རིག་འཛིན་རཏྣ་གླིང་པའི་གཏེར་ཁ་ཕུར་པ་ཡང་གསང་བླ་མེད་ཀྱི་བསྙེན་བསྒྲུབ་དམིགས་རིམ་ཟིན་བྲིས།
རིག་འཛིན་རཏྣ་གླིང་པའི་གཏེར་ཁ་ཕུར་པ་ཡང་གསང་བླ་མེད་ཀྱི་བསྙེན་བསྒྲུབ་དམིགས་རིམ་ཟིན་བྲིས་ལགས་སོ། །
དཔལ་ཆེན་རྡོ་རྗེ་གཞོན་ནུ་ལ་བཏུད་ནས། །དེ་ཡི་བསྒྲུབ་པའི་རིམ་པ་མདོར་བསྡུས་བྲི། །དབེན་ཞིང་ཉམས་དགའི་གནས་སུ་མཚམས་བཅད་ལ། །འབྲུ་ཡི་ཚོམ་བུ་གཅིག་མཐར་བཅུ་ཡི་བསྐོར། །དབུས་སུ་སེང་ཕུར་མཐའ་མར་མཆོད་གཏོར་རིགས། །ཇི་ལྟར་འབྱོར་བཤམས་སྐྱབས་སེམས་སྔོན་བཏང་ལ། །སྟོང་ཉིད་ངང་ལས་རང་རིག་ཡི་གེ་ཧཱུྃ། །མཐིང་ནག་གཅིག་གི་རོལ་རྩལ་ཆོ་འཕྲུལ་ལས། །དུར་ཁྲོད་འཇིགས་པའི་གཞལ་ཡས་བསྲུང་གུར་བཅས། །དེ་དབུས་བདུད་བཞི་པད་ཉིར་ཧཱུྃ་དེ་བབས། །འོད་འཕྲོས་རྒྱལ་བ་
མཆོད་ཅིང་གདོན་ཚར་བཅད། །ཚུར་འདུས་ཡོངས་གྱུར་བདག་ཉིད་དཔལ་ཆེན་སྐུ། །མཐིང་ནག་གཡས་དཀར་གཡོན་དམར་ཕྱག་དྲུག་གི། །གཡས་གཉིས་རྡོ་རྗེ་རྩེ་དགུ་རྩེ་ལྔ་དང་། །གཡོན་གཉིས་མེ་དཔུང་ཆེ་དང་ཁ་ཊཾ་ག །འོག་མ་གཡས་གཡོན་ཐལ་སྦྱར་ཕུར་ བུ་དྲིལ 
། །ཞབས་བཞི་བརྐྱང་བསྐུམ་དུར་ཁྲོད་ཆས་ཀྱིས་བརྗིད། །ཡུམ་ཆེན་སྔོ་སྐྱ་ཨུཏྤལ་ཐོད་ཁྲག་བསྣམས། །གཉིས་མེད་འཁྲིལ་སྦྱོར་གར་དགུའི་ཉམས་ལྡན་པའི། །དཔྲལ་བར་ཧཱུྃ་ཀར་དཔུང་གཡས་རྣམ་པར་རྒྱལ། །དཔུང་གཡོན་དབྱུག་སྔོན་མགྲིན་
པར་རྟ་མཆོག་དཔལ། །ཐུགས་ཀར་གཤིན་རྗེའི་ལྟེ་གོང་བདུད་རྩི་འཁྱིལ། །ལྟེ་བར་མི་གཡོ་བརླ་གཡས་འདོད་པའི་རྒྱལ། །བརླ་གཡོན་ཁམས་གསུམ་གསང་བར་སྟོབས་པོ་ཆེ། །ཀུན་ཀྱང་མཐིང་ནག་གཡས་གཡོན་དཀར་དམར་ཞལ། །ཕྱག་དྲུག་འོག་གཉིས་ཕུར་འདྲིལ་གོང་མ་བཞི། །མཚོན་ཆ་སྣ་ཚོགས་འཛིན་ཅིང་ཡུམ་རྣམས་ཀྱང་། །མཐིང་སྐྲ་
དྲིལ་བུ ་ཐོད་ཁྲག་འཛིན་པར་བསྐྱེད། །ཀུན་གྱི་གནས་གསུམ་འབྲུ་གསུམ་འོད་འཕྲོས་པས། །སངས་རྒྱས་བྱང་སེམས་ཡེ་ཤེས་སེམས་དཔའི་ཚོགས། །སྤྱན་དྲངས་དབྱེར་མེད་ཐིམ་ཞིང་སླར་འོད་འཕྲོས། །རིགས་ལྔས་དབང་བསྐུར་དངོས་གྲུབ་སྩོལ་མཛད་པའི། །རིགས་ལྔའི་ལྷ་ཚོགས་ཀུན་གྱིས་དབུ་བརྒྱན་བསམ། །བདག་གི་ཐུགས་དཀར་ཉི་སྟོང་རྡོ་རྗེ་ནི། །ཚོན་གང་ལྟེ་བར་ཧཱུྃ་མཐིང་མཐའ་བསྐོར་དུ། །ཨོཾ་བཛྲ་ཀི་ལི་ཀཱི་ལ་ཡ་སརྦ་བིགྷ་ནན་་བྃ་ཧཱུྃ་ཕཊཿ བཻཌཱུར་ཕྲེང་བ་ལྟ་བུ་འཁོར་དམིགས་བཟླ། །མདུན་གྱི་དཀྱིལ་འཁོར་སེང་ཕུར་བཅས་
པ་ལའང་། །བདག་བསྐྱེད་ཇི་ལྟ་བ་བཞིན་བསྒོམ་བྱ་ཞིང་། །བདག་ཉིད་ཐུགས་ལས་འོད་འཕྲོས་མདུན་བསྐྱོད་ཀྱི། །ཐུགས་ཀའི་སྔགས་ལ་ཕོག་པས་དེ་ལས་འོད། །དཔག་མེད་འཕྲོས་ནས་རྒྱལ་ཀུན་མཐུ་ནུས་རྣམས། །འབྲུ་འབུམ་ཚུལ་དུ་ཚུར་བསྡུས་བདག་ལ་ཐིམ། །མཆོག་མཐུན་དངོས་གྲུབ་ཐོབ་དམིགས་འབྲུ་འབུམ་བཟླས། །ཕྱག་མཚན་རྙེད་དང་འཕུར་དང་གདོན་ཐུལ་རྟགས། །སྣ་ཚོགས་འཆར་འགྱུར་ཞེན་འཛིན་མེད་པ་གནད། །བསྙེན་ཐེམ་བསྒྲུབ་པའི་དམིགས་པ་འདི་ལྟར་བྱ། །བདག་མདུན་དམིགས་རིམ་གཞན་ཀུན་གོང་བཞིན་ལས། །བདག་གི་ཐུགས་ཀའི་སྔགས་ཕྲེང་ཞལ་ནས་འཐོན། །མདུན་བསྐྱེད་ཞལ་ཞུགས་སྐུ་ཡི་དབྱིབས་རྒྱུད་ནས། །ལྟེ་བ་ནས་འཐོན་བདག་སྐྱེད་ལྟེ་བར་ཞུགས། །དབྱིབས་བརྒྱུད་སླར་ཡང་ཞལ་ནས་གོང་བཞིན་བརྒྱུད། །དེ་ལྟར་འགལ་མེད་ལྟར་བསྐོར་དེ་ལས་འོད། །ཕྱིར་
འཕྲོས་གདུག་པ་ཚར་བཅད་ཕྲིན་ལས་བཞི། །ཐོག་མེད་འགྲུབ་བསམ་དེ་ཡིས་སྔགས་འདི་བཟླ། །ཨོཾ་བཛྲ་ཀི་ལི་ཀི་ལ་ཡ། །ཛཿཧཱུྃ་བྃ་ཧོ། ཀ་ཏེ་ཀ་ཏེ། ཛ་ཡེ་བི་ཛ་ཡེ། ཨ་ལས་ཛ་དག་པར་བཤད། ཨ་ཙི་ཏེ་ཨ་པ་ར་ཙི་ཏེ། མཱ་ར་ཡེ་ན་པྲ་མརྟ་ན་ཡེ། སརྦ་བིགྷ་ན་བྃ་ཧཱུྃ་ཕཊ། །འབུམ་མམ་ལྔ་ཁྲིའམ་གསུམ་ཁྲི་བཟླས་ན་འགྲུབ། །དེ་ནས་ལས་སྦྱོར་དམིགས་པ་འདི་ལྟ་སྟེ། །བདག་ཉིད་ཡབ་ཀྱི་ཞལ་ནས་སྔགས་ཕྲེང་ཐོན། །ཡུམ་གྱི་ཞལ་ཞུགས་གསང་བའི་པདྨོ་ནས། བདག་གི་གསང་རྡོར་སྦུབ་བརྒྱུད་སླར་ཞལ་འཐོན། །དེ་ལྟར་འཁོར་དམིགས་འོད་འཕྲོས་གོང་ལྟར་ལས། །ཕྲིན་ལས་ཇི་ལྟར་འདོད་པ་འགྲུབ་དམིགས་ཤིང་། །ཁྲི་ཚོ་གཅིག་གིས་ངེས་པར་འགྲུབ་པར་གསུངས། །དེ་ལྟར་བསྙེན་བསྒྲུབ་ལས་སྦྱོར་ཐམས་ཅད་ཀྱི། །ཐུན་འཇོག་དུས་སུ་བདག་མདུན་ལྷ་ཚོགས་ཀུན། །བདག་ཐུགས་ཧཱུྃ་ལ་བསྡུ་ཞིང་དེ་ཉིད་ཀྱང་། །དམིགས་མེད་རྒྱས་གདབ་སླར་ཡང་ ཨ་ལས་ཛ་དག་པར་བཤད།
རྒྱུད་ལྡན་གྱི། །སྤྱོད་ལམ་ཀུན་དུ་ལྷ་ཡི་ང་རྒྱལ་བྱ། །དགེ་ཀུན་འགྲོ་ལ་བསྔོ་ཞིང་སེམས་སྐྱེད་བསྒོམ། །སྒྲུབ་ཕུར་ལུས་ལ་འབྲལ་མེད་བཅང་བར་བྱ། །དེ་ལྟར་འདི་ནི་གསང་བསྒྲུབ་སོར་གཞག་ཉིད། །གོ་བདེར་བཀོད་པའི་དགེ་བས་འགྲོ་ཀུན་ཤོག །ཅེས་པ་འདི། ཆོས་ཉིད་ལ་མོས་པའི་རྣལ་འབྱོར་ཤཱི་ལ་བྷ་དྲས་ནན་གྱིས་བསྐུལ་ངོར་བཀོད་པའོ། །མངྒ་ལམ། །གཅིག་ཞུད། །