁོར་མ་ལུས་ཤིང་ལུས་པ་མེད་པ་བཛྲ་ས་མཱ་ཛཧཱུྃཨོ་རྒྱན་ཡུལ་གྱི་ནུབ་བྱང་མཚམསཔདྨ་གེ་སར་སྡོང་པོ་ལཡ་མཚན་མཆོག་གི་དངོས་གྲུབ་བརྙེསཔདྨ་འབྱུང་གནས་ཞེས་སུ་གྲགསའཁོར་དུ་མཁའ་འགྲོ་མང་པོས་

(༡༦༧)བསྐོར ཁྱེད་ཀྱི་རྗེས་སུ་བདག་བསྒྲུབ་ཀྱི བྱིན་གྱིས་བརླབ་ཕྱིར་གཤེགས་སུ་གསོལ གུ་རུ་པདྨ་སིདྡྷི་ཧཱུྃ ཡུལ་གྱི་མིང་ནི་རྒྱ་གར་ཡུལ གནས་ཀྱི་མཆོག་གྱུར་ཨོ་རྒྱན་གནས དྷུ་མ་ཐ་ལ་མཁའ་འགྲོའི་གྲོང་ གླིང་གི་གླིང་མཆོག་རྔ་ཡབ་གླིང་ དོན་ལ་འོག་མིན་བདེ་ཆེན་ཞིང་ རྣམ་པ་མཁའ་སྤྱོད་སྤྲུལ་པའི་གནས རབ་ཏུ་དགའ་དང་དྲི་མ་མེད གནས་དང་ཉེ་བའི་གནས་ཡིན་ཏེ དེ་བཞིན་འོད་བྱེད་འོད་འཕྲོ་ལ ཞིང་དང་ཉེ་ཞིང་ཞེས་སུ་གྲགས སྦྱང་དཀའ་བ་དང་མངོན་གྱུར་པ ཚནྡྷོ་ཉེ་བའི་ཚནྡྷོ་སྟེ རིང་དུ་སོང་དང་མི་གཡོ་བ འདུ་དང་ཉེ་བའི་འདུ་བའོ ལེགས་པའི་བློ་གྲོས་ཆོས་ཀྱི་སྤྲིན འཐུང་སྤྱོད་ཉེ་བའི་འཐུང་སྤྱོད་དེ དཔེ་མེད་དཔེ་མེད་ཡེ་ཤེས་ཆེ རྡོ་རྗེ་འཛིན་དབང་ས་རྣམས་ནས རིག་འཛིན་བླ་མའི་ཚོགས་རྣམས་དང་ དཔའ་བོ་དང་ནི་རྣལ་འབྱོར་མ མཁའ་འགྲོ་དང་ནི་མཁའ་འགྲོ་མ མ་ལུས་འདིར་སྦྱོན་དགྱེས་པར་བཞུགས གནས་མཆོག་འདི་རུ་བྱིན་ཕོབ་ལ སྒྲུབ་མཆོག་བདག་ལ་དབང་བཞི་བསྐུར བགེགས་དང་ལོག་འདྲེན་བར་ཆད་སོལ མཆོག་དང་ཐུན་མོང་དངོས་གྲུབ་སྩོལ བཅུ་བཞི་པ་

(༡༦༨)རིག་པའི་མེ་ཏོག་དོར་ནས་རང་སྣང་གི་དཀྱིལ་འཁོར་དུ་འཇུག་ཅིང་དབང་བླང་བ་ནི། ཨོཾ་བཛྲ་ས་མ་ཡ་ཨོཾ། ཨཱབཛྲ་ས་མ་ཡ་ཨཱཧཱུྃ་བཛྲ་ས་མ་ཡ་ཧཱུྃ། སྭཱ་བཛྲ་ས་མ་ཡ་སྭ། ཧཱ་བཛྲ་ས་མ་ཡ་ཧཱ། ཞེས་བརྗོད་པས་རང་བཞིན་ཡེ་ཤེས་ཀྱི་དཀྱིལ་འཁོར་དང་། ཏིང་ངེ་འཛིན་ལས་སྤྲུལ་པའི་དཀྱིལ་འཁོར་གྱི་སྐུ་གསུང་ཐུགས་ཡོན་ཏན་ཕྲིན་ལས་ལྔ་སོ་སོ་མ་ཡིན་ཐ་མི་དད་པའི་ཚུལ་གྱིས་བཞུགས་ནས་དབྱེར་མེད་དུ་བྱ་བའི་ཕྱིར། ཨོཾ་ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་ཕྲིན་ལས་རྨད་པོ་ཆེ། །དེ་ཉིད་དུ་ནི་མཉམ་སྦྱོར་བའི། །ཕྱག་རྒྱ་ཆེན་པོར་བདག་སྦྱོར་ཅིག །ཨོཾ་བཛྲ་ས་མ་ཡ་ཧཱུྃ་གིས་ཡེ་ཤེས་པ་དམ་ཚིག་པ་ལ་ཆུ་ལ་ཆུ་བཞག་པ་བཞིན་དབྱེར་མེད་དུ་ཐིམ། ཨོཾ་བཛྲ་ས་མ་ཡ་སྟྭཾ་གྱིས་རང་ཉིད་ལྷའི་དཀྱིལ་འཁོར་དུ་སངས་མ་རྒྱས་ཀྱི་བར་དུ་བརྟན་པར་བཞུགས། ཨོཾ་བཛྲ་ས་མ་ཡ་ཧོས་དབང་དུ་གྱུར་ཅིང་དགྱེས་པར་བསམ་མོ། །བཅོ་ལྔ་པ་ཡན་ལག་བདུན་པ་ཕུལ་ནས་གསོལ་བ་གདབ་པ་ནི། ཧྲཱི བདག་ལུས་ཞིང་གི་རྡུལ་སྙེད་དུ། །རྣམ་པར་འཕྲུལ་པས་ཕྱག་འཚལ་ལོ། །དངོས་བཤམས་ཡིད་སྤྲུལ་ཏིང་འཛིན་མཐུས། །སྣང་སྲིད་མཆོད་པའི་ཕྱག་རྒྱར་འབུལ སྒོ་གསུམ་མི་དགེའི་ལས་རྣམས་

(༡༦༩)ཀུན འོད་གསལ་ཆོས་སྐུའི་ངང་དུ་བཤགས བདེན་པ་གཉིས་ཀྱིས་བསྡུས་པ་ཡི དགེ་ཚོགས་ཀུན་ལ་རྗེས་ཡི་རངས ཐེག་གསུམ་ཆོས་འཁོར་བསྐོར་བར་བསྐུལ ཇི་སྲིད་འཁོར་བ་མ་སྟོངས་པར མྱ་ངན་མི་འདའ་བཞུགས་གསོལ་འདེབས དུས་གསུམ་བསགས་པའི་དགེ་རྩ་ཀུན བྱང་ཆུབ་ཆེན་པོའི་རྒྱུ་རུ་བསྔོ རྗེ་བཙུན་གུ་རུ་རིན་པོ་ཆེ ཁྱོད་ནི་སངས་རྒྱས་ཐམས་ཅད་ཀྱི ཐུགས་རྗེ་བྱིན་རླབས་འདུས་པའི་དཔལ སེམས་ཅན་ཡོངས་ཀྱི་མགོན་གཅིག་པུ ལུས་དང་ལོངས་སྤྱོད་བློ་སྙིང་བྲང་ ལྟོས་པ་མེད་པར་ཁྱེད་ལ་འབུལ འདི་ནས་བྱང་ཆུབ་མ་ཐོབ་བར སྐྱིད་སྡུག་ལེགས་ཉེས་མཐོ་དམན་ཀུན རྗེ་བཙུན་ཆེན་པོ་པད་འབྱུང་མཁྱེན བདག་ལ་རེ་ས་གཞན་ན་མེད ད་ལྟ་དུས་ངན་སྙིགས་མའི་འགྲོ མི་བཟད་སྡུག་བསྔལ་འདམ་དུ་བྱིང་ འདི་ལས་སྐྱོབས་ཤིག་མ་ཧཱ་གུ་རུ དབང་བཞི་བསྐུར་ཅིག་བྱིན་རླབས་ཅན རྟོགས་པ་སྦོར་ཅིག་ཐུགས་རྗེ་ཅན སྒྲིབ་གཉིས་སྦྱོངས་ཤིག་ནུས་མཐུ་ཅན ནམ་ཞིག་ཚེ་ཡི་དུས་བྱས་ཚེ རང་སྣང་རྔ་ཡབ་དཔལ་རིའི་ཞིང་ ཟུང་འཇུག་སྤྲུལ་པའི་ཞིང་ཁམས་

(༡༧༠)སུ གཞི་ལུས་རྡོ་རྗེ་རྣལ་འབྱོར་མ གསལ་འཚེར་འོད་ཀྱི་གོང་བུ་རུ གྱུར་ནས་རྗེ་བཙུན་པད་འབྱུང་དང་ དབྱེར་མེད་ཆེན་པོར་སངས་རྒྱས་ཏེ བདེ་དང་སྟོང་པའི་ཆོ་འཕྲུལ་གྱི ཡེ་ཤེས་ཆེན་པོའི་རོལ་པ་ལས ཁམས་གསུམ་སེམས་ཅན་མ་ལུས་པ འདྲེན་པའི་དེད་དཔོན་དམ་པ་རུ རྗེ་བཙུན་པདྨས་དབུགས་དབྱུང་གསོལ གསོལ་བ་སྙིང་གི་དཀྱིལ་ནས་འདེབས ཁ་ཙམ་ཚིག་ཙམ་མ་ཡིན་ནོ བྱིན་རླབས་ཐུགས་ཀྱི་ཀློང་ནས་སྩོལ བསམ་དོན་འགྲུབ་པར་མཛད་དུ་གསོལ བཅུ་དྲུག་པ་གསོལ་འདེབས་བསྙེན་པས་ཐུགས་རྒྱུད་བསྐུལ་ནས་ཏིང་ངེ་འཛིན་གྱི་དབང་བླང་བ་ནི། ཨོཾ་ཨཱཧཱུྃ་བཛྲ་གུ་རུ་པདྨ་སིདྡྷི་ཧཱུྃརིག་འཛིན་སྤྱིའི་སྙིང་པོ། ཨོཾ་ཨཱཧཱུྃ་བཛྲ་མ་ཧཱ་གུ་རུ་ཛྙཱ་ན་སིདྡྷི་ཧཱུྃ ཞེས་པ་བཟླ་ཞིང་། གུ་རུའི་སྨིན་མཚམས་ན་ཨོཾ་ཡིག་ཆུ་ཤེལ་ལྟར་འཚེར་བ་ལས་འོད་ཟེར་འཕྲོས། རང་གི་སྤྱི་བོ་ནས་ཞུགས། ལུས་ཀྱི་ལས་དང་རྩའི་སྒྲིབ་པ་དག །སྐུ་རྡོ་རྗེའི་བྱིན་རླབས་ཞུགས། །བུམ་པའི་དབང་ཐོབ། །བསྐྱེད་རིམ་གྱི་སྣོད་དུ་གྱུར། །རྣམ་སྨིན་རིགས་འཛིན་གྱི་ས་བོན་ཐེབས། །སྤྲུལ་སྐུའི་གོ་འཕང་ཐོབ་པའི་སྐལ་བ་རྒྱུད་ལ་བཞག །མགྲིན་པ་ན་ཨཱཡིག་པདྨ་རཱ་ག་ལྟར་འབར་བ་ལས་

(༡༧༡)འོད་ཟེར་འཕྲོས། རང་གི་མགྲིན་པ་ནས་ཞུགས། ངག་གི་ལས་དང་རླུང་གི་སྒྲིབ་པ་དག །གསུང་རྡོ་རྗེའི་བྱིན་རླབས་ཞུགས། །གསང་བའི་དབང་ཐོབ་བཟླས་བརྗོད་ཀྱི་སྣོད་དུ་གྱུར། །ཚེ་དབང་རིགས་འཛིན་གྱི་ས་བོན་ཐེབས། །ལོངས་སྤྱོད་རྫོགས་པའི་གོ་འཕང་གི་སྐལ་བ་རྒྱུད་ལ་བཞག །ཐུགས་ཀའི་ཧཱུྃ་ཡིག་ནམ་མཁའི་མདོག་ཅན་ལས་འོད་ཟེར་འཕྲོས། རང་གི་སྙིང་ག་ནས་ཞུགས། ཡིད་ཀྱི་ལས་དང་ཐིག་ལེའི་སྒྲིབ་པ་དག། ཐུགས་རྡོ་རྗེའི་བྱིན་རླབས་ཞུགས། ཤེས་རབ་ཡེ་ཤེས་ཀྱི་དབང་ཐོབ། བདེ་སྟོང་ཙཎྜ་ལཱིའི་སྣོད་དུ་གྱུར། ཕྱག་རྒྱའི་རིག་འཛིན་གྱི་ས་བོན་ཐེབས། ཆོས་སྐུའི་གོ་འཕང་གི་སྐལ་བ་རྒྱུད་ལ་བཞག །སླར་ཐུགས་ཀའི་ཧཱུྃ་ལས་ཧཱུྃ་ཡིག་གཉིས་པ་ཞིག་སྐར་མདའ་འཕངས་པ་བཞིན་དུ་སོང་། རང་སེམས་དང་ཐ་དད་མེད་པར་འདྲེས། ཀུན་གཞིའི་ལས་དང་ཤེས་བྱའི་སྒྲིབ་པ་སྦྱངས། ཡེ་ཤེས་རྡོ་རྗེའི་བྱིན་རླབས་ཞུགས། ཚིག་གིས་མཚོན་པ་དོན་དམ་གྱི་དབང་ཐོབ། ཀ་དག་རྫོགས་པ་ཆེན་པོའི་སྣོད་དུ་གྱུར། ལྷུན་གྲུབ་རིག་འཛིན་གྱི་ས་བོན་ཐེབས། མཐར་ཐུག་གི་འབྲས་བུ་ངོ་བོ་ཉིད་སྐུའི་སྐལ་པ་རྒྱུད་པ་བཞག་གོ །ཞེས་འདོན་སྒོམ་ཟུང་དུ་

(༡༧༢)འཇུག་པས་ལམ་དབང་ལ་འབད་པར་བྱའོ། །གལ་ཏེ་སྤྲོས་པ་ལ་དགའ་བས་དབང་བཞི་ལེན་པར་སྤྲོ་ན། །བུམ་པ་གཞལ་མེད་ཁང་དུ་གསལ་བའི་ནང་དུ། རིགས་ལྔ་ཡབ་ཡུམ་བསྒོམ་ལ། ཨོཾ་ཨཱཧཱུྃ་སྭཱ་ཧཱ ཞེས་པ་ཅི་ནུས་དང་། ༈ ལསབུམ་དུ་བདུད་རྩི་འཁྱིལ་བ་བསྒོམ་ལ་ཀུཎྜ་ལཱི་ཇི་ལྟར་འོས་པ་བཟླས་རྗེས་འོད་ཞུ་ཡང་བྱའོ། །བཅུ་བདུན་པ་མཆོད་པ་ལ་བཞི་ལས། དང་པོ་མཎྜལ་ནི། ཨོཾ་བཛྲ་བྷཱུ་མི་སོགས་བླ་མ་འཕགས་པའི་ལུགས་ལྟར་ཕུལ། གཉིས་པ་ལྟ་མོ་བཅུ་དྲུག་ནི། པདྨ་རྒྱས་པ་ལྟ་བུའི་ལང་ཚོ་ཅན། །རེག་ན་བདེ་བའི་མཆོག་སྟེར་ཨུཏྤལ་མིག །གཟུགས་ཀྱི་རྣམ་འགྱུར་ངོམ་པའི་ཡིད་འཕྲོག་མ། །རྡོ་རྗེ་སྒེག་མོ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་ལཱ་སྱེ་ཧཱུྃ་པྲ་ཏཱིཙྪ་ཧོ སྲིད་ན་རྣམ་པར་མཛེས་པའི་ཟླ་བས་ཀྱང་། བལྟ་ན་སྡུག་པའི་གཟུགས་ཀྱིས་ཆར་མི་ཉེ། །ནོར་བུའི་དོ་ཤལ་འཛིན་པའི་ཡིད་འོང་མ། །རྡོ་རྗེ་ཕྲེང་བ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་མཱ་ལེ་ཏྲཱཾ་པྲ་ཏཱིཙྪ་ཧོ འཇམ་མཉེན་པུཎྜ་རི་ཀའི་ལང་ཚོ་ལ། །རེག་འཇམ་དབང་པོའི་གཞུ་ཡི་འཁྲི་ཤིང་ཅན། །སྐད་སྙན་འགྱུར་ཁུགས་སྟོང་གི་གླུ་ལེན་མ། །རྡོ་རྗེ་གླུ་མའི་ཚོགས་ཀྱིས་མཉེས་

(༡༧༣)གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་གིརྟི་ཧྲཱིཔྲ་ཏཱིཙྪ་ཧོ བུང་བ་པདྨའི་ཚལ་ན་གཡོ་བ་བཞིན། །ཕྱག་ཞབས་གསེར་གཡུའི་གདུ་བུས་མཛེས་པའི་གར། །མིག་འཕྲུལ་ལྟ་བུར་བསྒྱུར་བའི་གཡོ་ལྡན་མ། །རྡོ་རྗེ་གར་མའི་ཚོགས་ཀྱིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་ནཱིརྟི་ཨ་པྲ་ཏཱིཙྪ་ཧོ ༈ བཅུ་དྲུག་ལང་ཚོས་མྱོས་པའི་རྣམ་འགྱུར་དེས། །སྙིང་ལ་དགའ་བའི་ཡུ་མཚན་ཅིར་ཡང་སྟེར། །དྲི་ཞིམ་སྤོས་ཕོར་ཐོགས་པའི་སྨིན་ལེགས་མ། །རྡོ་རྗེ་བདུག་སྤོས་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་དྷཱུ་པེ་ཧཱུྃ་པྲ་ཏཱིཙྪ་ཧོ ཚངས་དབང་འཆི་མེད་བུ་མོའི་འཇོ་སྒེག་ཀྱང་། །ཤིན་ཏུ་མཛེས་པའི་ལང་ཚོས་བརྟན་པ་འཕྲོག །ཨུ་དུམ་ཝཱ་རའི་ཆུན་འཕྱང་ཡིད་འཕྲོག་མ། །རྡོ་རྗེ་མེ་ཏོག་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱར་བཛྲ་པུཥྤེ་ཏྲཱཾ་པྲ་ཏཱིཙྪ་ཧོ ཡིད་འོང་ལྟ་ན་སྡུག་པའི་མཁུར་ཚོས་ལ། །ལི་ཁྲིའི་ཐིག་ལེས་བསྐུས་པའི་རི་དྭགས་མིག །ཉི་ཟླའི་སྒྲོན་མེ་ཐོགས་པའི་བཞིན་བཟང་མ། །རྡོ་རྗེ་སྣང་གསལ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝ་ར་བཛྲ་ཨ་ལོ་ཀེ་ཧྲཱིཔྲ་ཏཱིཙྪ་་ཧོ

(༡༧༤)འཆི་མེད་བུ་མོའི་དཔལ་འཛིན་སྨིན་ལེགས་གཟུགས། །ཞལ་ནས་ཨུཏྤལ་ཡི་དྲི་འཐུལ་ཞིང་། །བཟང་དྲུག་སྨན་གྱིས་བྱུགས་པས་དགྱེས་པ་བསྐང་། །རྡོ་རྗེ་དྲི་ཆབ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་གྷནྡྷེ་ཨཔྲ་ཏཱིཙྪ་ཧོ ༈ ལང་ཚོའི་ཆ་ཤས་རྫོགས་པའི་པདྨ་དང་། །རྣམ་འགྱུར་ཅིར་ཡང་འཆར་བའི་ཨ་དརྴ། །ཕན་ཚུན་འགྲན་པ་ལྟ་བུའི་གཟུགས་མཛེས་མ། །རྡོ་རྗེ་མེ་ལོང་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་རཱུ་པ་ཨོཾ་པྲ་ཏཱིཙྪ་ཧོ ཏིང་འཛིན་རི་མོ་མཁན་གྱིས་བྲིས་པའི་གཟུགས། །བཞིན་མཛེས་མནྡ་ར་བའི་ཐོད་བཅིངས་ཅན། །ཟླུམ་པོའི་རྔ་ལས་བདེ་སྟོང་སྒྲ་འབྱིན་མ། །རྡོ་རྗེ་རྔ་ཟླུམ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་མྲྀ་ཏཾ་གི་ཧྲཱིཔྲ་ཏཱིཙྪ་ཧོ རཏྣའི་སོར་གདུབ་འཁྲོལ་བའི་ཁུ་ཚུར་གྱིས། །དྲི་ཟའི་བུ་མོར་འགྲན་པའི་ཏམྦུ་ར། །རྣ་བའི་དཔྱིད་དུ་སྦྲེང་བའི་ཡིད་འཕྲོག་མ། །རྡོ་རྗེ་པི་ཝཾ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲི་ཝཱི་ནི་ཧཱུྃ་པྲ་ཏཱིཙྪ་་ཧོ དགའ་བ་བཅུ་དྲུག་རླུང་གི་རྟར་སྐྱོན་ནས། །ཐིག་ལེ་བཅུ་དྲུག་གནས་སུ་དག་

(༡༧༥)པ་ལས། །སྟོང་ཉིད་བཅུ་དྲུག་གླིང་བུའི་སྒྲར་སྟོན་པའི། །རྡོ་རྗེ་གླིང་བུ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་ཝཾ་སེ་ཏྲཱྃ་པྲ་ཏཱིཙྪ་ཧོ ༈ ཟླ་གཞོན་པད་དཀར་ལྟ་བུའི་ལང་ཚོའི་དཔལ། །མིག་གི་བདུད་རྩིར་སྦྱིན་དང་ཆབས་གཅིག་པར། །སྙན་འགྱུར་རྫ་རྔའི་སྒྲ་སྒྲོགས་ན་ཆུང་མ། །རྡོ་རྗེ་རྫ་རྔ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་མུ་རཉྫཻ་ཨ་པྲ་ཏིཙྪ་ཧོ སྟོང་ཉིད་ནམ་མཁའི་རྒྱན་གྱུར་ལྷ་ཡི་གོས། །རིན་ཐང་བརྗོད་དུ་མེད་པའི་པཉྩ་ལི། །འཕྲུལ་ལྡན་སོར་རྩེས་སྒྲོན་པའི་མཛའ་ན་མོ། །རྡོ་རྗེ་རེག་བྱ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་པརྴེ་ཏྲཱྃ་པྲ་ཏཱིཙྪ་་ཧོ ཆགས་མེད་ཆགས་པ་ཆེན་པོའི་ཟུར་མིག་གིས། །དཔའ་བོའི་ཡིད་ལ་མྱོས་པའི་ཆོམ་རྐུན་འཇུག། ལག་ན་རོ་བརྒྱའི་དཔལ་འཛིན་ཞལ་ཟས་ཐོགས། །རྡོ་རྗེ་རོ་མའི་ཚོགས་ཀྱིས་མཉེས་གྱུར་ཅིག། གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་རཱ་ས་ཧྲཱིཔྲ་ཏཱིཙྪ་ཧོབདེ་བས་བདེ་བའི་མཐར་སོན་སྟོང་པ་ཉིད། །བདེ་ཆེན་ཆོས་ཀྱི་འབྱུང་གནས་མངལ་ཁུར་ཅན། །བདེ་སྟོང་ངང་ལས་

(༡༧༦)རྒྱལ་ཀུན་བསྐྱེད་པའི་ཡུམ། །ཆོས་ཀྱི་རྡོ་རྗེ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་དྷཱརྨ་དྷཱ་ཏུ་ཨཱཔྲ་ཏཱིཙྪ་ཧོ གསུམ་པ་གསང་མཆོད་ནི། དེ་མ་ཐག་པའི་ལྷ་མོ་རྣམས་དང་མཉམ་པར་རོལ་པའི་རྗེས་ཆགས་དགའ་བ་བཞིའི་ཡེ་ཤེས་སུ་ཤར་བའི་གཟུགས། །ཆོས་ཉིད་ཀྱི་གླུ་སིད་དང་ཧ་ལ་སོགས་པའི་སྒྲ། ཚོར་བ་བདེ་བ་ལས་འདས་པས་འཛག་བདེའི་རྒྱུན་ལམ་ཁྱབ་པའི་ཚུལ་ཁྲིམས་ཀྱི་དྲི། །ལྷན་ཅིག་སྐྱེས་པའི་ཡེ་ཤེས་ལ་ཀུན་ནས་ཉམས་བརྟས་པའི་རོ། །དཔེ་དོན་འབྲེལ་བའི་ཆོས་ཉིད་ཀྱིས་འཁོར་འདས་ཀུན་ལ་ཁྱབ་པའི་རེག་བྱ་སྟེ། ནང་གི་འདོད་ཡོན་བླ་ན་མེད་པས་མཉེས་པར་བསམ་ལ། ཨཱཐབས་དང་ཤེས་རབ་འདུ་འབྲལ་མེད་པའི་ངང་། །བདེ་ཆེན་ཡེ་ཤེས་ཡུམ་གྱི་བྷ་གའི་ཀློང་། །བྱང་ཆུབ་སྙིང་པོ་དགྱེས་མཉམ་མཆོད་པ་ཡི། །རྒྱལ་བ་རྒྱ་མཚོའི་ཚོགས་རྣམས་མཉེས་གྱུར་ཅིག །ཨ་ནུ་རཱ་ག་སརྦ་པཉྩ་ཧཱུྃ་ཧྲཱིཐཱ བཞི་པ་ཀུན་བཟང་མཆོད་སྤྲིན་ནི། །ཨོཾ་མཆོད་པའི་ཕྱག་རྒྱ་ཆེན་པོ་ནི། །སེམས་ཀྱི་ཡིད་བཞིན་སྤྲིན་ཚོགས་ཀྱི། །ཕྱོགས་བཅུ་ཐམས་ཅད་སངས་རྒྱས་ཞིང་། །མཉེན་འཇམ་རེག་ན་བདེ་བ་དང་། །སྣ་ཚོགས་རིན་པོ་ཆེ་ཡི་གཞི། །མཛེས་པར་བྲིས་ཤིང་སྤྲས་པ་དང་། །ཀུན་འབྱུང་། །

(༡༧༧)རིན་ཆེན་ཕུང་པོར་འབར། །དབྱིབས་ལེགས་རྫིང་བུ་བྲོ་མཆོག་བསིལ། །རིན་ཆེན་ཁང་པ་སྣ་ཚོགས་དང་། །རྒྱན་དང་དཔག་བསམ་ལྗོན་པའི་ཚལ། །གླུ་དབྱངས་ཚིགས་སུ་བཅད་པའི་སྒྲ། །བླ་བྲེ་རྒྱལ་མཚན་ན་བཟའ་གདུགས། །དོ་ཤལ་དཔུང་རྒྱན་སེ་མོ་དོ། །བཟའ་དང་བཏུང་བའི་མཆོག་རྣམས་དང་། །རབ་ལ་མཛེས་པར་བརྒྱན་པ་ཡི། །ལྷ་དང་ལྷ་མོ་རྡུལ་སྙེད་ཀྱིས། །བྲོ་གར་ལ་སོགས་བསམ་ཡས་ཀྱིས། །ཕྱོགས་བཅུ་ནམ་མཁའི་ཁམས་བཀང་ནས། །དཀྱིལ་འཁོར་ལྷ་ལ་རྒྱས་པར་འབུལ། །སྐལ་ལྡན་གསལ་བའི་ཁྱད་པར་གྱི། །རིམ་གྱིས་ཡང་ན་གཅིག་ཆར་དུ། །ཆོས་ཀྱི་དབྱིངས་དང་མཉམ་སྦྱོར་ཞིང་། །མཆོད་པའི་ཕྱག་རྒྱ་ཆེན་པོ་བསྒོམ། །བཅོ་བརྒྱད་པ་བསྟོད་པ་ནི། ༈ །གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང་། །བླ་མ་རིན་ཆེན་ལྟ་བུའི་སྐུ། །རྡོ་རྗེ་འཆང་ཞབས་པད་ལ་འདུད། །བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །ཀུན་གྱི་བྱེད་པོ་བླ་མ་ཡིན། །བླ་མའི་སྐུ་གསུང་ཐུགས་ལ་འདུད། །འདྲེན་པ་རྣམས་ཀྱིས་ཡོངས་སྤངས་ཤིང་། །ངན་འགྲོའི་གཡང་སར་ཕྱོགས་པ་བདག། ཐར་པའི་ལམ་

(༡༧༨)དང་རབ་སྤྲོད་པའི། །དེད་དཔོན་ཆེན་པོ་ཁྱོད་ལ་འདུད། །གནས་དང་གནས་མིན་མི་ཤེས་ཤིང་། །ལམ་དང་ལམ་མིན་གྱི་ནར་འཕྱན། །མུན་པ་ལས་ཀྱང་མུན་ནག་ཅན། །བདག་ལྟའི་སྒྲོན་མ་ཁྱོད་ལ་བསྟོད། །གང་སྐུ་མཐོང་བས་སྣང་བར་འགྱུར། །ཞི་བར་གཟིམས་པའི་སྙིགས་མས་ཀྱང་། །མཚམས་མེད་བྱང་ཞེས་མདོ་ལས་གསུངས། །འབྲེལ་ཚད་དོན་ལྡན་ཆེན་པོར་འདུད། །རྒྱན་སྡུག་པོ་བཀོད་པ་ལས། འཇམ་དཔལ་ཕྱོགས་གང་ན་ཆོས་སྨྲ་བ་དེ་འདུག་གམ་དེའི་རུས་བུའམ། རོ་བམ་པ་ཞིག་ཡོད་པ་མཐོང་ན་ཡང་མཚམས་མེད་པའི་ལས་ལྔ་རྣམ་པར་བྱང་བར་འགྱུར་རོ། །ཞེས་སོ། །ཁྱེད་གསུང་ཐོས་པས་བླང་དོར་ཤེས། །ཉེས་སྤྱོད་ཆེན་པོའི་གཡང་ལས་སྐྱོབ། །འགོག་ལམ་བདེན་པའི་ངོ་བོ་ཉིད། །ཐོས་གྲོལ་ཆེན་པོའི་དབྱངས་ལ་བསྟོད། །བདག་གིས་འབད་ཀྱང་མི་ཐར་བ། །ཁྱེད་ཐུགས་གཏད་པས་ཡུད་ལ་སྨིན། །མོས་གུས་ཐོབ་ན་རྟོགས་པ་འཆར། །སྤྲོས་བྲལ་བསམ་མི་ཁྱབ་ལ་འདུད། །གྲངས་མེད་གསུམ་དུ་དཀའ་ཐུབ་ཀྱིས། །གདུངས་བས་དབང་པོ་ཚར་བཅད་ཀྱང་། །ཐོབ་པར་དཀའ་བའི་རྡོ་རྗེ་སེམས། །མ་ནོར་མངོན་སུམ་སྟོན་ལ་འདུད། །བླ་མ་ཡང་ཏིག །བླ་མ་སངས་རྒྱས་རིན་པོ་ཆེ། །བདག་ལ་རེ་ས་གཞན་

(༡༧༩)ན་མེད། །ཐུགས་རྗེའི་སྤྱན་གྱིས་གཟིགས་མཛོད་ལ། །འཁོར་བའི་མཚོ་ལས་བསྒྲལ་དུ་གསོལ། །ཚེ་འདིའི་ལེགས་པ་ཀུན་འགྲུབ་ཅིང་། །བགེགས་དང་བར་ཆད་མེད་པ་དང་། །འཆི་ཁར་ཟབ་མོའི་འོད་གསལ་ཟིན། །བར་དོའི་འཕྲང་ལས་སྒྲོལ་བར་མཛོད། །ལུས་དང་ངག་ཡིད་རྩོམ་པ་ཀུན། །རྟག་ཏུ་གཞན་ལ་ཕན་པ་དང་། །རྐྱེན་རྣམས་ བྱང་ཆུབ་ལམ་མཆོག་ཏུ། །དེ་རིང་ཉིད་ནས་བསྒྱུར་དུ་གསོལ། །བདག་གིས་འབད་ཀྱང་ཐར་བར་དཀའ། །མགོན་པོ ་ཁྱེད་ཀྱི་ཐུགས་རྗེའི་གྲུས། །མགོན་མེད་བདག་དང་འགྲོ་བ་ཀུན། །ཐར་པའི་གླིང་དུ་ཕྱིན་པར་མཛོད། །གང་དག་བདག་ལ་དད་གྱུར་ཏམ། །སྨོད་དམ་སྐུར་བ་འདེབས་ཀྱང་རུང་། །དེ་དག་སྡིག་ཟད་ཉོན་མོངས་མེད། །སྲིད་པའི་ཆུ་བོ་སྤངས་པར་ཤོག །ནམ་ཞིག་བདག་གིས་མིང་ཙམ་གྱིས། །འགྲོ་བའི་འདོད་དགུ་རབ་འགྲུབ་ཅིང་། །ཕྱོགས་བཅུ་གང་བའི་ཞིང་རྣམས་སུ། །མཆོད་པའི་སྤྲིན་གྱིས་ཆར་འབེབས་ཤོག །དགེ་བ་འདི་ཡིས་ལུས་ཅན་ཀུན། །ཐམས་ཅད་སྲིད་ལས་རྣམ་གྲོལ་ནས། །ཡེ་ཤེས་དམ་པ་གཉིས་ཐོབ་སྟེ། །དོན་གཉིས་ལྷུན་གྱིས་གྲུབ་པར་མཛོད། །བཅུ་དགུ་པ་བཤགས་པ་ནི། དུས་གསུམ་སངས་

(༡༨༠)རྒྱས་ཐམས་ཅད་ཀྱི་ངོ་བོ་བླ་མ་དམ་པ་དང་ཕྱོགས་བཅུའི་རྒྱལ་བ་སྲས་དང་བཅས་པ་བདག་ལ་དགོངས་སུ་གསོལ། །བདག་ཆེ་གེ་མོ་ཐོག་མར་འཁྲུལ་བ་ནས་བཟུང་སྟེ་དུས་དེ་རིང་ལ་ཐུག་གི་བར་དུ་མ་རིག་པའི་གཞན་དབང་དུ་སོང་སྟེ། །ཀུན་འབྱུང་གི་ཉེ་བར་ལེན་པས་ཉོན་མོངས་པ་འདོད་ཆགས་དང་། །ཞེ་སྡང་དང་། གཏི་མུག་མངོན་པར་འདུ་བྱས་ཏེ། །ལུས་ཀྱི་སྒོ་ནས་སྲོག་བཅད་པ་དང་གསོད་སེམས་སྐྱེས་པ། མ་བྱིན་བླངས་པ་དང་། འདོད་པས་ལོག་པར་གཡེམ་པའི་རིགས། །ངག་གི་སྒོ་ནས་རྫུན། ཕྲ་མ་ཚིག་རྩུབ་ངག་ཀྱལ། ཡིད་ཀྱི་སྒོ་ནས་བརྣབ་སེམས། གནོད་སེམས། ལོག་ལྟ་སྟེ་མི་དགེ་བ་བཅུ། དེ་བཞིན་གཤེགས་པའི་སྐུལ་ངན་སེམས་ཀྱིས་ཁྲག་འབྱིན་པ་ལ་སོགས་ཏེ་མཚམས་མེད་པ་ལྔ། །དེ་དང་ཉེ་བ་ལྔ་ལ་སོགས་ཏེ་མི་དགེ་བའི་ཕྱི་མོ་རྣམས་ཀྱི་སྟེང་། བཅས་པའི་ཁྲིམས་དགེ་བསྙེན་དང་། དགེ་ཚུལ་དང་། དགེ་སློང་སྟེ་སོ་སོར་ཐར་པའི་སྡོམ་པ་རིགས་བདུན་ལ་ཕམ་ལྟུང་དང་ཉེས་བྱས་བྱུང་བ་དང་། བྱང་ཆུབ་སེམས་དཔའི་སྨོན་འཇུག་གི་བསླབ་བྱ་སྤྱི་དང་། རྩ་ལྟུང་དང་སྦོམ་པོའི་རྣམ་གྲངས་ཐ་དད་པ་དང་འགལ་བ་དང་། ཁྱད་པར་དུ་རིག་པ་འཛིན་པའི་ཚུལ་

(༡༨༡)ཁྲིམས་ཀྱི་བསླབ་པའི་གཞི་ལས། རྡོ་རྗེ་ཐེག་པའི་འདུལ་བ་དང་འགལ་བའི་ནོངས་པ་བླ་མ་སྨོད་པ་ལ་སོགས་པའི་རྩ་བའི་ལྟུང་བ་བཅུ་བཞི་དང་། ཡན་ལག་སྦོམ་པོའི་རྣམ་གྲངས་བརྒྱད་ལས་ཕས་ཕམ་པ་དང་། ཁ་ན་མ་ཐོ་བའི་མཐུས་བཅོམ་ཏེ་གསང་སྔགས་ཀྱི་དམ་ཚིག་སྤྱི་དང་བྱེ་ཕྲག་པ་ཕྲ་ཞིབ་བསྲུང་དཀའ་བ་ལས་འདས་པ་ཐམས་ཅད་དང་། རང་བཞིན་དུ་ཉོན་མོངས་པའི་གཞན་དབང་གིས་སེམས་ཟིལ་གྱིས་ནོན་ནས་དཀོན་མཆོག་གསུམ་དང་བླ་མ་ལ་བརྙས་པ་དང་། །དམ་པའི་ཆོས་སྤངས་པ་དང་། མཁན་པོ་ལ་མ་གུས་པ་དང་། བྱང་ཆུབ་སེམས་དཔའ་ལ་སྐུར་པ་བཏབ་པ་དང་། །ཕ་མའི་དྲིན་ལན་མ་བཅལ་བ་དང་། དཀོན་མཆོག་གི་དཀོར་ཕྲོགས་པ་དང་། ཚངས་པར་མཚུངས་སྤྱོད་སུན་ཕྱུང་བ་དང་། བསམ་གཏན་སྒོམ་པའི་ཐུགས་དཀྲུགས་པ་དང་། དགེ་བ་ཅན་གྱི་ཚོགས་བཅག་པ་དང་། དད་པ་ཅན་སུན་ཕྱུང་བ་དང་། རྒྱུ་འབྲས་ལ་སྐུར་བ་བཏབ་པ་དང་། སེམས་ཅན་ལ་གནོད་པའི་ལས་བྱས་པ་དང་། ཁྲེལ་དང་ངོ་ཚ་སྤངས་པ་ལ་སོགས་ཏེ་མདོར་ན་སྡིག་པ་མི་དགེ་བའི་ལས་རང་གིས་བགྱིས་པ་དང་གཞན་ལ་བྱེད་དུ་བཅུག་

(༡༨༢)པ་དང་། བྱས་པ་ལ་རྗེས་སུ་ཡི་རང་བ་ལ་སོགས་པ་དེ་དག་ཀྱང་རྟག་པའི་སེམས་དང་། མངོན་པར་ཞེན་པ་དང་། གཉེན་པོ་སྟོབས་ཞན་པ་དང་། ཡུལ་ཁྱད་པར་ཅན་དང་བཞི་ལས་བྱུང་བ་ལ་སོགས་པས་ཁ་ན་མ་ཐོ་བ་ཆེན་པོར་གྱུར་པས་མཚོན། མདོར་ན་མངོན་པར་མཐོ་བ་དང་། །ངེས་པར་ལེགས་པའི་གོ་འཕང་ཐོབ་པ་ལ་བར་དུ་གཅོད་ཅིང་། །འཁོར་བ་དང་ངན་སོང་གི་རྒྱུར་གྱུར་པ་ཐམས་ཅད་སངས་རྒྱས་དང་བྱང་ཆུབ་སེམས་དཔའ་ཀུན་ཏུ་ཐོགས་མེད་ཀྱི་གཟིགས་པར་ལྡན་པ་རྣམས་ཀྱི་སྤྱན་སྔར་ཤིན་ཏུ་གནོད་ཞིང་འགྱོད་པས་མཐོལ་ལོ་བཤགས་སོ། །སྔོན་ཆད་ནི་བཀའ་ལས་འདས་སོ། །ད་ནི་ཉེས་པ་ལ་ཉེས་པར་མཐོང་ལགས་པས་མི་འཆབ་བོ། །མངོན་གྱུར་དུ་སྒྲོག་པས་མི་སྦེད་དོ། །ཕྱིན་ཆད་སྲོག་ལ་བབ་ཀྱང་སྡོམ་ལགས་སོ། །མགོན་པོ་ཐུགས་རྗེ་ཆེན་པོ་དང་ལྡན་པ་རྣམས་ཀྱིས་སྡིག་ལྡན་བདག་ལ་དགོངས་ཤིག །དེང་བདག་གི་འགྱོད་ཚངས་དང་དུ་མ་བཞེས་ན་སྐྱབས་མེད་དོ། །མགོན་མེད་དོ། །དཔུང་གཉེན་དང་བྲལ་ལོ། །དེ་བས་ན་སེམས་ཅན་གྱི་རང་བཞིན་ལས་དང་ཉོན་མོངས་པའི་གཞན་དབང་ཅན་ལགས་པས་དེ་ལ་དགོངས་ཏེ་ཚངས་པར་

(༡༨༣)སྩལ་དུ་གསོལ། །ཉི་ཤུ་པ་དབང་བླང་བར་མོས་ན། ཇི་ལྟར་བལྟམས་པ་སོགས་ཀྱིས་ཁྲུས་བྱ། བགེགས་གཏོར་གཏང་། ཐོག་མར་སྡོམ་བཟུང་ནི། ཀྱེ་བླ་མ་རྡོ་རྗེ་འཛིན་པ་དང་། །རིགས་ལྔ་བདེ་བར་གཤེགས་པ་ནི། །ཐམས་ཅད་བདག་ལ་དགོངས་སུ་གསོལ། །དེང་ནས་བྱང་ཆུབ་སྙིང་པོའི་བར། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །བླ་མ་ལ་ཡང་སྐྱབས་སུ་མཆི། །སྡིག་པ་ཐམས་ཅད་སོ་སོར་བཤགས། །དགེ་བ་ཀུན་ལ་རྗེས་ཡི་རང་། །བྱང་ཆུབ་སེམས་ནི་བསྐྱེད་པར་བགྱི། །རིགས་ལྔའི་དམ་ཚིག་ལེགས་བཟུང་སྟེ། །རྡོ་རྗེ་དྲིལ་བུ་ལ་སོགས་པ། །དམ་ཚིག་རྫས་རྣམས་གཟུང་བར་བགྱི། །བླ་ན་མེད་པའི་དཀོན་མཆོག་གསུམ། །ནམ་དུ་ཡང་ནི་མི་གཏང་ཞིང་། །རྡོ་རྗེ་སློབ་དཔོན་མི་གཏང་ངོ། །རྡོ་རྗེ་སྤུན་སྲིང་རྣམས་ལ་ཡང་། །ནམ་ཡང་སྨད་པར་མི་བྱའོ། །སེམས་ཅན་རྣམས་ལ་འཚེ་བ་སྤང་། །འཕགས་པ་རྣམས་ལ་སྨད་མི་བགྱི། །ཐེག་པ་དམན་ལ་མི་བརྙས་ཤིང་། །སྔགས་འཆང་སྤང་བར་མི་བྱའོ། །བསྙེན་སྒྲུབ་ལས་ཀྱི་མཐའ་གཟུང་ཞིང་། །དཀྱིལ་འཁོར་འཁོར་ལོ་བསྒོམ་པར་བགྱི། །དམ་ཚིག་སྡོམ་པ་ལ་

(༡༨༤)གནས་ཤིང་། །འཁྲུལ་པའི་བྱ་བ་མི་བགྱིའོ། །རང་གི་སེམས་ནི་ཡོངས་གདུལ་ཞིང་། །ཕྱོགས་མཐའ་གཏུགས་པའི་སེམས་ཅན་གྱི། །དོན་ནི་བླ་མེད་བདག་གིས་བསྒྲུབ། །མ་གྲོལ་བ་རྣམས་དགྲོལ་བ་དང་། །མ་སྒྲལ་བ་རྣམས་བསྒྲལ་བར་བགྱི། །དབུགས་མ་ཕྱུང་རྣམས་དབུགས་དབྱུང་ཞིང་། །སེམས་ཅན་མྱ་ངན་འདས་ལ་དགོད། །ལན་གསུམ། དེ་ནས་འཇུག་པའི་བྱ་བ་རྣམས་ནི་སྔོན་དུ་རིག་པའི་མེ་ཏོག་དོར་བ་ལ་དོན་གྱིས་ཚང་བར་མ་ཟད་གཟོད་ནས་སྣང་བ་བླ་མའི་དཀྱིལ་འཁོར་དུ་སྦྱངས་ཤིང་གསལ་སྣང་དག་པ་རབ་འབྱམས་སུ་སློབ་པའི་རང་བཞིན་ཡེ་ཤེས་ཀྱི་དཀྱིལ་འཁོར་ལ་ད་གདོད་ཀྱི་འཇུག་ཡུལ་མེད་པས། །ལམ་དབང་ཐོད་རྒལ་དུ་བླང་བ་ནི། དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་གདན་གསུམ་ཚང་བའི་དཀྱིལ་འཁོར་གྱི་འཁོར་ལོའི་རྣམ་པར་སྤྱན་དྲངས། མཆོད་ཅིང་བསྟོད། རྡོ་རྗེ་ཅན་གྱི་སངས་རྒྱས་ལ། །འགྲོ་བ་སྐྱོབ་པའི་ཆེད་དུ་དབང་། །ཡོན་ཏན་འབྱུང་གནས་ཇི་ལྟར་སྩལ། །དེ་ལྟར་འདི་ལའང་སྩལ་དུ་གསོལ། །ཞེས་གསོལ་བ་བཏབ་པས། གཤེགས་པ་རྣམས་ཀྱིས་དགོངས་པ་མཛད། གཤེགས་མ་རྣམས་ཀྱིས་དབང་བསྐུར། སེམས་དཔའ་རྣམས་ཀྱིས་ཤིས་པ་བརྗོད། སེམས་མ་

(༡༨༥)རྣམས་ཀྱིས་གླུ་གར་བསྒྱུར། ཁྲོ་བོ་རྣམས་ཀྱིས་བགེགས་བསྐྲད་དེ་ཀུན་ཀྱང་དབང་གི་བྱ་བ་ལ་དགྱེས་པར་གྱུར། །བཀྲ་ཤིས་གང་ཞིག་སེམས་ཅན་ཀུན་གྱི་སྙིང་ལ་གནས། །ཀུན་གྱི་བདག་ཉིད་རིགས་ཀུན་གྱི་ནི་བདག་པོ་མཆོག །མ་ལུས་སེམས་ཅན་བསྐྱེད་མཛད་བདེ་བ་ཆེན་པོ་སྟེ། །དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །དེ་ཡང་ཆོས་ཉིད་མ་འཁྲུལ་པའི་བདེ་གཤེགས་སྙིང་པོ་ནི་རྡོ་རྗེ་སློབ་དཔོན་སྤྲུལ་པར་བཅས་པའི་དཀྱིལ་འཁོར་དུ་རྫོགས་པ་ལ། ཚོགས་བརྒྱད་འདུས་བྱས་པ་སློབ་མའི་ཚུལ་དུ་ཤར་བའི་ཕུང་ཁམས་སྐྱེ་མཆེད་དང་། །ཉོན་མོངས་པ་ལྔའི་སྦྱང་གཞི་སྦྱོང་བྱེད་སྦྱངས་འབྲས་སོ་སོའི་རང་བཞིན་ཁོང་དུ་ཆུད་པས་རིགས་དབང་ལྔའི་དང་པོར་སློབ་མ་མི་བསྐྱོད་པར་གསལ་ལ། རྣམ་བུམ་བཏེགས་ནས། ཧཱུྃ། རྣམ་ཤེས་ཕུང་པོ་རྣམ་དག་ཅིང་། །ཉོན་མོངས་ཞེ་སྡང་སྦྱོང་བྱེད་པའི། །ཆོས་ཀྱི་དབྱིངས་ཀྱི་ཡེ་ཤེས་ཀྱི། །དཔལ་ལྡན་ཐུགས་ཀྱི་དབང་བསྐུར་རོ། །ཨོཾ་བཛྲ་ཨ་བྷི་ཥིཉྩ་ཧཱུྃ། རིགས་ཀྱི་བུ་ཁྱོད་ལ་མི་བསྐྱོད་པ་ཆུའི་དབང་བསྐུར་བས་ཡིད་ཀྱི་སྒྲིབ་པ་ཐམས་ཅད་དག། སངས་རྒྱས་ཐམས་ཅད་ཀྱི་ཐུགས་ཀྱི་དབང་ཐོབ། །

(༡༨༦)རྣམ་པར་ཤེས་པ་རྡོ་རྗེ་མི་བསྐྱོད་པ་དང་། ཆུའི་ཁམས་མཱ་མ་ཀཱིར་སངས་རྒྱས། །ཞེ་སྡང་ཆོས་དབྱིངས་ཡེ་ཤེས་སུ་གྲོལ་ཏེ། །སངས་རྒྱས་རྡོ་རྗེའི་རིགས་ཀྱི་ཐུགས་འཁྲུལ་པ་མེད་པས་འགྲོ་བའི་དོན་བྱེད་པར་འགྱུར་རོ། །སློབ་མ་རིན་འབྱུང་དུ་གསལ་ཞིང་། །དབུ་རྒྱན་བསྐོན་ལ། ཧཱུྃ། ཚོར་བའི་ཕུང་པོ་རྣམ་དག་ཅིང་། །ཉོན་མོངས་ང་རྒྱལ་སྦྱོང་བྱེད་པའི། །མཉམ་པ་ཉིད་ཀྱི་ཡེ་ཤེས་ཀྱི། །དཔལ་ལྡན་ཡོན་ཏན་དབང་བསྐུར་རོ། །ཨོཾ་རཏྣ་ཨ་བྷི་ཥིཉྩ་ཏྲཱྃ། རིགས་ཀྱི་བུ་ཁྱོད་ལ་རིན་འབྱུང་གི་ངོ་བོ་དབུ་རྒྱན་འདི་བསྐོན་པ་ཙམ་གྱིས་ཤེས་བྱའི་སྒྲིབ་པ་སྦྱངས། སངས་རྒྱས་ཐམས་ཅད་ཀྱི་ཡོན་ཏན་གྱི་དབང་ཐོབ། །ཚོར་བའི་ཕུང་པོ་རིན་ཆེན་འབྱུང་ལྡན་དང་སའི་ཁམས་སངས་རྒྱས་སྤྱན་དུ་དག །ང་རྒྱལ་མཉམ་པ་ཉིད་ཀྱི་ཡེ་ཤེས་སུ་གྲོལ་ཏེ། །སངས་རྒྱས་རིན་ཆེན་རིགས་ཀྱི་ཡོན་ཏན་ཐམས་ཅད་མཁྱེན་ནས་འགྲོ་བའི་དོན་བྱེད་པར་འགྱུར་རོ། །སློབ་མ་སྣང་བ་མཐའ་ཡས་སུ་གསལ་ལ། རྡོ་རྗེས་དབང་བསྐུར་ཞིང་། ཧཱུྃ། འདུ་ཤེས་ཕུང་པོ་རྣམ་དག་ཅིང་། །ཉོན་མོངས་འདོད་ཆགས་སྦྱོང་བྱེད་པའི། །སོ་སོར་རྟོགས་པའི་ཡེ་ཤེས་ཀྱི། །དཔལ་ལྡན་གསུང་གི་དབང་བསྐུར་རོ། །ཨོཾ་པདྨ་ཨ་བྷི་ཥིཉྩ་ཧྲཱི

(༡༨༧)རིགས་ཀྱི་བུ་ཁྱོད་ལ་རྡོ་རྗེས་དབང་བསྐུར་བས་ངག་གི་སྒྲིབ་པ་ཐམས་ཅད་དག་སངས་རྒྱས་ཐམས་ཅད་ཀྱི་གསུང་གི་དབང་ཐོབ། འདུ་ཤེས་ཀྱི་ཕུང་པོ་སྣང་བ་མཐའ་ཡས་དང་མེའི་ཁམས་གོས་དཀར་མོར་སངས་རྒྱས། འདོད་ཆགས་སོ་སོར་རྟོགས་པའི་ཡེ་ཤེས་སུ་གྲོལ་ཏེ་སངས་རྒྱས་པདྨའི་རིགས་ཀྱི་གསུང་འགགས་པ་མེད་པའི་ཆོས་ཀྱི་སྒྲ་དབྱངས་ཀྱིས་འགྲོ་བའི་དོན་བྱེད་པར་འགྱུར་རོ། །སློབ་མ་དོན་གྲུབ་ཏུ་གསལ། །དྲིལ་བུ་འཛིན་པས། ཧཱུྃ། འདུ་བྱེད་ཕུང་པོ་རྣམ་དག་ཅིང་། །ཉོན་མོངས་ཕྲག་དོག་སྦྱོང་བྱེད་པའི། །བྱ་བ་གྲུབ་པའི་ཡེ་ཤེས་ཀྱི། །དཔལ་ལྡན་ཕྲིན་ལས་དབང་བསྐུར་རོ། །ཨོཾ་ཀརྨཱ་ཨ་བྷི་ཥིཉྩ་ཨཱརིགས་ཀྱི་བུ་ཁྱོད་ལ་དྲིལ་བུ་འདི་གཏད་པ་ཙམ་གྱིས་ཀུན་གཞིའི་སྒྲིབ་པ་དག །སངས་རྒྱས་ཐམས་ཅད་ཀྱི་ཕྲིན་ལས་ཀྱི་དབང་ཐོབ། །འདུ་བྱེད་ཀྱི་ཕུང་པོ་དོན་ཡོད་གྲུབ་པ་དང་རླུང་གི་ཁམས་དམ་ཚིག་སྒྲོལ་མར་སངས་རྒྱས། ཕྲག་དོག་བྱ་བ་གྲུབ་པའི་ཡེ་ཤེས་སུ་གྲོལ་ཏེ་ལས་ཀྱི་རིགས་ཀྱི་ཕྲིན་ལས་ཐོགས་པ་མེད་པར་གྲུབ་ནས་འགྲོ་བའི་དོན་བྱེད་པར་འགྱུར་རོ། །སློབ་མ་རྣམ་སྣང་དུ་གསལ་ལ། །མིང་དབང་བྱིན་པར་མོས་ཏེ། ཧཱུྃ། གཟུགས་

(༡༨༨)ཀྱི་ཕུང་པོ་རྣམ་དག་ཅིང་། །ཉོན་མོངས་གཏི་མུག་སྦྱོང་བྱེད་པའི། །མེ་ལོང་ལྟ་བུའི་ཡེ་ཤེས་ཀྱི། །དཔལ་ལྡན་སྐུ་ཡི་དབང་བསྐུར་རོ། །ཨོཾ་བུདྡྷ་ཆེ་གེ་མོ་ཨ་བྷི་ཥིཉྩ་ཧཱུྃ། རིགས་ཀྱི་བུ་ཁྱོད་ལ་རྣམ་པར་སྣང་མཛད་མིང་གི་དབང་བསྐུར་བས་ལུས་ཀྱི་སྒྲིབ་པ་དག་ནས། སངས་རྒྱས་ཐམས་ཅད་ཀྱི་སྐུའི་དབང་ཐོབ། གཟུགས་ཀྱི་ཕུང་པོ་རྣམ་པར་སྣང་མཛད་དང་ནམ་མཁའི་ཁམས་དབྱིངས་ཕྱུག་མར་སངས་རྒྱས། གཏི་མུག་མེ་ལོང་ཡེ་ཤེས་སུ་གྲོལ་ཏེ། དེ་བཞིན་གཤེགས་པའི་རིགས་ཀྱི་སྐུ་འགྱུར་བ་མེད་པ་ཐོབ་ནས་འགྲོ་བའི་དོན་བྱེད་པར་འགྱུར་རོ། །རྡོ་རྗེ་སློབ་དཔོན་གྱི་དབང་ནི། ཐུགས་ཀྱི་དམ་ཚིག་རྡོ་རྗེ་གསོར་བ་དང་། །གསུང་གི་དམ་ཚིག་དྲིལ་བུ་འཁྲོལ་བ་དང་། སྐུའི་དམ་ཚིག་འཁྱུད་རྒྱ་བྱེད་པ་སྟེ་དམ་ཚིག་གསུམ་བྱིན་ལ། ཨོཾ་ཨཱཧཱུྃ། ཐབས་དང་ཤེས་རབ་གཉིས་མེད་ཅིང་། །སྣང་སྟོང་དབྱེར་མེད་འདི་ཟུངས་ལ། །སྟོང་ཉིད་སྙིང་རྗེའི་སྙིང་པོ་ཡིས། །ཀུན་བཟང་རྡོ་རྗེ་འཛིན་ཁྱོད་ཀྱིས། །འགྲོ་ཀུན་རྗེས་སུ་གཟུང་བར་མཛོད། །རིགས་ཀྱི་བུ་ཁྱོད་ལ་གསང་བ་སྔགས་ཀྱི་ཕྱག་རྒྱའི་དམ་ཚིག་གི་ནང་ནས་མཆོག་ཏུ་གྱུར་པ་རྡོ་རྗེ་དང་དྲིལ་བུ་དཀྱིལ་འཁོར་ཐམས་ཅད་པའི་བདག་ཉིད་འདི་ལག་

(༡༨༩)ཏུ་གཏད་པ་ཙམ་གྱིས། །རྣམ་པ་ཐམས་ཅད་མཁྱེན་པའི་ས་བོན་ཐེབས། སངས་རྒྱས་ཐམས་ཅད་ཀྱི་མེས་པོ་གདོད་མའི་མགོན་པོ་ཀུན་ཏུ་བཟང་པོ་དང་གཉིས་སུ་མེད་པར་སངས་རྒྱས་ཏེ་སེམས་ཅན་གྱི་དོན་དཔག་ཏུ་མེད་པ་མཛད་ནུས་པར་གྱུར་ཅིག །སླར་ཡང་རྣམ་རྒྱལ་བུམ་པ་བཟུང་ལ། ཧཱུྃ། བཀྲ་ཤིས་བུམ་པ་ལྷའི་གཞལ་ཡས། །ལྷ་དང་གཉིས་མེད་བདུད་རྩིའི་ཆུས། །སྐལ་ལྡན་བུ་ལ་དབང་བསྐུར་བས། །སྣང་ཞེན་ལྷ་སྐུའི་ཕྱག་རྒྱར་རྫོགས། །རྣམ་སྨིན་རིགས་འཛིན་ཉེར་ཐོབ་ཅིང་། །ཀུན་ཏུ་འོད་ཀྱི་ས་ནོན་ཤོག །རྩ་སྔགས་དང་། །ཀཱ་ཡ་ཨ་བྷི་ཥིཉྩ་ཨོཾ། རིགས་ཀྱི་བུ་ཁྱོད་ལ་དབང་ཐམས་ཅད་བརྟན་པར་བྱེད་པ་རྣམ་རྒྱལ་གྱི་བུམ་པས་དབང་བསྐུར་བས་སྣོད་བཅུད་ལྷ་དང་གཞལ་ཡས། ཕུང་པོ་ཁམས་དང་སྐྱེ་མཆེད་ཀྱང་ལྷ་དང་ལྷ་མོར་གནས་དག་པ་ཡིན་པས་ཕྱི་ནང་ཐམས་ཅད་ལ་བརྙས་པ་བྱས་ན་ལྟུང་བར་གྱུར་པ་ཡིན་པས་དག་སྣང་དང་མོས་པ་གྱིས་ཤིག །དེ་ལྟར་བུམ་པའི་དབང་གིས་ལུས་དང་རྩའི་སྒྲིབ་པ་དག །བསྐྱེད་རིམ་བསྒོམ་པ་ལ་དབང་། ཕུང་ཁམས་སྐྱེ་མཆེད་ཚོགས་བརྒྱད་དབང་ཡུལ་དང་བཅས་པ་

(༡༩༠)སྐུ་དང་ཡེ་ཤེས་སུ་འགྱུར་བའི་ས་བོན་ཐེབས། སྤྲུལ་པའི་སྐུ་འགྲུབ་པའི་སྐལ་བ་རྒྱུད་ལ་བཞག་གོ །གསང་རྫས་མགྲིན་པར་བཞག་སྟེ། ཧཱུྃ། ཡབ་ཡུམ་སྦྱོར་བའི་བྱང་ཆུབ་སེམས། །དཀར་དམར་བྷཱནྡྷའི་ནང་དུ་བསྐྱིལ། །སྐལ་ལྡན་བུ་ལ་དབང་བསྐུར་བས། །རྩ་ཁམས་ཡི་གེའི་རྣམ་པར་སྨིན། །ཚེ་ལ་དབང་བའི་རིགས་འཛིན་ཐོབ། །པདྨ་ཅན་གྱི་ས་ནོན་ཤོག །རྩ་སྔགས་དང་ཝཱཀྐ་ཨ་བྷི་ཥཱིཉྩ་ཨཱརྗེས་འབྲེལ་དུ་བཟླས་ལུང་སྦྱིན་པ་ནི། སློབ་དཔོན་གྱི་ཐུགས་ཀ་ནས་སྔགས་ཕྲེང་ལུ་གུ་རྒྱུད་དུ་བྱུང་། སློབ་མའི་མགྲིན་པ་ནས་ཞུགས། །སྙིང་ཁར་འཁོར་བས་འགྱུ་བའི་རླུང་ཁམས་མཐའ་དག་གྲགས་སྟོང་སྔགས་ཀྱི་འཁོར་ལོར་རྫོགས་པར་བསམ། རྩ་སྔགས་ཀྱི་རྗེས་ཟློས་ལན་གསུམ། དེས་ངག་དང་རླུང་གི་སྒྲིབ་པ་དག །བླ་མེད་ཀྱི་དམ་རྫས་ཁྱད་པར་ཅན་སྤྱོད་ཅིང་བཟླས་བརྗོད་དང་གཏུམ་མོའི་རྣལ་འབྱོར་ལ་དབང་། རླུང་བཅུ་ལས་སུ་རུང་བའི་ཡོན་ཏན་ཐམས་ཅད་ཐོབ། །ལོངས་སྤྱོད་རྫོགས་པའི་སྐུ་འགྲུབ་པའི་སྐལ་བ་རྒྱུད་ལ་བཞག་གོ །རིག་ཙག་གཏད་ལ། ཧོ ཆོས་རྣམས་ཀུན་གྱི་འབྱུང་གནས་ཏེ། །བདེ་བ་ཆེན་པོ་

(༡༩༡)གསང་བའི་ཡུམ། །རིགས་ཀྱི་བུ་ལ་བྱིན་པ་ཡིས། །དགའ་བཞིའི་ཡེ་ཤེས་མངོན་དུ་གྱུར། །ཕྱག་རྒྱ་ཆེན་པོའི་རིགས་འཛིན་ཐོབ། །འཁོར་ལོ་ཚོགས་ཆེན་ས་ནོན་ཤོག །རྩ་སྔགས་དང་། ཙིཏྟ་ཨ་བྷི་ཥིཉྩ་ཧཱུྃ། ཞེས་གཏད་པས། རིག་མ་དེས་པདྨ་བྷཉྫ་མོཀྵ་ཧོ ཞེས་པའི་སྒྲས་ཐར་པ་བརྟེན་པ་ལ་བསྐུལ། རྗེས་སུ་ཆགས་པའི་རོལ་མོས་དགའ་བ་བཞིའི་ཡེ་ཤེས་ཉམས་སུ་མྱོང་། ཡིད་དང་ཐིག་ལེའི་སྒྲིབ་པ་དག །རང་བཞིན་བརྒྱད་ཅུའི་རྟོག་ཚོགས་འགགས། ཆོས་སྐུའི་གོ་འཕང་ཐོབ་པའི་སྐལ་བ་རྒྱུད་ལ་བཞག་གོ །དབང་བཞི་པ་ལ་མེ་ལོང་དང་ཤེལ་རྡོ་མཚོན་པའི་བརྡ་སྟེ། དཔེ་དོན་འབྲེལ་བའི་ཡེ་ཤེས་ཉམས་སུ་མྱོང་བར་བསམ་ལ། ཧོཀ་དག་མེ་ལོང་གཙང་མའི་ངོགས། །ལྷུན་གྲུབ་དྭངས་ཤེལ་དྲི་མེད་གསལ། །བརྡ་རྟགས་རྫོགས་པའི་དབང་བསྐུར་བས། །དྲི་མེད་རིག་པའི་གནས་ལུགས་རྟོགས། །ལྷུན་གྲུབ་རིགས་འཛིན་ཉེར་ཐོབ་ནས། །བདེ་བ་ཆེན་པོའི་ས་ནོན་ཤོག །རྩ་སྔགས་དང་། དྷརྨཱ་དྷཱ་ཏུ་ཨ་བྷི་ཥིཉྩ་ཨཱཞེས་པའི་མཐར། རང་བཞིན་མེད་པའི་ཆོས་ཉིད་ལ་མཉམ་པར་གཞག །རྗེས་ལ་དམ་ཚིག་ཁས་

(༡༩༢)བླང་བ་ནི། གཙོ་བོས་ཇི་ལྟར་བཀའ་སྩལ་བ། །དེ་དག་ཐམས་ཅད་བདག་གིས་བགྱི། ཁྱེད་ལ་བདག་ནི་འབུལ་ལགས་ན། ཁྱེད་ཀྱི་སློབ་མར་བཟུང་བ་དང་། །ཆ་ཡིས་ཀྱང་ནི་སྤྱད་དུ་གསོལ། །གཏང་རག་གི་མཎྜལ་ཕུལ། ཉེར་གཅིག་པ་སྨན་གཏོར་རཀྟ་དང་། ཚོགས་ཀྱི་འཁོར་ལོ་ཕྱི་ནང་གི་འདོད་ཡོན་ལ་བརྟེན་པའི་དམ་ཚིག་སྐོང་བཤགས་ཆེན་མོ་ནི། །རིག་འཛིན་གྱི་ཚོམ་བུ་དེ་དག་གི་ཐུགས་རྒྱུད་ཀྱི་སྤངས་རྟོགས་ཐེག་པ་རིམ་པ་དགུའི་དཀྱིལ་འཁོར་གྱི་ངོ་བོ་ཉིད་ཡིན་པས་རྣམ་འཕྲུལ་ཀྱང་མདུན་གྱི་ནམ་མཁའ་ལ་མགྲོན་ཐབས་ཀྱི་རྣམ་པར་སད་པར་བྱ་བ་ནི། བདེ་གཤེགས་སྙིང་པོས་འགྲོ་བ་ཡོངས་ལ་ཁྱབ སེམས་ནི་རྒྱ་ཆེན་མཆོག་ཏུ་རབ་བསྐྱེད་ཅིང་ འགྲོ་བ་འདི་དག་མ་ལུས་སངས་རྒྱས་རྒྱུ འདི་ན་སྣོད་མིན་སེམས་ཅན་གང་ཡང་མེད བཞེངས་ཤིག་བཞེངས་ཤིག་སྟོབས་བཅུ་མངའ་བའི་ལྷ དུས་ལས་མི་འདའ་ཐུགས་རྗེའི་དབང་གིས་ནི སེམས་ཅན་དོན་ལ་དགོངས་པའི་དཀོན་མཆོག་གསུམ ཡིད་ཀྱིས་སྤྲུལ་ཞིང་བཤམས་པའི་གནས་འདི་རུ རྒྱལ་བ་འཁོར་བཅས་མ་ལུས་གཤེགས་སུ་གསོལ བཛྲ་ས་མཱ་ཛ ཞེས་སྤྱན་དྲངས། །པདྨ་ཀ་མ་ལཱ་ཡ་སྟྭཾ གྱིས་གདན་འབུལ།

(༡༩༣)དེ་ནས་གཏོར་ཚོགས་རྣམས་ལ་ནང་མཆོད་བྲན་ནས། ཨོཾ་ཀུན་བརྟགས་སྣང་བ་སྣོད་ཀྱི་གཏོར་གཞོང་དུ གཞན་དབང་སྲིད་པ་བཅུད་ཀྱི་གཏོར་མར་སྦྱངས ཡོངས་གྲུབ་ཆོས་དབྱིངས་ཀློང་ཆེན་དགོངས་པ་ཡིས སྣང་སྲིད་གཞིར་བཞེངས་ཀུན་བཟང་མཆོད་པའི་སྤྲིན འཕོ་མེད་ནམ་མཁའ་མཛོད་དུ་མངའ་དབང་བསྒྱུར ཨོཾ་ཨཱཧཱུྃ ལན་བདུན་གྱིས་ངོ་བོ་ཡེ་ཤེས་ཀྱི་བདུད་རྩི་དང་། ནམ་མཁའ་མཛོད་ཀྱི་སྔགས་རྒྱས་ཀུན་ཏུ་བཟང་པོའི་མཆོད་སྤྲིན་དུ་བྱིན་གྱིས་བརླབས། །ཨཱརང་བྱུང་ལྷུན་གྲུབ་འཇའ་ཟེར་ལུས་ཀྱི་སྦུབས སྒྱུ་འཕྲུལ་ཚོགས་བརྒྱད་རོལ་པ་སྲིན་པོའི་གྲོང་ སྙིང་དབུས་ཟངས་མདོག་དཔལ་རིའི་ཕོ་བྲང་ན རིགས་འདུས་མ་ཧཱ་གུ་རུའི་ཐུགས་དམ་བསྐངས གཞི་དབྱིངས་སྟོང་གསལ་ཀུན་ཏུ་བཟང་པོ་ཡི གཞི་སྣང་ལོངས་སྐུའི་སྩལ་ལ་དགོངས་པ་འཕོས བརྡ་ཚིག་བློ་ལས་འདས་པའི་དཀྱིལ་འཁོར་ནས དགོངས་བརྒྱུད་དག་པ་གཉིས་ལྡན་ཐུགས་དམ་བསྐང་ ངེས་པ་ལྔ་ལྡན་ལྷུན་གྲུབ་ལོངས་སྐུའི་སྩལ རིག་འཛིན་རིག་པའི་འཁོར་ལ་བརྡ་སྟོན་ཅིང་ དགོངས་བརྡའི་དོན་རྒྱུད་ཚིག་རྫོགས་སྤྲུལ་པའི་གར སྙན་བརྒྱུད་ཐོས་གྲོལ་ཆེན་པོའི་

(༡༩༤)ཐུགས་དམ་བསྐང་ མཚོན་བྱེད་རྟགས་ཀྱི་བརྡ་ཤོག་ཆེན་པོའི་དབང་ ལས་ཅན་སྐྱེས་བུའི་སྙིང་ལ་བསྐུར་བ་ལས མཚོན་བྱ་དོན་གྱི་དགོངས་པའི་གསང་མཛོད་བརྡོལ གཏད་རྒྱ་སྨོན་ལམ་དབང་རྒྱུད་ཐུགས་དམ་བསྐང་ གདོད་ནས་ཀུན་ཏུ་བཟང་པོ་རང་རིག་ལ ཁྱབ་གདལ་དགོངས་པ་གུད་དུ་བཅད་པ་དང་ སངས་རྒྱས་གཞན་དུ་བཙལ་བའི་ནོངས་པ་ཀུན དག་ནས་བྱ་རྩོལ་བྲལ་བའི་ས་ལ་སྐྱོལ ཀ་དག་ཕྱོགས་ཡན་ཆེན་པོའི་དགོངས་པ་ལ བགྲང་བྱའི་ཐེག་པ་ཐ་དད་མ་གྲུབ་ཀྱང་ ཀུན་རྟོག་གདུལ་བྱའི་ཁམས་དབང་བསམ་པའི་ཕྱིར ཐེག་པ་རིམ་དགུར་ཤར་བའི་ཐུགས་དམ་བསྐང་ འཁོར་བ་སྡུག་བསྔལ་ཆེན་པོར་ཤེས་པ་ཡིས ཀུན་རྫོབ་བདེན་བཞིའི་ལམ་ལ་རབ་ཞུགས་ནས བདག་འཛིན་འཆིང་བ་གཅོད་པ་ཉན་ཐོས་ཀྱི ཚོམ་བུའི་དཀྱིལ་འཁོར་ལྔ་ཡི་ཐུགས་དམ་བསྐང་ སོ་ཐར་འདུལ་བའི་སྡེ་སྣོད་ཆེན་པོ་ཡིས བཅས་དང་རང་བཞིན་འགལ་བའི་ཉེས་པ་ཀུན མི་འཆབ་མི་སྦེད་སྙིང་ནས་བཤགས་པར་བགྱི །བདག་ལ་འཕགས་པ་དགྲ་བཅོམ་བྱིན་གྱིས་རློབས ལྷག་པའི་ཚུལ་ཁྲིམས་བསླབ་པས་རྒྱུད་བསྡམས་

(༡༩༥)ཤིང་ ཕུང་སོགས་རང་བཞིན་མེད་པར་རྟོགས་པ་དང་ རྟེན་འབྲེལ་བཅུ་གཉིས་ལུགས་ལས་ལྡོག་པ་ཡི རང་རྒྱལ་དཀྱིལ་འཁོར་བཞི་ཡི་ཐུགས་དམ་བསྐང་ རྣམ་དག་ཚུལ་ཁྲིམས་མི་གཡོ་ཏིང་འཛིན་གྱི བསླབ་པ་མདོ་སྡེའི་སྲུང་མཚམས་ཉམས་པ་ཀུན འགྱོད་པས་བཤགས་སོ་བྱང་ཞིང་དག་པ་དང་ ཚོགས་དང་བསེ་རུའི་རང་རྒྱལ་དངོས་གྲུབ་སྩོལ ཆོས་ཀུན་སྒྱུ་མ་ལྟ་བུར་ཤེས་པའི་ངང་ སྙིང་རྗེའི་གཞན་དོན་སྒྲུབ་ལ་ཆེས་དཔའ་ཞིང་ བདེན་གཉིས་ལམ་འཁྱེར་མངོན་པའི་སྡེ་སྣོད་ཀྱི དཀྱིལ་འཁོར་ཕྱོགས་ཀྱི་གྲངས་ལྡན་ཐུགས་དམ་བསྐངས སོ་སོར་རྟོགས་པའི་ཤེས་རབ་ཏིང་ངེ་འཛིན རྟག་ཆད་མུ་བཞིའི་ལམ་དུ་གོལ་བ་དང་ སྙིང་རྗེའི་མྱུ་གུ་སྐམས་པའི་ནོངས་པ་ཀུན དག་ནས་ཀུན་ཏུ་འོད་ཀྱི་ས་ལ་སྐྱོལ དག་པ་གསུམ་དང་གཙང་སྦྲ་གསུམ་སྤྱོད་ཅིང་ དམ་ཡེ་ཐ་དད་རྗེ་ཁོལ་རྣམ་པར་བསྒྲུབ བལྟས་པས་བདེ་བ་ལམ་བྱེད་བྱ་རྒྱུད་ཀྱི དཀྱིལ་འཁོར་དྲུག་གི་ལྷ་ཚོགས་ཐུགས་དམ་བསྐང་ ཀྲི་ཡའི་ཐབས་དང་ཡོ་གའི་རྣལ་འབྱོར་ལ ཆ་མཉམ་སྤྱད་པས་མ་ནིང་ཐེག་པ་སྟེ

(༡༩༦)མངོན་བྱང་ལྔ་ཡི་དཀྱིལ་འཁོར་རྒྱལ་མཆོག་བསྒྲུབ སྤྱོད་རྒྱུད་དཀྱིལ་འཁོར་རྒྱ་མཚོའི་ཐུགས་དམ་བསྐང་ བྱ་སྤྱོད་རྒྱུད་སྡེའི་ལྷ་སྔགས་ཏིང་འཛིན་དང་ ཕྲ་རག་དམ་ཚིག་ཉམས་པ་མཐོལ་ལོ་བཤགས མཁའ་སྤྱོད་ལ་སོགས་གྲུབ་ཆེན་རྣམ་བརྒྱད་ཀྱི ཐུན་མོང་དངོས་གྲུབ་འཛད་མེད་ཆར་དུ་སྙིལ ཕྱི་ནང་གསང་གསུམ་རྣམ་དག་བདེན་པ་ཡི ལྷ་དང་རྣལ་འབྱོར་གཉིས་མེད་ཆེན་པོར་རྟོགས ཕྱག་རྒྱ་བཞི་དང་ཟབ་གསལ་ཏིང་འཛིན་བརྙེས ལིང་ཚེ་དགུ་ལྡན་ཡོ་གའི་ཐུགས་དམ་བསྐང་ བདག་དང་ལྷ་ལ་བཟང་ངན་བལྟས་པ་དང་ བསྙེན་སྒྲུབ་མཆོད་པ་སྦྱིན་སྲེག་ཆག་པ་དང་ དཀྱིལ་འཁོར་སྒྲུབ་པའི་ཡན་ལག་ཉམས་པ་ཀུན བཟོད་པར་བཞེས་ནས་མཆོག་གི་དངོས་གྲུབ་སྩོལ ཞེས་པའི་མཚམས་ཚོགས་ཕུད་རིམ་པ་གསུམ་ལྷག་མ་དང་བཅས་པ་སྤེལ་ཞིང་སྨན་རག་འཐོར་བཞིན་པས བདེ་སྟོང་ཀློང་ཡངས་ཏིང་འཛིན་གསུམ་གྱི་སྦུབས བསྐྱེད་རིམ་སྣོད་བཅུད་དག་པ་རབ་འབྱམས་སུ ཡོངས་ཤར་སྒྱུ་འཕྲུལ་ཞི་ཁྲོ་བཀའ་བརྒྱད་སོགས ཚོམ་བུའི་དཀྱིལ་འཁོར་བཅུ་གཉིས་ཐུགས་དམ་བསྐང་ ཤེས་

(༡༩༧)བྱ་ལྔ་དང་མི་སྤང་དང་དུ་བླང་ སྒྲུབ་དང་སྤྱད་བྱའི་དམ་ཚིག་ཉི་ཤུ་ལྔ གསང་བཅུ་ལ་སོགས་ཉམས་ཆག་སྡིག་སྒྲིབ་ཀུན བཤགས་སོ་རིགས་འཛིན་རྣམ་བཞིའི་ས་ལ་སྐྱོལ བཀོད་པ་ལུས་ཀྱི་གཞལ་མེད་ཁང་ཆེན་ནང་ རྩ་གསུམ་འཁོར་ལོ་ལྔ་ཡི་འཇའ་ཟེར་སྦུབས དབྱིངས་དང་ཡེ་ཤེས་མཉམ་སྦྱོར་རིག་པའི་སྩལ ཨ་ནུ་ཡོ་གའི་དཀྱིལ་འཁོར་ཐུགས་དམ་བསང་ རྣམ་ཤེས་ཚོགས་བརྒྱད་ཉེ་ཉོན་ཉི་ཤུ་དང་ སེམས་བྱུང་ལྔ་བཅུ་བརྒྱད་ཁྲི་བཞི་སྟོང་གི རྟོག་ཚོགས་དག་ནས་དྲན་རྫོགས་ཕྱག་རྒྱའི་སྐུ ལྷན་སྐྱེས་བདེ་བ་ཆེན་པོའི་ས་ལ་སྐྱོལ ཤེས་རིག་ཟང་ཐལ་གཉུག་མའི་གཞལ་ཡས་སུ ཡེ་གདངས་སྒྲོན་དྲུག་འཇའ་ཟེར་ཐིག་ལེའི་ཀློང་ རིག་པ་བཅུད་དུ་སྨིན་པ་ཨ་ཏིའི་ལྷ ཞལ་ཕྱག་འཛིན་པ་དག་པའི་ཐུགས་དམ་བསྐང་ རང་གྲོལ་རིག་པ་རྡོ་རྗེ་ལུ་གུ་རྒྱུད བཞུགས་སྟངས་གསུམ་དང་གཟིགས་སྟངས་རྣམ་གསུམ་གྱིས གཅུན་ཏེ་སྣང་བཞི་ཆོས་ཟད་གདོད་མའི་དབྱིངས ལྷུན་གྲུབ་རྫོགས་པ་ཆེན་པོའི་ས་ལ་སྐྱོལ མདོར་ན་རབ་འབྱམས་

(༡༩༨)དཀྱིལ་འཁོར་རྒྱ་མཚོའི་ཀློང་ ཐ་དད་རིག་པས་བཏགས་པའི་སྲི་ཞུའི་མགྲོན རྡུལ་སྙེད་མ་ཚང་མེད་པ་ཐམས་ཅད་དང་ སྣང་བ་ཡབ་ཀྱི་རང་བཞིན་རཱ་ཧུ་ལ སྟོང་པ་ཡུམ་གྱི་ངོ་བོ་ཨེ་ཀ་ཙ ཟུང་འཇུག་ཐུགས་རྗེ་བཛྲ་སཱ་དྷུ་སོགས སྙིང་ཐིག་གཉེན་པོའི་བཀའ་སྲུང་ཐམས་ཅད་དང་ ཨོ་རྒྱན་རྒྱ་གར་བལ་ཡུལ་ཁ་ཆེའི་གླིང་ འ་ཞའ་ཡུལ་དང་བྲུ་ཤ་ཟངས་གླིང་ཡུལ གསེར་གླིང་རྔ་ཡབ་ལངྐའི་གླིང་ཕྲན་དང་ རྒྱ་ནག་ལྗོངས་ཡུལ་གེ་སར་དམག་གི་གླིང་ ཙཱ་རི་ཏྲ་དང་ལྷོ་མོན་འབྲས་མོའི་གཤོངས མངའ་རིས་སྐོར་གསུམ་དབུས་གཙང་རུ་བཞི་དང་ མདོ་ཁམས་སྒང་དྲུག་སྦས་གནས་གཉེན་པོའི་ཡུལ ལྗོངས་ལྔ་གླིང་དྲུག་གསེར་རི་ལྷུན་པོའི་སྦོ སུམ་ཅུ་རྩ་གསུམ་གནས་ཡུལ་དུར་ཁྲོད་གཉན ཆོས་འཁོར་གཙུག་ལག་སྒྲུབ་གནས་དབེན་གནས་ཀྱི འཁོར་ཡུག་ལྗོན་ཤིང་བྲག་རི་མཚོ་གླིང་ལ གནས་པའི་དཔའ་བོ་ཌཱཀྐི་ཆོས་སྲུང་ཚོགས ཞལ་ནས་གསུངས་དང་རྗེས་སུ་གནང་བ་དང་ བྱིན་བརླབས་ལུང་བསྟན་དག་སྣང་བསྟན་བཅོས་དང་ ཐུགས་གཏེར་དགོངས་གཏེར་ཟབ་གཏེར་རྫས་གཏེར་

(༡༩༩)སོགས གཏེར་རིགས་བཅོ་བརྒྱད་ཆོས་ཀྱི་བཀའ་གཏད་ཅིང་ དཀྱིལ་འཁོར་རྒྱ་མཚོའི་མུ་རན་ལ་གནས་པའི དམ་ཅན་ཌཱཀྐི་བསྟན་སྲུང་རྒྱ་མཚོ་ཡི ཐུགས་དང་འགལ་གྱུར་ནོངས་པ་ཅི་མཆིས་པ སྙིང་ནས་བཤགས་སོ་ཚངས་པའི་ཞལ་རས་སྟོན རྟག་ཆད་མཐའ་བྲལ་དབུ་མ་ཆེན་པོའི་སྦུབས འཁོར་འདས་རོ་རྐྱང་ཟུང་འཇུག་ཕྱག་རྒྱ་ཆེར སྦྱར་བས་སྣང་སེམས་ཞེན་གྲོལ་རྫོགས་པ་ཆེའི ཏིང་འཛིན་ནམ་མཁའ་མཛོད་ཀྱི་སྒྱུ་འཕྲུལ་ལས གཟུང་འཛིན་ཕཊ་ཀྱིས་གཏོར་བའི་རྗེས་གཞིག་ཆེར བློ་བྲལ་ཐུག་ཕྲད་ཤེས་པའི་ངོ་བོ་རུ ཚོགས་བརྒྱད་ཀ་ནས་དག་པའི་བཀྲ་ཤིས་རྟགས སྣང་བ་རྒྱན་དུ་ཤར་བའི་རྒྱལ་སྲིད་བདུན རིག་སྟོང་རྗེན་པར་གྲོལ་བའི་འདོད་ཡོན་ལྔ རྐྱེན་ངན་ལམ་དུ་ལོངས་པའི་ཕྱག་རྒྱ་གར འབུལ་ལོ་མཆོག་ཐུན་དངོས་གྲུབ་རྒྱ་མཚོར་བསྐྱིལ ཀློང་ཆེན་གཞོན་ནུ་བུམ་སྐུའི་ཀ་པཱ་ལར དུག་གསུམ་རྣམ་རྟོག་དྲེགས་པ་བཏུལ་བའི་ཁྲག སྐུ་གསུམ་ཡོངས་གྲོལ་ཆེན་པོའི་བ་ལིང་ཏ རེ་དོགས་ཚར་གཅོད་ཤ་ལྔ་བདུད་རྩི་ལྔ ཉི་ཟླའི་དངས་མ་རྩ་བརྒྱད་ཡན་ལག་

(༢༠༠)སྟོང་ རང་བྱུང་ལྷུན་གྲུབ་ནང་གི་དམ་རྫས་ཀུན འབུལ་ལོ་བརྟུལ་ཞུགས་མཐར་ཕྱིན་དངོས་གྲུབ་སྩོལ གདོད་མའི་སྟོང་ཆེན་དབྱིངས་ཀྱི་བྷ་གའི་ཀློང་ རྣམ་ཀུན་མཆོག་ལྡན་རིག་པའི་རྡོ་རྗེ་ཡིས རྟེན་འབྲེལ་ལུགས་ལྡོག་འཁོར་བའི་བག་ཆགས་བསྒྲལ བདེ་སྟོང་དགའ་བཞིའི་ཉམས་རྩལ་རྫོགས་པའི་གར སྦྱོར་སྒྲོལ་བརྟུལ་ཞུགས་མཐར་ཕྱིན་གསང་བའི་རྫས འབུལ་ལོ་གཞན་སྣང་དབང་འདུས་དངོས་གྲུབ་སྩོལ མཚན་མ་རྫས་དང་མཚན་མེད་ཏིང་འཛིན་གྱི ལས་བཞིའི་ཕྲིན་ལས་བསྒྲུབ་པའི་ཕྱག་རྒྱ་དང་ ཤུགས་སྒྲོལ་སྨོད་པའི་མཚོན་ཆ་ཁྱོད་ལ་འབུལ སྨོན་འཇུག་སེམས་བསྐྱེད་བྲག་ཕུག་ཞྭ་ལྟར་གྱོན ཆགས་མེད་འཁོར་བ་སྤངས་པའི་རྣལ་འབྱོར་ལ མ་ཉེས་ཁ་ཡོགས་ཀྱལ་སྒྲོག་ངན་སྦྱོར་བཤོམ སྒྲུབ་ལ་བར་གཅོད་ཐུགས་རྒྱུད་དཀྲུགས་པ་ཡི སྨོན་ལམ་ལོག་པའི་དགྲ་འདྲེའི་སྙིང་ཁྲག་འཐུངས མཐོན་མཐིང་རལ་པའི་གླེགས་བམ་མན་ཆད་ནས བདོག་པའི་ཉེར་སྤྱད་ཕྲ་མོ་ཡན་ཆོད་དུ མདོར་ན་རྣལ་འབྱོར་ཡིད་ལ་མཛའ་བའི་རྫས རྩ་གསུམ་དམ་ཅན་ཌཱཀྐིའི་བླ་རྡོར་འབུལ ནགས་

(༢༠༡)ཁྲོད་བས་མཐའ་མཚོ་གླིང་བྲག་སྐྱིབས་སོགས ངེས་མེད་གནས་སུ་བྱང་ཆུབ་བསྒྲུབ་པའི་ཕྱིར སྟག་མོ་རི་སུལ་འགྲིམ་ལྟར་རྒྱུ་བའི་ཚེ རྣལ་འབྱོར་ལུས་ལ་གྲིབ་མ་བཞིན་དུ་འགྲོགས བརྟན་གཡོ་སྣང་སེམས་ཞེན་པས་བཅིངས་པ་ཡི ཕྲ་རགས་རྣམ་རྟོག་གྱ་གྱུའི་སྒྱུ་འཕྲུལ་ཅན སྲིད་ཞི་གཉིས་མེད་ཤར་གྲོལ་དུས་མཉམ་ཀློང་ འབུལ་ལོ་ཆོས་ཉིད་ཟད་སར་འཁྱོལ་བར་ཤོག ཀུན་གཞིའི་ངང་ནས་ལས་རླུང་གཡོས་པའི་འཕྲུལ བག་ཆགས་སེམས་ཉིད་མངལ་རྒྱར་འཐུམས་པ་ལས བྱུང་བའི་ཤ་ཁྲག་དྲོད་དབུགས་ཕུང་པོའི་ཁམས འབུལ་ལོ་བདག་གིས་འཇའ་ལུས་འགྲུབ་པར་ཤོག འདིས་མཚོན་དུས་གསུམ་བསགས་པའི་དགེ་རྩ་ཀུན དྲན་རིག་ཟག་པ་མེད་པའི་ཡེ་ཤེས་ཀྱིས འཁོར་གསུམ་ཡོངས་དག་ཆེན་པོར་རྒྱས་བཏབ་ནས གནས་ལུགས་རྫོགས་པ་ཆེན་པོའི་ཀློང་དུ་ཨཱ ཞེས་པའི་མཐར། ལྷག་མ་ཕྱི་རོལ་དུ་གཤེགས། ༈ གསུམ་པ་རྗེས་ཀྱི་བྱ་བ་ལ་བརྒྱད་ལས། དང་པོ་དངོས་གྲུབ་ཀྱི་དམ་རྫས་ཚོགས་ལ་རོལ་པ་ནི། ལས་སློབ་ཀྱིས་འདུས་པའི་གཙོ་བོ་ལ་བཏུད་དེ་ཕྱག་བྱས་ནས་རྣམ་ལྔ་འདོད་སྐོར་གྱི་ཕྱག་རྒྱ་དང་སྦྲགས། ཧོ

(༢༠༢)བླ་མ་དཔའ་བོ་ཆེན་པོ་དགོངས་སུ་གསོལ། འདིར་ནི་ཆོས་རྣམས་བཟང་པོར་ལྟོས། །འདུས་པ་རྣམས་ལ་ཐེ་ཚོམ་མེད། །བྲམ་ཟེ་ཁྱི་དང་གདོལ་པ་ཡང་། །རང་བཞིན་གཅིག་ཏུ་དགོངས་ཏེ་རོལ། །ཞེས་པའི་ལན་དུ་སློབ་དཔོན་གྱིས་ཀྱང་ཕྱག་རྒྱ་དེ་ཉིད་དང་བཅས། བདེ་བར་གཤེགས་པ་ཆོས་ཀྱི་སྐུ། །འདོད་ཆགས་ལ་སོགས་དྲི་མ་སྤངས། །གཟུང་འཛིན་རྣམ་པར་བྲལ་བ་ཡི། །དེ་བཞིན་ཉིད་ལ་བདག་ཀྱང་འཚལ། །ཨ་ལ་ལ་ཧོ། །ཞེས་པས་བླང་ཞིང་། ལག་སོར་གཡས་གཡོན་རིགས་ལྔ་ཡབ་ཡུམ་དུ་མོས་ནས་རྡོ་རྗེ་ལུས་ཀྱི་དཀྱིལ་འཁོར་ལ་ནང་གི་སྦྱིན་སྲེག་ལྟར་དབུལ་བ་ནི། སློབ་དཔོན་གྱིས་བསྐུལ་ལ་ཚོགས་པ་ཐམས་ཅད་ཀྱིས། ཧོབདག་ལུས་ཕུང་ཁམས་སྐྱེ་མཆེད་ནི། །གདན་གསུམ་ཚང་བའི་ངོ་བོ་སྟེ། །དམ་པ་རིགས་བརྒྱའི་དཀྱིལ་འཁོར་ལྷ། །འགུལ་བསྐྱོད་ཐམས་ཅད་བདེ་བ་ཆེ། །རྡོ་རྗེའི་དམ་ཚིག་བླ་ན་མེད། །བྱང་ཆུབ་སེམས་ཀྱི་སྤྲིན་ཆེན་པོར། །གཉིས་མེད་མཉམ་པའི་ངང་དུ་རོལ། །རྣལ་འབྱོར་ལམ་གྱི་ཚོགས་རྫོགས་ནས། །ཟས་ཀྱི་སྒྲིབ་པར་མི་འགྱུར་ཞིང་། །གཏན་པ་མེད་པའི་སྦྱིན་བདག་ཀྱང་། །ཐེག་ཆེན་འབྲས་བུར་སྤྱོད་པར་ཤོག །ཅེས་བརྗོད་ཅིང་ཐ་མལ་གྱི་རྟོག་པ་སྤངས་ལ་རང་ལུས་ཕུང་ཁམས་སྐྱེ་མཆེད་གདན་

(༢༠༣)གསུམ་ཚང་བའི་དཀྱིལ་འཁོར་གྱི་བདག་ཉིད་དུ་མོས་པ་ལ་མཆོད་པའི་ཚུལ་གྱིས་ཚིམས་པར་རོལ་རྗེས། ཧེ་རུ་ཀ་དཔལ་གྲོང་ཁྱེར་དུ། སོགས་ཀྱིས་སྨོན་ལམ་གདབ། དེའི་ཚེ་ཚོགས་ཀྱི་དམ་རྫས་ལ་སྨོད་པ་དང་། ཐེག་དམན་གྱི་བློས་བླང་དོར་དུ་བལྟ་བ་དང་། འཐབ་རྩོད་དང་། ཀུ་ཅོ་དང་། ཤགས་ལ་སོགས་པ་ནི་སྦོམ་པོ་བརྒྱད་ཀྱི་ཡ་གྱལ་ཡིན་པས་སྤངས་བར་བྱའོ། །གཉིས་པ་རྡོ་རྗེའི་གླུ་གར་བྱ་བར་མོས་ན། སྐྱེ་བོ་ཐ་མལ་བས་དབེན་པའི་གནས་སུ། ལས་སློབ་ཀྱིས་སློབ་དཔོན་ལ་ཕྱག་བྱས་ཏེ། ཧོདགོངས་སུ་གསོལ། མངའ་དབང་རྫོགས་པའི་དཀྱིལ་འཁོར་ཆེན་པོར་ཀུན་ཏུ་བཟང་པོའི་ཚོགས་མཆོད་རྒྱ་མཚོས་ཕྱི་ནང་གི་འདུ་བ་དང་ཉེ་བའི་འདུ་བ་ལེགས་པར་མཆོད་ཟིན་པའི་གནས་སྐབས་འདིར་ནི་མུ་ཏིག་ཕྲེང་བ་ལས། ཚོགས་དང་དབང་བསྐུར་དཀྱིལ་འཁོར་འཇུག །དེ་ནས་གླུ་ལ་བརྩོན་པར་བྱ། །ཞེས་པའི་དོན་ལྟར་ཆོས་ཉིད་བསམ་གྱིས་མི་ཁྱབ་པའི་དགོངས་སྤྱོད་རྒྱ་མཚོས་རྡོ་རྗེའི་གླུ་གར་ལ་ཐུགས་གཏད་པ་ཞུ། ཞེས་གསོལ་ནས། དཔོན་སློབ་ཐམས་ཅད་འཁོར་ལོས་བསྒྱུར་བའམ། ཧེ་རུ་ཀའི་ཆས་སུ་ཞུགས་ནས་བསམ་གཏན་གྱི་ངང་ལས་ལངས་ཏེ་རིག་པ་བརྟུལ་ཞུགས་ཀྱི་སྤྱོད་པ་བྱུང་རྒྱལ་དུ་བསྐྱང་བའམ། མོས་པས་སྤྱོད་

(༢༠༤)པ་རྣམས་ནི་རང་བཞིན་གྱི་བསམ་གཏན་ལ་གནས་པས་ཆོས་ཉིད་ཀྱི་གྲུ། ཨ་དཱི་ཀ་དཱི་རིང་པོ་དང་། ཐུང་ངུ་དང་། འཁྱོག་པོར་སྤེལ་པའི་དབྱངས་སྙན་པོས་བླང་ཞིང་། དེ་ནས་ཨོཾ་དང་། ཨེ་དང་། ཧཱུྃ་དང་། ཧེ་དང་། ལྱཱཻ་ཤག་ལ་སོགས་པས་སྣ་དྲངས་ཏེ་ཐོད་རྔ་དང་ཅང་ཏེའུའི་སྒྲ་དང་བཅས། ཨེ་མ་ཀཱི་རི་ཀཱི་རི། མསྟ་བཱ་ལི་བཱ་ལི། ས་མི་ཏ་སུ་རུ་སུ་རུ། ཀུ་ཏ་ལི། མ་སུ་མ་སུ། ཨེ་ཀ་རཱ་སུ་ལི་བྷ་ཏ་ཡཱེ། ཙི་ཀི་ར་བྷུ་ལི་པ་ལ་ཡེ། ས་མུན་ཏ་ཙརྱ་སུ་གྷ་ཡ། བྷི་ཏ་ས་ན་བྷྱ་ཀུ་ལ་ཡཱི། ས་ཀ་རི་དྷཱུ་ཀ་ན། མ་ཏ་རི་བཱཻ་ཏ་ན། པ་ར་ལི་ཧི་སཱ་ན། མ་ཁ་རྟ་ཀེ་ལ་ནཱཾ། སཾ་བྷུ་ར་ར་མེ་ཀ་ཙ་དྷི་པ། སུརྱ་བྷ་ཏ་ར་ཨེ་པ་ཤ་ན་པ། ར་ན་བྷི་ཏི་ས་གྷུ་ར་ལཱ་བ། མ་སྨིན་ས་གུ་ལི་ཏ་ཡ་བ། འགུ་ར་འགུ་ར་ས་ག་ཁར་ན་ལཾ ན་ར་ན་ར། ཨི་ཐ་ར་པ་ཀཱ་ལཾ། སི་ར་ཎ་སི་ར་ཎ། བྷེ་ས་ར་ས་པ་ལ། བྷུན་དྷ་བྷུན་དྷ། ཚི་ཥ་ས་ཀེ་ལཾ། ས་སཱ། རི་རཱི། ལི་ལཱི། ཨི་ཨཱི། མི་མཱི། ར་ར་རཱ། མ་སྐྱེས་པས་ན་མི་འགག་ཅིང་། །འགྲོ་དང་འོངས་མེད་ཀུན་ཏུ་ཁྱབ། །བདེ་ཆེན་ཆོས་མཆོག་མི་གཡོ་བ། །མཁའ་མཉམ་རྣམ་གྲོལ་གོས་པ་མེད། །རྩ་བ་མེད་ཅིང་རྟེན་མེད་ལ། །གནས་མེད་ལེན་མེད་ཆོས་ཆེན་པོ། །ཡེ་གྲོལ་

(༢༠༥)ལྷུན་འབྱམས་ཡངས་པ་ཆེའི། །བཅིངས་མེད་རྣམ་པར་བཀྲོལ་མེད་པ། ཁྱབ་གདལ་ཁང་བཟང་ཡེ་ཡོད་ཉིད། ཁྱབ་མཉམ་པ་ལས་རྣམ་འདས་པ། །ཡངས་སོ་ཆེའོ་ནམ་མཁའི་དབྱིངས། །ཆོས་ཆེན་འབར་བ་ཉི་ཟླའི་དཀྱིལ། །ལྷུན་གྱིས་གྲུབ་དང་མངོན་སུམ་པ། །རྡོ་རྗེ་རི་བོ་པདྨ་ཆེ། །ཉི་མ་སེང་གེ་ཡེ་ཤེས་གླུ། །སྒྲ་ཆེན་རོལ་མོ་མཚུངས་པ་མེད། །ནམ་མཁའི་མཐའ་ལ་ལོངས་སྤྱོད་པ། །སངས་རྒྱས་སངས་རྒྱས་ཀུན་མཉམ་ཞིང་། །ཀུན་བཟང་ཡངས་པ་ཆོས་ཀྱི་རྩེ། །མཁའ་དབྱིངས་བཟང་མོའི་དབྱིངས་རུམ་དུ། །ཀློང་གསལ་ལྷུན་གྲུབ་ཡེ་རྫོགས་ཆེ། །ཞེས་བླང་ངོ་། །ཕན་ཡོན་ནི། །ཉི་ཟླ་ཁ་སྦྱོར་ལས། །ཟག་པ་མེད་པའི་རྡོ་རྗེའི་གླུས། །སངས་རྒྱས་ཀུན་གྱི་ཡིད་ཀྱང་ཚིམ། །རྣལ་འབྱོར་ང་ཡི་ཉམས་ཀྱི་གྲོགས། །མཁའ་འགྲོ་མ་ཡི་ཡིད་རྣམས་འཕྲོག །རིགས་དྲུག་འཁོར་བའི་ཞེན་པ་བཟློག །ཅེས་པ་ལ་སོགས་རྒྱ་ཆེར་གསུངས་སོ། །གསུམ་པ་བཤགས་པ་ནི། མ་འབྱོར་བ་དང་ཉམས་པ་དང་། །གཙོ་བོ་ནུས་པ་མ་མཆིས་པས། །འདིར་ནི་བགྱི་བ་གང་བགྱིས་པ། །དེ་ཀུན་མགོན་པོས་བཟོད་པར་མཛོད། །ཡི་གེ་བརྒྱ་བའི་མཐར་བརྗོད་མེད་དོན་

(༢༠༦)བཤགས་ནི། །ཧོ རང་བཞིན་ངང་ལ་ཉེས་པའི་སྐྱོན་མེད་པས། །བཤགས་དང་བཤགས་པར་བྱེད་པ་ཅུང་ཟད་མེད། །ཀུན་རྫོབ་སྒྱུ་མ་ཙམ་དུ་བཤགས་ན་ཡང་། །གཉིས་མེད་སེམས་ཀྱི་ངང་དུ་དག་གྱུར་ཅིག །ཅེས་རྟོག་པ་བསྐྱེད། བཞི་པ་གཤེགས་གསོལ་ནི། ཨོཾ་ཁྱེད་ཀྱི་སེམས་ཅན་དོན་ཀུན་མཛད། སོགས་བརྗོད་ལ། །བཛྲ་མུ ཡེ་ཤེས་པ་དབྱིངས་སུ་གཤེགས་དམ་ཚིག་པ་རང་ལ་བསྡུ། །འཇིག་རྟེན་པའི་མགྲོན་རྣམས་རང་གནས་སུ་བཏང་། །རས་བྲིས་ཡིན་ན་བརྟན་བཞུགས་བྱའོ། །ལྔ་པ་བསྔོ་བ་ནི། དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་རྫོགས་ཤིང་། །བསོད་ནམས་ཡེ་ཤེས་ལས་བྱུང་བའི། །དམ་པ་སྐུ་གཉིས་ཐོབ་པར་ཤོག །འཇམ་དཔལ་དཔའ་བོས་ཇི་ལྟར་མཁྱེན་པ་དང་། །སོགས་ཤློ་ཀ་གཉིས་བརྗོད། དྲུག་པ་སྨོན་ལམ་གདབ་པ་ནི། ཧོསྣང་སྲིད་ཐམས་ཅད་བླ་མའི་དཀྱིལ་འཁོར་དུ། །ཡོངས་གྲུབ་ཆེན་པོའི་མོས་གུས་ལ་གོམས་པས། །འོད་སྣང་མཐའ་ཡས་བདེ་ལྡན་ཞིང་གི་མགོན། །མངོན་སུམ་འགྲུབ་ནས་འགྲོ་ཀུན་འདྲེན་པར་ཤོག །ཅེས་དང་དེ་མ་ཐོབ་པའི་ཚེ་རབས་ཀུན། །འཁྲུལ་པ་ལས་ཀྱང་ཉིད་འཁྲུལ་ཅན། །འཁོར་བ་སྡུག་

(༢༠༧)བསྔལ་ཅན་ཕུང་པོར། །རྟག་འཛིན་འཆིང་བ་ལས་གྲོལ་ཤོག །སྙིགས་མ་ལྔ་ཡི་མཐར་སྐྱེས་པའི། །ཉོན་མོངས་གདོན་གྱིས་གཟིར་བ་རྣམས། །རྒྱུ་འབྲས་སྔ་ཕྱི་ལྟར་སྨིན་པའི། །དྲང་དོན་ལམ་གྱིས་རྒྱུད་སྦྱངས་མཐར། །ཐེག་པ་གཞན་གྱིས་མི་འདུལ་བའི། །གསང་ཆེན་རྡོ་རྗེའི་ཐེག་པ་མཆོག །མ་ནོར་ཚུལ་བཞིན་སྟོན་ནུས་པའི། །བླ་མ་དམ་པ་མཇལ་བར་ཤོག །མཇལ་ནས་ཀུན་ཏུ་མཉེས་བྱེད་ཅིང་། །བར་གཅོད་རྐྱེན་གྱིས་མི་བརྫི་བར། །ཚུལ་བཞིན་བསྒྲུབ་པའི་རང་དབང་དང་། །དབང་བཞིས་རང་རྒྱུད་སྨིན་པར་ཤོག །བསྐྱེད་རྫོགས་གནད་ལ་མ་འཁྲུལ་བས། །སྣང་བའི་བདེན་ཞེན་ཞིག་པ་དང་། །རྩ་རླུང་ཐིག་ལེ་ལས་རུང་ནས། །མཐོང་ལམ་མྱུར་དུ་སྐྱེ་བར་ཤོག །བདེན་པ་མཐོང་བའི་ཆོས་ཉིད་ལ། །བཟུང་འཛིན་འཁྲུལ་བ་མི་གནས་པས། །རྒྱུ་འབྲས་དག་གྲོལ་ལ་ཞེན་རྣམས། །བརྟུལ་ཞུགས་སྤྱོད་པས་འདུལ་བར་ཤོག །བདག་ལ་གཤེའམ་སྨོད་ཀྱང་རུང་། །སེམས་ཅན་ཉོན་མོངས་རང་བཞིན་ལ། །བཟོད་པ་ཐོབ་པའི་ བྱང་ཆུབ་སེམས། །མི་སློབ་ལམ་གྱི་འབྲས་བུར་ཤོག །བདུན་པ་ཤིས་བརྗོད་ནི། །གདོད་

(༢༠༨)མའི་མགོན་པོ ་རིགས་ལྔ་གང་ཆེན་མཚོ སྐུ་ལྔ་ལྷུན་རྫོགས་སྤྲུལ་པའི་ཞིང་ཁམས་ལ བསྐལ་བཟང་སངས་རྒྱས་སྟོང་རྩ་བྱོན་པ་ཡི སྒྲོན་མེའི་བསྐལ་པ་བཟང་པོའི་བཀྲ་ཤིས་ཤོག སྟོང་གསུམ་མི་མཇེད་རྡོ་རྗེ་ཐེག་པའི་ཞིང་ འཕུར་འགྲོའི་བསྟན་པ་འབྱུང་གནས་ཨོ་རྒྱན་ཡུལ གངས་རིའི་ཁྲོད་དུ་འབོད་པ་ཁྲི་སྲོང་རྗེའི ཐུགས་བསྐྱེད་བསྟན་པ་མཐའ་རྒྱས་བཀྲ་ཤིས་ཤོག འཛམ་གླིང་ས་ཡི་ལྟེ་བ་རྡོ་རྗེའི་གདན པཎ་གྲུབ་ཆོས་རྒྱལ་འཛོམ་པ་ཆོས་འཁོར་གསུམ མདོ་སྔགས་བསྟན་པ་དར་བ་གངས་ཅན་ལྗོངས རྒྱལ་བསྟན་ཡུན་དུ་གནས་པའི་བཀྲ་ཤིས་ཤོག བརྒྱད་པ་ཕན་ཡོན་བསྟན་པ་ནི། སྒྱུ་འཕྲུལ་དྲྭ་བའི་རྒྱུད་ལས། བླ་མ་དཀྱིལ་འཁོར་ཐམས་ཅད་ཀྱི། །དབང་ཕྱུག་ལོངས་སྤྱོད་ལྔས་མཆོད་ན། །དཀྱིལ་འཁོར་ཐམས་ཅད་མཆོད་པ་ཡིན། །ཉེ་བའི་དཀྱིལ་འཁོར་སྨོས་ཅི་དགོས། །ཞེས་པས་དཀྱིལ་འཁོར་གྱི་འཁོར་ལོ་ནི་བླ་མའི་ཏིང་ངེ་འཛིན་གྱི་རྣམ་པར་སྤྲུལ་པ་ཙམ་ཡིན་ལ། །བླ་མ་ནི་དཀྱིལ་འཁོར་གང་གི་དབང་ཕྱུག་གམ་སྤྲུལ་གཞིའི་ངོ་བོ་ཉིད་ཡིན་པས་རྡོ་རྗེ་ཐེག་པའི་ལམ་གྱི་སྨིན་གྲོལ་ཟབ་མོའི་བྱིན་རླབས་ཐམས་ཅད་དང་པོར་བླ་མ་ལ་མ་བརྟེན་པར་མི་འགྲུབ་ཏེ། འདི་

(༢༠༩)ལྟར་གཟུགས་བརྙན་ནམ། །རས་བྲིས་སམ། རྡུལ་ཚོན་ནམ། །བློས་བསླང་ལ་སོགས་པའི་མདུན་དུ་རང་བཟོ་དང་ཡིད་བྱེད་ཀྱིས་གྲོལ་བ་ཐོབ་པའི་གཏན་ཚིགས་གཅིག་ཀྱང་མེད་པའི་ཕྱིར། །དེ་ཁོ་ན་ཉིད་བསྡུས་པར་ཡང་། །ལོང་བས་རང་དགར་རི་བོ་ལ། །འཛེགས་པས་བདེ་བར་འགྱུར་མ་ཡིན། །ཞེས་པ་ལྟར་རོ། །རྒྱུ་དེས་ན་སྤྱིར་མདོ་ལས། བསྐལ་པ་འབུམ་གྱི་སངས་རྒྱས་ལས། །བླ་མ་གཉན་པར་ཤེས་པར་བྱ། །ཞེས་སོ། །གཉན་པའི་རྒྱུ་ཅིས་ཤེས་ནས་དུས་གསུམ་དུ་གཤེགས་ཤིང་འབྱོན་པའི་སངས་རྒྱས་རྣམས་ཀྱི་ཐུགས་རྗེ་དང་ཡེ་ཤེས་ལ་སྒྲིབ་པ་མེད་ཅིང་། །ཉེ་རིང་དང་ཕྱོགས་ཆ་མེད་ཀྱང་རང་ངོ་ནས་ཡོད་ལོ་དང་མོས་པ་ཙམ་བྱེད་པ་ལས་དངོས་སུ་ཞལ་སྐྱིན་མི་མཇལ། །གསུང་མ་ཐོས་པས་ལམ་བདེན་མངོན་སུམ་པར་འདོམས་པའི་མཐུ་མེད་ལ། བླ་མ་ནི་དུས་གསུམ་སངས་རྒྱས་ཐམས་ཅད་ཀྱི་བདག་ཉིད་ཡིན་བཞིན་དུ་རང་དང་སྤྱོད་ཡུལ་མཐུན་པ་ལྟར་གྱི་འགྲོ་བའི་གཟུགས་སུ་བྱོན་ནས་འགོག་ལམ་གཉིས་ཀྱི་བདེན་པ་མངོན་སུམ་དུ་འདོམས་པས་ཉི་མའི་སྔ་འདྲེས་ལའང་སེམས་ཅན་སངས་རྒྱས་སུ་གནས་བསྒྱུར་བ་མཐོང་ཆོས་ལ་གནས་པའི་ཕྱིར་ཏེ། འཇམ་དཔལ་རྩ་རྒྱུད་ལས། གང་ཕྱིར་སངས་རྒྱས་ཐམས་ཅད་ནི། །འདས་དང་མ་བྱོན་ད་ལྟར་གྱི། །ཐམས་

(༢༡༠)ཅད་མི་ཡི་འཇིག་རྟེན་དུ། །མི་ཡི་ལུས་སུ་ཡང་དག་འབྱུང་། །ཞེས་དང་། གུར་ལས། གང་ཞིག་རྡོ་རྗེ་སེམས་དཔའ་ཞེས། །རྡོ་རྗེ་སློབ་དཔོན་གཟུགས་སུ་གནས། །སེམས་ཅན་ཕན་བཏགས་དམིགས་ནས་ནི། །ཐ་མལ་པ་ཡི་གཟུགས་སུ་སྤྲུལ། །ཞེས་གསུངས་པས་དད་པའི་ཁམས་གསོལ་བའི་གང་ཟག་ལ་རྣམ་པར་བསྒྱུར་བ་ཡང་མ་བཤད་དོ། །དེ་ལྟར་ཡིན་པས་ཕྱོགས་བཅུའི་སངས་རྒྱས་ཐམས་ཅད་ཀྱང་བླ་མ་ལ་དུས་གསུམ་དུ་ཕྱག་མཛད་ན། རང་ཆག་འཁོར་བའི་བཙོན་རར་ནི་ཆུད། །ཉོན་མོངས་པའི་ལྕགས་སྒྲོག་གིས་བཅིངས་པ་རྣམས་ནི་ཅིའི་ཕྱིར་བླ་མ་མཆོད་པའི་ཆོ་ག་ལ་བཙོན་པར་མི་བྱེད། །དེ་སྐད་དུ་རྡོ་རྗེ་གཙུག་ཏོར་གྱི་རྒྱུད་ལས། སློབ་དཔོན་ལ་ནི་དེ་བཞིན་གཤེགས། །ཕྱོགས་བཅུའི་འཇིག་རྟེན་ཁམས་བཞུགས་པ། །དུས་གསུམ་དུ་ནི་མོས་ཕྱག་འཚལ། །ཞེས་སོ། །མདོར་ན་སངས་རྒྱས་ཐོབ་པར་འདོད་པ་རྣམས་ཀྱིས་ནི་བསྟི་སྟང་དང་། །རིམ་གྲོ་བསྐྱེད་ཅིང་། བསྒོམ་ཞིང་མཆོད་པར་བྱ་བའི་ཡུལ་བླ་མ་གཅིག་པོ་ལ་རག་ལས་པའི་ཚུལ་སྡུད་པ་ལས། སངས་རྒྱས་ཆོས་རྣམས་དགེ་བའི་བཤེས་ལ་བརྟེན་ཏོ་ཞེས། །ཡོན་ཏན་ཀུན་གྱི་མཆོག་མངའ་རྒྱལ་བས་དེ་སྐད་གསུངས། །ཞེས་པ་ལ་སོགས་པའི་བརྗོད་བྱ་ཟད་མི་ཤེས་པ་ཡོད་དོ། །འདི་ནི་མདོ་ཁམས་རྫོགས་ཆེན་སྤྲུལ་པའི་སྐུ། །གཞོན་ནུ་སངས་རྒྱས་སྨོན་ལམ་འོད་ཟེར་དེའི། །རིགས་ཀྱི་བདག་པོ་བྲལ་ཐོབ་མེད་

(༢༡༡)པའི་ལྷ། །སྟོན་པའི་ཞལ་སྐྱིན་གཅིག་ཏུ་མངོན་པར་གྲུབ། །རྒ་བས་ནོན་པའི་ལང་ཚོས་མ་བརྟོལ་ཡང་། །འཕེལ་འགྲིབ་སྤངས་པ་བསྟན་པའི་ཉི་མ་ནི། །བདེན་པ་གཉིས་ཀྱི་ཤིང་རྟའི་བཞོན་པ་ཅན། །དམ་པའི་བློ་གྲོས་ཉིན་མོའི་དཔལ་དུ་སྤྱོན། །ཐུགས་ཡིད་འདྲེས་པའི་སྨོན་པ་དུས་གསུམ་ཀུན། །འདུ་འབྲལ་དབྱེན་གྱིས་མི་ཕྱེད་དམ་ཆོས་མཇོད། །གདན་གསུམ་མངོན་རྟོགས་ངོམ་པའི་རྣམ་སྣང་ཞལ། །མངོན་སུམ་མཐོང་བའི་དགེ་མཚན་འགྲུབ་གྱུར་ཅིག །ཞེས་པའང་སློབ་དཔོན་བཻ་རོ་ཙཱ་ནའི་བསྒྲུབས་གནས་རྒྱལ་རོང་བྲག་ལྷ་མགོན་པོ་དང་ཉེ་བའི་རྡོ་ཡུལ་ཞེས་བྱ་བར་སྔོན་གྱི་ལེགས་སྨོན་སྟོབས་སུ་གྱུར་པའི་ལས་ཅན་གྱི་སློབ་མ་འཇིགས་མེད་ཕྲིན་ལས་འོད་ཟེར་གྱིས་ཉེ་བར་ལེན་པའི་རྟེན་འབྲེལ་གྱིས་མཚམས་སྦྱར་ཏེ། བླ་སྒྲུབ་རྩ་བའི་གཏེར་གཞུང་ལ་མཁའ་འགྲོའི་བརྡ་བསྒྱུར་ཇི་ལྟར་གནས་པ་བཞིན་རིག་འཛིན་འཇིགས་མེད་གླིང་པས་དཔའ་ལྡན་པདྨ་འོད་གླིང་དུ་སྦྱར་བས་འགྲོ་ཀུན་བླ་མའི་གོ་འཕང་ལ་རེག་པའི་རྒྱུར་གྱུར་ཅིག །དགེའོ། །དགེའོ། །དགེའོ། །

(༢༡༢)

(༢༡༣)འུྃ ཟངས་མདོག་དཔལ་རིའི་སྨོན་ལམ་དཔལ་རིའི་གསང་ལམ་ཞེས་བྱ་བ་བཞུགས ཨོཾ་ཨཱཧཱུྃ་བཛྲ་གུ་རུ་པདྨ་སིདྡྷི་ཧཱུྃ རང་བཞིན་རྣམ་དག་བློ་བྲལ་གཉུག་མའི་སྦུབས གསལ་མདངས་འགགས་མེད་བདེ་སྟོང་ལོངས་སྐུའི་རྩལ སྤྲུལ་སྐུའི་ཞིང་ཁམས་མི་མཇེད་བཀོད་པའི་ཆ ཟངས་མདོག་དཔལ་གྱི་རི་བོར་སྐྱེ་བར་ཤོག འཛམ་གླིང་ས་ཡི་ལྟེ་བ་རྡོ་རྗེའི་གདན དུས་གསུམ་རྒྱལ་བས་ཆོས་འཁོར་བསྐོར་བའི་གནས དེ་ཡི་ནུབ་བྱང་རྔ་ཡབ་ལང་ཀའི་གླིང་ ཟངས་མདོག་དཔལ་གྱི་རི་བོར་སྐྱེ་བར་ཤོག བཀོད་པ་ལྷུན་གྲུབ་ཙིཏྟའི་ས་འཛིན་སྤོ རྩ་བ་གདེངས་ཅན་འཇོག་པོའི་ཐོད་དུབ་ཅིང་ སྐེད་པར་ལུས་མེད་མཁའ་འགྲོས་ཚོགས་འཁོར་བསྐོར རྩེ་མོ་གཟུགས་ཁམས་བསམ་གཏན་སྙོགས་པ་ལྟའི ཟངས་མདོག་དཔལ་གྱི་རི་བོར་སྐྱེ་བར་ཤོག རི་རྒྱལ་དེ་ཡི་རྩེ་མོའི་གཞལ་མེད་ཁང་ ཤར་ཤེལ་ལྷོ་ཕྱོགས་དབང་སྔོན་བཻཌཱུརྱ ནུབ་ཕྱོགས་པད་རག་བྱང་ཕྱོགས་

(༢༡༤)ཨིནྡྲ་ནི ཕྱི་ནང་བར་མེད་ཟང་ཐལ་དབང་གཞུའི་མདངས ཟངས་མདོག་དཔལ་གྱི་རི་བོར་སྐྱེ་བར་ཤོག ཁྱམས་དང་གྲུ་ཆད་གློ་འབུར་འཇའ་རིས་འཁྱིལ འདོད་སྣམ་ཕ་གུ་དྲ་བ་དྲ་ཕྱེད་དང་ ཤར་བུ་མདའ་ཡབ་སྒོ་རྒྱན་རྟ་བབས་ཅན ཆོས་འཁོར་གདུགས་ཏོག་བརྡ་དོན་རྟགས་རྫོགས་པའི ཟངས་མདོག་དཔལ་གྱི་རི་བོར་སྐྱེ་བར་ཤོག དཔག་བསམ་ལྗོན་པའི་ཤིང་དང་བདུད་རྩིའི་ཆུ ནེའུ་སེང་སྨན་ལྗོངས་དྲི་བསུང་འཐུལ་བའི་ཁྲོད དྲང་སྲོང་རིག་འཛིན་བྱ་ཚོགས་བྷྲ་མ་ར ཐེག་གསུམ་ཆོས་ཀྱི་སྒྲ་དང་བརྡ་གླུ་སྒྱུར ཟངས་མདོག་དཔལ་གྱི་རི་བོར་སྐྱེ་བར་ཤོག ཕོ་བྲང་གཞལ་མེད་ཆེན་པོའི་ལྟེ་བ་ལ རིན་ཆེན་ཟུར་བརྒྱད་པདྨ་ཉི་ཟླའི་སྟེང་ བདེ་གཤེགས་ཀུན་འདུས་རང་བྱུང་པདྨ་འབྱུང་ སྐུ་གསུམ་རིགས་འདུས་འཇའ་ཟེར་ཀློང་ན་བཞུགས ཟངས་མདོག་དཔལ་གྱི་རི་བོར་སྐྱེ་བར་ཤོག གང་གི་ཟབ་གསལ་བདེ་ཆེན་ཡེ་ཤེས་རྩལ སྟོང་ཉིད་སྙིང་རྗེར་ཤར་བའི་སྒྱུ་འཕྲུལ་ལས

(༢༡༥)འུྃ ཕྱོགས་བཅུ་ཀུན་དང་ཁྱད་པར་བོད་ཡུལ་དུ སྤྲུལ་པ་བྱེ་བ་ཕྲག་བརྒྱ་བར་མེད་འགྱེད ཟངས་མདོག་དཔལ་གྱི་རི་བོར་སྐྱེ་བར་ཤོག གཡས་ཀྱི་གྲལ་ན་རྒྱ་བོད་རིག་འཛིན་རྣམས འོད་གསལ་རྡོ་རྗེའི་རོལ་ངོར་འབྱམས་སུ་ཀླས གཡོན་གྱི་གྲལ་ན་འཕགས་བོད་པཎ་གྲུབ་རྣམས བཤད་སྒྲུབ་ཉམས་རྟོགས་བགྲོ་གླེང་ཆོས་སྒྲ་འུར ཟངས་མདོག་དཔལ་གྱི་རི་བོར་སྐྱེ་བར་ཤོག མཐའ་སྐོར་བར་མཚམས་རྗེ་འབངས་ཉེར་ལྔ་དང་ སྤྲུལ་པའི་གཏེར་སྟོན་གྲུབ་པའི་ཁྱུ་མཆོག་རྣམས ཐེག་པ་རིམ་དགུའི་འཁོར་ལོ་ལ་སྤྱོད་ཅིང་ གཡོ་མེད་དགོངས་པའི་གཟེར་གྱི་བརྟུལ་ཞུགས་འཛིན ཟངས་མདོག་དཔལ་གྱི་རི་བོར་སྐྱེ་བར་ཤོག ཕྱོགས་བཞི་མཚམས་བརྒྱད་གྲུ་ཆད་བར་ཁྱམས་ཀུན དཔའ་བོ་ཌཱ་ཀི་ལྷ་དང་ལྷ་མོས་ཁེངས རྡོ་རྗེའི་གླུ་གར་མིག་འཕྲུལ་ལྟ་བུར་གཡོ ཕྱི་ནང་གསང་བའི་མཆོད་སྤྲིན་སྟོབ་བར་བྱེད ཟངས་མདོག་དཔལ་གྱི་རི་བོར་སྐྱེ་བར་ཤོག

(༢༡༦)དེ་སྟེང་ལོངས་སྐུའི་གཞལ་མེད་བཀོད་མཛེས་ནང་ ཕྱག་ན་པདྨ་འཇིག་རྟེན་དབང་ཕྱུག་ལ ཚོམ་བུའི་དཀྱིལ་འཁོར་བསམ་ཡས་འཁོར་གྱིས་བསྐོར རྣམ་རྟོག་བག་ཆགས་དགྲ་གདོན་ཐལ་བར་བྱེད ཟངས་མདོག་དཔལ་གྱི་རི་བོར་སྐྱེ་བར་ཤོག དེ་སྟེང་ཆོས་སྐུའི་ཞིང་ཁམས་ཉམས་དགའ་བརགཞི་སྣང་ཡེ་ཤེས་སྙིང་པོ་ཀུན་ཏུ་བཟང་ སྣང་མཐའ་རིག་པའི་འཁོར་ལ་བརྡ་ཆོས་སྟོན སྟོན་འཁོར་དགོངས་པ་མཉམ་པའི་ཕྲིན་ལས་ཅན ཟངས་མདོག་དཔལ་གྱི་རི་བོར་སྐྱེ་བར་ཤོག སྒོ་བཞིར་བཀའ་ཉན་རྒྱལ་པོ་ཆེན་པོ་བཞི ཕྱི་ནང་གསང་བའི་ལྷ་སྲིན་སྡེ་བརྒྱད་ཀུན ཕོ་ཉར་མང་གསན་ས་མུ་སྟེགས་དམ་སྲི་འདུལ དམ་ཅན་རྒྱ་མཚོ་དཔའ་རྟགས་རྒྱལ་རྔ་བརྡུང་ ཟངས་མདོག་དཔལ་གྱི་རི་བོར་སྐྱེ་བར་ཤོག དེ་ལྟར་ཞིང་གི་བཀོད་པ་གསལ་བཏབ་ནས ཕྱི་རོལ་ཡུལ་གྱི་ཟངས་མདོག་དཔལ་རི་ལ ཡུལ་ཅན་ནང་གི་རིག་པས་སྨོན་དེའི་མཐུས རང་ལུས་

(༢༡༧)འུྃ མི་མཇེད་ཞིང་གི་བཀོད་པའི་ནང་ རང་སྣང་ཟངས་མདོག་དཔལ་རིར་མངོན་པར་ཤོག ཁྱད་པར་བསྐྱེད་རྫོགས་ཟབ་མོའི་རྟེན་འབྲེལ་གྱིས རྩ་གསུམ་འཁོར་ལྔའི་མདུད་པ་གྲོལ་ནས་ཀྱང་ སྙིང་དབུས་ཟངས་མདོག་དཔལ་རིའི་ཕོ་བྲང་ཆེར ལྷན་སྐྱེས་ཡེ་ཤེས་རོལ་པའི་རྩལ་རྫོགས་ནས རང་རིག་པད་འབྱུང་རྗེ་དང་མཇལ་བར་ཤོག ཚོགས་སྦྱོར་མཐོང་སྒོམ་མི་སློབ་ལམ་ལྔའི་སྦུབས རབ་དགའ་ནས་བཟུང་ཀུན་ཏུ་འོད་ཀྱི་བར དེ་ལས་རྡོ་རྗེ་ཐེག་པའི་ས་མཆོག་གཉིས ཁྱད་པར་འོད་གསལ་རྫོགས་པ་ཆེན་པོ་ཡི ཐུན་མོང་མ་ཡིན་ཡེ་ཤེས་བླ་མའི་ས བྱར་མེད་ལྷུག་པའི་ངང་དུ་རྫོགས་ནས་ཀྱང་ གཞི་དབྱིངས་པདྨ་འོད་དུ་གྲོལ་བར་ཤོག གལ་ཏེ་དགོངས་པའི་རྩལ་ཆེན་མ་རྫོགས་ན གསོལ་འདེབས་སྨོན་ལམ་དྲག་པོའི་འཕེན་པ་ཡིས ནམ་ཞིག་འཆི་བ་བཙན་ཐབས་བྱུང་བའི་ཚེ པདྨའི་ཕོ་ཉ་མཁའ་འགྲོ་གར་མཁན་མས མངོན་སུམ་ལག་པའི་ཁུ་ཚུར་ནས་བཟུང་ནས

(༢༡༨)མཁར་ཆེན་བཟའ་དང་གུ་ཎ་ནཱ་ཐ་ལྟར བདག་ཀྱང་པདྨ་འོད་དུ་འཁྲིད་པར་ཤོག ཆོས་དབྱིངས་རྣམ་པར་དག་པའི་བདེན་པ་དང་ དཀོན་མཆོག་རྩ་མཐོང་སྣང་སྣ་ཚོགས་ཡོད་པའི་ལུགས་ལྟར་བཤད་པ་ཡིན གསུམ་རྒྱ་མཚོའི་ཐུགས་རྗེ་ཡིས བདག་གིས་སྨོན་པ་ཡིད་བཞིན་འགྲུབ་གྱུར་ནས འགྲོ་བ་འདྲེན་པའི་དེད་དཔོན་བྱེད་པར་ཤོག ༈ །དུས་མཐར་གདབ་པའི་སྨོན་ལམ་ཞེས་བྱ་བ་བཞུགས། ན་མོ། དཀོན་མཆོག་གསུམ་ལ་སྙིང་ནས་སྐྱབས་སུ་མཆི། །སྐྱེ་མེད་ཆོས་ལ་བཟོད་པ་མ་ཐོབ་བར། །ངན་འགྲོའི་གནས་སུ་ནམ་ཡང་མི་ལྟུང་ཞིང་། །ལྷ་བས་ལྷག་པའི་ལུས་རྟེན་ཐོབ་པར་ཤོག །མཐོ་རིས་ཐོབ་ཀྱང་སྡུག་བསྔལ་རྣམ་གསུམ་གྱིས། །དམ་ལ་མ་བཞག་འཁོར་བ་ཡོད་མིན་ན། །བདེ་འགྲོའི་རྟེན་ལ་མྱ་ངན་འདའ་བའི་གེགས། །མི་ཁོམ་གནས་དང་མཚུངས་ལྡན་ལུས་སྤོང་ཤོག །སྡོམ་མིན་རྒྱུན་ལྡན་རྒྱལ་བློན་སྡིག་ཏོ་ཅན། །གཡུལ་ལས་དགའ་དང་ཞལ་ལྕེ་འཁྱོག་པོར་

(༢༡༩)སྤྱོད། །རྗེ་བོའི་བྲན་གྱུར་ཉམ་ཆུང་མནར་བ་དང་། །ཚོང་པ་དང་ནི་གཡོན་ཅན་ལུས་སྤོང་ཤོག །དཀོན་མཆོག་དཀོར་འཕྲོག་དགེ་འདུན་ལས་བྱེད་དང་། །ལྡན་གྲོལ་གཉིས་མེད་དཀོར་ལ་རང་དགར་སྤྱོད། །ལེགས་སྨོན་དོན་གཉེར་ཁྱིམ་པ་བསུན་འབྱིན་ཅན། །གཞན་རྒྱུད་བསྲེག་པའི་དགེ་སྦྱོང་ལུས་སྤོང་ཤོག །རང་བཞིན་ངན་པ་སྤྲུལ་གདུག་ལྟ་བུ་དང་། །གཞན་འབྱོར་ལ་སྡང་ལྷ་མ་ཡིན་གྱི་སེམས། །སྐྱབས་འོས་བསླུ་ཞིང་ཆོས་ལ་སྡང་བ་དང་། །བརྐུ་དང་འཕྲོག་འཇོམས་རྔོན་པའི་ལུས་སྤོང་ཤོག །མཚམས་མེད་ལྔའམ་དེ་དང་ཉེ་བ་ལྔ། །མི་དགེ་བཅུ་ལ་འགྱོད་སེམས་མེད་པར་སྤྱོད། །ནགས་ལ་མེ་སྦར་སྦྲང་ཚངས་གཏིབས་པ་སོགས། ཁ་ན་མ་ཐོ་ཆེ་ལས་ཐར་བར་ཤོག །དེ་ལྟར་ཐར་ནས་ད་ནི་ལྔ་བརྒྱའི་མཐར། །སྐྱེས་བུའི་ལུས་རྟེན་མི་ལུས་རིན་པོ་ཆེ། །རབ་ཏུ་བྱུང་ངམ་ཅིག་ཤོས་ཡང་ནི་རུང་། །བྱང་ཆུབ་སེམས་དཔའི་རིགས་ཅན་ཐོབ་པར་ཤོག། སྐྱེས་མ་ཐག་

(༢༢༠)ཏུ་ཐེག་པ་ཆེན་པོའི་ལམ། །མ་ནོར་མངོན་སུམ་སྟོན་པའི་བླ་མ་དང་། །མཇལ་ནས་རྣམ་པ་ཀུན་ཏུ་མཉེས་བྱེད་ཅིང་། །ཐོས་བསམ་སྒོམ་པའི་ཤེས་རབ་ལྡན་པར་ཤོག །དེ་ཡང་བསམ་པ་བྱང་ཆུབ་སེམས་དང་ལྡན། །སྦྱོར་བ་ཕ་རོལ་ཕྱིན་དྲུག་ལ་གོམས་པས། །ལམ་ལྔ་ས་བཅུ་སྔགས་ཀྱི་སྡེ་སྣོད་ལ། །ཅིག་ཅར་བགྲོད་པའི་སྐལ་བ་མཆོག་ལྡན་ཤོག །ཅེས་པའང་གདུང་བསམས་པ་བྱང་ཆུབ་རྒྱལ་མཚན་གྱིས་བསྐུལ་བ་བཞིན་གནས་དུས་ལ་སྐྱོ་བ་སྣ་ཚོགས་སྐྱེས་པའི་དོན་དང་མཐུན་པར་རྫོགས་ཆེན་པ་རང་བྱུང་རྡོ་རྗེས་སོ། །

(༢༢༡)འུྃ རྫོགས་པ་ཆེན་པོ་ཀློང་ཆེན་སྙིང་ཐིག་གི་བརྒྱུད་འདེབས་བྱིན་རླབས་ཆང་རྒྱུན་བཞུགས ཨེ་མ་ཧོ རྒྱ་ཆད་ཕྱོགས་ལྷུང་བྲལ་བའི་ཞིང་ཁམས་ནས དང་པོའི་སངས་རྒྱས་ཆོས་སྐུ་ཀུན་ཏུ་བཟང་ ལོངས་སྐུ་ཆུ་ཟླའི་རོལ་རྩལ་རྡོ་རྗེ་སེམས སྤྲུལ་སྐུར་མཚན་རྫོགས་དགའ་རབ་རྡོ་རྗེ་ལ གསོལ་བ་འདེབས་སོ་བྱིན་རླབས་དབང་བསྐུར་སྩོལ ཤྲཱི་སིངྷ་དོན་དམ་ཆོས་ཀྱི་མཛོད འཇམ་དཔལ་བཤེས་གཉེན་ཐེག་དགུའི་འཁོར་ལོས་སྒྱུར ཛྙཱ་ན་སུ་ཏྲ་པཎ་ཆེན་བི་མ་ལར གསོལ་བ་འདེབས་སོ་གྲོལ་བྱེད་ལམ་སྣ་སྟོན འཛམ་བུའི་གླིང་གི་རྒྱན་གཅིག་པདྨ་འབྱུང་ ངེས་པར་ཐུགས་ཀྱི་སྲས་མཆོག་རྗེ་འབངས་གྲོགས ཐུགས་གཏེར་རྒྱ་མཚོའི་བརྡ་འགྲོལ་ཀློང་ཆེན་ཞབས མཁའ་འགྲོའི་དབྱིངས་མཛོད་བཀའ་བབས་འཇིགས་མེད་གླིང་ གསོལ་བ་འདེབས་སོ་འབྲས་བུ་ཐོབ་གྲོལ་སྩོལ སྲིད་ལས་ངེས་པར་འབྱུང་བའི་ཞེན་ལོག་གིས རྡོ་རྗེའི་བླ་མ་དོན་ལྡན་མིག་བཞིན་བརྟེན ཅི་གསུང་བཀའ་བསྒྲུབ་ཟབ་མོའི་ཉམས་ལེན་ལ ལྟེམ་རྐྱང་མེད་པའི་སྒྲུབ་ཚུགས་ཞེ་རུས་ཀྱིས ཐུགས་རྒྱུད་དགོངས་པའི་བྱིན་རླབས་འཕོ་བར་ཤོག སྣང་སྲིད་འཁོར་འདས་ཡེ་ནས་འོག་

(༢༢༢)མིན་ཞིང་ ལྷ་སྔགས་ཆོས་སྐུར་དག་རྫོགས་སྨིན་པའི་འབྲས སྤང་བླང་བྱ་རྩོལ་མེད་པའི་རྫོགས་པ་ཆེ ཤེས་ཉམས་ཡིད་དཔྱོད་ལས་འདས་རིག་པའི་གདངས ཆོས་ཉིད་མངོན་སུམ་རྗེན་པར་མཐོང་བར་ཤོག མཚན་མའི་རྟོགས་པ་རྣམ་གྲོལ་འཇའ་ཟེར་སྦུབས སྐུ་དང་ཐིག་ལེའི་ཉམས་སྣང་གོང་དུ་འཕེལ རིག་རྩལ་ལོངས་སྐུའི་ཞིང་ཁམས་ཚད་ལ་ཕེབས ཆོས་ཟད་བློ་འདས་ཆེན་པོར་སངས་རྒྱས་ནས གཞོན་ནུ་བུམ་སྐུར་གཏན་སྲིད་ཟིན་པར་ཤོག ཤིན་ཏུ་རྣལ་འབྱོར་ཉམས་འོག་མ་ཆུད་དེ རགས་ལུས་དངས་མའི་དབྱིངས་སུ་མ་གྲོལ་ན ནམ་ཞིག་ཚེ་ཡི་འདུ་བྱེད་བསྟུངས་པའི་ཚེ འཆི་བ་འོད་གསལ་ཀ་དག་ཆོས་སྐུར་ཤར བར་དོའི་སྣང་ཆ་ལོངས་སྤྱོད་རྫོགས་སྐུར་གྲོལ ཁྲེགས་ཆོད་ཐོད་རྒལ་ལམ་གྱི་རྩལ་རྫོགས་ནས མ་བང་བུ་འཇུག་ལྟ་བུར་གྲོལ་བར་ཤོག གསང་ཆེན་འོད་གསལ་ཐེག་པ་མཆོག་གི་རྩེ སངས་རྒྱས་གཞན་ནས་མི་འཚོལ་ཆོས་སྐུའི་ཞལ མངོན་གྱུར་གདོད་མའི་ས་ལ་མ་གྲོལ་ན མ་བསྒོམ་སངས་རྒྱས་ཆོས་ལྔའི་ལམ་མཆོག་ལ བརྟེན་ནས་རང་བཞིན་སྤྲུལ་པའི་ཞིང་ལྔ་དང་ ཁྱད་པར་པདྨ་འོད་ཀྱི་ཕོ་བྲང་

(༢༢༣)འུྃ དུ རིག་འཛིན་རྒྱ་མཚོའི་གཙོ་མཆོག་ཨོ་རྒྱན་རྗེས གསང་ཆེན་ཆོས་ཀྱི་དགའ་སྟོན་འགྱེད་པའི་སར སྲས་ཀྱི་ཐུ་བོར་སྐྱེས་ནས་དབུགས་དབྱུང་སྟེ མཐའ་ཡས་འགྲོ་བའི་ཉེར་འཚོར་བདག་འགྱུར་ཤོག རིག་འཛིན་རྒྱལ་བ་རྒྱ་མཚོའི་བྱིན་རླབས་དང་ ཆོས་དབྱིངས་བསམ་མི་ཁྱབ་པའི་བདེན་པ་ཡིས དལ་འབྱོར་རྟེན་ལ་རྫོགས་སྨིན་སྦྱངས་གསུམ་གྱིས རྟེན་འབྲེལ་མངོན་གྱུར་སངས་རྒྱས་ཐོབ་པར་ཤོག

(༢༢༤)

(༢༢༥)འུྃ ཀློང་ཆེན་སྙིང་གི་ཐིག་ལེ་ལས ནང་སྒྲུབ་རིག་འཛིན་འདུས་པ་བཞུགས

(༢༢༦)འུྃ བཛྲ་གུ་རུ་བིདྱཱ་དྷ་ར་ཡེ ནང་སྒྲུབ་རིག་འཛིན་འདུས་པ་ནི དབེན་ཞིང་ཉམས་དགའ་ས་ཕྱོགས་དམར རྩི་ཤིང་ནགས་ཚལ་མེ་ཏོག་རྒྱས བཀྲ་ཤིས་ཡིད་འོང་གནས་མཆོག་དེར དཀྱིལ་འཁོར་མཆོད་པའི་ཡོ་བྱད་དང་ སྤྱན་གཟིགས་ལ་སོགས་བློ་དང་སྦྱར བདེ་བའི་སྟན་ལ་བག་ཕེབ་ནས སྦྱོར་དངོས་རྗེས་གསུམ་ཚང་བ་ཡི རྟེན་འབྲེལ་ཟབ་མོས་ཉམས་སུ་བླང་ ས་མ་ཡ དང་པོ་སྔོན་འགྲོའི་སྦྱོར་བ་ལ རྣམ་གྲངས་བདུན་ལས་དང་པོ་ནི མདུན་མཁར་ཚོགས་ཞིང་གསལ་བཏབ་སྟེ ཁྱེད་ཤེས་དད་པས་སྐྱབས་སུ་འགྲོ ན་མོ་བདག་དང་མཐའ་ཡས་སེམས་ཅན་

(༢༢༧)འུྃ ཀུན མཆོག་གསུམ་ངོ་བོ་བླ་མ་དང་ རིག་འཛིན་རྒྱ་མཚོའི་དཀྱིལ་འཁོར་ལ སྙིང་ནས་དད་པས་སྐྱབས་སུ་མཆི ལན་གསུམ་གཉིས་པ་སེམས་བསྐྱེད་ནི ཧོ རིག་འཛིན་དཀྱིལ་འཁོར་འདིར་ཞུགས་ནས ཕ་མ་འགྲོ་དྲུག་སེམས་ཅན་ཀུན ཚད་མེད་སྙིང་རྗེས་སྒྲོལ་བའི་ཕྱིར སྨོན་འཇུག་དོན་དམ་བྱང་སེམས་བསྐྱེད ལན་གསུམ་གསུམ་པ་ཚོག་གསོག་ནི ཧོ ཆུ་ལས་ཆུ་བུར་ཇི་བཞིན་དུ ཡེ་ཤེས་དབྱིངས་ལས་སྤྲུལ་པའི་ལྷར མངོན་སུམ་

(༢༢༨)རིག་པས་ཕྱག་འཚལ་ལོ ཉམས་སྣང་གོང་འཕེལ་མཆོད་པར་འབུལ རིག་པ་ཚད་ཕེབས་ངང་དུ་བཤགས ཆོས་ཉིད་ཟད་ལ་རྗེས་ཡི་རང་ འཕོ་ཆེན་ཀློང་ནས་ཆོས་འཁོར་བསྐོར འཇའ་ལུས་ཆེན་པོར་བཞུགས་གསོལ་འདེབས དགེ་ཚོགས་གཞོན་ནུ་བུམ་སྐུར་བསྔོ བཞི་པ་བགེགས་ལ་བཀའ་བསྒོ་བ། ཧྲཱི སྣོད་བཅུད་སྤྲུལ་པའི་དཀྱིལ་འཁོར་འདིར གླགས་ལྟ་བར་གཅོད་བདུད་ཀྱི་རིགས གཏོར་མ་ལོང་ལ་གཞན་དུ་དེངས བཀའ་ལས་འདས་ན་རྡོ་རྗེས་གཞོམ ཧཱུཾ་བཞིའི་སྔགས་དང་ཐུན་གྱིས་གཟིར ལྔ་པ་སྲུང་འཁོར་བསྒོམ་པ་ནི ཧྲཱི སྣང་སྲིད་དག་པ་རབ་འབྱམས་ལ བགེགས་དང་བར་གཅོད་མིང་ཡང་མེད གློ་བུར་རྣམ་རྟོག་འཁྲུལ་པའི་གདོན ཆོས་དབྱིངས་ངང་དུ་མཚམས་གཅད་དོ དྲུག་པ་ཡེ་ཤེས་བྱིན་འབབས་ནི ཧཱུཾ སྤྲོས་བྲལ་ཆོས་སྐུའི་ཕོ་བྲང་ནས དང་པོའི་སངས་རྒྱས་ཀུན་ཏུ་བཟང་ རིགས་ལྔ་ཡབ་ཡུམ་སྦྲུལ་འཁོར་བཅས དགོངས་རྒྱུད་བླ་མས་བྱིན་ཆེན་

(༢༢༩)འུྃ ཕོ་བ སྒྱུ་འཕྲུལ་རྡོ་རྗེའི་ཕོ་བྲང་ནས དགའ་རབ་འཇམ་དཔལ་བཤེས་གཉེན་དང་ ཤྲཱི་སིང་ཛྙཱ་ན་སཱུ་ཏྲ་སོགས བརྡ་བརྒྱུད་བླ་མས་བྱིན་ཆེན་ཕོབ འགྲོ་འདུལ་སྤྲུལ་པའི་ཕོ་བྲང་ནས རིག་འཛིན་བརྒྱད་དང་པདྨ་འབྱུང་ རྗེ་འབངས་ཉི་ཤུ་རྩ་ལྔ་སོགས སྙན་བརྒྱུད་བླ་མས་བྱིན་ཆེན་ཕོབ དཀྱིལ་འཁོར་འདི་ལ་བཀྲག་ཅིག་ཐོན སྒྲུབ་རྫས་འདི་ལ་ཞག་ཅིག་སྐྱིལ ལུས་ངག་ཡིད་ལ་བདེ་ཆེན་སྤོར མཆོག་དང་ཐུན་མོང་དངོས་གྲུབ་སྩོལ ཨོཾ་ཨཱཧཱུྃ བིདྱཱ་དྷཱ་ར་ཨེ་ཨ་རལླི་ཕེ༚་ཕེ༚ ཧཱུཾ་ཧཱུཾ་ཧཱུཾ ཧཱུཾ་ཧཱུཾ་ཧཱུཾ ཧཱུཾ་ཧཱུཾ་ཧཱུཾ ཞེས་བརྗོད་རོལ་མོ་དྲག་ཏུ་བཀྲོལ བདུན་པ་མཆོད་རྫས་བྱིན་རློབ་ནི ཨོཾ་ཨཱཧཱུཾ སྣང་སྲིད་ཐམས་ཅད་མཆོད་པའི་སྤྲིན ཡེ་ཤེས་བདུད་རྩིར་བྱིན་བརླབས་པས ཕྱི་ནང་གསང་བའི་མཆོད་རྫས་ཀུན ཀུན་བཟང་རྣམ་འཕྲུལ་ཆེན་པོར་གྱུར ཨོཾ་བཛྲ་ཨརྒྷཾ་སོགས སརྦ་པཉྩ་རཀྟ་བ་ལིངྟ་མ་ཧཱ་སུ་ཁ་པཱུ་ཙ་ཨཱཧཱུཾ ལན་གསུམ་བརྗོད་པས་བྱིན་གྱིས་བརླབས གཉིས་པ་དངོས་གཞིར་

(༢༣༠)རྣམ་གྲངས་བདུན དང་པོ་རྟེན་དང་བརྟེན་པར་བཅས སྤྲོས་བྲལ་ངང་ནས་བསྐྱེད་པ་ནིཧཱུཾ མ་བཅོས་རིག་པ་སྟོང་གསལ་ངང་ ལྷག་མཐོང་སྣང་ཆའི་རྟེན་འབྲེལ་ཀུན ལྷུན་གྲུབ་དག་པ་རབ་འབྱམས་ཀྱི དཀྱིལ་འཁོར་ཆེན་པོར་ལྷུན་རྫོགས་པའི ཕོ་བྲང་གཞལ་མེད་ཉམས་དགའ་བ གྲུ་བཞི་སྒོ་བཞི་མཚན་ཉིད་ལྡན བརྡ་དོན་རྟགས་གསུམ་ཡོངས་རྫོགས་པའི ཕྱི་ནང་ཟང་ཐལ་ཆེན་པོའི་དབུས སྣ་ཚོགས་པདྨ་ཉི་ཟླའི་སྟེང་ ཧཱུཾ་ལས་སྐད་ཅིག་དྲན་རྫོགས་སུ བདག་ཉིད་སངས་རྒྱས་ཀུན་གྱི་དངོས སྣང་སྲིད་ཟིལ་གནོན་པདྨ་འབྱུང་ ཞལ་གཅིག་ཕྱག་གཉིས་དཀར་དམར་མདངས ཐེག་གསུམ་རྫོགས་པའི་བརྡ་རྟགས་སུ ཕོད་ཁ་ཆོས་གོས་བེར་འདུང་མནབས ཕྱག་གཡས་རྡོ་རྗེ་རྩེ་ལྔ་བསྡིགས གཡོན་པས་བྷནྡྷ་ཚེ་བུམ་བསྣམས མཆན་ཁུང་གཡོན་ན་ལྷ་ལྕམ་མཛེས དབུ་ལ་པདྨའི་མཉེན་ཞུ་གསོལ རྒྱལ་པོ་རོལ་པའི་སྟབས་སུ་འགྱིངས

(༢༣༡)འུྃ དབུ་གཙུག་འཇའ་ཟེར་ཐིག་ལེའི་ཀློང་ དགའ་རབ་རྡོ་རྗེ་ལོངས་སྐུའི་ཆས དཀར་གསལ་རྡོར་དྲིལ་ཐུགས་ཀར་བསྣོལ དེ་ཡི་དབུ་གཙུག་ཐོག་མའི་མགོན ཀུན་བཟང་ཡབ་ཡུམ་ནམ་མཁའི་མདོག ཕྱི་འཁོར་པདྨ་འདབ་བརྒྱད་སྟེང་ འོད་ལྔའི་ཐིག་ལེ་ཟླུམ་སྐོར་དབུས དཔལ་ཆེན་གྲུབ་པའི་རིག་འཛིན་བརྒྱད ཀུན་ཀྱང་ཧེ་རུ་ཀ་པའི་ཆས ཕྱག་གཉིས་ཌ་རུ་དྲིལ་བུ་འཁྲོལ སྟང་སྟབས་ཕྱག་རྒྱ་གར་གྱིས་རོལ ཕྱོགས་བཞི་ཕྱོགས་མདོག་མཚམས་བཞི་མཐིང་ སྒྲུབ་སྡེ་བརྒྱད་ཀྱི་ངོ་བོར་གསལ བར་མཚམས་རྒྱ་བོད་རིག་འཛིན་དང་ སྤྲུལ་པའི་རྗེ་འབངས་ཉི་ཤུ་ལྔ རྣམ་འགྱུར་ཆ་ལུགས་མ་ངེས་ཤིང་ རྡོ་རྗེའི་གར་སྟབས་ཅིར་ཡང་བསྒྱུར སྟེང་ཕྱོགས་རྒྱུད་སྡེ་བཞི་དྲུག་གི ཡི་དམ་དཔའ་བོ་མཁའ་འགྲོའི་ཚོགས ཏིལ་གྱི་གང་བུ་ལྟ་བུར་བཞུགས ཕྱི་ཁྱམས་དཔལ་མགོན་བདུན་ཅུ་དང་ དབང་ཕྱུག་ཉི་ཤུ་རྩ་བརྒྱད་སོགས བཀའ་སྡོང་

(༢༣༢)དམ་ཅན་རླུང་ལྟར་འཚུབས སྒོ་བཞིར་གིང་ཆེན་སྡེ་བཞི་གསལ ཀུན་ཀྱང་སྣང་སྟོང་རོལ་པའི་ངང་ གསལ་ལ་མ་འདྲེས་ལྷུན་གྱིས་གྲུབ གནས་གསུམ་ཡི་གེ་གསུམ་གྱིས་མཚན རྡོ་རྗེ་གསུམ་གྱི་ངོ་བོར་གྲུབ དེ་ལས་འོད་ཟེར་རབ་འཕྲོས་པས རང་བཞིན་ཆོས་དབྱིངས་གནས་མཆོག་དང་ ནུབ་ཕྱོགས་ཨོ་རྒྱན་སྤྲུལ་པའི་ཞིང་ གནས་ཡུལ་དུར་ཁྲོད་བརྒྱད་སོགས་དང་ ཁྱད་པར་རྔ་ཡབ་ལངྐའི་གླིང་ ཟངས་མདོག་དཔལ་གྱི་རི་བོ་ནས རིག་འཛིན་འདུས་པའི་དཀྱིལ་འཁོར་ལྷ སྤྱན་འདྲེན་གནས་འདིར་ས་མཱ་ཛ གཉིས་པ་སྤྱན་འདྲེན་སྤོས་རོལ་དང་ གདུང་བ་དྲག་པོའི་དབྱངས་ཀྱིས་འབོད ཧཱུཾ སྔོན་གྱི་བསྐལ་པའི་དང་པོ་ལ ཨོ་རྒྱན་ཡུལ་གྱི་ནུབ་བྱང་མཚམས པདྨ་གེ་སར་སྡོང་པོ་ལ ཡ་མཚན་མཆོག་གི་དངོས་གྲུབ་བརྙེས པདྨ་འབྱུང་གནས་ཞེས་སུ་གྲགས འཁོར་དུ་མཁའ་འགྲོ་མང་པོ་དང་ རིག་འཛིན་གྲུབ་ཐོབ་རྒྱ་མཚོས་བསྐོར ཁྱེད་ཀྱི་

(༢༣༣)རྗེས་སུ་བདག་བསྒྲུབ་ཀྱི བྱིན་གྱིས་བརླབ་ཕྱིར་གཤེགས་སུ་གསོལ གནས་མཆོག་འདི་རུ་བྱིན་ཕོབ་ལ སྒྲུབ་མཆོག་བདག་ལ་དབང་བཞི་བསྐུར བགེགས་དང་ལོག་འདྲེན་བར་ཆད་སོལ མཆོག་དང་ཐུན་མོང་དངོས་གྲུབ་སྩོལ ཨོཾ་ཨཱཧཱུཾ་བཛྲ་གུ་རུ་པདྨ་ཐོད་ཕྲེང་རྩལ བཛྲ་ས་མ་ཡ་ཛཛ གསུམ་པ་བཞུགས་སུ་གསོལ་བ་ནི ཧཱུཾ ཐབས་ཀྱིས་བསྐྱེད་པའི་དཀྱིལ་འཁོར་འདིར ཤེས་རབ་དབྱིངས་ནས་དྲངས་པའི་ལྷ རིག་འཛིན་བླ་མའི་དཀྱིལ་འཁོར་རྣམས གཉིས་མེད་ངང་དུ་དགྱེས་པར་བཞུགས བཛྲ་ས་མ་ཡ་ཏིཥྛ་ལྷན བཞི་པ་བརྡ་ཕྱག་འཚལ་བ་ནི ཧཱུཾ ལྷ་ཉིད་རང་ལ་རང་ཉིད་ལྷ རང་བྱུང་སྤྲུལ་པའི་དཀྱིལ་འཁོར་ལ བཟང་ངན་བླང་དོར་མ་མཆིས་ཀྱང་ རྟེན་འབྲེལ་བརྡ་ཡིས་ཕྱག་འཚལ་ལོ ཨ་ཏི་པུ་ཧོ པྲ་ཏིཙྪ་ཧོ ལྔ་པ་མཆོད་པའི་བྱེ་བྲག་ནི ཨོཾ་ཨཱཧཱུཾ ཕྱི་ནང་སྣོད་བཅུད་མཆོད་པའི་སྤྲིན ཉེར་སྤྱོད་འདོད་ཡོན་སྣ་ལྔ་དང་ བཀྲ་ཤིས་

(༢༣༤)རྫས་རྟགས་རྒྱལ་སྲིད་བདུན སྨན་གཏོར་རཀྟ་དངས་རེ་སྤྲོ སྒེག་བཞད་གཡོ་བའི་གར་མ་དང་ བདེ་ཆེན་སྦྱོར་བའི་རིག་མ་འབུམ མཆོད་བྱ་མཆོད་བྱེད་མཆོད་ཡུལ་ཀུན ཡེ་ཤེས་དབྱིངས་སུ་རྣམ་དག་པའི མཆོད་པའི་ཕྱག་རྒྱ་ཆེན་པོ་སོགས རིག་འཛིན་འདུས་པའི་ལྷ་ལ་འབུལ བཞེས་ནས་དབང་དང་དངོས་གྲུབ་སྩོལ ཨོཾ་བཛྲ་ཨརྒྷཾ་ནས་ ཤཔྟ་རཱུ་པ་ ཤཔྟ་ གྷནྷེ་ རཱ་ས་ སྤརྴེ་ཨཱཧཱུཾ སརྦ་པཉྩ་བཱ་ལིང་ཏ་རཀྟ་མ་ཧཱ་སུ་ཁ་དྷརྨ་དྷརྟུ་ཨཱཧཱུཾ དྲུག་པ་བསྟོད་པ་བྱ་བ་ནི ཧྲཱི མ་བཅོས་སྤྲོས་བྲལ་བླ་མ་ཆོས་ཀྱི་སྐུ བདེ་ཆེན་ལོངས་སྤྱོད་བླ་མ་ཆོས་ཀྱི་རྗེ པད་སྡོང་ལས་འཁྲུངས་བླ་མ་སྤྲུལ་པའི་སྐུ སྐུ་གསུམ་རྡོ་རྗེ་འཆང་ལ་ཕྱག་འཚལ་བསྟོད བདེ་བྱེད་བརྩེགས་པར་ཟབ་བརྒྱའི་དངོས་གྲུབ་བརྙེས དུར་ཁྲོད་བརྒྱད་དུ་དགོངས་པའི་བཙན་ས་ཟིན རབ་འབྱམས་དཀྱིལ་འཁོར་རྒྱ་མཚོར་མངའ་དབང་བསྒྱུར མཆོག་གི་རིག་འཛིན་བརྒྱད་ལ་ཕྱག་འཚལ་བསྟོད དགོངས་པ་

(༢༣༥)འུྃ ཀློང་ཆེན་ཡངས་པའི་མཁའ་ལ་འཕྱོ རྣམ་འགྱུར་བརྟུལ་ཞུགས་སྤྱོད་པས་འགྲོ་བ་འདྲེན རྨད་བྱུང་རྡོ་རྗེ་སྙིང་པོའི་དགོངས་སྲོག་འཛིན ཐུགས་སྲས་རྗེ་འབངས་ཉེར་ལྔར་ཕྱག་འཚལ་བསྟོད གཞན་ཡང་རིག་འཛིན་སྤྲུལ་པའི་དཀྱིལ་འཁོར་དུ དམ་ཚིག་ཐུགས་རྗེས་འཁོད་པའི་རྩ་གསུམ་ལྷ ཡེ་ཤེས་དབྱིངས་ལས་སྤྲུལ་པའི་ཕོ་ཉ་བ དཀྱིལ་འཁོར་ཡོངས་རྫོགས་ལྷ་ལ་ཕྱག་འཚལ་བསྟོད བདུན་མ་འཛབ་དགོངས་གསལ་བ་ནི ཐུགས་ཀར་པདྨ་ཉི་ཟླའི་སྟེང་ ཧཱུཾ་ཡིག་མཐིང་གའི་མཐའ་སྐོར་དུ སྔགས་ཕྲེང་སྦུ་ཤད་ལྟ་བུས་བསྐོར འོད་ཟེར་འཕྲོས་པས་སྣོད་བཅུད་སྦྱངས རྣམ་དག་ལྷ་ཡི་དལ་དུ་བསྒོམ མ་གྲུབ་བར་དུ་མི་བཏང་ངོ་ ཨོཾ་ཨཱཧཱུཾ་བཛྲ་གུ་རུ་པདྨ་སིདྡྷི་ཧཱུཾ བསྙེན་པ་ཆུ་བོའི་གཞུང་བཞིན་བསྐྱལ རེས་འགའ་ཧཱུཾ་གི་སྣང་གླུ་ལེན ཤེས་པ་གཏད་མེད་ངང་ལ་བཏང་ རྗེས་ཐོབ་ལུ་གུ་རྒྱུད་ལ་གཟིར འདི་ཉིད་བསྒྲུབས་པའི་རྣལ་འབྱོར་ལ རིག་འཛིན་རྒྱ་མཚོས་བྱིན་གྱིས་

(༢༣༦)བརླབ མ་དང་ཌཱཀྐིས་ལུང་ཡང་སྟོན ཕྱི་མ་རྔ་ཡབ་དཔལ་གྱི་རིར ཐེ་ཚོམ་མེད་དོ་ས་མ་ཡ གབ་བྱང་ལས བསྙེན་པ་འབྲུམ་སྔོན་སོང་ནས རིག་འཛིན་སྲོག་སྒྲུབ་སྙིང་པོ་ནི ཐོག་མཐའ་ཨོཾ་དང་ཧཱུྃ་བཞག་ནས བར་ན་བཅུ་གཉིས་གྲོང་མཛེས་པ རིག་འཛིན་སྲོག་གི་ཡང་སྙིང་ཡིན ཨོཾ་ཨཱཧཱུཾབཛྲ་མ་ཧཱ་གུ་རུ་སརྦ་སིདྡྷི་ཧཱུཾ འབུམ་ཕྲག་བཅུ་གཉིས་དངོས་གྲུབ་ཐོབ ཅེས་གསུངས་སོ རྗེས་ལ་ཚོགས་ཀྱི་རིམ་པ་ནི སྲིད་པའི་འདོད་ཡོན་མཆོད་པར་བཤམ ཁྱད་པར་ཤ་ཆང་མེད་མི་རུང་ དང་པོ་བྱིན་གྱིས་རློབ་པ་ནི ཧཱུཾ བདག་ཉིད་ཐུགས་ལས་རཾ་ཡཾ་ཁཾ འཕྲོས་པས་ཚོགས་ཀྱི་ཉེས་སྐྱོན་སྦྱངས ཨོཾ་ཨཱཧཱུཾ་གིས་བདུད་རྩིར་བསྒྱུར འདོད་ཡོན་ནམ་མཁའ་མཉམ་པར་སྤེལ རཾ་ཡཾ་ཁཾ ཨོཾ་ཨཱཧཱུཾ གཉིས་པ་ཚོགས་ཞིང་སྤྱན་འདྲེན་ནི ཧཱུཾ འོག་མིན་བདེ་ཆེན་ཞིང་ཁམས་དང་ ནུབ་ཕྱོགས་ཨོ་རྒྱན་སྤྲུལ་པའི་གླིང་ ཁྱད་པར་རྔ་ཡབ་དཔལ་གྱི་ར གནས་ཡུལ་དུར་ཁྲོད་བརྒྱད་སོགས་ནས རིག་འཛིན་འདུས་པའི་ལྷ་ཚོགས་

(༢༣༧)འུྃ རྣམས ཚོགས་ལ་སྤྱན་འདྲེན་གཤེགས་སུ་གསོལ དུར་ཁྲོད་ཚོགས་ཁང་ཉམས་རེ་དགའ མཁའ་འགྲོའི་འདུ་བ་བག་རེ་དྲོ རྣལ་འབྱོར་ཕོ་མོ་དམ་རེ་གཙང་ འདོད་ཡོན་ཚོགས་མཆོད་མདངས་དང་ལྡན འདིར་གཤེགས་ཚོགས་ལ་བྱིན་ཆེན་ཕོབ མཆོག་དང་ཐུན་མོངས་དངོས་གྲུབ་སྩོལ གསུམ་པ་ཚོགས་ཕུད་འབུལ་བ་ནི ཧཱུཾ རྩ་གསུམ་རིག་འཛིན་རྒྱ་མཚོ་དང་ ཌཱཀྐི་ཆོས་སྲུང་དམ་ཅན་ལ འདོད་ཡོན་ལོངས་སྤྱོད་ཚོགས་མཆོད་འབུལ མཆོག་དང་ཐུན་མོང་དངོས་གྲུབ་སྩོལ ག་ན་ཙཀྲ་པཱུ་ཙ་ཁཱ་ཧི བཞི་པ་བརྡབ་བཤགས་པ་ནི ཧཱུཾ བདག་གི་ཚེ་རབས་ཐོག་མེད་ནས གསང་སྔགས་ཐེག་ཆེན་སྒོར་ཞུགས་ཏེ རྩ་བ་ཡན་ལག་དམ་ཉམས་པ འདོད་ཡོན་ཚོགས་ཀྱི་མཆོད་པས་བཤགས བཛྲ་ས་མ་ཡ་ཨཱ ལྔ་པ་བསྒྲལ་ཞིང་བསྟབ་པ་ནི ཧཱུཾ མ་རིག་ལས་ཉོན་གཟུང་འཛིན་གྱིས བསྐྱེད་པའི་བདག་འཛིན་རཱུ་ཏྲ་ཀུན གཟུགས་ལ་

(༢༣༨)ཕོབ་ཅིག་ནྀ་ཏྲི་ཛ རྣམ་ཤེས་ཆོས་དབྱིངས་ཀློང་དུ་ཕཊ གཟུགས་ཕུང་ཚོགས་ཀྱི་འཁོར་ལོར་རོལ རཱུ་ཏྲ་སརྦ་ཧ་ལ་པཉྩ་པཱུ་ཙ་ཁཱ་ཧི དྲུག་པ་ལྷག་མ་བསྔོ་བ་ནི ཧཱུཾ དཀྱིལ་འཁོར་ཆེན་པོའི་མུ་རན་ལ གནས་པའི་དབང་ཕྱུག་གིང་ལངྐ་ ལྷག་མའི་གཏོར་མ་འདི་བཞེས་ལ རྣལ་འབྱོར་སྒྲུབ་པའི་བར་ཆད་སྲུངས ཨུཥྩི་ཊ་བཱ་ལིངྟ་ཁཱ་ཧི བདུན་པ་ཐུགས་དམ་བསྐུལ་བ་ནི ཧཱུཾ བཞེངས་ཤིག་རིག་འཛིན་འདུས་པའི་ལྷ ཆོས་ཀྱི་དབྱིངས་ནས་སྐུར་བཞེངས་ལ བྱང་ཆུབ་བསྒྲུབ་པའི་བར་ཆད་ཐུལ སྣོད་བཅུད་འབྱུང་བའི་རྒུད་པ་སོལ རྩ་རླུང་དབང་ཐང་ཉམས་པ་གསོས་སྒྲུབ་པའི་འབྲས་བུ་མཆིས་པར་མཛོད བརྒྱད་པ་ཆད་ཐོ་བྱ་བ་ནི ཧཱུཾ སྔོན་ཚེ་འོག་མིན་བདེ་ཆེན་ཞིང་ ལྷ་གནས་གསུམ་སོགས་ཉམས་དགའ་བར གསང་ཆེན་རྒྱུད་སྡེའི་གནས་བསྟན་ཚེ རྡོ་རྗེ་ཐེག་པའི་བཀའ་སྲུང་རྣམས དམ་ཚིག་གཉན་པོའི་གྲལ་དུ་བཞག བར་དུ་གངས་ཅན་

(༢༣༩)འུྃ བོད་ཀྱི་ཡུལ སློབ་དཔོན་པདྨ་ཐོད་ཕྲེང་གིས གསང་སྔགས་ཆོས་འཁོར་བསྐོར་བའི་ཚེ སྲིད་པའི་ལྷ་སྲིན་ཆེ་དགུ་ཡི སྲོག་སྙིང་ཕྲོགས་ཏེ་རྩིས་སུ་ཕབ ཐ་མ་འོད་གསལ་དག་པའི་ཞིང་ བདེ་བ་ཆེན་པོའི་ཕོ་བྲང་དུ རིག་འཛིན་པདྨ་དབང་ཆེན་ལ པད་འབྱུང་དྲི་མེད་འོད་ཟེར་གྱིས ཀློང་ཆེན་ཟབ་རྒྱའི་དབུགས་དབྱུང་ཞིང་ ཡེ་ཤེས་དབྱིངས་ཀྱི་མཁའ་འགྲོ་མས ཀློང་གསལ་བརྡ་རིས་སྤྲད་པའི་ཚེ གཟའ་རྒོད་སྲོག་གི་སྤུ་གྲི་སོགས བཀའ་སྲུང་གཉན་པོས་ཁས་བླངས་བཞིན མཆོད་གཏོར་རྒྱན་ལྡན་འདི་བཞེས་ལ ལས་བཞིའི་ཕྲིན་ལས་འགྲུབ་བར་མཛོད དགུ་པ་བརྟན་མ་སྐྱོང་བ་ནི ཧཱུཾ དཔལ་གྱི་བཀའ་ཉན་བོད་ཁམས་སྐྱོང་ མ་སྲིང་བརྟན་མ་བཅུ་གཉིས་རྣམས འདིར་བྱོན་གཏོར་མའི་བཤལ་ཆུ་བཞེས བཅོལ་པའི་ཕྲིན་ལས་གྲུབ་པར་མཛོད མ་མ་ཧྲི༚་ཧྲི༚་བ་ལིངྟ་ཁཱ་ཧི བཅུ་པ་རྟ་བྲོ་བྱ་བ་ ཧཱུཾ རིག་འཛིན་རྒྱལ་བའི་དཀྱིལ་འཁོར་འདིར ལོག་པར་འདྲེན་

(༢༤༠)པའི་དམ་སྲི་ཀུན མནན་ནོ་ཐེག་པ་རིམ་དགུའི་རྒྱ ནམ་ཡང་ལྡང་བར་མ་གྱུར་ཅིག སྟྭཾ་བྷ་ཡ་ནན བཅུ་གཅིག་དངོས་གྲུབ་བླང་བ་ནི ཧོ རིག་འཛིན་དཀྱིལ་འཁོར་ལྷ་ཚོགས་རྣམས བསྙེན་ཅིང་སྒྲུབ་པའི་དམ་ཚིག་ཐེབས རྡོ་རྗེ་སེམས་དཔའི་ནམ་ཡང་ལངས དངོས་གྲུབ་སྩོལ་པའི་དུས་ལ་བབ སྐུ་གསུང་ཐུགས་ཀྱི་དཀྱིལ་འཁོར་ནས མི་གནས་ཡེ་ཤེས་གསང་བ་མཆོག རྡོ་རྗེ་གསུམ་གྱིས་བྱིན་རློབ་ལ མཆོག་དང་ཐུན་མོང་དངོས་གྲུབ་ཀུན ད་ལྟ་ཉིད་དུ་ཐོབ་པར་སྩོལ ཨོཾ་ཨཱཧཱུཾ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛ ཀཱ་ཡ་ཝཱཀྐ་ཙིཏྟ་ཨ་ལ་ལ་སིདྡྷི་ཕ་ལ་ཧཱུཾ བཅུ་གཉིས་ནོངས་པ་བཤགས་པ་ནི ཧཱུཾ རིག་འཛིན་འདུས་པའི་དཀྱིལ་འཁོར་དུ མཆོད་རྫས་མ་ཚང་སྒྲུབ་པ་གཡེལ ཏིང་འཛིན་བྱིང་རྨུགས་འཐིབས་ལ་སོགས འགལ་འཁྲུལ་ནོངས་པ་བཟོད་པར་གསོལ བཛྲ་ས་ཏྭ་སོགས་བརྗོད བཅུ་གསུམ་རྫོགས་རིམ་བསྡུ་བ་ནི ཧོ ཆུ་ལ་ཆུ་བུར་

(༢༤༡)འུྃ རྡོལ་བ་བཞིན རང་ལས་སྤྲུལ་པའི་དཀྱིལ་འཁོར་ལྷ ཡེ་ཤེས་དབྱིངས་སུ་བཛྲ་མུ རྗེས་ཐོབ་སྒྱུ་མའི་ལྷ་སྐུར་ལྡང་ བཅུ་བཞི་བསྔོ་སྨོན་མཚམས་སྦྱོར་ནི ཧོ དུས་གསུམ་བསགས་པའི་དགེ་རྩ་ཀུན རྣམ་མཁྱེན་གདོད་མའི་རྒྱུ་རུ་བསྔོ བདག་སོགས་འདུས་པར་བཅས་པ་རྣམས ཚོམ་བུ་གཅིག་ཏུ་སངས་རྒྱས་ཤོག ལན་གསུམ བཅོ་ལྔ་བཀྲ་ཤིས་བརྗོད་པ་ནི ཧོ རིག་འཛིན་བརྒྱུད་པའི་བྱིན་རླབས་དང་ དཀོན་མཆོག་གསུམ་གྱི་བདེན་པ་དང་ གསང་སྔགས་ཟབ་མོའི་རྟེན་འབྲེལ་གྱིས འཇིགས་བརྒྱད་ཞི་བའི་བཀྲ་ཤིས་ཤོག ཚེ་བསོད་རྒྱས་པའི་བཀྲ་ཤིས་ཤོག སྣང་བ་དབང་འདུས་བཀྲ་ཤིས་ཤོག ལོག་འདྲེན་ཚར་གཅོད་བཀྲ་ཤིས་ཤོག སྣང་ཞེན་ལྷ་སྐུའི་ཕྱག་རྒྱར་རྫོགས སྒྲ་གྲགས་བདེ་ཆེན་སྔགས་སུ་དག དྲན་རྟོག་འོད་གསལ་ཆོས་སྐུར་སྨིན འཇའ་ལུས་ཟང་ཐལ་བཀྲ༴ ཨེ་མ འདི་ལྟར་ཤིན་ཏུ་ཟབ་པའི་གནད གཏེར་བཅུད་འདུས་པ་དགོངས་པའི་གཏེར ཀློང་གསལ་དབྱིངས་ཀྱི་ཕོ་བྲང་དུ བརྡ་ཚིག་རྡོ་རྗེའི་རོལ་

(༢༤༢)མོར་འཁྲོལ སྙིང་ལ་རྒྱས་བཏབ་སྦ་སྙམ་ཡང་ རིག་འཛིན་མཁའ་འགྲོའི་བརྡས་བསྐུལ་ནས ལས་ཅན་རྗེས་འཇུག་དོན་དུ་བཀོད སྙིང་ལ་སྦོས་ཤིག་ས་མ་ཡ ༅། ཨོཾ་སྭཱ་སྟི་བྱིན་རླབས་རྩ་བ་བླ་སྒྲུབ་ཀུན་གྱི་ཕུལ། །རིག་འདུས་སྔར་གྱི་ཟླ་བ་གསར་པ་འདི། །བླ་མ་འཇམ་དཔལ་བསྟན་འཛིན་ཐུགས་བསྐྱེད་ཀྱིས། །སྒྲུབ་དགེས་འགྲོ་རྣམས་སྐུ་གསུམ་མངོན་འགྱུར་ཤོག །དགེའོ། །དགེའོ། །དགེའོ། །

(༢༤༣)འུྃ ཀློང་ཆེན་སྙིང་གི་ཐིག་ལེ་ལས རིག་འཛིན་གྱི་གབ་བྱང་གནད་ཀྱི་མིག་ཚགས་བཞུགས བརྡ་བརྒྱུད་རིག་འཛིན་རྒྱ་མཚོར་འདུད རིག་འཛིན་སྒྲུབ་པའི་གབ་བྱང་ནི ལྷ་ལ་ཡེ་ཤེས་སེམས་དཔའ་གབ སྣང་སྲིད་ཟིལ་གནོན་ཐུགས་ཀ་རུ རིག་འཛིན་རྒྱལ་པོ་རྡོ་རྗེ་ཆོས སྐུ་མདོག་བྱེ་རུ་སྣུམ་བསྐུས་ལྟར གསལ་འཚེར་བཀྲག་མདངས་ལྡན་པ་ལ ཞལ་གཅིག་ཕྱག་གཉིས་ཞི་མ་ཁྲོ གཅེར་བུ་རུས་རྒྱན་ཐོར་ཚུགས་ཅན རྡོ་རྗེ་དྲིལ་བུ་བསྣོལ་བའི་པང་ རྣལ་འབྱོར་སྔོན་མོ་གྲི་ཐོད་ཅན ཆ་ལུགས་ཡབ་འདྲ་གཉིས་ཀ་ཡང་ ཤིན་ཏུ་ཆགས་པའི་རྣམ་འགྱུར་ཅན ཟག་མེད་བདེ་བ་ཆེན་པོར་སྦྱོར མི་ལ་གཅེས་པ་རྣམ་ཤེས་ལྟར ཕྱག་རྒྱ་རྟགས་ཀྱི་ལྷ་སྐུ་ཀུན ཟིལ་གནོན་ཡེ་ཤེས་སེམས་དཔའ་ནི ཤིན་ཏུ་གསལ་བརྟན་ཐོན་པ་གནད ས་མ་ཡ སྔགས་ལ་གབ་པ་འདི་ལྟ་སྟེ བསྙེན་པ་འབྲུ་་གསུམ་སྔོན་སོང་ནས རིག་འཛིན་སྲོག་སྒྲུབ་སྙིང་པོ་ནི ཐོག་མཐའ་ཨོཾ་དང་ཧཱུྃ་བཞག་ནས བར་ན་བཅུ་གཉིས་གྲངས་མཛེས་པ རིག་འཛིན་སྲོག་གི་ཡང་སྙིང་ཡིན ཨོཾ་ཨཱཧཱུྃ་བཛྲ་མ་ཧཱ་གུ་རུ་སརྦ་སིདྡྷི་ཧཱུྃ འབུམ་འཕྲག་བཅུ་གཉིས་དངོས་གྲུབ་ཐོབ ས་མ་ཡ ཏིང་འཛིན་དོ་ལའི་མན་ངག་གབ ལྷ་ལ་གསལ་

(༢༤༤)བརྟན་ཐོབ་པའི་ཚེ ཐུགས་ཀའི་སྔགས་ཕྲེང་གཡས་བསྐོར་ལས སྔགས་ཕྲེང་ལུ་གུ་རྒྱུད་དུ་འཕྲོས ཡེ་ཤེས་སེམས་དཔའི་ཞལ་ནས་ཐོན ཡུམ་གྱི་ཞལ་ཞུགས་སྐུའི་དབྱིབས་བརྒྱུད ཐུགས་ཀའི་བཾ་ལ་གཡོན་དུ་འཁོར མཁའ་གསང་ནོར་བུའི་ལམ་བརྒྱུད་དེ མགལ་མེ་ལྟ་བུར་འཁོར་བ་ཡིས ཡབ་ཡུམ་བདེ་བ་ཆེན་པོའི་ཉམས བཟོད་དུ་མེད་པར་འབར་བ་ལས ཐུགས་རྗེའི་འོད་ཟེར་ཀུན་ཏུ་འཕྲོས གཙོ་དང་འཁོར་བཅས་ཐམས་ཅད་ཀྱང་ བདེ་སྟོང་ཡེ་ཤེས་ཉམས་འུར་བས ཅང་ཏེའུ་དྲིལ་བུ་ཁྲོ་ལོ་ལོ ཞལ་ནས་ཧཱུྃ་གླུ་ཀྱུ་རུ་རུ དབྱིངས་རིག་གཉིས་མེད་བྱང་ཆུབ་སེམས རྩལ་སྣང་དག་པ་རབ་འབྱམས་ཀྱི དཀྱིལ་འཁོར་གཅིག་ཏུ་རྫོགས་པ་ལས རིག་པ་གཏད་དེ་གཡོ་མེད་བཞག གལ་ཏེ་སྣང་སྲིད་སྣོད་བཅུད་ཀྱི དངོས་སྣང་ཞིག་པར་མ་གྱུར་ན དཀྱིལ་འཁོར་འཁོར་ལོའི་འོད་ཟེར་གྱིས སྣོད་བཅུད་སྦྱངས་ཏེ་རང་ལ་བསྟིམ ལྷ་དང་སྣང་བ་ཆོས་ཉིད་གསུམ གཅིག་ཏུ་འདྲེས་པར་མ་གྱུར་བར ཏིང་འཛིན་གནད་ཀྱི་འཛིན་ཕུར་གདབ ང་རུ་འཛིན་པའི་ང་རྒྱལ་དང་ དག་པ་དྲན་པའི་བསྐྱེད་རིམ་དང་ རྣམ་པ་བཅོས་ནས་གསལ་བ་དེས ཟུང་

(༢༤༥)འུྃ འཇུག་འབྲས་བུ་འབྱིན་མི་ནུས དབྱིངས་ཀྱི་གསལ་ཆ་ལྷར་ཤར་བས བསོད་ནམས་ཚོགས་ཆེན་འདི་ཡིས་རྫོགས དེ་ལ་དངོས་ཞེན་རྣམ་དག་པས ཡེ་ཤེས་ཚོགས་ཀྱང་རྫོགས་པ་ཡིན ས་མ་ཡ དེ་ཚེ་འབྲས་བུ་ནོད་ཚུལ་གྱི མན་ངག་གབ་པ་འདི་ལྟ་སྟེ ཐ་མལ་ལུས་ལ་ཡེ་ཤེས་ཀྱི ས་ཆོད་རིག་འཛིན་བརྙེས་པའི་ཚུལ རྒྱུད་དང་རྫས་མཐུན་ཁྱད་པར་གནད སློབ་དཔོན་བཀུར་ཞིང་བསག་སྦྱང་བརྩོན མོས་གུས་གཡོ་བ་གཡོ་ཉམས་ལ དབང་གི་དཀྱིལ་འཁོར་ཡོངས་རྫོགས་ཤིང་ ཡེ་ཤེས་མཐོང་བས་ས་དང་པོ དམ་ཚིག་མ་ཉམས་དཀྱིལ་འཁོར་ལྷ རང་དུ་ཤེས་པ་ས་གཉིས་པ དཀྱིལ་འཁོར་གཙོ་ལ་སེམས་ཟིན་པ གསུམ་པ་ཡིན་ནོ་རིག་པ་འཛིན དཀྱིལ་འཁོར་ཡོངས་སུ་རྫོགས་པ་ལ སེམས་འཛིན་ཐོབ་པ་ས་གཞི་པ དེ་ལྟར་མན་ཆད་ཐོབ་པའི་ཉམས ཏིང་ངེ་འཛིན་ལ་དགའ་བྲོད་དང་ འཕེལ་འགྲིབ་རིམ་གྱིས་བརྟན་འགྱུར་ཞིང་ སྦས་ཚུལ་རྣམ་སྨིན་རིག་འཛིན་ནོ དེ་ལས་དཀྱིལ་འཁོར་འཁོར་ལོ་ནི གསལ་བར་ཟིན་པ་ས་ལྔ་པ རླུང་སེམས་གདེང་ཐོབ་ལྟ་བས་ཟིན སྒྱུ་འཕྲུལ་ལས་རིམ་སོགས་དང་རྣམ་པར་བཤད་ཚུལ་མི་མཚུངས་ཀྱང་དོན་གྱི་འཇོག་ཚུལ་མཚུངས་པས་རྣམ་གཞག་ཕྱིན་ཅི་མ་ལོག་པ་ཡོད་པས་མན་ངག་གི་དགོངས་པ་ལོངས་པར་བྱ རྟེན་དང་བརྟེན་པའི་འཁོར་ལོ་རྣམས ཤིན་ཏུ་

(༢༤༦)ཕྲ་བའི་རྡུལ་ཕྲན་དུ སྤྱན་གྱི་དཀར་ནག་ཕྲ་མོ་ཚུན མ་འདྲེས་ཀུན་ནས་གསལ་བ་ནི དྲུག་པ་མངོན་དུ་གྱུར་པའོ ཕྱི་ནང་སྣོད་བཅུད་གང་དུ་ཡང་ རླུང་སེམས་དབྱེར་མེད་སེམས་ཟིན་པས རྡོ་རྗེའི་བཟླས་པས་དུས་འདའ་བ བདུན་པ་རིང་དུ་སོང་བ་སྟེ དེ་མན་ཀུན་བཟང་སྤྱོད་པ་ལྔ ཁ་ན་མ་ཐོ་མེད་པར་སྤྱོད གནས་དག་དགོན་པ་བས་མཐའ་བཟུང་ འཚོ་བ་དག་པ་ཆོས་མཐུན་ཟས གྲོགས་དག་བླ་མ་ཚངས་མཚུངས་ལྡན སྡོམ་པ་དག་པ་སོ་ཐར་དད བྱང་སེམས་རིག་འཛིན་ཉེས་མ་གོས ཆོས་དག་བསྐྱེད་དང་རྫོགས་པ་གཉིས གཙོ་བོར་ལྷ་ཡི་ལམ་ཁྱེར་བསླབ དེ་ཡན་ས་ཡི་ལྷག་མ་རྣམས སྙན་བརྒྱུད་ཡིད་བཞིན་ནོར་བུ་ཡི མ་བརྒྱུད་ཨ་ནུའི་ལམ་མཆོག་ལ བརྟེན་ནས་བགྲོད་པ་ལམ་འདིའི་ལུགས འོན་ཀྱང་ལམ་དང་ཉམས་ལྔའི་འགྲོས བསྐྱེད་རིམ་ཤིན་ཏུ་གོམས་པའི་རྟགས ཡེངས་དང་མ་ཡེངས་མེད་པར་འཆར མཉམ་གཞག་རྗེས་ཐོབ་མཐའ་ལས་གྲོལ སྐྱེ་འཆིར་གདིངས་ཐོབ་ཚེ་དབང་སྟེ བརྒྱད་པ་མི་གཡོའི་ས་ཡིན་ནོ དེ་ནས་གོམས་པ་བརྟེན་པའི་རྟགས ལུས་ལ་ཚོར་བའི་ཟུག་རྔུ་མེད དག་ལ་བདེན་ཐོབ་ཆོས་རྣམས་ཤེས ཡིད་ལ་མངོན་ཤེས་སྣ་ཚོགས་འཆར མཁའ་འགྲོ་བདེ་གཤེགས་ལུང་ཡང་སྟོན དགྲ་བགེགས་གཉིས་ལ་བདེན་པས་འཇུག དགུ་

(༢༤༧)འུྃ བཅུ་ཕྱག་རྒྱའི་རིགས་འཛིན་ནོ དེ་ནས་མཐར་ཕྱིན་ཀུན་ཏུ་འོད དག་པ་རབ་འབྱམས་ཆེན་པོའི་དུས ལྷུན་གྱིས་གྲུབ་པའི་རིགས་འཛིན་ཏེ སྣང་བའི་ཆོ་འཕྲུལ་འོད་ལྔར་འཆར ལུས་ངག་ཡེ་ཤེས་འོད་གསལ་སྐུ རྣམ་པར་རྟོག་པ་རྩད་ནས་ཆོད རིག་པ་ཆོས་སྐུ་འགྱུར་མི་སྲིད བདག་ཏུ་ལྟ་བའི་ས་བོན་ཞིག མངོན་པར་ཤེས་པ་གཉིས་ཀ་འཆར སྐྱེ་འཆི་གནད་གཅོད་སྡུག་བསྔལ་མེད སྐུ་ལྔ་ལྷུན་གྲུབ་རིན་ཆེན་སྦུབས ལོངས་སྐུ་ཆེན་པོའི་སྣང་བ་འཆར ས་མ་ཡ། བསྐྱེད་རྫོགས་ཟབ་ཟབ་གྲངས་མང་ཡང་ ལམ་གྱི་གནད་དང་ས་ཡི་ཆོད སྦས་དོན་བཙན་ཐབས་མན་ངག་གནད རྒྱུད་སྡེའི་ཡང་སྙིང་འདི་མེད་ན ཀུན་བརྟགས་བསྐྱེད་རིམ་འབད་བསྒོམས་ཀྱང་ གནས་སྐབས་མངོན་ཞེན་དགག་པ་ཙམ ཡང་ན་བདུད་དང་རུ་ཏྲར་གོལ ཟུང་འཇུག་མིང་དུ་ཟད་པའི་ཚེ རྟགས་མཚན་བློ་ཡི་སྣང་བ་ལ ཡེ་ཤེས་ལྷ་ནི་འགྲུབ་བོ་སྙམ འདོད་ཡོན་བདུད་ཀྱི་ཆོ་འཕྲུལ་ལ རིག་པ་འཛིན་པའི་ས་ནོན་སྙམ སྔགས་ཀྱི་བསྟན་པ་ཉམས་པའི་ཚེ རང་བྱུང་རྡོ་རྗེ་འཇིགས་མེད་གླིང་ འབྲེལ་ཚད་དོན་དང་ལྡན་པར་ཤོག ས་མ་ཡ རྒྱ་རྒྱ་རྒྱ གྷུ་ཧྱ དྷ་ཐི༚

(༢༤༨)

(༢༤༩)ཀློང་ཆེན་སྙིང་ཏིག་ལས། རིག་འཛིན་བསྙེན་ཡིག་དངོས་གྲུབ་ཀྱི་ཟ་མ་ཏོག་ཅེས་བྱ་བ་བཞུགས། །

(༢༥༠)སངས་རྒྱས་པདྨའི་ཞབས་ལ་ཕྱག་འཚལ་ལོ། །རིག་འཛིན་གྱི་བསྙེན་པ་བྱ་ན། འགལ་རྐྱེན་མེད་པའི་གནས་སུ་གཞི་བདག་ལ་གཏོར་མ་བཏང་ནས་ཕྲིན་ལས་བཅོལ། མཚམས་དམ་པར་གཅོད་པའི་སྔ་རོལ་དུ་གནས་ཁང་ལ་བྱི་དོར་བྱ། སྟེགས་ཀྱི་ཁར་འབྲུ་ཚོམ་ལ་སྨན་རག་གཏོར་གསུམ་ཉེར་སྤྱོད་དང་བཅས་པ་བཤམས། སྟན་གྱི་འོག་ཏུ་རྡོ་རྗེ་རྒྱ་གྲམ་འདྲི་ཟེར་ཏེ་ཕྱག་རྒྱ་པ་སྨད་པའི་ཉེས་པ་འབྱུང་ཉེ་བས་གཡུང་དྲུང་དང་རྩྭ་ཀུ་ཤ་བཏིང་། བག་ཕེབས་པར་འདུག་ལ་ཐུན་མོང་གི་སྔོན་འགྲོས་རྒྱུད་ལེགས་པར་སྦྱངས། བླ་མའི་རྣལ་འབྱོར་གྱི་མཐར་དབང་བཞི་བླང་བ་ལ་

(༢༥༡)ནན་ཏན་བྱས་པས་ཉམས་ཆག་དག་ཅིང་སྒྲུབ་པ་མཐར་ཕྱིན་པ་ཡིན། དེ་ནས་སྐྱབས་འགྲོ་སེམས་བསྐྱེད་ནས་བཟུང་ཚིག་དོན་དང་འབྲེལ་བར་བྱ། དེ་ཡང་སེམས་བསྐྱེད་གསུམ་གྱི་དོན་པོ་མར་གྱུར་སེམས་ཅན་ཐམས་ཅད་ཀྱི་དོན་དུ་བདག་གིས་བླ་མ་སྒྲུབ་པར་བྱའོ་སྙམ་པ་སྨོན་སེམས། འཇུག་སེམས་ནི་གཞན་དོན་ལ་དངོས་སུ་འཇུག་པ་ཡིན་པས། བགེགས་གཏོར་དང་མཆོད་ཚོགས་ཕོངས་མེད་དུ་འབུལ་བ་སྦྱིན་པ། ཕྱི་ནང་གི་རྒྱུ་འགྲུལ་གཅོད་ཅིང་ངག་བཅད་བྱེད་པ་དྲང་འགལ་རྐྱེན་ཇི་ལྟ་བུ་བྱུང་ཡང་མཚམས་མི་གྲོལ་བ་སོགས་དམ་བཅའ་རས་སུ་མི་བོར་བ་

(༢༥༢)ཚུལ་ཁྲིམས། ཐུན་བཞིའམ་དྲུག་ལ་སོགས་དང་པོ་ནས་ཇི་ལྟར་དམ་བཅས་པའི་དཀའ་སྤྱད་བཟོད་ཅིང་ཚོད་ཡོད་ཕྲི་གཞོལ་གྱི་དབང་དུ་མི་གཏོང་བ་བཟོད་པ། ཐུན་དངོས་དང་ཐུན་མཚམས་ཀྱི་བྱ་བ་གང་ལའང་སོས་དལ་ལེ་ལོའི་དབང་དུ་སད་ཅིག་ཀྱང་མི་གཏོང་བ་བརྩོན་འགྲུས། རྟེན་དང་བརྟེན་པའི་རྣམ་པ་གསལ་བ་ལ་སྒོ་ལྔ་སྡུད་ཅིང་ཐ་མལ་གྱི་འཛིན་རྟོག་ཟིལ་གྱིས་གནོན་པ་ལས་ཅུང་ཟད་ཀྱང་མི་གཡེངས་པ་བསམ་གཏན། བསྐྱེད་རིམ་སྒོམ་མཁན་གྱི་སེམས་ཐ་མལ་རང་རྒྱུད་ཅན་མ་ཡིན་པར་ཆོས་ཉིད་མ་བཅོས་པའི་གསལ་ཆར་རང་བཞིན་ལྷུན་གྲུབ་ཏུ་འཆར་བ་ཤེས་རབ་སྟེ་རང་སའི་ཕ་རོལ་ཏུ་ཕྱིན་པ་དྲུག་གི་དོན་གོ་ཞིང་དེ་དོན་ལས་མི་འདའ་བ་འཇུག་སེམས་དང་། དེ་དག་ཐམས་ཅད་བློ་འདས་ཀྱི་དྲན་པའི་རྩིས་ཟིན་པ་ལ་དོན་དམ་སེམས་བསྐྱེད་ཀྱི་ཐ་སྙད་བཏགས་པའི་དོན་ཤས་ན་མདོ་སྔགས་དགོངས་པ་གཅིག་ཏུ་མཐུན་པའི་གནད་ཀྱང་རིག་པ་ཡིན། འདིའི་ཡན་ལག་བདུན་པ་དོན་དམ་བདེན་པ་དང་འབྲེལ་བས། དབང་པོ་རབ་ཀྱི་རྫོགས་ཆེན་ཐོད་རྒལ་གྱི་དགོངས་པ་ཤེས་ན་ལྷུན་གྲུབ་སྣང་སྟོང་དུ་ཤར་བ་ཟབ་མོའི་བསྐྱེད་རིམ་ལ་འབྱོར་ཀྱང་དེའི་སྣོད་དཀོན་པས་མོས་པས་དཔྱོད་པ་རྣམས་

(༢༥༣)ཀྱིས་ཡན་ལག་བདུན་པ་སྤྱི་ལྟར་ཚོགས་གསོག་གི་འདུན་པ་ལ་སྦྱོང་། དེ་ནས་གཏོར་མ་ཕྱི་རོལ་ཏུ་བསྐྱལ། དེའི་ཞོར་ལ་མཚམས་ཐོ་རྒྱལ་ཆེན་སྡེ་བཞི་དཔལ་མགོན་བདུན་ཅུ་དང་བཅས་པར་བསྐྱེད་ལ། མཆོད་སྦྱིན་གཏོར་མ་འདི་བཞེས་ལ། སོགས་ཀྱིས་གཏོར་མ་ཕུལ་བས་དགྱེས་བཞིན་བཞུགས་ནས་བར་ཆད་སྲུང་བར་བསམ། སྒོ་བསྡམ། ཕྱི་ནང་གི་རྒྱུ་འགྲུལ་བཅད། མི་མེད་ཀྱི་ལུང་སྟོང་ཡིན་ཀྱང་མཚམས་རྒྱ་རལ་ན་ཉེས་པ་ཆེན་པོ་ཡོད་པས་སྐྱོ་སང་སོགས་བག་ཡངས་མི་བྱ། ནང་དུ་ལོག །སྲུང་འཁོར་གྱི་གཙོ་བོར་རང་སེམས་སྐྱེ་འགག་མེད་པའི་གཞི་རྩ་བཅད་ལ་བགེགས་བདེན་མེད་དུ་ཤེས་པར་བྱ། དེ་ཙམ་བློས་མ་ནུས་ན་སྣ་ཚོགས་རྡོ་རྗེའི་གུར་ལྕགས་རྨོག་ཁ་སྦུབ་པ་ལྟ་བུ་བསྒོམ། དེས་ཚིག་དོན་ལ་ཇི་ལྟར་རྟོན་ན་རྣམ་རྟོག་ནི་གློ་བུར་བའི་བགེགས་ཡིན་ལ། ཆོས་ཉིད་ནི་གདོད་ནས་རྡོ་རྗེའི་ཁམས་སུ་འགྱུར་བ་མེད་པའི་དོན་རྟགས་སོ། །དེ་ནས་བྱིན་འབེབས་སོགས་གོ་སླ། བསྐྱེད་རིམ་དངོས་གཞིའི་སྐབས་དོན་ལ། འདི་ནི་ཡོ་ག་འོག་མ་ལྟར་ཏིང་འཛིན་གསུམ་བསྐྱེད་མ་ཡིན་པར། ཆོས་ཐམས་ཅད་དབྱིངས་ནས་སངས་རྒྱས་པར་སྟོན་པ་ཨ་ནུ་ཡོ་གའི་དགོངས་པ་སྟེ།

(༢༥༤)འདི་ལྟར་རང་བཞིན་གྱི་ཆོས་ཉིད་ལ་རྟོག་བཟོས་མ་བཅོས་པའི་རིག་པ་ངོ་བོ་ཉིད་ཀྱིས་སྟོང་ཀྱང་། གདངས་ཀྱིས་གསལ་བའི་ལྷག་མཐོང་གི་རྩལ་ལམ་སྣང་ཆ་ཐམས་ཅད་དག་པ་རབ་འབྱམས་ཡོངས་གྲུབ་ཆེན་པོའི་དཀྱིལ་འཁོར་དུ་གསལ་གདབ་པ་སྟེ། དེ་ཡང་དཀྱིལ་ནི་བརྟེན་པའི་ལྷ་ཡིན་ལ། འཁོར་ནི་རྟེན་གཞལ་ཡས་ཁང་དུ་ངེས་པར་བྱས་ནས་གྲུ་བཞི་སྒོ་བཞི་རྟ་བབས་ལ་སོགས་པ་རྣམ་པ་གཟུགས་སྣང་ཐམས་ཅད་དྲན་པ་ཉེ་བར་གཞག་པ་བཞིན་ས་བཟུང་བྱང་ཆུབ་ཕྱོགས་ཀྱི་ཆོས་ལ་དག་པ་སྦྱོར་བའི་བརྡ་དོན་རྟགས་གསུམ་ཤིང་རྟ་ཆེན་པོ་སོགས་ལས་ཤེས་པར་བྱ་ཞིང་། དེ་ལྟ་བུའི་རྟེན་གྱི་དབུས་སུ་བརྟེན་པའི་ལྷ་བསྐྱེད་ཚུལ་ཡང་། སྐྱེ་གནས་བཞིའི་བག་ཆགས་སྦྱོང་ཚུལ་རགས་པ་གཉིས་མ་ཡིན་ཀྱང་ཕྲ་བ་གཉིས་ལས། ཉི་གདན་དྲོད། ཟླ་གདན་གཤེར། ཧཱུྃ་ཡིག་བར་སིད་ཀྱི་ཤེས་པའམ་རྟོགས་པ་མཐོན་པོས་དབང་སྒྲུབ་སོགས་དགོས་པའི་སླད་དུ་རྣམ་བྱང་དང་བསྟུན་ནས་མངོན་བྱང་བཞིས་བསྐྱེད་ཚུལ་གྱི་གོ་དོན་བསྐྱེད་རིམ་རྣམ་བཤད་འོག་མིན་བགྲོད་པས་ཤེས་ཤིང་། དེ་ལས་ཡོངས་སུ་གྲུབ་པའི་ལྷ་ནི་སངས་རྒྱས་ཐམས་ཅད་ཀྱི་སྤྱི་གཟུགས་སམ་དངོས་སམ་ངོ་བོ་ཉིད་སློབ་དཔོན་སྣང་སྲིད་

(༢༥༥)ཟིལ་གནོན་གྱི་མཚན་དཔེར་ཤར་བའི་དག་པ་སྦྱོར་ཚུལ་འདི་ལྟར་ཤེས་དགོས་ཏེ། ཆོས་ཐམས་ཅད་དེ་བཞིན་ཉིད་དུ་རོ་གཅིག་པའི་བརྡར་ཞལ་གཅིག །ཐབས་དང་ཤེས་རབ་འབྲེལ་བས་ཕྱག་གཉིས། བདེ་སྟོང་ཟུང་དུ་འཇུག་པས་དཀར་ལ་དམར་མདངས་ཆགས་པ། ཉན་ཐོས་ཀྱི་ཐེག་པ་རྫོགས་པའི་རྟགས་སུ་ཆོས་གོས། བྱང་ཆུབ་སེམས་དཔའི་བེར་འདུང་། གསང་སྔགས་ཀྱི་ཕོད་ཆེན་མནབས་པ། སྤངས་རྟོགས་མཐར་ཕྱིན་པའི་སྔགས་ཀྱི་སངས་རྒྱས་སྐུ་ལྔའི་ངོ་བོ་ཉིད་ལྷུན་གྲུབ་རིགས་འཛིན་གྱི་གོ་འཕང་ལ་བཞུགས་པའི་རྟགས་སུ་ཕྱག་གཡས་གསེར་རྡོར་རྩེ་ལྔ་པ་དང་དེ་ཡང་གཟུང་འཛིན་དང་རྟོགས་ཚོགས་ཀྱི་གདོན་ལ་བསྡིགས་པས་གདུག་པ་ཅན་ཚར་གཅོད་ཀྱི་ཕྲིན་ལས་དང་། འབྲས་བུའི་ཐེག་པ་འབའ་ཞིག་གིས་སེམས་ཅན་སྨིན་གྲོལ་མཛད་ཅིང་ཚེ་དབང་རིགས་འཛིན་གྱི་དངོས་གྲུབ་ཆེན་པོས་གདུལ་བྱ་རྗེས་སུ་འཛིན་པའི་རྟགས་སུ་གཡོན་ན་བྷནྡྷ་ཚེ་བུམ་བསྣམས་པ། །སྲིད་ཞི་གཉིས་ཀ་ལ་མི་གནས་པའི་སྐུ་གསུམ་ཡན་ལག་བདུན་ལྡན་གྱི་བདག་ཉིད་ཡིན་པས་མཆན་ཁུང་ན་ལྷ་ལྕམ་འཁྲིལ་ཞིང་། རིགས་ལྔའི་དབང་རྟགས་རྫོགས་པའི་མཉེན་ཞུ་ཅན། རང་དོན་

(༢༥༦)གྱི་མཛད་པ་བརྟུལ་ནས་གཞན་དོན་ལ་ཞུགས་པའི་བརྡར་ཞབས་གཉིས་རྒྱལ་པོ་རོལ་སྟབས་སུ་བཞུགས་པ། གདུལ་བྱ་རྣམས་ཐེག་པའི་ཡང་རྩེ་ནས་མྱ་ངན་འདས་པར་མཛད་པས་དབུ་གཙུག་ན་ཐེག་མཆོག་གི་སྟོན་པ་གཉིས་བཞུགས་པ། འཁོར་བའི་རང་བཞིན་ཚོགས་བརྒྱད་གནས་སུ་དག་པའི་བརྡར་བྱང་ཆུབ་སེམས་དཔའ་བརྒྱད་དང་སྒྲུབ་སྡེ་བརྒྱད་ཀྱི་ངོ་བོ་ཉིད་རིག་འཛིན་བརྒྱད་ཀྱིས་བསྐོར་བ། མདོར་ན་ཡིད་དང་ཆོས་སུ་སྣང་བའི་གཉིས་སྣང་གི་འཁྲུལ་བ་ཐམས་ཅད་བསྐྱེད་པའི་གཞི་ཕྲ་རགས་ཀྱི་ཐིག་ལེ་ཐམས་ཅད་ཀྱི་རྩ་བ་ཁམས་དྲུག་གི་ནུས་པ་སྔགས་ཀྱི་ཐབས་ལམ་ཟབ་མོས་བཅོམ་པས་ཡེ་ཤེས་ཀྱི་ཐིག་ལེའི་བདག་ཉིད་དམ་རྣམ་འགྱུར་གྱི་བཀོད་པ་དཀྱིལ་འཁོར་གྱི་ལྷ་ཚོགས་སུ་ཤར་བའི་སྤྲོ་བསྡུའི་བྱེད་པོ་རྡོ་རྗེ་སློབ་དཔོན་སངས་རྒྱས་གཉིས་པ་ང་ཉིད་དོ་ཞེས་མཚོན་པའི་ཕྱིར་སྟེང་ཕྱོགས་སུ་དམ་ཚིག་སྒྲུབ་དང་གྲུབ་པ་སྟེ་སྔགས་ཕྱི་པ་གསུམ་དང་། སྐུ་གསུང་ཐུགས་ཀྱི་རང་བཞིན་ནང་རྒྱུད་ཡོ་ག་གསུམ་སྟེ་རྒྱུད་སྡེ་དྲུག་གི་ལྷ་ཚོགས་ཐམས་ཅད་དང་། ལམ་དེ་དག་ལས་དངོས་གྲུབ་བརྙེས་པའི་རྒྱ་བོད་ཀྱི་རིག་འཛིན་རྣམས་མགྲོན་ཐབས་ཀྱི་ཚུལ་དུ་བཞུགས་པས་ན་ནང་སྒྲུབ་རིག་འཛིན་

(༢༥༧)འདུས་པ་ཞེས་པའི་སྒྲ་དོན་ལ་གནས་པ་ཡིན་ནོ། །དེ་ནས་སྤྱན་འདྲེན་དང་མཆོད་བསྟོད་སོགས་ཀྱི་དོན་ནི་གོ་སླ་ཞིང་བྲིས་པས་ཀྱང་མི་ལང་ལ། བསྙེན་བསྒྲུབ་གཉིས་ཀྱི་འཛབ་དགོངས་ནི། དང་པོ་བསྙེན་རྐྱང་ལ། །ཐུགས་ཀར་པདྨ་ཉི་ཟླའི་སྟེང་། །སོགས་ཀྱི་དོན་ངེས་པར་བྱས་ནས་ཐོག་མར་ལྷ་ལ་གསལ་སྣང་ཅུང་ཟད་མ་ཐོན་པར་འོད་ཟེར་སྤྲོ་བསྡུ་བྱེད་མི་དགོས། ཆོས་ཉིད་གང་དུའང་མ་གྲུབ་པའི་གསལ་ཆའམ་གདངས་ལས་སྣང་བའི་འཁྲུལ་འཛིན་ཤར་བ་དེ་རྟེན་དང་བརྟེན་པའི་འཁོར་ལོར་འཆར་བ་ལ་སློབ། དེ་ལ་རྣམ་པར་གསལ་བ་ཟེར། མི་གསལ་བའི་གནས་སྐབས་སུ་བཤད་མ་ཐག་པའི་དག་པ་དྲན་པར་བྱས་པས་ལྷ་རང་རྒྱུད་དུ་འཛིན་པའི་གོལ་ས་སྦྱོང་། མདོར་ན་སྣང་གྲགས་རིག་གསུམ་ཐ་མལ་དུ་སོང་བའི་བསྙེན་པས་ས་མི་ཆོད་པས། སྣང་ཞེན་ལྷ་སྐུའི་ཕྱག་རྒྱར་རྫོགས། །སྒྲར་གྲགས་བདེ་ཆེན་སྔགས་སུ་དག །དྲན་རྟོག་འོད་གསལ་ཆོས་སྐུར་སྨིན། །ཞེས་རང་ལུགས་ཀྱི་དག་རྫོགས་སྨིན་གསུམ་འདི་བསྙེན་པའི་མདོ་ཆིངས་ཆེན་པོ་ཡིན། དེ་ལྟར་ལྷ་ལ་གསལ་སྣང་ཐོན་པའི་ཚེ་སྔགས་ཕྲེང་ཤིན་ཏུ་ཕྲ་བ་ལས་འོད་ཟེར་སྤྲོས། རྒྱལ་བ་སྲས་བཅས་མཆོད་

(༢༥༨)ནས་བསོད་ནམས་ཀྱི་ཚོགས་རྫོགས་པར་བྱས། འོད་ཟེར་ཚུར་འདུས་རང་ཉིད་ལ་ཐིམ་པས་སྒྲིབ་པ་བཞི་དག །དབང་བཞི་ཐོབ། སྐུ་བཞི་མངོན་དུ་བྱས་པར་བསམ་ལ་ཆོས་ཉིད་ཀྱི་དོན་ལ་མཉམ་པར་བཞག་པས་ཡེ་ཤེས་ཀྱི་ཚོགས་རྫོགས། དེ་ལྟར་ཚོགས་གཉིས་ལ་བརྟེན་ནས་ལྷ་དང་ཉེ་བར་བསྙེན་ཅིང་། བདག་བྱིན་གྱིས་རློབ་པ་ནི་རང་དོན་སྔོན་དུ་བྱ་བ་ཡིན། ཡང་འོད་ཟེར་སྤྲོས་སེམས་ཅན་ཐམས་ཅད་ལ་ཕོག་པས་འགྲོ་དྲུག་རྒྱུད་ལྔའི་ལས་དང་བག་ཆགས་སྦྱངས། སྣོད་བཅུད་རང་རྒྱུད་དུ་འཛིན་པའི་ཞེན་རྟོག་ཉི་མས་བ་མོ་བཞུ་བ་བཞིན་སྦྱངས་ནས། སྣོད་གཞལ་ཡས་ཁང་དང་བཅུད་རིག་འཛིན་གྱི་ལྷ་ཚོགས་སུ་དག་པར་སྒོམ། དེས་ནི་གཞན་དོན་ཕྲིན་ལས་ཀྱི་རྟེན་འབྲེལ་སྒྲིག །དོན་གཉིས་ལྷུན་གྲུབ་ཀྱི་ས་ལ་སྦྱོར། དེ་ལྟ་བུའི་དགོངས་དོན་རང་རྒྱུད་ལ་མ་གྲུབ་བར་དུ་མི་གཏོང་བའི་དམ་བཅའ་མཐར་ཕྱིན་པ་སྨིན་པར་སློབ་པའི་བསྙེན་ཚད་ཡིན་ན་འབུམ་ཕྲག་བཅུ་གཉིས་ལ་སོགས་པའི་གྲངས་བསྙེན་ལས་རུང་ནི་མོས་སློབ་བག་ཆགས་བཟང་པོར་རེ་བ་ཙམ་ཡིན་པས་མཚམས་བཅད་བྱས་མིན་ལ་མི་ལྟོས་པར་དག་རྫོགས་སྨིན་གསུམ་གྱི་དགོངས་པ་དང་མ་བྲལ་ན་ཕྱི་མ་ཟངས་མདོག་དཔལ་རིར་ཉིང་མཚམས་སྦྱོར་བ་

(༢༥༩)ལ་ཐེ་ཚོམ་མེད། །ཆོས་རྣམས་ཐམས་ཅད་རྐྱེན་ཡིན་ཏེ། །འདུན་པའི་རྩེ་ལ་རབ་ཏུ་གནས། །ཞེས་པས་འཁྲུལ་སྣང་དང་སྡིག་སེམས་གོམས་པ་ལས་འཁོར་བ་དང་ངན་སོང་དུ་འཁོར་བ་ཡིན་ན། སྣང་གྲགས་རིག་གསུམ་དཀྱིལ་འཁོར་གྱི་འཁོར་ལོར་བསྒོམས་པའི་འབྲས་བུ་ལ་བསླུ་བ་མེད་པས་བསྟན་པའི་ལྷག་ཞབས་ཅུང་ཟད་ཡོད་དུས་འདིར་བརྩོན་པ་བསྐྱེད་ཅིང་སྒྲུབ་པ་ཐམས་ཅད་ཀྱི་ནང་ནས་བླ་མ་སྒྲུབ་པ་མཆོག་ཏུ་གསུངས་ཤིང་། ཁྱད་པར་སློབ་དཔོན་ཆེན་པོ་ནི་སངས་རྒྱས་ཐམས་ཅད་ཀྱི་སྤྱི་གཟུགས་ཡིན་པས་ཉིད་ཀྱི་ཞལ་ནས། ང་མཐོང་སངས་རྒྱས་ཐམས་ཅད་མཐོང་ ང་བསྒྲུབས་སངས་རྒྱས་ཐམས་ཅད་འགྲུབ ང་ནི་བདེ་གཤེགས་འདུས་པ་ཡིན ཞེས་གསུངས་པ་ལ་བསླུ་བ་མེད་པ་མངོན་སུམ་ཚད་མའོ། །གཉིས་པ་སྒྲུབ་པ་ནི། ཐུགས་ཀར་ཡེ་ཤེས་སེམས་དཔའ་གསལ་བ་སོགས་ལྷ་དང་སྔགས་དང་ཏིང་ངེ་འཛིན་གྱི་ཁྱད་པར་ཐམས་ཅད་གབ་བྱང་གནད་ཀྱི་མིག་ཚགས་ལས་ཤེས་པར་བྱ་ཞིང་། གྲུབ་འབྲས་ཀྱི་ཁྱད་པར་ཡང་མདོའི་ལམ་ལྔ་སྔགས་ཀྱི་རིག་འཛིན་བཞིས་ས་བཅད་ནས་ཟངས་མདོག་དཔལ་རི་ལ་སོགས་དག་པའི་ཞིང་ཁམས་སུ་ལས་འཕྲོ་ཅན་བགྲོད་པ་ལ་མ་ལྟོས་པར་སྐྱེ་བ་འདི་ཉིད་ལ་སྐུ་ལྔའི་དབྱིངས་སུ་མངོན་པར་

(༢༦༠)སངས་རྒྱས་པའི་ཁྱད་པར་རྡོ་རྗེ་སློབ་དཔོན་གྱི་མན་ངག་ལ་བརྟེན་ནས་ཤེས་པར་བྱའོ། །ཞེས་པའང་བརྒྱུད་འཛིན་གྱི་སློབ་མ་ཀུན་གྲོལ་ཅན་གྱིས་ནན་དུ་བསྐུལ་བའི་ངོར་ཆོས་ཀྱི་བདག་པོས་སོ།། །།

(༢༦༡)འུྃ ཀློང་ཆེན་སྙིང་གི་ཐིག་ལེ་ལས རིག་འཛིན་ཚེ་སྒྲུབ་བདུད་རྩི་བུམ་བཅུད་བཞུགས

(༢༦༢)འུྃ འཆི་མེད་རིག་འཛིན་སྐུ་ལ་འདུད ཚེ་སྒྲུབ་བདུད་རྩི་བུམ་བཅུད་བསྟན དབེན་པའི་གནས་སུ་སྟེགས་བུའི་ཁར རྡུལ་ཚོན་རས་ཚོམ་སྐབས་སྦྱར་གྱི དཀྱིལ་འཁོར་དབུས་སུ་ལྡིང་ཁྲིའི་ཁར ཚེ་བུམ་དབུས་ལ་ཚེ་རིལ་གཡས ཚེ་མདའ་རྒྱབ་ལ་ཚེ་ཆང་གཡོན ཚེ་གཏོར་མདུན་བཤམས་མཆོད་པས་བསྐོར བདག་དང་སྒྲུབ་རྟེན་དབྱེར་མེད་དུ རིག་འཛིན་འདུས་པའི་ལས་གཞུང་བསྲང་ བསྟོད་པའི་མཇུག་ཏུ་འཛབ་ཁང་དབྱེ ཧྲཱི༔ ཚེ་དབང་རིགས་འཛིན་པདྨ་འབྱུང་ སྣང་སྲིད་ཟིལ་གནོན་ཐུགས་ཀ་རུ བཅོམ་ལྡན་མགོན་པོ་

(༢༦༣)འུྃ ཚེ་དཔག་མེད དམར་གསལ་ལོངས་སྐུ་ཡུམ་དང་སྦྱོར༔ པདྨ་རཱ་གའི་བུམ་པ་འཛིན༔ ཐུགས་ཀར་ཉི་ཟླའི་གྭ་འུའི་ནང་༔ སྲོག་གི་སྙིང་པོ་ཡི་གེ་ཧྲཱི ཐ་མར་སྔགས་ཀྱི་ཕྲེང་བས་བསྐོར༔ འོད་ཟེར་འཕྲོས་པས་བརྟན་གཡོའི་བཅུད༔ རྒྱལ་བ་རིག་འཛིན་དྲང་སྲོང་གི ཚེ་བཅུད་བསྡུས་ལ་བཅུད་དུ་འདྲིལ༔ བ་སྤུའི་བུ་ག་ཚུན་ཆོད་ཀྱང་ ཚེ་དཔག་མེད་པས་ཐེམ་གྱིས་གང་༔ ཀུན་ཀྱང་བུང་བ་ཚང་ཞིག་ལྟར༔ ཧྲཱིསྒྲ་འཇམ་ལ་སྙན་པར་སྒྲོགས༔ འཆི་མེད་རིག་

(༢༦༤)འཛིན་འགྲུབ་པར་འགྱུར ངག་ཏུ་བརྗོད་ཅིང་ཡིད་ལ་བསམ འཇམ་རླུང་བུམ་པ་ཅན་དང་སྒྲགས ཨོཾ་ཨཱཧཱུྃ་བཛྲ་མ་ཧཱ་གུ་རུ་ཨཱ་ཡུ་ཛྙཱ་ན་མ་ཧཱ་པུཎྱེ་ཚེ་བྷྲཱུཾ་ནྀྲ་ཛསརྦ་སིདྡྷི་ཧཱུྃ ཐུན་མཚམས་རིག་འཛིན་ཚེ་འགུགས་ནི མདའ་དར་ཚད་བཞག་གདུང་ཤུགས་བསྐྱེད༔ ཨོཾ རང་སྣང་ཟངས་མདོག་དཔལ་གྱི་རི༔ ལྔ་ལྡན་རང་བྱུང་ཕོ་བྲང་ནས བཅོམ་ལྡན་མགོན་པོ་ཚེ་དཔག་མེད འཇའ་ལུས་རིག་འཛིན་ཚོགས་དང་བཅས ཐུགས་དམ་བསྐུལ་ལོ་དབྱིངས་ནས་བཞེངས འཆི་མེད་ནམ་མཁའི་བཅུད་བསྡུས་ལ རྣམ་ཤེས་ཁམས་ནས་ཡར་བའི་ཚེ དབྱིངས་ཕྱུག་རིག་པའི་ཀློང་དུ་བསྐྱིལ འགྱུར་མེད་སྲོག་གི་ཀ་བ་ཚུགས ཚེ་མདའ་འདི་ལ་ཚད་ཅིག་སྟོན སྒྲུབ་རྫས་འཆི་མེད་བདུད་རྩིར་བསྒྱུར སྐྱེ་འཆི་མེད་པའི་དངོས་གྲུབ་སྩོལ རྩ་སྔགས་བརྗོད ཧཱུྃ ཤར་ནས་རིག་འཛིན་ཧཱུྃ་ཀཱ་ར ཡང་དག་ཐུགས་ཀྱི་ཀློང་ནས་བཞེངས འབྱུང་བ་ཆུ་ཡི་བཅུད་བསྡུས་ལ ཁྲག་གི་ཁམས་ནས་ཡར་བའི་ཚེ༔ མཱ་མ་ཀཱི་ཡི་ཀློང་དུ་བསྐྱིལ

(༢༦༥)འུྃ འགྱུར་མེད་སྲོག་གི་ཀ་བ་ཚུགས ཚེ་མདའ་འདི་ལ་ཚད་ཅིག་སྟོན སྒྲུབ་རྫས་འཆི་མེད་བདུད་རྩིར་བསྒྱུར སྐྱེ་འཆི་མེད་པའི་དངོས་གྲུབ་སྩོལ རྩ་སྔགས་བརྗོད ཏྲཱཾ ལྷོ་ནས་རིག་འཛིན་མཉྫུ་ཤྲཱི༔ འཇམ་དཔལ་སྐུ་ཡི་ཀློང་ནས་བཞེངས འབྱུང་བ་ས་ཡི་བཅུད་བསྡུས་ལ ཤ་ཡི་ཁམས་ནས་ཡར་བའི་ཚེ སངས་རྒྱས་སྤྱན་མའི་ཀློང་དུ་བསྐྱིལ འགྱུར་མེད་སྲོག་གི་ཀ་བ་ཚུགས ཚེ་མདའ་འདི་ལ་ཚད་ཅིག་སྟོན༔ སྒྲུབ་རྫས་འཆི་མེད་བདུད་རྩིར་བསྒྱུར སྐྱེ་འཆི་མེད་པའི་དངོས་གྲུབ་སྩོལ༔ རྩ་སྔགས་བརྗོད ཧྲཱི ནུབ་ནས་རིག་འཛིན་ནཱ་གཱ་ཛུ པདྨ་གསུང་གི་ཀློང་ནས་བཞེངས འབྱུང་བ་མེ་ཡི་བཅུད་བསྡུས་ལ དྲོད་ཀྱི་ཁམས་ནས་ཡར་བའི་ཚེ གོས་དཀར་མོ་ཡི་ཀློང་དུ་བསྐྱིལ༔ འགྱུར་མེད་སྲོག་གི་ཀ་བ་ཚུགས ཚེ་མདའ་འདི་ལ་ཚད་ཅིག་སྟོན སྒྲུབ་རྫས་འཆི་མེད་བདུད་རྩིར་བསྒྱུར༔ སྐྱེ་འཆི་མེད་པའི་དངོས་གྲུབ་སྩོལ རྩ་སྔགས་བརྗོད ཨ བྱང་ནས་རིག་འཛིན་པྲ་

(༢༦༦)བྷ་ཧ ཕྲིན་ལས་ཕུར་པའི་ཀློང་ནས་བཞེངས འབྱུང་བ་རླུང་གི་བཅུད་བསྡུས་ལ དབུགས་ཀྱི་ཁམས་ནས་ཡར་བའི་ཚེ དམ་ཚིག་སྒྲོལ་མའི་ཀློང་དུ་བསྐྱིལ༔ འགྱུར་མེད་སྲོག་གི་ཀ་བ་ཚུགས ཚེ་མདའ་འདི་ལ་ཚད་ཅིག་སྟོན སྒྲུབ་རྫས་འཆི་མེད་བདུད་རྩིར་བསྒྱུར སྐྱེ་འཆི་མེད་པའི་དངོས་གྲུབ་སྩོལ རྩ་སྔགས་བརྗོད ཛ ཤར་ལྷོ་རིག་འཛིན་དྷ་ན་སཾ རྦོད་གཏོང་ཟིལ་གནོན་བརྟུལ་ཞུགས་བསྐྱེད ཀློང་གྱུར་ཡེ་ཤེས་ལྕགས་ཀྱུ་ཡིས༔ འཁྱམས་དང་ཡར་བའི་བླ་ཚེ་ཁུག འགྱུར་མེད་སྲོག་གི་ཀ་བ་ཚུགས ཚེ་མདའ་འདི་ལ་ཚད་ཅིག་སྟོན སྒྲུབ་རྫས་འཆི་མེད་བདུད་རྩིར་བསྒྱུར སྐྱེ་འཆི་མེད་པའི་དངོས་གྲུབ་སྩོལ རྩ་སྔགས་བརྗོད ཧཱུྃ ལྷོ་ནུབ་རིག་འཛིན་བི་མ་ལ ཚེ་ལ་དབང་བའི་བརྟུལ་ཞུགས་བསྐྱེད༔ འདའ་ཀ་ཡེ་ཤེས་ཞགས་པ་ཡི འཐོར་བ་ཁུག་ལ་ཟད་པ་སྲིངས འགྱུར་མེད་སྲོག་གི་ཀ་བ་ཚུགས ཚེ་མདའ་འདི་ལ་ཚད་ཅིག་སྟོན༔ སྒྲུབ་རྫས་འཆི་མེད་བདུད་

(༢༦༧)འུྃ རྩིར་བསྒྱུར སྐྱེ་འཆི་མེད་པའི་དངོས་གྲུབ་སྩོལ རྩ་སྔགས་བརྗོད བྃ ནུབ་བྱང་རིག་འཛིན་རོམྦུ་གུ དྲེགས་པ་ཟིལ་གནོན་བརྟུལ་ཞུགས་བསྐྱེད དབྱིངས་གྲོལ་ཡེ་ཤེས་ལྕགས་སྒྲོག་གིས ལྷ་འདྲེས་བརྐུས་པའི་བླ་ཚེ་ཕྲོགས འགྱུར་མེད་སྲོག་གི་ཀ་བ་ཚུགས ཚེ་མདའ་འདི་ལ་ཚད་ཅིག་སྟོན༔ སྒྲུབ་རྫས་འཆི་མེད་བདུད་རྩིར་བསྒྱུར སྐྱེ་འཆི་མེད་པའི་དངོས་གྲུབ་སྩོལ༔ རྩ་སྔགས་བརྗོད ཧོ བྱང་ཤར་རིག་འཛིན་ཤཱནྟི༚་གྷར མངོན་སྦྱོང་དམོད་པའི་བརྟུལ་ཞུགས་བསྐྱེད༔ མཐའ་གྲོལ་ཡེ་ཤེས་དྲིལ་བུ་ཡིས བྱང་དུ་བཅུག་པའི་བླ་ཚེ་བསྡུས འགྱུར་མེད་སྲོག་གི་ཀ་བ་ཚུགས ཚེ་མདའ་འདི་ལ་ཚད་ཅིག་སྟོན སྒྲུབ་རྫས་འཆི་མེད་བདུད་རྩིར་བསྒྱུར སྐྱེ་འཆི་མེད་པའི་དངོས་གྲུབ་སྩོལ རྩ་སྔགས་བརྗོད༔ ཞེས་བཀུག་ཚེ་པྲ་བརྟགས་པའི་རྗེས རྒྱས་གདབ་ཚེ་མདའ་དྲང་པོར་བསྲང་ ཨཱ འབྱུང་ལྔའི་དབྱིངས་སུ་འཁྱམས་པའི་ཚེ ཡུམ་ལྔའི་ཀློང་དུ་རྒྱས་བཏབ་པས

(༢༦༨)ཡེ་ཤེས་ལྔ་ལ་སྐྱེ་འཆི་མེད༔ སྐུ་ལྔའི་དབྱིངས་སུ་ཚེ་སྦས་པ རིགས་ལྔའི་རྒྱལ་བས་ཀྱང་མི་གཟིགས དྷརྨཱ་དྷཱ་ཏུ་བཛྲ་རཀྵ ཞེས་བརྗོད་སྤྲོས་བྲལ་དང་དུ་བཞག ས་མ་ཡ ལྷ་སྔགས་ཏིང་འཛིན་དམིགས་པའི་གནད ཀུན་ལས་ཁྱད་འཕགས་རིག་འཛིན་གྱི ཚེ་སྒྲུབ་བདུད་རྩི་བུམ་བཅུད་འདི ཆོས་བདག་སྐྱེས་བུའི་སྲོག་མཐུད་ཕྱིར ཀློང་བྱང་མཁའ་འགྲོའི་བརྡ་རུ་བསྟན དུས་བབ་འགྲོ་དོན་སྤྱོད་པར་ཤོག གུ་ཧྱ བརྡ་ཐིམ གཞན་ལ་ཚེ་ཡི་དབང་བསྐུར་ན སློབ་མ་ཁྲུས་བྱས་བགེགས་དང་ཕྲལ སྲུང་འཁོར་བསྒོམས་ལ་མཎྜལ་ཕུལ ལོ་རྒྱུས་བཤད་ལ་སྐྱབས་སེམས་དང་ རྒྱུན་བཤགས་བྱས་རྗེས་གསོལ་བ་གདབ འཆི་མེད་མགོན་པོ་པདྨ་འབྱུང་ སྲོག་གི་འཇིགས་པས་སྐྲག་པ་ལ ཐུགས་རྗེ་ཆེན་པོས་ཉེར་དགོངས་ནས ཚེ་ཡི་དབང་དང་དངོས་གྲུབ་སྩོལ ལན་གསུམ་རྗེས་སུ་སློབ་མ་ནི ལས་ཆུས་བསངས་ལ་གུ་རུར་བསྐྱེད སྤྱི་བོར་ཚེ་དཔག་མེད་ཡབ་ཡུམ མཉམ་པར་སྦྱོར་བའི་མཁའ་གསང་ནས བདེ་ཆེན་བྱང་སེམས་བདུད་རྩིའི་རྒྱུན བབས་པས་ལུས་གང་བདེ་བས་མྱོས རྡོ་རྗེའི་སྲོག་ལ་དབང་ཐོབ་དམིགས སྤོས་རོལ་དང་བཅས་ཡེ་ཤེས་དབབ༔

(༢༦༩)འུྃ ཏིཥྛ་བཛྲས་བརྟན་པར་བྱ དེ་ནས་ཚེ་བུམ་སྤྱི་བོར་བསྐུར ཧྲཱི སྣང་སྲིད་གཞོན་ནུ་བུམ་པའི་སྐུ སྐྱེ་འཆི་བྲལ་བའི་བཅུད་ཀྱིས་གཏམས སྐལ་ལྡན་བུ་ལ་དབང་བསྐུར་བས༔ འཆི་མེད་རྡོ་རྗེའི་སྲོག་འགྲུབ་ཤོག རྩ་སྔགས་དང་ ཀཱ་ཡ་ཨ་བྷི་ཥིཉྩ་ཨོཾ བདུད་རྩི་མགྲིན་པར་གཏད་ལ ཧྲཱི བདེ་ཆེན་ཡུམ་ལྔའི་བྷན་དྷ་རུ འཆི་མེད་བྱང་སེམས་བདུད་རྩིར་འཁྱིལ སྐལ་ལྡན་བུ་ལ་བྱིན་པ་ཡིས སྐྱེ་འཆི་མེད་པའི་དབང་ཐོབ་ཤོག༔ རྩ་སྔགས་དང་༔ ཝཱཀྐ་ཨ་བྷི་ཥིཉྩ་ཨཱ ཚེ་རིལ་སྙིང་ཁར་གཏུགས་ལ ཏྲཱི བརྟན་གཡོའི་ཁམས་དང་སྟོབས་བཅུའི་དཔལ ཡོངས་ཀྱི་བཅུད་འདུས་ཚེའི་རིལ་བུ རིགས་ཀྱི་བུ་ལ་སྦྱིན་པ་ཡིས རྡོ་རྗེའི་སྲོག་ལ་དབང་ཐོབ་ཤོག རྩ་སྔགས ཙིཏྟ་ཨ་བྷི་ཥིཉྩ་ཧཱུྃ རྗེས་ལ་ཚེ་འགུགས་རྒྱ་ཡིས་གདབ གཏང་རག་འབུལ་ཞིང་དམ་ཚིག་བསྲུང་ ཐུགས་རྗེ་ལྡན་པའི་སློབ་དཔོན་གྱིས མོས་གུས་ལྡན་པའི་སློབ་མ་ལ གཞུང་བཞིན་འདི་ནི་སུས་བསྐུར་བ འཆི་བདག་ཁ་རུ་ཚུད་ཀྱང་ཐོན རིག་འཛིན་དམོད་པའི་སྟོབས་བཙན་པས བྱད་དུ་བཅུག་ཀྱང་ཡ་མི་ང་ དེ་ཕྱིར་སྙིང་ལས་གཅེས་པར་ཟུངས བཀའ་སྲུང་ལྕམ་དྲལ་མེལ་ཚེ་གྱིས ས་མ་ཡ རྒྱ་རྒྱ་རྒྱ གངས་

(༢༧༠)ཅན་གྱི་མར་ཏིཀ་དཔལ་ཆུ་བོ་རིའི་ལྕགས་ཟམ་བྱང་ཆུབ་རྒྱུན་ལམ་གྱི་གནྡྷོ་ལའང་རྗེ་གྲུབ་པའི་འཁོར་ལོས་བསྒྱུར་བའི་ཐུགས་རྗེའི་ཕྲིན་ལས་ལ་རང་གིར་མཛད་པའི་མཆོག་གི་སྤྲུལ་སྐུ་སོགས་རྩ་བའི་ཆོས་བདག་གསུམ་གྱི་སྐུ་ཚེའི་རྟེན་འབྲེལ་ལ་དམིགས་ནས་རྒྱ་ཁྲོལ

(༢༧༡)རིག་འཛིན་ཚེ་སྒྲུབ་དམིགས་གནད་གལ་མདོ་བཞུགས། ༈ རིག་འཛིན་ཚེ་ཡི་ལྷ་ལ་ཕྱག་འཚལ་ལོ། །ཚེ་སྒྲུབ་བདུད་རྩི་བུམ་བཅུད་ཀྱི་དམིགས་རྐང་ཉེར་བསྡུས་བཅས་ཤོམ་རྣམས་གཞུང་ལྟར་གྲུབ་ནས་སྒོམ་དོན་བདག་དང་སྒྲུབ་རྟེན་དབྱེར་མེད་ཨ་ཏིའི་རྣལ་འབྱོར་གྱི་ངེས་པས་རིག་འཛིན་གྱི་ལས་གཞུང་བསྲང་ལ། བསྟོད་པའི་རྗེས། ཧྲཱི ཚེ་དབང་རིག་འཛིན་པདྨ་འབྱུང་། །ཞེས་སོགས་ཀྱི་ཡེ་ཤེས་སེམས་དཔའ་ཚེ་དཔག་མེད་སྐུ་མདོག་དམར་གསལ་ལོངས་སྤྱོད་རྫོགས་སྐུའི་ཆ་བྱད་རང་འོད་ཀྱི་ཡུམ་དང་འཁྲིལ་ཞིང་ཕྱག་གཉིས་མཉམ་གཞག་གི་སྟེང་ན་པདྨ་རཱ་གའི་ཚེ་བུམ་འཛིན་ཅིང་ཡབ་ཡུམ་གཉིས་སུ་མེད་པའི་ཐུགས་ཀར་སྣོད་བཅུད་མ་ལུས་པའི་ཁམས་ཀྱི་དངས་མ་ཉི་ཟླའི་གའུ་ཁ་སྦྱོར་གྱི་ནང་དུ་ཐུགས་སོག་གི་སྙིང་པོ་ཧྲཱིདང་། དེའི་གཡས་བསྐོར་དུ་སྔགས་ཕྲེང་ལུ་གུ་རྒྱུད་དུ་འཁོར་ཞིང་འོད་ཟེར་བཀྲག་ལྡན་དུ་འཕྲོ་བ་ལ་གསལ་བརྟན་གྱི་རྩལ་རྫོགས་པའི་དམིགས་པ་རྩེ་གཅིག་ཏུ་བཞུར་ནས་སྙིང་པོ་བགྲངས་པས་སྔགས་ཕྲེང་རྣམས་ལས་འོད་ཟེར་དཀར་འཚེར་བ་ཐག་འཛིངས་པ་ལྟ་བུ་བུན་བུན་འཕྲོས། འོག་མིན་དག་པའི་ཞིང་གི་ངེས་པ་ལྔ་ལྡན་རྟག་པ་རྒྱུན་གྱི་

(༢༧༢)འཁོར་ལོའི་ཡོན་ཏན་དང་། རིག་འཛིན་དང་དྲང་སྲོང་རྣམས་ཀྱི་སྐལ་བར་གནས་པའི་ཚེ་བཅུད། བརྟན་པ་སྣོད་ཀྱི་འཇིག་རྟེན་དང་། གཡོ་བ་བཅུད་ཀྱི་སེམས་ཅན་ཐམས་ཅད་ཀྱི་ཁམས་དང་བཀྲག་མདངས་གཟི་བྱིན་དངས་བཅུད་ཚེ་དཔལ་བསོད་ནམས་ཐམས་ཅད་རྡོ་ཁབ་ལེན་གྱིས་ལྕགས་ཕྱེ་ལེན་པ་ལྟར་བསྡུས་ནས་རང་ཉིད་ལ་ཐིམ་པའི་མོད་འཁོར་འདས་ཀྱི་དྭངས་བཅུད་དེ་དག་ཐམས་ཅད་སྐད་ཅིག་ཉིད་ལ་བཅུད་དུ་འདྲལ་ནས་ཚེ་དཔག་མེད་ཀྱི་སྐུ་རྡུལ་ཕྲ་རབ་ཏུ་གྱུར་པས། ལུས་ཀྱི་ནང་ཁོངས་བ་སྤུའི་བུ་ག་ཚུན་ཆད་ཀྱང་ཐེམ་གྱིས་འགགས་པས་རྡོ་རྗེའི་སྲོག་ལ་དབང་ཐོབ་ཅིང་། གཡུང་དྲུང་ལྟ་བུའི་ལུས་སུ་གྱུར་པར་དམིགས་ཤིང་། དེ་དག་ཀུན་ཀྱང་གཅིག་ལ་གཅིག་མི་རེག །གཅིག་གིས་གཅིག་མི་སྒྲིབ། ཡང་དོག་མེད་པ་ཏིལ་གོང་ཕྱུར་བ་ལྟར་གནས་པ་ཐམས་ཅད་ཀྱི་ཞལ་ནས་ཚེའི་སྙིང་པོ་ཀུན་ལས་ཡང་སྙིང་དུ་གྱུར་པ་གནད་བསྐུལ་སྲོག་གི་རིག་པ་ཡི་གེ་འབྲུ་གཅིག་པོ་བུང་བ་ཚང་ཞིག་པ་ལྟར་འཇམ་ལ་སྙན་པ་སྒྲོགས་པར་བསམ་ལ། འཇམ་རླུང་བུམ་ཅན་དང་བཅས་པའི་འགོག་བཟླས་སམ། རྡོ་རྗེའི་བཟླས་པ་ཁོ་ན་ལ་གཞོལ་པ་ནི་དབང་པོ་ཡང་རབ་སྤྲོས་པ་དང་བྲལ་བ་རྣམས་ཀྱིས་རླུང་སེམས་དབྱེར་

(༢༧༣)མེད་ཀྱི་ཚེ་སྒྲུབ་ཡིན་ནོ། །སྤྱིར་བཏང་གཞན་དོན་དུ་བསྒྲུབ་པ་དང་། ཏིང་ངེ་འཛིན་དང་རླུང་སྟོབས་ཞན་པའི་དང་པོའི་ལས་ཅན་རྣམས་ཀྱིས་རང་ཉིད་ཀྱིས་སྒྲུབ་སྔགས་དང་། ཚེ་དཔག་མེད་རྣམས་ཀྱིས་ཧྲཱི་སྒྲ་སྒྲོགས་པར་བསམས་ལ་འོད་ཟེར་སྤྲོ་བསྡུ་བྱ་བ་ནི་གཙོ་བོར་གཅེས་ཤིང་། གཞན་དོན་ལ་དམིགས་བྱའི་སྲོག་གི་ངོ་བོ་ཡི་གེ་ནིྲའི་རྣམ་པ་ཐུགས་སྲོག་གི་ཁོང་དུ་བསམ་ནས་དེ་ལ་ཚེ་བཅུད་སྡུད་ཅིང་། ཀུན་ལ་ཐུན་གྱི་སྨད་ཆར་རྡོ་རྗེའི་བཟླས་པ་ཅུང་ཟད་རེ་བྱས་པས་ལེགས་པར་འགྱུར་ལ། ཐུན་མཚམས་སུ་རིག་འཛིན་སོ་སོ་ལ་ཁྱད་པར་གྱི་དངོས་གྲུབ་བསྐུལ་བའི་ཚེ་འགུགས་ཟབ་གནད་ཅན་ལྟ་བ་བསྐྱེད་རིམ་གདུང་ཤུགས་གསུམ་ཀའི་ངར་ཆ་དང་ལྡན་པས་བྱས་རྗེས། སྐྱེ་འཆི་མེད་པ་ཆོས་དབྱིངས་རང་བྱུང་གི་ཀློང་དུ་རྒྱས་གདབ་ཅིང་ཚེ་སྦ་བ་ཡང་ཤིན་ཏུ་ཟབ་པའི་གནད་དོ།། །།

(༢༧༤)

(༢༧༥)ཚེ་སྒྲུབ་བདུད་རྩི་བུམ་བཅུད་ཀྱི་དབང་བཤད་ལྷན་ཐབས་སུ་བྱས་པ་བཞུགས་སོ།། །།

(༢༧༦)རིག་འཛིན་ཚེ་སྒྲུབ་ཀྱི་དབང་བཤད་ཉེར་བསྡུས་ལྷན་ཐབས་ནི། །ཁྲུས་ནས་དབྱུང་། བགེགས་གཏོར་བཏང་། སྲུང་འཁོར་བསྒོམས་རྗེས། ནམ་མཁའ་དང་མཉམ་པའི་སེམས་ཅན་ཐམས་ཅད་ལ་ཕན་འདོད་ཀྱི་ལྷག་བསམ་ཡིད་ལ་མཆོག་ཏུ་བཅགས་ནས་དམ་པའི་ཆོས་ཉན་པ་ལ་ཞུགས་པ་ནི་སྐྱེས་བུ་ཆེན་པོའི་ལམ་བསོད་ནམས་ཚད་མེད་པའི་འཇུག་ངོགས་ཡིན་ཏེ། རིན་ཆེན་ཕྲེང་བ་ལས། སེམས་ཅན་ཁམས་ནི་ཚད་མེད་ལ། །ཕན་འདོད་དེ་ནི་དེ་འདྲའོ། །ཞེས་སོ། །དེའི་ཕྱིར་སེམས་ཅན་ཐམས་ཅད་ཐུགས་ལ་བཅངས་ཏེ་གསན་པར་ཞུ། དེ་ཡང་སྣོད་ཀྱི་སྐྱོན་ཁ་སྦུབ་ཞབས་རྡོལ་དུག་ཅན་

(༢༧༧)ཏེ་གསུམ། ང་རྒྱལ་དང་ནི་མ་དད་དང་། །དོན་དུ་གཉེར་བ་མེད་ཉིད་དང་། །ཕྱི་རོལ་རྣམ་གཡེང་ནང་དུ་སྡུད། །སྐྱོབ་ཉན་པའི་དྲི་མ་ཡིན། །ཞེས་དྲི་མ་དྲུག་དང་བཅས་པའང་སྤང་བྱར་ངེས་པ་བྱས་ནས་འདུ་ཤེས་བཞི་བསྟེན་པར་བྱ་སྟེ། སྡོང་པོ་བཀོད་པ་ལས། །རིགས་ཀྱི་བུ་ཁྱོད་ཀྱིས་བདག་ཉིད་ལ་ནད་པའི་འདུ་ཤེས་བསྐྱེད་པར་བྱའོ། །ཆོས་ལ་སྨན་གྱི་འདུ་ཤེས་བསྐྱེད་པར་བྱའོ། །ནན་ཏན་ཉམས་སུ་ལེན་པ་ལ་ཉེ་བར་འཚོ་བའི་འདུ་ཤེས་བསྐྱེད་པར་བྱའོ། །དགེ་བའི་བཤེས་གཉེན་ལ་སྨན་པ་མཁས་པའི་འདུ་ཤེས་བསྐྱེད་པར་བྱའོ། །ཞེས་གསུངས་པ་ལ་དྲན་པ་ཉེ་བར་གཞག་

(༢༧༨)སྟེ་གསན་པ་ཞུ། །འདི་ལྟར་དམ་པའི་ཆོས་ཀྱི་སྒྲ་ཙམ་ཐ་ན་དུད་འགྲོའི་རྣ་ལམ་དུ་ཐོས་ནའང་ངན་སོང་གི་སྡུག་བསྔལ་ལས་གྲོལ་བའི་ནུས་པ་ཅན་ཡིན་པར་རྒྱལ་བའི་དབང་པོ་ཀློང་ཆེན་ཞབས་ཀྱིས། ཆོས་རྔ་སྒྲོག་པའི་སྒྲ་ཐོས་སེམས་ཅན་ཡང་། །ངན་སོང་རྣམ་གྲོལ་ཉན་རྣམས་སྨོས་ཅི་དགོས། །ཅེས་གསུངས་པའི་ཕྱིར་ཁྱེད་ཅག་རྣམས་ཆོས་སྒྲ་སྒྲོག་པ་ལ་མོས་པ་སྟོབས་སུ་གྱུར་པ་འདི་ཡང་སྲིད་པ་མང་པོར་ཚོགས་བསགས་པ་ཆོས་ཅན། དེ་ལྟ་ནའང་སློབ་དཔོན་ཞི་བ་ལྷས། དལ་འབྱོར་འདི་ནི་ཤིན་ཏུ་རྙེད་པར་དཀའ། །སྐྱེས་བུའི་དོན་འགྲུབ་ཐོབ་པར་གྱུར་པ་ལ། །གལ་ཏེ་འདི་ལ་ཕན་པ་མ་བསྒྲུབ་ན། །ཕྱིས་ནས་ཡང་དག་འབྱོར་པ་ག་ལ་འགྱུར། །ཅེས་གསུངས་པས་ན། ད་རེས་ཡིད་བཞིན་གྱི་ནོར་བུ་ལག་ཏུ་ལོན་པའི་དཔེས་ཀྱང་བརྒྱ་སྟོང་གི་ཆར་ཡང་མི་ཕོད་པའི་དལ་བའི་རྟེན་བཟང་འདི་ལྟ་བུ་རྙེད་པའི་གནས་སྐབས་ཐར་པ་དང་ཐམས་ཅད་མཁྱེན་པའི་གོ་འཕང་དོན་དུ་གཉེར་བའི་ཐབས་ལྷུར་ལེན་དགོས། དེ་ཅིས་ལེན་ན་ཁམས་དྲུག་ལྡན་གྱི་རྟེན་འདི་ཁོ་ན་ལ་ལྟོས་དགོས་པའི་ཕྱིར། །སློབ་དཔོན་ངག་གི་དབང་ཕྱུག་གྲགས་པའི་ཞལ་ནས། །ཆོས་སྤྱོད་དབང་པོ་ཐུལ་བ་ནི། །འཁོར་བ་རུ་ནི་ཇི་སྲིད་འཚོ། །དེ་སྲིད་

(༢༧༩)བསོད་ནམས་ལ་སོགས་ཚོགས། །བྱང་ཆུབ་སྒྲུབ་བྱེད་རབ་ཏུ་སྐྱེ། །འཁོར་བར་སྲོག་ལས་གཅེས་པ་ནི། །ཅི་ཡང་ཡོད་པར་མ་མཐོང་སྟེ། །དེ་བས་མྱུར་དུ་ཐབས་མང་པོས། །འཆི་བ་བསླུ་བ་ཀུན་ཏུ་སྤྱད། །ཅེས་གསུངས་པ་ལྟར་མཐར་ཐུག་ངེས་ལེགས་ཀྱི་གོ་འཕང་དོན་དུ་གཉེར་བའི་ཆེད་དུ་ཚེ་དང་བསོད་ནམས་ལ་སོགས་པ་གནས་སྐབས་མངོན་པར་མཐོ་བའི་དཔལ་དང་ཡོན་ཏན་ལ་བརྟེན་པ་གསང་སྔགས་ཀྱི་ཁྱད་པར་ཡིན་ལ། དེ་ལྟ་བུའི་ཚུལ་ལ་རྒྱལ་བ་ཐབས་མཁས་ཤིང་ཐུགས་རྗེ་ཆེན་པོ་དང་ལྡན་པ་རྣམས་ཀྱིས་འཆི་མེད་སྒྲུབ་པའི་ཆོས་ཀྱི་རྣམ་གྲངས་ཇི་སྙེད་ཅིག་བསྟན་པ་རྣམས་ཀྱི་ནང་ནས་འདི་ནི་སྔ་འགྱུར་རྡོ་རྗེ་ཐེག་པའི་ཕྱོགས་སུ་གཏོགས་ལ། དེ་ལ་ཞལ་ནས་གསུང་པའི་བཀའ་མ། རྗེས་སུ་གནང་བའི་གཏེར་མ། བྱིན་གྱིས་བརླབས་པའི་དག་སྣང་མ་སྟེ་བརྒྱུད་པའི་བཀའ་སྲོལ་ཆེན་པོ་གསུམ་དུ་གྲགས་པ་ལས། ཁྱད་པར་དུ་གྱུར་པ་འདིའི་ལོ་རྒྱུས་ཅུང་ཟད་སྙན་དུ་གསོལ་ན། །ལུང་བསྟན་བཀའ་རྒྱ་མར། ལྷོ་ཕྱོགས་འོད་ཟེར་མིང་ཅན་སྤྲུལ་པའི་སྐུ། །ཟབ་དོན་སྙིང་ཏིག་ཆོས་ཀྱིས་འགྲོ་བ་འདྲེན། །འབྲེལ་ཚད་རིག་འཛིན་ཞིང་དུ་འཕེན་པ་འབྱུང་། །ཞེས་

(༢༨༠)སྙིང་ཐིག་གི་རྫོགས་རིམ་དང་། རིག་འཛིན་གྱི་བསྐྱེད་རིམ་ལ་བརྟེན་ནས་རིམ་པ་བཞིའི་རྣལ་འབྱོར་ལ་སྦྱོར་བའི་ལམ་སྟོན་དུ་བསྔགས་པའི་ཕྱིར་རིག་འཛིན་འཛམ་གླིང་རྡོ་རྗེའི་གཏེར་ལུང་ལས་ཀྱང་། དབུས་གཡོར་གཞུང་དུ་བྱང་སེམས་པདྨའི་མིང་། །བཀའ་རྙིང་བསྟན་སྐྱོང་ཐབས་མཁས་འགྲོ་བ་འདུལ། །ཞེས་རྡོ་རྗེའི་ལུང་གིས་དཔང་པོར་བྱས་པ་བཞིན། །དཔལ་ཨོ་རྒྱན་ཆོས་ཀྱི་རྒྱལ་པོ་ཡབ་ཡུམ་གྱིས་རང་བྱུང་རྡོ་རྗེ་འཇིགས་མེད་གླིང་པར་མིང་གི་དབང་བསྐུར་བའི་སྐྱེས་བུ་ཉིད་ཀྱི་རྗེས་ལ་ཐོབ་པའི་རོལ་པ་དང་རྨི་ལམ་གྱི་སྣང་ཆ་སྒྱུ་མའི་རང་བཞིན་གཅིག་ཏུ་མཉམ་པའི་མིག་འཕྲུལ་ལྟ་བུའི་གསལ་སྣང་ལ་བལ་ཡུལ་གྱི་མཆོད་རྟེན་བྱ་རུང་ཁ་ཤོར་གྱི་གམ་དུ། ཆོས་སྐུ་ཡེ་ཤེས་ཀྱི་མཁའ་འགྲོ་མས་ཀློང་བྱང་ཡེ་ཤེས་ཀྱི་བརྡ་རིས་མངོན་དུ་སྤྲད་པ་ལས་བྱུང་བའི་ཆོས་སྡེ་གནད་བྱང་ཐུགས་ཀྱི་སྒྲོམ་བུ་ལས། དེ་དུས་ད་ལྟའི་རྗེ་འབངས་གྲོགས བི་མ་རྒྱལ་སྲས་ལྷ་རྗེ་རྣམས སྨོན་ལམ་ཐུགས་རྗེས་སྤྲུལ་པའི་སྲས རང་བྱུང་རྡོ་རྗེ་པདྨ་དབང་ གསང་མཚན་གར་དབང་འཇིགས་མེད་གླིང་ རྟོགས་གྲོལ་དུས་མཉམ་ཐུགས་གཏེར་བདག འཕགས་པས་རྗེས་སུ་བཟུང་བའི་རྟགས ལག་

(༢༨༡)གཡས་མཐིལ་ན་པདྨའི་སྤྱན དབང་ཆེན་གསུང་གི་རིག་འཛིན་ཕྱིར མཐེ་བོང་ཐུགས་སྲོག་ཧྱ་ཡིས་མཚན རྟོགས་པ་ཀློང་དུ་གྱུར་པའི་རྟགས ཚེམས་ལ་སྐྱེ་མེད་ཡི་གེ་ཨ སྙིང་རྗེ་ཆེ་ཞིང་རིག་པ་ཧུར ཤེས་རབ་ཆེ་ཞིང་འཛིན་ཆགས་ཆུང་ ཐུགས་སྒམ་ཚིག་བཙན་བློ་གྲོས་ཟབ ངེས་མེད་སྤྱོད་པ་ཅིར་ཡང་སྟོན འཇིགས་པ་མེད་པའི་བརྟུལ་ཞུགས་ཅན ཞུམ་མེད་སྣང་བ་ཟིལ་གྱིས་གནོན དེ་ལ་ཐུགས་རྒྱུད་དངོས་གཏེར་རམ ཡང་ན་དགོངས་གཏེར་ཚུལ་དུ་འབེབས ཞེས་གསུངས་པ་ལྟར་ཀློང་བྱང་བརྡ་བསྒྱུར་ནམ་མཁའ་མཛོད་ཀྱི་ཆོས་སྡེ་རིག་འཛིན་གྱི་ཚེ་སྒྲུབ་བདུད་རྩི་བུམ་བཅུད་ཀྱི་ཚེ་དབང་འབུལ་བར་སྐབས་སུ་བབས་པ་ཡིན་ཏེ། དེ་ཡང་རྩ་བར། ལྷ་སྔགས་ཏིང་འཛིན་དམིགས་པའི་གནད ཀུན་ལས་ཁྱད་འཕགས་རིག་འཛིན་གྱི ཚེ་སྒྲུབ་བདུད་རྩི་བུམ་བཅུད་འདི ཆོས་བདག་སྐྱེས་བུའི་སྲོག་མཐུད་ཕྱིར ཀློང་བྱང་མཁའ་འགྲོའི་བརྡ་རུ་བསྟན ཅེས་གསུངས་པ་ལྟར་ཡེ་ཤེས་སེམས་དཔའ་ལ་བརྟེན་ནས་རྒྱལ་བ་འོད་མཚན་སྟོང་འབར་མངོན་དུ་བསྒྲུབ་ཅིང་ཚེ་དཔག་མེད་ཀྱི་གོ་ཆ་བསྐོན་པ། རིགས་ལྔའི་རིག་འཛིན་ལ་

(༢༨༢)བརྟེན་ནས་འབྱུང་ལྔའི་ཁམས་ནས་བླ་ཚེ་བསྡུ་བ། དྷ་ན་སཾ་སྐྲྀ་ལ་བརྟེན་ནས་བླ་འཁྱམས་འགུགས་པ། བི་མ་མི་ཏྲ་ལ་བརྟེན་ནས་ཚེ་ཟད་པ་བསྲིང་བ། རོམྦུ་གུ་ཧྱ་ལ་བརྟེན་ནས་ལྷ་འདྲེ་མཐུ་བོ་ཆེས་བརྐུས་པའི་བླ་ཚེ་འཕྲོག་པ། ཤཱིནྟཾ་གརྦྷ་ལ་བརྟེན་ནས་ཕ་རོལ་བན་བོན་གྱིས་བྱད་དུ་བཅུག་པའི་བླ་ཚེ་བསྡུ་བ། འབྱུང་འཇུག་གནས་གསུམ་སྔགས་ཀྱི་ངོ་བོར་རྒྱས་འདེབས་པ་ལ་སོགས་ཏེ་ཁྱད་ཆོས་དུ་མ་དང་ལྡན་པའི་ཕྱིར། །ཐུགས་རྗེ་ལྡན་པའི་སློབ་དཔོན་གྱིས མོས་གུས་ལྡན་པའི་སློབ་མ་ལ གཞུང་བཞིན་འདི་ནི་སུས་བསྐུར་བ འཆི་བདག་ཁ་རུ་ཚུད་ཀྱང་ཐོན བྱད་དུ་བཅུག་ཀྱང་ཡ་མི་ང་ དེ་ཕྱིར་སྙིང་ལས་གཅེས་པར་ཟུང་། ཞེས་ཆེད་དུ་བསྔགས་པ་ཡིན་ལ། དེ་ལྟ་བུའི་ཚེ་དབང་ཟབ་མོ་བསྐུར་བར་བྱེད་པ་ལ། བདག་རྡོ་རྗེ་སློབ་དཔོན་ཚེ་དབང་རིག་འཛིན་དང་གཉིས་སུ་མེད་པའི་དཀྱིལ་འཁོར་གྱི་ངོ་བོར་རྫོགས་པ་ལ་མཎྜལ་འབུལ་བ་ཐུགས་ལ་བཏགས་པ་ཞུ། འོ་ཆོས་ཐམས་ཅད་ཀྱི་སྔོན་དུ་འགྲོ་ཞིང་གཞི་བརྟན་པར་བྱ་བ་ནི་དཀོན་མཆོག་གསུམ་ལ་སྐྱབས་སུ་འགྲོ་བ་དང་། རྒྱལ་སྲས་ཀྱི་སྤྱོད་པ་ལ་སློབ་ཕྱིར། །བྱང་ཆུབ་ཆེན་པོར་སེམས་བསྐྱེད་པ། རྒྱུད་དག་པར་བྱ་ཕྱིར་

(༢༨༣)ཡན་ལག་བདུན་གྱིས་ཚོགས་བསགས་པ་རྣམས་ཚེགས་ཆུང་ངུས་དོན་ཆེན་པོ་སྒྲུབ་པར་མ་ཟད། །དབང་གི་འབྲས་བུ་ཆགས་པ་ལའང་མེད་དུ་མི་རུང་བ་ལགས་པས་དེ་དག་རང་རང་གི་ཚིག་དོན་ཡིད་ལ་བརྣག་པས་འདིའི་རྗེས་ཟློས་མཛད་པར་ཞུ། རྡོ་རྗེ་སློབ་དཔོན་སངས་རྒྱས་དཔལ དུས་གསུམ་བཞུགས་ལ་ཕྱག་འཚལ་ལོ མཆོག་གསུམ་བསྟན་པའི་ཞིང་གྱུར་ལ གཉིས་མེད་ཡིད་ཀྱིས་སྐྱབས་སུ་མཆི དངོས་འབྱོར་ཡིད་ཀྱིས་རྣམ་འཕྲུལ་པའི དག་པའི་མཆོད་པ་བཞེས་སུ་གསོལ དངོས་གྲུབ་ཆུ་བོ་གཅོད་པའི་གེགས ཉེས་བྱས་མ་ལུས་བཤགས་པར་བགྱི ཕྱོགས་བཅུ་འཁོར་གསུམ་དག་པའི་ཆོས མ་ཆགས་སྤྱོད་ལ་རྗེས་ཡི་རང་ དག་པའི་མཐའ་བཞི་དྲི་མ་མེད རྫོགས་པའི་བྱང་ཆུབ་སེམས་བསྐྱེད་དོ བདེ་གཤེགས་དབང་ཕྱུག་སེམས་ཅན་ལ དགོས་པ་གསུམ་ཕྱིར་ལུས་འབུལ་ལོ ཚེ་རབས་བགྲངས་པའི་དགེ་བ་ཀུན བསྡུས་ཏེ་ བྱང་ཆུབ་ཆེན་པོར་བསྔོ ཞེས་པའི་རྗེས་ལ འཆི་མེད་མགོན་པོ ་པདྨ་འབྱུང་ སོགས་ཀྱི་རྗེས་ཟློས་མཐར བྱིན་འབེབས་ཚེ་འགུགས། ཨ་མྲྀ་ཏས་བསངས། སྣ་ཚོགས་པདྨ་ཉི་ཟླའི་

(༢༨༤)སྟེང་ ཧཱུྃ་ལས་སྐད་ཅིག་དྲན་རྫོགས་སུ སློབ་མ་སངས་རྒྱས་ཀུན་གྱི་དངོས སྣང་སྲིད་ཟིལ་གནོན་པདྨ་འབྱུང་ ཞལ་གཅིག་ཕྱག་གཉིས་དཀར་དམར་མདངས ཐེག་གསུམ་རྫོགས་པའི་བརྡའ་རྟགས་སུ ཕོད་ཁ་ཆོས་གོས་བེར་འདུང་མནབས ཕྱག་གཡས་རྡོ་རྗེ་རྩེ་ལྔ་བསྡིགས གཡོན་པ་བྷནྡྷ་ཚེ་བུམ་བསྣམས མཆན་ཁུང་གཡོན་ན་ལྷ་ལྕམ་མཛེས དབུ་ལ་པདྨའི་མཉེན་ཞུ་གསོལ རྒྱལ་པོ་རོལ་པའི་སྟབས་སུ་འགྱིང་ སྤྱི་བོར་ཚེ་དཔག་མེད་ཡབ་ཡུམ མཉམ་པར་སྦྱོར་བས་མཁའ་གསང་ནས བདེ་ཆེན་བྱང་སེམས་བདུད་རྩིའི་རྒྱུན བབ་པས་ལུས་གང་བདེ་བས་མྱོས རྡོ་རྗེའི་སྲོག་ལ་དབང་ཐོབ་དམིགས ཧཱུྃ སྤྲོས་བྲལ་ཆོས་སྐུའི་ཕོ་བྲང་ནས སོགས་ ཏིཥྛ་བཛྲས་བརྟན་པར་བྱ། དེ་ནས་སློབ་དཔོན་ཚེ་དཔག་མེད་དུ་གསལ་བ་དང་མདུན་བསྐྱེད་ཀྱི་ཐུགས་ཀ་ནས་འོད་ཟེར་དཀར་འཚེར་བ་ཐག་འཛིངས་པ་ལྟ་བུ་བུན་བུན་འཕྲོས་འོག་མིན་དག་པའི་ཞིང་ངེས་པ་ལྔ་ལྡན་རྟག་པ་རྒྱུན་གྱི་འཁོར་ལོའི་ཡོན་ཏན་དང་ཕྲིན་ལས་རིག་འཛིན་དྲང་སྲོང་རྣམས་གྱི་བསྐལ་པར་གནས་པའི་ཚེ་བཅུད། བརྟན་པ་སྣོད་ཀྱི་འཇིག་རྟེན་དང་། གཡོ་བ་བཅུད་ཀྱི་

(༢༨༥)སེམས་ཅན་ཐམས་ཅད་ཀྱི་ཁམས་དང་བཀྲག་མདངས་གཟི་བྱིན་དངས་བཅུད། ཚེ་དཔལ་བསོད་ནམས་ཐམས་ཅད་རྡོ་ཁབ་ལེན་གྱིས་ལྕགས་ཕྱེ་བླངས་པ་ལྟར་བསྡུས་ནས་ཁྱོད་རང་ལ་ཐིམ་པའི་མོས་པ་མཛོད། ཨོཾ་རང་སྣང་ཟངས་མདོག་དཔལ་གྱི་རིསོགས་དབང་དངོས་གཞི་གཏང་རག་མཎྜལ་དགེ་བ་བསྔོ་བ་རྣམས་བྱའོ།། །།

(༢༨༦)

(༢༨༧)འུྃ ཡུམ་ཀ་བདེ་ཆེན་རྒྱལ་མོའི་ལོ་རྒྱུས་བཞུགས འུྃ ཌཱཀྐི་ལ་ན་མོ ཆུ་མོ་སྦྲུལ་གྱི་ལོར སྐུའི་དབེན་གནས་སྒྲགས་ཀྱི་ཡང་རྫོང་དུ་ཚོགས་ཀྱི་འཁོར་ལོ་སྟོང་རྩ་དང་ མཁའ་འགྲོའི་མེ་མཆོད་སོགས་ཀྱི་ཆེད་གནས་འབྲེལ་དུ་ལྷགས་པ་ལས རེ་ཞིག་ན་གཡོ་རུ་སྒྲགས་ཀྱི་གྲོང་མོ་ཆེ་དང་ཉེ་བ་མཚོ་རྒྱལ་བླ་མཚོར་སླེབས་པའི་ཚེ མྱོང་གྲོལ་བདུད་རྩིའི་ཕུར་མ་དང་ མཚོ་དར་བཅས་ཕུལ་བ་སྲོག་ཆགས་འཛུལ་བ་ལྟར་དལ་རིམ་གྱིས་གཏིང་དུ་སོང་བའི་དར་མཇུག་མཚོ་ཁར་སྐྱ་ཡ་ཡེར་བསྡད་སོང་བས ངོ་མཚར་གྱི་སྣང་བ་ཅུང་ཟད་སྐྱེས དེར་དག་པའི་ཤེས་པ་ལྷན་སྐྱེས་སུ་ཤར་ནས་ཐ་མལ་གྱི་སྣང་བ་སྤངས་པས་ཆུ་ལ་བཏུང་བ་དང་ ཉེ་རེག་བྱས་པའི་ཚེ སྐད་ཅིག་དེར་བུང་བ་ཤིན་ཏུ་གནག་པ་མེ་ཏོག་ཨུཏྤ་ལའི་རྣམ་པ་ལྟ་བུ་ཞིག་འཕུར་ལྡིང་བྱེད་པ་དང་ རྒྱུད་མངས་ཀྱི་སྒྲ་ལྟ་བུ་སྦོམ་ལ་འགྱུར་བ་ལན་གསུམ་སྒྲོགས་པའི་རྐྱེན་ལས་ཐ་མལ་གྱི་སྣང་བ་གཏད་མེད་དུ་སོང་ སྣང་སེམས་ཆོས་ཉིད་གསུམ་འདྲེས་པའི་ཀློང་ནས་ཡེ་ཤེས་ཀྱི་མཁའ་འགྲོ་མ་སྐུ་མདོག་དམར་གསལ་རིན་པོ་ཆེ་དང་རུས་པའི་རྒྱན་དྲུག མེ་ཏོག་གི་དོ་ཤལ་འཕྱང་འཕྲུལ་དུ་གཡོ་བ་ཞིག་གིས རང་

(༢༨༨)གི་མངོན་པར་རྟོགས་པའི་ཚོགས་སྙིང་པོ་དང་བཅས་པ་ལེགས་པར་བསྟན་ནས མཁའ་འགྲོ་ང་ནི་ཆོས་སྐུའི་ཀློང་ནས་འོང་ འགྲོ་དང་འོང་བའི་རྣམ་རྟོག་ཡོད་མ་ཡིན བུ་མོ་ང་ནི་གནས་ཡུལ་ཉེར་བཞིའི་བདག རྔ་ཡབ་དཔལ་རི་སྤྲུལ་པའི་ཞིང་ནས་འོང་ བཀོད་པ་ལུས་ལ་སྔགས་ཀྱི་ཡོན་ཏན་རྫོགས བུ་མོ་ང་ནི་དུས་གསུམ་རྒྱལ་བའི་ཡུམ ང་ལས་མ་སྐྱེས་དཀོན་མཆོག་གསུམ་ཡང་མེད མཁའ་འགྲོ་ང་སྒྲུབས་སྐུ་གསུམ་དངོས་གྲུབ་ཐོབ གདུལ་བྱའི་འགྲོ་དོན་ལྷོ་ནུབ་ཕྱོགས་ལ་ཡོད རྟེན་འབྲེལ་མ་འཆོལ་ལས་ཅན་སྐྱེས་བུའི་ཚེ ཐིག་ལེ་དྲུག་གི་ཀློང་དུ་ངས་གསོས་བཏབ ཞེས་གསུང་པའི་མོད་ལ་མཁའ་འགྲོ་གསང་བའི་ཡི་གེ་རྫུ་འཕྲུལ་གྱི་བཀོད་པ་ཟད་མི་ཤེས་པ་དང་གཉིས་སུ་མེད་པར་འདྲེས་ནས་སྙིང་གི་དབུས་སུ་ཐིམ་པར་བྱས་སོ དེའི་ཚེ་ཆོས་རྗེ་བྲག་ཕུག་པ་མདུན་ན་ཡོད་པ་ནན་གྱིས་བཏུད་ནས་གཟིགས་སྣང་ཅི་བྱུང་ཞེས་དྲི་བར་མཛད་པས་བཏང་སྙོམས་སུ་འཇོག་པའི་རྟེན་འབྲེལ་ནི་སད གསང་བའི་དམ་ཚིག་ཞག་ལྔར་བསྲུངས་ནས་དམར་ཕྱོགས་ཀྱི་མཁའ་འགྲོ་འདུ་བའི་ཚེས་ལ་ཚོགས་དང་མཆོད་པའི་འདུ་བ་རྒྱ་ཆེན་པོ་དང་བཅས་ཡོང་རྫོང་དུས་དགྲའི་དཔང་པོའི་ཕོ་བྲང་དུ་རྟེན་འབྲེལ་ཟབ་མོའི་མཚམས་སྦྱོར་དང་བཅས་རྒྱ་ཁྲོལ

(༢༨༩)འུྃ ཀློང་ཆེན་སྙིང་གི་ཐིག་ལེ་ལས ཡུམ་ཀའི་བྱིན་རླབས་དབང་གི་ཆོ་ག་བཞུགས འུྃ །།། བྱིན་རླབས་དབང་གི་རིམ་པ་ནི མཁའ་འགྲོ་འདུ་བའི་དུས་གཉན་ལ ཚོན་དཀྱིལ་གཉིས་སམ་ཚོམ་བུའི་སྟེང་ བྷནྡྷ་མཚན་ལྡན་བདུད་རྩིས་བཀང་ ཨ་མྲྀ་ཏ་དང་ཉེར་ལྔས་བྲན སིན་དྷུ་རས་བཙགས་མེ་ལོང་ལ གཤེགས་མ་ལྔ་ཡི་ས་བོན་བྲི སྟེང་དུ་དྲིལ་བཅས་ལྡིང་གུར་ཕུབ ཉེར་སྤྱོད་ཚོགས་གཏོར་བཟང་དུ་བཤམ ལས་གཞུང་བསྲང་ལ་བཟླས་པ་བྱ ཚོགས་ཕུལ་རིག་པའི་མེ་ཏོག་དོར སློབ་མ་བཀྲུ་ཞིང་བགེགས་དང་ཕྲལ ཀུན་མཁྱེན་ཡེ་ཤེས་ཕུང་པོ་ཅན སྲིད་པའི་འཁོར་ལོ་རྣམ་སྦྱོང་བ དེ་རིང་བཤད་པའི་རིན་ཆེན་གཏེར གཙོ་བོས་བདག་ལ་བཀའ་དྲིན་སྩོལ ལན་གསུམ་རྗེས་ཟློས་ལོ་རྒྱུས་བཤད ཚད་མེད་བཞི་དང་སྐྱབས་སེམས་འབོག དེ་ནས་དབང་གི་དོན་པོ་ནི ཡེ་ཤེས་དབབ་ལ་ནན་ཏན་བྱ སློབ་མའི་རྣམ་ཤེས་རཾ་ཡིག་ལས མེ་འབར་རྣམ་སྨིན་ཕུང་པོ་བསྲེགས འོད་ཀྱི་རྣམ་པའི་སྟོང་གཟུགས་ལས མཁའ་འགྲོ་བདེ་ཆེན་རྒྱལ་མོ་ནི ཞལ་གཅིག་ཕྱག་གཉིས་སྐུ་མདོག་དམར གཅེར་མོ་མཉམ་པའི་དོར་སྟབས་ཅན ཤིན་ཏུ་ཆགས་དང་བཞད་པའི་ཞལ ཕྱག་གཡས་ཐོད་

(༢༩༠)པའི་ཅང་ཏེའུ སྙན་གྱི་ཐད་ཀར་གཏོད་ཅིང་འཁྲོལ གཡོན་པ་གྲི་གུག་ཡུ་བ་ནི དཀུ་ལ་བརྟེན་ནས་མཆོག་ཏུ་འགྱིང་ བྷ་ག་རྒྱས་ཤིར་ནུ་མ་འབུར རིན་པོ་ཆེ་དང་གཞོན་ནུའི་རྒྱན པུཎྜ་རི་ཀའི་དོ་ཤལ་འཕྱང་ རུས་པའི་རྒྱན་དྲུག་སྐུ་ལ་མཛེས གནག་སྣུམ་དབུ་སྐྲའི་ལན་ཚར་ཅན རིན་པོ་ཆེ་ཡི་རྩེ་བྲན་བརྗིད དབུ་མའི་སྤྱན་ནི་དབྱིངས་ལ་གཟིགས ལོངས་སྐུའི་སྤྱན་གྱིས་འགྲོ་བ་འདུལ སྤྲུལ་སྐུའི་སྤྱན་གྱིས་ཁམས་གསུམ་འགུགས སྐུ་ལ་རྒྱུད་སྡེའི་དཀྱིལ་འཁོར་རྫོགས འབུམ་ཕྲག་ཡངས་པའི་མཁའ་འགྲོས་བསྐོར ཐུགས་ཀར་ཨཱརྻ་ཏཱ་རེ་མ ལྗང་སྔོན་ཞལ་གཅིག་ཕྱག་གཉིས་ཚུལ དེ་ཡི་ཐུགས་ཀར་ཡེ་ཤེས་ཀྱི ཕག་མོ་གནག་སྣུམ་གྲི་ཐོད་ཅན སེམས་དཔའ་སུམ་བརྩེགས་གནས་ལྔ་རུ ཕྱག་མཚན་ལྔ་དང་ས་བོན་ལྔས མཚན་པ་དེ་ལས་འོད་འཕྲོས་པས འོག་མིན་གནས་དང་མཁའ་སྤྱོད་ཞིང་ གཡུ་ལོ་བཀོད་དང་པདྨ་འོད རང་བཞིན་གནས་ནས་ཡེ་ཤེས་པ དྲངས་ཏེ་གཉིས་སུ་མེད་པར་བསྟིམ ཧཱུྃ ཡུལ་གྱི་མིང་ནི་རྒྱ་གར་ཡུལ གནས་ཀྱི་མཆོག་གྱུར་ཨོ་རྒྱན་གནས དྷུ་མ་

(༢༩༡)ཐ་ལ་མཁའ་འགྲོའི་གྲོང་ གླིང་གི་གླིང་མཆོག་རྔ་ཡབ་གླིང་ དོན་ལ་འོག་མིན་བདེ་ཆེན་ཞིང་ རྣམ་པ་མཁའ་སྤྱོད་སྤྲུལ་པའི་གནས དགྱེས་ཤིང་བཞུགས་པའི་ཡུལ་ཀུན་ནས ཆོས་སྐུ་ཡུམ་ཆེན་འཚོ་རྒྱལ་མ འབུམ་ཕྲག་མཁའ་འགྲོའི་འཁོར་དང་བཅས བྱིན་གྱིས་བརླབ་ཕྱིར་གཤེགས་སུ་གསོལ གནས་མཆོག་འདི་རུ་བྱིན་ཕོབ་ལ སྒྲུབ་མཆོག་བདག་ལ་དབང་བཞི་བསྐུར བགེགས་དང་ལོག་འདྲེན་བར་ཆོད་སོལ མཆོག་དང་ཐུན་མོང་དངོས་གྲུབ་སྩོལ ཨོཾ་པདྨོ་ཡོ་གི་ནི་ཏཱ་རེ་ཏུ་རེ་ཏུཏྟཱ་རེ་ཏུ་རེ་ཛྙཱ་ན་ཝཱ་རཱ་ཧཱི་ཕེ༚་ཕེ༚། སྤོས་རོལ་དང་བཅས་བྱིན་ཆེན་དབབ ཏིཥྛ་བཛྲས་བརྟན་པར་བྱ བདེ་སྐྱོང་བུམ་པ་སྤྱི་བོར་བཞག ཧོ གསང་སྔགས་དམ་ཚིག་བླ་ན་མེད རང་བྱུང་ལྷུན་གྲུབ་བུམ་པའི་དབང་ སངས་རྒྱས་ཀུན་གྱི་གསང་གསུམ་གྱི དབང་བསྐུར་དམ་པ་ཁྱོད་ལ་སྦྱིན ཨོཾ་པདྨོ་ཡོ་གི་ནི་ཏ་རེ་ཏུཏྟཱ་རེ་ཏུ་རེ་ཛྙཱ་ན་ཝཱ་རཱ་ཧཱི་ཀ་ལ་ཤ་ཨ་བྷི་ཥིཉྩ་ཧཱུྃ སྤྱི་བོར་བཏུགས་ཤིང་ཧུབ་གང་བྱིན མགྲིན་པར་བཞག་ཅིང་ལྕེ་ལ་བླུད ཧོ བྱང་ཆུབ་སེམས་ཀྱི་དམ་ཚིག་ནི རྩ་ཁམས་ཡི་གེའི་འཁོར་ལོར་བསྟིམ བརྗོད་པ་མེད་ལས་ཐམས་ཅད་སྐྱེས གྲགས་སྟོང་གསུང་གི་དབང་ཐོབ་

(༢༩༢)ཤོག རྩ་སྔགས་དང་ བྷོ་དྷི་ཙིཏྟ་ཨ་བྷི་ཥིཉྩི་ཧཱུཾ བགྲང་ཕྲེང་བཟུང་ལ་སྔགས་རྗེས་ཟློས སིན་དྷུ་ར་ཡི་དཀྱིལ་འཁོར་གཏད་ལ ཧོ ཡེ་ཤེས་རྣམ་པ་ཐམས་ཅད་པ དགའ་བ་བཞི་ལ་ཡང་དག་བརྟེན ཐབས་ཤེས་འབྲེལ་བའི་དམ་ཚིག་གི ཕྱག་རྒྱ་ཆེན་པོ་ཁྱོད་ཀྱིས་ལོངས ཛཧཱུྃ་བཾ་ཧོཨ་ཧོ་མ་ཧ་སུ་ཁ སིན་དྷུ་ར་ནི་སྙིང་གར་བྱུག དྲིལ་བུ་དཀྲོལ་ཞིང་དེའི་སྒྲལ དཔོན་སློབ་གཉིས་ཀས་རིག་པ་གཏད ཧོ སྒྲ་ནི་གྲགས་པ་ཉིད་ནས་སྟོང་ དེ་བཞིན་སེམས་ལ་ངོ་བོ་མེད ངོ་བོ་མེད་པའི་གནས་ལུགས་ལ བལྟ་བྱ་སྤངས་ནས་ཡང་དག་ལྟོས ཨ་ཨ་ཞེས་བརྗོད་དོན་ངོ་སྤྲད དབང་བཞི་རྫོགས་པའི་དམ་ཚིག་ཏུ རྡོ་རྗེ་སློབ་དཔོན་མི་སྤང་ཞིང་ མར་ངོའི་ཚེས་བཅུ་རྒྱུན་མི་གཅད གཞོན་ནུ་མ་ལ་བསྙེན་བཀུར་བྱ རྟག་ཏུ་བྱང་ཆུབ་སེམས་གཉིས་བསྒོམ གཙོ་བོས་ཇི་ལྟར་བཀའ་སྩལ་པ སོགས་དང་དགེ་བ་རྫོགས་བྱང་བསྔོ ས་མ་ཡ ཆོག་གཅིག་གིས་བྱིན་རླབས་ རྣལ་འབྱོར་མའི་དང་ སྒྲོལ་མའི་རྗེས་གནང་ ཕག་མོའི་དབང་བསྐུར་གསུམ་རྫོགས་པ དམ་ཚིག་འཆལ་བར་མི་གཏོང་ཞིང་ ཉམས་སུ་ལེན་པའི་གང་ཟག་ལས གཞན་དུ་སྤེལ་ན་བཀའ་ཆད་འབྱུང་ ས་མ་ཡ རྒྱ་རྒྱ་རྒྱ བརྡ་རྒྱ གཏེར་རྒྱ སྦས་རྒྱ ཟབ་རྒྱ

(༢༩༣)འུྃ ཀློང་ཆེན་སྙིང་གི་ཐིག་ལེ་ལས ཡུམ་ཀ་མཚོ་རྒྱལ་བདེ་ཆེན་རྒྱལ་མོའི་རྩ་བའི་སྒྲུབ་པ་བདེ་ཆེན་དཔལ་ཕྲེང་བཞུགས

(༢༩༤)འུྃ མཁའ་འགྲོ་བདེ་ཆེན་རྒྱལ་མོར་འདུད དཀྱིལ་འཁོར་ཟླ་གམ་སྒོ་གཅིག་དབུས ཆོས་འབྱུང་དམར་པོ་ལྷ་མཚན་ཅན དེ་སྟེང་བདེ་སྐྱོང་མ་དཱ་ན ཡང་ན་རིན་ཆེན་སྨན་བཅུད་གཏམས ཤེལ་དང་མེ་ལོང་སྲོག་གི་རྟེན ཕྱི་ནང་མཆོད་པས་མཐའ་ནས་བསྐོར ནུབ་ཀྱི་ཕྱོགས་སུ་ལ་བསྟན་ལ དང་པོ་སྐྱབས་སུ་འགྲོ་བ་ནི ༈ ན་མོ སྐྱེ་མེད་ཡེ་ཤེས་མཁའ་འགྲོའི་སྐུ འགགས་མེད་རང་བྱུང་རྣལ་འབྱོར་མ རྒྱལ་ཡུམ་རྡོ་རྗེ་ཕག་མོ་ལ འདུ་འབྲལ་མེད་པར་སྐྱབས་སུ་མཆི ལན་གསུམ་གཉིས་པ་སྨོན་

(༢༩༥)འུྃ འཇུག་སེམས ཧོ འདི་ནས་བྱང་ཆུབ་མ་ཐོབ་བར ཡེ་ཤེས་མཁའ་འགྲོ་ཁྱོད་བསྒྲུབ་ནས ཕྱོགས་རིས་བྲལ་བའི་སེམས་ཅན་རྣམས བདེ་ཆེན་ས་ལ་འགོད་པར་བགྱི ལན་གསུམ་གསུམ་པ་མཆོད་གཏོར་བརླབ ཨོཾ་ཨཱཧཱུཾ དངོས་པོར་འཛིན་པའི་རྣམ་རྟོག་ཀུན ཕྱི་ནང་གསང་གསུམ་མཆོད་པའི་སྤྲིན ཀུན་ཏུ་བཟང་པོའི་འདོད་ཡོན་ནི ནམ་མཁའ་ལྟ་བུར་འཛད་པ་མེད སརྦ་པཱུ་ཛ་ས་མ་ཡ་ཧོ བཞི་པ་བསྐྱེད་རིམ་ཨ་ཏིར་སྒོམ ཨཱ སྣང་

(༢༩༦)བ་ཐམས་ཅད་ཡུམ་ལྔའི་ཀློང་ སྲིད་པ་ཐམས་ཅད་མཁའ་འགྲོའི་དལ རྒྱུ་རྐྱེན་ལས་འདས་གཞལ་ཡས་ཁང་ ཤིག་ལེ་ཉག་གཅིག་ཆོས་དབྱིངས་སྒོ བདེ་ཆེན་འབར་བའི་ཕོ་བྲང་དབུས ཆུ་སྐྱེས་གེ་སར་བཞད་པའི་སྟེང་ ཉི་མའི་གདན་ལ་མཁའ་འགྲོའི་གཙོ ཆོས་སྐུའི་ཀློང་ན་ཀུན་བཟང་མོ ལོངས་སྐུའི་ཞིང་ན་ཝཱ་རཱ་ཧཱི སྤྲུལ་སྐུ་ཡེ་ཤེས་མཚོ་རྒྱལ་མ ཞལ་གཅིག་ཕྱག་གཉིས་སྐུ་མདོག་དམར གཅེར་མོ་མཉམ་པའི་དོར་སྟབས་ཅན ཤིན་ཏུ་ཆགས་དང་བཞད་པའི་ཞལ ཕྱག་གཡས་ཐོད་པའི་ཅང་ཏེའུ སྙན་གྱི་ཐད་ཀར་གཏོད་ཅིང་འཁྲོལ གཡོན་པ་གྲི་གུག་ཡུ་བ་ནི དཀུ་ལ་བརྟེན་ནས་མཆོག་ཏུ་འགྱིང་ བྷ་ག་རྒྱས་ཤིང་ནུ་མ་འབུར རིན་པོ་ཆེ་དང་གཞོན་ནུའི་བརྒྱན པུཎྜ་རི་ཀའི་དོ་ཤལ་འཕྱང་ རུས་པའི་རྒྱན་དྲུག་སྐུ་ལ་མཛེས གནག་སྣུམ་དབུ་སྐྲའི་ལན་ཚར་ཅན རིན་པོ་ཆེ་ཡི་རྩེ་བྲན་བརྗིད དབུ་མའི་སྤྱན་ནི་དབྱིངས་ལ་གྱེན་

(༢༩༧)འུྃ གཟིགས ལོངས་སྐུའི་སྤྱན་གྱིས་འགྲོ་བ་འདུལ སྤྲུལ་སྐུའི་སྤྱན་གྱིས་ཁམས་གསུམ་འགུག སྐུ་ལ་རྒྱུད་སྡེའི་དཀྱིལ་འཁོར་རྫོགས ཐུགས་ཀ་དཔལ་གྱི་ གཡོན་ཐད་ཀ བེའུའི་དབྱིངས གཡས་འོག མ་བསྐྱེད་རང་བྱུང་ཡོངས་གྲུབ་ལྷ འཁོར་ལོ་རྩིབས་ལྔའི་ལྟེ་བ་རུ ཀུན་གཞི་ཡིད་ཆོས་གནས་དག་པའི ཁྱབ་གདལ་རིག་པ་ཀུན་ཏུ་བཟང་ སྣང་སྟོང་གཉིས་མེད་ཡུམ་དང་སྦྱོར རྩིབས་ལྔར་གཟུགས་ཚོར་འདུ་ཤེས་དང་ འདུ་བྱེད་རྣམ་ཤེས་དག་པའི་ལྷ རྣམ་སྣང་རིན་འབྱུང་སྣང་མཐའ་དང་ དོན་གྲུབ་རྡོ་རྗེ་མི་བསྐྱོད་པར ས་ཆུ་སྤྱན་དང་མཱ་མ་ཀཱི མེ་རླུང་གོས་དཀར་དམ་ཚིག་སྒྲོལ ནམ་མཁའ་དབྱིངས་ཀྱི་དབང་ཕྱུག་ལྔར གནས་དག་རིགས་ཀྱི་ཡུམ་ལྔས་འཁྲིལ

(༢༩༨)གཡས་ཕྱོགས་དབང་པོའི་རྩ་བཞི་ལ རྣམ་ཤེས་དག་པའི་ནང་སེམས་བཞིར ཡུལ་བཞི་དག་པའི་སེམས་མས་འཁྲིལ མིག་ལ་ས་སྙིང་སྒེག་མོ་མ རྣ་བར་ཕྱག་རྡོར་གླུ་མ་གཉིས སྣ་ལ་ནམ་སྙིང་ཕྲེང་བ་མོ ལྕེ་ལ་སྤྱན་རས་གཟིགས་གར་མ གཡོན་ཕྱོགས་དབང་པོའི་རྩ་བཞི་ལ དབང་པོ་དག་པའི་ཕྱི་སེམས་བཞིར དུས་བཞི་དག་པའི་སེམས་མས་འཁྲིལ མིག་ལ་བྱམས་པ་བདུག་སྤོས་མ རྣ་བར་སྒྲིབ་སེལ་མེ་ཏོག་ཅན སྣ་ལ་ཀུན་བཟང་ཨཱ་ལོ་ཀེ ལྕེ་ལ་འཇམ་དཔལ་དྲི་ཆབ་མ དཔྲལ་བ་ལྕེ་དང་སྙིང་ག་དང་ ལྟེ་བ་གསང་གནས་རྐང་མཐིལ་གཡོན འཇིག་རྟེན་དྲུག་དང་ཉོན་མོངས་ལྔ སེར་སྣར་ལྟ་བ་གནས་དག་པའི རིག་པའི་སྐྱེས་བུ་ཐུབ་པ་དྲུག ཡན་ལག་བཞི་ལ་སེམས་ཅན་གྱི ལུས་ཀྱི་རྣམ་པར་ཤེས་པ་དང་ དབང་པོ་རེག་

(༢༩༩)འུྃ བྱ་རེག་ཤེས་བཞི གནས་དག་སྒོ་བ་ཡབ་བཞི་ལ རྟག་ཆད་ལྟ་དང་བདག་ལྟ་དང་ མཚན་མར་ལྟ་བ་གནས་དག་ཡུལ ལག་གཡས་གཤིན་རྗེ་ལྕགས་ཀྱུ་མ གཡོན་པར་སྟོབས་ཆེན་ཞགས་པ་མོ རྐང་གཡོན་རྟ་མགྲིན་ལྕགས་སྒྲོག་མ གཡས་པར་བདུད་རྩི་འཁྱིལ་དྲིལ་བུ ཚད་མེད་བཞིའི་ཕྲིན་ལས་ཅན དག་བྱ་དག་བྱེད་རྫོགས་པ་ལས ཡོངས་སྒྲུབ་གདན་གསུམ་ཚང་བའི་ལྷ སྣང་ལ་རང་བཞིན་མེད་པར་གསལ དེ་ཡི་བ་སྤུའི་བུ་ག་ལ ཁྲག་འཐུང་རྒྱུད་སྡེའི་དཀྱིལ་འཁོར་ནི མ་ལུས་ལུས་པ་མེད་པར་རྫོགས ཀུན་ཀྱང་སྐུ་མདོག་ཕྱག་མཚན་དང་ རྣམ་འགྱུར་མ་ངེས་སྒྱུ་འཕྲུལ་ནི རང་བྱུང་རང་ཤར་ཆེན་པོའོ༔ འབུམ་ཕྲག་ཡངས་པའི་མཁའ་འགྲོས་བསྐོར རིགས་བདག་པདྨ་ཐོད་ཕྲེང་རྩལ ཨཱ་ཙཱརྱ་གཞོན་དཀར་གསལ་འཛུམ༔ ཧེ་རུ་ཀ་པ་ཅང་དྲིལ་འཁྲོལ དམ་ཚིག་ཡེ་ཤེས་གཉིས་སུ་མེད བསྒོམས་པ་ཙམ་

(༣༠༠)གྱིས་དངོས་གྲུབ་ཐོབ ས་མ་ཡ ལྔ་པ་སྤྱན་འདྲེན་གདུང་བའི་བློས ཧཱུཾ ཡུལ་གྱི་མིང་ནི་རྒྱ་གར་ཡུལ གནས་ཀྱི་མཆོག་གྱུར་ཨུ་རྒྱན་གནས དྷུ་མ་ཐ་ལ་མཁའ་འགྲོའི་གྲོང་ གླིང་གི་གླིང་མཆོག་རྔ་ཡབ་གླིང་ དོན་ལ་འོག་མིན་བདེ་ཆེན་ཞིང་ རྣམ་པ་མཁའ་སྤྱོད་སྤྲུལ་པའི་གནས དགྱེས་ཤིང་བཞུགས་པའི་ཡུལ་ཀུན་ནས ཆོས་སྐུ་ཡུམ་ཆེན་མཚོ་རྒྱལ་མ འབུམ་ཕྲག་མཁའ་འགྲོའི་འཁོར་དང་བཅས བྱིན་གྱིས་བརླབ་ཕྱིར་གཤེགས་སུ་གསོལ གནས་མཆོག་འདི་རུ་བྱིན་ཕོབ་ལ སྒྲུབ་མཆོག་བདག་ལ་དབང་བཞི་བསྐུར བགེགས་དང་ལོག་འདྲེན་བར་ཆད་སོལ མཆོག་དང་ཐུན་མོང་དངོས་གྲུབ་སྩོལ ཨོཾ་ཨཱཧཱུཾ་བཛྲ་ཛྙཱ་ན་ཌཱཀྐི་ནི་ཨེ་ཨར་ལླི་ཕེ༚་ཕེ༚་ཛ དྲུག་པ་བཞུགས་གསོལ་ཕྱག་འཚལ་བ ཧོ གདོད་ནས་དམ་ཚིག་ཡེ་ཤེས་པ གཉིས་སུ་མེད་པ་རྡོ་རྗེའི་སྟན མཁའ་འགྲོ་སེམས་ཀྱི་ཆོ་འཕྲུལ་དུ ལྷན་ཅིག་སྐྱེས་ལ་ཕྱག་འཚལ་ལོ ན་མོ་ན་མ་ཧཱུཾ

(༣༠༡)འུྃ བདུན་པ་འདོད་ཡོན་མཆོད་པ་འབུལ ཧོ སྣང་ཞིང་སྲིད་པའི་ཆོས་སོ་ཅོག འདོད་ཡོན་ལྔ་ཡི་རྒྱན་དུ་ཤར སེམས་ཀྱི་ཡིད་བཞིན་གཏེར་ཆེན་པོ བླང་དོར་མེད་པའི་དགྱེས་མཆོད་འབུལ བཛྲ་ཛྙཱ་ན་ཌཱཀྐི་ནི་པུཥྤེ་ནས་ཤབྟ་མ་ཧཱ་མུ་དྲ་རཀྟ་པཉྩ་བ་ལིངྟ་སརྦ་པཱུ་ཛ་ཨཱཧཱུཾ བརྒྱད་པ་བསྟོད་ཅིང་སྨོན་ལམ་བཏབ ཧཱུཾ རྒྱལ་བ་ཀུན་ཡུམ་རྡོ་རྗེ་རྣལ་འབྱོར་མ སྣ་ཚོགས་ཡུམ་གྱུར་ཤེས་རབ་ཕ་རོལ་ཕྱིན དགྱེས་ཆགས་བཞད་པའི་རྣམ་འགྱུར་མཚོ་རྒྱལ་ཡུམ སངས་རྒྱས་པདྨའི་ལྕམ་ལ་ཕྱག་འཚལ་བསྟོད མཐོང་བས་ཡིད་འཕྲོག་མཚན་དཔེའི་ལང་ཚོ་ཅན ཐོས་པས་རྣམ་གྲོལ་འགག་མེད་བརྡ་ཡི་གསུང་ དྲན་པས་བདེ་སྟོང་ཡེ་ཤེས་བསྐྱེད་པའི་ཐུགས ཌཱཀྐིའི་རྗེ་མོ་མཁར་ཆེན་གཟའ་ལ་བསྟོད བཅུ་དྲུག་དགའ་སྟེར་མཆོག་གི་ཕོ་ཉ་མོའི གསལ་སྣང་སྒྱུ་མའི་ཏིང་འཛིན་དང་འགྲོགས་པས ཕྱི་ནང་གཞན་གསུམ་རྩ་རླུང་ཐིག་ལེའི་ཁམས ཀུན་ཏུ་བཟང་མོའི་

(༣༠༢)ཀློང་དུ་དག་གྱུར་ཅིག འདི་ལྟར་སྒྲུབ་པའི་འཛབ་དགོངས་ནི རང་ཉིད་མཁའ་འགྲོའི་ཐུགས་ཀ་རུ ཕག་མོ་མཐིང་ནག་གྲི་ཐོད་ཅན སྙིང་དབུས་དགའ་འཁྱིལ་བཾ་མཚན་མཐར སྔགས་ཕྲེང་འཁོར་བའི་འོད་ཟེར་གྱིས ལྷ་སྐུའི་སྣང་ཞེན་གསལ་བར་བྱས རིགས་བདག་བླ་མའི་ཐུགས་རྒྱུད་བསྐུལ དེ་ལས་འོད་འཕྲོས་དོན་གཉིས་བྱས བླ་མའི་སྐུ་ལས་བདུད་རྩིའི་རྒྱུན ཟག་མེད་བདེ་བ་ཆེན་པོར་བབས དགའ་བ་བཞི་ཡི་བྱེད་ལས་ཀྱིས དབང་བཞིའི་ཡེ་ཤེས་ཉམས་སུ་མྱོང་ ཨོཾ་པདྨོ་ཡོ་གི་ནི་ཛྙཱ་ན་ཝཱ་རཱ་ཧཱི་ཧཱུཾ ཞེས་རྩ་སྔགས་དང་ ལུས་དཀྱིལ་ལ་དམིགས་ནས ཨོཾ་གུ་ཧྱ་ཛྙཱ་ན་བོ་དྷི་ཙིཏྟ་མ་ཧཱ་སུ་ཁ་རུ་ལུ་རུ་ལུ་ཧཱུཾ་བྷྱོ་ཧཱུཾ རྒྱལ་ཐབས་སྤྱི་བླུགས་ཚངས་པའི་དབང་ བསྐུར་ཐོབ་མེད་པའི་ཆོས་ཉིད་ལ མཉམ་པར་གཞག་པ་གནད་ཀྱི་གཟིར བསྐྱེད་རྫོགས་རྣམ་གྲངས་མང་མི་དགོས འདི་ཉིད་གཅིག་པུས་དངོས་གྲུབ་ཐོབ ས་མ་ཡ རྟགས་ཀྱི་རིམ་པ་བསམ་ཡས་ཀྱང་ མཆོག་ལ་དགོངས་པ་གཡོ་འགུལ་

(༣༠༣)འུྃ མེད ཐུན་མོང་མཁའ་འགྲོ་འདུ་བ་དང་ ཇི་སྙེད་མཁྱེན་པའི་ཀློང་རྡོལ་བས སྣང་བ་བརྡ་དང་ཆོས་སྐུར་འཆར ཉམས་དགའ་བག་ཕེབ་རིག་པ་དངས མཁའ་སྤྱོད་གྲུབ་སོགས་ཡོན་ཏན་བརྒྱད དངོས་སུ་གྲུབ་ཅིང་རྨི་ལམ་དུ བུད་མེད་དམར་མོ་འདུ་བ་དང་ མེ་ཏོག་དུང་མགྲོན་ཤེལ་དཀར་རྙེད མདའ་དང་ཕྱག་མཚན་མཐོང་བ་སོགས མཁའ་འགྲོ་འགྲུབ་པའི་རྟགས་སུ་བཤད ཕྲིན་ལས་ཁ་བསྒྱུར་གཞན་དུ་ཤེས ས་མ་ཡ རྗེས་ཀྱི་རིམ་པའི་ཚོགས་སྐོང་ནི བསོད་ནམས་ནང་ནས་ཚོགས་འཁོར་མཆོག མཁའ་འགྲོ་འདུ་བའི་དམ་ཚིག་རྫས ནང་མཆོད་ཁྱད་པར་བཟང་དུ་བཤམ ཧོ བདེ་བ་ཆེན་པོའི་སྣོད་མཆོག་ཏུ ཚོགས་ཀྱི་འཁོར་ལོའི་ལོངས་སྤྱོད་ནི བླང་དོར་མེད་པའི་དམ་ཚིག་རྫས ཨོཾ་ཨཱཧཱུཾ་གིས་བདུད་རྩིར་གྱུར ཚོགས་ཕུད་རིམ་པ་གསུམ་དུ་སྤྲོས ཧཱུཾ འོག་མིན་གནས་དང་མཁའ་སྤྱོད་ཞིང་ དཔའ་བོ་མཁའ་འགྲོ་འདུ་བའི་གནས ཉི་ཤུ་རྩ་བཞི་སྤྲུལ་པའི་ཡུལ ནང་ལྟར་རྡོ་རྗེ་ཕུང་པོའི་གྲོང་ སྤྱི་བོར་ཛ་ལནྡྷ་ར་དང་ སྨིན་མཚམས་པུལླི་ར་མ་ལ ལྟག་པའི་རྩ་ཁམས་ཨརྦུ་

(༣༠༤)ཏ མཛོད་སྤུ་རཱ་མེ་ཤྭ་རཱ་དང་ རྣ་བ་གཡས་པ་ཨོ་རྒྱན་ཡུལ གཡོན་པ་གོ་དྷ་ཝ་རཱིའི་ཞིང་ མིག་གཉིས་དེ་ཝཱི་ཀོ་ཊཱ་དང་ ཕྲག་པ་མཱ་ལ་ཝ་བརྒྱད་ན བཞུགས་པའི་དཔའ་བོ་རྣལ་འབྱོར་མ མཁའ་འགྲོ་དང་ནི་མཁའ་འགྲོ་མ ཚོགས་ཀྱི་འདུ་བར་གཤེགས་སུ་གསོལ དབུ་སྐྲ་ཐོར་ཚུགས་ལྡེམས་སེ་ལྡེམ ལྕང་ལོའི་ཟར་བུ་ཏ་ལ་ལ སྙན་ཆ་གདུ་བུ་ཀྱི་ལི་ལི རུས་རྒྱན་གཡེར་ཁ་ཁྲོ་ལོ་ལོ ཅང་ཏེའུ་དྲིལ་བུའི་སྒྲ་དང་བཅས རྡོ་རྗེའི་གླུ་དང་གར་ལ་རོལ འདོད་ཡོན་ལོངས་སྤྱོད་ཚོགས་སུ་འབུལ དམ་ཚིག་ཉམས་པ་མཐོལ་ལོ་བཤགས ཕྱི་ནང་བར་གཅོད་དབྱིངས་སུ་སྒྲོལ མཆོག་དང་ཐུན་མོང་དངོས་གྲུབ་སྩོལ ༈ ལོངས་སྤྱོད་འཁོར་ལོར་ལམ་པཱ་ཀ མཆན་དང་མཁལ་ཁུང་ཀཱ་མ་རཱུ ནུ་མ་གཉིས་ནི་ཨོ་ཊི་སྟེ ལྟེ་བ་ཤ་ཏྲི་ཀུ་ནའི་གྲོང་ སྣ་ཡི་རྩེ་མོ་ཀོ་ས་ལ ཡ་རྐན་ཀ་ལིངྐ་ཡི་ཡུལ སྙིང་ག་ཀཉྩི་ག་དང་ནི ཧི་མཱ་ལ་ཡི་གྲོང་

(༣༠༥)འུྃ ཁྱེར་ན བཞུགས་པའི་དཔའ་བོ་རྣལ་འབྱོར་མ མཁའ་འགྲོ་དང་ནི་མཁའ་འགྲོ་མ ཚོགས་ཀྱི་འདུ་བར་གཤེགས་སུ་གསོལ དབུ་སྐྲ་ཐོར་ཚུགས་ལྡེམས་སེ་ལྡེམ ལྕང་ལོའི་ཟར་བུ་ཏ་ལ་ལ སྙན་ཆ་གདུ་བུ་ཀྱི་ལི་ལི རུས་རྒྱན་གཡེར་ཁ་ཁྲོ་ལོ་ལོ ཅང་ཏེའུ་དྲིལ་བུའི་སྒྲ་དང་བཅས རྡོ་རྗེའི་གླུ་དང་གར་ལ་རོལ འདོད་ཡོན་ལོངས་སྤྱོད་ཚོགས་སུ་འབུལ དམ་ཚིག་ཉམས་པ་མཐོལ་ལོ་བཤགས ཕྱི་ནང་བར་ཆད་དབྱིངས་སུ་སྒྲོལ མཆོག་དང་ཐུན་མོང་དངོས་གྲུབ་སྩོལ ༈ མཚན་མ་པྲེ་ཏ་པུ་རིའི་ཞིང་ བཤང་ལམ་གྲྀ་ཧ་དེ་ཝཱའི་ཡུལ མཐེ་བོང་མ་རོ་བརླ་རཥྚ བྱིན་པ་སུ་ཝརྞ་དྭཱི་པ སོར་མོ་བཅུ་དྲུག་ནཱ་ག་ར པུས་མོ་ཀུ་ལནྟཱ་དང་ནི བོལ་གོང་སིནྡྷུའི་གྲོང་ཁྱེར་ན བཞུགས་པའི་དཔའ་བོ་རྣལ་འབྱོར་མ མཁའ་འགྲོ་དང་ནི་མཁའ་འགྲོ་མ ཚོགས་ཀྱི་འདུ་བར་གཤེགས་སུ་གསོལ དབུ་སྐྲ་ཐོར་ཚུགས་ལྡེམས་སེ་ལྡེམ ལྕང་ལོའི་

(༣༠༦)ཟར་བུ་ཏ་ལ་ལ སྙན་ཆ་གདུ་བུ་ཀྱི་ལི་ལི རུས་རྒྱན་གཡེར་ཁ་ཁྲོ་ལོ་ལོ ཅང་ཏེའུ་དྲིལ་བུའི་སྒྲ་དང་བཅས རྡོ་རྗེའི་གླུ་དང་གར་ལ་རོལ འདོད་ཡོན་ལོངས་སྤྱོད་ཚོགས་སུ་འབུལ དམ་ཚིག་ཉམས་པ་མཐོལ་ལོ་བཤགས ཕྱི་ནང་བར་ཆད་དབྱིངས་སུ་སྒྲོལ མཆོག་དང་ཐུན་མོང་དངོས་གྲུབ་སྩོལ ཚོགས་སྐོང་སྦྲེལ་མ་བྱེད་ན ཧོ ཡེ་ཤེས་མཁའ་འགྲོའི་ལྷ་ཚོགས་དགོངས་སུ་གསོལ འདོད་ཆགས་ཞེ་སྡང་གཏི་མུག་དབང་གྱུར་པས ལུས་ངག་སེམས་ཀྱིས་སྡིག་སྤྱད་མཐོལ་ཞིང་བཤགས ཐེག་པ་དམན་པའི་དབང་དུ་གྱུར་པས་ན ཡང་དག་དོན་མ་རྟོགས་པ་མཐོལ་ལོ་བཤགས སྙིང་རྗེ་ཆུང་ཞིང་ཞེ་སྡང་དབང་གྱུར་པས འགྲོ་བའི་དོན་མ་བགྱིས་པ་མཐོལ་ཞིང་བཤགས ལེ་ལོ་གཉིད་ཀྱི་དབང་དུ་གྱུར་པ་ཡིས སྒོམ་དང་སྒྲུབ་པ་གཡེལ་བ་མཐོལ་ཞིང་བཤགས སེར་སྣ་འཇུར་གེགས་དབང་དུ་གྱུར་པས་ན མཆོད་པ་ལོ་ཟླར་འདས་པ་མཐོལ་ཞིང་བཤགས ང་

(༣༠༧)འུྃ རྒྱལ་ཁེངས་སེམས་དབང་དུ་གྱུར་པས་ན བླ་མའི་སྐུ་གསུང་ཐུགས་དང་འགལ་བ་བཤགས བརྩེ་གདུང་ཆུང་བའི་དབང་དུ་གྱུར་པས་ན གྲོགས་མཆེད་ཐུགས་དང་འགལ་བ་མཐོལ་ཞིང་བཤགས ཟླ་གྲོགས་ངན་པའི་དབང་དུ་གྱུར་པས་ན ཕུད་དང་ལྷག་མར་གྱུར་པ་མཐོལ་ཞིང་བཤགས ཕུད་དང་ལྷག་མ་ཉམས་པའི་སྐྱོན་དབང་གིས ཕུད་ཉུལ་ཐུགས་དང་འགལ་བ་མཐོལ་ཞིང་བཤགས ཕུད་ཉུལ་ཐུགས་དང་འགལ་བའི་རྐྱེན་དབང་གིས མཁའ་འགྲོའི་བཀའ་ཆད་གནས་གྱུར་མཐོལ་ལོ་བཤགས སྒྲོལ་བའི་དུས་ན་སྙིང་རྗེ་ཆུང་བ་ཡིས སེམས་ཅན་གནས་མ་སྟོབས་པ་མཐོལ་ལོ་བཤགས ཉོན་མོངས་གནས་མ་སྟོབས་པའི་སྐྱོན་དབང་གིས ཡུན་གྱི་སྒྲིབ་པར་གྱུར་པ་མཐོལ་ལོ་བཤགས སྦྱོར་བའི་དུས་སུ་ཏིང་འཛིན་མ་གསལ་བས གཟུངས་མའི་ཐུགས་དང་འགལ་བ་བཟོད་པར་གསོལ གཟུངས་མའི་ཐུགས་དང་འགལ་བའི་སྐྱོན་

(༣༠༨)དབང་གིས ཆགས་ཤིང་འཁོར་བར་སྐྱེ་བ་མཐོལ་ལོ་བཤགས བཤགས་ནས་སྐུ་གསུང་ཐུགས་ཀྱི་དངོས་གྲུབ་སྩོལ ཞེས་སྙིང་ཐག་པ་ནས་བཤགས་པས་དམ་ཚིག་ཉམས་ཆག་སོར་ཆུད་པར་འགྱུར་རོ དེ་ནས་ལྷག་མ་ནི་ཁ་ཕྲུས་བཏབ་ལ ཨོཾ་ཨ་ཀཱ་རོ་མུ་ཁཾ་སརྦ་དྷརྨ་ནཱཾ་ཨཱ་དྱ་ནུཏྤནྣ་ཏྭ་ཏ་ཨོཾ་ཨཱཧཱུཾ་ཕཊ་སྭཱ་ཧཱ ཕཻཾ ལྷག་ལ་དབང་བའི་བཀའ་ཉན་ནི མཁའ་འགྲོ་སུམ་ཅུ་རྩ་གཉིས་དང་ གིང་ཆེན་ཁྱོ་ཤུགས་ལངྐ་འབུམ ཕོ་ཉ་སུམ་བརྒྱ་དྲུག་ཅུའི་སྡེ མགྱོགས་མ་བཞི་དང་འབར་མ་བརྒྱད མ་མོ་བདུན་དང་སྲིང་མོ་བཞི ཤུགས་འགྲོ་གནས་ཉུལ་ཕྲ་མེན་རྣམས ལྷག་ལ་གདུང་ཞིང་ཚོགས་ཁང་འགྲིམ ཕམ་ཕབ་བཟང་པོ་འདི་བཞེས་ལ མི་མཐུན་རྐྱེན་ངན་བར་ཆད་སོལ བཅོལ་བའི་ཕྲིན་ལས་གྲུབ་པར་མཛོད ཅེས་ཕྱི་རོལ་དུ་དོར ཐུགས་དམ་བསྐུལ་བ་ནི ཧཱུཾ བཞེངས་ཤིག་མཁའ་འགྲོ་འདུས་པའི་ལྷ ཆོས་ཀྱི་དབྱིངས་ནས་སྐུར་བཞེངས་ལ བྱང་ཆུབ་བསྒྲུབ་པའི་བར་ཆད་ཐུལ སྣོད་བཅུད་

(༣༠༩)འུྃ འབྱུང་བའི་རྒུད་པ་སོལ རྩ་རླུང་དབང་ཐང་ཉམས་པ་གསོས སྒྲུབ་པའི་འབྲས་བུ་མཆིས་པར་མཛོད ཆད་ཐོ་བྱ་བ་ནི ཧཱུཾ དུས་གསུམ་ལས་འདས་ཀུན་ཏུ་བཟང་ རང་བཞིན་རྣམ་དག་འོག་མིན་དུ གདན་གསུམ་ཚང་བའི་སྟོན་འཁོར་གྱིས གསང་ཆེན་རྡོ་རྗེའི་ཆོས་འཁོར་བསྐོར དངོས་འཛིན་དག་པའི་ལྷ་གནས་གསུམ རྒྱུད་སྡེ་འབྱུང་བའི་གནས་སུ་བསྟན སྔགས་ནི་ལས་ཅན་སྤྲུལ་པའི་ངོར རང་བཞིན་ཉིད་དུ་འབྱུང་བའི་ཚེ སྒྲགས་མདའ་འཚོ་རྒྱལ་བླ་མཚོ་རུ དཔལ་ལྡན་རང་བྱུང་རྡོ་རྗེའི་རྒྱུད གནས་གསུམ་མཁའ་འགྲོས་བྱིན་བརླབས་ཤིང་ སྲེད་ལེན་མེད་པའི་བརྡ་ཡིག་ལས འཛད་མེད་གཏེར་གྱི་སྒོ་ཕྱེ་ཚེ འཁྲུལ་པ་གཞི་ལ་དག་པ་ཡི རྟེན་འབྲེལ་བཞིན་དུ་ཕྲིན་ལས་མཛོད བསྟན་མ་སྐྱོང་བ་ནི ཧཱུཾ དཔལ་གྱི་བཀའ་ཉན་བོད་ཁམས་སྐྱོང་ མ་སྲིང་བསྟན་མ་བཅུ་གཉིས་རྣམས འདིར་བྱོན་གཏོར་མའི་བཤལ་ཆུ་བཞེས བཅོལ་

(༣༡༠)བའི་ཕྲིན་ལས་འགྲུབ་པར་མཛོད རྟ་བྲོ་བྱ་བ་ནི ཧཱུཾ ཡེ་ཤེས་མཁའ་འགྲོའི་དཀྱིལ་འཁོར་འདིར ལོག་པར་འདྲེན་པའི་དམ་སྲི་ཀུན མནན་ནོ་ཐེག་པ་རིམ་དགུའི་རྒྱ ནམ་ཡང་ལྡང་བར་མ་གྱུར་ཅིག སྟྭཾ་བྷ་ཡ་ནན དེ་ནས་མཆོད་ཅིང་བསྟོད་ལ དངོས་གྲུབ་བླང་བ་ནི ཧོ མཁའ་འགྲོ་སྒྲུབ་པའི་དམ་ཚིག་།།།ཐེམས དངོས་གྲུབ་སྩོལ་བའི་དུས་ལ་དབབ་ན མི་གནས་ཡེ་ཤེས་ཐུགས་ཀྱི་དཀྱིལ་འཁོར་ནས སྐུ་གསུང་ཐུགས་དང་མཉམ་སྦྱོར་དབང་བཅུའི་སྟོབས ད་ལྟ་ཉིད་དུ་བདག་ལ་སྩལ་དུ་གསོལ ཨོཾ་པདྨོ་ཡོ་གི་ནི་ཛྙཱ་ན་ཝཱ་རཱ་ཧཱི་བཛྲ་ཀཱ་ཡ་ཝཱཀྐ་ཙིཏྟ་སརྦ་སིདྡྷི་ཕ་ལ་ཧོ སྒྲུབ་རྫས་གནས་གསུམ་གཏུགས་ཤིང་མྱོང་ ནོངས་པ་བཤགས་པ་ནི ཧཱུཾ ཡེ་ཤེས་མཁའ་འགྲོའི་དཀྱིལ་འཁོར་དུ མཆོད་རྫས་མ་ཚང་སྒྲུབ་པ་གཡེལ ཏིང་འཛིན་བྱིང་རྨུགས་འཐིབས་ལ་སོགས འགལ་འཁྲུལ་ནོངས་པ་བཟོད་པར་གསོལ ཨོཾ་བཛྲ་ས་ཏྭ་སོགས་བརྗོད རྫོགས་རིམ་ནི ཧོ ཆུ་ལས་ཆུ་བུར་རྡོལ་བ་བཞིན རང་ལས་སྤྲུལ་པའི་དཀྱིལ་འཁོར་ལྷ ཡེ་ཤེས་དབྱིངས་

(༣༡༡)འུྃ སུ་བཛྲ་མུ རྗེས་ཐོབ་སྒྱུ་མའི་ལྷ་སྐུར་ལྡང་ བསྔོ་བ་ནི ཧོ མཁའ་འགྲོ་མ་ཡི་དཀྱིལ་འཁོར་དུ བསྐྱེད་རྫོགས་བཟླས་བརྗོད་བགྱིས་པ་ཡི དགེ་བའི་རྩ་བ་གང་ལགས་པ འགྲོ་ཀུན་སངས་རྒྱས་ཐོབ་ཕྱིར་བསྔོ སྨོན་ལམ་ནི ཧོ སྣང་སྲིད་ཐམས་ཅད་དག་པ་མཁའ་སྤྱོད་ཞིང་ བདེ་ཆེན་འགྱུར་མེད་རྡོ་རྗེ་རྣལ་འབྱོར་མ རྣམ་ཀུན་མཆོག་ལྡན་དོན་གྱི་ཕག་མོ་དང་ རང་ཞལ་མཇལ་ཏེ་མངོན་པར་བྱང་ཆུབ་ཤོག བཀྲ་ཤིས་ནི ཧོ རིག་འཛིན་བརྒྱུད་པའི་བྱིན་རླབས་དང་ དཀོན་མཆོག་གསུམ་གྱི་བདེན་པ་དང་ གསང་སྔགས་ཟབ་མོའི་རྟེན་འབྲེལ་གྱིས འཇིགས་བརྒྱད་ཞི་བའི་བཀྲ་ཤིས་ཤོག ཚེ་བསོད་རྒྱས་པའི་བཀྲ་ཤིས་ཤོག སྣང་བ་དབང་འདུས་བཀྲ་ཤིས་ཤོག ལོག་འདྲེན་ཚར་གཅོད་བཀྲ་ཤིས་ཤོག སྣང་ཞེན་ལྷ་སྐུའི་ཕྱག་རྒྱར་རྫོགས སྒྲར་གྲགས་བདེ་ཆེན་སྔགས་སུ་དག དྲན་རྟོགས་འོད་གསལ་ཆོས་སྐུར་སྨིན

(༣༡༢)འཇའ་ལུས་ཟང་ཐལ་བཀྲ་ཤིས་ཤོག གཞན་ཡང་བཀྲ་ཤིས་གང་རྒྱས་བྱའོ ས་མ་ཡ གཏེར་རྒྱ བརྡ་རྒྱ ཟབ་རྒྱ རིག་འཛིན་འཇིགས་མེད་གླིང་པས་སྒྲགས་མདའ་མཚོ་རྒྱལ་བླ་མཚོ་རུ མཁའ་འགྲོ་རང་བྱུང་རྒྱལ་མོའི་ཐུགས་ཀ་ནས དཔལ་ལེན་པ་མེད་པའི་མཁའ་འགྲོའི་བརྡ་རིས་སྤྱན་དྲངས་པ་ལས་བསྒྱུར་བ་སླད་ནས་ཆོག་ཁྲིགས་སུ་སྡེབས་པའོ

(༣༡༣)ཀློང་ཆེན་སྙིང་ཐིག་གི་ཡུམ་ཀ་བདེ་ཆེན་རྒྱལ་མོའི་རྩ་བའི་བསྙེན་ཡིག་བཞུགས།། །།

(༣༡༤)དུས་གསུམ་རྒྱལ་དང་རྒྱལ་སྲས་ཀྱི། །ཡུམ་གྱུར་རྡོ་རྗེ་ཆོས་དབྱིངས་མའི། །རྣམ་རོལ་བདེ་ཆེན་རྒྱལ་མོ་ལ། །འདུད་དོ་དངོས་གྲུབ་རྣམ་གཉིས་སྩོལ། །ཡུམ་ཀའི་བསྙེན་སྒྲུབ་བྱེད་པར་འདོད་པས་མཁའ་འགྲོ་འདུ་བའི་གནས་ཁྱད་པར་ཅན་དུ། རྡུལ་ཚོན་ནམ་རས་བྲིས་ཀྱི་དཀྱིལ་འཁོར་ཟླ་གམ་སྒོ་གཅིག་པོ་མདུན་བསྟན་གྱི་ལྟེ་བར་ཆོས་འབྱུང་དམར་པོ་བཾ་ཡིག་གིས་མཚན་པའི་སྟེང་། བྷནྡྷ་བཟང་པོ་ཆང་དང་ཆོས་སྨན་སིནྡྷུ་རས་བྲན་པ་ཉིད་ཡུན་རིང་སྒྲུབ་ན་ཁ་མར་ཁུས་བཅད་པའམ། ཡང་ན་སྐམ་རྫས་རིན་པོ་ཆེ་དང་། མགྲོན་བུ་སྨན་བཅུད་འབྲུ་སྣ་བཟང་པོས་

(༣༡༥)གཏམས་པས་ཀྱང་རུང་། དེའི་ཁར་མེ་ལོང་ལ་སིནྡྷུ་རས་བཅགས་པར་གཞོན་ནུ་མའི་རྡུལ་གྱིས་ཆོས་འབྱུང་བསྣོལ་མ་བྲིས་པའི་དབུས་སུ་བཾ། མདུན་ནས་གཡོན་བསྐོར་གྱིས་ཆོས་འབྱུང་གི་གྲ་རེར་ཛྙཱ་ན་ཝཱ་རཱ་ཧཱི་ཧཱུྃ ཞེས་ཡིག་འབྲུ་རེ་བཀོད་པའི་སྟེང་ཤེལ་རྡོ་བཞག་སྟེ་ལྡིང་གུར་དམར་པོ་དབུབ། མཐར་ཕྱི་ནང་གི་མཆོད་པས་བསྐོར། ཁ་ནུབ་ཕྱོགས་ཨོ་རྒྱན་གྱི་ཞིང་དུ་བལྟས་ལ། སྐྱབས་སེམས་ནས་བཟུང་བསྐྱེད་རྫོགས་ཀྱི་དོན་ལ་བློ་བཞག་སྟེ། དེ་ཡང་སྣང་བ་ཐམས་ཅད་འབྱུང་བ་ལྔའི་རང་བཞིན་དུ་མ་གྱུར་བ་མེད་ལ། གཤེགས་མ་ལྔའི་དབྱིངས་སུ་གདོད་ནས་སངས་

(༣༡༦)རྒྱས་པའི་ཚུལ། རྒྱུད་ལས། ས་ཆུ་སྤྱན་དང་མཱ་མ་ཀཱི། །མེ་རླུང་གོས་དཀར་སྒྲོལ་མ་སྟེ། །ནམ་མཁའ་དབྱིངས་ཀྱི་དབང་ཕྱུག་མ། །སྲིད་གསུམ་ཡེ་ནས་སངས་རྒྱས་ཞིང་། །ཞེས་པས་སྣང་སྲིད་ཐམས་ཅད་མཁའ་འགྲོའི་ཞིང་ཁམས་སུ་རང་བཞིན་གྱིས་རྫོགས་པའི་དོན་བློ་ལ་ཆུད་པའི་ངང་ནས། སྤྲུལ་པ་གཟུགས་བརྙན་གྱི་རྟེན་དང་བརྟེན་པའི་སྣང་ཆ་ཚིག་དོན་འབྲེལ་བར་གསལ་གདབ་ཅིང་། དེ་ཡང་སྤྱི་བོ་ན་ཛ་ལན་དྷ་ར་སོགས་ཡུལ་ཉི་ཤུ་རྩ་བཞི་དང་གནས་སུམ་ཅུ་རྩ་གཉིས་རྩ་ཐིག་རླུང་གསུམ་གྱི་རྟེན་དང་བརྟེན་པའི་འགྲེལ་བཀོད་ལུགས་དང་། སྐུའི་དབྱིངས་ལ་རྒྱུད་སྡེའི་དཀྱིལ་འཁོར་ཚོམ་བུའི་ཚུལ་དུ་རྫོགས་ཚུལ་ལ། དབང་པོ་རབ་ཀྱིས་གོ་དོན་ལྷོངས་བ། འབྲིང་གིས་མོས་པ་ལམ་བྱེད། ཐ་མས་གཙོ་མོ་དང་ཡེ་ཤེས་སེམས་དཔའ་གསལ་ཐེབས་པ་ལ་སློབ་པ་ནི་སྤྱི་དོན་ཡིན་ལ། དམིགས་བསལ་བསྙེན་པའི་དམར་བྱང་ནི། བདག་ཉིད་མཁའ་འགྲོའི་ཐུགས་ཀར་ཡེ་ཤེས་སེམས་དཔའ་རྡོ་རྗེ་ཕག་མོ་སྐུ་མདོག་མཐིང་ནག་ཕྱག་གཡས་གྲི་གུག་ནམ་མཁར་འཕྱར་ཞིང་། གཡོན་ཐོད་ཁྲག་ཐུགས་ཀར་བསྣམས་པ། ཞབས་གཡས་བསྐུམ་པའི་རྟིང་པ་བྷ་གར་གཏད་

(༣༡༧)ཅིང་། གཡོན་བརྐྱངས་པས་པདྨ་ཉི་གདན་ལ་གནས་པའི་མི་རོའི་སྙིང་ཁ་མནན་པ། གཅེར་བུ་ཕྱག་རྒྱ་ལྔ་དང་རུས་པའི་རྒྱན་དྲུག་གིས་སྤྲས་ཤིང་རྣ་ལྟག་ན་ཕག་ཞལ་དུར་བ། ཐུགས་ཀར་མཚན་ཉིད་བཞི་དང་ལྡན་པའི་དགའ་འཁྱིལ་གཡོན་དུ་ཀྱི་ལི་ལི་འཁོར་བའི་དབུས་སུ་བཾ། དེའི་མཐའ་བསྐོར་རྩ་སྔགས་ཡིག་འབྲུ་བཅུ་གཉིས་པ་བྱི་རུ་འབྲུ་མར་གྱིས་བསྐུས་པ་ལྟ་བུ་བཀོད་པ་ལ་དྲན་པ་བཞག་སྟེ། ལྷ་སྐུ་ལ་གསལ་སྣང་མ་ཐོན་བར་དུ་སྒོམ། གསལ་སྣང་ཐོན་པ་དང་སྔགས་ཕྲེང་ལས་འོད་ཟེར་འཕྲོས་སྤྱི་བོ་ནས་ཐོན། རིགས་བདག་བླ་མའི་ཐུགས་རྒྱུད་བསྐུལ། བདེ་སྟོང་གི་མཆོད་པས་མཉེས། དེ་ལས་འོད་ཟེར་མཁའ་ཁྱབ་ཏུ་འཕྲོས། སངས་རྒྱས་ཀྱི་ཞིང་ཁམས་ཐམས་ཅད་མཆོད་ཅིང་གཡོས། ཚུར་འདུས་དངོས་གྲུབ་རྣམ་པ་གཉིས་ཐོབ། ཡང་འཕྲོས་ཁམས་གསུམ་རྒྱུད་དྲུག་གི་སྡུག་བསྔལ་རྒྱུ་དང་བཅས་པ་སྦྱངས། འཁོར་བ་གནས་སྦར་ནས་མིང་མེད་པར་བསམས་ཏེ། སྟོང་པ་ཉིད་ལ་བློ་གཞག །ཡང་རིགས་བདག་བླ་མའི་སྐུ་ལས་བདུད་རྩིའི་རྒྱུན་བྱུང་། རང་ཉིད་མཁའ་འགྲོར་གསལ་བའི་སྤྱི་བོར་བབས་པ་དགའ་བ། མགྲིན་པར་

(༣༡༨)མཆོག་དགའ། སྙིང་ཁར་ཁྱད་པར་གྱི་དགའ་བ། གསང་བར་ལྷན་ཅིག་སྐྱེས་པའི་ཡེ་ཤེས་ཉམས་སུ་མྱོང་། རྩ་ཐིག་རླུང་གསུམ་གྱི་དྲི་མ་དག་ཅིང་ཡོན་ཏན་ཁྱད་པར་ཅན་ཐོབ། །དེའི་འགྲོས་ཀྱིས་གསང་བ་སྔགས་ཀྱི་རྒྱུད་སྡེ་མ་ལུས་པའི་དབང་བཞི་ཐོབ། །སྒྲིབ་བཞི་སྦྱངས་པར་བསམ། འདི་ནི་གནད་ཤིན་ཏུ་ཟབ་པ་ཡིན། །ཚོགས་འཁོར་སྟོང་ལས་དགའ། བདག་འཇུག་དང་དབང་བསྐུར་འབུམ་སྡེའི་དོན་ཚང་། ཉམས་ཆག་དང་སྡིག་ལྟུང་བདག །དངོས་གྲུབ་ཆེན་པོའི་སྣོད་དུ་འགྱུར། རིག་པའི་རྩལ་ཁ་རྒྱས། ཉམས་རྟོགས་རང་བཞིན་གྱིས་འཕེལ། ཆོས་ཐམས་ཅད་ཀྱི་འབྱུང་གནས། །རྒྱལ་བ་ཀུན་གྱི་ཡུམ་ཡིན་པས་སྐུ་ལ་རྒྱུད་སྡེའི་དཀྱིལ་འཁོར་རྫོགས། དེ་བསྒྲུབས་པས་གསང་སྔགས་ཀྱི་ཉེ་ལམ་ཟབ་མོའི་རྟེན་འབྲེལ་ཐམས་ཅད་འགྲིགས་པ་ཡིན་ནོ། །བསྙེན་ཚད་ནི་ལས་རུང་ལ་འབྲུ་འབུམ། གྲངས་བསྙེན་ལ་བཞི་འགྱུར། མཐར་ཕྱིན་ལ་རྟགས་མཐོང་སྟེ། བསྙེན་རྟགས་ནི། གཞུང་ལས། རྟགས་ཀྱི་རིམ་པ་བསམ་ཡས་ཀྱང་ མཆོག་ལ་དགོངས་པ་གཡོ་འགུལ་མེད ཅེས་པ་ལ་སོགས་པ་ལྟར། མཆོག་གི་དངོས་གྲུབ་རྟོགས་པ་ཁྱད་པར་ཅན་རྒྱུད་ལ་

(༣༡༩)སྐྱེ་བ་དང་། ཐུན་མོང་གི་དངོས་གྲུབ་གྲུབ་པ་ཆེན་པོ་བརྒྱད། །ཕྲན་ཚེགས་ཀྱི་དངོས་གྲུབ་ཉིན་པར་མི། །ནུབ་མོ་མཁའ་འགྲོ། ནང་ནུབ་ཟས་འདུ་བ་སྟེ་འདུ་བ་གསུམ་ལ་སོགས་པ་འབྱུང་བ་ཡིན་ནོ། །ཐུན་མཚམས་ཀྱི་བྱ་བ་ནི་གསང་སྔགས་སྤྱི་ལྟར་བྱ་ལ། ཁ་སྐོང་མེ་མཆོད་ནི་ལོགས་སུ་བཀོད་པ་ལས་ཤེས་པར་བྱའོ། །ཞེས་པའང་དཔལ་སྡིངས་རྗེ་བཙུན་དྲུང་གིས་ནན་དུ་གསོལ་བ་བཏབ་པའི་ངོར་རིག་པ་འཛིན་པ་མཁྱེན་བརྩེའི་ལྷས་ཡུད་ཙམ་ལ་གྲུབ་པར་བགྱིས་པའོ།། །།

(༣༢༠)

(༣༢༡)ཡུམ་ཀ་བདེ་ཆེན་རྒྱལ་མོའི་བསྙེན་ཡིག་ཡང་གསལ་ལུས་དཀྱིལ་མངོན་བརྗོད་ཅེས་བྱ་བ་བཞུགས། །

(༣༢༢)རྗེ་བཙུན་རྡོ་རྗེ་རྣལ་འབྱོར་མ་ལ་ཕྱག་བགྱིའོ། །འདིར་རིག་འཛིན་གྱི་ཡུམ་ཀ་ཤིན་ཏུ་ཟབ་པ་མཁའ་འགྲོ་བདེ་ཆེན་རྒྱལ་མོའི་བསྙེན་ཡིག་གི་ལྷན་ཐབས་དོགས་སེལ་དུ་བརྗོད་པ། སྤྱིར་མ་དག་པ་སྣོད་བཅུད་དུ་སྣང་ཞིང་ཞེན་པའི་འཁྲུལ་པ་སྦྱོང་ཕྱིར་སྔགས་སུ་ལམ་བསྐྱེད་རྫོགས་རིམ་པ་གཉིས་གསུངས་ལ། དེའང་རྟེན་སྣོད་ཀྱི་འཇིག་རྟེན་བརྟེན་པ་བཅུད་ཀྱི་སེམས་ཅན་ཐམས་ཅད་ཀྱང་འབྱུང་བ་ལྔ་ལས་མ་གྲུབ་པ་མེད་པས་ཕྱི་འབྱུང་ནི་ས་ཆུ་མེ་རླུང་ནམ་མཁའ་ལྔ་དང་ནང་འབྱུང་ཤ་ཁྲག་དྲོད་དབུགས་རྣམ་པར་ཤེས་པའི་ཁམས་ལྔ་ཡང་དེའི་རང་བཞིན་དུ་གནས་པ་ཉིད་ས་ཆུ་སྤྱན་

(༣༢༣)ལ་སོགས་ཡུམ་ལྔའི་ངོ་བོ་ཉིད་དུ་གནས་དག་པའི་གོ་དོན་སློང་ནས་ས་འོག་ས་སྟེང་ས་བླ་སྟེ་བར་སྣང་སྟོང་པའི་ཆ་གསུམ་ལ་སྲིད་པ་གསུམ་དུ་གྲགས་པའང་སངས་རྒྱས་ཀྱི་ཞིང་དུ་རང་བཞིན་གྱི་སངས་རྒྱས་པ་ཡིན་པར་ཤེས་པ་ཡིན་ནོ། ཁྱད་པར་རང་གི་ཕུང་པོ་ཁམས་དང་སྐྱེ་མཆེད་དབང་ཡུལ་རྣམ་ཤེས་ཚོགས་བརྒྱད་དང་བཅས་པ་མ་དག་པ་སེམས་ཅན་གྱི་དུས་དེ་དང་དེར་སྣང་ཡང་། བསྐྱེད་རིམ་ཟབ་མོའི་དག་བྱ་དག་འབྲས་ལས་ལྷའི་རང་བཞིན་དུ་རྣམ་པར་དག་པའི་ངོ་བོ་ཆོས་ཉིད་མ་འཁྲུལ་པ་ཤེས་ཤིང་ལམ་དུ་ལོངས་པའི་གསལ་སྣང་བརྟན་པ་ལ་ནི་རང་བཞིན་

(༣༢༤)ཡོངས་གྲུབ་ཆེན་པོའི་བསྐྱེད་རིམ་ཞེས་བྱའོ། །དེ་ལ་དག་བྱ་གང་། དག་འབྲས་ཅི་ཞེ་ན། དག་བྱ་ནི་དྲི་མ་སྟེ་ཀུན་གཞི་དང་ཉོན་ཡིད་ཀྱི་ཐོག་མར་བསྐྱེད་པའི་ཕུང་པོ་ལྔ་འབྱུང་བ་ལྔ། རྣམ་པར་ཤེས་པའི་ཚོགས་ཞེས་བྱ་སྟེ་བདག་རྐྱེན་དང་དམིགས་རྐྱེན་གཉིས་ཀྱི་འབྲས་བུ་དབང་པོ་ལྔ་ལ་སོགས་པའི་སྐྱེ་མཆེད་ཕན་ཚུན་ཡུལ་དང་ཡུལ་ཅན་དུ་འབྲེལ་བ་རྣམས་ཡིན་ལ། དག་འབྲས་ནི་རང་ཤེས་རིག་པའི་རྒྱལ་པོ་དཀྱིལ་འཁོར་རྒྱ་མཚོའི་བདག་ཉིད་བཅོམ་ལྡན་འདས་དཔལ་ཀུན་ཏུ་བཟང་པོ་ལ་སོགས་ལྷའི་རྣམ་པར་ཤར་བའི་ཚུལ། དྲི་མེད་བཤགས་རྒྱུད་ལས། ཀུན་གཞི་གསང་བ་དག་པའི་དབྱིངས་ནས་ཡིད་རང་བྱུང་རང་ཤེས་རིག་པའི་རྒྱལ་པོ། །དུས་གསུམ་སངས་རྒྱས་ཐམས་ཅད་ཀྱི་ཡབ་ཅེས་པ་ལ་སོགས་པས་སྟོན་ལ། །དེའང་ཡིད་ནི་བདག་པོའི་རྐྱེན་འཁྲུལ་པ་བསྐྱེད་པའི་བྱེད་པ་པོ་ཡིན་ལ། དེ་ལ་རང་བཞིན་མེད་པར་ཤེས་པ་ལ་གནས་ལུགས་དོན་གྱི་ཀུན་ཏུ་བཟང་པོ་རང་ཤེས་རིག་པའི་རྒྱལ་པོ་ཞེས་བྱའོ། །ཆོས་ཞེས་བྱ་བ་ནི་སྒྲ་ཡངས་བ་ཞིག་སྟེ་འདིར་དམིགས་པའི་རྐྱེན་ཡིད་ཀྱི་ཁམས་ཡིན་པས་འཁོར་འདས་ཀྱི་མཚན་ཉིད་ཐམས་ཅད་ལ་འཇུག་ཀྱང་སྐབས་འདིར་ཀུན་

(༣༢༥)རྫོབ་ཏུ་སྣང་བའི་ཆོས་ཐམས་ཅད་དོན་དམ་བདེན་པའི་ཆོས་ཉིད་སྤྲོས་པ་དང་བྲལ་བའི་དབྱིངས་སུ་སྡུད་པར་བྱེད་ཅིང་དཀྱིལ་འཁོར་ཐམས་ཅད་བསྐྱེད་པའི་ཡུམ་དུ་ཤར་བས་ཆོས་བྱ་བ་མོ་ཀུན་ཏུ་བཟང་མོ་ཞེས་བརྡར་བཏགས་པའོ། །གཉིས་པ་ནི་ཆོས་ཀྱི་སྐུ་སྟེ་དབྱིངས་ལ་བཞུགས་པ་ཉིད་ཀྱང་རེ་ཞིག་སྣང་སྟོང་ཟུང་དུ་འཇུག་པའི་ཐ་སྙད་མཚོན་ཕྱིར་ཞལ་ཕྱག་གི་རྣམ་པ་ཅན་དུ་བསྟན་པའོ། །དེ་སྐད་དུ། བྱ་བ་བྱེད་དང་ཡིད་ཆོས་རྣམ་པར་དག །ཀུན་བཟང་ཡབ་ཡུམ་གཉིས་ལ་ཕྱག་འཚལ་ལོ། །ཞེས་འབྱུང་ངོ་། །དེ་བཞིན་དུ་ཕུང་པོ་ལྔ་ལ་མཚོན་ན། དོན་དམ་པར་སེམས་ཅན་གྱི་རྣམ་པར་ཤེས་པའི་ཕུང་པོ་གནས་སུ་དག་པ། དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་བདག་ཉིད་ཅེས་པ་ནས། །བཅོམ་ལྡན་འདས་དཔལ་རྡོ་རྗེ་མི་བསྐྱོད་པ་ལ་ཕྱག་འཚལ་ལོ། །ཞེས་པ་ནས་རིམ་པར་དག་བྱ་དག་འབྲས་ཀྱི་མཚན་ཉིད་བཤད་པ་ལ་དཔྱད་པས་ལུས་དཀྱིལ་གྱི་ལྷའི་མངོན་རྟོགས་ཀྱང་ཞར་ལ་ཤེས་ཤིང་། འོན་ཀྱང་ཀུན་ཏུ་བཟང་པོ་ཡབ་མཉམ་གཞག་དང་ཡུམ་ཐལ་སྦྱོར་ཆོས་འབྱུང་གི་ཕྱག་རྒྱ་ཅན། རིགས་ལྔ་རྣམས་གཡས་རང་རྟགས་དང་། །གཡོན་

(༣༢༦)དྲིལ་བུ། ཡུམ་རྣམས་གཡས་དྲིལ་བུ་དང་གཡོན་རང་རྟགས། སོ་སོའི་སྐུ་མདོག་ཀྱང་རིགས་ཀྱི་ངེས་པ་བཞིན་ནོ། །དོན་དེ་སྟོན་པའི་ཕྱིར་རང་གཞུང་ལས། ཐུགས་ཀ་དཔལ་གྱི་བེའུའི་དབྱིངས མ་བསྐྱེད་རང་བྱུང་ཡོངས་གྲུབ་ལྷ སོགས་ནས། ཀུན་གཞི་ཡིད་ཆོས་གནས་དག་པའི ཁྱབ་གདལ་རིག་པ་ཀུན་ཏུ་བཟང་ སྣང་སྟོང་གཉིས་མེད་ཡུམ་དང་སྦྱོར རྩིབས་ལྔར་གཟུགས་ཚོར་འདུ་ཤེས་དང་ འདུ་བྱེད་རྣམ་ཤེས་དག་པའི་ལྷ ཞེས་གཟུགས་ཀྱི་ཕུང་པོ་རྣམ་པར་སྣང་མཛད་དུ་དག་པ་སྐུ་མདོག་དཀར་པོ་ནས་རིམ་པར་བཤད་དོ། །དཔྱོད་ལྡན་ཡོད་ན་རྒྱུད་འགྲེལ་རྣམས་ལ་མི་མཐུན་པའི་ཆ་ཅུང་ཟད་ཡོད་དེ་རང་ལུགས་སུ་རིགས་བརྒྱའི་རྩ་བ་སྒྱུ་འཕྲུལ་གྱི་འགྲེལ་བ་ཕྱོགས་བཅུ་མུན་སེལ་ཉིད་བཙན་པར་བྱའོ། །འདི་ལྟ་བུའི་བསྐྱེད་རིམ་གྱི་སྒོ་ནས་ལྷའི་དག་བྱ་དག་འབྲས་མ་རྟོགས་ན་རྣམ་པ་གསལ་ཀྱང་རྨོངས་པས་ལྷ་ཁང་མཐོང་བ་དང་ཁྱད་པར་མེད་དེ་སྔགས་ཀྱི་ཐབས་ལམ་མྱུར་པོ་ནས་ལམ་བགྲོད་པའི་གནད་མི་ཤེས་སོ། །ཡང་ཕྱི་ལྟར་དུ་འཛམ་བུ་གླིང་འདིར་དཔའ་བོ་མཁའ་འགྲོ་རང་བཞིན་གྱིས་འདུ་བའི་ཡུལ་ཉི་ཤུ་རྩ་བཞི་ཡོད་

(༣༢༧)པའང་། འཁོར་ལོ་སྡོམ་པ་ལས། ཀུ་ལུ་ཏ་དང་མ་རུ་དང་། །སིནྡྷུའི་ཡུལ་དང་ནཱ་ག་ར། །སུ་ཝརྣ་དིྭཱ་པ་སཽ་རཥྚི། །གྲི་ཧ་དེ་ཝ་པྲེ་ཏ་བར། །ཧི་མ་ལ་ཡ་ཀཉྩི་དང་། །ལམྦཱ་ཀའི་ཡུལ་ཀ་ལིངྐ། །ཀོ་ས་ལ་ཏྲི་ཤ་ཀུ་ནེ། །ཨོ་ཊེ་ཀཱ་མ་རཱུ་པ་དང་། །མ་ལ་ཝ་དང་དེ་བི་ཀོ་ཏྲི། །རཱ་མེ་ཤྭ་རཱི་གོ་དཱ་ཝར། །ཨརྦུ་་ཏ་དང་ཨོ་རྒྱན་དང་། །ཛ་ལནྡྷ་ར་པུ་ལིར་སོགས། །ཡུལ་འདི་དག་གི་བུ་མོ་གང་། །དཔའ་བོ་གཉིས་མེད་རྣལ་འབྱོར་མ། །དེ་ཀུན་འདོད་པའི་གཟུགས་ཅན་ཏེ། །ཡིད་ཀྱི་ཤུགས་ཀྱིས་འཇུག་པ་ཡིན། །ཅེས་པ་དང་མཐུན་པ་རྒྱུད་སྡེ་གཞན་དག་ལས་བཤད་པ་ཡོད་དེ་རེ་ཞིག་ཡི་གེས་འཇིགས་སོ། །དེ་རྣམས་ཀྱང་ནང་ལྟར་དུ་རང་གི་ལུས་ལ་ཚང་བའི་ཚུལ་གྱིས་སྤྱི་བོ་ལ་སོགས་པས་སྟོན་ལ། གནས་དེ་དག་སོ་སོའི་རྩ་ཡོངས་སུ་གྱུར་པ་ལས་དཔའ་བོ་དང་། ཁམས་ཡོངས་སུ་གྱུར་པ་ལས་རྣལ་འབྱོར་མ་མིང་ཅན་ཟུང་དུ་འབྲེལ་བ་རེ་ཡོད་ཀྱང་མ་རྒྱུད་འཁོར་ལོ་སྡོམ་པའི་ལེའུ་ཞེ་གཅིག་པའི་དངོས་བསྟན་དུ། །རྣལ་འབྱོར་མ་དྲུག་ཀུ་ལུ་ཏ། །མ་རུའི་ཡུལ་ན་མ་མོ་རྣམས། །སིན་དྷུའི་ཡུལ་ན་ལཱ་མ་སྟེ། །རིགས་ཀྱི་གཙོ་མོ་ནཱ་ག་རར། །ལམ་པ་ཀ་དང་སཽ་རཥྚར། །རིགས་ཀྱི་

(༣༢༨)ལྷ་མོ་རྣམས་ཡིན་ནོ། །ཡི་དྭགས་ཡུལ་དུ་ནག་མོ་ཆེ། །མཁའ་འགྲོ་གཟུགས་ཅན་མ་རུ་བཅས། །ཧི་མའི་རི་དང་ཀཱཉྩི་དང་། །པཉྩ་ལ་ཡུལ་ཀ་ལིངྐ་། །བརྟུལ་ཞུགས་འཛིན་པའི་ཁྱིམ་ལྷ་མོ། །བྱིས་བཅས་མོ་རུ་བཤད་པའོ། །ཀོ་ས་ལར་ནི་ཤ་ཟན་མ། །ཡི་དྭགས་གྲོང་དུ་ཤ་ཆེན་ཟ། །རྡོ་རྗེ་མཁའ་འགྲོ་སྤོམ་དབང་ཕྱུག། ཏྲི་ཤ་ཀུ་ནེར་ཁན་རོ་ཧ། །པུ་ལིར་མ་ལ་ཡ་དེ་བཞིན། །གསེར་རིར་སྨེ་ཤ་ཅན་རིགས་སྐྱེས། །བུད་མེད་སྟོང་ཕྲག་ཉི་ཤུ་གཅིག །ལྷག་མ་གཞན་དག་ཇི་སྙེད་པ། །དཔལ་ལྡན་ཧེ་རུ་ཀ་ཡི་ནི། །འཁོར་ལོ་རྣལ་འབྱོར་མ་ཡིན་ནོ། །ཤྲཱི་ཧེ་རུ་ཀ་ཡི་བསྲུབ་པ་ཆེ། །དེ་ཡི་དཀྱིལ་འཁོར་གཙོ་མོ་ཡིན། །མཁའ་འགྲོ་ཉི་ཤུ་རྩ་བཞི་འདིས། །རྒྱུ་དར་མི་རྒྱུའི་འཇིག་རྟེན་གསུམ། །འགྲོ་བ་ཀུན་ལ་འདི་ཡིས་ཁྱབ། །མཁའ་འགྲོ་མ་ཡི་དམ་ཚིག་འདི། །སྤྲུལ་པ་སྒོམ་པ་ཉིད་ཡིན་ཏེ། །བསམ་གཏན་སོགས་པ་ཅི་ཡང་རུང་། །ས་སྟེང་ན་ནི་རྫོགས་གྱུར་པའོ། །ཞེས་བཤད་པའི་ཕྱིར་སྔགས་ནི་དམ་ཚིག་དང་མོས་པས་འགྲུབ་པའི་ཕྱིར། ནང་གི་ཡུལ་ཉི་ཤུ་རྩ་བཞི་པོར་གཙོ་མོ་རྣམས་ཀྱི་རང་བཞིན་ངེས་པར་བྱས་ནས་དཔའ་བོ་མཁའ་འགྲོའི་གྲོང་ཁྱེར་བསམ་གྱིས་མི་ཁྱབ་

(༣༢༩)པའང་མོས་པས་བསྐྱེད་པ་ལ་ཕན་ཡོན་དཔག་ཏུ་མེད་པ་ཡོད་དེ། དེ་ཉིད་ལས། སྔགས་པས་རྟག་ཏུ་མཉམ་གཞག་པས། །མཚན་མ་ནམ་མཁའི་གོས་ཅན་བྱ། །སྐྱེས་པའམ་གལ་ཏེ་གཡོན་པ་རུང་། །རྣལ་འབྱོར་མ་ཀུན་དཔའ་བོ་མཉེས། །ཕྱག་རྒྱ་གར་གྱི་མཆོད་པ་ཡིས། །རང་བྱུང་རྟག་ཏུ་མཆོད་ན་ནི། །མ་ལུས་ལུས་པ་མེད་འགྲུབ་ཅིང་། །གཡོན་པའི་མཆོད་པ་རབ་ཏུ་འཇུག །ཅེས་རྟགས་ཀྱི་སྒོ་ནས་མཁའ་འགྲོ་མ་ཚོགས་དང་། ཀུན་སློང་གི་སྒོ་ནས་གཡོན་པ་ཞེས་བསྟན་པར་རིག་པར་བྱའོ། །དེ་བཞིན་དུ་འཁོར་འབུམ་ཕྲག་ཡངས་པའི་མཁའ་འགྲོ་ནི་རིགས་བསྡུས་པ་ཡིན་ཏེ། སྔ་འགྱུར་རྒྱུད་འབུམ་ལས། དྲི་ཟ་ཆེན་མོ་འབུམ་ཕྲག་དང་། །གྲུལ་བུམ་ཆེན་མོ་འབུམ་ཕྲག་དང་། །ཚངས་མ་ཆེན་མོ་འབུམ་ཕྲག་ལ་སོགས་པ་ཡོད་དེ་མཐའ་དག་སྨྲ་བ་མ་ལྡང་ངོ་། །དེ་ལྟར་གོ་དོན་སློང་ནས། ཡེ་ཤེས་སེམས་དཔའི་བཞུགས་གནས་ལ། རྒྱུད་སྡེ་གཞན་དག་ནས། སྙིང་ག་ཀཉྩི་ཀ་དང་། །དྲན་པ་ཧི་མ་ལ་ཡ་ཞེས་དག་སྦྱོར་སོ་སོར་བཤད་པ་ལྟར། འདིར་ཡང་ཐུགས་ཀའི་ཀུན་བཟང་ཡབ་ཡུམ་ཕག་མོར་གནས་བསྒྱུར་

(༣༣༠)བ་ཡར་མ་ཡིན། ཀུན་བཟང་ཡབ་ཡུམ་གྱི་ཐུགས་ཀར་ཕག་མོ་སྣོད་ལ་སྣོད་འཇུག་ལྟ་བུའི་རྣམ་རྟོག་གིས་བཏགས་པའི་བློ་ཞེན་གཅིག་གིས་གཅིག་ལ་ཐུག་རེག་དང་། ཕན་ཚུན་བསྒྲིབས་པ་ལྟ་བུའི་རྟོག་དན་སྤངས་ནས། རང་བཞིན་མ་བཅོས་པའི་གནས་ལུགས་ཀྱི་གདངས་ལྷའི་རྣམ་པ་ཡོངས་སུ་རྫོགས་པར་གསལ་བའི་གཙོ་མོའི་ཐུགས་ཀའི་ཐད་འོད་ཀྱི་རྣམ་པའི་ཀློང་དུ་ཡེ་ཤེས་སེམས་དཔའ་རྡོ་རྗེ་ཕག་མོ་ཉིད་ལྷག་པར་དུ་གསལ་བ་ལ་རིག་པ་གཡོ་མེད་དུ་གཏད་ཅིང་འོད་ཟེར་སྤྲོ་བསྡུ་སོགས་བསྙེན་ཡིག་ལྟར་བྱ་བ་ནི་ཞལ་ཤེས་སྙན་རྒྱུད་ཐུན་མོང་མ་ཡིན་པ་བཀའ་རྒྱ་ཅན་ནོ། །འོན་ཀྱང་ལུས་དཀྱིལ་གྱི་བཟླས་པའི་ཚེ་ཀུན་བཟང་ཡབ་ཡུམ་གྱི་ཐུགས་ཀར་ཉི་ཟླའི་གའུ་ཁ་སྦྱོར་ནང་ཐུགས་སྲོག་ཨ་ཡིག་ལ་སྔགས་ཕྲེང་གིས་བསྐོར་བ་སྒོམ་མོ། །ཞེས་པའང་དཔལ་ལྡིངས་རྗེ་བཙུན་དྲུང་གི་མྱུར་ལམ་ཟབ་མོ་བསོད་ནམས་ཀྱིས་འཆུན་པའི་བཤད་སྒྲུབ་དམ་པ་དོན་གཉེར་མཛད་ཅིང་། ཕྱོགས་སུ་རིང་བའི་ས་ནས་ཕོ་ཉ་ཆེད་དུ་མངགས་ཏེ་བསྐུལ་བ་ལ་སྙིང་པོར་དྲིལ་བའི་མན་ངག་བཅུད་དུ་དྲིལ་ནས་སྨྲས་ཤིང་། །སྔོན་ཆད་ཉམས་

(༣༣༡)ལེན་མི་བྱེད་པའི་གང་ཟག་མང་པོས་བཀའ་རྒྱ་བཀྲོལ་ཞིང་ཕྲོགས་པའི་ནོངས་པ་གང་མཆིས་པ་བདག་ཅག་གིས་བསམ་པ་བཟང་པོས་བཤད་པའི་རང་བཞིན་ལ་དགོངས་ནས་ཆོས་བདག་མཁའ་འགྲོ་རྣམས་ཀྱིས་བཟོད་པར་མཛོད་ལ་ཆོས་ཀྱི་བྱིན་རླབས་ཞུད་པ་དང་དངོས་གྲུབ་ཆེན་པོ་ལ་སྒྲིབ་པའི་གནས་མ་ལུས་པ་དག་ཚངས་ཆེན་པོར་མཛད་དུ་གསོལ། །ཞེས་དཔལ་ལྡན་པདྨ་འོད་གླིང་དུ་བཀོད་པའོ།། །།

(༣༣༢)

(༣༣༣)ཡུམ་ཀ་མཁའ་འགྲོའི་བདག་འཇུག་དབང་དོན་རབ་གསལ་བཞུགས། ༈ །རང་བཞིན་མེད་པའི་ཆོས་ཉིད་ཀྱི། །རྟེན་འབྱུང་རྣམ་པར་ཐར་བའི་སྒོ། །རྡོ་རྗེ་བཙུན་མོའི་མཁའ་དབྱིངས་ལ། །རྣམ་ཀུན་མཆོག་ལྡན་དྲན་པས་རོལ། །རིག་འཛིན་ཡུམ་ཀའི་བདག་འཇུག་ལ་སྤྱི་དོན་རྣམ་པ་གསུམ་ལས། དང་པོ་སྦྱོར་བ་ནི། གཞི་མ་དུལ་བ་ཡིན་ན་ས་ཆོག་སྔོན་དུ་འགྲོ་བས་རྡུལ་ཚོན་ནམ་རས་བྲིས་གྲུབ་ན་རབ། མ་ནུས་ན་སྟེགས་བུའི་ཁར་ཚོམ་བུ་ལ་བྷནྡྷ་བདུད་རྩིས་བཀང་བ་ཆོས་སྨན་དང་བུམ་རྫས་ཉེར་ལྔས་བྲན་པའི་སྟེང་མེ་ལོང་སིན་དྷུ་རས་བཅགས་པར་ཆོས་འབྱུང་བསྣོལ་མ་བྲིས་པའི་དབུས་སུ་དགའ་འཁྱིལ་དམར་པོ་མཚན་ཉིད་བཞི་ལྡན་ལ་ཏཱཾདང་། མདུན་ནས་བརྩམས་པས་གཡས་བསྐོར་དུ་དགའ་འཁྱིལ་ཕྱོགས་མདོག་ཅན་བཞི་ལ་ཧ་རི་ནི་ས་ཡིག་མགོ་ཕྱིར་བསྟན་དུ་བཀོད། དེའི་སྟེང་དུ་དྲིལ་བུའི་བཀབ་པ་དར་དམར་གྱི་ལྡིང་གུར་དང་བཅས་གཞུག །སྨན་གཏོར་རཀྟ་དང་ཉེར་སྤྱོད་ཀྱིས་བསྐོར། ཉེ་ལོགས་སུ་ལས་བུམ་བཅུད་ལྡན་ཀྱང་གཞག་གོ །གཉིས་པ་དངོས་གཞི་ལ་གཉིས་ལས། །དང་པོ་དཀྱིལ་འཁོར་སྒྲུབ་པ་ནི། ཐ་མལ་གྱི་སྣང་ཞེན་མཁའ་འགྲོའི་དཀྱིལ་འཁོར་དུ་གསལ་ཐེབ་ན་བདག་མདུན་གྱི་གོ་ས་ལོགས་སུ་མ་བྱས་ཀྱང་རུང་ལ། རིགས་པའི་མེ་ཏོག་དོར་བ་ཙམ་གྱིས་དཀྱིལ་འཁོར་དུ་འཇུག་པའི་དོན་རྫོགས་པ་ཡིན་ཀྱང་། །དེ་ལྟར་ལྷོངས་སུ་མ་

(༣༣༤)གྱུར་པ་ལ་བདག་འཇུག་དམིགས་ཀྱིས་བསལ་བ་ཡིན་པས་བསྟོད་པའི་མཇུག་ཏུ་རྩ་སྔགས་ལ་ཕཊཛབཏགས་པའི་སྦྲ་གདངས་ཀྱིས་བདག་མདུན་ཐ་དད་དུ་དབྱེ་ནས་དོ་ལའི་བཟླས་པ་དང་དེ་བཞིན་རང་བྱུང་བདེ་སྐྱོང་གི་བུམ་པའི་སྣོད་གཞལ་ཡས་ཁང་དང་། བཅུད་ལྷའི་རང་བཞིན་གྱི་ངེས་པ་དྲན་པའི་བུམ་བཟླས་དམིགས་ཕྱེད་པའི་མཐར་མཆོད་བསྟོད་དང་བཅས་དུང་ཆོས་ཀྱི་ཆུ་མཆོད་ཡོན་དུ་ཕུལ་ལ་འོད་ཞུ་བྱ། ལས་བུམ་དུ་རྟ་མགྲིན་ཐོད་དབྱུག་དང་སྡིགས་མཛུབ་མཛད་པ་བསྐྱེད་ལ། ཨོཾ་བཛྲ་ཀྲོ་ཏ་ཧྱ་གྷྲི་ཝ་ཧུ་ལུ་ཧུ་ལུ་ཧཱུྃ་ཕཊཅེས་ཅི་རིགས་པར་བཟླས་ནས་ཀྱང་ཨོཾ་ཨཱཧཱུྃ་གིས་མཆོད་ཡོན་ཕུལ་ལ་འོད་ཞུ་བྱའོ། །གཉིས་པ་བདག་འཇུག་ལ་དོན་བརྒྱད་ལས། །དང་པོ་ནི། ཇི་ལྟར་བལྟམས་པ་སོགས་ཀྱིས་ཁྲུས་ནས་དབྱུང་། ཕྱི་རོལ་པ་ལ་གཏོར་མ་བྱིན་ནས་སྲུང་འཁོར་སྒོམ། ཙཀྵུ་བྷནྡྷས་མིག་དར་འཆིང་། །ཨ་ཁཾ་ཝཱི་རས་མེ་ཏོག་བཟུང་། །མཎྜལ་འབུལ་བ་རྣམས་བྱའོ། །གཉིས་པ་གསོལ་གདབ་ནི། །ཀུན་མཁྱེན་ཡེ་ཤེས་ཕུང་པོ་ཅན སོགས་ལན་གསུམ། གསུམ་པ་ཚོགས་བསག་པ་ནི། རྡོ་རྗེ་སློབ་དཔོན་སངས་རྒྱས་དཔལ། སོགས་ལན་གསུམ། བཞི་པ་སྡོམ་བཟུང་ནི། བདེ་བར་གཤེགས་པ་ཁྱེད་ཅི་འདྲ། །དེ་འདྲ་ཁོ་ནར་བདག་འགྱུར་ཤོག །སྤྱོད་པ་རྨད་བྱུང་བསམ་ཡས་པ། །འགྲོ་

(༣༣༥)ལ་ཕན་ཕྱིར་བདག་གིས་སྤྱད། །བྱང་ཆུབ་སེམས་མཆོག་དམ་པ་དང་། །སྐུ་གསུང་ཐུགས་ཀྱི་ཕྱག་རྒྱ་ནི། །སྲོག་གི་ཕྱིར་ཡང་མི་གཏོང་ན། །རྡོ་རྗེ་རྒྱལ་པོས་བྱིན་བརླབ་མཛོད། ལན་གསུམ། བཞི་པ་དཀྱིལ་འཁོར་དུ་འཇུག་པ་ནི། དེ་ནས་རིག་པ་བདེ་གཤེགས་སྙིང་པོའི་ངོ་བོ་ཉིད་སློབ་དཔོན་གྱི་ཕྱག་ལ་འཇུས་ནས་ཚོགས་བརྒྱད་གློ་བུར་བའི་རྟེན་ཐིག་ལེ་ཉག་གཅིག་པའི་སྒོར་ཁྲིད་པར་བསམ་ལ། ཨ་ཁཾ་ཝཱི་ར་ཧཱུྃ་ཞེས་ལན་གསུམ་བརྗོད། ཨོཾ་ན་མ་ཏེ་ཧཱུྃ། ཨོཾ་ན་མ་མེ་ཧཱུྃ། ཨོཾ་ན་མ་ན་མ་ཧཱུྃ། ཞེས་སྐུ་གསུང་ཐུགས་ཕྱག་བྱ། ལྔ་པ་སྲས་སུ་བསྐྲུན་པ་ནི། རྗེ་བཙུན་རྡོ་རྗེ་རྣལ་འབྱོར་མའི་མདུན་དུ་དབང་སྟེགས་པདྨ་འདབ་བརྒྱད་ལ་རང་ཉིད་འཁོད་པས་གཙོ་བོ་དང་རིགས་བདག་གི་ཐུགས་ཀ་ནས་རཾ་ཡིག་དམར་པོ་བདེ་བའི་བདག་ཉིད་ཅན་དུ་བྱུང་བས་ཀུན་གཞི་ཚོགས་བརྒྱད་དང་བཅས་པའི་རྣམ་སྨིན་གྱི་ཕུང་པོ་སྦྱངས། རྣམ་པར་ཤེས་པ་ཏཱཾ་ཡིག་ཏུ་གྱུར་པ་རིགས་བདག་གི་ཞལ་དུ་དྲོང་། སྐུའི་དབྱིབས་བརྒྱུད། ཡུམ་གྱི་མཁའ་གསང་དུ་ལྷུང་། ཞུ་བདེ་དང་གཉིས་སུ་མེད་པའི་བྱང་ཆུབ་ཀྱི་སེམས་སུ་གྱུར་པ་སྔར་གྱི་དབང་སྟེགས་ལ་འཁོད་པར་གྱུར། དྲུག་པ་ཡེ་ཤེས་དབབ་

(༣༣༦)པ་ནི། འོད་ཀྱི་རྣམ་པའི་སྟོང་གཟུགས་ལས མཁའ་འགྲོ་བདེ་ཆེན་རྒྱལ་མོ་ནི ཞལ་གཅིག་ཕྱག་གཉིས་སྐུ་མདོག་དམར གཅེར་མོ་མཉམ་པའི་དོར་སྟབས་སོགས་ནས། སྐུ་ལ་རྒྱུད་སྡེའི་དཀྱིལ་འཁོར་རྫོགས ཐུགས་ཀར་ཨཱརྱ་ཏཱ་རེ་མ ལྗང་སྔོན་ཞལ་གཅིག་ཕྱག་གཉིས་ཚུལ དེ་ཡི་ཐུགས་ཀར་ཡེ་ཤེས་ཀྱི ཕག་མོ་གནག་སྣུམ་གྲི་ཐོད་ཅན སེམས་དཔའ་སུམ་བརྩེགས་གནས་ལྔ་རུ ཕྱག་མཚན་ལྔ་དང་ས་བོན་ལྔས མཚན་པ་དེ་ལས་འོད་འཕྲོས་པས འོག་མིན་གནས་དང་མཁའ་སྤྱོད་ཞིང་ གཡུ་ལོ་བཀོད་དང་པདྨ་འོད རང་བཞིན་གནས་ནས་ཡེ་ཤེས་པ དྲངས་ཏེ་གཉིས་སུ་མེད་པར་བསྟིམ ཧཱུྃ ཡུལ་གྱི་མིང་ནི་རྒྱ་གར་ཡུལ སོགས་ཀྱི་མཐར། ཨོཾ་པདྨོ་ཡོ་ག་ནི་ཏཱ་རེ་ཏུཏྟཱ་རེ་ཏུ་རེ་ཛྙཱ་ན་ཝཱ་རཱ་ཧཱི་ཕཻཾ་ཕཻཾ། ཞེས་སྤོས་རོལ་དང་བཅས་འཕར་གཡོ་འབྱུང་བ་ཙམ་དུ་ཡེ་ཤེས་པ་དབབ་རྗེས་ཏིཥྛ་བཛྲ་ས་བརྟན་པར་བྱ། པྲ་ཏཱིཙྪ་བཛྲ་ཧོ ཞེས་རིག་པའི་མེ་ཏོག་དོར། པྲ་ཏི་གྷྲི་ཧ་ན་ཨི་མཾ་ས་ཏ་མ་ཧཱ་བཱ་ལ ཞེས་མེ་ཏོག་སྤྱི་བོར་བཞག་ལ་ལྷག་ལྷ་ཐིམ་པར་བསམ། ཙཀྵུ་པྲ་བེ་ཤ་ཡ་ཕཊཅེས་པས་མཐོང་བ་བསྟན་པར་བསམ། བདུན་པ་གསོལ་གདབ་ནི། བྱང་ཆུབ་རྡོ་རྗེས་སངས་རྒྱས་ལ། །

(༣༣༧)མཆོད་ཆེན་ཇི་ལྟར་སྩལ་བ་ལྟར། །བདག་ཀྱང་ཡོངས་སུ་སྐྱོབ་པའི་ཕྱིར། །ནམ་མཁའི་རྡོ་རྗེས་དེང་བདག་སྩོལ། །བརྒྱད་པ་དབང་བསྐུར་དངོས་ལ་བཞི་ལས། །དང་པོ་བུམ་དབང་ནི། ཐོད་བུམ་སྤྱི་བོར་གཏུགས་ཤིང་། ཧོ གསང་སྔགས་དམ་ཚིག་བླ་ན་མེད རང་བྱུང་ལྷུན་གྲུབ་བུམ་པའི་དབང་ སངས་རྒྱས་ཀུན་གྱི་གསང་གསུམ་གྱི དབང་བསྐུར་དམ་པ་ཁྱོད་ལ་སྦྱིན ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་ཛྙཱ་ན་ཝཱ་རཱ་ཧཱི་ཀཱ་ལ་ཤ་ཨ་བྷི་ཥིཉྩ་ཧཱུྃ ཞེས་བུམ་བཅུད་མྱོང་། གཉིས་པ་གསང་དབང་ནི། བདུད་རྩི་དེ་ཉིད་བླ་མ་ཡབ་ཡུམ་གྱི་བྱང་སེམས་དངོས་སུ་བསམ་ལ་ཡུམ་གྱི་མཁའ་གསང་ནས་བླངས་པར་མོས་ནས་ཧུབ་གང་བཏུང་སྟེ། ཧོ བྱང་ཆུབ་སེམས་ཀྱི་དམ་ཚིག་ནི རྩ་ཁམས་ཡི་གེའི་འཁོར་ལོར་བསྟིམ བརྗོད་པ་མེད་ལས་ཐམས་ཅད་སྐྱེས གྲགས་སྟོང་གསུང་གི་དབང་ཐོབ་ཤོག རྩ་སྔགས་དང་། བྷོ་དྷི་ཙིཏྟ་ཨ་བྷི་ཥིཉྩ་ཨཱ ཞེས་དང་རྗེས་འབྲེལ་དུ་བགྲང་ཕྲེང་དང་བཅས། མདུན་བསྐྱེད་ཀྱི་ཐུགས་ཀ་ནས་སྔགས་ཕྲེང་བྱུང་། །བདག་བསྐྱེད་ཀྱི་ཞལ་དུ་ཞུགས། ཐུགས་ཀའི་ས་བོན་ལ་འཁོར་བར་བསམས་ལ་རྩ་སྔགས་ལན་གསུམ་དང་། བཅོམ་ལྡན་བདག་གིས་བཟུང་

(༣༣༨)ལགས་ཀྱིས། །བདག་ལ་ཉེ་བར་མཛད་དུ་གསོལ། །གསུམ་གྱི་མཐར། ཕྲེང་བ་མགོ་བོར་བཞག་ལ། བཅོམ་ལྡན་འདི་ལ་སྩལ་ལགས་ཀྱིས། །འདི་ལ་འགོ་བར་མཛད་དུ་གསོལ། །སྔགས་ཀྱི་དངོས་གྲུབ་སྩལ་ནས་ཀྱང་། །བརྟུལ་ཞུགས་བརྟན་པར་མཛད་དུ་གསོལ། །ཞེས་བརྗོད། གསུམ་པ་ཤེར་དབང་ནི། དགའ་བ་བཞིའི་བདག་ཉིད་སིནྡྷུ་རའི་རྟེན་དྲིལ་བུའི་བརྟེན་པ་དང་བཅས་པ་བླངས་ལ་ཐབས་ཤེས་འབྲེལ་བའི་ཐར་པ་བསྟེན་པ་མོས་ལ། ཧོ ཡེ་ཤེས་རྣམ་པ་ཐམས་ཅད་པ དགའ་བ་བཞི་ལ་ཡང་དག་བསྟེན ཐབས་ཤེས་འབྲེལ་བའི་དམ་ཚིག་གི ཕྱག་རྒྱ་ཆེན་པོ་ཁྱོད་ཀྱིས་ལོངས ཛཧཱུྃ་བཾ་ཧོ ཞེས་པས་རོལ་པ་ཆེན་པོའི་དམ་ཚིག་དང་། ཨ་ཧོ་མ་ཧཱ་སུ་ཁས་བདེ་བས་ཐབས་བྱས་པའི་ལྷན་སྐྱེས་ལ་ངེས་པ་བརྟན་པར་བསམ་ཞིང་སིནྡྷུ་ར་སྙིང་གར་བྱུག །བཞི་པ་དོན་དབང་ནི། དྲིལ་བུ་དཀྲོལ་ཞིང་དེའི་སྒྲ་ལ་རིག་པ་གཏད་ནས། ཐབས་ལས་བྱུང་བའི་དཔེའི་ཡེ་ཤེས་ཀྱིས་ཀྱང་མི་མཚོན་པའི་ཆོས་ཉིད་ལ་མཉམ་པར་བཞག་ནས། ཧོ སྒྲ་ནི་གྲགས་པ་ཉིད་ནས་སྟོང་ དེ་བཞིན་སེམས་ལ་ངོ་བོ་མེད ངོ་བོ་མེད་པའི་གནས་ལུགས་ལ བལྟ་བྱ་སྤངས་ནས་ཡང་དག་ལྟོས ཨ་ཨ ཞེས་

(༣༣༩)སྐྱེ་མེད་ཀྱི་དོན་ལ་བལྟའོ། །དེ་ལྟར་དབང་བཞི་སོ་སོའི་དག་བྱ་དག་འབྲས་ནི་བླ་མའི་རྣལ་འབྱོར་ལྟར་ཚིག་ཕྲད་བསྒྱུར་ནས་བརྗོད་པའང་རུང་སྟེ་དོན་ལ་ངེས་ཤེས་ལྷོངས་པར་བྱའོ། །གསུམ་པ་རྗེས་ཀྱི་རིམ་པ་དམ་ཚིག་ཁས་བླང་པ་ལ་སྤྱི་དང་བྱེ་བྲག་གཉིས་ལས་དང་པོ་ནི། དབང་བཞི་རྫོགས་པའི་དམ་ཚིག་ཏུ རྡོ་རྗེ་སློབ་དཔོན་མི་སྤང་ཞིང་ མར་ངོའི་ཚེས་བཅུ་རྒྱུན་མི་གཅད གཞོན་ནུ་མ་ལ་བསྙེན་བཀུར་བྱ རྟག་ཏུ་བྱང་ཆུབ་སེམས་གཉིས་སྒོམ ལན་གསུམ། གཉིས་པ། གཙོ་བོས་ཇི་ལྟར་བཀའ་སྩལ་པ། སོགས་ཤློ་ཀ་ལན་གསུམ་བརྗོད་ཅིང་། ཚོགས་ཀྱི་འཁོར་ལོ་དང་བསྔོ་སྨོན་སོགས་རྗེས་ཆོག་སྤྱི་ལྟར་བྱའོ། །འདིས་ནི་ཉམས་ཆག་ཐམས་ཅད་འདག་ཅིང་རྒྱུད་ལ་བྱིན་རླབས་འཇུག་པ་ཡིན་པས་ཡང་ཡང་བླང་བར་བྱའོ། །ཞེས་པའང་བསམ་ཡས་ནས་རབ་བྱུང་སློབ་དཔོན་དམ་ཚིག་རྡོ་རྗེའི་ངོར་རིག་འཛིན་འཇིགས་མེད་གླིང་པས་སོ།། །།

(༣༤༠)

(༣༤༡)འུྃ རིག་འཛིན་ཡུམ་ཀའི་མེ་མཆོད་ལས་བཞིའི་བང་མཛོད་བཞུགས༔ ༔

(༣༤༢)འུྃ རྡོ་རྗེ་དབྱིངས་ཀྱི་མཁའ་འགྲོ་ལ་ཕྱག་འཚལ་ལོ༔ འདིར་ཚོགས་གཉིས་སྤེལ་བ་དང་ཉམས་ཆག་དག་པར་བྱ་བ་གཙོ་གྱུར་ལ་ཕྲིན་ལས་གཞན་པའི་ཁ་སྒྱུར་ཀྱང་བགྱི་བར་རུང་བའི་མཁའ་འགྲོའི་མེ་མཆོད་བྱ་བར་འདོད་ན༔ དང་པོ་རྫས་གསག་པ་ནི༔ མར་ཁུ༔ ཡམ་ཤིང་༔ ཏིལ་དཀར་ནག༔ དཀར་གསུམ་མངར་གསུམ་དང་དྲི་བཟང་གིས་སྦགས་པའི་ཞོ་ཟན སོ་བ འབྲས ནས གྲོ སྲན་མ ཡུངས་དཀར ཀུ་ཤ དཱར་ཝ ཤིང་ཏོག དར་སྣ སྨན་སྣ རིན་པོ་ཆེའི་རིགས་དང་ ཁྱད་པར་གྱི་རྫས་པ་དམར་ཟལ་རྙེད་ན་རབ མ་རྙེད་ན་བ་ལང་གཞོན་ནུའི་ཤ ཨ་མྲྀ་ཏས་སྦགས་པ ལས་མདོག་དང་མཐུན་པའི་མེ་དར་རྣམས་ཀྱང་གསོག གཉིས་

(༣༤༣)འུྃ པ་ཐབས་བཅའ་བ་ནི་བདག་གི་རྣལ་འབྱོར་དང་ལྡན་པས་འཁྱིལ་བའི་སྔགས་ཀྱིས་བསང་ཆུ་བསྒྲུབ གང་དུ་བྱ་བའི་གཞིམ་དུལ་བ་ཡིན་ནས་ཆོག་བྱ༔ དེ་ནས་རླན་ཅན་གྱིས་སྟེགས་འཇམ་པོ་ལ རྡུལ་ཚོན་གྱི་རེ་ཁཱ་རིམ་པ་གསུམ་དུ་བསྐོར་བའི་དབུས་མ་མཐིང་ཁར་བཾ དེའི་ཕྱི་པད་འདབ་བཞི་ཕྱོགས་མདོག་ལ་འབུམ་ཕྲག་ཡངས་པའི་མཁའ་འགྲོའི་སྲོག་སྙིང་ཧ་རི་ནི་ས་བཀོད ཕྱི་མ་རྡོ་ར་དང་འོད་ཕྲེང་ངོ་ དེའི་སྟེང་ལྷ་རྫས་ལ་རུང་བའི་བུད་ཤིང་བཟང་པོ་རན་པར་བརྩེགས ཉེ་ལོགས་ཅི་བདེ་བར་མཆོད་གཏོར་བཟང་པོ་དང་ཚོགས་འཁོར སྲེག་རྫས་རྣམས་ཀྱང་འདུ་བྱའོ གསུམ་པ་དངོས་གཞིའི་རིམ་པ་ནི བསང་ཆུ་འཐོར་ཞིང་༔ ཨ་མྲྀ་ཏས་བསངས སྟོང་པའི་

(༣༤༤)ངང་ལས་མཆོད་རྫས་བསྲེག་རྫས་རྣམས་རང་རང་གི་མིང་ཡིག་དང་པོ་ཐིག་ལེས་བརྒྱན་པ་ལས་བྱུང་བའི་བདུད་རྩིའི་དངོས་པོ་ལས་ཐམས་ཅད་ལ་ཐོགས་པ་མེད་པར་བསྐུལ་ཞིང་ལྷ་ཚོགས་རྣམས་དགྱེས་པ་བསྐང་བའི་ནུས་ལྡན་དུ་གྱུར༔ ནང་མཆོད་འཐོར་ཞིང་ ཨོཾ་ཨཱཧཱུྃ་ཧ་ཧོ་ཧྲཱི ལན་བདུན་བརྗོད། ལས་མཐུན་གྱི་མེ་སྦར་ལ ཨཱ ཆོས་རྣམས་རང་བཞིན་སྐྱེ་བ་མེད ནམ་མཁའ་དབྱིངས་ཀྱི་དབང་ཕྱུག་མའི ཀློང་ན་ལས་བཞི་རྫོགས་པའི་ཐབ སྤྱན་དང་མཱ་ཀཱིའི་མཁའ་དབྱིངས་སུ༔ ཞལ་ཕྱག་སྤངས་པའི་མེ་ལྷ་ནི༔ ཡུམ་ཆེན་ན་བཟའ་དཀར་མོ་ཉིད༔ དམ་ཚིག་སྒྲོལ་མའི་བརྟུལ་ཞུགས་དང་༔ མཉམ་སྦྱོར་བྱིན་ཟ་འབར་བའི་ཀློང་༔ རྒྱུ་རྐྱེན་ལས་འདས་གཞལ་ཡས་ཁང་ སོགས་སྐུ་ལ་རྒྱུད་སྡེའི་དཀྱིལ་འཁོར་རྫོགས༔ འབུམ་ཕྲག་ཡངས་པའི་མཁའ་འགྲོས་བསྐོར སོགས་ ཀུན་ཏུ་བཟང་མོའི་ཀློང་དུ་དག་གྱུར་ཅིག དགང་བླུགས་བཟུང་ལ༔ ཧཱུྃ དགང་བླུགས་དཀྱིལ་འཁོར་མ་ལུས་པའི༔ ཞལ་གྱི་ངོ་བོ་རྣམ་དག་ཅིང་༔ རྡོ་རྗེའི་ལྗགས་སྟེང་ཧཱུྃ་ཡིག་གིས༔ སྲེག་རྫས་བདུད་རྩིའི་རྒྱུན་དྲངས་ནས༔ ཐུགས་ཀའི་རྡོ་རྗེ་

(༣༤༥)འུྃ ཕག་མོ་མཉེས ལས་མཐུན་འོད་ཟེར་འཕྲོས་པ་ཡིས མཆོག་ཐུན་དངོས་གྲུབ་ཐོབ་བར་གྱུར༔ ཞེས་བརྗོད་ཅིང་བསམ་ལ ཨོཾ་པདྨོ་ཡོ་གི་ནི་ཛྙཱ་ན་ཝཱ་རཱ་ཧཱི་སརྦ་པཱ་པཾ་ཤཱིནྟཾ་ཀུ་རུ་སྭཱ་ཧཱ ཞེས་བདུན་གྱིས་ཕུལ་ལ རྣལ་འབྱོར་པ་བདག་དང་ཡོན་གྱི་བདག་པོའི་ནད་གདོན་སྡིག་སྒྲིབ་འགལ་རྐྱེན་བར་གཅོད་གསང་སྔགས་ཀྱི་ཆོ་གའི་ལྷག་ཆད་དམ་ཚིག་ཉམས་ཆག་ཉེས་ལྟུང་མ་དང་མཁའ་འགྲོའི་བཀའ་ཆད་ཐམས་ཅད་ཤནྟི༚་ཀུ་རུ་སྭཱ་ཧཱ ཞེས་འདོད་དོན་གསོལ རྫས་གཞན་རྣམས་ཀྱང་གཅིག་ཏུ་སྤམས་ཏེ་འབུལ་ཚུལ་དེ་དང་འདྲ ཞི་བྱེད་དམིགས་བསལ་ཡོད་ན་རྩ་སྔགས་ཤམ་བུ་སརྦ་པཱ་པཾ་གྱི་མལ་དུ དམ་ཚིག་ཉམས་ཆགས་ཤནྟི༚་ཀུ་རུ་སྭཱ་ཧཱ ཞེས་པ་ལྟ་བུའི་འབྱིན་འཇུག་བྱ དེ་བཞིན་དུ་རྒྱས་པ་ལ ཚེ་དང་བསོད་ནམས་པུཥྚི༚་ཀུ་རུ་ཧོ དབང་ལ ཁམས་གསུམ་སྐྱེ་དགུའི་བླ་ཡིད་ཝཱ་ཤཾ་ཀུ་རུ་ཧོ མངོན་སྤྱོད་ལ དགྲ་བགེགས་འབྱུང་པོ་མཱ་ར་ཡ་ཕཊ ཅེས་བསྒྱུར རྫས་ལ་མཚོན་ན ཞི་བར་མར་ཁུ་དང་ ཏིལ་དཀར་ནག པད་ཁ་རྣམས་བུངས་བསྐྱེད རྒྱས་པ་ལ་ཞོ་ཟན་དང་དཱུརྦ༔ རིན་པོ་ཆེ་དང་ཤིང་ཏོག་རྣམས༔ དབང་ལ་རོ་མངར་ཞིང་

(༣༤༦)སྣུམ་བའི་བཟའ་བཅའ་དང་ མེ་ཏོག་དང་འབྲས་བུ་དམར་པོའི་རིགས དགྲ་བགེགས་ཞི་བ་ལ་ཡུངས་ཀར་དང་གུ་གུལ་ཚ་བ་གསུམ་དང་ལན་ཚའི་ཁུ་བས་ཅུང་ཟད་སྦགས་པ་ཞི་བའི་མཐུ་དང་ལྡན་པའི་མངོན་སྤྱོད་དོ ཚུལ་དེ་བཞིན་དུ་མཆོད་རྫས་དང་སྲེག་རྫས་ཐབ་དཀྱིལ་ལ་སོགས་པའི་ཁ་དོག་ལས་མཐུན་དང་ གཙོ་བོར་ཏིང་ངེ་འཛིན་གྱི་ལྡེ་ཁ་ནི་རྣོ་ལ་ངར་གྱིས་གདགས་པ་བཞིན་ནོ རྫས་རྣམས་རྫོགས་པ་དང་ ཨོཾ་བཛྲ་ཝསྟྲ་ཡེ་སྭཱ་ཧཱ གོས་ཟུང་དང་ བཛྲ་ཏཾ་པུ་ལ་ཡ་སྭཱ་ཧཱ ཞེས་སོ་རྩི་དབུལ ཚོགས་ཀྱི་འཁོར་ལོས་མཆོད དངོས་གྲུབ་བླང་བའི་རྗེས་ཐོག་ཏུ་བྱོན་སྐྱེམས་ཕུལ་ལ ཨོཾ་ཁྱེད་ཀྱིས་སེམས་ཅན་དོན་ཀུན་མཛོད སོགས་ཀྱི་མཐར བཛྲ་མུ ས་ཡེ་ཤེས་པ་གཤེགས དམ་ཚིག་པ་རང་ལ་འདྲེས་པར་བསམ དེ་ནས་བསྔོ་བ་ནི མཁའ་འགྲོ་མ་ཡི་དཀྱིལ་འཁོར་དུ སྦྱིན་སྲེག་མཆོད་པ་འདི་ཕུལ་བས དགེ་བའི་རྩ་བ་གང་ལགས་པ འགྲོ་ཀུན་སངས་རྒྱས་ཐོབ་ཕྱིར་བསྔོ ཞེས་ལན་གསུམ་དང་ སྨོན་ལམ་ནི ཧོ སྣང་སྲིད་ཐམས་ཅད་དག་པ་མཁའ་སྤྱོད་ཞིང་ བདེ་ཆེན་འགྱུར་མེད་རྡོ་རྗེ་རྣལ་འབྱོར་མ རྣམ་ཀུན་མཆོག་ལྡན་དོན་གྱི་ཕག་མོ་དང་

(༣༤༧)འུྃ རང་ཞལ་མཇལ་ཏེ་མངོན་པར་བྱང་ཆུབ་ཤོག ཤིས་པ་བརྗོད་པ་སྤྱི་དང་མཐུན་པར་བྱའོ མེ་ནི་དཀྱིལ་འཁོར་ལྷ་ཡི་ཞལ མངོན་སུམ་ཉིད་དུ་ལོངས་སྤྱོད་པས བསོད་ནམས་ནང་ནས་སྦྱིན་སྲེག་མཆོག རྣོ་ལ་མྱུར་བའི་ལས་བརྩོམས་ན རྣལ་འབྱོར་ལྡན་པས་འདི་ལ་འབད ས་མ་ཡ རྒྱ་རྒྱ་རྒྱ རྗེ་བཙུན་དཔལ་སྡིངས་པས་གསོལ་བ་ནན་གྱིས་བཏབ་པས་ལོ་ཕྱི་མ་ལ་རྒྱ་ཁྲོལ ༄༅ ཨོཾ་སྭ་སྟི ཡུམ་ཀའི་མེ་མཆོད་གཞིར་བཞག་ནས རིག་འཛིན་དང་༔ ཐུགས་རྗེ་ཆེན་པོ་ལ་ཁ་བསྒྱུར་བའི་ཚུལ་ནི སྦྱོར་བའི་སྐབས རྫས་པ་གླང་གཞོན་ནུའི་ཤ་མཁའ་འགྲོའི་དམ་རྫས་དམིགས་བསལ་ཡིན་པས་འདིར་མི་དགོས ཐབ་འོད་ཕྲེང་དང་རྡོར་ཟླུམ་པོར་བསྐོར་བའི་དབུས་སུ་གདན་དང་ལྷ་མཚན་མངོན་རྟོག་ལྟར་བཀོད དེའང་རིག་འཛིན་ལ་མུ་ཁྱུད་རིམ་པ་གཉིས་ཀྱི་བསྐོར་བའི་དབུས་སུ་ཉི་ཟླའི་གདན་ལ་ཐིག་ལེ་དམར་སྐྱ དཀར་པོ་མཐིང་ག་རྣམས་བརྩེགས་མ་མུ་ཁྱུད་དང་པོ་སྣ་ཚོགས་པདྨ་འདབ་མ་བརྒྱད་ལ་ཟླ་གདན་གྱི་སྟེང་དུ་ཕྱོགས་བཞིར་ཕྱོགས་མདོག་དང་ མཚམས་བཞིར་ཐིག་ལེ་མཐིང་ག གཉིས་པར་པད་འདབ་བཞི་ལ་ཟླ་གདན་གྱི་སྟེང་དུ་ཐིག་ལེ་ཕྱོགས་མདོག་རེ་བྲི ཐུགས་རྗེ་ཆེན་པོར་མུ་ཁྱུད་ཉིས་རིམ་གྱི་དབུས་ཉི་ཟླའི་གདན་ལ་ཐིག་ལེ་དམར་སྐྱ་དང་ དམར་པོ་བརྩེགས་མ མུ་

(༣༤༨)ཁྱུད་དང་པོར་འདབ་བཞིར་ཟླ་གདན་དང་ གཉིས་པར་ཉི་གདན་ལ་ཐིག་ལེ་ཕྱོགས་མདོག་རེ་བྲིའོ ངག་འདོན་གཞན་འདྲ་བ་ལ མཉམ་སྦྱོར་བྱིན་ཟ་འབར་བའི་ཀློང་ ཞེས་པའི་མཚམས རིག་འཛིན་འདུས་པར ཕོ་བྲང་གཞལ་མེད་ཉམས་དགའ་བ གྲུ་བཞི་སྒོ་བཞི་མཚན་ཉིད་ལྡན བརྡ་དོན་རྟགས་གསུམ་ཡོངས་རྫོགས་པའི ཕྱི་ནང་ཟང་ཐལ་ཆེན་པོའི་དབུས སྣ་ཚོགས་པདྨ་ཉི་ཟླའི་སྟེང་ ཧཱུྃ་ལས་སྐད་ཅིག་དྲན་རྫོགས་སུ དུས་གསུམ་སངས་རྒྱས་ཀུན་གྱི་དངོས སྣང་སྲིད་ཟིལ་གནོན་པདྨ་འབྱུང་ སོགས་ནས་དཀྱིལ་འཁོར་ཡོངས་རྫོགས་ལྷ་ལ་ཕྱག་འཚལ་བསྟོད བར་ལས་བྱང་ལྟར་བྱ དགང་བླུགས་བཟུང་ལ ཧཱུྃ དགང་བླུགས་དཀྱིལ་འཁོར་མ་ལུས་པའི ཞལ་གྱི་ངོ་བོར་རྣམ་དག་ཅིང་ རྡོ་རྗེའི་ལྗགས་སྟེང་ཧཱུྃ་ཡིག་གིས བསྲེག་རྫས་བདུད་རྩིའི་རྒྱུན་དྲངས་ནས ཟག་མེད་བདེ་བས་རབ་ཏུ་མཉེས ལས་མཐུན་འོད་ཟེར་འཕྲོས་པ་ཡིས མཆོག་ཐུན་དངོས་གྲུབ་ཐོབ་པར་འགྱུར ཅེས་བརྗོད་ཅིང་བསམས་ལ ཨོཾ་ཨཱཧཱུྃ་བཛྲ་ནས་སརྦ་པཱ་པཾ་ཤནྟི༚་ཀུ་རུ་སྭཱ་ཧཱ ཞེས་བདུན་གྱི་མར་ཁུ་ཕུལ རྣལ་འབྱོར་པ་བདག་དང་

(༣༤༩)འུྃ ཡོན་གྱི་བདག་པོའི་ནང་གདོན་སྡིག་སྒྲིབ་འགལ་རྐྱེན་བར་གཅོད་གསང་སྔགས་ཀྱི་ཆོ་གའི་ལྷག་ཆད་དམ་ཚིག་ཉམས་ཆག་ཉེས་ལྟུང་མ་དང་མཁའ་འགྲོའི་བཀའ་ཆད་ཐམས་ཅད་ཤནྟི༚་ཀུ་རུ་སྭཱ་ཧཱ ཞེས་འདོད་དོན་གསོལ དེ་ནས་ཡམ་ཤིང་འབུལ དེ་རྗེས་རྫས་གཞན་རྣམས་ཀྱང་གཅིག་ཏུ་སྦམ་སྟེ་འབུལ་ཚུལ་འདྲ རྒྱས་པ་སོགས་ཀྱི་ཁ་བསྒྱུར་གཞུང་ལྟར ཚོགས་མཆོད་དང་དངོས་གྲུབ་བླང་བ་སོགས་དམིགས་བསལ་རྣམས་རིག་འཛིན་གྱི་ལས་བྱང་ལྟར་བྱ་བ་མ་གཏོགས་གཞན་འདྲའོ ༈ ཐུགས་རྗེ་ཆེན་པོ་ལ མཉམ་སྦྱོར་བྱིན་ཟ་འབར་བའི་ཀློང་ ཞེས་པའི་མཚམས རང་སྣང་ལྷུན་གྲུབ་རི་བོ་པོ་ཏཱ་ལ བརྡ་རྟགས་མཚན་ཉིད་རྫོགས་པའི་དཀྱིལ་འཁོར་དབུས སྣ་ཚོགས་པདྨ་སྟོང་ལྡན་ཉི་ཟླའི་སྟེང་ ཧྲཱི ཡིག་ཡོངས་གྱུར་འཕགས་མཆོག་སྙིང་རྗེ་ལྷ སོགས་ནས དཀྱིལ་འཁོར་ཡོངས་རྫོགས་ལྷ་ལ་ཕྱག་འཚལ་བསྟོད བར་ལས་བྱང་ལྟར་དང་ དགང་བླུགས་བཟུང་ལ ཧཱུྃ དགང་བླུགས་དཀྱིལ་འཁོར་མ་ལུས་པའི སོགས་གོང་ལྟར ཨོཾ་མ་ཎི་པདྨེ་ཧཱུྃ་ཧྲཱི སརྦ་པཱ་པཾ་ཤནྟི༚་ཀུ་རུ་སྭཱ་ཧཱ། སོགས་སྦྱར་བ་དང་ཚོགས་མཆོག་སོགས་རང་གཞུང་ཆོག་བསྒྲིགས་ལྟར་བྱ་བ་མ་གཏོགས་གཞན་འདྲའོ། །མཁྱེན་བརྩེ་གཉིས་པོས་

(༣༥༠)

(༣༥༡)འུྃ མཁའ་འགྲོ་བདེ་ཆེན་རྒྱལ་མོ་ལས སྐུ་གསུམ་བདུད་རྩིའི་བཅུད་ལེན་བཞུགས འུྃ མཁའ་འགྲོ་མ་ལ་ཕྱག་འཚལ་ལོ རླུང་ཟས་སྟོབས་ཀྱི་བཅུད་ལེན་ནི བགེགས་འདུལ་ཁྲོ་བོའི་རྒྱལ་པོར་སྒོམ ཁུ་ཚུར་གདེངས་ཤིང་ཧཱུྃ་གླུ་ལེན ལག་པ་གཡས་གཡོན་གར་སྟབས་བསྒྱུར དབང་པོའི་སྒོ་རྣམས་ཧཱུྃ་གིས་བཀག བགེགས་ཀྱང་སྟོང་པ་ཉིད་དུ་བསམ དེ་ནས་བླ་མའི་རྣལ་འབྱོར་སྒོམ མོས་གུས་དྲག་པོས་གསོལ་བ་གདབ རྐང་པ་རྡོ་རྗེའི་འདུག་སྟངས་ལ ལག་པ་སྟ་ཟུར་གཡས་གཡོན་བཞག སྣ་བུག་གཉིས་ནས་དྲག་རླུང་དང་ ཁོང་འདར་ཐོན་པའི་ཧ་གསུམ་འབུད ངལ་བསོ་ཤེས་པ་དལ་བ་དང་ ཧུབ་སྒྲ་གསུམ་གྱིས་བསྟུད་མ་རུ བྱ་ལམ་བཟའ་ཞིང་བུམ་ཅན་བཟུང་ ཧ་ཅང་མི་བསྡམ་ནམ་མཁའི་བཅུད ཁོང་དུ་འུབ་ཀྱིས་དྲངས་པར་བསམ མི་ཐུབ་སྣ་བུག་གཉིས་ཀ་ནས དྲག་འབུད་མ་ཡིན་དལ་བུས་བཏང་ རེས་འགའ་བུས་བྲང་སྦྱར་བྱས་ལ ལག་པ་གཉིས་ཀྱིས་ཨོལ་ཀོ་བརྟེན འཇམ་རླུང་ངང་ནས་དབྱིངས་རིག་བསྲེ རྟགས་དང་ཡོན་ཏན་བསམ་མི་ཁྱབ རགས་པའི་ཟས་ཀྱི་ཞེན་པ་ཆོད འབྱུང་བའི་སྙིགས་མ་ཤུགས་

(༣༥༢)ལ་དེངས སེམས་དང་རིག་པ་དངས་སྙིགས་ཕྱེད གཉིད་ཀྱང་འོད་གསལ་ཆེན་པོར་འཆར ཡེ་ཤེས་ཆེན་པོའི་བཅུད་ལེན་ཡིན ས་མ་ཡ ལོངས་སྤྱོད་རྫོགས་སྐུ་རྡོ་རྗེ་སེམས རྡོ་ཆེན་ཅོང་ཞིའི་བཅུད་ལེན་ནི ཆེ་ཆུང་ནས་ཕྱེད་ཙམ་དུ་བརྡུངས ཚགས་ཀྱིས་བཙགས་ལ་སྙོམས་པར་བྱ ཆུ་ཡིས་ལེགས་བཀྲུ་རྡོ་ཕྱེ་དང་ ཐལ་དྲི་སྤུ་ཙམ་མ་འདྲེས་གཅེས འབྲི་ཡི་འོ་མ་མར་གསར་དང་ ཀུ་ར་བུར་སྦྲང་རྩི་སྦྱངས་པའི་ནང་ བཏབ་ནས་མ་ཚིག་ལེགས་པར་སྐོལ ཁུ་བ་རང་སིམ་འགྲོ་བར་བྱ གཡའ་མེད་སྣོད་བླུགས་མ་ཧུམས་གཅེས དགོངས་དང་ཐོ་རེངས་ཉིན་གུང་གསུམ ཐུར་མགོ་རེ་རེ་ཇ་ཡིས་ཕུལ འདུ་བའི་ནད་སེལ་སྒྲིབ་པ་བྱང་ ཉམས་དང་རྟོགས་པ་ཤུགས་ལ་འཕེལ དཔའ་བོ་མཁའ་འགྲོ་དབང་དུ་འདུ གནད་དུ་སོང་ན་འབྱུང་བའི་ཁམས ཉམས་བརྟས་བཀྲག་དང་གཟི་མདངས་འབར སྟོབས་རྩལ་གླང་པོ་ཆེ་དང་མཉམ མི་མ་ཡིན་དང་བརྡ་འཕྲོད་ཅིང་ མངོན་ཤེས་རྫུ་འཕྲུལ་ཐོགས་པ་མེད ས་དང་ལམ་གྱི་ཡོན་ཏན་རྫོགས ས་མ་ཡ སྤྲུལ་སྐུ་འབྲུ་ཆེན་བཅུད་ལེན་ནི ནས་ཆེན་སྤུན་

(༣༥༣)འུྃ པ་མེད་པ་དེ རྡུལ་དྲི་བཀྲུས་ལ་ལེགས་པར་བྲུས རྫ་ནང་བླུགས་ལ་ཆང་ལྟར་བཙོ སྐྱ་བས་དཀྲུགས་ཤིང་འབྲགས་མི་གཞུག རྒྱུན་དུ་རླངས་པ་མ་ཤོར་གཅེས ཆུ་ཐག་ཆོད་ནས་གཞོང་པའམ སྤུ་རྡུལ་མེད་པའི་སྣོད་དུ་སྐམ ཉིན་རེ་ནས་ཕུལ་རེ་ཡི་ཚད མར་ཚིལ་ལན་ཚྭའི་རྡོར་དང་བཅས འབྲུ་ཐུག་ཉིད་དུ་འཚོ་ཤེས་སྤྱོད སྲིན་བུ་འཆི་བར་མི་འགྱུར་ཞིང་ དཀོར་དང་ལོག་འཚོའི་ཉེས་པ་དག བྱ་བ་བཏང་བའི་རྣལ་འབྱོར་ལ ཟས་ཀྱིས་འཕོངས་པ་འབྱུང་མི་སྲིད དེ་ལྟར་བཅུད་ལེན་རྣམ་པ་གསུམ བཟའ་དུས་ཡི་གེ་འབྲུ་གསུམ་དུ བསྒོམས་པས་བདུད་རྩིའི་ནུས་པ་འབྱིན ས་མ་ཡ དེ་ལྟར་སྐུ་གསུམ་བཅུད་ལེན་ནི ཁམས་དང་དབང་པོའི་ཁྱད་པར་གྱིས སོ་སོ་ཉམས་སུ་བླང་ནུས་མོད མོས་པས་སྤྱོད་པའི་གང་ཟག་ཕལ རིམ་བཞིན་ཆོས་ལོངས་སྤྲུལ་སྐུའི་ཚུལ ཉི་མ་རེ་མོས་ཉམས་བླངས་པས ལུས་སྟོབས་རྒུད་པར་མི་འགྱུར་ཞིང་ ཡུན་དུ་བསྲིང་བའི་མཐུ་ཆེ་བས ཟླ་བ་རེ་ལ་བདུན་ཕྲག་རེ རྟག་པ་རྒྱུན་གྱི་ཉམས་ལེན་འབད རྗེས་ལ་ཟོས་ལོག་མི་འབྱུང་ཕྱིར

(༣༥༤)རགས་པའི་ཟས་ལ་རིམ་གྱིས་བསླབ བྱང་ཆུབ་བསྒྲུབ་པའི་ཆ་རྐྱེན་ཏེ སྒྲུབ་པ་པོ་ཡི་དཔལ་དུ་ཤོག ས་མ་ཡ རྒྱ་རྒྱ་རྒྱ

(༣༥༥)འུྃ ཀློང་ཆེན་སྙིང་གི་ཐིག་ལེ་ལས ཡུམ་ཀ་མཁའ་འགྲོའི་ནང་སྒྲུབ་བདེ་ཆེན་སྙིང་པོའི་གཏེར་བུམ་བཞུགས

(༣༥༦)འུྃ བདག་ཉིད་ཆེན་པོ་པདྨ་ནི དབྱིངས་ཀྱི་ཡུམ་ལ་དབང་བསྒྱུར་བས མཁའ་འགྲོ་ཡོངས་ཀྱི་མིང་པོ་ཡིན ཆུ་སྐྱེས་ཞལ་གྱི་གེ་སར་ལས བྱུང་བའི་ལྷ་མོ་མྱུར་དཔའ་སྒྲོལ གངས་རིའི་ཁྲོད་ན་མི་མོའི་ཚུལ ཕྱི་ལྟར་དབྱངས་ཅན་མཚོ་རྒྱལ་མ ནང་ལྟར་རྗེ་བཙུན་སྒྲོལ་མ་དངོས གསང་བ་རྡོ་རྗེ་ཕག་མོ་ཡིན བསྙེན་པ་དབྱིངས་ཀྱི་ཡུམ་ལ་བྱ དོན་གྱི་ཕག་མོའི་ཞལ་མཐོང་འགྱུར ཕྲིན་ལས་ཐུགས་རྗེའི་རྩལ་ཤུགས་ནི བྱེ་བ་ཕྲག་བརྒྱའི་སངས་རྒྱས་དང་ སེམས་དཔའ་མཆོག་རྣམས་བསྙེན་བཀུར་ཞིང་ འགྲོ་སྒྲོལ་ཐུགས་བསྐྱེད་དམ་བཅའ་ལ དཔའ་ཞིང་ཐུགས་རྗེ་མྱུར་བས་ན བཅོམ་ལྡན་སྣང་བ་མཐའ་ཡས་དང་ བསྐལ་

(༣༥༧)འུྃ བཟང་སངས་རྒྱས་སྟོང་རྩ་ཡིས བསྟོད་བསྔགས་རྒྱལ་སྲས་རྣམས་ཀྱིས་བསྟེན ས་དང་ཕ་རོལ་ཕྱིན་པ་ལ དབང་བསྒྱུར་སྒྲོལ་མ་རྣལ་འབྱོར་མའི རྣམ་པར་སྒྲུབ་པས་བྱིན་རླབས་འགྱུར ས་མ་ཡ དེ་ལ་ལས་ཚོགས་ཉེར་གཅིག་གི དང་པོ་ཚད་མེད་བཞི་བསྒོམས་ནས གཞན་ཕན་རྟེན་འབྲེལ་བསྒྲིགས་པ་གཅེས སྙན་གྲགས་རྩ་བ་བྱང་ཆུབ་སེམས རང་སྣང་འགྱུར་ཚེ་གཞན་སྣང་འགྱུར རྩ་བའི་སྒྲུབ་པས་ཁོག་ཕུབས་ལ ཡེ་ཤེས་སེམས་དཔའ་གནས་བསྒྱུར་ནི མཁའ་འགྲོའི་ཐུགས་ཀར་པད་ཟླའི་སྟེང་ མྱུར་མ་དཔའ་བའི་རྗེ་བཙུན་མ དམར་མོ་ཁྲོ་འཛུམ་ཆགས་པའི་ཉམས

(༣༥༨)ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས གཡས་འཁྱིལ་དུང་མཚན་ཨུཏྤལ་འཛིན གློག་ལྟར་མྱུར་བའི་སྤྱན་གཡོས་པས ལྷ་དང་བཅས་པའི་འཇིག་རྟེན་ན བདག་གི་སྙན་གྲགས་གསལ་བར་བསམ ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་བོ་དྷི་ཙིཏྟ་སྭཱ་ཧཱ ཐུན་མཚམས་མཆོད་ཅིང་ཡིག་བརྒྱས་བཤགས ཕྱག་འཚལ་སྒྲོལ་མ་མྱུར་མ་དཔའ་མོ། །ཐུགས་ཀར་ཟླ་གདན་ལ་ཏཱཾ་ཡིག་བཀོད་པའི་མཐར་བསྐོར་སྔགས་ཕྲེང་ལས་མཐུན་གྱི་འོད་ཟེར་འཕྲོས་པར་བསམ་མོ། མཆན། སྤྱན་ནི་སྐད་ཅིག་གློག་དང་འདྲ་མ། །འཇིག་རྟེན་གསུམ་མགོན་ཆུ་སྐྱེས་ཞལ་གྱི། །གེ་སར་བྱེ་བ་ལས་ནི་བྱུང་མ། །ཤླཽ་ཀ་ཉིད་བརྒྱ་ཚར་བརྗོད སྨོན་སེམས་བསྐྱེད་ཅིང་དགེ་བ་བསྔོ ཀུན་ལ་ཐུན་མཐར་ཚོགས་འཁོར་བསྐོར ལས་མཐའ་མེ་མཆོད་ཉིད་ལ་གཏད རྣོ་ལ་ངར་གྱིས་གདགས་པ་བཞིན ས་མ་ཡ ༈ །གཉིས་པ་བློ་དང་ཤེས་རབ་སྒྲུབ མཁའ་འགྲོའི་ཐུགས་ཀར་པད་ཟླའི་སྟེང་ དབྱངས་ཅན་མ་ནི་སྟོན་ཟླའི་ཞལ ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་""ཤོག་ལྷེ་༣༥༩)འུྃ གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས མེ་ལོང་ཧྲཱི༚་མཚན་ཨུཏྤལ་འཛིན འོད་ཟེར་འཕྲོས་པས་རྒྱལ་རྣམས་ཀྱི མཁྱེན་རབས་སོ་སོ་ཡང་དག་རིག སྐར་མ་སྟོང་ཕྲག་ཚོགས་པ་ལྟའི བློ་གྲོས་གཏེར་ཁ་ཕྱེ་བར་བསམ ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་པྲཛྙཱ་ཧྲཱི༚་ཧྲཱི༚་སྭཱ་ཧཱ རྨོངས་པའི་རྒྱུ་ནི་མ་རིག་པནད་དང་གདོན་ཡང་དེ་ལ་བརྟེན རིག་པ་འདི་སྒྲུབ་སྐྱེས་བུ་ནི ཤེས་རབ་ལྷ་ཡིས་རྗེས་སུ་འཛིན ཐུན་མཚམས་གོང་འདྲ ཕྱག་འཚལ་སྟོན་ཀའི་ཟླ་བ་ཀུན་ཏུ། །གང་བ་བརྒྱ་ནི་བརྩེགས་པའི་ཞལ་མ། །སྐར་མ་སྟོང་ཕྲག་ཚོགས་པ་རྣམས་ཀྱིས། །རབ་ཏུ་ཕྱེ་བའི་འོད་རབ་འབར་མ། །བརྗོད ས་མ་ཡ ནི ༈ གསུམ་པ་བསོད་ནམས་སྟོབས་བསྐྱེད་ན མཁའ་འགྲོའོ་ཐུགས་ཀར་པད་ཟླའི་སྟེང་ སེར་མོ་བསོད་ནམས་མཆོག་སྟེར་མ ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས ཆུ་སྐྱེས་སྟེང་ན་རིན་ཆེན་འཛིན སྐུ་ལས་ཉི་གཞོན་འཆར་ཀའི་འོད འཕྲོས་པས་བྱང་ཆུབ་

(༣༦༠)སེམས་དཔའ་ཡི འཇུག་པའི་སྤྱོད་པ་བདག་དབང་གྱུར ཀུན་གྱིས་བརྫི་བར་མི་ནུས་པའི དབང་བཅུའི་ཡོན་ཏན་ཐོབ་པར་བསམ ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་མ་ཧཱ་པུཎྱེ་སྭཱ་ཧཱ། བསོད་ནམས་མེད་ན་ལོངས་སྤྱོད་དང་ ཚེ་ཡང་རྟག་པར་མི་ནུས་ན ཆོས་དོན་གཉེར་ལ་སྨོས་ཅི་དགོས དེ་ཕྱིར་འདི་ལ་བརྩོན་པར་གྱིས ཐུན་མཚམས་གོང་འདྲ ཕྱག་འཚལ་སེར་སྔོ་ཆུ་ནས་སྐྱེས་ཀྱི། །པདྨས་ཕྱག་ནི་རྣམ་པར་བརྒྱན་མ། །སྦྱིན་པ་བརྩོན་འགྲུས་དཀའ་ཐུབ་ཞི་བ། །བཟོད་པ་བསམ་གཏན་སྤྱོད་ཡུལ་ཉིད་མ། །བརྗོདས་མ་ཡ། ནི ༈ བཞི་པ་འཆི་མེད་ཚེ་སྒྲུབ་ན མཁའ་འགྲོའི་ཐུགས་ཀར་པད་ཟླའི་སྟེང་ གཙུག་ཏོར་རྣམ་རྒྱལ་གསེར་མདོག་ཅན ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས ཨུཏྤ་ལར་གནས་ཚེ་བུམ་འཛིན འོད་ཟེར་སྤྲོ་བསྡུས་འཁོར་འདས་ཀྱི དྭངས་བཅུད་བདག་ལ་ཐིམ་པར་བསམ ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་ཨཱཡུར་དཱ་ཏེ་བྷྲཱུྃ་སྭཱ་ཧཱ སྤྲོས་པ་ཅན་ལ་ཚེ་རྫས་བཤམས ཚེ་དབང་བདུད་རྩི་བུམ་བཅུད་ཀྱི

(༣༦༡)འུྃ སྔགས་ལ་ཚིག་འཕྲད་བསྒྱུར་བས་འགྲུབ ཕྱག་འཚལ་དེ་བཞིན་གཤེགས་པའི་གཙུག་ཏོར། །མཐའ་ཡས་རྣམ་པར་རྒྱལ་བར་སྤྱོད་མ། །མ་ལུས་ཕ་རོལ་ཕྱིན་པ་ཐོབ་པའི། །རྒྱལ་བའི་སྲས་ཀྱིས་ཤིན་ཏུ་བསྟེན་མ། །བརྗོད ས་མ་ཡ ༈ ལྔ་པ་དམིགས་བྱ་དབང་སྡུད་ན མཁའ་འགྲོའི་ཐུགས་ཀར་པདྨ་ཟླའི་སྟེང་ རིག་བྱེད་སྒྲོལ་མ་ལེ་བརྒན་མདོག ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས ཨུཏྤ་ལར་གནས་མདའ་གཞུ་འཛིན འབར་ཞིང་རྣོ་བའི་འོད་ཟེར་གྱིས དམིགས་བྱའི་སྙིང་ལ་གཟིར་བ་ཡིས བརྟན་པ་འབྲལ་ཏེ་འདུད་པར་བསམ ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་ཀུ་རུ་ཀུལློ་ནིྲ་ཛ་སྭཱ་ཧཱ མཁན་སློབ་དགེ་འདུན་རྒྱལ་བློན་དང་ ཁྱིམ་བདག་དྲྭ་མའི་མིང་སྤེལ་བཅུག ཕྱག་འཚལ་ཏུཏྟཱ་ར་ཧཱུྃ་ཡི་གེས། །འདོད་དང་ཕྱོགས་དང་ནམ་མཁའ་གང་མ། །འཇིག་རྟེན་བདུན་པོ་ཞབས་ཀྱིས་མནན་ཏེ། །ལུས་པ་མེད་པར་འགུགས་པར་ནུས་མ། །

(༣༦༢)བརྗོད ས་མ་ཡ ༈ །དྲུག་པ་སྨྱོ་བརྗེད་ཤ་ཟ་དང་ གནོད་སྦྱིན་གདོན་གྱི་སྟོབས་གཞོམས་ན མཁའ་འགྲོའི་ཐུགས་ཀར་པད་ཟླའི་སྟེང་ འཇིགས་བྱེད་ཆེན་མོ་དམར་ནག་ཞལ ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས ཨུཏྤ་ལར་གནས་ཕུར་བུ་འཛིན ཧཱུྃ་གི་ཚྭ་ཚྭ་འཕྲོས་པ་ཡིས གདོན་གྱི་མགོ་བོ་རབ་བཀས་ནས ཆོས་ཉིད་ངང་དུ་བརྒྱལ་བར་བསམ ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་སརྦ་བིགྷྲྣཱ་ན་བཾ་ཧཱུྃ་ཕཊསྭཱ་ཧཱ རྨོངས་བྱེད་གདོན་དང་སྨྱོ་འདྲེ་ཀུན འདི་ཡིས་གསོས་པར་ཐེ་ཚོམ་མེད ཕྱག་འཚལ་བརྒྱ་བྱིན་མེ་ལྷ་ཚངས་པ། །རླུང་ལྷ་སྣ་ཚོགས་དབང་ཕྱུག་མཆོད་མ། །འབྱུང་པོ་རོ་ལངས་དྲི་ཟ་རྣམས་དང་། །གནོད་སྦྱིན་ཚོགས་ཀྱིས་མདུན་ནས་བསྟོང་མ། །བརྗོད ས་མ་ཡ ༈ བདུན་པ་གཡུལ་གྱི་འཁྲུལ་འཁོར་དང་ ཐོག་སེར་དྲག་པོ་འཇོམས་འདོད་ན མཁའ་འགྲོའི་ཐུགས་ཀར་པདྨ་ཟླའི་སྟེང་ གཏུམ་མོ་གཞན་གྱིས་མི་ཐུབ་མ ནག་མོ་མེ་འབར་ཁྲོ་གཉེར་ཅན ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་

(༣༦༣)འུྃ གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས ཨུཏྤ་ལར་གནས་རལ་གྲི་འཛིན ཐོག་སེར་སྡེ་བརྒྱད་འཕྲུལ་འཁོར་དང་ སྒྱོག་སོགས་གཡུལ་གྱི་འཕྲུལ་འཁོར་གྱི དགྲ་གཤེད་ཐལ་བར་གྱུར་པར་བསམ ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་བཛྲ་ཏ་ཀ་ཧ་ན་ལི་ཙ་ཕཊསྭཱ་ཧཱ ཕྱག་འཚལ་ཏྲཊ་ཅེས་བྱ་དང་ཕཊ ཀྱིས། །ཕ་རོལ་འཕྲུལ་འཁོར་རབ་ཏུ་འཇོམས་མ། །གཡས་བསྐུམ་གཡོན་བརྐྱང་ཞབས་ཀྱིས་མནན་ཏེ། །མེ་འབར་འཁྲུགས་པ་ཤིན་ཏུ་འབར་མ། །བརྗོད ས་མ་ཡ ༈ བརྒྱད་པ་གཞན་རྒོལ་མཚངས་འབྲུ་གཞོམས མཁའ་འགྲོའི་ཐུགས་ཀར་པད་ཟླའི་སྟེང་ གཞན་མི་རྒྱལ་བའི་དཔའ་མོ་ནི དམར་ནག་ཁྲོ་གཉེར་ལྡན་པའི་ཞལ ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས ཨུཏྤ་ལར་གནས་རྡོ་རྗེ་འཛིན ཚ་ཞིང་རྩུབས་པའི་འོད་ཟེར་གྱིས ཉོན་མོངས་བདུད་དགྲ་གསོད་པར་བསམ ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་ར་ཏུ་རེ་ད་ཧ་པ་ཙ་ཧཱུྃ་ཕཊསྭཱ་ཧཱ ཕྱག་འཚལ་ཏུ་རེ་འཇིགས་པ་ཆེན་མོ། །

(༣༦༤)བདུད་ཀྱི་དཔའ་བོ་རྣམ་པར་འཇོམས་མ། །ཆུ་སྐྱེས་ཞལ་ནི་ཁྲོ་གཉེར་ལྡན་མཛད། །དགྲ་བོ་ཐམས་ཅད་མ་ལུས་གསོད་མ། །བརྗོད ས་མ་ཡ ༈ །དགུ་པ་འཇིགས་པའི་ཚོགས་སྐྱོབས་ན མཁའ་འགྲོའི་ཐུགས་ཀར་པད་ཟླའི་སྟེང་ སེང་ལྡེང་ནགས་ཀྱི་སྒྲོལ་མ་ནི མ་རྒད་མདོག་ཅན་འོད་རབ་འཁྲུགས ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས ཨུཏྤ་ལར་གནས་འཁོར་ལོ་འཛིན མེ་སྦྲུལ་ཤ་ཟ་གླང་ཆེན་བརྩོན ཆོམ་རྐུན་སེང་གེ་རྒྱ་མཚོའི་རླབས རྒྱལ་པོའི་ཆད་པ་དགྲ་གདོན་མཛེ བཤེས་བྲལ་དབུལ་ཕོངས་གནམ་ལྕགས་ཐོག དོན་ཉམས་ལ་སོགས་འཇིགས་པ་ནི བརྒྱད་ཚན་གཉིས་ལས་སྐྱོབ་པར་བསམ ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་དཱ་ན་ཏྲ་ཡ་སྭཱ་ཧཱ ཕྱག་འཚལ་དཀོན་མཆོག་གསུམ་མཚོན་ཕྱག་རྒྱའི། །སོར་མོས་ཐུགས་ཀར་རྣམ་པར་བརྒྱན་མ། །མ་ལུས་ཕྱོགས་ཀྱི་འཁོར་ལོས་བརྒྱན་པའི། །རང་གི་འོད་ཀྱི་ཚོགས་རྣམས་འཁྲུགས་མ། །བརྗོད ས་མ་ཡ ༈ བཅུ་པ་འཇིག་རྟེན་དབང་

(༣༦༥)འུྃ བྱེད་ན མཁའ་འགྲོའི་ཐུགས་ཀར་པད་ཟླའི་སྟེང་ སྒྲོལ་མ་འཇིག་རྟེན་གསུམ་རྒྱལ་དམར ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས ཨུཏྤ་ལར་གནས་རྒྱལ་མཚན་འཛིན འདོད་ལྟ་དབང་བྱེད་འོད་ཟེར་དང་ བཞད་པ་བརྒྱད་ལྡན་སྔགས་ཀྱི་སྒྲས གཞན་འཕྲུལ་དབང་བྱེད་སྡེ་དང་བཅས རྨོངས་ཤིང་བདག་གི་དབང་གྱུར་ནས འཇིག་རྟེན་ཀུན་གྱིས་འདུད་བར་དམིགས ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་ལོ་ཀ་པཱ་ཤཾ་ཀུ་རུ་སྭཱ་ཧཱ རྗེ་དཔོན་དབང་གྱུར་གཞན་སྨོས་ཅི རྒྱལ་བློན་རབ་བྱུང་ཁྱིམ་བདག་དང་ ཡུལ་གྱི་གཙོ་བོ་རིག་གནས་མཁན དཔལ་ཅན་བུད་མེད་རིགས་བཟང་མོ ལྷ་ཀླུ་གནོད་སྦྱིན་ནོར་གྱི་ལྷ སྐྱེད་མོས་ཚལ་དང་ཡུལ་མཁར་ཞིང་ རྐང་བྲན་ནོར་དབྱིགས་ཕྱུགས་ལ་སོགས གང་འདོད་དམིགས་པའི་ལྡེ་ཁ་བསྒྱུར ཕྱག་འཚལ་རབ་ཏུ་དགའ་བ་བགྱིད་པའི། །དབུ་རྒྱན་འོད་ཀྱི་ཕྲེང་བ་སྤེལ་མ། །བཞད་པ་རབ་བཞད་ཏུཏྟཱ་ར་ཡིས། །བདུད་དང་འཇིག་རྟེན་དབང་དུ་མཛད་མ། །བརྗོད ས་མ་ཡ ༈ བཅུ་གཅིག་དབུལ་བ་སེལ་འདོད་ན

(༣༦༦)མཁའ་འགྲོའི་ཐུགས་ཀར་པད་ཟླའི་སྟེང་ ནོར་སྟེར་དམར་སེར་ཁྲོ་གཉེར་ཅན ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས ཨུཏྤ་ལར་གནས་གཏེར་བུམ་འཛིན འོད་ཟེར་འཕྲོས་པས་ཕྱོགས་སྐྱོང་སོགས ས་གཞི་སྐྱོང་བའི་ཕོ་ཉ་བསྐུལ ལྷ་ཀླུ་མི་ཡི་དཔལ་འབྱོར་དང་ ལོངས་སྤྱོད་ཆར་དུ་ཕབས་པ་ཡིས ཡུལ་ལྗོངས་དང་ནི་ཁྱིམ་གང་བསམ ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་མཱ་མ་བཱ་སུ་པུཥྚི༚་ཀུ་རུ་སྭཱ་ཧཱ ཕྱག་འཚལ་ས་གཞི་སྐྱོང་བའི་ཚོགས་རྣམས། །ཐམས་ཅད་འགུགས་པར་ནུས་པ་ཉིད་མ། ཁྲོ་གཉེར་གཡོ་བའི་ཡི་གེ་ཧཱུཾ་གིས། །ཕོངས་པ་ཐམས་ཅད་རྣམ་པར་སྒྲོལ་མ། །བརྗོད གཏེར་བུམ་སྒྲུབ་དང་གཡང་འགུགས་སོགས ཕྲིན་ལས་ཁ་ཚར་གདགས་སུ་རུང་ ས་མ་ཡ ༈ བཅུ་གཉིས་ཆར་ཆུ་བུ་དཔལ་སྤེལ ཡུལ་གྲུ་བཀྲ་ཤིས་བྱེད་འདོད་ན མཁའ་འགྲོའི་ཐུགས་ཀར་པད་ཟླའི་སྟེང་ བཀྲ་ཤིས་དོན་བྱེད་སྒྲོལ་མ་སེར ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་མཆོག་གསུམ་

(༣༦༧)འུྃ མཚོན་སྐྱབས་སྦྱིན་རྒྱས ཨུཏྤ་ལར་གནས་དཔལ་བེའུ་འཛིན ཟླ་བའི་ཟེར་ལས་བདུད་རྩིའི་ཆར༔ བབས་པས་རྩི་སྨན་ལོ་ཏོག་རྒྱས༔ རིགས་བདག་ཉིད་ལས་འོད་འཕྲོས་པས བཀྲ་ཤིས་རྫས་རྟགས་ཆར་དུ་བབ བརྟེན་གཡོའི་རྟེན་ལྷ་མོའི་དཔྲལ་བའི་འབྲེལ་ལོག་པའི་དུག གཞིལ་ཏེ་ཕུན་སུམ་ཚོགས་པར་བསམ ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་མངྒ་ལཾ་ཤྲཱི་་མ་ཧཱ་པཱ་ཎི་སྭཱ་ཧཱ ཕྱག་འཚལ་ཟླ་བའི་དུམ་བུས་དབུ་བརྒྱན། །བརྒྱན་པ་ཐམས་ཅད་ཤིན་ཏུ་འབར་མ། །རལ་པའི་ཁྲོད་གནས་འོད་དཔག་མེད་ལས། །རྟག་པར་ཤིན་ཏུ་འོད་རབ་མཛད་མ། །བརྗོད ས་མ་ཡ ༈ བཅུ་གསུམ་གཡུལ་ལས་རྒྱལ་བྱེད་ན མཁའ་འགྲོའི་ཐུགས་ཀར་པད་ཟླའི་སྟེང་༔ མེ་འབར་དབུས་གནས་རྗེབཙུན་མ དམར་མོ་སྤྱན་གསུམ་ཁྲོས་པའི་གདོང་ ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས ཨུཏྤ་ལར་གནས་རྡོ་རྗེ་གདེངས འོད་ཟེར་རྡོ་རྗེའི་ཚྭ་ཚྭ་ཡིས གཞན་སྡེ་བཅོམ་ནས་ཚུར་འདུས་པས རྡོ་རྗེའི་ར་བའི་གུར་གྱུར་པའི ནང་དུ་རང་

(༣༦༨)སྲིད་བསྲུང་བར་བསམ ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་བཛྲ་ཛ་ལ་ཕཊ་ཕཊརཀྵ་རཀྵ་སྭཱ་ཧཱ ཕྱག་འཚལ་བསྐལ་པ་ཐ་མའི་མེ་ལྟར། །འབར་བའི་ཕྲེང་བའི་དབུས་ན་གནས་མ། །གཡས་བརྐྱང་གཡོན་བསྐུམ་ཀུན་ནས་བསྐོར་དགའི། །དགྲ་ཡི་དཔུང་ནི་རྣམ་པར་འཇོམས་མ། །བརྗོད ས་མ་ཡ ༈ བཅུ་བཞི་འགོང་པ་སྤུན་དགུ་དང་ སྡེ་བརྒྱད་གནོད་བྱེད་ཚོགས་གཞོམས་ན མཁའ་འགྲོའི་ཐུགས་ཀར་པད་ཟླའི་སྟེང་ ཁྲོ་གཉེར་ཅན་མཛད་སྐུ་མདོག་ནག ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས ཨུཏྤ་ལར་གནས་གཏུན་ཤིང་འཛིན ཧཱུྃ་སྒྲ་སྒྲོགས་པའི་འོད་ཟེར་དང་ ཕྱག་ཞབས་ས་ལ་བསྣུན་པ་ཡིསདམ་འགོང་རྒྱ་འདྲེའི་མགོ་བོ་བཀས ཆོས་ཉིད་ངང་དུ་བརྒྱལ་བར་བསམ ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་ཧཱུྃ་ཧཱུྃ་ཧཾ་ཤཾ་ཏྲིག་ནན་ཕཊསྭཱ་ཧཱ ཕྱག་འཚལ་ས་གཞིའི་ངོས་ལ་ཕྱག་གི། །མཐིལ་གྱིས་བསྣུན་ཅིང་ཞབས་ཀྱིས་བརྡུང་མ། །ཁྲོ་གཉེར་ཅན་མཛད་ཡི་གེ་ཧཱུྃ་གིས། །རིམ་པ་བདུན་པོ་རྣམས་ནི་འགེམས་མ། །བརྗོད ས་མ་ཡ

(༣༦༩)འུྃ བཅོ་ལྔ་སྡིག་པ་ཞི་འདོད་ན མཁའ་འགྲོའི་ཐུགས་ཀར་པད་ཟླའི་སྟེང་ རབ་ཏུ་ཞི་མ་སྐུ་མདོག་དཀར ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས ཨུཏྤ་ལར་གནས་སྤྱི་བླུགས་འཛིན ཐུགས་ལས་དག་བྱེད་ལྷ་མོ་ནི བུམ་པ་ཐོགས་པ་དཔག་མེད་སྤྲོས ཟླ་གདན་ལ་གནས་དམིགས་བྱ་ཡི ངན་སོང་སྡིག་སྒྲིབ་བཀྲུས་པར་བསམ ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་སརྦ་པཱ་པཾ་ག་ཏེ་ག་ཏེ་སྭཱ་ཧཱ ཕྱག་འཚལ་བདེ་མ་དགེ་མ་ཞི་མ། །མྱ་ངན་འདས་ཞི་སྤྱོད་ཡུལ་ཉིད་མ། །སྭཱ་ཧཱ་ཨོཾ་དང་ཡང་དག་ལྡན་མས། །སྡིག་པ་ཆེན་པོ་འཇོམས་པ་ཉིད་མ། །བརྗོད གནས་ལུང་དག་ཀྱང་སྦྱར་དུ་རུང་ ས་མ་ཡ ༈ བཅུ་དྲུག་དགྲ་ཡི་མཐུ་སད་ཅིང་ བྱད་མའི་རིགས་སྔགས་སྟོབས་གཞོམས་ན མཁའ་འགྲོའི་ཐུགས་ཀར་པད་ཟླའི་སྟེང་ འབར་བའི་འོད་ཅན་སྐུ་མདོག་དམར ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་

(༣༧༠)མཆོག་གསུམ་མཚོན་སྐྱབས་སྦྱིན་རྒྱས ཨུཏྤ་ལར་གནས་རྒྱ་གྲམ་འཛིན འོད་ཟེར་འཕྲོས་པས་དགྲ་བོ་དང་ བྱད་མའི་མཐུ་སྟོབས་ངག་ནུས་བཤིག དྲང་སྲོང་ངག་ལ་དབང་ཐོབ་དམིགས ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་ཏྲཾ་དུ་ཏྲི་ན་ཏྲཾ་དུ་ཕཊསྭཱ་ཧཱ ཕྱག་འཚལ་ཀུན་ནས་བསྐོར་རབ་དགའ་བའི། །དགྲ་ཡི་ལུས་ནི་རབ་ཏུ་འགེམས་མ། །ཡི་གེ་བཅུ་པའི་ངག་ནི་བཀོད་པའི། །རིག་པ་ཧཱུྃ་ལས་སྒྲོལ་མ་ཉིད་མ། །བརྗོད ས་མ་ཡ ༈ བཅུ་བདུན་དགྲ་ཇག་ཆོམ་རྐུན་དང་ རྔོན་པ་ཅན་གྱི་ཁ་ཆིངས་ནམཁའ་འགྲོའི་ཐུགས་ཀར་པད་ཟླའི་སྟེང་ དཔག་མེད་གནོན་མ་གུར་གུམ་མདོག ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས ཨུཏྤ་ལར་གནས་མཆོད་རྟེན་འཛིན ཐུགས་ཀའི་ཧཱུྃ་ལས་འོད་འཕྲོས་ཧཱུྃ ཞབས་མཐིལ་ས་ལ་བརྡབས་པ་ཡིསསྟོང་གསུམ་ཕ་རོལ་གནོན་པའི་རི མནྡཱ་ར་དང་འབིགས་བྱེད་དང་ འདོད་དང་གཟུགས་ཁམས་གཟུགས་མེད་ལྡེག དྲག་ཤུལ་སྟོབས་ཀྱིས་དམིགས་བྱའི་གཟུགས ཞབས་ཀྱི་འོག་ཏུ་མནན་

(༣༧༡)འུྃ པར་བསམ ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་ཧཱུྃ་ཧཱུྃ་བཾ་ཧོསྭཱ་ཧཱ ཕྱག་འཚལ་ཏུ་རེའི་ཞབས་ནི་བརྡབས་པས། །ཧཱུྃ་གི་རྣམ་པའི་ས་བོན་ཉིད་མ། །རི་རབ་མནྡཱ་ར་དང་འབིགས་བྱེད། །འཇིག་རྟེན་གསུམ་རྣམས་གཡོ་བ་ཉིད་མ། །བརྗོད ས་མ་ཡ ༈ བཅོ་བརྒྱད་སྦྱར་དང་དབྱིག་གི་དུག གཟའ་ཀླུ་གནོད་སྦྱིན་སྡེ་ཚོགས་ཀྱིས མཐོང་རེག་ཁ་རླངས་དུག་བསྲུང་ན མཁའ་འགྲོའི་ཐུགས་ཀར་པད་ཟླའི་སྟེང་ སྒྲོལ་མ་རྨ་བྱ་ཆེན་མོ་དཀར ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས རི་དྭགས་རྟགས་ཅན་ཨུཏྤལ་འཛིན འོད་ཟེར་འཕྲོས་པས་བརྟེན་གཡོའི་དུག ལྷག་མ་མེད་པར་གཞིལ་བར་བསམ ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་སརྦ་བི་ཥ་ཏཱ་ར་ཕཊ ཟླ་བ་ཉ་གང་བ་སྭཱ་ཧཱ ཕྱག་འཚལ་ལྷ་ཡི་མཚོ་ཡི་རྣམ་པའི། །རི་དྭགས་རྟགས་ཅན་ཕྱག་ན་བསྣམས་མ། །ཏཱ་ར་གཉིས་བརྗོད་ཕཊཀྱི་ཡི་གེས། །དུག་རྣམས་མ་ལུས་པར་ནི་སེལ་མ། །བརྗོད དུག་དབྱུང་བྱེད་ན་བུམ་སྒྲུབ་དང་ འབྲེལ་བར་ཆུས་བཀྲུ་རྨ་བྱས་བྱ་བ ཟླ་བ་ཉ་གང་ཧོ འགལ་

(༣༧༢)རྐྱེན་ཐམས་ཅད་དུག་ལ་བརྟེན དུག་གི་རྒྱུ་ནི་ཉོན་མོངས་པ རིག་པ་མཆོག་གི་སྨན་ཆེན་འདིས སེམས་ཅན་ཁམས་ནི་དུག་མེད་ཤོག ཕྱག་འཚལ་སྔགས་སྤྲེལ་བརྒྱ་ཚར་བརྗོད ས་མ་ཡ ༈ བཅུ་དགུ་པས་ནི་རྩོད་པ་དང་ རྨི་ལམ་ངན་པ་ཐམས་ཅད་སེལ མཁའ་འགྲོའི་ཐུགས་ཀར་པད་ཟླའི་སྟེང་ རྗེ་བཙུན་མི་ཕམ་རྒྱལ་མོ་དཀར ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་མཆོག་གསུམ་མཆོན་སྐྱབས་སྦྱིན་རྒྱས ཨུཏྤ་ལར་གནས་གདུགས་དཀར་འཛིན སྣ་ཚོགས་རྡོ་རྗེའི་ཚྭ་ཚྭ་ཡིས ཕ་རོལ་ངག་གི་ནུས་པ་བཅོམ དབུ་རྒྱན་ལ་སོགས་རྒྱན་བརྒྱད་ཀྱིས གོ་ཆ་བརྗིད་པ་ལྟར་བསྲུངས་པས རྩ་རླུང་ཐིག་ལེ་འཁྲུགས་པ་ཡི རྨི་ལམ་ངན་པ་བསལ་བར་བསམ ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་སྙན་ཆ་དཔུང་རྒྱན་ཕྱག་ཞབས་གདུ་བུ་གཉིས་མགུལ་ཆུན་སྐ་རགས་པ་ཏིའི་སྨད་དཀྲིས་རྣམས་སོ། །ཧཱུྃ་ཧཱུྃ་ཕཊཕཊ་རཀྵ་རཀྵ་མཾ་སྭཱ་ཧཱ ཕྱག་འཚལ་ལྷ་ཡི་ཚོགས་རྣམས་རྒྱལ་པོ། །ལྷ་དང་མིའམ་ཅི་ཡིས་བསྟེན་མ། །ཀུན་ནས་གོ་ཆ་དགའ་བའི་བརྗིད་ཀྱིས། །རྩོད་དང་རྨི་ལམ་ངན་པ་

(༣༧༣)འུྃ སེལ་མ བརྗོད ས་མ་ཡ ༈ ཉི་ཤུ་པ་ཡིས་རིམ་ནད་སེལ མཁའ་འགྲོའི་ཐུགས་ཀར་པད་ཟླའི་སྟེང་ དམར་སེར་ལྷ་མོ་རི་ཁྲོད་མ ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས ཨུཏྤ་ལར་གནས་ཟ་མ་ཏོག ཉི་མ་ཟླ་བའི་སྤྱན་རྒྱས་པས ནད་བདག་ཚར་གཅོད་རིམས་གསོས་བསམ ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་ན་མ་ཏཱ་རེ་མ་ནོ་ཧ་ར་ཧཱུྃ་ཧཱ་ར་སྭཱ་་ཧཱ ཕྱག་འཚལ་ཉི་མ་ཟླ་བ་རྒྱས་པའི། །སྤྱན་ཉི་མ་ལས་འབར་བའི་འོད་ཀྱིས་ཟླ་བ་ལས་བདུད་རྩིའི་རྒྱུན་བྱུང་བས་གཉིས་པོ་ལས་འོད་རབ་གསལ་མ། །ཧ་ར་གཉིས་བརྗོད་ཏུཏྟཱ་ར་ཡིས། །ཤིན་ཏུ་དྲག་པོའི་རིམས་ནད་སེལ་མ། །བརྗོད ས་མ་ཡ ༈ ཉེར་གཅིག་ནད་པའི་བླ་ཆོ་བསླུ མཁའ་འགྲོའི་ཐུགས་ཀར་པད་ཟླའི་སྟེང་ འོད་ཟེར་ཅན་མ་སྐུ་མདོག་དཀར སྐུ་གསུང་ཐུགས་ལས་ཨོཾ་ཨཱཧཱུྃ ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས ཨུཏྤ་ལར་གནས་གསེར་ཉ་འཛིན

(༣༧༤)ཡི་གེ་གསུམ་ལས་འོད་འཕྲོས་པས གདོན་དང་རོ་ལངས་གནོད་སྦྱིན་གྱིས ནད་པའི་བླ་དང་ཚེ་བརྐུས་པ སླར་ལ་མནངས་བཞིན་སྤྲད་པར་དམིགས ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་མ་རི་ཙྱཻ་ཚེ་བྷྲཱུྃ་ནྀྲ་ཛསྭཱ་ཧཱ ཚེ་ལ་མདའ་དང་བླ་ལ་གཡུ ཁམས་ཀྱི་རྟེན་དུ་དར་ཚོན་དཔྱངས རྟེན་འབྲེལ་བླ་ལུག་ཉིད་ལ་བརྟག མ་འགྲུབ་བར་དུ་བསྐྱར་ཞིང་འབད ཐུན་མཚམས་བླ་གླུད་བཟང་པོ་ལ གླུང་ཕྲན་ཟན་འབྲུལ་ཆང་བུ་བརྒྱ འབྲུ་གསུམ་བྱིན་བརླབ་སམྦྷ་ར བརྒྱ་རྩ་བརྒྱད་བསྔོ་ལན་རེ་བཞིན ཧཱུྃ ཁྱེར་ཅིག་ཁྱེར་ཅིག་སྟོབས་ལྡན་རྣམས སྲེད་དང་ཆགས་དང་ཞེན་པ་དང་ དྲན་དང་བཟུང་དང་བསམ་དང་རེག གློད་དང་ཞི་དང་གྲོལ་བར་མཛོད ཅེས་དང་སྒྲོལ་མ་ཡིད་ལ་བྱས ཕྱག་འཚལ་དེ་ཉིད་གསུམ་རྣམས་བཀོད་པས། །ཞི་བའི་མཐུ་དང་ཡང་དག་ལྡན་མ། །གདོན་དང་རོ་ལངས་གནོད་སྦྱིན་ཚོགས་རྣམས། །འཇོམས་པ་ཏུ་རེ་རབ་མཆོག་ཉིད་མ། །ཐལ་སྦྱར་དེ་ཉིད་གསུམ་བཀོད་མཐར ཐལ་མོ་བརྡེབ་ཅིང་འབབ་ཆུར་དོར སྲོག་བསླུ་བྱ་ཞིང་ཉེའུ་འདོན དུས་མིན་འཆི་བ་ངེས་པར་བཟློག ས་མ་ཡ རྒྱ་རྒྱ་རྒྱ བཅངས་པས་མི་མཐུན་ཕྱོགས་བསྲུང་ཞིང་

(༣༧༥)འུྃ མཐོང་བས་སྡིག་པ་ལས་གྲོལ་བའི ཡུལ་འཁོར་དཔལ་གྱི་གདུ་བུ་ལ མཐོང་གྲོལ་ཙཀྲ་ཞེས་སུའང་གྲགས མཁའ་འགྲོ་འདུ་བའི་དུས་གཉན་ལ མུ་ཁྱུད་རིམ་པ་བདུན་གྱི་དབུས པདྨ་འདབ་བཞི་དབུས་དང་ལྔའི ཁོངས་སུ་འོད་ལྔའི་ཐིག་ལེའི་ཀློང་ གཤེགས་མ་ལྔ་ཡི་ས་བོན་ནི ཏཱྃ་ཡིག་དབུས་སུ་གནས་པར་བྲི དེའི་ཕྱི་མུ་ཁྱུད་དང་པོ་ལ ཨོཾ་པདྨོ་ཡཱོ་གི་ནི་ཛྙཱ་ན་ཝཱ་ར་ཧི་ཧཱུྃ ན་མོ་ཨརྱཱ་ཏཱ་རེ ཨོཾ་ཏཱ་རེ་ཏཱྃ་སྭཱ་ཧཱ ན་མོ་རཏྣ་ཏྲ་ཡཱ་ཡ ན་མཨཱརྱ་ཨ་ཝཱ་ལོ་ཀི་ཏེ་ཤྭ་རཱ་ཡ བོ་དྷི་སཏྭཱ་ཡ མ་ཧཱ་སཏྭཱ་ཡ མ་ཧཱ་ཀ་རུ་ནི་ཀཱ་ཡ ཨོཾ་ཏཱ་རེ་ཏུཏྟཱ་རེ་ཏུ་རེ་མཱྃ ཀྲྀ་ཏེ་སརྦ་དུཥྚ་ནཾ ཛཾ་བྷ་ཡ སྟྭཾ་བྷ་ཡ མོ་ཧཱ་ཡ བྷནྡྷ་ཡ ཧཱུྃ་ཧཱུྃ་ཕཊ་ཕཊ སརྦ་དུཥྚྭཾ་སྟྭཾ་བྷ་ནི་ཏཱ་རེ་སྭཱ་ཧཱ ཞེས་བྲི་དེའི་ཕྱིར་པད་འདབ་བརྒྱད མདུན་ནས་བརྩམ་པའི་གཡས་བསྐོར་དུ དང་པོར ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་པྲཛྙཱ་ཧྲི༚་ཧྲི༚་སྭཱ་ཧཱ གཏི་མུག་གླང་པོའི་འཇིགས་པ་ལས་སྐྱོབས་ཤིག་རཀྵ གཉིས་པ་ཐོག་མཐའ་འདྲ་བ་ལས མ་ཧཱ་པུཎྱེ་སྭཱ་ཧཱ སེར་སྣ་ལྕགས་སྒྲོག་གི་འཇིགས་པ་ལས་སྐྱོབས་ཤིག་རཀྵ གསུམ་པར ཨཱཡུརྡ་དེ་བྷྲཱུྃ་སྭཱ་ཧཱ ཐེ་ཚོམ་ཤ་ཟའི༴ བཞི་པར མངྒ་ལ་ཤྲཱི་མ་ཧཱ་པཱ་ཎི་སྭཱ་ཧཱ འདོད་པ་ཆུ་བོའི་རྦ་རླབས་ཀྱི༴ ལྔ་པར སརྦ་པཱ་པཾ་ག་ཏེ་ག་ཏེ་སྭཱ་ཧཱ ཞེ་སྡང་མེའི༴ དྲུག་པར ཧཱུྃ་ཧཱུྃ་བཾ་ཧོསྭཱ་ཧཱ ལྟ་ངན་ཆོམ་

(༣༧༦)རྐུན་གྱི༴བདུན་པར སརྦ་བི་ཥ་ཏཱ་ར་ཕཊསྭཱ་ཧཱ ཕྲག་དོག་དུག་སྦྲུལ་གྱི༴ བརྒྱད་པར ཧཱུྃ་ཧཱུྃ་ཕཊ་ཕཊ་རཀྵ་རཀྵ་མཱྃ་སྭཱ་ཧཱ ང་རྒྱལ་སེང་གེའི་འཇིགས་པ་ལས་སྐྱོབས་ཤིག་རཀྵ བྲི སྤྲོ་ན་བསྒྲུབ་བྱའི་དངོས་གྲུབ་ཀྱི འདོད་གསོལ་རེ་རེ་བཞིན་དུ་སྦྱར དེའི་ཕྱིར་རྩིབས་ནི་བཅུ་གསུམ་ལ རྩ་སྔགས་ཐོག་མཐའ་འདྲ་བ་སྟེ རྩིབས་དང་པོར ཨོཾ་པདྨོ་ཡཱོ་གི་ནི་ཏཱ་རེ་ཏུཏྟཱ་རེ་ཏུ་རེ་བྷོ་དྷི་ཙིཏྟ་སྭཱ་ཧཱ ཕ་རོལ་ལྕེ་འབབ་པའི་འཇིགས་པ་ལས་སྲུངས་ཤིག གཉིས་པར མུ་དྲ་ནྀྲ་ཛ་སྭཱ་ཧཱ མིང་སྦེལ་དམིགས་གསལ་འཇུག ས་གཡོ་བའི་འཇིགས་པ༴ གསུམ་པརསརྦ་བིགྣཱན་བཾ་ཧཱུྃ་ཕཊསྭཱ་ཧཱ སྨྱོ་རྗེད་ཀྱི་གདོན་ལས༴ བཞི་པར བཛྲ་ཏ་ཀ་ཧ་ན་ལི་ཅ་ཕཊསྭཱ་ཧཱ གནམ་ལྕགས་དང་འཁྲུལ་འཁོར་གྱི༴ ལྔ་པར ད་ཧ་པ་ཙ་ཧཱུྃ་ཕཊསྭཱ་ཧཱ རྒྱལ་པོའི་ཆད་པའི༴ དྲུག་པར དཱ་ན་ཏྲ་ཡ་སྭཱ་ཧཱ དུས་མ་ཡིན་པར་འཆི་བའི༴ བདུན་པར ལོ་ཀ་པཱ་ཤཾ་ཀུ་རུ་སྭཱ་ཧཱ མཛའ་བཤེས་དང་བྲལ་བའི༴ བརྒྱད་པར མཱ་མ་བཱ་སུ་པུཥྚི༚་ཀུ་རུ་སྭཱ་ཧཱ མུ་གེ་དང་ཕོངས་པའི༴ དགུ་པར བཛྲ་ཛྭ་ལ་ཕཊ་ཕཊ་རཀྵ་སྭཱ་ཧཱ ཕ་རོལ་གྱི་དམག་ཚོགས་ཀྱི༴ བཅུ་པར ཧཱུྃ་ཧཱུྃ་སྭཱ་ཧཱ མཛེ་ནད་དང་ཁྱབ་འཇུག་གི༴ བཅུ་གཅིག་པར ཏྲཾ་དུ་ཏྲི་ན་ཏྲཾ་དུ་ཕཊསྭཱ་ཧཱ བྱད་ཕུར་དང་རིགས་སྔགས་ཀྱི༴ བཅུ་གཉིས་པར མ་ནོ་ཧ་ར་ཧཱུྃ་ཧ་ར་

(༣༧༧)འུྃ སྭཱ་ཧཱ གྲིབ་དང་རིམས་ནད་ཀྱི༴ བཅུ་གསུམ་པར མ་རི་ཙྱཻ་ཚ་བྷྲཱུྃ་རྣིྲ་ཛ་སྭཱ་ཧཱ རོ་ལངས་དང་གནོད་སྦྱིན་གྱི་འཇིགས་པ་ལས་སྲུངས་ཤིག བརྩིབས་མཆན་བཅུ་གསུམ་དག་ལ་ནི ཨོཾ་ཨ་ན་ལེ་ཨཱ་ན་ལེ ཁ་ས་མེ་ཁ་ས་མེ བཻ་རེ་བཻ་རེ སཽ་མེ་སཽ་མེ ཤནྟཱེ་ཤནྟཱེ དཱནྟེ་དཱནྟེ བི་ཥ་དེ་བི་ཥ་དེ བཱི་རེ་བཱི་རེ དེ་བཱི་བཛྲ་དྷཱ་རི བནྡྷ་བནྡྷ་ནི བཛྲ་པ་ཎི་ཕཊ ཨོཾ་ཧཱུྃ་ཧཱུྃ་དྲཱུཾ་ཧྲཱིཥྚཾ་ཕཊསྭཱ་ཧཱ ཧཱུྃ་དྲཱཾ་བྷནྡྷ་ཕཊ དེའི་ཕྱིར་མུ་ཁྱུད་བཞི་པ་ལ མཐོང་གྲོལ་ཡབ་ཀྱི་དགོངས་པ་བྲི ལྔ་པར་རེག་གྲོལ་ཡུམ་སྙིང་པོ དྲུག་པར་ཐིག་ལེ་ཉེར་ལྔའི་དབུས ཡེ་ཤེས་ཆེན་པོའི་སྙིང་པོ་ནི སྡེ་ཚན་ཉི་ཤུ་རྩ་ལྔ་དང་ བར་མཚམས་ཀློང་གྲོལ་ཡིག་དྲུག་བཀོད བདུན་པར་ཕྱག་འཚལ་ཉེར་གཅིག་དང་ བརྒྱད་པར་དབྱངས་གསལ་རྟེན་སྙིང་བྲི དགུ་པར་རྡོ་རྗེའི་ཕྲེང་བ་དང་ བཅུ་པ་ཉིད་ནི་པ་ཏྲའོ བསྲུང་བ་རྐྱང་བར་ལྟོ་བ་དང་ བཏགས་གྲོལ་མུ་ཁྱུད་གསུམ་དོར་རོ ཀུན་ཀྱང་ཚོན་གྱིས་རྣམ་པར་དབྱེ ཨ་མྲྀ་ཏ་དང་དྲི་བཟང་བྱུག མགུལ་དུ་བཏགས་ན་རང་རྒྱུད་ལ གནས་པའི་ཉོན་མོངས་དུག་རྣམས་སྦྱོང་ ཕྱི་ལ་གཡེངས་ན་རྫི་ཕྱོགས་ཀྱིས ཕོག་པའི་སེམས་ཅན་དོན་བྱེད་འགྱུར གྲོང་ཁྱེར་དག་དང་ཕྱུགས་ཀྱི་སླས གཡུལ་གྱི་ཕྲུ་མ་ལ་བཙུགས་ན འཇིགས་པ་མེད་པའི་གནས་ཐོབ་འགྱུར རིགས་

(༣༧༨)སྔགས་དང་ནི་མཁྱུད་དཔྱད་ཀྱི རྟེན་འབྲེལ་བདེན་པ་བསམ་མི་ཁྱབ རྒྱལ་བའི་ཕྲིན་ལས་ཚད་མེད་ཕྱིར དོན་འབྲས་འགྲུབ་ལ་བསླུ་བ་མེད སྒྲིབ་པའི་ནང་ན་ཐེ་ཚོམ་ཆེ དངོས་གྲུབ་དད་པ་ཅན་ལ་འབྱུང་ ཤིན་ཏུ་ཟབ་པའི་སྔགས་རྒྱུད་འདིའི བརྡ་རིས་མཚོ་རྒྱལ་བླ་མཚོར་རྒྱ བརྡ་གྲོལ་སེང་གེ་རོང་དུ་འབྱུང་ གྲུ་གཟིངས་ཆུ་བོའི་གཞུང་ལ་འབེབས རྟེན་འབྲེལ་སྣ་ཁ་མ་ལོག་ན འགྲོ་དོན་ཉི་འོག་ཉིད་ལ་སྤྱོད སྙིང་གི་བུ་དང་འཕྲད་ནས་ཀྱང་ འགྲོ་དོན་ནམ་མཁའི་མཐར་ཐུག་ཤོག ས་མ་ཡ རྒྱ་རྒྱ་རྒྱ གཏེར་རྒྱ དགོངས་རྒྱ བརྡ་རྒྱ ལས་ཚོགས་འདི་གཞན་བསྐུལ་ཡང་ཡང་བྱུང་ཡང་རིང་ཞིག་གཏེར་རྒྱ་མ་ཁྲོལ དེ་རྗེས་ནོར་སྐྱོང་གི་ལོར་སྒྲོལ་མ་འབུམ་ཐེར་བསགས་པའི་རྐྱེན་གྱི་རྗེ་བཙུན་མའི་བྱིན་རླབས་ཁོ་ནས་ཀློང་གི་བརྡ་རིས་གྲོལ དེ་ལོ་ཆར་ཞོད་ཤིན་ཏུ་དཀོན་པ་ལ་བཀྲ་ཤིས་སྲོང་བཙན་བང་སོར་ཡུམ་ཀའི་ཚོགས་སྐོང་དང་བཅས་འདུན་པ་བསྒྱུར་བས་རིགས་བདག་གི་ལས་ཚོགས་བཅུ་གཉིས་པ་ལ་ངེས་པ་རྙེད་པའོ དགེའོ ༈ ལས་ཚོགས་འདི་རིགས་སོ་སོའི་བསྙེན་མཚམས་སུ་གཞུང་ནས ཐུན་མཚམས་མཆོད་ཅིང་ཡིག་བརྒྱས་བཤགས ཅེས་བྱུང་བས་མཆོད་པ་ནི མེ་ཏོག་བདུག་སྤོས་མར་

(༣༧༩)འུྃ མེ་དྲི། །ཞལ་ཟས་རོལ་མོ་ལ་སོགས་པ། །དངོས་འབྱོར་ཡིད་ཀྱིས་སྤྲུལ་ནས་འབུལ། །འཕགས་མའི་ཚོགས་ཀྱིས་བཞེས་སུ་གསོལ། །ཞིང་ཁམས་རྡོ་རྗེའི་ས་གཞི་ལ། །གླིང་བཞི་རི་རབ་མཆོད་པའི་སྤྲིན། །རབ་འབྱམས་བསམ་ཡས་རྒྱན་ཕྲེང་འབར། །སྒྲོལ་མ་རྒྱལ་བ་ཀུན་ཡུམ་མར། །མཆོག་ཏུ་དད་པས་བདག་གིས་འབུལ། །སྔགས་མཐར་ཨརྒྷཾ་སོགས་ཀྱིས་མཆོད་ལ། སོ་སོའི་སྐབས་བབ་ཀྱི་ཕྱག་འཚལ་ཚིག་བཞི་བརྒྱ་ཚར་རེ་བརྗོད་རྗེས་ཡིག་བརྒྱ་བཟླ་བར་བྱའོ། །མངྒ་ལཾ། ༈ །མཁའ་འགྲོའི་ནང་སྒྲུབ་ཕུལ་བྱུང་བར། །བླ་མའི་ཞབས་པད་ཡུན་བརྟན་ཅིང་། །ཆོས་སྦྱིན་ཕྲིན་ལས་འཛད་མེད་ཕྱིར། །དང་ལྡན་ཚུལ་ཁྲིམས་སྒྲོན་མ་ཡི། །ལྷག་བསམ་དག་པས་བསྒྲུབས་པའི་དགེས། །འགྲོ་ཀུན་དོན་གཉིས་མཐར་ཕྱིན་ཤོག །ཅེས་ཙནྡྲའི་མིང་དེས་གུས་པས་བྲིས་སོ།། །།དགེའོ། །དགེའོ། །དགེའོ། །

(༣༨༠)

(༣༨༡)སྒྲོལ་མ་མཎྜལ་བཞི་པའི་ཆོ་ག་ཀླུ་དབང་དགོངས་རྒྱན་བཞུགས་སོ། །

(༣༨༢)དེ་མཚན་དེ་ཡི་ཨུཏྤ་ལ། །རྣ་ལུང་དཔྱངས་པའི་གདེངས་ཀ་ནི། །འཇིགས་པ་བརྒྱད་ཀྱི་མི་མཐུན་ཕྱོགས། ཁོ་ནར་ངེས་པས་ཕྱག་བགྱིའོ། །འདིར་འཇིགས་པ་ཆེན་པོ་བརྒྱད་དང་བཅུ་དྲུག་ལ་སོགས་པའི་འགལ་རྐྱེན་ཐམས་ཅད་ཞི་བར་བྱེད་པ་སྒྲོལ་མ་མཎྜལ་བཞི་པའི་ཆོ་ག་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ནི་གཙུག་ལག་ཁང་དང་དགོན་པ་སོགས་གནས་གཙང་ཞིང་ཡིད་དུ་འོང་བར་རྟེན་གསུམ་སྤྱི་དང་། ཁྱད་པར་རྗེ་བཙུན་མའི་སྣང་བརྙན་བྱིན་རླབས་ཅན་བཤམས་པའི་ཟུར་བཞིར་མཎྜལ་བཞི་དང་། ལོགས་བཞིར་མཆོད་པ་སྣ་ལྔ་བྲེང་ཆགས་རེ། ཅི་རིགས་པར་གཏོར་མ་དཀར་ཟླུམ། དཀར་

(༣༨༣)གསུམ་མངར་གསུམ་གྱིས་བརྒྱན་པ་ཚར་བཞི་ཡང་བཤམས། གཞན་ཡང་བུམ་པ་བཅུད་ལྡན་ལ་སོགས་པའི་ཁྲུས་ཀྱི་ཡོ་བྱད་དང་། ཚར་རེ་བཞིན་གསོ་རྒྱུའི་མཆོད་པ་སོགས་ཉེ་བར་འདུ་བྱའོ། །གཉིས་པ་དངོས་གཞི་ལ་གཉིས། དཀོན་མཆོག་སྤྱི་ལ་བརྟེན་ནས་ཚོགས་བསག་པ་དང་། རྗེ་བཙུན་མ་སྒོས་ལ་བརྟེན་ནས་ཚོགས་བསག་པའོ། །དང་པོ་ལའང་རྣམ་གྲངས་བཅུ་གཅིག་ལས། དང་པོ་ནི་རང་ཉིད་ཀྱང་ཁྲུས་བྱ་ཞིང་གཙང་སྦྲ་ལ་གནས་པས་སྐྱབས་སུ་འགྲོ་བ་དང་སྨོན་སེམས་ནི། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །སོགས་ཀྱི་ཤློ་ཀ་ལན་གསུམ། གཉིས་པ་བྱང་སྡོམ་བླང་བ་ནི། སེམས་ཅན་ཐམས་ཅད་བདེ་བ་

(༣༨༤)དང་བདེ་བའི་རྒྱུ་དང་ཕྲད་པར་གྱུར་ཅིག །སོགས་ཚད་མེད་བཞི་བསྒོམ་པ་ལན་གསུམ་གྱི་མཐར། བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། །ཞེས་ལན་གསུམ་གྱིས་སྐྱབས་སུ་འགྲོ་བ་སྔོན་དུ་བཏང་ནས། ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང་། །བྱང་ཆུབ་སེམས་དཔའི་བསླབ་པ་ལ། །དེ་དག་རིམ་བཞིན་གནས་པ་ལྟར། །བདག་ཀྱང་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང་། །དེ་བཞིན་དུ་ནི་བསླབ་པ་ལའང་། །རིམ་པ་བཞིན་དུ་བསླབ་པར་བགྱི། །གསུམ་གྱི་མཐར། །དེང་དུས་བདག་ཚེ་འབྲས་བུ་ཡོད། །མི་ཡི་སྲིད་པ་ལེགས་པར་ཐོབ། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་བདག་དེང་གྱུར། །བདག་གིས་དེ་རིང་སྐྱོབ་པ་ཐམས་ཅད་ཀྱི། །སྤྱན་སྔར་འགྲོ་བ་བདེ་གཤེགས་ཉིད་དང་ནི། །བར་དུ་བདེ་ལ་མགྲོན་དུ་བོས་ཟིན་གྱིས། །ལྷ་དང་ལྷ་མིན་ལ་སོགས་དགའ་བར་གྱིས། །ཞེས་པས་དགའ་བ་སྒོམ། །གསུམ་པ་ས་གཞི་བྱིན་བརླབ་ནི། ཐམས་ཅད་དུ་ཡང་ས་གཞི་དག །

(༣༨༥)གསེག་མ་ལ་སོགས་མེད་པ་དང་། །ལག་མཐིལ་ལྟར་མཉམ་བཻ་ཌཱུརྻའི། །རང་བཞིན་འཇམ་པོར་གནས་གྱུར་ཅིག །བཞི་པ་མཆོད་པ་བྱིན་བརླབ་ནི། ཨོཾ་ཧཱུྃ་ཧཱུྃ་ཧྲཱིཨཱ ལྷ་རྫས་དང་ཏིང་ངེ་འཛིན་ལས་གྲུབ་པའི་ཕྱི་ནང་གསང་བའི་མཆོད་སྤྲིན་ངོ་བོ་ཡེ་ཤེས་ཀྱི་བདུད་རྩི་ལ་རྣམ་པ་འདོད་ཡོན་གྱི་སྤྲིན་ཕུང་ཟད་མི་ཤེས་པ་ཀུན་ཏུ་བཟང་པོའི་མཆོད་པའི་རྣམ་རོལ་དུ་རྒྱས་པར་གྱུར་ཅིག །ཨོཾ་བཛྲ་ཨརྒྷཾ་པཱ་དྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནེ་ཝི་དྱེ་ཤབྟ་ཨཱཧཱུྃ། དང་སྤྲོ་ན་མཆོད་པའི་སྤྲིན་གྱི་གཟུངས་ཀྱང་འདོན། ལྔ་པ་སྤྱན་འདྲེན་གྱི་སྔ་རོལ་དུ་དཀོན་མཆོག་གི་ཡོན་ཏན་རྗེས་སུ་དྲན་པར་བྱ་བ་ནི། འདི་ལྟར་སངས་རྒྱས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ཏེ་དེ་བཞིན་གཤེགས་པ་དེ་ནི་བསོད་ནམས་དག་གི་རྒྱུ་མཐུན་པ། དགེ་བའི་རྩ་བ་རྣམས་ཆུད་མི་ཟ་བ། བཟོད་པས་རབ་ཏུ་བརྒྱན་པ། བསོད་ནམས་ཀྱི་གཏེར་རྣམས་

(༣༨༦)ཀྱི་གཞི། །དཔེ་བྱད་བཟང་པོ་རྣམས་ཀྱིས་སྤྲས་པ། མཚན་རྣམས་ཀྱི་མེ་ཏོག་རྒྱས་པ། སྤྱོད་ཡུལ་རན་པར་མཐུན་པ། མཐོང་ན་མི་མཐུན་པ་མེད་པ། དད་པས་མོས་པ་རྣམས་ལ་མངོན་པར་དགའ་བ། ཤེས་རབ་ཟིལ་གྱིས་མི་ནོན་པ། སྟོབས་རྣམས་ལ་བརྫི་བ་མེད་པ། སེམས་ཅན་ཐམས་ཅད་ཀྱི་སྟོན་པ། བྱང་ཆུབ་སེམས་དཔའ་རྣམས་ཀྱི་ཡབ། འཕགས་པའི་གང་ཟག་རྣམས་ཀྱི་རྒྱལ་པོ། མྱ་ངན་ལས་འདས་པའི་གྲོང་ཁྱེར་དུ་འགྲོ་བ་རྣམས་ཀྱི་དེད་དཔོན། ཡེ་ཤེས་དཔག་ཏུ་མེད་པ། སྤོབས་པ་བསམ་གྱིས་མི་ཁྱབ་པ། གསུང་རྣམ་པར་དག་པ། དབྱངས་སྙན་པ། སྐུ་བྱད་བལྟ་བས་ཆོག་མི་ཤེས་པ། སྐུ་མཚུངས་པ་མེད་པ། འདོད་པ་དག་གིས་མ་གོས་པ། གཟུགས་དག་གིས་ཉེ་བར་མ་གོས་པ། གཟུགས་མེད་པ་དག་དང་མ་འདྲེས་པ། སྡུག་བསྔལ་དག་ལས་རྣམ་པར་གྲོལ་བ། ཕུང་པོ་དག་ལས་རབ་ཏུ་རྣམ་པར་གྲོལ་བ་ཁམས་རྣམས་དང་མི་ལྡན་པ། སྐྱེ་མཆེད་རྣམས་བསྡམས་པ། མདུད་པ་རྣམས་ཤིན་ཏུ་བཅད་པ། ཡོངས་སུ་གདུང་པ་དག་ལས་རྣམ་པར་གྲོལ་བ། སྲིད་པ་ལས་གྲོལ་

(༣༨༧)བ། ཆུ་བོ་ལས་བརྒལ་བ། ཡེ་ཤེས་ཡོངས་སུ་རྫོགས་པ། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་ཡེ་ཤེས་ལ་གནས་པ། མྱ་ངན་ལས་འདས་པ་ལ་མི་གནས་པ། ཡང་དག་པ་ཉིད་ཀྱི་མཐའ་ལ་གནས་པ། སེམས་ཅན་ཐམས་ཅད་ལ་གཟིགས་པའི་ས་ལ་བཞུགས་པ་སྟེ། འདི་དག་ནི་སངས་རྒྱས་བཅོམ་ལྡན་འདས་རྣམས་ཀྱི་ཆེ་བའི་ཡོན་ཏན་ཡང་དག་པ་རྣམས་སོ། །དམ་པའི་ཆོས་ནི་ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། བཅོམ་ལྡན་འདས་ཀྱིས་ཆོས་ལེགས་པར་གསུངས་པ། ཡང་དག་པ་མཐོང་བ། ནད་མེད་པ། དུས་ཆད་པ་མེད་པ། ཉེ་བར་བསྟོད་པ། །འདི་མཐོང་བ་ལ་དོན་ཡོད་པ། མཁས་པ་རྣམས་ཀྱིས་སོ་སོ་རང་གིས་རིག་པར་བྱ་བ། བཅོམ་ལྡན་འདས་ཀྱིས་གསུངས་པའི་ཆོས་འདུལ་བ་ལ་ལེགས་པར་བརྟེན་པ། ངེས་པར་འབྱུང་བ། །རྫོགས་པའི་བྱང་ཆུབ་ཏུ་འགྲོ་བར་བྱེད་པ།

(༣༨༨)མི་མཐུན་པ་མེད་ཅིང་འདུས་པ་དང་ལྡན་པ། རྟེན་པ་ཡོད་པ། རྒྱུ་བ་བཅད་པའོ། །ཐེག་པ་ཆེན་པོའི་དགེ་འདུན་ནི་ལེགས་པར་ཞུགས་པ། རིག་པར་ཞུགས་པ། དྲང་པོར་ཞུགས་པ། མཐུན་པར་ཞུགས་པ། ཐལ་མོ་སྦྱར་བའི་འོས་སུ་གྱུར་པ། ཕྱག་བྱ་བའི་འོས་སུ་གྱུར་པ། བསོད་ནམས་ཀྱི་དཔལ་གྱི་ཞིང་། ཡོན་ཡོངས་སུ་བྱང་བ་ཆེན་པོ། །སྦྱིན་པའི་གནས་སུ་གྱུར་པ། ཀུན་ཏུ་ཡང་སྦྱིན་པའི་གནས་སུ་གྱུར་པ་ཆེན་པོའོ། །དྲུག་པ་སྤྱན་འདྲེན་དངོས་ནི། །མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཅོམ་ལྡན་བསྐལ་པ་གྲངས་མེད་དུ་མ་རུ། །འགྲོ་ལ་བརྩེ་ཕྱིར་ཐུགས་རྗེའི་རྣམས་དགོངས་ཤིང་། །སྨོན་ལམ་རྒྱ་ཆེན་དགོངས་པ་ཡོངས་རྫོགས་པའི། ཁྱོད་བཞེད་འགྲོ་དོན་མཛད་དུས་འདི་ལགས་ན། །དེ་ཕྱིར་ཆོས་དབྱིངས་ཕོ་བྲང་ལྷུན་གྲུབ་ནས། །རྫུ་འཕྲུལ་བྱིན་རླབས་སྣ་ཚོགས་སྟོན་མཛད་ཅིང་། །མཐའ་ཡས་སེམས་ཅན་ཚོགས་

(༣༨༩)རྣམས་བསྒྲལ་བའི་ཕྱིར། །ཡང་དག་འཁོར་དང་བཅས་ཏེ་གཤེགས་སུ་གསོལ། །བཛྲ་ས་མཱ་ཛ ཞེས་རོལ་ཆེན་བྱ། བདུན་པ་བཞུགས་གསོལ་ནི། བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་བར་ལྡན། །བདག་གི་མཆོད་ཡོན་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །པདྨ་ཀ་མ་ལཱ་ཡེ་སྟྭཾ། ཞེས་གདན་དབུལ། བརྒྱད་པ་ཁྲུས་གསོལ་ནི། ཁྲུས་ཀྱི་ཁང་པ་ཤིན་ཏུ་དྲི་ཞིམ་པ། །ཤེལ་གྱི་ས་གཞི་གསལ་ཞིང་འཚེར་བ་བསྟར། །རིན་ཆེན་འབར་བའི་ཀ་བ་ཡིད་འོང་ལྡན། །མུ་ཏིག་འོད་ཆགས་བླ་རེ་བྲེས་པ་དེར། །དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོ་སྤོས་ཀྱི་ཆུ། །ཡིད་འོང་ལེགས་པར་བཀང་བ་གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། །དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བསྒོས་པས་སྐུ་ཕྱིའོ། །དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་པ་སྣ་ཚོགས་དང་། །རྒྱན་མཆོག་བརྒྱ་ཕྲག་དེ་དང་དེ་དག་གིས། །

(༣༩༠)འཕགས་པ་ཀུན་ཏུ་བཟང་དང་འཇམ་དབྱངས་དང་། །འཇིག་རྟེན་དབང་ཕྱུག་སོགས་ལའང་བརྒྱན་པར་བགྱི། །སྟོང་གསུམ་ཀུན་ཏུ་དྲི་ངད་ལྡང་བ་ཡིས། །དྲི་མཆོག་རྣམས་ཀྱིས་ཐུབ་དབང་ཀུན་གྱི་སྐུ། །གསེར་སྦྱངས་བཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུག་པར་བགྱི། །ཞེས་བརྗོད་ཅིང་ཚིག་དོན་འབྲེལ་བར་གོས་ཟུང་འབུལ་བ་དང་། དྲིའི་བྱུག་པ་འགྱེད་པར་ཡང་བྱའོ། །བརྒྱད་པ་མཆོད་པ་ནི། ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །སོགས་ཕལ་པོ་ཆེ་ལས་བྱུང་བའི་ཡན་ལག་བདུན་པ་དང་། སྤྲོ་ན། ཐུབ་དབང་མཆོད་གནས་མཆོག་ལ་ཡིད་འོང་བའི། །མེ་ཏོག་མནྡ་ར་དང་པདྨ་དང་། །ཨུཏྤལ་ལ་སོགས་དྲི་ཞིམ་ཐམས་ཅད་དང་། །ཕྲེང་བ་སྤེལ་ལེགས་ཡིད་འོང་རྣམས་ཀྱིས་མཆོད། །སྤོས་མཆོག་ཡིད་འཕྲོག་དྲི་ངད་ཁྱབ་པ་ཡི། །བདུག་པའི་སྤྲིན་ཚོགས་རྣམས་ཀྱང་དེ་ལ་དབུལ། །ཞལ་ཟས་བཟའ་བཏུང་སྣ་ཚོགས་བཅས་པ་ཡི། །ལྷ་བཤོས་རྣམས་ཀྱང་དེ་ལ་དབུལ་བར་བགྱི། །གསེར་གྱི་པདྨ་ཚར་དུ་དངར་བ་ཡི། །རིན་ཆེན་སྒྲོན་མ་རྣམས་ཀྱང་དབུལ་བར་བགྱི། །ས་གཞི་བསྟར་བ་སྤོས་ཀྱིས་བྱུགས་པ་དེར། །མེ་

(༣༩༡)ཏོག་ཡིད་འོང་སིལ་མ་དགྲམ་པར་བྱ། །གཞལ་མེད་ཕོ་བྲང་བསྟོད་དབྱངས་ཡིད་འོང་ལྡན། །མུ་ཏིག་རིན་ཆེན་རྒྱན་འཕྱང་མཛེས་འབར་བ། །དཔག་ཡས་ནམ་མཁའི་རྒྱན་གྱུར་དེ་དག་ཀྱང་། །ཐུགས་རྗེའི་རང་བཞིན་ཅན་ལ་དབུལ་བར་བགྱི། །རིན་ཆེན་གདུགས་མཛེས་གསེར་གྱི་ཡུ་བ་ཅན། །འཁོར་ཡུག་རྒྱན་གྱི་རྣམ་པ་ཡིད་འོང་ལྡན། །དབྱིབས་ལེགས་བལྟ་ན་སྡུག་པ་སྒྲེང་བ་ཡང་། །རྟག་ཏུ་ཐུབ་དབང་རྣམས་ལ་དབུལ་བར་བགྱི། །དེ་ལས་གཞན་ཡང་མཆོད་པའི་ཚོགས། །རོལ་མོ་དབྱངས་སྙན་ཡིད་འོང་ལྡན། །སེམས་ཅན་སྡུག་བསྔལ་ཚིམས་བྱེད་པའི། །སྤྲིན་རྣམས་སོ་སོར་གནས་གྱུར་ཅིག །དམ་ཆོས་དཀོན་མཆོག་ཐམས་ཅད་དང་། །མཆོད་རྟེན་རྣམས་དང་སྐུ་གཟུགས་ལ། །རིན་ཆེན་མེ་ཏོག་ལ་སོགས་ཆར། །རྒྱུན་མི་འཆད་པར་འབབ་པར་ཤོག །ཇི་ལྟར་འཇམ་དབྱངས་ལ་སོགས་པས། །རྒྱལ་བ་རྣམས་ལ་མཆོད་མཛད་པ། །དེ་ལྟར་བདག་གིས་དེ་བཞིན་གཤེགས། །མགོན་པོ་སྲས་དང་བཅས་རྣམས་མཆོད། །ཡོན་ཏན་རྒྱ་མཚོ་རྣམས་ལ་བདག །བསྟོད་

(༣༩༢)དབྱངས་ཡན་ལག་རྒྱ་མཚོས་བསྟོད། །བསྟོད་དབྱངས་སྙན་སྤྲིན་དེ་དག་ལ། །ངེས་པར་ཀུན་ཏུ་འབྱུང་གྱུར་ཅིག །དུས་གསུམ་གཤེགས་པའི་སངས་རྒྱས་ཀུན། །ཆོས་དང་ཚོགས་ཀྱི་མཆོག་བཅས་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །ལུས་བཏུད་པ་ཡིས་བདག་ཕྱག་འཚལ། །བྱང་ཆུབ་སེམས་ཀྱི་གཞི་རྣམས་དང་། །མཆོད་རྟེན་རྣམས་ལ་བདག་ཕྱག་འཚལ། །མཁན་པོ་དེ་བཞིན་སློབ་དཔོན་དང་། །བརྟུལ་ཞུགས་མཆོག་ལ་ཕྱག་འཚལ་ལོ། །དགུ་པ་བསྟོད་པ་ནི། མགོན་པོ་ཐུགས་རྗེ་ཆེ་ལྡན་པ། །ཐམས་ཅད་མཁྱེན་པའི་སྟོན་པ་པོ། །བསོད་ནམས་ཡོན་ཏན་རྒྱ་མཚོའི་ཞིང་། །དེ་བཞིན་གཤེགས་ལ་ཕྱག་འཚལ་ལོ། །དག་པ་འདོད་ཆགས་བྲལ་བའི་རྒྱུ། །དགེ་བས་ངན་སོང་ལས་གྲོལ་ཞིང་། །གཅིག་ཏུ་དོན་དམ་མཆོག་གྱུར་པ། །ཞི་གྱུར་ཆོས་ལ་ཕྱག་འཚལ་ལོ། །གྲོལ་ནས་གྲོལ་བའི་ལམ་ཡང་སྟོན། །བསླབ་པ་དག་ལ་རབ་ཏུ་གུས། །ཞིང་གི་དམ་པ་ཡོན་ཏན་ལྡན། །དགེ་འདུན་ལ་ཡང་ཕྱག་འཚལ་ལོ། །བསྟོད་པར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །

(༣༩༣)ལུས་བཏུད་པ་ཡིས་རྣམ་ཀུན་ཏུ། །མཆོག་ཏུ་དད་པས་ཕྱག་འཚལ་ལོ། །སྤྲོ་ན། དགའ་བ་བརྒྱ་ལྡན་འཆི་མེད་གྲོང་ཁྱེར་ནས། །བྱང་ཆུབ་སེམས་ཀྱི་དམ་པ་ཏོག་དཀར་པོ། །ཤཱཀྱའི་རིགས་ཀྱི་ཐིག་ལེར་འཛིན་པའི་སྣོད། །སྒྱུ་འཕྲུལ་ལྷ་མོ་རི་དྭགས་མིག་ཅན་ཡིན། །འོད་སྟོང་ཤར་གྱི་རི་ལ་ཆས་པ་བཞིན། །ལྷུམས་གྱི་གེ་སར་བཞད་པ་ལུམྦིའི་ཚལ། །ཚངས་དང་དབང་པོས་སྲི་ཞུས་མཛེས་བྱས་ཤིང་། །བྱང་ཆུབ་རིགས་སུ་ལུང་བསྟན་ལ་ཕྱག་འཚལ། །ལང་ཚོས་དྲེགས་པའི་ཤཱཀྱ་གཞོན་ནུའི་དབུས། །སྒྱུ་རྩལ་དྲུག་ཅུ་རྩ་བཞིའི་རོལ་རྩེད་མཐུ། །ཀུན་གྱིས་ཁྱོད་ལ་བཏུད་ཅིང་གྲགས་པ་ཡིས། །སྐྱེ་དགུའི་རྣམ་ཤེས་མིག་དང་རྣ་བར་རྫོགས། །འདོད་སྲེད་ཞགས་པས་གཞན་དབང་མ་གྱུར་བཞིན། །ཡབ་གཅིག་དགྱེས་སླད་བཙུན་མོའི་སྒྱུ་མ་ལ། །སྒྱུ་མའི་ལྟ་བས་བལྟས་ནས་རྒྱལ་པོའི་ཁབ། །བསྐྱངས་པས་དོན་ཀུན་གྲུབ་པ་ལ་ཕྱག་འཚལ། །ཤིན་ཏུ་གཡོ་ཞིང་འཇིགས་པ་རྒྱལ་སྲིད་ཀྱི། །ལྕགས་ཀྱུའི་དབང་དུ་མ་གྱུར་འགའ་མེད་ཀྱང་། །ངེས་པར་འབྱུང་བའི་རྐྱེན་བཞིས་ཁྱོད་ཀྱི་

(༣༩༤)ཐུགས། །ཕྲོགས་ནས་རང་བྱུང་དགེ་སློང་ཉིད་དུ་བསྟན། །བརྩོན་འགྲུས་རླབས་ཀྱིས་མི་ངལ་ནཻ་རཉྫར། །དཀའ་ཐུབ་གདུང་བ་བཟོད་པའི་སྙིང་སྟོབས་དང་། །ཀུན་རྟོག་འདུལ་བ་འཛིན་པའི་བསམ་གཏན་ལ། །ཕྱོགས་བཅུའི་བདེ་གཤེགས་དགྱེས་ལ་ཕྱག་འཚལ་ལོ། །གྲངས་མེད་གསུམ་གྱི་སྲིད་དུ་རྣམ་རིག་ཀུན། །ཚོགས་གཉིས་ཐ་གུས་བཅིངས་པ་དོན་ཡོད་ཕྱིར། །བྱང་ཆུབ་ཤིང་དྲུང་བདུད་རྣམས་སྐྲག་བྱས་ནས། །མངོན་པར་རྫོགས་སངས་རྒྱ་བ་རྒྱལ་ཀུན་གཤིས། །འཁོར་བ་གཏིང་མཐའ་མེད་པའི་གཡང་ས་ལ། །རྒྱུག་པའི་འགྲོ་བ་འཁོར་ལོ་གསུམ་གྱི་གྲུས། །བསྒྲལ་ནས་ཐར་པ་དང་ནི་རྣམ་མཁྱེན་གྱི། །གོ་འཕང་བཀྲི་བ་ཁྱོད་ལ་ཕྱག་འཚལ་ལོ། །རྟོག་ཅིང་དཔྱོད་ཀྱང་སྡོམ་པ་མིན་པའི་ཆར། །འཐུངས་པས་ཆེས་གཟིར་མུ་སྟེགས་སྟོན་པའི་ལྕེ། །མཉན་དུ་ཡོད་པའི་ཆོ་འཕྲུལ་མཐུས་བཅད་པས། །སྐྱེངས་དང་གཟི་བརྗིད་ཉམས་པའི་ཆོ་ག་རྫོགས། །རྫུ་འཕྲུལ་རྐང་པ་བཞི་ལ་མཆོག་ཐོབ་ཁྱོད། །སྐྱེ་རྒ་ན་འཆིའི་ཚོར་བ་མི་མྱོང་ཡང་། །ངེས་པར་ཕ་རོལ་འགྲོ་འདི་མི་སེམས་རྣམས། །སྐྱོ་སླད་མྱ་ངན་འདའ་

(༣༩༥)སྟོན་དེར་ཕྱག་འཚལ། །བསོད་ནམས་ཉམ་ཆུང་གྱུར་པའི་འགྲོ་བ་རྣམས། །དཀར་པོའི་ཆོས་རབ་འཕེལ་བའི་ཚོང་བྲོང་ནི། །འཛད་པ་མེད་པའི་རིང་བསྲེལ་ཆ་བརྒྱད་དུ། །བཞག་སྟེ་ཆོས་ཀྱི་དབྱིངས་སུ་གཟིམས་པ་ལྟར། །བདག་ཀྱང་རྫོགས་སྨིན་སྦྱངས་གསུམ་མཐར་ཕྱིན་ནས། ཁམས་གསུམ་ལས་འདུས་འོག་མིན་ཆེན་པོ་རུ། །མངོན་པར་སངས་རྒྱས་སྤྲུལ་པའི་མཛད་པ་བཅུས། །ཀུན་མཁྱེན་ཁྱེད་དང་འགྲོ་དོན་མཉམ་པ་ཤོག །བཅུ་པ་མཎྜལ་འབུལ་བ་ནི། ཨོཾ་བཛྲ་བྷཱུ་མི་ཨཱཧཱུྃ་སོགས་ཅིས་དབུལ། བཅུ་གཅིག་པ་འདོད་དོན་གསོལ་བ་ནི། །ཕན་བདེ་འབྱུང་བའི་གནས་གཅིག་པུ། །བསྟན་པ་ཡུན་རིང་གནས་པ་དང་། །བསྟན་པ་འཛིན་པའི་སྐྱེས་བུ་རྣམས། །སྐུ་ཚེའི་རྒྱལ་མཚན་བརྟན་གྱུར་ཅིག །འགྲོ་བའི་སྡུག་བསྔལ་སྨན་གཅིག་པུ། །བདེ་བ་ཐམས་ཅད་འབྱུང་བའི་གནས། །བསྟན་པ་རྙེད་དང་བཀུར་སྟི་དང་། །བཅས་ཏེ་ཡུན་རིང་གནས་གྱུར་ཅིག །གཙུག་ལག་རྣམས་ནི་ཀློགས་པ་དང་། ཁ་ཏོན་གྱིས་བརྒྱན་ལེགས་གནས་ཤིང་། །རྟག་ཏུ་དགེ་འདུན་མཐུན་པ་དང་། །དགེ་འདུན་དོན་ཡང་

(༣༩༦)འགྲུབ་པར་ཤོག །ཕྱོགས་རྣམས་ཀུན་ན་ལུས་དང་སེམས། །སྡུག་བསྔལ་ནད་པ་ཇི་སྙེད་པ། །དེ་དག་བདག་གི་བསོད་ནམས་ཀྱིས། །བདེ་དགའ་རྒྱ་མཚོ་ཐོབ་པར་ཤོག །དེ་དགའ་འཁོར་བ་ཇི་སྲིད་དུ། །ནམ་ཡང་བདེ་ལས་ཉམས་མ་གྱུར། །འགྲོ་བས་བྱང་ཆུབ་སེམས་དཔའ་ཡི། །བདེ་བ་རྒྱུན་མི་འཆད་ཐོབ་ཤོག །འཇིག་རྟེན་ཁམས་ན་དམྱལ་བ་དག །གང་དག་ཇི་སྙེད་ཡོད་པ་རྣམས། །དེ་དག་ཏུ་ནི་ལུས་ཅན་རྣམས། །བདེ་ཅན་བདེ་བས་དགའ་བར་ཤོག །གྲང་བས་ཉམ་ཐག་དྲོ་ཐོབ་ཤོག །བྱང་ཆུབ་སེམས་དཔའི་སྤྲིན་ཆེན་ལས། །བྱུང་བའི་ཆུ་བོ་མཐའ་ཡས་ཀྱིས། །ཚ་བས་ཉམ་ཐག་བསིལ་བར་ཤོག །དུད་འགྲོ་རྣམས་ནི་གཅིག་ལ་གཅིག །ཟ་བའི་འཇིགས་དང་བྲལ་བར་ཤོག །སྒྲ་མི་སྙན་པའི་མི་བཞིན་དུ། །ཡི་དྭགས་རྣམས་ནི་བདེ་བར་གྱུར། །ལོང་བ་རྣམས་ཀྱིས་མིག་མཐོང་ཞིང་། །འོན་པས་རྟག་ཏུ་སྒྲ་ཐོས་ཤོག །ལྷ་མོ་སྒྱུ་འཕྲུལ་ཇི་བཞིན་དུ། །སྦྲུམ་མའང་གནོད་མེད་བཙའ་བར་ཤོག །གཅེར་བུ་རྣམས་ཀྱི་གོས་དག་དང་། །བཀྲེས་པ་རྣམས་ཀྱིས་ཟས་དང་ནི། །སྐོམ་པ་རྣམས་ཀྱིས་ཆུ་དག་དང་། །བཏུང་བ་ཞིམ་པོ་ཐོབ་པར་ཤོག །

(༣༩༧)བཀྲེན་པ་རྣམས་ཀྱི་ནོར་ཐོབ་ཤོག །མྱ་ངན་ཉམ་ཐག་དགའ་ཐོབ་ཤོག །ཡི་ཆད་རྣམས་ཀྱང་ཡིད་སོས་ཤིང་། །བརྟན་པ་ཕུན་སུམ་ཚོགས་པར་ཤོག །སེམས་ཅན་ནད་པ་ཇི་སྙེད་པ། །མྱུར་དུ་ནད་ལས་ཐར་གྱུར་ཅིག། འགྲོ་བའི་ནད་ནི་མ་ལུས་པ། །རྟག་ཏུ་འབྱུང་བ་མེད་པར་ཤོག །སྐྲག་པ་རྣམས་ནི་འཇིགས་མེད་ཤོག །བཅིངས་པ་རྣམས་ནི་གྲོལ་བར་འགྱུར། །མཐུ་མེད་རྣམས་ནི་མཐུ་ལྡན་ཞིང་། །སེམས་ནི་ཕན་ཚུན་བསྙེན་གྱུར་ཅིག །འདྲོན་པ་དག་ནི་ཐམས་ཅད་ལ། །ཕྱོགས་རྣམས་ཐམས་ཅད་བདེ་བར་ཤོག །གང་གི་དོན་དུ་འགྲོ་བྱེད་པ། །དེ་འབད་མི་དགོས་འགྲུབ་གྱུར་ཅིག །གྲུ་དང་གྲུ་ཆེན་ཞུགས་པ་རྣམས། །ཡིད་ལ་བསམ་པ་འགྲུབ་གྱུར་ཏེ། །ཆུ་ཡི་ངོགས་སུ་བདེར་ཕྱིན་ནས། །གཉེན་དང་ལྷན་ཅིག་དགའ་བར་ཤོག །མྱ་ངན་ལམ་གོལ་འཁྱམས་པ་རྣམས། །འདྲོན་པ་དག་དང་འཕྲད་གྱུར་ནས། །ཆོམ་རྐུན་སྟག་སོགས་འཇིགས་མེད་པར། །མི་ངལ་བདེ་བླག་འདོང་བར་ཤོག །དགོན་སོགས་ལམ་མེད་ཉམ་ང་བར། །བྱིས་པ་རྒན་པོ་མགོན་མེད་པ། །གཉིད་ལོག་མྱོས་ཤིང་རབ་མྱོས་རྣམས། །ལྷ་དག་

(༣༩༨)སྲུང་བ་བྱེད་པར་ཤོག །ལྷ་ཡང་དུས་སུ་ཆར་འབེབས་ཤིང་། །ལོ་ཏོག་ཕུན་སུམ་ཚོགས་པར་ཤོག །རྒྱལ་པོ་ཆོས་བཞིན་བྱེད་གྱུར་ཅིག །འཇིག་རྟེན་དག་ཀྱང་དར་བར་ཤོག །སྨན་རྣམས་མཐུ་དང་ལྡན་པ་དང་། །གསང་སྔགས་བཟླས་བརྗོད་འགྲུབ་པར་ཤོག །མཁའ་འགྲོ་སྲིན་པོ་ལ་སོགས་པ། །སྙིང་རྗེའི་སེམས་དང་ལྡན་གྱུར་ཅིག །ངན་སོང་སྡུག་བསྔལ་མི་མྱོང་ཞིང་། །དཀའ་བ་སྤྱང་བ་མེད་པར་ཡང་། །ལྷ་བས་ལྷག་པའི་ལུས་ཀྱིས་ནི། །དེ་དག་སངས་རྒྱས་མྱུར་ཐོབ་ཤོག ། བྱང་ཆུབ་སེམས་དཔའ་རྣམས་ཀྱིས་ནི། །འགྲོ་དོན་། ཐུགས་ལ་དགོངས་འགྲུབ་ཤོག །མགོན་པོ ་ཡིས་ནི་གང་དགོངས་པ། །སེམས་ཅན་རྣམས་ལ་དེ་འབྱོར་ཤོག། ཅེས་བརྗོད། གཉིས་པ་མཎྜལ་བསྙེན་པ་ཚར་གསུམ་གྱི་དང་པོ་ལ་རྣམ་གྲངས་བཅུ་གཉིས་ལས། དང་པོ་རྟེན་བསྐྱེད་པ་ནི། ཨོཾ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་པས་ཆོས་ཐམས་ཅད་དེ་བཞིན་ཉིད་དུ་རྟོགས་པས་ཡེ་ཤེས་ཀྱི་ཚོགས་དང་། དེ་ལྟར་མ་རྟོགས་པ་རྣམས་ལ་སྙིང་རྗེ་ཆེན་པོའི་ངང་ནས་སྒྱུ་མ་ལྟ་བུའི་ལྷ་སྐུར་ལངས་ཏེ་གཞན་དོན་བྱེད་པ་བསོད་ནམས་ཀྱི་ཚོགས་སུ། གྲངས་གསོག་གི་ཚེ་རྟེན་བསྐྱེད་ཚར་གཅིག་སོང་རྗེས་པོ་ཏ་ལ་ཡི་སོགས་ནས་སྤྱན་འདྲེན་གྱི་འཐུས། །ངེས་པས།

(༣༩༩)སྟོང་པའི་ངང་ལས་པཾ་ལས་པདྨ་དང་། ཨ་ལས་ཟླ་བའི་དལ་གྱི་སྟེང་དུ་ཏཱཾ་ལས་ཨུཏྤལ་ཏཱཾ་གྱིས་མཚན་པ་དེ་ལས་འོད་ཟེར་འཕྲོས་འཕགས་པ་མཆོད། སེམས་ཅན་གྱི་དོན་བྱས་ཚུར་འདུས་པ་ལས་མདུན་གྱི་རྟེན་རྗེ་བཙུན་སྒྲོལ་མ་སྐུ་མདོག་ལྗང་གུ་བཅུ་དྲུག་ལོན་པའི་རྣམ་པ་མཛེས་ཤིང་། རིན་པོ་ཆེའི་རྒྱན་དང་དར་སྣ་ཚོགས་ཀྱི་ཤམ་ཐབས་ཅན་སྟོད་གཡོགས་དང་དར་སྲབ་མོས་ནུམ་བཀབ་པ། དབུ་སྐྲ་ལི་བའི་གཡོན་ཕྱོགས་གྱེན་དུ་བརྗེས་ཤིང་གཡས་ངོས་ནས་ཐུར་དུ་ཅུང་ཟད་འཕྱང་བ། ཕྱག་གཡས་མཆོག་སྦྱིན་དང་གཡོན་པ་ཐུགས་ཀར་ཨུཏྤ་ལའི་རྩ་བ་ནས་བཟུང་བའི་མེ་ཏོག་འཁོར་ལོས་མཚན་པ་རྣ་བའི་ཐད་ཀར་སླེབ་པ། ཟླ་བའི་རྒྱབ་ཡོལ་ཅན། དེའི་མཐའ་སྐོར་དུ་པད་འདབ་བཅུ་གཉིས་རིམ་ལ་སྒྲོལ་མ་གཞན་ཉི་ཤུ་པོ་བཞུགས་སྟངས་གཙོ་མོ་དང་འདྲ་བ་ལ་སྐུ་མདོག་དང་ཕྱག་མཚན་གྱི་ཁྱད་པར་མདུན་ནས་རིམ་པས་གཡས་སྐོར་དུ་མྱུར་མ་དཔའ་མོ་དམར་ལ་ཁྲོ་འཛུམ་ཆགས་པའི་ཉམས་ཅན་ཨུཏྤ་ལའི་སྟེང་ན་དུང་གཡས་འཁྱིལ་འཛིན་པ། དེ་བཞིན་དུ་དབྱངས་ཅན་མ་སྟོན་ཟླའི་ཞལ་མེ་ལོང་ཧྲི༚་གྱིས་མཚན་པ། སེར་སྔོ་བསོད་ནམས་

(༤༠༠)མཆོག་སྟེར་རིན་པོ་ཆེ། གཙུག་ཏོར་རྣམ་རྒྱལ་གསེར་མདོག་ཚེ་བུམ། རིག་བྱེད་མ་ལེ་བརྒན་མདོག་མདའ་གཞུ། །འཇིགས་བྱེད་ཆེན་མོ་དམར་ནག་ཕུར་བུ། གཞན་གྱིས་མི་ཐུབ་མ་ནག་མོ་ཁྲོ་གཉེར་ཅན་རལ་གྲི། གཞན་མི་རྒྱལ་བ་དམར་ནག་ཁྲོ་གཉེར་ཅན་རྡོ་རྗེ། འཇིག་རྟེན་གསུམ་རྒྱལ་དམར་མོ་རྒྱལ་མཚན། །ནོར་གཏེར་དམར་མོ་ཁྲོ་གཉེར་ཅན་གཏེར་བུམ། བཀྲ་ཤིས་དོན་བྱེད་མ་སེར་མོ་དཔལ་བེ། །དགྲ་དཔུང་འཇོམ་མ་དམར་མོ་རྡོ་རྗེ་རྭ་གདེངས། ཁྲོ་གཉེར་ཅན་མཛད་ནག་མོ་གཏུན་ཤིང་། །རབ་ཏུ་ཞི་བ་དཀར་གསལ་སྤྱི་བླུགས། འབར་བའི་འོད་ཅན་དམར་མོ་རྒྱ་གྲམ། །དཔག་མེད་གནོན་མ་ངུར་སྨྲིག་མཆོད་རྟེན། །རྨ་བྱ་ཆེན་མོ་དཀར་གསལ་ཟླ་བ། །མི་ཕམ་རྒྱལ་མོ་དཀར་གསལ་གདུགས་དཀར། རི་ཁྲོད་ལྷ་མོ་དམར་སེར་ཟ་མ་ཏོག །འོད་ཟེར་ཅན་མ་དཀར་དམར་གསེར་ཉ་འཛིན་པ། །ཐམས་ཅད་ཀྱང་རྟ་བབས་ཀྱི་སྐྱིལ་མོ་ཀྲུང་དང་ཐུགས་ཀར་པདྨ་དང་ཟླ་བའི་དལ་ལ་ཏཱཾ་ཡིག་རེ་རེས་མཚན་པ་དེའི་འོད་ཟེར་གྱིས་རི་པོ་ཏ་ལ་ནས་རྗེ་བཙུན་སྒྲོལ་མ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་བཛྲ་ས་མཱ་ཛ གཉིས་པ་སྤྱན་འདྲེན་པ་ནི། པོ་ཏ་ལ་

(༤༠༡)ཡི་གནས་མཆོག་ནས། །ཏཱཾ་ཡིག་ལྗང་གུ་ལས་འཁྲུངས་ཤིང་། །འོད་དཔག་མེད་པས་དབུ་ལ་བརྒྱན། །དུས་གསུམ་སངས་རྒྱས་ཕྲིན་ལས་མ། །འགྲོ་བའི་དོན་ཕྱིར་གཤེགས་སུ་གསོལ། །བཞེངས་ཤིག་བཞེངས་ཤིག་སྟོབས་བཅུ་མངའ་བའི་ལྷ། །དུས་ལས་མི་འདའ་ཐུགས་རྗེའི་དབང་གིས་ན། །སེམས་ཅན་དོན་ལ་དགོངས་པའི་དཀོན་མཆོག་གསུམ། །ཡིད་ཀྱིས་སྦྲུལ་ཞིང་བཤམས་པའི་གནས་འདི་རུ། །རྒྱལ་བ་འཁོར་བཅས་མ་ལུས་གཤེགས་སུ་གསོལ། །བཛྲ་ས་མ་ཡ་ཛ གསུམ་པ་དབང་བསྐུར་བ་ནི། མེ་ཏོག་དམ་པ་ཕྲེང་བ་དམ་པ་སོགས་ཤློ་ཀའི་མཐར། པུཥྤེ་སོགས་དང་། གསོལ་བ་གདབ་པ་ནི། བཅོམ་ལྡན་དེ་བཞིན་གཤེགས་པ་ཀུན། །བཅོམ་ལྡན་བདག་ཉིད་ཆེན་པོ་རྣམས། །ཐུགས་རྗེའི་རང་བཞིན་ཅན་རྣམས་ཀྱིས། །བདག་ལ་དབང་བསྐུར་མཛད་དུ་གསོལ། །ཅེས་བརྗོད་པས། དེ་བཞིན་གཤེགས་པ་རྣམས་ཀྱིས་བུམ་པ་བདུད་རྩིས་གང་བ་ཕྱག་ན་བསྣམས་ནས། །ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡི། །དེ་བཞིན་བདག་གིས་སྐུ་ཁྲུས་

(༤༠༢)གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཤྲཱི་ཡེ་ཧཱུྃ། ཞེས་དབང་བསྐུར་བས་སྐུ་གང་དྲི་མ་དག་ཆུ་ལྷག་མ་ཡར་ལུད་པ་ལས་གཙོ་མོ་ལ་དོན་ཡོད་གྲུབ་པ་དང་། གཞན་རྣམས་ལ་སོ་སོའི་རིགས་ཀྱིས་དབུ་བརྒྱན། དབང་གི་ལྷ་རྣམས་སྒྲོལ་མར་གྱུར་ནས་ཛཧཱུཾ་བཾ་ཧོ ཞེས་པས་གཉིས་མེད་དུ་ཐིམ་པར་གྱུར། བཞི་པ་ཕྱག་རྒྱ་བཅིང་བས་རྒྱས་གདབ་པ་ནི། ཐལ་མོ་ཁ་སྦྱར་ནས་གུང་མོ་གཡས་པས་ཅིག་ཤོས་ཀྱི་སེན་མོ་བཀབ། སྲིན་ལག་གཉིས་ནང་དུ་བཀུག་ལ་མཐེ་བོང་མནན་པ་ཨུཏྤ་ལ་ཁ་ཕྱེ་བའི་རྒྱ་དཔྲལ་བ། མགྲིན་པ། སྙིང་ག །པུས་མོ་གཡས་གཡོན་དུ་འཇོག་པ་དང་སྦྲག །ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་ལན་རེ་བརྗོད། ལྔ་པ་ཡན་ལག་བདུན་པ་ནི། ལྷ་དང་ལྷ་མིན་ཅོད་པན་གྱིས། །ཞབས་ཀྱི་པདྨོ་ལ་བཏུད་དེ། །ཕོངས་པ་ཀུན་ལས་སྒྲོལ་མཛད་མ། །སྒྲོལ་མ་ཡུམ་ལ་ཕྱག་འཚལ་ལོ། །རྗེ་བཙུན་འཕགས་མ་སྒྲོལ་མ་དང་། །ཕྱོགས་བཅུ་དུས་གསུམ་བཞུགས་པ་ཡི། །རྒྱལ་བ་སྲས་བཅས་ཐམས་ཅད་ལ། །ཀུན་ནས་དངས་པས་ཕྱག་བགྱིའོ། །མེ་ཏོག་བདུག་སྤོས་མར་མེ་དྲི། །ཞལ་ཟས་རོལ་མོ་ལ་སོགས་པ། །དངོས་འབྱོར་ཡིད་ཀྱིས་སྤྲུལ་ནས་

(༤༠༣)འབུལ། །འཕགས་མའི་ཚོགས་ཀྱིས་བཞེས་སུ་གསོལ། །ཐོག་མ་མེད་ནས་ད་ལྟའི་བར། །མི་དགེ་བཅུ་དང་མཚམས་མེད་ལྔ། །སེམས་ནི་ཉོན་མོངས་དབང་གྱུར་པའི། །སྡིག་པ་ཐམས་ཅད་བཤགས་པར་བགྱི། །ཉན་ཐོས་རང་རྒྱལ་བྱང་ཆུབ་སེམས། །སོ་སོ་སྐྱེ་བོ་ལ་སོགས་པས། །དུས་གསུམ་དགེ་བ་ཅི་བསགས་པ། །བསོད་ནམས་ལ་ནི་བདག་ཡི་རང་། །སེམས་ཅན་རྣམས་ཀྱི་བསམ་པ་དང་། །བློ་ཡི་བྱེ་བྲག་ཇི་ལྟ་བར། །ཆེ་ཆུང་ཐུན་མོང་ཐེག་པ་ཡི། །ཆོས་ཀྱི་འཁོར་ལོ་བསྐོར་དུ་གསོལ། །འཁོར་བ་ཇི་སྲིད་མ་སྟོངས་པར། །མྱ་ངན་མི་འདའ་ཐུགས་རྗེ་ཡིས། །སྡུག་བསྔལ་རྒྱ་མཚོར་བྱིངས་པ་ཡི། །སེམས་ཅན་རྣམས་ལ་གཟིགས་སུ་གསོལ། །བདག་གིས་བསོད་ནམས་ཅི་བསགས་པ། །ཐམས་ཅད་བྱང་ཆུབ་རྒྱུར་གྱུར་ནས། །རིང་པོར་མི་ཐོགས་འགྲོ་བ་ཡི། །འདྲེན་པའི་དཔལ་དུ་བདག་གྱུར་ཅིག །དྲུག་པ་ཁྲུས་གསོལ་ནི། །དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོ་སྤོས་ཀྱི་ཆུ། །ཡིད་འོང་ལེགས་པར་བཀང་བ་

(༤༠༤)གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། །དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བསྒོས་པས་སྐུ་ཕྱིའོ། །དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་པ་སྣ་ཚོགས་དང་། །རྒྱན་མཆོག་བརྒྱ་ཕྲག་དེ་དང་དེ་དག་གིས། །འཕགས་པ་ཀུན་ཏུ་བཟང་དང་འཇམ་དབྱངས་དང་། །འཇིག་རྟེན་དབང་ཕྱུག་སོགས་ལའང་བརྒྱན་པར་བགྱི། །སྟོང་གསུམ་ཀུན་ཏུ་དྲི་ངད་ལྡང་བ་ཡི། །དྲི་མཆོག་རྣམས་ཀྱིས་ཐུབ་དབང་ཀུན་གྱི་སྐུ། །གསེར་སྦྱངས་བཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུག་པར་བགྱི། །བདུན་པ་མཆོད་པ་ནི་ལྷ་མོ་བཅུ་དྲུག་གི་མཆོད་ཕྲེང་བྱ། བརྒྱད་པ་ནི་མཎྜལ་རྒྱས་པ་འབུལ། དགུ་པ་བསྟོད་པ་ནི། ཐུགས་རྗེ་ཆེན་པོའི་བདག་ཉིད་ནི། །ཆུ་སྐྱེས་ཞལ་གྱི་གེ་སར་ལས། །གྲངས་གསོག་གི་ཚེ་མེ་ཏོག་དམ་པ་སོགས་ཤློ་ཀ་གསུམ་གྱིས་འཐུས། །རྣམ་སྤྲུལ་ལྷ་མོ་མྱུར་དཔའ་སྒྲོལ། །འཇིགས་པ་ཐམས་ཅད་སྐྱོབས་ལ་འདུད། །ཉོན་མོངས་ཆུ་གཏེར་ཆེན་པོའི་ཀློང་། །རྣམ་པར་འཁྱམས་པའི་སེམས་ཅན་ཀུན། །གཏི་མུག་གླང་པོའི་གཞན་དབང་གིས། །ཟིལ་གྱིས་ནོན་སྐྱོབ་

(༤༠༥)མ་ལ་འདུད། །འདོད་སྲེད་གོམས་དང་ཆོས་ཉིད་དོན། །ཡུལ་ལ་འཆིང་བའི་ལྕགས་སྒྲོག་དང་། །ཀུན་ནས་དཀྲིས་པའི་ཐེ་ཚོམ་གྱི། །ཤ་ཟའི་འཇིགས་པ་སྐྱོབས་ལ་འདུད། །འདོད་པ་ཆུ་བོའི་དབའ་རླབས་དང་། །དེ་བཞིན་ཞེ་སྡང་གོམས་པ་ལས། །གྱུར་པའི་རྒྱུ་མཐུན་གཏུམ་པོའི་མེ། །ཅིག་ཅར་གསོད་མཛད་མ་ལ་འདུད། །གོ་འཕང་མཆོག་ལ་ཆོམ་རྐུན་གྱི། །བརྟུལ་ཞུགས་འཇིག་ཚོགས་ལ་བལྟ་དང་། །སྣང་བ་དགྲར་གྱུར་ཕྲག་དོག་གི། །ལྟོ་འགྲོའི་འཇིགས་པ་སྐྱོབ་ལ་འདུད། །ང་རྒྱལ་སེང་གེའི་སྡེར་མོ་ཡིས། །ཚུལ་ཁྲིམས་ལྟ་བ་མཆོག་འཛིན་དང་། །རྒྱལ་པོའི་ཆད་པ་དགྲ་གདོན་མཛེ། །བཤེས་བྲལ་དབུལ་ཕོངས་གནམ་ལྕགས་ཐོག །དོན་ཉམས་ལ་སོགས་འཇིགས་པའི་ཚོགས། །མ་ལུས་སྐྱོབ་ལ་བདག་བསྟོད་དོ། །ཞེས་དང་བཅུ་པ་ཕྱག་འཚལ་བ་ནི། བན་ཡོན་དྲན་པའི་སྒོ་ནས་ཕྱག་དང་བཅས། ཨོཾ་རྗེ་བཙུན་མ་འཕགས་མ་སྒྲོལ་མ་ལ་ཕྱག་འཚལ་ལོ། །ཕྱག་འཚལ་སྒྲོལ་མ་མྱུར་མ་དཔའ་མོ། །སོགས་ནས། འཇོམས་པ་ཏུ་རེའི་རབ་མཆོག་ཉིད་མ། །ཞེས་པའི་བར་གྱི་ཕྱག་འཚལ་ཚར་གཉིས་བྱ། །བཅུ་གཅིག་པ་མཎྜལ་བསྙེན་པ་ནི། རྗེ་བཙུན་མའི་ཐུགས་

(༤༠༦)ཀར་པདྨ་དང་ཟླ་བའི་དལ་ལ་ཏཱཾ་ཡིག་ལྗང་གུའི་མཐར་སྔགས་ཕྲེང་གིས་བསྐོར་བ་ལ་དམིགས་ནས། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། །ཞེས་པ་ཡི་གེ་བཅུ་པའི་བསྙེན་པ་སྟོང་ཕྲག་བཅུ་སྔོན་དུ་སོང་ན་རབ་མ་སོང་ན་སྟོང་ཕྲག་གཅིག་བཟླས་རྗེས། ཕྲིན་ལས་ཁ་བསྒྱུར་གྱི་བཟླས་པ་ནི། དང་པོར་བསོད་ནམས་འཕེལ་བའི་རྒྱུ་བྱང་ཆུབ་ཀྱི་སེམས་རྒྱས་པར་འདོད་ན། རྩ་སྔགས་ལ། བྷོ་དྷི་ཙིཏྟ་སྭཱ་ཧཱ། ཞེས་པ་དང་། དེ་བཞིན་དུ་འཇིགས་པ་ཆེན་པོ་བརྒྱད་སྐྱོབས་པར་འདོད་ན་སྭཱ་ཧཱའི་གོང་དུ། དཱ་ན་ཏྲ་ཡ་སྦྱར། ཤེས་རབ་འཕེལ་བ་ལ། པྲཛྙཱ་ཧྲཱི༚་ཧྲཱི༚། བསོད་ནམས་བསྐྱེད་པ་ལ། མ་ཧཱ་པུཎྱེ། ཚེ་སྒྲུབ་ན། ཨཱ་ཡུར་དཱ་ཏེ་བྷྲཱུྃ། དབང་བྱེད་ལ། ཀུ་རུ་ཀུལླེ་ནྀྲ་ཛ གདོན་ལ། སརྦ་བིག་ནན་བཾ་ཧཱུྃ་ཕཊགཡུལ་ངོ་སོགས་ལ། བཛྲ་ཏ་ཀ་ཧ་ན་ལི་ཙ་ཕཊམཚང་འབྲུ་བ་ལ། ད་ཧ་པ་ཙ་ཧཱུཾ་ཕཊ འཇིག་རྟེན་དབང་དུ་བྱེད་ན། ལོ་ཀ་པཱ་ཤཾ་ཀུ་རུ། དབུལ་བ་སེལ་ན། མ་མ་བ་སུ་པུཥྚི༚་ཀུ་རུ། བུ་དཔལ་ཆར་ཆུ་སྤེལ་ན། མངྒ་ལ་ཤྲི་མ་ཧཱ་པཱ་ཎི། འགྱེད་པ་ལ། བཛྲ་ཛྭ་ལ་ཕཊ་ཕཊརཀྵ་རཀྵ ཕུང་བྱེད་ལ། ཧཱུྃ་ཧཱུྃ་ཧཾ་ཤཾ་ཏྲིག་ནན་ཕཊ སྡིག་པ་ལ། སརྦ་པཱ་པཾ་ག་ཏེ་ག་ཏེ། བྱད་ཕུར་ལ། ཏྲཾ་དུ་ཏྲི་ན་ཏྲཾ་དུ་ཕཊ དགྲ་ཇག་དང་གཅན་གཟན་ལ། ཧཱུཾ་ཧཱུཾ་བཾ་ཧོ དུག་རིགས་ལ། སརྦ་བི་

(༤༠༧)ཥ་ཏར་ཕཊརྩོད་པ་དང་རྨི་ལམ་ངན་པ་ལ། ཧཱུྃ་ཧཱུྃ་ཕཊ་ཕཊ་རཀྵ་རཀྵ་མཱཾ། རིམས་ནད་ལ། ནཱ་མ་ཏཱ་རེ་མ་ནོ་ཧ་ར་ཧཱུྃ་ཧ་ར་སྭཱ་ཧཱ། ནད་པའི་བླ་ཚེ་བསླུ་ན། མ་རི་ཙྱཻ་ཚེ་བྷྲཱུཾ་ནྀྲ་ཛ་སྭཱ་ཧཱ། དེ་དག་གི་དམིགས་གནད་ཁྱད་པར་བ་ནི་བདེ་སྙིང་གཏེར་བུམ་ལས་རྟོགས་པར་བྱ་ཞིང་། ལས་སྒྲུབ་སོ་སོའི་ཕྱག་འཚལ་ཁོལ་བཏོན་བརྒྱ་རྩ་བརྗོད་པ་མན་ངག་གོ །བཅུ་གཉིས་པ་གསོལ་བ་བཏབ་པ་ནི། །ཏཱ་རེ། ཞེས་མཚན་སྔགས་བརྒྱ་ཕྲག་གསུམ་གྱིས་བོས་ནས། རྗེ་བཙུན་བཅོམ་ལྡན་འདས་མ་ཐུགས་རྗེ་ཅན། །བདག་དང་མཐའ་ཡས་སེམས་ཅན་ཐམས་ཅད་ཀྱི། །སྒྲིབ་གཉིས་བྱང་ཞིང་ཚོགས་གཉིས་མྱུར་རྫོགས་ནས། །རྫོགས་པའི་སངས་རྒྱས་ཐོབ་པར་མཛད་དུ་གསོལ། །དེ་མ་ཐོབ་ཀྱི་ཚེ་རབས་ཀུན་ཏུ་ཡང་། །ལྷ་དང་མི་ཡི་བདེ་བ་མཆོག་ཐོབ་ནས། །ཐམས་ཅད་མཁྱེན་པ་སྒྲུབ་པར་བྱེད་པ་ལ། །བར་གཅོད་གདོན་བགེགས་རིམས་དང་ནད་ལ་སོགས། །དུས་མིན་འཆི་བར་གྱུར་པའི་ནད་རྣམས་དང་། །རྨི་ལམ་ངན་དང་མཚན་མ་ངན་པ་དང་། །འཇིགས་པ་བརྒྱད་སོགས་ཉེ་བར་འཚེ་བ་རྣམས། །མྱུར་དུ་ཞི་ཞིང་མེད་པར་མཛད་དུ་གསོལ། །འཇིག་རྟེན་འཇིག་

(༤༠༨)རྟེན་ལས་ནི་འདས་པ་ཡི། །བཀྲ་ཤིས་བདེ་ལེགས་ཕུན་སུམ་ཚོགས་པ་རྣམས། །འཕེལ་ཞིང་རྒྱས་པའི་དོན་རྣམས་མ་ལུས་ཀུན། །འབད་མེད་ལྷུན་གྱིས་གྲུབ་པར་མཛད་དུ་གསོལ། །སྒྲུབ་ལ་བརྩོན་ཞིང་དམ་ཆོས་འཕེལ་བ་དང་། །རྟག་ཏུ་ཁྱེད་བསྒྲུབ་ཞལ་མཆོག་མཐོང་བ་དང་། །སྟོང་ཉིད་དོན་རྟོགས་བྱང་སེམས་རིན་པོ་ཆེ། །ཡར་ངོའི་ཟླ་ལྟར་འཕེལ་ཞིང་རྒྱས་པར་མཛོད། །རྒྱལ་བའི་དཀྱིལ་འཁོར་བཟང་ཞིང་དགའ་བ་དང་། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བས་མངོན་སུམ་དུ། །ལུང་བསྟན་པ་ཡང་བདག་གིས་དེར་ཐོབ་ཤོག །བདག་གིས་ཚེ་རབས་ཀུན་ཏུ་བསྒྲུབས་པའི་ལྷ། །དུས་གསུམ་སངས་རྒྱས་ཀུན་གྱི་ཕྲིན་ལས་མ། །སྔོ་ལྗང་ཞལ་གཅིག་ཕྱག་གཉིས་མྱུར་ཞི་དཔལ། །ཡུམ་གྱུར་ཨུཏྤལ་བསྣམས་པའི་བཀྲ་ཤིས་ཤོག །ཅེས་དང་། ཕན་བདེ་འབྱུང་བའི་གནས་གཅིག་པུ། སོགས་དང་། ལྷ་ཡང་དུས་སུ་ཆར་འབེབས་ཤིང་ལོ་ཏོག་ཕུན་སུམ་ཚོགས་པར་ཤོག །རྒྱལ་པོ་ཆོས་བཞིན་བྱེད་པ་དང་། །འཇིག་རྟེན་དག་ཀྱང་དར་བར་ཤོག །སོགས་ཀྱིས་སྨོན་ལམ་གདབ་བོ། །མཎྜལ་གཉིས་པ་ནི། ལྷ་དང་ལྷ་མིན་ཅོད་

(༤༠༩)པན་གྱིས། །སོགས་དང་། རྗེ་བཙུན་འཕགས་མ་སྒྲོལ་མ་དང་། སོགས་པའི་ཡན་ལག་བདུན་པ་ནས། ཁྲུས་གསོལ། མཆོད་ཕྲེང་། མཎྜལ། བསྟོད་པ། ཕྱག་འཚལ་ཉེར་གཅིག་ཚར་གསུམ་བཟླས་པ། གསོལ་གདབ་སྨོན་ལམ་གྱི་བར་སྔར་བཞིན་།།།ལྡབ། དེ་བཞིན་དུ་མཎྜལ་གསུམ་པ་ལའང་ཕྱག་འཚལ་ཉེར་གཅིག་ཚར་བདུན་སྦར་བའི་ཁྱད་པར་ཙམ་མོ། །གྲངས་གསོག་བྱེད་ན་འདི་ཡན་ཆད་བལྡབ། གསུམ་པ་རྗེས་ཀྱི་རིམ་པ་ལ་ལྔ་ལས། དང་པོ་གཏོར་མ་འབུལ་བ་ལ། ཆ་བཞིའི་དང་པོ་རྗེ་བཙུན་མ་ལ་འབུལ་བ་ནི། ཁ་པོ་ཏ་ལར་བལྟས་པའམ། འདུན་པ་བཅོས་ཏེ། ལག་པ་རྡོ་རྗེ་ཐལ་མོ་སྙིང་ཁར་སྦྱར་ནས། གཏོར་མ་བསང་སྦྱངས། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་དུ་ཨོཾ་ཨཱཧཱུྃ་འོད་དུ་ཞུ་བ་ལས་བྱུང་བའི་ལྷ་རྫས་འདོད་ཡོན་གྱི་ཕུང་པོ་ཟད་མི་ཤེས་པར་གྱུར། འབྲུ་གསུམ་ལན་བདུན་གྱིས་བརླབས། ལྗགས་རྡོ་རྗེའི་སྦུ་གུ་ཅན་གྱིས་གཏོར་མའི་བཅུད་དྲངས་ཏེ་གསོལ་བར་བསམ། ན་མསརྦ་བུདྡྷ་བོ་དྷི་སཏྭཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཧེ་ཧེ་བྷ་ག་ཝ་ཏེ་མ་ཧཱ་སཏྭཱ་སརྦ་བུདྡྷ་ཨ་ཝ་ལོ་ཀི་ཏེ། མ་བི་ལཾ་བ། མ་བི་ལཾ་བ། ཨི་དཾ་བ་ལི༚་ཏ་གྲྀཧྞཱ་པ་ཡ་གྲྀཧྞཱ་པ་ཡ་ཧཱུཾ་ཧཱུཾཛ་ཛ་སརྦ་བི་པཉྩ་རེ་སྭཱ་ཧཱ། ཞེས་ལན་གསུམ་གྱི་མཐར། རྗེ་བཙུན་མ་སྒྲོལ་མས་

(༤༡༠)བདག་ལ་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་མ་ལུས་པ་སྩོལ་བ་དང་། །འཇིགས་པ་ཆེན་པོ་བརྒྱད་ལ་སོགས་པ་ལས་ཐར་བར་མཛད་དུ་གསོལ། །སྲིད་པའི་དུཁ་ཐམས་ཅད་ཞི་བར་མཛད་དུ་གསོལ། ཆ་གཉིས་པ། ཨ་ཀཱ་རོ་མུ་ཁཾ་གསུམ་གྱིས་རྡོ་རྗེའི་ཆོས་སྐྱོང་རྣམས་ལ་འབུལ་ལོ། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱིས་སྡོང་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཕྱུགས་འཕེལ་བ། །དགེ་ལེགས་ཕུན་སུམ་ཚོགས་པའི་གནས། །ཡིད་ལ་འདོད་པ་ཀུན་འགྲུབ་ཤོག །གིས་ཕྲིན་ལས་བཅོལ། ཆ་གསུམ་པ་ཨ་ཀཱ་རོ་མུ་ཁཾ་གསུམ་དང་། གཞི་བདག་གཉུག་མའི་གནས་པ་ལ་འབུལ་

(༤༡༡)ལོ། །གནས་མགྲོན་གྱི་དམ་ཚིག་བསྲུང་བ་དང་འགོ་ཞིང་སྡོང་གྲོགས་གཉེན་པོ་མཛད་དུ་གསོལ། ཆ་བཞི་པ། ན་མསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་སོགས་གསུམ། །རིགས་དྲུག་སྙིང་རྗེའི་མགྲོན་ལ་བསྔོའོ། །མྱུར་དུ་བླ་ན་མེད་པ་སངས་རྒྱས་ཀྱི་གོ་འཕང་ཐོབ་པར་གྱུར་ཅིག །དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམ་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་དང་བྲལ་བ་ལ་ཕྱག་འཚལ་ལོ། །སྡིག་པ་ཅི་ཡང་མི་བྱ་ཞིང་། །སོགས་དང་། །སྦྱིན་པ་རྒྱ་ཆེན་གྱུར་པ་སོགས་སྨོན་ལམ་གདབ། གཉིས་པ་ནོངས་བཤགས་ནི། །མ་འབྱོར་བ་དང་ཉམས་པ་དང་། །གཙོ་བོ་ནུས་པ་མ་མཆིས་པས། །འདིར་ནི་བགྱི་བ་གང་བགྱིས་པ། །དེ་ཀུན་མགོན་པོས་བཟོད་པར་མཛོད། །ཆད་པ་དང་ནི་ལྷག་པ་དང་། །ཆོ་གའི་ཡན་ལག་ཉམས་པ་སོགས། །བདག་གི་བརྗེད་ངས་ཅི་མཆིས་པ། །དེ་ཀུན་ཁྱེད་ཀྱིས་བཟོད་པར་གསོལ། །ཅེས་དང་། ཡི་གེ་བརྒྱབ་ལན་གསུམ་བརྗོད། གསུམ་པ་ནི་རྟེན་ལ་བརྟན་

(༤༡༢)བཞུགས་དང་། གློ་བུར་པ་རྣམས་ལ། །ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །སོགས་ཀྱིས་གཤེགས་གསོལ་བྱ། བཞི་བ་དགེ་བ་བསྔོ་བ་ནི། །དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་རྫོགས་ཤིང་། །བསོད་ནམས་ཡེ་ཤེས་ལས་བྱུང་བའི། །དམ་པ་སྐུ་གཉིས་ཐོབ་པར་ཤོག །བསོད་ནམས་སྟོབས་ཆེན་འདི་ཡི་མཐུས། །སྦྱིན་བདག་འཁོར་དང་བཅས་རྣམས་ལ། །ཚེ་འདིར་བསམ་པའི་དོན་གྲུབ་ཅིང་། །བར་ཆད་ཞི་ནས་བཀྲ་ཤིས་པ། །བསམ་པ་འགྲུབ་པའི་བཀྲ་ཤིས་ཤོག །གཞན་ཡང་སྐྱེ་བ་འདི་ཉིད་དུ། །མི་མཐུན་ཕྱོགས་ཀུན་ཞི་བ་དང་། །ཚེ་རིང་ནད་མེད་ཕུན་སུམ་ཚོགས། །གཏན་དུ་བདེ་བ་ཐོབ་པར་ཤོག །སངས་རྒྱས་སྐུ་གསུམ་བརྙེས་པའི་སོགས་བརྗོད། ལྔ་བ་ཤིས་བརྗོད་ནི། །ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །ཞེས་སོགས་ཀྱིས་མཐའ་རྒྱས་སུ་བྱའོ། །དེ་ལྟར་སྒྲོལ་མ་མཎྜལ་བཞི་པར་གྲགས་པའི་ཆོ་ག་ལ་ཡིག་ཆ་མང་དུ་སྣང་ཡང་། རྩ་བའི་ཁུངས་ནི་སློབ་དཔོན་ཀླུ་སྒྲུབ་ཀྱིས་སྒྲོལ་མ་མངོན་པར་འབྱུང་བའི་རྒྱུད་ལ་བརྟེན་ནས་བསྡུ་བ་མཛད་པ་ཉིད་ཀྱང་དེ་ཉིད་ཀྱི་མངོན་རྟོགས་རང་ས་མ་ཟིན་པ་དང་། ཚིག་ཚོགས་ལ་ཐལ་བ་རྣམས་བཏང་སྙོམས་སུ་བྱས་ཤིང་། མན་

(༤༡༣)ངག་ལས་བྱུང་བ་འགའ་ཞིག་གསར་དུ་བསྣན་ནས་ཀླགས་ཆོག་ཏུ་བཀོད་པ་འདི་ཡང་མདོ་ཁམས་པ་འཇིགས་མེད་ཕྲིན་ལས་འོད་ཟེར་གྱིས་ནན་ཏན་ཆེན་པོའི་ངོར་རྒྱལ་བའི་མྱུ་གུ་མཁྱེན་བརྩེའི་ལྷས་སོ། །ཀླུ་དབང་ཞལ་ལུང་ཀུན་མཁྱེན་དགོངས་པའི་བཅུད། །མཚན་ཐོས་ཙམ་གྱིས་འཇིག་པ་ཀུན་སེལ་བ། །རྗེ་བཙུན་སྒྲོལ་མའི་མཎྜལ་ཆོ་ག་འདི། ཁྱབ་དག་བླ་མའི་ཞབས་པད་རྟག་བརྟན་ཕྱིར། །བཀྲ་ཤིས་དུང་དཀར་འཁྱིལ་པའི་ཆོས་སྒར་དུ། །ལྷག་བསམ་དག་པས་སྤར་དུ་བསྐྲུན་པའི་དགེས། །རིག་འཛིན་ཆེན་པོ་སྣ་ཚོགས་རང་གྲོལ་ཉིད། །བསྐལ་བརྒྱར་འཚོ་གཞེས་ཕྲིན་ལས་ལྷུན་གྱིས་གྲུབ། །ཐུགས་སྲས་རྣལ་འབྱོར་རིག་འཛིན་གོང་འཕེལ་ཞིང་། །ཐེག་མཆོག་བསྟན་པའི་ཉི་མ་འབར་གྱུར་ཅིག །ཞེས་རྣམ་དཀར་སྒྲུབ་པ་པོ་སློབ་འབངས་ལས་རབ་རྡོ་རྗེས་སྨྲས་པ་དགེའོ། །དགེའོ། །དགེའོ། །

(༤༡༤)

(༤༡༥)འུྃ ཡུམ་ཀ་མཁའ་འགྲོ་བདེ་ཆེན་རྒྱལ་མོ་ལས མཁའ་འགྲོའི་བསུན་ཟློག་ངོ་མཚར་སྣང་བ་བཞུགས

(༤༡༦)འུྃ སྣ་ཚོགས་ཡུམ་ལ་ཕྱག་འཚལ་ལོ རིག་འཛིན་རྣམས་ལ་དཔའ་བོ་དང་ མཁའ་འགྲོའི་བསུན་མ་བཟློག་ཐབས་བསྟན ལས་དཀྱིལ་པདྨ་འདབ་བཞིའི་དབུས ཆོས་འབྱུང་བསྣོལ་མ་དགའ་འཁྱིལ་ཅན འདབ་བཞིར་རིགས་བཞིའི་ཕྱག་མཚན་བྲི དབུས་སུ་འཁར་གཞོང་གཙང་མའི་ནང་ སྐུ་མཁར་གྲུ་བཞི་པུ་ཤུ་ཅན དེ་སྟེང་རིགས་ལྔའི་འབྲང་རྒྱས་བཀོད དབུས་སུ་ཁམས་མཐུན་ནམ་མཁའ་དང་ ཕྱོགས་བཞིར་རིགས་བཞིའི་མདོག་ཅན་བཞི རྒྱང་བུ་མདའ་འཕང་ཤིང་རིས་གཟུགས དཀོར་ཆ་བཟའ་བཏུང་ཚོགས་ཚད་དང་ ལྷོ་བྱང་ལ་ཀླུང་མཐུན་རྫས་དང་ གསེར་གཡུ་དཀར་མངར་ཕུད་སྐྱེམས་གསག ཁྱད་པར་ཚོགས་འཁོར་བཟང་པོ་དང་ མཁའ་

(༤༡༧)འུྃ འགྲོ་སྡེ་ལྔའི་གཏོར་མ་བཤམ ཉེ་ལོགས་བླ་གླུད་བཟང་པོ་ལ གླུད་ཕྲན་བསྒྲུབ་བྱའི་ལོ་གྲངས་བསྐོར མཐེབ་ཀྱུ་ཤ་དུམ་རིལ་བུ་དང་ ཆང་བུའི་གྲངས་ཀྱང་དེ་བཞིན་ནོ དེ་ནས་བདག་བསྐྱེད་བཟླས་པའི་རྗེས ཕཊ་ཛས་མདུན་བསྐྱེད་འཛབ་ཁང་དབྱེ མཁའ་འགྲོའི་ཐུགས་ཀར་པད་ཟླའི་སྟེང་ གཙུག་ཏོར་རྣམ་རྒྱལ་གསེར་མདོག་ཅན ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས ཨུཏྤལ་ལ་གནས་ཚེ་བུམ་འཛིན འོད་ཟེར་སྤྲོ་བསྡུས་འཁོར་འདས་ཀྱི དངས་བཅུད་བདག་ལ་ཐིམ་པར་བསམ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་

(༤༡༨)ཏུ་རེ་ཨཱ་ཡུར་ད་ཏེ་བྷྲཱུྃ་སྭཱ་ཧཱ ཞེས་བཟླས་མདུན་རྟེན་དཀྱིལ་འཁོར་སྒྲུབ བསུན་བཟློག་རྐྱང་པར་བསྒྲུབ་མི་དགོས དེ་ནས་ལས་བུམ་རྨེ་བརྩེགས་སྒྲུབ ལས་དཀྱིལ་སྒྲུབ་པ་འདི་ལྟ་སྟེ ཨོཾ་མ་ཧཱ་ཤུ་ནྱ་ཏཱས་སྟོང་པར་སྦྱངས སྟོང་པའི་ངང་ལས་སྣང་སྲིད་འཁོར་འདས་ཀྱི་ཆོས་ཐམས་ཅད་རྡོ་རྗེ་བཙུན་མོའི་བྷ་ག་རྣམ་ཐར་གསུམ་དང་ལྡན་པའི་ཆོས་འབྱུང་བསྣོལ་མས་མཚན་པའི་དབུས་སུ་གནས་གསུམ་གྱི་དཔའ་བོ་དང་མཁའ་འགྲོ་འདུ་བའི་ཞིང་ །ཨོ་རྒྱན་དྷུ་མ་ཐ་ལ་གཙོ་བོར་གྱུར་པའི་མཐའ་སྐོར་དུ ཛ་ལནྡྷ་ར པུལླཱི་ར་མ་ལ ཨརྦུ་ཏ རསྨི་ཤྭ་རཱ གཽ་ཏཱ་ཝཱ་རཱི དེ་ཝཱི་ཀོ་ཊཱ མཱ་ལ་ཝ་སྟེ་གནས་དང་ཉེ་བའི་གནས་རྣམ་པ་བརྒྱད ཀཱ་མ་རཱུ ཨཽ་ཊི་ཡ ཏྲི་ཤ་ཀུ ཀོ་ས་ལ ཀ་ལིངྒ་ ལཾ་པཱ་ཀ་སྟེ་ཞིང་དང་ཉེ་བའི་ཞིང་རྣམ་པ་དྲུག ཀཉྩི་ཀ་དང་ཧི་མཱ་ལ་ཡ་སྟེ་ཚནྡྷོ་དང་ཉེ་བའི་ཚནྡྷོ་རྣམ་པ་གཉིས པྲེ་ཏ་པུ་རི གྲྀ་ཧ་དེ་ཝ སཽ་རཱཥྚ སུ་ཝརྞ་དྭཱི་པ་སྟེ་འདུ་བ་དང་ཉེ་བའི་འདུ་བ་རྣམ་པ་བཞི ནཱ་ག་ར སི་ན མ་རུ ཀུ་ལུ་ཏཱ་སྟེ་འཐུང་སྤྱོད་དང་ཉེ་བའི་འཐུང་སྤྱོད་རྣམ་པ་བཞི་རྣམས་ལས་ཡུལ་ཉི་ཤུ་རྩ་བཞིའམ ཧེ་རུ་ཀའི་གནས་བཅུ འཁོར་བ་མྱང་འདས་སུ་སྒྲོལ་བའི་

(༤༡༩)དུར་ཁྲོད་ཆེན་པོ་བརྒྱད མདོར་ན་ས་བཅུ་དང་ལམ་ལྔའི་ཡོན་ཏན་སྟོབས་སུ་གྱུར་པའི་གནས་སུམ་ཅུ་རྩ་གཉིས་ལ་སོགས་པ་རྣམས་དང་རང་བཞིན་གར་བཞུགས་ཀྱི་གནས་ནས་དཔའ་བོ་དང་མཁའ་འགྲོའི་ཚོགས་ཏིལ་གྱི་གོང་བུ་རྡོལ་བ་བཞིན་ཏུ་སྤྱན་དྲངས་པར་གྱུར སྤོས་རོལ་དང་དབྱངས་སྙན་པོས ཧཱུྃ ཡུལ་གྱི་མིང་ནི་རྒྱ་གར་ཡུལ གནས་ཀྱི་མཆོག་གྱུར་ཨོ་རྒྱན་གནས དྷུ་མ་ཐ་ལ་མཁའ་འགྲོའི་གྲོང་ གླིང་གི་གླིང་མཆོག་རྔ་ཡབ་གླིང་ དོན་ལ་འོག་མིན་བདེ་ཆེན་ཞིང་ རྣམ་པ་མཁའ་སྤྱོད་སྤྲུལ་པའི་གནས རབ་ཏུ་དགའ་དང་དྲི་མ་མེད གནས་དང་ཉེ་བའི་གནས་ཡིན་ཏེ དེ་བཞིན་ཞིང་དང་ཉེ་ཞིང་དང་ ཚནྡྷོ་ཉེ་བའི་ཚནྡྷོ་ འདུ་དང་ཉེ་བའི་འདུ་བ་དང་ འཐུང་སྤྱོད་ཉེ་བའི་འཐུང་སྤྱོད་ཉིད ཕ་རོལ་ཕྱིན་བཅུའི་སར་རྫོགས་པ ཉེ་བའི་དུར་ཁྲོད་ཆོས་ཀྱི་སྤྲིན དཔེ་མེད་ཡེ་ཤེས་ཡེ་ཤེས་ཆེ རྡོ་རྗེ་འཛིན་དབང་ས་རྣམས་ནས དཔའ་བོ་དང་ནི་རྣལ་འབྱོར་མ མཁའ་འགྲོ་དང་ནི་མཁའ་འགྲོ་མ མ་ལུས་འདིར་སྤྱོན་དགྱེས་པར་བཞུགས གནས་མཆོག་འདི་རུ་བྱིན་ཕོབ་ལ

(༤༢༠)སྒྲུབ་མཆོག་བདག་ལ་དབང་བཞི་བསྐུར བགེགས་དང་ལོག་འདྲེན་བར་ཆད་སོལ མཆོག་དང་ཐུན་མོང་དངོས་གྲུབ་སྩོལ ཨོཾ་པདྨོ་ཡོ་གི་ནི་ཛྙཱ་ན་ཝཱ་རཱ་ཧཱི་ཧ་རི་ནི་ས་ར་ཙ་ཧྲི་ཡ་ཙིཏྟ་ཧྲི༚་ཧྲི༚་ཛཛ ཞེས་སྤྱན་དྲངས དེ་ལྟར་དྲངས་པའང་ནང་ལྟར་དུ་རང་ལུས་ཀྱི་ཁམས་ཉི་ཤུ་རྩ་བཞི་པོ་དང་དབྱེར་མེད་དུ་གདོད་ནས་འདྲེས་པའི་ངེས་པ་བརྟན་པར་བྱས་པ་ལ་ཚོགས་ཀྱི་འཁོར་ལོ་ཕྱི་ནང་གསང་གསུམ་གྱིས་མཉེས་པར་བྱས་པས་ཁམས་ཀྱི་ཐིག་ལེའི་ཚོགས་ཀྱི་རྣམ་པར་འགྱུར་བ་མི་བརྟེན་ལ་རྒས་ཤིང་རྒུད་པ་དང་འཆི་བའི་ངང་ཚུལ་ལས་བཟློག་པར་བྱེད་པ་ནི་དོན་དམ་པར་མཁའ་འགྲོའི་བསུན་མ་བཟློག་པའི་གནད་ཕལ་གྱིས་མི་རྟོགས་པ་ཉིད་ཡིན་པ་ལས དང་པོ་ཕྱིའི་ཚོགས་ནི ཧཱུཾ བདེ་བ་ཆེན་པོའི་སྣོད་མཆོག་ཏུ ཚོགས་ཀྱི་འཁོར་ལོའི་ལོངས་སྤྱོད་ནི སོགས་ལས་བྱང་ལྟར་ལྷག་མའི་བར་བྱའོ དེ་ནས་ནང་དང་གསང་བའི་ཚོགས་ནི་མན་ངག་ལྟར་བྱའོ དེ་ནས་ཀུན་རྫོབ་རྟེན་ཅིང་འབྲེལ་འབྱུང་གི་བསུན་ཁ་བཟློག་པ་ནི གཞོན་ནུ་མ་གྲོང་པའི་ཆོས་ཀྱིས་མ་གོས་པ་ལྔའམ དེ་ཡང་རིགས་བཟང་དཔལ་ཅན་འཛོམ་ན་རབ དེ་མིན་ཆས་ཞུགས་པ་ལྔས་དང་པོ་བསུ་བའི་ཚུལ་དུ་རང་མདོག་དང་མཐུན་པའི་དར་ཚོན་གཅིག་པ་རེ་ལག་པ་གཉིས་ཀས་བཟུང་བའི་སྣེ་མོ་

(༤༢༡)རྡོ་རྗེ་སློབ་དཔོན་གྱི་སྟན་འོག་ཏུ་ཚུད་པ་ནས་ཅུང་ཟད་གཡབ་ཅིང་ ཀྱེ གསོན་ཅིག་འདིར་ཚོགས་སྐྱེས་བུ་རྣམས ཁྱེད་ལ་འབོད་པའི་དོན་ཅི་འཚལ བདག་ལ་འོང་བའི་གལ་འདི་མཆིས འདི་ནས་ཤར་གྱི་ཕྱོགས་རོལ་ན མངོན་པའི་དགའ་བའི་ཞིང་ཁམས་ཡོད དེ་བཞིན་ལྷོ་ན་དཔལ་ལྡན་བརྩེགས ནུབ་ན་པདྨ་བརྩེགས་པ་དང་ བྱང་ན་ལས་རབ་གྲུབ་པ་ཡོད ཤར་ལ་སོགས་པའང་བཏགས་པ་ཙམ བརྟགས་པ་ཙམ་ནས་མིང་ཞིག་གྲུབ དེ་ལ་ཞིང་དང་གནས་ཞེས་གྲགས ཁྱད་པར་དཔའ་བོ་མཁའ་འགྲོ་ཡི སྤྲུལ་པའི་ཞིང་ཁམས་བསམ་ལས་འདས མཁའ་སྤྱོད་དག་པའི་ཞིང་ནས་འོངས ཉི་ཤུ་རྩ་བཞིའི་ཡུལ་ནས་འོངས དུར་ཁྲོད་ཆེན་པོ་བརྒྱད་ནས་འོངས དཔའ་བོ་མཁའ་འགྲོའི་གནས་ནས་འོངས འོང་བ་གང་གི་དོན་ཡིན་ན འདི་ན་བཞུགས་པའི་སྐྱེས་མཆོག་ལ གདུང་ཞིང་འཕྲེང་བའི་སེམས་ཀྱིས་འོངས སྐྱེ་བོ་དད་མེད་བསམ་བརླག་ལ ཁྲེལ་ཞིང་གཤུང་བའི་སེམས་ཀྱིས་འོངས ཚེ་ལ་ལོག་ལྟ་སྒྲོ་སྐུར་གཟན གྲིབ་ལ་དམ་ཚིག་ཉམས་པ་ཐུ ནད་ལ་འདུ་བ་རྣམ་བཞི་ལྡང་ རྩ་

(༤༢༢)རླུང་ཐིག་ལེའི་གནད་འཕྱུགས་ན སྐྱེས་མཆོག་བཞུགས་པའི་གནས་མ་མཆིས ང་ནི་རྡོ་རྗེ་ཌཱཀྐི་ནི འཁོར་ཡང་འབུམ་ཕྲག་ཡངས་པས་བསྐོར འཇའ་ཚོན་དཀར་པོའི་དར་ལམ་ལ རིག་འཛིན་བླ་མ་གཤེགས་རེ་རན མངོན་པར་དགའ་བ་ཉམས་རེ་དགའ དེ་ན་སྐྱེ་དང་འཆི་བ་མེད རྒ་དང་ན་བ་ག་ལ་སྲིད དེ་ན་དམ་ཚིག་ཉམས་པ་མེད དེ་ན་ལོག་ལྟ་ཅན་ཡང་མེད བླ་མའི་བཞུགས་གནས་དེ་རུ་བཟང་ ལམ་ལ་དར་ལམ་དཀར་པོ་འཇམ སྐྱེས་བུ་ཆེན་པོ་དེར་གཤེགས་ཤིག ང་ནི་རིན་ཆེན་ཌཱཀྐི་ནི འཁོར་ཡང་འབུམ་ཕྲག་ཡངས་པས་བསྐོར འཇའ་ཚོན་སེར་པོའི་དར་ལམ་ལ རིག་འཛིན་བླ་མ་གཤེགས་རེ་རན དཔལ་ལྡན་བརྩེགས་པ་དངས་རེ་སྤྲོ དེ་ན་སྐྱེ་དང་འཆི་བ་མེད རྒ་དང་ན་བ་ག་ལ་སྲིད དེ་ན་དམ་ཚིག་ཉམས་པ་མེད དེ་ན་ལོག་ལྟ་ཅན་ཡང་མེད བླ་མའི་བཞུགས་གནས་དེ་རུ་བཟང་ ལམ་ལ་དར་ལམ་སེར་པོ་འཇམ སྐྱེས་བུ་ཆེན་པོ་དེར་གཤེགས་ཤིག ང་ནི་པདྨ་ཌཱཀྐི་ནི འཁོར་ཡང་འབུམ་ཕྲག་ཡངས་པས་བསྐོར འཇའ་ཚོན་དམར་མོའི་དར་ལམ་ལ རིག་འཛིན་བླ་མ་གཤེགས་རེ་རན

(༤༢༣)པདྨ་བརྩེགས་པ་མདངས་དང་ལྡན དེ་ན་སྐྱེ་དང་འཆི་བ་མེད རྒ་དང་ན་བ་ག་ལ་སྲིད དེ་ན་དམ་ཚིག་ཉམས་པ་མེད དེ་ན་ལོག་ལྟ་ཅན་ཡང་མེད བླ་མའི་བཞུགས་གནས་དེ་རུ་བཟང་ ལམ་ལ་དར་ལམ་དམར་པོ་འཇམ སྐྱེས་བུ་ཆེན་པོ་དེར་གཤེགས་ཤིག ང་ནི་ཀརྨ་ཌཱཀྐི་ནི འཁོར་ཡང་འབུམ་ཕྲག་ཡངས་པས་བསྐོར འཇའ་ཚོན་ལྗང་གུའི་དར་ལམ་ལ རིག་འཛིན་བླ་མ་གཤེགས་རེ་རན ལས་རབ་གྲུབ་པ་བྱིན་རེ་ཆགས དེ་ན་སྐྱེ་དང་འཆི་བ་མེད རྒ་དང་ན་བ་ག་ལ་སྲིད དེ་ན་དམ་ཚིག་ཉམས་པ་མེད དེ་ན་ལོག་ལྟ་ཅན་ཡང་མེད བླ་མའི་བཞུགས་གནས་དེ་རུ་བཟང་ ལམ་ལ་དར་ལམ་ལྗང་གུ་འཇམ སྐྱེས་བུ་ཆེན་པོ་དེར་གཤེགས་ཤིག ང་ནི་དེ་བཞིན་གཤེགས་པའི་རིགས འཁོར་ཡང་འབུམ་ཕྲག་ཡངས་པས་བསྐོར འཇའ་ཚོན་མཐིང་གའི་དར་ལམ་ལ རིག་འཛིན་བླ་མ་གཤེགས་རེ་རན མེ་རི་འབར་བ་བཀྲག་དང་ལྡན དེ་ན་སྐྱེ་དང་འཆི་བ་མེད རྒ་དང་ན་བ་ག་ལ་སྲིད དེ་ན་དམ་ཚིག་ཉམས་པ་མེད དེ་ན་ལོག་ལྟ་ཅན་ཡང་མེད བླ་མའི་བཞུགས་གནས་དེ་རུ་བཟང་ ལམ་ལ་དར་ལམ་སྔོན་

(༤༢༤)པོ་འཇམ སྐྱེས་བུ་ཆེན་པོ་དེར་གཤེགས་ཤིག དེ་ནས་སུན་མའི་ཚོགས་ལ་སྐྱེ་མས་དྲངས་ལ་འདི་སྐད་དོ ཀྱཻ བསུན་མའི་མགྲོན་རྣམས་ཚུར་གསོན་དང་ འདི་ན་བཞུགས་པའི་སྐྱེས་མཆོག་ལ གདུང་ཞིང་འཕྲེང་བ་ཁྱེད་བདེན་ཏེ འགྲོ་བའི་བསམ་པ་ཐ་དད་པས འདྲེན་པ་སྤངས་རྣམས་རྨོངས་པའི་སྐྱོན ཐེག་པ་ཆེན་པོའི་སྐྱེས་བུ་རྣམས དེ་ལ་ཁྲོ་བའི་སྐབས་མི་དབྱེ བསོད་ནམས་ལྡན་པའི་སྐྱེ་བོའི་ཚོགས དམ་པ་རྣམས་ལ་དད་ཅིང་འདུན འདི་ཕྱིའི་ལམ་སྟོན་རེ་གས་ན འདི་མེད་འཇིག་རྟེན་ལོང་བར་འགྱུར སངས་རྒྱས་བསྟན་པ་སུ་ཡིས་འཛིན ཁྱད་པར་གསང་སྔགས་ཟབ་མོ་ཡི དམ་ཚིག་གཉེན་པོས་འབྲེལ་བ་ལ ཉམས་པའི་བཀའ་ཆད་བྱུང་སྲིད་ན སླར་ལ་གནོང་ཞིང་བཤགས་པས་སྦྱངས དབྱིངས་ཀྱི་མཁའ་འགྲོ་གཡེལ་བའི་རྒྱུ ལྟ་བ་ནོར་ན་དབུ་མར་སྦྱོར རྟག་ཆད་མེད་པས་ཐུགས་དམ་བསྐང་ སྒོམ་པ་ཡེངས་ན་རིག་པ་འཛིན ལྷག་མཐོང་གསལ་བས་ཐུགས་དམ་བསྐང་ སྤྱོད་པ་ནོར་ན་ཚོགས་ཀྱིས་བསྐང་ འགྱོད་ཚངས་ཆེན་པོས་ཐུགས་དམ་བསྐང་ འཇིག་རྟེན་འདས་

(༤༢༥)ཀྱང་འཁོར་བའི་ཚུལ ཡེ་ཤེས་གྲུབ་ཀྱང་ཕོ་ཉར་སྟོན ལེགས་ཉེས་སྟངས་འཛིན་བདག་པོ་རྣམས སྐྱོན་མཐོང་ཙམ་ན་བར་ཆོད་རྩོམ ཁྱེད་རྣམས་ཐུགས་དང་འགལ་སྲིད་ན ཚོགས་དང་གཏོར་མ་རྒྱན་དང་ལྡན སྐུ་མཁར་འབྲང་རྒྱས་རྣམ་པ་ལྔས སྐུ་ཡི་དམ་ཚིག་ཉམས་པ་བསྐང་ ཕྲིན་ལས་གྱེར་དབྱངས་བཟླས་བརྗོད་ཀྱིས གསུང་གི་དམ་ཚིག་ཉམས་པ་བསྐང་ ནམ་རྒྱང་མདའ་འཕང་ཤིང་རིས་ཀྱིས ཐུགས་ཀྱི་དམ་ཚིག་ཉམས་པ་བསྐང་ མཐུན་པའི་དམ་རྫས་དཀོར་ཆ་དང་ གསེར་སྐྱེམས་གཡུ་སྐྱེམས་ཕུད་ལྷག་གིས ཚངས་མ་ལ་སོགས་དབང་ཕྱུག་དང་ དྲི་ཟ་གྲུལ་བུམ་མིའམ་ཅི འབུམ་ཕྲག་ཡངས་པའི་མཁའ་འགྲོ་ཡི ཐུགས་དམ་གཉེན་པོ་བསྐངས་གྱུར་ནས གྲིབ་དང་བར་ཆད་དབྱིངས་སུ་སོལ རྩ་རླུང་ཐིག་ལེ་ཉམས་པ་གསོས ཁྱད་པར་བསུན་མའི་མགྲོན་རྣམས་ལ སྔགས་དང་ཕྱག་རྒྱ་ཏིང་འཛིན་མཐུས མི་ལས་དགའ་བའི་གླུད་བཟང་འབུལ མི་ལས་གླུད་འདི་མི་དགའ་རྒྱུ དངོས་ལས་བྱད་དང་རྣམ་འགྱུར་མཛེས སྐྱེ་མཆེད་བཅུ་གཉིས་འདི་

(༤༢༦)ལ་ཚང་ རྒྱལ་དུ་ཞི་བའི་མཆོད་གཏོར་བཞེས རྡོ་རྗེ་མཁའ་འགྲོའི་དར་ཐག་སྡུས མི་ལས་གླུད་འདི་མི་དགའ་རྒྱུ དངོས་ལས་བྱད་དང་རྣམ་འགྱུར་མཛེས དབང་པོ་སྣ་ལྔ་འདི་ལ་ཚང་ རྒྱལ་དུ་རྒྱས་པའི་མཆོད་གཏོར་བཞེས རིན་ཆེན་མཁའ་འགྲོའི་དར་ཐག་སྡུས མི་ལས་གླུད་འདི་མི་དགའ་རྒྱུ དངོས་ལས་བྱད་དང་རྣམ་འགྱུར་མཛེས ཕུང་པོ་སྣ་ལྔ་འདི་ལ་ཚང་ རྒྱལ་དུ་དབང་གི་མཆོད་གཏོར་བཞེས པདྨ་མཁའ་འགྲོའི་དར་ཐག་སྡུས མི་ལས་གླུད་འདི་མི་དགའ་རྒྱུ དངོས་ལས་བྱད་དང་རྣམ་འགྱུར་མཛེས ཁམས་ཆེན་བཅོ་བརྒྱད་འདི་ལ་ཚང་ རྒྱལ་དུ་དྲག་པོའི་མཆོད་གཏོར་བཞེས ལས་ཀྱི་མཁའ་འགྲོའི་དར་ཐག་སྡུས མི་ལས་གླུད་འདི་མི་དགའ་རྒྱུ དངོས་ལས་བྱད་དང་རྣམ་འགྱུར་མཛེས རྟོགས་ན་གདན་གསུམ་ཚང་བའི་ལྷ རྒྱལ་དུ་མཆོག་གི་མཆོད་གཏོར་བཞེས དེ་བཞིན་རིགས་ཀྱི་དར་ཐག་སྡུས བསྡུས་ནས་འདི་ན་གནས་མེད་ཀྱི དཔའ་བོ་མཁའ་འགྲོའི་བསུན་མ་རྣམས ད་ནི་གཤེགས་ཤིག་ཏ་ལ་ལ ད་ནི་བཞུད་ཅིག་སི་

(༤༢༧)ལི་ལི རྒྱལ་བའི་བཀའ་ལ་མི་ཉན་མེད བདེན་པའི་ཚིག་ལ་མི་བརྟེན་མེད བརྟན་དང་ནོར་ལ་མི་ཆགས་མེད རྟེན་འབྲེལ་རྒྱུ་འབྲས་འཆོལ་བ་མེད བདག་དང་རྒྱུ་སྦྱོར་སློབ་མ་ཡི ལྷག་བསམ་རྣམ་དག་བདེན་པའི་མཐུས བསུན་མའི་མགྲོན་ལ་རྫོངས་བཏབ་པས རྡོ་རྗེ་ཕུང་པོའི་གྲོང་ཁྱེར་ལ གནས་པའི་དཔའ་བོ་མཁའ་འགྲོའི་སྲོག གནས་པ་རྩ་དང་གཡོ་བ་རླུང་ བཀོད་པ་བྱང་ཆུབ་སེམས་མཆོག་གི རྟེན་འབྲེལ་གནས་མལ་འཕྱུགས་པ་ལས བླ་ཡི་རྟེན་མཁར་ཞིག་པ་དང་ ཚེ་ཡི་རྒྱ་མདུད་དྲལ་བ་དང་ སྲོག་གི་ལྗོན་ཤིང་ཆག་པ་དང་ རླུང་གི་དུས་སྦྱོར་འགགས་པ་སོགས སྐད་ཅིག་ཉིད་ལ་སོར་ཆུད་ནས བླ་ཚེ་ཡར་ངོའི་ཟླ་བ་ལྟར འཕེལ་ཞིང་བརྟན་པའི་ཕྲིན་ལས་མཛོད ཅེས་བརྗོད་བསུན་མའི་མགྲོན་རྣམས་ཀྱིས གླུད་གཏོར་མི་མངོན་གནས་སུ་བསྐྱལ རྟེན་འབྲེལ་བདེན་པ་མཐུ་ཆེ་བས ངེས་པར་བསུན་ཁ་བཟློག་པར་འགྱུར ས་མ་ཡ ༈ དེ་ནས་བརྟན་བཞུགས་དང་འབྲེལ་ན སྣ་ཚོགས་རྡོ་རྗེའི་རེ་ཁཱ་ལ སློབ་དཔོན་བཞུགས་བྱས་རྨེ་བརྩེགས་ཀྱིས བུམ་ཆུས་ཁྲུས་གསོལ་རས་ཀྱིས་ཕྱི འདི་

(༤༢༨)ནི་སྦྱིན་པའི་རང་བཞིན་ཆུ སེར་སྣའི་དྲི་མ་སྦྱོང་མཛད་ཅིང་ གཏོང་བ་དྲི་ཡིས་ལེགས་བགོས་ཆུ ཁྲུས་ལེགས་མཛད་ཀྱིས་ཁྲུས་བགྱིའོ འདི་ནི་ཚུལ་ཁྲིམས་རང་བཞིན་ཆུ འཆལ་བའི་དྲི་མ་སྦྱོང་མཛད་ཅིང་ བསྲུངས་བ་དྲི་ཡིས་ལེགས་བགོས་ཆུ ཁྲུས་ལེགས་མཛད་ཀྱིས་ཁྲུས་བགྱིའོ འདི་ནི་བཟོད་པའི་རང་བཞིན་ཆུ ཁོང་ཁྲོའི་དྲི་མ་སྦྱོང་མཛད་ཅིང་ རླབས་ཆེན་དྲི་ཡིས་ལེགས་བགོས་ཆུ ཁྲུས་ལེགས་མཛད་ཀྱིས་ཁྲུས་བགྱིའོ འདི་ནི་བརྩོན་འགྲུས་རང་བཞིན་ཆུ ལེ་ལོའི་དྲི་མ་སྦྱོང་མཛད་ཅིང་ ནན་ཏན་དྲི་ཡིས་ལེགས་བགོས་ཆུ ཁྲུས་ལེགས་མཛད་ཀྱིས་ཁྲུས་བགྱིའོ འདི་ནི་བསམ་གཏན་རང་བཞིན་ཆུ རྣམ་གཡེང་དྲི་མ་སྦྱོང་མཛད་ཅིང་ མཉམ་གཞག་དྲི་ཡིས་ལེགས་བགོས་ཆུ ཁྲུས་ལེགས་མཛད་ཀྱིས་ཁྲུས་བགྱིའོ འདི་ནི་ཤེས་རབ་རང་བཞིན་ཆུ རྨོངས་པའི་དྲི་མ་སྦྱོང་མཛད་ཅིང་ ལྷག་མཐོང་དྲི་ཡིས་ལེགས་བགོས་ཆུ ཁྲུས་ལེགས་མཛད་ཀྱིས་ཁྲུས་བགྱིའོ ཞེས་དང་སྒྲུབ་སྔགས་དག་ཀྱང་བརྗོད སློབ་དཔོན་ཚེ་མཐའ་ཡས་པར་བསྒྲུབ ཤུནྱ་ཏཱས་སྟོང་པར་སྦྱངས

(༤༢༩)སྟོང་པའི་ངང་ལས་རིན་པོ་ཆེ་སྣ་ཚོགས་ལས་གྲུབ་པའི་ཁྲི་སྟེགས་ཀྱི་ཤར་དུ་གླང་པོ་ཆེ ལྷོར་རྟ་མཆོགནུབ་ཏུ་རྨ་བྱ བྱང་དུ་ཤང་ཤང་ ཟུར་བཞིར་སེངྒེ་བརྒྱད སྟེང་དུ་པདྨ་དང་ཉི་ཟླའི་གདན་ཡངས་ཤིང་རྒྱ་ཆེ་བའི་དབུས་སུ་འཁོར་ལོ་དང་སྣ་ཚོགས་རྡོ་རྗེའི་སྟན་ལ་ཧྲཱི ལས་རྡོ་རྗེ་སློབ་དཔོན་རིགས་ཐམས་ཅད་ཀྱི་བདག་ཉིད་རྒྱལ་བ་འོད་མཚན་སྟོང་འབར་སྤྲུལ་སྐུའི་ཆ་བྱད་ཅན་ཕྱག་གཉིས་མཉམ་གཞག་གི་སྟེང་ན་ལྷུང་བཟེད་ལ་གནས་པའི་ཚེའི་བུམ་པ་བདུད་རྩིའི་བཅུད་ལྡན་གྱིས་གང་བ་བསྣམས་པའི་སྤྱི་བོར་ཨོཾ མགྲིན་པར་ཨཱ ཐུགས་ཀར་ཧཱུྃ་གིས་མཚན་པ་ལས་འོད་ཟེར་འཕྲོས་པས་ཕྱོགས་བཅུ་རབ་འབྱམས་ནམ་མཁའི་མཐའ་ཀླས་པའི་དེ་བཞིན་གཤེགས་པ་སྲས་དང་བཅས་པ་བདེ་གཤེགས་ཚེ་མཐའ་ཡས་པའི་དཀྱིལ་འཁོར་རྒྱ་མཚོའི་རྣམ་པར་བྱོན་ནས་རྡོ་རྗེ་སློབ་དཔོན་དང་རོ་གཅིག་ཏུ་འདྲེས་པར་གྱུར ཚེ་མདའ་གཡབ་ཅིང་ ཧཱུྃ ཤར་ནས་རྡོ་རྗེ་མཁའ་འགྲོ་སྲ་བའི་དབྱིངས ལྕགས་ཀྱུ་ཐོགས་པའི་ཕོ་ཉ་འབུམ་ཕྲག་གིས ཤ་ཡི་ཁམས་ནས་ཡར་བའི་བླ་ཚེ་སྡུས དྲི་ཟའི་

(༤༣༠)ལག་ནས་བླ་དང་ཚེ་ཁུག་ཅིག ལྷོ་ནས་རིན་ཆེན་མཁའ་འགྲོ་མཉེན་པའི་དབྱིངས ཞགས་པ་ཐོགས་པའི་ཕོ་ཉ་འབུམ་ཕྲག་གིས ཁྲག་གི་ཁམས་ནས་ཡར་བའི་བླ་ཚེ་སྡུས གྲུལ་བུམ་ལག་ནས་བླ་དང་ཚེ་ཁུག་ཅིག ནུབ་ནས་པདྨ་མཁའ་འགྲོ་དྲོ་བའི་དབྱིངས ལྕགས་སྒྲོག་ཐོགས་པའི་ཕོ་ཉ་འབུམ་ཕྲག་གིས དྲོད་ཀྱི་ཁམས་ནས་ཡར་བའི་བླ་ཚེ་སྡུས ཀླུ་དབང་ལག་ནས་བླ་དང་ཚེ་ཁུག་ཅིག བྱང་ནས་ཀརྨ་མཁའ་འགྲོ་གཡོ་བའི་དབྱིངས དྲིལ་བུ་ཐོགས་པའི་ཕོ་ཉ་འབུམ་ཕྲག་གིས རླུང་གི་ཁམས་ནས་ཡར་བའི་བླ་ཚེ་སྡུས གནོད་སྦྱིན་ལག་ནས་བླ་དང་ཚེ་ཁུག་ཅིག ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་ཨཱ་ཡུ་རད་ཏེ་བྷྲཱུྃ་སྭཱ་ཧཱ། དེ་ནས་ཚེ་བུམ་ཕྱག་ཏུ་ཕུལ ཧྲཱི སྣང་སྲིད་གཞོན་ནུ་བུམ་པའི་སྐུ སྐྱེ་འཆི་བྲལ་བའི་བཅུད་ཀྱིས་གཏམས རིག་འཛིན་ཁྱེད་ལ་ཕུལ་བ་ཡིས འཆི་མེད་རྡོ་རྗེའི་སྲོག་འགྲུབ་ཤོག རྩ་སྔགས་ཤམ་བུར ཨཱ་ཡུར་ད་ཏེ་བྷྲཱུཾ་ཀཱ་ཡ་ཨ་བྷི་ཥིཉྩ་ཨོཾ བདུད་རྩི་ཕུལ་ལ ཧྲཱི བདེ་ཆེན་ཡུམ་ལྔའི་བྷན་དྷ་རུ འཆི་མེད་བྱང་སེམས་བདུད་རྩིར་བསྐྱིལ རིག་འཛིན་ཁྱེད་ལ་ཕུལ་བ་ཡིས སྐྱེ་

(༤༣༡)འཆི་མེད་པའི་དབང་ཐོབ་ཤོག རྩ་སྔགས་དང་ ཝཱཀྐ་ཨ་བྷི་ཥིཉྩ་ཨཱ ཚེ་རིལ་ཕུལ་ལ ཧྲཱི བརྟན་གཡོའི་ཁམས་དང་སྟོབས་བཅུའི་དཔལ ཡོངས་ཀྱི་བཅུད་འདུས་ཚེའི་རིལ་བུ རིག་འཛིན་ཁྱེད་ལ་ཕུལ་བ་ཡིས རྡོ་རྗེའི་སྲོག་ལ་དབང་ཐོབ་ཤོག རྩ་སྔགས་མཐར ཙིཏྟ་ཨ་བྷི་ཥིཉྩ་ཧཱུྃ ཚེ་མདའ་བསྣོལ་ནས་རྒྱས་གདབ་ཅིང་ ཨཱ འབྱུང་ལྔའི་དབྱིངས་སུ་འཁྱམས་པའི་ཚེ ཡུམ་ལྔའི་ཀློང་དུ་རྒྱས་བཏབ་པས ཡེ་ཤེས་ལྔ་ལ་སྐྱེ་འཆི་མེད སྐུ་ལྔའི་དབྱིངས་སུ་ཚེ་སྦས་པ རིགས་ལྔའི་རྒྱལ་བས་ཀྱང་མི་གཟིགས དྷརྨཱ་དྷཱ་རྟུ་བཛྲ་རཀྵ ཞེས་བརྗོད་ཡོན་དང་མཎྜལ་ཕུལ དེ་ནས་རྡོ་རྗེ་སློབ་དཔོན་ནི གདན་གསུམ་ཚང་བའི་དཀྱིལ་འཁོར་གྱི བདག་ཉིད་ཆེན་པོར་བརྟན་བཞུགས་བྱ ཧོ རྡོ་རྗེ་སློབ་དཔོན་གཟུགས་ཀྱི་ཕུང་པོ་ནི སྣང་མཛད་རྒྱལ་པོ་དེ་བཞིན་གཤེགས་པའི་རིགས ཚོར་བའི་ཕུང་པོ་རིན་ཆེན་འབྱུང་ལྡན་དང་ འདུ་ཤེས་རྒྱལ་པོ་སྣང་བ་མཐའ་ཡས་ཞལ འདུ་ཤེས་རྒྱལ་པོ་དོན་ཡོད་གྲུབ་པ་ཆེ རྣམ་པར་ཤེས་པ་མི་བསྐྱོད་རྒྱལ་པོའི་ཕྱིར རྟག་པར་རྒྱུན་གྱི་འཁོར་ལོའི་ཆོས་ཉིད་ལ རིགས་ལྔའི་རང་བཞིན་ཉིད་དུ་བརྟན་

(༤༣༢)པར་བཞུགས ས་ཁམས་རྣམ་པར་དག་པ་སངས་རྒྱས་སྤྱན ཆུ་ནི་མཱ་མ་ཀཱི་དང་མེ་གོས་དཀར རླུང་ཁམས་དམ་ཚིག་སྒྲོལ་མ་ནམ་མཁའི་དབྱིངས ཡུམ་ལྔའི་རང་བཞིན་ཉིད་དུ་བརྟན་པར་བཞུགས དེ་བཞིན་མིག་ལ་སོགས་པའི་སྐྱེ་མཆེད་རྣམས རྡོ་རྗེ་མཐོང་ཐོས་སྣོམ་དང་མྱོང་བ་དང་ བྱ་བའི་རང་བཞིན་དེ་ཡི་བཙུན་མོ་བཞི ཕྱི་སེམས་བཞི་ཡི་ངོ་བོར་བརྟན་པར་བཞུགས བྱང་ཆུབ་ཆེན་པོ་རྡོ་རྗེ་མཐོང་ཐོས་སྣོམ མྱོང་བར་བྱེད་པའི་བཙུན་མོ་དུས་བཞི་སྟེ ཡུལ་དང་ཡུལ་ཅན་སྦྱོར་བའི་ནང་སེམས་བཞིའི རང་བཞིན་ཉིད་ལས་མི་འགྱུར་བརྟན་པར་བཞུགས སྒོ་གསུམ་འཛིན་པར་བཅས་པ་ཁྲོ་བོ་བཞི རྟག་ཆད་བདག་མཚན་ལྟ་བ་རིགས་ཀྱི་ཡུམ ཚད་མེད་བཞི་ཡི་ངང་ལས་མི་གཡོ་བའི སྒོ་མ་བཞི་ཡི་ངོ་བོར་བརྟན་པར་བཞུགས མདོར་ན་སློབ་དཔོན་ལུས་ཀྱི་དཀྱིལ་འཁོར་ནི གདན་གསུམ་ཚང་བའི་ངོ་བོ་ཉིད ་ཀྱི་ཕྱིར རྒྱུ་འབྲས་སྤང་གཉེན་དག་པའི་རང་བཞིན་ཅན འཁོར་འདས་མཉམ་པ་ཉིད་དུ་བརྟན་པར་གསོལ ཞེས་པའི་དོན་ལ་ངེས་ཤེས་བསྐྱེད དོན་གྱི་བརྟན་བཞུགས་བླ་ན་མེད དེ་ནས་ཚོགས་ཀྱི་འཁོར་ལོ་ཡིས

(༤༣༣)ཞལ་བསྲོ་བཀྲ་ཤིས་རྫས་བརྒྱད་འབུལ ཤིས་པ་བརྗོད་ཅིང་དགེ་བ་བསྔོ ས་མ་ཡ བསུན་མ་བཟློག་ཐབས་མང་ན་ཡང་ གནད་ཀྱི་གདམས་པ་འདི་ཉིད་ཡིན མཁའ་འགྲོའི་གསང་མཛོད་མ་གཏོགས་པ ཀུན་འབྱུང་བློ་ལ་འདི་མི་འཆར བསྟན་པ་འཛིན་སྐྱོང་སྤེལ་བ་ཡི སྐྱེས་བུ་རྣམས་ཀྱི་དཔལ་དུ་ཤོག དྷ་ཐིམ གུ་ཧྱ་རྒྱ རིག་འཛིན་འཇིགས་མེད་གླིང་པས་དཔལ་ས་སྐྱའི་གཙུག་ལག་ཁང་ཆེན་པོའི་ཟུར་ལྕོགས་རིག་འཛིན་ཕོ་བྲང་དུ་ནམ་མཁའ་མཛོད་ཀྱི་བརྡ་ལས་བསྒྱུར་བའོ།། །།

(༤༣༤)

(༤༣༥)གྲངས་གསོག་ཚེ་བསུན་བཟློག་རྒྱས་པའི་མཚམས་སུ་གླུད་གཏོར་རིལ་བུ་དང་བཅས་པ་ནམ་མཁའ་མཛོད་ཀྱི་སྔགས་རྒྱས་བརླབས་ནས་ཕུལ་ཏེ། ཧཱུྃ། རིགས་ལྔའི་རྒྱལ་བ་གང་ཆེན་མཚོའི། །སྐུ་ལ་ཞིང་ཁམས་ཡོངས་རྫོགས་པའི། །དེ་སྙེད་སངས་རྒྱས་བྱང་སེམས་དང་། །དཔའ་བོ་ཌཱཀྐི་རྣལ་འབྱོར་མ། །སྟོང་གསུམ་བྱེ་བ་ཕྲག་བརྒྱའི་ཞིང་། །ཧེ་རུ་ཀ་ཡི་གནས་བཅུ་དང་། །ནང་ལྟར་རྡོ་རྗེ་ལུས་ཀྱི་གྲོང་། །ཨོ་རྒྱན་དྷུ་མ་ཐ་ལ་སོགས། །གནས་དང་ཡུལ་གྱི་དཔའ་བོ་དང་། །འབུམ་ཕྲག་ཡངས་པའི་མཁའ་འགྲོའི་ཚོགས། །འདིར་བྱོན་དམ་ཚིག་གདན་ལ་བཞུགས། །ཉེར་སྤྱོད་འདོད་ཡོན་གླུད་གཏོར་དང་། །ཚོགས་ཀྱི་འཁོར་ལོས་ཐུགས་དམ་བསྐང་། །སྡོམ་གསུམ་དམ་ཚིག་ཉམས་པ་བཤགས། །རྩ་རླུང་ཐིག་ལེའི་གནད་འཕྱུགས་ན། །དཔའ་བོ་མཁའ་འགྲོའི་བསུན་ཁ་ལྡང་། །རང་མལ་བཞུགས་ཤིང་བར་ཆད་ཟློག །རིགས་ལྔ་ཡེ་ཤེས་ཌཱཀྐི་ཡིས། །སྤྱན་འདྲེན་དར་ཐག་དབྱིངས་སུ་སྡུས། །དཔའ་བོ་རྡོ་རྗེ་སློབ་དཔོན་འདི། །བསྟན་པ་རྒྱ་མཚོའི་སྒྲོན་མེ་ཡིན། །སེམས་ཅན་ཡོངས་ཀྱི་དཔུང་གཉེན་ཕྱིར། །སྤྱན་འདྲེན་དར་ལམ་བརྐྱང་སྲིད་ན་

(༤༣༦)ཁྱེད་རྣམས་དམ་ཚིག་ཉམས་པར་འགྱུར། །དམ་ཚིག་འདི་ནི་མཁའ་འགྲོའི་སྲོག། སྲོག་ལ་མི་གཅེས་གང་ཡང་མེད། །ཚོགས་གཏོར་གླུད་བཟང་འདི་བཞེས་ལ། །དབྱིངས་ཀྱི་རྗེ་མོས་སྲོག་མཁར་ཚུགས། །འཁོར་གྱི་མཁའ་འགྲོས་བླ་རྐུན་ཆོམས། །ཤུགས་འགྲོ་གནས་ཉུལ་རང་གནས་དེངས། །སྐྱེས་བུ་ཆེན་པོ་ལོ་བརྒྱའི་བར། །ཞབས་པད་བརྟན་པའི་ཕྲིན་ལས་མཛོད།། །།མངྒ་ལཾ།། །།

(༤༣༧)གང་ཆེན་མཚོ་ཡི་ཞིང་ཁམས་ལ། །ཇི་སྙེད་བཀོད་པའི་གནས་ཡུལ་དང་། །དཔའ་བོ་མཁའ་འགྲོའི་གྲོང་ཁྱེར་ནས། །རྡོ་རྗེ་རིན་ཆེན་པདྨ་ལས། །འབུམ་ཕྲག་ཡངས་པའི་མཁའ་འགྲོའི་ཚོགས། །འདིར་སྤྱོན་ཉེར་སྤྱོད་འདོད་ཡོན་དང་། །ཚོགས་ཀྱི་འཁོར་ལོས་ཐུགས་དམ་བསྐང་། །ཐེག་པ་གསུམ་དང་རིག་འཛིན་གྱི། །སྡོམ་གསུམ་དམ་ཚིག་ཉམས་པ་བཤགས། །བསྟན་པ་རྒྱ་མཚོའི་སྒྲོན་མེ་ཆེ། །སེམས་ཅན་ཡོངས་ཀྱི་དཔུང་དང་གཉེན། །འདི་ན་བཞུགས་པའི་སྐྱེས་མཆོག་གི། །ཚེ་འཕྲང་བར་ཆད་དབྱིངས་སུ་སོལ། །དཔའ་བོ་མཁའ་འགྲོའི་བསུན་ཁ་ཟློག །ཞབས་པད་བརྟན་པའི་བཀྲ་ཤིས་སྩོལ། །འདི་བསུན་ཟློག་རྒྱས་པ་ཚོགས་བརྒྱ་དང་འབྲེལ་སྐབས་ཡུམ་ཀའི་ཚོགས་ཀྱི་སྐོང་བཤགས་མལ་དུ་འཛུད་པ་ལག་ལེན་ནོ།། །།

(༤༣༨)

(༤༣༩)འུྃ ཡུམ་ཀ་བདེ་ཆེན་རྒྱལ་མོ་ལས དཔའ་བོ་དཔའ་མོའི་བསུན་བཟློག་བཞུགས འུྃ ཡེ་ཤེས་མཁའ་འགྲོའི་སྐུ་ལ་འདུད ལས་ཅན་དཔའ་བོ་དཔའ་མོ་ལ མཁའ་འགྲོའི་བསུན་བཟློག་བྱ་འདོད་ན གཏོར་ཚོགས་འདུ་བྱ་གཞུང་བསྲང་ལ བཟླས་མཆོད་ཚོགས་སྐོང་བགྱིས་པའི་མཐར དར་ལམ་མཁའ་འགྲོའི་མཆོད་གཏོར་བཤམ དབྱིངས་རང་སྣང་རྣམ་དག་འོག་མིན་དང་ ཞིང་དག་པ་མཁའ་སྤྱོད་སྤྲུལ་པའི་གནས ཡུལ་ཉེར་བཞིའི་དཔའ་བོ་མཁའ་འགྲོ་རྣམས དེང་ཚོགས་ཀྱི་འདུ་བར་གཤེགས་སུ་གསོལ ཡོངས་སྣང་སྲིད་མཆོད་སྤྲིན་རྒྱ་མཚོ་དང་ ཚོགས་བདེ་སྟོང་དངོས་བཤམས་ཡིད་སྤྲུལ་རྫས དབྱིངས་དག་མཉམ་ནམ་མཁའི་མཛོད་དུ་འབུལ མ་མཁའ་འགྲོའི་དམ་ཚིག་ཉམས་ཆག་བསྐང་ བདག་སྒྲུབ་མཆོག་བུ་ལ་དངོས་གྲུབ་སྩོལ དབྱིངས་སྲ་བའི་རང་བཞིན་སངས་རྒྱས་སྤྱན ཤར་རྡོ་རྗེ་རིགས་ཀྱི་མཁའ་འགྲོ་འབུམ ཡོངས་ཞི་བའི་མཆོད་གཏོར་འདི་བཞེས་ལ ཤར་དར་ལམ་དཀར་པོའི་བསུན་མ་ཟློག མེ་ལོང་ཡེ་ཤེས་ངང་དུ་བཞུགས དབྱིངས་མཉེན་པའི་རང་བཞིན་མཱ་མ་ཀཱི ལྷོ་རིན་ཆེན་རིགས་

(༤༤༠)ཀྱི་མཁའ་འགྲོ་འབུམ ཡོངས་རྒྱས་པའི་མཆོད་གཏོར་འདི་བཞེས་ལ ལྷོ་དར་ལམ་སེར་པོའི་བསུན་མ་ཟློག མཉམ་ཉིད་ཡེ་ཤེས་ངང་དུ་བཞུགས དབྱིངས་དྲོ་བའི་རང་བཞིན་གོས་དཀར་མོ ནུབ་པདྨ་རིགས་ཀྱི་མཁའ་འགྲོ་འབུམ ཡོངས་དབང་གི་མཆོད་གཏོར་འདི་བཞེས་ལ ནུབ་དར་ལམ་དམར་པོའི་བསུན་མ་ཟློག སོར་རྟོགས་ཡེ་ཤེས་ངང་དུ་བཞུགས དབྱིངས་གཡོ་བའི་རང་བཞིན་དམ་ཚིག་སྒྲོལ བྱང་ལས་ཀྱི་རིགས་ཀྱི་མཁའ་འགྲོ་འབུམ ཡོངས་དྲག་པོའི་མཆོད་གཏོར་འདི་བཞེས་ལ བྱང་དར་ལམ་ལྗང་གུའི་བསུན་མ་ཟློག བྱ་གྲུབ་ཡེ་ཤེས་ངང་དུ་བཞུགས དབྱིངས་ནམ་མཁའི་རང་བཞིན་དབྱིངས་ཕྱུག་མ དབུས་སངས་རྒྱས་རིགས་ཀྱི་མཁའ་འགྲོ་འབུམ ཡོངས་མཆོག་གི་མཆོད་གཏོར་འདི་བཞེས་ལ དབུས་དར་ལམ་མཐིང་ཀའི་བསུན་མ་ཟློག ཆོས་དབྱིངས་ཡེ་ཤེས་ངང་དུ་བཞུགས ཉི་ཤུ་རྩ་བཞིའི་གནས་མཆོག་དང་ འབུམ་ཕྲག་ཡངས་པའི་མཁའ་འགྲོའི་ཚོགས གླུད་གཏོར་བཟང་པོ་འདི་བཞེས་ལ འདིར་བཞུགས་དམ་པའི་སྐྱེས་བུ་ཡི

(༤༤༡)ཚེ་འཕྲང་བར་གཅོད་དབྱིངས་སུ་སོལ བླ་དང་སྲོག་གི་ཀ་བ་ཚུགས རྩ་ཐིག་རླུང་གི་རྒུད་པ་སོལ ཚེ་འགྱུར་བ་མེད་པ་རྡོ་རྗེའི་ཁྲིར སྲོག་གཞོམ་གཞིག་བྲལ་བ་གཡུང་དྲུང་ལུས བླ་གཟི་འོད་འབར་བ་ཉི་ཟླ་བཞིན དུས་འཕོ་འགྱུར་མེད་པར་རྟག་བརྟན་གསོལ ཅེས་བརྗོད་གཏོར་གླུད་ཕྱོགས་ཕྱོགས་གཤེགས མཁའ་འགྲོའི་བསུན་མ་བཟློག་པར་འགྱུར ས་མ་ཡ རྒྱ་རྒྱ་རྒྱ

(༤༤༢)

(༤༤༣)ཡུམ་ཀ་མཁའ་འགྲོའི་ལས་ཚོགས་བཞི་བ་དང་འབྲེལ་བར། ཚེ་དབང་གི་མཚམས་སྦྱོར་བཞུགས།། །།

(༤༤༤)མ་གྱུར་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཆེད་དུ་འཆི་མེད་ཚེའི་དབང་བསྐུར་ཞུ་སྙམ་པའི་ཐུགས་བསྐྱེད་དེ་གསན་འཚལ། །དེ་ལ་རང་ཅག་རྣམས་མི་ལུས་ཀྱི་རྟེན་ཁྱད་པར་ཅན་ཐོབ་པ་ནི་ད་རེས་ཙམ་ཡིན་ཏེ། ད་རེས་ཀྱི་རྟེན་སྟོང་ལོག་ཏུ་སོང་ན་སླད་ནས་འདི་འདྲ་བའི་ལུས་རྟེན་རྙེད་པ་མ་ཡིན་པའི་ཚུལ། འདུལ་བ་རྣམ་འབྱེད་ལས། དགེ་སློང་དག་ངན་སོང་བའི་འགྲོ་བ་ལ་ལྟོས། ཕྱི་ཕྱིར་མི་ཉིད་ཀྱི་དངོས་པོ་ཐོབ་པ་ཡང་ཤིན་ཏུ་དཀའོ། །ལོག་པར་ལྟ་བའི་སྟོན་པ་འདི་དག་ལ་ལྟོས། །

(༤༤༥)ཡང་དག་པའི་དགེ་བའི་བཤེས་གཉེན་དང་ཤིན་ཏུ་འཕྲད་པར་དཀའོ། །ཞེས་གསུངས་པ་ཡིན་ལ། དེ་ཙམ་དུ་རྙེད་པར་དཀའ་བའི་རྒྱུ་མཚན་གང་ཡིན་ན། སྤྱིར་ངན་སོང་གསུམ་གྱི་འགྲོ་བ་ལ་ལྟོས་ན་མིའི་ལུས་རྟེན་ཐོབ་པ་མི་སྲིད་པའི་ཚོད་ཡིན་པས། མཐོང་ཆོས་སུ་མི་དང་སྲོག་ཆགས་གཞན་གྱི་མང་ཉུང་ཁོ་ནས་ཀྱང་ཤེས་ལ། མི་ཡང་ཆོས་ལྡན་གྱི་བྱ་བ་ལ་ཞུགས་པ་ནི་ཉིན་མོའི་སྐར་མ་ཙམ་ལས་མི་འདུག་ན། གནས་སྐབས་ཀྱི་བདེ་འབྱོར་ནི་རྟག་པ་མ་ཡིན་པས་འགྱུར་བའི་རང་བཞིན་ཅན་དང་། དེའི་སྟེང་དུ་སྡུག་བསྔལ་གྱི་སྡུག་བསྔལ་དང་

(༤༤༦)ཁྱབ་པ་འདུ་བྱེད་ཀྱི་སྡུག་བསྔལ་གྱིས་རྟག་ཏུ་མནར་བས་རི་དྭགས་མཐའ་ལ་གཅུར་བ་ལྟ་བུའི་ངང་ནས་ད་ལྟའི་སྡུག་བསྔལ་ལ་སྤྱོད་ཅིང་། ཕྱི་མའི་སྡུག་བསྔལ་གྱི་རྒྱུ་སྒྲུབ་པ་ནི་མཚང་ཤིན་ཏུ་ཆེ། དེ་བས་ན་འཁོར་བའི་རང་བཞིན་ནི་སྡུག་བསྔལ་གྱི་བཙོན་ར། འཕྲལ་ཉམས་དགའ་ཡང་ཕུགས་མཐའ་སྐྱོ་བ། བྱས་ཚད་སྡིག་པ། བསགས་ཚད་གཞན་དབང་། བྱ་བ་མང་བ། དོན་ཉུང་བ། བསོད་ནམས་མ་ཡིན་པ་ཁོ་ན་དང་འབྲེལ་ཆེ་བས་འདི་ལས་ཐར་པའི་ཐབས་ལ་མ་འབད་ན་ཤི་འཕོས་ནས་ངན་སོང་དུ་འཁྱམ་པ་ལས་འོས་མེད། ངན་སོང་དུ་སྐྱེས་ན་དམྱལ་བ་ནི་ལྕགས་བསྲེགས་ཀྱི་ས་གཞི་མེ་འབར་བའི་ཀློང་དུ་སོག་ལེ་དང་སྤུ་གྲི་ལ་སོགས་པའི་མཚོན་ཆ་རྣོན་པོའི་དཔལ་གྱིས་ལུས་གཤགས། རི་བར་དུ་བཅར། མགོ་ལུས་དབྲལ། ཁྲོ་ཆུར་ཚོད། མཚོན་ཆའི་དབལ་ལ་འདྲད། གློ་སྙིང་ཡན་ཆད་མེར་འབར་བ་ལ་སོགས་པའི་ཚ་དམྱལ་བརྒྱད། ཁ་ཆར་བུ་ཡུག་རླུང་དང་བཅས་པའི་དཀྱིལ་ན་ལུས་སྦྲེབས་ཤིང་། གྲང་ངད་ཀྱིས་ཤ་རུ་གས་དུམ་བུར་གས་པའི་གྲང་དམྱལ་བརྒྱད། སྡུག་བསྔལ་གྱི་རྣམ་གྲངས་འདི་མི་འབྱུང་

(༤༤༧)བྱ་བ་མེད་པའི་ཉི་ཚེ་ཉེ་འཁོར་བ་གཉིས་ཏེ་དམྱལ་ཁམས་བཅོ་བརྒྱད། ལོ་ཟླ་མང་པོར་ཡང་ཟས་སྐོམ་གྱི་མིང་མི་ཐོས་ཤིང་ཚ་གྲང་ཁོད་མི་སྙམས་པའི་ཡི་དྭགས་སྡེ་ཚན་གསུམ། མཐུ་ཆེ་བ་གང་ཡིན་པ་དེས་ཉམ་ཆུང་བ་དེ་ཟ་ཞིང་། །གཞན་ཡང་ལས་ཀྱི་དབང་གིས་གཅིག་ལ་གཅིག་བཟའ་བ་དང་། །མིས་བཀོལ་བ་དང་། ཤ་དང་པགས་པའི་དོན་དུ་གསོད་པ་དང་། གསོད་ལུགས་མི་འདྲ་བས་སྡུག་བསྔལ་དང་འཇིགས་སྐྲག་དཔག་ཏུ་མེད་པ་དེ་རང་ཐོག་ཏུའང་འབབ་ངེས་པ་ཡིན་ན་དེའི་སྡུག་བསྔལ་ཇི་ལྟར་བཟོད་ནུས། །གལ་ཏེ་བདེ་འགྲོ་ཐོབ་ཀྱང་། མི་ལ་སྐྱེ་རྒ་ན་འཆི། ཡོད་པ་བྲི་ཡིས་དོགས་པ་དང་། མེད་པ་བཙལ་གྱིས་མི་རྙེད་པ་དང་། དགྲ་དང་འཕྲད་པ་དང་། གཉེན་དང་བྲལ་བ་དང་། དབྱེ་ཁྲལ་གྱིས་གདུངས་པ་ལ་སོགས་རང་རེས་མཐོང་ཞིང་མྱོང་བ་འདི་ལགས་མོད། །དེ་བཞིན་དུ་འདོད་ཁམས་ཀྱི་ལྷ་རྣམས་ནི་རེ་ཞིག་བདེ་བ་ལྟར་སྣང་ཡང་། ཧ་ཅང་བག་མེད་པས་གཡེངས་ནས་ཕྱི་མའི་དོན་བསྒྲུབ་པ་ལ་གཡེལ་བས། རེ་ཞིག་ན་སྔ་མའི་ལས་ཟད་དེ། །སྟན་ལ་མི་དགའ་བ་དང་། མེ་ཏོག་གི་ཕྲེང་བ་རྙིང་པ་དང་། ལུས་ལ་རྡུལ་འབྱུང་བ་དང་། །

(༤༤༨)ལྷ་ཟླ་བོས་སྒོང་ཞིང་འདུ་ཤེས་འཁྲུལ་བ་དང་། ཕྱི་མ་སྐྱེ་འགྱུར་གྱི་གནས་རིགས་ངན་པ་མཐོང་ནས་འཇིགས་པ་ལ་སོགས་པའི་འཆི་བའི་ལྟས་མཐོང་ནས་སྡུག་བསྔལ་ཤིན་ཏུ་མི་བཟད་པ་ཡོད་ལ། ཁམས་གོང་མ་དག་ཀྱང་བསམ་གཏན་གྱི་བདེ་བས་འཚོ་བའི་ལས་ཟད་དེ་སྲིད་པ་འོག་མར་ལྟུང་བ་མང་བས། འགྱུར་བའི་སྡུག་བསྔལ་གྱིས་གདུང་ཞིང་སྲིད་པ་ཕྱི་མར་འདུ་བྱེད་པའི་སྡུག་བསྔལ་གྱིས་ཉམ་ཐག་ལ། ཁྱད་པར་ལྷ་མ་ཡིན་རྣམས་ནི་ལྷའི་དཔལ་ལ་མི་བཟོད་པའི་ཕྲག་དོག་གིས་སེམས་རྣལ་དུ་མི་གནས་པས་རྟག་ཏུ་འཁྲུག་རྩོད་འབའ་ཞིག་གིས་གདུང་ཞིང་། གཡུལ་དོར་ཡན་ལག་ཆད་པ་དང་། མཚོན་ཆས་སྣད་པ་ལ་སོགས་པས་ཤིན་ཏུ་སྡུག་བསྔལ་བའི་ཕྱིར་ན་འཁོར་བ་གང་དུ་སྐྱེས་ཀྱང་སྡུག་བསྔལ་གྱི་རང་བཞིན་ཡིན་པའི་ཚུལ། དྲན་པ་ཉེར་གཞག་ལས། སེམས་ཅན་དམྱལ་བ་དམྱལ་མེས་ཉམས། །ཡི་དྭགས་བཀྲེས་ཤིང་སྐོམ་པས་ཉམས། །དུད་འགྲོ་གཅིག་ལ་གཅིག་ཟས་ཉམས། །མི་རྣམས་འཚོ་བ་ཐུང་བས་ཉམས། །ལྷ་རྣམས་བག་མེད་པ་ཡིས་ཉམས། །ལྷ་མིན་འཐབ་ཅིང་རྩོད་པས་ཉམས། །འཁོར་བ་ཁབ་ཀྱི་རྩེ་ཙམ་ལ། །བདེ་

(༤༤༩)བ་ནམ་ཡང་ཡོད་མ་ཡིན། །ཞེས་སོ། །དེ་ལྟ་བུའི་འཁོར་བ་ལས་ཐར་བའི་ཐབས་ནི་དམ་པའི་ཆོས་ཁོ་ན་ལས་གཞན་གང་ཡང་མ་ཡིན་ཀྱང་རང་ཅག་རྣམས་ནི་ལས་ངན་ལ་གོམས་པས་མི་རྟག་པ་ལ་རྟག་པར་འཛིན། སྡུག་བསྔལ་བ་ལ་བདེ་བར་འཛིན་པས། དགེ་བའི་ཚོགས་སུ་ནི་བློ་འཇུག་པར་ཤིན་ཏུ་དཀའ། །སྡིག་པའི་ལས་ནི་རྩེད་མོའི་ཞོར་ཙམ་དུའང་འདུ་བྱེད་ཅིང་། ཁྱད་པར་ཚེ་འདིའི་དོན་དུ་གཉེར་བའི་ལས་ཐམས་ཅད་ནི་དངོས་སམ་བརྒྱུད་ནས་སྡིག་པའི་གཡོ་བཀོལ་འབའ་ཞིག་ལས་མ་འདས་པ་ཡིན་པའི་ཚུལ། ཁྱིམ་པ་རང་བཞིན་པ་གཅིག་ལ་ལྟོས་ཀྱང་། ཤ་ཁྲག་ལ་ཆགས་ནས་སྲོག་གཅོད། །ཚོང་དང་གཡོ་རྒྱུ་ལ་བརྟེན་ནས་མ་བྱིན་ལེན་པས་མཚོན་མི་དགེ་བཅུ་ལ་རྟག་ཏུ་སྤྱོད་པ་ཡིན་ན། དེའི་འབྲས་བུ་ངན་སོང་དུ་འགྲོ་བ་ལས་འོས་ཅི་ཡོད། །དེ་བས་ན་ད་ལྟ་རང་དབང་ཡོད་དུས་སྡིག་པ་སྤོང་ཞིང་དགེ་བའི་ལས་བསྒྲུབ་པ་ལ་བརྩོན་དགོས་ཏེ། སློབ་དཔོན་ཆེན་པོས། འདི་ནི་འཇིག་རྟེན་སྐྱོ་བའི་ཡུལ་ཡིན་པས། །སྐྱེ་བོའི་བདེ་སྐྱིད་ཕུན་སུམ་ཚོགས་འདྲ་བ། །དབྱར་གྱི་ཆུ་དང་རྨི་ལམ་ནོར་རྫས་ལྟར། །བདེན་པ་མེད་ཅིང་མྱུར་དུ་

(༤༥༠)མི་རྟག་པས། །སྐྱོ་བའི་འདུ་ཤེས་རྟག་ཏུ་བསྐྱེད་འཚལ་ལོ། །འདི་ཉིད་ལས་ལོག་བག་ཆགས་ཆགས་པ་དང་། །སྐྱེས་བུའི་དཔལ་ལ་ངོ་མཚར་ཆེར་བྱེད་པ། །དེ་ནི་བསོད་ནམས་དམན་པའི་རིགས་ཅན་ཏེ། ཁྱེད་ཀྱི་སྙིང་ནི་ཤིང་སྡོང་ཁོང་རུལ་ལྟར། །ཕྱི་ནང་ཐར་པའི་ལོ་འབྲས་མི་འབྱུང་ངོ་། །ཀྱེ་མ་ཀྱི་ཧུད་ཚེ་འདིའི་དཔལ་འབྱོར་ལ། །རྟག་ཅིང་ཕུན་སུམ་ཚོགས་འདྲར་ཤེས་པའི་བློ། །བྱིས་པའི་ནང་ནས་ཐ་ཤལ་སྐྱེས་བུ་སྟེ། །འཇིག་རྟེན་འདི་ན་དེ་བས་བླུན་པ་སུ། །སྔར་ཡང་མ་བྱུང་ཕྱིས་ཀྱང་མི་འབྱུང་ངོ་། །ཅེས་སོ། །དེ་བས་ན་འཆི་བ་ནམ་ཡོད་མ་ཤེས་ཤིང་། དེའི་ཚེ་ད་ལྟའི་ནོར་རྫས་དང་། དབང་ཐང་དང་། ཉེ་འབྲེལ་དང་། མཛའ་བཤེས་དང་འགྲོགས་དབང་ནི་མེད། རང་གི་ལུས་འདི་ཡང་དུར་ཁྲོད་འཇིགས་པར་འདོར་ཞིང་འབྲལ་དགོས། །ད་ལྟ་གཏན་དུ་སྡོད་དབང་ཡོད་པ་ལྟ་བུའི་སེམས་ཀྱིས་རང་ཕྱོགས་ལ་ཆགས། གཞན་ཕྱོགས་ལ་སྡང་། ལོངས་སྤྱོད་དང་ཁ་དྲག་ལ་སོགས་པ་སྒྲུབ་ཀྱང་། །དེ་རིང་ཡོད་པ་སང་ཉིན་ནས་མེད་པའི་གནས་སྐབས་ཉམས་སུ་མྱོང་ནས་སྲིད་པ་བར་དོའི་འཕྲང་ལ་བཤར་དགོས། །དེའི་ཚེ་དབང་ཡོད་དང་། ནོར་རྫས་དང་། །གཉེན་བཤེས་ཀྱིས་ཕན་

(༤༥༡)པ་ཏིལ་གྱི་འབྲུ་ཙམ་མེད་པས། སྐྱབས་དང་རེ་ལྟོས་སུ་གྱུར་པ་ནི་དམ་པའི་ཆོས་ལས་གཞན་སུ་ཡང་མེད་པའི་ཕྱིར། །ད་ལྟ་ནས་བླ་མ་དཀོན་མཆོག་ལ་བློ་གཏད་དེ་བློ་གདིང་ཐུབ་པའི་ཆོས་ལ་འབད་དགོས། དེ་ལྟར་འབད་པའང་མིའི་ལུས་རྟེན་ཡུན་དུ་འཚོ་བ་ལ་ལྟོས་དགོས་པས་རྡོ་རྗེ་ཐེག་པའི་ལམ་ནས་ཚེ་བསྒྲུབ་ཅིང་ཡུན་དུ་བསྲིང་བའི་ཐབས་ཇི་སྙེད་ཅིག་གསུངས་པ་རྣམས་ལས་འདི་ནི་ལུང་བསྟན་བཀའ་རྒྱ་མ་ལས། ལྷོ་ཕྱོགས་འོད་ཟེར་མིང་ཅན་སྤྲུལ་པའི་སྐུ། ཟབ་དོན་སྙིང་ཏིག་ཆོས་ཀྱིས་འགྲོ་བ་འདྲེན འབྲེལ་ཚད་རིག་འཛིན་ཞིང་དུ་འཕེན་པ་འབྱུང་ ཞེས་རྡོ་རྗེའི་ལུང་གིས་དབང་པོར་བྱས་པ་བཞིན། མངའ་བདག་ཁྲི་སྲོང་ལྡེའུ་བཙན་གྱི་གསུང་གི་སྤྲུལ་པ་ཀུན་མཁྱེན་རྫོགས་ཆེན་པ་རང་བྱུང་རྡོ་རྗེའམ། རིག་འཛིན་འཇིགས་མེད་གླིང་པ་ཉིད་ལ་གཡོ་རུ་སྒྲགས་ཀྱི་གྲོང་མོ་ཆེ་དང་ཉེ་བ་འཚོ་རྒྱལ་བླ་མཚོ་ནས་དཔལ་ལེན་པ་མེད་པའི་མཁའ་འགྲོའི་བརྡ་རིས་བབས་པ་ལས་བྱུང་བའི་ཆོས་སྡེ་མཁའ་འགྲོའི་ནང་སྒྲུབ་བདེ་ཆེན་སྙིང་པོའི་གཏེར་བུམ་གྱི་ལས་ཚོགས་བཞི་པ། རྗེ་བཙུན་སྒྲོལ་མ་གཙུག་ཏོར་རྣམ་རྒྱལ་མ་ལ་བརྟེན་ནས་ཚེ་དབང་བསྐུར་བ་ཡིན་

(༤༥༢)པས། གསོལ་བ་འདེབས་པ་འདིའི་རྗེས་ཟློས་མཛོད། །ཀུན་མཁྱེན་ཡེ་ཤེས་ཕུང་པོ་ཅན། །སྲིད་པའི་འཁོར་ལོ་རྣམ་སྦྱོང་བ། །དེ་རིང་བཤད་པའི་རིན་ཆེན་གཏེར། །གཙོ་བོས་བདག་ལ་བཀའ་དྲིན་སྩོལ། །ལན་གསུམ་རྗེས། འདི་ལྟར་མིའི་ལུས་རྟེན་རྙེད་པའི་ཁྱད་པར་དཀོན་མཆོག་གི་མཚན་ཐོས་པ་ཙམ་ལའང་ཕན་ཡོན་དཔག་ཏུ་མེད་ན། །དེ་ལ་སྙིང་ཐག་པ་ནས་སྐྱབས་སུ་སོང་ན་འཁོར་བ་དང་ངན་སོང་གི་སྡུག་བསྔལ་ལས་སྐྱོབ་པ་སྨོས་ཅི་དགོས་ཏེ། མདོ་སྡེ་ལས་བརྒྱ་པ་ལས། བྱ་ཞིག་ནམ་མཁའ་ལས་བབས་ནས་ངའི་མདུན་དུ་འདུག་པ་ན་ཐོང་ངམ། །གསོལ་བ། བཙུན་པ་བཅོམ་ལྡན་འདས་མཐོང་ལགས་སོ། །བཀའ་སྩལ་བ། དགེ་སློང་དག་བྱ་དེ་ང་ལ་སེམས་དགའ་བར་གྱུར་ནས་སོང་བ་ལས་ཁྲས་བསད་དེ། དེ་ང་ལ་སེམས་དགའ་བཞིན་དུ་སེམས་འཕོས་ནས་རྒྱལ་པོའི་ཁབ་འདི་ཉིད་དུ་ཚོང་དཔོན་གྱི་རིགས་སུ་སྐྱེས་ནས་ཆེར་སྐྱེས་པ་དང་། ང་ཉིད་ཀྱི་བསྟན་པ་ལ་རབ་ཏུ་འབྱུང་ངོ་། །རབ་ཏུ་འབྱུང་ནས་ན་ཚོད་ཀྱི་ལོ་བདུན་ལོན་པ་ཁོ་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བྱེད་དོ། །ཞེས་

(༤༥༣)གསུངས་ན། དཀོན་མཆོག་ལ་བརྟེན་པའི་རྒྱུ་འབྲས་ནི་བསམ་གྱིས་མི་ཁྱབ་པས་སྐྱབས་སུ་སོང་བ་གཅིག་པོའི་ཕན་ཡོན་ཀྱང་གཟུགས་ཅན་དུ་སོང་ན་ནམ་མཁའི་སྣོད་དུ་མི་ཆུད་པའི་ཚུལ། ཇི་སྐད་དུ། སྐྱབས་སོང་འདི་ལ་གཟུགས་མཆིས་ན། །ནམ་མཁའ་འདི་ཡང་སྣོད་དུ་ཆུང་། །རྒྱ་མཚོ་ཆེན་པོའི་ཆུ་ཡི་གཏེར། །ཕུལ་ལ་གཞལ་བས་ཟད་མི་འགྱུར། །ཞེས་གསུངས་པ་ཡིན་ནོ། །དེའི་ཕྱིར་གནས་སྐབས་ཀྱི་མངོན་མཐོ་དང་རང་ཞི་བདེ་ཙམ་ལ་དམིགས་པ་ནི། སྐྱབས་འགྲོ་ཉི་ཚེ་བ་ཡིན་པས། སྐྱེས་བུ་ཆེན་པོའི་སེམས་ཀྱིས། མདུན་གྱི་ནམ་མཁར་སངས་རྒྱས་དང་བྱང་ཆུབ་སེམས་དཔའ་ཐམས་ཅད་མངོན་སུམ་པར་དམིགས་ལ། དེ་དག་གི་ཡོན་ཏན་ལ་ཡིད་ཁྱེད་ཤེས་ཀྱི་དད་པ་དང་བཅས། མ་གྱུར་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་འཁོར་བ་སྡུག་བསྔལ་གྱི་རྒྱ་མཚོ་ལས་ཐར་ཏེ་རྣམ་པ་ཐམས་ཅད་མཁྱེན་པའི་གོ་འཕང་ཐོབ་པའི་ཆེད་དུ་དམིགས་ནས། སྐྱབས་སུ་འགྲོ་ཞིང་དེ་དང་རྗེས་སུ་འབྲེལ་བར་སེམས་ཅན་ཐམས་ཅད་ཕ་མར་ཤེས་པའི་བྱམས་པ་དང་། བྱས་པ་ཤེས་པའི་སྙིང་རྗེ་དང་། དྲིན་དུ་གཟོ་བའི་དགའ་བ་དང་།

(༤༥༤)ཉེ་འཁོན་མེད་པའི་ཕན་སེམས་བཞིའི་ལྷག་བསམ་ལྡན་པས་སྨོན་སེམས་བསྐྱེད་པ་འདིའི་རྗེས་ཟློས་མཛོད། སངས་རྒྱས་ཆོས་དང་ཚོགས་ཀྱི། སོགས་ལན་གསུམ། དེ་ལྟར་སྐྱབས་སུ་སོང་ནས་བསླབ་བྱ་གསུམ་ལ་བསླབ་དགོས་ཏེ། དང་པོ་དགག་པའི་བསླབ་བྱ་ནི། སངས་རྒྱས་ལ་སྐྱབས་སུ་སོང་ནས་རང་ཉིད་འཁོར་བ་ན་འཁོར་བ་འཇིག་རྟེན་པའི་ལྷ་དང་དབང་པོ་ཆེ་ལ་སྐྱབས་སུ་མི་བཟུང་། ཆོས་ལ་སྐྱབས་སུ་སོང་ནས་སེམས་ཅན་ལ་འཚེ་བ་མི་བྱེད། །དགེ་འདུན་ལ་སྐྱབས་སུ་སོང་ནས་མུ་སྟེགས་ཅན་ནམ་དེ་དང་ཕྱོགས་མཐུན་པ་ལ་མི་འགྲོགས། གཉིས་པ་བསྒྲུབ་པའི་བསླབ་བྱ་ནི། སྐུའི་རྟེན་ཆག་དུམ་ཡན་ཆད་དང་། གསུང་གི་རྟེན་གླེགས་བམ་གྱི་རས་མོ་དང་། དགེ་འདུན་གྱི་རྟེན་ལྷན་པོ་སེར་པོ་ཡན་ཆད་ལ་བསྟི་སྟང་དུ་བྱ། གསུམ་པ་ཆ་མཐུན་གྱི་བསླབ་བྱ་ནི། །སྐྱེས་བུ་དམ་པ་ལ་བརྟེན། དམ་པའི་ཆོས་ལ་ཐོས་བསམ་བྱ། དགེ་འདུན་དང་རྗེས་སུ་མཐུན་པར་སྤྱོད། རྣམ་པ་ཐམས་ཅད་དུ་དཀོན་མཆོག་ཡིད་ལ་བྱེད་པ་དང་མ་བྲལ་བས་སྐྱབས་འགྲོ་འདོན་པ་ལ་བརྩོན་པར་བྱ་ཞིང་། དེ་བཞིན་དུ་སྨོན་སེམས་ཀྱི་བསླབ་བྱ་སེམས་ཅན་ཐམས་ཅད་

(༤༥༥)ནི་ཚེ་རབས་གཞན་དང་གཞན་དག་ཏུ་བདག་གི་ཕ་མར་གྱུར་པ་ཤ་སྟག་ཡིན་པ་ལ་དྲིན་ཤེས་པ་དང་། དྲིན་དྲན་པ་དང་། བྱས་པ་དྲིན་དུ་གཟོ་བའི་ལྷག་པའི་བསམ་པ་རྒྱ་ཆེན་པོས་བདག་ལས་གཞན་གཅེས་ཀྱི་ཕན་སེམས་དང་། བདག་གཞན་བརྗེ་བ་དང་། ཐ་ནའང་བདག་གཞན་མཉམ་པའི་སེམས་ཀྱིས་མཐུན་པར་བལྟས་ནས་ཕན་འདོགས་པ་འབའ་ཞིག་ལས་གནོད་སེམས་ཅུང་ཟད་ཀྱང་མི་བསྐྱེད་པ་ནི་རྒྱལ་བ་དགྱེས་པའི་བྱ་བ་སྒྲུབ་པ་ཡིན་པའི་ཚུལ། ཚིགས་སུ་བཅད་པ་བཅུ་གཅིག་པ་ལས། སེམས་ཅན་རྣམས་ལ་ཕན་མཆོག་དེ་ནི་ང་ལ་ཕན་མཆོག་ཡིན། སེམས་ཅན་རྣམས་ལ་གནོད་མཆོག་དེ་ནི་ང་ལ་གནོད་མཆོག་ཡིན། །ང་དང་སེམས་ཅན་རྣམས་ནི་བདེ་སྡུག་མཚུངས་པས་ན། ང་ཡི་གཟུགས་ཀྱི་སྐུ་ནི་སེམས་ཅན་དོན་དུ་བསྒྲུབས་པ་ཡིན། ཞེས་གསུངས་པས། འདུས་བྱས་ཀྱི་དགེ་བ་ལ་བྱང་ཆུབ་ཀྱི་སེམས་ལས་རྣམ་པར་སྨིན་པ་རྒྱ་ཆེ་བ་མེད་ཅིང་རྫོགས་པའི་སངས་རྒྱས་ཐོབ་པའི་རྒྱུ་མ་ནོར་བ་ཡིན་པས་རྟག་ཏུ་བསམ་པ་བཟང་པོ་ལ་གནས་འཚལ། དེ་ལྟ་བུས་ཀུན་སློང་བཅོས་ནས་བསོད་ནམས་ཀྱི་ཚོགས་ཆེན་

(༤༥༦)པོ་འདུ་བའི་སྒོ་ནས་ཡན་ལག་བདུན་པས་རྒྱུད་སྦྱང་བའི་ཕྱིར་ནམ་མཁའ་གང་བའི་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱི་སྤྱན་སྔར་དད་པའི་སེམས་ཀྱིས། ཕྱག་འཚལ་བ་དང་། མཆོད་པའི་སྤྲིན་རབ་འབྱམས་སྤྲོ་བ་དང་། སྡིག་པའི་ལས་རྣམས་གནོང་འགྱོད་དྲག་པོས་བཤགས་པ་དང་། རང་གཞན་གྱི་དགེ་བ་ལ་རྗེས་སུ་ཡི་རང་བ་བསྐྱེད་པ་དང་། །རྒྱལ་དང་དེ་སྲས་སྤྲུལ་པའི་གཟུགས་བརྙན་དང་བཅས་པ་ལ་ཆོས་ཀྱི་འཁོར་ལོ་བསྐོར་བར་བསྐུལ་བ་དང་། མྱ་ངན་ལས་མི་འདའ་བར་གསོལ་བ་གདབ་པ་དང་། དགེ་བ་རྫོགས་བྱང་དུ་བསྔོ་བ་སོ་སོའི་དོན་ལ་ངེས་ཤེས་ཁྱད་པར་ཅན་ཡིད་ལ་བྱེད་པས་འདིའི་རྗེས་ཟློས་མཛད་པར་འཚལ། །ཕྱག་འཚལ་བ་དང་མཆོད་ཅིང་བཤགས་སོགས་བརྗོད། དེ་ནས་དབང་གི་དོན་པོ་ཚེ་དང་ཡེ་ཤེས་དབབ་པའི་ཕྱིར་དམིགས་པ་འདི་བཞིན་དུ་མཛོད། ལས་བུམ་ཆུས་བསང་། སྭ་བྷཱ་ཝས་སྦྱངས། སྟོང་པའི་ངང་ལས་སློབ་མ་རྣམས་ཀུན་གཞིའི་རྣམ་པར་ཤེས་པ་ཨ་དཀར་པོར་གསལ་བ་ཡོངས་སུ་གྱུར་པ་ལས། དུས་གསུམ་སངས་རྒྱས་ཐམས་ཅད་བསྐྱེད་པའི་ཡུམ་འཕགས་མ་ཚེ་དང་ཡེ་ཤེས་དཔག་ཏུ་མེད་པའི་བདག་

(༤༥༧)ཉིད་རྗེ་བཙུན་སྒྲོལ་མ་གཙུག་ཏོར་རྣམ་པར་རྒྱལ་མ་སྐུ་མདོག་གསེར་བཙོ་མ་ལྟ་བུ་ཞབས་ཕྱེད་སྐྱིལ་གྱིས་བཞུགས་པའི་ཕྱག་གཡས་མཆོག་སྦྱིན་དང་། གཡོན་དཀོན་མཆོག་གསུམ་མཚོན་གྱི་ཕྱག་རྒྱས་མེ་ཏོག་ཨུཏྤལ་འཛིན་པའི་སྟེང་ན་ཚེ་བུམ་བཅུད་ལྡན་གྱིས་བརྒྱན་པའི། །སྤྱི་བོར་ཨོཾ། མགྲིན་པར་ཨཱ ཐུགས་ཀར་ཧཱུྃ་གིས་མཚན་པ་ལས་འོད་ཟེར་འཕྲོས་པས་ཕྱོགས་བཅུའི་རྒྱལ་བ་སྲས་དང་བཅས་པའི་བྱིན་རླབས་དང་དངོས་གྲུབ། སྣོད་བཅུད་བརྟན་གཡོ་ཀུན་གྱི་དངས་བཅུད་བཀྲག་མདངས་དང་བཅས་པ་བསྡུས་ནས་བསྒྲུབ་བྱ་རྣམས་ལ་ཐིམ་པས། འཆི་བ་མེད་པའི་ཚེ་དང་རྡོ་རྗེ་ལྟ་བུའི་སྲོག་ཐོབ་པའི་མོས་པ་མཛོད། ཅེས་བརྗོད་ལ། ཚེ་འགུགས་ནི་མདའ་དར་གཡབ་ཅིང་། ཧཱུྃ ཡེ་ཤེས་དབྱིངས་ནས་ཚེ་འགུགས་མ བདེ་གཤེགས་སངས་རྒྱས་མཁའ་འགྲོ་མ དམར་མོ་ཚེ་ཡི་བུམ་པ་འཛིན ཆོས་ཀྱི་དབྱིངས་ནས་ཚེ་ཁུག་ཅིག ཧཱུྃ ནམ་མཁའི་དབྱིངས་ནས་ཚེ་འགུགས་མ སངས་རྒྱས་མཁའ་འགྲོ་གཤིན་རྗེ་མོ སྔོན་མོ་ཚེ་ཡི་བུམ་པ་འཛིན ནམ་མཁའི་ཁམས་ནས་ཚེ་ཁུག་ཅིག ཧཱུྃ རླུང་གི་ཁམས་ནས་ཚེ་འགུགས་མ རྡོ་རྗེ་མཁའ་འགྲོ་

(༤༥༨)སྐྱོད་བྱེད་མ མཐིང་ནག་ཚེ་ཡི་བུམ་པ་འཛིན རླུང་གི་ཁམས་ནས་ཚེ་ཁུག་ཅིག ཧཱུྃ མེ་ཡི་ཁམས་ནས་ཚེ་འགུགས་མ རིན་ཆེན་མཁའ་འགྲོ་སྲེག་བྱེད་མ༔ སེར་མོ་ཚེ་ཡི་བུམ་པ་འཛིན མེ་ཡི་ཁམས་ནས་ཚེ་ཁུག་ཅིག ཧཱུྃ ཆུ་ཡི་ཁམས་ནས་ཚེ་འགུགས་མ པདྨ་མཁའ་འགྲོ་རྨོངས་བྱེད་མ དམར་མོ་ཚེ་ཡི་བུམ་པ་འཛིན ཆུ་ཡི་ཁམས་ནས་ཚེ་ཁུག་ཅིག ཧཱུྃ ས་ཡི་ཁམས་ནས་ཚེ་འགུགས་མ ལས་ཀྱི་མཁའ་འགྲོ་ཙན་ཏི་ཀ ལྗང་གུ་ཚེ་ཡི་བུམ་པ་འཛིན ས་ཡི་ཁམས་ནས་ཚེ་ཁུག་ཅིག ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་ཨཱ་ཡུར་ད་ཏེ་བྷྲཱུྃ་སྭཱ་ཧཱ དེ་ནས་དབང་བསྐུར་བའི་སྔོན་དུ་རྗེ་བཙུན་མ་ལ་ཕྱག་འཚལ་བ་འདིའི་རྗེས་ཟློས་མཛོད། །ཕྱག་འཚལ་དེ་བཞིན་གཤེགས་པའི་གཙུག་གཏོར། །མཐའ་ཡས་རྣམ་པར་རྒྱལ་བ་སྐྱེད་མ། །མ་ལུས་ཕ་རོལ་ཕྱིན་པ་ཐོབ་པའི། །རྒྱལ་བའི་སྲས་ཀྱིས་ཤིན་ཏུ་བརྟེན་མ། །ཞེས་པའི་རྗེས་ཚེ་དབང་དངོས་དང་རྒྱས་གདབ་ནི་བདུད་རྩི་བུམ་བཅུད་བཞིན་ནོ། །ཞེས་དད་མེད་ཀྱི་མདུན་སར་རང་བསྟོད་ཀྱི་མཚམས་སྦྱོར་སྒྲོགས་པ་ནི་འཇིག་རྟེན་གྱི་གྲགས་ཚོད་དང་ཡང་འགལ་བར་ཤེས་ཀྱང་རྗེ་བཙུན་དཔལ་ལྡིངས་པའི་ཐུགས་འདོད་ནན་ཆེས་པས་རེ་དོགས་མེད་པའི་ངང་ནས་སྨྲས་པའོ།། །།

(༤༥༩)ཡུམ་ཀ་མཁའ་འགྲོའི་ལས་ཚོགས་ལས། གཏེར་བུམ་སྒྲུབ་པའི་ལྷན་ཐབས་བཞུགས།། །།

(༤༦༠)རྗེ་བཙུན་སྒྲོལ་མ་རྣལ་འབྱོར་མ་ལ་ཕྱག་འཚལ་ལོ། །མཁའ་འགྲོའི་ལས་ཚོགས་བཅུ་གཅིག་པའི་སྒོ་ནས་གཏེར་བུམ་སྒྲུབ་པ་དང་། གཡང་འགུགས་ལྷན་ཐབས་ནི། །རིན་པོ་ཆེའམ། །རྫའི་བུམ་པ་བྲེ་གང་ཤོང་བ་ལས་མི་ཆུང་བར་ལི་ཁྲི་བྱུགས་པ་ལ། བཀྲ་ཤིས་རྟགས་བརྒྱད་ཀྱི་རི་མོ་བྲི། པྲ་རྩིས་མནན། ནང་གི་རྨིང་ཞབས་སུ་ཞིང་ས་བཟང་པོ་དགུ། རྒྱ་བོད་ཀྱི་གནས་ཆེན་དང་། རི་རྒྱུད་བཟང་པོ་བཀྲ་ཤིས་པ་ལ་སོགས་པའི་ས་རྡོ་ཆུ་ཤིང་། ཕྱུགས་འཕེན་གྱི་ལག་ནས་བྱུང་བའི་འབྲུ་སྣ་དང་གོས་དར། ནོར་དབྱིག་གཙང་མ། རིན་པོ་ཆེ་སྣ་ལྔ། དར་སྣ། ནས་འབྲས། གྲོ་སྲན། ལ་སོགས་པའི་འབྲུ་སྣ་བཟང་པོ། །ཛཱ་ཏི། ལི་ཤི། གུར་གུམ། ཙན་དན། དབང་ལག །འབྲས་བུ་གསུམ། གེ་སར་གསུམ། དུག་

(༤༦༡)རིགས་མེད་པའི་སྨན་སྣ། ཀླུ་སྨན་ཁྲོལ་བུ་ཚོགས་པ་དང་། ཁྱད་པར་སའི་སྙིང་པོ་གསེར། ཆུའི་སྙིང་པོ་སྤུག །མེའི་སྙིང་པོ་ཤེལ། རླུང་གི་སྙིང་པོ་ག་བུར་སོགས་དང་། དཀར་གསུམ་མངར་གསུམ་བཅུད་སྨན་ཉེར་ལྔ། གཞན་ཡང་ཤིང་ཏོག་སོགས་བཟའ་བཅའ་བཟང་པོས་བཀང་བའི་སྟེང་དུ་ཐུགས་རྗེ་ཆེན་པོའི་པྲ་ཁྲིད་ལས་བཤད་པའི་ནོར་རྒྱུན་མའི་ཙཀྲ་ཇི་བཞིན་ལ་རྟེན་སྙིང་ནང་དུ་མུ་ཁྱུད་མཐོལ་གཅིག་བསྐོར་བར་ལས་སྒྲུབ་གཟུངས་འདྲི། ཙན་དན་དང་དྲི་བཟང་གིས་བྱུགས་པའི་ལྟེ་བ་མ་ཆག་པར་ལྟེ་བ། འབྱོར་ན་གནོད་སྦྱིན་མོ་དགུའི་འཁོར་ལོས་ཕྱི་ནས་དྲིལ། གཉིས་ཀ་ལ་དར་གྱི་ན་བཟའ་གསོལ། བུམ་པའི་མདུན་རྟགས་དང་འཁོར་ལོའི་ཞལ་ཕྱོགས་བསྒྲིགས། རྒྱ་ཤོག་ལ་གྲང་གསེར་གྱིས་ནམ་

(༤༦༢)མཁའ་མཛོད་ཀྱི་སྔགས་འདོད་གསོལ་དང་བཅས་བྲིས་པའི་ཤོག་དྲིལ་ཀྱང་བཙུད། ཁ་བལ་ཚོན་སྣ་ལྔས་བཅད། ཤིང་ལ་སོགས་པའི་ཁ་གཅོད་ཀྱི་ནང་ལ་པདྨ་འདབ་བཞིའི། དབུས་སུ་མཱུྃ། ཤར་དུ་ལཱཾ། ལྷོར་མཱྃ། ནུབ་ཏུ་བཱྃ། བྱང་དུ་ཏཱྃ། ཞེས་དང་། ཕྱི་ལ་ནོར་བུའམ་གཡུང་དྲུང་བྲིས། སྲོག་ཆགས་དང་རླན་གཤེར་མི་འཇུག་པའི་བཅའ་ག་བྱ། །རྟེན་འཛུགས་བྱེད་ན་ཤོད་ཁང་སོགས་མི་གཙང་དྲི་ངའི་གནས་མ་ཡིན་པར་རི་གླིང་རོལ་མཚོ་དང་བཅས་པའི་བཀོད་པ་བྲིས་པའམ་སྨན་སྣ་བསྲེས་པའི་བཀྲ་ཤིས་ཀྱི་ས་ལ་བྱ། དེའི་སྟེང་བུམ་པ་དར་གྱི་ན་བཟའ་དང་བཅས། རྩི་བཅུད་ལས་གྲུབ་པའི་ནོར་བུ་འབར་བས་ཁ་བརྒྱན་པ་བཞག །བང་རིམ་རྣམས་ལ་བཀྲ་ཤིས་རྫས་རྟགས། རྒྱལ་སྲིད་བདུན། རལ་གྲི། རྒྱ་མཚོའི་ཀླུའི་པགས་པ། མལ་ཆ་མཐོ་དམའ་ཅན། སྐྱེད་ཚལ། ཁང་བཟང་། གོས། ལྷྭམ་སྟེ་ཉེ་བའི་རིན་ཆེན་བདུན་དང་། འདོད་ཡོན་གྱི་ལྷ་མོ་བྲིས་འབུར་ཅི་རིགས་པ་གདུགས་དང་རྒྱལ་མཚན་བ་དན་དང་བཅས་པ་བཞག །འཇུག་པ་དེ་ཉིན་ཆོག་མ་ལྟ་བུར། ཕྱིང་དཀར་སྟེང་ཙན་དན་གྱི་ཕྱེ་མས་སྤགས་པའི་འབྲུ་དཀར་གྱི་གཡུང་དྲུང་བྲིས་པའི་སྟེང་དུ་བཀོད། རྒྱབ་ཏུ་མདའ་དར། གཡས་སུ་ཕྱེ་མར། དཀར་མོ་ལག་གཡས། གཡོན་དུ་གཡང་ཆང་། མདུན་དུ་མཆོད་གཏོར་དང་ཉེར་སྤྱོད། ཅི་རིགས་པར་གཡང་འགུགས་ཀྱི་ཕོ་ཉ་ཚེ་རིང་མའི་རྟེན་གཏོར་

(༤༦༣)དང་གཡང་གཏོར་ནོར་བུ་མིག་གསུམ་པ་མདའ་བྱ་རྒོད་མས་བརྒྱན་པ། མ་མགོན་ལྕམ་དྲལ་གྱི་གཏོར་མ། ཀུན་གྱི་མཐའ་སྐོར་ཟས་ནོར་སྲིད་པའི་ཕུན་ཚོགས་འབྱོར་ཚད་བཤམས། དེ་ནས་མཁའ་འགྲོའི་ལས་གཞུང་གིས་བདག་མདུན་མཉམ་བསྒྲུབ་བྱ། བསྟོད་པའི་མཚམས་སུ། མཁའ་འགྲོའི་ཐུགས་ཀར་པད་ཟླའི་སྟེང་༔ ནོར་སྟེར་དམར་སེར་ཁྲོ་གཉེར་ཅན ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས ཨུཏྤལ་ལ་གནས་གཏེར་བུམ་འཛིན འོད་ཟེར་འཕྲོས་པས་ཕྱོགས་སྐྱོང་སོགས ས་གཞི་སྐྱོང་བའི་ཕོ་ཉ་བསྐུལ ལྷ་ཀླུ་མི་ཡི་དཔལ་འབྱོར་དང་ ལོངས་སྤྱོད་ཆར་དུ་བབས་པ་ཡིས ཡུལ་ལྗོངས་དང་ནི་ཁྱིམ་གང་བསམ། ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་མ་མ་བཱ་སུ་པུཥྚི༚་ཀུ་རུ་སྭཱ་ཧཱ། ཞེས་རྩ་སྔགས་དང་། ལས་སྒྲུབ་གཟུངས། ན་མོ་རཏྣ་ཏྲ་ཡཱ་ཡ། ན་མོ་མ་ཎི་བྷ་དྲ་ཡ། མ་ཧཱ་ཡཀྵ་སེ་ན་པ་ཏ་ཡེ། ཏདྱ་ཐཱ། ཨོཾ་ས་མ་ས་མ། སི་མི་སི་མི། སུ་མུ་སུ་མུ། ཙནྡྷ་ཙནྡྷ། ས་ར་ས་ར། ཙ་ར་ཙ་ར། ཀ་ར་ཀ་ར། ཀུ་རུ་ཀུ་རུ། མུ་རུ་མུ་རུ། ཨ་ཏྲ་ཡ་ནི། ཨ་ད་མ་ཡ་ནི། དྷ་ར་རུ་སྭཱ་ཧཱ། ན་མོ་བེ་ཤྲ་

(༤༦༤)མ་ཎ་ཡེ། ཧ་ན་ཧ་ན། སྡུད་དུ་སྡུད་དུ། མ་མ་ཀུན་ནེ་ཀུན་ནེ་ན་ཡེ་སྭཱ་ཧཱ། ཞེས་ཅི་ལྕོགས་བཟླ། རྒྱལ་ཆེན་སྡེ་བཞི་ལ་སོགས་དཔལ་མགོན་བདུན་ཅུ། ས་གཞི་སྐྱོང་བའི་ཚོགས་ལས་ལ་བཀོལ་བས་སྲིད་པའི་ལོངས་སྤྱོད་ཆར་དུ་བབས་པས་ཡུལ་ལྗོངས་དང་ཁྱིམ་ཐམས་ཅད་གང་བར་བསམ། ཐུན་མཐར་མཆོད་ཅིང་། ཕྱག་འཚལ་ས་གཞི་སྐྱོང་བའི་ཚོགས་རྣམས། ཐམས་ཅད་འགུགས་པར་ནུས་པ་ཉིད་མ། ཁྲོ་གཉེར་ཅན་མཛད་ཡི་གེ་ཧཱུྃ་གིས། །ཕོངས་པ་ཐམས་ཅད་རྣམ་པར་སྒྲོལ་མ། །ཞེས་བརྒྱ་ཚར་བརྗོད། སྐབས་འདིར་མ་མགོན་དང་ཚེ་རིང་མའི་གསོལ་ཁ་བྱ། བསོད་ནམས་འཕེལ་བ་ལས་ཕུན་སུམ་ཚོགས་པ་ཐམས་ཅད་འབྱུང་བ་ཡིན་པས་ཚོགས་སྐོང་ཀྱང་ཅི་ནུས་བགྱིད། དེ་ནས་གཡང་འགུགས་ནི། མདའ་དར་གཡོབ་ཅིང་། ཧཱུྃ། ཤར་གྱི་ཕྱོགས་ནས་གཡང་འགུགས་མ། །རྡོ་རྗེ་ཡུམ་ཆེན་སངས་རྒྱས་སྤྱན། །ཕྱག་ན་མདའ་དར་བུམ་པ་འཛིན། །འབྱུང་བ་ས་ཡི་བཀྲག་མདངས་བཅུད། །ཕྱྭ་དང་གཡང་དུ་འདིར་ཁུག་ཅིག །ལྷོ་ཡི་ཕྱོགས་ནས་གཡང་འགུགས་མ། །རིན་ཆེན་ཡུམ་ནི་མཱ་མ་ཀཱི། །ཕྱག་ན་མདའ་དར་བུམ་པ་འཛིན། །འབྱུང་བ་ཆུ་ཡི་བཀྲག་མདངས་བཅུད། །

(༤༦༥)ཕྱྭ་དང་གཡང་དུ་འདིར་ཁུག་ཅིག །ནུབ་ཀྱི་ཕྱོགས་ནས་གཡང་འགུགས་མ། །པདྨ་ཡུམ་ཆེན་ན་བཟའ་དཀར། །ཕྱག་ན་མདའ་དར་བུམ་པ་འཛིན། །འབྱུང་བ་མེ་ཡི་བཀྲག་མདངས་བཅུད། །ཕྱ་དང་གཡང་དུ་འདིར་ཁུག་ཅིག །བྱང་གི་ཕྱོགས་ནས་གཡང་འགུགས་མ། །ལས་རབ་ཡུམ་ཆེན་དམ་ཚིག་སྒྲོལ། །ཕྱག་ན་མདའ་དར་བུམ་པ་འཛིན། །འབྱུང་བ་རླུང་གི་བཀྲག་མདངས་བཅུད། །ཕྱ་དང་གཡང་དུ་འདིར་ཁུག་ཅིག །དབུས་ཀྱི་ཕྱོགས་ནས་གཡང་འགུགས་མ། །དབྱིངས་ཀྱི་དབང་ཕྱུག་ཀུན་ཏུ་བཟང་། །ཕྱག་ན་མདའ་དར་བུམ་པ་འཛིན། །འབྱུང་བ་ནམ་མཁའི་བཀྲག་མདངས་བཅུད། །ཕྱྭ་དང་གཡང་དུ་འདིར་ཁུག་ཅིག །བཙུན་མོ་དཔལ་ལྡན་ནོར་གྱི་རྒྱུན། །སྐུ་མདོག་བཙོ་མ་གསེར་གྱི་མདོག །ཞལ་གཅིག་ཕྱག་གཉིས་ཕྱེད་སྐྱིལ་བཞུགས། །ཤིང་ཏོག་བི་ཛ་པུ་ར་དང་། །རིན་ཆེན་འབྲས་ཀྱི་སྙེ་མ་འཛིན། །ཤིན་ཏུ་མཛེས་ལྡན་དབུ་སྐྲ་གྲོལ། །མུ་ཏིག་ནོར་བུའི་དོ་ཤལ་དང་། །ཨུཏྤལ་མེ་ཏོག་ཕྲེང་བས་བརྒྱན། །འབྲས་ལྡན་བྱང་ཆུབ་ཤིང་ལ་བརྟེན། །རིན་ཆེན་འབྲུ་ཡི་བང་མཛོད་དང་། །རྟ་

(༤༦༦)དང་བ་ལང་གཡག་ལུག་ཕྱུགས། །ཚེ་དང་བསོད་ནམས་དབང་ཐང་གཏེར། །ལོངས་སྤྱོད་ནོར་གྱི་དངོས་གྲུབ་ཀུན། །ཆར་ལྟར་འབབ་པའི་གཡང་ཁུག་ཅིག །ཟླ་བའི་འོད་ཟེར་དབྱངས་ཅན་མ། །འཕགས་མ་དང་ནི་སྦས་མ་དང་། །ནོར་སྦྱིན་མ་དང་རབ་སྦྱིན་མ། །ལྷ་མོ་མཛེས་མ་རབ་བཟང་དང་། །དབུལ་བ་སེལ་བ་ཁྱེད་རྣམས་ཀྱིས། །རིན་ཆེན་འབྲུ་ཡི་བང་མཛོད་དང་། །རྟ་དང་བ་གླང་གཡག་ལུག་ཕྱུགས། །ཚེ་དང་བསོད་ནམས་དབང་ཐང་གཏེར། །ལོངས་སྤྱོད་ནོར་གྱི་དངོས་གྲུབ་ཀུན། །ཆར་ལྟར་འབབ་པའི་གཡང་ཁུག་ཅིག །ཤར་ཕྱོགས་རྒྱལ་པོ་ཡུལ་འཁོར་སྲུང་། །མཁས་ཤིང་བུ་མང་དཔལ་དང་ལྡན། །དྲི་ཟ་ཀུན་གྱི་བདག་པོ་ཡིན། །སྨིན་དྲུག་ལ་སོགས་ཤར་སྐར་བདུན། །རྒྱལ་དང་རྣམ་པར་རྒྱལ་མ་དང་། །དོན་གྲུབ་མ་དང་མི་ཕམ་མ། །དགའ་མཆོག་མ་དང་དགའ་བདེ་དང་། །དགའ་ཅན་མ་དང་དགའ་འཕེལ་མ། །ལྷ་མོ་གཞོན་ནུ་བརྒྱད་རྣམས་ཀྱིས། །རིན་ཆེན་འབྲུ་ཡི་བང་མཛོད་དང་། །རྟ་དང་བ་གླང་གཡག་ལུག་ཕྱུགས། །ཚེ་དང་བསོད་ནམས་དབང་ཐང་གཏེར། །ལོངས་སྤྱོད་ནོར་གྱི་དངོས་གྲུབ་ཀུན། །ཆར་ལྟར་འབབ་པའི་

(༤༦༧)གཡང་ཁུག་ཅིག །ལྷོ་ཕྱོགས་རྒྱལ་པོ་འཕགས་སྐྱེས་པོ། །མཁས་ཤིང་བུ་མང་དཔལ་དང་ལྡན། །གྲུལ་བུམ་ཀུན་གྱི་བདག་པོ་ཡིན། །མཆུ་དང་གྲེ་སོགས་ལྷོ་སྐར་བདུན། །དཔལ་ལྡན་མ་དང་གྲགས་ལྡན་མ། །གྲགས་པ་ཐོབ་དང་གྲགས་འཛིན་མ། །ལེགས་པར་ལངས་དང་རབ་སྔ་དང་། །ལེགས་པར་སང་དང་བདེ་སྒྲུབ་མ། །ལྷ་མོ་གཞོན་ནུ་བརྒྱད་རྣམས་ཀྱིས། །རིན་ཆེན་འབྲུ་ཡི་བང་མཛོད་དང་། །རྟ་དང་བ་གླང་གཡག་ལུག་ཕྱུགས། །ཚེ་དང་བསོད་ནམས་དབང་ཐང་གཏེར། །ལོངས་སྤྱོད་ནོར་གྱི་དངོས་གྲུབ་ཀུན། །ཆར་ལྟར་འབབ་པའི་གཡང་ཁུག་ཅིག །ནུབ་ཕྱོགས་རྒྱལ་པོ་སྤྱན་མི་བཟང་། །མཁས་ཤིང་བུ་མང་དཔལ་དང་ལྡན། །ཀླུ་རྣམས་ཀུན་གྱི་བདག་པོ་ཡིན། །ལྷ་མཚམས་ལ་སོགས་ནུབ་སྐར་བདུན། །རྣ་ཆ་སྲ་མཁྲེགས་མ་དང་ནི། །པདྨ་དཀར་དང་སྐྱ་རེངས་དང་། །ཆ་མེད་གཅིག་དང་དགུ་པ་དང་། །རོལ་དང་གནག་དང་སྟོབས་མྱུར་སྲིད། །ལྷ་མོ་གཞོན་ནུ་བརྒྱད་རྣམས་ཀྱིས། །རིན་ཆེན་འབྲུ་ཡི་བང་མཛོད་དང་། །རྟ་དང་བ་གླང་གཡག་ལུག་ཕྱུགས། །ཚེ་དང་བསོད་ནམས་དབང་ཐང་གཏེར། །

(༤༦༨)ལོངས་སྤྱོད་ནོར་གྱི་དངོས་གྲུབ་ཀུན། །ཆར་ལྟར་འབབ་པའི་གཡང་ཁུག་ཅིག །བྱང་ཕྱོགས་རྒྱལ་པོ་རྣམ་ཐོས་སྲས། །མཁས་ཤིང་བུ་མང་དཔལ་དང་ལྡན། །གནོད་སྦྱིན་ཀུན་གྱི་བདག་པོ་ཡིན། །མོན་གྲུ་ལ་སོགས་བྱང་སྐར་བདུན། །རབ་ཆགས་ལྷ་མོ་སྟོང་ལྷ་མོ། །ས་དང་དེ་བཞིན་པདྨ་ཅན། །རྒྱལ་པོ་ཆེ་ལ་ཉེ་གནས་དང་། །རེ་དང་ཁྲེལ་ཡོད་དཔལ་ལྡན་མ། །ལྷ་མོ་གཞོན་ནུ་བརྒྱད་རྣམས་ཀྱིས། །རིན་ཆེན་འབྲུ་ཡི་བང་མཛོད་དང་། །རྟ་དང་བ་གླང་གཡག་ལུག་ཕྱུགས། །ཚེ་དང་བསོད་ནམས་དབང་ཐང་གཏེར། །ལོངས་ལོངས་སྤྱོད་ནོར་གྱི་དངོས་གྲུབ་ཀུན། །ཆར་ལྟར་འབབ་པའི་གཡང་ཁུག་ཅིག །རི་རྒྱལ་ལྷུན་པོའི་སྟེང་ཕྱོགས་ན། །དབང་པོ་ལ་སོགས་ལྷ་ཆེན་བརྒྱད། །རོལ་མཚོ་ལ་གནས་ཀླུ་ཆེན་སྡེ། །གོ་ལའི་ཁྱིམ་གྱི་དྲང་སྲོང་ཚོགས། །ཕྱོགས་སྐྱོང་བཅུ་དང་འཇིགས་བྱེད་སོགས། །དཔལ་མགོན་བདུན་ཅུའི་ཚོགས་རྣམས་ཀྱིས། །རིན་ཆེན་འབྲུ་ཡི་བང་མཛོད་དང་། །རྟ་དང་བ་གླང་གཡག་ལུག་ཕྱུགས། །ཚེ་དང་བསོད་ནམས་དབང་ཐང་གཏེར། །ལོངས་སྤྱོད་ནོར་གྱི་དངོས་གྲུབ་ཀུན། །ཆར་ལྟར་འབབ་པའི་གཡང་ཁུག་ཅིག །གླིང་ཆེན་བཞི་དང་གླིང་ཕྲན་བརྒྱད། །

(༤༦༩)རི་རབ་ཟོམ་དང་གསེར་རི་བདུན། །རོལ་མཚོ་ལྷ་གནས་རྒྱ་མཚོའི་རིམ། །ས་ཆུ་མེ་རླུང་ནམ་མཁའི་ལྷ། །རི་དང་ནགས་ཚལ་སྐྱེད་མོས་ཚལ། །གཙུག་ལག་ཁང་དང་རྒྱལ་པོའི་ཁབ། །གྲོང་དང་གྲོང་ཁྱེར་ལ་གནས་པའི། །ལྷ་ཡི་ཕྱྭ་དང་སྣོད་ཀྱི་གཡང་། །རིན་ཆེན་འབྲུ་ཡི་བང་མཛོད་དང་། །རྟ་དང་བ་གླང་གཡག་ལུག་ཕྱུགས། །ཚེ་དང་བསོད་ནམས་དབང་ཐང་གཏེར། །ལོངས་སྤྱོད་ནོར་གྱི་དངོས་གྲུབ་ཀུན། །ཆར་ལྟར་འབབ་པའི་གཡང་ཁུག་ཅིག །མཁར་གྱི་རྩེ་དང་སྒྱེད་པོའི་ལྷ། །ཐབ་ལྷ་ཡུ་མོ་འབར་བ་དང་། །མུ་དར་སྣང་དང་མཁར་གོང་ལ། །གནས་པའི་ཞིང་ལྷ་ཚངས་པ་དང་། ཁྱིམ་ལྷ་གེལ་ཐུང་ནང་ལྷ་དང་། །སྒོ་ལྷ་རྟ་གཡག་ཕྱུགས་ཀྱི་ལྷ། །རྨ་གཡང་ཚོང་ལྷ་དོན་གྲུབ་དང་། །རྟ་ལྷ་དམག་དཔོན་ནོར་ལྷ་མཆོག ཁ་རྗེ་དབང་ཐང་སྙན་གྲགས་ལྷ། །སྦུ་གུ་མི་ལ་འགོ་བ་ཡི། །སྲོག་ལྷ་མོ་ལྷ་དགྲ་ལྷ་དང་། །ཕོ་ལྷ་ཡུལ་ལྷ་ལོ་ཟླ་ཞག །སྤར་སྨེ་ཚེས་གྲངས་དུས་ཚོད་ལྷའི། །སྣོད་ཀྱི་ཕྱྭ་དང་བཅུད་ཀྱི་གཡང་། །རིན་ཆེན་འབྲུ་ཡི་བང་མཛོད་དང་། །རྟ་དང་བ་གླང་གཡག་ལུག་ཕྱུགས། །ཚེ་དང་བསོད་ནམས་དབང་ཐང་གཏེར། །ལོངས་སྤྱོད་ནོར་གྱི་དངོས་གྲུབ་ཀུན། །

(༤༧༠)ཆར་ལྟར་འབབ་པའི་གཡང་ཁུག་ཅིག ཁྱད་པར་གཡང་ཅན་ནོར་གྱི་ལྷ། །ཇོ་མོ་བཀྲ་ཤིས་ཚེ་རིང་མ། །མཁའ་འགྲོའི་རྒྱལ་མོ་སྤུན་ལྔ་ཡི། །འཆི་མེད་ཚེ་དང་རིགས་བརྒྱུད་བུ། །རྨ་གཡང་ནོར་དང་རྐང་བཞི་ཕྱུགས། །མངོན་ཤེས་གཏེར་དང་ཟས་གོས་ནོར། །ལོ་ཏོག་བཅུད་དང་བཟའ་ཤིང་དཔལ། །ཆར་ཆུ་རྒྱས་ཤིང་ལོ་འབྲས་འཕེལ། །ཕན་ཚུན་མཛའ་དང་ནད་ཡམས་མེད། །བཀྲ་ཤིས་ཕུན་སུམ་ཚོགས་པའི་གཡང་། །འབད་པ་མེད་པ་དེང་འདིར་ཁུག །མདོར་ན་ལྷ་དང་མིའི་དྲང་སྲོང་། །ཚོགས་ཀྱི་བདག་པོ་གནོད་སྦྱིན་སྡེ། །ནམ་མཁའ་ལྡིང་དང་མིའམ་ཅི། །ལྟོ་འཕྱེ་ཆེ་དང་འཕྲོག་མའི་བུ། །སྣ་ཚོགས་གཟུགས་སྤྲུལ་རྫུ་འཕྲུལ་ཅན། །སྲིད་པ་ཆགས་པའི་སྣོད་དང་བཅུད། །མ་ལུས་ལུས་པ་མེད་པ་ཡི། །ཕྱྭ་གཡང་མ་འཁྱམ་ཁྱི་ལི་ལི། །ཕྱྭ་གཡང་མ་ཡར་ནུ་རུ་རུ། །ཕྱ་གཡང་མ་གོད་ཏ་ལ་ལ། །རྒྱུ་སྦྱོར་ཡོན་གྱི་བདག་པོ་ཡི། །བླ་དང་ཚེ་དང་བསོད་ནམས་དང་། །དབང་ཐང་རྟེན་དུ་གནས་འདིར་བཞུགས། །དགའ་འཁྱིལ་བཞིན་དུ་ཀྱི་ལི་ལི། །གཡུང་དྲུང་བཞིན་དུ་འདུ་རུ་རུ། །རྒྱ་མཚོ་བཞིན་དུ་མེ་རེ་རེ། །གནས་འདིར་བརྟན་པའི་བཀྲ་

(༤༧༡)ཤིས་སྩོལ། །ཞེས་གཡང་འགུགས་པ་དང་ལས་སྒྲུབ་གཟུངས་སྔགས་བཟླ་བ་སྤེལ་མར་ཅི་ནུས་བྱ། །རྗེས་ཀྱི་བྱ་བ་ལ་གཡང་གཏའ་སྡོམ་པ་སོགས་བོན་ལུགས་དང་འབྲེལ་བས་འདིར་ཤེས་པ་བརྗོད་པ་ཉིད་སྐབས་སུ་བབ་སྟེ། །ཡོན་བདག་གོས་རྒྱན་གསར་པས་བཀླུབས། སྟན་བཟང་པོ་ལ་འདུག །ཕྱེ་མར་ལ་སོགས་བཟའ་བཏུང་གིས་ཞལ་བསྲོ། །དེ་ནས་མེ་ཏོག་འཐོར་བཞིན་པས་གྲུབ་ན་མདོ་སྡེ་བཀྲ་ཤིས་བརྩེགས་པ་སྒྲོག །འཇུག་བདེར། །མ་ཆགས་ཐོགས་མེད་འཁོར་ལོ་རིན་པོ་ཆེ། །འཁོར་ལོ་རིན་ཆེན་བཀྲ་ཤིས་གང་ཡིན་པ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །ཐེག་ཆེན་སྟོབས་ལྡན་གླང་པོ་རིན་པོ་ཆེ། །གླང་པོ་རིན་ཆེན་བཀྲ་ཤིས་གང་ཡིན་པ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །ཅང་ཤེས་ཤུགས་ལྡན་རྟ་མཆོག་རིན་པོ་ཆེ། །རྟ་མཆོག་རིན་ཆེན་བཀྲ་ཤིས་གང་ཡིན་པ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །ཀུན་ལ་དབང་སྒྱུར་བློན་པོ་རིན་པོ་ཆེ། །བློན་པོ་རིན་ཆེན་བཀྲ་ཤིས་གང་ཡིན་པ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །ལོག་རྟོག་དཔུང་འཇོམས་དམག་དཔོན་རིན་པོ་ཆེ། །དམག་དཔོན་རིན་ཆེན་བཀྲ་ཤིས་གང་ཡིན་པ། །བཀྲ་

(༤༧༢)ཤིས་དེས་ཀྱང་དེང་འདིར་བདེ་ལེགས་ཤོག །ཐམས་ཅད་ཀུན་སྐྱེད་བཙུན་མོ་རིན་པོ་ཆེ། །བཙུན་མོ་རིན་ཆེན་བཀྲ་ཤིས་གང་ཡིན་པ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །དེ་མ་ཐག་ཏུ་བདག་ཅག་བདེ་ལེགས་ཤོག །བསམ་འཕེལ་དོན་གྲུབ་ནོར་བུ་རིན་པོ་ཆེ། །ནོར་བུ་རིན་ཆེན་བཀྲ་ཤིས་གང་ཡིན་པ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །བདག་དང་སྐལ་ལྡན་རིགས་ཀྱི་བུ། །དེང་གི་རྒྱུ་སྦྱོར་ཡོན་གྱི་བདག །སངས་རྒྱས་རྣམས་ཀྱིས་བྱིན་བརླབས་ནས། །བཀྲ་ཤིས་དམ་པའི་མདོ་སྡེ་འདི། །ང་ཡིས་བརྗོད་པའི་བསོད་ནམས་ཀྱིས། །ནམ་མཁའ་ལྟ་བུར་ཀུན་ཁྱབ་ཅིང་། །ཉི་ཟླ་ལྟ་བུར་ཀུན་གསལ་ཏེ། །སྐར་ཚོགས་ལྟ་བུར་གྲངས་མང་ཞིང་། །སྤྲིན་ཚོགས་ལྟ་བུར་ལྷུན་སྡུག་སྟེ། །འཇའ་ཚོན་ལྟ་བུར་མཛེས་སྡུག་ཅིང་། །རི་རབ་ལྟ་བུར་བརྟན་བརྗིད་ཆེ། །ས་གཞི་ལྟ་བུ་ཀུན་སྐྱེད་ཅིང་། །རྒྱ་མཚོ་ལྟ་བུར་གཏིང་ཟབ་ལ། །ལྗོན་ཤིང་ལྟ་བུར་འདབ་རྒྱས་ཏེ། །ཡིད་བཞིན་ནོར་བུ་རིན་ཆེན་ལྟར། །དགོས་འདོད་བཀྲ་ཤིས་ཆར་ལྟར་འབབ་གྱུར་ཅིག །ཨོཾ་ཨཱཧཱུྃ་རཏྣ་བྲུཾ་ནི་ཨ། བཀྲ་ཤིས་པར་གྱུར་ཅིག །ཅེས་པའང་

(༤༧༣)གཙང་དཔལ་ལྡིངས་རྗེ་བཙུན་མས་རིང་མོ་ཉིད་ནས་བསྐུལ་ཞིང་། །མདོ་ཁམས་པ་ཚོགས་གཉིས་ཅན་གྱིས་བསྟུད་ནས་བསྐུལ་བའི་ངོར་གཡོ་རུ་རྫོགས་ཆེན་པ་རང་བྱུང་རྡོ་རྗེས་ལྷན་ཐབས་སུ་བཀོད་པའོ། །འུྃ མཁའ་འགྲོའི་གཡང་འགུགས་བསེ་རགས་རྫོང་ཐབས་བཞུགས ནོར་སྒྲུབ་སྒབ་འདྲེ་མ་ནོན་ན ཞབས་རྡོལ་སྣོད་དུ་བཅུད་བླུགས་འདྲ དེ་ཕྱིར་ཐེའུ་བྲང་སྲིས་ཀུན་གཟུགས གཅེར་བུ་ཐལ་མོ་བཟེད་པའི་མདུན་འབྲུ་སྣ་ཟས་སྣ་ཆངས་བུ་དང་ སྦང་མ་ལ་ཕུག་ཐལ་ཟན་དང་ ཆང་ཆུ་གོས་དུམ་སྔོ་ངད་སོགས ངན་ངོན་ཟས་དང་ཏིང་ལོ་བསག ཨ་ཀཱ་རོས་བརླབ་འདི་ལྟར་གྱེར ཀྱེཻ སྲིད་གསུམ་འདི་ན་སུ་ཡང་རུང་ མ་རིག་འཛིན་པའི་ཉེར་ལེན་ལས དུག་ལྔའི་རང་གཟུགས་ཅན་དུ་འཁོར བརྐུ་དང་སེར་སྣའི་རྒྱུ་མཐུན་ལས ཐེའུ་བྲང་ཡི་དྭགས་བསེ་རགས་ནི ནོར་ལ་གང་སྟོངས་བདག་པོ་སྟེ ཁྱོད་ལ་དེ་རིང་བརྔན་བྱིན་གྱིས མི་ཡི་དཔལ་དང་ཕྱུགས་ཀྱི་གཡང་ ནོར་གྱི་ཕྱྭ་དང་འབྲུ་ཡི་བཅུད བཟའ་བཏུང་སྲིས་ལ་མ་བརྐུ་བར རི་རབ་ཆེན་པོའི་བྱང་གི་ཕྱོགས སྒྲ་མི་སྙན་པའི་གྲོང་ཁྱེར་ན ཟས་ནོར་ལོངས་སྤྱོད་བསམ་མི་ཁྱབ ཕོངས་དང་མུ་གེའི་སྡུག་བསྔལ་མེད དེ་རིང་ཁྱོད་ལ་ལམ་བསྟན་གྱིས ཏིང་ལོས་ལམ་སྒྲོན་གྱིས་ལ་སོང་ ཆངས་བུས་ལམ་

(༤༧༤)རྒྱགས་ཀྱིས་ལ་སོང་ འདི་རུ་སྡོད་པའི་གནས་མེད་ཀྱིས ཡི་དམ་ལྷ་ཡི་མཐུ་བྱིན་དང་ ཁྲོ་བོ་ཁྲོ་མོའི་ཚྭ་ཚྭ་ཡིས ཁྱོད་ཀྱི་མིང་གཟུགས་བརླག་འགྱུར་ན ད་ལྟ་ཉིད་དུ་ཕྱིར་དེངས་ཤིག གཙྪ ཞེས་རོལ་མོ་དང་ཐུན་གྱིས་བསྐྲད། སྲུང་འཁོར་བསྒོམ། འདི་ནི་ཤིན་ཏུ་གལ་ཆེ་བ་འདུག་གོ །འདི་གཡང་འགུགས་བཟླས་པ་ཚར་རྗེས། །མ་མགོན་དང་ཚེ་རིང་མའི་བསྐང་གསོའི་མཇུག །གཡང་འགུགས་དངོས་གཞིའི་མགོར་གཏང་ང་ོ།། །།

(༤༧༥)བདེ་བ་ཅན་དུ་བགྲོད་པའི་ཆོ་ག་དཔག་མེད་མྱུར་ལམ་ཞེས་བྱ་བཞུགས། །

(༤༧༦)བདེ་བ་ཅན་དུ་བགྲོད་པའི་ཆོ་ག་དཔག་མེད་མྱུར་ལམ་ཞེས་བྱ་བ། །སངས་རྒྱས་སྣང་བ་མཐའ་ཡས་ལ་ཕྱག་འཚལ་ལོ། །འདི་ལ་སྦྱོར་བ་དངོས་གཞི་རྗེས་གསུམ་ལས་དང་པོ་སྦྱོར་བ་ལའང་དྲུག་གི། དང་པོ་ཤོམ་ནི་གང་དུ་བྱ་བའི་གནས་ཁང་བྱི་དོར་བྱས་ཞིང་རྒྱན་བཀོད་དང་། སྐུ་གསུང་ཐུགས་རྟེན་དགྲམ། མཆོད་པ་སྣ་ལྔ་བརྒྱ་རྩ་འབྱོར་ན་རབ། མ་མཐའ་ཡང་བཅུ་ཕྲག་རེ་ལས་མི་ཉུང་བ་བཤམ། གཞན་དོན་སྦྱོང་བ་དང་འབྲེལ་ན་བུམ་སྟེགས་པདྨ་འདབ་བརྒྱད་ལ་ཁྲུས་བུམ་ལ་སོགས་འོག་ཏུ་དགོས་པ་རྣམས་ཀྱང་བཤམ། །གཉིས་པ་ནི། གྲུབ་ན་དཀར་ཆ་བཞི་དང་། མ་ནུས་ན་གཞི་བགེགས་སོ་སོར་གཏོར་མ་བཤམ་ལ། བགེགས་ལ་ཨ་ཀཱ་རོ་དང་། །གཞི་བདག་ལ། །མཆོད་སྦྱིན་གཏོར་མ་འདི་བཞེས་ལ། །རྣལ་

(༤༧༧)འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྡོང་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཕྱུགས་འཕེལ་བ། །དགེ་ལེགས་ཕུན་སུམ་ཚོགས་པའི་གནས། །ཡིད་ལ་འདོད་

(༤༧༨)པ་ཀུན་འགྲུབ་ཤོག །ཅེས་པས་བསྔོ། །གསུམ་པ་སྐྱབས་སུ་འགྲོ་བ་དང་སྨོན་སེམས་བསྐྱེད་པ་ནི། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །སོགས་ལན་གསུམ། བཞི་པ་འཇུག་པའི་དོན་དུ་ཚད་མེད་བཞི་བསྒོམ་པ་ནི། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །ལན་གསུམ། ལྔ་པ་བྱང་སྡོམ་བླང་བ་དངོས་ནི། བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། །ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང་། །བྱང་ཆུབ་སེམས་དཔའི་བསླབ་པ་ལ། །དེ་དག་རིམ་བཞིན་གནས་པ་ལྟར། །བདག་ཀྱང་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང་། །དེ་བཞིན་དུ་ནི་བསླབ་པ་ལ། །རིམ་པ་བཞིན་དུ་སློབ་པར་བགྱི། ལན་གསུམ། །དེང་དུ་བདག་ཚེ་འབྲས་བུ་ཡོད། །མི་ཡི་སྲིད་པ་ལེགས་པར་ཐོབ། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་ད་གྱུར་ཏོ། །བདག་གིས་དེ་རིང་སྐྱོབས་པ་ཐམས་ཅད་ཀྱི། །སྤྱན་སྔར་འགྲོ་བ་བདེ་གཤེགས་ཉིད་དང་ནི། །བར་དུ་བདེ་ལ་མགྲོན་དུ་བོས་ཟིན་གྱིས། །ལྷ་དང་ལྷ་མིན་ལ་སོགས་དགའ་བར་བགྱི། །ལན་གསུམ། དྲུག་པ་

(༤༧༩)ས་གཞི་བྱིན་བརླབ་ནི། ཐམས་ཅད་དུ་ཡང་ས་གཞི་དང་། །གསེག་མ་ལ་སོགས་མེད་པ་དང་། །ལག་མཐིལ་ལྟར་མཉམ་བཻ་ཌཱུརྱའི། །རང་བཞིན་འཇམ་པོར་གནས་གྱུར་ཅིག །ཅེས་བརྗོད་ཅིང་བསམ་མོ། །གཉིས་པ་དངོས་གཞི་ལ། །བདག་མདུན་གཉིས་ལས། །དང་པོ་བདག་བསྐྱེད་ནི། པདྨ་དྲ་བའི་རྒྱུད་ཀྱི་དགོངས་པ། ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཧྲཱི མཁའ་ཁྱབ་གཞལ་ཡས་ཞིང་གི་བཀོད་པ་ནི། །ཞིང་ཁམས་ཆེན་པོ་གསེར་གྱི་ས་གཞིའི་དབུས། །འབྱུང་བ་ཡོངས་རྫོགས་དངས་མའི་རིན་ཆེན་མཚོ། །ཡོངས་སུ་རྒྱས་པའི་དབུས་སུ་སྐྱེས་པ་ཡི། །པདྨའི་སྡོང་པོ་ཁྲི་འཕང་གསུམ་དང་ལྡན། །ཡལ་ག་མེ་ཏོག་འབྲས་བུའི་ཕུར་གྱི་ལྡིང་། །ཆུ་བྱ་སྣ་ཚོགས་ཐེག་གསུམ་ཆོས་སྒྲ་སྒྲོག །ཕན་ཚུན་ཆོས་ཀྱི་རོས་ཚིམས་གར་སྟབས་བསྒྱུར། །ཡལ་འདབ་རེ་རེའང་མཆོད་པའི་ལྷ་མོས་བརྒྱན། །སྙན་པའི་གླུ་དབྱངས་མཛེས་པའི་གར་གྱིས་མཆོད། །རིག་འཛིན་དུ་མ་གསེར་གཡུ་བྱུ་རུ་ཡི། །མདོག་མཚུངས་བུང་བའི་ཚུལ་བཟུང་ཐེག་ཆེན་ཆོས། །བརྡ་དང་སྟོབས་ཀྱི་སྐལ་ལྡན་རྣམས་ལ་སྒྲོགས། །རིན་ཆེན་ནེའུ་སེང་བྲག་རིའི་ཚལ་གྱིས་བསྐོར། །དེ་དག་རྣམས་ལ་དྲང་སྲོང་རིག་འཛིན་གནས། །མ་ཡེངས་བསམ་གཏན་ཏིང་འཛིན་རོས་

(༤༨༠)གང་བའི། །ཡེ་ཤེས་རྒྱ་མཚོ་ལྷུན་གྱིས་གྲུབ་པར་བཞུགས། །ཕྱོགས་མཚམས་མ་ལུས་ཡེ་ཤེས་འོད་ཀྱི་གུར། །རབ་མཛེས་མདངས་བཀྲ་རིམ་གསུམ་རྣམ་པར་གསལ། །སྟེང་ཕྱོགས་ནམ་མཁའི་འོད་ཀྱི་སྤྲིན་ཕུང་ན། །རིག་འཛིན་ལྷ་དང་མཁའ་འགྲོ་དཔག་མེད་ཀྱིས། །བདུད་རྩིའི་ཁྲུས་གསོལ་མེ་ཏོག་མནྡྷ་ར། ཁ་དོག་སྣ་ཚོགས་ཆར་འབེབས་རོལ་མོ་སྒྲོག །རི་བོ་ཆེན་པོ་པོ་ཏ་ལ་འདྲ་ཡི། །ཇི་ལྟར་རབ་འབྱམས་དག་པའི་ཞིང་གི་དབུས། །འོད་སྣང་དཀྱིལ་འཁོར་ཆུ་སྐྱེས་ཟླ་བའི་སྟེང་། །སྐད་ཅིག་དྲན་རྫོགས་ཆུ་ལས་ཉ་འཕར་ལྟར། །བདག་ཉིད་ཧྲཱི དཀར་མདངས་ལྡན་འོད་འཕྲོས་པས། །རྒྱལ་བ་སྲས་བཅས་སྤྱན་དྲངས་ཧྲཱིལ་ཐིམ། །སླར་འཕྲོས་འགྲོ་དྲུག་སྡུག་བསྔལ་སེལ་བྱས་ནས། །དེ་ལྟར་འཕྲོ་འདུས་ཡོངས་སུ་གྱུར་བ་ལས། །བདག་ཉིད་ཐུགས་རྗེ་ཆེན་པོ་སྤྱན་རས་གཟིགས། །སེམས་ཉིད་ངལ་བསོ་ཞལ་གཅིག་ཕྱག་གཉིས་པ། །དཀར་གསལ་མདངས་ལྡན་ཞི་འཛུམ་བཞད་པའི་ཚུལ། །ཕྱག་གཡས་མཆོག་སྦྱིན་དགོས་འདོད་རེ་བ་སྐོང་། །གཡོན་པ་སྟ་ཟུར་ནས་བརྐྱངས་གདན་སྟེང་མཛད། །བད་དཀར་ཡུ་བ་མཐེབ་མཛུབ་ལ་གནས་པའི། །ཡལ་ག་ལོ་འདབ་སྙན་ཤལ་ཕྱོགས་ཀུན་མཛེས། །

(༤༨༡)སྲིད་ཞིར་མི་གནས་ཞབས་གཉིས་བརྐྱང་བསྐུམ་ཚུལ། །ཡིད་འོང་མཚན་དང་དཔེ་བྱད་་ལྷུན་གྱིས་གྲུབ། །སྨིན་མཚམས་མཛོད་སྤུར་འོད་ལྔའི་ཐིག་ལེར་འཁྱིལ། །ཞི་ཚུལ་དགུ་ལྡན་རྒྱན་ཆ་བཅུ་གསུམ་འཆང་། །དབུ་སྐྲ་ཐོར་ཚུགས་ཟུར་ཕུད་ནོར་བུས་སྤྲས། །ཀུན་ནས་བཀྲག་མདངས་འོད་དང་གཟི་བརྗིད་འབར། །ཐུགས་རྗེས་བརྩེ་བས་འགྲོ་ལ་ལྷགས་གེར་གཟིགས། །འོད་ཕུང་སྟག་པོ་སྤྲིན་ལྟར་འཁྲིགས་པའི་ནང་། །འགགས་མེད་ཆོས་ཀྱི་སྐུ་དང་དབྱེར་མེད་བཞུགས། །ཞེས་གསལ་བཏབ་ལ་བཟླ་བ་ནི། །ཨོཾ་མ་ཎི་པདྨེ་ཧཱུྃ་ཧྲཱི ཞེས་ཅི་རིགས་བཟླའོ། །གཉིས་པ་མདུན་བསྐྱེད་ལ་བདུན་ལས། །དང་པོ་མཆོད་པ་བྱིན་བརླབ་ནི། །དངོས་འཛིན་དང་འབགས་བཙོག་ཏུ་གྱུར་པ། སྭ་བྷཱ་ཝས་སྦྱངས། །སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བར་ལྷ་རྫས་ལས་གྲུབ་པའི་མཆོད་སྤྲིན་འཕགས་པ་ཀུན་ཏུ་བཟང་པོའི་ཏིང་ངེ་འཛིན་གྱི་རྣམ་པར་འཕྲུལ་པ་རྒྱ་མཚོ་དང་གཉིས་སུ་མེད་པར་གྱུར། །ན་མོ་རཏྣ་ཏྲ་ཡཱ་ཡ། ན་མོ་བྷ་ག་ཝཱ་ཏེ། བཛྲ་སཱ་ར་པྲ་མ་དྷ་ནེ། ཏ་ཐཱ་ག་ཏ་ཡ། ཨརྷ་ཏེ་སམྱཀྶཾ་བུདྡྷ་ཡ། ཏདྱ་ཐཱ། ཨོཾ་བཛྲེ་བཛྲེ་མ་ཧཱ་བཛྲེ། མ་ཧཱ་ཏེ་ཛ་བཛྲ། མ་ཧཱ་བིདྱཱ་བཛྲེ། མ་ཧཱ་བོ་དྷི་ཙིཏྟ་བཛྲེ། མ་ཧཱ་བོ་དྷི་མཎྜོ་པ་

(༤༨༢)སཾ་ཀྲ་མ་ཎ་བཛྲེ། སརྦ་ཀརྨཱ་ཨ་ཝ་ར་ཎ་བི་ཤོ་དྷ་ན་བཛྲེ་སྭཱ་ཧཱ། ཞེས་ལན་གསུམ། གཉིས་པ་ཚོགས་ཞིང་བསྒྲུབ་པ་ལ། །རྣམ་བྱང་དང་མཐུན་པའི་མོས་པ་ལམ་བྱེད་ཀྱིས་བསྐྱེད་ཆོག་ནི། །ཨོཾ་མ་ཧཱ་ཤུ་ནྱ་ཏཱ་སོགས་དང་། གཟུང་འཛིན་ལྟར་སྣང་བའི་ཡུལ་ལྔ་ཡིད་ཤེས་དང་བཅས་པ་འཆི་སྲིད་ཆོས་སྐུ་དང་གཉིས་སུ་མེད་པའི་སྟོང་པ་ཉིད་དུ་གྱུར། །སྟོང་པའི་ངང་ལས་བར་དོའི་སྲིད་པ་དང་། །ཡིད་ཤེས་རྫུས་སྐྱེས་ཀྱི་གནས་ངན་ལེན་ཀུན་ནས་རྣམ་པར་དག་པ་བདེ་བ་ཅན་གྱི་ཞིང་ཁམས་ས་གཞི་ཐམས་ཅད་ལག་མཐིལ་ལྟར་ཀུན་ཏུ་མཉམ་ཞིང་ཆུ་ཞིང་དང་སྲིད་དུ་མི་མངོན་པའི་ཐ་གྲུ་ཀུན་ནས་ཡངས་པ་ལ་འཇིག་རྟེན་ན་མི་སྤྱོད་པའི་རིན་པོ་ཆེ་རྣམ་པ་སྣ་ཚོགས་གཅལ་དུ་བཀྲམ་པས་བཀྲག་ཏུ་བརྟས་པ། རི་ནག་པོ་དང་། ལྷུན་པོ་དང་། ཆུ་གཏེར་དང་། འཁོར་ཡུག་ལ་སོགས་པའི་བསྟི་གནས་ཕལ་པ་མེད་པས་ཀུན་ནས་ཉམས་དགའ་ཞིང་ཤིན་ཏུའང་བལྟ་ན་སྡུག་པ། འབྱོར་པ་རྒྱས་པ། བདེ་བ་ལོ་ལེགས་པ་ལྷ་དང་མི་འབའ་ཞིག་པ་ལས་ངན་སོང་དང་ལྷ་མིན་མེད་པ། །རིན་པོ་ཆེའི་རིགས་ཁ་དོག་སྣ་ཚོགས་ལས་གྲུབ་པའི་ཤིང་ལྗོན་པ་རྩ་བ་དང་། ཡལ་ག་དང་། ལོ་འདབ་དང་། མེ་ཏོག་དང་འབྲས་བུ་རྣམས་གསེར་དང་། དངུལ་དང་། བཻ་ཌཱུརྱ་དང་། སྤུག་དང་།

(༤༨༣)མུ་ཏིག་དམར་པོ་དང་། ཤེལ་དང་། རྡོའི་སྙིང་པོ་སྟེ་རིན་པོ་ཆེ་སྣ་བདུན་ལས་བྱས་ཤིང་བལྟ་ན་སྡུག་པ་དཔག་ཚད་སྟོང་དང་དྲུག་བརྒྱའི་དབང་དང་ལྡན་པ། གསེར་གྱི་དྲྭ་བས་བརྒྱན་པ་རྣམས་རླུང་གིས་བསྐྱོད་པ་ལས། སྙན་པ་དང་། མཐུན་པ་དང་། ཡིད་དུ་འོང་བའི་སྒྲ་དབྱངས་ཆོག་མི་ཤེས་ཤིང་། དྲི་བསུང་རྒྱས་པའི་མེ་ཏོག་གི་མི་འགྲེང་བདུན་གྱི་སྲིད་དུ་ཀུན་ནས་བཀྲམ་པ་རྣམས་ནི་མནན་ན་སོར་བཞིས་ནེམ་ཞིང་། བཏེག་ན་དེ་སྙེད་ཀྱིས་མཐོ་བ། གཞན་ཡང་ལྷའི་མེ་ཏོག་ཨུཏྤལ་དང་། པདྨ་དང་། ཀུ་མུད་ཏ་དང་། པདྨ་དཀར་པོའི་ཚལ་ཡིད་དུ་འོང་ཞིང་། འདམ་རྫབ་སྤངས་པའི་གསེར་གྱི་བྱེ་མ་བརྡལ་བ་ལ་སྤྲུལ་པའི་བྱ་ངང་པ་དང་། བཞད་དང་། ཁྲུང་ཁྲུང་དང་། ངུར་པ་དང་། ཀ་རན་ད་དང་། ནེ་ཙོ་དང་། རི་སྐེགས་དང་། ཀུ་ལན་དང་། ཀ་ལ་པིངྐ་དང་། རྨ་བྱ་ལ་སོགས་པས་མགྲིན་པའི་རྒྱུད་མངས་འཁྲོལ་བ་སྦོས་ཆུའི་ཀླུང་ཀུན་ཏུ་བཀྲམ་པ་དག་ཀྱང་འབབ་སྟེགས་བདེ་བས་ཅ་ཅོའི་སྒྲ་གཏན་ནས་མི་འབྱུང་ཞིང་རྣམ་པར་བདེ་བ་དང་། ཡིད་ལ་འབབ་པ་དང་། མཉན་པས་ཆོག་མི་ཤེས་པ་དང་། མི་རྟག་པ་དང་། ཞི་བ་དང་། བདག་མེད་པ་དང་། ཚད་མེད་བཞི་དང་། དཀོན་

(༤༨༤)མཆོག་གསུམ་དང་ས་དང་ཕ་རོལ་ཏུ་ཕྱིན་པ་དང་། སྟོབས་བཅུ་དང་། མི་འཇིགས་པ་བཞི་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་། རྣམ་པར་ཐར་པའི་སྒོ་གསུམ་དང་། །མངོན་པར་ཤེས་པ་ལྔ་དང་། འོད་ཟེར་ཆེན་པོའི་དབང་བསྐུར་བ་ཐོབ་པའི་སྒྲ་འབྱུང་བས་མཆོག་ཏུ་དགའ་བ་རྒྱ་ཆེན་པོ་ཐོབ་ཅིང་། སྡུག་བསྔལ་བ་དང་། ཀུན་འབྱུང་བ་དང་། སྒྲིབ་པ་དང་། ངན་སོང་དང་། ངན་འགྲོ་ལ་སོགས་པ་ཚོར་བ་སྡུག་བསྔལ་བའི་སྒྲ་ཙམ་ཡང་མེད་པར་དགྲ་བཅོམ་འགོག་པའི་སྙོམས་པར་ཞུགས་པ་ལྟ་བུའི་བདེ་བ་དང་ལྡན་པས་བདེ་བ་ཅན་ཞེས་བྱ་ལ། །དེ་བཞིན་དུ་གོས་དང་། རྒྱན་དང་། སྐྱེད་མོས་ཚལ་དང་། བར་སྣང་ལ་འབྱུང་བའི་གཞལ་མེད་ཁང་དང་། །རོལ་མོའི་བྱེ་བྲག་དང་། མཆོད་རྫས་ལ་སོགས་པ་ཡོངས་སུ་སྤྱད་པར་བྱ་བའི་འདོད་པའི་ཡོན་ཏན་རྣམ་པ་ཐམས་ཅད་པ་གཞན་འཕྲུལ་དབང་བྱེད་ཀྱི་གནས་དང་མཚུངས་པར་ལྡན་ཞིང་དངས་མའི་ཟས་ཀྱིས་ཚིམས་པར་འགྱུར་བ། གཟའ་དང་། རྒྱུ་སྐར་དང་། ཉིན་མཚན་དུ་གདགས་པ་དང་། ཁྱིམ་ཡོངས་སུ་འཛིན་པའི་འདུ་ཤེས་ཀྱང་མེད་ལ་དུས་དང་དུས་སུ་སྤོས་ཆུའི་སྤྲིན་ཆར་མངོན་པར་འབབ་ཅིང་ལྷའི་མེ་ཏོག་དང་། རིན་པོ་ཆེ་དང་། གདུགས་དང་། རྒྱལ་

(༤༨༥)མཚན་དང་། བ་དན་དང་། བླ་རེ་དང་། རྔ་མའི་བསིལ་ཡབ་ལ་སོགས་པ་ནམ་མཁའ་ལ་འཛིན་ཅིང་། ལྷའི་བུ་མོ་དག་ཀྱང་རོལ་མོའི་སྒྲ་དབྱངས་དང་བཅས་གར་བྱེད་པ། །མདོར་ན་སངས་རྒྱས་གངྒཱའི་ཀླུང་གི་བྱེ་མ་སྙེད་ཀྱི་གྲངས་དང་ཕ་རོལ་ཏུ་སོན་པས་ཀྱང་འཇིག་རྟེན་གྱི་ཁམས་བདེ་བ་ཅན་གྱི་བདེ་བའི་རྒྱུ་དང་ཡོན་ཏན་གྱི་ཚོགས་བསྐལ་པར་བརྗོད་ཀྱང་ཟད་མི་ཤེས་པ་དེའི་བློ་དཔག་ཚད་བརྒྱད་སྟོང་པའི་གཞལ་མེད་ཁང་གིས་མཛེས་པའི་དབུས་སུ་རིན་པོ་ཆེ་སྣ་བདུན་ལས་གྲུབ་པའི་ཁྲི་སྟེགས་རབ་ཏུ་མཐོ་བ་རྨ་བྱ་ཟློས་གར་རྩེན་པའི་དབུས་སུ་པཾ་ལས་པདྨ་དམར་པོ་འདབ་མ་སྟོང་དུ་བརྡལ་བ། དེའི་སྟེང་རཾ་ལས་ཉི་མའི་དཀྱིལ་འཁོར་གྱི་དབུས་སུ་རང་གི་རྣམ་པར་ཤེས་པའི་ངོ་བོ་ཡི་གེ་ཧྲཱིདམར་པོ་ལས་འོད་ཟེར་འཕྲོས། །འཕགས་པ་མཆོད། སེམས་ཅན་གྱི་དོན་བྱས་ཚུར་འདུས་ས་བོན་ལ་ཐིམ། དེ་ཡོངས་སུ་གྱུར་པ་ལས་སངས་རྒྱས་གངྒཱའི་ཀླུང་གི་བྱེ་མ་སྙེད་ཀྱི་རྒྱལ་བའི་དབང་པོ་དེའི་མཚན་ཡོངས་སུ་བརྗོད་ཅིང་བསྔགས་པ་བརྗོད་པ་ལ་ཞུགས་པའི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྣང་མཐའ་ཡས་

(༤༨༦)ཚེ་དང་ཡེ་ཤེས་དཔག་ཏུ་མེད་ཅིང་རྡུལ་བྲལ་ཤིན་ཏུ་རྣམ་པར་དག་པ་སྐུ་མདོག་པདྨ་རཱ་གའི་ལྷུན་པོ་ལ་ཉི་མ་བྱེ་བས་འཁྱུད་པའི་གཟི་བྱིན་ཅན། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པའི་སྟེང་དུ་ལྷུང་བཟེད་ཀྱིས་མཚན་པའི་ཕྱག་གཉིས་མཉམ་པར་བཞག་ཅིང་དར་དམར་སེར་གྱི་ཤམ་ཐབས། སྔོན་པོའི་བླ་གོས། དམར་པོའི་སྣམ་སྦྱར་ཅན། དབུའི་གཙུག་གཏོར་ལྟར་མི་མངོན་པ་ལ་སོགས་པའི་མཚན་དཔེའི་རྒྱན་མ་ཚང་བ་མེད་པས་བརྒྱན་པའོ། །དེའི་གཡས་སུ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་དང་། གཡོན་དུ་མཐུ་ཆེན་ཐོབ་གཉིས་གཙོ་བོ་ལ་ཞལ་ཕྱོགས་པས་འདུག་པ། མཐའ་བསྐོར་དུ་སངས་རྒྱས་ཀྱི་ཞིང་འདི་དང་། ཞིང་གཞན་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བའི་དགེ་བའི་རྩ་བ་དང་། །རྒྱལ་བའི་ཡེ་ཤེས་ཆགས་པ་མེད་པ་ལ་ནེམ་ནུར་གྱི་བློས་བར་དུ་གཅོད་པ་དང་མ་ཡིན་པའི་ཁྱད་པར་ལས། །ཉན་ཐོས་འགོག་པའི་ཆོས་ཅན་ལ་སོགས་ཏེ་པདྨའི་མངལ་ལ་སྐྱེད་མོས་ཚལ་དང་གཞལ་མེད་ཁང་དུ་འདུ་ཤེས་ཤིང་བཤང་གཅི་མེད་པར་ལོ་ལྔ་བརྒྱར་གནས་ནས་འབྱུང་ལ། ཉེས་པ་ཟད་པ་རྣམས་ནི་སེམས་དང་བ་ཙམ་

(༤༨༧)ལ་པདྨ་རྣམས་ལ་སྐྱིལ་མོ་ཀྲུང་བཅས་ཏེ་སྐད་ཅིག་ལ་རྫུས་ཏེ་འབྱུང་བའི་བྱང་ཆུབ་སེམས་དཔའ་ཡོངས་སུ་གྲུབ་པ་གྲངས་དང་བློས་མི་ཐུགས་པ་དང་། ཉན་ཐོས་དང་རང་སངས་རྒྱས་དང་། ལྷ་དང་མིའི་རྣམ་པ་ཅན་བར་སྣང་ལ་ཆགས་ཐོགས་མེད་པར་འགྲོ་བ། །དེ་དག་ཀྱང་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་པ། ལུས་ཡོངས་སུ་རྫོགས་པ་བསམ་གཏན་དང་མངོན་པར་ཤེས་པ་ལ་མཁས་པ། །ཤེས་རབ་ཀྱི་རབ་ཏུ་དབྱེ་བ་བཟོད་པ། དབང་པོ་རྣོ་བ། མ་བསྡམས་པ་མེད་པ། ཀུན་ཤེས་པ། མ་ཞུམ་པ། དབང་པོ་མི་གཡོ་བ། བཟོད་པ་ཐོབ་པ། སངས་རྒྱས་མཐོང་བ་དང་། ཆོས་ཉན་པ་དང་མི་འབྲལ་བ། ལོག་པར་མི་ལྟུང་བ། །ཡོན་ཏན་མཐའ་ཡས་མུ་མེད་པ་ཤ་སྟག་གོ །དེ་ལྟར་དུ་གསལ་བའི་གཙོ་འཁོར་ཐམས་ཅད་ཀྱི་དཔྲལ་བར་ཨོཾ། མགྲིན་པར་ཨཱཐུགས་ཀར་ཧཱུྃ་གིས་མཚན་པ་ལས་འོད་ཟེར་འཕྲོས་པས་རང་བཞིན་གྱི་གནས་དང་། བདེ་བ་ཅན་གྱི་ཞིང་ཁམས་ནས་ མགོན་པོ་འོད་དཔག་ཏུ་མེད་པ་ལ་བསྐལ་པ་བཟང་པོའི་སངས་རྒྱས་སྟོང་རྩ་གཉིས་དང་། བྱང ་ཆུབ་སེམས་དཔའི་ཚོགས་ཀྱིས་བསྐོར་བ་སྤྱན་དྲངས་པར་གྱུར། ཞེས་སྙན་མནན་ལ། གསུམ་པ་སྤྱན་དྲང་བ་

(༤༨༨)ནི། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། བཛྲ་ས་མཱ་ཛ ཞེས་པས་སྤྱན་དྲངས། བཞི་པ་བཞུགས་གསོལ་ནི། བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་པར་ལྡན། །བདག་གི་མཆོད་ཡོན་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །པདྨ་ཀ་མ་ལཱ་ཡེ་སྟྭཾ། གྱིས་གཙོ་འཁོར་རྣམས་ལ་གདན་འབུལ་ནས་བཞུགས་གསོལ་བྱ། ལྔ་པ་མཆོད་བསྟོད་ལ་སོགས་པ་སྤྱོད་འཇུག་ལས། དེ་བཞིན་གཤེགས་པ་རྣམས་དང་དམ་པའི་ཆོས། །དཀོན་མཆོག་དྲི་མ་མེད་དང་སངས་རྒྱས་སྲས། །ཡོན་ཏན་རྒྱ་མཚོ་རྣམས་ལ་ལེགས་པར་མཆོད། །མེ་ཏོག་འབྲས་བུ་ཇི་སྙེད་ཡོད་པ་དང་། །སྨན་གྱི་རྣམ་པ་གང་ཞིག་ཡོད་པ་དང་། །འཇིག་རྟེན་རིན་ཆེན་ཇི་སྙེད་ཡོད་པ་དང་། །ཆུ་གཙང་ཡིད་དུ་འོང་བ་ཅི་ཡོད་དང་། །རིན་ཆེན་རི་བོ་དང་ནི་དེ་བཞིན་དུ། །ནགས་ཚལ་ས་ཕྱོགས་དབེན་ཞིང་ཉམས་དགའ་དང་། །ལྗོན་ཤིང་མེ་ཏོག་རྒྱན་སྤྲས་སྤུད་པ་དང་། །ཤིང་གང་འབྲས་བཟང་ཡལ་ག་དུད་པ་དང་། །ལྷ་སོགས་འཇིག་རྟེན་ན་ཡང་

(༤༨༩)དྲི་ངད་ནི། །སྤོས་དང་དཔག་བསམ་ཤིང་དང་རིན་ཆེན་ཤིང་། །མ་རྨོས་འཁྲུངས་པའི་ལོ་ཏོག་རྣམ་པ་དང་། །གཞན་ཡང་མཆོད་པར་འོས་པའི་རྒྱན་རྣམས་ནི། །མཚོ་དང་རྫིང་བུ་པདྨས་བརྒྱན་པ་དག །ངང་པ་ཤིན་ཏུ་སྐད་སྙན་ཡིད་འོང་ལྡན། །ནམ་མཁའ་རབ་འབྱམས་ཁམས་ཀྱི་མཐས་གཏུགས་ནས། །ཡོངས་སུ་བཟུང་བ་མེད་པ་དེ་དག་ཀུན། །བློ་ཡིས་བླངས་ནས་ཐུབ་པ་སྐྱེས་ཀྱི་མཆོག །སྲས་དང་བཅས་པ་རྣམས་ལ་ལེགས་འབུལ་ན། །ཡོན་གནས་དམ་པ་ཐུགས་རྗེ་ཆེ་རྣམས་ཀྱིས། །བདག་ལ་བརྩེར་དགོངས་བདག་གི་འདི་དག་བཞེས། །རྒྱལ་དང་དེ་སྲས་རྣམས་ལ་བདག་གིས་ནི། །བདག་གི་ལུས་འདི་གཏན་ཏུ་དབུལ་བར་བགྱི། །སེམས་དཔའ་མཆོག་རྣམས་བདག་ནི་ཡོངས་བཞེས་ཤིག །གུས་པས་ཁྱེད་ཀྱི་འབངས་སུ་འཆི་བར་བགྱི། །བདག་ནི་ཁྱེད་ཀྱི་ཡོངས་སུ་བཟུང་བས་ན། །སྲིད་ན་མི་འཇིགས་སེམས་ཅན་ཕན་པར་བགྱི། །སྔོན་གྱི་སྡིག་ལས་ཡང་དག་འདའ་བགྱིད་ཅིང་། །སྡིག་པ་གཞན་ཡང་སླན་ཆད་མི་བགྱིད་དོ། ཁྲུས་ཀྱི་ཁང་པ་ཤིན་ཏུ་དྲི་ཞིམ་པ། །ཤེལ་གྱི་ས་གཞི་གསལ་ཞིང་འཚེར་བ་བསྟར། །རིན་ཆེན་འབར་བའི་ཀ་བ་ཡིད་འོང་ལྡན། །མུ་ཏིག་

(༤༩༠)འོད་ཆགས་བླ་རེ་བྲེས་པ་དེར། །དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོ་སྤོས་ཀྱི་ཆུ། །ཡིད་འོང་ལེགས་པར་བཀང་བར་གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། །དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བསྒོས་པས་སྐུ་ཕྱིའོ། །དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་པ་སྣ་ཚོགས་དང་། །རྒྱན་མཆོག་བརྒྱ་ཕྲག་དེ་དང་དེ་དག་གིས། །འཕགས་པ་ཀུན་ཏུ་བཟང་དང་འཇམ་དབྱངས་དང་། །འཇིག་རྟེན་དབང་ཕྱུག་སོགས་ལའང་བརྒྱན་པར་བགྱི། །སྟོང་གསུམ་ཀུན་ཏུ་དྲི་ངད་ལྡང་བ་ཡི། །དྲི་མཆོག་རྣམས་ཀྱིས་ཐུབ་དབང་རྣམས་ཀྱི་སྐུ། །གསེར་སྦྱངས་བཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུག་པར་བགྱི། །ཐུབ་དབང་མཆོད་གནས་མཆོག་ལ་ཡིད་འོང་བའི། །མེ་ཏོག་མནྡྷ་ར་དང་པདྨ་དང་། །ཨུཏྤལ་ལ་སོགས་དྲི་ཞིམ་ཐམས་ཅད་དང་། །ཕྲེང་བ་སྤེལ་ལེགས་ཡིད་འོང་རྣམས་ཀྱིས་མཆོད། །སྤོས་མཆོག་ཡིད་འཕྲོག་དྲི་ངད་ཁྱབ་པ་ཡི། །བདུག་པའི་སྤྲིན་ཚོགས་རྣམས་ཀྱང་དེ་ལ་དབུལ། །ཞལ་ཟས་བཟའ་བཏུང་སྣ་ཚོགས་བཅས་པ་

(༤༩༡)ཡི། །ལྷ་བཤོས་རྣམས་ཀྱང་དེ་ལ་དབུལ་བར་བགྱི། །གསེར་གྱི་པདྨ་ཚར་དུ་དངར་བ་ཡི། །རིན་ཆེན་སྒྲོན་མ་རྣམས་ཀྱང་དབུལ་བར་བགྱི། །ས་གཞི་བསྟར་བ་སྤོས་ཀྱིས་བྱུགས་པ་དེར། །མེ་ཏོག་ཡིད་འོང་སིལ་མ་དགྲམ་པར་བྱ། །གཞལ་མེད་ཕོ་བྲང་བསྟོད་དབྱངས་ཡིད་འོང་ལྡན། །མུ་ཏིག་རིན་ཆེན་རྒྱན་འཕྱང་མཛེས་འབར་བ། །དཔག་ཡས་ནམ་མཁའི་རྒྱན་གྱུར་དེ་དག་ཀྱང་། །ཐུགས་རྗེའི་རང་བཞིན་ཅན་ལ་དབུལ་བར་བགྱི། །རིན་ཆེན་གདུགས་མཛེས་གསེར་གྱི་ཡུ་བ་ཅན། །འཁོར་ཡུག་རྒྱན་གྱི་རྣམ་པ་ཡིད་འོང་ལྡན། །དབྱིབས་ལེགས་བལྟ་ན་སྡུག་པ་སྒྲེང་བ་ཡང་། །རྟག་ཏུ་ཐུབ་དབང་རྣམས་ལ་དབུལ་བར་བགྱི། །དེ་ལས་གཞན་ཡང་མཆོད་པའི་ཚོགས། །རོལ་མོ་དབྱངས་སྙན་ཡིད་འོང་ལྡན། །སེམས་ཅན་སྡུག་བསྔལ་སེམས་བྱེད་པའི། །སྤྲིན་རྣམས་སོ་སོར་གནས་གྱུར་ཅིག །དམ་ཆོས་དཀོན་མཆོག་ཐམས་ཅད་དང་། །མཆོད་རྟེན་རྣམས་དང་སྐུ་གཟུགས་ལ། །རིན་ཆེན་མེ་ཏོག་ལ་སོགས་ཆར། །རྒྱུན་མི་ཆད་པར་འབབ་པར་ཤོག །ཇི་ལྟར་འཇམ་དབྱངས་ལ་སོགས་པས། །རྒྱལ་བ་རྣམས་ལ་མཆོད་མཛད་པ། །དེ་ལྟར་བདག་གིས་

(༤༩༢)དེ་བཞིན་གཤེགས། །མགོན་པོ་སྲས་དང་བཅས་རྣམས་མཆོད། །ཡོན་ཏན་རྒྱ་མཚོ་རྣམས་ལ་བདག །བསྟོད་དབྱངས་ཡན་ལག་རྒྱ་མཚོས་བསྟོད། །བསྟོད་དབྱངས་སྙན་སྤྲིན་དེ་དག་ལ། །ངེས་པར་ཀུན་ཏུ་འབྱུང་གྱུར་ཅིག །དྲུག་པ་བསྙེན་པ་བྱ་བ་ནི། །མདུན་བསྐྱེད་གསུང་རྡོ་རྗེ་འོད་དཔག་མེད་དུ་གསལ་བའི་ཐུགས་ཀར་ཉི་གདན་ལ་ཧྲཱི ཡིག་དམར་པོས་མཚན་པའི་མཐའ་བསྐོར་དུ་སྔགས་ཕྲེང་གིས་བསྐོར་བ་ལས་འོད་ཟེར་འཕྲོས་པས་དོན་གཉིས་བྱས་པར་དམིགས་ལ། །ཨོཾ་ཨ་མི་ཏྭ་བྷ་ཧྲཱི ཨཾ་ཨ་རོ་ལི་ཀ་ཧཱུཾ། ཞེས་བཟླ། བདུན་པ་ལས་སྦྱོར་ལ་གཉིས་ལས་དང་པོ་གསོན་པོའི་དོན་དུ་ཚེ་སྒྲུབ་བྱེད་ན་ཕྱག་མཚན་ཚེ་བུམ་དུ་སྒྱུར། སྙིང་གར་པདྨ་འདབ་བཞིའི་དབུས་སུ་ཉི་སྟེང་ཧྲཱིདམར་པོ་ལས་འོད་ཟེར་ཀུན་ཏུ་འཕྲོས་པས་ཕྱོགས་བཅུའི་སངས་རྒྱས་བྱང་སེམས་ཉི་ཟླ་ལ་སོགས་པའི་ཚེ་དང་བསོད་ནམས་གཟི་བརྗིད་ཐམས་ཅད་བསྡུས་པས་རང་ལུས་གང་བར་བསམས་ཏེ། རླུང་ཁ་སྦྱར་ནས་ཐུགས་སྲོག་ལ་ཡིད་བཟླས་བྱ། ཐུན་བསྡུ་བ་ན་སྣོད་བཅུད་འོད་དུ་ཞུ་བའི་དངས་མ་ཧྲཱིཡིག་ལ་བསྡུས་པས་རྡོ་རྗེའི་སྲོག་ཐོབ་པར་བསམ་ལ་དགེ་བ་བསྔོ་བར་བྱའོ། ༈ །གཉིས་པ་ཁྲུས་ཆོག་འབྲེལ་བར་གཤིན་པོ་ལ་ལམ་བསྟན་བྱེད་ན། ཁྲུས་བུམ་དུ་བྱང་ཆུབ་སེམས་

(༤༩༣)དཔའ་ནམ་མཁའི་སྙིང་པོ་རལ་གྲི་དང་དྲིལ་བུ་འཛིན་པ་བསྐྱེད་ལ། ཏྲཱཾ་ཨ་གརྦྷ་ཡ་སརྦ་དུརྒ་ཏེ་སརྦ་པཱ་པཾ་ཤཱནྟི༚་ཀུ་རུ་སྭཱ་ཧཱ། ཞེས་བཟླས་ལ་མཐར་ཡེ་ཤེས་པ་གཤེགས། །དམ་ཚིག་པ་འོད་ཞུ་བྱའོ། །རང་གཞན་གང་གི་དོན་ཡིན་ཡང་། འདི་ནི་ཚོགས་བསག་པ་དང་། ཞིང་ཁམས་སྦྱོང་བ་གཙོ་བོར་གྱུར་པའི་ལམ་ཡིན་པས་བཟླས་པ་བརྒྱ་འཁོར་རེའི་མཚམས་སུ་ཡན་ལག་བདུན་ ཨོཾ་ཨཱཧཱུྃ་གིས་དུང་ཆོས་ཀྱི་ཆུ་མཆོད་ཡོན་དུ་ཕུལ། བ་དང་བཟང་སྤྱོད་སྦྲེལ་ནས་གྲངས་གསོག་བྱ་བ་གསོན་གཤིན་གཉིས་ཀའི་དོན་ལ་འདྲའོ། །གཤིན་པོ་ལམ་བསྟན་གྱི་ཚེ་དང་པོ་རྟེན་ལ་རྣམ་ཤེས་དགུག་པ་ནི། སྟོང་པའི་ངང་ལས་པདྨ་དང་ཟླ་བའི་གདན་ལ་ནིྲ་ཡོངས་སུ་གྱུར་པ་ལས་ཚེ་འདས་ཀྱི་ཕུང་པོ་དང་སྐྱེ་མཆེད་ལ་སོགས་པ་གསོན་གྱི་གནས་སྐབས་ཇི་ལྟ་བར་གྱུར། ན་མོ་རྗེ་བཙུན་རྩ་བ་དང་བརྒྱུད་པར་བཅས་པའི་བླ་མ་དམ་པ་རྣམས་ཀྱི་བདེན་པ་དང་། དཀོན་མཆོག་གསུམ་གྱི་བདེན་པ་དང་། ཆོས་ཉིད་རང་བཞིན་གྱི་རྣམ་པར་དག་པའི་བདེན་པ་དང་། ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང་། ཁྱད་པར་དུ་བཅོམ་ལྡན་འདས་མགོན་པོ་འོད་དཔག་མེད་འཁོར་དང་བཅས་པའི་བདེན་པ་དང་། ཐུགས་བསྐྱེད་དང་སྨོན་ལམ་བསམ་གྱིས་མི་ཁྱབ་པའི་བྱིན་རླབས་ལ་བརྟེན་ནས་

(༤༩༤)ཚེ་ལས་འདས་པ་ཆྒཻ་མོའི་རྣམ་པར་ཤེས་པ་འགྲོ་བ་རིགས་དྲུག་སྲིད་པ་བར་དོ་གང་ན་གནས་ཀྱང་རྟེན་འདི་ལ་མཆིས་པར་གྱུར་ཅིག །ལན་གསུམ། གཉིས་པ་བགེགས་ལ་གཏོར་མ་སྦྱིན་པ་ནི། ཨོཾ་སརྦ་བིགྷན་ན་ན་མསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱསརྦ་ཏ་ཏ་ཁཾ་ཨུཏྒ་ཏེ་སྥ་ར་ཎ་ཧི་མཾ་ག་ག་ན་ཁཾ་ཚེ་ལས་འདས་པའི་སྡིག་པ་སྦྱོང་བ་ལ་བར་དུ་གཅོད་པའི་བགེགས་རྣམས་གཏོར་མ་འདིས་བརྔན་གྱིས་ལ་སོང་ཞིག །ལན་གསུམ་ཏིང་ལོ་ཆང་བུ་དང་བཅས་བསྐོར་ཞིང་། ཨོཾ་སུཾ་བྷ་ནི་སུཾ་བྷ་ཧཱུྃ གྲྀཧྞ་གྲྀཧྞ་ཧཱུྃ གྲྀཧྞ་པཱ་ཡགྲྀཧྞ་པཱ་ཡ་ཧཱུྃཨཱ་ན་ཡ་ཧོ བྷ་ག་ཝཱན་བིདྱ་རཱ་ཛ་ཡ་ཧཱུྃ་ཕཊ ཏིང་ལོས་སྣང་བ་དང་ཆང་བུས་བཟའ་བ་གྱིས་ལ་སོང་ཞིག །གསུམ་པ་མཚམས་བཅད་པ་ནི། མེའི་རྒྱ་བསྟན་ཏེ། ཨོཾ་བཛྲ་ཛྭ་ལ་ཨ་ན་ལ་ཧ་ནི་ད་ཧ་པ་ཙ་མ་ཐ་བྷཉྫ་རཏྣ་ཧཱུྃ་ཕཊ བཞི་པ་སྡིག་པ་སྦྱོང་བ་ལ་ལྔ་ལས། དང་པོ་རིག་སྔགས་ཀྱིས་སྦྱོང་བ་ནི་རྣམ་རྒྱལ་མའི་རྩ་རིག །ཡིག་བརྒྱ་སོགས་བཟླས་པའི་བྱེ་མ་དང་ཡུངས་ཀར་གྱིས་བྲབ་ཅིང་། །ཨོཾ་ཤྭ་དྷ་ནི་ཤྭ་དྷ་ནི་སརྦ་པཱ་པཾ་བི་ཤོ་དྷ་ནི་ཤུདྡྷེ་བི་ཤུདྡྷེ་སརྦ་ཀརྨཱ་ཨཱ་ཝར་ནི་བི་ཤུདྡྷེ་སྭཱ་ཧཱ། ཨོཾ་ན་མོ་བྷ་ག་ཝཱ་ཏེ་སརྦ་དུརྒ་ཏེ་པ་རི་ཤྭ་དྷ་ནི་རཱ་ཛ་ཡ། ཏ་ཐཱ་ག་ཏ་ཡ། ཨརྷ་ཏེ་སམྱཀྶཾ་བུདྡྷ་ཡ། ཏདྱ་ཐ། ཨོཾ་ཤྭ་དྷ་ནི་ཤྭ་དྷ་ནི། བི་ཤྭ་དྷ་ནི་བི་ཤྭ་དྷ་ནི། སརྦ་པཱ་པཾ་བི་ཤྭ་དྷ་ནི་

(༤༩༥)ཤུདྡྷེ་བི་ཤུདྡྷེ་སརྦ་ཀརྨཱ་ཨ་བ་ར་ཎ་བི་ཤུདྡྷེ་སྭཱ་ཧཱ། ཨོཾ་སརྦ་བིདྱཱ་སརྦ་ཨཱ་ཝ་ར་ཎ་བི་ཤྭ་དྷ་ཡ་ཧ་ན་ཧཱུྃ་ཕཊ ཨོཾ་སརྦ་བིད་ཧཱུྃ། ཨོཾ་སརྦ་བིད་ཕཊ ཨོཾ་སརྦ་བིད་ཨཱ ཨོཾ་སརྦ་བིད་ཏྲཊ ཨོཾ་སརྦ་བིད་ཨོཾ ཨོཾ་སརྦ་བིད་སྭཱ ཨོཾ་སརྦ་བིད་ཨཱ ཨོཾ་སརྦ་བིད་ཧཱུྃ ཨོཾ་སརྦ་བིད་ཏྲཊ ཨོཾ་ཤ ཨོཾ་བྷ རིག་པ་ཆེན་པོ་འདིའི་བྱིན་རླབས་ཀྱིས་ཚེ་ལས་འདས་པའི་སྡིག་སྒྲིབ་དང་ངན་སོང་ཐམས་ཅད་ཤཱནྟི༚་ཀུ་རུ་སྭཱ་ཧཱ། ཞེས་གང་མང་བརྗོད། གཉིས་པ་བུམ་ཆུས་མེ་ལོང་ངོས་སམ། རུས་བུ་སོགས་ལ་དངོས་སུ་བཀྲུ་ཞིང་། འོད་དཔག་མེད་མགོན་སྨོན་ལམ་དང་། །ནམ་མཁའི་སྙིང་པོའི་ཐུགས་བསྐྱེད་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །སྦྱིན་པའི་ཆུ་བོ་ལ་བརྟེན་ནས། །སེར་སྣའི་རྒྱུ་འབྲས་དག་པར་ཤོག །ཨོཾ་ཨ་མི་ཏེ་ཨ་མི་ཏེ། ཨ་མི་ཏོད་བྷ་བེ། ཨ་མི་ཏ་སཾ་བྷ་བེ། ཨ་མི་ཏ་བི་ཀྲནྟེ། ཨ་མི་ཏ་བི་ཀྲནྟེ་ག་མི་ནི་སརྦ་ཀརྨ་ཀླེ་ཤ་ཀྵ་ཡཾ་ཀ་ར་སྭཱ་ཧཱ། ན་མས་མནྟ་བུདྡྷ་ནཱཾ། ཨཱ་ཀ་ཤ་ས་མ་ཏ་ནུ་ག་ཏ་བི་ཙི་ཏྲཾ་བ་ར་དྷ་ར་སྭཱ་ཧཱ། སྤྱན་རས་གཟིགས་ཀྱི་སྙིང་རྗེ་དང་། །ནམ་མཁའི་སྙིང་པོའི་ཐུགས་བསྐྱེད་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་

(༤༩༦)འདོད་པས། །ཚུལ་ཁྲིམས་ཆུ་བོ་ལ་བརྟེན་ནས། ཁྲིམས་འཆལ་རྒྱུ་འབྲས་དག་པར་ཤོག །ན་མས་མནྟ་བུདྡྷ་ནཾཱསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཀཱ་རུ་ཎ་མཱ་ར་ཡ་ར་ར་ར་ཧཱུྃ་ཛ་སྭཱ་ཧཱ། མཐུ་ཆེན་ཐོབ་པའི་ནུས་སྟོབས་དང་། །ནམ་མཁའི་སྙིང་པོའི་ཐུགས་བསྐྱེད་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །བཟོད་པའི་ཆུ་བོ་ལ་བརྟེན་ནས། ཁོང་ཁྲོའི་རྒྱུ་འབྲས་དག་པར་ཤོག །ན་མས་མནྟ་བུདྡྷ་ནཱཾ་ཛི༚་ཛི༚་སྭཱ་ཧཱ། །སྒྲིབ་པ་རྣམས་སེལ་བྱིན་རླབས་དང་། །ནམ་མཁའི་སྙིང་པོའི་ཐུགས་བསྐྱེད་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །བརྩོན་འགྲུས་ཆུ་བོ་ལ་བརྟེན་ནས། །ལེ་ལོའི་རྒྱུ་འབྲས་དག་པར་ཤོག །ན་མས་མནྟ་བུདྡྷ་ནཱཾ། ཨཥྚ་ས་ཏྭ་ཧི་ཏ་ཨ་བྷྱ་ག་ཏ་ཏཾ་ཏཾ་རཾ་རཾ་སྭཱ་ཧཱ། །བྱམས་པ་དང་ནི་སའི་སྙིང་པོ། །ནམ་མཁའི་སྙིང་པོའི་ཐུགས་བསྐྱེད་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །བསམ་གཏན་ཆུ་བོ་ལ་བརྟེན་ནས། །རྣམ་གཡེང་རྒྱུ་འབྲས་དག་པར་ཤོག །ན་མས་མནྟ་བུདྡྷ་ནཱཾ། ཨ་ཛི་ཏཉྫ་ཡ་སརྦ་ཏྭ་ཤ་ཡ་ཨ་ནུ་ག་ཏ་སྭཱ་ཧཱ། ཧ་ཧ་ཧ་པུ་ན་ཏ་ནུ་སྭཱ་ཧཱ། །འཇམ་དཔལ་

(༤༩༧)དབྱངས་དང་ཀུན་ཏུ་བཟང་། །ནམ་མཁའི་སྙིང་པོའི་ཐུགས་བསྐྱེད་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །ཤེས་རབ་ཆུ་བོ་ལ་བརྟེན་ནས། །རྨོངས་པའི་དྲི་མ་དག་པར་ཤོག །ན་མས་མནྟ་བུདྡྷ་ནཱཾ། ཧེ་ཧེ་ཀུ་མ་རཱ་ཀ་ནི་མུགྟེ་བ་ཐ་བ་ཐ་ཏསྨ་རསྨ་ར་པྲ་ཏི་ཛྙཱ་ན་སྭཱ་ཧཱ། ས་མནྟ་ནུ་ཀ་ཏ་བི་རཱ་ག་དྷརྨཱ་ནི་རཱ་ཛ་ཏ་མ་ཧཱ་མ་ཧཱ་སྭཱ་ཧཱ། གསུམ་པ་མཆོག་གསུམ་གྱི་བདེན་པས་སྦྱོང་བ་ནི། འདོད་ཆགས་ཞེ་སྡང་གཏི་མུག་གསུམ། །འདི་དག་ཚེ་འདས་དུག་གསུམ་སྟེ། །བཅོམ་ལྡན་སངས་རྒྱས་དུག་མི་མངའ། །སངས་རྒྱས་བདེན་པས་དུག་བཅོམ་མོ། །འདོད་ཆགས་ཞེ་སྡང་གཏི་མུག་གསུམ། །འདི་དག་ཚེ་འདས་དུག་གསུམ་སྟེ། །བཅོམ་ལྡན་དམ་ཆོས་དུག་མི་མངའ། །དམ་ཆོས་བདེན་པས་དུག་བཅོམ་མོ། །འདོད་ཆགས་ཞེ་སྡང་གཏི་མུག་གསུམ། །འདི་དག་ཚེ་འདས་དུག་གསུམ་སྟེ། །བཅོམ་ལྡན་དགེ་འདུན་དུག་མི་མངའ། །དགེ་འདུན་བདེན་པས་དུག་བཅོམ་མོ། །བཞི་པ་འབྱུང་བཞིའི་དུག་སྦྱོང་བ་ནི། སོ་སོའི་སྟེང་དུ་ཀུ་ཤས་དབྱུང་བའི་ཚུལ་དུ། ས་ནི་དུག་གི་ཕ་ཡིན་ཏེ། །ས་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །དུག་གསུམ་ས་ཡི་ནང་དུ་སོང་། །ཆུ་ནི་དུག་གི་ཕ་ཡིན་

(༤༩༨)ཏེ། །ཆུ་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །དུག་གསུམ་ཆུ་ཡི་ནང་དུ་སོང་། །མེ་ནི་དུག་གི་ཕ་ཡིན་ཏེ། །མེ་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །དུག་གསུམ་མེ་ཡི་ནང་དུ་སོང་། །རླུང་ནི་དུག་གི་ཕ་ཡིན་ཏེ། །རླུང་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །དུག་གསུམ་རླུང་གི་ནང་དུ་སོང་། །ལྔ་པ་ཤིས་པ་བརྗོད་པ་ནི། །བྱང་ཆུབ་སྙིང་པོར་གཤེགས་པ་ན། །ས་རྣམས་དྲུག་པོ་གཡོས་གྱུར་ཅིང་། །བདུད་ཡིད་མི་བདེར་གྱུར་པ་དེས། ཁྱེད་ལ་བདེ་ལེགས་མཛད་པར་གྱུར། །ཆོས་ཀྱི་འཁོར་ལོ་བསྐོར་བ་ན། །འཕགས་པའི་བདེན་པ་རྣམས་གསུང་ཞིང་། །ཐུབ་པའི་སྙན་པ་གང་བྱུང་དེས། ཁྱེད་ལ་བདེ་ལེགས་མཛད་པར་གྱུར། །ཡིད་འཕྲོག་གང་ཞིག་མུ་སྟེགས་བྱེད། །ཐམས་ཅད་ཆོས་ཀྱིས་ཕམ་མཛད་ཅིང་། །ཚོགས་ཀུན་དབང་དུ་མཛད་པ་དེས། ཁྱེད་ལ་བདེ་ལེགས་མཛད་པར་གྱུར། །དེ་ནས་ཟས་བསྔོ་བ་ནི། །བཟའ་བཏུང་གྱ་ནོམ་པ་དང་། དྲི་བསུང་ཞིམ་པོའང་སྦྱར་ལ། ཨ་ཀཱ་རོས་བསྔོས་ལ། འགྲོ་བ་གང་དག་སྔ་མའི་ལུས་རྟེན་བོར་ར་ཕྱི་མའི་ལུས་མ་རྙེད། སྲིད་པ་བར་དོར་ཉམ་ང་བའི་འཕྲང་ལ་སྐྱབས་དང་སྐྱོབ་པ་མེད་པ། །མགོན་དང་དཔུང་གཉེན་བྲལ་བ། །མིང་བཞི་འདུས་པའི་

(༤༩༩)ཕུང་པོ། །ཚོར་བ་སྡུག་བསྔལ་གྱི་རང་བཞིན། འཇིགས་སྐྲག་འཁྲུལ་སྣང་གིས་མནར་བ་གར་འགྲོའི་གཏད་པ་དང་བྲལ་བའི་བར་དོའི་སེམས་ཅན་ཆྒཻ་མོས་གཙོ་བྱས་པ་རྣམས་ལ་འབུལ་ལོ། །བར་དོའི་སྡུག་བསྔལ་དང་བྲལ་ནས་མྱུར་དུ་བླ་ན་མེད་པའི་བྱང་ཆུབ་ཐོབ་པར་གྱུར་ཅིག །ན་མོ། །བདག་གི་བསམ་པའི་སྟོབས་དང་ནི། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །འཕགས་པ་རྣམས་ལ་མཆོད་པ་དང་། །སེམས་ཅན་རྣམས་ལ་ཕན་གདགས་སླད། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པ། །ཐོགས་པ་མེད་པར་འགྲུབ་གྱུར་ཅིག །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །གསུམ་པ་རྗེས་ཀྱི་རིམ་པ་ལ་ལྔ་ལས། དང་པོ་བཤགས་པ་དང་འབྲེལ་བར་ཐུགས་རྗེ་བསྐུལ་བ་ནི། །ཕྱོགས་རྣམས་ཀུན་ན་བཞུགས་པ་ཡི། །རྫོགས་སངས་རྒྱས་དང་དེ་ཡི་སྲས། །ཐུགས་རྗེ་ཆེན་པོ་མངའ་རྣམས་ལ། །ཐལ་མོ་སྦྱར་ཏེ་གསོལ་བ་ནི། །ཐོག་མ་མེད་ལྡན་འཁོར་བ་ནས། །ཚེ་རབས་འདིའམ་གཞན་དག་ཏུ། །བདག་གིས་མ་འཚལ་སྡིག་བགྱིས་པ། །བགྱིད་

(༥༠༠)དུ་སྩལ་བ་ཉིད་དང་ནི། །གཏི་མུག་འཁྲུལ་པས་བདག་ནོན་ཏེ། །རྗེས་སུ་ཡི་རང་གང་ཡིན་པ། །ནོངས་པ་དེ་ནི་མཐོང་བགྱིས་ནས། །བསམ་པ་ཐག་པས་མགོན་ལ་བཤགས། །བདག་གི་དཀོན་མཆོག་གསུམ་དང་ནི། །ཕ་མའམ་བླ་མ་གཞན་དག་ལ། །ཉོན་མོངས་སྒོ་ནས་ལུས་ངག་དང་། །ཡིད་ཀྱིས་གནོད་བགྱིས་གང་ལགས་དང་། །ཉེས་པ་དུ་མས་སྐྱོན་ཆགས་པའི། །སྡིག་ཅན་བདག་གི་སྡིག་པ་གང་། །ཤིན་ཏུ་མི་བཟད་བགྱིས་པ་དེ། །ཐམས་ཅད་འདྲེན་པ་རྣམས་ལ་བཤགས། །བདག་གི་སྡིག་པ་མ་བྱང་བར། །སྔོན་དུ་འགུམ་པར་འགྱུར་དུ་མཆི། །དེ་བས་འདི་ལས་ངེས་ཐར་བྱ། །མྱུར་བའི་ཚུལ་གྱིས་བསྐྱབ་ཏུ་གསོལ། །ཡིད་བརྟན་མི་རུང་འཆི་བདག་འདི། །བྱས་དང་མ་བྱས་མི་སྡོད་པས། །ན་དང་མི་ན་ཀུན་གྱིས་ཀྱང་། །གློ་བུར་ཚེ་ལ་ཡིད་མི་བརྟེན། །ཐམས་ཅད་བོར་ཏེ་ཆ་དགོས་པར། །བདག་གིས་དེ་ལྟར་མ་ཤེས་པས། །མཛའ་དང་མི་མཛའི་དོན་གྱིས་ཕྱིར། །སྡིག་པ་རྣམ་པ་སྣ་ཚོགས་བྱས། །མི་མཛའ་རྣམས་ཀྱང་མེད་འགྱུར་ཞིང་། །མཛའ་བ་རྣམས་ཀྱང་མེད་པར་འགྱུར། །རྨི་ལམ་ཉམས་སུ་མྱོང་བ་བཞིན། །དངོས་པོ་གང་དང་གང་སྤྱད་པ། །དེ་དེ་དྲན་པའི་ཡུལ་དུ་འགྱུར། །འདས་པ་ཐམས་ཅད་

(༥༠༡)མཐོང་མི་འགྱུར། །རེ་ཞིག་གསོན་ཚེ་འདི་ཉིད་ལ། །མཛའ་དང་མི་མཛའ་དུ་མ་འདས། །དེ་དག་དོན་དུ་བྱས་པའི་སྡིག །མི་བཟད་གང་ཡིན་མདུན་ན་གནས། །དེ་ལྟར་བདག་ནི་གློ་བུར་ཞེས། །བདག་གིས་རྟོགས་པར་མ་གྱུར་པས། །གཏི་མུག་ཆགས་དང་ཞེ་སྡང་གིས། །སྡིག་པ་རྣམ་པ་དུ་མ་བྱས། །ཉིན་མཚན་སྡོད་ས་ཡོད་མེད་པར། །ཚེ་འདི་རྟག་ཏུ་གོད་འགྱུར་ཞིང་། །བསྣོན་པ་གུད་ནས་འོང་མེད་ན། །བདག་ལྟ་འཆི་བར་ཅིས་མི་འགྱུར། །བདག་ནི་མལ་ན་འདུག་བཞིན་དུ། །གཉེན་བཤེས་ཀུན་གྱིས་མཐའ་བསྐོར་ཀྱང་། །སྲོག་འཆད་པ་ཡི་ཚོར་བ་དག །བདག་ཉིད་གཅིག་པུས་མྱོང་བར་འགྱུར། །གཤིན་རྗེའི་ཕོ་ཉས་ཟིན་པ་ལ། །གཉེན་གྱིས་ཅི་ཕན་བཤེས་ཅི་ཕན། །དེ་ཚེ་བསོད་ནམས་སྐྱབས་གཅིག་པ། །དེ་ཡང་བདག་གིས་མ་བསྟེན་ཏོ། །མགོན་པོ་བག་མེད་བདག་གིས་ནི། །འཇིགས་པ་འདི་འདྲ་མ་འཚལ་ནས། །མི་རྟག་ཚེ་འདིའི་ཆེད་དག་ཏུ། །སྡིག་པ་མང་པོ་ཉེ་བར་བསྒྲུབས། །སྐྱེ་བོ་ཡན་ལག་བཅད་པའི་སར། །དེ་རིང་ཁྲིད་པའང་བྲེད་གྱུར་ཏེ། ཁ་སྐོམ་མིག་རྩ་ངན་ལ་སོགས། །སྔ་ལས་གཞན་དུ་འགྱུར་སྣང་ན། །གཤིན་རྗེའི་ཕོ་ཉ་འཇིགས་འཇིགས་ལྟའི། །ཤ་ཚུགས་ཅན་གྱིས་བཟུང་འགྱུར་ཞིང་།

(༥༠༢)འཇིགས་ཆེན་ནད་ཀྱིས་ཐེབས་གྱུར་པ། །རབ་ཏུ་ཉམ་ཐག་སྨོས་ཅི་དགོས། །སུ་ཞིག་འཇིགས་ཆེན་འདི་ལས་བདག །ལེགས་པར་སྐྱོབ་པར་བྱེད་འགྱུར་ཞེས། །བྲེད་ཤ་ཐོན་པའི་མིག་བགྲང་ནས། །ཕྱོགས་བཞིར་སྐྱབས་དག་འཚོལ་བར་བྱེད། །ཕྱོགས་བཞིར་སྐྱབས་མེད་མཐོང་ནས་ནི། །དེ་ནས་ཀུན་ཏུ་ཡི་མུག་འགྱུར། །གནས་དེར་སྐྱབས་ཡོད་མ་ཡིན་ན། །དེ་ཚེ་བདག་གིས་ཇི་ལྟར་བྱ། །དེ་བས་རྒྱལ་བ་འགྲོ་བའི་མགོན། །འགྲོ་བ་སྐྱོབ་པའི་དོན་བརྩོན་པ། །སྟོབས་ཆེན་འཇིགས་པ་ཀུན་སེལ་བ། །དེ་རིང་ཉིད་ནས་སྐྱབས་སུ་མཆི། །དེ་ཡི་ཐུགས་སུ་ཆུད་པའི་ཆོས། །འཁོར་བའི་འཇིགས་པ་སེལ་བ་དང་། །བྱང་ཆུབ་སེམས་དཔའི་ཚོགས་ལ་ཡང་། །དེ་བཞིན་ཡང་དག་སྐྱབས་སུ་མཆི། །བདག་ནི་འཇིགས་པས་རྣམ་སྐྲག་པས། །ཀུན་ཏུ་བཟང་ལ་བདག་ཉིད་དབུལ། །འཇམ་པའི་དབྱངས་ལའང་བདག་ཉིད་ཀྱིས། །བདག་གི་ལུས་འདི་དབུལ་བར་བགྱི། །ཐུགས་རྗེའི་སྤྱོད་པ་མ་འཁྲུལ་བའི། །སྤྱན་རས་གཟིགས་མགོན་དེ་ལ་ཡང་། །ཉམ་ཐག་ང་རོས་འོ་དོད་འབོད། །སྡིག་ལྡན་བདག་ལ་བསྐྱབ་ཏུ་གསོལ། །འཕགས་པ་ནམ་མཁའི་སྙིང་པོ་དང་། །ས་ཡི་སྙིང་པོ་དག་དང་ནི། །ཐུགས་རྗེ་ཆེ་མགོན་ཐམས་

(༥༠༣)ཅད་ལ། །སྐྱབས་འཚོལ་སྙིང་ནས་འོ་དོད་འབོད། །གང་ཞིག་མཐོང་ན་གཤིན་རྗེ་ཡི། །ཕོ་ཉ་ལ་སོགས་སྡང་བ་རྣམས། །སྐྲག་ནས་ཕྱོགས་བཅུར་འབྱེར་བྱེད་པ། །རྡོ་རྗེ་ཅན་ལ་སྐྱབས་སུ་མཆི། །སྔོན་ཆད་ཁྱོད་ཀྱི་བཀའ་ལས་འདས། །ད་ནི་འཇིགས་པ་ཆེར་མཐོང་ནས། ཁྱེད་ལ་སྐྱབས་སུ་མཆི་ལགས་ཀྱིས། །འཇིགས་པ་མྱུར་དུ་བསལ་དུ་གསོལ། །ཞེས་གཞན་དོན་ལ་ཚིག་ཕྲད་བསྒྱུར། །དེ་ནས་སྦྱོང་བ་དང་འབྲེལ་ན་ལམ་བསྟན་པ་ནི། །ཉོན་ཅིག་ཚེ་འདས་རིགས་ཀྱི་བུ། །འཁོར་བ་སྡུག་བསྔལ་ཅན་ཕུང་པོར། །འགྱུར་དང་འདུ་བྱེད་ཉིང་འཁྲུལ་ཅན། །ལས་ལ་སྐྱེ་ཞིང་ལས་ལ་བརྟེན། །དེ་ཕྱིར་དེ་ལ་མ་ཆགས་པར། །བླ་མ་དཀོན་མཆོག་རྣམས་ཀྱི་མཐུ། །དད་པའི་ཡུལ་ལ་ཤིན་ཏུ་སྣང་། །མོས་གུས་བསྐྱེད་ཅིག་རིགས་ཀྱི་བུ། །འདི་ནས་ནུབ་ཀྱི་ཕྱོགས་རོལ་ན། །བདེ་བ་ཅན་གྱི་ཞིང་ཁམས་ཡོད། །མགོན་པོ་འོད་དཔག་མེད་པ་བཞུགས། །གང་ཞིག་ཡིད་ལ་དྲན་པའི་མོད། ཁྱེད་ཀྱང་དེ་རུ་ཕྱིན་འགྱུར་པས། །མགོན་པོ་དེ་ཡི་མཚན་ཟུང་ལ། །ཡིད་གཉིས་སྤོངས་ལ་དེར་གཤེགས་ཤིག །སྦྱང་བྱའི་རྣམ་ཤེས་ཧཱུྃ་གི་རྣམ་པ། །བདེ་བ་ཅན་དུ་འཕངས་པའི་དེ་མ་ཐག་བྱད་བུ་བསྲེག་ཅིང་། རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །སོགས་

(༥༠༤)ཀྱིས་སྨོན་ལམ་བཏབ། གཉིས་པ་ཐུན་མཚམས་ཀྱི་རྣལ་འབྱོར་ནི། སྔགས་སྤྱིའི་བསྐྱེད་རིམ་ལྟར་རྟག་ཆད་ཀྱི་མཐའ་བསལ་བའི་དོན་ལ་འཇུག་མི་དགོས་ཏེ། །འཇིག་རྟེན་གྱི་ཁམས་བདེ་བ་ཅན་ནི་ད་ལྟ་འཚོ་ཞིང་གཞེས་པའི་སངས་རྒྱས་ཀྱི་ཞིང་ཡིན་པས་རྣམ་པ་ཐམས་ཅད་དུ་དེ་སྒོམ་ཞིང་ཡིད་ལ་བྱེད་པ་དང་མི་འབྲལ་བས་ཐ་མལ་གྱི་སྣང་བ་ཞིང་ཁམས་སུ་གོམས་པ་ལ་སློབ་བའི་ཚུལ། །གང་ཞིག་སྟོན་པའི་མདོ་སྡེ་ལས། ཀུན་དགའ་བོ་གང་དག་ཡང་དེ་བཞིན་གཤེགས་པ་དེ་ཡིད་ལ་བྱེད་ཅིང་དགེ་བའི་རྩ་བ་མང་པོ་དཔག་ཏུ་མེད་པ་རྒྱུན་དུ་བསྐྱེད་ལ་སངས་རྒྱས་ཀྱི་ཞིང་དེ་ན་སེམས་ཡང་དག་པར་གཏོང་བ་དེ་དག་འཆི་བའི་དུས་ཉེ་བར་གནས་པ་ན། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་དེའི་ཁ་དོག་དང་། དབྱིབས་དང་། ཆུ་ཞིང་དང་། ཞབས་འབྲིང་པ་དགེ་སྤོང་གི་དགེ་འདུན་ནི་འདྲ་བས་སངས་རྒྱས་ཀྱི་སྤྲུལ་པ་དག་མདུན་དུ་གནས་པར་གྱུར་ཏེ། །དེ་དག་དེ་བཞིན་གཤེགས་པ་མཐོང་བའི་རབ་ཏུ་དང་བ་ལ་དམིགས་པའི་ཏིང་ངེ་འཛིན་དེ་དང་བརྗོད་པ་མེད་པའི་དྲན་པས་ཤི་འཕོས་ནས་སངས་རྒྱས་ཀྱི་ཞིང་དེ་ཉིད་དུ་སྐྱེ་བར་འགྱུར་རོ། །ཞེས་སོ། །དེ་བས་ན་དགེ་སློང་ཆོས་ཀྱི་འབྱུང་གནས་སྨོན་ལམ་ཕུན་སུམ་ཚོགས་པ་དེའི་དམ་བཅའ་བསྐུལ་བའི་ཕྱིར། གལ་ཏེ་བདག་གིས་བྱང་ཆུབ་ཐོབ་ཚེ་སྨོན་ལམ་མཆོག ཁྱད་པར་འཕགས་པ་རྣམ་པ་འདི་འདྲར་མ་གྱུར་ན། །སྟོབས་བཅུ་མངའ་བ་མཚུངས་པ་མ་

(༥༠༥)མཆིས་སྦྱིན་པའི་གནས། །མི་ཡི་སེང་གེ་སེམས་ཅན་སྙིང་པོར་བདག་མ་གྱུར། །སེམས་ཅན་གང་དག་ང་ཡི་མིང་ཐོས་ནས། །ང་ཡི་ཞིང་དུ་རྟག་ཏུ་འོང་བར་ཤོག །ང་ཡི་སྨོན་ལམ་བཟང་པོ་དེ་རྫོགས་པས། །འཇིག་རྟེན་ཁམས་མང་དག་ནས་སེམས་ཅན་འོང་། །དེ་དག་ང་ཡི་ཞིང་དུ་ལྷགས་ནས་ནི། །དེ་དག་སྐྱེ་བ་གཅིག་ལས་ཕྱིར་མི་ལྡོག །དེ་ཕྱིར་བྱང་ཆུབ་སེམས་དཔའ་གང་ཞིག་འདིར། །བདག་གི་ཞིང་ཡང་འདི་འདྲར་གྱུར་པ་དང་། །བདག་གི་སྒྲ་དང་མིང་དང་ལྟ་བས་ཀྱང་། །སེམས་ཅན་མང་པོ་གྲོལ་བར་བྱ་ཞེས་པའི། །བདེན་པའི་གསུང་ལ་ཡིད་གཉིས་གནས་མེད་ན། །ཚེ་འདིའི་འདུ་བྱེད་སྟོངས་པར་ཕྱོགས་པའི་ཚེ། །འོད་ནི་དཔག་མེད་གཟི་བརྗིད་དཔག་མེད་པ། །སྐུ་ཚེ་དཔག་མེད་དགེ་འདུན་དཔག་མེད་པ། །བྱང་ཆུབ་སེམས་དཔས་བསྐོར་ཞིང་མཛེས་གྱུར་པའི། །སངས་རྒྱས་བསོད་ནམས་ཕུང་པོ་མཐོང་བར་ཤོག །རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བས་མངོན་སུམ་དུ། །ལུང་བསྟན་པ་ཡང་བདག་གིས་དེར་ཐོབ་ཤོག །གསུམ་པ་བསྔོ་བ་ནི། འགྲོ་ཀུན་དགེ་བ་ཇི་སྙེད་ཡོད་པ་དང་། །བྱས་དང་བྱེད་འགྱུར་དེ་བཞིན་བྱེད་

(༥༠༦)པ་དག །བཟང་པོ་ཇི་བཞིན་དེ་འདྲའི་ས་དག་ལ། །ཀུན་ནས་ཀུན་ཀྱང་བཟང་པོ་རེད་གྱུར་ཅིག །རྣམ་སྣང་མངོན་བྱང་ལས། །སེམས་ཅན་ཐམས་ཅད་བདེ་གྱུར་ཅིག །ཐམས་ཅད་ནད་ཀྱང་མེད་པར་ཤོག །ཡང་ན་དེ་བཞིན་གཤེགས་བསྔགས་པའི། །འདོད་པ་ཕུན་སུམ་ཚོགས་གྱུར་ཅིག །ཡང་ན་སེམས་ཅན་ཐམས་ཅད་ཀྱང་། །རེ་བ་ཐམས་ཅད་ཡོངས་རྫོགས་པ། །སྒྲིབ་པ་མེད་པའི་ཚུལ་གྱིས་སུ། །མ་ཐོགས་པར་ནི་འགྲུབ་བར་ཤོག །དུད་འགྲོ་གཅིག་ལ་གཅིག་ཟ་བའི། །སྡུག་བསྔལ་ནམ་ཡང་འབྱུང་མ་གྱུར། །ཡི་དྭགས་རྣམས་ལ་ཟས་སྐོམས་སོགས། །ཐོགས་པ་མེད་པར་འབྱུང་བར་ཤོག །སེམས་ཅན་དམྱལ་བའི་སྡུག་བསྔལ་གང་། །མི་བཟད་རྣམ་པ་སྣ་ཚོགས་པ། །བདག་གི་བསོད་ནམས་མཐུ་ཡིས་ནི། །དེ་དག་མྱུར་དུ་ཞི་བར་གྱུར། །སེམས་ཅན་སྡུག་བསྔལ་ཐམས་ཅད་ལས། །སྙིང་རྗེ་ཆེན་པོ་སྐྱེས་ནས་ནི། །བསྒྲུབས་པ་དེ་དང་གཞན་དག་ཀྱང་། །དེས་ནི་ཡང་དང་ཡང་དུ་བསམ། །ཇི་ལྟར་བསམ་པ་འགྲུབ་པར་ཤོག །བཞི་བ་བཀྲ་ཤིས་ནི། ཕུན་སུམ་ཚོགས་པ་མངའ་བ་གསེར་གྱི་རི་བོ་སོགས་བརྗོད། །ལྔ་པ་ཕན་ཡོན་ནི། །འོད་མདོ་ལས། གང་གིས་ཕྲ་རབ་རྡུལ་གྱི་འཇིག་རྟེན་ཁམས། །བཤིག་ཅིང་བཏགས་ཏེ་རྡུལ་

(༥༠༧)དུ་བྱས་གྱུར་པར། །དེ་བས་མང་བའི་འཇིག་རྟེན་རྣམས་ཀྱི་ཁམས། །རིན་ཆེན་བཀང་སྟེ་སྦྱིན་པ་བྱིན་པ་ལས། །གང་གིས་འོད་དཔག་མེད་པའི་འོད་མཚན་དང་། །བདེ་བ་ཅན་གྱི་ཡོན་ཏན་ཁྱད་འཕགས་རྣམས། །ཐོས་ནས་དགའ་སྟེ་ཐལ་མོ་སྦྱོར་བྱེད་པ། །བསོད་ནམས་འདི་ཡིས་ཆར་ཡང་འགྱུར་བ་ཡིན། །དེ་ལྟ་བས་ན་དེ་བཞིན་གཤེགས་པ་དེའི། །ཡོན་ཏན་ཐོས་ནས་མགུ་དང་དད་བསྐྱེད་ལ། །བདེ་བ་ཅན་གྱི་འཇིག་རྟེན་ཁམས་མཆོག་ཏུ། །འགྲོ་བར་བྱ་ཕྱིར་མོས་པ་དྲག་པོ་བསྐྱེད། །གང་གིས་བདེ་བ་ཅན་གྱི་འཇིག་རྟེན་གྱི། །མིང་ཐོས་པ་ཡི་བསོད་ནམས་དེ་ལ་ནི། །ཞིང་མཆོག་ཐ་གྲུ་ཆེན་པོ་དེ་དག་ཀུན། །ཆ་དང་དཔེར་ཡང་འགྱུར་བ་མ་ཡིན་ནོ། །ཞེས་དང་། །ཀུན་དགའ་བོ་ལོངས་ལ་ནུབ་ཕྱོགས་སུ་ཕྱོགས་ཏེ། །མེ་ཏོག་གཏོར་ལ་ཐལ་མོ་སྦྱར་ཏེ། གང་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་རྡུལ་མེད་ཅིང་རྣམ་པར་དག་པ་བཞུགས་ཤིང་འཚོ་ལ་གཞེས་ཤིང་ཆོས་ཀྱང་སྟོན་པའི་ཕྱོགས་དེར་ཕྱག་འཚོལ་ཞིག །དེ་ཡི་མཚན་ཡང་སྒྲིབ་པ་མེད་པར་ཕྱོགས་བཅུར་གྲགས་ཏེ། ཕྱོགས་རེ་རེ་ན་ཡང་སངས་རྒྱས་བཅོམ་ལྡན་འདས་གསུང་ཆགས་པ་མི་མངའ་ཞིང་གསུང་ཐོགས་པ་མི་མངའ་བ་གངྒཱའི་ཀླུང་གི་བྱེ་མ་སྙེད་དག་ལན་འགའ་མ་ཡིན་པར་བསྔགས་པ་བརྗོད་ཅིང་བསྟོད་དེ་སྙན་པ་གསུངས་སོ། །ཞེས་སོགས་རྒྱ་ཆེར་ཡོད་པས་འདི་ཁོ་ན་ལ་བརྩོན་པར་བྱའོ། །མདོ་ལས་ཆོ་ག་དངོས་བསྟན་

(༥༠༨)གང་ན་ཡང་། །དོན་ལ་རྟོན་པ་རྒྱལ་བའི་ཕྲིན་ལས་ཕྱིར། །སྡོམ་པའི་ཀུན་སྤྱོད་མཚུངས་པ་ཡོ་ག་ལྟར། །བཀྲོལ་བས་སེམས་ཅན་ཀུན་ལ་སྨིན་གྱུར་ཅིག །ཅེས་པའང་མདོ་ཁམས་པ་འཇིགས་མེད་ཕྲིན་ལས་འོད་ཟེར་གྱིས་ནན་ཏན་ཆེན་པོས་བསྐུལ་བའི་ངོར་རང་བྱུང་རྡོ་རྗེས་དཔལ་ལྡན་ཚེ་རིང་ལྗོངས་སུ་སྦྱར་བའོ།། །།

(༥༠༩)བདེ་ཅན་ཞིང་བཀོད་སྨོན་ལམ་བཞུགས། །བཅོམ་ལྡན་འདས་རྡུལ་བྲལ་ཤིན་ཏུ་རྣམ་པར་དག་པ་ལ་ཕྱག་འཚལ་ལོ། །སངས་རྒྱས་བསོད་ནམས་ཕུང་པོ་ལས་གྲུབ་པའི། །འོད་སྣང་མཐའ་ཡས་བདེ་བ་ཅན་གྱི་ཞིང་། །དེ་ན་བཞུགས་པའི་མགོན་པོ་འོད་དཔག་མེད། །སྐུ་ཚེ་དཔག་མེད་ཞབས་ལ་ཕྱག་འཚལ་ལོ། །བདེ་བ་ཅན་གྱི་ཞིང་དུ་སྐྱེ་བར་ཤོག །གང་ཁྱོད་འཇིག་རྟེན་དབང་ཕྱུག་རྒྱལ་པོའི་དྲུང་། །དགེ་སློང་ཆོས་ཀྱི་འབྱུང་གནས་ཞེས་གྲགས་ཚེ། །ཞིང་ཁམས་བཟུང་བར་སྨོན་པའི་དམ་བཅའ་ལ། །བླ་མར་བྱའོ་མྱུར་དུ་སྐབས་དབྱེར་གསོལ། །བདེ་བ་ཅན་གྱི་ཞིང་དུ་སྐྱེ་བར་ཤོག །གཞོན་ཤ་ཤིན་ཏུ་ཆགས་པའི་ལག་མཐིལ་དང་། །མཉམ་པའི་དཔེ་བྱར་འོས་པའི་འགལ་ཟླ་ནི། །ཆུ་ཞིང་སྲིད་དུ་མི་མངོན་ཐ་གྲུའི་ཁྱོན། །རིན་ཆེན་སྣ་ཚོགས་གཅལ་དུ་བཀྲམ་པས་བྱས། །བདེ་བ་ཅན་གྱི་ཞིང་དུ་སྐྱེ་བར་ཤོག །ལྷུན་པོ་ཆུ་གཏེར་ཁོར་ཡུག་རི་ནག་པོའི། །བསྟི་གནས་ཕལ་པ་མེད་པས་ཉམས་དགའ་ཞིང་། །རིན་ཆེན་སྣ་བདུན་ལས་གྲུབ་ལྗོན་པ་ནི། །དཔག་ཚད་སྟོང་དང་དྲུག་བརྒྱའི་འཕོངས་སུ་སྙེགས། །བདེ་བ་ཅན་གྱི་ཞིང་དུ་སྐྱེ་བར་ཤོག །ཡལ་འདབ་མེ་ཏོག་འབྲས་བུས་དུད་པ་ལ། །གསེར་

(༥༡༠)གྱི་དྲ་བས་དཔྱངས་པར་དྲི་བཞོན་གྱིས། །བསྐུལ་ལས་ཆོག་མི་ཤེས་པའི་སྒྲ་དབྱངས་ཀུན། །ཡིད་འོང་སྙན་དང་མཐུན་པ་དར་དིར་སྒྲོག །བདེ་བ་ཅན་གྱི་ཞིང་དུ་སྐྱེ་བར་ཤོག །དྲི་བསུང་ལྷག་པར་རྒྱས་པའི་མེ་ཏོག་གིས། །ཀུན་ནས་ཀུན་ཏུ་བཀྲམ་པའི་བསྟི་སྟང་ནི། །མི་འགྲེང་བདུན་དུ་སྙེགས་པས་མི་ངོམས་པར། །མནན་ན་ནེམ་ལ་བཏེག་ན་སྤར་བས་འགྲན། །བདེ་བ་ཅན་གྱི་ཞིང་དུ་སྐྱེ་བར་ཤོག །ལྷ་དང་མི་ལས་ངན་སོང་ལྷ་མིན་གྱི། །མིང་ཙམ་མི་གྲགས་འབྱོར་ཞིང་རྒྱས་པ་དང་། །ལོ་ལེགས་ཕུན་སུམ་ཚོགས་པའི་བདེ་བ་ཡིས། །ངོམས་པ་མེད་པའི་དཔལ་ལ་མིང་ཆགས་པ། །བདེ་བ་ཅན་གྱི་ཞིང་དུ་སྐྱེ་བར་ཤོག །འབབ་སྟེགས་མཆོག་ཏུ་བདེ་བའི་སྤོས་ཆུའི་ཀླུང་། །ཅ་ཅོའི་གཞན་དབང་མ་ཡིན་ཡིད་ལ་འབབ། །རྣམ་པར་བདེ་དང་མཉན་པས་ཆོག་མི་ཤེས། །མི་རྟག་ཞི་དང་བདག་མེད་དོན་ལ་རྟོན། །བདེ་བ་ཅན་གྱི་ཞིང་དུ་སྐྱེ་བར་ཤོག། འདམ་རྫབ་སྤངས་པའི་གསེར་གྱི་བྱེ་མ་ལ། །བཞད་དང་ཁྲུང་ཁྲུང་ངང་ངུར་ཀ་རན་ད། །ནེ་ཙོ་རི་སྐེགས་རྨ་བྱ་ཀུ་ལ་ན། །ཀ་ལ་པིང་ཀའི་རྒྱུད་མངས་ལ་བསྙེན་པ། །བདེ་བ་ཅན་གྱི་ཞིང་དུ་སྐྱེ་བར་ཤོག །དེ་ལས་རྣ་བའི་འདུས་ཏེ་རེག་ཚོར་ཀུན། །རིན་ཆེན་

(༥༡༡)རྣམ་གསུམ་སྒྲ་དང་ཚད་མེད་བཞི། །ས་དང་ཕར་ཕྱིན་སྟོབས་བཅུ་མི་འཇིགས་བཞི། །མ་འདྲེས་བཅོ་བརྒྱད་རྫོགས་པའི་དོན་དང་ལྡན། །བདེ་བ་ཅན་གྱི་ཞིང་དུ་སྐྱེ་བར་ཤོག །བལྟ་ན་སྡུག་པའི་སྐྱེད་ཚལ་ལྗོན་པ་ལས། །འདོད་པའི་ཡོན་ཏན་བརྒྱ་ཕྲག་མོད་ལ་འབྱུང་། །བར་སྣང་ལ་སྤྲུལ་གཞལ་མེད་ཁང་ལ་སོགས། །གཞན་འཕྲུལ་དབང་བྱེད་ཀྱིས་ཀྱང་དོ་ཟླར་མིན། །བདེ་བ་ཅན་གྱི་ཞིང་དུ་སྐྱེ་བར་ཤོག །དེ་ན་གཟའ་དང་རྒྱུ་སྐར་ཉིན་མཚན་ཆ། །ཁྱིམ་དང་དེ་ལ་ཡོངས་སུ་འཛིན་པའི་སེམས། །གཏན་ནས་མེད་ཀྱང་མཆོད་སྤྲིན་སྤྲོ་བ་ཡི། །ལྷ་ཡི་བུ་མོས་ཤིན་ཏུ་ཉམས་བདེ་བ། །བདེ་བ་ཅན་གྱི་ཞིང་དུ་སྐྱེ་བར་ཤོག །གང་ན་འཚོ་ཞིང་གཞེས་པའི་རྒྱལ་བ་དེའི། །བསྔགས་པ་བརྗོད་ལ་གངྒཱའི་རྡུལ་སྙེད་ཀྱི། །སངས་རྒྱས་རྣམས་ཀྱང་བརྩོན་པ་མི་འདོར་བས། །སྤྱན་རས་གཟིགས་དང་མཐུ་ཆེན་ཐོབ་པའང་བསྙེན། །བདེ་བ་ཅན་གྱི་ཞིང་དུ་སྐྱེ་བར་ཤོག། ཞིང་ཁམས་འདིར་སོན་དགེ་བའི་རྩ་བ་ལ། །སྒྲིབ་པ་དང་བཅས་པདྨོའི་མངལ་འཛིན་དང་། སྐྱིལ་མོ་ཀྲུང་བཅས་མོད་ལ་སྐྱེ་གཉིས་ཀ །སྐྱེས་བུ་ཆེན་པོའི་མཚན་དང་ཡང་དག་ལྡན། །བདེ་བ་ཅན་གྱི་ཞིང་དུ་སྐྱེ་བར་ཤོག །ཉན་

(༥༡༢)རང་བྱང་སེམས་ལྷ་མིའི་རྣམ་པ་ཅན། །ཀུན་ཀྱང་དབང་རྣོན་བཟོད་པ་ཐོབ་བ་སྟེ། །བར་སྣང་ལ་འགྲོ་ལོག་པར་མི་ལྟུང་ཞིང་། །སངས་རྒྱས་མཐོང་དང་མི་འབྲལ་དམ་ཆོས་ཉན། །བདེ་བ་ཅན་གྱི་ཞིང་དུ་སྐྱེ་བར་ཤོག། བསམ་གཏན་དང་ནི་མངོན་པར་ཤེས་པ་ལ། །མཁས་པའི་ཤེས་རབ་ཀྱིས་ནི་རྣམ་དབྱེ་བཟོད། །མ་བསྡམས་མི་མངའ་དབང་པོ་མི་གཡོ་ཞིང་། །ཀུན་ཤེས་ཡོན་ཏན་མཐའ་ཡས་མུ་མེད་པ། །བདེ་བ་ཅན་གྱི་ཞིང་དུ་སྐྱེ་བར་ཤོག །ཀུན་འབྱུང་རྒྱུ་འབྲས་སྤངས་པའི་ལམ་བདེན་གྱིས། །འགོག་པ་མངོན་དུ་བྱས་པའི་དགྲ་བཅོམ་ཀྱང་། །རྣམ་ཐར་གསུམ་གྱི་དབྱིངས་ལ་དབུགས་ཕྱུང་ནས། །འོད་ཟེར་ཆེན་པོའི་དབང་བསྐུར་ལ་སྦྱོར་བ། །བདེ་བ་ཅན་གྱི་ཞིང་དུ་སྐྱེ་བར་ཤོག །སྐད་ཅིག་རེར་བསྟན་ཆོས་ཀྱི་རྣམ་གྲངས་ཀྱང་། །བགྲང་བར་མི་བཟོད་རྫུ་འཕྲུལ་ཆེན་པོ་ཡིས། །ཞིང་ཁམས་གཞན་ཉུལ་ཆོས་ལས་ཐོབ་པ་ཡི། །བྱེ་བ་ཕྲག་བརྒྱའི་ཏིང་འཛིན་སྒོ་འབྱེད་པ། །བདེ་བ་ཅན་གྱི་ཞིང་དུ་སྐྱེ་བར་ཤོག །མདོར་ན་གང་གི་མཚན་དང་སྒྲ་དང་ནི། །ལྟ་བ་ཡིད་ལ་གོམས་པར་བྱས་པ་ཡང་། །ཞིང་ཁམས་བདེ་བ་ཅན་དུ་དབུགས་འབྱིན་པའི། །ཐུགས་བསྐྱེད་དམ་བཅའ་བསླུ་བ་མེད་པའི་ཕྱིར། ཁྱོད་ཀྱིས་གཞན་དོན་མཛད་

(༥༡༣)པའི་དཔེ་ཟླ་ལ། །རྒྱ་མཚོའི་དུས་རླབས་ངལ་བའི་སྐབས་བསྟན་པས། །བུ་རམ་ཤིང་པའི་ཞལ་ནས་ཀུན་དགའ་བོ། ཁྱོད་ལོངས་ནུབ་ཀྱི་ཕྱོགས་སུ་ཁ་སྟོན་ལ། །མེ་ཏོག་གཏོར་ནས་ཐལ་མོ་སྦྱར་བྱས་ཏེ། །རྫོགས་པའི་སངས་རྒྱས་འོད་སྣང་དཔག་ཏུ་མེད། །རྡུལ་བྲལ་ཤིན་ཏུ་རྣམ་པར་དག་པ་ལ། །ཕྱག་འཚོལ་དེ་མཚན་སྒྲིབ་པ་མེད་པ་ནི། །ཕྱོགས་བཅུར་གྲགས་ནས་རྒྱལ་བ་དེ་རྣམས་ཀྱང་། །བསྔགས་པ་བརྗོད་པར་གསུངས་ན་བདག་ཅག་ནི། །ལུས་དང་ལོངས་སྤྱོད་ལྟོས་པ་མེད་པར་འབུལ། །བྱས་ཤིང་བསགས་པའི་སྡིག་སྒྲིབ་མཐོལ་བ་དང་། །ཆབས་གཅིག་མཛད་པ་རྒྱ་མཚོར་ཡི་རང་འབུལ། །རྟག་པར་ཆོས་འཁོར་དང་བཅས་བཞུགས་སུ་གསོལ། །དགེ་རྩ་ཇི་སྙེད་མཆིས་པ་འགྲོ་བ་ཀུན། །བདེ་བ་ཅན་དུ་སྐྱེ་བའི་རྒྱུར་བསྔོ་ན། །སྨོན་པ་ཇི་བཞིན་འགྲུབ་པའི་བཀྲ་ཤིས་ཤོག །ཅེས་འོད་མདོ་དང་མཐུན་པའི་སྨོན་ལམ་འདི་ནི། །མདོ་ཁམས་ནས་སློབ་བུའི་དམ་པ་འཇིགས་མེད་ཕྲིན་ལས་འོད་ཟེར་གྱིས་རིང་མོ་ནས་བསྐུལ་ཞིང་། ཉེ་ཆར་དེའི་གསོལ་འདེབས་ལ་བརྩོན་པ་འཇིགས་མེད་བློ་གསལ་ཅན་གཉིས་ཀྱི་ངོར་རྒྱལ་བའི་མྱུ་གུ་མཁྱེན་བརྩེའི་ལྷས་སོ།། །།

(༥༡༤)

(༥༡༥)མཁའ་འགྲོའི་ལས་ཚོགས་བཅོ་ལྔ་པ་སྒྲིབ་སྦྱོང་གནས་ལུང་གི་ཆོ་ག་བསྒྲིགས་དག་བྱེད་གཏེར་བུམ་བཞུགས།། །།

(༥༡༦)བདེ་བར་གཤེགས་པ་ཀུན་གྱི་ཡུམ། །འཕགས་མ་སྒྲོལ་མ་རྣལ་འབྱོར་མ། །ཤེས་རབ་ཕ་རོལ་ཕྱིན་མ་ལ། །བརྟེན་ནས་གནས་ལུང་སྦྱོང་བ་བཤད། །དབེན་པའི་གནས་སུ་མཁའ་འགྲོ་བདེ་ཆེན་རྒྱལ་མོའི་རས་བྲིས་མཚན་ཉིད་དང་ལྡན་པ་དང་། །མཆོད་གཏོར། དབང་རྫས། རྣམ་བུམ་དང་། ཁྲུས་བུམ། མདོར་ན་འོག་ཏུ་དགོས་པའི་སྦྱོང་བའི་ཡོ་བྱད་ཐམས་ཅད་ཚོགས་པར་བསག་གོ །དེ་ནས་བདག་མདུན་འཇུག་པ་གཅིག་གི་ཆོ་གས་བསྐྱེད་ནས་བཟླས་པ་སྔོན་དུ་སོང་རྗེས། ཁྲུས་བུམ་ལ་དམིགས་ནས། སྭ་བྷཱ་ཝས་སྦྱངས། སྟོང་པའི་ངང་ལས་པཾ་ལས་པདྨ་ཨ་ལས་ཟླ་བའི་སྟེང་དུ་བྷྲཱུཾ་ཡིག་འོད་དུ་ཞུ་བ་ལས་བྱུང་བའི་ཁྲུས་ཀྱི་བུམ་པ་རིན་པོ་ཆེའི་རང་བཞིན་ཡངས་ཤིང་རྒྱ་ཆེ་བ། ལྟོ་བ་ལྡིར་བ། ཞབས་ཞུམ་པ། མཆུ་

(༥༡༧)འཕྱང་བ། མགྲིན་པ་ཕྲ་བ་ལྷའི་གོས་པཉྩ་ལི་ཀས་དཀྲིས་ཤིང་། དཔག་བསམ་ཤིང་གིས་ཁ་བརྒྱན་པའི་ནང་མཁའ་འགྲོའི་གཞལ་མེད་ཁང་ཟླ་གམ་སྒོ་གཅིག་པའི་རྣམ་པར་གནས་པའི་དབུས་སུ་རྗེ་བཙུན་རྡོ་རྗེ་རྣལ་འབྱོར་མ་པདྨ་རིགས་ཀྱི་མཁའ་འགྲོ་བདེ་ཆེན་ཡེ་ཤེས་ཀྱི་རྒྱལ་མོ་སྐུ་མདོག་དམར་གསལ་རྒྱན་དང་ཆ་ལུགས་ཡོངས་སུ་རྫོགས་པའི་ཐུགས་ཀར་རྗེ་བཙུན་སྒྲོལ་མ་རབ་ཏུ་ཞིམ་སྐུ་མདོག་དཀར་གསལ་ཆུ་ཤེལ་གྱི་ཕུང་པོ་ལ་ཟླ་བ་ཤར་བ་ལྟ་བུ་དམིགས་བྱའི་སྡིག་སྒྲིབ་ཞི་བ་ལ་ཐུགས་བྱང་ཆུབ་སེམས་ཀྱི་འོད་ཟེར་སྤྲོ་བཞིན་པར་བཞུགས་པར་གྱུར། ཧཱུྃ། བཞེངས་ཤིག་བཞེངས་ཤིག་སྟོབས་བཅུ་

(༥༡༨)མངའ་བའི་ལྷ། །དུས་ལས་མི་འདའ་ཐུགས་རྗེའི་དབང་གིས་ན། །སེམས་ཅན་དོན་ལ་དགོངས་པའི་དཀོན་མཆོག་གསུམ། །ཡིད་ཀྱིས་སྤྲུལ་ཞིང་བཤམས་པའི་གནས་འདི་རུ། །རྒྱལ་བ་འཁོར་བཅས་མ་ལུས་གཤེགས་སུ་གསོལ། །བཛྲ་ས་མ་ཡ་ཛཡེ་ཤེས་ཀྱི་དཀྱིལ་འཁོར་མ་ལུས་ཤིང་ལུས་པ་མེད་པ་ཐམས་ཅད་མདུན་གྱི་ནམ་མཁར་བྱོན། །ཛཧཱུྃ་བཾ་ཧོཞེས་བརྗོད་པས་དམ་ཚིག་པ་དང་གཉིས་སུ་མེད་པར་འདྲེས ཨོཾ་ཨཱཧཱུྃ་གིས་སྐུ་གསུང་ཐུགས་རྡོ་རྗེ་གསུམ་དུ་བྱིན་གྱིས་རློབ། གནས་སོ་སོར་རིགས་ལྔའི་དབང་རྒྱ་བཅས་ལ། ཨོཾ་བཛྲ་ས་མ་ཡ་ཨོཾ། ཨཱབཛྲ་ས་མ་ཡ་ཨཱཧཱུྃ་བཛྲ་ས་མ་ཡ་ཧཱུྃ། སྭཱ་བཛྲ་ས་མ་ཡ་སྭཱ། ཧཱ་བཛྲ་ས་མ་ཡ་ཧཱ། དབང་ལྷ་ཡབ་ཡུམ་རྗེས་ཆགས་ཞུ་བ་དེའི་ཆུ་རྒྱུན་བྱང་ཆུབ་སེམས་ཀྱི་རོལ་པས་དབང་བསྐུར། །བདུད་རྩི་གྱེན་དུ་བརྟན་པ་གནས་སོ་སོའི་དབུ་རྒྱན་དུ་བཞུགས་པར་གྱུར། སྙིང་ཁའི་འོད་ཟེར་གཟུངས་ཐག་ལ་འཁྲིལ་ཏེ་སོང་བས་བུམ་ལྷ་ལས་བདུད་རྩིའི་རྒྱུན་བབས་པར་བསམ་ཞིང་། ཛབ་དགོངས་ཀྱི་དམིགས་པས་ཚེ་འདས་ཀྱི་སྡིག་སྒྲིབ་སྦྱོང་བར་བསམ་མོ། །མཁའ་འགྲོའི་ཐུགས་ཀར་པད་ཟླའི་སྟེང་ རབ་ཏུ་ཞི་མ་སྐུ་མདོག་དཀར ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་

(༥༡༩)གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས ཨུཏྤལ་གནས་སྤྱི་བླུགས་འཛིན ཐུགས་ལས་དག་བྱེད་ལྷ་མོ་ནི བུམ་པ་ཐོགས་པ་དཔག་མེད་སྤྲོས ཟླ་གདན་ལ་གནས་དམིགས་བྱ་ཡི ངན་སོང་སྡིག་སྒྲིབ་བཀྲུས་པར་གྱུར ཨོཾ་པདྨོ་ཡོ་གི་ནི་ཏཱ་རེ་ཏུཏྟ་རེ་ཏུ་རེ་སརྦ་པཱ་པཾ་ག་ཏེ་ག་ཏེ་སྭཱ་ཧཱ ཅེས་སྟོང་རྩ་ལས་མི་ཉུང་བར་བཟླས་རྗེས་ཚོགས་བསག་གི་ཕྱིར་དུ་མཆོད་ཕྲེང་རྒྱས་པའམ། མ་ནུས་ན། མེ་ཏོག་དམ་པ་ཕྲེང་བ་དམ་པ་སོགས། ཤོ་ལོ་ཀ་གཉིས་ཀྱིས་མཆོད། །དེ་དག་བསྔགས་པ་མི་ཟད་རྒྱ་མཚོ་དང་། སོགས་ཤྭ་ལོ་གཅིག་གིས་བསྟོད། །ཡི་གེ་བརྒྱ་པས་ལྷག་ཆད་བསྐང་། ཨོཾ་ཨཱཧཱུྃ་གིས་དུང་ཆོས་ཀྱི་ཆུ་མཆོད་ཡོན་དུ་ཕུལ་བས། བུམ་པའི་ལྷ་བདེ་སྟོང་ཆེན་པོའི་ངོ་བོར་འོད་དུ་ཞུ་བར་བསམ་མོ། །བར་འདིར་ཚོགས་ཀྱི་འཁོར་ལོ་དང་། བདག་འཇུག་ཀྱང་བླང་ངོ། །དེ་ནས་སྦྱོང་བ་ལ་འཇུག་པར་བྱ་སྟེ། ཐོག་མར་རྟེན་ལ་དགུག་པ་ནི། སྟོང་པའི་ངང་ལས་པདྨ་དང་ཟླ་བའི་སྟེང་དུ་ནྀྲ་ཡོངས་སུ་གྱུར་པ་ལས་ཚེ་འདས་ཀྱི་ཕུང་པོ་དང་སྐྱེ་མཆེད་གསོན་གྱི་གནས་སྐབས་ཇི་ལྟ་བར་ཡོད་པར་གྱུར། ན་མོ། །བྱིན་རླབས་ཀྱི་རྩ་བ་བླ་མ་རྣམས་ཀྱི་བདེན་པ་དང་། བསླུ་བ་མེད་པ་དཀོན་མཆོག་གསུམ་གྱི་བདེན་པ་དང་། གསང་སྔགས་དང་རིགས་སྔགས་དང་གཟུངས་སྔགས་རྣམས་ཀྱི་བདེན་པ་དང་། དོན་དམ་རང་

(༥༢༠)བཞིན་གྱི་རྣམ་པར་དག་པའི་བདེན་པ་དང་། ཀུན་རྫོབ་རྟེན་འབྲེལ་བསླུ་བ་མེད་པའི་བདེན་པ་དང་། བཅོམ་ལྡན་འདས་རྒྱལ་བཞི་ཁྲོ་རབ་འབྱམས་ཀྱི་ཡུམ་གྱུར་ཤེས་རབ་ཀྱི་ཕ་རོལ་ཏུ་ཕྱིན་མའི་བདེན་པ་དང་། བདེན་པ་ཆེན་པོའི་བྱིན་རླབས་ཀྱིས་རང་བཞིན་སྐྱེ་གནས་ཀྱི་བར་དོ་ནས་ཆོས་ཉིད་དང་སྲིད་པའི་བར་དོར་བརྒྱུད་ཁ་འཁྱལ་བའི་ཚེ་འདས་ཆེ་གེ་མོའི་རྣམ་པར་ཤེས་པ་འགྲོ་བ་རིགས་དྲུག །སྐྱེ་གནས་རྣམ་པ་བཞི། སྲིད་པ་བར་མ་དོ་གང་དུ་གནས་ཀྱང་སྙིང་རྗེ་ཆེན་པོ་དང་གསང་སྔགས་ཟབ་མོའི་བདེན་པས་རྟེན་འདི་ལ་མཆིས་པར་གྱུར་ཅིག །ལན་གསུམ། རྣམ་པར་ཤེས་པ་འོད་ཀྱི་རང་བཞིན་དུ་རྟེན་ལ་ཐིམ་པར་གྱུར། ཛཧཱུྃ་བཾ་ཧོ ཞེས་ཕྱག་རྒྱ་བཞིས་བཅིང་། ཕྱིར་འབྲང་གི་བགེགས་སྦྱང་བའི་ཕྱིར། གཏོར་མ་གསུམ་རེ་རེ་ནས་བསྐོར་ཞིང་། ཨོཾ་སརྦ་བིག་ནན་ན་མསརྦ་ཏ་ཐཱ་ག་ཏ་བྷྱོ་བི་ཤྭ་སོགས་མཐར། ཚེ་ལས་འདས་པའི་སྡིག་པ་སྦྱོང་བ་ལ་བར་དུ་གཅོད་པའི་བགེགས་རྣམས་ལ་གཏོར་མ་འདི་བརྔན་དུ་སྦྱིན་གྱིས་སོང་ཞིག །ཅེས་སྦྲེལ་བ་ལན་གསུམ། ཏིང་ལོ་ཆང་བུ་དང་བཅས་བསྐོར་ཞིང་། སུཾ་བྷ་ནིའི་མཐར། ཏིང་ལོ་འདིས་སྣང་བ་དང་། ཆང་བུ་འདིས་ལམ་རྒྱགས་ཀྱི་ས་ལ་སོང་ཞིག །ཅེས་སྦྲེལ་བ་གསུམ་གྱི་མཐར། འབར་བ་མེའི་ཕྱག་རྒྱ་བསྟན་ཏེ། ཨོཾ་བཛྲ་ཛྭ་ལ་ཨ་ན་ལ་

(༥༢༡)ཧ་ན་མ་ཐ། ད་ཧ་པ་ཙ་ཧཱུཾ་ཕཊ ཅེས་མཚམས་གཅད། དེ་ནས་རྟེན་གྱི་གཡས་སུ་མེ། གཡོན་དུ་ཆུ། མདུན་དུ་ཏིལ་བཞག་ནས། ཚེ་འདས་ཀྱི་སྡིག་སྒྲིབ་ཐམས་ཅད་སྙིང་གར་ཀཾ་ནག་པོའི་རྣམ་པར་གནས་པ་སྣ་སྒོ་ལས་སྡིགས་པ་རྭ་ཅན་གྱི་རྣམ་པར་འཐོན། ཏིལ་ལ་ཐིམ་པ་ཡེ་ཤེས་ཀྱི་མེ་དང་ཆུ་བོར་དོར་བས་སྡིག་སྒྲིབ་དག་པར་གྱུར། ཨོཾ་བཛྲ་ཌ་ཀ་ཁ་ཁ་ཁཱ་ཧི་ཁཱ་ཧི་སརྦ་པཱ་པཾ་ད་ཧ་ན་བྷསྨི་ཀུ་རུ་སྭཱ་ཧཱ། ཆེ་གེ་མོའི་སྡིག་པ་དང་སྒྲིབ་པ་ཐམས་ཅད་སརྦ་པཱ་པཾ་ཤཱནྟི༚་ཀུ་རུ་སྭཱ་ཧཱ། གསང་སྔགས་ཟབ་མོ་བཟླས་པའི་བྱེ་མས་བྲབ་ཅིང་། རྩ་རིག་དང་ཡིག་བརྒྱ་གང་མང་བརྗོད། །དེ་ནས་ཁྲུས་བུམ་གྱི་ཆུས་མེ་ལོང་ངོས་སུ་བཀྲུ་ཞིང་དམིགས་པ་ལྡན་པས། ཕྱག་འཚལ་བདེ་མ་དགེ་མ་ཞིམ། །མྱ་ངན་འདས་ཞི་སྤྱོད་ཡུལ་ཉིད་མ། །སྭཱ་ཧཱ་ཨོཾ་དང་ཡང་དག་ལྡན་པས། །སྡིག་པ་ཆེན་པོ་འཇོམས་པ་ཉིད་མ། ཨོཾ་པདྨོ་ཡོ་གི་ནི་ཏ་རེ་ཏུཏྟཱ་རེ་ཏུ་རེ་སརྦ་པཱ་པཾ་ག་ཏེ་ག་ཏེ་སྭཱ་ཧཱ། ཞེས་ལན་མང་དུ་བཀྲུས་མཐར་འབྱུང་བའི་དུག་དབྱུང་བ་ནི། ས་ལ་སོགས་པ་མདུན་དུ་བཞག་ལ། ཀུ་ཤའི་ཆུན་པོས་དབྱུང་བའི་ཚུལ་དུ། །ས་ནི་དུག་གི་ཕ་ཡིན་ཏེ། །ས་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །དུག་གསུམ་ས་ཡི་ནང་དུ་སོང་། །ཆུ་ནི་དུག་གི་ཕ་ཡིན་ཏེ། །ཆུ་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །

(༥༢༢)དུག་གསུམ་ཆུ་ཡི་ནང་དུ་སོང་། །མེ་ནི་དུག་གི་ཕ་ཡིན་ཏེ། །མེ་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །དུག་གསུམ་མེ་ཡི་ནང་དུ་སོང་། །རླུང་ནི་དུག་གི་ཕ་ཡིན་ཏེ། །རླུང་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །དུག་གསུམ་རླུང་གི་ནང་དུ་སོང་། །མཱུཾ་ལཱཾ་མཱཾ་པཱཾ་ཏཱཾ་ཆེ་གེ་མོའི་འབྱུང་བའི་དུག་ཐམས་ཅད་ཤཱནྟི༚་ཀུ་རུ་སྭཱ་ཧཱ། བདེན་པའི་སྟོབས་ཀྱིས་དུག་གཞོམ་པ་ནི། །འདོད་ཆགས་ཞེ་སྡང་གཏི་མུག་གསུམ། །འདི་དག་ཚེ་འདས་དུག་གསུམ་སྟེ། །བཅོམ་ལྡན་སངས་རྒྱས་དུག་མི་མངའ། །སངས་རྒྱས་བདེན་པས་དུག་བཅོམ་མོ། །འདོད་ཆགས་ཞེ་སྡང་གཏི་མུག་གསུམ། །འདི་དག་ཚེ་འདས་དུག་གསུམ་སྟེ། །བཅོམ་ལྡན་དམ་ཆོས་དུག་མི་མངའ། །དམ་ཆོས་བདེན་པས་དུག་བཅོམ་མོ། །འདོད་ཆགས་ཞེ་སྡང་གཏི་མུག་གསུམ། །འདི་དག་ཚེ་འདས་དུག་གསུམ་སྟེ། །བཅོམ་ལྡན་དགེ་འདུན་དུག་མི་མངའ། །དགེ་འདུན་བདེན་པས་དུག་བཅོམ་མོ། །ཆེ་གེ་མོའི་ཉོན་མོངས་པ་དུག་གསུམ་ཐམས་ཅད་དཀོན་མཆོག་གསུམ་གྱི་བདེན་པས་ཤཱནྟི༚་ཀུ་རུ་སྭཱ་ཧཱ། དེ་ནས་ཤིས་པ་བརྗོད་པ་ནི། བྱང་ཆུབ་སྙིང་པོར་གཤེགས་པ་ནས། །ས་རྣམས་དྲུག་པོ་གཡོས་གྱུར་ཅིང་། །བདུད་ཡིད་མི་བདེར་གྱུར་པ་དེས་

(༥༢༣)ཁྱོད་ལ་བདེ་ལེགས་མཛད་པར་གྱུར། ཁྱེད་ཅག་སྡིག་པར་མ་གྱུར་ཅིག །ཆོས་ཀྱི་འཁོར་ལོ་བསྐོར་བ་ནས། །འཕགས་པའི་བདེན་པ་རྣམས་གསུང་ཞིང་། །ཐུབ་པའི་སྙན་པ་གང་བྱུང་དེས། ཁྱོད་ལ་བདེ་ལེགས་མཛད་པར་གྱུར། ཁྱེད་ཅག་སྡིག་པར་མ་གྱུར་ཅིག །ཡིད་འཕྲོག་གང་ཞིག་མུ་སྟེགས་བྱེད། །ཐམས་ཅད་ཆོས་ཀྱིས་ཕམ་མཛད་ཅིང་། །ཚོགས་ཀུན་དབང་དུ་མཛད་པ་དེས། ཁྱོད་ལ་བདེ་ལེགས་མཛད་པར་གྱུར། ཁྱེད་ཅག་སྡིག་པར་མ་གྱུར་ཅིག ༈ །ཚེ་ལས་འདས་པས་གཙོ་བྱས་པའི་སེམས་ཅན་ཐམས་ཅད་སྡིག་པའི་ཕྱོགས་ལས་རྒྱལ་ཞིང་ཤིན་ཏུ་བཀྲ་ཤིས་པར་གྱུར་ཅིག །དེ་ནས་དབང་བསྐུར་བ་ནི། ཉེ་དུ་ལ་སོགས་པ་ཡིད་གཅུགས་པས་བྱང་བུ་བཟུང་ལ། ཀུན་མཁྱེན་ཡེ་ཤེས་ཕུང་པོ་ཅན། །སྲིད་པའི་འཁོར་ལོ་རྣམ་སྦྱོང་བ། །དེ་རིང་བཤད་པའི་རིན་ཆེན་གཏེར། །གཙོ་བོས་བདག་ལ་བཀའ་དྲིན་སྩོལ། །ལན་གསུམ། རྒྱུན་བཤགས་དང་སྡོམ་བཟུང་ལ་དམིགས་ནས། དཀོན་མཆོག་གསུམ་ལ་བདག་སྐྱབས་མཆི། །སོགས་ལན་གསུམ་ཡེ་ཤེས་དབབ་པ་ནི། ཚེ་འདས་ཀྱི་སྙིང་ཁར་རྣམ་པར་ཤེས་པའི་ངོ་བོ་རཾ་ཡིག་དམར་སེར་གསལ་བ་ལས་མེ་འབར། རྣམ་སྨིན་བག་ཆགས་ཀྱི་ལུས་གཞོབ་ཐུལ་གྱི་ཚིག །སྐད་ཅིག་ཉིད་ལ་བདེ་ཆེན་རྡོ་རྗེ་

(༥༢༤)རྣལ་འབྱོར་མར་གསལ་བའི་སྙིང་ནང་དུ་གདན་གསུམ་ཚང་བའི་དཀྱིལ་འཁོར་གྱི་ལྷ་ཚོགས་ནམ་མཁའ་ལས་ཁ་ཆར་བབས་པ་བཞིན་དུ་བྱོན་ནས་ཐིམ་པར་བསམ་ཞིང་། ཧཱུྃ། བཞེངས་ཤིག་བཞེངས་ཤིག་སྟོབས་བཅུ་མངའ་བའི་ལྷ། །དུས་ལས་མི་འདའ་ཐུགས་རྗེའི་དབང་གིས་ན། །སེམས་ཅན་དོན་ལ་དགོངས་པའི་དཀོན་མཆོག་གསུམ། །ཡིད་ཀྱིས་སྤྲུལ་ཞིང་བཤམས་པའི་གནས་འདི་རུ། །རྒྱལ་བ་འཁོར་བཅས་མ་ལུས་གཤེགས་སུ་གསོལ། །ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་ཛྙཱ་ན་ཝཱ་རཱ་ཧཱི་ཕེ༚་ཕེ༚ ཞེས་རོལ་མོ་དཀྲོལ། ཏིཥྛ་བཛྲས་བརྟན་པར་བྱ། བུམ་པ་སྤྱི་བོར་བཞག་ལ། ཧོ གསང་སྔགས་དམ་ཚིག་བླ་ན་མེད། །རང་བྱུང་ལྷུན་གྲུབ་བུམ་པའི་དབང་། །སངས་རྒྱས་ཀུན་གྱི་གསང་གསུམ་གྱི། །དབང་བསྐུར་དམ་པ་ཁྱོད་ལ་སྦྱིན། །རྩ་སྔགས་མཐར། ཀ་ལཱ་ཤ་ཨ་བྷི་ཥིཉྩ་ཧཱུཾ། བདུད་རྩི་སྦྱིན་ཞིང་། ཧོ བྱང་ཆུབ་སེམས་ཀྱི་དམ་ཚིག་ནི། །རྩ་ཁམས་ཡི་གེའི་འཁོར་ལོར་བསྟིམ། །བརྗོད་པ་མེད་ལས་ཐམས་ཅད་སྐྱེས། །གྲགས་སྟོང་གསུང་གི་དབང་ཐོབ་ཤོག །རྩ་སྔགས་མཐར། བྷོ་དྷི་ཙིཏྟ་ཨ་བྷི་ཥིཉྩ་ཧཱུཾ། སིན་དྷུ་རའི་དཀྱིལ་འཁོར་གཏད་ལ། ཧོ ཡེ་ཤེས་རྣམ་པ་ཐམས་ཅད་པ། །དགའ་བ་བཞི་ལ་ཡང་དག་བརྟེན། །ཐབས་ཤེས་འབྲེལ་བའི་དམ་ཚིག་གི། །ཕྱག་རྒྱ་ཆེན་པོ་ཁྱོད་ཀྱིས་

(༥༢༥)ལོངས། ཛཧཱུྃ་བཾ་ཧོ ཨ་ཧོ་མ་ཧཱ་སུ་ཁ། དྲིལ་བུ་དཀྲོལ་ཞིང་། སྒྲ་ནི་གྲགས་པ་ཉིད་ནས་སྟོང་། །དེ་བཞིན་སེམས་ལ་ངོ་བོ་མེད། །ངོ་བོ་མེད་པའི་གནས་ལུགས་ལ། །བལྟ་བྱ་སྤངས་ནས་ཡང་དག་ལྟོས། །ཨ་ཨཱ ཞེས་ཚེ་འདས་ཀྱི་སེམས་དང་རང་སེམས་ཐ་དད་མེད་པར་བསྲེ། གཏང་རག་གི་མཎྜལ་དབུལ། གཙོ་བོས་ཇི་ལྟར་བཀའ་སྩལ་པ། །ཞེས་སོགས་བརྗོད་པར་བསམ། དེ་ནས་འཁོར་བ་དང་འབྲེལ་བཅད་ནས་ལམ་བསྟན་པ་ནི། སྣང་གསལ་འོད་འཕྲོ་བ་ཅིག་བཏེག་ནས། གསོན་ཅིག་ཚེ་འདས་རིགས་ཀྱི་བུ། །འཁོར་བ་སྡུག་བསྔལ་ཅན་ཕུང་པོ། །འགྱུར་དང་འདུ་བྱེད་ཉིང་འཁྲུལ་ཅན། །ལས་ལས་སྐྱེས་ཤིང་ལས་ལ་བརྟེན། །དེ་ཕྱིར་དེ་ལ་མ་ཆགས་པར། །བླ་མ་དཀོན་མཆོག་རྣམས་ཀྱི་མཐུ། །དད་པའི་ཡུལ་ལ་ཤིན་ཏུ་སྣང་། །མོས་གུས་བསྐྱེད་ཅིག་རིགས་ཀྱི་བུ། །འདི་ནས་ནུབ་ཀྱི་ཕྱོགས་རོལ་ན། །སྲིད་གསུམ་དྲི་མ་རབ་སྤངས་པ། །རང་བཞིན་སྤྲུལ་པའི་ཞིང་ཁམས་ནི། །པདྨོ་བརྩེགས་པ་ཞེས་བྱ་བར། །མགོན་པོ་འོད་དཔག་མེད་པ་བཞུགས། །གང་ཞིག་ཡིད་ལ་དྲན་པའི་མོད། ཁྱེད་ཀྱང་དེ་རུ་ཕྱིན་འགྱུར་པས། །དད་གུས་བསྐྱེད་ལ་དེ་མཚན་ཟུངས། །སྟོན་པ་དེ་ཡི་ཞལ་མཐོང་བའི། །མོད་ལ་སྒྲིབ་པ་རྣམ་པ་གཉིས། །ཡུད་ལ་སྤངས་ནས་མངོན་སངས་རྒྱས། །ཡིད་གཉིས་སྤོངས་ལ་དེར་གཤེགས་ཤིག །

(༥༢༦)ཅེས་བརྗོད་པའི་མོད་ལ་བྱང་བུའི་རྣམ་ཤེས་ཧཱུྃ་གི་རྣམ་པས་དེར་འཕངས། །བྱང་བུ་སྲེག་ཅིང་། ཧོ གསོན་ཅིག་དགོངས་ཤིག་རིགས་ཀྱི་བུ། །ཕུང་པོ་ལྔ་ཡི་བུད་ཤིང་ལ། །རྒྱལ་བ་རིགས་ལྔའི་མེ་སྦར་རོ། །འབྱུང་བ་ལྔ་ཡི་བུད་ཤིང་ལ། །གཤེགས་མ་ལྔ་ཡི་མེ་སྦར་རོ། །རྣམ་ཤེས་བརྒྱད་ཀྱི་བུད་ཤིང་ལ། །སེམས་དཔའ་བརྒྱད་ཀྱི་མེ་སྦར་རོ། །སྐྱེ་མཆེད་དྲུག་གི་བུད་ཤིང་ལ། །ཐུབ་པ་དྲུག་གི་མེ་སྦར་རོ། །ཡུལ་དང་དབང་པོའི་བུད་ཤིང་ལ། །དག་བྱ་དག་བྱེད་མེ་སྦར་རོ། །ལུས་ངག་ཡིད་གསུམ་བུད་ཤིང་ལ། །རྒྱལ་བའི་སྐུ་གསུམ་མེ་སྦར་རོ། །སྐུ་གསུམ་ཡེ་ཤེས་ལྔ་ལྡན་པ། །འགྲོ་བའི་དོན་དུ་འགྲུབ་པར་ཤོག །ཅེས་དང་། ལམ་སྦྱང་བ་ནི། དཀོན་མཆོག་རིན་ཆེན་དཔལ་ཞིང་དུ། །དཀོན་མཆོག་རིན་ཆེན་འོད་ཟེར་གྱི། །རིན་ཆེན་ཕྲེང་བ་རྣམ་དག་པ། །ཚོགས་ཀྱི་ལམ་དང་སྦྱོར་བའི་ལམ། །མཐོང་བའི་ལམ་དང་སྒོམ་པའི་ལམ། །བླ་ན་མེད་པའི་ཁྱད་པར་ལམ། །བྱང་ཆུབ་བར་ཆད་མེད་པའི་ལམ། །རྣམ་པར་གྲོལ་བའི་ལམ་དག་ལ། །བརྟེན་ནས་སྡིག་སྒྲིབ་ཀུན་སྦྱངས་ནས། །འཕགས་པའི་ལམ་དེར་བགྲོད་པར་ཤོག །ཅེས་དང་། རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །སོགས་སྨོན་ལམ་ཀྱང་གདབ་པས་ཚེ་འདས་དེ་ཉིད་བདེ་བ་ཅན་ནས་སླར་སྟེང་གི་ནམ་མཁའ་ལ་འོངས་ནས་དྲིན་ལེན་

(༥༢༧)བསབ་ཕྱིར་མེ་ཏོག་འཐོར་ཞིང་རྒྱལ་བའི་ཕྲིན་ལས་ལ་ཆེད་དུ་བརྗོད་པ། ཨེ་མ་སངས་རྒྱས་ངོ་མཚར་ཆེ། །ཨེ་མ་སངས་རྒྱས་ཕྲིན་ལས་འཕགས། །གང་ཕྱིར་བདག་ཅག་ངན་སོང་སྦྱངས། །བྱང་ཆུབ་སྤྱོད་པ་ཉིད་ལ་བཞག །སངས་རྒྱས་འདྲ་བའི་སྟོན་པ་མེད། །ཆོས་དང་འདྲ་བའི་སྐྱོབ་པ་མེད། །དགེ་འདུན་འདྲ་བའི་ཞིང་ས་མེད། །སྔགས་དང་འདྲ་བའི་མྱུར་ལམ་མེད། །བདག་གཞན་སེམས་ཅན་ཐམས་ཅད་ཀྱང་། །ལམ་མཆོག་འདི་ནས་དབུགས་དབྱུང་གསོལ། །ཅེས་བརྗོད་ནས་སླར་ཡང་བདེ་བ་ཅན་དུ་སོང་ནས་ལམ་སྦྱངས་ཏེ། དབུས་ཕྱོགས་མེ་རི་འབར་བར་ཀུན་ཏུ་བཟང་པོའི་ཞིང་ཁམས་སུ་སངས་རྒྱས་པར་གྱུར། །ཅེས་བརྗོད་ཅིག །བཟང་པོ་སྤྱོད་པའི་སྨོན་ལམ་འདོན། །ཆོ་གའི་རྗེས་ཆོག་རྣམས་དཀྱུས་བཞིན་བྱས་ལ། ཤི་རྒ་བ་གཅོད་པའི་ཕྱིར་ཤིས་བརྗོད་རྒྱ་ཆེན་པོ་ཡང་བྱའོ། །འདི་ལྟར་སྦྱང་བ་བགྱི་བའི་རིམ་པ་ལ་མིང་བཞི་འདུས་པའི་ཕུང་པོ་ཅན་མཐའ་དག་དབང་གི་རྟེན་དུ་རུང་ཡི་རུང་སོགས་དང་། དབང་གི་སྔོན་འགྲོའི་སྡོམ་བཟུང་རྣམ་པ་གསུམ་གྱི་ཐ་སྙད་ལ་བརྟེན་ནས་དངོས་གཞི་ཐོབ་ཚུལ་སོགས་ལ་དཔྱད་པ་བྱེད་པ་ཡོད་ཀྱང་། བྱང་ཆུབ་ཀྱི་སེམས་ལྷག་པའི་བསམ་པ་བརྟན་པོ་དང་མི་ལྡན་ན་ནི་ཆོ་གའི་ཐ་སྙད་རྫོགས་ཀྱང་བར་མ་དོའི་ཡིད་ཅན་ལ་ཕན་པའི་ཡོན་ཏན་སྒྲ་ཇི་བཞིན་པ་མི་ཐོབ་ལ། རང་འདོད་མེད་ཅིང་སྙིང་རྗེ་ཆེན་པོའི་བློ་ཡོངས་སུ་དག་

(༥༢༨)པ་རྣམས་ལ་ནི་འདི་ཙམ་གྱིས་ཕན་པ་འགྲུབ་བར་ངེས་པ་རྙེད་ནས་ཚིག་གི་སྦྱོར་བ་ཉུང་བ་ཉིད་གཙོ་བོར་བྱས་པའོ། །ཞེས་པའང་རྒྱང་རུ་དཔལ་སྡིངས་རྗེ་བཙུན་མས་ནན་གྱིས་བསྐུལ་བའི་ངོར་རྫོགས་ཆེན་པ་རང་བྱུང་རྡོ་རྗེས་སོ།། །།མངྒ་ལཾ།། །།

(༥༢༩)ཡུམ་ཀ་བདེ་ཆེན་རྒྱལ་མོ་ལས། །སྒྲོལ་མ་རྣལ་འབྱོར་མ་ལ་བརྟེན་ནས་དུག་དབྱུང་བྱ་བ་བཀྲུའི་ལྷན་ཐབས་བཞུགས། ༅། །ན་མོ་ས་ཏ་ཛ་ཡ། སངས་རྒྱས་ཐམས་ཅད་ཀྱི་ཕྲིན་ལས་པ་འཕགས་མ་སྒྲོལ་མ་ལ་ཕྱག་འཚལ་ལོ། །མཁའ་འགྲོའི་ལས་ཚོགས་བཅོ་བརྒྱད་པ་དུག་དབྱུང་བྱེད་པར་འདོད་པས་བུམ་པ་བཟང་པོ་བཅུད་སྨན་ཉེར་ལྔས་གཏམས་པའི་ཁ་རྒྱན་རྨ་བྱའི་སྒྲོ་ཕོད་ལ་རྨ་བྱའི་རྒྱལ་པོ་གསེར་དུ་སྣང་བ་ཡན་ལག་བཀྲ་བ། །རིན་པོ་ཆེའི་མཆུ་ཅན་གྱི་ཙཀླི་གྲུབ་ན་བཀོད། མ་གྲུབ་ན་ཡིད་ཀྱི་ཆོ་གར་བྱ། ཉེར་སྤྱོད་བཟང་པོས་མཐའ་བསྐོར། ལས་གཞུང་གི་བསྟོད་པའི་རྗེས་ལ་འཛབ་དགོངས་ནི། །མཁའ་འགྲོའི་ཐུགས་ཀར་པད་ཟླའི་སྟེང་ སྒྲོལ་མ་རྨ་བྱ་ཆེན་མོ་དཀར ཞབས་གཉིས་རྟ་བབས་སྐྱིལ་མོ་ཀྲུང་ ཕྱག་གཡས་མཆོག་སྦྱིན་གཡོན་པ་ནི དཀོན་མཆོག་གསུམ་མཚོན་སྐྱབས་སྦྱིན་རྒྱས རི་དྭགས་རྟགས་ཅན་ཨུཏྤལ་འཛིན འོད་ཟེར་འཕྲོས་པས་བརྟན་གཡོའི་དུག ལྷག་མ་མེད་པར་གཞིལ་བར་བསམ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་སརྦ་བི་ཥ་ཏཱ་ར་ཕཊ ཅེས་བརྒྱ་ཙམ་བཟླས་རྗེས། བུམ་པའི་ནང་དུ་འོ་མའི་རྒྱ་མཚོའི་དབུས་ན་རྨ་བྱའི་རྒྱལ་པོ་གསེར་དུ་སྣང་བ་ཆེས་མཛེས་ཤིང་བལྟ་ན་སྡུག་པ་རིག་པ་མཆོག་གི་སྔགས་སྒྲ་སྟོང་གསུམ་ཁྱབ་པ་ཙམ་དུ་དི་རི་རི་སྒྲོགས་པས་དམིགས་བྱའི་དུག་རྣམས་

(༥༣༠)རང་བཞིན་མེད་པའི་ངང་དུ་དག་པར་བསམས་ལ་བཟླས་པ་ཅི་ནུས་བྱ། ཐུན་མཐར་རྨ་བྱ་ཡེ་ཤེས་པ་ཁ་རྒྱན་ནམ་གཟུགས་བརྙན་དང་འདྲེས། དམ་ཚིག་པ་ཆུར་ཞུ་བ་མོས། །དེ་ནས་བཀྲུ་བྱ་བ་བྱ་བ་ནི། །བུམ་ཆུས་བཀྲུ་ཞིང་། ཧོ འགལ་རྐྱེན་ཐམས་ཅད་དུག་ལ་བརྟེན དུག་གི་རྒྱུ་ནི་ཉོན་མོངས་པ རིག་པ་མཆོག་གི་སྨན་ཆེན་འདིས སེམས་ཅན་ཁམས་ན་དུག་མེད་ཤོག ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་སརྦ་བི་ཥ་ཏཱ་ར་ཕཊ ཕྱག་འཚལ་ལྷ་ཡི་མཚོ་ཡི་རྣམ་པའི། །རི་དྭགས་རྟགས་ཅན་ཕྱག་ན་བསྣམས་མ། །ཏཱ་ར་གཉིས་བརྗོད་ཕཊ་ཀྱི་ཡི་གེས། །དུག་རྣམས་མ་ལུས་པ་ནི་སེལ་མ། །ཞེས་སྔགས་དང་ཕྱག་འཚལ་སྦྲེལ་མ་བརྒྱ་ཚར་སོགས་ཀྱིས་བཀྲུ། །དེ་ནས་བྱ་བ་པ་ནི། རྨ་བྱ་བཟུང་ལ་དུག་ཐམས་ཅད་མེ་ལོང་ལ་ཧས་བཏབ་པ་བཞིན་དུ་བླང་བར་བསམས་ལ། དེ་བཞིན་གཤེགས་པས་ཁྱིམ་བདག་དཔལ་སྦས་ཀྱི་ཁ་ཟས་དུག་ཅན་བདེན་ཚིག་གིས་བསལ་བ་འདི་བྱིན་རླབས་ཤིན་ཏུ་ཆེ་བས། འདོད་ཆགས་ཞེ་སྡང་གཏི་མུག་རྣམས། །དེ་དག་འཇིག་རྟེན་དུག་གསུམ་སྟེ། །བཅོམ་ལྡན་སངས་རྒྱས་དུག་མེད་པ། །སངས་རྒྱས་བདེན་པས་དུག་བཅོམ་མོ། །འདོད་ཆགས་ཞེ་སྡང་གཏི་མུག་རྣམས། །དེ་དག་འཇིག་རྟེན་དུག་གསུམ་སྟེ། །བཅོམ་ལྡན་ཆོས་ནི་དུག་མེད་པ། །ཆོས་ཀྱི་བདེན་པས་

(༥༣༡)དུག་བཅོམ་མོ། །འདོད་ཆགས་ཞེ་སྡང་གཏི་མུག་རྣམས། །དེ་དག་འཇིག་རྟེན་དུག་གསུམ་སྟེ། །བཅོམ་ལྡན་དགེ་འདུན་དུག་མེད་པ། །དགེ་འདུན་བདེན་པས་དུག་བཅོམ་མོ། །བདེན་པ་གང་གིས་ང་སངས་རྒྱས། །འཇིག་རྟེན་ཀུན་ལ་བླ་ན་མེད། །བདེན་པའི་ཚིག་ནི་དེ་ཡིས་སུ། །གང་ལུས་དུག་གིས་མི་ཚུགས་ཤོག །བདེན་པ་གང་གིས་ང་ཡི་ཆོས། །འཇིག་རྟེན་ཀུན་ལ་བླ་ན་མེད། །བདེན་པའི་ཚིག་ནི་དེ་ཡིས་སུ། །གང་ལུས་དུག་གིས་མི་ཚུགས་ཤོག །བདེན་པ་གང་གི་ང་དགེ་འདུན། །འཇིག་རྟེན་ཀུན་ལ་བླ་ན་མེད། །བདེན་པའི་ཚིག་ནི་དེ་ཡིས་སུ། །གང་ལུས་དུག་གིས་མི་ཚུགས་ཤོག །ཤིང་གང་དུག་དང་བཅས་རྣམས་དང་། །སྲོག་ཆགས་གང་དག་དུག་བཅས་པ། །དེ་ཀུན་འདོད་ཆགས་དུག་ལས་བྱུང་། །འདོད་ཆགས་དུག་ནི་དུག་གི་མཆོག །ཤིང་གང་དུག་དང་བཅས་རྣམས་དང་། །སྲོག་ཆགས་གང་དག་དུག་བཅས་པ། །དེ་ཀུན་ཞེ་སྡང་དུག་ལས་བྱུང་། །ཞེ་སྡང་དུག་ནི་དུག་གི་མཆོག །ཤིང་གང་དུག་དང་བཅས་རྣམས་དང་། །སྲོག་ཆགས་གང་དག་དུག་བཅས་པ། །དེ་ཀུན་གཏི་མུག་དུག་ལས་བྱུང་། །གཏི་མུག་འདི་ནི་དུག་གི་མཆོག །དྲག་པོའི་དུག་གིས་དུག་བཅོམ་སྟེ། །སྲུང་

(༥༣༢)དང་ཡོངས་སུ་བཟུང་བ་བྱས། །སངས་རྒྱས་ཀུན་གྱིས་དུག་བཅོམ་པས། །རྫོགས་སངས་རྒྱས་ལ་སྐྱབས་སུ་དོང་། །ཞེས་ཅི་ནུས་བརྗོད་པས་ཟླ་བ་སྒྲ་གཅན་ལས་ཐར་བ་ལྟ་བུར་འགྱུར་རོ། ཁྲུས་ཁུ་ཟག་པ་ཟ་བའི་ཡི་དྭགས་ལ་སཾ་བྷ་རས་བསྔོ་ཞིང་། གདོན་ལ་ཆོས་ཀྱི་སྦྱིན་པས་རྒྱུད་འགྲོལ་བ་ནི་སྙིང་རྗེ་ཆེན་པོའི་བློ་དང་ལྡན་པས། ཆོས་རྣམས་ཐམས་ཅད་རྒྱུ་ལས་བྱུང་། སོགས་དང་། ཆོས་རྣམས་གཟུགས་བརྙན་ལྟ་བུ་སྟེ། །ཞེས་པས་ངེས་དོན་གྱི་འབྲེལ་བ་བཞག །ཕུན་སུམ་ཚོགས་པ་མངའ་བ་ལ་སོགས་པས་ཤིས་པ་བརྗོད་པར་བྱའོ། །ཞེས་པའང་མཁྱེན་བརྩེའི་ལྷས་སོ།། །།

(༥༣༣)ཀློང་ཆེན་སྙིང་གི་ཐིག་ལེ་ལས་ཡུམ་ཀ་མཁའ་འགྲོའི་ལས་ཚོགས་ལས། བླ་བསླུའི་ལྷན་ཐབས་སྲོག་འཚོའི་ལྗོན་པ་ཞེས་བྱ་བ་བཞུགས། །

(༥༣༤)རྗེ་བཙུན་སྒྲོལ་མ་ལ་ཕྱག་འཚལ་ལོ། །མཁའ་འགྲོའི་ལས་ཚོགས་ཉེར་གཅིག་པ་ལ་བརྟེན་ནས་བླ་བསླུའི་ལྷན་ཐབས་ལ། སྦྱོར་དངོས་རྗེས་གསུམ་ལས་དང་པོ་ནི། མཆོད་གཏོར་གྱི་ཉེ་ལོགས་ཅི་བདེ་བར་རི་རབ་མཚོན་བྱེད་ཀྱི་རེ་ཁཱ་གྲུ་བཞི་པ་ཕྱོགས་མདོག་ཅན་གྱི་དབུས་སུ་པད་འདབ་བརྒྱད་ཀྱི་ལྟེ་བ་ལ་སྨེ་བ་གླིང་དགུ་ཤེས་ན་བསྒྲུབ་བྱའི་བབས་སྨེ་དང་བསྟུན། །མ་ཤེས་ན་ལྔ་སེར་དབུས་བཞག་དཔེ་ལྟར་བྲིའོ། །འདབ་བརྒྱད་ལ་སྤར་ཁ་བརྒྱད། རི་རབ་ཀྱི་ཕྱོགས་བཞིར་གླིང་བཞི་གླིང་ཕྲན་གྱི་བཀོད་པ། དེའི་ཕྱི་རིམ་ཟླུམ་སྐོར་ཕྱོགས་མཚམས་བརྒྱད་དུ་བཅད་པ་བྲི། །དེ་ཡང་གཞུང་ལས། ཚེ་ལ་མདའ་དང་བླ་མ་གཡུ། ཁམས་ཀྱི་རྟེན་དུ་དར་ཚོན་དཔྱད། །ཞེས་པས། སྨེ་བ་གླིང་དགུའི་སྟེང་དུ་མདའ་རྒྱང་མ་ལ་དར་ཚོན་སྣ་ལྔ་དྲི་

(༥༣༥)མེད་ཁ་ཚར་མ་ཉམས་པ་དང་བླ་གཡུ་བཏགས་པ་བཙུགས། ལྟོང་གི་ནང་དུ་རྣམ་ཤེས་ཚོགས་བརྒྱད་མཚོན་པའི། ཨ་ཀ་ཙ་ཊ་ཏ་པ་ཡ་ཤབྲིས་པ་བཅུག །སྤར་ཁའི་སྟེང་དུ་ངར་གླུད་བརྒྱད། གླིང་བཞི་སོ་སོའི་དབུས་སུ་རྒྱལ་ཆེན་སྡེ་བཞི་ལ་ཆབ་གཏོར་དང་ཉེར་སྤྱོད་རེ། ཕྱོགས་མཚམས་བརྒྱད་པོར་གདན་བརྒྱད་ལ་ཕྱོགས་མདོག་དང་མཐུན་པའི་གཏོར་ཟླུམ་མཛུབ་གང་པ་རེ་ལ་ཆང་བུ་གང་མང་། སོ་སོར་ངར་གླུད་རེ་དང་། ནམ་རྒྱང་། མདའ་འཕང་། ཤིང་རིས་ཚང་པ་རེ་དང་། འོ་ཕུད། ཆང་སྐྱེམས། ཆུ་ཕུད། འབྱུང་པོའི་ཟས་ཤ་ཆང་ལ་ཕུག །འབྲས་ཆན། འབྲས་བུ་རྣམས་ཀྱང་བཤམ། །ཅི་བདེ་བར་ཕྱིང་དཀར་གྱི་སྟེང་འབྲུ་ཚོམ་བརྒྱད་བཀོད་པའི་སྟེང་འཁར་གཞོང་ནང་དུ་རབ་གཙང་པོ། མ་འབྱོར་ན་ཆུ་སྣ་གང་འཛོམ་བླུགས་པའི་

(༥༣༦)སྟེང་མར་གྱི་བླ་ལུགས་ཡོལ་གོར་བཅུག་པ་བཞག །ཞག་སྦྲེལ་དུ་བྱེད་ན་རྟེན་འབྲེལ་བརྟག་པའི་ཕྱིར། ཤོག་བུ་གྲུ་བཞི་གཅིག་གི་དཀྱིལ་དུ་ནྲྀ་དང་མཐའ་སྐོར་དུ་ཚེ་དང་ལྡན་པ་ཆེ་གེ་མོའི་བླ་ཚེ་ཡར་བ་ཁུག་ཛ ཞེས་བྲིས་པའི་ཁུད་དུ་བསྒྲུབ་བྱའི་ལོ་གྲངས་ཀྱི་འབྲུ་དཀར་བཅུག་ལ་བླ་ལུག་གི་ཁོང་དུ་འཇུག །སྒྲེལ་གླུད་ཆེ་བ་གཅིག་ལ་གླུད་རྫས་འཛོམ་པར་བྱས་པའི་ཉེ་སྐོར་དུ་ཁ་གསོ་རྒྱུའི་གླུད་ཕྲན་བརྒྱ། ཆང་བུ་བརྒྱ། རིལ་བུ་བརྒྱ་རྣམས་བཤམ་ལ་བཞག །གཉིས་པ་ནི། མཁའ་འགྲོའི་ལས་གཞུང་བསྲང་ལ་བཟླས་པ་ལ་བབས་པ་ན། མཁའ་འགྲོའི་ཐུགས་ཀར་པད་ཟླའི་སྟེང་། །འོད་ཟེར་ཅན་མ་སྐུ་མདོག་དཀར། །སྐུ་གསུང་ཐུགས་ལ་ཨོཾ་ཨཱཧཱུཾ། །ཞབས་གཉིས་རྟ་བབས་སྐྱིལ་མོ་ཀྲུང་། །ཕྱག་གཡས་མཆོག་སྦྱིན་གཡོན་པ་ནི། །དཀོན་མཆོག་གསུམ་མཚོན་སྐྱབས་སྦྱིན་རྒྱས། །ཨུཏྤལ་ལ་གནས་གསེར་ཉ་འཛིན། །ཡི་གེ་གསུམ་ལས་འོད་འཕྲོས་པས། །གདོན་དང་རོ་ལངས་གནོད་སྦྱིན་གྱིས། །ནད་པའི་བླ་དང་ཚེ་བརྐུས་པ། །སླར་ལ་མནངས་བཞིན་སྤྲད་པར་དམིགས། །ཨོཾ་པདྨོ་

(༥༣༧)ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་མ་རི་ཙྱཻ་ཚེ་བྷྲཱུཾ་ནྀྲ་ཛསྭཱ་ཧཱ། ཞེས་པའི་བཟླས་པ་དམིགས་གནད་དང་ལྡན་པ་ཅི་ནུས་བཟླས་རྗེས། མདོས་ཡས་རྣམས་སྔགས་དྲུག་ཕྱག་དྲུག་གིས་བྱིན་གྱིས་བརླབས་ལ་གྱེར་བ་ནི། ཀྱེ། སངས་རྒྱས་རྐང་གཉིས་གཙོ་སྟེ་བདེན་པའི་མཆོག །ཆགས་བྲལ་དམ་པའི་ཆོས་ཏེ་བདེན་པའི་མཆོག །རིགས་གྲོལ་དགེ་འདུན་མཆོག་སྟེ་བདེན་པའི་མཆོག །བདེན་པའི་བཀའ་ལ་མི་ཉན་གང་ཡང་མེད། །འཆི་བའི་སྲོག་ལ་མི་ཆགས་གང་ཡང་མེད། །བརྔན་དང་རྒྱགས་ལ་མི་བརྟེན་གང་ཡང་མེད། །ཆོས་ཀྱི་དབྱིངས་སུ་མི་གཅིག་གང་ཡང་མེད། །དེ་བས་ཐམས་ཅད་བདེན་པའི་ངག་ལ་ཉོན། །ཀྱེ་བླ་མ་ཡི་དམ་མཁའ་འགྲོ་གསུམ། །བཀའ་དང་དམ་ལ་གནས་པ་ཡི། །མྱ་ངན་འདས་པའི་གདོན་གྱི་སྡེ། །ལེགས་ཉེས་སྟང་འཛིན་ཕན་གནོད་ཅན། །མཁའ་འགྲོ་ཤུགས་འགྲོ་གནས་ཡུལ་བདག །གང་དང་ལངྐ་མ་བདུན་སྲིང་། །ཕོ་ཉ་སུམ་བརྒྱ་དྲུག་ཅུ་དང་། །མགྱོགས་མ་བཞི་དང་འབར་མའི་ཚོགས། །

(༥༣༨)སྤོར་མ་ཤུག་འགྲོ་བསྟན་མའི་སྡེ། །དབང་ཕྱུག་ཉི་ཤུ་རྩ་བརྒྱད་དང་། །འབུམ་ཕྲག་ཡངས་པའི་མཁའ་འགྲོ་མ། །གདོན་གྱི་གཙོ་བོ་ཕྱོགས་སྐྱོང་བཅུ། །རྒྱལ་པོ་ཆེན་པོ་སྡེ་བཞི་སོགས། །གཙང་རིས་མགོན་པོ་བདུན་ཅུ་རྣམས། །དེ་རིང་མདོས་དང་གླུད་ལ་སྤྱོན། །དེང་གི་རྒྱུ་སྦྱོར་ཡོན་བདག་འདིའི། །རྩ་རླུང་ཐིག་ལེའི་ཉེར་ལེན་དང་། །ཕུང་པོ་ཁམས་དང་སྐྱེ་མཆེད་ཀྱི། །རྟེན་འབྲེལ་དུས་སྦྱོར་ལོག་པ་ཡི། །བླ་དང་ཚེ་ལ་གཞོམ་སྲིད་ན། །མཆོད་སྦྱིན་འདོད་ཡོན་ལྔ་ལྡན་དང་། །མདོས་གླུད་བཟང་པོ་འདི་བཞེས་ལ། །བྱད་དང་རྦོད་གཏོང་ཁྲམ་ཁ་བསྒྱུར། །བླ་ཚེ་རང་གི་གནས་སུ་བསྐྱོལ། །བླ་ལུག་ཞལ་ཁ་ནང་དུ་སྒྱུར། །ཀྱེ་སྟོང་གསུམ་སྟོང་གི་འཇིག་རྟེན་ན། །གླིང་བཞི་བྱེ་བ་ཕྲག་བརྒྱ་སྟེ། །གླིང་བཞིའི་ཁམས་ལ་དབང་བྱེད་པའི། །རྒྱལ་པོ་ཆེན་པོ་སྡེ་བཞི་ནི། །རང་རང་རིགས་ཀྱི་ལྷ་རྣམས་དང་། །ཉི་ཤུ་རྩ་བརྒྱད་སྡེ་དཔོན་ཡིན། །དེ་དག་འཁོར་ན་གནས་པ་ཡི། །ལྷ་དང་ལྷ་མིན་གསང་བ་པ། །སྟོང་ཕྲག་བྱེ་བ་ཕྲག་བརྒྱའི་གདོན། །འདི་དག་མི་ཡི་འཇིག་རྟེན་ལ། །ཀུན་ནས་གནོད་ཅིང་བླ་ཚེ་བརྐུ། །གནོད་པ་སྣ་ཚོགས་ལས་སྐྱོབས་ཕྱིར། །གདོན་གྱི་སྡེ་དཔོན་གཤེགས་སུ་གསོལ། །གཤེགས་ནས་མཐུན་པའི་དམ་རྫས་བཞེས། །རང་རང་གདོན་ལ་བཀའ་ནན་གསོལ། ཁྱེད་རྣམས་སྟོན་

(༥༣༩)པའི་ཞལ་མཐོང་ཞིང་། །བསྟན་པ་ལ་གུས་སེམས་ཅན་ལ། །ཕན་པར་བཞེད་པའི་དམ་ཚིག་ཅན། །ཡིན་ན་རང་གི་རིག་སྔགས་དང་། །མིང་དང་སྟོབས་དང་དབང་ཕྱུག་གི། །བྱིན་གྱི་ནུས་པས་བསྲུང་དུ་གསོལ། །ཀྱེ་ཤར་ཕྱོགས་རྒྱལ་པོ་ཡུལ་འཁོར་སྲུང་། །དྲི་ཟའི་གདོན་གྱི་བདག་པོ་སྟེ། །གདོན་དེས་བཏབ་པའི་སྟེ་འགྲོ་རྣམས། །གླུ་དང་བྲོ་དང་རྒྱན་ལ་དགའ། །བསྐམས་པ་མ་མཆིས་སྨྲ་ཞིང་རྒོད། །སྐོམ་དད་ཆེ་བའི་རིམས་ཀྱིས་འདེབས། །མིག་འཛུམ་རྒྱབ་ཀྱིས་ཕྱོགས་ཤིང་ལ། །དེང་གི་རྒྱུ་སྦྱོར་ཡོན་བདག་འདི། །དྲི་ཟའི་བྱད་དུ་ཆུད་པ་དང་། །བླ་ལ་བརྐུས་སམ་ཚེ་བསྟུངས་ན། །མདོས་གླུད་བཟང་པོ་འདི་བཞེས་ལ། །དྲི་ཟའི་བྱད་དང་གདོན་ལས་ཕྲོལ། །བླ་ཚེ་རང་གི་གནས་སུ་སྐྱོལ། །བླ་ལུག་ཞལ་ཁ་ནང་དུ་བསྒྱུར། །ཡུལ་འཁོར་སྲུང་གི་རིག་སྔགས་དང་། །མིང་དང་སྟོབས་དང་དབང་ཕྱུག་གིས། །དྲི་ཟའི་གདོན་ལ་བཀའ་ནན་གསོལ། །བྱིན་གྱི་ནུས་པས་བསྲུང་དུ་གསོལ། །ཀྱེ་ལྷོ་ཕྱོགས་རྒྱལ་པོ་འཕགས་སྐྱེས་པོ། །གྲུལ་བུམ་གདོན་གྱི་བདག་པོ་སྟེ། །གདོན་དེས་བཏབ་པའི་སྐྱེ་འགྲོ་རྣམས། །སྐོམ་དང་གཡེང་དང་བཞིན་རས་དམར། །འཁུམས་ནས་སར་ཉལ་

(༥༤༠)ཁ་དོག་ངན། །རིང་ཅིང་སྐྲ་དང་སེན་མོ་རིང་། །དྲི་ང་རྫུན་དང་ཀྱལ་བ་མང་། །དེང་གི་རྒྱུ་སྦྱོར་ཡོན་བདག་འདི། །གྲུལ་བུམ་བྱད་དུ་ཆུད་པ་དང་། །བླ་ལ་བསྐུས་སམ་ཚེ་བསྟུངས་ན། །མདོས་གླུད་བཟང་པོ་འདི་བཞེས་ལ། །གྲུལ་བུམ་བྱད་དང་གདོན་ལས་ཕྲོལ། །བླ་ཚེ་རང་གི་རང་གི་གནས་སུ་སྐྱོལ། །བླ་ལུག་ཞལ་ཁ་ནང་དུ་སྒྱུར། །འཕགས་སྐྱེས་པོ་ཡི་རིག་སྔགས་དང་། །མིང་དང་སྟོབས་དང་དབང་ཕྱུག་གིས། །གྲུལ་བུམ་གདོན་ལ་བཀའ་ནན་གསོལ། །བྱིན་གྱི་ནུས་པས་བསྲུང་དུ་གསོལ། །ཀྱེ་ནུབ་ཕྱོགས་རྒྱལ་པོ་སྤྱན་མི་བཟང་། །འདབ་བཟང་གདོན་གྱི་བདག་པོ་སྟེ། །གདོན་དེས་བཏབ་པའི་སྐྱེ་འགྲོ་རྣམས། །སྐྱིགས་བུ་མང་ལ་དབུགས་ཀྱང་གྲང་། །རྡུལ་ཞིང་ལྦུ་བ་ཁ་མཆུ་འབྱུང་། །གཉིད་ཀྱིས་མྱོས་ཤིང་འདར་སྐྱུག་ཏུ། །དོག་པར་མཆི་ཞིང་སེན་མོ་སྟོན། །དེང་གི་རྒྱུ་སྦྱོར་ཡོན་བདག་འདི། །ཀླུ་ཡི་བྱད་དུ་ཆུད་པ་དང་། །བླ་ལ་བརྐུས་སམ་ཚེ་བསྟུངས་ན། །མདོས་གླུད་བཟང་པོ་འདི་བཞེས་ལ། །འདབ་བཟང་བྱད་དང་གདོན་ལས་ཕྲོལ། །བླ་ཚེ་རང་གི་གནས་སུ་སྐྱོལ། །བླ་ལུག་ཞལ་ཁ་ནང་དུ་སྒྱུར། །མིག་མི་བཟང་གི་རིག་སྔགས་དང་། །མིང་དང་སྟོབས་དང་དབང་ཕྱུག་གིས། །ཀླུ་ཡི་གདོན་ལ་བཀའ་ནན་གསོལ། །བྱིན་གྱི་ནུས་པས་བསྲུང་དུ་གསོལ། །ཀྱེ་བྱང་

(༥༤༡)ཕྱོགས་རྒྱལ་པོ་རྣམ་ཐོས་སྲས། །གནོད་སྦྱིན་གདོན་གྱི་བདག་པོ་ཡིན། །གདོན་དེས་བཏབ་པའི་སྐྱེ་འགྲོ་རྣམས། །རྒོད་ཅིང་འཇིགས་པ་སྨྲ་བར་བྱེད། ཁྲོ་ཞིང་གཉིད་ལོག་ཤིན་ཏུ་ན། །གྱེན་དུ་བལྟ་ཞིང་སྐར་མ་སྙེགས། །འདར་ཞིང་སྒྲ་འབྱིན་ནུབ་མོ་དགའ། ཁྱད་པར་ལུས་ངན་པོ་ཡི་བུ། །ཀུན་ཏུ་བརྒྱལ་དང་བསྐྱེད་པ་པོ། །གདོན་པོ་ཆེ་དང་བུམ་པའི་ལྟོ། །སོ་སོའི་འཁོར་ན་གནས་པ་ཡི། །གནོད་སྦྱིན་བྱེ་བ་དྲུག་ཅུ་བཞིས། །དེང་གི་རྒྱུ་སྦྱོར་ཡོན་བདག་འདི། །གནོད་སྦྱིན་བྱད་དུ་ཆུད་པ་དང་། །བླ་ལ་བརྐུས་སམ་ཚེ་བསྟུངས་ན། །མདོས་གླུད་བཟང་པོ་འདི་བཞེས་ལ། །གནོད་སྦྱིན་བྱད་དང་གདོན་ལས་ཕྲོལ། །བླ་ཚེ་རང་གི་གནས་སུ་སྐྱོལ། །བླ་ལུག་ཞལ་ཁ་ནང་དུ་སྒྱུར། །རྣམ་ཐོས་སྲས་ཀྱི་རིག་སྔགས་དང་། །མིང་དང་སྟོབས་དང་དབང་ཕྱུག་གིས། །གནོད་སྦྱིན་གདོན་ལ་བཀའ་ནན་གསོལ། །བྱིན་གྱི་ནུས་པས་བསྲུང་དུ་གསོལ། །མདོར་ན་བཅིང་བ་ལྔས་བཅིངས་ཤིང་། །ཕྱོགས་བཞི་མཚམས་བརྒྱད་སྟེང་འོག་གི། །གནོད་སྦྱིན་བྱེ་བ་སྟོང་ཕྲག་སྡེ། །ལྷུན་པོའི་ངོས་དང་ངམ་གྲོག་གཡང་། །རྒྱ་མཚོ་ཆུ་ཀླུང་ལུ་མ་རྫིང་། །སྐྱེད་མོས་ཚལ་དང་གཞལ་མེད་ཁང་། །ཀུན་དགའ་ར་བ་ནགས་

(༥༤༢)ཚལ་བྲག །མཆོད་རྟེན་ལྗོན་ཤིང་གཅིག་པ་དང་། །གྲོང་དང་གྲོང་ཁྱེར་གྲོང་རྡལ་ལྗོངས། །རྒྱལ་པོའི་ཕོ་བྲང་དཀྱིལ་འཁོར་གནས། །ལྷ་ཁང་དུར་ཁྲོད་ཤོ་གམ་འཕྲང་། ཁང་སྟོང་ཕྱུགས་ལྷས་གླང་པོའི་བྲེས། །དཀའ་ཐུབ་གནས་དང་དཀོར་ཁང་དང་། །རི་སྣ་གྲོང་སྣ་བྲག་སྐྱིབས་སོགས། །གནས་དང་གནས་མིན་ལ་དབང་ཞིང་། །མིང་གཟུགས་སྐྱེ་མཆེད་སྣ་ཚོགས་པས། །དེང་གི་རྒྱུ་སྦྱོར་ཡོན་བདག་འདི། །བླ་དང་ཚེ་ལ་གཞོམ་སྲིད་ན། །མདོས་གླུད་བཟང་པོ་འདི་བཞེས་ལ། །བཞི་བརྒྱ་རྩ་བཞིའི་ནད་ལས་ཕྲོལ། །བླ་ཚེ་རང་གི་གནས་སུ་སྐྱོལ། །བླ་ལུག་ཞལ་ཁ་ནང་དུ་སྒྱུར། །བདུད་ཀྱི་བདུད་ཆེན་རིག་སྔགས་དང་། །མིང་དང་སྟོབས་དང་དབང་ཕྱུག་གིས། །བླ་རྐུན་གདོན་ལ་བཀའ་ནན་གསོལ། །སེང་གེའི་གཟུགས་དང་གླང་ཆེན་སྟག །དོམ་དང་མ་ཧེ་སྤྱང་ཀི་དྲེད། །ཝ་དང་ཕག་རྒོད་སྦྲུལ་གྱི་གཟུགས། །རྟ་དང་བོང་བུ་རྔ་མོ་ལུག ཁྱི་དང་བྱི་ལའི་གཟུགས་ཅན་སོགས། །མཆུ་སོ་ཁྲག་གིས་གོས་པ་དང་། །ཀེང་རུས་གཟུགས་དང་མཚོན་ཆ་ཅན། །རྣ་བ་འཕྱང་དང་རྣ་བ་མེད། །རྣ་བོ་ཆེ་དང་སྒྲ་ཆེན་འབྱིན། །ཆེ་ཞིང་གཏུམ་ལ་མི་སྡུག་གཟུགས། །སྤུ་གཞོལ་སེན་མོ་རིང་བ་དང་། །སྐྲ་བརྫེས་ལྕགས་མཆུ་ཟངས་སོ་ཅན། །

(༥༤༣)ལག་པ་ཁྲག་གིས་དམར་བ་དང་། །སྙིམ་པར་ནང་ཁྲོལ་ཐོགས་པ་དང་། །ཡན་ལག་མ་ཚང་ཕྱེད་པའི་ལུས། །གསུས་པ་ཆེ་དང་ནུ་མ་འཕྱང་། །མགོ་ཆེ་ཡན་ལག་རིང་བ་དང་། །སྲིན་པོ་འདོད་དགུར་སྒྱུར་བའི་གཟུགས། །ཆུང་མ་ཤ་ཟ་རལ་གཅིག་སོགས། །དཔག་ཚད་བརྒྱད་ཁྲིར་ཁྲག་ལ་རྔམས། །ཤིན་ཏུ་གཟུ་ལུམས་ཆེ་བའི་གདོན། །རྣམ་འགྱུར་རྣམ་པ་སྣ་ཆགས་དང་། །བྱད་དང་ཁྲམ་ཁ་ཀུན་གྱི་བདག །འདོད་པ་ཁམས་ཀྱི་དབང་ཕྱུག་མས། །དེང་གི་རྒྱུ་སྦྱོར་ཡོན་བདག་འདི། །བླ་དང་ཚེ་ལ་གཞོམ་སྲིད་ན། །མདོས་གླུད་བཟང་པོ་འདི་བཞེས་ལ། །བཞི་བརྒྱ་རྩ་བཞིའི་ནང་ལས་ཕྲོལ། །བླ་ཚེ་རང་གི་གནས་སུ་སྐྱོལ། །བླ་ལུག་ཞལ་ཁ་ནང་དུ་སྒྱུར། །བདུད་ཀྱི་བདུད་ཆེན་རིག་སྔགས་དང་། །མིང་དང་སྟོབས་དང་དབང་ཕྱུག་གིས། །བླ་རྐུན་གདོན་ལ་བཀའ་ནན་གསོལ། །གདོན་གྱི་གཙོ་བོ་ཕྱོགས་སྐྱོང་བཅུ། །དེ་ཡི་འཁོར་ན་གནས་པ་ནི། །ལྷ་དང་ཀླུ་དང་ལྷ་མ་ཡིན། །མེ་དང་རླུང་ལྷ་གཤིན་རྗེ་དང་། །བདེན་བྲལ་དབང་ལྡན་ནམ་མཁའ་ལྡིང་། །མིའམ་ཅི་དང་ལྟོ་འཕྱེ་ཆེ། །ཡི་དྭགས་སྡེ་ཚན་སུམ་ཅུ་གཉིས། །འཕྲོག་མ་མ་བུ་ལྔ་བརྒྱ་དང་། །དྲི་ཟ་གྲུལ་བུམ་ལུས་སྲུལ་པོ། །

(༥༤༤)སྐེམ་བྱེད་སྨྱོ་བྱེད་བརྗེད་བྱེད་དང་། །གྲིབ་གནོན་རྣོན་པོ་ཚེར་མ་འདོན། །རེ་ལྡེ་འདོན་དང་ཤ་ཁྲག་རྔམས། །ཞག་དང་ཚིལ་བུ་ལྷ་རྐང་དང་། །མངལ་དང་སྦྱིན་སྲེག་ཟ་བ་དང་། །དྲི་དང་ཕྲེང་བ་གཏོར་མ་ཟ། །མེ་ཏོག་འབྲས་བུ་ངར་སྣབས་དང་། །སྐྱུགས་པ་ལ་སོགས་མི་གཙང་ཟ། །སྟོར་ཁུང་ནས་འབབས་འཐུངས་པ་དང་། །བྱད་དང་སྐར་མ་རོ་ལངས་གདོན། །སྡིགས་པའི་སེམས་དང་དྲག་ཤུལ་དང་། །སྡང་བའི་སེམས་ལྡན་ཐམས་ཅད་ཀྱིས། །དེང་གི་རྒྱུ་སྦྱོར་ཡོན་བདག་འདི། །བླ་དང་ཚེ་ལ་གཞོམ་སྲིད་ན། །མདོས་གླུད་བཟང་པོ་འདི་བཞེས་ལ། །བཞི་བརྒྱ་རྩ་བཞིའི་ནང་ལས་ཕྲོལ། །བླ་ཚེ་རང་གི་གནས་སུ་སྐྱོལ། །བླ་ལུག་ཞལ་ཁ་ནང་དུ་སྒྱུར། །བདུད་ཀྱི་བདུད་ཆེན་རིག་སྔགས་དང་། །མིང་དང་སྟོབས་དང་དབང་ཕྱུག་གིས། །བླ་རྐུན་གདོན་ལ་བཀའ་ནན་གསོལ། །དེ་བཞིན་མངལ་ལ་མ་རུངས་བྱེད། །རྣམ་པ་སྣ་ཚོགས་ནད་ཀྱི་བདག །འཇོམ་པོ་བ་ལང་གཟུགས་ཅན་དང་། །རི་དྭགས་རྒྱལ་པོ་རི་དྭགས་གཟུགས། །སྐེམ་བྱེད་གཞོན་ནུར་བརྫུ་ཞིང་འཕྲུལ། །བརྗེད་བྱེད་ཝ་གཟུགས་མ་མོའི་གདོན། ཁུ་ཚུར་ཅན་ནི་བྱ་རོག་གཟུགས། །རྟ་ཡི་གཟུགས་ཅན་ཛ་མི་ཀ །འདོད་ཅན་རྡོ་རྗེ་ནམ་གྲུ་ཁྱི། །སྲུལ་པོ་ཕག་གཟུགས་བྱ་དང་ནི། །བྱི་ལའི་གཟུགས་ཅན་མ་དགའ་བྱེད། །བྱ་གག་

(༥༤༥)གཟུགས་ཅན་གཉའ་ལག་ཅན། །བཞིན་རྒྱན་འུག་པ་མིག་འཕྱང་ནི། །ཕ་ཝང་གཟུགས་སྤྲུལ་བྱིས་པ་རྣམས། །སྐྲག་ཅིང་མ་རུངས་བྱེད་པའི་གདོན། །མི་བརྫུ་དགུ་རུ་བརྫུ་བ་དང་། །གཞན་ཡང་སྤར་སྨེ་ལོ་ཟླ་ཞག །དུས་ཚོད་ཚེས་གྲངས་གབ་ཚེའི་བདག །ཕྱི་ནང་གསང་བའི་ལྷ་མ་སྲིན། །སྡེ་བརྒྱད་སྟོང་སྡེ་ལན་ཆགས་དང་། །བགེགས་རིགས་གློ་བུར་ལྷག་པའི་གདོན། །ཡིད་གཟུགས་ཅན་དང་གསོན་པོའི་འདྲེ། །གསོད་དང་གཅོད་དང་མདངས་འཕྲོག་ལ། །དགའ་ཞིང་གནོད་པ་སྣ་ཚོགས་ཅན། །མཁའ་ལ་རྒྱུ་བའི་ཡི་དྭགས་ཀྱིས། །དེང་གི་རྒྱུ་སྦྱོར་ཡོན་བདག་འདི། །བླ་དང་ཚེ་ལ་གཞོམ་སྲིད་ལ། །མདོས་གླུད་བཟང་པོ་འདི་བཞེས་ལ། །བཞི་བརྒྱ་རྩ་བཞིའི་ནད་ལས་ཕྲོལ། །བླ་ཚེ་རང་གི་གནས་སུ་སྐྱོལ། །བླ་ལུག་ཞལ་ཁ་ནང་དུ་བསྒྱུར། །བདུད་ཀྱི་བདུད་ཆེན་རིག་སྔགས་དང་། །མིང་དང་སྟོབས་དང་དབང་ཕྱུག་གིས། །བླ་རྐུན་གདོན་ལ་བཀའ་ནན་གསོལ། །ཞེས་གྱེར་ཞིང་གསེར་སྐྱེམས་དང་། ཁྲག་སྐྱེམས་ཕྱོགས་ཕྱོགས་སུ་གཏོར། །དེ་ནས་སློབ་དཔོན་སྒེག་པའི་རྡོ་རྗེའི་ལུགས་སུ་གྲགས་པའི་བླ་འགུགས་ཀྱི་སྔགས་འདི་ཡང་བཟླ་སྟེ། ཨོཾ་རྫབ་རྫབ་རྫུབ་རྫུབ་བྷི་ཏྲ་ཀློང་ནྀྲ་ཁུག་ཛ

(༥༤༦)ཞེས་དང་དམིགས་གནད་ནི་ཕྱག་མཚན་ལ་གནས་པའི་གསེར་ཉ་དེ་ཉིད་བསྒྲུབ་བྱའི་བླ་གཟུགས་སུ་བསམས་ལ་བླ་ཚེ་འོད་ཀྱི་རྣམ་པ་བསྟིམས་པས་བཀྲག་མདངས་ཤིན་ཏུ་འབར་བར་བསམས་མོ། །བཟླས་པ་སྟོང་ཕྲག་རེའི་ཐུན་མཚམས་སུ་གླུད་ཕྲན་བསྔོ་བ་ནི། །གཞུང་ལས། ཐུན་མཚམས་བླ་གླུད་བཟང་པོ་ལ། །གླུད་ཕྲན་ཟན་བྲུལ་ཆང་བུ་བརྒྱ། །འབྲུ་གསུམ་བྱིན་རླབས་སཾ་བྷ་རས། །བརྒྱ་རྩ་བརྒྱད་བསྔོ་ལན་རེ་བཞིན། །ཞེས་པ་ལྟར། གླུད་ཆུང་གཅིག །རིལ་བུ་གཅིག །ཆང་བུ་གཅིག་རྣམས་ལ་ཆུ་ཆང་གིས་བྲན་ནས། ཨོཾ་ཨཱཧཱུཾ་གིས་བརླབ། སཾ་བྷ་ར་གཅིག་གི་མཐར། ཧཱུཾ་ཁྱེར་ཅིག་ཁྱེར་ཅིག་སྟོབས་ལྡན་རྣམས། །སྲེད་དང་ཆགས་དང་ཞེན་པ་དང་། །དྲན་དང་གཟུང་དང་བསམ་དང་རེག །གློང་དང་ཞི་དང་གྲོལ་བར་མཛོད། །ཅེས་བརྗོད་པ་དང་གླུད་ཆེན་དུ་དོར། །ཕྱག་འཚལ་དེ་ཉིད་གསུམ་རྣམས་བཀོད་པའི། །ཞི་བའི་མཐུ་དང་ཡང་དག་ལྡན་མ། །གདོན་དང་རོ་ལངས་གནོད་སྦྱིན་ཚོགས་རྣམས། །འཇོམས་པ་ཏུ་རེ་རབ་མཆོག་ཉིད་མ། །ཞེས་ཐལ་མོ་ལན་གཅིག་བརྡེབ། དེ་འདྲ་བ་བརྒྱ་རྩ་བྱ། །ཡས་གླུད་མ་འཛོམ་པའི་རིགས་ལ་ཆུ་གཏོར་གྱི་རྗེས་སུ་རང་ཉིད་སྒྲོལ་མར་གསལ། །གླུད་ཆུང་སོགས་ལ་བརྟེན་ནས་འདི་ལྟར་བྱས་

(༥༤༧)པས་ཀྱང་རུང་ངོ་། །ལྟས་བརྟག་པ་ནི། བར་མཚམས་ཅི་རིགས་པར་བསྒྲུབ་བྱ་དངོས་སམ་མིན་ནའང་རུང་སྟེ་བསྒྲུབ་བྱའི་བླ་ཚེའི་རྟེན་ཚེ་མདའ་ལ་དམིགས་ནས་བླ་ལུག་གི་སྣོད་བསྐོར་བས་དེ་ཕྱོགས་ལ་བླ་ལུག་གིས་བལྟས་ན་བླ་ཁུག་པའི་ལྟས་དང་། མ་ཁུག་ན་ཕྱིར་ལོག་ཏུ་བལྟ་བས་བསྐྱར་བའི་ཚུལ་གཞུང་ལས། རྟེན་འབྲེལ་བླ་ལུག་ཉིད་ལ་བརྟག །མ་གྲུབ་བར་དུ་བསྐྱར་ཞིང་འབད། །ཅེས་དང་། སྲོག་བསླུ་བྱ་ཞིང་ཉེའུ་འདོན། །དུས་མིན་འཆི་བ་ངེས་པར་བཟློག །ཅེས་སོ། །ཚུལ་དེ་ལྟ་བུ་ཞག་སྦྲེལ་ལམ་ཉིན་ཆོག་ཇི་ལྟ་བུ་བྱ་ཡང་ཐུན་ཕྱི་མར་ཆོས་སྲུང་གི་བསྐང་གསོ་དང་། །ཚོགས་མཆོད་སོགས་བྱའོ། །གསུམ་པ་རྗེས་ཀྱི་བྱ་བ་ནི། རྒྱལ་ཆེན་སྡེ་བཞིའི་མཆོད་གཏོར་རྣམས་མ་གཏོགས་ཡས་གླུད་ཐམས་ཅད་སྣོད་དུ་བསྡུས་ཆུ་ཆང་གིས་བྲན། །གསེར་སྐྱེམས་དང་གསུར་དུད་ཀྱིས་སྣ་དྲངས་ལ་འདེགས་པ་དང་སྦྲགས། །ཀྱེ་སྟོང་གསུམ་སྟོང་གི་འཇིག་རྟེན་ནས། །གློ་བུར་ལྷགས་པའི་གདོན་ཚོགས་རྣམས། །དེ་རིང་རྒྱུ་སྦྱོར་ཡོན་བདག་གི། །དཀོར་ལ་ངོ་སོ་མཆིས་པར་མཛོད། །མི་དང་དེ་ནི་གླུད་དུ་བརྗེས། །མི་བས་གླུད་དགའ་

(༥༤༨)སྐྱེ་མཆེད་མཛེས། །བླ་ཡི་རིན་དུ་མཐུན་རྫས་བཅལ། །བླ་ལས་ཟང་ཟིང་གྱ་ནོམ་མང་། །ཚེ་ཡི་མཇལ་དུ་ཡོད་དགུ་སྤྲུགས། །ཚེ་ལས་བཟའ་ཆེ་དཀོར་ཆ་འཛོམ། །ཏིང་འཛིན་སྔགས་རྒྱས་འདོད་དགུར་སྤེལ། ཁྱེད་ལ་རྫོངས་སུ་བཏབ་ཟིན་ན། །ཟས་སྐོམ་ནོར་ལ་མི་ཆགས་མེད། །བརྔན་དང་དྲིན་ལ་མི་བསམ་མེད། །མནའ་དང་ཆད་ལ་མི་བརྩི་མེད། །དེ་བས་ངོམས་ཤིང་ཚིམས་ཀྱིས་ལ། །ཚིམས་པའི་ངོ་ཅིག་དེང་འདིར་མཛོད། །བདེན་པའི་ཚིག་ལ་མེ་ཡང་ཉན། །འབྱུང་བའི་ཆུ་ལ་ས་ཡང་འཐུང་། །བྱམས་པའི་དྲིན་ལ་རླུང་ཡང་གཟོ། །སྟོང་པའི་སེམས་ལ་ནམ་མཁའ་ཤོང་། །དེ་ཕྱིར་ཡས་དང་དཀོར་བསྣམས་ལ། །རང་རང་སོ་སོའི་གནས་སུ་དེངས། །རྒྱ་མཚོ་རྡོལ་བའི་ནང་ཤེད་ན། །རིན་པོ་ཆེ་ཡི་གླིང་ཡང་ཡོད། །ནོར་འདོད་ཅན་རྣམས་དེར་གཤེགས་ཤིག །གྲུ་གསུམ་ས་དང་རྒྱ་གྲམ་ལམ། །ལ་ཀླུང་བརྒལ་བའི་བཞི་མདོ་ན། །ལྷ་སྲིན་འདུ་བའི་གནས་ཤིག་ཡོད། །དེ་ན་དམ་ཚིག་ཉམས་པ་དང་། །སེམས་ཅན་ཡོངས་ལ་གནོད་པ་དང་། །ལས་འབྲས་ཁྱད་དུ་གསོད་པ་ཡི། །བླ་ཚེ་འཁྱམས་པ་ཡོད་དོ་ཅོག ཁྱེད་རྣམས་ཀུན་གྱི་

(༥༤༩)བཟའ་སྐལ་དུ། །དཀོན་མཆོག་བདེན་པའི་མཐུས་བཅད་ན། །དེ་རུ་གཤེགས་ཤིགས་ཤ་ར་ར། །ཤུལ་རིང་ཞགས་པ་བཞིན་དུ་བསྡོག །ལ་ཆེན་ཐེམ་པ་བཞིན་དུ་རྒོལ། །ཆུ་ཆེན་དར་ལམ་བཞིན་དུ་བགྲོད། །རྒྱན་གྱིས་བརྒྱན་པར་བྱས་ཀྱང་ཆོས་སྤྱོད་ཅིང་། །དུལ་ཞིང་ཡང་དག་སྡོམ་ལ་ཚངས་པར་སྤྱོད། །འབྱུང་པོ་ཀུན་ལ་ཆད་པ་སྤངས་པ་སྟེ། །དགེ་སློང་དགེ་སྦྱོང་དེ་ཡིན་བྲམ་ཟེའང་དེ། །མཚོན་ཆས་མི་འཇིགས་གང་ཡང་མེད། །འཆི་བའི་སྲོག་ལ་ཀུན་ཀྱང་འཛེམ། །འཚོ་བའི་ཟས་ལ་ཀུན་ཀྱང་འདུ། །རང་གི་ལུས་ལ་དཔེ་ལོང་ལ། །གཞན་ལ་གནོད་པ་མ་བྱེད་ཅིག །ཨོཾ་ཆེན་པོའམ་ཆུང་ངུ་གང་དག་གིས། །ལུས་ལ་མངོན་པར་གནོད་འགྱུར་བའི། །བར་ཆད་ཉེ་བར་སོལ་མཛོད་ལ། །གདོན་ཁྱོད་རང་གི་གནས་སུ་དེངས། །དེ་ལྟར་བདག་གིས་ཅི་ནུས་ཀྱིས། །མཆོད་དང་བསྙེན་བཀུར་བྱས་པ་ཡི། །དམ་ཚིག་ལ་ནི་གནས་ནས་སུ། །བདག་གི་བསམ་པ་བསྐང་བར་མཛོད། །རྟག་ཏུ་དམ་ཚིག་ལ་གནས་ཤིང་། །འདིར་ནི་མཆོད་ཡོན་འཁོར་བཅས་ཀྱི། །བར་ཆད་ཉེ་བར་སོལ་

(༥༥༠)མཛོད་ལ། །གདོན་ཁྱོད་རང་གི་གནས་དེངས། །སརྦ་བྷཱུ་ཏ་གཙྪ། ཞེས་ཡས་རྣམས་ཆུ་ཀླུང་ངམ་བཞི་མདོ་ཆེན་པོར་བསྐྱལ། །དེ་ནས་རྒྱལ་ཆེན་གྱི་གཏོར་མ་རྣམས་ཨ་ཀཱ་རོས་བརླབ་ལ། །མཆོད་སྦྱིན་གཏོར་མ་འདི་བཞེས་ལ་སོགས་ནས་ཐོག་གི་ཡང་སྟེང་ཕྱོགས་སོ་སོར་གཤེགས་ལ་སྲུང་འཁོར་གྱི་ཚུལ་དུ་བཞུགས་པར་བསམ། །ཆོ་གའི་རྗེས་ཆོག་རྣམས་སྤྱི་ལྟར་བྱའོ། །དེ་ལྟར་གྲུབ་ནས་ཚེ་མདའ་དང་། བླ་ལུག་བསྒྲུབ་བྱ་ལ་དངོས་གྲུབ་ཀྱི་ཚུལ་དུ་གཏད་ལ་ཞག་བདུན་ཕྲག་ལ་སོགས་པར་སྔས་མགོར་འཇོག །ཕྱི་ནས་བླ་གཡུ་མགུལ་དུ་གདགས་ཤིང་། བླ་ལུག་ལོངས་སྤྱད། །འབྲུ་ནས་མ་ཚང་ན་བླ་བསླུ་བསྐྱར་བར་བྱའོ། །བཀྲ་ཤིས། །

(༥༥༡)འུྃ ཡུམ་ཀའི་གསང་སྒྲུབ་སེང་གེའི་གདོང་ཅན་ལས དབང་ཆོག་བྱིན་རླབས་ཆུན་པོ་བཞུགས འུྃ བདུད་འདུལ་དྲག་མོའི་སྐུ་ལ་འདུད གསང་སྒྲུབ་སེང་གེའི་གདོང་ཅན་གྱི དབང་བསྐུར་གུད་དུ་ཕྱུང་བ་ནི དཀྱིལ་འཁོར་གཞུང་བཞིན་མཉྫིའི་སྟེང་ དབང་གཏོར་ཙཀ་ལི་དར་གདུགས་ཅན ཕྱག་མཚན་མཆོད་ཚོགས་འདུ་བྱས་ལ གཞུང་བཞིན་བདག་མདུན་རོ་གཅིག་སྒྲུབས དབང་གི་སྔོན་རྗེས་བྱ་བ་རྣམས ཡུམ་ཀའི་དབང་གིས་ཁོག་ཕུབ་ལ ལོ་རྒྱུས་མཚམས་སྦྱོར་ཅི་རིགས་པ་ལས འདིར་རིག་འཛིན་འཇིགས་མེད་གླིང་པ་ལ་དུས་གསུམ་མཁྱེན་པ་ཨོ་རྒྱན་ཆེན་པོས་མངོན་སུམ་པར་དགོངས་པ་གཏད་ཅིང་ བརྡ་བརྒྱུད་ཤོག་སེར་བྱ་ཁྲའི་གཟུགས་ཀྱི་ལྟོ་བ་ལ་སྙན་བརྒྱུད་མཁའ་འགྲོའི་བརྡ་ཡིག་ཏུ་ཤར་བ་ལས་བསྒྱུར་བའི་མཁའ་འགྲོ་མ་སེང་གེའི་གདོང་ཅན་གྱི་དབང་བསྐུར་བགྱི་བ་ལ་ཁྱེད་རང་གཞི་ལུས་སུ་གནས་པའི་མིག་གཉིས་ལ་ལཾ་ལཾ རྣ་བ་གཉིས་ལ་ཀཾ་ཀཾསྣ་བུག་གཉིས་པ་ངཾ་ངཾ་ ལྕེ་ལ་མཾ ལྟེ་བར་སཾ སྙིང་གར་གཾ ཡིག་འབྲུ་དེ་རྣམས་ལས་འབར་བའི་འོད་ཟེར་གྱིས་རྣམ་སྨིན་གྱི་ལུས་རྟེན་དབང་ཡུལ་ཚོགས་བརྒྱད་རྣམས་བསྲེགས་ཤིང་སྦྱངས སྟོང་པའི་ངང་ལས་པད་ཉི་བདུད་བཞིའི་གདན་ལ་ཡེ་ཤེས་ཀྱི་མཁའ་འགྲོ་མ་སེང་གེའི་གདོང་ཅན་སྐུ་

(༥༥༢)མདོག་མཐིང་ནག་རྒྱན་དང་ཆ་ལུགས་རྫོགས་པར་གསལ་བའི་གནས་གསུམ་དུ་ཨོཾ་ཨཱཧཱུྃ་གིས་མཚན་པ་ལས་འོད་ཟེར་འཕྲོས་པས་རང་བཞིན་ཆོས་ཉིད་ཀྱི་གནས་ནས་ཡེ་ཤེས་སེམས་དཔའ་སྤྱན་དྲངས་ནས་སློབ་མ་དང་གཉིས་སུ་མེད་པར་གྱུར ཅེས་བརྗོད་ལ་རྩ་སྔགས་དང་རོལ་མོས་བྱིན་དབབ ཏིཥྛ་བཛྲས་བརྟན་པར་བྱ དེ་ནས་གཏོར་མ་སྤྱི་བོར་བཞག་ལ གཏོར་མ་འདི་ཉིད་མཁའ་འགྲོ་མ་སེང་གེའི་གདོང་པ་ཅན་དངོས་སུ་གསལ་བ་ཁྱེད་རང་གི་སྤྱི་བོ་ནས་ཞུགས་པས་ཕུང་ཁམས་སྐྱེ་མཆེད་གདན་གསུམ་ཚང་བའི་ངོ་བོར་སྨིན སེང་གེའི་གདོང་ཅན་དངོས་སུ་གྱུར་པའི་མོས་པ་མཛོད ཧོ སྐྱེ་བ་མེད་ལས་གཟུགས་སུ་སྐྱེས སྣང་སྟོང་དབྱེར་མེད་ལྷ་ཡི་སྐུ བུམ་པའི་དབང་གི་ངོ་བོ་ཉིད སྐུ་ལྔ་ཡེ་ཤེས་ལྔ་རྫོགས་ཤོག རྩ་སྔགས་མཐར ཀ་ལཱ་ཤ་ཨ་བྷི་ཥིཉྩ་ཧཱུཾ བགྲང་ཕྲེང་མགྲིན་པར་བཞག་ལ ཨཱ་ལི་ཐབས་ཀྱི་ངོ་བོ་ཉིད ཀཱ་ལི་ཤེས་རབ་རང་བཞིན་ལས ཟུང་འཇུག་ཡིག་འབྲུ་བཅུ་གཉིས་བྱུང་ རྟེན་འབྲེལ་དུས་སྦྱོར་ལས་སྐྱེས་པའི ལས་རླུང་སྔགས་སུ་སྨིན་པར་ཤོག བསྙེན་སྒྲུབ་སྔགས་ཀྱི་རྗེས་གནང་བྱིན ཁ་ཊྭཱཾ་ཀ་སྙིང་གར་བཞག་ལ ཧཱུྃ ཕྱག་མཚན་ཐབས་མཆོག་བདེ་བ་ཆེ

(༥༥༣)འུྃ གསུམ་པའི་དབང་གི་ངོ་བོ་ཉིད དགའ་བཞིས་སྦྱངས་པའི་དཔེའི་ཡེ་ཤེས རྣམ་ཐར་གསུམ་ལྡན་ལ་གནས་ཤོག རྩ་སྔགས་མཐར ཛཧཱུྃ་བྃ་ཧོ དྷརྨཱ་དྷཱ་རྟུ་ཨ གྲི་ཐོད་གཏད་ལ ཧཱུྃ གྲི་གུག་གཟུང་འཛིན་རྩ་བ་གཅོད ཐོད་ཁྲག་ཞི་རྒྱས་ཆགས་པའི་ཉམས ལས་བཞི་ལྷུན་གྲུབ་ཕྱག་མཚན་འདིས ཕྲིན་ལས་རྣམ་བཞི་འགྲུབ་པར་ཤོག རྩ་སྔགས་མཐར ཤཱནྟི༚་པུཥྚི༚་པཱ་ཤང་མཱ་ར་ཡ་ཕཊ རྗེས་ཆོག་ཡུམ་ཀའི་དབང་བཞིན་ནོ ས་མ་ཡ རྒྱ་རྒྱ་རྒྱ

(༥༥༤)

(༥༥༥)ཡུམ་ཀའི་གསང་སྒྲུབ་སེང་གེའི་གདོང་ཅན་གྱི་གསོལ་འདེབས་བྱིན་རླབས་ཆར་འབེབས་བཞུགས། ༈ ། ཡུམ་ཀའི་གསང་སྒྲུབ་སེང་གེའི་གདོང་ཅན་གྱི་གསོལ་འདེབས་བྱིན་རླབས་ཆར་འབེབས་ནི། །ཆོས་དབྱིངས་སྤྲོས་པ་བྲལ་བའི་ཞིང་ཁམས་ནས། །ཆོས་སྐུ་ཀུན་ཏུ་བཟང་མོ་ལ་གསོལ་བ་འདེབས། །སྤྲོས་བྲལ་བློ་འདས་རྟོགས་པར་བྱིན་གྱིས་རློབས། །ལྷུན་གྲུབ་འདུས་མ་བྱས་པའི་ཕོ་བྲང་ནས། །ལོངས་སྐུ་རྡོ་རྗེ་ཕག་མོ་ལ་གསོལ་བ་འདེབས། །བདེ་སྟོང་རྒྱུན་ཆད་མེད་པར་བྱིན་གྱིས་རློབས། །འགྲོ་འདུལ་ཐུགས་རྗེ་སྤྲུལ་པའི་གནས་མཆོག་ནས། །སྤྲུལ་སྐུ་སེང་ཧ་མུ་ཁལ་གསོལ་བ་འདེབས། །གཞན་དོན་རླབས་ཆེན་འགྲུབ་པར་བྱིན་གྱིས་རློབས། །དབང་ཡུལ་སྐྱེ་མཆེད་དག་པའི་ཕོ་བྲང་ནས། །རྡོ་རྗེ་ཕྲ་མེན་དྲུག་ལ་གསོལ་བ་འདེབས། །འཁྲུལ་རྟོག་ལྷ་རུ་འཆར་བར་བྱིན་གྱིས་རློབས། །རྟོག་ཚོགས་རང་སར་གྲོལ་བའི་ཕོ་བྲང་ནས། །མཁའ་འགྲོ་སུམ་ཅུ་གཉིས་ལ་གསོལ་བ་འདེབས། །ཉོན་མོངས་རང་ངོར་གྲོལ་བར་བྱིན་གྱིས་རློབས། །ཕྲིན་ལས་མུ་མཐའ་མེད་པའི་ཕོ་བྲང་ནས། །འབུམ་ཕྲག་མཁའ་འགྲོའི་ཚོགས་ལ་གསོལ་བ་འདེབས། །འགྲོ་དོན་རྒྱུན་ཆད་མེད་པར་བྱིན་གྱིས་རློབས། །དྲུག་ལྡན་གསང་ཆེན་རྡོ་རྗེའི་ཕོ་བྲང་

(༥༥༦)ནས། །རིག་འཛིན་འཇིགས་མེད་གླིང་པ་ལ་གསོལ་བ་འདེབས། །ལྷ་ཚོགས་བླ་མར་ཤེས་པར་བྱིན་གྱིས་རློབས། །བཀའ་གཏེར་དག་སྣང་ལྕགས་རི་ལེགས་སྲུང་བའི། །གཏེར་བདག་ཆོས་སྲུང་རྣམས་ལ་གསོལ་བ་འདེབས། །དགྲ་བགེགས་ནས་མཐུས་སྒྲོལ་བར་བྱིན་གྱིས་རློབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །བདག་ཅག་སྒྲུབ་པོའི་སྒོ་གསུམ་གནས་འགྱུར་ནས། །སིངྷ་མུ་ཁའི་གསང་གསུམ་རྡོ་རྗེའི་ཁམས། །མངོན་གྱུར་བསྟན་འགྲོར་ཕན་པའི་མཐུ་ཐོབ་ཤོག །དེ་ལྟར་ཡུམ་ཀའི་གསང་སྒྲུབ་ཀྱི། །གསོལ་འདེབས་བྱིན་རླབས་ཆར་འབེབས་འདི། །རིག་འཛིན་འཇིགས་མེད་གླིང་པ་ཡི། །ཞབས་པད་སྤྱི་བོར་ལེགས་བསྟེན་པ། །འཇིགས་མེད་ཕྲིན་ལས་འོད་ཟེར་གྱིས། །བྲིས་འདི་འགྲོ་ལ་སྨན་གྱུར་ཅིག། །།

(༥༥༧)འུྃ ཀློང་ཆེན་སྙིང་གི་ཐིག་ལེ་ལས ཡུམ་ཀའི་གསང་སྒྲུབ་སེང་གེའི་གདོང་ཅན་བཞུགས

(༥༥༨)འུྃ བདག་ཉིད་ཆེན་པོ་པདྨ་ལ ཚོགས་བརྒྱད་བསྒྲལ་བའི་དུར་ཁྲོད་དུ ཆོས་ཉིད་སྒྲ་དང་ཆོས་ཉིད་ཟེར ཆོས་ཉིད་འོད་ཀྱི་ཀློང་དཀྱིལ་ནས དབྱིངས་ཀྱི་མཁའ་འགྲོས་ཆོས་འདི་གཏད སིནྡྷུ་ར་ཡི་མཎྜལ་ནི ཆོས་འབྱུང་བསྣོལ་མ་པད་འཁོར་ཅན དུར་ཁྲོད་རྡོ་ར་མེ་རིས་བསྐོར ཤེལ་ནི་དཀྱིལ་ཡིན་མེ་ལོང་འཁོར ནང་མཆོད་དམ་རྫས་བཟང་དུ་བཤམས དང་པོ་སྐྱབས་འགྲོ་སེམས་བསྐྱེད་ནི ཧོ ཡིད་ཆོས་རྣམ་དག་ཀུན་བཟང་ཡབ་ཡུམ་ལ སྣང་སྟོང་གཉིས་སུ་མེད་པར་སྐྱབས་སུ་མཆི འགྲོ་ལ་དམིགས་པའི་སྙིང་རྗེ་ཆེན་པོ་དང་ ཆོས་ཉིད་དེ་བཞིན་ཉིད་དུ་སེམས་བསྐྱེད་དོ གཉིས་པ་སྔོན་གཏོར་བྱ་བ་ནི ཧཱུྃ བགེགས་ཞེས་བྱ་བའང་སྡུག་བསྔལ་བདེན་པ་སྟེ བདེ་

(༥༥༩)འུྃ གཤེགས་སྙིང་པོ་རང་བཞིན་མེད་པ་ལ གློ་བུར་རྣམ་རྟོག་ཀུན་འབྱུང་མ་རིག་གདོན གཏོར་མ་ལོང་ལ་རྒྱ་མཚོའི་ཕ་མཐར་དེངས ཧཱུྃ་བཞིའི་སྔགས་བརྗོད གསུམ་པ་སྲུང་འཁོར་ནི ཧཱུྃ སེམས་ལས་སེམས་བྱུང་ཆོས་ཉིད་སྐྱེ་བ་མེད འགགས་མེད་རྩལ་ལས་རྡོ་རྗེའི་ཆོས་བདུན་གྱི སྲུང་བའི་འཁོར་ལོ་ཡོངས་གྲུབ་ཆེན་པོ་ལ གཞན་དབང་ཀུན་བརྟགས་གདོན་གྱིས་གླགས་མི་རྙེད དྷརྨ་དྷཱརྟུ་བཛྲ་རཀྵ བཞི་པ་མཆོད་པ་བྱིན་བརླབ་ནི ཧོ ཆོས་ཅན་ཀུན་རྫོབ་བདེན་པ་མཐའ་དག་ཀུན ཐབས་དང་ཤེས་རབ་ཟུང་འཇུག་འདོད་ཡོན་རྫས སྨན་གཏོར་རཀྟའི་དངོས་པོར་བྱིན་བརླབས་ཤིང་ ཉེར་སྤྱོད་ཀུན་ཏུ་བཟང་པོའི་སྤྲིན་

(༥༦༠)དུ་གྱུར ཨོཾ་རཱུ་པ་ ཤབྟ་ གནྡྷེ་ རཱ་ས་ པརྴེ་ ཨརྒྷཾ་ནས་ཤབྟ་དྷརྨ་དྷཱརྟུ་ཨཱཧཱུྃ ཨོཾ་མ་ཧཱ་པཉྩ་ཨ་མྲྀ་ཏ་ཨཱཧཱུྃ ཨོཾ་མ་ཧཱ་རཀྟ་ཨཱཧཱུྃ ཨོཾ་མ་ཧཱ་བྷ་ལི༚་ཏ་ཨཱཧཱུྃ སྨན་རག་གཏོར་མའི་སྔགས་ཀྱིས་བརླབས ལྔ་པ་རྣམས་བྱང་དང་མཐུན་པའི་ལྷའི་རྣལ་འབྱོར་སྒོམ་པ་ནི ཨཱ སྟོང་པ་ཉིད་དང་མཚན་མ་མེད་པ་དང་ སྨོན་པ་མེད་པའི་ཏིང་འཛིན་རྣམ་གསུམ་ལས རྣམ་ཐར་ཡོངས་རྫོགས་རྡོ་རྗེ་བཙུན་མོའི་མཁའ འོད་སྣང་སྟོང་གཟུགས་ཆོས་འབྱུང་བསྣོལ་མའི་དབུས ཆུ་སྐྱེས་གེ་སར་ཐབས་ཤེས་ཉི་ཟླའི་སྟེང་ སྐྱེ་མེད་རྡོ་རྗེ་ཨ་ཡིག་ཡོངས་གྱུར་ལས སྣང་སྟོང་ལྷུན་གྲུབ་གཞོན་ནུ་བུམ་པའི་སྐུ སྐྱེ་མཆེད་ཡོངས་རྫོགས་རྡོ་རྗེ་བདག་མེད་མ ཆོས་ཉིད་མི་འགྱུར་སྐུ་མདོག་མཐིང་ག་ལ ཁམས་གསུམ་ཟ་བྱེད་སེང་གེའི་གདོང་པ་ཅན ཕྱག་གཡས་གྲི་གུག་འཕྱར་བས་གཟུང་འཛིན་གཅོད གཡོན་པས་ཐོད་ཁྲག་སྐྱེ་ཤིའི་རྩ་བ་འཇོམས མཆན་ཁུང་རྡོ་རྗེ་རྩེ་གསུམ་ཁ་ཊྭཱཾ་ག མཚན་ཉིད་ཡོངས་རྫོགས་ཅང་ཏེའུ་དྲིལ་བུ་འཕྱང་ ཐབས་མཆོག་བདེ་ཆེན་ཡབ་དང་འདུ་འབྲལ་མེད ཞབས་གཉིས་གཡས་བསྐུམས་འཁོར་བའི་སྐྱེ་སྒོ་དགག གཡོན་བརྐྱངས་བདུད་བཞིའི་སྟེང་ན་སྒེག་ཅིང་འགྱིང་ ཕ་རོལ་ཕྱིན་

(༥༦༡)འུྃ དྲུག་རྫོགས་པའི་རུས་རྒྱན་དང་ ཐོད་སྐམ་དབུ་རྒྱན་ཕྱག་རྒྱ་ལྔ་ཡིས་སྤྲས འདུ་བྱེད་ལྔ་བཅུ་དག་པའི་མགོ་ཕྲེང་འཕྱང་ ང་རྒྱལ་རྩད་གཅོད་སེང་གེའི་གཡང་གཞི་གསོལ རྩིབས་དྲུག་མདུན་ནས་རིམ་པས་གཡས་བསྐོར་དུ དབང་ཡུལ་སྐྱེ་མཆེད་དག་པའི་ཕྲ་མེན་དྲུག གཟུགས་ལ་མི་སྤྱོད་ནག་མོ་བྱ་ལོང་གདོང་ སྒྲ་ལ་མི་སྤྱོད་མཐིང་ནག་སྐྱ་གའི་མགོ དྲི་ལ་མི་སྤྱོད་དམར་སེར་དུར་བའི་གདོང་ རོ་ལ་མི་སྤྱོད་ལྗང་ནག་དམུ་བྱའི་མགོ རེག་བྱར་མི་སྤྱོད་ནག་མོ་སོ་བྱའི་གདོང་ ཆོས་དབྱིངས་ནམ་མཁར་སྤྱོད་པའི་བྱ་རྒོད་དཀར ཀུན་ཀྱང་གཟུར་འཛིན་གཅོད་པའི་གྲི་གུག་དང་ ཆགས་སྡང་དབྱིངས་སུ་སྦྱོར་བའི་ཐོད་ཁྲག་འཛིན རྟོག་མེད་རོ་ཡི་གདན་ལ་དོར་སྟབས་འགྱིང་ གཅེར་མོ་རིན་ཆེན་ཕྱག་རྒྱ་ལྔ་ཡིས་བརྒྱན པད་འདབ་རྣམས་ལ་མཁའ་འགྲོ་སོ་གཉིས་དང་ གིང་ལང་དབང་ཕྱུག་བསྟན་མའི་ཚོགས་ཀྱིས་བསྐོར ཕྱག་རྒྱ་བཞི་ལྡན་རྡོ་རྗེ་གསུམ་གྱི་དང་ རང་དབང་རང་ཐོབ་རྡོ་རྗེ་ཕྱེད་པས་མཚན མ་བསྐྱེད་རང་བྱུང་ཡོངས་གྲུབ་ཆེན་པོར་གསལ དྲུག་པ་སྤྱན་འདྲེན་ནི ཧཱུྃ དེ་བཞིན་ཉིད་དབྱིངས་སྤྲོས་བྲལ་ཆེན་པོ་ལ གཤེགས་བྱོན་བཞུགས་སུ་

(༥༦༢)གསོལ་བ་མི་དམིགས་ཀྱང་ ཐུགས་རྗེའི་སྣང་ཆ་གཟུགས་སྐུར་རོལ་པ་ལས དམ་ཡེ་གཉིས་མེད་ཆེན་པོར་གཤེགས་སུ་གསོལ ཨོཾ་སེང་ཧ་མུ་ཁ་ཧཱུྃ་ཧ་ཧེ་ཕཊ་ཛ བདུན་པ་བཞུགས་གསོལ་ནི ཧཱུྃ གདོད་ནས་དམ་ཚིག་ཡེ་ཤེས་གཉིས་མེད་ཀྱང་ གློ་བུར་བློ་ཡི་དག་བྱ་སྦྱང་བྱའི་ཕྱིར གསལ་སྣང་ལྷ་སྐུར་རྫོགས་པའི་བསམ་གཏན་ལ ལྷག་མཐོང་གསལ་བའི་ཡེ་ཤེས་བརྟན་པར་བཞུགས བཛྲ་ས་མ་ཡ་ཏིཥྛ་སྭཱ་ཧཱ བརྒྱད་པ་ཕྱག་འཚལ་བ་ནི ཧཱུྃ སྐྱེ་མེད་ཆོས་སྐུའི་ངང་ལས་འགག་མེད་རྩལ ལོངས་སྤྱོད་རྫོགས་མཛད་མཁའ་འགྲོ་སེང་གེའི་གདོང་ ང་རྒྱལ་གཟུགས་ཀྱིས་ངར་འཛིན་འཇོམས་མ་ལ མངོན་སུམ་བལྟ་བ་མཇལ་བའི་ཕྱག་བགྱིའོ ཨ་ཏི་པུ་ཧོ པྲ་ཏཱིཙྪ་ཧོ དགུ་པ་མཆོད་པ་ནི ཧོ གཟུགས་སྣང་ལྷར་རྫོགས་མཆོད་པའི་ཕྱག་རྒྱ་ཆེ སྒྲ་གྲགས་བཟླས་བརྗོད་རྡོ་རྗེའི་རོལ་མོར་འཁྲོལ དྲི་མཆོག་ཚུལ་ཁྲིམས་སྤོས་ཀྱི་གླང་པོའི་ངད རོ་དྲུག་ཚོགས་ཀྱི་འཁོར་ལོའི་འདོད་ཡོན་ཅན རེག་བྱ་རྡོ་རྗེ་བདེ་ཆེན་དབྱིངས་ལ་སྤྱོད ཆོས་ཀྱི་འབྱུང་གནས་རྡོ་རྗེ་བཙུན་མོའི་མཁའ ཨེ་ཝཾ་ཟུང་འཇུག་སྨན་གཏོར་རཀྟ་དང་ བྱང་ཆུབ་སེམས་ཀྱི་འོད་ཟེར་ཀུན་བཟང་སྤྲིན བླང་དོར་

(༥༦༣)འུྃ མེད་པའི་དགྱེས་མཆོད་ཆེན་པོར་བཞེས ཤྲཱི་བཛྲ་སེང་ཧ་མུ་ཁ་རཱུ་པ ཤབྟ་གྷནྡྷེ་རཱ་ས་བརྴེ་ཨརྒྷཾ་པཱ་དྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནེ་ཝི་ཏྱ་ཤབྟ་སརྦ་པཉྩ་རཀྟ་བྷ་ལི༚་ཏ་དྷརྨ་དྷཱརྟུ་ཧོ བཅུ་པ་བསྟོད་པ་ནི ཧཱུྃ བདེ་བའི་བདག་ཉིད་སྣ་ཚོགས་གཟུགས་ཅན་ལ བདག་མེད་སེང་གེའི་སྒྲ་ཡིས་བདག་འཛིན་འཇོམས ཡིད་དང་ཆོས་སུ་འཛིན་པའི་བྱ་བྱེད་ཀུན རྣམ་ཀུན་མཆོག་ལྡན་དབྱིངས་སུ་སྦྱོར་ལ་བསྟོད སྣང་སྟོང་དབྱེར་མེད་ནམ་མཁའི་རྡོ་རྗེ་ཅན ཆགས་སྡང་དབྱིངས་སུ་སྦྱོར་བའི་གྲི་ཐོད་འཛིན སྐྱེ་མཆེད་རྩ་བ་གཅོད་པའི་ཁ་ཊྭཱཾ་ཀ ཐབས་མཆོག་ཡབ་དང་འདུ་འབྲལ་མེད་ལ་བསྟོད ཀུན་འབྱུང་འཁོར་བའི་རྒྱུ་འབྲས་རྣམ་ཤེས་ཚོགས ཡུལ་དང་ཡུལ་ཅན་གཉིས་མེད་བདེ་ཆེན་ཀློང་ སྦྱོར་མཛད་ཡེ་ཤེས་དབྱིངས་ཀྱི་ཕྲ་མེན་དྲུག གནས་ཡུལ་ཉེར་བཞིའི་བདག་ཉིད་ཀུན་ལ་བསྟོད བཅུ་གཅིག་པ་འཛབ་ཀྱི་དགོངས་པ་ནི གཙོ་ལ་སེམས་བཟུང་བསྙེན་པ་སྟེ གཙོ་འཁོར་ཡོངས་རྫོགས་ཉེ་བསྙེན་ནོ བཟླས་བརྗོད་བརྩོན་པ་སྒྲུབ་པ་སྟེ འོད་ཟེར་སྤྲོ་བསྡུ་སྒྲུབ་ཆེན་པོ ཐུགས་ཀར་ཉི་གདན་ཧཱུྃ་གི་མཐར བསྙེན་སྔགས་སྤུ་ཤད་ལྟ་བུས་བསྐོར ཨོཾ་བཛྲ་སེངྷ་

(༥༦༤)མུ་ཁ་ཧཱུྃ་ཧ་ཧེ་ཕཊ ལས་རུང་འབྲུ་འབུམ་དུས་བསྙེན་བཞི སྒྲུབ་སྔགས་མགལ་མེའི་འཁོར་ལོ་བཞིན གཡོན་བསྐོར་མེ་སྟག་འཕྲོ་བར་སྒོམ ཨཀསམརཙཤདརསམརཡཕཊ འོད་ཟེར་ཕར་འཕྲོས་རྒྱལ་བ་མཆོད བྱིན་རླབས་དངོས་གྲུབ་ཚུར་ལ་བསྡུ སླར་འཕྲོས་འགྲོ་བའི་ལས་ཉོན་སྦྱངས ཡུལ་དྲུག་རང་གར་འཛིན་པའི་དགྲ ཡུལ་ཅན་རྣམ་པར་རྟོག་པའི་བགེགས དག་པའི་སྣོད་བཅུད་ཆེན་པོར་སྦྱངས གྲངས་དུས་བསྙེན་པ་གོང་བཞིན་ལ མཚན་མའི་བསྙེན་པ་རྟགས་མཐོང་སྟེ སྨིན་པ་རིགས་འཛིན་རྣམ་བཞི་ལའོ རྗེས་ཆོག་ཡུམ་ཀའི་གཞུང་ལྟར་ལས རྗེས་ཀྱི་རིམ་པ་ཚོགས་སྐོང་ནི བསོད་ནམས་ནང་ནས་ཚོགས་འཁོར་མཆོག མཁའ་འགྲོ་འདུ་བའི་དམ་ཚིག་རྫས ནང་མཆོད་ཁྱད་པར་བཟང་དུ་བཤམས ཧོ བདེ་བ་ཆེན་པོའི་སྣོད་མཆོག་ཏུ ཚོགས་ཀྱི་འཁོར་ལོའི་ལོངས་སྤྱོད་ནི བླང་དོར་མེད་པའི་དམ་ཚིག་རྫས ཨོཾ་ཨཱཧཱུྃ་གིས་བདུད་རྩིར་བསྒྱུར ཚོགས་ཕུད་རིམ་པ་གསུམ་དུ་སྤྲོ ཧཱུྃ འོག་མིན་གནས་དང་མཁའ་སྤྱོད་ཞིང་ དཔའ་བོ་མཁའ་འགྲོ་འདུ་བའི་གནས ཉི་ཤུ་རྩ་བཞི་སྤྲུལ་པའི་ཡུལ ནང་ལྟར་རྡོ་རྗེ་ཕུང་པོའི་གྲོང་ སྤྱི་བོ་ཛ་ལནྡྷ་ར་དང་ སྨིན་མཚམས་པུལླཱི་ར་མ་ལ ལྟག་པའི་རྩ་

(༥༦༥)འུྃ ཁམས་ཡརྦུ་ཏ མཛོད་སྤུ་རཱ་མེ་ཤ་རཱ་དང་ རྣམ་གཡས་པ་ཨོ་རྒྱན་ཡུལ གཡོན་པ་གོ་དྷཱ་ཝ་རཱའི་ཞིང་ མིག་གཉིས་དེ་ཝཱི་ཀོ་ཊཱ་དང་ ཕྲག་བ་མཱ་ལ་ཝ་བརྒྱད་ན བཞུགས་པའི་དཔའ་བོ་རྣལ་འབྱོར་མ མཁའ་འགྲོ་དང་ནི་མཁའ་འགྲོ་མ ཚོགས་ཀྱི་འདུ་བར་གཤེགས་སུ་གསོལ དབུ་སྐྲ་ཐོར་ཚུགས་ལྡེམས་སེ་ལྡེམ ལྕང་ལོའི་ཟར་བུ་ཏ་ལ་ལ སྙན་ཆ་གདུ་བུ་ཀྱི་ལི་ལི རུས་རྒྱན་གཡེར་ཁ་ཁྲོ་ལོ་ལོ ཅང་ཏེའུ་དྲིལ་བུའི་སྒྲ་དང་བཅས རྡོ་རྗེའི་གླུ་དང་གར་ལ་རོལ འདོད་ཡོན་ལོངས་སྤྱོད་ཚོགས་སུ་འབུལ དམ་ཚིག་ཉམས་པ་མཐོལ་ལོ་བཤགས ཕྱི་ནང་བར་གཅོད་དབྱིངས་སུ་སྒྲོལ མཆོག་དང་ཐུན་མོང་དངོས་གྲུབ་སྩོལ ལོངས་སྤྱོད་འཁོར་ལོ་ལ་པཱ་ཀ མཚན་དང་མཁལ་་ཁུང་ཀ་མ་རུ ནུ་མ་གཉིས་ནི་ཨོ་ཊི་སྟེ ལྟེ་བ་ཏྲི་ཤ་ཀུ་ནའི་གྲོང་ སྣ་ཡི་རྩེ་མོ་ཀོ་ས་ལ ཡ་རྐན་ཀ་ལིང་ཀ་ཡི་ཡུལ སྙིང་ག་ཀཉྩི་ཀ་དང་ནི ཧི་མཱ་ལ་ཡི་གྲོང་ཁྱེར་ན བཞུགས་པའི་དཔའ་བོ་རྣལ་འབྱོར་མ མཁའ་འགྲོ་དང་ནི་མཁའ་འགྲོ་མ ཚོགས་ཀྱི་འདུ་བར་གཤེགས་སུ་གསོལ དབུ་སྐྲ་ཐོར་ཚུགས་ལྡེམས་སེ་ལྡེམ ལྕང་ལོའི་ཟར་བུ་ཏ་ལ་ལ སྙན་ཆ་གདུ་བུ་ཀྱི་ལི་ལི རུས་རྒྱན་གཡེར་ཁ་ཁྲོ་

(༥༦༦)ལོ་ལོ ཅང་ཏེའུ་དྲིལ་བུའི་སྒྲ་དང་བཅས རྡོ་རྗེའི་གླུ་དང་གར་ལ་རོལ འདོད་ཡོན་ལོངས་སྤྱོད་ཚོགས་སུ་འབུལ དམ་ཚིག་ཉམས་པ་མཐོལ་ལོ་བཤགས ཕྱི་ནང་བར་གཅོད་དབྱིངས་སུ་སྒྲོལ མཆོག་དང་ཐུན་མོང་དངོས་གྲུབ་སྩོལ མཚན་མ་པྲེ་ཏ་པུ་རིའི་ཞིང་ བཤད་ལམ་གྲྀ་ཧ་དེ་བའི་ཡུལ མཐེ་བོང་མ་རོ་བརླ་རཱཥྚ བྱིན་པ་སུ་ཝརྞ་དྭཱི་པ སོར་མོ་བཅུ་དྲུག་ནཱ་ག་ར པུས་མོ་ཀུ་ལནྟཱ་དང་ནི བོལ་གོང་སིནྡྷུའི་གྲོང་ཁྱེར་ན བཞུགས་པའི་དཔའ་བོ་རྣལ་འབྱོར་མ མཁའ་འགྲོ་དང་ནི་མཁའ་འགྲོ་མ ཚོགས་ཀྱི་འདུ་བར་གཤེགས་སུ་གསོལ དབུ་སྐྲ་ཐོར་ཚུགས་ལྡེམས་སེ་ལྡེམ ལྕང་ལོའི་ཟར་བུ་ཏ་ལ་ལ སྙན་ཆ་གདུ་བུ་ཀྱི་ལི་ལི རུས་རྒྱན་གཡེར་ཁ་ཁྲོ་ལོ་ལོ ཅང་ཏེའུ་དྲིལ་བུའི་སྒྲ་དང་བཅས རྡོ་རྗེའི་གླུ་དང་གར་ལ་རོལ འདོད་ཡོན་ལོངས་སྤྱོད་ཚོགས་སུ་འབུལ དམ་ཚིག་ཉམས་པ་མཐོལ་ལོ་བཤགས། ཕྱི་ནང་བར་གཅོད་དབྱིངས་སུ་སྒྲོལ མཆོག་དང་ཐུན་མོང་དངོས་གྲུབ་སྩོལ ཚོགས་སྐོང་སྦྲེལ་མ་བྱེད་ན ཧོ ཡེ་ཤེས་མཁའ་འགྲོའི་ལྷ་ཚོགས་དགོངས་སུ་གསོལ འདོད་ཆགས་ཞེ་སྡང་གཏི་མུག་དབང་གྱུར་པས ལུས་ངག་སེམས་ཀྱི་སྡིག་སྤྱོད་མཐོལ་ཞིང་བཤགས

(༥༦༧)འུྃ ཐེག་པ་དམན་པའི་དབང་དུ་གྱུར་པས་ན ཡང་དག་དོན་མ་རྟོག་པ་མཐོལ་ལོ་བཤགས སྙིང་རྗེ་ཆུང་ཞིང་ཞེ་སྡང་དབང་གྱུར་པས འགྲོ་བའི་དོན་མ་བགྱིས་པ་མཐོལ་ཞིང་བཤགས ལེ་ལོ་གཉིད་ཀྱི་དབང་དུ་གྱུར་པ་ཡིས སྒོམ་དང་སྒྲུབ་པ་གཡེལ་བ་མཐོལ་ཞིང་བཤགས སེར་སྣ་འཇུར་གེགས་དབང་དུ་གྱུར་པས་ན མཆོད་པ་ལོ་ཟླར་འདས་པ་མཐོལ་ཞིང་བཤགས ང་རྒྱལ་ཁེངས་སེམས་དབང་དུ་གྱུར་པས་ན བླ་མའི་སྐུ་གསུང་ཐུགས་དང་འགལ་བ་བཤགས བརྩེ་གདུང་ཆུང་བའི་དབང་དུ་གྱུར་པས་ན གྲོགས་མཆེད་ཐུགས་དང་འགལ་བ་མཐོལ་ཞིང་བཤགས ཟླ་གྲོགས་ངན་པའི་དབང་དུ་གྱུར་པས་ན ཕུད་དང་ལྷག་མར་གྱུར་པ་མཐོལ་ཞིང་བཤགས ཕུད་དང་ལྷག་མ་ཉམས་པའི་སྐྱོན་དབང་གིས ཕུད་ཉུལ་ཐུགས་དང་འགལ་བ་མཐོལ་ཞིང་བཤགས ཕུད་ཉུལ་ཐུགས་དང་འགལ་བའི་སྐྱོན་དབང་གིས མཁའ་འགྲོའི་བཀའ་ཆད་གནས་གྱུར་མཐོལ་ལོ་བཤགས སྒྲོལ་བའི་དུས་ན་སྙིང་རྗེ་ཆུང་བ་ཡིས སེམས་ཅན་གནས་མ་སྟོབས་པ་མཐོལ་ལོ་བཤགས ཉོན་མོངས་གནས་མ་སྟོབས་པའི་སྐྱོན་དབང་གིས ཡུན་གྱི་སྒྲིབ་པར་གྱུར་པ་མཐོལ་ལོ་བཤགས

(༥༦༨)སྦྱོར་བའི་དུས་སུ་ཏིང་འཛིན་མ་གསལ་བས གཟུངས་མའི་ཐུགས་དང་འགལ་བ་བཟོད་པར་གསོལ གཟུངས་མའི་ཐུགས་དང་འགལ་བའི་སྐྱོན་དབང་གིས ཆགས་ཤིང་འཁོར་བར་སྐྱེ་བ་མཐོལ་ལོ་བཤགས བཤགས་ནས་སྐུ་གསུང་ཐུགས་ཀྱི་དངོས་གྲུབ་སྩོལ ཞེས་སྙིང་ཐག་པ་ནས་བཤགས་ན་དམ་ཚིག་ཉམས་ཆག་སོར་ཆུད་པར་འགྱུར་རོ དེ་ནས་ལྷག་མ་ནི་ཁ་ཕྲུས་བཏབ་ལ ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨ་དྱ་ནུཏྤནྣ་ཏྭ་ཏ་ཨོཾ་ཨཱཧཱུྃ་ཕཊ་སྭཱ་ཧཱ ཕཻཾ ལྟག་ལ་དབང་བའི་བཀའ་ཉན་ནི མཁའ་འགྲོ་སུམ་ཅུ་རྩ་གཉིས་དང་ གིང་ཆེན་ཁྱོ་ཤུགས་ལངྐ་འབུམ ཕོ་ཉ་སུམ་བརྒྱ་དྲུག་ཅུའི་སྡེ མགྱོགས་མ་བཞི་དང་འབར་མ་བརྒྱད མ་མོ་བདུན་དང་སྲིང་མོ་བཞི ཤུག་འགྲོ་གནས་ཉུལ་ཕྲ་མེན་རྣམས ལྷག་ལ་གདུང་ཞིང་ཚོགས་ཁང་འགྲིམ ཕམ་ཕབ་བཟང་པོ་འདི་བཞེས་ལ མི་མཐུན་རྐྱེན་ངན་བར་ཆད་སོལ བཅོལ་པའི་ཕྲིན་ལས་འགྲུབ་པར་མཛོད ཅེས་ཕྱི་རོལ་དུ་དོར ཐུགས་དམ་བསྐུལ་བ་ནི ཧཱུྃ བཞེངས་ཤིག་མཁའ་འགྲོ་འདུས་པའི་ལྷ ཆོས་ཀྱི་དབྱིངས་ནས་སྐུར་བཞེངས་ལ བྱང་ཆུབ་བསྒྲུབ་པའི་བར་ཆད་ཐུལ སྣོད་བཅུད་འབྱུང་བའི་རྒུད་པ་སོལ རྩ་རླུང་དབང་ཐང་ཉམས་པ་གསོས

(༥༦༩)འུྃ སྒྲུབ་པའི་འབྲས་བུ་མཆིས་པར་མཛོད ཆད་ཐོ་བྱ་བ་ནི ཧཱུྃ དུས་གསུམ་ལས་འདས་ཀུན་ཏུ་བཟང་ རང་བཞིན་རྣམ་དག་འོག་མིན་དུ གདན་གསུམ་ཚང་བའི་སྟོན་འཁོར་གྱིས གསང་ཆེན་རྡོ་རྗེའི་ཆོས་འཁོར་བསྐོར དངོས་འཛིན་དག་པའི་ལྷག་ནས་གསུམ རྒྱུད་སྡེ་འབྱུང་བའི་གནས་སུ་བསྟན སྔགས་ནི་ལས་ཅན་སྤྲུལ་པའི་དོར རང་བཞིན་ཉིད་དུ་འབྱུང་བའི་ཚེ སྒྲགས་མདའ་མཚོ་རྒྱལ་བླ་མཚོ་རུ དཔལ་ལྡན་རང་བྱུང་རྡོ་རྗེའི་རྒྱུད གནས་གསུམ་མཁའ་འགྲོས་བྱིན་བརླབས་ཤིང་ སྲེད་ལེན་མེད་པའི་བརྡ་ཡིག་ལས འཛད་མེད་གཏེར་གྱི་སྒོ་ཕྱེ་ཚེ འཁྲུལ་པ་གཞི་ལ་དག་པ་ཡི རྟེན་འབྲེལ་བཞིན་དུ་ཕྲིན་ལས་མཛོད བསྟན་མ་སྐྱོང་བ་ནི ཧཱུྃ དཔལ་གྱི་བཀའ་ཉན་བོད་ཁམས་སྐྱོང་ མ་སྲིང་བསྟན་མ་བཅུ་གཉིས་རྣམས འདིར་སྦྱོན་གཏོར་མའི་བཤལ་ཆུ་བཞེས བཅོལ་བའི་ཕྲིན་ལས་འགྲུབ་པར་མཛོད རྟ་བྲོ་བྱ་བ་ནི ཧཱུྃ ཡེ་ཤེས་མཁའ་འགྲོའི་དཀྱིལ་འཁོར་འདིར ལོག་པར་འདྲེན་པའི་དམ་སྲི་ཀུན མནན་ནོ་ཐེག་པ་རིམ་དགུའི་རྒྱ ནམ་ཡང་ལྡང་བར་མ་གྱུར་ཅིག སྟྭཾ་བྷ་ཡ་ནན དེ་ནས་མཆོད་ཅིང་བསྟོད་ལ དངོས་གྲུབ་བླང་བ་ནི ཧོ མཁའ་

(༥༧༠)འགྲོ་སྒྲུབ་པའི་དམ་ཚིག་ད་ནངས་ཐེམས དངོས་གྲུབ་སྩོལ་བའི་དུས་ལ་དབབ་ན མི་གནས་ཡེ་ཤེས་ཐུགས་ཀྱི་དཀྱིལ་འཁོར་ནས སྐུ་གསུང་ཐུགས་དང་མཉམ་སྦྱོར་དབང་བཅུའི་སྟོབས ད་ལྟ་ཉིད་དུ་བདག་ལ་སྩལ་དུ་གསོལ ཨོཾ་བཛྲ་སེང་ཧ་མུ་ཁ་ཧཱུྃ་ཧ་ཧེ་ཕཊ་བཛྲ་ཀཱ་ཡ་ཝཱཀྐཱ་ཙིཏྟ་སརྦ་སིདྡྷི་ཕ་ལ་ཧོ སྒྲུབ་རྫས་གནས་གསུམ་དུ་གཏུགས་ཤིང་མྱོང་ ནོངས་པ་བཤགས་པ་ནི ཧཱུྃ ཡེ་ཤེས་མཁའ་འགྲོའི་དཀྱིལ་འཁོར་དུ མཆོད་རྫས་མ་ཚང་སྒྲུབ་པ་གཡེལ ཏིང་འཛིན་བྱིང་རྨུགས་འཐབ་ལ་སོགས འགལ་འཁྲུལ་ནོངས་པ་བཟོད་པར་གསོལ ཨོཾ་བཛྲ་སཏྭ་ས་མ་ཡ སོགས་བརྗོད རྫོགས་རིམ་ནི ཧོ ཆུ་ལས་ཆུ་བུར་རྡོལ་བ་བཞིན རང་ལས་སྤྲུལ་པའི་དཀྱིལ་འཁོར་ལྷ ཡེ་ཤེས་དབྱིངས་སུ་བཛྲ་མུ རྗེས་ཐོབ་སྒྱུ་མའི་ལྷ་སྐུར་ལྡང་ བསྔོ་བ་ནི ཧོ མཁའ་འགྲོ་མ་ཡི་དཀྱིལ་འཁོར་དུ བསྐྱེད་རྫོགས་བཟླས་བརྗོད་བགྱིས་པ་ཡི དགེ་བའི་རྩ་བ་གང་ལགས་པ འགྲོ་ཀུན་སངས་རྒྱས་ཐོབ་ཕྱིར་བསྔོ སྨོན་ལམ་ནི ཧོ སྣང་སྲིད་ཐམས་ཅད་དག་པ་མཁའ་སྤྱོད་ཞིང་ བདེ་ཆེན་འགྱུར་མེད་རྡོ་རྗེ་རྣལ་འབྱོར་མ རྣམ་ཀུན་མཆོག་ལྡན་དོན་གྱི་ཕག་མོ་དང་ རང་ཞལ་མཇལ་ཏེ་མངོན་པར་བྱང་ཆུབ་ཤོག

(༥༧༡)འུྃ བཀྲ་ཤིས་ནི ཧོ རིག་འཛིན་བརྒྱུད་པའི་བྱིན་རླབས་དང་ དཀོན་མཆོག་གསུམ་གྱི་བདེན་པ་དང་ གསང་སྔགས་ཟབ་མོའི་རྟེན་འབྲེལ་གྱིས འཇིགས་བརྒྱད་ཞི་བའི་བཀྲ་ཤིས་ཤོག ཚེ་བསོད་རྒྱས་པའི་བཀྲ་ཤིས་ཤོག སྣང་བ་དབང་འདུས་བཀྲ་ཤིས་ཤོག ལོག་འདྲེན་ཚར་གཅོད་བཀྲ་ཤིས་ཤོག སྣང་ཞེན་ལྷ་སྐུའི་ཕྱག་རྒྱར་རྫོགས སྒྲར་གྲགས་བདེ་ཆེན་སྔགས་སུ་དག དྲན་རྟོག་འོད་གསལ་ཆོས་སྐུར་སྨིན འཇའ་ལུས་ཟང་ཐལ་བཀྲ་ཤིས་ཤོག གཞན་ཡང་བཀྲ་ཤིས་གང་རྒྱས་བྱའོ གསང་སྒྲུབ་སེང་གེའི་གདོང་ཅན་འདི ཤིན་ཏུ་ཟབ་ཕྱིར་གུད་དུ་སྦས རྣམ་བཅས་འཕུར་འགྲོའི་བརྡ་རིས་ལས རྒྱལ་རིག་གང་ཟག་བརྒྱུད་པ་རྫོགས ས་མ་ཡ རྒྱ་རྒྱ་རྒྱ ཟབ་རྒྱ གསང་རྒྱ ཤོག་སེར་བྱ་ཁྲའི་གཟུགས་བརྙན་ལ་བརྡ་ཡིག་བྲིས་པ་ཞིག་ལས་ཕབ་བའོ

(༥༧༢)

(༥༧༣)ཡུམ་ཀའི་གསང་སྒྲུབ་སེང་གེའི་གདོང་ཅན་གྱི་བསྙེན་ཡིག་དངོས་གྲུབ་རྒྱ་མཚོའི་འཇུག་ངོགས་བཞུགས། ༅། བླ་མ་དང་རྒྱལ་ཡུམ་རྡོ་རྗེ་དབྱིངས་ཀྱི་དབང་ཕྱུག་མ་ལ་ཕྱག་འཚལ་ལོ། གདོད་མའི་མགོན་པོ་ཀློང་ཆེན་སྒྱུ་མའི་འཕྲུལ། །ནམ་མཁའི་རྣལ་འབྱོར་ཆེན་པོ་ཐིག་ལེའི་གཟུགས། །རོ་གཅིག་དོན་དམ་བདེ་བའི་རང་ཞལ་མཆོག །སྙིང་དབུས་མི་ཤིགས་རྡོ་རྗེའི་ཆོས་སུ་བསྟེན། །འདིར་རིག་འཛིན་ཡུམ་ཀའི་གསང་སྒྲུབ་སེང་གེའི་གདོང་ཅན་གྱི་བསྙེན་སྒྲུབ་ལ་འཇུག་པར་འདོད་པས་འགལ་རྐྱེན་མེད་པའི་གནས་སུ་བསྒྲུབ་པའི་གཞི་བཟུང་བའི་སྔོན་རོལ་དུ་གཞི་དེའི་གཉུག་མར་གནས་པ་ལ་གྲུབ་ན་ཆ་གསུམ་དང་། མིན་ནའང་གཏོར་མ་གསེར་སྐྱེམས་དང་བཅས་པ་བཤམས་པ་ཨ་ཀཱ་རོས་བསྔོས་ལ། མཆོད་སྦྱིན་གཏོར་མ་འདི་བཞེས་ལ། སོགས་པས་བཀའ་བསྒོས་ཤིང་ཕྲིན་ལས་བཅོལ། སྟེགས་གཙང་མའི་ཁར་མེ་ལོང་ལ་བདུད་རྩི་ལྔ་དང་ཆང་གིས་སྤགས་པའི་སིནྡྷུ་རའི་དཀྱིལ་འཁོར་དབུས་སུ་ཆོས་འབྱུང་བསྣོལ་མ་དང་། དེའི་མཐར་པད་འདབ་སོ་གཉིས་དུར་ཁྲོད་རྡོར་མེ་རིས་བསྐོར་བའི་དབུས་སུ་ཤེལ་རྡོ་བཙུགས་པ་བཀོད། མ་གྲུབ་ན་གཏོར་མ་གཅིག་པོས་ཀྱང་རུང་། མཐའ་སྐོར་དུ་སྨན་གཏོར་རཀྟ་ཉེར་སྤྱོད་རྣམས་བཤམ། སྟན་བདེ་བ་ལ་འདུག་སྟེ་ཐུན་མོང་གི་སྔོན་འགྲོས་རྒྱུད་སྤྱང་བ་དང་། བླ་མའི་རྣལ་འབྱོར་དབང་བཞི་ལེན་པ་དང་བཅས་པས་གསོལ་བ་གདབ། དེ་ནས་ཐུན་མོང་མ་ཡིན་པའི་སྐྱབས་འགྲོ་སེམས་བསྐྱེད་རྣམས་ཚིག་དོན་ལ་ཡིད་གཞོལ་བས་བྱ། བགེགས་

(༥༧༤)གཏོར་ཕྱི་རོལ་དུ་དོར་ཏེ་རྒྱལ་ཐོ་བཙུགས་ལ་རྒྱལ་ཆེན་སྡེ་བཞི་དཔལ་མགོན་བདུན་ཅུའི་དཔུང་དང་བཅས་པ་གསལ་བ་ལ་གཏོར་མ་བཤམས་པ་བསྔོས་ཏེ་བར་གཅོད་བསྲུང་བའི་ཕྲིན་ལས་བཅོལ། བརྟན་བཞུགས་བྱ། དེ་ནས་བཟུང་སྟེ་ཕྱི་ནང་རྒྱུ་འགྲུལ་སོགས་མཚམས་དམ་དུ་བཅད། ནང་དུ་ལོག་ནས་སྲུང་འཁོར་ལེགས་པར་སྒོམ། དེ་ནས་གནས་ཡོ་བྱིན་འབེབས་མཆོད་རྫས་རློབ་པ་རྣམས་དམིགས་འདོན་ཟུང་དུ་འཇུག་པར་བྱ། བསྐྱེད་རིམ་ལ་བབ་པ་ན། ཆོས་ཐམས་ཅད་མ་བསྐྱེད་ཡེ་ནས་རྫོགས་པ་རྣམ་བྱང་ཆེན་པོའི་བསྐྱེད་རིམ་དུ་ལྡང་བ་ནི། ཨ སྟོང་པ་ཉིད་དང་ལ་སོགས་པའི་ཚིག་དོན་གྱིས་གསལ་གདབ་པ་སྟེ། འདི་ལྟར་སྣང་སྲིད་དག་པ་རབ་འབྱམས་ཀུན་ཏུ་བཟང་མོ་རྡོ་རྗེ་བཙུན་མོའི་མཁའ་ཀློང་རྣམ་ཐར་གསུམ་ལྡན་གྱི་ངོ་བོ་རྣམ་པ་བདེ་ཆེན་ཆོས་ཀྱི་འབྱུང་གནས་གཞི་ལམ་འབྲས་བུའི་ངོ་བོར་རྫོགས་པ་ཨེ་ཀློང་བསྣོལ་མ་ཕྱི་འཁོར་པད་འདབ་སོ་གཉིས་སྲུང་བའི་འཁོར་ལོ་དང་བཅས་པ་གསལ་བའི་དབུས་ཡིད་དང་ཆོས་སུ་རྟོགས་པའི་སྣང་ཆ་ཐམས་ཅད་གདོད་ནས་ལྷའི་རང་བཞིན་རྡོ་རྗེ་བདག་མེད་སེང་གེའི་གདོང་བ་ཅན་ཕྱག་རྒྱ་རྟགས་ཀྱི་ལྷ་སྐུའི་ངོ་བོ་རྣམ་པ་ཉི་ཤུས་བྱང་ཆུབ་པའི་སྐུ་གདན་དང་བཅས་པ་གསལ་ཞིང་། དེ་ཡང་ལྷར་སྣང་ཕྱག་ཆེན། རྒྱན་དྲུག་ཆོས་རྒྱ། ཕྱག་རྒྱ་ལྡང་མ་རྒྱ། ཕྱག་མཚན་ལས་རྒྱ་སྟེ་ཕྱག་རྒྱ་བཞི་ལྡན་དང་། ཆོས་འབྱུང་གི་ཟུར་དྲུག་ལ་དབང་ཡུལ་སྐྱེ་མཆེད་གནས་སུ་དག་པའི་ཕྲ་མེན་ནག་མོ་བྱ་ལོང་གདོང་ཅན་ལ་སོགས་པ་དྲུག། ཕྱི་འཁོར་

(༥༧༥)གྱི་པད་འདབ་ལ་མཁའ་འགྲོ་འཇོམས་བྱེད་མ་ལ་སོགས་པའི་མཁའ་འགྲོ་སོ་གཉིས་དང་ཞིང་སྐྱོང་བའི་གིང་དང་ལངྐ་དབང་ཕྱུག་ཉེར་བརྒྱད་བརྟན་མའི་ཚོགས་དང་བཅས་པ་རྣམས་ནི་མ་བསྐྱེད་རང་བཞིན་ཡོངས་གྲུབ་ཆེན་པོའི་དཀྱིལ་འཁོར་དམ་ཡེ་གཉིས་མེད་ཆེན་པོར་གསལ་བཏབ་སྟེ་རྣམ་པ་འཇིག་རྟེན་གྱི་སྲི་ཞུ་དང་སྒོ་བསྟུན་པའི་སྤྱན་འདྲེན་མཆོད་བསྟོད་རྣམས་ཚིག་ཕྱིར་ཡིད་ཕྱོགས་པར་བྱ། དེ་ནས་བཟླས་པ་ལ་འཇུག་པ་ཛྲབ་དགོངས་ནི། གཙོ་བོའི་ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་མཐིང་ནག་དེའི་མཐར་བཛྲ་སེང་ཧ་མུ་ཁའི་བསྙེན་སྔགས་ཡིག་འབྲུ་བཅུ་གཅིག་པའི་སྔགས་ཕྲེང་གཡས་སུ་འཁོར་བར་བསམས་ལ་བཟླས་པ་བྱ། དེ་ཡང་ལས་དང་པོ་བ་རྣམས་ཀྱིས་ལྷ་སྐུའི་རྣམ་པ་ཐམས་ཅད་པ་ཅིག་ཅར་ཡིད་ཡུལ་དུ་མི་ལྷོངས་པས་ཐོག་མར་གཙོ་བོའི་རྣམ་པ་གསལ་བར་སྒོམ། དེ་ཡང་མི་བདེན་བྲིས་སྐུ་སོགས་ལ་བལྟས་ཏེ་དེ་ཡིད་ཡུལ་དུ་ལོངས་པ་དང་རྣམ་པ་གསལ་བ་ལ་བསླབ། དེ་ལ་ཅུང་ཟད་གོམས་པ་བརྟེན་ནས་རིམ་བཞིན་འཁོར་རྣམས་ཀྱང་གསལ་བར་བསྒོམ། ཕྱི་འཁོར་པད་འདབ་ཀྱི་ལྷ་གཞུང་དུ་མངོན་རྟོགས་མི་གསལ་བ་རྣམས་ནི་སྐུ་མདོག་དང་ཕྱག་མཚན་གཅིག་ཏུ་མ་ངེས་ཤིང་རྣམ་པར་འགྱུར་བའི་ཆ་ལུགས་ཅན་མེ་ལོང་ནང་གི་གཟུགས་བརྙན་ལྟ་བུར་གསལ་ལ་འགོག་བཟླས་དང་ཤུབ་བུ་སྤེལ་བའི་བཟླས་པ་བྱ། རེས་འགའ་ཐུགས་

(༥༧༦)ཀའི་སྔགས་ཕྲེང་ལས་འོད་ཟེར་མུ་མཐའ་མེད་པར་འཕྲོས་ཕྱོགས་བཅུའི་རྒྱལ་བ་ཐམས་ཅད་མཆོད། །སྐུ་གསུང་ཐུགས་ཀྱི་དངོས་གྲུབ་ཐམས་ཅད་བསྡུས་ནས་རང་ཉིད་ལ་ཐིམ། ཡང་འཕྲོས་འགྲོ་བའི་ལས་དང་ཉོན་མོངས་པའི་རྒྱུ་འབྲས་ཐམས་ཅད་སྦྱངས། སངས་རྒྱས་ཀྱི་གོ་འཕང་ལ་བཀོད་དེ་དེ་དག་ཀྱང་སྔགས་ཀྱི་སྒྲ་དང་ཆོས་ཉིད་ཀྱི་ཟེར་བསམ་གྱིས་མི་ཁྱབ་པར་སྤྲོ་བར་བསམ་ལ་བཟླས་པ་བྱ། བསྙེན་ཚད་ནི་ལས་རུང་ལ་འབུམ་ཕྲག་བཅུ་གཅིག །དུས་བསྙེན་ལ་དེའི་བཞི་འགྱུར་རོ། །བསྙེན་པ་ཐེམ་ནས་སྒྲུབ་པའི་དམིགས་བཟླས་ཀྱི་ཁྱད་པར་ནི། གཙོ་བོའི་ཐུགས་སྲོག་གི་མཐར་ཡིག་འབྲུ་བཅུ་བཞི་པའི་སྔགས་ཕྲེང་གཡོན་བསྐོར་མགལ་གྱི་མེ་སྟག་འཕྲོ་བ་ལྟ་བུར་འཕྲོ་བར་བསམ་ལ་ཡིག་འབྲུ་བཅུ་བཞི་པ་བཟླ་ཞིང་བསྐྱེད་རིམ་གསལ་བ་དང་འོད་ཟེར་སྤྲོ་བསྡུ་བྱེད་པ་གོང་དང་འདྲ། ཐུན་མཚམས་ཚོར་སྲུང་ཟློག་གུད་དུ་ཕྱུང་བའི་དམིགས་གནད་དང་ལྡན་པས་སྔགས་དུམ་རེ་བཟླས་མཐར་བདེན་སྟོབས་བརྗོད་ལ་ཐལ་མོ་བརྡབ། ཡིག་འབྲུ་བཅུ་བཞི་པ་གྲངས་བསྙེན་ལ་འབུམ་ཕྲག་བཅུ་བཞི། དུས་བསྙེན་ལ་དེའི་བཞི་འགྱུར་རོ། །མཚན་མའི་བསྙེན་པ་ནི་རྟགས་མཐོང་གི་བར་དུ་སྟེ་བསྐྱེད་རིམ་རྣམ་གཞག་སོགས་སུ་གསལ་བ་བཞིན་བར་ཆད་དང་མ་འདྲེས་པའི་མཚན་མ་བརྟན་པོ་མཐོང་ན་སྒྲུབ་པའི་ཞག་དུས་མ་རྫོགས་ཀྱང་དེ་མ་ཐག་པར་

(༥༧༧)དངོས་གྲུབ་བླང་བ་ཙམ་རེ་བྱ་ཞིང་། སྨིན་པར་སློབ་པ་དག་གིས་ནི་རིག་འཛིན་གྱི་གབ་བྱང་ལས་བཤད་པ་ལྟར་ཐོབ་བྱའི་འབྲས་བུ་རིག་འཛིན་རྣམ་པ་བཞིའི་གོ་འཕང་ལ་དོན་དུ་གཉེར་བའོ། །བསྙེན་སྒྲུབ་ཡན་ལག་བཞིའི་ངེས་པར་དབྱེ་ན་རང་གཞུང་དུ། གཙོ་ལ་སེམས་བཟུང་བསྙེན་པ་སྟེ། །གཙོ་འཁོར་ཡོངས་རྫོགས་ཉེ་བསྙེན་ནོ། །བཟླས་བརྗོད་བརྩོན་པ་སྒྲུབ་པ་སྟེ། །འོད་ཟེར་སྤྲོ་བསྡུ་སྒྲུབ་ཆེན་ནོ། །ཞེས་གཙོ་བོ་ལ་སེམས་འཛིན་ཐོབ་པ་བསྙེན་པ། །གཙོ་འཁོར་ཡོངས་རྫོགས་ལ་གསལ་བརྟན་ཐོབ་པ་ཉེ་བསྙེན། བཟླས་བརྗོད་བརྩོན་ཞིང་སྒོམ་པ་ལ་བཟླ་བ་སྒྲུབ་པ། འོད་ཟེར་སྤྲོ་བསྡུས་སྣོད་བཅུད་སྦྱངས་ཤིང་སྣང་ཞེན་ཆོས་ཉིད་དུ་སྦྱོང་བསྒྲུབ་པ་ཆེན་པོའི་ཕྲིན་ལས་སུ་བསྟན་པ་སྟེ། སྤྱིར་བསྙེན་པ་ནི། ཡུལ་གཉན་པོ་ལ་འདྲིས་གདགས་པ་ལྟ་བུའི་དཔེས་མཚོན་ནས་བསྙེན་བྱའི་ཡེ་ཤེས་དེ་ཉིད་རང་རྒྱུད་ལ་ཉེ་བར་བྱེད་པ་བསྙེན་པ། དེ་ལས་ཐུགས་ཡིད་འདྲེས་པར་བྱེད་པ་ཉེ་བསྙེན། ཡེ་ཤེས་རང་དབང་དུ་བྱེད་པ་སྒྲུབ་པ། སྒྲུབ་པ་ཆེན་པོ་ནི་གཞན་དོན་གཙོ་བོར་གྱུར་པའི་ཕྲིན་ལས་རྣམ་པ་བཞི་བསྒྲུབ་པའི་ལས་དང་འབྲེལ་བ་ཡིན་ནོ། །བསྙེན་སྒྲུབ་གང་གི་ཚེ་ཡང་ཉིན་རེ་བཞིན་ཐུན་གྲངས་ཇི་ཙམ་བྱེད་པའི་ཐུན་ཐམས་ཅད་དུ་སྟོང་ཚིགས་ཀྱི་མཆོད་པ་དང་ཡིག་བརྒྱས་ཉེས་བྱས་བཤགས། སྲོད་ཐུན་གྱི་མཐར་ཚོགས་མཆོད་ ཡུམ་ཀ་ལྟར་དང་ཆོས་སྲུང་སྤྱི་བྱེ་བྲག་པའི་གཏོར་བསྔོ་བྱ།

(༥༧༨)ཐུན་བསྡུ་བའི་ཚེ་དག་པའི་སྣོད་བཅུད་ཐམས་ཅད་རིམ་གྱིས་གཙོ་བོ་ལ་ཐིམ། དེ་ཡང་ཐུགས་སྲོག་ཧཱུྃ་གི་ན་དའི་བར་བསྡུས་ནས་སྤྲོས་བྲལ་གྱི་ངང་ལ་མཉམ་པར་གཞག་པས་རྟག་མཐའ་གཞིག །རྗེས་ཐོབ་ལ་ཡོངས་གྲུབ་སྒྱུ་མ་ལྟ་བུའི་ལྷ་སྐུར་ལམ་གྱིས་ལངས་ཏེ་ཆད་མཐའ་བསལ་ཞིང་སྣང་གྲགས་རིག་གསུམ་དཀྱིལ་འཁོར་གསུམ་གྱི་ངང་དང་མ་བྲལ་བས་རྒྱུན་གྱི་སྤྱོད་ལམ་ལ་འཇུག །ནུབ་མོ་ཉལ་བའི་ཚེ་ཉེར་བསྡུ་གྲུབ་ནས་དགེ་བ་བསྔོ་བ་སོགས་ཀྱི་མཐར་སླར་ཡང་སྲུང་འཁོར་ལེགས་པར་གསལ་བཏབ་ནས་ཐུགས་ཀའི་སྔགས་ཕྲེང་འཁོར་བ་ལ་སེམས་བཟུང་སྟེ་དེ་ཉིད་བཟླ་བཞིན་པར་ཉལ། །ནངས་པར་ལྡང་བའི་རྣལ་འབྱོར་གྱི་ཚེ་བླ་མའི་རྣལ་འབྱོར་སོགས་སྔོན་འགྲོ་སྤྱི་བྱེ་བྲག་པ་ནས་བཟུང་བགེགས་གཏོར་མ་གཏོགས་འགྲོས་སྔར་བཞིན་བྱ། སྒྲུབ་པ་ཐོན་རྒྱུའི་ནངས་པར་གྱི་སྔ་དྲོའི་ཚོར་མཆོད་གཏོར་གསར་དུ་བཤམ། ཚོགས་མཆོད་གཏང་། ཡུམ་ཀའི་ལས་བྱང་གི། བཞེངས་ཤིག་མཁའ་འགྲོ་འདུས་པའི་ལྷསོགས་ཀྱིས་ཐུགས་དམ་བསྐུལ་ནས། མཁའ་འགྲོ་སྒྲུབ་པའི་དམ་ཚིག་ད་ནངས་ཐེམསཞེས་སོགས་ཀྱི་མཐར་སྒྲུབ་རྟེན་བཏེག་སྟེ་སྤྱི་བོར་གཏུགས། གཏོར་མ་ལྷར་གསལ་བ་འོད་དུ་ཞུ་བ་སྤྱི་བོ་ནས་ཐིམ་པ་སྙིང་གའི་ཐིག་ལེ་ལ་འདུས་པས་མཆོག་ཐུན་གྱི་དངོས་གྲུབ་བདེ་བླག་ཏུ་ཐོབ་པར་བསམ། སླར་ཡང་གཏང་རག་གི་མཆོད་

(༥༧༩)བསྟོད་དང་ཡི་གེ་བརྒྱ་པས་ནོངས་བཤགས་བྱ། བསྙེན་སྒྲུབ་ཁ་སྐོང་དུ་མེ་མཆོད་བྱེད་པར་སྤྲོ་ན་སྐབས་འདིར་རིག་འཛིན་ཡུམ་ཀའི་མེ་མཆོད་ཉིད་ལས་འདོན་པ་བསྒྱུར་ཏེ་སྲེགས་རྫས་རྣམས་རྩ་སྔགས་འབའ་ཞིག་གིས་འབུལ་ཞིང་རྗེས་ཐོགས་སུ་དངོས་གྲུབ་བླང་བའང་བྱ། དེ་རྗེས་ཆད་ཐོ་བསྟན་སྐྱོང་དགེ་བ་བསྔོ་བ། ཤིས་བརྗོད་སོགས་རྒྱས་པར་བྱ། དེ་ནས་རྒྱལ་ཆེན་ལ་གཏང་རག་གཏོང་སྟེ་གཤེགས་གསོལ་བྱས་ལ་མཚམས་ཐོ་འགྲོ་བ། རིམ་པས་བླ་མ་དང་མཆེད་གྲོགས་སོགས་ཐོག་མར་དམ་གཙང་དང་འཕྲད་ནས་མཚམས་ལས་སེང་བར་བྱའོ། །རང་ཉིད་ལ་འདི་ལྟར་འདྲི་བའི་ཉམས་མྱོང་གི་དྲི་མ་ཙམ་ཡང་མ་གོས་ཀྱང་དཔལ་ལྡིངས་རྗེ་བཙུན་དྲུང་གིས་ལེགས་སོའི་སྐྱེས་དང་བཅས་ཏེ་བཀའ་ནན་གྱིས་བསྐུལ་མ་གནང་བར་རྗེ་བླ་མས་འདྲིར་རུང་བའི་གནང་བ་བསྩལ་བར་བརྟེན། གསུང་རྒྱུན་བཞིན་དུ་བཀའ་འབངས་ཀྱི་ཆར་གཏོགས་པ་ཐ་ཤལ་བས་ཟིན་ཐོར་བསྐྱལ་བ་ལ་ནོངས་པ་མཆིས་ན་ལྷ་དང་སྲུང་མས་བཟོད་པར་མཛོད་ཅིག །དགེའོ།། །།

(༥༨༠)

(༥༨༡)འུྃ ཡུམ་ཀའི་གསང་སྒྲུབ་སེང་གེའི་གདོང་ཅན་ལས སྲུང་ཟློག་བྱད་མ་སྟོབས་འཇོམས་བཞུགས འུྃ བདུད་འདུལ་སེང་གེའི་ཞལ་ལ་འདུད སྲུང་བཟློག་རྒྱུན་གྱི་རྣལ་འབྱོར་ལ གཉིས་ལས་དང་པོ་བསྲུང་བ་ནི མངོན་རྟོགས་གཞུང་བཞིན་བསྒོམས་པའི་མཐར བདག་ཉིད་མཁའ་འགྲོ་བདུད་འདུལ་མའི ཐུགས་མཆོག་འོད་ཀྱི་དྲ་བའི་ཀློང་ པདྨ་ཉི་ཟླའི་གདན་སྟེངས་སུ ཕ་ལམ་ལས་གྲུབ་རྡོ་རྗེ་སེར རྩེ་ལྔའི་ལྟེ་བར་ཉི་གདན་དབུས ཧཱུྃ་ཡིག་མཐིང་གའི་ཀླད་ཀོར་ནང་ བླ་མ་ཁོག་པར་བསྲུང་བྱ་དང་ ཞབས་སུ་ཡུལ་མཁར་རྟ་ཕྱུགས་ལ མཐའ་སྐོར་སྔགས་ཕྲེང་འཁོར་བ་ཡི འོད་ཀྱིས་རྒྱལ་བ་སྲས་བཅས་མཆོད བྱིན་རླབས་དངོས་གྲུབ་གསེར་བཙོ་མའི འོད་ཀྱི་རྣམ་པར་འདུས་པ་ཡང་ ཕྲ་རབ་རྡོ་རྗེའི་རྡུལ་གྱུར་ནས དམིགས་བྱའི་ལུས་ངག་ཡིད་གསུམ་དང་ ཕྱི་རོལ་རྡོ་རྗེའི་རྭ་གུར་ལ འདྲེས་པས་ཅིས་ཀྱང་མི་ཤིགས་གྱུར རྩ་སྔགས་ཡིག་འབྲུ་བཅུ་བཞིའི་ཤམ ཨོཾ་ཧྲཱིབཛྲ་ཛྭ་ལ་སརྦ་ཀརྨཱ་རཀྵ་རཀྵ་ཧཱུྃ བཟླས་རྗེས་མི་དམིགས་ངང་ལ་བཞག གཉིས་བཟློག་པའི་རིམ་པ་ནི ཧཱུྃ སྲུང་འཁོར་གསལ་བརྟན་འབར་བ་ཡི ཐུགས་ཀའི་ཧཱུྃ་ལས་ཧཱུྃ་འཕྲོས་པས སྟོང་གསུམ་འཇིག་རྟེན་ཧཱུྃ་

(༥༨༢)གིས་གང་ བྱད་གདོན་སྟོངས་ཤིང་ཟད་སར་བསྒྲལ སླར་འདུས་རྡོ་རྗེ་རྭ་བའི་ཕྱིར ཡེ་ཤེས་མེ་དང་གཉིས་མེད་ཀློང་ ཡོངས་གྱུར་གནམ་ལྕགས་འཁོར་ལོ་ནི རྩིབས་སྟོང་འབར་བའི་རྣོ་དབལ་ལ བྱད་ཕུར་རྦོད་གཏོང་སྲི་གེག་དང་ གནོད་བྱེད་དགྲ་གདོན་ལོག་འདྲེན་ཚོགས སོ་སོའི་གཟུགས་དང་བྱད་དབྱིབས་ལྟར རང་དབང་མེད་པར་བཀུག་བྱས་ནས སྤུ་གྲི་རེག་གཅོད་འཐོར་རླུང་གིས འཁོར་ལོ་གཡོན་དུ་བསྐོར་བ་ཡིས གཟུགས་ཕུང་ཐལ་བའི་རྡུལ་དུ་བརླག སྔགས་ཕྲེང་ལས་བྱུང་མེ་སྟག་གིས ལྷག་མ་རྗེས་ཤུལ་མེད་པར་བསྲེགས རྣམ་ཤེས་ཆོས་ཀྱི་དབྱིངས་སུ་ཕཊ རྩ་སྔགས་ཤམ ཙཀྲ་ཛྭ་ལ་སརྦ་དུཥྚ་ན་ཧ་ན་ཧ་ན་ཧཱུྃ་ཧཱུྃ་ཕཊཕཊབྷྱོ་བྷྱོ་ཟློག་ཟློག ཅེས་བཟླས་བདེན་སྟོབས་བརྗོད་པ་ནི སངས་རྒྱས་ཀྱིས་ནི་བདུད་ཕམ་མཛད ཆོས་མ་ཡིན་པ་ཆོས་ཀྱིས་སོ དགེ་འདུན་གྱིས་ནི་མུ་སྟེགས་ཕམ དབང་པོས་ལྷ་མིན་ཕམ་པར་གྱུར ལྷ་མིན་རྣམས་ཀྱིས་ཟླ་བ་ཕམ ནམ་མཁའ་ལྡིང་གིས་རྒྱ་མཚོ་ཡི ཀླུ་རྣམས་རབ་ཏུ་ཕམ་པར་གྱུར མེ་ཡིས་བུད་ཤིང་སྲེག་པ་དང་ རླུང་གིས་སྤྲིན་རྣམས་གཏོར་བ་དང་ རྡོ་

(༥༨༣)འུྃ རྗེས་རིན་ཆེན་ཕུག་པ་དང་ ལྷ་རྣམས་བདེན་པ་རབ་ཏུ་གནས བདེན་པ་འདི་དག་ཐམས་ཅད་ཀྱིས དེང་འདིར་བདེན་པ་འགྲུབ་གྱུར་ཅིག ཅེས་ཐལ་བརྡེབ་ལན་གསུམ་བྱ མཐར་ནི་བསྲུང་བྱ་སྲུང་བྱེད་དང་ བཟློག་བྱ་ཟློག་པར་བྱེད་པའི་ཆོས མི་དམིགས་ངང་བཞག་དགེ་བ་བསྔོ སྤྲོས་མེད་སྲུང་བཟློག་ཟབ་མོ་འདི རྡོ་རྗེའི་མཁར་དུ་ཚུད་དང་འདྲ ས་མ་ཡ རྒྱ་རྒྱ་རྒྱ

(༥༨༤)

(༥༨༥)འུྃ ཡུམ་ཀའི་གསང་སྒྲུབ་སེང་གེའི་གདོང་ཅན་ལས བྱད་འགྲོལ་གནམ་ལྕགས་འཁོར་ལོ་བཞུགས

(༥༨༦)འུྃ བདུད་འདུལ་སེང་གེའི་ཞལ་ལ་འདུད རིག་སྔགས་སྟོང་གི་ནུས་པ་དང་ བྱད་མ་འབུམ་གྱིས་མཐུ་ཐུགས་པ འདི་ལ་བརྟེན་པའི་བྱད་འགྲོལ་བསྟན དེ་ལ་དང་པོ་བཅའ་གཞི་ནི སྟེགས་གཙང་མར་མཁའ་འགྲོའི་མཆོད་གཏོར་ཉེར་སྤྱོད་བཅས་བཤམས་པའི་མདུན་དུ་མཉྫིའི་ཁར་རིན་པོ་ཆེའི་བུམ་པ་མགུལ་ཆིངས་མཐིང་ག་གཙང་ཆུ་དང་ཤྭ་འོོད་སེར་བའི་ཆུས་བཀང་བ་ལ རིན་ཆེན་སྣ་ལྔ ཐོགས་ལྕགས་ཕྱེ་མ ཚྭ་བ་གསུམ ཁ་ཤའམ་ཤ་བའི་རྭ ཕག་གི་སྣའམ་གྲུམ་པའི་སོ ཁྱུང་ངམ་བྱ་གླག་གི་སྡེར་མོའི་ཕྱེ་མ་བླུག་ལ་ཤིང་འབྲས་ཅན་གྱིས་ཁ་བརྒྱན༔ མཉྫིའི་འོག་ཏུ་རི་རུད་དང་ཕུང་ས་བསྲེས་པའི་འཇིམ་པ་ལ་ཧོམ་ཁུང་ཆུང་ངུ་བཟོས་པའི་ནང་དུ་ཆུ་མིག་ལྐུགས་པའི་ཆུ་བླུགས དེའི་ཟུར་གསུམ་ལ་དབྱེ་སྒྲོ་གཉིས་དང་དཔལ་འབར་བཙུགས བྱད་ལིང་

(༥༨༧)འུྃ ཚོན་སྐུད་སྔོ་དམར ཐང་ཕྲོམ ཉུངས་ཀར སྲིད་པའི་བྱེ་མ མདའ་བྱ་རྒོད་མ་དར་ཚོན་བཏགས་པ མེ་ལོང་ ཕུར་པ ཚེར་ཤིང་གི་མེ་ཧོ་མ བསད་གྲི སྔོན་གཏོར་རྣམས་འདུ་བྱའོ གཉིས་པ་སྒྲུབ་པ་ལ་གཉིས་ལས། དང་པོ་བདག་བསྐྱེད་ནི་ལས་གཞུང་བཞིན་བྱས་ལ་ཡིག་འབྲུ་བཅུ་བཞི་པ་སྟོང་ཕྲག་ལས་མི་ཉུང་བར་བཟླའོ གཉིས་པ་ལས་བུམ་སྒྲུབ་པ་ནི མཆོད་པ་གསོས་ལ ལས་བུམ སྭ་བྷཱ་ཝས་སྦྱངས སྟོང་པའི་ངང་ལས་བྷྲཱུྃ་ཡིག་ཡོངས་གྱུར་ལས སྣོད་ཀྱི་འཇིག་རྟེན་རིན་ཆེན་བུམ་པ་བཟང་ ཞབས་ཞུམ་འདོད་ཁམས་ལྟོ་ལྡིར་གཟུགས་ཁམས་ལ མགྲིན་པ་རིང་ཞིང་ཁ་གཡེལ་གཟུགས་མེད་ཁམས ནང་ནི་རྣམ་ཐར་སྒོ་གསུམ་གཞལ་མེད་

(༥༨༨)ཁང་ གཞི་ལམ་འབྲས་རྫོགས་ཆོས་འབྱུང་བསྣོལ་མའི་དབུས ཡེ་ཤེས་མེ་དཔུང་རབ་ཏུ་འབར་བའི་ཀློང་ ཆུ་སྐྱེས་གེ་སར་ཐབས་ཤེས་ཉི་ཟླའི་སྟེང་ སྐྱེ་མེད་རྡོ་རྗེ་ཨ་ཡིག་ཡོངས་གྱུར་ལས སྐྱེ་མཆེད་ཡོངས་རྫོགས་རྡོ་རྗེ་བདག་མེད་མ སོགས་ནས་བསྟོད་པའི་བར་སོང་རྗེས མདུན་བསྐྱེད་བུམ་ལྷའི་ཐུགས་ཀ་རུ ཐུགས་སྲོག་ཧཱུྃ་ཡིག་སྔོན་པོ་ལ ཡིག་འབྲུ་བཅུ་བཞིའི་ཤམ་བུ་རུ ཨོཾ་ཧྲཱི་བཛྲ་ཛྭ་ལ་སརྦ་བཛྲ་ཙྪིནྡ་ཡ་ཧ་ཧེ་ཧཱུྃ་ཕཊ ཅེས་བཏགས་པས་བསྐོར་བ་མགལ་མེའི་འཁོར་ལོ་ལྟར་བསྐོར་བ་ལས་བྱུང་བའི་འོད་ཟེར་མེ་སྟག་འཕྲོ་བས་བྱད་ཕུར་རྦོད་གཏོང་ཐམས་ཅད་ལྷག་མེད་དུ་བསྲེགས་པར་བསམ་ལ་བཟླས་པ་སྟོང་ཕྲག་སོགས་ཅི་ནུས་བཟླས་མཐར་མཆོད་བསྟོད་བྱས་ལ་བུམ་ལྷ་འོད་ཞུ་བྱའོ། །གསུམ་པ་ལས་སྦྱོར་ནི། བསྒྲུབ་བྱ་མདུན་དུ་འཁོད་ལ་བྱད་ཐག་གིས་བཅིངས། ཧོམ་ཁུང་མདུན་དུ་བཞག་པའི་ནང་དུ་ཚུད་པར་བསམ་ལ། དེ་ཡང་བྱད་ཞེས་བྱ་བའི་ངོ་བོ་ནི་རྫས་སྔགས་ཏིང་ངེ་འཛིན་གསུམ་ཚོགས་པའི་རྟེན་འབྲེལ་ལ་བརྟེན་ནས་སྐྱེས་བུའི་སྒོ་གསུམ་འཆིང་ཞིང་རྨོངས་པར་བྱེད་ལ། དེ་འབྱུང་བའི་རྒྱུ་ནི་སྔོན་གྱི་ལས་ངན་དང་། རྐྱེན་ནི་རང་གི་ལུས་ངག་གི་སྤྱོད་པ་མི་གཟོབ་དང་། ཕ་རོལ་གྱི་བསམ་སྦྱོར་ངན་པ་ལས་འབྱུང་ལ། དེ་

(༥༨༩)འུྃ ལས་གྲོལ་བའི་ཐབས་ནི་རྡོ་རྗེ་འཆང་གི་བྱིན་རླབས་ལས་རང་བཞིན་དུ་འབྱུང་བའི་སྔགས་རྒྱུད་ཀྱི་གདམས་པ་ཟབ་མོ་རྣམས་དང་། སྟོན་པ་དྲང་སྲོང་ཆེན་པོ་ལ་སོགས་ལྷ་དང་མིའི་དྲང་སྲོང་བདེན་ཚིག་གྲུབ་པ་རྣམས་ཀྱིས་སྟོན་པའི་ཚུལ་རྒྱུད་ལས། ནམ་མཁའ་མེད་པར་གྱུར་ན་ཡང་ སྔགས་ཀྱི་དངོས་གྲུབ་མེད་མི་སྲིད ལྷ་དང་དྲང་སྲོང་གིས་བཤད་པའི རིག་སྔགས་བསླུ་བར་མི་སྲིད་ན འདོད་ཆགས་བྲལ་བས་བཤད་པ་ཡི གསང་སྔགས་སྦྱོར་བས་བསླུས་པ་ནི མ་བྱུང་འབྱུང་བར་མི་འགྱུར་རོ ཞེས་པས་གསལ་སྟེ དེ་ལས་འདི་སྔོན་བྱུང་དང་ཕྱིས་བྱུང་གི་ལོ་རྒྱུས་གཉིས་ལས་དང་པོ་ནི་རྣམ་པར་རྒྱལ་བའི་ཁང་པའི་གནས་སུ་བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གྱིས་གསོལ་པ། ཀྱཻ བཙུན་པ་བཅོམ་ལྡན་འདས་ཁྱེད་ནི་ཐམས་ཅད་མཁྱེན་པའི་གཙོ་བོ་ལྷ་མ་ཡིན་གྱིས་བདག་གིས་ལུས་ངག་ཡིད་གསུམ་བཅིངས་པ་ལས་དགྲོལ་དུ་གསོལ། བཅོམ་ལྡན་འདས་ཀྱིས་བཀའ་སྩལ་བ། བརྒྱ་བྱིན་ཁྱོད་ཀྱིས་ང་ལ་གང་དག་ཞུ་བ་ལེགས་སོ། །དེའི་ཕྱིར་ལེགས་པར་རབ་ཏུ་སྟོན་ལ་ཡིད་ལ་བཟུང་སྟེ། འདི་ཉིད་ལ་ནན་ཏན་དུ་གྱིས་ཤིག །གང་དག་ལུས་ངག་ཡིད་གསུམ་མནན་པ་དང་བཅིངས་པ་

(༥༩༠)དེ་ལ་ནི་ནམ་ཡང་བདེ་བའི་སྐབས་མི་འབྱུང་བས། རིགས་སྔགས་ཀྱི་མཐུ་དང་ཏིང་ངེ་འཛིན་གྱི་ནུས་པ་དང་ལས་ཚོགས་གཉིས་ལས་བྱུང་བའི་འབྲས་བུ་ཐམས་ཅད་ཉམས་པར་བྱ་བའི་ཕྱིར་དང་། འཇིག་རྟེན་ཕ་རོལ་གྱི་ཡོན་ཏན་དང་། བསོད་ནམས་དང་། བདེ་བའི་འབྲས་བུ་ནམ་ཡང་འབྱུང་བར་མི་འགྱུར་ཏེ། འདི་ལྟར་ཉི་མའི་འོད་ཟེར་ཕུན་སུམ་ཚོགས་པར་གྱུར་ཀྱང་སྤྲིན་གྱི་དབང་དུ་བྱས་པ་བཞིན་ནོ། །དེ་བས་ན་ལུས་ངག་ཡིད་གསུམ་བཅིངས་པ་ལས་གྲོལ་བར་བྱེད་པའི་ཐབས་ལ་བརྩོན་པར་བྱའོ། །དེ་ལྟར་བྱས་ན་བཅིངས་པའམ་མནན་པ་ལས་གྲོལ་བར་འགྱུར་ཏེ། སྒྲོན་མེའི་འོད་ཀྱིས་མུན་པ་སེལ་བའམ། མེ་ལྕེའི་ནུས་པས་ནགས་ཐམས་ཅད་བསྲེགས་པའམ། སེང་གེའི་སྐད་ཀྱིས་རི་དྭགས་ཐམས་ཅད་ཟིལ་གྱིས་གནོན་པ་བཞིན་དུ། རིགས་སྔགས་ཆེན་མོ་འདིའི་བྱིན་རླབས་ཀྱིས་བཅིངས་པ་ཐམས་ཅད་ལས་གྲོལ་བར་བྱེད་དོ། །ཞེས་གསུངས་ལ་ཕྱིས་བྱུང་གི་ལོ་རྒྱུས་ནི། རིག་པ་འཛིན་པ་ཐམས་ཅད་ཀྱི་རྒྱལ་པོ་སློབ་དཔོན་ཆེན་པོ་པདྨ་འབྱུང་གནས་རྒྱལ་པོ་ཛའི་ཁབ་དང་ཉེ་བའི་རི་མཱ་ལ་ཡ་གནམ་ལྕགས་འབར་བ་སེང་གེའི་ཟ་འགྲམ་ལྟ་བུར་མཁའ་འགྲོའི་ཚོགས་དཔོན་མཛད་ཅིང་བཞུགས་པའི་ཚེ། མུ་སྟེགས་ཀྱི་སྟོན་པ་གྷ་ན་པ་

(༥༩༡)འུྃ ཏི་ལ་སོགས་པ་ལྔ་བརྒྱས་སློབ་དཔོན་ལ་རྩོད་པ་བྱས་པས་མ་ཐུབ་སྟེ། སླར་ཁྲོས་ནས་རི་སུལ་ཞིག་ཏུ་མུ་སྟེགས་ཀྱི་ངན་སྔགས་བཅས་ཆོ་ག་ནག་པོ་ཞེས་བྱ་བ་བསྒྲུབས་པས་མཐུ་རྟགས་ཆེན་པོ་བྱུང་ནས་སློབ་དཔོན་ཉིད་ལག་ན་རྡོ་རྗེ་སེང་གེའི་ང་རོ་ཅན་ཞེས་བྱ་བའི་སྐུར་བཞེངས་ཏེ་རིགས་སྔགས་ཀྱི་སྦྱོར་བ་བཤིག་པའི་ཏིང་ངེ་འཛིན་ལ་སྙོམས་པར་ཞུགས་པའི་ཚེ། མཁའ་འགྲོ་བདུད་འདུལ་སེང་གེའི་གདོང་ཅན་གྱིས་ཞལ་བསྟན་ནས་རིགས་སྔགས་ཀྱི་དངོས་གྲུབ་བྱིན་པས་དེ་ཉིད་དུ་མུ་སྟེགས་ཀྱི་སྟོན་པ་ངན་སྔགས་མཁན་གནམ་ལྕགས་ཐོག་གིས་བསྒྲལ། ཕྱི་རབས་ཀྱི་འགྲོ་བའི་དོན་དུ་གདམས་པ་ཟབ་མོ་འདི་མཁའ་ལྡིང་འབར་བའི་བརྡ་རིས་ལ་བྲིས་ཏེ་ཀློང་ལྔ་འདུས་པའི་གཏེར་སྒྲོམ་དུ་རྒྱས་བཏབ་པས་དམག་འཁྲུགས་དང་བྱད་ཕུར་དར་བའི་ཚེ། རིག་འཛིན་འཇིགས་མེད་གླིང་པ་ལ་བཀའ་བབས་པས་བརྒྱུད་པ་ཁུངས་ལ་ཐུག་པའི་མན་ངག་ཟབ་མོའི་སྒོ་ནས་བྱད་འགྲོལ་བ་ལ་ངེས་ཤེས་དང་དད་པ་བསྐྱེད་ནས་སློབ་དཔོན་མཁའ་འགྲོ་མ་སེང་གེའི་གདོང་ཅན་དངོས་སུ་མོས་པའི་མདུན་དུ་རང་ཉིད་ཕ་རོལ་མི་དང་མི་མ་ཡིན་གྱི་བྱད་དུ་བཅུག་པ་ལས་དབུགས་དབྱུང་བའི་མོས་པ་མཛོད། བརྡ་

(༥༩༢)སྦྱར་ལ། ཐོག་མར་ཕྱོགས་སྐྱོང་དང་གཞི་བདག་ལ་ཕུད་དང་གཏོར་མ་ཨ་ཀཱ་རོས་བསྔོས་ལ། མཆོད་སྦྱིན་གཏོར་མ་འདི་བཞེས་ལ། སོགས་ཀྱིས་དོར། དེ་ནས་ཡི་དམ་གྱི་ང་རྒྱལ་བརྟན་པས་བསད་གྲིའམ་གྲི་གུག་ཕྱར་ལ། ཧཱུྃ བྱད་ཅེས་བྱ་བ་ཀུན་རྫོབ་སྟེ བསྒྲུབ་བྱའི་ལུས་ནི་བེམ་པོ་ལ སེམས་ནི་སྟོང་པ་ཉིད་ཡིན་ཀྱང་ གློ་བུར་རྣམ་རྟོག་ལས་གྲུབ་པའི མིང་གཟུགས་འདུས་པའི་བླ་སྲོག་ལ ཕ་རོལ་མི་དང་མི་མིན་གྱིས རྫས་སྔགས་ཏིང་འཛིན་མཐུས་བསྐྱེད་པའི འགུགས་འཆིང་སྡོམ་མྱོས་ཕྱག་རྒྱ་བཞིས སྒོ་གསུམ་བྱད་དུ་བཅུག་པ་རྣམས གྲི་གུག་འབར་བའི་ཕྱག་རྒྱས་བཅད སྤུ་གྲི་རྣོན་པོའི་དཔལ་ལ་བསྐྱོན རིགས་སྔགས་འབར་བའི་མེ་ཡིས་བསྲེག ཨཀསམརཙཤདརསམརཡཕཊ ལན་གསུམ་གྱི་རྗེས། བསྒྲུབ་བྱའི་ལུས་ངག་ཡིད་གསུམ་བྱད་དུ་བཅུག་པ་དང་། བཅིངས་པ་དང་། མནན་པ་དང་། ནུས་པ་བཤིག་པ་ཐམས་ཅད་གྲོལ་བར་གྱུར་ཅིག ཅེས་བྱད་ཐག་དུམ་བུར་གཏུབས དེ་ནས་མདུན་དུ་སྟན་པའི་སྟེང་དབྱེ་སྒྲོ་གཉིས་བཞག་ལ་རལ་གྲི་བསྣུན་ཞིང་ ཧཱུྃ མི་ལ་འགོ་བ་ལྷ་ལྔ་སྟེ ལྷ་དང་མི་རུ་དབྱེན་སྦྱོར་བའི ཕྲ་མེན་ཕྲ་མ་མཁན་གཉིས་ཀྱིས ཉེས་བྱེད་སྦྱོར་བ་ཞིག་གྱུར་ཅིག ཡིག་

(༥༩༣)འུྃ འབྲུ་བཅུ་བཞི་དང་ ཨོཾ་མ་མ་སརྦ་བི་དྷ་བི་དྷ ཛ་ཡེ་ཛ་ཡེ བི་ཛ་ཡེ་བི་ཛ་ཡེ ཨ་ཛི་ཏ་ཨ་པ་ར་ཛི་ཏ་ཡེ་མ་མ་བྷེ་བྷྱ་པྲ་མ་ར་དྷ ཧ་ཡེ་མ་མ་ཧཱུྃ་ཕཊ གཞན་གྱིས་མི་ཐུབ་པའི་རིགས་སྔགས་ཆེན་མོ་འདིས་གང་དག་སྡང་བ་དང་ ལོག་པར་སེམས་པ་ཐམས་ཅད་ཞི་བར་གྱུར་ཅིག ཅེས་དུམ་བུར་གཅད དེ་ནས་བྱད་ལིང་གི་སྟེང་དུ་བྱད་ཐག་དང་སྒྲོ་དུམ་བཞག་ལ ན་མོ སངས་རྒྱས་ཀྱི་བདེན་པ་དང་ ཆོས་ཀྱི་བདེན་པ་དང་ དགེ་འདུན་གྱི་བདེན་པ་དང་ ཁྱད་པར་དུ་རིག་སྔགས་ཀྱི་རྒྱལ་མོ་མཁའ་འགྲོ་སེང་གེའི་གདོང་ཅན་གྱི་བདེན་པ་དང་ བྱིན་རླབས་ནུས་པའི་མཐུས བསྒྲུབ་བྱ་འདི་ཉིད་ལ་ཕ་རོལ་བན་བོན་མི་དང་མི་མིན་གྱི་བྱས་པའི་བྱད་ཁ་ཕུར་ཁ་ཟོར་ཁ ཧོམ་དང་པར་བུ སྡེབས་གཤོར རླུང་འཁོར གྱིམ་ཤང་ གཤེད་སྡེབས བསད་བསྐྲད དབྱེ་རྨོངས་ལ་སོགས་པ་དང་ རང་གི་སྦྱོར་ངན་ལོག་པའི་ནུས་པ་ཐམས་ཅད་དམིགས་པའི་རྟེན་འདི་ལ་ཁུག་ཅིག རང་གཤེད་རང་ལ་ཕོབ་ཅིག ཅེས་ལན་གསུམ་གྱིས་བསྟིམ་ལ བྱད་མ་རང་གཤེད་དབབ་པ་འདི་བྱ་སྟེ ཕུར་པ་འདྲིལ་ལ ཧཱུྃ ཕུར་ནི་སྐྱེ་བ་མེད་པ་ལ པ་ནི་འགག་པ་མེད་པ་སྟེ སྐྱེ་འགགས་བྲལ་བའི་ཕུར་པ་ནི བྱད་མའི་རྣམ་ཤེས་ཚོགས་བརྒྱད་ལ

(༥༩༤)བཏབ་ནས་དབང་དུ་བྱས་པ་ཡི བསྒྲུབ་བྱའི་རྣམ་པར་ཤེས་པའི་ཚོགས བཅོམ་དང་ཉམས་པ་སོར་ཆུད་ནས དབང་ཡུལ་སྐྱེ་མཆེད་གསལ་གྱུར་ཅིག ཡིག་འབྲུ་བཅུ་བཞི་ལ། ཀཱི་ལི་ཀཱི་ལ་ཡ་ཧཱུྃ་ཕཊ ཅེས་བཏགས་པ་ཚར་བརྒྱད་བརྗོད་ཅིང་བྱད་ལིང་གཏུབས། དེ་ནས་མཐའ་སྡུད་འབྱུང་བཞིའི་སྦྱོར་བ་བཤིག་པ་ནི དཔལ་འབར་སྦར་ལ ཧོམ་ཁུང་གི་ཆུ་ལ་གསད་ཅིང་ ཧཱུྃ འབྱུང་བཞི་འདུས་པའི་ལུས་རྟེན་ནི གྲུབ་ཀྱང་འབྱུང་བ་བཞི་ལ་གྲུབ བཤིག་ཀྱང་འབྱུང་བའི་ནུས་པས་བཤིག ཚ་ཞིང་བསྲེག་པ་མེའི་ཀློང་དུ ཧོམ་དང་སྦྱིན་སྲེག་ལས་གྱུར་བྱད འབྱུང་བའི་དགྲ་གཤེད་ཆེན་པོ་སྟེ མེ་དགྲ་ཆུ་ཡི་ནུས་པས་བསད ཨོཾ་ཤཱནྟི༚་ཀ་རི་ནི་ཡེ་མ་མ་བཛྲ ཛྙཱ་ན་པྲ་ཡཙྪ་ཡཾ མ་མ་བྷི་དྷ་ར་ཡ ཧ་ཧ་ཧེ་ཧེ་ཧི་ཧི་ཧཱུྃ་ཧཱུྃ པྲ་ཀ་ར་ན་སརྦ་ས་ཙ་ཡ་ལ་སརྦ་བཛྲ་རཀྵ རཀྵཕཊ་ཕཊསྭཱ་ཧཱ ཧོམ་ཁུང་གི་ཆུ་སྲིད་པའི་བྱེ་མས་མནན་ཅིང་ ཧཱུྃ རླན་ཞིང་གཤེར་བ་ཆུའི་ཀློང་དུ ཀླུ་ལ་གཏད་ཁྲམ་ལས་གྱུར་བྱད འབྱུང་བའི་དགྲ་གཤེད་ཆེན་པོ་སྟེ ཆུ་དགྲ་ས་ཡིས་མནན་པར་བྱ སྔགས་གོང་བཞིན་བརྗོད ཧོམ་ཁུང་གིས་སྟེང་མདའ་བྱ་རྒོད་མ་བཙུགས་ལ་ཧོམ་ཁུང་བུམ་ཆུས་བཤིག་ཅིང་ ཧཱུྃ སྲ་ཞིང་འཐས་པ་སའི་ཀློང་

(༥༩༥)འུྃ དུ གཤེར་དང་མནན་པ་ལས་གྱུར་བྱད འབྱུང་བའི་དགྲ་གཤེད་ཆེན་པོ་སྟེ ས་དགྲ་ཤིང་གིས་བསད་པར་བྱ སྔགས་གོང་བཞིན། དེ་ནས་བསྒྲུབ་བྱར་མེ་ལོང་ལ་ཧས་གདབ་ཏུ་བཅུག་ལ ཧཱུྃ ཡང་ཞིང་གཡོ་བ་རླུང་གི་ཀློང་ འཁོར་ལོ་བསྐོར་བ་ལས་གྱུར་བྱད མེ་ལོང་སྟེང་དུ་སྐྱུགས་པ་ཡིས རང་བཞིན་མེད་པའི་དབྱིངས་སུ་ཡལ སྔགས་གོང་བཞིན་བརྗོད་པ་དང་མཉམ་དུ་བསྒྲུབ་བྱ་བུམ་ཆུས་བཀྲུ དེ་ནས་བྱད་ཐག་དང་དབྱེ་སྒྲོའི་དུམ་བུ་ཟངས་ཀྱི་གྭའུ་ལ་སོགས་པའི་པར་བུར་བཅུག་དུ་བ་མི་འཆོར་བ་བྱས་པ་ཧོམ་ནང་དུ་བཞག་ལ་མེ་སྦར་ཞིང་ སྭ་བྷཱ་ཝས་སྦྱངས། སྟོང་པའི་ངང་ལས་བསྐལ་པ་དུས་མཐའི་མེ་དཔུང་འབར་བའི་དབུས་སུ་དུས་གསུམ་བདེ་གཤེགས་ཐམས་ཅད་ཀྱི་མཐུ་སྟོབས་གཅིག་ཏུ་བསྡུས་པ་ཡེ་ཤེས་ཀྱི་མཁའ་འགྲོ་མ་སེང་གེའི་གདོང་ཅན་བལྟར་མི་བཟོད་པའི་གཟི་བརྗིད་ཅན་ཞལ་གནམ་ས་ལྟ་བུར་བགྲད་པའི་ནང་དུ་ཕ་རོལ་མི་དང་མི་མ་ཡིན་པའི་བྱད་གཟུགས་འདོད་ཆགས་ཁྲག་གི་རྒྱ་མཚོ། །ཞེ་སྡང་རུས་པའི་གྲམ་བུ། གཏི་མུག་ཤའི་རི་བོར་གྱུར་པ་ཨ་ལ་ལ་ཞེས་གད་མོའི་སྒྲ་དང་བཅས་བཞེས་པར་གྱུར ཅེས་བརྗོད་ལ་སྔགས་ཀྱི་མཚོན་ཆ་ཉུངས་ཀར། སྨྱོ་བྱེད་ཀྱི་རྫས་ཐང་ཕྲོམ་འབྱུང་བཞི་ལ་བརྟེན་པའི་བྱད་རྫས་རྣམས་

(༥༩༦)བདུད་རྩིའི་རང་བཞིན་དུ་དམིགས་པ་ཕུལ་ལ། ཧཱུྃ བྱད་མའི་བསམ་སྦྱོར་ངན་པ་རྣམས བདུད་འདུལ་དྲག་མོའི་ཞལ་དུ་སྟོབ༔ དགྱེས་པར་རོལ་ཅིག་ཁ་རཾ་ཁཱ་ཧཾ ཛཧཱུྃ་བཾ་ཧོཧ་ཧ་ཕཊ ཞེས་བརྗོད་ཅིང་རོལ་མོ་སྒྲོགས བཛྲ་མུཾ ཡེ་ཤེས་པ་གཤེགས དམ་ཚིག་པ་མེ་ལྷའི་རྣམ་པར་གྱུར་པ་ལས་བསྒྲུབ་བྱས་ལན་བདུན་འགོངས་པས་མཐུ་བྱད་ཀྱི་ནུས་པ་ལྷག་མེད་དུ་འཚིག་པར་བསམ རྟེན་འབྲེལ་སྙིང་པོ་བརྗོད་སྟན་དཀར་གྱི་སྟེང་དུ་བཞག་ནས་ལག་ཏུ་མདའ་དར་གཏད་ཅིང་། བྱང་ཆུབ་སྙིང་པོར་གཤེགས་པ་ན། སོགས་ཀྱིས་ཤིས་པ་བརྗོད། དགེ་བ་བསྔོ། ཧོམ་རོ་ཆུ་ཀླུང་ཆེན་པོའམ་རི་རྩེར་རླུང་ལ་འཕྱར་བར་བྱའོ། །བདེ་གཤེགས་བཀའ་དང་ཌཱཀྐིའི་བརྡ གུ་རུའི་མན་ངག་གསུམ་རྫོགས་པའི བྱད་འགྲོལ་གནམ་ལྕགས་འཁོར་ལོ་འདི སྙིང་གི་བུ་ལ་གཏད་དོ་རྒྱ ས་མ་ཡ རྒྱ་རྒྱ་རྒྱ

(༥༩༧)འུྃ ཡུམ་ཀའི་གསང་སྒྲུབ་སེང་གེའི་གདོང་ཅན་ལས གཏོར་ཟློག་བྱད་གདོན་གཡུལ་འཇོམས་བཞུགས

(༥༩༨)འུྃ བདུད་འདུལ་སེང་གེའི་ཞལ་ལ་འདུད ལྔ་བརྒྱ་ཕྲག་བཅུའི་མཐར་ཉེ་ཚེ དམ་ཆོས་རྣམ་གཉིས་མི་ཤེས་པར དམ་པར་ཁས་འཆེ་སྟོབས་འབྱོར་འགྲན རྟགས་ཙམ་འཛིན་ལ་དགེ་འདུན་དེ ཁྲིམས་རྐུན་བྱེད་ཅིང་ཁྱིམ་སུན་འབྱིན བསྐྱེད་རྫོགས་གདིང་མེད་སྔགས་པར་རློམ དཀོན་མཆོག་ལས་ཀྱང་འབྱུང་པོར་དད དེ་ཚེ་མུ་སྟེགས་ཧིན་དུ་ཡི ཀླ་ཀློ་གཡོབ་ཅིང་བསྟན་ཞབས་སྡུད ང་སྤྲུལ་བྱང་ཆུབ་སེམས་ལྡན་རྣམས མཐའ་དམག་བྱད་ཕུར་ཟློག་ལ་བརྩོན ས་མ་ཡ འདི་ལ་སྦྱོར་དངོས་རྗེས་གསུམ་ལས སྦྱོར་བ་བཅའ་གཞི་བཤམ་པ་ནི སྟེགས་བུའི་སྟེང་དུ་སེང་གདོང་མའི རྡུལ་ཚོན་དཀྱིལ་འཁོར་འདུ་བྱས་ལ མཉྫིའི་སྟེང་དུ་ཟོར་གཏོར་བཀོད སྨན་གཏོར་རཀྟ་ཉེར་སྤྱོད་བཤམ འོག་ཏུ་བྱེ་སྟེགས་ཟུར་གསུམ་ལས བསད་དཀྱིལ་

(༥༩༩)འུྃ དབེའུ་ཆུང་ལྟར་བྱ དབུས་སུ་ཧོམ་ཁུང་རཱུ་པ་བཀོད གཟུགས་ནི་ཡིད་ཀྱི་རྟེན་ཡིན་པས སྐྱེ་མཆེད་དབང་པོ་དོད་པ་དང་ ཡིད་ལ་བླ་འཁོར་དེ་གསོད་པས བླ་དག་གནད་ཡིག་ལྡན་པར་བྲི རྟེན་འབྲེལ་ནུས་པ་རྫས་ཡིན་པས ཟག་རྫས་དང་ནི་གནད་རྫས་བྱུག མཐའ་བསྐོར་ཟོར་རྫས་ཐུན་རྫས་བཤམ བསྒྲལ་ལས་ཆས་རྣམས་འདུ་བྱས་ཤིང་ ཁྱད་པར་དམག་ཟློག་དམིག་བསལ་ལ མ་མགོན་གཡུལ་མདོས་གཞུང་བཞིན་བཀོད གཉིས་པ་དངོས་གཞིའི་རིམ་པ་ལ བདག་མདུན་ལས་ལ་སྦྱོར་བ་གསུམ དེ་ལ་དང་པོ་བདག་བསྐྱེད་ནི དཔལ་ཆེན་འདུས་པའི་སྒོས་སྒྲུབ་གཞུང་ སྐབས་སུ་གང་བབ་རིག་པས་འཕྲུལ གཉིས་པ་མདུན་བསྐྱེད་སྒྲུབ་རིམ་ལ དང་པོ་མདུན་རྟེན་བསྐྱེད་པ་ནི

(༦༠༠)སྭཱ་བྷཱ་ཝས་སྦྱངས། མདུན་རྟེན་མི་དམིགས་སྟོང་པའི་ངང་ བྷྲཱུྃ་ཡིག་འོད་དུ་ཞུ་བ་ལས རྡོ་རྗེ་ར་བའི་གུར་གྱི་དབུས ཕ་ལམ་རྡོ་རྗེའི་མཆོད་རྟེན་ནི རྣམ་པ་ཉི་ཤུས་བྱང་ཆུབ་པ རྒྱ་ཁྱོན་ཆོས་ཀྱི་དབྱིངས་དང་མཉམ བུམ་ནང་མཁའ་འགྲོའི་དཀྱིལ་འཁོར་ནི ཧཱུྃ རྣམ་ཐར་ཡོངས་རྫོགས་རྡོ་རྗེ་བཙུན་མོའི་མཁའ སོགས་གཞུང་ལྟར མ་བསྐྱེད་རང་བྱུང་ཡོངས་གྲུབ་ཆེན་པོར་གསལ ཧཱུྃ ཏོག་ལ་གཙུག་ཏོར་གདུགས་དཀར་མོ ཉི་དཀྱིལ་ལྷ་མོ་འོད་ཟེར་ཅན ཟླ་ཕྱེད་ཁྲོ་གཉེར་ཅན་གསུམ་ལ རིགས་སྔགས་ལྷ་མོ་འབུམ་སྡེས་བསྐོར ཆོས་འཁོར་བསྐལ་བཟང་སངས་རྒྱས་སྟོང་ བྲེ་ནང་སྒྲུབ་སྡེ་ཆེན་པོ་བརྒྱད བང་རིམ་དབུས་སུ་པད་ཉིའི་སྟེང་ ཡེ་ཤེས་མེ་དཔུང་འབར་བའི་ཀློང་ དྲང་སྲོང་དྲི་མེད་ཁྲོ་བོའི་སྐུ སྔགས་རྒོད་ལོཀྟྲི་པཱ་ལ་ནི མཐིང་ནག་དབུ་སྟོང་ཕྱག་སྟོང་རྔམས རྩ་ཕྱག་ཐུགས་ཀར་ཐལ་མོ་རྡེབ ལོག་འདྲེན་གནོད་བྱེད་རྡུལ་དུ་བྱེད ལྷག་མ་གཡས་རྣམས་རལ་གྲི་དང་ གཡོན་རྣམས་རྡོ་རྗེའི་ཐོ་བ་འཛིན དགྲ་བགེགས་གདན་ལ་དོར་སྟབས་བགྲད རིགས་སྔགས་དམོད་པ་གྲུབ་པ་ཡི དྲང་སྲོང་བྱེ་བ་འབུམ་སྡེས་བསྐོར སེང་ཁྲིའི་ནང་དུ་ཐོད་མཁར་ཀློང་

(༦༠༡)འུྃ ཁྲག་ཞག་རྒྱ་མཚོ་འཁྱིལ་བའི་དབུས མི་རོ་རྟ་རོ་གཅལ་དུ་བཀྲམ བདུད་དང་གཤིན་རྗེ་སྲིན་པོའི་སྡེ གནོད་སྦྱིན་ཤ་ཟ་རོ་ལངས་དང་ ཀེང་རུས་བྱ་གཅན་འཁྲིགས་པའི་ཀློང་ དཔལ་ལྡན་མ་མགོན་ལྕམ་དྲལ་དང་ བདུད་མགོན་ཚོགས་བདག་མཆེད་ལྔ་ལ ལྷ་དམགས་བྱེ་བ་འབུམ་སྡེ་དང་ དཔལ་མགོན་བདུན་ཅུ་རྩ་ལྔས་བསྐོར སྤྲུལ་བ་ཡང་སྤྲུལ་བསམ་མི་ཁྱབ འཇིགས་སུ་རུང་དང་དཔའ་བྱད་ཅན བྱད་ཕུར་གཡུལ་ངོ་ཟློག་ལ་རྔམས རྡོ་རྗེའི་རྭ་གུར་ཕྱི་རོལ་ཏུ གནམ་ལྕགས་འབར་བའི་རྩིབས་འཁོར་ནི སྟེང་འོག་ཕྱོགས་མཚམས་བཅུར་ལྡན་པའི ཡར་རྩེ་ཆོས་ཀྱི་དབྱིངས་དང་ནི མར་རྩེ་དམིགས་བྱའི་སྙིང་ལ་ཟུག སོ་སོའི་ནང་ཁོངས་ཉི་གདན་སྟེང་ ཕྱོགས་སྐྱོང་གདན་ལ་ཁྲོ་བོ་བཅུ རང་རང་སྤྲུལ་པའི་དམག་དཔུང་བཅས མེ་སྟག་འཕྲོ་ཞིང་ཀུན་ནས་འབར དེའི་ཕྱི་སྤུ་གྲི་རེག་གཅོད་རླུང་ ཡེ་ཤེས་མེ་ལྕེས་བསྐྱེད་པ་ལས གཡོན་བསྐོར་མགལ་མེའི་འཁོར་ལོ་ལྟར བསྐོར་ནས་དགྲ་བགེགས་ཉལ་ཉལ་གཏུབས དེ་ལྟར་གསལ་བའི་ལྷ་ཚོགས་ཀྱི གནས་གསུམ་ཡི་གེ་འབྲུ་གསུམ་ལས རང་འདྲའི་ཡེ་ཤེས་སྤྱན་དྲངས་

(༦༠༢)བསྟིམ གཉིས་པ་སྤྱན་འདྲེན་པ་ནི ཧཱུྃ མགོན་པོ་ཀུན་གཟིགས་ཐུགས་རྗེ་ཅན བདུད་ཀྱི་བདུད་ཆེན་ལྷ་ཡི་ལྷ བཅོམ་ལྡན་རྒྱལ་བ་སྲས་བཅས་རྣམས དེང་འདིར་གདུང་བས་སྤྱན་འདྲེན་ན ཐུགས་ལ་ཁྲོ་བ་མི་མངའ་ཡང་ སྙིགས་མ་ལྔ་ཡིས་ཐར་སྐྱེས་པའི ལོག་འདྲེན་འདུལ་ཕྱིར་དྲག་ཤུལ་དང་ རོལ་པའི་སྟོབས་ཀྱིས་གཤེགས་སུ་གསོལ ཨེ་ཧྱེ་ཧི་མ་ཧཱ་ཀུ་རུ་ཎི་ཀ་དྲྀ་ཤ་ཧོ གསུམ་པ་བཞུགས་སུ་གསོལ་བ་ནི ཧཱུྃ དྲན་པ་ཉེ་བར་གཞག་པ་ནས ཀུན་ཏུ་འོད་མཆོག་མན་ཆད་ཀྱི རྣམ་བྱང་རྫོགས་པའི་གཞལ་ཡས་སུ དམ་ཡེ་གཉིས་མེད་ངང་དུ་བཞུགས བཛྲ་ས་མ་ཡ་ཏིཥྛ བཞི་པ་ཕྱག་འཚལ་ནི ཧཱུྃ ལྷ་དང་རང་རིག་གཉིས་མེད་དུ ཤེས་ལ་སྲི་ཞུ་མི་མངའ་ཡང་ སེམས་ཅན་དོན་ལ་བསྐུལ་བྱའི་ཕྱིར བརྡ་དོན་དྲན་པའི་ཕྱག་གིས་མཆོད ཨ་ཏི་པཱུ་ཧོ པྲ་ཏཱིཙྪ་ཧོ ལྔ་པ་ཉེར་མཆོད་ནི ཧཱུྃ ཡུལ་ལ་དབང་པོས་སྤྱོད་པ་ཡི མཆོད་དང་མཆོད་བྱར་མི་དམིགས་ཀྱང་ སྐྱེ་མཆེད་ཡབ་དང་སྦྱོར་བའི་ཕྱིར ཡུལ་དྲུག་འདོད་ཡོན་ལྷ་མོར་རོལ བཛྲ་ཨརྒྷཾ་ནས་ནཻ་ཝི་དྱ་རཱུ་པ་ཤབྟ་སོགས། དྲུག་པ་སྨན་གཏོར་རཀྟའི་མཆོད་པ་ནི ཧཱུྃ གཏི་མུག་ཤ་ཆེན་བྷ་ལིང་ཏ

(༦༠༣)འུྃ ཞེ་སྡང་རུས་པ་འདོད་ཆགས་ཁྲག ཐབས་ཤེས་བྱང་ཆུབ་སེམས་སྨིན་པའི དམ་རྫས་སྨན་གཏོར་རཀྟས་མཆོད སརྦ་པཉྩ་རཀྟ་བྷ་ལིང་ཏ་ཧོ བདུན་པ་སྦྱོར་སྒྲོལ་གྱི་མཆོད་པ་ནི ཧཱུྃ བདག་མེད་རྡོ་རྗེ་ཡུམ་ལྔའི་ཀློང་ བདག་ལྟའི་རུ་ཏྲ་ཚར་བཅད་པས འཁོར་ལོ་བཞི་དབྱིངས་ལྡོག་ཁྱབ་ཀྱི སྦྱོར་སྒྲོལ་མཆོད་པ་བླ་ན་མེད མ་ཧཱ་སུ་ཁ་པཱུ་ཛ་ཧོ བརྒྱད་པ་ཕྱག་རྒྱ་བཞི་མཆོད་ནི ཨཱ ལྷར་སྣང་དམ་ཚིག་ཕྱག་རྒྱ་ཡང་ སྣང་སྟོང་ཟུང་འཇུག་ལས་ཀྱི་ངང་ གྲགས་སྟོང་ཆོས་ཀྱི་ཕྱག་རྒྱའི་སྤྲིན སྟོང་ཉིད་ཕྱག་རྒྱ་ཆེན་པོར་རོལ དྷརྨ་དྷཱརྟུ་པཱུ་ཛ་ཧོ དགུ་པ་བསྟོད་པ་ནི ཧཱུྃ མི་གནས་མི་དམིགས་ཆོས་ཀྱི་དབྱིངས འགགས་མེད་ངང་ལས་ལོངས་སྐུར་རྫོགས སྣ་ཚོགས་ཐབས་ལས་སྤྲུལ་པའི་སྐུ གཞན་དོན་རྒྱུན་ཆད་མེད་ལ་འདུད སྒྲ་ཚིག་བརྗོད་པར་མི་དམིགས་ཀྱང་ རླུང་དང་ཡི་གེར་འབྲེལ་བ་ལས གསང་སྔགས་རིགས་སྔགས་དངོས་གྲུབ་ཀུན གྲགས་སྟོང་རྡོ་རྗེའི་དབྱངས་ལ་འདུད ཟབ་ཞི་སྤྲོས་བྲལ་ནམ་མཁའི་དབྱིངས སྟོང་དང་མི་སྟོང་བློ་ལས་འདས སྐྱེ་བ་མེད་ལས་སྣ་ཚོགས་སྐྱེ རྡོ་རྗེའི་ཐུགས་ལ་ཕྱག་འཚལ་

(༦༠༤)བསྟོད རྒྱལ་བའི་སྐུ་གསུང་ཐུགས་མཆོག་ལས སེམས་ཅན་འདུལ་ཕྱིར་ཡོན་ཏན་གཟུགས འབར་དང་འཇམ་རྒྱས་ཆགས་པའི་ཉམས དམ་ཅན་རྒྱ་མཚོའི་ཚོགས་རྣམས་དང་ དེ་དག་འཁོར་ན་གནས་པ་ཡི འཇིག་རྟེན་འདས་དང་འཁོར་བའི་ཚུལ ཡེ་ཤེས་གྲུབ་ཀྱང་ཕྲིན་ལས་བཞིའི བདག་ཉིད་ཆེན་པོ་ཀུན་ལ་བསྟོད བཅུ་པ་བཟླས་པ་ནི བདུད་འདུལ་དྲག་མོའི་ཐུགས་ཀ་རུ ཉི་སྟེང་ཐུགས་སྲོག་ཧཱུྃ་གི་མཐར ལས་སྔགས་མེ་སྟག་འཕྲོ་བས་བསྐོར དེ་ལས་བྱུང་བའི་འོད་ཟེར་གྱིས ལྷ་ཚོགས་ཀུན་གྱི་ ཐུགས་རྒྱུད་བསྐུལ ཀུན་ཀྱང་རང་རང་གསང་སྔགས་དང་ རིགས་སྔགས་དམོད་པ་འབྲུག་ལྟར་ལྡིར སྒྲ་ལས་འོད་བྱུང་སྟོང་ཁམས་ཁེངས ཕ་རོལ་བྱད་ཕུར་དམག་ཚོགས་དང་ སྡེ་བརྒྱད་ལོག་འདྲེན་ཐལ་བར་བརླག འཁོར་འདས་བྱང་ཆུབ་སེམས་ཀྱི་ཀློང་ གཉིས་སྣང་དགྲ་འདྲེ་དབྱིངས་སུ་ཡལ ཞེས་གསལ་ལ རྩ་སྔགས་ཤམ་བུར ནྀྲ་ཏྲི་ཤ་ཏྲཱུྃ་ཨ་མུ་ཀཱ་སརྦ་ཙིཏྟ་རཱུ་པ་ད་ཧ་པ་ཙ་ཚིནྡྷ་ཧཱུཾ་ཕཊ བྷྱོ་བཟློག ཅེས་དྲག་སྔགས་གནམ་ཐོག་བབས་པ་བཞིན་བཟླ་བར་བྱ་ཞིང་ཐུན་རྫས་ལ་ཡང་སྔགས དམ་ཚིག་དག་དང་བསྐྱེད་རིམ་གསལ བཟླས་བརྗོད་ནུས་པ་རྫོགས་

(༦༠༥)འུྃ པ་ལ སྔགས་ཀྱི་དངོས་གྲུབ་འབྱུང་བས་སྒྲིམ གསུམ་པ་ལས་ལ་སྦྱོར་བ་ལ སྲུང་བཟློག་གཉིས་ལས་དང་པོ་ནི རང་སྲུང་བཙན་པོའི་མཁར་མེད་ན གོ་མེད་གཡུལ་ངོར་ཞུགས་འདྲ་བས སྲུང་འཁོར་གུད་དུ་ཕྱུང་ལྟར་བྱ གཉིས་པ་བསད་བཟློག་རྣམ་གཉིས་ལས དང་པོ་བསད་པའི་རིམ་པ་ལ དྲུག་ལས་དང་པོ་དམིགས་བྱ་བསྐྱེད་པ་ནི ཧཱུྃ རྟེན་དང་བརྟེན་པ་ཡོངས་རྫོགས་ཀྱི འོག་གཞི་རླུང་གི་དཀྱིལ་འཁོར་ལ འབྱུང་བ་དགྲ་གཤེད་འཐབས་པའི་ཀློང་ གཤིན་རྗེའི་ལྕགས་མཁར་བཅུ་དྲུག་གིས བསྐོར་བའི་གྲུབ་ཁུང་ཁ་རུབ་ལ གཏིང་ཟབ་གཏི་མུག་མུན་ནག་ཀློང་ ནྀྲ་དང་ཏྲི་ལས་དམིགས་བྱའི་གཟུགས ཤིན་ཏུ་རིད་ཅིང་ཉམ་ཐག་པའི ཡན་ལག་ལྕགས་སྒྲོག་དྲ་བས་བཅིངས སྙིང་ཁར་རྩིབས་བཅུའི་མར་སྣ་ཟུག སྟེང་ན་བྱ་རོག་འུག་པ་འཐབས དྲི་ངན་འཐུལ་བས་སྐྱོབ་པའི་ལྷ རང་དབང་མེད་པར་བྱེར་བྱེད་པའི ཁ་ཁྱེར་གཤིན་རྗེའི་ཀིང་ཀང་དཔུང་ འགུགས་འཆིང་སྡོམ་མྱོས་ལས་ལ་བརྩོན གཉིས་པ་དགུག་པ་ནི ཛ དཀོན་མཆོག་གསུམ་གྱི་བདེན་པ་དང་ ཡི་དམ་ལྷ་ཡི་ཏིང་འཛིན་དང་ སྔགས་རྒོད་རྫས་ཀྱི་ནུས་པ་ཡིས སངས་རྒྱས་བསྟན་པ་བཤིག་པ་དང་ བླ་མ་

(༦༠༦)དཀོན་མཆོག་དབུ་འཕང་སྨད སེམས་ཅན་ཡོངས་ཀྱི་བདེ་སྐྱིད་འཇོམས ཆོས་ལྡན་རྒྱལ་པོའི་རྒྱལ་སྲིད་འཕྲོག སྒོས་སུ་རྣལ་འབྱོར་ཉེས་མེད་ལ སྔ་དགྲ་ལག་བརྡར་ཕྱི་དགྲ་སེམས ད་དགྲ་དོ་བརྡོ་ཕོད་འཛུགས་ཤིང་ ལེགས་བསུབས་ཉེས་སྒྲོགས་དུག་སྦྱོར་གཤོམ ཁ་དཀར་ཞེ་ནག་ལོག་འདྲེན་དམོད ལས་འབྲས་ཁྱད་གསོད་སྲུང་མར་གཤེ དམིགས་ཡུལ་རཱུ་པ་བཅས་པ་འདིའི རྣམ་ཤེས་བླ་སྲོག་ཚེ་དང་བཅས ཁམས་གསུམ་ས་དགུ་གར་གནས་ཀྱང་ ཀིང་ཀང་མོན་པའི་དམག་ཚོགས་རྣམས ག་ཏེ་ག་ཏེ་བླ་ལ་ཁྱེ ལྕགས་ཀྱུ་ཅན་གྱིས་སྙིང་ནས་ཟུང་ ཞགས་པ་ཅན་གྱིས་རྐེ་ནས་ཆིངས ལྕགས་སྒྲོག་ཅན་གྱིས་ཡན་ལག་སྡོམས དྲིལ་བུས་བརྟན་པ་བྲལ་བར་གྱིས ལྷ་དང་ཕྲོལ་ཅིག་པྲེ་ཝེ་ཤ ཞེས་འགུགས་འདྲེན་བྱས་ལ ཡ་མ་རཱ་ཛ་ག་ཏེ་ག་ཏེ་ནྀྲ་ཏྲི་ཤ་ཏྲཱུཾ་བླ་ཤ་ཐུམ་རིལ་ཛ ཧཱུྃ་བཾ་ཧོ ཞེས་བླ་རྟགས་མ་མཐོང་བར་དུ་བཟླ་ཞིང་སྐབས་མཚམས་སུ་བདེན་སྟོབས་བརྗོད དེ་ཡང་ཕ་རོལ་གྱི་དམག་དཔུང་བཟློག་པ་གཙོ་བོར་ཡིན་ན་ཐུན་མཚམས་ཐམས་ཅད་དུ་སངས་རྒྱས་སྟོང་དང་དྲང་སྲོང་གི་དམོད་པ་ལ་བརྟེན་ནས བསོད་ནམས་དང་ཀླུང་རྟ་སྦུབ་པའི་སྔགས་དང་ཏིང་ངེ་འཛིན་ཟབ་གནད་ཅན་བླ་མའི་ཞལ་

(༦༠༧)འུྃ ལས་ཤེས་པར་བྱའོ གསུམ་པ་བླ་རྟགས་བྱུང་ནས་ཚེ་ཁྲུས་ཀྱི་དགོངས་པས་གནས་སྦར་བ་ནི ཕུར་བུ་སྙིང་གར་གཟུགས་ཅིང་ ཧཱུྃ སྙིང་རྗེས་བསྒྲལ་བའི་དམ་ཚིག་ནི གསད་ཅིང་མནན་པ་མ་ཡིན་ཏེ ཕུང་པོ་རྡོ་རྗེས་གཏམས་བྱས་ནས རྣམ་པར་ཤེས་པ་རྡོ་རྗེར་སྒོམ བཛྲ་ཀཱི་ལི་ཀི་ལ་ཡ་དང་རུ་ལུ་རུ་ལུ་བརྗོད་ཅིང་ཚེ་ལུང་ཁྲུས་ལུང་གི་དགོངས་པ་དང་ལྡན་པས་རྣམ་པར་ཤེས་པ་གཙོ་བོའི་ཐུགས་ཀར་སྦར བཞི་པ་ཚོགས་དྲུག་གི་གནད་གཅོད་པ་ནི ཧཱུྃ དབྱིངས་ན་བཞུགས་པའི་རྒྱལ་བ་ཞི་ཁྲོ་དང་། ཁྱད་པར་བདུད་འདུལ་སེང་གེའི་གདོང་པ་ཅན དྲང་སྲོང་ཁྲོས་པ་དམ་ཅན་རྒྱ་མཚོའི་ཚོགས ཐུགས་དམ་བསྐུལ་ལོ་དྲག་པོའི་ཕྲིན་ལས་མཛོད ཞིང་བཅུ་ཚང་བའི་དམ་ཉམས་དགྲ་བོ་འདིའི ཕུང་པོ་ཁམས་དང་སྐྱེ་མཆེད་འབྲེལ་བ་ཡི རྟེན་དང་བརྟེན་པ་ཆོས་ཀྱི་དབྱིངས་སུ་སྒྲོལ རྩ་སྔགས་དང་ལོག་ཏྲིའི་སྔགས་རྒོད་བཟླ་ཞིང་ ཕུར་པ་ཚོགས་དྲུག་གི་རྟེན་སོ་སོར་བཏབ ལྔ་པ་བས་དགྲིས་གཏུབ་ཅིང་ཐོ་ཐུན་དབབ་བ་ནི ཧཱུྃ དྲང་སྲོང་ཁྲོས་པའི་མཚོན་ཆ་ནི རལ་གྲིས་ཚལ་པ་སྟོང་དུ་བཀས ཐོ་བས་རྡུལ་ཕྲན་ཕྱེ་མར་འཐག ཐུན་རྫས་མེ་སྟག་འཕྲོ་བ་ཡིས བསམ་སྦྱོར་ངན་པ་རང་གཤེད་དུ འཁོར་ནས་རང་མཚོན་རང་ལ་ཟུག

(༦༠༨)རང་སྡེ་རང་གིས་བརླག་བྱས་ནས དམིགས་པ་མེད་པའི་ཀློང་དུ་ཕཊ ཅེས་སྔགས་གོང་མ་བཟླ་བཞིན་པར་གཟུགས་ཕུང་རྡུལ་དུ་བརླག་པར་བྱའོ དྲུག་པ་བསྟབ་པ་ནི ཧཱུྃ དགྲ་བགེགས་བསྒྲལ་བའི་ཤ་ཁྲག་རུས ཕུང་པོ་ཁམས་དང་སྐྱེ་མཆེད་དང་ ཡུལ་མཁར་གནས་རིས་སྡེ་དང་བཅས ཁྲོ་རྒྱལ་འབར་བའི་ཞལ་དུ་སྟོབ དགྱེས་པར་རོལ་ཅིག་ཁ་རཾ་ཁཱ་ཧི རྣམ་ཤེས་ཆོས་ཀྱི་དབྱིངས་སུ་དྲོངས གཉིས་པ་ཟློག་པའི་རིམ་པ་ལ དང་པོ་སྤྱིར་བསྐུལ་བ་ནི ཧཱུྃ ཞི་བ་ཆོས་ཀྱི་དབྱིངས་ལས་མ་གཡོས་ཀྱང་ འགྲོ་བ་འདུལ་ཕྱིར་ཞི་དང་ཁྲོ་བོའི་སྐུ དུས་གསུམ་ཕྱོགས་བཅུའི་རྒྱལ་བ་སྲས་བཅས་དང་ དཔལ་མགོན་བདུན་ཅུ་སྲུང་མ་དབྱིངས་ནས་བཞེངས བདེ་གཤེགས་སྙིང་པོ་རང་བཞིན་མེད་པ་ལས རང་རང་གློ་བུར་རྟོག་པས་འཁྲུལ་པའི་འགྲོ དུག་ལྔ་རང་རྒྱུད་ཞེན་པའི་འཁྲུལ་འཁོར་གྱིས འགྲོ་བ་རྒྱུད་ལྔའི་གནས་སུ་འཁོར་བྱས་ནས ལས་ངན་སྤྱོད་པའི་རྣམ་སྨིན་རྒྱུ་འབྲས་ལས བྱུང་བའི་ནད་མཚོན་དམག་འཁྲུགས་མུ་གེ་གདོན ལྟ་བ་ངན་དང་བདུད་ཀྱིས་བློ་བསྒྱུར་ནས རང་གཞན་སྡུག་ལ་སྦྱོར་བའི་རྒྱུ་འབྲས་རྣམས མངོན་སྤྱོད་དྲག་པོའི་རོལ་པས་ཚར་གཅོད་དེ སྐྱེ་མེད་དབྱིངས་

(༦༠༩)འུྃ ལ་སྦྱོར་བའི་ཕྲིན་ལས་མཛོད གཉིས་པ་སྒོས་སུ་བསྐུལ་བ་ནི ཧཱུྃ རྣམ་ཐར་སྒོ་གསུམ་རྡོ་རྗེ་བཙུན་མོའི་དབྱིངས གཞི་ལམ་འབྲས་བུ་རྫོགས་པའི་ཕོ་བྲང་ནས དུས་གསུམ་སངས་རྒྱས་ཐམས་ཅད་བསྐྱེད་པའི་ཡུམ ཡེ་ཤེས་མཁའ་འགྲོ་སེང་གེའི་གདོང་པ་ཅན བདུད་བཞིའི་སྟེང་ན་འགྱིང་པས་སྒེག་སྒེག་འདྲ མགོ་ཕྲེང་རྒྱན་དུ་འཆང་བས་དཔའ་དཔའ་འདྲ སེང་ཞལ་ནམ་མཁར་གདངས་པས་འཇིགས་འཇགས་འདྲ མཆེ་བ་ཟངས་ཡག་འབར་བས་དགོད་དགོད་འདྲ ལྗགས་དམར་གློག་ལྟར་འཁྱུག་པས་གཤེ་གཤེ་འདྲ ཨ་ཀའི་གད་རྒྱངས་སྒྲོགས་པས་དྲག་ཤུལ་གསུང་ འགྲོ་བ་མགོན་མེད་རྣམས་ལ་ཐུགས་བརྩེ་ཞིང་ ལོག་འདྲེན་གཡུལ་ངོ་བཟློག་ལ་ཤིན་ཏུ་རྔམས ཀུན་ཀྱང་རྟོག་བྲལ་བདེ་བ་ཆེན་པོར་ཞི གར་དགུའི་རོལ་པས་ས་དགུ་དབྱིངས་སུ་སྒྲོལ ཧཱུྃ ཁམས་དང་སྐྱེ་མཆེད་གནས་སུ་དག་པ་ལས ཡེ་ཤེས་ལུས་ཅན་རྡོ་རྗེ་བཙུན་མོའི་སྐུས གཏི་མུག་ལས་བྱུང་གླང་པོའི་འཇིགས་པ་དང་ རྨོངས་པས་ལས་འབྲས་ཁྱད་གསོད་བྱད་ཕུར་གདོན དམག་དཔུང་གཡུལ་གཤོམ་རང་གཤེད་རང་ལ་ཟློག སྐུ་ལས་ཡེ་ཤེས་མེ་དཔུང་འབར་བ་ཡིས ཞེ་སྡང་ལས་གྱུར་མེ་ཡི་

(༦༡༠)འཇིགས་པ་དང་ ཕན་ཚུན་འཐབ་རྩོད་གཡུལ་ངོར་འཇུག་པའི་སེམས བྱད་ཕུར་སྲི་སྐེག་ཐན་ལྟས་ངན་པ་ཟློག སྐུ་ལ་སེང་གེའི་སློག་པ་གསོལ་བ་ཡིས ང་རྒྱལ་ལས་གྱུར་སེང་གེའི་འཇིགས་པ་དང་ བཅོམ་དང་དྲེགས་པས་རྒྱགས་པའི་གཡུལ་ངོ་ཡིས འགྲོ་བའི་བདེ་སྐྱིད་འཕྲོག་པ་ཐམས་ཅད་ཟློག ཕྱག་གཡས་གྲི་གུག་ནམ་མཁར་འཕྱར་བ་ཡིས ཀླ་ཀློའི་ལྟ་བ་ངན་པ་ལས་གྱུར་པའི དམག་དང་ཆོམ་པོས་འཚེ་བའི་འཇིགས་པ་དང་ བྱད་ཕུར་ངན་སྔགས་བཀྲ་མི་ཤིས་པ་ཟློག ཕྱག་གཡོན་ཐོད་པ་ཁྲག་གིས་བཀང་བ་ཡིས འདོད་པ་ལས་གྱུར་ཆུ་བོའི་འཇིགས་པ་དང་ གཞན་འབྱོར་དཔལ་ལ་རྔམས་པའི་ལྟ་བ་ཡིས འགྱེད་དང་རྩོད་པའི་བསམ་སྦྱོར་ངན་པ་ཟློག རྡོ་རྗེ་ཁ་ཊྭཱྃ་མཆན་དུ་བརྟེན་པ་ཡིས ཕྲག་དོག་ལས་གྱུར་དུག་སྦྲུལ་འཇིགས་པ་དང་ གཞན་འབྱོར་དཔལ་ལ་མི་བཟོད་འཁུ་བ་ཡིས རང་གཞན་སྡུག་ལ་སྦྱོར་བའི་གཡུལ་ངོ་ཟློག ཕྱག་རྒྱ་ལྔ་ཡིས་སྐུ་ལ་བརྒྱན་པ་ཡིས སེར་སྣ་ལས་གྱུར་ལྕགས་སྒྲོག་འཇིགས་པ་དང་ རང་དབང་བསྡམས་ཤིང་གཞན་དབང་འཕྲོག་པའི་སེམས ཆོམ་པོས་འཚེ་དང་བཀྲ་མི་ཤིས་པ་ཟློག སྐུ་ལ་རུས་པའི་རྒྱན་དྲུག་གསོལ་བ་ཡིས ཐེ་

(༦༡༡)འུྃ ཚོམ་ལས་གྱུར་ཤ་ཟའི་འཇིགས་པ་དང་ འབྱུང་པོས་རྒྱུད་བརླམས་བརླང་པོར་སྤྱོད་པ་ཡིས བསྟན་འགྲོའི་ཕན་བདེ་བཤིག་པ་ཐམས་ཅད་ཟློག ཧཱུྃ ཡུལ་དང་དབང་ཤེས་འབྲེལ་བ་ཚར་གཅོད་ཅིང་ ཚོགས་དྲུག་གནས་སུ་དག་པའི་ཕྲ་མེན་དྲུག ཉོན་མོངས་ཉེ་བའི་ཉོན་མོངས་ལས་སྐྱེས་པའི སེམས་བྱུང་རྒྱུ་འབྲས་གཅོད་ལ་དཔའ་བས་ན ཕུང་པོ་ཁམས་དང་ཚོགས་བརྒྱད་ལས་གྱུར་པའི སྲིད་པ་གསུམ་གྱི་རྒུད་པ་ཐམས་ཅད་དང་ ཆག་ཆེ་ཉམ་ང་ནད་མཚོན་མུ་གེ་གདོན ལོ་ཉེས་སང་སེར་བཙའ་ཐན་ཤྭ་ལོག་དང་ ཐན་ལྟས་རྟགས་དང་རྨི་ལམ་མཚན་མ་ངན ཕན་ཚུན་འཐབ་རྩོད་བན་བོན་སྔགས་པའི་བྱད མུ་སྟེགས་ཕྲ་མེན་ངན་སྔགས་སྦྱོར་བ་དང་ དུས་མིན་འཆི་དང་རྨི་ལམ་ངན་པ་སོགས བཀྲ་མི་ཤིས་པའི་དངོས་པོ་ཐམས་ཅད་ཀུན གཅིག་ཏུ་བསྡུས་ནས་ཞིང་བཅུ་ཚང་བ་ཡིས དམ་ཉམས་དགྲ་དང་གནོད་པའི་བགེགས་ལ་བསྒྱུར ཟློག་སྒྱུར་བཅོལ་བའི་ཕྲིན་ལས་དུས་ལ་བབ ཧཱུྃ ཕྱི་རིམ་པད་འདབ་སོ་གཉིས་ནས རྒྱ་མཚོའི་འགྲམ་ལ་སོགས་པ་ཡི གནས་ལ་དབང་བྱེད་མཁའ་འགྲོ་མ སུམ་ཅུ་རྩ་གཉིས་སྐུ་བཞེངས་ཤིག དགའ་བྱེད་

(༦༡༢)མ་དང་འདྲེན་བྱེད་མ གསོད་བྱེད་མ་དང་སྤོར་བྱེད་མ འབར་བྱེད་མ་དང་གཟི་བརྗིད་མ ཁྲོ་གཉེར་མ་དང་འཇོམས་བྱེད་མ ཆགས་བྱེད་མ་དང་ཆགས་བྲལ་མ འཁོར་ལོ་མ་དང་རྒྱས་འདེབས་མ སྣ་ཚོགས་ལུས་འཆང་སྲུང་བ་མོ གནོད་སྦྱིན་མ་དང་ཡང་དག་འཕྲོག བྱ་རོག་གདོང་དང་འཇིགས་བྱེད་མ བཞད་གདོང་མ་དང་འུག་གདོང་མ ཁྱི་གདོང་མ་དང་ཕག་གདོང་མ རྔ་མོའི་གདོང་དང་བོང་བུའི་གདོང་ འཇོམས་བྱེད་མ་དང་རུས་འཆའ་མ སེང་གདོང་མ་དང་རུས་ཕྲེང་ཅན བུམ་སྣ་མ་དང་རྣམ་འཇོམས་མ དྷ་ཤ་གྷྲི་ཝ་འབོད་སྒྲོགས་མ ཀུན་ཀྱང་ཤིན་ཏུ་ཁྲོས་པའི་གཟུགས ཕྱག་མཚན་རྣམ་པ་སྣ་ཚོགས་འཛིན གསོད་ལ་རྒྱུག་ཅིང་གཅོད་ལ་རྔམས མཐུ་རྩལ་ནམ་མཁའི་གློག་ལས་མྱུར བསྟན་པ་བཤིག་པའི་དགྲ་བོ་ལ མཐུ་རྩལ་རྔམ་པའི་དུས་ལ་བབ གཡུལ་གཤོམ་བྱེད་པའི་དམག་དཔོན་དང་ དམག་དཔུང་འཇོམས་པའི་དུས་ལ་བབ ངན་སྔགས་བྱེད་པའི་མུ་སྟེགས་དང་ བན་བོན་འཇོམས་པའི་དུས་ལ་བབ བསྐུལ་ལོ་སེམས་ཅན་དོན་ལ་བསྐུལ མཛོད་ཅིག་དྲག་པོའི་ཕྲིན་ལས་མཛོད ཧཱུྃ སྒྲོལ་གིང་བཅོ་བརྒྱད་

(༦༡༣)འུྃ ཐུགས་དམ་བསྐུལ ཀིང་ཀར་རྡོ་རྗེ་འབྱུང་པོ་དང་ རྡོ་རྗེ་གནོད་སྦྱིན་སྤྱང་ཀི་དང་ རྡོ་རྗེ་གཤིན་རྗེ་རོལ་པ་དང་ རྡོ་རྗེ་འཆི་བདག་དུས་མཚམས་དང་ རྡོ་རྗེ་རོལ་པ་འཆི་བདག་དང་ རྡོ་རྗེ་དུས་མཚམས་རོ་ལངས་དང་ རྡོ་རྗེ་འཇོམས་པ་གིང་ལྕམ་དང་ རྡོ་རྗེ་དབང་བསྐུར་འཕྲུལ་མོ་ཆེ རྡོ་རྗེ་གློག་འགྱུ་མཐུ་མོ་ཆེ རྡོ་རྗེ་རྣ་ཉན་སྒྲོལ་བྱེད་མ རྡོ་རྗེ་ཟ་བྱེད་མྱོང་བྱེད་ཏེ བཀའ་སྡོད་གཉིས་བཅས་ལྕམ་དྲལ་དང་ གིང་ལང་དབང་ཕྱུག་བསྟན་མའི་ཚོགས ཀུན་ཀྱང་ཤིན་ཏུ་ཁྲོས་པའི་གཟུགས ཕྱག་མཚན་རྣམ་པ་སྣ་ཚོགས་འཛིན གསོད་ལ་རྒྱུག་ཅིང་གཅོད་ལ་རྔམས མཐུ་རྩལ་ནམ་མཁའི་གློག་ལས་མྱུར བསྟན་པ་བཤིག་པའི་དགྲ་བོ་ལ མཐུ་རྩལ་རྔམ་པའི་དུས་ལ་བབ གཡུལ་གཤོམ་བྱེད་པའི་དམག་དཔོན་དང་ དམག་དཔུང་འཇོམས་པའི་དུས་ལ་བབ ངན་སྔགས་བྱེད་པའི་མུ་སྟེགས་དང་ བན་བོན་འཇོམས་པའི་དུས་ལ་བབ བསྐུལ་ལོ་སེམས་ཅན་དོན་ལ་བསྐུལ མཛོད་ཅིག་དྲག་པོའི་ཕྲིན་ལས་མཛོད ཧཱུྃ དྲན་པ་ཉེ་བར་གཞག་པ་ནས་བཟུང་སྟེ རྣམ་པ་ཐམས་ཅད་རྫོགས་པའི་ཆོས་སྤྲིན་ཏོག བལྟར་མི་མངོན་པ་འོད་ཀྱི་ཕོ་

(༦༡༤)བྲང་ནས བདེ་གཤེགས་ཀུན་གྱི་མཐུ་སྟོབས་གཅིག་བསྡུས་པ རིགས་སྔགས་བདག་མོ་གཙུག་ཏོར་གདུགས་དཀར་དང་ རྡོ་རྗེ་ཉི་མ་སྣང་བའི་གཞལ་ཡས་ནས གཞན་གྱིས་མི་ཐུབ་ལྷ་མོ་འོད་ཟེར་ཅན ཡེ་ཤེས་ཟླ་བ་གསལ་བའི་དཀྱིལ་འཁོར་ནས བཞད་པ་བརྒྱད་ལྡན་ཁྲོ་གཉེར་ཅན་མ་སྟེ རིགས་སྔགས་བདག་མོ་འབུམ་སྡེའི་ལྷ་ཚོགས་རྣམས འགྲོ་ཀུན་སྡུག་བསྔལ་ཚོར་བས་ཉམ་ཐག་ཚེ ཐུགས་དམ་བསྐུལ་ལོ་སེམས་ཅན་དོན་ལ་བཞེངས འཇིགས་པ་ཆེན་པོ་བརྒྱད་དང་བཅུ་དྲུག་དང་ བྱད་གདོན་གཡུལ་ངོ་ཟློག་པའི་དུས་ལ་བབ ཧཱུྃ ས་བཅུ་ཡོངས་རྫོགས་ཆོས་ཀྱི་འཁོར་ལོ་ནས བསྐལ་བཟང་འདི་ལ་སྤང་རྟོགས་མཐར་ཕྱིན་པའི སྟོབས་བཅུ་མི་འཇིགས་རྣམ་བཞིའི་མཐུ་སྟོབས་ཅན བསྐལ་བཟང་སངས་རྒྱས་སྟོང་དང་རྒྱལ་སྲས་ཚོགས རྣམ་པ་བཞི་ཡི་འཁོར་དང་བཅས་པ་རྣམས འགྲོ་ཀུན་སྡུག་བསྔལ་ཚོར་བས་ཉམ་ཐག་ཚེ ཐུགས་དམ་བསྐུལ་ལོ་སེམས་ཅན་དོན་ལ་བཞེངས འཇིགས་པ་ཆེན་པོ་བརྒྱད་དང་བཅུ་དྲུག་དང་ བྱང་གདོན་གཡུལ་ངོ་ཟློག་པའི་དུས་ལ་བབ ཧཱུྃ ཞལ་དང་གཉིས་མེད་བྲེ་ཡི་ཕོ་བྲང་ནས བདེ་གཤེགས་ཡོངས་རྫོགས་གར་དགུའི་རོལ་པ་

(༦༡༥)འུྃ ཅན འཁོར་འདས་ཀུན་གྱི་རྗེ་བཙུན་ཆེ་མཆོག་ནི རྩ་ཞལ་ཉེར་གཅིག་ཕྱག་ནི་ཞེ་གཉིས་ན ཞི་བ་རྡོ་རྗེ་དབྱིངས་ཀྱི་ལྷ་ཚོགས་བསྣམས རང་རང་རིགས་ཀྱི་སྤྲུལ་པ་བསམ་མི་ཁྱབ སྐུ་མཆོག་འཇམ་དཔལ་ཁྲོ་བོའི་དཀྱིལ་འཁོར་དང་ གར་གྱི་དབང་ཕྱུག་པད་མ་གསུང་གི་ཚོགས ཐུགས་ཀྱི་བདག་ཉིད་ཡང་དག་ཧེ་རུ་ཀ ཕྲིན་ལས་རྡོ་རྗེ་གཞོན་ནུ་གཙོ་དང་འཁོར མ་མོ་རྦོད་གཏོང་རིག་འཛིན་སྡེ་བཞི་དང་ འཇིག་རྟེན་མཆོད་བསྟོད་དམོད་པ་དྲག་སྔགས་ཚོགས བདུན་བརྒྱ་ཉེར་ལྔ་བཀའ་སྡོད་དམ་ཅན་རྣམས འགྲོ་ཀུན་སྡུག་བསྔལ་ཚོར་བས་ཉམ་ཐག་ཚེ ཐུགས་དམ་བསྐུལ་ལོ་སེམས་ཅན་དོན་ལ་བཞེངས འཇིགས་པ་ཆེན་པོ་བརྒྱད་དང་བཅུ་དྲུག་དང་ བྱད་གདོན་གཡུལ་ངོ་ཟློག་པའི་དུས་ལ་བབ ཧཱུྃ རྫུ་འཕྲུལ་རྐང་པའི་བང་རིམ་གཞལ་མེད་ནས དྲང་སྲོང་ཁྲོས་པ་རྡོ་རྗེ་གཙུག་ཏོར་ཅན དབུ་སྟོང་ཕྱག་སྟོང་ལོག་ཏྲི་པཱ་ལའི་སྒྲ འུར་འུར་ཆེམ་ཆེམ་འབྲུག་སྟོང་ལྡིར་བ་བཞིན བདེན་ཚིག་དམོད་པས་ལོག་འདྲེན་ཚར་གཅོད་པའི དྲང་སྲོང་བྱེ་བ་འབུམ་སྡེའི་འཁོར་དང་བཅས གནམ་ས་ཁ་རྡེབ་ལྟ་བུའི་ཐལ་མོའི་བར དགྲ་བགེགས་འཐག་ཅིང་རལ་གྲི་ཐོ་བ་དང་

(༦༡༦)འཁོར་ལོ་གཏུན་ཤིང་དགྲ་སྟྭ་ཀླད་ལ་བསྐོར ཐ་ནག་སྐུ་གདུང་ནག་པོའི་མེ་སྟག་གིས ལོག་འདྲེན་རྣམ་ཤེས་ཚོགས་བརྒྱད་གནོན་ཅིང་གཟིར འགྲོ་ཀུན་སྡུག་བསྔལ་ཚོར་བར་ཉམ་ཐག་ཚེ ཐུགས་དམ་བསྐུལ་ལོ་སེམས་ཅན་དོན་ལ་བཞེངས འཇིག་པ་ཆེན་པོ་བརྒྱད་དང་བཅུ་དྲུག་དང་ བྱད་གདོན་གཡུལ་ངོ་ཟློག་པའི་དུས་ལ་བབ གསུམ་པ་ཐུན་གཏོང་འཕངས་པ་ནི ཧཱུྃ རྣམ་པ་ཉི་ཤུས་བྱང་ཆུབ་པའི བདེ་གཤེགས་ཐུགས་ཀྱི་དཀྱིལ་འཁོར་ནས ཡི་དམ་རྒྱལ་བ་ཞི་ཁྲོ་དང་ བདུད་བཞི་བསྣོལ་བའི་གདན་སྟེང་ནས བདུད་ཀྱི་བདུད་ཆེན་སེང་གེའི་གདོང་ ཕྲ་མེན་མཁའ་འགྲོའི་ལྷ་ཚོགས་དང་ དཔལ་ལྡན་མ་མགོན་ལྕམ་དྲལ་སྟེ མགོན་པོ་བདུན་ཅུ་རྩ་ལྔའི་ཚོགས ཐུགས་དམ་བསྐུལ་ལོ་དབྱིངས་ནས་བཞེངས བདེན་པའི་མཐུ་དང་དཔུང་སྐྱེད་ལ སངས་རྒྱས་བསྟན་པ་བཤིག་པ་དང་ བླ་མ་དཀོན་མཆོག་དབུ་འཕང་སྨད འགྲོ་བའི་བདེ་སྐྱིད་འཕྲོག་པ་སོགས ཞིང་བཅུ་ཚང་བའི་དམ་ཉམས་དང་ ཡོངས་ལ་འཚེ་བའི་དགྲ་དང་བགེགས དམར་གཏོར་ཁྲག་ཞག་འཁྱིལ་བའི་ཀློང་ ཁུག་ཅིག་ཤ་ཁྲག་དྲོད་དབུགས་རོལ ཛ བདེ་གཤེགས་འདུས་པའི་གཏོར་ཟོར་འདི

(༦༡༧)འུྃ བསྟན་པ་བཤིག་པའི་དགྲ་བགེགས་ལ དམིགས་ཀྱི་ལྷ་སྲིན་གཉན་པོ་རྣམས ཀོ་ལོང་མ་སྡོམ་ཟོར་ལམ་ཕྱེས ཟོར་ཆེན་རླུང་གིས་བསྐྱོད་ཙ་ན འབྲོང་ཆེན་ངར་མའི་ཆོ་འདྲ་སྟེ མཚོན་ཆ་སྣ་ཚོགས་ར་ལྟར་ཟིང་ ཁྱུང་ཆེན་ངར་མའི་སྡེར་འདྲ་སྟེ གང་ལ་དམིགས་པའི་སྟེང་དུ་འབེབས དམིགས་ལས་གཞན་དུ་མ་ལྡོག་ཅིག ཇི་ལྟར་དམིགས་ན་ཕ་རོལ་མཐུས མེ་ལ་ཧོམ་དང་ཆུ་ལ་གཏད ས་ལ་གཤོར་དང་རླུང་ལ་ཐོར དྲང་སྲོང་ཁྲོས་པའི་དམོད་པ་དང་ བན་དྷེའི་མདོ་དང་བོན་པོའི་བཙོ གྱིམ་ཤང་གཤེད་སྡེབས་དགྲ་གཤེད་བསྐོར དབྱེ་བསྐྲད་རྨོངས་རེངས་བསད་དང་བཅིངས མུ་སྟེགས་ཕྲ་མེན་ངན་སྔགས་དང་ བུད་མེད་དམོད་ངན་སྡེ་བརྒྱད་བྱད གཤིན་རྗེའི་འཁོར་ལོ་མ་མོའི་རིམས གཟའ་ཀླུའི་དུག་དང་བདུད་བཙན་ཁྲམ རྒྱལ་པོའི་སྨྱོ་འབོགས་དམུའི་གནམ་རྡོ གྲིབ་གནོན་སྨྱོ་བྱེད་བརྗེད་བྱེད་གདོན སྐེམ་བྱེད་རོ་ལངས་ལ་སོགས་པ གདོན་རིགས་སུམ་བརྒྱ་དྲུག་ཅུ་སོགས དེ་ལས་བྱུང་བའི་སད་སེར་དང་ རི་རུད་ཤྭ་ལོགས་གཡོས་དང་ ཐན་ལྟས་རྟགས་མཚན་རྨི་ལམ་ངན འཇིགས་པ་བརྒྱད་དང་བཅུ་དྲུག་སོགས བཀྲ་མི་ཤིས་པའི་

(༦༡༨)དངོས་པོ་ཀུན གཏོར་ཟོར་འདི་ལ་བསྟིམ་བྱས་ནས སླར་ལ་རང་གཤེད་རང་ལ་ཕོབ བྷྱོ་བྷྱོ་སྡང་བའི་དགྲ་ལ་བྷྱོ བྷྱོ་བྷྱོ་གནོད་པའི་བགེགས་ལ་བྷྱོ བསམ་སྦྱོར་ངན་པའི་སྟེང་དུ་བྷྱོ བདག་སྲུང་མི་མཐུན་དགྲ་ལ་སྒྱུར ཞེས་དགྲ་ཕྱོགས་སུ་འཕངས གལ་ཏེ་དམག་བཟློག་གལ་ཆེན་དང་འབྲེལ་ན་སྐབས་འདིར་མ་མགོན་གཡུལ་མདོས་སྦྲེལ་བ་མན་ངག་ཡིན་ནོ གསུམ་པ་རྗེས་ཀྱི་རིམ་པ་ལ ཆོས་སྲུང་གི་སྐོང་བ་རྒྱས་པར་བྱ དེ་ནས་ཚོགས་མཆོད་ནས་བཟུང་རྗེས་ཆོ་ག་རྣམས་དཀྱུས་བཞིན་བྱ དེ་ལྟ་བུས་བདུན་ཕྲག་ལ་སོགས་བསྒྲུབས་རྗེས་ཉིན་ཐ་མའི་ཚེ་ལྷག་མའི་རྗེས་སུ་སྒོ་དབྱེ་བྱ་བ་ནི བླ་གབ་མེད་པའི་སར་ཕྱིན་ལ་ལམ་གཏོར་ལ་ཆབ་བྲན གསེར་སྐྱེམས་བཤམ་ལ ཧཱུྃ དབང་པོ་རྡོ་རྗེ་ཅན་ལ་སོགས ཕྱོགས་སྐྱོང་ཆེན་པོ་བཅུ་རྣམས་དང་ རྒྱལ་ཆེན་བཞི་སོགས་གདོན་གྱི་བདག རང་རང་འཁོར་དང་བཅས་པ་དང་ གནམ་སའི་སྒྲ་གཅན་སའི་ལྷ་མོ དུས་མཚན་ཐུན་ཕྱེད་རཱ་ཧུ་དང་ བིཥྚི་དུས་ལ་དབང་བའི་ལྷ རྟག་ཆགས་ཡུལ་ལྷ་གཉན་པོ་རྣམས གསེར་སྐྱེམས་བརྔན་སྦྱིན་འདི་བཞེས་ལ སྒོ་ཕྱེ་འཕྲང་སོ་ལ་ཟོར་ལམ་ཕྱེ སེམས་མེད་འབྱུང་བ་ཆེན་པོ་བཞིའི ཀློང་དུ་དགྲ་བགེགས་དམིགས་བྱས་ནས ཟོར་སྣ་དགྲ་ལ་གཏོད་བྱེད་ན སེམས་

(༦༡༩)འུྃ ལྡན་ཀོ་ལོང་མི་འཚལ་ཏེ དབུ་ཆུམ་ཞབས་བསྡུས་སྐུ་གཟུར་ལ རང་བཞིན་མེད་པའི་དབྱིངས་ལ་བཞུགས དཀར་ཕྱོགས་སྲུང་བའི་གྲོགས་ངན་མཛོད ཅེས་གསེར་སྐྱེམས་ཕྱོགས་བཅུར་གཏོར དེ་ནས་ཐུགས་དམ་བསྐུལ ཆད་མདོ་གྱེར འཕངས་སར་སླེབས་པ་དང་ སྡེ་བརྒྱད་སྤྱི་ལ་དམིགས་པའི་གསེར་སྐྱེམས་དང་གཏོར་མ་བཏང་ ཤོག་ལིང་ཡོད་ན་ཧོམ་ཁུང་ནང་དུ་མགོ་མཇུག་ལྡོག་ལ་བཅུག དེའི་འོག་ཏུ་མེ་ཆུའི་སྣོད་ཀྱང་གཞག བདེན་བརྗོད་སྔོན་དུ་འགྲོ་བས་འགུགས་འདྲེན་དྲག་པོ་བྱ དགྲ་བོའི་ཡུལ་མཁར་ས་ཞིང་མི་ནོར་ཁ་རྗེ་དབང་ཐང་དང་བཅས་པ་ཧོམ་ཁུང་ནང་དུ་གསལ་བར་དམིགས་ལ་བྱ་གཅན་གཟན་ལ་རྦད་པ་བཞིན་དུ་ཟོར་རྫས་རྣམས་དམག་དཔུང་དང་དུག་རླངས་མཚོན་ཆའི་རང་བཞིན་དུ་དམིགས་ནས་ཐོག་མར་ཆོས་སྲུང་གི་གཏོར་ཟོར་དང་ རྗེས་ལ་གོང་གི་ཐུན་གཏོར་འཕེན་ཚིག་གིས་གཏོར་ཟོར་མེ་ཧོམ་དུ་སྦུབ་པ་ནི་འབྱུང་བ་བཞིའི་ཀློང་དུ་ལས་མཐའ་སྡུད་པའི་གནད་ཟབ་མོའོ དེ་ནས་བསྟན་མ་སྐྱོང་ སྲུང་འཁོར་བསྒོམ སྒོ་དྲུང་དུ་གཏོར་མནན་བྱ ནང་དུ་ལོག་ནས་ཚེ་གཟུངས་བཟླ གཏང་རག་དང་དངོས་གྲུབ་ལེན་པ་སོགས་དཀྱུས་ལྟར་བྱའོ གསང་སྔགས་ཐབས་དང་རྟེན་འབྲེལ་གྱི ཆེ་བས་བསྐྱེད་རྫོགས་གདིང་ལྡན་གྱིས ཏིང་འཛིན་ལྡེ་ཁ་བསྒྱུར་ཤེས་ན ལས་གང་འགྲུབ་བར་གདོན་མི་ཟ

(༦༢༠)ས་མ་ཡ རྒྱ་རྒྱ་རྒྱ དགོངས་རྒྱ གཏེར་རྒྱ གསང་རྒྱ

(༦༢༡)འུྃ ཡུམ་ཀའི་གསང་སྒྲུབ་སེང་གདོང་མའི་གཏོར་ཟློག་གི་བཅའ་གཞི་གནད་ཀྱི་ཡིག་ཆུང་བཞུགས། །གསང་འཛིན་སྟོན་པ་མཐུ་སྟོབས་ཀྱི་དབང་ཕྱུག་ལ་ཕྱག་འཚལ་ལོ། །རིག་འཛིན་ཡུམ་ཀའི་གསང་སྒྲུབ་སེང་གདོང་མའི་གཏོར་ཟློག་གི་བཅའ་གཞི་གནད་ཀྱི་ལག་ལེན་ལ། གང་དུ་བྱ་བའི་གནས་ཁང་མ་དུལ་བའི་ས་ཡིན་ནས་བླང་པའི་ཆོ་ག་གྲུབ་ན་བྱ། མ་གྲུབ་ནའང་གཞི་བདག་ལ་གཏོར་མ་བྱིན་ནས་བདེན་བདར་སྔོན་དུ་གཏང་། སྟེགས་བུ་གྲུ་བཞི་བླ་འོག་ཅན་གྱི་ཁར་ཁྲག་ཆང་གིས་ཆག་ཆག་བཏབ་ནས་དཀྱིལ་འཁོར་དཔེའུ་ཆུང་བཞིན་བྲི། འབྲུ་ནག་ལ་འབྲུ་སྣ་ཅུང་ཟད་བསྲེས་པའི་གཏོར་ཆེན་མཚེ་ཡུངས་རྩང་དང་ཤ་ཁྲག་གིས་བརྒྱན་པ། དཀྱིལ་འཁོར་གྱི་སྟེང་དུ་མཉྫི་ལ་བཀོད། དེའི་མཐར་ཟོར་ཀོང་མཚེ་རྩང་། ཡུངས་ཀར་ནག །ལྕགས་ཟངས་ཕྱེ། མི་བསད་རྡོ། སྐེ་ཚེ་ཤངས་ཚེ་རྣམས་དུག་ཁྲག་གིས་སྤགས་པའི་ཐུན་རྫས་ཀྱིས་བཀང་བས་མཐའ་བསྐོར། དེའི་མཐར་དྲག་པོའི་ཉེར་སྤྱོད་ལྔ་དང་སྨན་རག་གིས་བསྐོར། འོག་ཏུ་སྲིད་པའི་བྱེ་མ་ལ་བསད་དཀྱིལ་གྲུ་གསུམ་ལྟེ་བ་ཟབས་སུ་བརྐོས་པའམ་བྲིས་ཀྱང་རུང་བས་ནང་ནག །ཕྱི་སྔོན་པོ་མཐའ་བསྐོར་མེ་རི་དང་བཅས་པའི་མཐའ་སྐྱེར་རྩང་བཙུགས་པར་རེ་སྣམ་གྱིས་དཀྲིས། གཡུལ་མདོས་སོགས་གལ་

(༦༢༢)ཆེན་དང་འབྲེལ་ན་ཉི་མ་ལྷོར་བགྲོད་པའི་དུས་ཀྱི་ཉི་ནག་གམ་གཟའ་ཚེས་དྲག་པོ་དང་ཕ་རོལ་པའི་སྲོག་ཀླུངས་གཤེད་དུ་སྐོར་བའི་དུས་གནང་ཁྱད་པར་བ་དང་བསྟུན་ནས་དམིགས་བྱའི་ལིངྒ་འདུ་བྱེད་པ་ནི་རྫས་རྣམས་སྔ་རོལ་དུ་ཚང་བར་བསགས་ནས་དུག་ཤོག་ལ་བྱ་ཤ་ཟན་གྱི་སྒྲོ་རྐང་ངམ་མི་བསད་ཀྱི་མདའི་སྨྱུག་གུས་རྒྱ་སྣག་གིས་རཱུ་པ་སོར་མོ་བཅུ་གཉིས་པ་མཚན་ཉིད་དང་ལྡན་པར་བྲིས་པའི་སྙིང་གར་དགྲ་འདྲེ་གང་ཡིན་གྱི་སྲོག་ཡིག་ཛཁ་སྤྲོད་ཀྱི་བར་དུ་ལྟེམ་པའི་མཐར། ཆེ་གེ་མོ་བླ་ཤ་ཐུམ་རིལ་ཛ་ཧཱུྃ་བཾ་ཧོཅེས་པས་བསྐོར། དཔྲལ་བར་རུས། བརླ་ལ་བླ་དྭགས། མདོམས་སུ་ཕཊ། སྤྱི་བོར་ཨོཾ་ལཾ་ཧཱུཾ་ལཾ་སྟྭཾ་བྷ་ཡ་ནན། རྐང་མཐིལ་གཉིས་སུ་ཡཾ། ཡན་ལག་བཞི་ལ་ཛཧཱུྃ་བཾ་ཧོམཐའ་བསྐོར་བླ་འགུགས་སྔགས། ཡ་མ་རཱ་ཛ་དང་། རྣིྲ་ཏྲི་ཤ་ཏྲུཾ། མཐར་དམོད་མོ་གང་ཤེས་བྲི། དེའི་མཐར་ཛ་ཁྲོམ་གྱིས་བསྐོར། ལིང་ཁྲུས་ལེགས་པར་བྱས། དྷ་དུ་ར་སོགས་དུག་ཁྲག་དང་གནད་རྫས་ཁྱད་པར་བ་གང་རྙེད་ཀྱིས་བྱུགས་པ་ལྕགས་སླང་ནང་དུ་བཅུག་པའི་ཁར་ཟན་གྱི་ཉ་ཕོ་ཞིག་ཀྱང་བཅུག །ཡང་ལིང་ག་འབུར་དུ་བྱེད་ན། རྒྱ་མཚོའམ་ཆུ་ཀླུང་ཆེན་པོའི་འགྲམས། གྲོག་མཁན་ས། ཏིལ་ནག །ལན་ཚ། ཆུའི་རྦ། སོ་ཏོག །ཤ་ཆེན་ལ་སོགས་པར་

(༦༢༣)འུྃ གནད་རྫས་ཀྱང་འདྲེས་པར་བྱས་པ་བོང་བུ་དང་ར་ཐུག་ལུག་ཐུག་སོགས་ཀྱི་གཅིན་གྱིས་སྦྲུས་ནས་ཉ་བོ་སོར་བཅུ་པའི་སྲོག་རྩའི་དོད། དུར་ཁྲོད་ཀྱི་རྩ་ཀུ་ཤར་ཤོག་བུར་རྣིྲ་ཏྲིའི་མཐར་བླ་འགུགས་ཀྱི་སྔགས་བྲིས་པས་དཀྲིས་པ་བཅུག་སྟེ་དབང་པོའི་སྒོ་ཉམས་དོད་པར་བཅོས། དུག་ཁྲག་སོགས་ཀྱིས་བྱུགས་པ་ལྕགས་སླང་དུ་བཅུག་སྟེ། དེའི་ཁར་དབྱེ་སྒྲོ་གཉིས་བསྣོལ་ཏེ་བཞག་ས་ལིང་ཁེབས་ཀྱིས་གཡོགས་པ་བསད་དཀྱིལ་གྱི་དབུས་སུ་གཞག །ཟོར་བཟློག་སྤྱིར་བཏང་ལ་ལྕགས་སླང་བྱེ་མས་བཀང་བའི་ལྟེ་བ་གྲུ་གསུམ་དུ་བྲུས་པའི་ཁ་ཁྱེར་ལ་མེ་རི་བྲིས་པར་རྩང་བཙུགས། ནང་དུ་ཟན་གྱི་ལིང་ག་བཅུག་པ་དར་ནག་གིས་གཡོགས་ཏེ་ཟློག་དཀྱིལ་མཐའི་མེ་རི་ལྟ་བུའི་ཟུར་གཅིག་ཏུ་བཀར་བས་ཀྱང་རུང་། ལོག་ཅི་བདེ་བར་བདག་མདུན་གྱི་མཆོད་གཏོར་དང་ཆོས་སྐྱོང་སྤྱི་བྱེ་བྲག་པའི་གཏོར་མ་བཟང་བར་བཤམ། སྒྲུབ་ཞག་ཇི་ཙམ་བྱེད་པའི་ཐུན་རེར་ཟན་གྱི་ལིང་ཆུང་རེ་གསར་དུ་བཤམས་པ་བསྒྲལ་སྟབ་མཐར་ལིང་རོ་གཏོར་ཆེན་ལྷར་གསལ་བ་ལ་འབུལ། གྲོལ་ཉིན་བསད་དཀྱིལ་གྱི་ལིང་ག་ཕྱུང་བར་གདབ་ལས་བྱ་བ་མ་གཏོགས་རྒྱུན་ལྟར་ཟློག་བསད་ཀྱི་སྔགས་བཟླས་མཐར་སྔར་ཟོར་རྫས་སུ་བཤད་པའི་ཐུན་རྫས་ཐོད་ངན་ནམ་གཡག་

(༦༢༤)རྒོད་ཀྱི་རྭ་ནང་དུ་བླུགས་པར་མཆིལ་མ་མ་ཐོག་པར་ཕུས་བཏབ་པའི་ཐུན་གྱིས་བྲབ་ཅིང་། གུ་གུལ་བདུག །མཐར་ཤོག་ལིང་ཡོད་ན་ཟོར་གྱི་ཧོམ་ལ་བསྲེག་པའམ་དོ་གལ་ཆེན་མནན་ཆས་ཚུལ་བཞིན་བགྱིས་ནས་མནན་པ་བྱས་ཀྱང་རུང་བ་ཡིན་ནོ།། །།

(༦༢༥)འུྃ གསང་སྒྲུབ་སེང་གེའི་གདོང་ཅན་ལས ཕྲིན་ལས་གཞན་ཕན་འཁོར་ལོ་བཞུགས འུྃ བདག་མེད་སེང་གེའི་ཞལ་སྒོ་ལས བདག་ལྟའི་འགྲོ་ལ་ཕན་བཏགས་པའི ཕྲིན་ལས་གཞན་ཕན་འཁོར་ལོ་བསྟན ཞིང་ལ་ལྷགས་པ་སྲུང་བྱད་ན འཁོར་ལོ་མུ་ཁྱུད་གསུམ་པའི་ལྟོར སྣ་ཚོགས་རྡོ་རྗེའི་ལྟེ་བ་རུ མཱུཾ་དྷ་ཏི་ཤྭ་རཱི་སྭཱ་ཧཱ མདུན་ནས་བརྩམས་པའི་དབུས་རྭ་བཞིར ལཱཾ་ཏེ་ཥ་རསྟི་སྭཱ་ཧཱ མཱཾ་མོ་ཧ་རསྟི་སྭཱ་ཧཱ པཱཾ་རཱ་ག་རསྟི་སྭཱ་ཧཱ ཏཱཾ་བཛྲ་རསྟི་སྭཱ་ཧཱ མཚམས་རྭ་བརྒྱད་ལ་རྟེན་སྙིང་འགོད རྩི་བས་བཞིར་གླང་པོ་ཉལ་སྟབས་ལྟོར འབྱུང་བ་བཞི་ཡི་སྔགས་ཤམ་དུ ཡུལ་འདིར་ལྷགས་པ་སྲུང་ཞེས་བྲི གླང་སྣ་རྡོ་རྗེའི་འོག་ཏུ་མནན མཐའ་ལ་སྤྲིན་དང་རྡོ་རས་བསྐོར ན་བུན་འབུ་ཡི་ཁ་ཆུ་དང་ རྡོ་སོལ་ཚ་བ་གསུམ་གྱིས་བྱུག སཱཙྪའི་ནང་བཅུག་ཀླུ་འབུམ་གྱི སྟེང་བཞག་ཡུམ་ལྔའི་གསང་སྔགས་བཟླ བསངས་ཁྲུས་ཀླུ་གཏོར་ཀླུ་འབུམ་སྒྲོགས སྡེ་བརྒྱད་འབྱུང་པོར་བརྔན་སྦྱིན་བྱ བྱང་ཆུབ་སེམས་དང་ལྡན་པ་ཡིས རྒྱལ་བའི་བཀའ་སྒྲོགས་རྣམ་རྒྱལ་འདོན ཤིན་ཏུ་ཟབ་པའི་མན་ངག་གོ ས་མ་ཡ ༈ འབྲུམ་ནད་ཅེས་པ་རུས་པ་ལ ཚ་བ་ཞུགས་པ་སྲུང་འདོད་ན གནམ་ས་བར་གསུམ་ལྟོ་བ་རུ ཁྲག་སྣ་གསུམ་བསྲེས་སྔགས་འདི་བྲི དང་པོ་མཁའ་ལྡིང་སྦྲུལ་ཟའི་ལྟོར དྲག་

(༦༢༦)སྔགས་སོ་ལྔ་ཤམ་ལྡན་བྲི ཨོཾ་བཛྲ་མ་ཧཱ་ཀྲོ་ཏ་ནས་ནཱ་ག་དུ་ན་ཙནྡྷེ་ཙནྡྷེ་མི་ལི་མི་ལི་བྷནྡྷ་བྷནྡྷ་ནཱ་ག་ནི་སྭཱ་ཧཱ ཧཱུྃ་ཧ་ཧེ་ཕཊ བྷྱོ་བྷྱོ འཆང་བ་ལ་འབྲུམ་ནད་རཀྵ་རཀྵ བར་སྣང་འཕྱོ་བ་སྤྲ་ཡི་ལྟོར རྩ་བའི་སྔགས་དང་སྒྲུབ་སྔགས་ཤམ དུནྟི༚་ཀཱ་ལ་ཏྲག་རཀྴ་གྷ་གྷ་ཧུར་ཐུ་མ་ཛ་གྷ་ཡ ནཱ་ག་ནན ཧ་ན་ཧ་ན་བཛྲ་ནན་རཀྵསྭཱ་ཧཱ འཆང་བ་ལ་འབྲུམ་ནད་རཀྵ ས་ལ་རྐོ་བ་ཕག་གི་ལྟོར ཨོཾ་པརྞ་ཤ་བ་རི་ཕཊ་ནན པརྴི་ནཱ་ག་ནན སརྦ་བྷི་རི་ཏ་ཧ་ན་ཧ་ན་བཛྲ་ནན བཛྲ་དུནྟི༚་ཀཱ་ལ་ཏྲག་རཀྴ་བྷྱོ འཆང་བ་ལ་རུས་ཚད་འབྲུམ་བུ་རཀྵརཀྵ གུ་གུལ་གླ་རྩི་རྟ་བོན་དང་ ཐང་ཕྲོམ་བཙན་དུག་བོང་ང་ནག ཤ་ཆེན་རཀྟ་བྱ་རྒོད་ཤ སྟག་ཤ་རུ་རྟ་བཟང་པོ་དྲུག བྱུག་ལ་རབ་གནས་ནན་ཏན་བྱ གསང་སྟེ་བཅང་ལ་འགྲུབ་པར་འགྱུར ཐེ་ཚོམ་མེད་ན་ཤིན་ཏུ་ཟབ ས་མ་ཡ རྒྱ་རྒྱ་རྒྱ

(༦༢༧)འུྃ ཀློང་ཆེན་སྙིང་གི་ཐིག་ལེ་ལས ཡོ་ག་གསུམ་གྱི་སྤྱི་ཆིངས་དཔལ་ཆེན་ཞལ་ལུང་བཞུགས

(༦༢༨)འུྃ ཀུན་བཟང་གདོད་མའི་ཀློང་ལ་འདུད རིག་པ་ཐིག་ལེ་ཉག་གཅིག་ནི ཆོས་རྣམས་ཀུན་གྱི་གྲོལ་ས་སྟེ མདོ་སྔགས་ཐེག་པ་བསམ་ཡས་སུ བསྟན་ཀྱང་ཐེག་པ་གཅིག་ལས་མེད འདི་ཉིད་མ་རིག་རྟོག་ཅན་རྣམས ཐེག་པའི་ཚིག་ལ་རྩོད་པ་བྱེད ཇི་སྲིད་སེམས་ཅན་བློ་མང་བ དེ་སྲིད་ཐེག་པ་བསམ་ཡས་སུ ཀུན་ཏུ་བཟང་པོ་ང་ཡིས་བསྟན འོན་ཀྱང་འདིར་ནི་དབང་པོའི་ཁྱད རབ་དང་འབྲིང་དང་ཐ་མ་གསུམ གསུམ་ཚན་གསུམ་དུ་དབྱེ་བ་ལས ཐེག་པའི་རྣམ་གྲངས་དགུ་རུ་བསྟན ཀུན་འབྱུང་འདྲེན་པའི་ཐེག་པ་དང་ དཀའ་ཐུབ་རིག་བྱེད་ཐེག་པ་དང་

(༦༢༩)འུྃ དབང་སྒྱུར་ཐབས་ཀྱི་ཐེག་པའོ དེ་ལས་ཚེ་གཅིག་མྱུར་གྲོལ་ལམ གང་ཟག་སྐལ་བ་མཆོག་ལྡན་ལ དབང་སྒྱུར་ཐབས་ཀྱི་ཐེག་པ་སྟེ རབ་ལ་རྫོགས་པ་ཆེན་པོའི་ལམ འབྲིང་ལ་ཨ་ནུ་ཡོ་ག་ཆེ དམན་ལ་མ་ཧཱ་ཡོ་གའོ བསྐྱེད་པའི་ངོ་བོ་རིམ་གྱིས་ཏེ གསང་སྔགས་ཀུན་གྱི་གཞི་ལྟ་བུ རྫོགས་པའི་རང་བཞིན་ཅིག་ཆར་ཏེ གསང་སྔགས་ཀུན་གྱི་ལམ་ལྟ་བུ རྫོགས་པ་ཆེན་པོ་བློ་བྲལ་ཆོས གསང་སྔགས་ཀུན་གྱི་འབྲས་བུར་བཤད དེ་ལ་མ་ཧཱ་ཡོ་ག་ནི དོན་དམ་མ་སྐྱེས་ཆོས་ཉིད་རྩལ ཏིང་འཛིན་གསུམ་གྱི་ཆོ་འཕྲུལ་ལས སྣོད་བཅུད་འཛིན་ཞེན་སྦྱོང་

(༦༣༠)པའི་ཕྱིར རྟེན་དང་བརྟེན་པའི་འཁོར་ལོར་ཤར དེ་ཡང་རིག་པས་བསྐྱེད་པའི་ལྷར རང་རྒྱུད་རྩིས་གདབ་མེད་པའི་ཕྱིར རྟོག་པ་འདུལ་བའི་གཉེན་པོ་རུ གཙོ་དང་འཁོར་གྱི་རོལ་པ་དང་ ཞལ་ཕྱག་རྣམ་འགྱུར་མཐའ་ཡས་པའི རྟགས་དང་དོན་གྱི་བརྡ་མཚོན་ནས སྣོད་བཅུད་སྤྲུལ་པའི་དཀྱིལ་འཁོར་དུ སྒོ་གསུམ་ལྷ་སྔགས་ཏིང་འཛིན་གྱིས གོམས་པ་གདིང་དུ་གྱུར་པ་ལ བསླབ་ཕྱིར་བདག་སྲས་གཞན་སྲས་ནི ཐུགས་རྗེའི་དབང་དང་ཤེས་རབ་དབང་ ཡེ་ཤེས་ཕྱག་རྒྱའི་འཁོར་ལོ་ལས དང་པོ་བསྙེན་པ་བྱ་བ་ནི སྣང་སྲིད་འཁོར་འདས་ཆོས་རྣམས་དང་ ཕུང་པོ་ཁམས་དང་སྐྱེ་མཆེད་ཀུན རྣམ་དག་ལྷ་ཡི་དཀྱིལ་འཁོར་དུ ལུས་དཀྱིལ་ཤེས་པར་བྱ་བ་དག་བསླབས་པས བདག་གི་སྲས་སུ་དེ་བཞིན་གཤེགས མངོན་དུ་བྱས་པར་གྱུར་པ་ཡིན གཉིས་པ་ཡེ་ཤེས་ལྷ་ཉིད་དང་ ཉེ་ཕྱིར་ཉེ་བའི་བསྙེན་པ་ནི དེ་ཡི་བྱིན་རླབས་རྒྱུད་སྨིན་ཅིང་ བླ་ན་མེད་པའི་ཡེ་ཤེས་ལ མངོན་པར་བྱང་ཆུབ་ཉིད་ལ་སློབ གསེར་ལ་བསྲེག་བཅད་བརྡར་བ་བཞིན རང་བཞིན་ནན་གྱིས་གོམས་པ་སྟེ བདག་ཉིད་དེ་བཞིན་གཤེགས་པ་ཡི སྲས་སུ་བྱས་

(༦༣༡)འུྃ པ་ཉིད་དུའོ གསུམ་པ་བསྒྲུབ་པ་བྱ་བ་ནི བསྐྱེད་རྫོགས་གོམས་པའི་ཡེ་ཤེས་ཀྱི ཚད་མེད་ཐུགས་རྗེ་ཆེན་པོའི་མཐུས འགྲོ་བ་ཀུན་གྱི་དོན་མཐུན་པར དམ་ཚིག་ཆེན་པོས་འཇུག་པ་སྟེ འདི་ནི་བདག་གི་སྲས་ཉིད་དུ དེ་བཞིན་གཤེགས་པ་བྱས་པའོ བཞི་པ་སྒྲུབ་པ་ཆེན་པོ་ནི ཚོགས་གཉིས་ཆེན་པོ་ལ་བརྟེན་ནས བདག་གཞན་གཉིས་ཀས་ཚོགས་སྒྲུབ་ཀྱི དཀྱིལ་འཁོར་བྱ་བ་ལ་ཞུགས་ཏེ སྤང་རྟོགས་ཡོན་ཏན་མངོན་བྱས་པས དོན་གཉིས་ལྷུན་གྱིས་གྲུབ་པ་སྟེ འདི་ནི་དེ་བཞིན་གཤེགས་པ་ཡི སྲས་སུ་བདག་ཉིད་བྱས་པའོ དེ་ལྟར་བསྙེན་སྒྲུབ་ཡན་ལག་བཞིའི རོལ་པ་རྣམ་བཀོད་ཆོ་འཕྲུལ་ལས ཏིང་འཛིན་གདེང་དུ་གྱུར་པའི་མཐུས ས་བཅུ་ལམ་ལྔའི་ཡོན་ཏན་ཀུན ལུས་རྒྱའི་སྦུབས་ནས་རྫོགས་པའོ དེ་ཡང་ཡུལ་གསུམ་གསལ་བ་དང་ དགྲ་གསུམ་བསད་དང་བདུད་བཞི་བཅོམ འཕྲང་གསུམ་བསལ་བར་གྱུར་ཚུལ་ནི བསོད་ནམས་དང་ནི་ཡེ་ཤེས་མཐུས བསྐྱེད་རྫོགས་གདིང་དུ་གྱུར་པ་ལས རྣམ་རྟོག་རགས་པ་ཆོམས་གྱུར་ཏེ ཡེ་ཤེས་ལྷ་ཡི་ཕྱག་རྒྱ་ཀུན དང་པོ་ཡིད་ཀྱི་ཡུལ་དུ་གསལ དེ་ཡི་དངོས་

(༦༣༢)སྣང་མཐུ་བརྟས་ཤིང་ སེམས་ཉིད་ཤིན་ཏུ་སྦྱངས་པའི་མཐུས རང་བཞིན་དབང་པོའི་ཡུལ་དུ་གསལ མཐར་ནི་བདེན་གཉིས་དབྱེར་མེད་ཀྱི ལུས་སེམས་ཤིན་སྦྱངས་ཐོབ་པའི་ལྷ ལུས་ཀྱི་ཡུལ་དུ་མངོན་སུམ་གསལ ཡུལ་གསུམ་གྱད་དུ་གྱུར་པ་ལས མ་དག་ལུས་ཀྱི་དངོས་སྣང་ཆོམས རྣམ་སྨིན་ཚེ་དབང་ཕྱག་རྒྱ་ཆེ ལྷུན་གྲུབ་རིག་འཛིན་རྣམ་པ་བཞིའི གོ་འཕང་མཆོག་ལ་གནས་པའོ དེ་ཚེ་བསྐྱེད་པའི་འཁོར་ལོ་ལ རྫོགས་རིམ་ཟབ་མོས་རྒྱས་ཐེབས་པས ཕྱི་དགྲ་ང་ཡིར་འཛིན་པ་དང་ ནང་དགྲ་བདག་ཏུ་འཛིན་པ་དང་ གསང་དགྲ་ཉོན་མོངས་གཟུང་འཛིན་ཀུན རྣམ་དག་ལྷ་ཡི་ཕུང་པོས་བཅོམ ཐ་མལ་ཕུང་པོའི་ཞེན་པ་ལས ལྡོག་པ་དགྲ་གསུམ་བསད་པའི་ཚད བདུད་བཞི་བཅོམ་པ་འདི་ལྟ་སྟེ བདེ་བ་ཆེན་པོའི་མཁའ་ཀློང་དུ ཐབས་ཤེས་རྒྱུ་ཡི་ཧེ་རུ་ཀ བདེ་སྟོང་ཆེན་པོར་རོལ་པ་ལས བདུད་རྩི་བྱང་ཆུབ་སེམས་ཀྱི་སྤྲིན བསམ་མི་ཁྱབ་པའི་ཡེ་ཤེས་ཀྱི འཕྲོ་འདུའི་བཀོད་པ་ཅིར་ཡང་སྣང་ དུག་ལྔ་ཆགས་འཛིན་བྲལ་བར་སྤྱོད འཕགས་པ་མཆོད་ཅིང་གཞན་དོན་བྱས དེ་ཚེ་ཉོན་མོངས་བདུད་

(༦༣༣)འུྃ བཅོམ་མོ དེ་ཡང་ཆགས་སྡང་འཛིན་རྟོག་ཀུན གཉིས་མེད་རང་བྱུང་ཡེ་ཤེས་རྩལ སྤངས་ཐོབ་བྲལ་བའི་ཆོས་ཉིད་ལ དགག་སྒྲུབ་ཕྱོགས་ལྷུང་ལས་འདས་པས བསླུ་བྲིད་ལྟ་བུའི་བདུད་བཅོམ་མོ རྡོ་རྗེ་ཕུང་པོའི་ཡན་ལག་ལྔ རྫོགས་པའི་སངས་རྒྱས་ལྔར་ཤེས་ཤིང་ རྣམ་དག་ལྷ་ཡི་སྐུར་གྱུར་པས ཐ་མལ་ཕུང་པོའི་བདུད་བཅོམ་མོ ཚོགས་གཉིས་འབྲས་བུའི་ཐུས་ཀ་ལས བསྐྱེད་རྫོགས་གདེང་གྱུར་སངས་རྒྱས་ཏེ དེ་ལ་སྐྱེ་དང་འཆི་བ་ཡི རྣམ་རྟོག་རང་མཚན་མེད་པས་ན འཆི་བདག་བདུད་ནི་བཅོམ་པའོ ཕྱོགས་རིས་བྲལ་བའི་ལྟ་བ་ཡིས ཐེ་ཚོམ་ཡིད་གཉིས་འཕྲང་ལས་གྲོལ གསལ་འགྲིབ་མེད་པའི་སྒོམ་པ་ཡིས བྱིང་རྒོད་གཉིས་འཛིན་འཕྲང་ལས་གྲོལ སྤྱོད་པ་མ་འཁྲུལ་དམ་ཚིག་གིས ཐེག་པ་དམན་པའི་འཕྲང་ལས་གྲོལ དེ་ལྟར་སྦྱང་གཞི་ལུས་ངག་ཡིད སྦྱོང་བྱེད་ལྷ་སྔགས་ཏིང་འཛིན་གྱིས སྦྱངས་འབྲས་བདེ་གཤེགས་སྐུ་གསུང་ཐུགས རྡོ་རྗེ་གསུམ་གྱི་འཁོར་ལོ་རུ ཡོངས་སྨིན་དོན་གྱི་སངས་རྒྱས་ཏེ མ་ཧཱ་ཡོ་གའི་གྲུབ་མཐའ་རུ སྤྱི་དཔལ་ཆེན་པོར་ངས་

(༦༣༤)བཤད་དོ ས་མ་ཡ ལུང་ཆེན་ཨ་ནུ་ཡོ་ག་ནི ཆོས་དབྱིངས་དོན་གྱི་ཀུན་བཟང་མོའི མཁའ་ཀློང་རྣམ་པར་དག་པ་ནས རིག་པ་ཀུན་ཏུ་བཟང་པོར་ཤར དེ་ཡང་ཚིག་ལ་མི་ལྟོས་པར དབྱིངས་དང་ཡེ་ཤེས་དབྱེར་མེད་པའི རང་བཞིན་ལྷུན་གྲུབ་ལྟ་བའི་ངང་ ཀུན་རྫོབ་ལྷ་ཡི་དཀྱིལ་དང་འཁོར དྲན་རིག་རྩལ་གྱིས་བསྐྱེད་པ་ལས ལྷུན་གྲུབ་ཟབ་མོའི་ཏིང་འཛིན་གྱིས སྒྲིབ་གཉིས་དྲི་མ་རྣམ་སྦྱོང་ཞིང་ སྐུ་བཞིའི་འབྲས་བུ་བསྐྱེད་པ་ལ རྫོགས་པ་ཨ་ནུ་ཡོ་གར་བཤད དེ་ཡི་བདུད་བཞི་བཅོམ་ལུགས་ནི དུག་གསུམ་ཡེ་ནས་སྐུ་གསུམ་དུ རྟོགས་པས་ཉོན་མོངས་ཡེ་སངས་རྒྱས དགག་སྒྲུབ་བླང་དོར་ལས་འདས་པས ཉོན་མོངས་བདུད་ནི་བཅོམ་པའོ སྣང་བརྟགས་ཤེས་བྱས་སྒྲོ་བཏགས་པའི ཆོས་དང་གང་ཟག་གཉིས་ཀའི་བློ བདག་མེད་རོ་མཉམ་རྟོགས་པ་ཡིས གཟུང་འཛིན་ལྷ་བུའི་བདུད་བཅོམ་མོ ཕུང་པོ་ཁམས་དང་སྐྱེ་མཆེད་ཀུན མ་བསྐྱེད་ཡེ་རྫོགས་ལྷའི་ཕྱག་རྒྱར མཉམ་ལ་མ་འདྲེས་ལྷུན་གྲུབ་པས ཞེན་འཛིན་ཕུང་པོའི་བདུད་བཅོམ་མོ ཆོས་ཉིད་རང་བཞིན་འགྱུར་མེད་ཀློང་ སྐྱེ་ཤི་བར་དོའི་བར་ལག་འགྱེལ དབྱིངས་ལ་

(༦༣༥)འུྃ གསལ་འགྲིབ་མི་མངའ་བས འཆི་བདག་བདུད་བཅོམ་རྫོགས་སངས་རྒྱས ས་མ་ཡ རང་བཞིན་རྫོགས་པ་ཆེན་པོ་ནི ལྷ་ཉིད་བྱང་ཆུབ་སེམས་དངོས་ལ སེམས་ཉིད་སངས་རྒྱས་ཤེས་པ་ཡིས བསྐྱེད་དུ་མེད་དེ་ཡེ་ནས་ཡིན ངེས་མེད་ཅིར་ཡང་འཆར་བ་ལ མ་བཀག་མ་སྒྲུབ་རང་བཞིན་གསལ བསམ་བརྗོད་བྲལ་བའི་རང་མདངས་ལ མཚན་དཔེའི་ཕྱག་རྒྱ་ཅིར་ཡང་སྣང་ སྣང་ཙམ་ཉིད་ནས་མ་གྲུབ་སྟོང་ དེ་ཡི་བདུད་བཞི་བཅོམ་ལུགས་ནི རིག་པ་ནམ་མཁའ་ལྟ་བུ་ལ དུག་ལྔའི་སྐྱོན་གྱིས་གོས་མ་མྱོང་ དངུལ་ཆུ་ལྟ་བུའི་ཡེ་ཤེས་ཀྱིས ཉོན་མོངས་བདུད་ཆེན་བཅོམ་པའོ སྲིད་གསུམ་ཡེ་ནས་སངས་རྒྱས་ལ སྐུ་དང་ཞིང་ཁམས་ལྷུན་གྱིས་གྲུབ རྩོལ་སྒྲུབ་རྒྱུ་རྐྱེན་ལས་འདས་པས ལྟར་སྣང་ལྷའི་བུའི་བདུད་ནི་བཅོམ བསམ་འདས་ཤེས་རབ་ཆེན་པོའི་དབྱིངས དངོས་སྣང་བྲལ་བའི་ཆོས་ཉིད་ལ གཟུང་འཛིན་རྟག་ཆད་བློ་མེད་པས འདུ་བྱེད་ཕུང་པོའི་བདུད་བཅོམ་མོ ངོས་བཟུང་མེད་པའི་རིག་པ་ལ དྲན་པ་གསལ་བའི་ཡེ་ཤེས་ཅན སྐྱེ་འཆི་ལས་འདས་ཆོས་ཀྱི་སྐུས འཆི་བདག་

(༦༣༦)བདུད་བཅོམ་ཡེ་སངས་རྒྱས ཨ་ཏིའི་གྲུབ་མཐའ་ཆེན་པོའོ ས་མ་ཡ དེ་ལྟར་ཡོ་ག་རྣམ་པ་གསུམ ནང་གསེས་བྲ་མོར་དབྱེ་བ་ལ རྣམ་པ་དགུ་རུ་བསྟན་པ་ནི དཀྱིལ་འཁོར་རིམ་གྱིས་བསྐྱེད་པ་ལ མ་ཧཱའི་མ་ཧཱ་ཞེས་བྱའོ དཀྱིལ་འཁོར་ལྷུན་གྱིས་གྲུབ་པ་ལ མ་ཧཱའི་ཨ་ནུ་ཞེས་བྱའོ དོན་དམ་མ་སྐྱེས་ཆོས་དབྱིངས་ལ མ་ཧཱའི་ཨ་ཏི་ཅེས་སུ་གྲགས དཀྱིལ་འཁོར་ཅིག་ཆར་རྫོགས་པ་ལ ཨ་ནུའི་མ་ཧཱ་ཞེས་སུ་འདོད ཀུན་རྫོབ་ལྷ་ཡི་དཀྱིལ་འཁོར་ལ དོན་དམ་ཆོས་དབྱིངས་རྣམ་དག་པ ཨ་ནུའི་ཨ་ནུ་ཞེས་བྱའོ ལྷ་དང་རང་རིག་གཉིས་མེད་པ ཨ་ནུའི་ཨ་ཏི་ཡོ་གའོ འཁོར་འདས་གདོད་ནས་དཀྱིལ་འཁོར་དུ ཤེས་པ་ཨ་ཏིའི་མ་ཧཱ་ལ རང་སེམས་ལྷ་སྐུར་ལྷུན་རྫོགས་པ ཨ་ཏིའི་ཨ་ནུ་ཞེས་བྱའོ སེམས་ཉིད་ངོ་བོ་མེད་པའི་དབྱིངས སྤྲོས་པ་ཀུན་དང་བྲལ་བ་ནི ཨ་ཏིའི་ཨ་ཏི་ཞེས་བྱ་སྟེ གཞི་དང་ལམ་དང་འབྲས་བུ་ཡི བསྐྱེད་རྫོགས་རྣམ་པ་གསུམ་གསུམ་ལས དབྱེ་བ་དགུ་རུ་ངས་བཤད་དོ འདི་ན་དམ་ཚིག་གི་རྣམ་བཤད་འདུག་སྟེ་སྒྱུར་འཕྲོ་བཞག་པས་མ་ཕེབས ཀུན་ལས་ཁྱད་འཕགས་གསང་ཆེན་གནད

(༦༣༧)འུྃ ཚིག་ཉུང་དོན་འདུས་རྒྱུད་སྡེའི་བཅུད ཡོ་ག་གསུམ་གྱི་སྤྱི་ཆིངས་འདི འཇམ་དཔལ་ཆོས་ཀྱི་བཤེས་གཉེན་གྱིས བྱིན་གྱིས་བརླབས་པའི་རིག་པ་འཛིན སྨིན་མཚམས་དཔའ་བོའི་རྒྱ་རྟགས་ཅན དེ་ལ་ལས་ཀྱི་དབང་མོ་ཆེས དགོངས་པའི་བརྡ་རིས་སྤྲད་པའི་ཚེ མཁའ་འགྲོའི་གསང་མཇོད་ཆེན་མོ་ལ དབང་བསྒྱུར་ང་ཡི་དགོངས་པའི་མཐིལ དེ་ཡི་སྙིང་ལ་ཡང་དག་ཞུགས སྣང་བ་ཚིག་དང་དཔེ་ཆར་ཤར གཏེར་གྱི་ནང་ནས་ཡང་བཅུད་ཡིན སྐལ་ལྡན་སྙིང་གི་བུ་གསུམ་གྱིས ཐེ་ཚོམ་མེད་པར་ལེན་དུ་འོང་ དེ་ལ་གཏད་རྒྱ་རྫོགས་པར་གྱིས སྣོད་མིན་བཤད་ན་བཀའ་འདི་འཆལ སྔགས་ཀྱི་སྲུང་མས་བྱ་ར་གྱིས འགྲོ་དོན་བསྟན་པ་མཐའ་རྒྱས་འགྱུར ས་མ་ཡ དྷ་ཐིམ

(༦༣༨)

(༦༣༩)དཔལ་ཆེན་བརྒྱུད་འདེབས་བཞུགས། ཀུན་བཟང་ཡབ་ཡུམ་ཆེ་མཆོག་ཧེ་རུ་ཀ །རྡོ་རྗེ་ཆོས་དང་མཁའ་འགྲོ་ལས་ཀྱི་དབང་། །ཧཱུྃ་དཀར་བཤེས་གཉེན་ཀླུ་སྒྲུབ་སྙིང་པོ་ལ། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །པྲ་ཆེན་ཧསྟི་དྷ་ན་སཾ་སྐྲྀ་ཏ། །དྲི་མེད་བཤེས་གཉེན་གུ་ཧྱ་ཙཱནྡྲ་ཆེ། །ཞི་བའི་སྙིང་པོ་པདྨ་ཐོད་ཕྲེང་ལ། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །འཇམ་དཔལ་རྡོ་རྗེ་ཚངས་པའི་མེ་ཏོག་སོགས། །གྲུབ་ཆེན་བརྒྱད་དང་དགོངས་བརྡ་སྙན་བརྒྱུད་ཀྱི། །བཀའ་བབས་གསུམ་ལྡན་རྩ་བའི་བླ་མ་ལ། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །དཀྱིལ་འཁོར་རྣམ་བཞིར་དབང་བཞིས་རྒྱུད་སྨིན་ནས། །སྒྲིབ་པ་བཞི་སྦྱངས་རིག་འཛིན་བཞིའི་ལམ་ལས། །ཡེ་ཤེས་བླ་མའི་ས་མཆོག་ཀུན་བཟང་ཞལ། །ཚེ་འདི་ཉིད་ལ་མཐོང་བར་བྱིན་གྱིས་རློབས། །ཞེས་པའང་འཇིགས་མེད་གླིང་པས་སོ།། །།དགེའོ། །

(༦༤༠)

(༦༤༡)ཧཱུྃ ཀློང་ཆེན་སྙིང་གི་ཐིག་ལེ་ལས རིག་འཛིན་ཐུགས་སྒྲུབ་དཔལ་ཆེན་འདུས་པ་བཞུགས

(༦༤༢)འུཾ བིདྱཱ་དྷཱ་ར་ཏུ་ཌམ་ཧཱ་ཤྲཱི་པསྟྲི་་ཏ དཔལ་ཆེན་ཧེ་རུ་ཀ་ལ་འདུད མ་འོངས་ལྔ་རྒྱ་ཐ་མའི་ཚེ མཐའ་ཡི་རྒྱ་འདྲེ་འབྱུང་པོ་དང་ དབུས་ཀྱི་དམ་སྲི་གློ་བུར་བསྡོངས ཆོས་པའི་སྙིང་ཞུགས་མི་དགེ་སྤྱོད་ སྐྱེ་བོའི་སྙིང་ཞུགས་སྡིག་རྒྱུན་སྤེལ རྨི་ལམ་བཙུན་པ་བྱ་སྤྲེལ་རྨི བག་མི་ཕེབས་ཤིང་སྙིང་རླུང་ལྡང་ དེ་ཚེ་གཉེན་པོ་སྟོབས་ཀྱི་ལྷ ཕལ་གྱིས་ཐུལ་བར་མི་འབྱུང་བས ཕྱི་ལྟར་བྱང་སེམས་ནང་རིག་འཛིན གསང་བ་དྲག་གཏུམ་འབར་བའི་ལྷ བདེ་གཤེགས་ཡོངས་རྫོགས་སྒྲུབ་སྡེ་བརྒྱད དཔལ་ཆེན་འདུས་པའི་སྒྲུབ་པ་འདིས ལོག་འདྲེན་འདུལ་བར་ཐེ་ཚོམ་མེད

(༦༤༣)འུྃ ཤིན་ཏུ་གསང་ཞིང་རང་ཉམས་ལོངས བསྟན་འགྲོའི་དོན་དུ་སྙིང་སྟོབས་བསྐྱེད ས་མ་ཡ དང་པོ་དབེན་ཞིང་ཉམས་དགའི་གནས གྲུབ་ཐོབ་ཞབས་ཀྱིས་བཅག་པ་དང་ ཁྱད་པར་དུར་ཁྲོད་རྩུབ་འགྱུར་ཚལ དཀྱིལ་འཁོར་རྩིབས་བཅུ་སྒོ་རྫོགས་ཅན མཚན་ཉིད་ཚང་བར་བྲིས་པའི་སྟེང་ སྒྲུབ་རྫས་ཐོད་སྐུ་སྔགས་བྱང་དང་ ཙན་དན་འམ་ནི་སེང་ཕུར་སོགས སྤྲོས་བཅས་སྒྲུབ་ཡིག་ལྟར་དུའམ ཡང་ན་གཙོ་ཕུར་ཙམ་ལ་བརྟེན ཉེར་སྤྱོད་སྨན་གཏོར་རཀྟ་དང་ དཀྱིལ་འཁོར་རྒྱན་བཀོད་ལེགས་པར་བཀྲམ བདེ་བའི་སྟན་ལ་བག་ཕབ་ནས མཚམས་

(༦༤༤)བཅད་གཡེལ་དང་མ་ཞུད་གཅེས དང་པོ་སྐྱབས་སུ་འགྲོ་བ་ནི ཧཱུཾ བདེ་གཤེགས་ཡོངས་རྫོགས་དཀོན་མཆོག་གསུམ་གྱི་ངང་ དཔལ་ཆེན་འདུས་པའི་ངོ་བོར་ཡོངས་ཤར་བ སྤྲོ་བསྡུའི་བྱེད་པོ་བྱང་ཆུབ་སེམས་ཀྱི་ལྷར རང་ངོ་ཤེས་པའི་ངང་ནས་སྐྱབས་སུ་མཆི ལན་གསུམ་གཉིས་པ་སེམས་བསྐྱེད་ནི ཧཱུཾ ཆོས་ཀྱི་དབྱིངས་ལ་ཕྱོགས་རིས་མཉམ་བརྡལ་ཡང་ མ་རྟོགས་འཁྲུལ་པར་འཁྱམས་པའི་བདག་འཛིན་བདུད འོད་གསལ་ཆོས་སྐུའི་ཀློང་དུ་བསྒྲལ་བའི་ཕྱིར དཔལ་ཆེན་ལྷ་ཚོགས་བསྒྲུབ་བར་སེམས་བསྐྱེད་དོ ལན་གསུམ་གསུམ་པ་ཚོགས་གསོག་ནི ཧོ རྡོ་རྗེ་སློབ་དཔོན་སངས་རྒྱས་དཔལ དུས་གསུམ་བཞུགས་ལ་ཕྱག་འཚལ་ལོ མཆོག་གསུམ་བསྟེན་པའི་ཞིང་གྱུར་ལ གཉིས་མེད་ཡིད་ཀྱིས་སྐྱབས་སུ་མཆི དངོས་འབྱོར་ཡིད་ཀྱིས་རྣམ་སྤྲུལ་པའི དག་པའི་མཆོད་པ་བཞེས་སུ་གསོལ དངོས་གྲུབ་ཆུ་བོ་གཅོད་པའི་གེགས ཉེས་བྱས་མ་ལུས་བཤགས་པར་བགྱི ཕྱོགས་བཅུ་འཁོར་

(༦༤༥)འུྃ གསུམ་དག་པའི་ཆོས མ་ཆགས་སྤྱོད་ལ་རྗེས་ཡི་རང་ དག་པའི་མཐའ་བཞི་དྲི་མ་མེད རྫོགས་པའི་བྱང་ཆུབ་སེམས་བསྐྱེད་དོ བདེ་གཤེགས་དབང་ཕྱུག་སེམས་ཅན་ལ དགོས་པ་གསུམ་ཕྱིར་ལུས་འབུལ་ལོ ཚེ་རབས་བགྲངས་པའི་ལས་རྣམས་ཀུན བསྡུས་ཏེ་བྱང་ཆུབ་ཆེན་པོར་བསྔོ བཞི་པ་བགེགས་གཏོར་གཏོང་བ་ནི ཧཱུཾ ང་ནི་སྤྱི་དཔལ་ཆེན་པོ་སྟེ བྱང་ཆུབ་བསྒྲུབ་ལ་བར་གཅོད་པའི གནོད་བྱེད་ལོག་འདྲེན་འབྱུང་པོ་རྣམས གཏོར་མ་ལོངས་ལ་ཕྱིར་དེངས་ཤིག གལ་ལྟེ་བཀའ་ལས་འདའ་བྱེད་རྣམས མགོ་བོ་ཚལ་པ་བརྒྱར་བཀས་ཤིང་ ལུས་ནི་རྡུལ་ཕྲན་བཞིན་དུ་བཤིག དྲགས་སྔགས་མེ་དཔུང་ཐུན་བཅས་བརྡེག ཨོཾ་བཛྲ་མ་ཧཱ་ཀྲོ་དྷ་པདྨ་ཀྲོ་དྷི་ཤྭ་རཱི་བཛྲ་ཀཱི་ལི་ཀཱི་ལཱ་ཡ་མ་ཧཱ་ཡཀྴ་ཀཱ་ལ་རཱུ་པ་ཀརྨཱ་རཾ་རཾ་ཛྭ་ལ་རཾ་ཧཱུཾ་ཕཊ ལྔ་པ་མཚམས་གཅོད་སྲུང་འཁོར་ནི ཧཱུཾ བདག་ཉིད་ཞེ་ལྡང་རྡོ་རྗེ་ཡི སྤྱན་མིག་ཉི་ཟླར་འབར་ཞིང་བསྲེག ཐུགས་ལས་ཁྲོ་བོའི་ཚྭ་ཚྭ་འཕྲོ སྟོང་

(༦༤༦)གསུམ་སྤྲུལ་པའི་མེ་ཡིས་འགེངས ཕྱོགས་མཚམས་མཚོན་ཆ་འཆོལ་པས་གཏམས བདག་མེད་སྟོང་པར་མཚམས་བཅད་དོ ཨོཾ་སཱུརྱ་ཙཎྜ་བཛྲ་ཀྲོ་ཏ་ཛྭ་ལ་རཾ་རཾ་ཙཀྲ་ཝཏྟི་མ་ཧཱ་ཀྲོ་ཏ་སརྦ་དུཥྚཾ་ཨ་ཧཱུཾཕཊ དྲུག་པ་བརྡ་སྒོ་དབྱེ་ཕྱག་འཚལ ནོངས་བཤགས་དམ་བཅའ་བཟུང་བ་ནི ཧཱུཾ མ་རིག་ལིང་ཏོག་ཡེ་ཤེས་ཐུར་མས་དབྱེ སེམས་ཉིད་ལྷ་སྐུར་རྟོགས་པའི་བརྡ་ཕྱག་འཚལ འགལ་འཁྲུལ་ནོངས་པ་ཆོས་སྐུའི་ཀློང་དུ་བཤགས དཔལ་ཆེན་སྲོག་གི་ཕྱིར་ཡང་མི་གཏོང་ངོ་ ཨ་ལ་ལ་ཧོ བདུན་པ་སྣོད་བཅུད་བྱིན་འབེབས་ནི ཧཱུཾ དཔལ་ཆེན་འདུས་པའི་ལྷ་ཚོགས་རྣམས ཆོས་སྐུའི་ཀློང་ནས་ཐུགས་རྗེ་བསྐྱེད ལོངས་སྐུའི་རྣམ་རོལ་ཅིར་ཡང་བསྒྱུར སྤྲུལ་སྐུའི་དཀྱིལ་འཁོར་བརྟེན་པར་བཅས དབང་བསྐུར་བྱིན་ཕོབ་རྟག་མཚན་སྟོན ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊ སརྦ་ས་མ་ཡ་ཨ་བེ་ཤ་ཡ་ཕཻཾ་ཕཻཾ བརྒྱད་པ་མཆོད་པ་བྱིན་བརླབ་ནི ཧཱུཾ དབྱིངས་ནས་ཡེ་ཤེས་འབྲུ་གསུམ་ཆར་དུ་བབས མཆོད་རྫས་ཉེས་སྐྱོན་མ་དག་བསྲེགས་

(༦༤༧)འུྃ གཏོར་བཀྲུས བྷྲཱུཾ་ལས་རིན་ཆེན་ཨ་ལས་བྷནྡྷའི་ནང་ ཕྱི་ནང་གསང་གསུམ་མཆོད་སྤྲིན་རྒྱ་མཚོར་གྱུར ཨོཾ་བཛྲ་ཨརྒྷཾ པཱ་བྱཾ་པུཥྤེ་དྷུ་པེ་དཱི་པཾ་གྷནྡྷེ་རཱུ་པ་ཤབྟ་གྷནྡྷེ་རཱ་ས་པརྴེ་སརྦ་པཱུ་ཙ་ཨཱཧཱུཾ སྨན་གཏོར་རཀྟའི་སྔགས་ཀྱིས་བརླབ ཨོཾ་ཨཱཧཱུཾ་སརྦ་པཉྩ་ཨ་མྲྀ་ཏ་ཧཱུཾ་ཧྲཱིཋ ཨོཾ་ཨཱཧཱུཾ་མ་ཧཱ་བ་ལི༚་ཏ་ཏེ་ཛྭ་བྷ་ལིངྟ་བྷ་ལ་བྷ་ཏི་གུ་ཧྱ་ས་མ་ཡེ་སྭཱ་ཧཱ ཨོཾ་ཨཱཧཱུཾ་མ་ཧཱ་རཀྟ་ས་མནྟ་མཎྜལ་ཧཱུཾ་ཕཊ དགུ་པ་སྒོང་སྐྱེས་སྦྱོང་བ་རྒྱས་པ་ཆེན་པོའི་བསྐྱེད་རིམ་ནི ཧཱུཾ རང་བྱུང་རིག་པ་བདག་མེད་དེ་བཞིན་ཉིད རོལ་རྩལ་ཀུན་སྣང་སྙིང་རྗེ་ཆེན་པོའི་གདངས རྒྱུ་ཡི་རིག་པ་ཧཱུཾ་གིས་སྣོད་བཅུད་སྦྱངས དེ་ཉིད་གནས་འགྱུར་རྡོ་རྗེ་རྩེ་ལྔ་པ སྐད་ཅིག་ཡོངས་གྱུར་རྒྱུ་ཡི་ཧེ་རུ་ཀ བརྗོད་མེད་ཀློང་ལྔ་ཡུམ་གྱི་མཁའ་ལ་ཤར ཐུགས་ལས་ཨེ་ཡཾ་ར་སུཾ་ཀེ༚་རཾ་ཆད ཨེ་ལས་ནམ་མཁའ་ཡཾ་ལས་གཡོ་བྱེད་རླུང་ ར་ལས་རཀྟ་སུམ་ལས་ཞིང་ཆེན་གཞི ཀེ༚་ལས་རུས་པའི་རི་དབང་བང་རིམ་ཅན རཾ་ལས་བསྐལ་མེ་རབ་འབར་རྔམ་བརྗིད་ཀློང་

(༦༤༨)ཧཱུཾ་ལས་གནམ་ལྕགས་རྡོ་རྗེའི་བྲག་ཆེན་སྟེང་ ནམ་མཁའི་དབྱིང་ནས་བྷྲཱུཾ་ཡིག་ལྔ་ལྡན་བབས བྷྲཱུཾ་རཏྣ་བྷཉྫཱ་ཛྙཱ་ན་ཙཀྲ་མཎྜལ་བྷྲཱུཾ བྷྲཱུཾ་ཡིག་གནས་འགྱུར་སྤྲུལ་པའི་གཞལ་མེད་ཁང་ ཕྱི་ནི་རིན་ཆེན་ནང་ནི་ཐོད་པའི་མཁར གྲུ་བཞི་སྒྲོ་བཞི་ཚད་དང་མཚན་ཉིད་ལྡན གུ་ཎ་ཏྭ་ར་རྟ་བབས་བང་རིམ་བརྒྱད ཆོས་འཁོར་རི་དྭགས་གདུགས་དང་ནོར་བུའི་ཏོག ཕྱི་རོལ་རིན་ཆེན་རྩིག་པའི་རྨིང་གི་གཞི འདོད་སྣམ་དམར་པོར་ལྷ་མོ་བཅུ་དྲུག་འཁོད ཕ་གུ་སེར་པོ་དྲ་བ་དྲ་ཕྱེད་མཛེས ཤར་བུ་མདའ་ཡབ་ཁང་བརྩེགས་རྡོ་རྗེའི་ཏོག ནང་ནི་དུར་ཁྲོད་རོལ་བའི་གཞལ་མེད་ཁང་ ཕྱི་འཁོར་རོ་གླིང་བརྒྱད་དང་རྡོ་རྗེའི་གུར བསྐལ་མེ་འུར་འུར་ཆེམ་ཆེམ་འབར་བའི་ཀློང་ འོག་མིན་གསང་ཆེན་རོལ་བའི་ཕོ་བྲང་ཆེ རབ་འཇིགས་གནམ་ལྕགས་ཙ་ལ་རྩིགས་བརྒྱད་དབུས བདེ་ཆེན་ཀུན་ཏུ་བཟང་མོའི་ཨེ་ཀློང་དུ བྱོལ་སོང་གཙོ་རྣམས་དྲེགས་པ་ཆེ་དགུ་བརྫིས མ་ཆགས་པདྨ་ཐབས་ཤེས་ཉི་ཟླ་འབར རུ་ཏྲ་ཀྲ་ཏི་ཏི་

(༦༤༩)འུྃ ར་བཾ པཾ་པདྨ་མ་དྷ་ལ མ་སཱུརྱ་མ་དྷ་ལ ཨ་ཙཎྜ་མ་དྷ་ལ ཧཱུཾརང་བྱུང་རྒྱུ་ཡི་ཧེ་རུ་ཀ ཡེ་ཤེས་དབྱིངས་ནས་གདན་ལ་བབས མཉམ་སྦྱོར་བདེ་བ་ཆེན་པོའི་སྒྲས འཕགས་པ་མཆོད་ཅིང་གཞན་དོན་བྱས ཡོངས་གྱུར་འབྲས་བུའི་ཧེ་རུ་ཀ ཆེ་མཆོག་བཛྲ་ཐོད་ཕྲེང་རྩལ མཐིང་ནག་དབུ་གསུམ་ཕྱག་དྲུག་པ ཞབས་བཞི་གྱད་ཀྱི་དོར་སྟབས་བགྲད རྒྱལ་འགོང་བདུད་བཞིའི་དཔྱི་ནས་བརྫིས གཡས་དཀར་དགོད་ཅིང་གཤེ་བའི་ཞལ གཡོན་དམར་ཨམ་གཙིགས་འཇིགས་པར་སྟོན དབུས་མཐིང་རྔམ་བརྗིད་ཁྲོ་བོའི་ཞལ སྐུ་མཆོག་རིགས་ལྔ་དབུ་ལ་རྫོགས རྡོ་རྗེའི་བྱ་ཁྱུང་སྤྱི་བོར་ལྡིང་ སྤྱན་དགུ་ལྗགས་འགྲིལ་མཆེ་བ་གཙིགས གཡས་ཀྱི་དང་པོ་རྡོ་རྗེ་དང་ བར་པ་ཁ་ཊྭཾཱ་ཐ་མ་མེ གཡོན་གྱི་དང་པོ་བྷནྡྷ་དམར བར་པ་ཐོང་གཤོལ་ཐ་མ་ན ལྕགས་ཀྱི་སྡིག་པ་མགོ་དགུ་བསྣམས དུར་ཁྲོད་དཔལ་གྱི་ཆས་རྣམས་རྫོགས གནམ་ཞལ་ཡུམ་མཆོག་ཀུན་བཟང་སྦྱོར

(༦༥༠)གཡས་པ་གཙོ་འཁྱུད་ཁ་ཊྭཱཾ་བསྣམས གཡོན་པ་ཆགས་པའི་དུང་དམར་སྟོབ སྐུ་མདོག་སྔོན་མོ་རྒྱན་དང་ལྡན བསྐལ་པའི་མེ་དཔུང་འབར་བའི་ཀློང་ དགའ་བཞི་བདེ་བ་ཆེན་པོར་བཞུགས དཔལ་ཆེན་ཡབ་ཡུམ་སྦྱོར་མཚམས་ནས ཕྱོགས་བཞི་མཚམས་བཞིའི་རྩིབས་སྟེངས་སུ མཐིང་ནག་ཧཱུཾ་གི་ཡི་གེ་སྤྲོས ཁྲག་འཐུང་ཡབ་ཡུམ་སྲས་བཅས་བསྐྱེད ཧཱུཾཧཱུཾཧཱུཾཧཱུཾཧཱུཾཧཱུཾཧཱུཾཧཱུཾ ཧཱུཾ་ཆེན་སྔགས་ཀྱི་སྒྲ་བསྒྲགས་པས ཁྲོ་རྒྱལ་དཀྱིལ་འཁོར་ལྷུན་གྱིས་གྲུབ བསྐལ་བའི་མེ་ལྟར་འབར་ཀློང་ནས རང་བྱུང་ཡེ་ཤེས་ཁྲོ་ཚོགས་ཤར ཤར་དུ་བཛྲ་ཧེ་རུ་མཐིང་ རྡོ་རྗེ་གཡས་ལ་དུང་ཁྲག་གཡོན བཛྲ་ཀྲོ་ཏི་ཤྭ་རཱི་སྦྱོར ལྷོ་རུ་འཇམ་དཔལ་གཤིན་རྗེ་སེར བེ་ཅོན་གཡས་ལ་སྡིག་མཛུབ་གཡོན བཻ་ཏ་ཟ་བྱེད་ནག་མོ་ཡུམ ནུབ་ཏུ་དབང་ཆེན་རྟ་མགྲིན་དམར རལ་གྲི་གཡས་ལ་པདྨ་གཡོན པདྨ་གཟི་ལྡན་ཁྲོ་རྒྱལ་ཡུམ བྱང་དུ་རྡོ་རྗེ་གཞོན་ནུ་ལྗང་ ཕྱག་

(༦༥༡)འུྃ གཉིས་རྡོ་རྗེ་ཕུར་བུ་འདྲིལ འཁོར་བ་རྒྱས་འདེབས་དཔལ་གྱི་ཡུམ ཤར་ལྷོར་བླ་མེད་ཧེ་རུ་ཀ མཐིང་ནག་བྱ་ཁྱུང་ཞིང་དབྱུག་ཐོགས ཡུམ་ཆེན་ཉིད་ཞི་བདེ་མཆོག་མ མ་ལྔ་ལ་སོགས་འཁོར་དང་བཅས ལྷོ་ནུབ་རིག་འཛིན་རྡོ་རྗེ་དཀར ཐོད་དབྱུག་གཡས་ལ་དྲིལ་བུ་གཡོན བདེ་ཆེན་རྡོ་རྗེ་རྣལ་འབྱོར་ཡུམ ནུབ་བྱང་དྲེགས་པ་ཀུན་འདུལ་མཐིང་ ཐོ་བ་གཡས་ལ་མདུང་ཐུང་གཡོན ཁམས་གསུམ་སྲིད་པ་སྤྱི་འདུལ་ཡུམ བྱང་ཤར་སྟོབས་ལྡན་ནག་པོ་ཆེ ལྕགས་ཀྱུ་གཡས་ལ་སྦྲུལ་ཞགས་གཡོན འབྱུང་བ་ལྔ་ཡི་བདག་མོ་ཡུམ གཟུགས་ཁམས་མཁར་འདེགས་འདོད་ཁམས་གནོན ཀུན་ཀྱང་རིགས་བཞིའི་འཁོར་དང་བཅས ཞབས་ཀྱིས་ལྷ་ཆེན་ཕོ་མོ་བརྫིས ཆོས་ཉིད་མི་འགྱུར་ཡུམ་རྣམས་མཐིང་ གྲི་གུག་ཐོད་འཛིན་ཡབ་ལ་འཁྱུད ཕྱི་རོལ་སྒོ་བ་རིགས་བཞི་ནི ལྕགས་ཀྱུ་ཞགས་པ་ལྕག་སྒྲོགས་དྲིལ ཚོམ་བུ་དགུ་ཡི་དཀྱིལ་འཁོར་ལྔ

(༦༥༢)བདུན་བརྒྱ་ཉེར་ལྔའི་ལྷ་ཚོགས་ཀུན ཉི་ལས་འོད་ཟེར་བཞིན་དུ་ཤར སྐུ་མདོག་ཕྱག་མཚན་རྒྱན་ཆ་ལུགས མ་འདྲེས་ཡོངས་རྫོགས་ཆེན་པོར་གསལ བཅུ་པ་དབང་བསྐུར་བ་ནི ཧཱུཾ རང་ལས་ཤར་བའི་དཔལ་ཆེན་ཚོགས མཐུ་རྩལ་ཡོངས་སུ་རྫོགས་བྱའི་ཕྱིར སྐུ་གསུང་ཐུགས་སུ་བྱིན་བརླབ་ཅིང་ ཡེ་ཤེས་ལྔ་ཡི་དབང་བསྐུར་རོ ཨོཾ་ཨཱཧཱུཾ ཨོཾ་ཧཱུཾ་སྭཱ་ཧྲཱིཨ རང་གི་སྤྱི་བོར་ཟླ་བ་ལ་ཨོཾ མགྲིན་པར་པདྨ་ལ་ཨཱ སྙིང་གར་ཉི་མ་ལ་ཧཱུཾ་གིས་མཚན་པ་ལས་འོད་ཟེར་འཕྲོས དེ་བཞིན་གཤེགས་པ་ཐམས་ཅད་སྤྱན་དྲངས ཡི་གེ་གསུམ་ལ་ཐིམ དེ་ཡོངས་སུ་གྱུར་པ་ལས སངས་རྒྱས་ཐམས་ཅད་ཀྱི་སྐུ་གསུང་། ཐུགས་ཡེ་ཤེས་རྡོ་རྗེའི་ངོ་བོར་རྣམ་པ་ཉི་ཤུས་བྱང་ཆུབ་པའི་ལྷ སྤྱི་བོར་རྣམ་སྣང་དཀར་པོ་འཁོར་ལོ་འཛིན་པ མགྲིན་པར་སྣང་མཐའ་དམར་པོ་པདྨ་འཛིན་པ ཐུགས་དཀར་མི་བསྐྱོད་པ་སྔོན་པོ་རྡོ་རྗེ་འཛིན་པས་རྒྱས་བཏབ་པས་གཞི་ལམ་འབྲས་བུའི་ཡོན་ཏན་ཡོངས་སུ་རྫོགས་པར་གྱུར རྡོ་རྗེ་རྩེ་ལྔ་པ་དང་གསུམ་པ་དང་ གཅིག་པའི་ཕྱག་རྒྱ་གནས་སོ་སོར་གཏུག་ཅིང་ ཨོཾ་སརྦ་ཏ་

(༦༥༣)འུྃ ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ དེ་བཞིན་དུ་ཝཱཀྐ་དང་ ཙིཏྟ་ཡང་སྦྱར་རོ ཡང་སྤྱི་བོའི་གནས་སོ་སོར་རིགས་ལྔའི་དབང་རྒྱ་བཅས་ལ ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀ་ཀོ྅ཧཾ དེ་བཞིན་དུ ཨོཾ་མ་ཧཱ་ཨ་དརྴ ཨོཾ་མ་ཧཱ་ས་མ་ཏ ཨོཾ་མ་ཧཱ་པྲ་ཏྱ་བེཀྵ་ཎ ཨོཾ་མྷཱ་ཀྲྀཏྱཱ་ནུཥྛ་ན་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ སྤྱི་བོའི་གནས་ལྔར་དབང་ལྷ་ཡབ་ཡུམ་རྗེས་ཆགས་རྒྱས་པའི་ཞུ་བདེའི་ཆུ་རྒྱུན་བྱང་ཆུབ་སེམས་ཀྱི་རོལ་བས་དབང་བསྐུར ཉོན་མོངས་པ་ལྔའི་དྲི་མ་སྦྱངས ཕུང་པོ་ལྔ་རིགས་ལྔའི་སངས་རྒྱས་སུ་གནས་འགྱུར་བས་ཀུན་བརྟགས་ལ་གཞན་དབང་གིས་རྒྱས་བཏབ ཆུ་ལྷག་མ་སྤྱི་བོར་ལུད་པ་ལས གཞན་དབང་ལ་ཡོངས་གྲུབ་ཀྱིས་རྒྱས་ཐེབས་ཤིང་ཡེ་ཤེས་འགྱུར་བ་མེད་པའི་བརྡར་དབུ་གཙུག་ན་རྡོ་རྗེ་ཕྱེད་པ་དང་ རིགས་བདག་སྣང་བ་མཐའ་ཡས་ཀྱིས་དབུ་བརྒྱན་པར་གྱུར རང་གི་འདུན་པ་སེམས་པ་དང་ སྙིང་གའི་འོད་ཀྱི་རོལ་བ་ཆེན་པོས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ནམ་མཁའ་གང་བའི་དཀྱིལ་འཁོར་གྱི་འཁོར་ལོར་བཛྲ་ས་མཱ་ཛ ཞེས་སྙན་མནན་ལ།

(༦༥༤)བཅུ་གཅིག་པ་སྤྱན་འདྲེན་པ་ནི ཚིལ་ཆེན་དང་སྦྱར་སྤོས་བསྲེག་ཅིང་རོལ་མོའི་སྒྲ་དང་བཅས ཧཱུཾ འོག་མིན་ཆོས་དབྱིངས་བདེ་ཆེན་ཞིང་ཁམས་ནས ལྷུན་གྲུབ་རོལ་པ་ཡེ་ཤེས་ཀློང་དགུའི་གར ཞི་ཁྲོ་རབ་འབྱམས་དཔལ་ཆེན་བཀའ་བརྒྱད་ལྷ གདུག་པ་འདུལ་ཕྱིར་གནས་འདིར་གཤེགས་སུ་གསོལ ཨེ་ཧྱ་ཧི་ཛཧཱུཾ་བཾ་ཧོ ས་མ་ཡ་ཧྲིང་ཧྲིང་ཛཛ བཅུ་གཉིས་པ་བཞུགས་གསོལ་ནི ཧཱུཾ མ་དག་སྣང་བ་དག་པ་རབ་འབྱམས་ཀྱི རྟེན་དང་བརྟེན་པའི་འཁོར་ལོར་ཡོངས་ཤར་བ ཏིང་འཛིན་སྤྲུལ་པའི་ཞིང་མཆོག་ཉམས་དགའ་བར དམ་ཡེ་གཉིས་མེད་ངོ་བོར་བརྟན་པར་བཞུགས ས་མ་ཡ་ཨ་བེ་ཤ་ཡ་ཏིཥྛ་ལྷན བཅུ་གསུམ་པ་ཕྱག་འཚལ་བ་ནི ཧཱུཾ རང་བྱུང་རང་ཤར་སྤྲུལ་པའི་དཀྱིལ་འཁོར་ལ བཟང་ངན་གཉིས་འཛིན་ཀུན་རྟོག་རྣམ་དག་ཀྱང་ རང་རིག་ཆོས་སྐུར་མཇལ་བའི་བརྡའ་ཕྱག་གར སྤང་བླང་མེད་པའི་ངང་ནས་བཙལ་བར་བགྱི ཨ་ཏི་པུ་ཧོ ན་མ་ཡ་དྷི བཅུ་བཞི་པ་ཕྱག་རྒྱ་གར་མཆོད་ནི

(༦༥༥)འུྃ ཧཱུཾ སྒེག་དཔལ་འཇིགས་རུང་སྐུ་ཡི་གར དགོད་གཤེ་དྲག་ཤུལ་གསུང་གི་གར སྙིང་རྗེ་རྔམ་ཞི་ཐུགས་ཀྱི་གར རང་བྱུང་གར་དགུའི་མཆོད་པ་བཞེས མ་ཧཱ་མུ་དྲ་པཱུ་ཙ་ཧོ བཅོ་ལྔ་པ་ཡེ་ཤེས་གླུའི་མཆོད་པ་ནི ཧཱུཾ དགའ་བ་བཅུ་དྲུག་རྡོ་རྗེའི་གླུ ཡེ་ཤེས་གླུ་དང་མཉམ་སྦྱོར་བ རང་ལས་བྱུང་ཞིང་རང་ལ་མཆོད མི་རྟོག་ཡེ་ཤེས་མངོན་དུ་སྟོན མ་ཧཱ་ཛྙཱ་ན་ཏེ་ཏེ་ཧཱུཾ ཏེ་ན་ཏེ་ཏེ་ཧཱུཾ བཅུ་དྲུག་པ་ཉེར་སྤྱོད་འདོད་ཡོན་གྱི་མཆོད་པ་ནི ཧཱུཾ ཉེར་སྤྱོད་ལྔ་དང་འདོད་ཡོན་ཀུན དབང་པོ་ལྔ་ཡི་རྒྱན་དུ་ཤར མཆོད་པའི་ཕྱག་རྒྱ་ཆེན་པོ་ཡི དཔལ་ཆེན་ལྷ་ཚོགས་མཉེས་གྱུར་ཅིག ཨོཾ་ཤྲཱི་བཛྲ་ས་པ་རི་ཝཱ་ར་དྷུ་པེ་ཧཱུཾ པུཥྤེ་ཏྲཱཾ ཨ་ལོ་ཀེ་ཧྲཱི གྷནྡྷཻ་ཧོ ནཻ་ཝི་དྱེ་ཨཱ ཤབྟ་ཧཱུཾ སརྦ་པཱུ་ཛ་ས་མ་ཡ་ཧོ བཅུ་བདུན་པ་གསང་བ་དུག་གསུམ་གནས་སུ་དག་པའི་མཆོད་པ་ནི ཧཱུཾ འདོད་ཆགས་ཁྲག་ཆེན་ཞེ་སྡང་རུས གཏི་མུག་ཤ་སྟེ་དུག་གསུམ་ཡང་ གདོད་ནས་སྐུ་གསུམ་ཆེན་པོའི་ངང་ རང་ལས་ཤར་ཞིང་རང་སར་གྲོལ

(༦༥༦)ཧ་ལ་པཉྩ་པཱུ་ཛ་ཧོ བཅོ་བརྒྱད་པ་སྨན་མཆོད་ནི རྡོ་རྗེའི་དམ་ཚིག་རྨད་པོ་ཆེ རྩ་བརྒྱད་སྟོང་ལ་སྦྱར་བའི་བདུད རྒྱུ་དྲུག་སྡུག་བསྔལ་འཇོམས་པའི་རྩི རིགས་ལྔ་ཡེ་ཤེས་ལྔ་ཡི་དངོས ཨོཾ་ཨཱཧཱུཾ་སརྦ་པཉྩ་ཨ་མྲྀ་ཏ་ཧཱུཾ་ཧྲཱིཋ དབྱིངས་རིག་ཡབ་ཡུམ་སྣང་སྟོང་ཧེ་རུ་ཀ ཆོས་ཀྱི་རྡོ་རྗེ་མཁའ་འགྲོ་ལས་ཀྱི་དབང་ རིག་འཛིན་འདུས་པ་བླ་མའི་དཀྱིལ་འཁོར་ལ མྱོང་གྲོལ་བདུད་རྩི་སྨན་གྱི་མཆོད་པ་འབུལསརྦ་པཉྩ་ཨ་མྲི་ཏ་ཁ་རཾ་ཁཱ་ཧི འཇམ་དཔལ་རྡོ་རྗེ་ཁྲི་སྲོང་ལྡེའུ་བཙན གྲུབ་ཆེན་བརྒྱད་དང་ལས་ཅན་དག་པའི་འཁོར བརྒྱུད་པ་བདུན་ལྡན་ཐུགས་གཏེར་བདག་པོ་ལ མྱོང་གྲོལ་བདུད་རྩི་སྨན་གྱི་མཆོད་པ་འབུལ སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི ཡེ་ཤེས་དགུ་རྫོགས་ཁྲག་འཐུང་དཀྱིལ་འཁོར་ལྷ དཔལ་གྱི་བཀའ་སྡོད་འཇིག་རྟེན་དྲེགས་པའི་སྡེ བདུན་བརྒྱ་ཉེར་ལྔ་བསམ་ཡས་ལྷུན་གྲུབ་ལ མྱོང་གྲོལ་བདུད་རྩི་སྨན་གྱི་མཆོད་པ་འབུལ སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི བཅུ་དགུ་པ་དངོས་གྲུབ་བླང་

(༦༥༧)འུྃ བ་ནི བདུད་རྩི་སྙིང་པོ་ཅན་གྱི་དབུས སངས་རྒྱས་ཀུན་གྱི་སྐུ་གསུང་ཐུགས ཡི་གེ་གསུམ་གྱི་རྣམ་པ་ཅན དམ་ཚིག་ཕྱག་རྒྱ་གཉེན་པོས་བླང་ ཀཱ་ཡ་སིདྡྷི་ཨོཾ ཝཱཀྐ་སིདྡྷི་ཨཱ ཙིཏྟ་སིདྡྷི་ཧཱུཾ མཐེབ་སྲིན་ཉི་ཟླའི་གའུས་བླང་ ཉི་ཤུ་པ་དམ་རྫས་གཏོར་མའི་མཆོད་པ་ནི ཧཱུཾ བྷ་ག་ཡངས་པའི་གཏོར་གཞོང་དུ ལིངྒ་འདོད་ཡོན་གཏོར་མར་འབར རྡོ་རྗེ་བཟའ་བའི་དམ་ཚིག་རྫས ཨ་ལ་ལ་སྟེ་དགྱེས་པར་རོལ མ་ཧཱ་བ་ལིང་ཏ་ཁཱ་ཧི ཉེར་གཅིག་པ་རཀྟའི་མཆོད་པ་ནི ཧཱུཾ ལྗང་ལོར་བཅས་པའི་དུང་ཆེན་དུ ཆགས་སྡང་དབྱིངས་སུ་བསྒྲལ་བའི་ཁྲག འཁོར་བ་གནས་སུ་དག་བྱའི་ཕྱིར བླང་དོར་མེད་པ་བཞེས་སུ་གསོལ མ་ཧཱ་རཀྟ་ཁཱ་ཧི ཉེར་གཉིས་པ་བདུད་རྩི་གསང་ནན་ནི ཧཱུཾ ཡབ་དང་ཡུམ་གྱི་རྒྱུ་གཉིས་ཀྱང་ ཕྱག་རྒྱ་བཞི་ཡི་རྐྱེན་གྱིས་སྦྱར དུག་ལྔ་སྨན་དུ་གྱུར་པའི་རྫས ཛ་གད་དཔའ་བོའི་བདུད་རྩིས་མཆོད མ་ཧཱ་བཛྲ་ཨ་མྲྀ་ཏ་ཛ་གད་པཱུ་ཛ་ཧོ ཉེར་གསུམ་པ་སྦྱོར་སྒྲོལ་གྱི་མཆོད་པ་ནི༔ ཧཱུཾ

(༦༥༨)རྡོ་རྗེ་པདྨོའི་གྲོང་ཁྱེར་ལ སྙོམས་པ་བཞུགས་པར་རབ་བསྐུལ་བས ལྷ་ཚོགས་ཀུན་ཀྱང་མཉེས་གྱུར་ཏེ སྡུག་བསྔལ་བདེ་བ་ཆེན་པོར་སྦྱོར རྣམ་རྟོག་བདག་མེད་དབྱིངས་སུ་སྒྲོལ ཛཧཱུཾ་བཾ་ཧོ ཏ་ན་ག་ན་པཱུ་ཛ་ཧོ ཉེར་བཞི་པ་བསྟོད་པ་ནི ཧཱུཾ མི་སྡུག་སྲིན་པོའི་སྐུ་ནི་སྒེག་ཅིང་དཔའ དྲག་ཤུལ་རྡོ་རྗེའི་གད་མོ་གཤེ་བའི་སྒྲ མཆོག་ཏུ་ཞི་བའི་ཐུགས་ནི་སྙིང་རྗེ་རྔམས གར་དགུས་ས་གསུམ་རྣམ་གནོན་ཁྱོད་ལ་བསྟོད རྡོ་རྗེ་ཐོད་ཁྲག་ཆགས་སྡང་དབྱིངས་སུ་སྦྱོར ཁ་ཊྭཱཾ་ཐོང་ དཀུར་བརྟེན་ནས་ཕྲག་པར་སློང་པ་གཤོལ་དུག་གསུམ་ཐ་རྒོད་འཇོམས མེ་དཔུང་ལྕགས་སྡིག་རྣམ་རྟོག་རྒྱལ་འགོང་གཤེད རྟོག་མེད་དྲེགས་པ་འདུལ་ལ་ཕྱག་འཚལ་བསྟོད ཆོས་སྐུ་འགྱུར་བ་མེད་པས་སྐུ་མདོག་མཐིང་ དབུ་ནི་སྐུ་གསུམ་ཕྱག་ནི་ཕར་ཕྱིན་དྲུག ཞབས་ནི་ཚད་མེད་བཞི་ཡི་རང་བཞིན་ཏེ རྟགས་དང་ཡོན་ཏན་རྫོགས་པའི་སྐུ་ལ་བསྟོད ཆོས་ཉིད་གཅིག་ལ་ཡེ་ཤེས་ཀློང་དགུའི་རྩལ གདུལ་བྱའི་ཁམས་ལ་དགྱེས་

(༦༥༩)འུྃ ཆགས་ཁྲོ་བའི་ཉམས རོལ་པའི་ཆོ་འཕྲུལ་མི་བཟད་འབར་བའི་སྐུ བདུན་བརྒྱ་ཉེར་ལྔའི་དཀྱིལ་འཁོར་ལྷ་ལ་བསྟོད ཉི་ཤུ་རྩ་ལྔ་འཛབ་དོན་ལ བསྙེན་དང་སྒྲུབ་པ་ལས་སྦྱོར་རོ དང་པོ་ཞི་བར་བསྙེན་པ་ནི བདག་ཉིད་ཆེ་མཆོག་ཡབ་ཡུམ་གྱི ཐུགས་མཆོག་འོད་ཀྱི་དྲྭ་བའི་ཀློང་ གསལ་སྟོང་ཟུང་འཇུག་ཉི་ཟླའི་སྟེང་ ཀུན་བཟང་ཡབ་ཡུམ་ཞལ་སྦྱོར་ལ རྡོ་རྗེ་སྐྱིལ་ཀྲུང་མཉམ་གཞག་ཅན ཐུགས་ཀར་བདེ་གཤེགས་ཀུན་གྱི་སྲོག ཡི་གེ་འབྲུ་གསུམ་བརྩེགས་མར་གསལ དེ་ལས་འོད་འཕྲོས་སྣང་སྲིད་ཀུན ཡེ་ཤེས་ལྔ་རུ་སངས་རྒྱས་བསམ འཁོར་འདས་རོ་གཅིག་ལྟ་བའི་ངང་ ཨོཾ་ཨཱཧཱུཾ རིག་རྣམས་ཀུན་གྱི་དབང་ཕྱུག་མཆོག སངས་རྒྱས་ཀུན་གྱི་མེས་པོ་སྒོམ རྒྱལ་བའི་དཀྱིལ་འཁོར་བསམ་ཡས་ཀུན བདེ་གཤེགས་གཅིག་སྒྲུབ་ཀུན་གྱི་ངང་ གྲངས་ཀྱི་བསྙེན་པ་བྱེ་བ་གསུམ ཚེ་གཅིག་བྱང་ཆུབ་འདོད་པ་རྣམས འདི་ལ་རྟག་ཏུ་ནན་ཏན་གྱིས འབྱུང་འཇུག་སྔགས་སུ་གོམས་པ་ན ཕུང་པོ་འོད་སྐུར་དེངས་པར་འགྱུར ས་མ་ཡ གཉིས་པ་

(༦༦༠)ཁྲོ་བོར་བསྒྲུབ་པ་ནི ཡེ་ཤེས་རྒྱལ་པོ་སྟང་དཔྱལ་གྱི ཐུགས་དཀར་པདྨ་ཉི་ཟླའི་སྟེང་ གསེར་གྱི་རྡོ་རྗེ་རྭ་དགུ་པའི དབུས་རྭར་ཏིང་འཛིན་སེམས་དཔའ་ཧཱུཾ རྭ་བརྒྱད་མདུན་ནས་རིམ་པ་བཞིན ཐོག་མཐའ་གཉིས་དང་གྲོང་ཁྱེར་དྲུག ཀུན་ཀྱང་ཐུགས་ཀའི་ཧཱུཾ་ལ་བལྟ ཤིན་ཏུ་ཕྲ་ཞིང་འོད་ཟེར་འབར ཨོཾ་གུ་རུ་ཤྲཱི་བཛྲ་ཡཀྴ་ཀྲོདྷ་ཙིཏྟ་ཧཱུཾ ལྷ་ལ་གསལ་སྣང་ཐོན་པ་དང་ འགྲོ་འདུའི་གཟེར་ལ་ལྡེ་ཁ་བསྒྱུར རང་རང་སྔགས་ཀྱི་ཡིག་འབྲུ་ལས སྔགས་ཕྲེང་ལུ་གུ་རྒྱུད་དུ་ཐོན ཡུབ་ནས་ཡུམ་གྱི་ཞལ་དུ་ཞུགས སྐུ་ཡི་དབྱིངས་བརྒྱུད་མཁའ་གསང་ནས རྡོ་རྗེ་ནོར་བུའི་ལམ་ཞུགས་ཏེ ཐུགས་སྲོག་ཧཱུཾ་ལ་ཐིམ་ཞིང་འཁོར བདེ་བ་ཆེན་པོའི་འོད་ཟེར་གྱིས རྒྱལ་བ་མཆོད་ཅིང་དངོས་གྲུབ་དབྱིག ཐམས་ཅད་བསྡུས་ནས་རང་ལ་བསྟིམ སླར་འཕྲོས་འགྲོ་བའི་ལས་ཉོན་སྦྱངས ཀུན་ཀྱང་དཔལ་ཆེན་གོ་འཕང་ལ དང་པོར་མོས་པས་འགོད་པ་སྟེ ལྷ་དང་ཞིང་ཁམས་ཆོས་ཉིད་གསུམ གཅིག་

(༦༦༡)འུྃ ཏུ་འདྲེས་པའི་གཟེར་ཐེབས་ཚེ རང་སྣང་དོན་གྱི་འོག་མིན་དུ འཚང་རྒྱ་འདི་ལ་ཐེ་ཚོམ་མེད ཧཱུཾཧཱུཾཧཱུཾ ལྷ་ཚོགས་འཕྲོ་འདུ་བསམ་ཡས་ཀྱང་ གཙོ་བོ་གཅིག་པུའི་ཆོ་འཕྲུལ་ཏེ དཔལ་ཆེན་སྲོག་ལ་དབང་ཐོབ་ན ཚོམ་བུའི་འཁོར་ལོ་མ་སྒྲུབ་ཤར ཨོཾ་བཛྲ་ཙཎྜ་སརྦ་དུཥྚཾ་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊ ལྷ་ཚོགས་ཀུན་ཀྱང་སྤྱི་དྲིལ་སྔགས འུར་ཆེམ་འབྲུག་གི་སྒྲ་བཞིན་སྒྲོག ལྔ་ལྡན་འོད་ཀྱིས་སྟོང་གསུམ་གང་ ནད་གདོན་ཞི་ཞིང་ཚེ་དཔལ་རྒྱས ཁམས་གསུམ་དབང་འདུས་དམིགས་བྱ་བསྒྲལ རིག་འཛིན་བཞི་ཡི་གནས་ཐོབ་བསམ གཙོ་ལ་འབྲུ་གསུམ་ལས་རུང་སྟེ གཞན་དུ་དེ་ཡི་བཞི་འགྱུར་ལ སྤྱི་དྲིལ་བཅུ་ཆ་དག་ཏུའོ འདི་ནི་བླ་མ་ཡི་དམ་གྱི རྣམ་པར་བསྒྲུབས་པས་བྱིན་རླབས་མྱུར གལ་པོ་ལ་སོགས་ཧེ་རུ་ཀའི ཏནྟྲ་ཀུན་གྱི་བཅུད་ཀྱང་འདྲིལ ལས་ལ་མི་ལྟོས་དཔལ་ཆེན་པོའི སྲོག་ནས་འཕྲོག་པས་རྣོ་ལ་མྱུར དབང་གི་ཆུ་བོ་མ་ཉམས་སྟེང་ བརྒྱུད་པ་བདུན་ལྡན་སྒྲུབ་ཐག་ཉེ གསང་ཆེན་རྒྱུད་སྡེ་རྒྱ་མཚོ་ཀུན སྒྲུབ་སྡེ་ཆེན་པོ་བརྒྱད་ལ་འདུ རིག་

(༦༦༢)འཛིན་བརྒྱད་དང་མཁས་པ་བཞི གོང་འོག་རྒྱ་མཚོའི་ལྟ་བུའི་འཛིང་ བརྒལ་བར་མི་ནུས་བློ་དམན་ལ བཅུད་འདྲིལ་འདི་ལས་གཞན་མ་གསུངས གུ་ཧྱ གསུམ་པ་ལས་ལ་སྦྱོར་བ་ནི སྐད་ཅིག་གནམ་ལྕགས་རྡོ་རྗེ་ནི རྩེ་དགུ་སྟོང་གསུམ་གང་བའི་ཁྱོན སྦུབས་སྟོང་འབར་བའི་ལྟོ་བ་རུ དཔལ་དགུ་རྔམས་པའི་དྲགས་སྔགས་སྒྲོགས ཡར་རྩེ་བརྒྱད་ཀྱི་སྲོག་ཤིང་ལ ཐུབ་དབང་བདུད་འདུལ་ཆ་བྱད་ཅན རྣམ་པ་བཞི་ཡི་འཁོར་གྱིས་བསྐོར རྭ་ལ་རིག་འཛིན་གྲུབ་ཐོབ་བརྒྱད མཉེན་ཞུ་ཕོད་ཆེན་སྡིག་འཛུབ་ཅན དྲང་སྲོང་དམོད་པ་ལས་ཀྱི་ཆས ཀུན་ཀྱང་ཛབྷྱོཕཊཀྱི་སྒྲ འགུགས་བསྒྲལ་སྤར་བའི་ལས་ལ་བརྩོན མར་རྩེ་དགུ་ཡིས་འགོང་པོ་དགུའི སྙིང་ག་དབང་ཆེན་གཞི་ལ་ཕུག འཆང་བཟུང་ཙཀྲ་རྩིབས་བརྒྱད་པའི མཆན་ལ་སྤྲུལ་པའི་ལྕགས་སྡིག་འཕྱོ སྤུ་གྲི་གཡོན་དུ་འཁོར་བ་ཡིས གནོད་བྱེད་དགྲ་གདོན་ཉལ་ཉལ་གཏུབས སྡིག་པས་ཧབ་ཧབ་ཟོས་པ་ཡིས ལོག་པར་འདྲེན་པའི་

(༦༦༣)འུྃ དགྲ་འདྲེ་དང་ ཁྱད་པར་འགོང་པོ་སྤུན་དགུའི་སྡེ རྫས་ལ་མེ་མཆེད་ལྟ་བུར་བསམ ཨོཾ་ཨཱཧཱུཾ་བཛྲ་ཡཀྴ་ཀྲོ་དྷ་སརྦ་དུཥྚཾ་ཧ་ན་ཧ་ན་ཧཱུཾ་ཕཊ མ་འོངས་བསྐལ་པའི་ཐ་མ་ལ སྔགས་ལ་སྤྱོད་ཅིང་དམ་ཚིག་དྲལ དེ་དག་འགོང་པོའི་དབང་གྱུར་ཏེ བྱ་རུ་མི་རུང་སྣ་དགུ་སྤྱོད དེ་ཀུན་བདག་ཏུ་ལྟ་ལས་བྱུང་ དེ་ཡི་རྒྱུ་འབྲས་འཇོམས་པ་ལ གཉེན་པོ་འདི་ལས་གཞན་དུ་མེད སྲོག་ཆགས་བསད་དང་རི་ཆེན་བསྙིལ དྲེགས་པ་དམ་ལ་ཆུད་པའི་རྟགས ཉམས་དང་སྦྱར་ཞིང་རིག་པས་དཔག ཏིང་འཛིན་མི་ལྡན་རང་ལ་སྡིགས དེ་ཕྱིར་མཁས་པས་འཚོ་ཤེས་བྱ སྲི་ཀེག་བྱང་ཕུར་ལ་སོགས་པ ཀུན་ལ་རིག་པའི་ལྡེ་ཁ་བསྒྱུར བར་ཆད་འདུལ་བར་ཐེ་ཚོམ་མེད རྗེས་ལ་ཚོགས་ལས་རིམ་པ་ནི ཧཱུཾ དཔལ་ཆེན་ཐུགས་ལས་རཾ་ཡཾ་ཁཾ འཕྲོས་པས་ཚོགས་ཀྱི་དངོས་འཛིན་སྦྱངས སྣང་སྲིད་བདེ་ཆེན་ཀ་པཱ་ལར བཅུད་རྣམས་རིགས་ལྔའི་དམ་རྫས་གྱུར ཨོཾ་ཨཱཧཱུཾ་ཧ་ཧོ་ཧྲཱི སྤྱན་འདྲེན་ནི ཧཱུཾ འོག་མིན་ཆོས་དབྱིངས་ཕོ་བྲང་དང་ ཡན་ལག་བདུན་ལྡན་ལོངས་སྤྱོད་རྫོགས

(༦༦༤)རང་བཞིན་སྤྲུལ་སྐུའི་ཞིང་ཁམས་ནས དཔལ་ཆེན་དཀྱིལ་འཁོར་ལྷ་ཚོགས་དང་ གནས་དང་ཉེ་གནས་རྣམ་པ་གཉིས ཡུལ་ནི་རོལ་པ་ཉེ་ཡུལ་རོལ ཞིང་དང་ཉེ་བའི་ཞིང་དང་ནི འདུ་དང་ཉེ་བའི་འདུ་བ་དང་ ཚན་རྡོ་ཉེ་བའི་ཚན་རྡོ་སྟེ ཧེ་རུ་ཀ་ཡི་གནས་བཅུ་དང་ དུར་ཁྲོད་ཆེན་པོ་བསིལ་བའི་ཚལ ཨོ་ཌི་ཡ་ནར་པདྨ་བརྩེགས ཟ་ཧོར་ཡུལ་ན་ཁུ་བྱུག་ཀློང་ སིང་ཧའི་ཡུལ་ན་སཱུ་ལ་རྫོགས ཁ་ཆེའི་ཡུལ་ན་ཧེ་ཆེན་རོལ བལ་བོའི་ཡུལ་ན་ཡ་མ་ཁ ཐོ་གར་ཡུལ་ན་གསང་ཆེན་རོལ ལི་ཡུལ་འཇིག་རྟེན་མངོན་རྫོགས་ཏེ དུར་ཁྲོད་ཆེན་པོ་བརྒྱད་རྣམས་ན བཞུགས་པའི་དཔའ་བོ་མཁའ་འགྲོ་དང་ ཤུགས་འགྲོ་རྣལ་འབྱོར་ཞིང་སྐྱོང་རྣམས ཚོགས་ལ་སྤྱན་འདྲེན་གཤེགས་སུ་གསོལ ཚོགས་ཁང་འདི་ནི་སྤྲུལ་པའི་ཞིང་ ཚོགས་རྫས་འདོད་ཡོན་རོལ་བའི་རྒྱན ཐབས་དང་ཤེས་རབ་ལྕམ་དྲལ་ལྡན རྡོ་རྗེའི་གློ་གར་བྱིན་རེ་ཆགས ཅང་ཏེའུ་དྲིལ་བུ་སྙན་

(༦༦༥)འུྃ ཅིང་འཁྲོལ འདི་ནི་དམ་ཚིག་མཆོག་གི་གནས གཤགས་དང་རྩོད་པ་ཀུ་ཅོ་མེད རིག་པ་བརྟུལ་ཞུགས་ཉམས་དང་ལྡན དམ་ཚིག་འདི་ནི་དང་དུ་བཞེས མཆོག་དང་ཐུན་མོང་དངོས་གྲུབ་སྩོལ གུ་རུ་དྷེ་ཝ་ཌཱ་ཀ་ཌཱཀྐི་ནི་དྷརྨཱ་པཱ་ལ་ས་མ་ཡ་ཛ ཕུད་དང་པོ་ནི ཧཱུཾ སངས་རྒྱས་དམ་ཚིག་བླ་ན་མེད ཤ་ལྔ་བདུད་རྩི་རྣམ་པ་ལྔ བཟའ་བཅའ་བཏུང་བ་ཕྱི་ཡི་ཚོགས འདོད་ཡོན་ལྷ་མོ་རྣམ་པ་ལྔ དབང་པོའི་ལོངས་སྤྱོད་ནང་གི་ཚོགས བདེ་སྟོང་ཡེ་ཤེས་བླ་ན་མེད དགའ་བཞི་རྣམ་རོལ་གསང་བའི་ཚོགས དཀྱིལ་འཁོར་ལྷ་ལྔ་མཆོད་པ་འབུལ བཞེས་ནས་དབང་དང་དངོས་གྲུབ་སྩོལ ག་ན་ཙཀྲ་པཱུ་ཙ་ཧོ བར་པ་བཤགས་པ་ནི ཧཱུཾ གང་ཞིག་འཁྲུལ་པར་གྱུར་པ་དེ་ནས་བཟུང་ རྣམ་སྨིན་ལུས་ལ་བརྟེན་པ་དེ་སྲིད་དུ མི་དགེ་བཅུ་དང་མཚམས་མེད་ཉེ་བ་ལྔ ལྕི་བ་བཅུ་དྲུག་ལོག་པ་བརྒྱད་ལ་སོགས ཐེག་པ་གསུམ་དང་རིག་པ་འཛིན་པ་ཡི སྡོམ་གསུམ་དམ་ཚིག་

(༦༦༦)ཉམས་པ་མཐའ་དག་ཀུན ག་ན་ཚོགས་ཀྱི་འཁོར་ལོ་ལ་བརྟེན་ནས འཆབ་པ་མེད་པའི་སེམས་ཀྱིས་མཐོལ་ལོ་བཤགས དག་ཚངས་ཆེན་པོའི་དངོས་གྲུབ་བདག་ལ་སྩོལ ཧེ་རུ་ཀའི་ཡིག་བརྒྱ་བཟླའོ ཐ་མར་བསྒྲལ་མཆོད་ནི ཨེ་ལས་ཐར་མེད་སྲིད་པའི་བྲུབ་ཁུང་ནང་ མ་རིག་འཁྲུལ་པས་བཅིངས་པ་བདག་ལྟའི་དགྲ ཡེ་ཤེས་དབྱིངས་ལ་སྒྲིབ་པའི་གཟུང་འཛིན་བགེགས དག་ཆེན་ཡེ་ཤེས་རིག་པའི་ལྕགས་ཀྱུས་ཟུང་ མཉམ་པར་མ་བཞག་མེད་པའི་ཞགས་པས་ཆིངས ལྷག་མཐོང་ལུ་གུ་རྒྱུད་ཀྱི་དྲྭ་བས་སྡོམས རྗེས་ཐོབ་འཁྲུལ་པ་མེད་པའི་དྲིལ་བུས་མྱོས ཕུང་པོ་ལྔ་ཡི་ཉེ་བར་ལེན་པ་ཀུན བདག་མེད་རྟོགས་པའི་མཚོན་གྱིས་རྣམ་པར་གཏུབས སྐྱེ་མེད་ཁྲོས་པའི་ལྷ་ཚོགས་ཞལ་དུ་བསྟབ མཱཾ་ས་རཀྟ་ཙིཏྟ་གོ་རོ་ཙ་ན་བྷ་སུ་ཏ་ཀེ༚་ནི་རྟི་ཏ་ན་ཙཀྲ་པཱུ་ཙ་ཁ་ཁ་ཁཱ་ཧི་ཁཱ་ཧི རྒྱས་པར་སྤྲོ་ན་སྐབས་འདིར་སྐོངས་བཤགས་རྡོ་རྗེའི་ཐོལ་གླུས་ཐུགས་དམ་བསྐོང་ངོ་ དེ་ནས་ལྷག་མ་ནི ཞིང་ལྤགས་

(༦༦༧)འུྃ ཀྱི་སྟེང་དུ་བཞག་ལ ཧེ་རུ་ཀའི་དམ་རྒྱས་ཁ་ཕྲུ་དབབ ཨ་ཀཱ་རོས་བརླབས་ཅིང་ སྤྱུགས་གླུ་དང་བཅས ཀྱཻ དང་པོ་ཕུད་ཀྱིས་མི་མཆོད་རྒྱུ དཔལ་ཆེན་དཀྱིལ་འཁོར་ཚོགས་ཀྱི་བདག བར་དུ་བཤགས་པ་མི་བགྱི་རྒྱུ རྣལ་འབྱོར་ལྡན་ལ་དམ་ཚིག་གཉན ཐ་མ་བསྒྲལ་སྟབས་མི་བགྱི་རྒྱུ རྟོགས་པས་བདག་རྒྱུད་སྔོན་བསྒྲལ་ཕྱིར ད་ལྟ་ལྷག་མས་མི་མཆོད་རྒྱུ མ་ཚོགས་དབང་ཕྱུག་གིང་ལངྐ ཕོ་ཉ་སུམ་བརྒྱ་དྲུག་ཅུ་སོགས ཀུན་ཀྱང་དཔལ་ཆེན་སྤྲུལ་པ་ཡིན ལྷག་མ་ཁ་ཆུས་མི་བྲན་རྒྱུ དམ་ཚིག་གཅིག་ཏུ་བསྲེ་བའི་ཕྱིར འབངས་ཐོག་རྗེ་ཡིས་མི་མནན་རྒྱུ ཅི་བཅོལ་ལས་ལ་བསྐུལ་བའི་ཕྱིར རྗེ་ལ་འབངས་ཀྱིས་མི་རྒོལ་རྒྱུ དྲག་ཤུལ་ལས་ཐབས་མྱུར་བའི་ཕྱིར ཧཱུཾ རྣམ་དག་རང་བཞིན་ཞི་བ་ལས བཅོམ་ལྡན་དཔལ་ཆེན་སྤྲུལ་པ་ནི ཐབས་ཤེས་ཟླ་གསང་རོལ་པ་ལས དཀྱིལ་འཁོར་མུ་རན་སྐྱོང་བ་སྟེ ཁྱེད་ཅག་སྔོན་གྱི་ཡལ་གམ་ཅན ལག་ན་གློ་སྙིང་ནང་ཁྲོལ་ཐོགས

(༦༦༨)ལེགས་ཉེས་སྟངས་འཛིན་ཚོགས་ཁང་ཉུལ མཐུ་དང་རྫུ་འཕྲུལ་དཔག་ཏུ་མེད སྔོན་ཚེ་དཔལ་ཆེན་ཧེ་རུ་ཀས དུག་གསུམ་རུ་ཏྲ་བསྒྲལ་བའི་ཚེ ཁས་བླངས་དམ་བཅས་དྲན་གྱིས་ལ སྲིན་མོའི་ཟ་ལམ་ཆེན་པོ་རུ ཕམ་ཕབས་ལོང་ལ་བསྟན་པ་བསྲུངས བཅོལ་པའི་ཕྲིན་ལས་འགྲུབ་པར་མཛོད ཐུགས་དམ་བསྐུལ་བ་ནི ཧཱུཾ མི་གནས་ཡེ་ཤེས་ཆོས་སྐུའི་ཕོ་བྲང་ནས ལོངས་སྤྱོད་རྫོགས་པ་ཞི་དང་ཁྲོ་བོའི་ལྷ ཐུགས་དམ་བསྐུལ་ལོ་འགྲོ་བའི་དོན་ལ་དགོངས རིག་པའི་རང་བཞིན་བདེ་གཤེགས་སྙིང་པོ་ཡང་ མ་རིག་འཛིན་པའི་ཀུན་གཞི་ལུང་མ་བསྟན སྒོ་ལྔའི་ཡུལ་དང་རྟེན་ཅིང་འབྲེལ་བ་ལས རིགས་དྲུག་རྒྱུད་ལྔའི་གནས་སུ་འཁྱམས་པ་རྣམས ལས་དང་ཉོན་མོངས་མཐུ་ཡིས་གཟིར་བའི་མཐུ ཕྱི་རོལ་ཡུལ་ལ་སྨིན་པའི་སྡུག་བསྔལ་དང་ ནད་མཚོན་མུ་གེ་དགྲ་བགེགས་འབྱུང་པོའི་གདོན འཇིགས་པ་ཆེན་པོ་བརྒྱད་དང་བཅུ་དྲུག་ཀུན མངོན་སྤྱོད་དྲག་པོའི་

(༦༦༩)འུྃ རོལ་པས་ཚར་བཅད་ནས ལོག་རྟོག་དངོས་པོར་ཞེན་པའི་སེམས་ཅན་རྣམས རྒྱུ་འབྲས་ཐེག་པ་གཞན་གྱིས་གདུལ་དཀའ་བས རང་བྱུང་ཡེ་ཤེས་རྟོགས་པའི་ཕྲིན་ལས་མཛོད ཆད་ཐོ་བསྒྲག་པ་ནི ཧཱུཾ དུས་གསུམ་རྣམ་དག་ཀུན་ཏུ་བཟང་པོའི་དུས མངོན་རྫོགས་ཡེ་ཤེས་དམ་པའི་འོག་མིན་དུ ཀུན་གཞི་ཡིད་ཆོས་དག་པའི་སྟོན་པ་ཡིས རང་སྣང་རང་བཞིན་མེད་པའི་འཁོར་ཚོགས་ལ རྒྱལ་བ་དགོངས་བརྒྱུད་རྫོགས་པའི་ཡོ་ག་གསུམ བརྡ་ཚིག་བརྗོད་པ་བྲལ་བར་བསྟན་པའི་ཚེ གྲགས་ཆེན་གསལ་བའི་སྟོན་པ་བཅུ་གཉིས་དང་ དགའ་རབ་དཔའ་བོ་གསང་འཛིན་རྡོ་རྗེ་ཆོས བརྡའ་བརྒྱུད་རིག་འཛིན་གྲུབ་པ་མཆོག་རྣམས་ཀྱིས སྟོན་འཁོར་དགོངས་པ་གཅིག་པའི་དབང་ཐོབ་བཞིན ཚོགས་བརྒྱད་རང་གྲོལ་གཏོར་མ་འདི་བཞེས་ལ འཁྲུལ་པ་གཞི་ལ་དག་པའི་ཕྲིན་ལས་མཛོད དེ་རྗེས་གསང་སྔགས་བསྟན་པ་བྱུང་བའི་ཚེ འོག་སྨིན་དགའ་ལྡན་རི་རབ་ལྷུན་པོའི་རྩེ ལྷ་

(༦༧༠)གནས་གསུམ་དུ་གྲགས་པའི་གནས་མཆོག་དང་ ཤམ་བྷ་ལ་དང་ཨོ་རྒྱན་ཟ་ཧོར་ཡུལ སིངྒ་ལ་དང་གནམ་ལྕགས་འབར་བའི་རྩེ མཆོད་རྟེན་ཆེན་པོ་བདེ་བྱེད་བརྩེགས་པ་རུ རིག་འཛིན་སྡེ་སྣོད་མཐའ་དག་བབས་པའི་ཚེ འཇིག་རྟེན་འཇིག་རྟེན་འདས་པའི་མཁའ་འགྲོ་དང་ དཀྱིལ་འཁོར་མུ་རན་སྐྱོང་བ་ཐམས་ཅད་ཀྱིས གཏོར་མ་ལེན་ཅིང་ལེགས་ཉེས་སྟངས་འཛིན་པའི ཁས་བླངས་དམ་བཅའ་བཞིན་དུ་ཕྲིན་ལས་མཛོད དེ་རྗེས་འགྲོ་དོན་དུས་ལ་བབས་པའི་ཚེ ཀླུ་སྒྲུབ་སྙིང་པོ་པདྨ་ཐོད་ཕྲེང་སོགས གྲུབ་པའི་རིག་འཛིན་ཆེན་པོ་བརྒྱད་རྣམས་ཀྱིས འཛམ་བུའི་གླིང་དུ་དར་ཞིང་རྒྱས་མཛད་ཅིང་ ཁྱད་པར་བྲག་དམར་དཔལ་གྱི་མཆིམས་ཕུ་རུ རིག་འཛིན་སློབ་དཔོན་པདྨ་འབྱུང་གནས་ཀྱིས ལྷ་སྲས་རྒྱལ་པོ་ཚངས་པའི་མེ་ཏོག་ལ སྒྲུབ་པ་བཀའ་བརྒྱད་དཀྱིལ་འཁོར་ཞལ་ཕྱེ་ཞིང་ སེངྒེ་རྣམ་རོལ་ཁས་པུ་རི་ཡི་རྩེར གནོད་སྦྱིན་ཐམས་ཅད་དམ་ལ་བཞག་པའི་ཚེ སྲོག་

(༦༧༡)འུྃ སྙིང་ཕུལ་ཏེ་ཆད་ཐོ་བཟུང་བ་ལྟར མཆོད་གཏོར་བཞེས་ལ་ཕྲིན་ལས་གྲུབ་པར་མཛོད དེ་རྗེས་ཚོགས་བདུན་རོལ་པ་བལ་པོའི་ཡུལ རང་སྣང་མཆོད་རྟེན་བྱ་རུང་ཁ་ཤོར་དུ རང་བྱུང་རྡོ་རྗེ་འཇིགས་མེད་གླིང་པ་ལ དབྱིངས་ཀྱི་མཁའ་འགྲོས་ནམ་མཁའ་མཛོད་ཀྱི་བརྡ ཡེ་ཤེས་ལྔ་ལྡན་སྤྲུལ་པའི་ཤོག་སེར་ལས བྲག་དམར་བྲེ་གུ་བརྩེགས་པའི་དགེའུ་རུ ཀུན་ཏུ་བཟང་པོ་དྲི་མེད་འོད་ཟེར་གྱིས བཀའ་རྒྱ་ལུང་རྫོགས་གཏད་རྒྱ་བཀྲོལ་བའི་ཚེ སྤྱན་གཅིག་ཁྲག་ཏུ་ཁོལ་བའི་མ་མོ་དང་ བྱ་རོག་གཙུག་ཕུད་འཛིན་པའི་དྲང་སྲོང་གིས ཁས་བླངས་ཐ་ཚིག་བཞིན་དུ་ཕྲིན་ལས་མཛོད བཤལ་ཆུ་གཏོར་མར་བྲན་ལ་བསྟན་མ་སྐྱོང་བ་ནི བྷྱོ ཚོགས་དང་བཀའ་ཡི་བདག་ཉིད་ནི ཁྲག་ཐུང་རྡོ་རྗེ་ནམ་མཁའི་ཡུམ གངས་རི་ཅན་གྱི་ཡུལ་ལྷ་ནི བདུད་དང་གནོད་སྦྱིན་སྨན་མོ་བཞི ཚུར་སྤྱོན་ཚུར་སྤྱོན་གཏོར་མ་ལོངས རྟེན་འབྲེལ་ཡན་ལག་བཅུ་གཉིས་དང་ དུས་སྦྱོར་བཅུ་གཉིས་

(༦༧༢)གནས་དག་པས བལ་བོད་མཚམས་ན་ཚེ་རིང་མ ལ་སྟོད་རྡོ་རྗེ་གཡའ་མ་སྐྱོང་ གནོད་སྦྱིན་གངས་ལ་ཀུན་བཟང་མོ འབྲོག་ཆེན་འཁོར་འདུལ་བགེགས་ཀྱི་གཙོ ཇོ་མོ་གངས་རར་སྤྱན་གཅིག་མ བྱང་ན་མཁའ་ལྡིང་ཀླུ་མོ་རྒྱལ ཁ་རག་རྡོ་རྗེ་ཁྱུང་བཙུན་མ རྨ་ཆེན་སྤོམ་རར་དྲག་མོ་རྒྱལ ཀོང་བཙུན་དེ་མོ་བོད་ཁམས་སྐྱོང་ འབྲོག་བཙན་རྡོ་རྗེ་སྨན་གཅིག་མ ཇོ་མོ་ནགས་རྒྱལ་གཡར་མོ་བསིལ དབུས་ན་རྡོ་རྗེ་ཟུ་ལེ་སྨན ཀུན་ཀྱང་པདྨའི་བཀའ་ཉན་ཏེ དམ་ལ་གནས་ཤིང་རིགས་ལ་འགོ ཐ་ཚིག་བཞིན་དུ་གཏོར་མ་ལོངས མཐའ་ཡི་དམག་དང་རྒྱ་འདྲེའི་འཚུབས མུ་སྟེགས་འགྱུ་བའི་སྒོ་འཕྲང་དང་ འགོང་པོ་སྤུན་དགུའི་ནད་དལ་སྲུངས རྟག་ཆད་ཐར་པར་འཁྲུལ་པ་ཡི འཇིགས་ཚོགས་ལྟ་བ་དབུ་མར་བཟློག བདེན་དོན་རྣམ་པ་བཅུ་གཉིས་ཀྱི བསྟན་པ་དར་བའི་ཕྲིན་ལས་མཛོད ཨོཾ་ལ་ལ ལེ་ལེ ཏཾ་ཏཾ ཏེ་ཏེ་ཁ་རག་མ མ་མ་སྲིང་འགྲོ་མ་ཧཱུཾ་བྷྱོ་ཧཱུཾ་ཧཱུཾ གཏོར་གཞོང་རི་རབ་ཏུ་

(༦༧༣)འུྃ བསམ་པ་ཁ་སྦུབ་ལ ཧཱུཾ དམ་སྲི་བྱ་བའི་སྡིག་ཅན་ཁྱོད འགྲོ་བ་ཡོངས་ཀྱི་རྒྱུད་ལ་རྒོལ བྱང་ཆུབ་སེམས་ཀྱི་བརྟུལ་ཞུགས་བྲོས མནན་ནོ་སྟོང་ཆེན་འོག་ཏུ་མནན གཏང་དོ་ཆུ་སྲིན་གྲོ་བར་གཏད བསྒྱུར་རོ་གཤིན་རྗེའི་ཁ་རུ་བསྒྱུར བསྲེག་གོ་ཡེ་ཤེས་མེ་ཡིས་སྲེག བདག་ཏུ་བལྟ་བ་མ་ཞིག་པར བསྐལ་པ་ཞིག་ཀྱང་མི་བཏང་ངོ་ ཨོཾ་ཨཱཧཱུཾ་སྟྭཾ་བྷ་ཡ་ལཾ་ནན དེ་ནས་དངོས་གྲུབ་བླང་བ་ནི སྔར་བཞིན་མཆོད་ཅིང་བསྟོད་ལ ཧཱུཾ བྱིན་རླབས་ཀུན་གྱི་རྩ་བ་བླ་མ་ནི དངོས་གྲུབ་སྩོལ་ཕྱིར་དཔལ་ཆེན་རོལ་པའི་ལྷ རྣམ་ཐར་སྒོ་གསུམ་ཐུགས་ཀྱི་དཀྱིལ་འཁོར་ནས རང་བཞིན་ཡོངས་གྲུབ་བྱང་ཆུབ་སེམས་ཀྱི་དངོས ཕྱག་རྒྱ་ཆེན་པོ་མཆོག་གི་དངོས་གྲུབ་སྩོལ ས་བཅུ་ལམ་ལྔ་དབང་བཅུ་ཕྱི་ནང་གཉིས རིག་འཛིན་བཞི་དང་སྐུ་ལྔ་ཡེ་ཤེས་ལྔ གྲུབ་ཆེན་བརྒྱད་དང་ཕྲིན་ལས་རྣམ་པ་བཞི འཁོར་བའི་རང་བཞིན་གློ་བུར་སྒྲིབ་པ་གཉིས ཀུན་གཞིའི་ཁམས་ལ་བག་ལ་ཉལ་གྱི་ཚུལ ཤིན་ཏུ་རྣམ་དག་

(༦༧༤)རྣམ་ཀུན་མཆོག་ལྡན་གྱི དངོས་གྲུབ་དམ་པ་དེང་འདིར་སྩལ་དུ་གསོལ རྩ་སྔགས་མཐར རྨ་ཀཱ་ཡ སཾ་བྷོ་ཀཱ་ཡ ནི་རྨཱ་ཀཱ་ཡ་ཙིཏྟ་སིདྡྷི་ཕ་ལ་ཧཱུཾ ཞེས་སྒྲུབ་རྫས་གནས་གསུམ་དུ་གཏུག་ཅིང་མྱང་ངོ་ སླར་ཡང་གཏང་རག་གི་མཆོད་བསྟོད་ཕུལ་ལ བཤགས་པ་བྱ་བ་ནི ཧོ སྔགས་ཀྱི་དངོས་གྲུབ་མ་ལུས་པ དམ་ཚིག་ཉིད་ལ་བརྟེན་གྱུར་ཀྱང་ རྨོངས་དང་མ་རིག་ཉོན་མོངས་པས ཟིལ་གྱིས་ནོན་པ་བདག་ཅག་ནི ཉེས་པ་དུ་མའི་སྣོད་ལགས་ཏེ མགོན་པོ་ཐུགས་རྗེ་ཆེ་རྣམས་ཀྱི ཐུགས་ལ་ཁྲོ་བ་མི་མངའ་ཡང་ ལེགས་ཉེས་སྟངས་འཛིན་བདག་པོ་རྣམས སྐྱོན་མཐོང་ཙམ་ན་ཆད་པ་གཅོད འགལ་ཞིང་ནོངས་པ་ཅི་མཆིས་པ མཐོལ་ལོ་བཤགས་སོ་ཚངས་པར་སྩོལ ཡིག་གེ་བརྒྱ་པ་ལན་གསུམ་གྱི་སྙིང་ནས་བཤགས་པར་བྱའོ ཉེར་བསྡུ་ནི ཧཱུཾ སྣོད་བཅུད་ལྷ་དང་གཞལ་ཡས་སུ ཤར་བ་དག་པའི་སྣོད་བཅུད་ཀྱང་ རྟེན་ཉིད་བརྟེན་པ་ལྷ་རྣམས་ཀྱང་ གཙོ་བོ་ལ་ཐིམ་དེ་ཡང་ཧཱུཾ ཞབས་ཀྱུ་ནས་བཟུང་ནཱ་དའི་བར རིམ་ཡལ་

(༦༧༥)འུྃ གདོད་མའི་གཤི་སུ་ཨཱ ཞེས་མཉམ་པར་བཞག སྤྱོད་ལམ་གྱི་རྣལ་འབྱོར་དུ་ལྡང་བ་ནི སླར་ཡང་རིག་པ་བྱང་ཆུབ་སེམས རྗེས་ཐོབ་གཉུག་མའི་ཧེ་རུ་ཀ ཕྱག་རྒྱ་གཅིག་པའི་གནས་གསུམ་དུ ཡི་གེས་མཚན་པས་རྣམ་རྟོག་སྲུངས བཛྲ་རཀྵ་ཧཱུཾ ཞེས་རྡོ་རྗེའི་གོ་བསྒོ་ཞིང་ ཡི་གེ་བརྒྱ་པས་བརྟན་པར་བྱའོ དེ་ནས་བསྔོ་སྨོན་ནི ཧཱུཾ སྣང་གྲགས་རིག་པ་དཀྱིལ་འཁོར་གསུམ་གྱི་ངང་ བསོད་ནམས་ཡེ་ཤེས་རིམ་གཉིས་རྣལ་འབྱོར་ཚོགས མི་གནས་ཡེ་ཤེས་མྱ་ངན་འདས་པར་བསྔོ ཀུན་ཀྱང་དཔལ་ཆེན་གོ་འཕང་ཐོབ་པར་ཤོག ལན་གསུམ བཀྲ་ཤིས་ནི ཧཱུཾ གདོད་མའི་མགོན་པོ་རིགས་ལྔ་གང་ཆེན་མཚོ སྐུ་ལྔ་ལྷུན་རྫོགས་སྤྲུལ་པའི་ཞིང་ཁམས་ལ བསྐལ་བཟང་སངས་རྒྱས་སྟོང་རྩ་བྱོན་པ་ཡིས སྒྲོན་མའི་བསྐལ་བ་བཟང་པོའི་བཀྲ་ཤིས་ཤོག སྟོང་གསུམ་མི་མཇེད་རྡོ་རྗེ་ཐེག་པའི་ཞིང་ འཕུར་འགྲོའི་བསྟན་པ་འབྱུང་གནས་ཨོ་རྒྱན་ཡུལ གངས་རིའི་ཁྲོད་དུ་འབོད་པ་ཁྲི་སྲོང་རྗེའི ཐུགས་བསྐྱེད་

(༦༧༦)བསྟན་པ་མཐའ་རྒྱས་བཀྲ་ཤིས་ཤོག འཛམ་གླིང་ས་ཡི་ལྟེ་བ་རྡོ་རྗེའི་གདན པཎ་གྲུབ་ཆོས་རྒྱལ་འཛོམ་པ་ཆོས་འཁོར་གསུམ མདོ་སྔགས་བསྟན་པ་དར་བ་གངས་ཅན་ལྗོངས རྒྱལ་བསྟན་ཡུན་དུ་གནས་པའི་བཀྲ་ཤིས་ཤོག ས་མ་ཡ རྒྱ་རྒྱ་རྒྱ གཏེར་འདི་གཞི་ལམ་འབྲས་བུའི་རྒྱུད རྒྱལ་བ་དགོངས་དང་རིག་འཛིན་གྱི བརྡའ་ལ་དབང་དང་བྱིན་རླབས་འབྱུང་ མཁའ་འགྲོ་གསང་བའི་ཡི་གེ་ལས ཚིག་དང་དོན་དུ་མི་འགལ་ཞིང་ དངོས་གྲུབ་བསྒྲུབ་ལ་མི་བསླུ་བ པདྨ་ང་ཡི་ཁྱད་ཆོས་ཏེ རང་བྱུང་རྡོ་རྗེའི་དཔལ་དུ་ཤོག གུ་ཧྱ དྷ་ཐིམ

(༦༧༧)ཐུགས་སྒྲུབ་དཔལ་ཆེན་འདུས་པའི་བསྙེན་ཡིག་བཞུགས།། །།

(༦༧༨)བླ་མ་དང་དཔལ་ཆེན་པོ་གཉིས་སུ་མེད་པ་ལ་ཕྱག་འཚལ་ལོ། །ཐུགས་སྒྲུབ་དཔལ་ཆེན་འདུས་པའི་བསྙེན་པ་བྱེད་པར་འདོད་པ་དག་དབང་ཐོབ་ཅིང་དམ་ཚིག་ལ་གནས་པ་གཞིར་བཞག་ནས་གནས་དབེན་ཞིང་བཀྲ་ཤིས་པའི་གནས་སུ། དཀྱིལ་འཁོར་རྩིབས་བཅུ་པ་སྒོ་རྫོགས་ཅན་རྡུལ་ཚོན་རས་བྲིས་གང་རུང་ལ་བརྟེན་པའམ། མ་ནུས་ན། འཁོར་ལོ་རྩིབས་བཅུ་པ་མུ་ཁྱུད་མེ་རི་དང་བཅས་པ། དེ་ཡང་མ་གྲུབ་ན་ཚོམ་བུ་ལ་བརྟེན་དུ་རུང་ཞིང་ཐོད་པ་དཔལ་ཅན་གྱི་ནང་གཙོ་བོའི་བྲིས་སྐུ་རབ་གནས་དང་ལྡན་པའི་རྒྱབ་ཏུ། ཙན་དན་ནམ་སེང་ལྡེང་གི་ཕུར་པ་སོར་མོ་བཅུ་གཉིས་པའི་

(༦༧༩)མགུལ་དུ་དར་ནག་ལ་མཚལ་ལམ་གསེར་གྱིས་སྔགས་བྱང་བྲིས་པ་བཙུགས་པ་དཀྱིལ་འཁོར་གྱི་དབུས་སུ་གཞག །དར་ནག་གི་ལྡིང་གུར་ཕུབ། མཐའ་བསྐོར་དུ་ཕྱི་ནང་གི་མཆོད་པ་བཀོད་ལེགས་སུ་བཤམ། བསྙེན་སྒྲུབ་ལས་རུང་ལ་དཔལ་གཏོར་ཙམ་ལའང་བརྟེན་དུ་རུང་ངོ་། །དེ་ནས་སྟན་བདེ་བ་ལ་འདུག་སྟེ་ཆོ་གའི་སྦྱོར་བ་ལ་ཚིག་དོན་གྱི་འབྲེལ་བཀོད་པའི་དམིགས་པ་དང་། མཚམས་ཐོ་གཟུགས་པ་སོགས་མཐོང་བ་བརྒྱུད་པའི་ཕྱག་ལེན་ལ་བརྟེན་ཅིང་། ཁྱད་པར་བསྐྱེད་རིམ་དངོས་གཞིའི་སྐབས་དོན་ལ་རྣམ་བཤད་འོག་མིན་བགྲོད་པའི་ཐེམ་སྐས་ལ་བློ་རྩལ་འདོན། འདིར་

(༦༨༠)བསྙེན་སྒྲུབ་རང་རྐྱང་གི་དམིགས་གནད་དམར་ཁྲིད་ནི། ཞི་བར་བསྙེན་པ། ཁྲོ་བོར་སྒྲུབ་པ། ལས་ལ་སྦྱར་བ། ཞེས་ས་བཅད་གསུམ་གྱིས་ཁོངས་འཛིན་ཚུལ་ཟླ་བ་གཅིག་ལ་མཚོན་ན། །ཞག་བཅུ་བསྙེན་པ། ཞག་བཅུ་སྒྲུབ་པ། ཞག་བདུན་སྒྲུབ་ཆེན། ཞག་གསུམ་ལས་སྦྱོར་ལྟ་བུའི་དཔེས་ཤེས་པར་བྱ་ཞིང་། དེ་ཡང་བསྙེན་སྒྲུབ་སྤྱིར་བཏང་ལ། བསྙེན་པར་ཞག་བདུན། སྒྲུབ་པར་ཞག་ཉི་ཤུ། ལས་སྦྱོར་ལ་ཞག་གསུམ་དུ་དཔེས་མཚོན་པའི། དང་པོ་བསྙེན་པ་ནི། རང་ཉིད་ཆེ་མཆོག་ཡབ་ཡུམ་དུ་གསལ་བའི་སྐུ་ལུས་འཇའ་ཚོན་སྒྲིབ་གཡོགས་དང་བྲལ་བ་ལྟ་བུའི་ཐུགས་ཀར་ཡེ་ཤེས་སེམས་དཔའ་ཀུན་བཟང་ཡབ་ཡུམ་གསལ་བའི་ཐུགས་ཀའི་ཐད་དབུས་དྲང་པོར་སངས་རྒྱས་ཐམས་ཅད་ཀྱི་རྡོ་རྗེ་གསུམ་གྱི་ས་བོན་ཡི་གེ་གསུམ་གྱི་རྣམ་པར་གནས་པ་ལ་རིག་པ་གཡོ་མེད་དུ་གཏད་ཅིང་། འབྲུ་གསུམ་ཡིད་བཟླས་སམ། མ་བདེན་ཤུབ་བུའི་བཟླས་པ་རྒྱུན་མི་འཆད་པས་རླུང་འབྱུང་འཇུག་གནས་གསུམ་གདོད་ནས་དག་པའི་སྔགས་སུ་གོམས་པར་བྱ་བ་དང་ལྷན་ཅིག་དེ་ལས་འོད་ཟེར་འཕྲོས་པས་ཐ་མལ་གྱི་སྣང་ཞེན་སྤྲིན་དང་ཁུ་རླངས་དེངས་པ་བཞིན་དུ་རང་སར་

(༦༨༡)དག་ནས། དབྱིངས་རིག་གཉིས་སུ་མེད་པའི་ལྟ་བའི་ངང་མདངས་བསྐྱང་བ་ཡིན་ནོ། །རྟོགས་པ་མཆོག་ལ་གོམས་པར་བསླབ་པ་དང་བྱིན་རླབས་འཇུག་པར་འདོད་པ་རྣམས་འདི་ཁོ་ན་ལ་ཉམས་ལེན་བྱའོ། །འདི་ནི་སངས་རྒྱས་ཐམས་ཅད་ཀྱི་སྤྱི་མེས་ཆེན་པོ་ཡིན་པས། ཞི་ཁྲོའི་རྣམ་པ་རིགས་བརྒྱ། རིགས་ལྔ། རིགས་གཅིག་གང་ཡང་བསྒོམ་ཞིང་བསྙེན་པར་འགྱུར་ཏེ། གཅིག་བསྒྲུབས་པས་ཐམས་ཅད་འགྲུབ་པ་ཡིན་ནོ། །གཉིས་པ་སྒྲུབ་པ་ནི། ཀུན་བཟང་ཡབ་ཡུམ་གྱི་ཐུགས་ཀར་པད་ཉིའི་གདན་ལ་གསེར་གྱི་རྡོ་རྗེ་རྭ་དགུ་པ་གྱེན་ལངས་སུ་གསལ་བའི་དབུས་རྭ་སྦོམ་མཚམས་ཀྱི་ཁོངས་སེང་ནང་དུ་ཏིང་འཛིན་སེམས་དཔའ་ཡི་གེ་ཧཱུྃ་མཐིང་ག་འོད་ཟེར་ཁ་དོག་ལྔ་ལྡན་དུ་འཕྲོ་བ། ཧཱུྃ་གི་ཐད་ཀའི་རྭ་ནས་རིམ་པ་བཞིན་རྭ་བརྒྱད་སོ་སོའི་ཁོངས་སེང་དུ། ཨོཾ། གུ་རུ། ཤྲཱི། བཛྲ། ཡཀྴ། ཀྲོ་ཏ། ཙིཏྟ། ཧཱུྃ ཞེས་པའི་ཡི་གེ་རྣམས་ཁ་དོག་མཐིང་གསལ་སྤུས་བྲིས་པ་ལྟ་བུ་ཐམས་ཅད་ཀྱང་ཁ་དབུས་རྭའི་ཧཱུྃ་ཡིག་ལ་བསྟན་པ་ཉི་མ་འཆར་ཀའི་ཟེར་ལྟར་བཀྲག་མདངས་མི་བཟོད་པ་ཙམ་དུ་བསམ་ལ་རེ་ཞིག་ལྷ་ལ་གསལ་སྣང་མ་ཐོན་བར།

(༦༨༢)དུ་འོད་ཟེར་སྤྲོ་བསྡུ་སོགས་བྱེད་མི་དགོས་ཏེ་ཐོད་སྐུ་ཡོད་ན་དེ་ལ་ཅེ་རེ་བལྟ་བ་དང་། ཡིད་ཡུལ་དུ་གོམས་འཇུག་པ་ལ་རེས་མོས་སུ་བསླབ། གསལ་སྣང་ཐོན་པ་དང་དོ་ལིའི་བཟླས་པ་ཞེས་བྱ་སྟེ། ཨོཾ་ཡིག་ནས་བཟུང་ཡིག་འབྲུ་སོ་སོ་ལས་ཡི་གེ་དེ་འདྲ་བ་རེ་མར་མེ་གཅིག་ལས་གཉིས་མཆེད་ཀྱི་ཚུལ་དུ་ཐོལ་ཐོལ་བྱུང་སྟེ། སྔགས་ཕྲེང་དུ་གྱུར་པ་ལུ་གུ་རྒྱུད་དུ་འབྲེལ་ཡེ་ཤེས་སེམས་དཔའི་གཙུག་ཏོར་ནོར་བུའི་རྩེ་མོ་ནས་ཐོན་ཡབ་ཀྱི་ཞལ་ནས་ཡུམ་གྱི་ཞལ་དུ་ཞུགས། སྐུའི་དབྱིབས་བརྒྱུད་ཡུམ་གྱི་མཁའ་གསང་ནས་ཡབ་ཀྱི་རྡོ་རྗེ་ནོར་བུའི་ལམ་བརྒྱུད་དེ་ཡེ་ཤེས་སེམས་དཔའི་སྦྱོར་མཚམས་ནས་ཞུགས་དབུས་རྭའི་ཏིང་འཛིན་སེམས་དཔའ་ཧཱུྃ་ལ་བསྐོར་བ་བྱས་ནས་སྔ་མ་རྣམས་ཧཱུྃ་ལ་ཐིམ་པར་བསྒོམས་པས་ཐུགས་སྲོག་ཀྱང་གཟི་བྱིན་ལྷག་པར་འབར། དེ་ལས་འོད་ཟེར་འཕྲོས་རྟེན་དང་བརྟེན་པ་ཐམས་ཅད་མུན་ཁོང་དུ་སྒྲོན་མེ་བཏེག་པ་བཞིན་དུ་གསལ། རྒྱབ་མདུན་སྟེང་འོག་གོ་མཚམས་མེད་པ་ནས་འོད་ཟེར་འཕྲོས་པའི་སྣེ་ལ་མཆོད་པའི་ལྷ་མོ་མཛེས་ཤིང་ཡིད་དུ་འོང་བ་ཞིང་གི་རྡུལ་དང་མཉམ་པ་སྤྲོས། ཕྱོགས་བཅུའི་རྒྱལ་བ་སྲས་དང་བཅས་པ་ལ་བདེ་སྟོང་གི་མཆོད་པ་ཕུལ། དབང་དང་བྱིན་

(༦༨༣)རླབས་དངོས་གྲུབ་མཁྱེན་བརྩེ་ནུས་གསུམ་གྱི་ཡོན་ཏན་ཐམས་ཅད་བསྡུས་ནས་བདག་ཉིད་ལ་ཐིམ། ཐུན་མོང་གི་དངོས་གྲུབ་གྲུབ་པ་བརྒྱད། ལམ་དང་འབྲེལ་བ་རིགས་འཛིན་བཞི། མཆོག་གི་དངོས་གྲུབ་མི་སློབ་པའི་ཟུང་འཇུག་མངོན་དུ་ཐོབ་པར་བསྒོམ། ཡང་འོད་ཟེར་འཕྲོས་འགྲོ་བ་དྲུག་གི་ལས་དང་ཉོན་མོངས་པ་ཐམས་ཅད་འོད་ཟེར་དེས་རེག་པ་ཙམ་གྱིས་སྦྱངས། སྣོད་ཀྱི་འཇིག་རྟེན་དང་བཅུད་ཀྱི་སེམས་ཅན་དུ་འཛིན་པའི་རྟོག་འཛིན་མ་དག་པ་ཐམས་ཅད་འོག་མིན་གྱི་ཞིང་དུ་བསྒྱུར་བ་ལ་བསླབ་པས་ལྷ་དང་ཞིང་ཁམས་ཆོས་ཉིད་གསུམ་བློས་བཀོད་པ་མ་ཡིན་པར་གཉིས་མེད་རང་ཤར་མ་བསྒོམས་ལྷུན་གྱིས་གྲུབ་པའི་བསྐྱེད་རིམ་རང་རྒྱུད་ལ་གྲུབ་པའི་ཚེ་རང་སྣང་དོན་གྱི་འོག་མིན་དུ་མྱུར་བ་ཉིད་དུ་འཚང་རྒྱའོ། །དེ་ཡང་བཟླས་པས་སྐྱོན་ཟབ་མོ་ཐུགས་ཀྱི་སྒྲུབ་པ་ཡིན་པས་སྐབས་ཅི་རིགས་པ་དང་ཐུན་མཚམས་ཐམས་ཅད་ལ་ཧཱུྃ་གི་བཟླས་པ་བགྱིས་པས་ཀྱང་འཐུས་པ་ཡིན་ནོ། །དེ་ལྟར་གཙོ་སྔགས་ཇི་ཙམ་བཟླ་བའི་བཅུ་ཆ་སྤྱི་དྲིལ་ཁྲོ་བོའི་སྤྱི་སྔགས་ལ་བཟླ་བ་ཡིན་ཏེ། དོ་ལིའི་ཁྱད་པར་བདག་ཉིད་བླ་མ་དཔལ་ཆེན་པོ་ཡེ་ཤེས་སེམས་དཔའ་དང་བཅས་པའི་ཐུགས་

(༦༨༤)ཀའི་པད་ཉི་ཟླ་གདན་སྟེང་ན་གནས་པའི་རྡོ་རྗེའི་མཐའ་བསྐོར་དུ་ཁྲོ་བོ་སྤྱི་སྔགས་གཡས་སྐོར་དུ་ཀྱི་ལི་ལི་འཁོར་ཞིང་འོད་ཟེར་ཁ་དོག་ལྔ་ལྡན་དུ་འཕྲོ་བ་ལས་སྔགས་ཕྲེང་ལུ་གུ་རྒྱུད་དུ་བྱུང་གཙོ་བོའི་ཞལ་ནས་ཐོན། ཡང་དག་གི་ཐུགས་ཀར་ཞུགས་སྦྱོར་མཚམས་ནས་འཐོན། གཤིན་རྗེའི་དཔྲལ་བར་ཐིམ་སྦྱོར་མཚམས་ནས་འཐོན། རྟ་མགྲིན་གྱི་མགྲིན་པ་ནས་ཞུགས་སྦྱོར་མཚམས་ནས་འཐོན། ཕུར་པའི་གསང་གནས་ནས་ཞུགས་ཞལ་ནས་འཐོན། རིམ་བཞིན་མ་མོ། རིག་འཛིན། མཆོད་བསྟོད། དྲག་སྔགས་རྣམས་ཀྱི་ཞལ་ནས་ཞུགས་སྦྱོར་མཚམས་ནས་འཐོན། ཅིག་ཤོས་ཀྱི་ཞལ་དུ་བཞུགས་སྦྱོར་མཚམས་ནས་འཐོན་ཏེ་འཁོར་བས་སྔགས་ཕྲེང་འོད་ཟེར་གྱི་དྲྭ་བས་ལྷ་ཚོགས་རྣམས་གསལ་བརྟན་ཤིན་ཏུ་འབར་ཞིང་བདེ་སྟོང་གི་རོས་ཚིམ། ཀུན་ཀྱང་སྤྱི་དྲིལ་གྱི་དྲག་སྔགས་འབྲུག་སྟོང་དུས་གཅིག་ཏུ་ལྡིར་བ་ལྟ་བུ་འུར་ཆེམ་དུ་སྒྲོགས་པར་བསྒོམས་པས་བསྐྱེད་རིམ་ལ་བརྟུལ་ཞུགས་བརྟན་པོ་ཐོབ་ཅིང་རིག་པའི་རྩལ་འབར་བར་འགྱུར་ལ། སྔགས་ཕྲེང་ལས་འོད་ཟེར་ཁ་དོག་ལྔ་པ་ཕྱོགས་བཅུར་འཕྲོས་པས། དཀར་པོས། ནད་དང་མུ་གེ། མེ་དང་ཆུ་ཆེན།

(༦༨༥)དམག་དང་མཚོན་ཆ། རྒྱལ་པོའི་ཆད་པ་དང་། དུས་མ་ཡིན་པའི་འཆི་བ་སྟེ། འཇིགས་བརྒྱད་ཞི་བའི་ཕྲིན་ལས། སེར་པོས། ཚེ་དང་བསོད་ནམས། དཔལ་དང་གཟི་བརྗིད། འཁོར་དང་ལོངས་སྤྱོད་དེ། འབྱོར་པ་དྲུག །དམར་པོས། ཁམས་གསུམ་གྱི་སེམས་ཅན་ཐམས་ཅད་ཀྱིས་བདག་བླ་མར་མཐོང་བ། རྒྱལ་པོར། སྡེ་དཔོན་དུ། ཕ་མར་མཐོང་བ་སྟེ། མོས་པ་བཞིས་བསྡུ་བའི་དབང་གི་ཕྲིན་ལས། ལྗང་གུས་དགུག་པ་དང་བསྒྲལ་བ་ལ་སོགས་ཏེ་དྲག་ཤུལ་གྱི་ལས་ཆེན་རྣམ་པ་བཅུ་གཉིས། འོད་ཟེར་མཐིང་ཁས་ཕྲིན་ལས་བཞི་པོ་མཆོག་ཏུ་བསྒྱུར་བ་ནི། ལས་དང་ཉོན་མོངས་པ་དང་། ཀུན་གཞིའི་སྒྲིབ་པ་ཞི་བ། ལུང་དང་རྟོགས་པའི་ཡོན་ཏན་རྒྱས་པ། ཐར་པ་དང་ཐམས་ཅད་མཁྱེན་པའི་ཡེ་ཤེས་རང་དབང་དུ་འགྱུར་བ། རྟོགས་པས་བདག་བསྒྲལ་ནས་ཐུགས་རྗེས་གཞན་སྒྲོལ་བ་སྟེ་མཆོག་གི་ཕྲིན་ལས་དང་རྣམ་པ་ལྔའི་རང་བཞིན་དུ་གྱུར་པར་བསམ། དེ་ཡང་གཙོ་བོར་གཤིས་མ་བཅོས་པའི་གདངས་ཀྱི་སྣང་ཆ་ལྷའི་སྐུར་ལམ་མེར་བསྒོམ་པ་ནི་གསལ་སྣང་མཚན་ཉིད་པ་ཡིན་ནོ། །སྐྱོ་བའི་ཚེ་ང་རྒྱལ་བརྟན་པོ་ལ་བསླབ་པས་བར་ཆད་ཀྱིས་མི་ཚུགས་

(༦༨༦)པའི་དགོས་པ་ཙམ་ཡོད་ལ། གཞན་དུ་ཡི་དམ་གྱི་སྣང་ཆ་དང་། རྒྱན་དང་ཆ་ལུགས་སོགས་ལ་བརྡ་རྟགས་ཀྱི་རྩིས་མ་ཟིན་ན། ཞི་བས་འདོད་པའི་ཁམས། །ཁྲོ་བོས་རུ་ཏྲ་དང་སྲིན་པོར་གོལ་བས་སྐྱེ་མཆེད་ཀྱི་བརྡ་རྟགས་དོན་གསུམ་ལས་གཞུང་གི་བསྟོད་པའི་དོན་དྲན་པར་བྱ། དུར་ཁྲོད་དཔལ་ཆས་ཀྱི་བརྡ་དོན་སྔ་འགྱུར་རྒྱུད་སྡེ་ནས་གསུངས་པ་དང་། བདེ་གསང་གཉིས་ནས་རང་ལུགས་དམིགས་བསལ་བཤད་པ་སོགས་ཀྱི་འཐད་པ་འདིར་མ་བཀོད་ལ། བདུད་བཞི་བཅོམ་པ། འཕྲང་གསུམ་བསལ་བ། གསང་བའི་དགྲ་གསུམ་བསད་པ་ལ་སོགས་པའི་རྣམ་གཞག་ལུགས་འདིར་བརྡ་རྟགས་ལ་མི་འཇོག་པར་བདག་སྲས་གཞན་སྲས་ཀྱི་གོ་དོན་སློང་བའི་ཚུལ་དཔལ་ཆེན་ཞལ་ལུང་གིས་གོ་བར་བྱ་ཞིང་། དེས་མཚུངས་པར་བསྐྱེད་རིམ་གྱི་ལམ་ནས་གང་ཟག་གཅིག་བགྲོད་པ་གཞན་ལ་མ་ལྟོས་པར་འཚང་རྒྱ་བའི་མཚན་ཉིད་ལེགས་པར་ཤེས་དགོས་པས་གབ་བྱང་གནད་ཀྱི་མིག་ཚགས་དང་། རྣམ་བཤད་འོག་མིན་བགྲོད་པའི་ཐེམ་སྐས་སོགས་ལས་ཤེས་པར་བྱའོ། །གསུམ་པ་ལས་སྦྱོར་ནི། གནམ་ལྕགས་ཀྱི་རྡོ་རྗེ་སྟོང་གསུམ་གྱི་ཁམས་མ་

(༦༨༧)ལུས་པ་ཁེངས་པའི་ལྟོ་བ་སྦུབ་སྟོང་ཁྱོན་ཡངས་པའི་ཁོངས་སུ་དཔལ་དགུའི་ལྷ་ཚོགས་གསལ་ཞིང་། ཡར་མར་གྱི་རྭ་བརྒྱད་པོ་ཤིན་ཏུ་གདེངས་པའི་དབུས་རྭར་ཐུབ་དབང་ས་གནོན་མཉམ་གཞག་ཤཱ་རིའི་བུ་སོགས་ཐུན་མོང་གི་འཁོར་རྣམ་པ་བཞིས་བསྐོར་བ། རྭ་བརྒྱད་པོར་རྒྱ་གར་གྱི་རིག་འཛིན་བརྒྱད་མངོན་རྟོགས་ལྟར་ཞལ་ནས་དགུག་པ་ཛདང་། བསྒྲལ་བ་བྷྱོ རྣམ་ཤེས་ཆོས་དབྱིངས་སུ་ཕཊཀྱིས་སྤར་བའི་མངོན་སྤྱོད་ཀྱི་བརྟུལ་ཞུགས་ཅིག་ཅར་བ་ལ་བརྩོན་པ། རྭ་ཤམ་མ་བརྒྱད་དབུས་རྭ་དང་བཅས་པས་འགོང་པོ་སྤུན་དགུའི་གདོན་གཟུགས་ཀྱི་སྙིང་ག་ཕུགས་པས་སྐད་ངན་ཙི་རི་རི་སྒྲོགས་པ། འཆང་ཟུང་ལ་སྤུ་གྲི་འཁོར་ལོ་གཡོན་བསྐོར་དུ་འཁོར་བས་ལོག་པར་འདྲེན་པ་གཏུབས་ཤིང་། མཆན་ལ་སྤྲུལ་པའི་ལྕགས་སྡིག་མགོ་དགུ་རྭ་བཅོ་བརྒྱད་པ་སྤྲོས་པས་ལྷག་མེད་དུ་ཟོས་པར་བསམ་ཞིང་སྤྲོ་ན་དྲང་སྲོང་དམོད་པའི་ཐལ་བརྡེབ་ཀྱང་བྱ་ལ་རྗེས་ཀྱི་ལས་ཁྲིགས་དང་ཁ་སྐོང་སྦྱིན་སྲེག་སོགས་སྤྱི་དང་མཐུན་པ་ཉིད་དུ་བྱའོ། །འདི་ནི་བླ་མ་ཡི་དམ་གྱི་རྣམ་པར་སྒྲུབ་པས་བྱིན་རླབས་ཤིན་ཏུ་མྱུར་ལ། སྙིགས་མའི་དུས་ན་རྒྱལ་

(༦༨༨)འགོང་དམ་སྲི་དར་བའི་དུས་ན་གཉེན་པོ་སྟོབས་ཀྱི་ལྷ་ཚན་ཆེ་ལ་བཀྲ་ཤིས་པ་ཡིན་པས་བར་ཆད་འདུལ་བའི་ཡི་དམ་གྱི་བཅུད་ཕུར་དུ་གཟུང་བར་བྱའོ། །ཞེས་པའང་མོན་རྫ་དཀར་བླ་མའི་གསུང་གིས་ནན་ཆེན་བསྐུལ་བ་ལས་རྫོགས་ཆེན་པ་མཁྱེན་བརྩེའི་ལྷས་མཚོ་རྫོང་ལྷུན་གྲུབ་ཡང་རྩེར་སྦྱར་བའོ།། །།

(༦༨༩)འུྃ དཔལ་ཆེན་བཀའ་འདུས་རྒྱ་མཚོ་ལས འཇམ་དཔལ་གཤིན་རྗེ་འཆི་བདག་ཟིལ་གནོན་བཞུགས

(༦༩༠)འུྃ ཡི་ནི ཀྱང་ དཔལ་ཆེན་འདུས་པའི་ལྷ་ལ་འདུད ཁམས་དྲུག་ལྡན་པའི་ལུས་ཀྱི་རྟེན རྡོ་རྗེ་བཞི་ཡི་གོ་འཕང་ལ སྦྱོར་བ་རྡོ་རྗེའི་ཏནྟྲ་ལས རྒྱུ་འབྲས་ངག་གྲོལ་ལམ་གྱིས་མིན དེ་ལ་གཟུགས་ཕུང་སྐུ་རྡོ་རྗེར འཇམ་དཔལ་སྐུ་ཡི་སྒྲུབ་པའི་གནད ཟླ་གསང་སྡིག་པ་སྟོབས་ཆེན་གྱི རྒྱུད་དོན་མ་ནོར་འདི་ཁོ་ནའོ ས་མ་ཡ རྒྱ་རྒྱ་རྒྱ སྒྲུབ་ཆེན་དཀྱིལ་འཁོར་གཞུང་བཞིན་ལ བསྙེན་པའི་དམ་ཚིག་ཕྱག་རྒྱ་ནི སེང་ལྡེང་རྡོ་རྗེ་བེ་ཅོན་ལ སྐུ་གསུང་ཐུགས་ཡོན་ཕྲིན་ལས་སྔགས རིན་ཆེན་གང་རུང་ཁུ་བས་བྲིས སྐུ་ཡི་སྙིང་པོ་བཅུ་བདུན་ནི ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་ཕཊ གསུང་གི་སྙིང་

(༦༩༡)འུྃ པོ་འབྲུ་དགུ་པ ཨོཾ་ཀཱ་ལ་རཱུ་པ་ཡ་ཨཱཧཱུྃ་ཕཊ ཐུགས་ཀྱི་སྙིང་པོ་བཅོ་ལྔ་ནི ཨོཾ་ཧྲཱིཥྚི་ཝི་ཊི་ཏཱ་ན་ན་ཧཱུྃ་ཧཱུྃ་ཕཊ་ཕཊ་སྭཱ་ཧཱ ཉེ་བསྙེན་ཡོན་ཏན་འབྲུ་ཉི་ཤུ ཨོཾ་ས་མ་ཡ་མཉྫུ་ཤྲཱི་ཡ་མཱནྟ་ཀ་པ་ན་ཙ ཏེ་རོ་ནི་ཧཱུྃ་ཛ ཕྲིན་ལས་སྙིང་པོ་བཅུ་བདུན་ནི ཡ་མ་མེ་ད་ཀྵེ་རཱ་ཛ ས་ཏོྭ་རུ་ན་ཡོ་ནི་ར་ཡ་ཙ་ནི ཞེས་བྲིས་དར་ནག་ཁུད་དུ་གྲིལ སྲིད་གསུམ་ལྟོ་རུ་འཆིང་བ་ཡི རུས་སྦལ་འཁོར་ལོའི་ནང་དུ་བཅུག དེ་ལ་འཁོར་ལོ་འདི་ཡིན་ཏེ བེ་ཅོན་ཕྱག་རྒྱའི་ལེའུ་ལས དཀྱིལ་འཁོར་པདྨ་འདབ་བརྒྱད་ལ གྲུ་ཆད་མུ་ཁྱུད་གསུམ་བརྩེགས་བྱ དེ་ཡི་དབུས་ཀྱི་ལྟེ་བ་ལ བདུད་འདུལ་སྙིང་པོ་འདི་དགོད་དོ ཨོཾ་ཐཱ་ག་བྷ་ན་མཱ་ར་ན་ཎ

(༦༩༢)ཤར་གྱི་པདྨ་ལ་སྲིན་པོ་དབང་དུ་བསྡུ་བའི་སྙིང་པོ ཨོཾ་རཀྴ་ཁ་ག་ན་ཎ ལྷོ་རུ་མུ་སྟེགས་དབང་དུ་བསྡུ་བའི་སྙིང་པོ ཨོཾ་ཏི་ཏི་ཀ་ན་ཎ ནུབ་ཏུ་བགེགས་དབང་དུ་བསྡུ་བའི་སྙིང་པོ ཨོཾ་བི་ག་ནན་མཱ་ར་ཡ་ན་ཎ བྱང་དུ་ལོག་འདྲེན་དབང་དུ་བསྡུ་བའི་སྙིང་པོ ཨོཾ་ཀྲང་ཀ་རི་ན་ཎ མཚམས་ཀྱི་པདྨ་བཞི་པོ་ལ ཧཱུྃ་དྷ ཧཱུྃ་པཱ ཧཱུྃ་མ ཧཱུྃ་ས རྣམས་བྲིའོ གྲུ་ཆད་བཞི་ལ་ཐོད་པ་ལྕང་ལོ་ཅན་བཞི་བྲིའོ མུ་ཁྱུད་ཟླུམ་པོ་ལ་ཐོད་པའི་ཕྲེང་བ་བཏང་ དེའི་ཕྱི་རིམ་ལ་སྦྲུལ་བྲི དེ་ལྟར་དཀྱིལ་འཁོར་བཅས་ནས་ནི དོག་པ་དམར་པོས་བཅིངས་ནས་ནི དཀྱིལ་འཁོར་དབུས་སུ་དགོད་པར་བྱ དྲེགས་པ་ཟིལ་གནོན་མན་ངག་ཡིན སྤྲོས་པ་མེད་ཅིང་དམིགས་པ་གསལ ཤེས་པ་གསུམ་ལྡན་དོན་རིག་ན གཏོར་མ་གཅིག་པོས་ལས་ཀུན་འགྲུབ འོག་མ་རྣམས་ལའང་དེ་ཡིས་འགྲེ སྔོན་འགྲོ་དཔལ་ཆེན་འདུས་པ་ལྟར སྨན་གཏོར་རློབ་པ་ཡན་སོང་རྗེས ཡོ་ག་གོང་མའི་བསྐྱེད་རིམ་ནི ཨ རང་བཞིན་མི་གནས་མཉམ་པའི་ངང་ ལྷུན་གྲུབ་ཡེ་ཤེས་གཞལ་མེད་ཁང་ རིན་ཆེན་དུར་ཁྲོད་བརྟན་པར་གནས ཕྱི་ནང་གཉིས་མེད་བརྡལ་ཁྱབ་གསལ གྲུ་གསུམ་མཐིང་ནག་འབར་བའི་དབྱིངས ཟླ་གམ་དམར་པོ་དབང་གི་ཚུལ ལྷག་པའི་ཡེ་ཤེས་

(༦༩༣)འུྃ ཐོད་མཁར་བཞི ལྕགས་མཁར་བཅུ་གཉིས་བཅུ་དྲུག་འོབས རྡོ་རྗེའི་གདུང་འཁོར་གྲུ་ཆད་བཞི བར་ཁྱམས་དམར་པོ་སྒོ་ཁྱུད་ལྡན གྲུ་བཞི་སྒོ་ལ་རྟ་བབས་ལྡན རྩེ་མོ་གནམ་ལྕགས་འབར་བ་མཐོ ལྷ་བརྒྱད་ཀླུ་བརྒྱད་ཤིང་དང་རོ དྲ་བ་དྲ་ཕྱེད་ཆུན་འཕྱང་སྦྲུལ གླང་ཆེན་འབྲུག་དང་སེང་གེ་སྟག རུས་སྦལ་ཆུ་སྲིན་གནམ་ལྕགས་ཐོག ཞིང་དང་ཞིང་ཆུང་ཐོད་པར་ཁྱུང་ ཁ་ཁྱེར་ལྷ་མོས་མཛེས་པར་བྱེད མ་བསྐྱེད་དབྱིངས་ནས་ཡེ་ཤེས་གསལ དྲག་པོ་ཨེ་ཡི་ཕོ་བྲང་དུ ཀླུ་འབུམ་གཉན་ཁྲིས་བདག་སྟོང་ ཕྱོགས་སྐྱོང་མ་ཧེ་ཉི་ཟླའི་གདན དབུས་སུ་ཟིལ་གནོན་ལྷུན་གྲུབ་སྐུ མཐིང་ནག་དུག་ཆེན་ཧ་ལའི་མདོག དབུ་གསུམ་ཕྱག་དྲུག་ཞབས་བཞི་བགྲད གཡས་པ་ཀུ་མུ་ཏ་འདྲ་བས རོ་ཉེ་ཟ་དང་རྔམས་པར་གཟིགས གཡོན་པ་རཱ་ག་གཉན་ཁྲི་གསོལ དབུས་མཐིང་དགྲ་བགེགས་ས་བདག་ཟ རྡོ་རྗེ་འཁོར་ལོ་རལ་གྲི་གཡས བེ་ཅོན་གཏུན་ཤིང་སྡིགས་མཛུབ་འབར གླང་ཆེན་ཀོ་རློན་དུར་ཁྲོད་ཆས སྦྲུལ་དང་རིན་ཆེན་ཙིཏྟས་བརྒྱན དབུ་ལ་རིགས་ལྔ་ཁྲོ་བོའི་སྐུ

(༦༩༤)དྲེགས་པའི་སྙིང་དང་ནཱ་གའི་མགོའི དོ་ཤལ་ཁྲོ་བོའི་ཆས་ཀ་རྫོགས དེ་བཞིན་ཉིད་དབྱིངས་ཁྲོས་པའི་ཡུམ མཐིང་ནག་སྙིང་སྟོབ་གྲི་ཐོགས་འཁྱུད གཙོ་བོའི་ཐུགས་ཀར་ཡ་མའི་སྐུ ཞེ་སྡང་རྡོ་རྗེ་སྨུག་ནག་འཇིགས འཁོར་ལོ་ཙིཏྟ་ཕྱག་ན་བསྣམས ཡ་མའི་ཐུགས་ཀར་དྲེགས་པ་ཆེ ང་རྒྱལ་རྡོ་རྗེ་ལྗང་ནག་རྔམས རྡོ་རྗེ་སྙིང་ཕྲེང་ཕྱག་ན་བསྣམས དྲེགས་པའི་ཐུགས་ཀར་ཁྱམས་ཁང་སྟེ ཕྲག་དོག་རྡོ་རྗེ་འཇིགས་པའི་སྐུ རུས་སྦལ་འཛིང་བསྣོལ་ཐུར་དུ་བལྟ སྤྱི་གཙུག་འདབ་ཆགས་ཀུ་མུ་ཏ འདོད་ཆགས་རྡོ་རྗེ་ཟིལ་གནོན་སྐུ རོ་ཉ་འདྲེན་པའི་སྟོབས་དང་ལྡན ཕྲག་དོག་ཁྱུང་མོ་སྔོ་ནག་གཉིས ནུ་མར་སེང་གེ་དཔུང་པར་སྟག སྟ་ཟུར་སྦྲུལ་ནག་ཅེ་སྤྱང་རྔམས ཁྲོ་ཆུང་མང་པོས་སྐུ་ལ་གཏམས ཐོད་མཁར་གློ་འབུར་བཞི་བའི་ཤར ཆོས་རྒྱལ་མ་ཧེ་ནག་པོ་ཞོན སྲིད་གསུམ་སྲོག་ལ་རྒྱལ་ས་འཛིན ལྷོ་ཕྱོགས་ཡ་བ་ཏི་ནག་པོ ཆུ་གླང་ཞོན་ནས་ཁྲག་ལ་རྔམས ནུབ་ཏུ་ཨ་བ་ གྲུ་གསུམ་ཁ་བད་ཅན་ ནག་ གླང་མགོ་ནག དྲེལ་རྟ་ཞོན་ནས་རྒྱལ་བར་བྱེད བྱང་དུ་རལ་པ་ཚར་དགུ་སྨུག

(༦༩༥)འུྃ དོང་གྲུ་གསུམ། སྦྲུལ་ནག་ཞོན་ནས་སྐྱེ་འགྲོ་གསོད ཕྱ་སངས་ཏེལ་པ་འཆང་ཀ་དང་ གྭ་དམར་མ་ཙེ་གྲུ་ཆད་འཛིན གཤེད་ཆེན་བཅུ་གཉིས་ཚོགས་དང་བཅས དེའི་ཕྱིར་ལྕགས་མཁར་བཅུ་གཉིས་ནང་ ཟླ་གཤེད་བཅུ་གཉིས་འོབས་རྣམས་ལ ཞག་གཤེད་སོ་གཉིས་གཉིས་རེ་གནས གྲུ་ཆད་བཞི་དང་བར་ཁྱམས་ལ བདུད་དང་མོན་པ་ཀི་ཀང་ཚོགས རྒྱལ་བ་གཅིག་གི་ཡེ་ཤེས་ལ དུ་མང་འཕྲུལ་ནས་རྒྱུག་ཅིང་འཕྲོག དོན་དམ་གཉིས་མེད་གཅིག་ཏུ་རྫོགས ཤར་སྒོར་དཀར་ པོ་སྙིང་འབྱིན་དང་ ལྷོ་སྒོར་མགོན་ནག་ནུབ་སྒོར་བདུད བྱང ་སྒོར་གནོད་སྦྱིན་ཁྲབ་ཅན་རྣམས འཁོར་ལོ་ཐུན་ཁྲག་གཡས་གཡོན་བསྣམས བདུད་དང་མུ་སྟེགས་རྒྱལ་པོ་དང་ ཐེ་བྲང་གཉན་དང་གནོད་སྦྱིན་བཙན བཀྲག་མདངས་ཚེ་སྲོག་སྡུད་པ་དང་ མཛེ་འདྲེས་སྲིན་ཀླུ་སྲིན་གདོན གཅན་གཟན་གདུག་པ་ཁ་འཆིང་ཞིང་ད མོད་པའི་དུག་དང་རིགས་བཞིའི་དུག ཐམས་ཅད་འཇོམས་ཤིང་ཟིལ་གྱིས་གནོན རྩ་བཅད་ཁྲག་སྐེམས་སྲོག་ཟུངས་གཅོད མགོ་བཅད་ཚེ་སྲོག་རྟེན་འབྲེལ་འཆང་ མཁྲིས་པ་འབྱིན་ཅིང་ཤ་ཁྲག་རོལ བླ་དང་དྲོད་དང་རླན་

(༦༩༦)དབུགས་འབྲལ ཤེས་པ་དྭངས་སྙིགས་འབྱེད་པར་བྱེད འབྲས་བུ་ཆོས་སྐུ་ཟུག་རྔུ་མེད གྱེད་རྩོལ་གཡང་སའི་ཁོ་ཐག་ཆོད མ་བཅོས་དེ་ཉིད་གཉུག་མར་གནས འཁོར་བ་དོང་སྤྲུགས་ཀ་དག་ཀློང་ སྣང་སྟོང་གཉིས་མེད་ཡེ་ཤེས་སྐུ མི་ཟད་རྒྱན་གྱི་འཁོར་ལོར་རྫོགས དེ་ལ་དབང་བསྐུར་བ་ནི ཧཱུྃ རང་ལས་ཤར་བའི་དཔལ་ཆེན་ལྷ ལ་སོགས་དཔལ་ཆེན་གཞུང་ལྟར་ལ སྤྱན་འདྲེན་གྱི་ནི་མལ་དག་ཏུ ཧཱུྃ དབུས་ཕྱོགས་མཐིང་ནག་གྲུ་གསུམ་དཀྱིལ་འཁོར་ནས རལ་པ་ཁམ་ནག་གྱེན་དུ་འཁྱིལ་བའི་ལྷས ཤཱུ་ནྱ་ཏའི་ཚབ་ཏུ་ཨ་དརྴ་བཅུག་ལ་རིགས་བདག་རྣམ་སྣང་། སུམ་ཅུ་རྩྭ་གསུམ་ལྷ་ཡང་འདར་ཞིང་སྡངས སྤྱན་མིག་གདངས་དགུ་གྱེན་དུ་ལྡོག་པ་ཡིས ཕྱོགས་བཅུའི་ཁྲོ་བོ་ཀུན་ཀྱང་ཁ་སྦུབ་བསྲེགས སྨིན་མ་གློག་སྟོང་འོད་དུ་འབར་བ་ལས སྤྲུལ་པའི་ཕོ་ཉ་མང་པོས་སྲིད་གསུམ་འགེངས ཤངས་ནས་རླུང་འབྱུང་རྡོ་རྗེའི་འཚུབས་མ་ལྡང་ ས་གཞི་གཡོ་ཞིང་བར་སྣང་འཁྲུག་པར་བྱེད མཆེ་བ་ཟླ་ཚེས་དཀར་པོ་གཙིགས་པ་ཡིས དགྲ་བགེགས་སྲོག་རྩ་དམར་པོ་གཅོད་པར་མཛད ཞལ་ནས་ཁྲོ་བོའི་བརྡ་སྐད་བྱུང་བ་ཡིས

(༦༩༧)འུྃ ཁམས་གསུམ་སྲིད་གསུམ་འགུལ་ཞིང་ལྡེག་པར་བྱེད སྨ་ར་སེར་པོ་མེ་སྟག་འཕྲོ་བ་ཡིས སྟོང་ཁམས་འོད་ཀྱིས་འགེངས་ཤིང་དགྲ་བགེགས་བསྲེགས། ཕྱག་དྲུག་མཚོན་ཆ་གདུག་པ་མང་པོ་ནི གནོད་པའི་དགྲ་བགེགས་ཐམས་ཅད་ཐལ་བར་རློགས ཐུགས་དམ་བསྐུལ་ལོ་གནས་འདིར་གཤེགས་སུ་གསོལ ཨོཾ་ཡ་མཱནྟ་ཀ་ཡ་མ་རཱ་ཙཀྵ་ཡ་ནན ཛཧཱུྃ་བྃ་ཧོ གུ་ཧྱ ཨ་ཀྲ་མ་ཛ བཞུགས་གསོལ་ལ་སོགས་གཞུང་ལྟར་ལ བསྟོད་པའི་ཁྱད་པར་འདི་ལྟར་རོ ཧཱུྃ མི་གནས་མི་དམིགས་ཆོས་སྐུར་དག་པ་ལས འདུད་འདུལ་ཁྲོ་བོ་མཆོག་གི་སྐུར་སྤྲུལ་ཏེ ཐུགས་རྗེའི་གཟི་ལྡན་གདུག་པ་ཐབས་ཀྱིས་འདུལ ཁྲོ་རྒྱལ་གཤིན་རྗེའི་གཤེད་ལ་ཕྱག་འཚལ་བསྟོད གཏུམ་ཁྲོ་མི་བཟད་རྩུབ་པའི་སྒྲར་ལྡན་པས ཁྱོད་ཀྱི་མཚན་ཐོས་ཙམ་གྱིས་བགེགས་རྣམས་ཕུང་ འབར་བའི་སྐུ་མཐོང་གསུང་སྒྲ་ཐོས་པ་ཡིས དགྲ་བགེགས་རློག་བྱེད་ཁྱོད་ལ་ཕྱག་འཚལ་བསྟོད ལུས་ངག་ཡིག་གསུམ་དང་བས་ཕྱག་འཚལ་ཞིང་ དད་པ་རབ་ཀྱིས་འཕགས་མགོན་མི་གཏོང་བར འགྲོ་ལ་ཕན་ཕྱིར་ཁྲོ་རྒྱལ་ཁྱོད་

(༦༩༨)བསྒོམས་ན མི་མཐུན་ཚོགས་རྣམས་རྡུལ་དུ་བརླག་ཏུ་གསོལ དེ་ནས་འཛབ་ཀྱི་དགོངས་པ་ནི ཡ་མའི་ཐུགས་ཀར་ཉི་སྟེང་ཧཱུྃ སྐྱེ་བ་མེད་པའི་ཡེ་ཤེས་ཀྱི རྣམ་པའི་གཟུགས་བརྙན་ཡི་གེས་བསྐོར ངོ་བོ་ལྷ་ཡི་སྐུ་རུ་བཤད ཨེ་ཀ་ཡ་མ་ཏེ་དུན་སྙིང་ཁྲག་ར་མ་ཙ་ཡ་ཧཱུྃ་ཕཊ ཨེ་ནི་ཕྱག་རྒྱ་ཟིལ་གནོན་ཏེ ཀ་ནི་ཚེ་བདག་ནག་མོར་རྫོགས ཡ་ནི་ཡ་མ་རཱ་ཛ་སྟེ མ་ནི་རྡོ་རྗེ་ཁྲོས་མའོ ཧེ་ནི་བྱ་ཁྱུང་རྒྱལ་པོ་སྟེ དུན་ནི་ལས་ཀྱི་འཆི་བདག་གོ སྙིང་ནི་ཁྱུང་མོ་རྣམ་གཉིས་ཏེ ཁྲག་ནི་དྲེགས་པ་འཇོམས་བྱེད་དོ ར་ནི་ཞེ་སྡང་སྦྲུལ་ནག་སྟེ མ་ནི་བདུད་མོ་ཁྲག་རལ་ཅན ཙ་ནི་སྲོག་བདག་རུས་སྦལ་རྔམ ཡ་ནི་སྲོག་བདག་ལས་གཤིན་ཚོགས མི་འགྱུར་རྩ་བའི་སྙིང་པོར་བཤད ལྷ་ལ་གསལ་སྣང་ཐོན་པ་དང་ རྒྱལ་བ་མཆོད་ཅིང་ཐུགས་དམ་བསྐུལ དངོས་གྲུབ་སྡུད་པས་བདག་བྱིན་རློབ དེ་ལ་བསྙེན་པ་ཞེས་སུ་བྱ ཡང་འཕྲོས་བརྟན་གཡོ་ཐ་མལ་པའི སྣང་ཞེན་དག་པའི་སྣོད་དང་བཅུད ལྷ་དང་གཞལ་ཡས་ལ་སྦྱོར་བ ཉེ་བསྙེན་ནམ་ནི་སྒྲུབ་པ་སྟེ སྒྲུབ་ཆེན་དོ་ལིའི་བཟླས་པ་ལ བསླབ་པས་སྲོག་སྡོམས་གཟེར་བཞི་ཐོབ འདི་ནི་འཇམ་དཔལ་བཤེས་གཉེན་གྱིས

(༦༩༩)འུྃ ཨོ་རྒྱན་རང་བྱུང་མཆོད་རྟེན་ནས དབྱིངས་ཀྱི་ཌཱཀྐིའི་ཐུགས་མཛོད་བརྟོལ རྒྱུད་ལས་ལུང་དང་སྒྲུབ་ཐབས་སུ བསྡུས་འདི་པདྨའི་རིང་ལུགས་ཡིན རྗེས་ཀྱི་ལས་རིམ་གཞུང་བཞིན་བྱ ས་མ་ཡ རྒྱ་རྒྱ་རྒྱ

(༧༠༠)

(༧༠༡)འུྃ དཔལ་ཆེན་བཀའ་འདུས་རྒྱ་མཚོ་ལས རྟ་མགྲིན་ཁམས་གསུམ་རོལ་པ་བཞུགས

(༧༠༢)འུྃ བརྗོད་པའི་སྒྲ་རྣམས་པདྨ་གསུང་ བརྗོད་མེད་དོན་ལ་རབ་སྦྱོར་བ རྟ་མཆོག་རོལ་པའི་སྒོས་སྒྲུབ་ནི དཀྱིལ་འཁོར་གཞུང་བཞིན་བཅས་པའམ ཙན་དན་ཕུར་པ་རྟ་ཞལ་གྱིས མཚན་པར་ལེ་བརྒན་དར་གྱི་ངོས པདྨ་ཅན་གྱི་རྡུལ་དང་པོས ༈ རྟ་མཆོག་རོལ་པའི་རྒྱུད་ལས རྡོ་རྗེ་དབྱིངསགཽ་རཱིམ་བརྒྱད གོ་ལ་མ་དྲུག ལོང་བ་སོ་གཉིས ཁམ་རྒྱ་དྲུག ཡུམ་བཞི ཁྱི་བརྒྱད སྤྱང་བརྒྱད སོ་སོས་བསྐོར་བའི་སྒོས་སྒྲུབ་ཀྱང་བཤད་མོད འདི་ནི་རང་གཞུང་རྩ་བའི་དཀྱིལ་འཁོར་ཀུན་འདུས་ཀྱི་དགོངས་པའོ གནས་ལྔར་ཡི་གེ་འབྲུ་ལྔ་ལ རྩ་སྔགས་ཀྱིས་བསྐོར་ཐད་ཀར་བཅིངས བྷནྡྷ་རྟ་ཞལ་བྲིས་

(༧༠༣)འུྃ པའི་ནང་ རྒྱབ་ བརྟན་པའི་ཚུལ་བཅུག་དར་དམར་དྲིལ ལྡིང་གུར་ཕུབ་ལ་མཆོད་པས་བསྐོར དཔལ་ཆེན་འདུས་པའི་སྒྲུབ་གཞུང་གི བསྐྱེད་རིམ་བསྒྱུར་ཚུལ་འདི་ལྟའོ འོག་མིན་གསང་ཆེན་རོལ་པའི་ཕོ་བྲང་ཆེ རྩིབས་འཁོར་བཅུ་དྲུག་པད་འདབ་སོ་གཉིས་པའི ལྟེ་བར་ཟླ་གམ་དམར་པོ་སྒོ་གཅིག་དབུས པཾ་ལས་པདྨ་མཾ་ལས་ཉི་མའི་གདན རུ་དང་ན་ལས་ཀླུ་སྲིན་བསྣོལ་བའི་སྟེང་ ཧཱུྃ རང་བྱུང་རྒྱུ་ཡི་ཧེ་རུ་ཀ ཡེ་ཤེས་དབྱིངས་ནས་གདན་ལ་བབས མཉམ་སྦྱོར་བདེ་བ་ཆེན་པོའི་སྒྲས འཕགས་པ་མཆོད་ཅིང་གཞན་དོན་བྱས ཡོངས་གྱུར་

(༧༠༤)འབྲས་བུའི་ཧེ་རུ་ཀ དཔལ་ཆེན་རྟ་མཆོག་རོལ་པ་ནི སྐུ་མདོག་དུས་མཐའི་མེ་ལྟར་འབར དབུ་ལྔ་ཕྱག་ནི་བཅུ་དྲུག་ལ ཁྱུང་གཤོགས་གདེངས་ཤིང་ཞབས་བརྒྱད་བགྲད གཤོག་རྩེ་བྱ་ཁྱུང་ཉི་ཟླས་མཚན དུར་ཁྲོད་དཔལ་གྱི་ཆས་རྣམས་རྫོགས ཤར་ལྷོ་ནུབ་བྱང་གཟིགས་པའི་དབུས དྲི་ཟ་གཤིན་རྗེ་ཀླུ་དབང་དང་ གནོད་སྦྱིན་གདོན་ལ་མྱ་ངན་བསྐྱེད གཡས་སྔོ་གཡོན་སེར་ལྷག་མ་དམར སྟེང་ཞལ་རྔམས་པས་བདུད་བཞི་འདུལ ལྔ་ཀའང་རྟ་མགོ་ལྡང་ཞུར་འཚེར རིགས་ལྔའི་རྒྱལ་ལ་གདན་གསུམ་རྫོགས གཡས་པ་བརྒྱད་ཀྱི་དང་པོ་ནས རྡོ་རྗེ་ཁ་ཊྭཱཾ་དྲིལ་བུ་དང་ ལྕགས་ཀྱུ་སྦྲུལ་ཞགས་འཁོར་ལོའི་མཚན རལ་གྲི་རྡོ་རྗེ་ཕྲེང་བའོ གཡོན་བརྒྱད་ཐོད་ཁྲག་པདྨ་སྙིང་ དབྱུག་པ་རྒྱ་གྲམ་བེ་ཅོན་མེ ཏྲི་ཤུ་ལེ་དང་ཁྱུང་ཁྲ་འགྱེད ཞབས་བརྒྱད་ཀླུ་བརྒྱད་རྒྱལ་བསེན་བརྫིས ཡུམ་ཆེན་པདྨ་གཟི་ལྡན་སྔོ གཡས་པ་ཡིད་བཞིན་ནོར་འཛིན་འཁྱུད གཡོན་ན་རིན་ཆེན་ཟ་མ་ཏོག བརྡ་དང་བརྡ་ལེན་གྱིས་བསྐུལ་ནས སྦྱོར་བའི་རོལ་མོའི་དགྱེས་སྤྲིན་ལས ཆོས་སྐུ་འབྲས་བུར་སྨིན་པའི་ལྷ རྩིབས་འཁོར་བཅུ་དྲུག་ནང་ཁོངས་

(༧༠༥)འུྃ སུ མདུན་ནས་བརྩམས་ཏེ་གཡས་བསྐོར་དུ བྷྱོ་ལས་གོ་ལ་མ་དྲུག་ནི མཛེས་པའི་རྒྱན་ཅན་ཏི་རས་མཚན གཡས་ཞིང་དབྱུག །གཡོན་ཐོད་ཁྲག །མ་ལས་གསང་བའི་ཡུམ་ཆེན་ནི དྲ་བ་མོ་དང་གློག་འགྱུ་མ སྡེར་མོ་ཅན་དང་མཆེ་གཤོག་ཅན དཀར་སེར་དམར་ལྗང་གཡས་རང་རྟགས གཡོན་པ་དུང་དམར་བརྐྱང་བསྐུམས་ཚུལ ཕཊ་དྲུག་ལས་ནི་ཁམས་རྒྱ་མོ སྐུ་སྤྲུལ་དཀར་མོ་འཁོར་ལོ་དང་ གསུང་སྤྲུལ་དམར་མོ་པདྨ་འཛིན ཐུགས་སྤྲུལ་ནག་མོ་རྡོ་རྗེ་དང་ ཡོན་ཏན་སེར་མོ་དྲིལ་བུ་ལ ལས་ཀྱི་ལྗང་གུ་རལ་གྲི་འཛིན སྣ་ཚོགས་མདོག་ཅན་ཁ་ཊྭཱཾ་ག ཀུན་ཀྱང་གཡོན་པ་བྷནྡྷ་དམར པད་འདབ་རྣམས་ལ་ལི་ཛ་ལས མཁའ་འགྲོ་སུམ་ཅུ་རྩ་གཉིས་ཀྱི སྤྲུལ་པ་ལོང་བ་རྒྱབ་འབྲེལ་ནི སྒྲ་མེད་ཁོང་ནས་འབྲུག་སྟོང་ལྡིར སྙིང་མེད་དབྱིངས་ནས་ཡེ་ཤེས་གསལ། སྙན་མེད་ཆོས་ཉིད་རང་སྒྲ་སྒྲོག མིག་མེད་ཡེ་ཤེས་སྤྱན་གྱིས་གཟིགས སྣ་མེད་འཕགས་པའི་ཚུལ་ཁྲིམས་མྱོང་ ཁ་མེད་བདེ་བའི་རོ་མྱོང་ཅན ཐོད་སྐྱའི་མགོ་ལ་གྱད་ཀྱི་ལུས གཟའ་རྒོད་མིག་དམར་ཆར་དུ་འབེབས ཕྱོགས་བཞིར་

(༧༠༦)བརྒྱད་ཚན་རེ་རེ་ཡི ཞོན་པ་སྟག་དང་ཆུ་སྲིན་གླང་ ཁྱུང་ཆེན་བརྒྱད་བརྒྱད་ལ་ཆིབས་ཤིང་ ཤར་ནས་རིམ་བཞིན་གཡས་ཀྱི་ཕྱག ཤེལ་གསེར་བྱེ་རུ་གཡུའི་དཎྜ གཡོན་རྣམས་ཐོད་པ་ཁྲག་བཀང་ཐོགས གྲུ་ཆད་ཕྱི་ནང་གཉིས་པ་ལ ཀུ་ཛ་ལས་ནི་ཁྱི་བརྒྱད་དང་ སྤྱང་བརྒྱད་གཉིས་ཀའི་ཕྱོགས་བཞི་པོ དུང་དང་གསེར་དང་ཟངས་དང་གཡུ མཚམས་བཞིར་རང་རང་ཕྱེད་གཟུགས་མདོག མཆེ་བ་བཞི་གཙིགས་རྐན་སྒྲ་གཏོགས མཇུག་མ་སོགས་ལེ་བ་སྦུ་རྩང་ བྱེ་རུ་དམར་པོའི་ཨ་ལུང་དཔྱངས རྔམ་པའི་སྒྲ་སྒྲོག་ཀུན་ཏུ་རྒྱུག བར་ཁྱམས་བྷྱོ་ལས་ཕོ་ཉ་མོ སུམ་བརྒྱ་དྲུག་ཅུ་གློག་ལྟར་འཁྱུགས སྒོ་བཞིར་པདྨ་ཞིང་ཆུང་སྟེང་ ཧཱུྃ་ལས་ཤར་ནས་རིམ་བཞིན་དུ མགོ་དགུ་བདུན་ལྔ་སུམ་བརྩེགས་ལ རྐང་པ་གཅིག་པའི་ཁྲོ་བོ་ནི གཡས་རྣམས་འགུགས་འཆིང་སྡོམ་མྱོས་དང་ གཡོན་པ་ཐོ་ཆེན་འབར་བ་བསྣམས སྤྲུལ་པ་ཡང་སྤྲུལ་བསམ་མི་ཁྱབ མ་འདྲེས་ཡོངས་རྫོགས་ཆེན་པོར་གསལ ཧཱུྃ་རང་ལས་ཤར་བའི་དཔལ་ཆེན་ལྷ ཞེས་སོགས་དཔལ་ཆེན་གཞུང་ལྟར་ལ ཤཱུ་ནྱ་ཏ་དང་བྲཱ་ཏྱ་བེགྴ་བརྗེས་པའི་

(༧༠༧)འུྃ རིགས་བདག་སྣང་མཐའ སྤྱན་འདྲེན་གྱི་ནི་མལ་དག་ཏུ ཧཱུྃ ཐུགས་རྗེའི་ལྕགས་ཀྱུའི་ཐུགས་དམ་རྒྱུད་བསྐུལ་ཞིང་ བྱམས་པའི་ཞགས་པས་གནས་ནས་སྤྱན་འདྲེན་ནོ ལྕགས་སྒྲོག་བཀའ་ཡི་ཕོ་ཉས་གནས་བསྐྱོད་ལ བདེ་གཤེགས་བཞུགས་ཤིང་རྣམ་གྲོལ་དགྱེས་པ་བསྐྱེད བཛྲ་ས་མ་ཡ་ཛཛ ཏིཥ་ལྷན ཕྱག་འཚལ་ལ་སོགས་གཞུང་ལྟར་ལ མི་སྡུག་སྲིན་པོའི་བརྡ་བསྟོད་རྗེས བཻ་ཌཱུར་སྔོན་པོའི་རིན་ཆེན་རི་རབ་ལ ཉི་མ་སྟོང་གི་འོད་ཟེར་འབར་བ་ལྟར སེམས་དཔའ་སྔོན་པོ་འོད་ཀྱི་དཀྱིལ་འཁོར་ཅན དཔལ་དང་གཟི་བརྗིད་འབར་ལ་ཕྱག་འཚལ་བསྟོད འོད་ཕུང་སྟུག་པོ་སྤྲིན་ལྟར་འཐིབས་པ་ཡི འཇིགས་བྱེད་རྔམ་སྟབས་བརྐྱང་བསྐུམས་ཚུལ་དུ་བཞུགས ཟ་བྱེད་བསྐལ་པའི་མེ་ལྟར་འབར་བ་ཡིས གདུག་པ་ཞལ་དུ་འདྲེན་ལ་ཕྱག་འཚལ་བསྟོད མི་བཟད་མཆི་བས་བརྒྱན་པའི་ཞལ་གདངས་ཤིང་ ཁམས་གསུམ་ཟ་བར་བྱེད་པའི་རྐན་སྒྲ་ཅན ཉི་ཟླ་འབར་བའི་སྤྱན་གྱི་སྡང་མིག་གིས བགེགས་དཔུང་བསྲེག་པར་མཛད་ལ་ཕྱག་འཚལ་བསྟོད དེ་ནས་འཛབ་ཀྱི་དགོངས་པ་ནི ཐུགས་ཀར་རྒྱལ་བ་ཀུན་གྱི་

(༧༠༨)ཡུམ པདྨ་གཟི་ལྡན་ཞི་མ་ཁྲོ ཕྱག་མཚན་མེདདེ་འཛིན་འཛིན་འདྲའི སྙིང་ག་རིན་ཆེན་ཟུར་བརྒྱད་སྟེང་ ཉི་མའི་གདན་ལ་ཧྲཱིཡིག་མཐར ཨོཾ་ནི་པདྨ་ཧེ་རུ་ཀཧུ་ལུ་ཧུ་ལུ་ཡུམ་ཆེན་བཞི ཕཊ་ནི་ཁམ་རྒྱ་མ་དྲུག་གོ ཨེ་དང་ཨ་ནི་ལོང་བ་སྟེ ར་དང་ལི་ནི་དམུས་ལོང་ངོ་ ཧཱུྃ་ནི་ཁྲོ་བོ་མགོ་བརྩེགས་བཞི ཧྲཱིནི་ཟ་བྱེད་སྤྱང་ཀི་བརྒྱད ཛནི་ཁྱི་བརྒྱད་རྔམས་པའི་ཚོགས རྒྱུད་ཀྱི་ཁོང་སྙིང་ཕྱུང་བ་སྟེ རྗེས་ཀྱི་ལས་རིམ་གཞུང་ལྟར་བྱ ས་མ་ཡ རྒྱ་རྒྱ་རྒྱ

(༧༠༩)འུྃ དཔལ་ཆེན་བཀའ་འདུས་རྒྱ་མཚོ་ལས ཡང་དག་སངས་རྒྱས་མཉམ་སྦྱོར་བཞུགས

(༧༡༠)འུྃ སངས་རྒྱས་མཉམ་སྦྱོར་ལྷ་ལ་འདུད ཡིད་ནི་ཡེ་ཤེས་ལ་སྦྱོར་བ ཡང་དག་ཐུགས་ཀྱི་སྐོས་སྒྲུབ་ནི ཁྲག་འཐུང་གལ་པོའི་ཏནྟྲའོ དཀྱིལ་འཁོར་གཞུང་བཞིན་བཅས་པའམ བྷནྡྷ་དགུ་དང་མར་མེ་དགུ སྒྲུབ་པའི་རྟེན་དུ་ངེས་བྱས་ནས བསྐྱེད་རིམ་བསྒྱུར་ཚུལ་འདི་ལྟའོ འོག་མིན་གསང་ཆེན་རོལ་པའི་ཕོ་བྲང་ཆེ ལྟེ་བ་ཟླ་གམ་དམར་པོ་སྒོ་གཅིག་ནང་ གསེར་འཁོར་རྩིབས་བརྒྱད་ཐབས་ཤེས་ཟླ་གམ་སྟེང་ བཾ་ལས་པདྨ་ཨ་ལས་ཟླ་བ་དང་ མ་ལས་ཉི་སྟེང་དབང་ཕྱུག་ཁྱོ་ཤུག་བཀུག དེ་སྟེང་དབྱིངས་ནས་རྒྱུ་ཡི་ཧེ་རུ་བབས ཞུ་བ་གླུས་བསྐུལ་སྒྲ་ཡིས་འོད་

(༧༡༡)འུྃ དུ་ཞུ གོང་བུའི་བདག་ཉིད་ཡོངས་སུ་གྱུར་པ་ལས འབྲས་བུའི་ཡང་དག་སངས་རྒྱས་མཉམ་སྦྱོར་ནི སྐུ་མདོག་མཐིང་ནག་ཞལ་གསུམ་ཕྱག་དྲུག་པ གཡས་དཀར་བཞད་དང་གཡོན་དམར་གཤེ་བའི་ཞལ རྩ་ཞལ་རྔམ་བརྗིད་ཧཱུྃ་ཕཊ་གད་རྒྱངས་སྒྲོག ཐོད་སྐམ་དབུ་རྒྱན་ཁྲག་འཐུང་རིགས་ལྔས་མཚན སྤྱན་དགུ་སྡང་མིག་རྫི་སྨིན་ཨག་ཚོམ་འབར གཡས་གསུམ་གནམ་ལྕགས་རྡོ་རྗེ་ཁ་ཊྭཱཾ་དང་རུ་ཏྲའི་དཔྱི་ལས་གསང་བའི་རྔེའུ་ཆུང་ རྒྱུད་ལས་བཤད་པའི་རྔེའུ་ཆུང་འདི་བཞིན་ཡིན་ཏེ། བསྟན་པ་སྔ་དར་གྱི་ཚེ་བོན་ཤས་ཤོར་བས་བྲིས་འབུར་ཚོར་དེ་ལྟར་སྣང་

(༧༡༢)ཞིང་། དེས་གསར་མ་འགའ་ཞིག་སྔ་འགྱུར་ལ་བརྟག་དཔྱད་མེད་པའི་ལོག་རྟོག་དང་། རིང་ལུགས་དར་མ་ཐག་གི་ལོ་པཎ་གཉིས་སྐད་བརྡ་མ་འཕྲོད་པའི་ཚིག་དང་། ཡུལ་སྐད་དང་ཤན་མ་འབྱེད་པ་འགའ་རེ་སྣང་བ་ལ་བསྟིང་ཚིག་ཏུ་སྨྲ་ཡང་རྒྱུད་ཀྱི་རྡོ་རྗེའི་གནས་ཆེན་པོ་ལ་ངོ་མཚར་དུ་མཐོང་བའི་མིག་ལྡོངས་པའོ། །གཡོན་གསུམ་དུང་དམར་རྒྱུ་ཞགས་ཁྱུང་ཁྲ་འགྱེད ཞབས་བརྒྱད་གཡས་བསྐུམ་གཡོན་བརྐྱང་དོར་སྟབས་བགྲད རྡོ་རྗེའི་ཁྱུང་གཤོག་ལ་སོགས་དཔལ་ཆས་དང་ དུར་ཁྲོད་ཆས་རྫོགས་གར་དགུའི་རོལ་པས་བརྗིད ཀྲོ་ཏི་ཤྭ་རཱི་གཡས་པ་ཡབ་ལ་འཁྱུད གཡོན་པ་ཐོད་ཁྲག་ཁྲོ་མོའི་ཆས་ཀུན་རྫོགས ཧཱུྃལས་ཡབ་ཀྱི་རྡོ་རྗེ་ནོར་བུའི་དབྱིངས ཟླ་བར་ཨོཾ་མཚན་ཨ་ལས་ཡུམ་གྱི་མཁའ རྣམ་ཐར་གསུམ་ལྡན་ཟེའུ་འབྲུའི་ཉི་མར་མཱུཾ ས་མ་ཧོཡིས་ཡབ་ལ་བརྡ་སྦྱར་བས ས་མ་ཡ་སྟྭཾ་ལན་གྱིས་དགྱེས་པ་བསྐྱེད སླར་ཡང་རཱ་ག་ཧཾ་གིས་བརྡས་བསྐུལ་བས རཱ་ག་ཡ་མིས་རྗེས་སུ་གནང་བ་བྱིན ཕྱག་རྒྱ་བཞི་ལྡན་ཛཧཱུྃ་བཾ་ཧོའི་སྒྲས སྟོད་སྨད་སྐེད་སྐབས་དབང་པོའི་སྒོ་རྣམས་སྤྲད དགའ་བ་བཞི་ལྡན་བྱང་ཆུབ་སེམས་ཀྱི་སྤྲིན ཨོཾ་གྱིས་

(༧༡༣)འུྃ ཕབ་ནས་ཧཱུྃ་གིས་དྷཱུ་ཏིར་དྲངས ཕཊ་ཀྱིས་འཕངས་པས་ཡུམ་མཁར་རྡུལ་དང་འདྲེས བདེ་སྟོང་ངང་ལས་མ་ཏྲཾ་ཛསྤྲོས་པས རྩིབས་བརྒྱད་ཟླ་གམ་ཉི་གདན་རོ་ཡིས་མཚན ཤར་དུ་གཾ་ལས་གཽ་རཱི་སྔོན་མོ་ནི གཡས་པ་ཞིང་དབྱུག་གཡོན་པ་དུད་ཁྲག་འཛིན སྡུག་བསྔལ་བདེན་པ་འཁོར་བ་ལུགས་ལྡོག་སྦྱོར ལྟོ་རུ་ཙཾ་ལས་ཙཽ་རཱི་ཧ་སེར་མོ ཐབས་ཤེས་མཉམ་པར་སྦྱོར་བའི་མདའ་གཞུ་བཀང་ ཀུན་འབྱུང་རྒྱུ་འབྲས་ཆོས་ཀྱི་དབྱིངས་སུ་འབིགས ནུབ་ཏུ་པཾ་ལས་པྲ་མོ་ཧཱ་དམར་མོ རྣ་ལྟག་ཕག་ཞལ་རྡོ་རྗེ་དུང་ཁྲག་བསྣམས ཆགས་སྡང་རྣམ་གཉིས་ཡེ་ཤེས་དབྱིངས་སུ་སྦྱོར བྱང་དུ་པཾ་ལས་བཻ་དཱ་ལཱི་ནག་མོ ཕྱག་གཡས་རྡོ་རྗེ་གཡོན་པར་བ་དན་འཛིན གཟུང་འཛིན་རྣམ་རྟོག་ཕག་ལ་ཉལ་ཀུན་འཇོམས ཤར་ལྷོར་པུ་ལས་པུཀྐ་སཱི་དམར་སེར འཁོར་བ་མྱ་ངན་འདས་ལ་སྦྱོར་བའི་ཕྱིར ཕྱག་གཉིས་ཞིང་གི་རྒྱུ་མ་འདྲེན་ཅིང་གསོལ ལྷོ་ནུབ་གྷཾ་ལས་གྷསྨ་རཱི་སེར་ནག རྡོ་རྗེ་ཐོད་ཁྲག་དཀྲུགས་ཤིང་འཐུང་བ་ཡིས རྗེས་ཆགས་གདངས་ཀྱིས་ཆོས་སྐུ་ཞེ་ལ་གནོན ནུབ་བྱང་སྨཾ་ལས་སྨ་ཤ་ནི་

(༧༡༤)མཐིང་ནག བམ་ཆུང་རེངས་པའི་རྐང་པ་ནས་བཟུང་སྟེ དོན་སྙིང་ཟ་བས་རྟོག་མེད་དོན་ལ་སྦྱོར བྱང་ཤར་ཙཾ་ལས་ཙཎྜ་ལཱི་སེར་སྐྱ གཡས་པ་རྩེ་གསུམ་གཡོན་པ་བམ་ཆེན་འདྲལ སྐུ་གསུམ་མཚོན་ཆས་འཁོར་བའི་རྒྱུ་འབྲས་གཅོད ཀུན་ཀྱང་ཚོགས་བརྒྱད་ལ་སྡང་ཁྲོས་པའི་ཚུལ ཞལ་གདངས་མཆེ་གཙིགས་སྨིན་མ་སྨ་ར་དང་ དབུ་སྐྲ་དམར་སེར་ཕྱག་རྒྱ་ལྔ་ཡིས་བརྒྱན ཐོད་ཕྲེང་མི་ལྤགས་གཡང་གཞི་སྟག་ཤམ་དཀྲིས མེ་འབར་དབུས་ན་གཡོན་བརྐྱང་སྟབས་ཀྱིས་འགྱིང་ གཙོ་འཁོར་ཀུན་གྱི་དབང་པོའི་སྒོ་རྣམས་ལ ཁཾ་ཏྲཱཾ་ཧྲཱི་ཧ་ཧཱུྃ་ཧི་ཡོངས་གྱུར་ལས སྤྱན་ལ་རྣམ་སྣང་དཀར་པོ་འཁོར་ལོ་འཛིན རྣ་བར་རྡོ་རྗེ་ཉི་སེར་རིན་ཆེན་བསྣམས ཞལ་ལ་པདྨ་གར་དབང་དམར་རང་རྟགས ཤངས་ལ་རྟ་མཆོག་རོལ་པ་ལྗང་རལ་གྲི ཡིད་ལ་རྡོ་རྗེ་སེམས་དཀར་རྡོར་དྲིལ་འཛིན ལུས་ལ་ཁྲག་འཐུང་མཐིང་ནག་ཁ་ཊྭཱཾ་དྲིལ མ་འདྲེས་ཡོངས་རྫོགས་ཆེན་པོར་ལམ་གྱིས་གསལ དབང་བསྐུར་བ་ནི ཧཱུྃ་རང་ལས་ཤར་བའི་དཔལ་ཆེན་ལྷ ལ་སོགས་དཔལ་ཆེན་གཞུང་ལྟར་ལ སྔགས་རང་གནས་རིགས་བདག་མི་བསྐྱོད་པ།

(༧༡༥)འུྃ སྤྱན་འདྲེན་གྱི་ནི་མལ་དག་ཏུ ཧཱུྃ་དམིགས་མེད་མཁའ་ལྟར་དག་ཅིང་ཁྱབ་པའི་སྐུ སྤྱན་འདྲེན་གཤེགས་སུ་གསོལ་བར་མི་དམིགས་ཀྱང་ ཐུགས་རྗེའི་བདག་ཉིད་ཆོས་སྐུ་དག་པ་ལས ཡེ་ཤེས་སྒྱུ་མར་རོལ་བཞིན་གཤེགས་སུ་གསོལ ཧཱུྃ་ཐུགས་རྗེའི་ལྕགས་ཀྱུས་རྒྱུད་བསྐུལ་ཞིང་ བྱམས་པའི་ཞགས་པས་སྤྱན་ཡང་འདྲེན ལྕགས་སྒྲོག་བཀའ་ཡི་ཕོ་ཉས་བཏབ བདེ་གཤེགས་དྲིལ་བུས་དགྱེས་པ་བསྐྱེད རང་སྣང་དབྱེར་མེད་དཀྱིལ་འཁོར་ལ ཐུགས་རྗེའི་མགོན་གྱུར་མ་ལུས་རྣམས མི་ཕྱེད་དབྱིངས་ལ་འགོད་མཛད་པ བདག་ལ་དགྱེས་ཤིང་ཐིམ་པར་བཞུགས ཨོཾ་ཨེ་ཧྱ་ཧི་བྷ་ག་ཝཱན ཞེས་པད་རྒྱ་གཡོན་བསྐོར་དང་བཅས་སེ་གོལ་གཏོགས་པ་གསུམ་དང་ ཛཧཱུྃ་བྃ་ཧོ རུ་ལུ་རུ་ལུ་ཛཧཱུྃ་བཾ་ཧོ ཨེ་ཧྱེ་ཧི་ཏྲྀ་ཤ་ཧོ ས་མ་ཡ་ཧོ ས་མ་ཡ་སྟྭཾ ཨེ་ཨ་ར་ལི་ཧོ ཧྲི༚་ཧྲི༚་ཧྲི༚ཛ ཕྱག་འཚལ་ལ་སོགས་གཞུང་ལྟར་ལ མི་སྡུག་སྲིན་པོའི་ཤློ་ཀ་ཡི་རྗེས བདག་མེད་ཕྱོགས་བྲལ་དོན་དམ་ཐུགས་ཆུད་ཅིང་ བྱམས་དང་སྙིང་རྗེར་དགྲ་ཟུན་མི་མངའ་ཡང་ གདུག་པ་འདུལ་ཕྱིར་དུས་

(༧༡༦)ལས་མི་འདའ་བའི འཇིགས་བྱེད་ཧེ་རུ་ཀ་ལ་ཕྱག་འཚལ་བསྟོད མི་གནས་མི་དམིགས་ཆོས་སྐུར་དག་པ་ལས བདུད་འདུལ་ཁྲོ་བོ་མཆོག་གི་སྐུར་སྤྲུལ་པ ཐུགས་རྗེའི་གཟི་ལྡན་གདུག་པ་ཐབས་ཀྱིས་འདུལ སངས་རྒྱས་ཀུན་དང་མཉམ་པར་སྦྱོར་ལ་བསྟོད ཁྲོ་མོ་དབང་ཕྱུག་སྐུ་ལ་ཉེར་གནས་ཤིང་ ཐབས་དང་ཤེས་རབ་འབྲེལ་བའི་དཀྱིལ་འཁོར་འདིར མཁའ་འགྲོ་མི་བཟད་འབར་བའི་སྤྲིན་འཕྲོ་བ གདུག་པ་འདུལ་མཛད་ཡུམ་ལ་ཕྱག་འཚལ་བསྟོད ནམ་མཁའི་ལུས་ཅན་གར་ཡང་ཐོགས་པ་མེད འདོད་དགུར་བསྒྱུར་བའི་གཟུགས་ཅན་འཕྲུལ་མོ་ཆེ མ་སྲིང་བྱམས་པའི་ཚུལ་གྱིས་གྲོགས་མཛད་པ ཀཽ་རཱི་ལ་སོགས་བརྒྱད་ལ་ཕྱག་འཚལ་བསྟོད དེ་ནས་འཛབ་ཀྱི་དགོངས་པ་ནི ཧཱུྃ དཔལ་ཆེན་བཛྲ་ཧེ་རུ་ཀ དུང་ཁང་དཀར་པོའི་གཞལ་ཡས་ཁང་ མགྲིན་པར་པདྨའི་གསང་ཆེན་དང་ ཐུགས་ཀ་གསང་བའི་དཀྱིལ་འཁོར་དུ རང་སེམས་བྱང་ཆུབ་འབྲུ་བརྒྱད་ཉིད རུ་ལུ་གསེར་ཕྲེང་རིན་པོ་ཆེ གསེར་གྱི་བ་དག་འཛིངས་པ་དང་ མགལ་མེ་ཀླད་ལ་བསྐོར་བ་དང་ ལྕགས་ཀྱི་ཚྭ་

(༧༡༧)འུྃ ཚྭ་གཏམས་པ་ལྟར ཕར་འཕྲོས་པས་ནི་ཐུགས་དམ་བསྐུལ ཡེ་ཤེས་ལྷ་ལ་བསྙེན་པ་ཕུལ སླར་འདུས་ཐུགས་ཀྱི་དཔལ་ཝེར་ཐིམ གཽ་རཱི་ལ་སོགས་བརྒྱད་རྣམས་ལ དཔལ་བེ་རིན་ཆེན་ཟུར་བརྒྱད་སྟེང་ རུ་ལུ་འབྲུ་བརྒྱད་འཕྲོ་ཞིང་འདུ དངོས་གྲུབ་མཆོག་གི་གཏེར་དུ་བསམས ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ འདི་ནི་ཐུགས་ཀྱི་སྒྲུབ་པ་སྟེ དག་པ་ཐམས་ཅད་ཆོས་སྐུ་ལ སྦྱོར་བས་མཆོག་གི་དངོས་གྲུབ་མྱུར ཁྲག་འཐུང་གལ་པོའི་བཅུད་དུམ་ཡིན རྗེས་ཀྱི་ལས་རིམ་གཞུང་ལྟར་བྱ ས་མ་ཡ རྒྱ་རྒྱ་རྒྱ

(༧༡༨)

(༧༡༩)འུྃ དཔལ་ཆེན་བཀའ་འདུས་རྒྱ་མཚོ་ལས ཕུར་པ་བདུད་དཔུང་ཟིལ་གནོན་བཞུགས

(༧༢༠)འུྃ ཕྲིན་ལས་ཕུར་པའི་ལྷ་ལ་འདུད ཡིད་དང་ཆོས་ཀྱི་རྟོགས་ཚོགས་ཀུན བྱ་བ་ནན་ཏན་ཡེ་ཤེས་དབྱིངས སྦྱོར་བྱེད་བཛྲ་ཀུ་མཱ་ར རྡོ་རྗེ་ཁྲོས་པའི་སྒོས་སྒྲུབ་བསྟན ས་མ་ཡ དཀྱིལ་འཁོར་ཡོངས་རྫོགས་བདག་ཉིད་ཅན བསྙེན་ཕུར་དམ་ཚིག་ཆེན་པོའི་རྟེན བསྒྲུབ་དུས་དཀྱིལ་འཁོར་གཞུང་བཞིན་ལ ལྷ་གྲངས་མཉམ་པའི་ཕུར་པས་བརྒྱན རྒྱན་བཀོད་མཆོད་གཏོར་བཟང་དུ་བཤམ སྔོན་འགྲོ་དཔལ་ཆེན་གཞུང་ལྟར་ལ ཏིང་འཛིན་གསུམ་ལ་ཁྱད་ཆོས་ལྡན རྡོ་རྗེ་དེ་བཞིན་ཉིད་ཀྱི་དབྱིངས སྙིང་རྗེའི་འགལ་ཟླ་ལ་ཁྲོས་པས ཀུན་སྣང་བྱང་ཆུབ་སེམས་སུ་ཤར

(༧༢༡)འུྃ མཚོན་ཆེན་ཐུགས་ཀྱི་རྡོ་རྗེ་ནི ཡིག་འབྲུས་མཚན་པ་རྒྱུ་ཡིན་ནོ ཧཱུྃ རྡོ་རྗེ་ཁྲོས་པས་ཞེ་སྡང་གཅོད ཐུགས་ནི་ཡང་དག་རྡོ་རྗེ་ཉིད སྟོང་པ་ཉིད་ཀྱི་ཡེ་ཤེས་ཏེ རྣམ་པར་མི་རྟོག་རྟོག་ལས་འདས སྙིང་རྗེས་བསྒྲལ་བའི་དམ་ཚིག་ནི གསད་ཅིང་གནན་པ་མ་ཡིན་ཏེ ཕུང་པོ་རྡོ་རྗེས་གཏམས་བྱས་ནས རྣམ་པར་ཤེས་པ་རྡོ་རྗེར་སྒོམ མཚོན་ཆེན་སྔོན་པོ་འབར་བ་ནི ནམ་མཁའི་དཀྱིལ་ནས་ཐིགས་པ་ཤར སྲོག་གི་གོ་རུ་ཤར་བ་དང་ སྙིང་གི་གོ་རུ་བསྒོམ་པར་བྱ རྒྱུ་ལས་འབྱུང་བའི་ས་བོན་ཆད ཨེ་ཡཾ་ར་སུཾ་ཀེ༚་རཾ་བྷྲཱུྃ། ཨེ་

(༧༢༢)ལས་ནམ་མཁའ་ཡཾ་ལས་གཡོ་བྱེད་རླུང་ ར་ལས་རཀྟ་སུཾ་ལས་ཞིང་ཆེན་གཞི སོགས་གཞུང་ལྟར་ལ འོག་མིན་གསང་ཆེན་རོལ་པའི་ཕོ་བྲང་ཆེ རབ་འཇིགས་གནམ་ལྕགས་ཙཀྲ་རྩིབས་བཅུའི་དབུས བདེ་ཆེན་ཀུན་ཏུ་བཟང་མོའི་ཨེ་ཀློང་དབྱིངས རྣམ་ཐར་གསུམ་ལྡན་རྡོ་རྗེ་བཙུན་མོའི་མཁར མ་ཆགས་པདྨ་ཐབས་ཤེས་ཉི་ཟླའི་སྟེང་ རུ་ཏྲ་ཕོ་མོ་བདུད་བཞི་བྱི་ཆིངས་བསྣོལ པཾ་པདྨ་མཎྜལ མ་སཱུརྱ་མཎྜལ ཨ་ཙནྡྲ་མཎྜལ ཛཧཱུྃ་བཾ་ཧོཏི་ར་བཾ ཨོཾ་བཛྲ་སཏྭ་ཧཱུྃ རྡོ་རྗེ་ཧཱུྃ་ཡིག་ཡོངས་གྱུར་ལས རྡོ་རྗེ་སེམས་དཔའ་ཡབ་ཡུམ་ནི མཚན་དང་དཔེ་བྱད་ཡང་དག་རྫོགས ཀུནྡ་ལྟ་བུར་དཀར་བའི་མདོག རིགས་ལྔ་ཁྲག་འཐུང་ཡབ་ཡུམ་བཅུ འདུས་པ་རྡོ་རྗེ་གཞོན་ནུའི་སྐུ ཨོཾ་བཛྲ་ཀཱི་ལི་ཀཱི་ལ་ཡ་དིཔྟ་ཙཀྲ་ཧ་ན་ཧ་ན་རུ་ལུ་རུ་ལུ་ཧཱུྃ་བྷྱོ་ཧཱུྃ ཞེ་སྡང་ཁྲག་འཐུང་རྒྱལ་པོ་དང་ བདེ་བར་སྦྱོར་དང་སྒྲོལ་བའི་ཡུམ ཁྲོ་ཞིང་རྔམས་པའི་ཚུལ་བསྐྱེད་པས གདུག་པ་མ་ལུས་སྒྲོལ་བར་བྱེད ཨ་དང་ཧཱུྃ་གིས་རང་བཞིན་སྦྱར ཡུམ་གྱིས་ཡབ་ཀྱི་ལྕེ་གཞིབས་ནས ཡུམ་གྱིས་ཐུགས་ཀར་ཨུཏྤལ་

(༧༢༣)འུྃ གཏད ཞུ་བ་གླུས་བསྐུལ་གདུང་བའི་སྒྲས ཧཱུྃ་རྡོ་རྗེ་གཞོན་ནུའི་རིག་འཛིན་རྣམས སྲིད་པ་རྡོ་རྗེར་བསྒྲུབ་མཛོད་ཅིག སྲིད་པ་རྡོ་རྗེ་ཕུར་པའི་ལྷ ཡེ་ཤེས་ཁྲོ་བོ་གྲུབ་པར་མཛོད སྥ་ར་ཎ་ཕཊ་བརྗོད་པས རྒྱལ་བ་མཆོད་ཅིང་གཞན་དོན་བྱས སཾ་ཧ་ར་ཎ་ཧཱུྃ་བརྗོད་པས ཕྱོགས་བཅུའི་དེ་བཞིན་གཤེགས་པ་རྣམས ཡབ་ཡུམ་སྦྱོར་བའི་མཁའ་རུ་ཞུགས དགྱེས་ཆགས་ངང་ལ་འོད་དུ་ཞུ གོང་བུའི་བདག་ཉིད་ཧཱུྃ་དུ་གྱུར ཡོངས་གྱུར་འབྲས་བུའི་ཧེ་རུ་ཀ དཔལ་ཆེན་རྡོ་རྗེ་གཞོན་ནུ་ནི སྙིང་རྗེ་རྔམ་ཞིའི་ངང་ཉིད་ལས སྒེག་དཔའ་འཇིགས་སུ་རུང་བའི་སྐུ རྫུ་འཕྲུལ་ཞབས་བཞི་དོར་སྟབས་བགྲད རྣམ་པར་ཐར་པའི་དབུ་གསུམ་གྱིས སྐྲག་མཛད་བཞད་གཤེ་ཁྲོ་བོའི་ཞལ གཡས་དཀར་གཡོན་དམར་དབུས་མཐིང་ནག སྤྱན་དམར་སྨིན་མ་སྨ་ར་སེར ཁྲོ་གཉེར་ཆུ་ཡི་རླབས་བཞིན་འཁྲུགས ཕྱག་དྲུག་གཡས་ཀྱི་དང་པོ་ཡིས གསེར་གྱི་རྡོ་རྗེ་རྩེ་དགུ་དང་ བར་པ་རྡོ་རྗེ་རྩེ་ལྔ་བསྣམས གཡོན་གྱི་དང་པོ་མེ་དཔུང་དང་ བར་མ་ཁ་ཊྭཱཾ་རྩེ་གསུམ་འཛིན མཐའ་གཉིས་རི་རབ་ཕུར་པ་འདྲིལ མཐིང་ནག་

(༧༢༤)སྐུ་ལ་དུར་ཁྲོད་ཆས རིགས་ལྔ་ཐོད་པ་ལྔ་ཡིས་བརྒྱན འཁོར་ལོ་རྒྱས་འདེབས་བདེ་བའི་ཡུམ ཞལ་གཅིག་ཕྱག་གཉིས་ཐོད་སྦྲུལ་བརྒྱན དྲིལ་བུ་ཐོད་ཁྲག་འཛིན་པས་འཁྱུད ཨེ་ཀ་ཙ་ཏི་སྒྲོལ་བའི་ཡུམ གྲི་གུག་ཐོད་ཁྲག་ཁམས་གསུམ་སྒྲོལ རེས་འགའ་ཁ་ཊྭཱཾ་རྩེ་གསུམ་བསྣམས གཡེར་ཀ་དྲིལ་བུ་ཉིད་ལས་ཀྱང་ རྟོག་མེད་ཆོས་ཀྱི་སྒྲ་འབྱིན་ཅིང་ མ་མོ་དྲུག་ཅུ་ཕོ་ཉར་འགྱེད ཧཱུྃ་ལས་རྡོ་རྗེར་ཟླ་དཀྱིལ་ཨོཾ པཾ་ལས་པད་འདབ་ཉི་མར་མཱུཾ ས་མ་ཡ་ཧོ ས་མ་ཡ་སྟྭཱཾ རཱ་ག་ཡཱ་ཧོ རཱ་ག་ཡཱ་མི བརྡ་དང་བརྡ་ལན་གྱིས་བསྐུལ་ནས ཛཧཱུྃ་བཾ་ཧོའི་ཕྱག་རྒྱ་བཞིས སྟོང་པ་ཤིན་ཏུ་ཡོད་མེད་ལས ཆགས་པ་ལྕགས་ཀྱུ་རོལ་པ་ཞགས ཙུམྦྷ་སྒྲོག་ལ་སྒྲ་གྲགས་དྲིལ གཉིས་མེད་བྱང་ཆུབ་སེམས་ཀྱི་སྤྲིན དང་པོར་བབས་པ་ཡུམ་གྱི་མཁའ གཞལ་མེད་ཁང་བྱུང་གཉིས་པ་གདན གསུམ་པ་ས་བོན་ཉིད་དུ་རྫོགས ཧཱུྃ སངས་རྒྱས་ཀུན་གྱི་ཡེ་ཤེས་སྐུ ངང་ཉིད་རྡོ་རྗེ་ཆོས་དབྱིངས་ལས འབར་བའི་ཁྲོ་བོ་མི་བཟད་པའི སྐུ་ཡི་དབྱིག་ཏུ་སྲས་བསྐྱེད་ཅིག ཨོཾ་བུདྡྷ་བཛྲ་རཏྣ་པདྨ་ཀརྨཱ་ཀཱི་ལ་ཡ་སརྦ་བིག་ནན་བཾ་ཧཱུྃ་ཕཊ

(༧༢༥)འུྃ སྲས་མཆོག་ཀཱི་ལ་རིགས་ལྔ་ནི སྟོང་ཉིད་དབྱིངས་ལས་ལོངས་སྐུར་ཤར སྤྲུལ་པ་རྫས་ཀྱི་དཀྱིལ་འཁོར་དུ ཡུམ་གྱིས་བྷ་གར་ལྷུན་གྱིས་གྲུབ བཛྲ་ས་མཱ་ཛས་སྤྱན་དྲངས་ནས རིགས་ལྔ་སྟོང་དཔྱལ་བཅུའི་རང་བཞིན ཐབས་ཀྱི་ཐལ་མོའི་བར་དུ་བྱོན བདེ་བའི་རླབས་ཀྱིས་དབང་རྣམས་རྫོགས དབང་རྟགས་རིགས་ལྔས་དབུ་ལ་བརྒྱན སྟོད་ནི་གཙོ་བོ་ཡབ་འདྲ་ལ སྨད་ནི་ཆུ་སྲིན་ཕུར་བུ་དབལ ལྕགས་བསྲེགས་འབར་བ་མེ་སྟག་འཕྲོ རྒྱ་མདུད་ནང་ནས་སྔགས་སྒྲ་སྒྲོགས ཆུ་སྲིན་ཁ་ནས་མེ་ལྕེ་དང་ སྡིག་སྦྲུལ་སྦལ་ལྕོང་ཆོ་འཕྲུལ་འགྱེད སྟོང་གསུམ་གདུག་པའི་ཀླུ་རྣམས་འདུལ ཐུགས་ཀར་དཀྱིལ་འཁོར་ཡོངས་རྫོགས་དང་ དབུལ་རིགས་ལྔའི་ཁྲག་འཐུང་རྫོགས དགྲ་སྟྭ་གཡས་ལ་རང་རྟགས་གཡོན བར་པ་ཁ་ཊྭཱཾ་གཏུན་ཤིང་དང་ ཐ་མ་རི་རབ་ཕུར་བུ་འདྲིལ རྒྱུད་ལྔ་ཡེ་ཤེས་ལྔ་རུ་སྒྲོལ དུག་ལྔ་རྩད་ནས་གཅོད་པར་བྱེད སངས་རྒྱས་འདུས་པ་ཐམས་ཅད་ཀྱི སྐུ་གསུང་ཐུགས་སུ་བྱིན་གྱིས་རློབས ཨོཾ་བུདྡྷ་ཀཱི་ལི་ཀཱི་ལ་ཡ་ཀཱ་ཡ་བཛྲ་ནན ཛྭ་ལ་ཛྭ་ལ་པྲ་ཛྭ་ལ སྥུ་ཊ་

(༧༢༦)སྥུ་ཊ་སརྦ་ནས་ཕ་ན་ཡེ་ཧཱུྃ་ཕཊ ཨོཾ་པདྨ་ཀཱི་ལི་ཀཱི་ལ་ཡ་ཝཱཀྐ་བཛྲ་ནན སརྦ་དུཥྚཾ་ཧྲི་ཤྭ་དྷ་ཡ་ཧཱུྃ་ཕཊ ཨོཾ་བཛྲ་ཀཱི་ལི་ཀཱི་ལ་ཡ་ཙིཏྟ་བཛྲ་ནན ཚིནྡྷ་ཚིནྡྷ་ཧཱུྃ་ཕཊ ཅེས་བྱིན་གྱིས་བརླབས་ནས་བྱུག་བདུག་བྲབ་གསུམ་གྱིས་གཟི་བྱིན་བསྐྱེད་པ་ནི ཨོཾ་བཛྲ་ཀཱི་ལི་ཀཱི་ལ་ཡ་མ་ཧཱ་རཀྟ་ཛྭ་ལ་ནི་ཧཱུཾ་ཕཊ ལུས་ཀྱི་བཀྲག་དང་ལྡན་པ་དང་༔ བ་སྤུའི་བུ་ག་རྡོ་རྗེས་གཏམས མ་གུ་ཏ་ལ་པྲ་ཏ་ལ་ཧཱུྃ་ཕཊ བུདྡྷ་ཐམས་ཅད་འདུས་པའི་སྐུར ཁྲོ་བོ་དུ་མས་བྱིན་གྱིས་རློབས བཻ་ཏ་ལཱི་མཎྜལ་རཀྵ་རཀྵ་ཧཱུྃ་ཕཊ ལུས་ཀྱི་བ་སྤུའི་བུ་ག་ཀུན ཁྲོ་ཆུང་ཉིད་ཀྱིས་རབ་ཏུ་གཏམས ཁམས་གསུམ་གདུག་པ་བསྒྲལ་བའི་ཕྱིར གདུལ་བྱའི་གདན་ལ་བཞུགས་སུ་གསོལ ས་མ་ཡ་ཏིཥྛ ཞེས་ཕུར་པ་རྫས་ཀྱི་དཀྱིལ་འཁོར་དང་དབྱེར་མེད་དུ་བསམ་མོ དེ་ནས་ཕྱོགས་བཅུ་ཁྲོ་བོའི་དཀྱིལ་འཁོར་བསྐྱེད་པ་ནི གཙོ་བོ་ཡབ་ཡུམ་ཐུགས་ཀ་ནས ལྕགས་ཀྱུ་ལྟ་བུའི་འོད་ཟེར་གྱིས ཕྱོགས་སྐྱོང་བཀུག་ནས་སྟན་དུ་བཏིང་ སྦྱོར་བའི་ལམ་ནས་སྒོ་ང་བཅུ ཕྱུངས་ཏེ་སྔགས་ཀྱི་སྒྲ་གདངས་ལས ཁྲོ་བཅུ་ཁྲ་ཐབས་སོ་སོར་གྱུར ཨོཾ་བཛྲ་ཀྲོ་ཏ་ཧཱུྃ་ཀཱ་ར་ཧཱུྃ གརྫ་ཧཱུྃ་ཕཊ གརྫ་ཧཱུྃ་ཕཊ སྟེང་ཕྱོགས་

(༧༢༧)འུྃ ཉི་ཟླའི་གདན་སྟེང་དུ ཁྲོ་བོ་རྡོ་རྗེ་ཧཱུྃ་མཛད་ནི ཞལ་གཅིག་ཕྱག་གཉིས་མདའ་གཞུ་འགེངས ཡུམ་ཆེན་རྡོ་རྗེ་སྒྲ་འབྱིན་མ སྤྲུལ་པ་ཕག་དང་རྨིག་བུའི་མགོ ཨོཾ་བཛྲ་ཀྲོ་ཏ་བཱི་ཛ་ཡུ་ཧཱུྃ ཧ་ན་ཧཱུྃ་ཕཊ ཧ་ན་ཧཱུྃ་ཕཊ ཤར་ཕྱོགས་དྲི་ཟའི་གདན་སྟེང་དུ ཁྲོ་བོ་རྡོ་རྗེ་རྣམ་པར་རྒྱལ ཕྱག་ན་རྩེ་གསུམ་འཁོར་ལོ་བསྣམས ཡུམ་ཆེན་རྡོ་རྗེ་སྙེམས་མ་དང་ སྤྲུལ་པ་སྟག་དང་བྱ་རྒོད་མགོ ཨོཾ་བཛྲ་ཀྲོ་ཏ་ནཱི་ལ་དཎྜ་ཧཱུྃ ད་ཧ་ཧཱུྃ་ཕཊ ད་ཧ་ཧཱུྃ་ཕཊ ཤར་ལྷོ་མེ་ལྷའི་གདན་སྟེང་དུ ནི་ལ་དནྜ་དབྱུག་པ་མེ ཡུམ་ཆེན་རྡོ་རྗེ་སྡེར་མོ་དང་ སྤྲུལ་པ་གཡག་དང་བྱ་རོག་མགོ ཨོཾ་བཛྲ་ཀྲོ་ཏ་ཡ་མཱནྟ་ཀ་ཧཱུྃ པ་ཙ་ཧཱུྃ་ཕཊ པ་ཙ་ཧཱུྃ་ཕཊ ལྷོ་ཕྱོགས་གཤིན་རྗེའི་གདན་སྟེང་དུ ཁྲོ་བོ་རྡོ་རྗེ་གཤིན་རྗེའི་གཤེད ཕྱག་ན་ཐོད་དབྱུག་དགྲ་སྟྭ་བསྣམས ཡུམ་ཆེན་དུར་ཁྲོད་བདག་མོ་དང་ སྤྲུལ་པ་ཤ་བ་འུག་པའི་མགོ ཨོཾ་བཛྲ་ཀྲོ་ཏ་ཨཱརྱ་ཨ་ཙལ་ཧཱུྃ བྷནྡྷ་ཧཱུྃ་ཕཊ བྷནྡྷ་ཧཱུྃ་ཕཊ ལྷོ་ནུབ་སྲིན་པོའི་གདན་སྟེང་དུ ཁྲོ་བོ་མི་གཡོ་མགོན་པོ་ནི ཕྱག་ན་རལ་གྲི་ཞགས་པ་བསྣམས ཡུམ་ཆེན་རྡོ་རྗེ་གཏུན་ཁུང་མ སྤྲུལ་པ་གཟིག་དང་ཁྭ་

(༧༢༨)ཏའི་མགོ ཨོཾ་བཛྲ་ཀྲོ་ཏ་ཧྱ་གྷྲི་ཝ་ཧྲཱི ཧུ་ལ་ཧཱུྃ་ཕཊ ཧུ་ལུ་ཧཱུྃ་ཕཊ ནུབ་ཕྱོགས་ཀླུ་དབང་གདན་སྟེང་དུ ཁྲོ་བོ་ཆེན་པོ་རྟ་མགྲིན་རྒྱལ ཕྱག་ན་ཞགས་པ་སྤུ་གྲི་བསྣམས ཡུམ་ཆེན་རྡོ་རྗེ་གཏུམ་མོ་དང་ སྤྲུལ་པ་བྱི་ལ་པུ་ཤུད་མགོ ཨོཾ་བཛྲ་ཀྲོ་ཏ་ཨ་པ་ར་ཙིཏྟ་ཧཱུཾ ཏིཥྛ་ཧཱུྃ་ཕཊ ཏིཥྛ་ཧཱུྃ་ཕཊ ནུབ་བྱང་རླུང་ལྷའི་གདན་སྟེང་དུ ཁྲོ་བོ་ཆེན་པོ་གཞན་ལས་རྒྱལ ཕྱག་ན་མདའ་དང་རྔ་ཡབ་བསྣམས ཡུམ་ཆེན་རྡོ་རྗེ་མདའ་སྙེམས་མ སྤྲུལ་པ་སྤྱང་ཀི་ཁྲ་ཡི་མགོ ཨོཾ་བཛྲ་ཀྲོ་ཏ་ཨ་མྲྀ་ཏ་ཀུཎྜ་ལཱི་ཧཱུྃ ཚིནྡྷ་ཧཱུྃ་ཕཊ ཚིནྡྷ་ཧཱུྃ་ཕཊ བྱང་ཕྱོགས་གནོད་སྦྱིན་གདན་སྟེང་དུ ཁྲོ་བོ་རྡོ་རྗེ་བདུད་རྩི་འཁྱིལ ཕྱག་ན་དབྱུག་ཏོ་རྒྱ་གྲམ་བསྣམས ཡུམ་ཆེན་རྡོ་རྗེ་རླུང་འབྱིན་དང་ སྤྲུལ་པ་སེང་གེ་ཕ་ཝཾ་མགོ ཨོཾ་བཛྲ་ཀྲོ་ཏ་ཀྲཻ་ལོ་ཀྱ་བི་ཛ་ཡ་ཧཱུྃ བིནྡྷ་ཧཱུྃ་ཕཊ བིནྡྷ་ཧཱུྃ་ཕཊ བྱང་ཤར་འབྱུང་པོའི་གདན་སྟེང་དུ ཁྲོ་བོ་རྡོ་རྗེ་ཁམས་གསུམ་རྒྱལ ཕྱག་ན་ལྕགས་ཀྱུ་རིན་ཆེན་བསྣམས ཡུམ་ཆེན་རྡོ་རྗེ་གསོད་མ་དང་ སྤྲུལ་པ་དོམ་དང་སྲེ་མོང་མགོ ཨོཾ་བཛྲ་ཀྲོ་ཏ་མ་ཧཱ་བཱ་ལ་ཧཱུྃ སྥོ་ཊ་ཧཱུྃ་ཕཊ སྥོ་ཊ་ཧཱུྃ་ཕཊ

(༧༢༩)འུྃ འོག་ཕྱོགས་ས་བདག་གདན་སྟེང་དུ ཁྲོ་བོ་རྡོ་རྗེ་སྟོབས་པོ་ཆེ ཕྱག་ན་རྡོ་རྗེ་ཐོང་གཤོལ་བསྣམས ཡུམ་ཆེན་རྡོ་རྗེ་བསྐྱོད་མ་དང་ སྤྲུལ་པ་དྲེད་དང་བྱི་བའི་མགོ ཡུམ་རྣམས་གཡས་པ་དྲིལ་བུ་དང་ གཡོན་པ་དུང་ཆེན་སྟོབ་ཅིང་འཁྱུད ཀུན་ཀྱང་རྡོ་རྗེའི་གཤོག་པ་གདེངས དུར་ཁྲོད་ཆས་ཀྱིས་རབ་ཏུ་བརྗིད མཆེ་བ་ཅན་དང་གཤོག་པ་ཅན ཕྲ་མེན་མགོ་བརྙན་ཉི་ཤུ་ནི རྩིབས་མཆན་རྣམས་ལ་གཉིས་གཉིས་གནས སྦྲུལ་དང་ཐོད་པས་རབ་ཏུ་བརྒྱན ཕུར་པ་ལྕགས་ཀྱུ་ཕྱག་ན་བསྣམས སྐྲ་བརྫེས་སྤྱན་དམར་མཆེ་བ་གཙིགས ལྷ་ཚོགས་ཀུན་ཀྱང་སྐུ་མདོག་ནག དུས་མཐའི་འོད་ཟེར་འབར་བ་འཁྲུགས དེ་ནས་སྒོ་མ་བཞི་བསྐྱེད་པ་ནི ཨོཾ་བཛྲ་ཀཱི་ལི་ཀཱི་ལ་ཡ་བི་ད་ཡ་བིད་བིད་ཧཱུྃ་ཕཊ ཨོཾ་བཛྲ་ཀཱི་ལི་ཀཱི་ལ་ཡ་ན་མས་མནྟ་ཧྲི༚་ཧྲི༚་ཧཱུྃ་ཕཊ ཨོཾ་བཛྲ་ཀཱི་ལི་ཀཱི་ལ་ཡ་པྲ་སུ་རུ་པྲ་སུ་རུ་ཧཱུྃ་ཕཊ ཨོཾ་བཛྲ་ཀཱི་ལི་ཀཱི་ལ་ཡ་མཱ་ར་ཡ་མཱ་ར་ཡ་ཧཱུྃ་ཕཊ ཉི་ཟླ་ཡི་གེ་བཞི་ཉིད་ལས དྲོད་གཤེར་ལས་སྐྱེས་སྒོ་མ་བཞི ཤར་ཕྱོགས་དྲི་ཟའི་གདན་སྟེང་དུ སྐྱ་གའི་མགོ་ཅན་ལྕགས་ཀྱུ་མ ལྷོ་ཕྱོགས་གྲུལ་བུམ་གདན་སྟེང་དུ བུ་

(༧༣༠)ཤུད་མགོ་ཅན་ཞགས་པ་མ ནུབ་ཕྱོགས་ཆུ་བདག་གདན་སྟེང་དུ སྲིན་བྱའི་མགོ་ཅན་ལྕགས་སྒྲོག་མ བྱང་ཕྱོགས་གནོད་སྦྱིན་གདན་སྟེང་དུ ཁྲ་ཡི་མགོ་ཅན་དྲིལ་བུ་མ དཀར་སེར་དམར་ལྗང་ཐོད་སྦྲུལ་བརྒྱན ཕྱག་གཡོན་ཕུར་པ་བགེགས་ལ་གཟིར མེ་དཔུང་དབུས་ན་ཀུན་ཀྱང་རྔམས དྲག་པོའི་ཚུལ་གྱིས་ཞེ་སྡང་འཇོམས མུ་རན་ལ་ནི་ཕུར་སྲུང་སྟེ ཨེ་ཡཾ་མ་ཡ་བཞི་པོ་ལས ཤྭ་ན་མུ་ཁ་བཞི་པོ་གསལ ཛཡིག་བཞི་ལས་ས་བདག་བཞི བྷྱོ་ཡིག་བཞི་ལས་བདག་ཉིད་བཞི མཐུ་དང་རྫུ་འཕྲུལ་གློག་ལས་མྱུར བསྟན་པ་སྲུང་ཞིང་ཉམས་པ་བདུན ཞེ་ལ་བརྣག་པའི་སྟོབས་ཀྱིས་སྒྲོལ གནས་གསུམ་བྱིན་བརླབ་ནི སྙིང་ག་མགྲིན་པ་སྤྱི་བོ་རུ ཟླ་བའི་དཀྱིལ་འཁོར་བསམས་ནས་ནི རྡོ་རྗེ་པདྨ་འཁོར་ལོ་དག ཧཱུྃ་ཨཱཨོཾ་གྱིས་མཚན་པ་ལས ཐུགས་གསུང་སྐུ་ཡི་རྡོ་རྗེར་སྒོམ རྡོ་རྗེའི་ཕྱག་རྒྱ་གནས་གསུམ་དུ་བཞག་ལ ཨོཾ་སརྦ་ཏ་ཐཱ་ག་ཏ་མ་ཧཱ་ཙིཏྟ་བཛྲ་སྭ་བྷཱ་ཝ། ཨཱཏྨ་ཀོ྅ཧཾ དེ་བཞིན་དུ་ཝཱཀྐ་དང་ ཀཱ་ཡ་སྦྱར དབང་བསྐུར་བ་ནི། སྙིང་ཁར་བྷྲཱུྃ་ལས་རིན་པོ་ཆེའི་གཞལ་མེད་ཁང་སྒོ་གཅིག་པའི་ནང་དུ་ཡེ་ཤེས་སེམས་དཔའ་རྡོ་རྗེ་མི་བསྐྱོད་

(༧༣༡)འུྃ པ་ཚོན་གང་བ་གསལ་བའི་སྒོ་སྲུང་རྟ་མགྲིན་ཡབ་ཡུམ་དུ་གསལ་ལ ཡེ་ཤེས་སེམས་དཔའི་འོད་ཀྱིས་དབང་ལྷ་སྤྱན་དྲངས་པར་བསམས་ལ ཧཱུྃ་ཐབས་ཀྱི་སྤྱོད་པས་གཞན་དོན་དུ བྱམས་དང་སྙིང་རྗེས་གང་འདུལ་བ སངས་རྒྱས་ཕྲིན་ལས་རྫོགས་མཛད་པའི དབང་དང་བྱིན་རླབས་བདག་སྩོལ་ཅིག རིགས་ལྔའི་དབང་རྒྱ་གནས་སོ་སོར་བཞག་ལ ཨོཾ་མ་ཧཱ་ཤུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ དེ་བཞིན་དུ་ཤཱུ་ནྱ་ཏའི་མལ་དུ ཨ་དརྴ ས་མ་ཏ པྲ་ཏྱ་བེཀྵ་ན ཀྲྀ་ཏ་ཨ་ནུཥྛ་བཅུག དེ་ནས་ཁམས་གསུམ་གྱི་སྲོག་ལ་དབང་བསྐུར་བ་ནི ཧཱུྃ་ཧཱུྃ་ཧཱུྃ འགྲོ་དྲུག་ཉོན་མོངས་བཅིངས་པ་རྣམས ཧཱུྃ་གིས་དུག་ཆེན་རབ་སྦྱངས་ཏེ ཨ་ནིྲ་སུ་ཏྲི་པྲེ་དུར་གྱུར རཾ་ཡཾ་ཁཾ་ལས་མེ་རླུང་ཆུས འགྲོ་བ་རབ་སྦྱངས་ཧཱུྃ་དུ་གྱུར ཁམས་གསུམ་ཐམས་ཅད་རྡོ་རྗེ་སེམས ཏིལ་གྱི་གོང་བུ་ལྟ་བུས་གང་ རྟ་མགྲིན་རྒྱལ་པོ་ཡེ་ཤེས་ལ བསྟིམས་པས་བྱང་ཆུབ་སེམས་རྒྱས་གྱུར ཡབ་ཡུམ་གཉིས་མེད་སྦྱོར་བའི་སྒྲས ཡེ་ཤེས་ཁྲོ་བོ་སྤྱན་དྲང་ངོ་ དེ་ནས་སྤྱན་འདྲེན་པ་ནི ཧཱུྃ སྲིད་པ་ཕུར་བུ་སྒྲུབ་པ་དང་ དབང་དང་དངོས་གྲུབ་སྩོལ་བའི་ཕྱིར ཡེ་ཤེས་ཁྲོ་བོ་

(༧༣༢)གཤེགས་སུ་གསོལ ཁྲོ་བོ་ཆེན་པོ་གཤེགས་ནས་ཀྱང་ རྟགས་དང་མཚན་མ་སྟོན་པ་དང་ རྡོ་རྗེ་ཕུར་པའི་དངོས་གྲུབ་སྩོལ ཐུགས་རྗེའི་ལྕགས་ཀྱུས་རྒྱུད་བསྐུལ་ཞིང་ བྱམས་པའི་ཞགས་པས་སྤྱན་འདྲེན་ནོ ལྕགས་སྒྲོག་བཀའ་ཡི་ཕོ་ཉས་བཏབ བདེ་གཤེགས་དྲིལ་བུས་དགྱེས་པ་བསྐྱེད ཨེ་ཧྱ་ཧི་མ་ཧཱ་ཀཱ་རུ་ཎི་ཀ་དྲྀ་ཤྱ་ཧོ བཞུགས་གསོལ་ནི ཧཱུྃ ཐུགས་མཆོག་གསལ་བའི་བྱིན་རླབས་ལས ཞེ་སྡང་གནས་སུ་འཇོམས་པ་དང་ མེ་ལོང་ཡེ་ཤེས་ཐོབ་བྱའི་ཕྱིར དཀྱིལ་འཁོར་དབུས་སུ་བཞུགས་སུ་གསོལ དཀྱིལ་འཁོར་དབུས་སུ་བཞུགས་ནས་ཀྱང་ ཉོན་མོངས་མུན་པ་བསལ་དུ་གསོལ ས་མ་ཡ་ཏིཥྛ་ལྷན ཕྱག་འཚལ་བ་ནི ཧཱུྃ ཡང་དག་དོན་དུ་སྐུ་ནི་ཅིར་སྣང་ཡང་ བདུད་དང་སྲིན་པོའི་ང་རྒྱལ་མ་ཡིན་ཏེ འདུལ་བའི་དབང་གིས་རབ་རྔམས་མཆེ་བ་གཙིགས ཧཱུྃ་དང་ཕཊ་ཀྱི་སྒྲས་ནི་ཀུན་ཀྱང་བཀང་ ཉོན་མོངས་གདུག་པ་འདུལ་བའི་ཐུགས་རྗེ་ཡིས བྱིན་རླབས་སྟེར་བའི་ལྷ་ལ་ཕྱག་འཚལ་ལོ ཨ་ཏི་པཱུ་ཧོ པྲ་ཏཱིཙྪ་ཧོ མཆོད་པ་ནི་སྤྲོ་ན སྒེག་པ་འཇིགས་རུང་སྐུ་ཡི་གར ཞེས་གར་དགུའི་མཆོད་པ་ནས་སྦྱོར་སྒྲོལ་གྱི་མཆོད་པའི་བར་ཐམས་

(༧༣༣)འུྃ ཅད་རྫོགས་པར་བྱ་ཞིང་ བསྡུ་ན་དེའི་ཚབ་ཏུ ཧཱུྃ་བླ་མེད་མཆོག་གི་མཆོད་པ་དམ་པ་ནི ཡེ་ཤེས་ལྔ་ཡི་འོད་ཟེར་རྣམ་པར་འཕྲོ འདོད་པའི་ཡོན་ཏན་ལྔ་ཡིས་རབ་བརྒྱན་ཏེ དམ་ཚིག་བཞིན་ལས་ཅི་བདེར་བཞེས་སུ་གསོལ ཨོཾ་ཤྲཱི་བཛྲ་ཀུ་མཱ་ར་ས་པ་རི་ཝཱ་ར་ཨརྒྷཾ་ནས་ཤབྟའི་བར་དང་ སརྦ་པཉྩ་རཀྟ་བྷ་ལིངྟ་ཁཱ་ཧི རྒྱས་བསྡུས་ཇི་ལྟར་ཡང་ཕུར་པའི་སྒོས་ཆོས་རཀྟ་ཚར་གསུམ་ནི ཕུད་དང་རཀྟ་བསྲེས དང་པོ་ཕོ་ཉ་ལ་བཀའ་བསྒོས་ཏེ་མངོན་སྤྱོད་ཀྱི་ཚུལ་དུ་ཕུལ་ནས ཧཱུྃ་དངོས་གྲུབ་བར་གཅོད་བྱེད་པའི་བགེགས གདུག་ཅིང་སྡང་སེམས་ལྡན་པ་རྣམས ཟུང་ཞིག་རྒྱོབ་ཅིག་རྣམ་པར་ཆིངས རྟོགས་ཤིག་གྲོགས་དང་བྲལ་བར་གྱིས རིངས་པར་ཁུག་ལ་སྨར་ཆུག་ཅིག །ཕོབ་ཅིག་རྣམ་པར་གཟིར་བར་གྱིས ང་ཡི་དབང་དུ་གྱུར་ནས་ཀྱང་ བསྒོ་བའི་བཀའ་ནི་ཉན་བར་གྱིས མ་ཧཱ་རཀྟ་ཁཱ་ཧི གཉིས་པ་དམ་ཅན་ལ་ཐ་ཚིག་བསྒྲག་པའི་ཕྱིར་ཕུལ་ནས ཧཱུྃ བྲན་དང་བཀའ་ཉན་ཕོ་ཉའི་ཚོགས ཁྱོད་ཀྱི་དམ་ཚིག་དུས་ལ་བབ སྔོན་ཆད་ཇི་ལྟར་དམ་བཅས་པའི མངོན་སྤྱོད་ཕྲིན་ལས་མྱུར་དུ་མཛོད མ་ཧཱ་རཀྟ་ཁཱ་ཧི གསུམ་པ་གནོད་བྱེད་ཀྱི་མཐུ་དང་རྫུ་འཕྲུལ་འཕྲོག་ཕྱིར་ཕུལ་ནས

(༧༣༤)ཧཱུྃ དངོས་གྲུབ་བར་ཆད་བྱེད་པའི་བགེགས གདུག་ཅིང་སྡང་སེམས་ལྡན་པ་རྣམས ལྷའམ་འོན་ཏེ་བདུད་ཀྱང་རུང་ ང་ལ་བར་ཆད་བྱེད་པ་རྣམས མཐུ་དང་རྫུ་འཕྲུལ་མེད་པར་མཛོད མ་ཧཱ་རཀྟ་ཁཱ་ཧི བསྟོད་པ་ནི ཧཱུྃ་སྒེག་པ་དཔའ་བ་འཇིགས་སུ་རུང་བ་དང་ དགོད་དང་གཤེ་དང་འཇིགས་པར་སྟོན་པ་དང་ སྙིང་རྗེ་རྔམ་ཞི་རྡོ་རྗེ་གཞོན་ནུའི་སྐུ ཞེ་སྡང་འཇོམས་པའི་ལྷ་ལ་ཕྱག་འཚལ་བསྟོད ཡབ་ཀྱི་ཐུགས་དམ་དགྱེས་པ་སྐོང་བའི་ཡུམ འཁོར་ལོ་རྒྱས་འདེབས་འདོད་ཆགས་འཇོམས་མ་དང་ ཨེ་ཀ་ཙ་ཏི་ཞེ་སྡང་འཇོམས་མཛད་མ འདོད་ཆགས་ཚུལ་གྱིས་འདོད་ཆགས་འཇོམས་ལ་བསྟོད ཡེ་ཤེས་ལྔ་ལྡན་ཕུར་བུས་དུག་ལྔ་འཇོམས ཕྲིན་ལས་ལྔ་ཡི་དྲེགས་པ་སྒྲོལ་བ་ལ ཐོགས་པ་མེད་པའི་ལས་མཛད་འདུས་པ་ལྔ སྲས་མཆོག་རིགས་ལྔའི་སྐུ་ལ་ཕྱག་འཚལ་བསྟོད ཡེ་ཤེས་རོལ་པའི་སྟོབས་བཅུས་མི་དགེ་འཇོམས སྐུ་གསུང་ཐུགས་ཀྱིས་གདུག་པ་སྒྲོལ་བར་མཛད ཡང་དག་དོན་གྱིས་ལོག་འདྲེན་འཇོམས་མཛད་པ ཁྲོ་བོ་ཡབ་ཡུམ་བཅུ་ལ་ཕྱག་འཚལ་བསྟོད བྱང་ཆུབ་བདེ་ལ་རོལ་བའི་ཕོ་ཉ་མོ གདུལ་བྱའི་དོན་ལ་ཁྲ་

(༧༣༥)འུྃ ཐབས་གཟུགས་འཛིན་ཅིང་ དྲེགས་པའི་ཚོགས་རྣམས་མ་ལུས་འདུལ་མཛད་པ ཕྲ་མེན་ཕོ་ཉའི་ཚོགས་ལ་ཕྱག་འཚལ་བསྟོད འཛབ་དགོངས་ནི སྒྲུབ་པ་དང་སྒྲུབ་ཆེན་སོགས་ལ བྷྲཱུྃ་བི་ཤྭ་བི་ཤུདྡྷེ་ཕཊཛསའཛཔྲཁང་དབྱེ་ནས་བདག་མདུན་གྱི་རྣམ་པར་གསལ་བ་ཀུན་ལ་འགྲེ་ཞིང་བསྙེན་པ་ནི ཧཱུྃ་་ཐུགས་ཀ་དཔལ་གྱི་བེའུའི་དཀྱིལ་འཁོར་ནས སྒོ་གཅིག་རིན་ཆེན་གཞལ་ཡས་ཁང་ བདེ་སྟོང་དབྱེར་མེད་ངང་ཉིད་ལས ཆོས་ཀྱི་སྐུ་ལས་ལོངས་སྐུར་ཤར པདྨ་ཟླ་བའི་གདན་ལ་བཞུགས སྐྱོན་གྱིས་མ་གོས་གཏི་མུག་སེལ ཡབ་ཡུམ་གཉིས་མེད་ཟག་མེད་སྐུ སྐུ་མདོག་དཀར་གསལ་རྣམ་དག་དབྱིངས རྡོ་རྗེ་དྲིལ་བུ་ཕྱག་ན་བསྣམས ཤེས་རབ་བྱང་ཆུབ་སེམས་དང་ལྡན རྟོག་མེད་མི་འགྱུར་སྐྱིལ་ཀྲུང་བཞུགས མཁའ་དབྱིངས་བདེ་ཆེན་སྐུ་ལ་བསྟོད ཨོཾ་ནི་དཔལ་ཆེན་ཡབ་ཡིན་ཏེ བཛྲ་ཤེས་རབ་ཡུམ་ཡིན་ནོ ཀཱི་ནི་ཡེ་ཤེས་ཁྲོ་བོ་ལ ལི་ནི་དབྱིངས་ཀྱི་ཁྲོ་མོ་ཡུམ ཀཱི་ནི་ཐབས་ཀྱི་མཆེ་བ་ཅན ལ་ནི་ཤེས་རབ་གཤོག་པ་ཅན ཡ་ནི་སྲས་མཆོག་ཕུར་པ་སྟེ ཧཱུྃ་ནི་ཕྱག་བརྙན་སྒོ་མ་བཞི སརྦ་ཐམས་ཅད་འདུས་པ་སྟེ བིག་ནི་དགྲ་དང་བགེགས་

(༧༣༦)ཡིན་ཏེ ནན་ནི་དགྲ་དང་བགེགས་མནན་ནོ བཾ་ནི་དབང་དུ་སྡུད་པ་སྟེ ཧཱུྃ་ནི་རླག་པར་བྱེད་པའོ ཕཊཀྱིས་སྒྲོལ་བའི་ཕྲིན་ལས་མཛད ཅེས་སོ ས་ཡ་ཐ་མ་བྱེ་བ་འབྲིང་ སྨིན་པར་འདོད་ལ་གྲངས་ངེས་མེད འདི་ལ་ཡི་དམ་བྱེད་པ་རྣམས བར་ཆད་བདུད་ཀྱིས་མི་ཚུགས་ཤིང་ ཕྲིན་ལས་ཀུན་ལ་མངའ་བརྙེས་འགྱུར རྗེས་ལ་ཚོགས་ཀྱི་མཆོད་པ་སོགས ལས་གཞུང་བཞིན་དུ་ཤེས་པར་བྱ རྒྱུད་སྡེ་རྒྱ་མཚོའི་དོན་གྱི་དབྱིངས དགོངས་བརྡ་སྙན་རྒྱུད་ཤོག་སེར་ལ གཅུས་དཀྲུགས་གབ་པའི་གནད་གསལ་བ པདྨའི་རིང་ལུགས་དམ་པའོ ས་མ་ཡ རྒྱ་རྒྱ་རྒྱ

(༧༣༧)འུྃ བཀའ་འདུས་ཆོས་ཀྱི་རྒྱ་མཚོ་ལས དཔལ་ཆེན་ཕྱག་རྒྱ་རྒྱས་པ་བཞུགས

(༧༣༨)འུྃ བཀའ་འདུས་ཆོས་ཀྱི་རྒྱ་མཚོར་འདུད སྟོང་པ་ཤིན་ཏུ་ཡོད་མེད་ཀྱི རྣལ་འབྱོར་རྣམ་བཅས་ནམ་མཁའི་གཟུགས སྤྱི་དཔལ་ཆེན་པོ་དོན་དམ་གྱི ཕྱག་རྒྱ་རྒྱས་པ་ལྟར་སྒྲུབ་པ ཤིན་ཏུ་ཟབ་ཕྱིར་གུད་དུ་སྦས ས་མ་ཡ རྒྱ་རྒྱ་རྒྱ ༈ ཆེ་མཆོག་བཛྲ་ཐོད་ཕྲེང་རྩལ མཐིང་ནག་དབུ་དགུ་ཕྱག་བཅོ་བརྒྱད རྣམ་པར་ཐར་པའི་ཞབས་བརྒྱད་ཀྱིས རྒྱལ་འགོང་བདུད་བཞིའི་སྤྱི་ནས་བརྫིས དབུ་མའི་ཞལ་གསུམ་ཆོས་ཀྱི་སྐུ ཁྲོ་དང་རྔམ་དང་བརྗིད་པ་དང་ གཡས་ཞལ་གསུམ་ནི་ལོངས་སྤྱོད་རྫོགས དཀར་དམར་དགོད་གཤེ་ཆགས་པའི་ཉམས གཡོན་

(༧༣༩)འུྃ ཞལ་གསུམ་ནི་སྤྲུལ་པའི་སྐུ དམར་ནག་ཨམ་གཙིགས་འཇིགས་པར་སྟོན རང་རང་ཞལ་ལ་སྐུ་གསུམ་རྫོགས སྟོང་པ་བཅོ་བརྒྱད་རྫོགས་པའི་ཕྱག དང་པོ་གཉིས་ཀྱིས་རྡོ་རྗེ་དུང་ གཟུང་འཛིན་ཆགས་སྡང་དབྱིངས་སུ་སྦྱོར གཡས་པ་བརྒྱད་ན་མཐོང་ཐོས་སྣོམ མྱོང་བའི་དབང་པོ་དག་པ་ལས ཕྱི་སེམས་བྱམས་པ་སྒྲིབ་སེལ་དང་ ཀུན་ཏུ་བཟང་པོ་འཇམ་དཔལ་དབྱངས རང་རང་དབང་ཤེས་དག་པ་ལས ནང་སེམས་ས་སྙིང་རྡོ་རྗེ་འཛིན་ ནམ་མཁའི་སྙིང་པོ་སྤྱན་རས་གཟིགས གཡོན་པ་བརྒྱད་ན་དུས་བཞི་དང་ ཡུལ་བཞི་དག་པའི་བཙུན་མོ་བརྒྱད

(༧༤༠)བདུག་སྤོས་མེ་ཏོག་མར་མེ་དྲི སྒེག་མོ་གླུ་ཕྲེང་གར་མ་བསྣམས ཐུགས་ཀ་དཔལ་གྱི་བེའུའི་དབྱིངས ཡིད་ཆོས་གནས་དག་ཡེ་ཤེས་སེམས གདོད་མའི་མགོན་པོ་སྟང་དཔྱལ་སྦྱོར ཕུང་པོ་ལྔ་དང་འབྱུང་བ་ལྔ གནས་དག་རིགས་ལྔ་ཡབ་ཡུམ་བཅུ དབུ་རྒྱན་བྷནྡའི་ནང་ན་བཞུགས རྡོ་རྗེའི་བྱ་ཁྱུང་སྤྱི་བོར་ལྡིང་ དུར་ཁྲོད་དཔལ་གྱི་ཆས་རྣམས་རྫོགས གནམ་ཞལ་ཡུམ་མཆོག་ཀུན་བཟང་སྦྱོར ལ་སོགས་སྒྲུབ་ཐབས་གཞུང་བཞིན་སྦྱར སྤྲོས་ལ་དགའ་ན་སྒོས་བཀའ་ཡང་ ཕྱག་རྒྱ་རྒྱས་པ་ལྟར་དུ་བསྐྱེད བསྐལ་པའི་མེ་ལྟར་འབར་ཀློང་ནས རང་བྱུང་ཡེ་ཤེས་ཁྲོ་ཚོགས་ཤར ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ ཤར་དུ་དབང་ཕྱུག་ཁྱོ་ཤུག་བསྣོལ་བའི་སྟེང་ འབྲས་བུའི་ཡང་དག་སངས་རྒྱས་མཉམ་སྦྱོར་ནི སྐུ་མདོག་མཐིང་ནག་ཞལ་གསུམ་ཕྱག་དྲུག་པ གཡས་དཀར་བཞད་དང་གཡོན་དམར་གཤེ་བའི་ཞལ རྩ་ཞལ་རྔམ་བརྗིད་ཧཱུྃ་ཕཊ་གད་རྒྱངས་སྒྲོག ཐོད་སྐམ་དབུ་རྒྱན་ཁྲག་འཐུང་རིགས་ལྔས་བརྒྱན སྤྱན་དགུ་སྡང་མིག་རྫི་སྨིན་ཨ་ག་ཚོམ་འབར གཡས་གསུམ་གནམ་ལྕགས་རྡོ་རྗེ་ཁ་ཊྭཱཾ་དང་ རུ་ཏྲའི་དཔྱི་ལས་གསང་བའི་

(༧༤༡)འུྃ རྔེའུ་ཆུང་ གཡོན་གསུམ་དུང་དམར་རྒྱུ་ཞགས་ཁྱུང་ཁྲ་འགྱེད ཞབས་བརྒྱད་གཡས་བསྐུམ་གཡོན་བརྐྱངས་དོར་སྟབས་བགྲད རྡོ་རྗེའི་ཁྱུང་གཤོག་ལ་སོགས་དཔལ་ཆས་དང་ དུར་ཁྲོད་ཆས་རྫོགས་གར་དགུའི་རོལ་པས་བརྗིད ཀྲོ་ཏི་ཤྭ་རཱི་གཡས་པ་ཡབ་ལ་འཁྱུད གཡོན་པ་ཐོད་ཁྲག་ཁྲོ་མོའི་ཆོས་ཀུན་རྫོགས རྣམ་ཤེས་རྣམ་དག་གཽ་རཱི་བརྒྱད་ཀྱིས་བསྐོར ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་ཕཊ ལྷོ་ཕྱོགས་ཨེ་ཡི་ཕོ་བྲང་དུ ཀླུ་འབུམ་གཉན་ཁྲི་ས་བདག་སྟོང་ ཕྱོགས་སྐྱོང་མ་ཧེ་ཉི་ཟླའི་གདན དབུས་སུ་ཟིལ་གནོན་ལྷུན་གྲུབ་སྐུ མཐིང་ནག་དུག་ཆེན་ཧ་ལའི་མདོག དབུ་གསུམ་ཕྱག་དྲུག་ཞབས་བཞི་བགྲད གཡས་པ་ཀུ་མུ་ཏ་འདྲ་བས རོ་ཉེ་ཟ་དང་རྔམ་པར་གཟིགས གཡོན་པ་རཱ་ག་གཉན་ཁྲི་གསོལ དབུས་མཐིང་དགྲ་བགེགས་ས་བདག་ཟ རྡོ་རྗེ་འཁོར་ལོ་རལ་གྲི་གཡས བེ་ཅོན་གཏུན་ཤིང་སྡིགས་མཛུབ་འབར གླང་ཆེན་ཀོ་རློན་དུར་ཁྲོད་ཆས སྦྲུལ་དང་རིན་ཆེན་ཙིཏྟས་བརྒྱན དབུ་ལ་རིགས་ལྔ་ཁྲོ་བོའི་སྐུ དྲེགས་པའི་སྙིང་དང་ནཱ་གའི་མགོ དོ་ཤལ་ཁྲོ་བོའི་ཆས་ཀ་རྫོགས དེ་བཞིན་ཉིད་

(༧༤༢)དབྱིངས་ཁྲོས་པའི་ཡུམ མཐིང་ནག་སྙིང་སྟོབ་གྲི་ཐོགས་འཁྱུད གཙོ་བོའི་ཐུགས་ཀར་ཡ་མའི་སྐུ ཞེ་སྡང་རྡོ་རྗེ་སྨུག་ནག་འཇིགས འཁོར་ལོ་ཙིཏྟ་ཕྱག་ན་བསྣམས ཡ་མའི་ཐུགས་ཀར་དྲེགས་པ་ཆེ ང་རྒྱལ་རྡོ་རྗེ་ལྗང་ནག་རྔམས རྡོ་རྗེ་སྙིང་ཕྲེང་ཕྱག་ན་བསྣམས དྲེགས་པའི་ཐུགས་ཀར་ཁྱམས་ཁང་སྟེང་ ཕྲག་དོག་རྡོ་རྗེ་འཇིགས་པའི་སྐུ རུས་སྦལ་འཇིང་བསྣོལ་ཐུར་དུ་བལྟ སྤྱི་གཙུག་འདབ་ཆགས་ཀུ་མུ་ཏ འདོད་ཆགས་རྡོ་རྗེ་ཟིལ་གནོན་སྐུ རོ་ཉེ་འདྲེན་པའི་སྟོབས་དང་ལྡན ཕྲག་དོག་ཁྱུང་མོ་སྔོ་ནག་གཉིས ནུ་མར་སེང་གེ་དཔུང་བར་སྟག སྟྭ་ཟུར་སྦྲུལ་ནག་ཅེ་སྤྱང་རྔམས ཁྲོ་ཆུང་མང་པོས་སྐུ་ལ་གཏམས ལས་གཤིན་བཞི་དང་གྲུ་ཆད་བདག གཤེད་ཆེན་བཅུ་གཉིས་ཟླ་ཞག་གཤེད བདུད་དང་མོན་པ་ཀིང་ཀང་ཚོགས ཨོཾ་ཧུ་ལུ་ཧུ་ལུ་ཧཱུྃ་ཕཊ ཨེ་ཨ་ར་ལི་ཧཱུྃ་ཧྲཱིཛ ནུབ་ཏུ་ཀླུ་སྲིན་བསྣོལ་བའི་སྟེང་ དཔལ་ཆེན་རྟ་མཆོག་རོལ་པ་ནི སྐུ་མདོག་དུས་མཐའི་མེ་ལྟར་འབར དབུ་ལྔ་ཕྱག་ནི་བཅུ་དྲུག་ལ ཁྱུང་གཤོག་གདེངས་ཤིང་ཞབས་བརྒྱད་བགྲད གཤོག་རྩེ་བྱ་ཁྱུང་ཉི་ཟླས་མཚན དུར་ཁྲོད་དཔལ་གྱི་ཆས་རྣམས་རྫོགས

(༧༤༣)འུྃ ཤར་ལྷོ་ནུབ་བྱང་གཟིགས་པའི་དབུ དྲི་ཟ་གཤིན་རྗེ་ཀླུ་དབང་དང་ གནོད་སྦྱིན་གདོན་ལ་མྱ་ངན་བསྐྱེད གཡས་སྔོ་གཡོན་དམར་ལྷག་མ་དམར སྟེང་ཞལ་རྔམ་ལ་བདུད་བཞི་འདུལ ལྔ་ཀའང་རྟ་མགོ་ལྗང་ཞུར་མཚེར རིགས་ལྔའི་རྒྱལ་ལ་གདན་གསུམ་རྫོགས གཡས་པ་བརྒྱད་ཀྱི་དང་པོ་ནི རྡོ་རྗེ་ཁ་ཊྭཱཾ་དྲིལ་བུ་དང་ ལྕགས་ཀྱུ་སྤྲུལ་ཞགས་འཁོར་ལོའི་མཚོན རལ་གྲི་རྡོ་རྗེ་ཕྲེང་བའོ གཡོན་བརྒྱད་ཐོད་ཁྲག་པདྨ་སྙིང་ དབྱུག་པ་རྒྱ་གྲམ་བེ་ཅོན་མེ ཏྲི་ཤུ་ལ་དང་ཁྱུང་ཁྲ་འགྱེད ཞབས་བརྒྱད་ཀླུ་བརྒྱད་རྒྱལ་བསེན་བརྫིས ཡུམ་ཆེན་པདྨ་གཟི་ལྡན་མ གཡས་པ་ཡིད་བཞིན་ནོར་འཛིན་འཁྱུད གཡོན་པ་རིན་ཆེན་ཟ་མ་ཏོག གོ་ལ་མ་དྲུག་ཡུམ་ཆེན་བཞི ཁམ་རྒྱ་དམུས་ལོང་ཁྱི་སྤྱང་ཚོགས ཕོ་ཉ་སུམ་བརྒྱ་དྲུག་ཅུས་བསྐོར ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནན་བཾ་ཧཱུྃ་ཕཊ བྱང་དུ་རུ་ཏྲ་བདུད་བཞིའི་སྟེང་ དཔལ་ཆེན་རྡོ་རྗེ་གཞོན་ནུ་ནི སྙིང་རྗེ་རྔམ་ཞིའི་ངང་ཉིད་ལས སྒེག་དཔའ་འཇིགས་སུ་རུང་བའི་སྐུ རྫུ་འཕྲུལ་ཞབས་བཞི་དོར་སྟབས་བགྲད རྣམ་པར་ཐར་པའི་དབུ་གསུམ་གྱིས སྐྲག་མཛད་

(༧༤༤)བཞད་གཤེ་ཁྲོ་བོའི་ཞལ གཡས་དཀར་གཡོན་དམར་དབུས་མཐིང་ནག སྤྱན་དམར་སྨིན་མ་སྨ་ར་སེར ཁྲོ་གཉེར་ཆུ་ཡི་རླབས་བཞིན་འཁྲུགས ཕྱག་དྲུག་གཡས་ཀྱི་དང་པོ་ཡིས གསེར་གྱི་རྡོ་རྗེ་རྩེ་དགུ་དང་ བར་པ་རྡོ་རྗེ་རྩེ་ལྔ་བསྣམས གཡོན་གྱི་དང་པོ་མེ་དཔུང་དང་ བར་པ་ཁ་ཊྭཱཾ་རྩེ་གསུམ་འཛིན མཐའ་གཉིས་རི་རབ་ཕུར་པ་འདྲིལ མཐིང་ནག་སྐུ་ལ་དུར་ཁྲོད་ཆས རིགས་ལྔ་ཐོད་པ་ལྔ་ཡིས་བརྒྱན འཁོར་ལོ་རྒྱས་འདེབས་བདེ་བའི་ཡུམ ཞལ་གཅིག་ཕྱག་གཉིས་ཐོད་སྦྲུལ་བརྒྱན དྲིལ་བུ་ཐོད་ཁྲག་འཛིན་པས་འཁྱུད ཨེ་ཀ་ཙ་ཏི་སྒྲོལ་བའི་ཡུམ གྲི་གུག་ཐོད་ཁྲག་ཁམས་གསུམ་སྒྲོལ རེས་འགའ་ཁ་ཊྭཾ་རྩེ་གསུམ་བསྣམས གཡེར་ཀ་དྲིལ་བུ་ཉིད་ལས་ཀྱང་ རྟོག་མེད་ཆོས་ཀྱི་སྒྲ་འབྱིན་ཅིང་ མ་མོ་དྲུག་ཅུ་ཕོ་ཉར་འགྱེད སྲས་མཆོག་རིགས་ལྔ་ཁྲོ་བོ་བཅུ ཕྲ་ཕྱག་དམ་ཅན་ཚོགས་ཀྱིས་བསྐོར ཨོཾ་བཛྲ་ཙཎྜ་སརྦ་དུཥྚཾ་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ ཤར་ལྷོར་བླ་མེད་ཧེ་རུ་ཀ ལ་སོགས་རྩ་བའི་གཞུང་ལྟར་ལ གཙོ་བོའི་དོན་རྟགས་བསྟོད་པའི་མལ སྐུ་གསུམ་དབུ་ནི་སྟོབས་བཅུའི་དབྱིངས་ལ་རྫོགས མ་འདྲེས་བཅོ་བརྒྱད་ལྡན་པའི་ཕྱག་ཆ་ཡིས ཡུལ་དང་ཡུལ་ཅན་

(༧༤༥)འུྃ ལྷར་སྣང་ཕྱག་རྒྱ་ཆེ བདེ་སྟོང་སྒྱུ་འཕྲུལ་དྲྭ་བར་སྦྱོར་ལ་བསྟོད ཀུན་གཞི་ཡིད་ཆོས་ཕུང་ཁམས་སྐྱེ་མཆེད་ཚོགས སྐུ་གསུམ་ཡན་ལག་བདུན་ལྡན་རྣམ་བྱང་གི བཞིན་ལག་མཚན་དཔེར་ཤར་བའི་ཧེ་རུ་ཀ རྣམ་པ་ཀུན་གྱི་མཆོག་ལྡན་ཁྱོད་ལ་བསྟོད ཆོས་ཉིད་གཅིག་ལ་སོགས་འཁོར་གྱི་བསྟོད་པ་སྦྲེལ འདི་ནི་རྡོ་རྗེའི་ལམ་ཀུན་གྱི བཀའ་འདུས་ཆོས་ཀྱི་རྒྱ་མཚོ་སྟེ ཕུང་ཁམས་ཚོགས་བརྒྱད་གཞན་དབང་ཅན གདན་གསུམ་ཡོངས་གྲུབ་ཆེན་པོར་རྒྱ གང་ཞིག་ཀུན་བརྟགས་བསྐྱེད་རིམ་ལ ལྷར་སྣང་ཕྱག་རྒྱ་ཆེན་པོ་རུ འདོད་པ་སྔགས་ཀྱི་གཟུགས་བརྙན་དེས རྒྱུད་ལྔའི་བག་ཆགས་སྦྱོང་མི་ནུས དེ་ཕྱིར་འདི་ནི་ཤེས་རབ་དང་ མོས་གུས་ཅན་གྱི་ཆོས་སྐལ་ཏེ སྔགས་ཀྱི་བསྟན་པ་ཉམས་པའི་ཚེ ལས་འཕྲོ་ཅན་གྱི་དཔལ་དུ་ཤོག ས་མ་ཡ རྒྱ་རྒྱ་རྒྱ དྷ་ཐིམ

(༧༤༦)